Khaing Thu Kha

Public

View Channel

741

710

674

Can't Join? @khaingthukha

13.2k Members

Updated: May 14, 2026 at 11:03 AM

Khaing Thu Kha

Spokesperson of ULA/AA

@khaingthukha offers specialized information about spokesperson and ulaaa for subscribers interested in Politics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 13.2K

24h growth: +0 0%

Latest Posts

Khaing Thu Kha

May 24, 2026, 03:08 PM

📎 File

1,840

Khaing Thu Kha

May 24, 2026, 03:08 PM

၂။ အများပြည်သူသို့ အသိပီးနှိုးဆော်ချက်

မူးယစ်ဆီးဝါးနန့် စိတ်ကိုပြောင်းလဲစီတတ်သော ဆီးဝါးများဆိုင်ရာ ဥပဒေပုဒ်မ ၁၉(က) အရ မည်သူမဆို မူးယစ်ဆီးဝါး သို့မဟုတ် စိတ်ကိုပြောင်းလဲစီသောဆီးဝါးကို ရောင်းချရန်အလို့ငှာ လက်ဝယ်ထားခြင်း၊ သယ်ဆောင်ခြင်း၊ တဆင့်ပီးပို့ခြင်း သို့မဟုတ် လွှဲပြောင်းခြင်းများပြုလုပ်ကြောင်း  ပြစ်မှုထင်ရှားစီရင်ခြင်းခံရလျှင် ထိုသူအား ထောင်ဒဏ် အနည်းဆုံး (၁၀) နှစ်မှ အများဆုံး နှစ်အကန့်အသတ်မဟိ ထောင်ဒဏ်အထိ ချမှတ်ရမည်ဟု ဖော်ပြထားသည်။

ရာဇဝတ်ကျင့်ထုံးဥပဒေ (ကျင့်) ပုဒ်မ - ၅၁၂ အရ ပြစ်မှုကျူးလွန်သည်ဟု စွပ်စွဲခံရသူသည် တိမ်းယှောင်နီပြီး ဖမ်းဆီးရမိနိုင်ခြေမဟိဟု ခိုင်လုံသော အထောက်အထားပြနိုင်လျှင် တရားရုံးက တရားခံမဟိသည့်ကြားမှ တရားခံ ၏ မျက်ကွယ်၌စစ်ဆီးခြင်း ဖြစ်သည်။ သက်သီများ စစ်ဆီး၍ မှတ်တမ်းတင်ထားပြီးနောက် အဆိုပါအမှုအား ‘တရားခံဗြီးအဖြစ်’ သတ်မှတ်ကာ ယာယီပိတ်သိမ်း (သို့မဟုတ်) အမှုတွဲသိမ်းဆည်းထားခြင်း ဖြစ်သည်။ နောက်တွင် တရားခံအား ပြန်လည်ဖမ်းဆီးရမိပါက သိမ်းဆည်းထားသော မှတ်တမ်းအသစ်များဖြင့် အမှုအား ပြန်လည်စတင် အရေးယူနိုင်သည်။

မူးယစ်ဆီးဝါးနန့် စိတ်ကိုပြောင်းလဲစီသော ဆီးဝါးများ တားဆီးကာကွယ်ရီးတွင် အာရက္ခပြည်သူများအနီဖြင့် အချိန်နန့်တဗြီးညီ သတင်းပီးပို့ခြင်း၊ကူညီခြင်း စသည့် တရားဥပဒေစိုးမိုးရီး၌ ပူးပေါင်းပါဝင်ခြင်း၊ လူငယ်များအား မူးယစ်ဆီးဝါးအန္တရာယ်  အသိပညာပီးခြင်း၊ မူးယစ်ဆီးဝါးသုံးစွဲသူများအား ပြန်လည်ကုစားရီး၌ ဝိုင်းဝန်းကူညီခြင်း စသည်ဖြင့် တာဝန်ယူ ဆောင်ရွက်ပါက မူးယစ်ဆီးဝါးအန္တရာယ် ကျဆင်းလာနိုင်ပါသည်။

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း-👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်)လိပ်စာ - [email protected]


အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

Khaing Thu Kha

May 24, 2026, 03:08 PM

📷 Photo

1,850

Khaing Thu Kha

May 24, 2026, 03:08 PM

အာရက္ခ မှုခင်းနန့်ဆက်စပ်သတင်းများ
ထုတ်ပြန်ရီးအဖွဲ့
မှုခင်းသတင်းထုတ်ပြန်ချက်
(၁၃ /၂၀၂၆)

ပြည်ခရိုင်၊ ပန်းတောင်းမြို့နယ်၌ မူးယစ်ဆီးဝါး WY စိတ်ကြွဆီးပြား (၃၂) သိန်း သယ်ဆောင်လာသူ နှစ်ဦးကို ဖမ်းဆီးရမိ

၂၀၂၆ ခုနှစ်၊ မေလ (၁၉)ရက်

အချိန် - မေလ (၁) ရက်နိ၊ နိခင်း (၁၂)နာရီ။
နီရာ   - ပြည်ခရိုင်၊ ပန်းတောင်းမြို့ နယ်၊ ဥသျှစ်ပင်မြို့အနား။

၁။ သတင်းအကျဉ်း

ပြည်ခရိုင်၊ ပန်းတောင်းမြို့နယ်အတွင်း ၌ ၂၀၂၆ ခုနှစ်၊ မေလ (၁) ရက်နိက မူးယစ်ဆီးဝါးသယ်ဆောင်လာသူ နှစ်ဦးကို WY စိတ်ကြွဆီးပြား (၃၂) သိန်းနန့်တတူ အာရက္ခတပ်တော် ( AA) နန့် မဟာမိတ်ပူး​ပေါင်းတပ်ရို့မှ ဖမ်းဆီးရမိခသည်။

ဖြစ်စဉ်မာ ၂၀၂၆ ခုနှစ်၊ မေလ (၁) ရက်နိ၊ နိခင်း (၁၂) နာရီခန့်အချိန်တွင် အာရက္ခတပ်တော်နန့် မဟာမိတ်ပူးပေါင်းတပ်ရို့သည် ဥသျှစ်ပင်မြို့အနီး ဝန်းကျင်၌ နယ်မြီကင်းလှည့်နီစဉ် မသင်္ကာဖွယ်ရာ တဲတလုံးကို တွိရ၍ ဝင်ရောက်စစ်ဆီးရာတွင် တဲအတွင်းမှ ဥသျှစ်ပင်မြို့၊ ပြည်တော်သာရပ်ကွက်နီ (အဖ)ဦးကျော်ခဲ၏သား အောင်လကျော် (၄၀ နှစ်) နန့် ပြည်မြို့၊ ဗိုလ်တထောင်ရပ် ကွက်နီ (အဖ) ဦးသောင်း၏ သား အောင်ကျော်မိုး(၄၁နှစ်)ရို့ကို RS မြင်းတံဆိပ်ပါ WY စိတ်ကြွဆီးပြား အရေအတွက် (၃၂) သိန်းနန့်တတူ လက်ပူးလက်ကပ် ဖမ်းဆီးရမိခသည်။

ဖမ်းဆီးရမိသည့် WY စိတ်ကြွဆီးပြားပိုင်သျှင်များမာ ရန်ကုန်တိုင်း၊ ရွှေပြည်သာမြို့နီ ဦးမိုးကျော်ထွေး (၄၁ နှစ်ခန့်) နန့် အင်းစိန်မြို့တွင်နီထိုင်သူ ဦးရန်နိုင် (၄၄ နှစ်ခန့်) ရို့ဖြစ်ပြီး ၎င်းရို့သည် စစ်ကော်မသျှန်နန့် ပတ်သက်နီသူများဖြစ်ကာ WY စိတ်ကြွဆီးပြားများကို စစ်ကော်မသျှန်တပ်ထိန်းချုပ်ထားသည့် ပြည်ခရိုင်အတွင်း စစ်ဆီးရီးဂိတ်များ၌ စစ်ဆီးခြင်း လုံးဝမဟိဘဲ ဖြတ်သန်းခွင့်ပြုလိုက်ကြောင်း ဖမ်းဆီးရမိသော တရားခံများက ထွက်ဆိုသည်။

ယင်းအမှုအား အာရက္ခပြည်သူ့တော်လှန်ရီးအစိုးရ၊ တရားဥပဒေစိုးမိုးရီးနန့် ပြည်သူ့လုံခြုံရီးဌာန(ဒီလပ်)မှ မူးယစ်ဆီးဝါးနန့် စိတ်ကိုပြောင်းလဲစီသော ဆီးဝါးများ ဆိုင်ရာဥပဒေပုဒ်မ - ၁၉ (က)/၂၁/ကျင့် - ၅၁၂ အရ ၂၀၂၆ ခုနှစ်၊  မေလ (၁၅) ရက်နိတွင် အမှုဖွင့် အရေး ယူထားပြီး အမှုမှသက်သီခံပစ္စည်းများသိမ်းဆည်းခြင်း၊ ဂွင်းဆက်တရားခံများကို ဆက်လက်စစ်ဆီးဖော် ထုတ်အရေးယူခြင်း အပါအဝင် ကျန်ဒီလပ်လုပ်ငန်းများအား ပြည့်စုံခိုင်မာစွာ တည်ဆောက်ပြီး ဥပဒေအကြံပြုချက်နန့်အညီ ဆက်လက် ဆောင်ရွက်လျက် ဟိသည်။

အဆိုပါဒေသသည်  လက်ဟိမြန်မာ နိုင်ငံတွင် စစ်ကောင်စီ အာဏာသိမ်းပြီးနောက်ပိုင်း ပြောင်းလဲလားခသော စစ်ရီး၊ ပထဝီနိုင်ငံရီးနန့် နိုင်ငံရီးပထဝီ အရ အာရက္ခတပ်တော် လှုပ်ယှားရာနီရာဒေသတခုလည်းဖြစ်သည့်အပြင် အာရက္ခတပ်တော်အနီဖြင့်လည်း ယင်း ဒေသ၌ ဒေသခံပြည်သူလူထုများနန့်တတူ တရားဥပဒေစိုးမိုးရီးအား အကောင်းဆုံးပူးပေါင်းဆောင်ရွက်လျက်ဟိသော ဒေသလည်း ဖြစ်သည်။

အလားတူ အာရက္ခတပ်တော်လှုပ်ယှားရာနီရာ၊ နယ်မြီ၊ ဒေသတိုင်း၌ မူးယစ်​ဆီးဝါးပပျောက်ရီး အပြင်"ကျားဖျန့် လုံးဝမဟိစီရ"၊ "ကျားဖျန့် သမားများအတွက် နီရာ လုံးဝ မဟိစီရ"ဆိုသည့်မူကို အခိုင် အမာစွဲကိုင်၍ ပြတ်ပြတ်သားသား ဆောင်ရွက်လျက်လည်း ဟိသည်။

ခေတ်အဆက်ဆက်၌ စစ်ကော်မသျှန် (စစ်ကောင်စီတပ်)၏ တပ်ဖွဲ့ဝင်များ၊ အထူးသဖြင့် စစ်ကော်မသျှန်၏စစ်ဆီးရီးဂိတ်များသည် လာဘ်ပီးလာဘ်ယူမှုများ၊ အဂတိလိုက်စားမှုများကို အဓိကထား၍  တောက်လျှောက််လုပ်ဆောင်လာနီခပြီး စစ်အာဏာသိမ်းပြီးနောက် တပ်ပျက်ဖြစ်လားသည့်ကာလတွင်မူစစ်ကော်မသျှန်တပ်ဖွဲ့ဝင်များသည် အဂတိ လိုက်စားမှု၊ လာဘ်ပီးလာဘ်ယူမှုများကို အယင်ကထက် ပြင်းပြင်း ထန်ထန် ဗြောင်ကျကျ လုပ်ဆောင်နီသည့်နည်းတူ မူးယစ်ဆီးဝါးကုန်ကူးသူ များနန့်ပါ အယင်ကထက်ပိုမိုပူးပေါင်းလုပ်ဆောင်လျက်ဟိသည်။ အထူးသဖြင့် စစ်ကော်မသျှန်ထိန်းချုပ်ထားသည့် နယ်မြီအများစု၌ စစ်ကော်မသျှန်သည် မူးယစ်ဆီးဝါးထုတ်လုပ်မှုများကို အယင် ကထက် ပိုမိုကြီးမားကျယ်ပြန့်စွာ လုပ်ဆောင်လျက်ဟိသည်။

Khaing Thu Kha

May 24, 2026, 03:08 PM

📷 Photo

နှစ်သစ်ဆုတောင်း

၁၃၈၈ ခုနှစ်၊ နှစ်ဆန်းတစ်ရက်နေ့
၂၀၂၆ ခုနှစ်၊ ဧပြီလ (၁၇) ရက်

4,910

262

Khaing Thu Kha

May 24, 2026, 03:08 PM

📷 Photo

ဖက်ဆစ် အကြမ်းဖက် စစ်ကော်မရှင်တပ်မှ အာရက္ခပြည်၊ မင်းပြားနှင့် ကျောက်တော်မြို့နယ်အတွင်းရှိ ကျေးရွာအချို့နှင့် အကျဉ်းထောင်အချို့ကို လေကြောင်းမှ ဗုံးကြဲတိုက်ခိုက်မှုအား နှစ်ကြိမ်တိုင် ယမန်နေ့တစ်ရက်တည်းအတွင်း ပြုလုပ်

၂၀၂၆ ခုနှစ်၊ မေလ (၈) ရက်နေ့

အာရက္ခပြည်၊ မင်းပြားမြို့နယ်၊ ကျောက်ခုတ်ကျေးရွာ အရှေ့တောင်ဖက်ရှိ ကင်းမွန်ချောင်းဂျိုင်နှင့် ၎င်းအနီးပတ်ဝန်းကျင်ရှိကျေးရွာများအတွင်းသို့ ၂၀၂၆ ခုနှစ်၊ မေလ (၇) ရက်၊ နေ့လည် (၂) နာရီ (၁၅) မိနစ်အချိန်ခန့်တွင် ဖက်ဆစ်အကြမ်းဖက် စစ်ကော်မရှင်တပ်မှ ဂျက်ဖိုက်တာ (၂) စီး၊ Y-12 (၁) စီးဖြင့် အဆိုပါနေရာများအား မိနစ် (၄၀) ခန့်ကြာသည်အထိ တရစပ်မရပ်မနားဗုံးကြဲတိုက်ခိုက်ခဲ့မှုကြောင့် အရပ်သား ပြည်သူတချို့ သေဆုံး၊ ဒဏ်ရာရမှုများရှိခဲ့သကဲ့သို့ လူနေအဆောက်အအုံတချို့ ပျက်စီးမှု၊ ကျွဲ၊ နွား၊ တိရစ္ဆာန် တချို့ သေဆုံးမှု၊ဗုံးစထိမှန်မှုတို့ရှိခဲ့သည်။

ထို့အတူ ယမန်နေ့တစ်ရက်တည်းတွင်ပင် ဖက်ဆစ် အကြမ်းဖက် စစ်ကော်မရှင်တပ်သည် ကျောက်တော် မြို့နယ်၊ သုံးခွအနီးပတ်ဝန်းကျင်သို့လည်း ဂျက်ဖိုက်တာ (၄) စီးဖြင့် ည (၁၀) နာရီခန့်မှ (၁၀) နာရီ (၂၅) မိနစ်အထိ ပေါင် (၅၀၀) ဗုံး ၈ လုံးဖြင့် လာရောက်ပစ် ခတ်တိုက်ခိုက်ခဲ့သည့်အပြင် (၁၀) နာရီ (၂၈) မိနစ်တွင်လည်း Y-12 ထောက်ပို့လေယာဉ် (၂) စီးမှ Cluster Boombအမျိုးအစား (၂၄) လုံးခန့်လာရောက်ဗုံးကြဲတိုက်ခိုက်ခဲ့သည်။

အဆိုပါ ဗုံးကြဲတိုက်ခိုက်မှုဖြစ်စဉ်ကြောင့် ၎င်းအနီးအရပ်သားပြည်သူ (၁) ဦး၊ အကျဉ်းထောင်ဆေးဝန်ထမ်း (၁) ဦး၊ ကလေး (၁) ဦး သေဆုံးခဲ့ပြီး ပြင်းထန်နှင့်အလတ်စားဒဏ်ရာရသူ (၁၀) ဦးခန့်လည်းရှိခဲ့သည်။

ထို့အပြင် ကျောက်တော်မြို့နယ်၊ ပြိုင်းချောင်းကျေးရွာမှ အရပ်သား တစ်ဦး ပိုင်ဆိုင်သော နွား (၇) ကောင်လည်း ဤဗုံးကြဲတိုက်ခိုက်မှုကြောင့် သေဆုံးခဲ့သည်။

သတင်းနှင့်ပြန်ကြားရေး
အာရက္ခတပ်တော်

Khaing Thu Kha

May 24, 2026, 03:08 PM

🎥 Video

၂၀၂၆ ခုနှစ်၊ ဧပြီလ ပထမပတ်အတွင်း ဖက်ဆစ် အကြမ်းဖက် စစ်ကော်မရှင်၏ ကပစ (၁၆) ကာကင်းစခန်းများဖြစ်သော ပွိုင့် (၅၀၀) ကုန်းနှင့် ၎င်းအနီးဝန်းကျင်ကုန်းများမှ ထွက်ပြေးလာပြီး အာရက္ခတပ်တော်ထံသို့ အလင်းဝင်ရောက်လာသော အကြမ်းဖက် စစ်ကော်မရှင်တပ်ဖွဲ့ဝင်များထဲမှ အချို့၏ ထွက်ဆိုချက်များ

၂၀၂၆ ခုနှစ်၊ ဧပြီလ (၁၁) ရက်
#AAInfoDesk

4,140

Khaing Thu Kha

May 24, 2026, 03:08 PM

📷 Photo

(၁၇) နှစ်မြောက် အာရက္ခတပ်တော်နိ အခမ်းအနားသို့ အာရက္ခတပ်တော် တပ်မှူးချုပ်မှ ပီးပို့အပ်သော သဝဏ်လွှာ

၁၃၈၇ ခုနှစ်၊ တာကူးလပြည့်ကျော် (၉) ရက်
၂၀၂၆ ခုနှစ်၊ ဧပြီလ (၁၀) ရက်

4,180

213

Khaing Thu Kha

May 24, 2026, 03:08 PM

📷 Photo

(၁၇) နှစ်မြောက် အာရက္ခတပ်တော်နေ့ အခမ်းအနားသို့ တော်လှန်ရေးအဖွဲ့အစည်းအသီးသီး နှင့် အဖွဲ့အစည်းတချို့ မှ ပေးပို့လာကြသော သဝဏ်လွှာများ - ၅

၂၀၂၆ ခုနှစ်၊ ဧပြီလ (၁၀) ရက်

2,690

Khaing Thu Kha

May 24, 2026, 03:08 PM

📷 Photo

ကျေးဇူးတင်လွှာ

၁၃၈၇ ခုနှစ်၊ တန်ခူးလပြည့်ကျော် (၉) ရက်
၂၀၂၆ ခုနှစ်၊ ဧပြီလ (၁၀) ရက်

3,670

101

Khaing Thu Kha

May 10, 2026, 05:35 AM

📷 Photo

(၁၇) နှစ်မြောက် အာရက္ခတပ်တော်နေ့ အခမ်းအနားသို့ တော်လှန်ရေးအဖွဲ့အစည်းအသီးသီး နှင့် အဖွဲ့အစည်းတချို့ မှ ပေးပို့လာကြသော သဝဏ်လွှာများ - ၄

၂၀၂၆ ခုနှစ်၊ ဧပြီလ (၁၀) ရက်

1,140

Khaing Thu Kha

Apr 10, 2026, 01:47 AM

📷 Photo

သံတွဲမြို့နယ်အား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၄) စီးဖြင့် ဗုံးကြဲတိုက်ခိုက်ခဲ့၍ ကလေး (၂) ဦး အပါအဝင် အပြစ်မဲ့အရပ်သား (၄) ဦးပါသည့် မိသားစုတစ်စုလုံး သေဆုံးပြီး (၃) ဦး ထိခိုက်ဒဏ်ရာရ

၂၀၂၆ ခုနှစ်၊ ဧပြီလ (၁) ရက်

၂၀၂၆ ခုနှစ်၊ ဧပြီလ (၁) ရက်နေ့၊ နေ့လယ် (၁၁) နာရီ (၁၁) မိနစ်မှ (၁၁) နာရီ (၄၅) မိနစ်အချိန်ထိ ဖက်ဆစ် အကြမ်းဖက် စစ်ရှုံး စစ်ကော်မရှင်တပ်သည် အာရက္ခပြည်၊ သံတွဲမြို့နယ်အား ဂျက်ဖိုက်တာ (၄) စီးဖြင့် လေကြောင်းမှ ပြင်းပြင်းထန်ထန် ဗုံးကြဲတိုက်ခိုက်မှု ပြုလုပ်ခဲ့သည်။ ပင်လယ်ပြင်တွင် တပ်စွဲထားသော စစ်သင်္ဘောတစ်စီးမှလည်း လက်နက်ကြီးအချို့ကိုပါ တစ်ချိန်တည်း ပစ်ခတ်တိုက်ခိုက်ခဲ့သည်။

ဖက်ဆစ် အကြမ်းဖက် စစ်ကော်မရှင်တပ်၏ ဤ ဗုံးကြဲတိုက်ခိုက်မှုသည် သံတွဲမြို့နယ်ရှိ ယခင်က ၎င်းတို့ တပ်စခန်းချနေထိုင်ခဲ့သော ခလရ (၅၅) စခန်းဟောင်းအနီးဝန်းကျင်သို့ ကျရောက်ပေါက်ကွဲခဲ့ခြင်းဖြစ်ပြီး ထိုနေရာအနီးအနားဝန်းကျင်၌ စစ်ရှောင်နေကြသည့် ကလေး (၂) ဦးအပါအဝင် (၄) ဦးပါသော အပြစ်မဲ့အရပ်သား မိသားစု တစ်စုလုံးမှာ ပွဲချင်းပြီး သေဆုံးခဲ့ ကြသည့်အပြင် နောက်ထပ်ကလေး (၂) ဦးနှင့် ကိုယ်ဝန်ဆောင် အမျိုးသမီး (၁) ဦးလည်း ထိခိုက်ဒဏ်ရာများရရှိခဲ့ကြသည်။

စစ်ကော်မရှင်တပ်၏ ကာကွယ်ရေးဦးစီးချုပ်အသစ် လက်ထက်တွင် မိသားစုလိုက် စစ်ရာဇဝတ်မှု ကျူးလွန်သတ်ဖြတ်ခံရသော ပထမဆုံးဖြစ်ရပ်ဖြစ်သည်။

ဖက်ဆစ် အကြမ်းဖက် စစ်ကော်မရှင်တပ်၏ ဤသို့ အပြစ်မဲ့အရပ်သားပြည်သူများအား ရည်ရွယ်ချက်ရှိရှိ ဦးတည်၍ လူမဆန်စွာ အကြမ်းဖက် တိုက်ခိုက်မှုကြောင့် သေဆုံးသွားခဲ့ကြရသူများ၏ မိသားစု၊ ဆွေမျိုးများနှင့် ထပ်တူ အာရက္ခပြည်သူ့ တော်လှန်ရေးအစိုးရအနေဖြင့် များစွာဝမ်းနည်းကြေကွဲရပြီး၊ ထိခိုက်ဒဏ်ရာရှိသွားသူများအားလည်း အရေးပေါ် ဆေးကုသပေးလျက်ရှိပါသည်။

ဖက်ဆစ် အကြမ်းဖက် စစ်ကော်မရှင်တပ်သည် ယခုရက်များအတွင်း အာရက္ခပြည်အား ဂျက် တိုက်လေယာဉ် သုံးစီး (သုံးစီးအထက်) နှင့် ကင်းထောက်လေယာဉ်များကို တပြိုင်တည်းသုံးကာ လေကြောင်းတိုက်ခိုက်မှုများကို ယခင်ကထက် ပိုမို သူရဲဘောကြောင်၊ အောက်တန်းကျစွာ ပြင်းပြင်းထန်ထန် ပြုလုပ်လာသောကြောင့် မိဘပြည်သူများ အနေဖြင့် ဖက်ဆစ် အကြမ်းဖက် စစ်ကော်မရှင်တပ်၏ လေကြောင်းအန္တရာယ်ကို အထူး သတိရှိကြပါရန် ထပ်မံ၍ အလေးအနက် အသိပေးအပ်ပါသည်။

ဓာတ်ပုံ - ၂၀၂၆ ခုနှစ်၊ ဧပြီလ (၁) ရက်နေ့၊ နေ့လယ် (၁၁) နာရီ (၁၁) မိနစ်မှ (၁၁) နာရီ (၄၅) မိနစ်အချိန်ထိ အချိန်အတွင်း သံတွဲမြို့နယ်အား ဖက်ဆစ် အကြမ်းဖက် စစ်ရှုံးစစ်ကော်မရှင်မှ ဂျက်ဖိုက်တာ (၄) စီးဖြင့် လာရောက်ဗုံးကြဲတိုက်ခိုက်ခဲ့မှုကြောင့် ထိခိုက်ဒဏ်ရာရရှိသွားသူများနှင့် သေဆုံးသွားသည့် အပြစ်မဲ့ပြည်သူများ

သတင်းနှင့်ပြန်ကြားရေး
အာရက္ခတပ်တော်

Khaing Thu Kha

Apr 10, 2026, 01:47 AM

📷 Photo

ပလက်ဝမြို့နယ်၊ ကြောင်ချောင်းကျေးရွာအား ဖက်ဆစ် အကြမ်းဖက် စစ်ကော်မရှင်မှ လေကြောင်းဗုံးကြဲတိုက်ခိုက်ခဲ့မှုနှင့်ပတ်သက်၍ သတင်းထုတ်ပြန်ချက်

၂၀၂၆ ခုနှစ်၊ မတ်လ (၃၀) ရက်

၂၀၂၆ ခုနှစ်၊ မတ်လ (၂၉) ရက်နေ့၊ ညနေ (၄) နာရီ (၀၅) မိနစ်အချိန်တွင် ဖက်ဆစ် အကြမ်းဖက် စစ်ရှုံး စစ်ကော်မရှင်တပ်သည် ပလက်ဝမြို့နယ်အတွင်းရှိ "ကြောင်ချောင်းကျေးရွာ" အား ဂျက်ဖိုက်တာ (၂) စီး ဖြင့် ဗုံးကြဲတိုက်ခိုက်မှု သုံးကြိမ်၊ ရော့ကတ်ဖြင့်တိုက်ခိုက်မှု နှစ်ကြိမ် ပြုလုပ်ခဲ့သည်။ အဆိုပါကျေးရွာအနီး မည်သည့်တိုက်ပွဲမှလည်းမရှိဘဲသူရဲဘောကြောင် စွာ လာရောက်ဗုံးကြဲတိုက်ခိုက်ခဲ့ခြင်းဖြစ်သည်။

ဖက်ဆစ် အကြမ်းဖက် စစ်ရှုံးစစ်ကော်မရှင်၏ အဆိုပါ ဗုံးကြဲတိုက်ခိုက်ခဲ့မှုကြောင့် ကြောင်ချောင်းကျေးရွာမှ အသက် (၁၆) နှစ်အောက် ကလေး (၄) ဦးအပါအဝင် အပြစ်မဲ့အရပ်သားပြည်သူ စုစုပေါင်း (၇) ဦးသေဆုံးခဲ့ရပြီး နောက်ထပ် ကလေးငယ် ၂ ဦးအပါအဝင် (၄) ဦးလည်း ဒဏ်ရာရရှိခဲ့ကာ လူနေအိမ်များလည်း မီးလောင် ပျက်စီးဆုံးရှုံးခဲ့ရသည်။ သေဆုံးခဲ့ရသော သူများ၏ မိသားစု၊ ဆွေမျိုးများနှင့် ထပ်တူဝမ်းနည်းရပါကြောင်း ဖော်ပြအပ်ပါသည်။

နိုင်ငံတစ်ဝန်း၌ စစ်ရှုံးနေသော ဖက်ဆစ် အကြမ်းဖက် စစ်ကော်မရှင်သည် အာရက္ခတပ်တော်နှင့် ရင်ဆိုင်တိုက်ပွဲများအတွင်း အကျအဆုံးအထိအခိုက်များစွာနှင့် ရင်ဆိုင်ရသည့်အခါတိုင်း စစ်ဘက်နှင့် လုံးဝမသက်ဆိုင်သော၊ စစ်ရေးပစ်မှတ်မဟုတ်သည့် အပြစ်မဲ့အရပ်သားပြည်သူများနေထိုင်ရာ ရပ်ရွာများအား ပစ်မှတ်ထား၍ ရည်ရွယ်ချက်ရှိရှိ လူမဆန်စွာ လေကြောင်းမှ အလစ်ချောင်း ဗုံးကြဲ တိုက်ခိုက်သည့် လုပ်ရပ်မျိုးကို ပြုလုပ်ကာ စစ်ရာဇဝတ်မှုများကို လက်ရဲဇက်ရဲ ကျူးလွန်လျက်ရှိသည်။

အာရက္ခပြည်သူ့တော်လှန်ရေးအစိုးရအနေဖြင့် စစ်ကော်မရှင်၏ အကြမ်းဖက်တိုက်ခိုက်ခံရမှုအတွင်း သေဆုံး၊ ဒဏ်ရာရရှိခဲ့ကြသော ကြောင်ချောင်းရွာသူ၊ ရွာသားများအတွက် လူသားချင်းစာနာထောက်ထားမှုဆိုင်ရာ ကိစ္စရပ်များကို ဆက်လက်လုပ်ဆောင်လျက်ရှိပါသည်။

ဓာတ်ပုံ - ၂၀၂၆ ခုနှစ်၊ မတ်လ (၂၉) ရက်နေ့၊ ညနေ (၄) နာရီ (၅) မိနစ်အချိန်တွင် ပလက်ဝမြို့နယ်၊ ကြောင်ချောင်းကျေးရွာအား ဖက်ဆစ် အကြမ်းဖက် စစ်ရှုံးစစ်ကော်မရှင်မှ ဂျက်ဖိုက်တာ (၂) စီးဖြင့် လာရောက်ဗုံးကြဲတိုက်ခိုက်ခဲ့မှုကြောင့် ထိခိုက်ဒဏ်ရာရရှိသွားသူများနှင့် သေဆုံးသွားသည့် အပြစ်မဲ့ပြည်သူများ

သတင်းနှင့်ပြန်ကြားရေး
အာရက္ခတပ်တော်

Khaing Thu Kha

Apr 10, 2026, 01:47 AM

📷 Photo

2,240

Khaing Thu Kha

Apr 10, 2026, 01:47 AM

အားလုံး သာလီစွပါ။

ချစ်ခင်လေးစားတန်ဖိုးထားရပါသော အာရက္ခ ပြည်သူ၊ ပြည်သားများ အားလုံးကို ဂါရဝထားလျက် အသိပီးအပ်ပါသည်။

ဤ “အာရက္ခမှုခင်းနန့် ဆက်စပ်သတင်းထုတ်ပြန်ရီးအဖွဲ့” ၏(Telegram Channel) သည် အာရက္ခပြည်သူ့တော်လှန်ရီးအစိုးရ၊ တရားဥပဒေစိုးမိုးရီးနန့် ပြည်သူ့လုံခြုံရီးဌာန (DLEPS ဒီလပ်) ၏ တရားဝင်သတင်း ချန်နယ်ဖြစ်ပြီး ၂၀၂၆ ခုနှစ်၊ မတ်လ (၂၁) ရက်နိမှစတင် အသုံးပြုလားမည်ဖြစ်ပါသည်။

အာရက္ခပြည်သူ့တော်လှန်ရီးအစိုးရ၊ တရားဥပဒေစိုးမိုးရီးနန့် ပြည်သူ့လုံခြုံရီးဌာန(ဒီလပ်)သည် အာရက္ခဒေသအတွင်း၌ကရို့ကိုင်တွယ်ဆောင်ရွက်ပီးနီသည့် အမှုအခင်းများကိုပြည်သူများ အချိန် နန့် တဗြီးညီ သိဟိနိုင်စီရန် ရည်ရွယ်လျက် ဤသတင်းချန်နယ်အား ဖွင့်လှစ်ဆောင်ရွက်ရခြင်းဖြစ်ပါသည်။

ဤ အာရက္ခမှုခင်းနန့် ဆက်စပ်သတင်းထုတ်ပြန်ရီး Telegram Channel တွင် ဒီလပ်ဌာနမှ ကိုင်တွယ်ဆောင်ရွက်နီသော အမှုအခင်းများ၊ ဌာန၏ ဆောင်ရွက်ချက်များ၊ မှုခင်းကျဆင်း ပပျောက်ရီးဆိုင်ရာ အသိပညာပီးကဏ္ဍများကိုလည်းဖော်ပြပီးလားမည် ဖြစ်ပါသည်။

အာရက္ခပြည်သူလူထုများအနီဖြင့် အာရက္ခမှုခင်းရီးရာ သတင်းအချက်များအား အချိန်နန့်တဗြီးညီ သိဟိလိုပါက Telegram Channel https://t.me/arakkhadlepspublications ၌ ဝင်ရောက်ဖတ်ရှုလေ့လာနိုင်ပါကြောင်း အသိပီးဖိတ်ခေါ်အပ်ပါသည်။

3,130

158

Showing 15 of 15 posts

No more posts

Loading posts...