EthioTube

Public

Can't Join? @ethiotube

8.7k Members

Updated: May 13, 2026 at 10:45 PM

EthioTube

ኢትዪትዩብ፦ ኢትዮጵያዊ። ነፃ። ገለልተኛ። Follow us on other our social media networks: Facebook.com/EthioTube Twitter.com/EthioTube Youtube.com/EthioTube Instagram.com/EthioTube

@ethiotube is a growing community focused on follow and media and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 9 Days)

Total: 8.7K

24h growth: +0 0%

Latest Posts

EthioTube

May 25, 2026, 09:35 AM

📷 Photo

ጨዋታው ተጠናቋል

🇹🇳 ቱኒዚያ 0-1 ኢትዮጵያ 🇪🇹
90+3' አሚር ሚስባህ

- ኢትዮጵያ 4 ነጦቦች በመያዝ ምድቡን በ3ኛ ደሰፈረጃ በማጠናቀቋ ወደ ዓለም ዋንጫው ለማለፍ የመለያ ጨዋታ የምታከናውን ይሆናል።

#CAF #TeamEthiopia #AFCONU17

1,240

EthioTube

May 25, 2026, 09:35 AM

📷 Photo

ትግራይን ክልልን ለማስተዳደር ወደ ኃላፊነት የመጣውን ህወሓትን ሥልጣኑን ለመንጠቅ “ጊዜያዊ ምክር ቤት” በይፋ ተመሰረተ

ስምረት፣ ባይቶና፣ ዓረና ትግራይ፣ ትንሳኤ 70 እንደርታ እና ቃንጪ ሓቂ የተባሉትን 5 የፖለቲካ ፓርቲዎች እንዲሁም በአፋር ክልል የሚንቀሳቀሱትን የሓራ መሬት ተዋጊዎች ወታደራዊ ክንፍ በማድረግ በአዲስ አበባ የተቋቋመው አዲሱ "የትግራይ ሰላም እና ለውጥ" ምክር ቤት ግንቦት 9 ቀን 2018 በይፋ መመስረቱን ዋዜማ ራዲዮ ዘግባለች። ምክር ቤቱ የምስረታ ጉባኤውንም አካሂዷል፡፡

በጉባዔው ላይ ንግግር ያደረጉት የጠቅላይ ሚኒስትሩ የምስራቅ አፍሪካ ጉዳዮች አማካሪ አቶ ጌታቸው ረዳ፤ በትግራይ ክልል ያለው ሁኔታ በአጭር ጊዜ ውስጥ መፍትሄ ሊበጅለት እንደሚገባ በመጥቀስ፤ አዲሱ ምክር ቤት በአጭር ጊዜ ውስጥ ወደ መቐለ እንደሚገባም ተናግረዋል፡፡ ምክር ቤቱ ክልሉን የማስተዳደር ሚናውን የሚወጣውም፤ በሕዝብ የተመረጠ መንግስት እስከሚመሰረት ብቻ ነው ብለዋል፡፡ ይሁን እንጂ ዘገባው ምክር ቤቱ በምን ዓይነት መንገድ ሥልጣን ከህወሓት በመንጠቅ ክልሉን እንደሚያስተዳደር አልተገለጸም።

#Ethiopia #Tigray #EthiopianNews #AmharicNews #EthioTube #Africa

1,120

EthioTube

May 25, 2026, 09:35 AM

📷 Photo

ብሩኖ ፈርናንዴስ ታሪክ የሰራበት የማንችስተር ዩናይትድ ድል

ማንችስተር ዩናይትድ 3-2 ኖቲንግሃም ፎረስት

3ኛ መሆኑን ያረጋገጠው ዩናይትድ፣ ጊዜያዊ አሰልጣኙ ማይክል ካሪክ ቋሚ ይሆናሉ ተብለው እየተጠበቁ ነው።

#PremierLeague #ManchesterUnited #NottinghamForest #EPL #Football

1,740

EthioTube

May 25, 2026, 09:35 AM

📷 Photo

መድፈኞቹ ከ22 አመታት በኋላ የእንግሊዝ ፕሪምየር ሊግ ዋንጫ ባለቤት ሆኑ

የአርሰናል ደጋፊዎች እንኳን ደስ አላችሁ!

#PremierLeague #Arsenal #ManCity #EPal #Football

1,150

EthioTube

May 25, 2026, 09:35 AM

📷 Photo

ማንችስተር ሲቲ ለ8ኛ ጊዜ የFA ዋንጫ አሸናፊ ሆነ

ማንችስተር ሲቲ 1-0 ቸልሲ

ፕሪምየር ሊጉስ የማን ነው?

#FACup #ManchesterCity #Chelsea

1,710

EthioTube

May 25, 2026, 09:35 AM

📷 Photo

በእስር ላይ የነበሩት አርቲስት ሠራዊት ፍቅሬ፣ ሰለሞን ቦጋለ፣ ይገረም ደጀኔ እና ዳንኤል ተገኝ በ 500 ሺህ ብር ዋስ እንዲፈቱ ተወሰነ

👉 ቲክቶከሩ መንሱር ጀማል አቃቤ ሕግ የዋስትና መብቱን በመቃወሙ ምክንያት በዋስ እንደማይለቀቅ ታውቋል

በፊንቴክ ኢንቨስትመንት የማጭበርበር ወንጀል የተጠረጠሩ አርቲስቶች በ 500 ሺ ብር የገንዘብ ዋስት ጉዳያቸውን ከውጭ ሆነው እንዲከታተሉ ተወሰነ።

ፌደራሉ ከፍተኛ ፍርድ ቤት የልደታ ምድብ ችሎት፤ በማጭበርበር ወንጀል ተጠርጥረው በቁጥጥር ስር ውለው የነበሩ ታዋቂ አርቲስቶች እና ቲክቶከሮች የዋስትና መብታቸው እንዲከበር ወስኗል።

በውሳኔው መሠረት ከ400 እስከ 500 ሺ ብር በሚደርስ የገንዘብ ዋስትና በመክፈል ከእስር እንዲፈቱ ትዕዛዝ ተላልፏል።ከ1ኛ እስከ 4ኛ ተከሳሾች ማለትም፤ አርቲስት ሠራዊት ፍቅሬ፣ አርቲስት ሠለሞን ቦጋለ፣ አርቲስት ይገረም ደጀኔ እና አርቲስት ዳንኤል ተገኝ እያንዳንዳቸው በ 500 ሺህ ብር የገንዘብ ዋስትና ከእስር እንዲፈቱ ተወስኗል።

6ኛ እና 7ኛ ተከሳሾች ካሊድ ናስር እና አብርሃም ግዛው የተባሉ 6ኛ እና 7ኛ ተከሳሾች ደግሞ እያንዳንዳቸው በ 400 ሺህ ብር የገንዘብ ዋስትና ከእስር እንዲፈቱ ተብሏል።

በክስ መዝገቡ 5ኛ ተከሳሽ በሆነው በቲክቶከሩ መንሱር ጀማል ላይ አቃቤ ህግ የዋስትና መብቱን በመቃወሙ ምክንያት ችሎቱ ውሳኔ ለመስጠት ተለዋጭ ቀጠሮ ሰጥቷል። ይሁን እንጂ ተጠርጣሪዎቹ ከሀገር እንዳይወጡ የእግድ ትዕዛዝ ተላልፎባቸዋል።

#EthiopianNews #AmharicNews #Ethiopia #SerawitFikre #YigeremDejene #SolomonBogale #DanielTegegn #FinTechEthiopia #EthioTube #Africa

2,140

EthioTube

May 25, 2026, 09:35 AM

📷 Photo

የብልፅግና ፓርቲን ምርጫ ማስታወቂያን የቀደደ ተከሳሽ የቆሻሻ ማጠራቀሚያ ጉድጓድ እንዲቆፍር ተወሰነበት

በሀድያ ዞን በጊምቢቹ ከተማ የሚኖረው ተከሳሽ ግንቦት 02 ቀን 2018 ዓ.ም ከቀኑ10 ሰዓት ተኩል ገደማ በጊምቢቹ ከተማ ልዩ ስሙ ቀጠና 03 መንደር 19 ተብሎ በሚጠራ አከባቢ በአንድ የሕክምና ተቋም ግድግዳ ላይ የተለጠፈውን የብልጽግና ፓርቲ የምርጫ ምልክት ማስታወቂያ መገንጠሉ ተገልጿል።

ድርጊቱን ሲፈፅም በዕለቱ ስምሪት ላይ በነበሩ የፖሊስ አባላት በሕግ ቁጥጥር ስር ሊውል እንደቻለ የከተማዋ አስተዳደር ኮሙኒኬሽን ጉዳዮች ጽህፈት ቤት እስታውቋል

የግለሰቡ ድርጊት የፈፀመው ሆን ብሎ የምርጫ ሂደቱን ለማደናቀፍ በማሰብ በመሆኑም የጥፋተኝነት ፍርድ መሰጠቱ ተገልጿል።

በመሆኑም በቅጣት አወሳሰን መምሪያ መሠረት እርከን ሁለት ከ10 ቀን እስከ 6 ወር ቀላል እስር ወይም ከ10 ቀን እስከ 6 ወር የግዴታ ሥራ የሚያስቀጣ ሲሆን ፍ/ቤቱ የተከሳሽን ያለፈ የሕይወት ታሪክ የድርጊቱን አፈፃፀም ከግምት ውስጥ በማስገባት የግዴታ ሥራ አማራጭን ወስኖበታል።

በውሳኔው መሠረት ተከሳሽን ያርማል ያስተምራል ሌሎችን ያስጠነቅቃል በሚል ለሁለት ወራት፣ በሳምንት 3 ቀን በየዕለቱ 2:00 ሰዓት በጊምቢቹ ከተማ አስተዳደር ማዘጋጃ ቤታዊ አገልግሎት ጽህፈት ቤት አማካኝነት የሚሰራ የደረቅ ቆሻሻ ማስወገጃ ጉድጓድ እንዲቆፍር በማለት ውሳኔ አስተላልፏል።

የጊምቢቹ ከተማ አስተዳደር የመጀመሪያ ደረጃ ፍ/ቤት ፕሬዝደንት ዳኛ አቤነዘር ላምቦሬ በስተላለፉት መልዕክት፤ ወቅቱ የምርጫ ወቅት ስለሆነ ሕብረተሰቡ ማንኛውንም አይነት ከምርጫ ጋር ተያይዞ እንቅስቃሴዎችን በሚያደርጉበት ጊዜ ሕጉን በጠበቀ መልኩ ልሆን እንደሚገባ አሳስበዋል

#Ethiopia #ProsperityParty #EthiopiaElection #EthiopianNews

1,600

EthioTube

May 25, 2026, 09:35 AM

📷 Photo

መድፈኞቹ የዋንጫውን አንድ ጆሮ ያዙ

ዌስት ሀም 0-1 አርሰናል

እንዴት ይዟችኋል የአርሰናል ደጋፊዎች?

#PremierLeague #Arsenal #WestHamUnited #EPL #Football

1,810

EthioTube

May 25, 2026, 09:35 AM

📷 Photo

“33 ሺህ የፋኖ አባላት እጅ ሰጥተዋል” የአማራ ክልል ሰላምና ጸጥታ ቢሮ

የፋኖ ኃይሎች “አንድ ቀን ከኦነግ ሸኔ ጋር እና ከህወሓት ጋር ተጋጭቶ አያውቅም”

በአማራ ክልል ከመንግሥት የጸጥታ ኃይሎች ጋር ውጊያ ላይ ካሉት የፋኖ ታጣቂዎች ውስጥ 33 ሺህ የሚሆኑት ለመንግሥት እጃቸውን መስጠታቸውን የክልሉ ሰላምና ጸጥታ ቢሮ ኃላፊ የሆኑት እሸቱ የሱፍ (ዶ/ር) አስታውቀዋል።

የቢሮ ኃላፊ ከክልሉ ቴሌቪዥን ጋር ባደረጉት ቆይታ፤ እጅ ከሰጡት የፋኖ አባላት ውስጥ በመንግሥት መሥሪያ ቤት የተቀጠሩ፣ የጸጥታ ተቋማትን የተቀላቀሉ ሰዎች መኖራቸውን ገልጸዋል።

የመንግሥት ሰራተኛ የነበሩ የፋኖ ታጣቂዎች እጀ ከሰጡ በኋላ መንግሥት፤ “ስታቃጥሉኝ ቆይታችኋል፣ስታወድሙኝ ቆይታችኋል አላለም ወደ ሥራቸው መልሷል” ሲሉ በሕግ ተጠያቂ አለመደረጋቸውን አስረድተዋል።

በዚህ መንገድ 615 የሚሆኑ ታጣቂዎች ወደ ቀድሞ የመንግሥት ሥራቸው መመለሳቸውን ተናግረዋል። 5 ሺህ ለሚሆኑ የቀድሞ የፋኖ አባላት ደግሞ የተለያዩ የሥራ እድሎች ተፈጥሮላቸዋል በማለት አብራርተዋል።

ኃላፊው አክለውም “ጽንፈኛ ቡድን” ሲሉ ከጠሩት ፋኖ “ፈልሰው የመጡ” ሌሎች አባላቱን ደግሞ በጸጥታ ተቋማት ውስጥ በመመደብ ተልዕኮ እንዲመሩ እየተደረገ ነው ብለዋል።

የክልሉ የሰላምና ጸጥታ ቢሮ ኃላፊ በሰጡት ማብራሪያ የፋኖ ኃይሎች ከህወሓት ጋር ሆነ ከ ኦነግ ሸኔ ጋር ተጋጭቶ አያውቅም በማለት በሦስቱ ኃይሎች መካከል አለ ስላሉት ግንኙነት ተናግረዋል።

#Ethiopia #Fano #Amhara #EthiopianNews #AmharicNews #EthioTube #Africa

2,110

EthioTube

May 25, 2026, 09:35 AM

📷 Photo

የቻምፒዮንስ ሊግ ፍፃሜ በፒኤስጂ እና በአርሰናል መካከል ሆኗል

ዋንጫው የማን ነው?

#UCL #ChampionsLeague #PSG #Arsenal #Bayern #Athletico #Football

2,500

EthioTube

May 10, 2026, 05:18 PM

📷 Photo

ብፁዕ አቡነ ፋኑኤል ከ120 ሚሊዮን ብር በላይ የተገመተ መኖሪያ ቤታቸውን ለመቄዶንያ በስጦታ አበረከቱ

የሰሜን አሜሪካ የዋሽንግተን ዲሲና አካባቢው ሀገረ ስብከት ሊቀ ጳጳስ ብፁዕ አቡነ ፋኑኤል ከ120 ሚሊዮን ብር በላይ የተገመተ G+2 ሕንጻ መኖሪያ ቤት ለመቄዶንያ በስጦታ ማበርከታቸው ተሰምቷል።
ብፁዕነታቸው ቤቱ ከ23 ዓመታት በፊት ለገዳማትና ወላጆቻቸውን በተለያያዩ ምክንያቶች ላጡ ወገኖች ዕርዳት እንዲሆን በማቀድ የተሠራ መሆኑ ገልጸዋል።

ቤቱ በርከታ ዓመታት ተከራይቶ ከሚገኘው ገንዘብ ለተለያዩ በጎ ዓላማ ሲውል መቆየቱን ገልፀዋል።
ብፁዕነታቸው "ቀደም ብዬ ያሰብኩትንና በውስጥም ስሠራበት የነበረውን በጎ ሥራ በዘለቄታዊነት ሊያስቀጥል የሚችል በጎ አድራጎት ድርጅት ሳስብ የመጣለኝ መቄዶንያ በመሆኑ ለዚሁ እንዲሰጥ ወሰንኩኝ" ብለዋል።

መኖሪያ ቤቱን የሰጡት የካቲት 1/2018 ዓ.ም. ቢሆንም በመቄዶንያ ሥራ አስኪያጅ አቶ ቢንያም አማካኝነት ብፁዕነታቸው በሚዲያ ቀርበው እንዲሰጡና ርክክቡም በአካል በቤቱ በመገኘት እንዲሆን የግድ ወደ ሚዲያ መምጣታቸውን ገልፀዋል።

ይህን አርአያነት ያለውን መልካም ሥራ ለሌሎችን ትምህርት እንዲሆን በማሰብ ስጦታው ይፋ ሊደረግ ችሏል ሲል የአዲስ አበባ ሀገረ ስብከት ሚዲያ አስታውቋል።

#Ethiopia #EOTC #AbuneRufael #Mekedonia #EthiopianNews #AmharicNews #EthioTube #Africa

1,520

EthioTube

May 10, 2026, 05:18 PM

📷 Photo

መድፈኞቹ ፉልሃም ላይ ፍጹም የበላይነት አሳዩ

አርሰናል 3 - ፉልሃም ምንም

ዋንጫው የአርሰናል ነው ወይስ የሲቲ?

#PremierLeague #Arsenal #Fulham #EPL #Football

1,420

EthioTube

May 10, 2026, 05:18 PM

📷 Photo

ማንችስተር ዩናይትድ የበላይ

ማንችስተር ዩናይትድ 3-2 ሊቨርፑል

#PremierLeague #ManchesterUnited #Liverpool #EPL #Football

1,300

EthioTube

May 10, 2026, 05:18 PM

📷 Photo

አንድ ሊትር ነጭ ናፍጣ 180ብር ከ46 ሳንቲም ገባ

ከዛሬ ሚያዚያ 26 ቀን 2018 ዓ.ም. ጀምሮ የነዳጅ ምርቶች የችርቻሮ መሸጫ ዋጋ ላይ ጭማሪ መደረጉ ተሰምቷል።

የዓለም የነዳጅ ዋጋን መሰረት በማድረግ ከሚያዚያ 23 ቀን 2018 ዓ/ም ከምሽት 12:00 ሰዓት ጀምሮ የነዳጅ ምርቶች የችርቻሮ መሸጫ ዋጋ ላይ ጭማሬ መደረጉን ከንግድ እና ቀጣናዊ ትስስር ሚኒስቴር ደብዳቤ ላይ ተመልክተናል።

በደብዳቤው መሠረት በአሁን ወቅት ከፍተኛ እጥረት የታየበት አንድ ሊትር ነጭ ናፍጣ 180 ብር ከ46 ሳንቲም ገብቷል።

👉ቤንዚን በሊትር 167ብር ከ50 ሳንቲም
👉 ኬሮሲን 320 ብር ከ66 ሳንቲም
👉 ቀላል ጥቁር ናፍጣ 170 ብር ከ62 ሳንቲም
👉ከባድ ጥቁር ናፍጣ 167ብር ከ37 ሳንቲም
👉 የአውሮፕላን ነዳጅ 319ብር ከ76 ሳንቲም
ሆኗል።

#Ethiopia #AddisAbaba #Fuel #EthiopianEconomy #EthiopianNews #AmharicNews #EthioTube #Africa

1,200

EthioTube

May 10, 2026, 05:18 PM

📷 Photo

የካሪክ ዩናይትድ የድል ግስጋሴ ቀጥሏል!

ማንችስተር ዩናይትድ 2-1 ብሬንትፎርድ

ዩናይትድ ወደ ቻምፒዮንስ ሊግ ለመመለስ አንድ ተጨማሪ ድል ብቻ ይቀረዋል። ይሳካለት ይሆን? 🤔

#PremierLeague #ManchesterUnited #Brentford #EPL #Football

1,830

EthioTube

May 10, 2026, 05:18 PM

📷 Photo

ይህንን ጨዋታ በአንድ ቃል ግለጹ ብትባሉ

#UCL #PSG #BayernMunich #ChampionsLeague

1,500

EthioTube

May 10, 2026, 05:18 PM

📷 Photo

ህወሓት ትግራይን የሚመራ አዲስ ፕሬዝዳንት ለመሾም ዝግጅት እያደረገ መሆኑ ተዘገበ

ህዝባዊ ወያነ ሓርነት ትግራይ (ህወሓት) በመጪው አርብ ሚያዚያ 23/2018 ዓ.ም አዲስ ፕሬዝዳንት ለመምረጥ ዝግጅት ማድረጉ ተገልጿል። ይህን የድርጅቱን ውሳኔ ለማስፈፀም የክልሉ ምክር ቤት ስብሰባ ያካሔዳልም ተብሏል።

ዋዜማ እንደዘገበችው፤ አዲሱ ፕሬዚደንት ማን ሊሆኑ እንደሚችሉ በእርግጠኝነት መናገር ባይቻልም፤ የድርጅቱ ሊቀ-መንበር ደብረጽዮን ገብረሚካኤል (ዶ/ር)፤ የጊዜያዊ አስተዳደሩ ምክትል ፕሬዚደንት አቶ አማኑኤል አሰፋ ወይም በፕሪቶሪያው ስምምነት ወቅት አንዱ ተደራዳሪ የነበሩት ፍስሃ ሃፍተጽዮን (ዶ/ር) ሊሆኑ እንደሚችሉ ተጠቁሟል።

የሕወሓትን ድርጅታዊ አቋም በተመለከተ ለበታች መዋቅር በሰፊው ማብራሪያ እየተሰጠ መሆኑን ቢያንስ ከሶስት የትግራይ ከተሞች የተገኘው መረጃ ያመለክታል ሲል ዘገባው ያትታል።

ጊዜያዊ አስተዳደሩ ሙሉ በሙሉ ፈርሶ በቀድሞው መንግስት ከተተካ በኋላ ክልሉ በጊዜያዊነት በኮማንድ ፖስት እንዲመራ የማድረግ እቅድ መኖሩንም ተሰቷል፡፡

የቀድሞው መንግስት ሙሉ በሙሉ ወደ ስራ እስከሚገባ ድረስ በጊዜያዊ አስተዳደሩ ፕሬዝደንት በኩል የሚሰጡ መመሪያዎች ተግባራዊ እንዳይሆኑ ቢወሰንም፤ አገልግሎት ሰጪ ተቋማት ግን መደበኛ ስራቸውን እንዲቀጥሉ መመሪያ መውረዱ ተገልጿል።

ድርጅቱ ከፌደራሉ መንግስት ጋር የገባበትን ውጥረት ተከትሎም፤ ከአንድ ወር በፊት ጀምሮ በሰሜኑ ጦርነት የተሳተፉ እና ትጥቅ የፈቱ የቀድሞ ተዋጊዎች ወደ ምድባቸው እንዲመለሱ ጥሪ ተደርጎ፤ በርካቶች ወደ ቀድሞው ምድባቸው መመለሳቸው በዘገባው ተጠቅሷል።

የክልሉ ጊዜያዊ አስተዳደር ፕሬዝዳንት ሌ/ጄነራል ታደሰ የህወሓት ውሳኔ መዘዝ የሚያስከትል ነው ሲሉ መቃወማቸው ይታወሳል።

#Ethiopia #Tigray

1,620

EthioTube

May 10, 2026, 05:18 PM

📷 Photo

የነዳጅ አቅርቦቱ ወደ ነበረበት መጠን መመለሱን ተከትሎ የትራንስፖርት ታሪፍ እንዲሻሻል ተወሰነ

በመካከለኛው ምስራቅ ቀጠና የተከስተውን ጦርነት ተከትሎበነዳጅ እጥረት ሳቢያ ከፍተኛ ጭማሪ የታየበት የትራንስፖርት ታሪፍ ወደ ቀድሞ መደበኛ ታሪፉ እንዲመለስ የትራንስፖርት እና ሎጀስቲክስ ሚኒስቴር አሳሰበ።

ሚኒስቴሩ ዛሬ ከሰዓት በኋላ ባወጣው መግለጫ በኢትዮጵያ የናፍጣ ዕለታዊ አቅርቦትን በፊት ከነበረበት ከ9 ሚሊዮን ሊትር ወደ 4.5 ሚሊዮን ሊትር እንዲቀንስ ተደርጎ እንደነበር ገልጿል። ሆኖም በዚህ ምክንያት የተፈጠረውን ጭና ለማቅለል መንግሥት ይህን እለታዊ አቅርቦት በፊት ወደ ነበረበት 9 ሚሊዮን ሊትር እንዲመለስ መወሰኑን ተከትሎ የትራንስፖርት ታሪፍም ወደ በፊት ዋጋው እንዲመለስ አሳስቧል።

ዛሬ ሚያዚያ 21/2018 ዓ.ም የገንዘብ ሚኒስትር አሕመድ ሽዴ በሰጡት መግለጫ ከዛሬ ጀምሮ ከጅቡቲ ወደ አዲስ አበባ የናፍጣ ምርት መጓጓዝ እንደሚጀመር ገልጸው፤ ወደ ክልሎች ደግሞ ከነገ ጀምሮ መጓጓዝ ይጀምራል ብለዋል።

ይህን ውሳኔ በነዳጅ እጥረት ምክንያት የተፈጠሩ የትራንስፖርት አገልግሎት መስተጓጎሎች ሙሉ በሙሉ እንዲቀረፉ የሚያደርግ ነው ተብሏል።

በዚህም፤ በአዲስ አበባ እና በክልሎች የሚገኙ ሁሉም የዘርፉ አመራሮች የትራንስፖርት ታሪፍ የነዳጅ እጥረት ከመከሰቱ በፊት ወደነበረበት መጠን እንዲመለስ ክትትል እንዲያደርጉ የትራንስፖርት እና ሎጀስቲክስ ሚኒስቴር መመሪያ አስተላልፏል።

#Ethiopia #AddisAbaba #Fuel #EthiopianEconomy #EthiopianNews #AmharicNews #EthioTube #Africa

1,670

EthioTube

May 10, 2026, 05:18 PM

📷 Photo

ትግስታችን - ታሪክ ራሱን ደገመ 🤩

​ኢትዮጵያዊቷ ትግስት አሰፋ የለንደን ማራቶን ክብሯን በማስጠበቅ፣ በሴቶች ብቻ ሩጫ የራሷን የዓለም ክብረ ወሰን በ2:15:41 በድጋሚ ሰብራለች 👑

​ባለፈው ዓመት እዚሁ ያስመዘገበችውን ሰዓት በ9 ሰከንድ አሻሽላዋለች 😤

​💚💛❤️

#TigistAssefa #Athletics #LondonMarathon #Ethiopia #Sport

1,470

EthioTube

May 10, 2026, 05:18 PM

📷 Photo

በማዕከላዊ ጎንደር ዞን በላይ አርማጭሆ ወረዳ ወይኖች ቀበሌ ሮቢት ከተማ ነዋሪ የሆነው ወጣት አይቸው ገዳም ገላጋይ የተባለው የወይኖች ቀበሌ የኩፍትየ ጎጥ ነዋሪ የሆነውን የተስፋ ስዩም አስረሴን ከ20000 በላይ የሚያወጣ በግ ሰርቆ በማረድ ላይ እያለ በደረሰው የህብረተሰብ ጥቆማ እጅ ተፈንጅ መያዙን የሮቢት ከተማ ፓሊስና የቀበሌው አሰተዳደር መረጃውን ለተቋማችን አሳውቆናል። በሌባው ላይ ውሳኔ ለመስጠት መረጃው እየተጣራ ይገኛል።

ሚያዚያ 18, 2018 ዓ.ም

የላይ አርማጭሆ ወረዳ ኮምንኬሽን ጽ/ቤ

#Ethiopia #Gonder #LayArmachiho #EthiopianNews #AmharicNews #EthioTube #Africa

2,430

EthioTube

Apr 28, 2026, 04:11 AM

📷 Photo

ዲያቆን ዳንኤል ክብረት ብልፅግና ፓርቲን በይፋ መቀላቀላቸውን አስታወቁ

የጠቅላይ ሚኒስትር ዐቢይ አሕመድ የማኅበራዊ ጉዳዮች አማካሪ ዲያቆን ዳንኤል ክብረት ገዢውን ብልፅግና ፓርቲ በይፋ ተቀላቅለዋል።

ዳንኤል 2013 ዓ.ም. በተደረገው ስድስተኛው ሀገራዊ ምርጫ በግል ተወዳድረው ፓርላማ መግባታቸው ይታወሳል። በዚሁ ጉዳይ ላይ ጥያቄ የቀረበላቸው የጠቅላይ ሚኒስትሩ አማካሪ

“ለሌሎች ዕድል ለመስጠት" ሲሉ በምርጫው ላለመሳተፍ አቅደው እንደነበር ተናግረዋል። ሆኖም ግን "አሁን ሌሎች ዕድል ማግኘታቸውን ስላረጋገጥኩ የብልጽግና ዕጩ ሆኜ ልወዳደር ነው” ሲሉ ዲያቆን ዳንኤል ለ“ምርጫ 2018 – ኢትዮጵያ ኢንሳይደር” ተናግረዋል።

የብልጽግና ፓርቲን ከመቼ ጀምሮ እንደተቀላቀሉ ጥያቄ ቢቀርብላቸውም መልስ ከመስጠት መቆጠባቸው ተገልጿል።

#Ethiopia #ProsperityParty #DanielKibret #EthiopianElection #EthiopianNews #AmharicNews #EthioTube #Africa

976

EthioTube

Apr 28, 2026, 04:11 AM

📷 Photo

የአርቲስት ቴዲ አፍሮ ስቱዲዮ በታጠቁ አካላት ተዘረፈ

"ቴዲ አፍሮ እስካሁን በደኅና ሁኔታ ላይ ይገኛል" ተብሏል

የአርቲስት ቴዎድሮስ ካሣሁን (ቴዲ አፍሮ) የሙዚቃ ስቱዲዮ በታጠቁ አካላት መዘረፉን የጀርመን ድምፅ ሬዲዮ ዘግቧል።

ዘረፋው የተፈፀመው ትላንት ሚያዚያ15/2018
ዓ.ም. ከምሽቱ 3 ሰዓት ገደማ ሲኤምሲ አካባቢ በሚገኘው የአርቲስቱ ስቱዲዮ ውስጥ ነው።

መሣሪያ የታጠቁ እና በተሽከርካሪ የመጡ አካላት የስቱዲዮን ጠባቂዎች በመደብደብ አርቲስቱ ለሙዚቃ ሥራው የሚጠቀምባቸውን ንብረቶች መውሰዳቸውን ዘገባው አመልክቷል።

አርቲስት ቴዎድሮስ ካሣሁን «ኢቶሪካ» የተሰኘው የሙዚቃ አልበሙ ከመውጣቱ በፊት ጀምሮ የሥነልቡና ጫና ሊያደርሱ የሚችሉ ወከባዎች በአካባቢው እየተፈጸሙ ቢሆንም፣ እንቅስቃሴው ቢገታም እስካሁን በደኅና ሁኔታ ላይ እንደሚገኝም ዶቼ ቬለ ከምንጮቼ አገኘሁት ባለው መረጃ ገልጿል።

ቴዲ አዲሱን አልበም ለአድማጮች ካደረሰ በኋላ የቅርብ ወዳጁ እንዲሁም ቃልአቀባዩ እና ምክትል ማናጀሩ በፖሊስ ቁጥጥር ስር መዋላቸው ይታወሳል።

#Ethiopia #EthiopianMusic #TeddyAfro #AddisAbaba #EthiopianNews #AmharicNews #EthioTube #Africa

1,160

EthioTube

Apr 28, 2026, 04:11 AM

🎥 Video

🔔 በዲሲ እና አካባቢዋ የምትገኙ እንዳያመልጣችሁ! 🔔

Your Ethiopian Professionals Network - YEP 15 አመት ሞላው!
ቅዳሜ በፎልስ ቸርች፣ ቨርጂኒ ይከበራል!

ተጋባዥ እንግዶች፦
👉 ዶ/ር ገቢሳ ኤጄታ
👉 ዲናው መንግስቱ
👉 ዶ/ር ሎዛ ታደሰ
👉 ኮሜዲያን ቢኒያም ብዙነህ
👉 ዶ/ር እናውጋው መሓሪ
👉 ዶ/ር ኤባ ት

ዛሬውኑ ትኬት ይግዙ!
http://onecau.se/yep15yeargala  ​

#Ethiopia​ #EthiopianProfessionals​ #YEP15​

#ማስታወቂያ | #Ad

1,040

EthioTube

Apr 28, 2026, 04:11 AM

📷 Photo

ጠቅላይ ሚኒስትር ዐቢይ አሕመድ ቴዲ አፍሮን ጠንከር ባለ ቃላት ከወቀሱት በኋላ የአርቲስቱ ባልደረባዎች መታሰራቸው ተሰምቷል

ጠቅላይ ሚኒስትር ዐቢይ አሕመድ ባለፈው እሁድ ቴዲ አፍሮን በቁራ መስለው “ቁራ የቆሸሸ ቦታ የሚውል በመጮኽ በማልቀስ አካባቢን የሚበክል ነው” በማለት ጠንከር ባለ ቃላት ከወቀሱት በኋላ የአርቲስቱ ሁለት ባልደረባዎች መታሰራቸው ተሰምቷል።

የቴዲ አፍሮ ምክትል ማናጀርና ቃል አቀባይ ማህሌት ሰለሞን እንዲሁም የቅርብ ወዳጁ ነው የሚባለው የሱፍ ያሲን በፖሊስ ቁጥጥር ስር መዋላቸው ተሰምቷል።

ትላንትት ሚያዚያ 13/2018 ዓ.ም. በቁጥጥር ሥር የዋሉትን የአርቲስቱን ባልደረቦች አስመልክቶ እስካሁን ድረስ የፌደራል ፓሊስ ሆነ የአዲስ አበባ ፓሊስ ያወጡት ይፋዊ መግለጫ የለም።

ጠቅላይ ሚኒስትር ዐቢይ በኦሮሚያ ክልል የተገነባውን ሐሮ ደንዲ ሎጅ ባስመረቁበት ዕለት "እኛ ንስር ነን ቁራ አይደለንም" ሲሉ አርቲስት ቴዲ አፍሮን መተቸታቸው ይታወሳል። ይህን ንግግራቸውን ተከትሎ የአርቲስቱ አድናቂዎች ከፍተኛ ስጋታቸውን ሲገልፁ ቆይተዋል።

#Ethiopia #TeddyAfro #AbiyAhmed #EthiopianMusic #EthiopianNews #AmharicNews #EthioTube #Africa

1,510

EthioTube

Apr 28, 2026, 04:11 AM

📷 Photo

በሕገ ወጦች ተይዘናል በማለት ከቤተሰቦቻቸው 300 ሺህ ብር ለማስላክ የሞከሩ ታዳጊዎች በቁጥጥር ስር ዋሉ

በሕገ ወጦች ተይዘናል በማለት ቤተሰቦቻቸው 300 ሺህ ብር እንዲልኩላቸው የጠየቁ ታዳጊዎች ከእነ ግብረ አበሮቻቸው በቁጥጥር ስር መዋላቸውን ፖሊስ አስታወቀ

ተጠርጣሪዎች የወንጀል ድርጊቱን የፈፀሙት በለሚ ኩራ ክ/ከተማ ወረዳ 2 ልዩ ቦታው የካ አባዶ አካባቢ ነው፡፡

የ15 እና የ16 ዓመት ዕድሜ ያላቸው ሴት ታዳጊዎቹ ሚያዝያ 12 ቀን 2018 ዓ/ም ለትምህርት ብለው እንደወጡ ሳይመለሱ እንደቀሩ ፖሊስ ገልጿል።

በልጆቹ መጥፋት ቤተሰቦቻቸው ተጨንቀው በነበሩበት ወቅት ታዳጊዎቹ ስልክ በመደወል 300 ሺህ ብር ካልተላከላቸው የያዟቸው ግለሰቦች ጉዳት ሊያደርሱባቸው መሆኑን እንደተናገሩ ተመላክቷል

የወንጀሉ ጉዳይ ሪፖርት የደረሰው የለሚ ኩራ ክ/ከተማ ፖሊስ መምሪያ ባደረገው ክትትል እና ፍለጋ ሚያዝያ 13 ቀን 2018 ዓ/ም ሲ.ኤም.ሲ አካባቢ ታዳጊዎቹን ከሁለት ወንዶች ጋር በቁጥጥር ስር ማዋሉን አስታውቋል፡፡

ፖሊስ ባደረገው ምርመራ ታዳጊዎቹ ከሁለት ወንድ ጓደኞቻቸው ጋር ሲዝናኑ እንደነበር ያረጋገጠ ሲሆን አራቱን ታዳጊዎች እና ለታዳጊዎቹ የመኝታ ክፍል ያከራየን ግለሰብ ይዞ ምርመራው መቀጠሉን ገልጿል፡፡

ወደ ውጭ ሀገር ለመሄድ አስበው እና ተነጋግረው ድርጊቱን አቀነባብረው እንደፈፀሙት ታዳጊዎቹ ለፖሊስ ከሰጡት ቃል መረዳት ተችሏል፡፡

ሆቴል ቤቶች ሆኑ የመኝታ ክፍል የሚያከራዩ ተቋማት ለህፃናት ሆነ ለታዳጊዎች የመኝታ ክፍል ማከራየትና አልኮል መጠጥ መሸጥ እንደሌለባቸው ፖሊስ አሳስቧል።

ቤተሰብም ልጆቻቸው የት እና ከእነ ማን ጋር እንደሚውሉ የማረጋገጥ ልምድ ሊያደብር እንደሚገባ የአዲስ አበባ ፖሊስ ጠቅላይ መምሪያ መልእክቱን አስተላልፏል፡፡

#Ethiopia #AddisAbaba

1,350

EthioTube

Apr 28, 2026, 04:11 AM

📷 Photo

የአርሰናል የዋንጫ እድል አበቃለት?

#PremierLeague #Arsenal #ManchesterCity #EPL #Football

1,690

EthioTube

Apr 28, 2026, 04:11 AM

📷 Photo

የብሔራዊ መረጃና ደህንነት አገልግሎት ዳይሬክተር የሆኑት አምባሳደር ሬድዋን ሁሴን የእንጨት አካፋይ ወድቆ ጭንቅላታቸው ላይ ጉዳት ደርሶባቸው እንደነበር ገለፁ

አምባሳደር ሬድዋን፤ ኢትዮጵያ የምታስተናግደውን የኮፕ32 ዓለም አቀፍ ስብሰባ በሚመለከት ‎ብሔራዊ ኮሚቴው ከሰሞኑ ባካሔደው ውይይት ላይ ሲካፈሉ የሚያሳየው ተንቀሳቃሽ ምስል መነጋገሪያ ሆኖ ነበር። ሬድዋን ከግንባራቸው ከፍ ብሎ ጭንቅላታቸው ላይ የሚታይ ጠባሳን ተከትሎ በማህበራዊ ሚዲያ ብዙ አስተያየቶች ሲሰጡ ቆይቷል።

አምባሳደሩ ስላጋጠማቸው ክስተት በፌስቡክ ገፃቸው በሰጡት ማብራሪያ "ከሁለት ሳምንት በፊት በሀገራዊ ጉዳይ የሚመክር ስብሰባ አስተናግደን ለምሳ እንዳረፍን ንፋስ ለመከላከል የተጋረደ የእንጨት አካፋይ
( Partition Wall ) ሚዛን ስቶ ሲወድቅ አናቴ ጋርና ትንሽ ገባ ብሎ አገኘኝ" ብለዋል። በዚህ አደጋ ጭንቅላታቸው ላይ መሰንጠቅ እንዳጋጠመ ተናግረዋል።

"ስንጥቁ መሰፋት ስለነበረበት ሐኪሞች በከፊል[ፀጉሬን] ላጩት። እኔ ደሞ ሙሉውን ቢሆን ይሻላል ብዬ እስከሚደርቅ አነሳሁት። እንደልጅነቴ ተመልጬ ሳየው አልጠላሁትም" በማለት መነጋገሪያ ስለነበረው ገፅታቸው ማብራሪያ ሰጥተዋል።

ሬድዋን፤ ሕክምናቸውን እዚሁ አዲስ አበባ በሚገኝ አሚን ሆስፒታል መከታተላቸውን ገልፀው ወደ ውጭ ሀገር አልወጣሁም" ሲሉ አስታውቀዋል።

#Ethiopia #RedwanHussain #EthiopianNews #AmharicNews #EthioTube #Africa

1,700

EthioTube

Apr 28, 2026, 04:11 AM

📷 Photo

ህወሓት ከስድስት ዓመት በፊት በተካሔደው ምርጫ የተመረጠውን ምክር ቤት ወደ ሥራ እንዲመለስ የወሰነውን ውሳኔ ጄነራል ታደሠ ወረደ ተቃወሙት

ህዝባዊ ወያነ ሓርነት ትግራይ (ህወሓት) በትግራይ ክልል በ 2012 ዓ.ም. በተካሔደው ምርጫ የተመረጠውን የክልሉን ምክር ቤት ወደ ሥራ እንዲመለስ የወሰነውን ውሳኔ የጊዜያዊ አስተዳደሩ ፕሬዝዳንት ሌ/ጄነራል ታደሠ ወረደ ተቃወሙት።

ፕሬዝዳንቱ ዛሬ ሚያዚያ 13/2018 ዓ.ም. በሰጡት መግለጫ የህወሓት ማዕከላዊ ኮሚቴ ከጦርነቱ በፊት የነበረው መንግስት ወደ ቦታው እንዲመለስ ያስተላለፈው ውሳኔ “የፕሪቶሪያውን ስምምነት ውድቅ የሚያደርግ ነው” በማለት ተችተውታል።

ጄነራል ታደሠ በመግለጫቸው “በትግራይ ውስጥ በአሉባልታ የሚመጣ መፍትሔ የለም” ማለታቸውን የክልሉ ኮሙኒኬሽን ቢሮ ባሰራጨው መረጃ አሳውቋል። የፌደራል መንግሥት የታደሠ ወረደን የሥልጣን ዘመን ለአንድ ዓመት እንዲራዘም ማድረጉ በህወሓት ዘንድ ከፍተኛ ቅሬታ ፈጥሯል።

ህወሓት ይህን ውሳኔ “እኔን ያላካተተ የተናጠል ውሳኔ ነው” ሲል የፕሬዝዳንቱን የሥልጣን ዘመን መራዘም እንደማይቀበለው መግለጹ ይታወሳል።

ይህን ተከትሎ ከስድስት ዓመት በፊት በተደረገ ምርጫ የተመረጠን ምክር ቤት ወደ ሥራ እንዲመለስ ወስኗል። በ2012 ዓ.ም. የተካሔደው ምርጫ በክልሉ ለተከሰተው ጦርነት አንድ መንስዔ ሆኖ እንደነበር ይታወሳል።

የዛሬው የጄኔራል ታደሠ መግለጫ የሚመሩት ካቤኔ እና የመንግሥት መሥሪያ ቤቶች በመደበኛ ሥራቸው እንደሚቀጥሉ በማሳወቅ የህወሓት ውሳኔ ተፈፃሚ እንደማይሆን ያመላከተ ሆኗል።

#Ethiopia #Tigray #TPLF #EthiopianNews #AmharicNews #EthioTube #Africa

1,530

EthioTube

Apr 28, 2026, 04:11 AM

📷 Photo

ቀያይ ሰይጣኖቹ በቸልሲ ሜዳ ድል ቀናቸው

ቸልሲ 0-1 ማንችስተር ዩናይትድ

ዘንድሮ ዩናይትድ ስንተኛ ደረጃ ይጨርሳል?

#PremierLeague #ManchesterUnited #Chelsea #EPL #Football

1,450

EthioTube

Apr 28, 2026, 04:11 AM

📷 Photo

“እኛ ንስር ነን ቁራ አይደለንም፤ ቁራ የቆሸሸ ቦታ የሚውል በመጮኽ በማልቀስ አካባቢን የሚበክል የአዋፍ ዝርያ ነው” ጠቅላይ ሚኒስትር ዐቢይ አሕመድ

“ጩኸቱን፣ ለቅሶውን ለቁራዎች እንተወዋለን”

ጠቅላይ ሚኒስትር ዐቢይ አሕመድ “እኛ ንስር እንጂ ቁራ አይደለንም” ሲሉ ተናገሩ። ጠቅላይ ሚኒስትሩ ስለሁለቱ የአዕዋፋት ዝርያ ሲያብራሩ፤ “ቁራ የቆሸሸ ቦታ የሚውል በመጮኽ በማልቀስ አካባቢን የሚበክል የአዋፍ ዝርያ ነው” ብለዋል።

ይህ ጠቅላይ ሚኒስትሩ መልዕክት የተሰማው፤ በዚህ ሳምንት የተለቀቀው የድምፃዊ ቴዲ አፍሮ ዐዲሱ “ኢቶሪካ” አልበም በበርካታ ሰዎች ዘንድ እየተደመጠና መነጋገሪያ በሆነበት ወቅት ነው። 18 ሙዚቃዎችን የያዘው የቴዲ በተለቀቁ በጥቂት ቀናቶች ውስጥ በሚሊዮን የሚቆጠር እይታን ማግኘት ችለዋል።

ዐቢይ በኦሮሚያ ክልል የተገነባውን በሐሮ ደንዲ ሎጅ በዛሬው እለት ሲያስመርቁ ባስተላለፉት መልዕክት፤ በሀገሪቱ እየተገነቡ ያሉት የልማት ሥራዎች “ለማራከስ እንደሚሞከረው አይደለም” ብለዋል።

የዓለም ባንክ እና አይ. ኤም. ኤፍ (IMF) በዛሬው ዕለት በዋሽንግተን እያደረጉት ያለውን ዓመታዊ ስብሰባን በመጥቀስ፤ በዚህ ዓመት “በአፍሪካ ውስጥ ቁጥር አንድ ከፍተኛ እድገት ያላት ኢትዮጵያ ናት” ሲሉ ተቋማቱ መናገራቸውን ገልጸዋል።

ዐቢይ አክለውም “እኛ እንደንስር ወደ ከፍታ ነው የምንበረው ብለዋል። “ንስር በባሕሪው አርቆ የሚያይ፣ብዙ ከለሮች የሚያይ በከፍታ የሚበር፣በከፍታ የሚመላለስ፣ በከፍተኛ ርቀት ዐይቶ፣ አልሞ፣አድኖ መብላት የሚችል የብዙ ጀግንነት የብዙ ብቃት መለኪያ ነው” ሲሉ ጠቅላይ ሚኒስትሩ አብራርተዋል።

#Ethiopia #AbiyAhmed #TeddyAfro

1,810

Showing 30 of 48 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

EthioTube

EthioTube

Ranking

Participant Growth (Last 9 Days)

Latest Posts

Rating

User Reviews (0)

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Related Telegram Channels

Goat

BOOM CRASH PIPS

Alt Skull's Charnel House

RTV | Rasmiy

Editing Assets

Top Telegram Channels - Europe

BUGUN | RASMIY

GOATS Channel

Latest Posts

User Reviews (0)