Abdukakhkharov Yorkin | Private Blog

Abdukakhkharov Yorkin | Private Blog

Public

Can't Join? @abdukakhkarov_blog

0

9.2k Members

Updated: September 7, 2026 at 8:45 PM

Abdukakhkharov Yorkin | Private Blog

👨‍💻 Python Web Developer 5 yillik tajriba 📚 30 dan ortiq muvaffaqiyatli loyihalar 🕸 talaba-edu.uz | mmtri.uz asoschisi 🤖 ML Learner 🚀 Tajribam va bilimim bilan yangiliklarni amalga oshirishga intilaman! Bog'lanish: @abdukakhkharov98

Follow @abdukakhkarov_blog to stay updated with the latest mmtriuz and developer trends and news

Ranking

Global Ranking

#147047

-323

Language Ranking

#2574

-5

Category Ranking

#711

+1

Participant Growth (Last 15 Days)

Total: 9.2K

24h growth: +688 8%

Loading...

Rating

Login required

Loading...

Loading recommended channels...

Latest Posts

Abdukakhkharov Yorkin | Private Blog

9. Sept. 2026, 02:52

Bugun The Guardianda Yaponiya ta’lim tizimi haqida bir maqolani o‘qib qoldim. Undagi bir fikr meni ancha o‘ylantirdi:

“We gave our teachers the respect of an Emperor, the immunity of an Ambassador, and the salary of a Minister.”

Ikkinchi jahon urushidan keyin Yaponiya juda og‘ir ahvolda edi. Urushdagi mag‘lubiyat, vayron bo‘lgan shaharlar, iqtisodiy qiyinchiliklar… Shunday bir vaziyatda ular mamlakat kelajagini qayta qurishning eng muhim yo‘llaridan biri sifatida ta’limni tanlagan.

Eng qizig‘i, buning markaziga o‘qituvchini qo‘ygan.

Ya’ni ustozga imperatordek hurmat, elchidek daxlsizlik va vazirga munosib maosh berish kerak, degan qarash shakllangan.

Natijasini bugun hammamiz ko‘rib turibmiz.

Yaponiya deganda texnologiya, ilm-fan, intizom, sifat va taraqqiyot ko‘z oldimizga keladi. Bularning ortida esa, menimcha, juda oddiy, lekin kuchli bir tamoyil bor:

Kelajakni o‘zgartirmoqchi bo‘lsang, avvalo ustozning qadrini oshir.

Chunki yaxshi ustoz faqat dars bermaydi.
U insonni tarbiyalaydi.
Insonlar esa jamiyatni quradi.
Jamiyat esa davlatning kelajagini belgilaydi.

Maqolani o‘qib, yana bir bor amin bo‘ldim: ustozga qilingan investitsiya — kelajakka qilingan investitsiya.

Ustozni qadrlagan davlat, aslida, o‘zining ertangi kunini qadrlaydi.

4,140

38

0

Abdukakhkharov Yorkin | Private Blog

9. Sept. 2026, 02:52

📷 Photo

50 kun oldin o’zimga bitta qaror qo’ydim: Instagramni chetga surib, uning o’rniga mutolaani tanladim.

Bugun qarasam, oradan 50 kun o’tibdi.

📚 Shu vaqt ichida 140 soat audiokitob va elektron kitob mutolaa qilibman.

Bu 140 soat davomida shunchaki kitob o’qimadim. Bir dunyo bilim oldim, turli hissiyotlarni his qildim, hayotga boshqacha qarashni o’rgandim va o’zim uchun juda ko’p ibratlar topdim.

Eng qizig’i,boshida mutolaa ilovasining Premium tarifiga yiliga 150 ming so’m to’layotganimda: “Shuncha pul ham ketadimi?” deb o’ylagandim

Hozir esa shu 50 kun va 140 soatdan keyin, hech ikkilanmay ayta olaman: agar bugun “Premium 1,5 million so’m” desa ham olardim. Chunki buning qiymati pul bilan emas, hayotingizga qo’shadigan bilim va tafakkur bilan o’lchanarkan.

Ijtimoiy tarmoqlarda o’tkazilgan vaqt deyarli hech narsa qoldirmaydi. Kitob bilan o’tgan vaqt esa sizni har kuni oz bo’lsa-da o’zgartirib boradi.
Instagramni o'chirganimdan afsuslanmayman)

Eng yaxshi investitsiya — bu o’zingizga qilgan investitsiyangiz.

Abdukakhkharov Yorkin | Private Blog

9. Sept. 2026, 02:52

📷 Photo

#diqqat_tanlov

💠 “Dolzarb 90 kun” onlayn viktorinasi qatnashib, qimmatbaho sovg‘alar yutib oling!

🔹Viktorinada tyutorlar, talabalar, o‘quvchilar, ustozlar, qisqasi barcha O‘zbekiston fuqarolari qatnashishi mumkin.

G‘oliblar quyidagicha taqdirlanadi:
🏆GranPri (1 nafar) – Planshet 17 Pro Max;
🥇1-o‘rin (2 nafar) – RGB Smart Google;
🥈2-o‘rin (3 nafar) – Smartwatch Ultra 3;
🥉3-o‘rin (4 nafar) – Quloqchin.

✅ Viktorinada g‘oliblar test va referal bo‘yicha alohida aniqlanadi.
✅ Faol qatnashganlarga QR kodli elektron sertifikat beriladi.

Batafsil ma’lumot olish👇
https://t.me/bilimtanlovbot

2,920

Abdukakhkharov Yorkin | Private Blog

9. Sept. 2026, 02:52

📷 Photo

Yosh avlod yaxshi fikrlayapti....😁

Rostanamdaaa, ertaroq real fikrlaydigan odam bo'lgani yaxshi.

2,630

63

Abdukakhkharov Yorkin | Private Blog

9. Sept. 2026, 02:52

📷 Photo

4–5 yil oldingi o'zim esimga tushib ketdi. 😄

Django Community UZ guruhida 2020-yildan beri borman, shu guruhda bir suhbatga ko'zim tushdi:
"Zakazlarni qayerdan olyapsizlar?"

Shuni o'qib, eski Yorqin yodimga tushdi. 2020-2022-yillar O'shanda junior edim. (Rostini aytsam... hozir ham ba'zida o'zimni junior deb hisoblayman )

Freelance qilardim. Eng qizig'i, mijoz bilan uchrashuvga borsam:
— Sizga sayt/bot kerakmi? deyish o'rniga,
— Aka, sizning biznesingizda mana bu muammo bor ekan. Agar shunday tizim qilinsa, vaqtingiz tejaladi, mijozlar ko'payadi, hisob-kitob osonlashadi...
deb o'zimcha biznes konsultant bo'lib ketardim.

Natijada odam:
— Ha, bunaqasi kerak ekan. Qancha bo'ladi? derdi.

O'shanda tushunganman: ko'p mijoz "menga sayt kerak" deb yurmaydi. U muammosini hal qiladigan odamni qidiradi.

Odamlar kod sotib olmaydi. Ular natija sotib oladi.
Shuning uchun faqat Python, Django yoki JavaScript o'rganmang.
Biznesni tushunishni, savol berishni va muammoni ko'rishni ham o'rganing

2,500

Abdukakhkharov Yorkin | Private Blog

9. Sept. 2026, 02:52

Man russofobman.

Oxirgi 3 yildan beri bank soxasida ishlab kelyapman va shu 3 yil davomida mandagi russofobia maksimal darajada kuchaydi. O'zbekistonda davlat tili O'zbek tili bu konstitutsiyada belgilab qo'yilgan lekin butun boshli davlat boshqaruv tizimi russ tilida olib boriladi. Barcha majlislar seminarlar xama xamasi rus tilida va bu juddayam achinarli xolat.

4 ta o'zbek orasiga bitta uris qo'shilib qolsa 4 o'zbek chala chulpa bo'lsaxam russ tilida gapirishga xarakat qiladi va bu odamni juddayam jaxlini chiqaradi. Ayni xozir bo'lib turgan xolat , xozir markaziy bank tomonidan tashkillashtirilgan seminardaman. Bu seminarda 150 ga yaqin barcha bank xodimlari bor va bularning 99% i o'zbekzabon insonlar lekin seminar russ tilida bo'lyapti 🤦‍♂️.

Man umid qilaman va ishonaman davlat boshqaruv tizimidagi X avlod vakillaridan davr o'tib bizani Z avlod boshqaruvga kelganda bu xolat yo'qoladi. O'zbekistonga ishlashga keladigan ekspatlarga O'zbek tilini bilish majburiy talab qilib qo'yiladi, O'zbekiston respublikasi davlat boshqaruvi o'zbek tilida olib boriladi.

2,820

46

Abdukakhkharov Yorkin | Private Blog

9. Sept. 2026, 02:52

Sizlar ham sezasizlarmi ba'zilarga mansab berilsa darrov o'zgaradi..

Nega rahbarlar byurokrat bo’lib qoladi?

Hech kim rahbar bo’lib tug’ilmaydi.
Lekin ayrimlar vaqt o’tishi bilan rahbarlikni emas, kursini himoya qilishni o’rganadi.

Shu yerdan byurokratizm boshlanadi.

Byurokrat rahbar yomon odam bo’lgani uchun emas.
Ko’pincha u xato qilishdan qo’rqqani uchun byurokrat bo’ladi.

Chunki u biladi:
Yechim topgan odam javob beradi.
Hech narsa qilmagan odam esa deyarli hech qachon javob bermaydi.

Shuning uchun eng xavfsiz yo’lni tanlaydi:

— kutish;
— cho’zish;
— boshqasiga yuborish;
— hech narsa qilmaslik.

Vaqt o’tishi bilan bu odatga aylanadi.
Odat esa boshqaruv uslubiga.

Natijada ko’payadigan narsalar 👇
Qog’ozlar ko’payadi.
Majlislar ko’payadi.
Lekin natijalar ko’paymaydi.

Byurokratizmning ildizi dangasalikda emas.
Mas’uliyatdan qo’rqishda.

Chunki tashabbus qilgan odam tanqid qilinishi mumkin.
Hech narsa qilmagan odam esa ko’pincha "xato qilmagan" bo’lib qoladi.

Shuning uchun haqiqiy rahbar kursisini emas, mas’uliyatini himoya qiladi.

Rahbarning kuchi qancha odamni boshqarganida emas.

Qancha muammoni amalda hal qilganida.

Har bir vaziyatning o’z talabi bor.
Qonun va tartib talab qilgan joyda — byurokrat bo’ling.

Odam, tashabbus va rivojlanish talab qilgan joyda — demokrat bo’ling.

Chunki kuchli rahbar bir tomonlama emas, vaziyatga qarab to’g’ri boshqara oladigan rahbardir.

3,270

Abdukakhkharov Yorkin | Private Blog

9. Sept. 2026, 02:52

🚀 Jamoamizga kreativ dizayner kerak!

Agar siz dizaynni shunchaki tayyorlamaydigan, balki g'oya yarata oladigan, kreativ fikrlaydigan va har bir loyihaga professional yondashadigan mutaxassis bo'lsangiz, sizni jamoamizda kutamiz.

Talab qilinadigan dasturlar:
🎨 Adobe InDesign
🎨 CorelDRAW
🎨 Canva
🎨 Adobe Photoshop
🎨 Adobe Illustrator

Nomzoddan talab qilinadi:
✅ Kreativ fikrlash va yangi g'oyalar bera olish;
✅ Dizayn bo'yicha mustaqil ishlay olish;
✅ Mas'uliyat va sifatga e'tibor;
✅ Toshkent shahrida offlayn ishlash imkoniyati;
✅ Bakalavr darajasiga ega bo'lishi yoki bakalavr bosqichida tahsil olayotgan bo'lishi.

🎓 Talaba bo'lsangiz ham murojaat qilishingiz mumkin. Biz uchun eng muhimi — kreativ fikrlashingiz, didingiz va portfolioyingiz.
☝️ Diqqat! Davlat tashkiloti bo'lganligi sababli onlayn ishlash imkoniyati yo'q.

📂 Portfolio va ishlaringizni Telegram orqali yuboring:

👉 https://t.me/abdukakhkharov98
📌 Saralash suhbat va amaliy dizayn topshirig'i asosida amalga oshiriladi.

Agar o'zingizni kuchli dizayner deb hisoblasangiz va ijodkor jamoada ishlashni istasangiz, murojaatingizni kutamiz!

2,970

Abdukakhkharov Yorkin | Private Blog

9. Sept. 2026, 02:52

📷 Photo

Exxx "bratishka" bankni o'marish uchun sen bomba bilan emas, diplom bilan kelishing kerak edi...

3,110

105

Abdukakhkharov Yorkin | Private Blog

9. Sept. 2026, 02:52

So’nggi kunlarda Shayx Sayyid Tantoviyning “Payg’ambarlar tarixi” kitobini yana tingladim. Hisobim bo’yicha deyarli uchinchi marta.

Har safar bir joyiga kelganda yuragim jim bo’lib qoladi…
Meni voqealarning o’zi emas, payg’ambarlarning Robbilariga bo’lgan ishonchi larzaga soladi.

Muso alayhissalom…
Oldinda dengiz.
Orqada Fir’avnning cheksiz lashkari.

Yonidagilar:
“Tamom… Endi bizni ushlashdi.” deyishadi.

Lekin Muso alayhissalomning javobi qanday?

“Yo’q! Albatta, Robbim men bilan. U meni hidoyat qiladi.”

Bir lahza o’ylab ko’ring…

Dengiz hali ochilmagan.
Mo’jiza hali sodir bo’lmagan.
Hech qanday najot alomati yo’q.

Lekin tavakkul allaqachon qalbga joylashgan.

Yana bir sahna…

Savr g’ori.

Abu Bakr roziyallohu anhu:
“Agar ulardan biri oyog’i ostiga qarasa, bizni ko’radi…”

Rasululloh sollallohu alayhi vasallam esa xotirjam:

“G’am chekmagin. Albatta, Alloh biz bilan.”

Yana bir sahna…

Ibrohim alayhissalom olovga uloqtirilmoqda.

Jabroil alayhissalom:
“Yordam kerakmi?” deydilar.

Javob esa butun ummat uchun dars:

“Menga Allohning O’zi kifoya.”

Shu joyiga kelganda o’zimdan uyalaman.

Biz-chi?

Bir ishimiz yurishmasa…
Bir odam xafa qilsa…
Bir eshik yopilsa…
Bir kasallik kelsa…

Darrov:
“Tamom bo’ldi…”
“Endi nima qilaman?”
“Chiqish yo’li qolmadi…”
deymiz.

Payg’ambarlarni buyuk qilgan mo’jizalari emas edi.
Ularni buyuk qilgan narsa — Robbilariga bo’lgan kuchli ishonch edi.

Ehtimol, bugun bizga eng ko’p yetishmayotgan narsa ilm ham emas, pul ham emas, imkon ham emas…

Allohga chin tavakkuldir.

Agar hali o’qimagan bo’lsangiz, Shayx Ali Tantoviyning “Payg’ambarlar tarixi” asarini tavsiya qilaman. Bu kitob sizga shunchaki tarixni emas, qalbning Allohga qanday bog’lanishini o’rgatadi.

Ba’zi kitoblar bilimingizni oshiradi.
Ba’zi kitoblar esa iymoningizni uyg’otadi.
Men uchun bu kitob ana shunday asarlardan biri bo’lgan.

Abdukakhkharov Yorkin | Private Blog

25. Aug. 2026, 04:48

📎 File

❗️Ijtimoiy tarmoqlardagi ekstremistik, terroristik va aqidaparastlik g‘oyalari bilan yo‘g‘rilgan, deb topilgan taqiqlangan manba va kontentlar (materiallar) ro‘yxati tasdiqlandi.

(2026-yil 13-iyul holatiga).

Bizni kuzating
https://www.facebook.com/eduuzofficial | https://www.instagram.com/eduuzofficial/| http://youtube.com/c/eduuz | https://t.me/eduuz

2,770

Abdukakhkharov Yorkin | Private Blog

25. Aug. 2026, 04:48

🔥 Har hurayotgan itga tosh otsangiz, manzilga hech qachon yetolmaysiz.

Bir kuni bir it kelib sherni jangga chorlabdi.

Sher esa unga hatto qayrilib ham qaramabdi.

Shunda it kulib:
— Sen men bilan urishmading. Endi borib hamma itlarga: “Sher mendan qo’rqdi”, deyman, — debdi.

Sher xotirjam javob beribdi:

“Itlar meni qo’rqoq desa ham mayli. Ammo sherlar meni it bilan urishgan deb eslashi — bundan ham battar.”

Xulosa:

Hayotda hamma jangga arzimaydi.

Ba’zi odamlar sizni yenga olmagani uchun sizni o’z darajasiga tushirishga urinadi. Ularning maqsadi g’alaba emas, sizni o’z loyiga tortishdir.

Eslab qoling:

Sher hech qachon itlarga o’zini isbotlamaydi.
Baland tog’ shamol bilan urishmaydi.
Qimmat narsa arzon bozorning shovqiniga aralashmaydi.

Har bir haqoratga javob qaytarish — kuch emas. Kim bilan bahslashayotganingiz, aslida kim ekaningizni ko’rsatadi.

Ba’zan eng buyuk g’alaba — umuman jang qilmaslikdir. Chunki ba’zi janglarda yutsangiz ham yutqazasiz.

3,600

48

Abdukakhkharov Yorkin | Private Blog

25. Aug. 2026, 04:48

Talabalarning ijtimoiy faolligi oshishiga, kitobga bo‘lgan qiziqishi yanada ortishiga oz bo‘lsa-da hissa qo‘sha olganimdan xursandman. 📚

Har bir o‘qilgan kitob — yangi fikr, yangi dunyoqarash va kelajak sari tashlangan qadamdir.

Yoshlarning bilim olishga, o‘z ustida ishlashga bo‘lgan intilishini ko‘rish insonni yanada ko‘proq harakat qilishga undaydi.

Kitobxon yoshlarimiz safi yanada kengayaversin! ✨

https://t.me/kitobxonyoshlar)

3,570

62

Abdukakhkharov Yorkin | Private Blog

25. Aug. 2026, 04:48

Kecha bir bolaning kommentini o’qib qoldim.

Tagini biroz surishtirsa, aniq ishonaman webdan 2-3 ta narsani ko’rib, qolganini AI’ga yozdiradigan Z avlodlardan.

Yozibdi:
https://t.me/kitobtanlovbot’ni 30 minutga bormay yasab tashlayman.

Hop, muammosi yo’q. AI bilan yozib tashlarsan.

Lekin meni qiziqtiradigan joyi boshqa.

Uni manage qilishchi?
Serveri yiqilganda tiklashchi?
10 ming odam bir vaqtda kirganda ishlatishchi?
Foydalanuvchining ishonchini qozonishchi?
Bir necha yil loyihani tirik ushlab yurishchi?

Kod yozish — ishning boshlanishi.

Loyihani yurgazish, qo’llab-quvvatlash, ishonch yig’ish, foydalanuvchini ushlab qolish — mana shu haqiqiy ish.

AI chiqqandan keyin IT bozorga har kuni “falon daqiqada tayyor” mahsulotlar chiqyapti.

Lekin nega ularning aksariyati bozorda yashab qolmayapti?

Chunki mahsulotni kod emas, mas’uliyat olib yuradi.

Eng qizig’i, ayrimlari bilan 10 daqiqa suhbat qilsangiz:

TCP bilan UDP farqini bilmaydi.
Port nima ekanini tushuntira olmaydi.
HTTP request qanday yurishini bilmaydi.
Layerlar haqida so’rasangiz mavzu o’zgaradi.

Ammo gapirishiga qarasangiz…

Ultra Senior Pro Max AI Software Architect.

Shunda Avaz Oxunning bir gapi esimga tushadi:

“Men artist desam, ular mendan ham ko’proq artist ekan.”

Hozirgi zamonaviy varianti esa:

“Men dasturchi desam, ayrimlar mendan ham ko’proq dasturchi ekan.”

1-2 ta narsani o'rganib olib, men olimman deyishdan axmoqona narsa bo'lmasa kerak.

4,030

Abdukakhkharov Yorkin | Private Blog

24. Mai 2026, 09:28

Bir “mehribon” o‘rtog‘im shekilli, meni rosa “bopladi” 😂
Bugun bo'lgan voqea...

Telefon bo‘ldi:
— Yorqin sizmisiz?
— Ha menman.
— Biz ichib-chekib yurgan insonlarni davolash markazidanmiz. Siz “zayafka” qoldirgan ekansiz…

Tavbaaa 😐
Umuman ichmasam, chakmasam. “Kim berdi raqamimni?” desam:
— O‘zingiz yozgansizku, — deydi.

Hayolimga bir-ikki do‘st tushdi. Keyin “yo‘q-e, ular unday emasdir” deb telefonni qo‘ydim.

Oradan biroz o‘tib yana telefon:
— Yorqin sizmi?
— Ha…
— Gemmaroy bezovta qilyaptimi?

Mana shu joyida asabim tasbehday sochilib ketdi.

Ey nomard, hazilni ham evi bilan qil-da 🤦‍♂️

Seni topib olsam…
Janoza xizmatiga berib yuboraman raqamingni.

1,240

52

Abdukakhkharov Yorkin | Private Blog

24. Mai 2026, 09:28

📷 Photo

#diqqat_tanlov

📚 “Dunyo mamlakatlari” kitobini o‘qib, super sovg‘alar egasiga aylaning! Tanlovda barcha O‘zbekiston fuqarolari qatnashishi mumkin. Barcha ishtirokchilariga QR kodli sertifikat beriladi.

G‘oliblar quyidagicha taqdirlanadi:
🥇1-2-o‘rinlarga – 🇹🇷Turkiyaga sayohat;
🥈3-4-o‘rinlarga – 🇪🇬Misrga sayohat;
🥉5-6-o‘rinlarga – 🇻🇳Vetnamga sayohat;
🔸7-o‘ringa – 5 million so‘m pul;
🔸8-o‘ringa – 4 million so‘m pul;
🔸9-o‘ringa – 3 million so‘m pul;
🔸10-15-o‘rinlarga – 1 million so‘mdan;
🔹16-20-o‘rinlarga – 15 tadan kitoblar;
🔹21-50-o‘rinlarga – 10 tadan kitoblar;
🔹51-100-o‘rinlarga – 8 tadan kitoblar;
🎁150 kishiga qo‘shimcha sovg‘alar.

Eng faol targ‘ibotchilarga:
🥇1-3-o‘rinlarga – 1.5 million so‘mdan;
🥈4-6-o‘rinlarga – 1 million so‘mdan;
🥉7-9-o‘rinlarga – 500 ming so‘mdan;
🔹10-20-o‘rinlarga – 8 tadan kitoblar.

✅ Kitob o‘qing, bilim oling – sovg‘a yutib, sayohat qiling!

Tanlovda ishtirok etish:
👉 https://t.me/kitobtargibot

Abdukakhkharov Yorkin | Private Blog

24. Mai 2026, 09:28

📷 Photo

2020–2021 yillar…
Bir paytlar backend o‘rganishga qatnab yurgan oddiy yigitlar edik.
Bir yaxshi ustoz bizga hozir ishlatayotgan texnologiyalarimizni o‘rgatardilar.

Ochig‘i, kursni ham oxirigacha bitira olmadik.
Sertifikat ham olmadik.
O‘sha paytda kimdir:

“4 yildan keyin biringiz katta tashkilotda Data Engineer, biringiz Software Engineer bo‘lasiz”,

desa, ehtimol ishonmagan bo‘lardik.

Bugun esa Jo‘rabek katta tashkilotda Data Engineer, men esa Software Engineer sifatida faoliyat yurityapman.

Hayot qiziq ekan…
Ba’zan natija darrov bilinmaydi.
Siz bugun qiynalib o‘rganayotgan narsangiz, ertaga butun hayotingizni o‘zgartirib yuborishi mumkin.

Eng muhimi — to‘xtab qolmaslik.
Sertifikat ololmasangiz ham, yo‘lingiz tugamaydi.
Muhimi — qunt bilan o‘rganish, o‘zingiz ustida ishlash va har kuni oz bo‘lsa ham oldinga yurish.

Yoshlar, bugungi mehnatingizga yengil qaramang.
Bir kun kelib ortga qarab:
“Shu kichik boshlangan yo‘l meni shu darajaga olib chiqibdi”,
deb hayron qolasiz. 🙂

Nima deysiz https://t.me/datAbriev ?

Abdukakhkharov Yorkin | Private Blog

24. Mai 2026, 09:28

📷 Photo

Nihoyat ko'pchilik o'qigan, falsafiy kitob bo'lgan Kafkaning Evrilishini tugatdim.

Eng og‘ir yuk — bu insonning keraksizligidir.
Yashab turib unutilish — mana shu haqiqiy fojia.

Bugun odamning qadri nima bilan o‘lchanishini yana bir bor tushundim:
foydasi bilan.

Ishlayapsanmi — keraksan.
To‘xtadingmi — yuksan.

Gregordan hech narsa qolmadi, faqat bitta haqiqat:
insonni sevishmaydi, undan foydalanishadi.

Eng og‘riqli joyi esa boshqasi —
u o‘zgargani uchun emas,
endi foydasi tegmay qolgani uchun rad etildi.

O‘ylab qarasam, biz ham ko‘p hollarda Gregormiz:
uy — ish — majburiyat — yana ish…
Va bir kun yiqilsak, kim qoladi yonimizda?

O'qishni tavsiya qilaman..)

1,480

Abdukakhkharov Yorkin | Private Blog

24. Mai 2026, 09:28

Kibrni sindirish va tafakkur qilish uchun qabristonlarga borib turing…

Bugun bir yaqin tanishimiz olamdan o‘tdi.
Alloh rahmat qilsin, savol-javoblari oson bo‘lsin.

Marhumni yerga qo‘ydik…
Hamma asta-sekin tarqaldi.
Men esa biroz qolib ketdim.

Mulk tilovat qilinyapti…
Ko‘zlarim esa peshtaxtalarga tushdi.

Birdan ichimdan bir ovoz keldi:
“Yorqin… yaqinda sening ham isming shu toshlarga yoziladi.
Ustinga ham odamlar yig‘ilib, tilovat qilishadi…”

Shu fikr yuragimni larzaga soldi.
O‘zimga savol berdim:

“Sen bunga tayyormisan?”

Javob esa sukut bo‘ldi…
Yo‘q… tayyor emas ekanman.

Ular…
endi hech narsani o‘zgartira olmaydi.
Ammo men… hali imkoniyatim bor.

Shunda tushundim:
bugun gapirgan — nafsim emas, qalbim edi.

O‘zimni qattiq tanqid qildim:
dunyoga ortiqcha mehr qo‘yibman,
vaqtni behuda sarflabman,
o‘zimni aldagan ekanman…

Qabr — yakun emas, eslatma ekan.
Har bir peshtaxta — bizga yozilgan ogohlantirish.

Bugun qalbim menga dedi:
“Yashashni o‘rgan… o‘lishga tayyorlanib yashashni.”

1,740

40

Abdukakhkharov Yorkin | Private Blog

24. Mai 2026, 09:28

📷 Photo

Ular tizzalayapti,
ularni ko'rib men hijolat bo'lyapman.

(Испанский стыд)

Ha erkak bo'lgan sanlarni....

1,330

18

Abdukakhkharov Yorkin | Private Blog

24. Mai 2026, 09:28

📷 Photo

Do‘stlar, bir gap bor… 😄 (Hazil post) Mushugim Mandarinni urushga yubordim 🐱⚔️ Eshitishimcha, kuchuklar podasi(bo'biklar) mushuklarga qarshi urush e’lon qilibdi… Mushuklar esa zudlik bilan yig‘ilish o‘tkazib, strategiya tuzib, frontga yo‘l olishibdi 😅 Mandarin…

1,380

26

Abdukakhkharov Yorkin | Private Blog

24. Mai 2026, 09:28

Lavozim — bu oddiy stul emas.
Bu — ishonch. Bu — yuk. Bu — sinov.

Bugun seni shu joyga qo‘yishdi — demak, kimdir senga ishondi.
Demak, sen boshqalardan bir qadam oldinda emassan, balki ulardan ko‘ra ko‘proq javobgarsan.

Lavozimni qabul qilish — bu oddiy rozilik emas.
Bu — ichingda aytilgan qasamyod:

“Men bu ishonchni sotmayman.
Men bu mas’uliyatni tashlab qochmayman.
Men o‘zim uchun emas, menga ishonganlar uchun ishlayman.”

Lavozimni sotgan odam — faqat o‘zini emas,
unga ishonganlarni ham sotadi.

Lavozimga xiyonat — bu oddiy xato emas.
Bu — sukutdagi jinoyat.
Bu — ko‘rinmas, lekin eng og‘ir zarba.

Vatan oldida qasamyod qilgan askar qanday sodiq bo‘lishi kerak bo‘lsa,
lavozimni olgan inson ham shunday pok, qat’iy va halol bo‘lishi shart.

Chunki oxirida savol bitta bo‘ladi:
“Sen lavozimni egalladingmi yoki lavozim seni egalladimi?”

Tanlov har kuni qilinadi.
Va har kuni berilgan qaror — sening haqiqiy qiyofangni yozadi.

1,250

15

Abdukakhkharov Yorkin | Private Blog

24. Mai 2026, 09:28

Ba’zan inson ulg‘aygani sayin atrofidagi odamlar o‘zgargandek tuyuladi.
Aslida esa ular o‘zgarmaydi…
sen o‘zgarasan.

Oldin qarindoshlarim ko‘z o‘ngimda katta, dono, hayot ko‘rgan insonlar edi.
Har bir gaplari og‘ir, har bir maslahatlari muhimdek tuyulardi.

Hozir esa…
ba’zilarining gaplari juda mayda, fikrlari tor, qarashlari esa eskicha yoki bir farosatsizdek ko'rinadi.(Menda negadir aynan shunday)

Bir paytlar hayrat bilan qaragan odamlaring,
endi seni hayratga solmay qo‘yadi.

Bu hurmatsizlik emas.
Bu — anglash.

Sen ulg‘ayding.
Dunyoqarashing kengaydi.
Filtrlashni o‘rganding.

Va eng achinarlisi —
hamma ham sen bilan birga o‘smaganini tushunasan.

Ba’zan masofa qo‘yishga majbur bo‘lasan.
Ba’zan sukutni tanlaysan.
Ba’zan esa shunchaki ichingda xulosa qilib qo‘yasan.

Chunki har kim ham sen kutgan darajada chuqur emas.

Va bu normal.

1,290

25

Abdukakhkharov Yorkin | Private Blog

24. Mai 2026, 09:28

✨ “Inna lillahi va inna ilayhi rojiun” — faqat o‘limdan keyin o'qiladigan duo emas…

Ko‘pchiligimiz bu duoni faqat kimdir vafot etganda ishlatamiz.
Eshitganimizda ham yuragimiz siqilib ketadi…

Lekin aslida bu so‘zlar bundan ancha keng ma’noga ega.

“Albatta, biz Allohnikimiz va albatta Unga qaytuvchimiz.” (Baqara, 156)

Bu — har qanday sinovda aytiladigan so‘z.

— Ishingiz yurishmayaptimi?
— Rejangiz buzildimi?
— Kimdir ko‘nglingizni og‘ritdimi?

Shu paytda ayting:

“Inna lillahi va inna ilayhi rojiun”

Tasavvufda:
"Bu ham Allohdan, men sabr qilaman…"

Yaqinda bir inson bilan gaplashdim.
U kishi kichik muammoga duch kelgan edi.

Men shu duoni aytdim.

U kishi hayron bo‘lib:
— Odam o‘lmadi-ku… — dedilar.

Men esa shunday javob berdim:

“Har bir mushkulot — kichik bo‘lsa ham, qalb uchun sinov.”

Shunda ular chuqur o‘ylanib qoldilar…

Biz bu duoni faqat o‘lim bilan bog‘lab qo‘yganmiz.
Aslida esa u — har bir qiyinchilikda qalbni taskin qiladigan kalit.

Har safar sinov kelsa, eslang:

🤲 “Inna lillahi va inna ilayhi rojiun”

Shunda qalbingiz yengillashadi.
Chunki siz bilasiz —
hammasi Allohdan va oxiri yana O‘ziga qaytamiz.

1,630

44

Abdukakhkharov Yorkin | Private Blog

10. Mai 2026, 00:22

Bugun bo'lgan voqea.
Man, Otam, onam turmush o'rtog'im nonushta qilyapmiz.

Oshxonada "background"da gapirib turadigan televizorchamiz bor.

Qandaydir "trash"o'zbek kinosi bo'layotgan edi. Nomi esimda yo'q.

Orada bir syujet bo'ldi. (Katta kishi bolani ovozini yopish uchun, "Kattalar gapirganda, hop deydi" deb) notog'riroq narsani qilishdi.

Men darrov shu joyiga uydagilarga fikr aytdim. Kattalar gapirsa hop deydi degan javobga darrov keskin fikr bildirdim.

❗️“Kattalar gapirganda, hop deydi” — eng xavfli gaplardan biri

Bu gap — tarbiya emas.
Bu gap — fikrni o‘ldirish.

Bola “hop” deb o‘rganib katta bo‘ladi.
Keyin nima bo‘ladi?

Noto‘g‘rini ko‘rsa ham jim turadi
Adolatsizlikni ko‘rsa ham indamaydi
O‘z fikrini aytishdan qo‘rqadi
“Yo‘q” deyishni bilmaydi

Va biz keyin hayron bo‘lamiz:
“Nega yoshlar passiv?”
“Nega tashabbus yo‘q?”

Kattalar gapirganda “hop” deyadigan emas,
to‘g‘ri joyda gapira oladigan, fikrini himoya qila oladigan avlod kerak.

Agar bola gapirsa — bu hurmatsizlik emas.
Bu — uning fikri borligini bildiradi.

Eng katta xato esa:
fikri bor bolani jim qilish.

2,510

49

Abdukakhkharov Yorkin | Private Blog

10. Mai 2026, 00:22

1 haftadan beri umuman non, qovurilgan ovqat, guruchli, kartoshkali, hamirli ovqat, gazli ichimlik va albatta shirinlik yemayotgan va qattiq dietaga o’tirgan odam sifatida aytamanki, eplasa bo’lar ekan… Lekin… Boshida oshqozon emas, asab sinalar ekan 😂 …

1,710

35

0

Abdukakhkharov Yorkin | Private Blog

10. Mai 2026, 00:22

📷 Photo

O'zbekistondagi "Kraken Express" jamoasi "Windrose nomli O'yin ishlab" chiqib, Steamda 6 kun ichida 15 mln $ oshiq foyda ko'ribdi.

Bu O'zbekiston IT industriyasida bo'lmagan ishlardan biri.

Exxx Ma'naviyatchilar qayga qarayapti.

Axir ma'naviyatimizga zid-ku bunday o'yinlar 😹😹🙈

Nalogdagilar esa 😍😍😍

1,890

11

Abdukakhkharov Yorkin | Private Blog

2. Mai 2026, 11:54

📷 Photo

Odatda probka masalasidan qochib, mashinamni do'stlik metroning parkovkasiga qo'yib, o'zim metroda ishga ketaman.

Payshanba kuni qiziq voqea bo'ldi.
Do'stlik metroga kelsam, bir onaxon (yoshlari katta) qo'lida 2 ta paket (og'ir edi) ko'tarib metroga ketyaptilar.

Yordam bergim keldi, borib opa paketlarni bering ko'tarishib yuboraman desam, yo'qol o'g'ri desa bo'ladimi😹

Ultra darajada hijolat bo'lib ketdim.

Travma hosil bo'ldi)
O'zlari yordam bervor demaguncha, Endi hech kimga yordam bermasam kerak.

1,750

69

Abdukakhkharov Yorkin | Private Blog

2. Mai 2026, 11:54

📷 Photo

Sotdik Usmon og'ani
Sevdik Pushkin tog'ani

Cho'lponga o'q yetmadi
Biz uzatdik boltani.

Sotilganlar otilmadi,
otilganlar sotilmadi...)

#Yakshanba_vibe

1,670

66

Abdukakhkharov Yorkin | Private Blog

2. Mai 2026, 11:54

📷 Photo

Bugun qiziq ish qildim 😄

System logic shunaqa:
📸 tizzaning rentgen rasmini berasiz
👉 o‘zi tizzani topadi
👉 keyin “bu sog‘lommi yoki muammo bormi” deb aytadi

Oddiy qilib aytganda:
kompyuterga rasm ko‘rsatasiz — u o‘zi tekshiradi 😅

Bir joyida o‘ylab qoldim:
doktorlarga bir ko‘rsatsammikin…
yoki ular meni ko‘rib “bu nimani boshlab yubording?” deyisharmikin 😂

Lekin orqa tarafda ish oson bo‘lgani yo‘q:
Neyrotarmoqlar bilan ishlash, ularga train qildirish oson bo'lmadi, model ustiga model qurib sochim oqardi.

ba’zida topmaydi — yana o‘rgatamiz
yana ko‘rsatamiz — yana o‘rganadi

Oxiri:
“ha, endi yaxshi ishlayapti” degan joyga keldik 😎

🤖 kompyuter asta-sekin “doktorlikka yaqinlashyapti”
👨‍💻 men esa unga sabr bilan o‘rgatyapman 😄

1,780

Showing 30 of 52 posts