ـ رُبّما هُنا أَنا أو قَليّلي.
ـ القناة هيَّ مُتنفس لِـ صَدري المُكتَظّ بالأحاديث.
ـ كُلّ ما يُكتب هُنا هوَّ نِتاجِي الخاص لذٰلك لا أحلّل النسخ وحذف اسمي.
"غير مَبري الذمّة كُلّ مَن عَلِمَ بِهذا وقَامَ بِهِ".
.♥️.
Follow @po_Oint1 to stay updated with the latest اروتیک (Erotic) trends and news
إذا في حال ما سمعت أحد يگلك شگد أنت بطل وسباعي،
وأنت مكمّل سعي بهالطريق رغم كلّ الّي بيه وتعرّضتله،
فَ إحنا كلّنا فخورين بيك وباللي تقدّمه وقدّمته،
وإذا إحنا الّي منك وبيك هيچ فخورين ونقدّر سعيك،
فَ ما بالك بـ ربّ العالمين الّي ما تضيع عنده الودائع ولا تنبخس يمّه الحقوق،
ولا يسهو عن مثقال ذرّة،
وأنت تجاهد وتسعىٰ بهالفترة لا تنسىٰ هالشي،
حتّىٰ لو نفسك خانتك،
وأكو الّي يراهن علىٰ فشلك،
والّي ينتظر وگعتك،
تذكّر إنو الله موجود
والله وياك
والله أكبر من كلّ هذا،
ومثل ما نقذك بالسنوات الفاتت،
راح ينقذك بهالسنة هم وما يتركك تصارع وحدك،
توكّل علىٰ الله وسلّم أمرك إله.
4,850
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
مثل كلّ مرّة
بكلّ صغيرة وچبيرة،
بكلّ سهل ومُعقّد،
بكلّ يُسر وعُسر،
تاركتها علىٰ الله وأهل البيت،
وكلّ مخاوفي وأفكاري وظروفي وجهدي ... خلّيتهن بأمانة الله وأهل البيت،
وبكلّ يقين متأمّلة إنّ كرمهم يصيبني هالمرّة.
6,400
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
مُمكن يعني تدعولي بس يهدئ گلبي شوي وماانخبص زايد ؟
4,370
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
سَيِّدي أيُّها الإمامُ الجَواد ...
بِجودِكَ الّذي جُدتَ بهِ علىٰ مَن قصدك،
وبكرمِكَ الّذي وهبتَه لِمَن سألك،
وبإجابتِكَ لِمَن طرق بابكَ ورجاك،
أسألُكَ بحقِّ السعادةِ الّتي توشَّحت بها أرواحُ مَن أكرمتَهم،
أن تمنحني نصيبًا من هذا الجود،
جودًا يجعلني أقولُ بيقين من ذاقَ كرمَكَ، كما قال العاشق "ما أخطأَ الّذي دعاكَ جوادًا.".
4,900
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
📷 Photo
كاتبتلي
"دير بالچ التعب ينسّيچ هالشي."
يمكن چنت محتاجة واحد يذكّرني بهالشي،
محتاجة أحد يگلي يكفي إنو أنتِ جاي تسعين وتتعبين ومأدية الّي عليچ بأكمل وجه،
چنت محتاجة أسمع الـ ميخالف أنتِ ما قصّرتي، لا تخلّين فشلهم وغرورهم يطفي شرارة سعيچ وينسّيچ شگد تعبتي بمحاولاتچ.
وما راح أبطل من المحاولة،
ولا راح أخلّي التعب يوگفني،
انهدمت محاولة وما ضبطت؟
شنو يعني؟
أبني مية ألف محاولة ولا أخلّي طموحي يعيشه غيري لأن عرف يستغل الفرصة عكسي،
وبگد كلّ هذا عندي ثقة مثل ثقة الأعمىٰ باللي يمشّيه،
إنّ ربّ العالمين راح يكرمني ويعوّضني ويرضيني، بگد كلّ تنهيدة تعب وحسرة طلعت مني، وبگد اللّيالي الّي عشت حزنها وحدي والصبح طلعت منها وأني مبتسمة.
ما راح أخلّي التعب ينسّيني هالشي.
5,300
نُقطة||تُقىٰ سَعد.
۱ خرداد ۱۴۰۵، ۲۰:۰۳
توصل لمرحلة من التعب
تخونك بيها صحتك وجسمك وكلّ حواسك،
وهنا گد ما تكون متأذي علىٰ نفسك وتشوف شلون چاي تذبل،
بس تبقىٰ راضي علىٰ سعيك،
لأنك تقدّم كلشي تگدر عليه في سبيل توصل لليوم الّي ﴿وأنَّ سَعْيَهُ سَوْفَ يُرىٰ﴾،
من تكون ثمرة تعبك گدام عيونك وترضىٰ بيها،
وتعرف إنّ كلّ التعب الّي عشته چان يستاهل علمود هالنتيجة.
5,850
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
"ملاذي وتنتهي يمك جراحاتي."
بكلّ مرّة أحِسّ الدّنيا غرست أنيابها بگلبي،
وسلبت مني الشعور الّي أكون بيه مطمئنة،
وبكلّ موقف جرحني وحسّيت بروحي تبچي وتريد الّي يسكتها،
چنت أركض لبابك وأدگه دگة المحتاج الّي ما يحتاج غير صدقة النظرة،
نظرة منك يا أبو عليّ،
چانت كفيلة تعيد ترتيب البعثرة الّي نفسي الأمّارة سوّتها،
ومثل كلّ مرّة چنت أركضلك مثل طفل تايه وخايف،
ألگاك "تنسّيني بمصابك جمرة الآمي."
5,570
0
0
نُقطة||تُقىٰ سَعد.
۱ خرداد ۱۴۰۵، ۲۰:۰۳
ثق إنو محاولاتك الّي ما نشافت،
هيَ مُقدَّرة ومحفوظة عند ربّ العالمين،
وبالوقت الّي يراهنون بيه علىٰ فشل سعيك ويشوفونك إنك مو گد هالمكان ولا هالمسؤولية،
أهل البيت يشوفون كلّ نتفة تعب قدّمتها بهالمكان وراح يكافئونك عليها،
فَ لا تخلّي سعيك ينشاف بعيون ما تقدّر ولا تعرفك،
خلّي ميزانك أعلىٰ وأرفع
خلّي ميزانك بالقبول همَّ الله وأهل البيت
مو الناس ولا غيرهم؛ لأن ما راح يعرفون ينصفونك،
مثل ما الله وأهل البيت يسوون وياك.
عشوائيات فكّرت بيهن اليوم:
ـ مرّات الواحد بينا يتمنّىٰ لو عنده جهة يگول بيها
"أني خايف، أني تعبان، أني كذا وكذا بيه"،
بدون ما يتندم إنو گالها ... بدون ما يحِسّ إنو شعوره ما يسوه ولازم يهمّشه،
يتمنّىٰ لو جهة وحدة بس ما تحمّله صراعات من الظنون والقلق، جهة آمنة يگدر يشمر كلشي بگلبه بيها ويروح من عدها وهوَ مطمّن،
يشبه هالشعور من يشمر ملابسه ويخربط غرفته ويطلع منها وهوَ يعرف راح يرجع ويلگاها مترتّبة أو علىٰ الأقل يرجع ويلگه كلشي عافه بيها مثل ما هوَ ما تغيّر.
ـ مرّات التعب يجي من نفسك أنت،
من تفكيرك وهمّك الزايد بأمور وناس،
هيَ ماشية وكلّ واحد عايش حياته وما داري عن وضعك أساسًا.
ـ الظروف والمشاكل تعصرك عصر،
وتطلع منك خُلاصّة نفسك،
هالخُلاصّة الّي تخلّيك شخص ثاني
ينقهر علىٰ نسخته القديمة شگد تعبت وعانت،
وما يريد غير إنو يكون أحسن منها ويعوّضها.
ـ قرّرت استمتع بالرحلة ولو متأخّرة ؛)،
حتّىٰ لو كلشي بيها يخلّيني أنهار،
بدل ما أخلصها ركض وكلشي ما مفتهمة،
علىٰ الأقل أصنع ذكريات أو أفتهم شجاي أسوي بيومي.
عشوائيات المفروض تنكتب بقناتي الخاصّة بس معلش هالمرّة خلّيها هنا.
2,130
0
نُقطة||تُقىٰ سَعد.
۱۸ اردیبهشت ۱۴۰۵، ۰۹:۱۱
أيّام ثقيلة
كلّ الّي بيها هوَ السعي
السعي ...
لأن هذا واجبك
ولأن ما تريد تقصّر
تحاول تسعىٰ علمود دولة إمام زماننا،
حتّىٰ لو تعبان وماكو واهس ووقتك قليل،
حتّىٰ لو الوضع ما يساعد ولا ناسه يسهّلونها،
كلما شفت الخمول مسيطر عليك تذكّر إن صاحب الزمان موجود ويشوف كدحك علمود دولته، وعنده علم شگد أنطيت من نفسك علمود تكمل، ويعرف بمحاولاتك الّي تعبتك وراح يفتخر بيك.
2,450
0
0
نُقطة||تُقىٰ سَعد.
۱۸ اردیبهشت ۱۴۰۵، ۰۹:۱۱
فترة أتمنّىٰ بيها أخلّي گلبي بمي بارد كلّه ثلج، ويبرد لحدّ ما يجمد وما يحِسّ بشي بعد،
ولا يبقىٰ هيچ أقل شي يصيرله يحرگه ويخلّي ريحة عطابه تنشم من بعيد،
لا هيَ حرارة وتخلّي گلبي دافي، ولا هيَ نار تصقله حتّىٰ تقوّيه وتخلّيه يتحمّل، مجرّد يتقدّمله تعب إضافي فوگ تعبه لا أكثر.
3,260
0
0
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
حسبي الله ونعم الوكيل
بكلّ شخص صعّب حياتنا علينا،
وحيّرنا بوضعنا،
وكرّهنا بكلشي،
وطلّع الدنيا من عينّا.
حسبي الله ونعم الوكيل
باللي يگدر يسهّل عليك ويساعدك ويختار يأذيك ويدمّرك.
شگد شعور سيّئ
من يكون المقابل مخيّر
إنه يهوّن عليك أو يتعبك
ويختار يتعبك بأبشع الطرق.
6,270
0
0
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
گعدت الصبح الجو حسّيته باهت،
لـ ١١ صار كأنوا مفلتر مطر خفيف ونسمة هوا باردة وهيچ بس تتمنّىٰ طريق فارغ وتمشي بيه،
للـ ١ طلعت الشمس وصوت العصافير صار ينسمع،
وما بين ساعة وساعة الجو يختلف،
الّي غيّر الجو من حالة لحالة بساعات معدودة،
ما راح يترك عبد من عباده بيه من روحه يتخبط بهالحيرة والضياع والظلمة،
ما راح يتركه لسوداوية الأفكار والنّاس والظروف،
بس يحتاج صبر وتوكّل
لأن إذا حسبتها راح تخاف
وإذا خلّيتها علىٰ الله راح تطمئن،
وشوف منو أحسن بهالوضع؟
تخاف لو تخلّيها بأمانة الله وتمشي مطمئن؟.
4,460
0
0
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
📷 Photo
٦ فصول من حياتنا شارفت علىٰ النهاية،
وما يفصلنا عن نهاية البداية غير الامتحانات،
حتّىٰ نگدر نگول إنّ رحلة الطب بالكلية بكلّ الّي مرّينا بيه انتهت.
لهسّة أتذكّر أوّل يوم أجيت بيه أني وبابا حتىٰ أسجّل،
وأوّل يوم داومت بيه بعد التسجيل،
چانت سنوات بگد معلوماتها ولحظاتها اللطيفة،
بس مُتعبة حيل بكلّ تفاصيلها وأحداثها وتبليغاتها.
واليوم …
شريط الـ ٦ سنوات مرّ بذاكرتي وگدام عيني مثل مرّ السحاب،
ويا ربّ تنختم علىٰ خير وبتسهيل وتوفيق من الله وأهل البيت،
ونطلع من باب هالكلية وإحنا راضين عن سعينا وكلّنا أمل وطموح للجاي،
مثل ما دخلناها بأوّل يوم تسجيل وإحنا كلّنا أمل وفضول وطاقة لاكتشافها،
بغضّ النظر عن شنو ممكن يصير وشنو منتظرنا بعدين،
كلّي يقين إنّ ربّ العالمين الّي حفظ سعي ٥ سنوات، راح يحفظ سعي هالسنة هم والسنوات الجاية،
وراح يرضينا ويعوّضنا خير
عن كلّ تعب عاشته روحنا وچاس گلبنا وطلع بصحتنا. 💫🌟✨
ـ ٢٠٢٦/٤/١٦ 🩺
آخر يوم بروتة الباطنية،
وآخر يوم بالمرحلة السادسة،
وآخر يوم دوام كـ طالبة بكلية الطب.
الحَمدلله كما هوَ أهله. 💚♥️❤️🩹
3,800
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
أكو ألعاب بالمبايل من تخسر بمستوىٰ تخلّيك ترجع لأوّل مستوىٰ،
تخيّل واصل لكذا مرحلة بيها وفجأة بخطأ بسيط أو عدم انتباه تخسر وتضطر ترجع لأوّل خطوة،
من راح ترجع تكمل،
يا إمّا تكون منتبه وحافظ الخطوات السابقة وما تخطأ وتوصل لمستوىٰ حلو بيها،
أو تضوچ منها وما يصيرلك واهس بيها فَ تتركها.
أبسط مثال لعبة الحية بمبايل النوكيا قبل مو؟ ؛)
هالألعاب بمراحلها تشبه محاولاتنا بحياتنا،
تخيّل وياي
محاولاتك بشي تريده شگد مخطط ومركز بيه؟
مجرّد خطأ أو عثرة تخلّيك إمّا توگف أو تعيده أو تكمل بصعوبة،
وأنت هنا مخيّر
لو تتحمّل الصار وتكمل لخاطر الّي تريده
أو تغيّر وجهتك وتبدي من جديد وتستكشف طرق ومحاولات جديدة،
العامل المشترك بكلّ ذني هوَ السعي،
روحك بعدها تريد تكمل سعي؟
تگدر تسعىٰ وأنت مُصاب ومتأذي؟
عندك طاقة لسعيك تخلّيك توصل؟
تذكّر
أكو أشياء هواي حلوة إحنا نستاهل تكون من نصيبنا،
بس يحتاج نمرّ بأشياء مُرّة ونتعب علمود نوصللها،
حتّىٰ تعرّفنا قيمة الحلو الّي راح نحصل عليه بجهدنا ويصير واقع ملموس بين إيدينا.
4,270
0
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
مرّات أتخيّل لو مثلًا الّي فاقدينهم يرجعون لدقايق معدودة،
شنو راح يصير؟
شنحچي وشنخلي؟
وبأي دمع وحضن راح نستقبلهم؟
ويا عين تحچيلهم شصار بينا من بعدهم؟
نسولفلهم عن وضعنا من فراگهم،
لو نحچيلهم عن فراغ مكانهم شسوا،
شگد ما اجت ناس وراحت،
وشگد ما نترست الأماكن،
يبقىٰ أثر غيابهم واضح وچبير،
ما ينسد بشخص ولا ينملّي بموقف.
وعلىٰ گولة الشاعر جبار رشيد من يگول:
"منين نجيب مِثلك حتّىٰ ننساك
ومنو المثلك يعوّضك لو خسرنا."
4,570
0
0
نُقطة||تُقىٰ سَعد.
۱۱ اردیبهشت ۱۴۰۵، ۲۰:۴۷
حلمك الّي چنت تشوفه شي بعيد إنّه يصير، وصعب بيوم توصله وتگدر تلمسه،
محتاج تمشيله وتتعبله حتّىٰ تشوفه واقع بين إيديك،
إذا حلمت وسعيت علمود هالحلم، وحاولت واشتغلت عليه وچنت مؤمن بيه،
راح يجي يوم وتوصل إله،
لأن أكو فرق بين
شخص يحلم وخلص ما يسوي شي غير إنه يوگف وينتظر هالحلم يتحقّق،
وبين شخص ما اختار ينتظر وبقىٰ يحاول لحدّ ما يظفر بيه،
بالنهاية الحلم يريد شخص يحاوله علمود يتحقّقله، مو شخص يتمنّىٰ وبس.
يُروىٰ عَن الإمام جَعفر الصَّادِق (عَليهِ السّلام) :
من نفّس عن مؤمن كربة نفّس الله عنه كرب الآخرة وخرج من قبره وهوَ ثلج الفؤاد، ومن أطعمه من جوع أطعمه الله من ثمار الجنّة، ومن سقاه شربة سقاه الله من الرّحيق المختوم.
ـ الكافي - ج٢ ص١٩٩.
لا تنسون الجمهورية الإسلامية الإيرانية، وجنوب لبنان وحزب الله، والحشد الشعبي وفصائلنا من دعائكم،
الّي ما يگدر علىٰ النشر والتبرّع لا يستثقل الدعاء والتثقيف وتبيين خبث العدو،
تگدر تنفّس عن المؤمنين كربتهم بدعائك،
لا تظن هالفعل قليل وما يغيّر شي،
بالعكس ... الدعاء يوصفه رسول الله بأنّه سلاح المؤمن، فَ أي دعائك ممكن يغيّر ويصنع المستحيل!،
وبقول لرسول الله (صَلّىٰ اللهُ عليهِ وآلهِ وسلّم) :
إنّ أعجز النّاس من عجز عن الدّعاء.
فَ ما أعرف شگلك بس كلّش صعبة وزحمة من توگف گدام صَاحِب الزّمان وأنت حتّىٰ بدعائك ما ساهمت بنصرة شيعته، ما أعرف شنو منتظر يصير أكثر من هذا حتّىٰ تبيّن موقفك وتخلّي وجهك أبيض گبال أهل البيت بعد يومين.
مشكلة أمريكا وإسرائيل إنهم يخافون المواجهة بشرف، ولأنهم يخافون يلجؤون للغدر، يغتالون الصوت والصورة، لأن الكلمة ترهبهم وترعبهم التربية العاشورائية،
والعمامة يشوفوها مصدر خطر چبير عليهم، وهذا الّي يخليهم يستهدفون كلشي، الغدر بأي شكل وبدون اهتمام للعمر، لأن يعرفون حتّىٰ الطفل هوَ جيش مصغّر يهدد وجودهم فَ تلگاهم يستهدفون المدارس والمستشفيات والمساجد والبيوت.
بس هيهات هيهات
كحُلمِ إبليس بالجنّة أن ينهون هالعقيدة وهالإرث العاشورائي،
وما راح يگدرون يخمدون هالبركان.
بكلّ المقاومين والمجاهدين والقادة والعلماء،
بكلّ الموالين،
بكلّ من يحمل السلاح أو القلم،
بكلّ المرابطين بالواقع وبالمواقع بهالحرب الناعمة ...
اللهُمَّ اجعلهم في درعك الحصينة الّتي تجعل فيها من تريد ... آمين يا ربّ العالمين.
3,740
نُقطة||تُقىٰ سَعد.
۱ اردیبهشت ۱۴۰۵، ۱۹:۳۶
شگد سمعت الضّربة الّي ما تموتك، تقوّيك،
بس الله يعين الّي تجيه ضربة تكسره مو تقوّيه،
تهدّ حيله بدل ما توگفه،
الحَمدلله إنو لطف ربّ العالمين موجود ساعتها، ويخلّينا ما نبطّل الدعاء حتّىٰ لو بعِزّ الوجع، وكلّنا أمل إنو تأثير هالضّربة وألمها ينتهي بعناية ورحمة الله وأهل البيت.
3,960
0
0
نُقطة||تُقىٰ سَعد.
۱ اردیبهشت ۱۴۰۵، ۱۹:۳۶
مثل گلب معطوب ومتروك علىٰ سطح البيت بظهريّة صيفيّة حارّة،
الشّمس مخلّية كلّ طاقة أشعّتها عليه، ساعتها ما تعرف هالحرارة الّي بگلبك صارت حتّىٰ تحرگك لو إجت حتّىٰ تقوّيك.
