Transport universiteti | Rasmiy kanal

Transport universiteti | Rasmiy kanal

Public

Can't Join? @tstu_official

0

11.8k Members

Updated: May 27, 2026 at 9:20 AM

Transport universiteti | Rasmiy kanal

TOSHKENT DAVLAT TRANSPORT UNIVERSITETI RASMIY TELEGRAM KANALI Veb-sayt: tstu.uz Facebook: facebook.com/tstu.official Instagram: instagram.com/tstu_officialpage Youtube: youtube.com/@tstu_official

Follow @tstu_official to stay updated with the latest universiteti and kanali trends and news

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 14 Days)

Total: 11.8K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

Transport universiteti | Rasmiy kanal

May 14, 2026, 10:15 PM

📷 Photo

Ekologik madaniyat va yashil taraqqiyot: “Yoshlar kuni” doirasida talabalar bilan ochiq muloqot tashkil etildi

“Yoshlar kuni” doirasida yoshlar o‘rtasida ekologik madaniyatni oshirish va atrof-muhitni asrashga mas’uliyat hissini kuchaytirish maqsadida Toshkent davlat transport universitetida Toshkent shahar Ekologiya va iqlim o‘zgarishi bosh boshqarmasi boshlig‘i o‘rinbosari I. Muslimov ishtirokida talaba-yoshlar bilan ekologik yo‘nalishdagi ochiq muloqot bo‘lib o‘tdi.

Universitet professor-o‘qituvchilari hamda talaba-yoshlar qatnashgan mazkur uchrashuvda mutaxassis tomonidan bugungi kunda dunyo miqyosida va respublikamizda kuzatilayotgan iqlim o‘zgarishining salbiy oqibatlari xususida so‘z yuritildi. Xususan, global ekologik muammolar yechimida yoshlarning o‘rni va faolligini oshirish, ularning bu boradagi zamonaviy bilimlarga ega bo‘lishlari zarurati alohida ta’kidlandi.

Muloqotning eng muhim nuqtalaridan biri — hududlarda ekologik barqarorlikni ta’minlash masalalari bo‘ldi. Tadbir davomida bugungi kunda dolzarb bo‘lib borayotgan atmosfera havosining ifloslanishi, chiqindilarni belgilangan tartibda tashlash, yashil hududlarni saqlab qolish, daraxt va butalarni muhofaza qilish hamda suv resurslaridan oqilona foydalanish yuzasidan batafsil fikr almashildi.

Interaktiv va samimiy ruhda o‘tgan davra suhbatida talaba-yoshlar faollik ko‘rsatib, ekologiya va iqlim o‘zgarishi bilan bog‘liq o‘zlarini qiziqtirgan qator savollarga mutaxassislar tomonidan to‘g‘ridan-to‘g‘ri, batafsil javoblar olishdi. Shuningdek, yoshlarning turli ekologik tashabbuslari, volontyorlik faoliyati va loyihalarda faol ishtirok etishining ahamiyati yuzasidan o‘zaro takliflar bayon etildi.

Tadbir yakunida bu kabi ochiq muloqotlar yosh avlodning ekologik bilim va ko‘nikmalarini oshirishga, tabiatga nisbatan ehtiyotkorona munosabatni shakllantirishga hamda dolzarb ekologik muammolarni hal etishda jamoatchilik faolligini yanada kuchaytirishga xizmat qilishi qayd etildi.

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

429

4

0

Transport universiteti | Rasmiy kanal

May 14, 2026, 10:15 PM

📷 Photo

Toshkent davlat transport universitetida “Payshanba – yoshlar kuni” doirasida “Ochiq eshiklar kuni” tashkil etildi

Mamlakatimizda yosh avlodning sifatli ta'lim olishi, o‘z qiziqish va layoqatiga mos kasbni tanlashi uchun barcha zarur shart-sharoitlar yaratilmoqda. Ayniqsa, bugungi kunda jadal rivojlanib borayotgan transport va logistika sohasiga qiziqishi baland bo‘lgan yoshlarni har tomonlama qo‘llab-quvvatlash, ularning yetuk mutaxassis bo‘lib yetishishlarida oliy ta'lim muassasalarining o‘rni beqiyos. Shu maqsadda o‘quvchi-yoshlarni oliygohlar hayoti hamda ta'lim jarayonlari bilan yaqindan tanishtirish muhim ahamiyat kasb etadi.

“Payshanba – yoshlar kuni” doirasida Toshkent davlat transport universitetida o‘tkazilgan mazkur “Ochiq eshiklar kuni” kelajagini soha bilan bog‘lash istagidagi 300 nafardan ortiq yoshlarni, xususan, Toshkent davlat transport universiteti akademik litseyi, Toshkent transport texnikumi va maktab o‘quvchilarini bir maqsad yo‘lida birlashtirdi.

Tadbir ishtirokchilari dastlab universitet infratuzilmasi va talabalar uchun yaratilgan zamonaviy shart-sharoitlar bilan yaqindan tanishdilar. Universitet bo‘ylab tashkil etilgan qiziqarli sayohat davomida o‘quvchilar xalqaro standartlar asosida jihozlangan “Lu Ban” ustaxonasi, yoshlarning innovatsion g‘oyalarini ruyobga chiqarishga xizmat qiluvchi “Coworking” markazi hamda sohaga oid qimmatli tarixiy eksponatlarga boy muzey faoliyatini ko‘zdan kechirishdi.

Sayohatning eng qiziqarli qismi nazariy bilimlarni amaliyot bilan bog‘lovchi o‘quv poligonida kechdi. Xususan, o‘quvchilarda lokomotiv hamda metropolitendan foydalanish va ularni boshqarish simulyatorlaridagi jarayonlar katta taassurot qoldirdi. Shuningdek, yoshlar universitetning yangi o‘quv binosi, uning 2-qavatidagi zamonaviy auditoriyalar hamda talaba-qizlar va ona-bola xonalarida yaratilgan ijtimoiy qulayliklar bilan ham tanishdilar.

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

Transport universiteti | Rasmiy kanal

May 14, 2026, 10:15 PM

🎥 Video

Ta’lim va ishlab chiqarish integratsiyasi: Yoshlar kuni doirasida “Workshop” va talabalar bilan ochiq muloqot tashkil etildi

Yoshlar kuni doirasida iqtidorli talabalarni qo‘llab-quvvatlash va ularni bevosita amaliyotga yo‘naltirish maqsadida Aviatsiya transporti muhandisligi fakultetida “Uzbekistan Airports” AJ Boshqaruv raisi Umarxodjayev Javlonbek Oybekovich ishtirokida talaba-yoshlar bilan “Workshop” va ochiq muloqot bo‘lib o‘tdi.

Fakultet professor-o‘qituvchilari hamda talaba-yoshlari qatnashgan mazkur uchrashuvda Boshqaruv raisi bugungi kunda respublikamiz aviatsiya sohasida amalga oshirilayotgan keng ko‘lamli islohotlar xususida so‘z yuritdi. Xususan, aeroportlar infratuzilmasini xalqaro standartlar asosida modernizatsiya qilish jarayonlari hamda bu borada zamonaviy bilimlarga ega bo‘lgan yuqori malakali kadrlarga bo‘lgan talab ortib borayotgani ta’kidlandi.

Muloqotning eng muhim nuqtalaridan biri — talabalarning nazariy bilimlarini amaliyot bilan mustahkamlashlari hamda ularning kelgusidagi bandlik masalalari bo‘ldi. Yosh mutaxassislarni tizimga jalb qilish, ularning amaliyot o‘tashlari uchun yaratilayotgan imkoniyatlar haqida batafsil ma’lumotlar berib o‘tildi.

Interaktiv va samimiy ruhda o‘tgan davra suhbatida talaba-yoshlar faollik ko‘rsatib, soha rivojiga doir o‘zlarining taklif va tashabbuslarini bayon etishdi. Ochiq muloqot davomida ishtirokchilar o‘zlarini qiziqtirgan barcha savollarga soha rahbaridan to‘g‘ridan-to‘g‘ri, batafsil javoblar olishdi.

Tadbir yakunida professor-o‘qituvchilar va talabalar “Uzbekistan Airports” AJ rahbariyatiga yoshlarga ko‘rsatilayotgan e’tibor hamda mazmunli tashkil etilgan amaliy muloqot uchun o‘z minnatdorchiliklarini bildirdilar. Bu kabi uchrashuvlar ta’lim va ishlab chiqarish o‘rtasidagi hamkorlikni yanada mustahkamlab, talabalarning o‘z kasbiga bo‘lgan ishtiyoqini oshirishga xizmat qiladi.

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

Transport universiteti | Rasmiy kanal

May 14, 2026, 10:15 PM

🎥 Video

Toshkent davlat transport universitetini tanlashingiz uchun eng muhim 5 ta sabab

Batafsil #videolavhada

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

2,300

Transport universiteti | Rasmiy kanal

May 14, 2026, 10:15 PM

📷 Photo

“Texnologik mashinalar muhandisligi” kafedrasi tomonidan “Workshop” va “Karyera kuni” tadbiri tashkil etildi

Bugungi kunda yoshlarni har tomonlama qo‘llab-quvvatlash, oliy ta’limni tamomlayotgan yosh kadrlarni o‘z mutaxassisligi bo‘yicha ishga joylashtirish muhim ahamiyat kasb etmoqda. Nazariy bilimlarni ishlab chiqarish jarayonlari bilan bevosita bog‘lash mehnat bozorida raqobatbardosh mutaxassislarni tayyorlashning asosiy shartlaridan biridir.

Shu maqsadda, Oliy ta’lim, fan va innovatsiyalar vazirining 84-sonli buyrug‘i ijrosini ta’minlash maqsadida, 12-may kuni “Texnologik mashinalar muhandisligi” kafedrasi tomonidan navbatdagi “Workshop” va “Karyera kuni” tadbiri yuqori saviyada o‘tkazildi. Tadbir ta’lim va ishlab chiqarish o‘rtasidagi integratsiyani ta’minlash hamda talabalarning kelajakda muvaffaqiyatli karyera qurishlariga amaliy ko‘maklashish maqsadida tashkil etildi.

Uchrashuv davomida talabalar soha yetakchilari bilan bevosita muloqot qilish imkoniyatiga ega bo‘lishdi. Tadbirda Avtomobil yo‘llari qo‘mitasi huzuridagi “Avtomobil yo‘llari ilmiy tadqiqot instituti” davlat muassasasi bo‘lim boshlig‘i Erbekov Oybek Ismoilovich hamda “MEGA TEST GROUP” MCHJ laboratoriya mudiri Jo‘rayev Dilmurod Murodjon o‘g‘li ishtirok etdilar. Soha mutaxassislari talabalarga ishlab chiqarishdagi muammolar, korxonalar faoliyati, mavjud shart-sharoitlar, bo‘sh ish o‘rinlari va ishga qabul qilish talablari haqida to‘liq ma’lumot berdilar.

Tadbir yakunida universitet faqatgina ta’lim berish bilan cheklanib qolmasdan, talabalarning professional karyera yo‘lini birgalikda qurishga e’tibor qaratishi ta’kidlandi. Ochiq muloqot davomida ishtirokchilar ishga joylashish, mehnat sharoitlari va o‘z mutaxassisliklari bo‘yicha karyera imkoniyatlariga oid barcha savollariga mutaxassislardan batafsil javob oldilar.

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

Transport universiteti | Rasmiy kanal

May 14, 2026, 10:15 PM

📷 Photo

Transport universiteti talabalari “Yangi O‘zbekiston talabalari olimpiadasi” doirasida stol tennisi sport turi bo‘yicha shahar bosqichida g‘oliblikni qo‘lga kiritishdi

Toshkent davlat transport universiteti talabalari “Yangi O‘zbekiston talabalari olimpiadasi” doirasida stol tennisi sport turi bo‘yicha shahar bosqichi musobaqalarida ishtirok etishdi. Mazkur nufuzli sport tadbirida universitetimizning barcha fakultetlaridan kelgan iqtidorli talabalar o‘zaro kuch sinashishdi.

Xususan, musobaqada Avtomobil yo‘llari muhandisligi fakulteti talabalari ham faol ishtirok etib, o‘zlarining sport mahorati va yuqori tayyorgarlik darajasini namoyon etdilar. Qizg‘in va murosasiz bahslarga boy tarzda kechgan bellashuvlar talaba-yoshlar o‘rtasida sportga bo‘lgan qiziqishning yuqori ekanligini yana bir bor isbotladi.

Bellashuvlar yakuniga ko‘ra, quyidagi talabalar faxrli o‘rinlarni egallab, musobaqaning respublika bosqichiga yo‘llanmani qo‘lga kiritdilar:
O‘g‘il bolalar o‘rtasida: IQT YMSH-4-24 guruhi talabasi Qurbonov Mirodiljon Shukirali o‘g‘li (1-o‘rin);
Qizlar o‘rtasida: YMAL-6 guruhi talabasi Rajabova Gulijahon Ikrom qizi (1-o‘rin).

G‘olib talabalarimizni ushbu yutuq bilan muborakbod etamiz va olimpiadaning respublika bosqichida ularga ulkan zafarlar tilaymiz!

Universitet rasmiy sahifalari:
🌐 http://TSTU.uz/ | ✅ |  🌐 https://www.instagram.com/tstu_officialpage |💬 http://facebook.com/tstu.official | 📹 http://youtube.com/channel/UCnqWO7QMu5FZrPQkRk2hTXg | ✈️ https://t.me/tstu_news

Transport universiteti | Rasmiy kanal

Apr 4, 2026, 06:28 PM

📷 Photo

Toshkent davlat transport universitetida talabalar o‘rtasida “Chizma geometriya va chizmachilik” hamda “Muhandislik va kompyuter grafikasi” fanlari bo‘yicha olimpiada o‘tkazildi

👉 https://tstu.uz/uz/blog/2214

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 4, 2026, 06:28 PM

🎥 Video

#Navroʻz_sayli

Toshkent davlat transport universitetida Navro‘z sayli: milliy qadriyatlar, bahoriy kayfiyat va jamoaviy hamjihatlik shukuhi

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

1,130

Transport universiteti | Rasmiy kanal

Apr 4, 2026, 06:28 PM

📷 Photo

Xalqaro ta’lim sari yana bir qadam: ITMO bilan yangi imkoniyatlar

Toshkent davlat transport universiteti rektori Abdulaziz Gulamov hamda Sankt-Peterburg davlat axborot texnologiyalari, mexanika va optika universiteti (ITMO) rahbariyati o’rtasida bo‘lib o‘tgan uchrashuvda ikki tomonlama hamkorlikni kengaytirishga qaratilgan aniq va istiqbolli tashabbuslar ilgari surildi.

Jumladan, talabalar va professor-o‘qituvchilar uchun akademik mobillik dasturlarini yo‘lga qo‘yish taklif etildi. Bu orqali talabalar ma’lum muddat davomida ITMOda tahsil olib, xalqaro tajriba orttirishlari, o‘qituvchilar esa ilmiy va pedagogik salohiyatini oshirish imkoniyatiga ega bo‘ladilar.

Shuningdek, yozgi maktab (summer school) dasturlarini tashkil etish rejalashtirilmoqda. Ushbu qisqa muddatli o‘quv kurslari zamonaviy IT yo‘nalishlari, dasturlash, sun’iy intellekt va boshqa dolzarb sohalarni qamrab olib, talabalarning bilim va ko‘nikmalarini yanada mustahkamlashga xizmat qiladi.

Bundan tashqari, professor-o‘qituvchilar uchun 144 akademik soatlik stajirovka dasturini amalga oshirish taklif qilindi.

Yana bir muhim tashabbus sifatida “Amaliy informatika” yo‘nalishi bo‘yicha qo‘shma ikki tomonlama diplom dasturlarini (double degree) yo‘lga qo‘yish masalasi ilgari surildi. Bu esa talabalarning xalqaro mehnat bozorida raqobatbardoshligini sezilarli darajada oshiradi.

Umuman olganda, mazkur takliflar ta’lim sifatini oshirish, xalqaro hamkorlikni kengaytirish hamda talabalar va o‘qituvchilarning ilmiy salohiyatini rivojlantirishga qaratilgan muhim qadam hisoblanadi.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 4, 2026, 06:28 PM

🎥 Video

#Navroʻz_sayli

Toshkent davlat transport universitetida Navro‘z sayli bayramona ruh, ezgulik va bahoriy kayfiyat ulashdi

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

6,010

Transport universiteti | Rasmiy kanal

Apr 4, 2026, 06:28 PM

📷 Photo

Toshkent davlat transport universiteti vakillari Xalqaro ish beruvchilar forumida ishtirok etdi

“Mehnat bozori 2026: ish beruvchilar talablari va kadrlar tayyorlash tizimining transformatsiyasi” mavzusida Xalqaro ish beruvchilar forumi bo‘lib o‘tdi. Mazkur forum O‘zbekiston Respublikasi Oliy ta’lim, fan va innovatsiyalar vazirligi tashabbusi bilan, Toshkent Menejment va Iqtisodiyot instituti hamda O‘zbekiston Ish beruvchilar assotsiatsiyasi hamkorligida tashkil etildi.

Forum ish beruvchilar, oliy ta’lim muassasalari vakillari, davlat organlari hamda xalqaro tashkilotlarni bir maydonga jamlab, kadrlar tayyorlash tizimini zamonaviy mehnat bozori talablariga moslashtirish masalalarini muhokama qilish uchun muhim platforma vazifasini o‘tadi. Tadbirda Toshkent davlat transport universitetining mas’ul xodimlari ham faol ishtirok etdilar.

Forum davomida quyidagi yo‘nalishlar atroflicha muhokama qilindi:
– mehnat bozorida yuqori talabga ega bo‘lgan zamonaviy ko‘nikmalarni shakllantirish
– ta’lim jarayoni va amaliyot o‘rtasidagi uzviylikni kuchaytirish
– ish beruvchilar, ta’lim muassasalari va davlat tashkilotlari o‘rtasidagi samarali hamkorlik mexanizmlarini rivojlantirish
– kelajak mutaxassislarini tayyorlashda ustuvor vazifalarni belgilash

Mazkur forum mazmunli muloqot, ilg‘or tajriba almashish hamda mamlakat kadrlar salohiyatini rivojlantirishga qaratilgan aniq yondashuvlarni ishlab chiqishda muhim ahamiyat kasb etdi.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 4, 2026, 06:28 PM

🎥 Video

Toshkent davlat transport universitetini tanlashingiz uchun eng muhim 5 ta sabab

Batafsil #videolavhada

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

1,860

Transport universiteti | Rasmiy kanal

Apr 4, 2026, 06:28 PM

📷 Photo

#Navroʻz_sayli

Toshkent davlat transport universitetida Navroʻz sayli boʻlib oʻtdi

Toshkent davlat transport universitetida tabiatning uyg‘onishi va yangilanish ramzi hisoblangan Navro‘z umumxalq bayrami munosabati bilan bayram sayli tashkil etildi.

Saylda sport musobaqalari, milliy va xalq o‘yinlari hamda bayramona yarmarkalar tashkil etildi. Jumladan, stol tennisi, darts, armrestling, milliy kurash va tosh ko‘tarish bo‘yicha musobaqalar o‘tkazilib, ishtirokchilar o‘z mahorati va jismoniy tayyorgarligini namoyon etdilar.

Shuningdek, arqon tortish, varraklar sayli, “Oq terakmi, ko‘k terak”, “Lanka”, “Chillaq”, “Eshakmindi”, “Tosh urish”, “Jambil” hamda “Sakkiz qadam” kabi milliy o‘yinlar tashkil etilib, ular orqali yoshlarning faolligi va jamoaviy hamkorligi oshirildi.

Bayram sayli doirasida tashkil etilgan yarmarkalarda xalq amaliy san’ati namunalari, talabalar ijodiy ishlari hamda milliy taomlar keng namoyish etildi. Mazkur tadbir yuqori saviyada tashkil etilib, universitet jamoasi uchun ko‘tarinki kayfiyat ulashdi hamda milliy qadriyatlarimizni asrab-avaylash va targ‘ib etishda muhim ahamiyat kasb etdi.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 4, 2026, 06:28 PM

📷 Photo

Transport universiteti yangi logistika ekotizimida: ta'lim, texnologiyalar va xalqaro hamkorlik

Rossiya Federatsiyasining Sankt-Peterburg shahrida Xalqaro transport-logistika forumi bo‘lib o‘tmoqda. Mazkur forum transport va logistika sohasidagi dolzarb masalalarni muhokama qilish, ilg‘or tajriba almashish hamda xalqaro hamkorlikni yanada rivojlantirishga xizmat qiluvchi muhim platforma hisoblanadi.

Forum doirasida Toshkent davlat transport universiteti rektori Abdulaziz Gulamov “Transport universiteti yangi logistika ekotizimida: ta’lim, texnologiyalar va xalqaro hamkorlik” mavzusida oʻz ma’ruzalari bilan ishtirok etdi. Shuningdek, Rossiya transport universiteti va Imperator Aleksandr I nomidagi Peterburg davlat aloqa yo‘llari universiteti vakillari bilan uchrashuvda ikki tomonlama hamkorlikni yanada mustahkamlash, akademik va professor-oʻqituvchilarning mobilligini yanada oshirish, magistr dasturlari boʻyicha 1+1 va 1+1+1 dasturlarini tatbiq etish hamda magistratura, PhD dasturlariga ajratiladigan grant oʻrinlarini koʻpaytirish masalalari muhokama qilindi. Qolaversa, temir yoʻl transportida avtomatizatsiya va boshqaruv, yangi turdagi harakatlanuvchi tarkib va koʻpriksozlik yo’nalishida innovatsion yechimlarni hamkorlikda ishlab chiqishga kelishib olindi.

Mazkur forum nafaqat transport sohasida xalqaro hamkorlikni kengaytirish, balki sohaga zamonaviy yondashuvlarni joriy etish hamda istiqbolli loyihalarni amalga oshirishda ham muhim ahamiyat kasb etadi.

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 4, 2026, 06:28 PM

📷 Photo

Toshkent davlat transport universiteti vakillari Qoraqalpogʻistonda oʻtkazilayotgan “Talabalar bahori” festivalida ishtirok etmoqda

Mazkur festivalda respublikamizning barcha hududlaridagi oliy ta’lim muassasalaridan 250 nafarga yaqin faol talaba-yoshlar jam bo‘lgan. Jumladan, Toshkent davlat transport universiteti vakillari “Talabalar bahori” festivalida faol ishtirok etmoqda. Tadbirning ilk kunida ishtirokchilar Qoraqalpoq davlat universiteti tadbirlar zalida yig‘ilib, festival dasturi bilan yaqindan tanishtirildi.

Festival doirasida talaba-yoshlar Mo‘ynoq tumaniga tashrif buyurib, mashhur “Kemalar qabristoni” hamda Orol dengizi tarixi muzeyini tomosha qildi. Nukus shahridan 220 kilometr uzoqlikda joylashgan ushbu manzil ishtirokchilarda chuqur taassurot qoldirdi.

Sayohat davomida talabalar Orol dengizining o‘tmishdagi bepoyon hududi va bugungi ekologik holati haqida aniq tasavvurga ega bo‘lishdi. Tarixiy kemalar qoldiqlari orqali dengizning avvalgi qudrati va keyingi tanazzuli yaqqol namoyon bo‘ldi.

Mazkur tashrif ishtirokchilarni ekologik muammolar, xususan, Orol fojiasining sabablari va oqibatlari haqida chuqur o‘ylashga undadi. Shuningdek, bugungi kunda olib borilayotgan tiklash va barqaror rivojlanish choralari yuzasidan muhim bilimlar berildi.

Festival dasturi Qoraqalpoq davlat universitetida davom etmoqda. Unda “Sumalak party”, “Zakovat” intellektual o‘yini hamda turli madaniy tadbirlar tashkil etilishi rejalashtirilgan.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

📷 Photo

“Temiryo‘linfratuzilma” AJ Buxoro mintaqaviy temir yo‘l uzeli filiali bilan hamkorlikda “Workshop” tashkil etildi

Toshkent davlat transport universitetida “Temiryo‘linfratuzilma” AJ Buxoro mintaqaviy temir yo‘l uzeli filiali bilan hamkorlikda “Workshop” tashkil etildi. Unda “Buxoro mintaqaviy temir yo‘l uzeli” boshlig‘i A. Sh. Bozorov, tashkilotlar rahbarlari, professor-o‘qituvchilar va talabalar ishtirok etdi.

Tadbir davomida temir yo‘l infratuzilmasini rivojlantirish, korxona faoliyatining asosiy yo‘nalishlari hamda istiqboldagi ustuvor vazifalar haqida aniq va mazmunli ma’lumotlar taqdim etildi. Alohida e’tibor yosh mutaxassislarni sohaga jalb etish, ularni amaliy ko‘nikmalar bilan ta’minlash va bandligini ta’minlash masalalariga qaratildi.

Shuningdek, ishga qabul qilish talablari, ishlab chiqarish amaliyotini tashkil etish tartibi va mavjud imkoniyatlar yuzasidan batafsil tushuntirishlar berildi. Muloqot qismida talabalar faol qatnashib, o‘zlarini qiziqtirgan savollarga mutaxassisdan to‘g‘ridan-to‘g‘ri javob oldilar. Ushbu workshop bitiruvchi talabalar uchun kasbiy yo‘nalishni aniqlash, kelajak rejasini shakllantirish va sohada o‘z o‘rnini topishda muhim amaliy platforma bo‘lib xizmat qildi.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

🎥 Video

🏎 “Kelajak muhandislari” festivali — “Turon Motorsport” jamoasi yangi marralar sari!

Toshkent davlat transport universiteti “Transport vositalari muhandisligi” kafedrasi qoshidagi “Turon Motorsport” jamoasi “Kelajak muhandislari” festivali doirasida tashkil etilayotgan oliy ta’lim muassasalari o‘rtasidagi “Yangi avlod avtomobili” musobaqasiga puxta tayyorgarlik ko‘rmoqda.

Mazkur festival yoshlarning muhandislik salohiyatini ro‘yobga chiqarish, innovatsion g‘oyalarni qo‘llab-quvvatlash hamda amaliy ko‘nikmalarni mustahkamlash uchun noyob imkoniyat maydoni hisoblanadi.

Hozirda jamoa a’zolari o‘zlarining yangi avlod avtomobili loyihasi ustida puxta tayyorgarlik ko‘rib, universitetimiz sharafini munosib himoya qilishni hamda transport sohasidagi ilg‘or texnologik yechimlarni taqdim etishni maqsad qilganlar. Bu kabi tashabbuslar yoshlarning muhandislik sohasiga bo‘lgan qiziqishini oshirish bilan birga, kelajakning malakali kadrlarini tarbiyalashda muhim ahamiyat kasb etadi.

Batafsil ma’lumot uchun: +998977619916, https://t.me/udk77

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/profile.php?id=100070499257541 | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

🎥 Video

Texnika fanlari doktori, professor Abdusamat Abdusattarovning 80 yillik yubileyi munosabati bilan tadbir boʻlib oʻtdi

Tadbir davomida Abdusamat Abdusattarovning ko‘p yillik ilmiy-pedagogik faoliyati, texnika fanlari rivojiga qo‘shgan ulkan hissasi hamda yosh mutaxassislar tayyorlashdagi xizmatlari munosib e’tirof etildi.

Unda yetakchi olimlar, professor-o‘qituvchilar, shogirdlar va soha vakillari ishtirok etib, ustozga chuqur hurmat va samimiy tilaklarini izhor qilishdi.

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/profile.php?id=100070499257541 | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

🎥 Video

#oav_biz_haqimizda

Sevimli TV | Toshkent davlat transport universiteti akademik litseyida “Navro‘zni ulug‘lash — insonni ulug‘lash” shiori ostida bayram tadbiri o‘tkazildi

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

1,630

Transport universiteti | Rasmiy kanal

Apr 1, 2026, 01:51 AM

📷 Photo

Erasmus+ dasturi doirasida gretsiyalik professor ishtirokida xalqaro ma’ruza bo‘lib o‘tdi

👉 https://tstu.uz/uz/blog/2200

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

📷 Photo

🌸 TOSHKENT DAVLAT TRANSPORT UNIVERSITETIDA NAVRO‘Z SAYLI!

Sizlarni tabiat uyg‘onishi, yasharish va yangilanish ramzi bo‘lgan Navro‘zi olam munosabati bilan Toshkent davlat transport universitetida tashkil etilayotgan bayram sayliga taklif etamiz!

Universitetimiz hududida milliy an'analarimizni namoyon etuvchi ushbu tadbir doirasida sizni rang-barang dasturlar kutmoqda:

🎭 TADBIR DASTURIDA:

🏆 Sport musobaqalari:
🏓 Stol tennisi – Tezkor harakatlar va mahorat jangi;
🎯 Darts – Diqqat va aniqlik sinovi;
💪 Armrestling – Bilak kuchi va iroda bellashuvi;
🤼 Kurash – Polvonlarimizning milliy jang san’ati;
🏋️ Tosh ko‘tarish – Haqiqiy bahodirlar maydoni.

🎯 Milliy va xalq o‘yinlari:
🪢 Arqon tortish – Jamoaviy hamjihatlik;
🪁 Varraklar sayli – Samoda bahoriy parvozlar;
🐎 Ot ustida kurash – Chavandozlar bellashuvi;
🌿 Oq terakmi, ko‘k terak va Lanka;
🎲 Chillaq, Eshakmindi, Tosh urish, Jambil hamda qizlarimiz uchun Sakkiz qadam musobaqalari.

🛍 Bayramona yarmarkalar:
Xalq amaliy san’ati mahsulotlari, talabalar ijodiy ishlari va bahorning eng tansiq taomlari savdosi.

📍 Manzil: Universitet stadioni
📅 Sana: 2026-yil 3-aprel
⏰ Vaqt: 10:00

✨Barchangizni ushbu unutilmas bayramda kutib qolamiz!

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

🎥 Video

Yangi O‘zbekiston talabalari olimpiadasi

Toshkent davlat transport universiteti talaba-yoshlari o‘rtasida “Yangi O‘zbekiston talabalari olimpiadasi” bo‘lib o‘tadi.

Musobaqalar quyidagi sport turlari bo‘yicha tashkil etiladi:
• voleybol
• gandbol
• basketbol
• futbol
• stol tennisi
• yengil atletika
• suzish

Musobaqada faqat http://erp.sport.uz/ sayti orqali ro‘yxatdan o‘tgan talabalar ishtirok etishi mumkin.

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

📷 Photo

Toshkent davlat transport universiteti professor-o‘qituvchilari Southwest Jiaotong University'da amaliyotni muvaffaqiyatli yakunladi

Toshkent davlat transport universiteti delegatsiyasining Xitoyning Chengdu shahrida joylashgan Southwest Jiaotong University'ga amalga oshirgan ilmiy-pedagogik tashrifi amaliy natijalarga boy tarzda yakunlandi. Amaliyotning so‘nggi kunida universitetning Xalqaro aloqalar bo‘limida delegatsiya a’zolariga dasturda ishtirok etganliklarini tasdiqlovchi sertifikatlar topshirildi.

Amaliyot davomida professor-o‘qituvchilar transport sohasining dolzarb yo‘nalishlari bo‘yicha chuqur bilim va amaliy ko‘nikmalarni egalladilar. Jumladan, temir yo‘l infratuzilmasini zamonaviy talablar asosida loyihalash, qurish va ekspluatatsiya qilish, logistika jarayonlarini samarali tashkil etish, raqamlashtirish yechimlarini joriy etish hamda innovatsion muhandislik ishlanmalarini amaliyotga tatbiq etish bo‘yicha ilg‘or tajribalar bilan yaqindan tanishdilar.

Mazkur amaliyot Bir makon, bir yo‘l tashabbusi doirasida strategik ahamiyatga ega bo‘lgan “Xitoy — Qirg‘iziston — O‘zbekiston” temir yo‘l loyihasini samarali amalga oshirish uchun zarur ilmiy va texnologik yondashuvlarni o‘rganishga xizmat qildi. Shu bilan birga, Xitoyning transport va logistika sohasidagi ilg‘or tajribalarini milliy ta’lim jarayoniga tatbiq etish uchun muhim asos yaratildi.

Tashrif davomida amaliyot rejasiga muvofiq barcha uchrashuvlar, ilmiy muloqotlar va amaliy mashg‘ulotlar yuqori saviyada tashkil etildi. Delegatsiya a’zolari Southwest Jiaotong University'ning ilmiy maktablari, zamonaviy laboratoriyalari hamda tadqiqot markazlari faoliyati bilan atroflicha tanishib, hamkorlikning istiqbolli yo‘nalishlari yuzasidan mazmunli muzokaralar olib bordilar.

Tashrif yakunida Toshkent davlat transport universiteti va Southwest Jiaotong University o‘rtasida qo‘shma ta’lim dasturlarini yo‘lga qo‘yish, akademik mobillikni kengaytirish, malaka oshirish kurslarini tashkil etish, ilmiy tadqiqotlarni laboratoriya sharoitida sinovdan o‘tkazish hamda tajriba almashishni rivojlantirish bo‘yicha muhim kelishuvlarga erishildi.

Mazkur amaliyot Toshkent davlat transport universiteti professor-o‘qituvchilari uchun ilg‘or xalqaro tajribani o‘rganish bilan birga, Southwest Jiaotong University bilan uzoq muddatli va samarali hamkorlik aloqalarini mustahkamlashda muhim bosqich bo‘ldi. Ushbu tashrif kelgusida ilmiy seminarlar, qo‘shma loyihalar, xalqaro konferensiyalar hamda yangi amaliyot dasturlarini yo‘lga qo‘yish uchun mustahkam asos yaratdi.

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Apr 1, 2026, 01:51 AM

🎥 Video

#oav_biz_haqimizda

Renessans TV | Toshkent davlat transport universitetida “Innovatsiya va ilm-fandagi ayollar” xalqaro forumi bo‘lib o‘tdi

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

2,100

Transport universiteti | Rasmiy kanal

Mar 30, 2026, 06:26 AM

🎥 Video

“Amir Temur vorislari” harbiy-sport musobaqasi bo‘lib o‘tdi

Toshkent davlat transport universitetida talaba-yoshlarni Vatanga sadoqat, harbiy-vatanparvarlik ruhida tarbiyalash, sog‘lom turmush tarzini targ‘ib etish hamda harbiy-amaliy sport turlariga bo‘lgan qiziqishini oshirish maqsadida “Amir Temur vorislari” harbiy-sport musobaqasi tashkil etildi.

Ushbu musobaqa davomida talabalar o‘zlarining jismoniy tayyorgarligi, chidamliligi va g‘alabaga bo‘lgan intilishlarini namoyon etdilar.

Musobaqa quyidagi shartlar asosida o‘tkazildi:
🟢 Joyidan turib uzunlikka sakrash
🟢100 metrga yugurish
🟢Turnikda tortilish
🟢Granata uloqtirish

Qizg‘in va murosasiz kechgan bellashuvlar yakunida quyidagi jamoalar g‘oliblikni qo‘lga kiritdi:
🥇1-o‘rin: ATM fakulteti jamoasi
🥈 2-o‘rin: TYTM fakulteti jamoasi
🥉 3-o‘rin: Iqtisodiyot fakulteti jamoasi

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Mar 30, 2026, 06:26 AM

📷 Photo

Transport universiteti professor-o‘qituvchilari hamda talabalari “MRO Asia: Uzbekistan 2026” ko’rgazma va konferensiyasida ishtirok etdi

Toshkent davlat transport universiteti Aviatsiya transporti muhandisligi fakulteti professor-o‘qituvchilari hamda talaba-yoshlari “MRO Asia: Uzbekistan 2026” ko’rgazma va konferensiyasida ishtirok etdi.

O‘zbekiston Respublikasi Transport vazirligi tomonidan tashkil etilgan mazkur ko’rgazma va konferensiyasi aviatsiya sohasida texnik xizmat ko‘rsatish (MRO) tizimining zamonaviy holati, soha bozorining rivojlanish istiqbollari hamda ehtiyot qismlar ta’minoti tizimi bilan tanishishga qaratildi.

Tadbir davomida xalqaro kompaniyalar va yetakchi aviatsiya tashkilotlari o‘z faoliyati, tajribasi hamda ilg‘or yechimlari bilan ishtirokchilarni tanishtirdi. Jumladan, “APRAM Aerospace” kompaniyasi tomonidan aviatsiya ehtiyot qismlari ta’minoti yo‘nalishidagi tajriba va amaliy ishlanmalar taqdim etildi.

Shuningdek, “Uzbekistan Airways” AJ, “Uzbekistan Airways Technics” MChJ hamda “Airbus”, “Boeing”, “Lufthansa Technik AG”, “AAR Corporation”, “CFM International” kabi yirik xalqaro kompaniyalar vakillari ham ko’rgazma va konferensiyasida faol ishtirok etdi.

Mazkur ko’rgazma va konferensiyasi professor-o‘qituvchilar va talaba-yoshlar uchun aviatsiya sanoatidagi zamonaviy tendensiyalarni o‘rganish, amaliy bilimlarini mustahkamlash hamda xalqaro tajriba bilan tanishish uchun muhim maydon bo‘lib xizmat qildi.

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Mar 30, 2026, 06:26 AM

📷 Photo

Ozarbayjon texnika universiteti bilan transport va logistika yo‘nalishida muhim kelishuvga erishildi

Toshkent davlat transport universiteti delegatsiyasining Ozarbayjon Respublikasiga amalga oshirgan xizmat safari doirasida transport-logistika sohasidagi xalqaro aloqalarni mustahkamlashga qaratilgan muhim kelishuvlarga erishildi. Boku shahridagi Ozarbayjon texnika universiteti rektori, professor Vilayat Valiyev bilan o‘tkazilgan muzokaralar davomida ikki oliy ta’lim muassasasi o‘rtasidagi akademik va ilmiy hamkorlikni chuqurlashtirish masalalari atroflicha muhokama qilindi. Muloqot davomida professor-o‘qituvchilar almashinuvini tizimli yo‘lga qo‘yish, talabalar akademik mobilligini kengaytirish hamda zamonaviy mehnat bozori talablariga javob beradigan qo‘shma ta’lim dasturlarini joriy etish bo‘yicha kelishuvga erishildi.

Muzokaralarning eng salmoqli natijasi sifatida Ozarbayjon texnika universiteti huzurida Toshkent davlat transport universitetining Transport va logistika ilmiy-amaliy tadqiqot markazini tashkil etish bo‘yicha kelishuvga erishildi. Mazkur markaz transport va logistika sohasidagi ilmiy izlanishlarni tizimli rivojlantirish, innovatsion yechimlarni amaliyotga joriy etish hamda xalqaro standartlar asosida zamonaviy bilimlarga ega mutaxassislar tayyorlashga xizmat qiladi. Shuningdek, markaz faoliyati doirasida temiryo‘l sohasida yuqori malakali kadrlar tayyorlash, ularning kasbiy salohiyatini oshirish hamda ilg‘or xalqaro tajribalarni o‘zlashtirish imkoniyatlari yanada kengayadi.

Ushbu hamkorlik Toshkent davlat transport universitetining xalqaro hamkorlik geografiyasini kengaytirish, ilm-fan va ta’lim integratsiyasini chuqurlashtirish hamda mintaqada transport va logistika bo‘yicha raqobatbardosh ilmiy maktabni mustahkamlash yo‘lidagi navbatdagi muhim qadamdir. Ushbu kelishuvlar nafaqat universitetimiz nufuzini oshirishga, balki soha korxonalari uchun yuqori malakali kadrlar yetkazib berish sifatini yangi darajaga ko‘tarishga xizmat qiladi.

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Mar 30, 2026, 06:26 AM

📷 Photo

Toshkent davlat transport universitetida IIV Jamoat xavfsizligi departamenti mas’ul xodimlari ishtirokida talabalar bilan uchrashuv bo‘lib o‘tdi

👉 https://tstu.uz/uz/blog/2199

Universitet rasmiy sahifalari:
http://TSTU.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Transport universiteti | Rasmiy kanal

Mar 30, 2026, 06:26 AM

🎥 Video

#oav_biz_haqimizda

MY5 TV | Toshkent davlat transport universitetida “Innovatsiya va ilm-fandagi ayollar” xalqaro forumi bo‘lib o‘tdi

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

1,540

Transport universiteti | Rasmiy kanal

Mar 30, 2026, 06:26 AM

🎥 Video

🏆 “Oliygoh kubogi-2026”: Toshkent davlat transport universitetida “Eng yaxshi konstruksiya” tanlovi o‘tkaziladi

Toshkent davlat transport universitetida an’anaviy “Muhandislik oyligi” doirasida talabalarning bilim va amaliy ko‘nikmalarini sinovdan o‘tkazish maqsadida “Oliygoh kubogi-2026” uchun “Eng yaxshi konstruksiya” tanlovi yuqori saviyada tashkil etilmoqda.

Mazkur tanlovda universitetning iqtidorli talabalari o‘zlarining innovatsion g‘oyalari, muhandislik yondashuvlari va amaliy ishlanmalari bilan faol ishtirok etib, sohadagi eng samarali konstruktiv yechimlarni namoyish etmoqdalar. Ishtirokchilar tomonidan taqdim etilayotgan har bir loyiha ijodiy izlanish hamda kelajak muhandisligi sari tashlangan dadil qadam ekanligi bilan ahamiyatlidir.

Tanlov doirasida eng munosib deb topilgan loyihalar va ularning mualliflari nufuzli “Oliygoh kubogi” uchun o‘zaro kurash olib boradilar. Tadbir 7-aprel kuni bo‘lib o‘tishi rejalashtirilgan bo‘lib, unda barcha talabalar o‘z mahoratlarini ko‘rsatish imkoniyatiga ega.

Hozirda tanlovda ishtirok etish istagida bo‘lgan nomzodlarni ro‘yxatga olish jarayoni davom etmoqda. Barcha qiziquvchilar belgilangan havola orqali ro‘yxatdan o‘tib, o‘z konstruktorlik salohiyatlarini namoyon etishlari mumkin.

🔗 https://t.me/T5ttt56

Universitet rasmiy sahifalari:
https://tstu.uz/ | | https://www.instagram.com/tstu_officialpage | http://facebook.com/tstu.official | http://youtube.com/channel/UCnqWO7QMu5FZrPQkRk2hTXg | https://t.me/tstu_news

Showing 30 of 43 posts