ኤል_ማሮስ

Public

Ver canal

¿No puede unirse? @EL_MAROS

2.2k Miembros

Actualizado: May 17, 2026 at 5:05 PM

ኤል_ማሮስ

Follow @EL_MAROS to stay updated with the latest Celebridades trends and news

Clasificación

Clasificación global

#456

Clasificación por idioma

#45

Clasificación por categoría

#23

-1

Crecimiento de participantes (Últimos 6 días)

Total: 2.2K

crecimiento de 24 horas: +0 0%

Últimas publicaciones

ኤል_ማሮስ

20 may 2026, 01:17

መልካም_ዜና_ለ21_መዝሙር_አባላት

በጥያቄያቹ መሰረት የፎቶ ቻናል ከፍተናል 🤗🤗

21 picture ◎◎◉ profile picture
◎◎◉ wallpaper
◎◎◉ ጠቅላላ ዕውቀት
◎◎◉ የተለያዩ መጽሐፍትን
◎◎◉ በpdf እና በትረካ ያገኛሉ
በየቀኑ ይለቀቃል ።

https://t.me/+P6ukE8q--MtjODVk

1,220

ኤል_ማሮስ

20 may 2026, 01:17

📷 Photo

☦ ​​አርብ (ስቅለት) እንኳን ለጌታችን ለመድሃኒታችን ለኢየሱስ ክርስቶስ የስቅለት በዓል በሰላም አደረሳቹሁ አደረሰን🙏❤️

☦ ​​​​ዕለተ ዓርብ የፍቅር ቀን ❤️

ክርስቶስ የተሰቀለበት ዕለት ዕለተ ዓርብ ይባላል፡፡ ይህ ዕለት ክርስቶስ ከተሰቀለበት ጊዜ ጀምሮ እሰከ አሁን ድረስ በክርስቲያኖች ዘንድ በጾምና በስግደት በየዓመቱ ይከበራል፡፡

በመጀመሪያ ክርስቶስ በዕለተ ዓርብ የተሰቀለው ትንቢቱን ለመፈጸም ነው፡፡ ሙሴ "ስቅልተ ትሬእያ እስራኤል ለሕይወትከ ቅድመ አዕይንቲከ ወኢትትአመና"

"እስራኤል ሆይ ሕይወትህ /ክርስቶስ/ በዓይኖችህ ፊት በመስቀል ላይ ተሰቅሎ ታየዋለህ፡፡ ግን አታምነውም፡፡" /ዘዳግ. 28/

ታላቁ ነቢይ ኢሳይያስም "መጽአ ከመ በግዕ ይጠባሕ ወከመ በግዕ ዘኢይነብብ በቅድመ ዘይቀርጾ ከማሁኢከሠተ አፍሁ በሕማሙ በቅድመ እለ ይረግዝዎ፤ ወበ ኃጢአተ ሕዝብየ በጽሐ እስከ ለሞት፣ ነሥአ ደዌነ ወጾረ ሕማመነ" አኮ በመልአክ ወአኮ በተንባል አላ ለሊሁ እግዚእ መጽአ ወአድኀነነ ተብሎ በሰፊው ተናግሯል፡፡ ጥቅሶቹ ብዙ ናቸው፡፡ ኢሳ. 53፡1-6

ነቢዩ ዳዊትም "አገቱኒ ከለባት ብዙኃን፣ ወአዙኒ ማኅበሮሙ ለእኩያን" ቀነውኒ እደውየ ወእገርየ ወኆ ለቁ ኵሎ አዕጽምትየ" "እጆቼንና እግሮቼን ቸነከሩኝ፡፡ አጥንቶቼ ሁሉ ተቈጠሩ፤ እነርሱም አዩኝ ተመለከቱኝም" እንዳለው፡፡ 6666 ጊዜ በገረፉት ጊዜ አጥንቱ ተቆጥሮዋል፣ ይኸ አስቀድሞ ቅዱስ ዳዊት የተናገረው ነው፡፡ 6666 ጊዜ ለመገረፉ ግብረ ሕማማት ይገልጻል፡፡ መዝ. 21/22 ቁጥር 17-18

☦ ክርስቶስ ለምን ሞቱ በመስቀል ሆነ?

ከመስቀል በሌላ ማዳን አይችልም ነበር ወይ? ቢባል በዘመኑ የነበረው የበደለኛ አገዳደል ሥርዓት እንደየሀገሩ ሁኔታ የተለያየ ነበር፡፡

ለምሳሌ የሮማውያን ሥርዓታቸው መስቀል ነው፡፡ የአይሁድ "ውግረተ ዕብን" ነበር፡፡ የባቢሎናውያን እሳት አንድዶ እዚያ መክተት ነው፡፡ ፋርስ ለአንበሳ መጣል ነው፡፡ ጌታም በሮማውያንም ሥርዓት ተሰቅሎ ሞተ፣ ለዚህም ራሱ ጌታ ሞቱ በመስቀል እንደሚሆን አስቀድሞ ተናግሯል፡፡ ዮሐ. 3፡14፡፡

ባይሰቀል፣ ጎኑ ባይወጋ ማይ ለሕጽበት፣ ደም ለጥምቀት ባልተገኘ ነበር፡፡ ብለው መምህራን ተርጉመዋል፡፡ አይ፣ በውግረትም ደሙን አይታጣም ብለው ትንቢትን ለመፈጸም ተሰቀለ ብሎ አስታርቀውታል እንጂ፡፡ የአይሁድ ሥርዓት በድንጋይ ወግሮ መግደል ነው፡፡ ጌታ የተሰቀለው በሮማውያን ሥርዓት ነው፡፡

"ኲሉ ሰቁል ዲበ ዕፀመስቀል ርጉም ውእቱ" "ሠርቶ ቀምቶ የተሰቀለ ሰው የተረገመ ነው" ትላለች ኦሪት፡፡ ቅዱስ ጳውሎስም "ወፆረ መርግማ ለኦሪት" አለ፡፡

ርጉም ተብሎ የአዳምን መርገም ለማጥፋት በአዳም የተፈረደው ሁሉ ተቀብሎ አዳምን ከመርገመ ነፍስ አዳነው፡፡ "ወሠዓረ መርገመ እምኔነ" ከእኛ መርገመ ኃጢአትን ደመሰሰ፣ አጠፋ ያለው ስለዚህ ነው፡፡ ዛሬ ክርስቶስ ከተሰቀለ፤ ልጅነት ከተመለሰ ወዲህ ወደ ሲኦል መውረድ ቀርቷል፡፡ ይህም ዮሐንስ አፈወርቅ ገልጦታል፡፡ "እንከሰ ኢንወርድ ታሕተ አላ ፈድፋደ ንተልዎ ለዘፈጠረነ ወንበውእ ኀበ ቦአ ሐዋርያነ ህየ ንበውእ ኵልነ" ይላል፡፡ መርገመ ሥጋ መርገመ ነፍስ ጠፋልን የተባለው አምኖ፣ ተጠምቆ ፣ ጥሩ ሥራ ከሠራ ወደታች መውረድ የለም ወደ መንግሥተ ሰማያት መግባት ነው፡፡

ቀድሞ በዘመነ ብሉይ መልካም ሥራ ቢሠሩም እነ አብርሃም ይስሐቅ፣ ያዕቆብ ሁሉ በሲኦል ነበሩ፡፡ የአዳምን መርገመ ሥጋ መርገመ ነፍስ አጠፋ የሚለው ስለዚህ ነው፡፡

"ወበመንፈቃ ለዕለት እትወለድ እምወለተ ወለትከ ወእድኅክ ውስተ መርህብከ ወእትቤዘወከ በሞትየ ወበመስቀልየ" ቀሌምንጦስ፤ "ወለትከ" የተባለችው ቅድስት ድንግል ማርያም ናት፡፡ ገድለ አዳም ገጽ 105፡125፡፡ መጽሐፈ ቀሌምንጦስ ገጽ 54፡8

ቀደም ብሎ እንደተገለጸው "ከመይሥዓር መርግማ ለኦሪት" በተባለው መሠረት አዳም ተርግሞ ነበር ወይ? ሲባል መልሱ አዎ ነው፡፡

ከገነት ሲኖር "ይችን ዕፅ የበላህ እንደሆነ ትመውት ሞተ" ሞትን ትሞታለህ በሞተ ሥጋ ሞተ ነፍስ፣ በርደተ መቃብር ርደተ ሲኦል ያገኝሃል ነው ያለው፡፡

"ወአልበሶሙ አእዳለ ማዕስ" ያብርሃን የነበረው፣ እንደብርሌ፣ እንደ ብርጭቶ ንጹሕ የነበረው እሾኽ እማይወጋው፣ እንቅፋት የማይመታው፣ እማያደማው፣ ብርድ የሌለበት የነበር በኋላ መርገም ሲያድርብት እሾክ የሚወጋው፣ እንቅፋት የሚመታው፣ ብርድ የሚሰማው ልጅነት የሌለው ቁርበት አለበሰው፡፡

እሱ ባይረገም፣ ወደ ምድር ባይወርድ፣ በዘፍጥረት 1፡28 "ብዙ፣ ተባዙ ምድርንም ሙሉአት ግዙአትም" ብሎ ነበረ አዳም ባያጠፋ ኑሮ ሰው እንዴት ሊበዛ ይችል ነበረ ቢሉ? ይኸማ መጀመሪያ አዳም በሥልጣነ እግዚአብሔር ተገኘ እንጂ ከሴት አልተገኘም፡፡

ሔዋንም ያለ ወንድ በሥልጣነ እግዚአብሔር ተገኘች እንጂ ሴትና ወንድ ተገናኝተው አልተፈጠሩም፡፡ ባይበድሉ በሥልጣነ እግዚአብሔር ወንድም በአዳም አምሳል፣ ሴቱም በሔዋን አምሳል በሥልጣነ እግዚአብሔር እየተባዛ፣ ዕፀ ሕይወትን እየበላ ሺህ ዘመን ሲሞላው መንግሥተ ሰማያትን ሊገባ ተፈጥሮ ነበር፡፡

እንግዲህ ለአዳም ዕፅዋትን ሰጠው፤ አንዱ የሚመገበው በመዓዛው ይጠግባል ሁለተኛው ሕግ ሊጠብቅለት ይችን ዕፅ አትብላ ብሎ፤ ሦስተኛው ሺህ ዘመን ኑሮ ያን ሲበላ ተሐድሶ መንግሥተ ሰማይ ሊገባ ፈጥሮት ነበር፡፡

ይኸንንም ሰሎሞን ገልጦታል "እግዚአብሔርሰ ኢገብረ ሞተ አላ ረሲአን ሰብእ አምጽእዎ በቃሎሙ ወዓርከ አምስልዎ" እግዚአብሔር ጥንቱን ሲፈጥረው ሞት እንዲሞት እንዲቀበር ወደሲኦል እንዲወርድ አልፈጠረውም፡፡ ሕጉን እንዲጠበቅ ሺህ ዘመን በሕይወት እየተቀመጠ ወደ መንግሥተ ሰማይ ሊገባ ተፈቅዶ ነበር፡፡

"ኢትብልዑ እምዕፅ" ይችን እንጨት አትብሉ ያለውን የዘነጉ አዳምና ሔዋን ሞትን፣ መቃብርን፣ ስበው ጎትተው አመጡት፡፡ "ወአርከአምስልዎ" ወዳጅ አስመሰሉት አለ ወዳጅ እንዳይለይ እንዳይለይ አደረጉት፡፡ ቀጥሎ ልጆቻቸውን፣ ይህንም ቅዱስ ጳውሎስ ገልጦታል፡፡ "ወሶበ ኵነኔ ኃጢአት ወጽአ እምላዕለ አሐዱ ብእሲ ተቀሰፈ ባቲ ኩሉ ፍጥረት" ሮሜ. 5፡12፡፡

ከአንዱ አዳም የተገኘች ኃጢአት ሁሉን /መላውን/ አደረሰች፣ ከአንድ ዛፍ በተቈረጠ ጨንገር ብዙ ሕፃናት እንደሚገረፋ ኃጢአትም ከአዳም ተገኝታ ሁሉን ያዘች፡፡ መባዛት በዘር በሩካቤ የሆነው ከመርገም በኋላ ነው፡፡ በገነት ሳሉ ወንድና ሴት መሆናቸው አይተዋወቁም፡፡

አዳም እኔ ብቻ ነኝ ሲል ረዳት እንድትሆነው ፈጠረለት እንጂ በዘር በሩካቤ ሊገናኙ አይደለም፡፡ ለምን ተባዙ አለ በሥልጣኑ ያበዛቸዋል። እግዚአብሔር ሁሉን አንድ አንድ ጊዜ ነው የተናገረው "ለታብቁል ምድር" አለ ይኸ መሬት ሁል ጊዜ ታበቅላለች፡፡ "ለያብርኁ ብርሃናት" አለ እነሆ ፀሐይና ጨረቃ፣ ከያለበት ሲያበሩ ይኖራሉ፡፡ "ለታውጽእ ባሕር ዘቦ መንፈሰ ሕይወት" ሲል አዞ፣ ጉማሬ አንድ ጊዜ ሲባዙ ይኖራሉ፡፡

ተጨማሪ ለማግኘት ይቀላቀሉን👇
✅
📱

ኤል_ማሮስ

20 may 2026, 01:17

ከሌሎቹ የግዝት ወቅቶች ይልቅ እነዚህ ዕለታት በአብዛኛው ምዕመን የታወቁ ናቸው፡፡ ዕለታቱን የግዝት ያደረገው ሥርዐት ምንጭ ከላይ ያየናቸው የፍትሐ ነገሥት ምንባባት ናቸው፡፡

በ29 በዓለ ወልድ ብለን የጌታን በዓላት እንደምናስብ ይታወቃል፡፡ በፍትሐ ነገሥትም የጌታችን በዓላት እንደማይሰገድባቸው ሲጠቀስ ምንም እንኳን በአንቀጽ 19 ከ9ኙ ዐበይት በዓላት ስምንቱን ቢገልፅም አንቀፅ 14 ግን ከላይ እንዳስነበብነው “የጌታችን በዓላት የእመቤታችን በዓላት” ብሎ ማለፉን መርጧል፡፡

የጌታችን በዓላት የተባሉ ከ9ኙ የጌታ በዓላት ውጪ 9 ንዑሳን በዓላትም አሉ፡፡ እነዚህም ስብከት ፣ ብርሃን ፣ ኖላዊ ፣ ግዝረት ፣ ልደተ ስምዖን ፣ ቃና ዘገሊላ ፣ ደብረ ዘይት ፣ ጌና ፣ መስቀል ናቸው፡፡ ፍትሐ ነገሥቱ በእነዚህ ዙሪያ የዘረዘረው ግልፅ ነገር የለም፡፡ ሆኖም የጌታ በዓላት ስለሆኑና በጌታ በዓላት ደግሞ ስግደት ስለተከለከለ ፣ አባቶቻችን እነዚህን የጌታ (የወልድ) በዓላት በአንድነት ወር በገባ በ29 በዓለ ወልድ ብለን እንድናስብና፣ ዕለቱም ስለ በዓላቱ የግዝት ዕለት እንዲሆን የተደረገ ይመስላል፡፡ ስለዚህ አይሰገድበትም፡፡

ከዘጠኙ ዐበይትና ከዘጠኙ ንዑሳን በዓላት ውጪ ሰሙነ ሕማማትና ሰሙነ ትንሣኤም የጌታ በዓላት በመባል ይታወቃሉ፡፡ ሰሙነ ሕማማት በስግደት እንዲከበር ቤተ ክርስቲያን ታዛለች፡፡ (ይህን በዝርዝር በክፍል 3 እናያለን)፡፡ ሰሙነ ትንሣኤን ግን ከሰሙነ ሕማማት በተለየ ሁኔታ እናከብረዋለን፡፡ ሰሙነ ትንሣኤ የሚባለው ከትንሣኤ በኋላ ያለው እስከ ዳግም ትንሣኤ ያሉትን ቀናት የያዘው ሳምንት ነው፡፡ ሰሙነ ሕማማትን በፍጹም ሐዘን ፣ በጾም ፣ በስግደት እንዳከበርበው ሁሉ ሰሙነ ትንሣኤን ደግሞ በፍጹም ደስታ እንድናከብረው ትዕዛዝ አለ፡፡ ስለዚህ ሰሙነ ሕማማትን ስቅለትን በዋናነት በማሰብ በብዙ ስግደት ስናከብር ሰሙነ ትንሣኤን ደግሞ ትንሣኤውን በማሰብ በብዙ ደስታ ካለ ስግደት እናከብረዋለን፡፡

ፍትሐ ነገሥቱ የማይሰገድባቸውን ጊዜያት ሲጠቅስ “የጌታችን በዓላት የእመቤታችን በዓላት” ማለቱን ከላይ ጠቅሰናል፡፡ የጌታን ንዑሳን በዓላት ወር በገባ በ29 አስበን እንደማንሰግደው ሁሉ የእመቤታችንንም በዓላት በ21 አስበን አንሰግድም፡፡ ስለዚህ ወር በገባ በ21 ሁሌም የግዝት በዓል ነው፤ አይሰገድበትም፡፡
12 የቅዱስ ሚካኤል በዓል እንደሆነ ይታወቃል፡፡ የቅዱስ ሚካኤል በዓል ከሌሎች የመላእክት በዓላት ተለይቶ መከበሩ ለምንድነው ቢሉ “የቅዱስ ሚካኤል በዓል መላእክትን ወክሎ ወርኃዊ ሆኖ እንዲከበር ታዟል” (በዓላት ፣ ዲ.ን. ብርሃኑ አድማስ ፣ ገጽ 124)፡፡ ስለዚህ ቤተ ክርስቲያን በ12 እንዳይሰገድና እንደ ታላላቅ በዓላት በደስታ እንዲከበር ሥርዐትን ሠርታለች፡፡

ረድዔተ እግዚአብሔር አይለየን፡፡

ተጨማሪ ለማግኘት ይቀላቀሉን👇
✅
📱

1,730

ኤል_ማሮስ

20 may 2026, 01:17

pinned a photo

ኤል_ማሮስ

20 may 2026, 01:17

https://vm.tiktok.com/ZMBHBNmRE

1,540

ኤል_ማሮስ

20 may 2026, 01:17

የሚሰገድባቸውና የማይሰገድባቸው ጊዜያት
==================================
ኦርቶዶክሳዊት ቤተ ክርስቲያን በሃይማኖት ይዘትም (Content of Faith) ሆነ በሃይማኖት ሥርዐት (Expression of Faith) ፍጽምት ነች፡፡ የሃይማኖት ይዘቷ (ዶግማዋ) ይህ ይቀረዋል ተብሎ የማይጨመርበት በእግዚአብሔር አንድ ጊዜ ፍጹም ሆኖ ለቅዱሳን የተሰጠ ነው፡፡ (ይሁዳ 3) እግዚአብሔርን የምታመልክበት ሥርዐትም እንዲሁ መንፈስ ቅዱስ በመራቸው ቅዱሳን ሰዎች የተቀነነ ቅዱስ ሥርዐት ነው፡፡ ጊዜንና ቦታን በመዋጀትም (ግንዛቤ ውስጥ በማስገባትም) እንደ እግዚአብሔር ፈቃድ ሥርዐትን እንድትሠራ ቀኖና አለ፡፡

ከዚህ አንጻር ስግደትንም በተመለከተ መች ሊሰገድ እንደሚገባና መች እንደማይሰገድ ሥርዐትን ሠርታልናለች እንጂ እንዲሁ በዘፈቀደ እንዲተገበር ቸል አላለችም፡፡

†

†† ሀ. የሚሰገድባቸው ጊዜያት ††

የሚከተሉት እንዲሰገድባቸው የታዘዙ ጊዜያት ናቸው፤
† 1ኛ. በጸሎት ጊዜ ስግደትን ከሚያነሣ አንቀጽ ሲደርስ †
ፍትሐ ነገሥቱ እንዲህ ይላል፡- “የሚሰገድባቸው ጊዜያቶችና ቁጥሮች በቤተ ክርስቲያን ተጽፈዋል፡፡ የሚጸልይ ሰው በጸሎት ጊዜ ስግደትን ከሚያነሣ አንቀጽ ሲደርስ ለልዑል እግዚአብሔር ይስገድ” ፍት. መን. አን. 14 ቁ. 536
ለጸሎት በምንዘጋጅበት ጊዜ ከሚያስፈልጉ 6 ነገሮችም አንዱ ስግደት መሆኑን ፍትሐ ነገሥቱ ከላይ በተጠቀሰው አንቀጽ ከቁጥር 528-535 ድረስ ይገልፃል፡፡ ስለዚህ በጸሎት ጊዜ ስግደትን የሚያነሣ ንባብ ስናገኝ እንዲሁም ስግደትን የሚያነሣ ንባብ ባናገኝም መስገድ ከስድስቱ የጸሎት ይዘቶች አንዱ ነውና መስገድ ይገባል፡፡

† 2ኛ. በጾም ወራት †

ጾም የሚቀደሰው በጸሎት ፣ በምጽዋት ፣ በዕንባና በስግደት ነው፡፡ ስለዚህ በጾም ወራት ጾማችንን ቅዱሱ የሚቀበለው ቅዱስ ጾም ለማድረግ መስገድ ተገቢ ነው፡፡

† 3ኛ. በሰሙነ ሕማማት †

ሰሙነ ሕማማት በጾም ፣ በጸሎት ፣ በስግደት የሚከበር ልዩ በዓል ነው፡፡ ጾሙም ስግደቱም ጸሎቱም የሚበረታበት የመጨረሻው የዐቢይ ጾም ሳምንት ነው፡፡ (ስለ ሰሙነ ሕማማትና ስግደት እግዚአብሔር ቢፈቅድ በቀጣይ ክፍል በዝርዝር እንጽፋለን)

† 4ኛ. በቅዳሴ ጊዜ †

በቅዳሴ ጊዜ መስገድ እንደሚገባ “ስግዱ ለእግዚአብሔር በፍርሐት” ፣ “ንስግድ” ፣ “አድንኑ አርእስቲክሙ ቅድመ እግዚአብሔር አምላክነ” ፣ “በንስሐ ውስጥ ያላችሁ ራሳችሁን ዝቅ ዝቅ አድርጉ” እና የመሳሰሉት የቅዳሴ ይዘቶችና ምንባቦች (ዜማዎች) ምስክር ናቸው፡፡ እዚህ ጋ ቅዳሴ ምሥጢርነቱና አምልኮነቱ ሲገለፅ አንዱ ይዘቱ ስግደት መሆኑን መገንዘብ ተገቢ ነው፡፡

† 5ኛ. በንስሐ ጊዜ †

“በንስሐ ውስጥ ያላችሁ ራሳችሁን ዝቅ ዝቅ አድርጉ” የሚለው ንባብ በንስሐ ውስጥ መስገድ እንደሚገባ የሚያመለክት ነው፡፡ (ራስን ዝቅ በማድረግ መስገድ በክፍል አንድ እንዳየነው አድንኖ እንደሚባል ልብ ይሏል፤) ሌላው ሊታወስ የሚገባው ጉዳይ የንስሐ አባቶች በንስሐ ውስጥ ላሉ ልጆቻቸው ስግደትን ቀኖና አድርገው መስጠታቸው ነው፡፡ ስለዚህ ስግደት የንስሐ ሕይወት አንዱ አካል ነው፡፡

† 6ኛ. ስንሳለም †

ቤተ ክርስቲያንን ስንሳለም መስገድ ተገቢ ነው፡፡ ስንሳለም እንዲህ እያልን ነው፡-
“ሰላም ለኪ ቅድስት ቤተ ክርስቲያን፣ አምሳለ ኢየሩሳሌም ሰማያዊት፣ ማኅደረ መለኮት፣ ምስኣል ወምስጋድ ወመሥተሥርየ ኃጢአት”
ስንሳለም በምንናገረው አጭር ጸሎት ውስጥ “...ምስአል ወምስጋድ” ማለታችን መስገድ እንደሚገባን የሚጠቁም ነው፡፡ መስቀልን ፣ መጽሐፍ ቅዱስን ፣ ቅዱሳት መጻሕፍትን ፣ ቅዱሳት ሥዕላትን ፣ ቅዱሳት ቦታዎችን ፣ ...ወዘተ ስንሳለም በተመሳሳይ መልኩ መስገድ ተገቢ ነው፡፡

†

†† ለ. የማይሰገድባቸው ጊዜያት ††

የሚሰገድባቸው ጊዜያት እንዳሉት ሁሉ የማይሰገድባቸው ጊዜያትም አሉ፡፡ እነዚህ ስግደት የተገዘተባቸው ጊዜያት የሚከተሉት ናቸው፡፡

† 1ኛ. በዕለተ እሑድ †

ከአልቦ ነገር ወይም ከምንም (ex-nihilo – from nothingness) የተፈጠረ ፍጥረት ሁሉ ክርስቶስ ዳግም ሲመጣ ጠፍቶ ወደ ምንምነት ሲቀየር ከማይጠፉ ከአምስቱ ፍጥረታት አንዷ ሰንበት ናት፡፡ ጌታ የተነሣባት ፣ ዳግምም የሚመጣባት ዕለት ናት፡፡ በዚህና በሌሎች ምክንያቶችም ሰንበተ ክርስቲያን እሑድ በዓል ነች፡፡ ስለዚህ በዕለተ እሑድ መስገድ የተከለከለ ነው፡፡

ይህንን ፍትሐ ነገሥቱ እንዲህ በማለት ይገልፀዋል፡- “ከአድንኖና ከአስተብርኮ በቀር እስከ ምድር መስገድን የሚተዉባቸው የታወቁ ጊዜያቶች እነዚህ ናቸው፡፡ ኒቅያ 20፣ በዕለተ እሑድና በበዓለ ሃምሳ ወራት፣...” ፍት.መን. አን. 14 ቁ. 537
ይህንን ይበልጥ ሲያጸናው በሰንበታትና በበዓላት አንቀጹ እንዲህ ሲል ደግሞታል፡- “በእሑድና በተከበሩት በዓላት ቀን ስግደት አይገባም፤ እነዚህ የደስታ ቀኖች ናቸውና” ፍት. መን. አን. 19 ቁ. 715

† 2ኛ. በበዓለ ሃምሳ ወራት †

በዓለ ሃምሳ የፍስሐና የሰላም ጊዜ ነው፡፡ ስሙ እንደሚጠቁመው ሃምሳውም ቀን በሙሉ በዓል ነው፡፡ በዓል ስለሆነም እንደ ፋሲካና እንደ ልደት እንበላበታለን እንጂ ረቡዕና አርብ ቢሆን እንኳን አንጾምበትም፡፡ በበዓልነቱ ጾም እንደተሻረበት ስግደትም እንዲሁ ይሻርበታል፡፡ ከላይ እንዳየነው ፍትሐ ነገሥቱም በፍት.መን. አን. 14 ቁ. 537 በእሑድ መስገድን ሲከለክል በበዓለ ሃምሳም እንዲሁ ከልክሏል፡፡

† 3ኛ. በጌታችን በዓላት †

ፍትሐ ነገሥቱ “በእሑድና በተከበሩት በዓላት ቀን ስግደት አይገባም፤ እነዚህ የደስታ ቀኖች ናቸውና” (ፍት.መን. አን. 19 ቁ. 715) ካለ በኋላ “የተከበሩት በዓላት” ያላቸው የትኞቹን እንደሆነ ሲዘረዝር ትስብእት/ጽንሰት ፣ ልደት ፣ ጥምቀት ፣ ሆሣዕና ፣ ትንሣኤ ፣ ዕርገት ፣ በዓለ ሃምሳ ፣ ደብረ ታቦር በማለት ከጌታ ዘጠኝ ዐበይት በዓላት 8ቱን ይገልፃል፡፡ ሳይገለፅ የቀረው ስቅለት ነው፤ ያልተገለፀበትም ምክንያት በስቅለት ስግደት ስለማይከለከል ነው፡፡ (ይህንን በክፍል ሦስት በዝርዝር ለማየት እንሞክራለን) ስለዚህ ከስቅለት በቀር በጌታ ዐበይት በዓላት (በተቀሩት በ8ቱ) ስግደት የተከለከለ ነው፡፡

ፍትሐ ነገሥቱ ይህንን ሲያጸና በአንቀጽ 14 እንዲህ ብሏል፡- “መስገድን የሚተዉባቸው የታወቁ በዓላት እነዚህ ናቸው.... ኒቅያ 32፣ በጌታችን በዓላትና በእመቤታችን በዓላት” ፍት.መን. አን. 14 ቁ. 536-537፡፡

† 4ኛ. የእመቤታችን በዓላት †

ከላይ ያየነው የፍትሐ ነገሥት ንባብ በፍት. መን. አን. 14 ቁ. 536-537 ድረስ በጌታ በዓላት መስገድ እንደተከለከለው ሁሉ በእመቤታችን በዓላትም መከልከሉን ይጠቁመናል፡፡ ይህንን ሥርዐት እንዴት እንደምንተገብርና የማይሰገድበት የእመቤታችን በዓል የትኛው እንደሆነ ከታች በ6ኛ ቁጥር እንመለከተዋለን፡፡

† 5ኛ. ሥጋውንና ደሙን ከተቀበሉ በኋላ †

የሥርዐት ምንጫችን የሆነው ፍትሐ ነገሥት አሁንም በዚህ ዙሪያ እንዲህ ብሏል፡- “መስገድን የሚተዉባቸው የታወቁ በዓላት እነዚህ ናቸው... ሥጋውንና ደሙን ከተቀበሉ በኋላ” ይላል፡፡ ፍት. መን. አን. 14 ቁ. 536-537፡፡

ሥጋውንና ደሙን ከተቀበልን በኋላ ከሚሰገድለት እንጂ ከማይሰግደው ጋር አንድ መሆናችንን ለማጠየቅና ለቅዱስ ሥጋውና ለክቡር ደሙ ክብር ስንል ዝቅ ብለን አንሰግድም፡፡

† 6ኛ. በ12 ፣ በ21 ፣ በ29 †

ኤል_ማሮስ

20 may 2026, 01:17

በስመ አብ ወወልድ ወመንፈስ ቅዱስ አሐዱ አምላክ
አሜን

በተደጋጋሚ አብይ ፆም በደረሰ ጊዜ ሁሌ የሚነሳ ጥያቄ

❓ዓሳ በጾም ይበላልን

✝ግዜው ደርሶ እንግዲህ ጾም ገባ አሳ ካልበላን ብለው አይናቸው እንባ የሚያቀር ሰዎች ስለሚኖሩ ቤተክርስትያናችን ለምን አሳ በጾም እንደማይበላ ዛሬም ሳትሰለች ለዚህ መንቻካ ጥያቄ መልስ ትሰጣለች።

1⃣ አንዳንድ ሰዎች በጾም ሰአት ዓሳ ይበላል ይላሉ፤ ለመብላት እንደ ምክንያት የሚያነሱት አንዱ በፍትህ መንፈሳዊ (በፍትሃ ነገስት) ላይ ያለውን

✍"ኢትብልዑ ስጋ ዘእንበለ አሳ" የሚለውን ነው።

✝በፍትህ መንፈሳዊ (በፍትሃ ነገስት) ላይ "ኢትብልዑ ...ስጋ ዘእንበለ አሳ " የሚል ቃል አለ ።

✝እዚህ ቃል ውስጥ <ዘእንበለ> የሚለው የግእዝ ቃል ሁለት ትርጉም ስላለው ሰዎችን ሲያምታታ ቆይቷል ትርጉሙም
📌 #ዘእንበለ = በቀር
📌 #ዘእንበለ = ሳይቀር የሚል ነው።

✝አንዳንድ ሰዎች "ኢትብልዑ ስጋ ዘእንበለ ዓሳ "የሚለውን "ስጋን አትብሉ ከዓሳ በቀር" ብለው ተርጉመው ዓሳ ይበላሉ፤ ነገር ግን ቅዱስ ሲኖዶስ በወሰነው መሰረት ትክክለኛው ትርጉሙ "ስጋን አትብሉ ዓሳም ሳይቀር" የሚለው መሆኑን ተናግሩል።

🔘ምሳሌ እናቅርብ

✍“እግዚአብሔር ፈጠረ ኩሉ አለም ዘእንበለ ትል” ሲል እግዚአብሔር አለምን ሁሉ ፈጠረ ትልን ጭምር ይባላል እንጂ ከትል በቀር አይባልም።

✝ስለዚህም አሳን ጭምር አትብሉ ማለት ይሆናል ማለት ነው፤ ዓሳ ከበግና ከበሬ ስጋ የተሻለ ጥቅም አንዳለውም ይታወቃል።

✝ስለዚህ ከበግና ከበሬ ተከልክሎ አሳን መብላት እራስን ማታለል ነውና ቤተ ክርስቲያን በጾም ሰአት ዓሳን መብላት ትከለክላለች፤ (ሥጋም ሆነ የወይን ጠጅ ወደ አፌ አልገባም 📖ዳን 10፥3

2⃣ አንዳዶች በጸሎተ ሐሙስ ጌታ ለሐዋርያቱ አሳ መግባቸዋል ስለዚህ ዓሳ በጾም ወቅት ቢበላ ችግር የለውም ለሚሉ መጸሐፍን ጠንቅቆ ካለማወቅ የመጣ ነው።

✝ሐዋርያት ጾማቸው በአዲስ ኪዳን የተጀመረው ጌታችን ካረገ ከሀምሳ ቀን ቡሃላ ነው፤ ጌታም ሐዋርያትን ዓሳ በሚያበላበት ወቅት እነሱ አይጾሙም ነበር፤ ነገር ግን እኛ አሁን በምንጾምበት ሰአት ምሴተ ሐሙስ በአቢይ ጾም የመጨረሻው ሳምንት በሆነው በህማማት ወቅት አብረን ስለምናስበው ጌታ ለዋርያትን ዓሳ ያበላችው በጾም ወቅት ይምስለናል ይህ ግን ስህተት ነው፤ ምክኒያቱም በዚያ ወቅት ሐዋርያቱ ጾም እንደማይጾሙ ተናግሩአል ላይ የዪሐንስ ደቀመዛሙርት ወደ ጌታ መጥተው ለምንድን ነው እኛና ፈሪሳውያን እንጾማለን ያንተ ደቀመዛሙርት የማይጾሙት ብለው ጠየቁት ጌታም ሲመልስ እንዲህ አላቸው ሚዜዎች ሙሽራው ከነሱ ጋር እያለ ሊያዝኑ ይችላሉን፤ ነገር ግን ሙሽራው ከነሱ የሚወሰድበት ጊዜ ይመጣል በዚያን ጊዜ ይጾማሉ አላቸው።
📖ማቴ 9፥14-18

✝ይህንን ቃል እንደተመለከትነው ሙሽራው የተባለው ጌታ ከነሱ ጋር እያለ ሐዋርያት አለመጾማቸውን ነው፤ ነገር ግን ሙሽራው የተባለው ጌታ ከእነርሱ ከተለየ ቡሀላ ሐዋርያት ጾመዋል።

✝ለዚህም የመጸሀፍ ቅዱስ ጥቅስ ስንመለከት "በዚያን ጊዜም ከጦሙ ከጸለዩም...... " ላይ "በየቤተክርስቲያኑም ሽማግሌዎችን ከሾሙላቸው በኋላ ጦመውም ከጸለዩ በኋላ ላመኑበት ለጌታ አደራ ሰጡአቸው....." ስለዚህ በጾም ወቅት ዓሳ አይበላም ማለት ነው።
📖ሐዋ 14፥23
📖ሐዋ 13፥2

3⃣ አመክንዮአዊ መልስ (Logic)
ይህማ ያሰባናል ያወዛናል ነፍሳችንን ያስረሳናል በጾም እንዴት አርገን እንበላዋለን ብለን ጾም ከመግባቱ በፊት ከተራኮትንበት ከሥጋ በላይ እጅግ የበለጠ "Nutritious content" ወይም አልሚ ንጥረ ነገር ያለውን አሳ ከበሉ በኋላ እየጾምኩ ነው ማለት ይቻላል ወይ አሳ ከመብላት በላይ ለሰውነት እንክብካቤ ከየት ይምጣ፤ ማንን ልናታልል ነው፤ አሳ በልቶ ሰውነቱ ደክማ ዝላለት ለነፍሱ ያደረ ሰው ሰምተህ ታቃለህ፤ ዓሳን መብላት ትከለክላለች።

✝አስቡት እስቲ አደለም አሳ የጣመ የላመ የጾም ምግብ እንኳን ቀንሱ የምትል ቤተክርስትያን አሳ ብላልኝ ትልሃለች፤ ከዛ ሲቀጥል አቀብተ ሃይማኖት የሆኑት አባቶቻችን ስርአትን በደነገጉበት ግዜ "በመብል ክርክር ቢነሳ ለጾም አድሉ ብለዋል" አከተመ።

✝ይህ ሁሉ ጥያቄ የጾም መሰረታዊ አላማ ከሥጋ ምቾት ማማ መውረድ እንደሆነ ስላልተረዳን ነው እና እናስብበት፤ እራስን ማታለል ይቻላል ፈጣሪን ግን ማታላል አይቻልም።

✍"ሥጋም ሆነ የወይን ጠጅ ወደ አፌ አልገባም፤ አለ ነብዩ ዳንኤል።
📖ዳን 10፥3"

#አሳ_ስጋ_አይደለም_ብላቹ_ምትከራከሩ_ሰዎች_እና_ታድያ_አሳ_አትክልት_ቅጠላ_ቅጠል_ነው_እንዴ እራሳችንን አናታልል።

✍መደምደሚያ

✝አበው አባቶቻችን በጾም ክርክር ቢነሳ ለጾም አድሉ ከመብላት አለመብላት እጅግ ይሻላልና ብለው አልፈዋል

✍" ሁሉ ተፈቅዶልኛል ነገር ግን ሁሉም ነገር አይጠቅምም"
📖1ኛ ቆሮ 10፥23


ወስብሐት ለእግዚአብሔር
ይቆየን

ተጨማሪ ለማግኘት ይቀላቀሉን👇
✅
📱

ኤል_ማሮስ

20 may 2026, 01:17

📷 Photo

🌿በዓለ ሆሳዕናን በሆሳዕና 🌿

'' ሆሳዕና በጌታ ስም የሚመጣ የተባረከ ነው'' ማር 11፥9

ተጨማሪ ለማግኘት ይቀላቀሉን👇
✅
📱

1,380

ኤል_ማሮስ

20 may 2026, 01:17

📷 Photo

+ የብርሃን ዓይን ናት +

"ቅዱስ ኤፍሬም" ድንግል ማርያም የብርሃንን ምንጭ የተቀበለች መሬት ናት ፣ በርሷ በኩል ዓለምና በዓለም ያለው ኹሉ በብርሃን ተመላ ፣ በሔዋን ምክንያት ጨልሞ ነበር ፣ የክፍ ሁሉ ምንጭ ኾናለችና እመቤታችን ማርያም ሔዋን በምሳሌያቸው አንድ ዐይኑን እንዳጣ በአንድ ዓይኑ ሰውነቱ ሁሉ ብርሃን የኾነለት ሰውን ይመስላሉ ፣ የሚታየው ዓለም ኹለት ዐይኖች አሉት ሔዋን የታወረ የግራ ዐይን ናት የሚያየው የቀኝ ዓይን ግን ድንግል ናት ። በጨለማው ዓይን በኩል ዓለሙ ሁሉ በጨለማ ተውጧል ፣ ሰዎችም በጨለማ ዳሰሳ ጀመሩ ፣ ግን የሚያደናቅፍቸው ድንጋይ ጣዖት ሐሰትን የሚናገር በድን ነው ። ነገር ግን በቀኝ ዓይኑ ዓለም በብርሃን ሲመላ ከሰማይ የወረደው ብርሃን በመካከል ሲገኝ ሰው ከእግዚአብሔር ጋር ታረቀ በማለት የብርሃን ዐይን መሆኗን የገልጣል ። በእርግጥም ድንግል ማርያም ለሰው ልጆች በሙሉ የብርሃን ዓይን ናት ! ( "መጽሐፈ ሥነ ፍጥረት" ዲያቆን ዮሐንስ ጌታቸው ገጽ -158 )


ተጨማሪ ለማግኘት ይቀላቀሉን👇
✅
📱

2,050

ኤል_ማሮስ

20 may 2026, 01:17

📷 Photo

እንኳን አደረሳችሁ🥰

ተጨማሪ ለማግኘት ይቀላቀሉን👇
✅
📱

2,680

ኤል_ማሮስ

9 abr 2026, 14:13

📷 Photo

💐ንብ ዲኮር 💐
ለሰርግ
ለብራይዳል
ለመልስ
ለቤቢ ሻወር
ለልደት
ለምርቃት እንዲሁም ለተለያዩ ፕሮግራም ዲኮር እንሰራለን
ያናግሩን https://t.me/pilupadier
በስልክ መስመር 0927334801
0717273301
ለመቀላቀል👇👇

https://t.me/nib_decor

1,120

Showing 11 of 11 posts

No more posts

Calificación

Se requiere iniciar sesión

Reseñas de usuarios (0)

Todavía no hay reseñas. ¡Sea el primero en compartir su experiencia!

Canales de Telegram relacionados

Loading recommended channels...

ኤል_ማሮስ

ኤል_ማሮስ

Clasificación

Crecimiento de participantes (Últimos 6 días)

Últimas publicaciones

Calificación

Reseñas de usuarios (0)

Canales de Telegram relacionados

Cystem

Dara Nymph Birthday party🕺

Jacky Ramirez 🔞

✝️ MR HAYAT VIP🪀

🪼LA PATRONA🪼

Beth Cast

Sara Calixto ⚡️

Tod@s caen 🔹 El retrato perfecto

Canales de Telegram relacionados

Cystem

Dara Nymph Birthday party🕺

Jacky Ramirez 🔞

✝️ MR HAYAT VIP🪀

🪼LA PATRONA🪼

Beth Cast

Sara Calixto ⚡️

Tod@s caen 🔹 El retrato perfecto

Reseñas de usuarios (0)

Últimas publicaciones