Hilola Umarova

Public

Can't Join? @hilola_umarova

18.5k Members

Updated: May 25, 2026 at 11:09 PM

Hilola Umarova

👩‍💼Umarova Xilola Uktamovna 🇺🇿 O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari

@hilola_umarova is a growing community focused on respublikasi and rahbarining and related topics

Ranking

Global Ranking

#49733

-2767

Language Ranking

#8672

-251

Category Ranking

#2713

-192

Participant Growth (Last 30 Days)

Total: 18.5K

24h growth: -380 2%

Latest Posts

Hilola Umarova

May 18, 2026, 03:58 AM

📷 Photo

“Artan Holding Group” kompaniyasi bilan hamkorlik istiqbollari muhokama qilindi

👍Universitetimiz rektori Hilola Umarova hamda Qatarning “Artan Holding Group” kompaniyasi ta’sischisi va raisi Natra Abdulla xonim bilan uchrashuv bo‘lib o‘tdi.

✅Uchrashuvda pedagog kadrlar tayyorlash, xalqaro malaka oshirish dasturlari, ta’lim menejmenti, raqamli ta’lim texnologiyalari, STEM yo‘nalishlari hamda akademik mobillik sohalarida uzoq muddatli strategik hamkorlikni yo‘lga qo‘yish masalalari muhokama qilindi.

💫Shuningdek, qoʻshma loyihalarni amalga oshirish, zamonaviy malaka oshirish platformalari, ta’lim muassasalarini boshqarishning ilg‘or modellari hamda talabalar va professor-o‘qituvchilar almashinuvini yo‘lga qo‘yish bo‘yicha hamkorlikni boshlashga kelishib olindi.

✨Bugungi uchrashuv O‘zbekiston va Qatar o‘rtasida ta’lim sohasidagi hamkorlik aloqalarini yanada mustahkamlash hamda uzoq muddatli strategik sheriklik uchun mustahkam poydevor boʻlib xizmat qiladi.

Biz ijtimoiy tarmoqlarda:
https://npuu.uz/ | https://t.me/NPU_UZ | https://www.instagram.com/npuu_uz?igsh=dGlsem8wN2FqYjdq | https://www.youtube.com/@Npuu_uz | https://www.facebook.com/share/1AC7yAsdSg/?mibextid=wwXIfr

2,460

Hilola Umarova

May 18, 2026, 03:58 AM

📷 Photo

Pedagogik ta’limda transformatsiya jarayonlari muhokama qilindi

👍Xususan, hududiy oliy ta’lim muassasalarida transformatsiya bo‘limlari faoliyatini samarali tashkil etish, professor-o‘qituvchilarni saralash mezonlarini takomillashtirish va ular uchun o‘quv seminarlarini tashkil etish masalalariga alohida e’tibor qaratildi.

💫Shuningdek, pedagogika oliy ta’lim muassasalarining “Scopus” va “Web of Science” xalqaro ilmiy bazalaridagi faolligini oshirish, ilmiy maqolalar nashri hamda iqtiboslik ko‘rsatkichlarini yaxshilash bo‘yicha amalga oshirilayotgan ishlar tahlil qilindi.

📚 Yig‘ilishda maktabgacha ta’lim yo‘nalishida dual ta’lim asosida pedagog kadrlar tayyorlashning “1+5” modeli yuzasidan ham fikr almashildi.

✨ Tadbir yakunida sohadagi islohotlarni izchil davom ettirish va pedagogik ta’lim sifatini yanada oshirish bo‘yicha ustuvor vazifalar belgilab olindi.

Biz ijtimoiy tarmoqlarda:
https://npuu.uz/ | https://t.me/NPU_UZ | https://www.instagram.com/npuu_uz?igsh=dGlsem8wN2FqYjdq | https://www.youtube.com/@Npuu_uz | https://www.facebook.com/share/1AC7yAsdSg/?mibextid=wwXIfr

Hilola Umarova

May 18, 2026, 03:58 AM

🎥 Video

Ustozlarimiz diqqatiga! Bu imkoniyat aynan sizlar uchun!

Nizomiy nomidagi O‘zbekiston milliy pedagogika universitetining psixologiya yo‘nalishida faoliyat yuritayotgan professor-o‘qituvchilar uchun navbatdagi muhim imkoniyat yaratildi.

Tanlov asosida saralangan professor-o‘qituvchilar Italiyaning Trento Universitetida tashkil etiladigan 15 kunlik malaka oshirish kursiga yuboriladi.

Mazkur kursdan asosiy maqsad — professor-o‘qituvchilarimizning kasbiy salohiyatini oshirish, xalqaro tajribani o‘rganish, ta’lim sifatini yanada takomillashtirish hamda universitetimizning xalqaro hamkorlik aloqalarini mustahkamlashdan iborat.

Saralash jarayonlari oshkoralik, xolislik, teng imkoniyat va hujjatlarga asoslangan baholash tamoyillari asosida amalga oshiriladi.

Tanlovda ishtirok etmoqchi bo'lgan professor-o‘qituvchilar hujjatlarni 2026-yilning 20-may kuniga qadar Nizomiy nomidagi O‘zbekiston milliy pedagogika universitetining Xalqaro hamkorlik bo‘limiga topshirishi so'raladi.

Tanlov shartlari va saralash bosqichlari bilan quyidagi havola orqali tanishishingiz mumkin:
👉 https://telegra.ph/Tanlov-shartlari-va-saralash-bosqichlari-05-15

Barcha nomzodlarga omad tilayman!

5,740

Hilola Umarova

May 18, 2026, 03:58 AM

🎥 Video

#auditoriyamiz_afsonalari
#xotira
#qadrlash

“Hayot varaqlari” – Zulfiya

Nizomiy nomidagi Oʻzbekiston milliy pedagogika universiteti qariyb bir asrlik tarixga, oʻzining mustahkam an’ana va qadriyatlariga ega dargoh. Bu maskanda qanchadan qancha buyuk shaxslar, millatimiz faxrlari, ilm-fan fidoyilari, oʻz sohasida butun boshli maktab yarata olgan insonlar bilim olgan, ta’lim bergan. Ularni sizga eslatib, ma’lumot berib bormoqchimiz.

Bugun – Xotira va qadrlash kuni! Biz sizga yangi “Auditoriyamiz afsonalari” rukni doirasida tayyorlagan ilk videoni ulashmoqchimiz. Oʻtganlarni yodga olish, zamondoshlarni qadrlab yashash faqat bir kun emas, doimiy boʻlishi kerak.

Birinchi qahramonimiz shoira Zulfiya. Ijodkorning ilk she’riy to‘plami – “Hayot varaqlari” bosilib chiqqanida Zulfiya 18 yoshda edi. Keling, bugun shoira “hayotini varaqlaymiz” va o‘z tilidan 18 ma’lumot ulashamiz! Video sun’iy idrok yordamida tayyorlandi.

Izohlarda Zulfiya ijodidan oʻzingizga yoqqan satrlarni yozib ketishingiz mumkin. Zulfiya qalamiga mansub ushbu she’rdan oʻzim boshlab beraman.

Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab.
Suyish kerak bo‘lsa – telbacha suydim.

Kiyganim ipakmi, chitmi yo kimxob,
Yurak boyligidan qilmabman parvo.
Meni og‘ushlagan hayot naq oftob,
Yangi qo‘shiq talab unda har saboq.

Men o‘tgan umrga achinmay qo‘ydim,
Hech kimda ko‘rmayin umrimga o‘xshash:
Suydim,
Erkalandim,
Ayrildim,
Kuydim,
Izzat nima – bildim.
Shu-da bir yashash!..

Hilola Umarova

May 18, 2026, 03:58 AM

🎥 Video

Universitetimizda “Karyera kuni”

Nizomiy nomidagi O‘zbekiston milliy pedagogika universitetimizda Talaba fest tadbirlari yakuniga yetmoqda. Bugun haftalikning muhim tadbiri – “Karyera kuni”ni tashkil etdik. Jamoa va talabalarimiz uchun juda muhim tadbir, boisi bitiruvchilarimiz va ish beruvchilar oʻrtasida muloqot oʻrnatildi, talabalar mavjud ish oʻrinlari bilan tanishish imkoniga ega boʻlishdi.

Universitet rahbariyati va tadbirkorlar, ish beruvchilar oʻrtasida ochiq muloqot ham samarali boʻldi deya olaman. Biz ularning talablarini yaxshilab oʻrganishimiz, mehnat bozoriga salohiyatli, zamonaviy kadrlarni yetkazib berishimiz lozim. Nazarimda raqamlar yomon emas.

Tadbir yakunlariga ko‘ra, jami 1 640 nafar talaba ishga joylashish bo‘yicha tavsiya olgan boʻlsa, shundan 954 nafari korxona va tashkilotlar bilan dastlabki mehnat shartnomalarini imzoladi, 686 nafari esa hamkorlik kelishuvlariga erishdi.

Taklifimizni rad etmasdan kelgan tadbirkorlar, tashkilot va idoralarga rahmat aytamiz. Muloqotlarimiz davom etadi, hamkorlik yoʻnalishlarini kengaytiramiz.

8,560

Hilola Umarova

May 18, 2026, 03:58 AM

📷 Photo

“Karyera kuni”da talabalarimiz faol ishtirok etishmoqda

💫 Talabalarimiz ish beruvchilar bilan bevosita muloqot qilish, mavjud bo‘sh ish o‘rinlari bilan tanishish hamda o‘z mutaxassisligi bo‘yicha ish faoliyatini boshlash imkoniyatiga ega bo‘ldi.

✨ Mazkur tadbir yosh mutaxassislarni qo‘llab-quvvatlash, ularning bandligini ta’minlash hamda ta’lim va ishlab chiqarish integratsiyasini mustahkamlashda muhim ahamiyat kasb etdi.

#TalabaFest2026

Biz ijtimoiy tarmoqlarda:
https://npuu.uz/ | https://t.me/NPU_UZ | https://www.instagram.com/npuu_uz?igsh=dGlsem8wN2FqYjdq | https://www.youtube.com/@Npuu_uz | https://www.facebook.com/share/1AC7yAsdSg/?mibextid=wwXIfr

Hilola Umarova

Mar 28, 2026, 07:16 AM

📷 Photo

Professor-o'qituvchilarimiz Italiyaning Trento universiteti PhD bosqichiga qabul qilindi

❤️ Nizomiy nomidagi O‘zbekiston Milliy pedagogika universiteti rektori hamda “Amaliy psixologiya” kafedrasi stajor-o‘qituvchilari o'rtasida uchrashuv o'tkazildi.

✨ Unda professor-o‘qituvchilarimiz 10–24 mart kunlari Italiyaning Trento universitetida tashkil etilgan malaka oshirish dasturida ishtirok etib, ushbu nufuzli oliy ta’lim muassasasining PhD bosqichiga muvaffaqiyatli qabul qilinganliklarini alohida ta’kidladilar.

⚡️ Trento universiteti Yevropaning yetakchi ilmiy markazlaridan biri bo‘lib, unda tahsil olish professor-o‘qituvchilarimizning ilmiy salohiyatini yanada oshirish, xalqaro ilmiy tadqiqotlarda faol ishtirok etish imkonini yaratadi.

Biz ijtimoiy tarmoqlarda:
https://npuu.uz/ | https://t.me/NPU_UZ | https://www.instagram.com/npuu_uz?igsh=dGlsem8wN2FqYjdq | https://www.youtube.com/@Npuu_uz https://www.facebook.com/share/1AC7yAsdSg/?mibextid=wwXIfr |

Hilola Umarova

Mar 28, 2026, 07:16 AM

🎥 Video

#tabrik #Navroʻz

Aziz Vatandoshlar!

Sizni bugungi ayyom – Navro‘zi olam bilan samimiy tabriklaymam.

Barchangizga mustahkam sog‘lik, oilalaringizga tinchlik-xotirjamlik va fayz-u baraka tilayman.

Yurtimiz tinch, ishlarimiz barakali boʻlsin!

10,900

120

Hilola Umarova

Mar 28, 2026, 07:16 AM

🎥 Video

Yuqori bilim va tajribaga ega zamonaviy pedagog kadrlar tayyorlash – asosiy maqsadimiz!

Hurmatli Prezidentimizning tegishli farmoni bilan Nizomiy nomidagi Oʻzbekiston milliy pedagogika universitetida ta’lim jarayonlarini xalqaro darajada transformatsiya qilish belgilab berilgan edi.

Mazkur hujjat asosida universitetda Aniq fanlar oliy maktabi tashkil etildi. Talabalar Sun’iy intellekt hamda Axborot tizimlari va texnologiyalari kabi zamonaviy yoʻnalishlarda malakali professor-oʻqituvchilardan bilim olmoqda.

Kelgusida yurtimiz ta’lim tizimining tayanchi hisoblangan yangi avlod pedagoglari shakllanib, ular bilim bergan bilimli yoshlar Vatanimiz dovrugʻini yanada yuksaltirishiga ishonamiz.

Oldimizga qoʻygan reja, maqsadlarimiz katta. Tez orada ular bilan yaqindan tanishtirib boramiz. Qiziqmi? Fikrlaringizni izohda qoldirishingiz mumkin.

6,790

Hilola Umarova

Mar 28, 2026, 07:16 AM

🎥 Video

Bugun Yangi Toshkent shahrida qurilayotgan Nizomiy nomidagi Oʻzbekiston milliy pedagogika universiteti binosining qurilish jarayonlari bilan yaqindan tanishdik.

Siz koʻrayotgan ana shu katta qurilish maydoni – qirq gektarlik yerda 20 ming talabaga moʻljallangan oʻquv binolari qad rostlamoqda. Bundan tashqari hududda 5 ming oʻrinli yotoqxona, 300 oʻrinli bogʻcha, 616 oʻrinli maktab, 588 oʻrinli akademik litsey, sport va madaniyat saroylari, amfiteatr va boshqa inshootlar quriladi. Bir soʻz bilan aytganda hurmatli Prezidentimiz ta’kidlab, topshiriq berganlaridek, “bogʻcha – maktab – universitet” yaxlitligidagi innovatsion pedagogik klaster tashkil etiladi.

Bugungi kunda oʻquv binosining temir-beton ishlari yakuniga yetkazilib, binoning tashqi fasad qismi konstruksiyalari oʻrnatilmoqda, muhandislik kommunikatsiya ishlari jadal olib borilmoqda. Qurilish ishlari bosqichma-bosqich bitkazilib, fakultetlar koʻchiriladi.

11,000

Hilola Umarova

Mar 28, 2026, 07:16 AM

🎥 Video

#tabrik #ayyom

Hurmatli yurtdoshlar!
⠀
Barchangizga Ramazon hayiti muborak bo‘lsin! Ushbu muqaddas oyda tutilgan ro‘zalar, qilingan ezgu amallar qabul bo‘lsin!
⠀
Hamma ezgu orzu-umidlarimiz amalga oshsin, yurtimiz tinch, baxtimiz butun boʻlsin!🌙

9,340

133

Hilola Umarova

Mar 28, 2026, 07:16 AM

📷 Photo

#faxr

Muhammad al-Xorazmiy nomidagi ixtisoslashtirilgan maktab o‘quvchilari Elbek Zohidjonov va Asilbek Sunnatov AQShning Massachusetts Institute of Technology (MIT) universitetiga 100 foizlik grant asosida o‘qishga qabul qilindi. Bugun ushbu yigitlar universitetimizga yoʻqlab kelganda xursand boʻldim.

Oʻzbek yoshlari juda iqtidorli, bilimli. Davlatimiz rahbari boshchiligida ular uchun juda katta imkoniyatlar yaratilmoqda. Men ishonaman, hali koʻp qorakoʻzlarimiz MIT kabi dunyoning eng noyob va iqtidorli yoshlarini saralab oladigan TOP universitetlarga grant asosida qabul qilinadi.

Barakalla, yigitlar, sizlar faxrimizsiz! Katta natijalarga erishing, yuksak ilm choʻqqilarini zabt eting, Vatanimiz nomini hamisha baland tuting!

12,800

Hilola Umarova

Mar 28, 2026, 07:16 AM

📷 Photo

Talabalar uchun yaratilgan sharoitlar e’tibor markazida

❤️ O‘zbekiston milliy pedagogika universiteti rektori Hilola Umarova talabalar turar joyiga tashrif buyurib, yoshlar bilan samimiy uchrashuv o‘tkazdi.

✨ Ochiq va iliq muloqot davomida talabalar o‘z fikr-mulohazalari, takliflari bilan o‘rtoqlashdi. Ularning har bir g‘oyasi diqqat bilan tinglandi va qo‘llab-quvvatlandi.

✅ Shuningdek, talabalar uchun iftorlik dasturxoni yozilib, samimiy muhit yanada mustahkamlandi. Tashrif davomida yashash sharoitlari atroflicha o‘rganilib, mavjud kamchiliklarni bartaraf etish yuzasidan mas’ullarga aniq vazifalar belgilab berildi.

🎗Bu kabi uchrashuvlar — talabalar manfaatlari doimo ustuvor ekanining yana bir yorqin ifodasidir.

Biz ijtimoiy tarmoqlarda:
https://npuu.uz/ | https://t.me/NPU_UZ | https://www.instagram.com/npuu_uz?igsh=dGlsem8wN2FqYjdq | https://www.youtube.com/@Npuu_uz  https://www.facebook.com/share/1AC7yAsdSg/?mibextid=wwXIfr

Hilola Umarova

Mar 28, 2026, 07:16 AM

📷 Photo

“Ayol — mehr va sadoqat timsoli” bayram tadbiri bo‘lib o‘tdi

✅Nizomiy nomidagi O‘zbekiston milliy pedagogika universitetida 8-mart — Xalqaro xotin-qizlar kuni munosabati bilan “Ayol — mehr va sadoqat timsoli” nomli bayram tadbiri tashkil etildi.

⏺Bayram doirasida universitet rektori Hilola Umarova barcha ayollarni samimiy tabriklab, universitetda faoliyat yuritayotgan bir guruh professor-o‘qituvchilar va xodimlarni turli mukofot hamda faxriy yorliqlar bilan taqdirladi.

➡️Tadbir davomida talabalar tomonidan tayyorlangan she’riy chiqishlar, musiqiy dasturlar, xalq cholg‘u ansambli ijrolari hamda milliy va zamonaviy raqslar namoyish etilib, barchaga bayramona kayfiyat ulashildi.

Biz ijtimoiy tarmoqlarda:
📱 https://t.me/NPU_UZ |📱 https://www.instagram.com/npuu_uz?igsh=dGlsem8wN2FqYjdq https://youtube.com/TDPUNizami📹 https://youtube.com/TDPUNizami |📱 https://facebook.com/nizamitdpu

Hilola Umarova

Mar 28, 2026, 07:16 AM

🎥 Video

Bugun ajoyib, qutlugʻ sana. “8-mart — Xalqaro xotin-qizlar kuni” bayrami.

Kuni kecha davlatimiz rahbari bir guruh ayol-qizlarimizni davlat mukofotlari bilan taqdirlab, yurtimizdagi barcha xotin-qizlarni samimiy tabrikladilar.

Mamlakatimiz boʻylab sana munosabati bilan katta bayram tadbirlari boʻlib oʻtmoqda. Biz ham Nizomiy nomidagi O‘zbekiston milliy pedagogika universiteti jamoasi bilan fayzli tadbir oʻtkazdik. Universitet talabalari orasida qizlarimizning ulushi yuqori, talabalarimizga ta’lim berayotgan ayol ustozlar soni 700 nafardan oshadi.

Albatta, oliygohning yutuqlarida ushbu ayol-qizlarimizning hissasi katta. Yangi jamoa bilan ilk bayramimiz, oldinda rejalar, maqsadlarimiz katta. Kayfiyat va ishlarimiz hamisha shunday koʻtarinki ruhda boʻlsin!

Barcha ayol-qizlarimizni bayram bilan yana bir bor samimiy tabriklayman. Sihat-salomatlik, baxt-saodat, yuqori kayfiyat hamrohingiz boʻlsin!

18,300

Hilola Umarova

Mar 18, 2026, 11:38 PM

📷 Photo

Kuni kecha Surxondaryodagi qator ta’lim muassasalari faoliyatini o‘rgandik va mas’ullar bilan muloqot qildik.

Xususan, safarimiz davomida Termiz shahar 2-son texnikumi, Termiz Iqtisodiyot va servis universiteti, Pedagogik mahorat markazi, Surxondaryo ilg’or kasbiy mahorat texnikumi va Termiz davlat universitetlarida bo‘ldik.

Uchrashuvlarda Maktabgacha va maktab ta’limi vaziri E’zoza Karimova ham ishtirok etdi. Jamoamiz bilan har bir ta’lim muassasasini yaqindan o’rgandik, yangi loyiha va rejalar ustida ishladik.

Hududda amalga oshirilayotgan ishlarni ko‘zdan kechirish, ustozlar va yoshlar bilan muloqot qilish hamda ularning mulohazalariga quloq tutish kelgusi vazifalarni belgilab olishda katta rol o‘ynaydi.

Qolaversa, soha rivojiga o’z hissasini qo’shib kelayotgan yurtdoshlarimiz bilan uchrashish va ularni rag’batlantirish ham doimo diqqat-markazimizda bo’lib kelgan. Surxondaryodagi jarayonlar davomida Termiz Iqtisodiyot va servis universiteti rahbari, tadbirkor Jamshidbek Pardayevni “Xalq ta’limi homiysi” ko’krak nishoni bilan taqdirladik.

U rahbarlik qilayotgan muassasada bugungi kunda 30 ming nafar talaba tahsil olmoqda. Shuningdek, Jamshidbek Pardayev viloyatning Oltinsoy tumanida joylashgan 48-maktabni beg’araz mukammal ta’mirlab ham bergan.

Kunning ikkinchi qismida hududiy rahbarlar bilan tanqidiy-tahliliy yig‘ilish ham o’tkazdik.

Unda joriy holat, ta’lim sifatini oshirish maqsadida amalga oshirilayotgan ishlar, keyingi qadamlar haqida so’z bordi.

Hilola Umarova

Mar 6, 2026, 10:55 AM

🎥 Video

👍👍👍

👥 🍔Tanlovda g‘olib bo‘ling va xorijga ta'lim sayohatini qo'lga kiriting! 💯

Maktabgacha va maktab ta’limi vazirligi huzuridagi Respublika “Kelajak” markazi tomonidan o'tkaziladigan
“Turon” maktab teatri respublika tanlovining yangi mavsumiga start berildi.

🎓 TANLOVDA
👥 6–10-sinf o‘quvchilaridan iborat,
📌 8 nafardan oshmagan maktab jamoalari ishtirok etishlari mumkin.

🗂 TANLOV BOSQICHLARI
😀Tuman (shahar)
😀Hududiy
😀Respublika bosqichlaridan iborat.

👥🍔An’anaga muvofiq respublika bosqichida g‘olib maktab jamoasi — ➡️XORIJGA TA'LIM SAYOHATI 🗺
yo‘llanmasini qo‘lga kiritadi.

🔔ESLATMA: Oldingi mavsumlarda respublika bosqichida 1-o‘rinni egallagan jamoa a’zolari tanlovda ishtirok eta olmaydi.

Teatr — bu tarbiya maskani!

RO'YXATDAN O'TISH
❗️ https://t.me/turonteatri_bot


🔝 https://t.me/kelajakmarkazlariuz
🔝 https://www.instagram.com/kelajakmarkazlari

Hilola Umarova

Mar 6, 2026, 10:55 AM

📷 Photo

Bugun buyuk shoir, oʻzbek tilining rivojiga ulkan hissa qoʻshgan inson Alisher Navoiy bobomiz tavalludiga 585 yil to‘ldi.

Mana shoir dunyoga kelganidan qariyb 6 asr vaqt oʻtgan boʻlsa-da, uni hamon oʻqiymiz, ijod gulshanidan yangidan yangi ma’nolarni kashf qilamiz. O‘zbekistonda universitet, ilmiy va madaniy muassasalar, ko‘chalar, maydonlar, teatrlar, kutubxonalar, butun bir viloyat va shaharlar Navoiy nomi bilan ataladi. Shundan ham ayonki, bobomiz xalqimiz xotirasidan abadiy joy olgan.

Navoiyga boʻlgan eng katta hurmatimiz belgisi – ijodini oʻqish, anglash. Yoshlar, oʻquvchilar, talabalar, Navoiy ijodini faqat yodlash emas, anglashga harakat qiling. Ustozlarimiz, ayniqsa adabiyot oʻqituvchilarimiz, bolalarimiz qalbida buyuk shoirga muhabbat uygʻotishda sizning hissangiz ulkandir. Adabiyotshunoslar, yosh tadqiqotchilar Navoiy merosini tadqiq qilishdan toʻxtamang!

Zero, Navoiy bizni birlashtiruvchi buyuk siymo, xalqimizning daho farzandi!

120,000

Hilola Umarova

Mar 6, 2026, 10:55 AM

📷 Photo

“Yangi avlod” MTTlari tarmogʻi, ustama, soliq imtiyozlari. Prezidentimiz maktabgacha taʼlim tizimiga oid farmonni imzoladi

Oʻzbekiston Respublikasi Prezidentining “Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida”gi Farmoni qabul qilindi. Unga koʻra:

➖ bir yillik maktabga tayyorlov guruhlarining taʼlim dasturi majburiy umumiy oʻrta taʼlimning dastlabki bosqichi sifatida kiritiladi;

➖ maktabgacha taʼlim tizimida oʻyinga asoslangan taʼlim joriy etiladi;

➖ tarkibida Bolalarni rivojlantirish innovatsion markazini oʻz ichiga olgan “Yangi avlod” maktabgacha taʼlim tashkilotlari tarmogʻi tashkil etiladi;

➖ bir yillik maktabga tayyorlov guruhlarining taʼlim dasturlari maktabgacha taʼlim tashkilotlari, umumtaʼlim maktablari va boshqa ijtimoiy soha obyektlarida toʻliq yoki qisqa muddatli guruhlarda amalga oshiriladi;

➖ maktabgacha va umumiy oʻrta taʼlim xizmatlarini koʻrsatuvchi nodavlat taʼlim tashkilotlariga bir yillik maktabga tayyorlov guruhlarini tashkil etishga ruxsat beriladi;

2027-2028-oʻquv yilidan boshlab:

➖ maktabga tayyorlov guruhlarining taʼlim jarayonlari oliy maʼlumotli pedagoglar, shuningdek, oliy taʼlim tashkilotlarining bitiruvchi bosqich talabalari tomonidan olib boriladi;

➖ maktabga tayyorlov guruhlarida taʼlim-tarbiya olgan bolalarga bir yillik maktabga tayyorlovdan oʻtganlik toʻgʻrisida davlat namunasidagi elektron sertifikat beriladi hamda ushbu maʼlumotlar umumiy oʻrta taʼlim toʻgʻrisidagi shahodatnomada qayd etiladi;

2026–2028-yillarda:

➖ Qoraqalpogʻiston Respublikasi, viloyatlar markazlari va Toshkent shahrida bittadan davlat maktabgacha taʼlim tashkiloti sifatida faoliyat olib boruvchi “Yangi avlod” maktabgacha taʼlim tashkiloti tashkil etiladi;

➖ “Yangi avlod” maktabgacha taʼlim tashkiloti rahbar, pedagog boshqa xodimlarining tarif stavkasiga nisbatan 20 foiz miqdorida har oylik qoʻshimcha ustama joriy etiladi;

2026-2027 oʻquv yilidan boshlab:

➖ pedagogika oliy taʼlim tashkilotlarida maktabgacha va boshlangʻich taʼlim yoʻnalishi boʻyicha bakalavrlarni tayyorlash xalqaro ilgʻor tajriba asosida amalga oshiriladi;

➖ tegishli oliy taʼlim tashkilotlarida oʻrta maxsus maʼlumotli pedagog kadrlar uchun dual taʼlim shaklida maktabgacha taʼlim yoʻnalishida toʻlov-shartnoma asosida bakalavrlar tayyorlash yoʻlga qoʻyiladi;

➖ yangi tashkil etilgan davlat maktabgacha taʼlim tashkilotlariga, birinchi navbatda, oliy maʼlumotli tarbiyachilar ishga qabul qilinadi;

➖ 2026-yil 1-aprel boshlab:

➖ maktabgacha taʼlim qamrovi 80 foizdan past boʻlgan tuman (shahar)lardagi (Toshkent shahri bundan mustasno) tadbirkorlik subyektlari uchun qator imtiyozlar joriy etiladi.

https://api-portal.gov.uz/uploads/9/2026/02/06/a914e8de-1453-5006-fd13-5472679a5174_media_.pdf

Hilola Umarova

Mar 6, 2026, 10:55 AM

📷 Photo

Prezident Shavkat Mirziyoyev maktabgacha taʼlim va tarbiya tizimini yanada takomillashtirish yuzasidan takliflar https://president.uz/oz/lists/view/8903 bilan tanishdi.
—
Президент Шавкат Мирзиёев ознакомился https://president.uz/ru/lists/view/8903 предложений по дальнейшему совершенствованию системы дошкольного образования и воспитания.

#Mirziyoyev #taqdimot #ijtimoiysoha #maktabgachatalim

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

Hilola Umarova

Mar 6, 2026, 10:55 AM

🎥 Video

Istanbulda oʻzbek maktabi quriladi

Oʻzbekiston Respublikasi Prezidenti Shavkat Mirziyoyev va Turkiya Respublikasi Prezidenti Rejep Tayyip Erdogʻan Istanbulning Bekirkyoy tumanida oʻzbek maktabi qurilishini https://t.me/shmirziyoyev Mazkur dargoh Oʻzbekistonning xorijdagi birinchi taʼlim muassasasi boʻladi.

Yangi oʻquv maskani Turkiyada yashovchi oʻzbek oilalarining farzandlariga oʻz ona tilida taʼlim olishi bilan birga milliy qadriyatlar, madaniyat va anʼanalarni saqlab qolish imkonini beradi.

Tomonlar ushbu maktab ikki qardosh xalq oʻrtasidagi rishtalar yanada mustahkam boʻlishiga xizmat qilishi, yosh avlod uchun muhim taʼlim va tarbiya markaziga aylanishiga ishonch bildirdilar.

73,300

Hilola Umarova

Mar 6, 2026, 10:55 AM

📷 Photo

“Kelajak uchun xorijiy til” – “Language for the future”

Ilk bor Toshkent shahrida tajriba tariqasida yo‘lga qo‘yilgan mazkur loyihada poytaxtdagi umumta’lim maktablarining qariyb 40 ming nafar bitiruvchilarini qamrab olish rejalashtirilgan.

Loyiha avvalida poytaxtimizdagi maktablarda diagnostik imtihonlar o‘tkazildi. Mazkur sinovlar natijasi tahlil qilinib, o‘quvchilar guruhlarga bo‘lindi. Hozirgi kunda dars mashg‘ulotlari bepul hamda intensiv tarzda, xorijiy tajriba asosida o‘tkazilmoqda.

Albatta, bir loyihaning amaliyotga muvaffaqiyatli tarzda joriy etilishi uchun katta mehnat kerak. Poytaxtimizdagi 220-umumtaʼlim maktabiga borib, qilinayotgan ishlar bilan tanishdik, loyihani amalga oshirish boʻyicha maktabda yaratilgan sharoitlarni koʻzdan kechirdik va 11-sinf oʻquvchilari bilan oʻtkazilayotgan fakultativ mashgʻulotlarda ishtirok etdik. Maqsad – rejalarimiz amalda qanday samara berayotganini oʻrganish, kuzatish, muammolarni aniqlash.

Ishlarimizni muvaffaqiyatli tashkil etish, oʻquvchilar bilan ishlashga doir masalalar boʻyicha xorijlik va mahalliy chet tili oʻqituvchilarimiz fikrlarini eshitdik.

Loyiha hali yakuniga yetmadi va u faqat Toshkent shahri bilan cheklanib qolmaydi. Pedagog va ekspertlarimiz tavsiyalari asosida yanada takomillashtiriladi.

Hilola Umarova

Feb 14, 2026, 02:14 AM

Aziz talabalar va professor-oʻqituvchilar!

Bugungi kunda Davlatimiz rahbari boshchiligida oliy ta’lim tizimini transformatsiya qilish va ta’lim sifatini ta’minlash borasida katta islohotlar amalga oshirilmoqda.

Bu ishlarimizni yangi bosqichga olib chiqishimiz uchun talaba va professor-oʻqituvchilarning fikri juda muhim. Sababi, tizimdagi barcha oʻzgarishlar, eng avvalo, sizga yanada qulay ta’lim muhitini yaratish uchun qilinmoqda.

Shu maqsadda, barchangizni Ta’lim sifatini ta’minlash milliy agentligi tomonidan https://t.me/nqaaeuz umummilliy soʻrovnomada faol qatnashishga chaqiraman.

Sizning ochiq va xolis fikringiz oliy ta’lim tizimini yanada rivojlantirish va keyingi qadamlarimizni qoʻyish uchun asos boʻlib xizmat qiladi.

Soʻrovnomada qatnashish: https://survey.hemis.uz/

225,000

109

Hilola Umarova

Feb 14, 2026, 02:14 AM

INNO Innovatsion oʻquv va ishlab chiqarish texnoparki

Aziz talabalar, oʻquvchi-yoshlar siz poytaxtimizning talabalar shaharchasida texnopark borligini bilasizmi? U yerdagi imkoniyatlardan xabardormisiz?

Texnoparkadagi barcha imkoniyatlar siz yoshlar uchun, gʻoyalaringizni sinovdan oʻtkazish, amaliyotga joriy etishga koʻmaklashish uchun yaratilgan.

Video “Kelajak soati”ning navbatdagi darsi uchun tayyorlandi. Men darslarimiz oʻquvchi-talabalarga mamlakatimizda yaratilgan imkoniyatlar haqida ma’lumot beradigan https://t.me/kelajaksoati_rasmiy kontentlar bilan boyitilayotganidan xursandman.

Yana qanday mazmundagi ma’lumotlar sizlar uchun qiziq? Takliflaringizni, albatta, https://t.me/KelajakSoati_murojaat_bot jamoa a’zolari har bir fikrni oʻqib, loyihani rivojlantirib borishga tayyor!

77,500

123

Hilola Umarova

Feb 14, 2026, 02:14 AM

Orzu, tanlov, maqsad, intizom, ishonch, burch va gʻurur – bu tushunchalar “Jasorat maktablari”dagi kalit soʻzlarga aylangan.

Xabaringiz bor, 2024-yil O‘zbekiston Respublikasi Prezidentining qarori bilan respublika bo‘yicha 208 ta “Jasorat maktabi” tashkil etildi.

“Jasorat maktablari”ga ikki bosqichli saralash asosida jami 5 408 nafar o‘quvchi 5-sinf uchun qabul qilindi. Quvonarlisi, qabul qilingan o‘quvchilarning 4 064 nafari o‘g‘il bolalar boʻlsa, 1 344 nafarini qizlar tashkil etadi.

Bu maktablarning asosiy maqsadi – vatanparvar, jismonan chiniqqan, intizomli va mas’uliyatli yoshlarni tarbiyalash, ularni kelajakda harbiy va huquqni muhofaza qiluvchi sohalarga tayyorlashdir.

Harbiy sohani tanlagan va oʻz orzu, maqsadlarini Vatanimiz himoyasi bilan bogʻlagan oʻgʻil-qizlarimiz bilan faxrlanaman.

Bugun O‘zbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni!
Bu sizning ham bayramingiz.

Vatan barchamizniki, uni himoya qilish ham hammamizning muqaddas burchimizdir. Barcha Vatan himoyachilarini bayram bilan samimiy tabriklayman!

69,200

128

Hilola Umarova

Feb 14, 2026, 02:14 AM

Prezident Shavkat Mirziyoyev Xavfsizlik kengashining kengaytirilgan yig‘ilishini https://t.me/shmirziyoyev

Davlatimiz rahbari boshchiligidagi yig‘ilishda quyidagi vazifa va imkoniyatlar belgilab olindi:

- muddatli harbiy xizmatning yangi modeli shakllantirilishi belgilandi, bunda har bir harbiy xizmatchi armiyadan qaytganda kasbiy ko‘nikmalar va real istiqbollarga ega bo‘ladi;

- "Bir million dasturchi" va "Sun’iy intellekt sohasida besh million yetakchi" dasturlari doirasida har yili 5 ming nafar muddatli harbiy xizmatchilar o‘qitiladi;

- muddatli harbiy xizmatni o‘tash davrida oliy ta’lim muassasalariga o‘qishga kirishi uchun shart-sharoitlar yaratiladi, shuningdek, harbiy xizmatdan qaytgandan keyin o‘qishi qo‘llab-quvvatlanadi, shu jumladan sertifikat xarajatlari qoplanadi va foizsiz ta’lim kreditlari beriladi;

- muddatli harbiy xizmatdan qaytganlarni ish bilan ta’minlashga ko‘maklashish choralari kengaytirilmoqda, shu jumladan ularning tadbirkorligi qo‘llab-quvvatlanadi va ishga joylashishda qo‘shimcha imtiyozlar beriladi;

- harbiy xizmatchilarning xizmat va turmush sharoitlari yanada yaxshilanadi, harbiy xizmatchilar, ularning oilalari va harbiy pensionerlarni ijtimoiy himoya qilishga alohida e’tibor qaratiladi:

- 1-apreldan boshlab ofitserlarning ko‘p yillik xizmati uchun ustama haqi 2 baravarga oshiriladi;

- kontrakt bo‘yicha harbiy xizmatchilar va serjantlarning ish haqi 10 foizga oshiriladi;

- hududiy mudofaa organlarining harbiy bo‘lmagan xodimlari mehnatiga haq to‘lash joriy yilda 20 foizga, kelgusi yilda yana 50 foizga oshiriladi;

- 30 yildan ortiq ish stajiga ega bo‘lgan harbiy xizmatchilarga pensiya hisoblashda hisobga olinadigan pul ta’minoti miqdori 75 foizdan 100 foizgacha oshiriladi;

- ma’naviy-ma’rifiy tarbiya maqsadida joriy yilda harbiy qism va muassasalar 1 million nusxada badiiy adabiyotlar bilan ta’minlanadi;

- armiyada sportni rivojlantirish davom ettiriladi, jumladan, yoshlarning qiziqishiga javob beradigan zamonaviy yo‘nalishlar joriy etiladi;

- yoshlarni vatanparvarlik ruhida tarbiyalash, bunda raqamli makon xususiyatlarini hisobga olish muhimligi ta’kidlandi.

Davlatimiz rahbari yig‘ilish yakunida Qurolli Kuchlarimizning jasur askar va serjantlari, ofitser va generallari, faxriylari, ularning oila a’zolari va yaqinlarini O‘zbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni bilan samimiy tabrikladi.

– Sizlarning jasoratingiz, qasamyodga sadoqatingiz, el-yurt himoyasi yoʻlidagi fidoyiligingiz bilan butun xalqimiz faxrlanadi. Goʻzal yurtimizda tinchlik-osoyishtalik va hamjihatlik doimo hukm sursin, jonajon Vatanimiz yanada mustahkam va barqaror boʻlsin! – dedi davlatimiz rahbari.

Hilola Umarova

Feb 14, 2026, 02:14 AM

#Yangi_yil

Oʻylaymanki, 2025-yil ta’limdagi muhim qadamlar, katta oʻzgarishlar va salmoqli natijalar yili boʻldi. Biz birgalikda yuzlab, minglab ta’lim qahramonlarini kashf qila oldik.

AQShdagi ta’lim sayohatida boʻlgan qizlarimizdan boshlab turli davlat mukofotlarini qoʻlga kiritgan yoshlarimizgacha, dunyoning eng nufuzli oliygohlariga qabul qilingan oʻgʻil-qizlarimizdan nufuzli xalqaro fan olimpiadalarida oltin olib qaytgan va munosib taqdirlangan milliarderlarimizgacha, turli tanlovlar gʻoliblaridan davlat attestatsiyasida 100 ball toʻplagan hamkasblarimizgacha, eng chekka hududlarda fidoyilik koʻrsatayotgan pedagoglarimizdan Prezident sovgʻasi – avtomobil bilan taqdirlangan ixtirochilargacha.

Xullas, sanasak ancha vaqt ketadigan ushbu yutuqlar birgina insonniki emas, balki qahramonlarimizning jamoasi, yaqinlari, ta’lim sohasining yutuqlaridir.

Umid qilamizki, 2026-yil ta’lim sohasi uchun yanada samarali boʻladi, qahramonlarimiz safi yanada kengayadi.

Yangi yil barchamiz uchun omadli va xayrli yil boʻlsin!

106,000

201

Hilola Umarova

Feb 14, 2026, 02:14 AM

Bugun men uchun nihoyatda muhim, unutilmas kun boʻldi.

Nizomiy nomidagi O‘zbekiston milliy pedagogika universiteti huzuridagi Ilmiy kengashda 13.00.07 – Ta’limda menejment ixtisosligi bo‘yicha “Oliy ta’lim tashkilotlarida zamonaviy boshqaruv tizimini rivojlantirishning metodologik jarayonlari” mavzusidagi pedagogika fanlari doktori (DSc) ilmiy darajasini olish uchun yozilgan dissertatsiya ishini himoya qildim.

Albatta, ilmiy kengash a’zolari, soha mutaxassislari yonida turib ishni himoya qilish, savollarga javob berish barcha tadqiqotchilar uchun birdek sharafli va shu bilan birga hayajonli holat.

Men fursatdan foydalanib mamlakatimizda ayol rahbarlar, ularning faoliyatini qoʻllab-quvvatlayotgan davlatimiz rahbariga, ustozlarim, oila a’zolarim, yaqinlarimga minnatdorlik bildiraman.

36,800

548

Hilola Umarova

Feb 9, 2026, 07:25 AM

Prezident Shavkat Mirziyoyev Yangi Toshkentda barpo etilayotgan “Yangi Oʻzbekiston” universiteti binosining qurilishini https://president.uz/oz/lists/view/8843

Mamlakatimizda iqtisodiyotning strategik tarmoqlarini ilmiy asosda rivojlantirish, innovatsiya va yuqori qoʻshilgan qiymatga ega mahsulotlar ishlab chiqarishni kengaytirish ustuvor vazifalardan biri hisoblanadi. Bu jarayon, avvalo, zamonaviy bilim va amaliy koʻnikmalarga ega boʻlgan malakali kadrlar tayyorlash bilan uzviy bogʻliq.

Shu maqsadda O‘zbekiston Respublikasi Prezidentining 2021-yil 23-iyundagi qaroriga muvofiq “Yangi O‘zbekiston” universiteti tashkil etilgan.

Universitetning Yangi Toshkentda barpo etilayotgan binolari majmuasining dastlabki qiymati 200 million dollar bo‘lib, 50 gektar maydonni qamrab oladi.
Loyiha Yangi Toshkent shahrini barpo etish direksiyasi buyurtmasi asosida turkiyalik mutaxassislar bilan hamkorlikda ishlab chiqilgan. Qurilish ishlari “Özgüven” kompaniyasi tomonidan amalga oshirilmoqda. Universitet binolarini 2027-yilda foydalanishga topshirish rejalashtirilgan.

Majmua tarkibida 10 ming talabaga moʻljallangan 5 ta fakultet, rektorat, ming oʻrindan ortiq joyga ega kutubxona, muzey, koʻrgazmalar zali, multimedia xonalari barpo etiladi. Shuningdek, talabalar uchun ming oʻrinli sport majmuasi va suzish havzasi, professor-oʻqituvchilar va talabalarga moʻljallangan 2 ming oʻrinli yotoqxonalar hamda oshxonalar quriladi.

Ayni paytda qurilish ishlari uch bosqichda olib borilmoqda. Davlatimiz rahbari loyihaning asosiy parametrlari, taʼlim jarayoni uchun yaratiladigan infratuzilma va sharoitlarga alohida eʼtibor qaratdi. Yoshlarning ilmiy va intellektual salohiyatini roʻyobga chiqarishda bunday zamonaviy taʼlim dargohlarining ahamiyati alohida qayd etildi.

– Ushbu universitetda amalga oshirilayotgan bunyodkorlik ishlari, ta’lim dasturlari boshqa oliy o‘quv yurtlari uchun andoza bo‘lishi kerak,– dedi davlatimiz rahbari.

Boshqa oliy o‘quv yurtlarini ham shu tarzda ta’mirlash, jihozlash, ta’limga ilg‘or texnologiyalarni jalb etish yuzasidan mutasaddilarga ko‘rsatmalar berildi.

Hilola Umarova

Feb 3, 2026, 03:46 PM

Tarixiy qaror: Fanlar akademiyasi faoliyati takomillashtiriladi

Bugungi globallashuv va jadal taraqqiyot sharoitida ilm-fan har bir davlatning barqaror rivojlanishi va raqobatbardoshligini ta’minlovchi muhim omil hisoblanadi. Shu bois Oʻzbekistonda ilmiy salohiyatni yuksaltirish, fan sohasini zamon talablari asosida rivojlantirish va innovatsion faoliyatni qoʻllab-quvvatlash davlat siyosatining ustuvor yoʻnalishlaridan biri etib belgilangan. Mazkur jarayonda Oʻzbekiston Respublikasi Fanlar akademiyasi faoliyatini takomillashtirishga qaratilgan qaror ilm-fan rivojida yangi bosqichni boshlab beruvchi muhim hujjat sifatida alohida ahamiyat kasb etadi.

Bugun, 29-dekabr Oʻzbekiston Respublikasi Fanlar akademiyasida Davlatimiz Rahbarining “Oʻzbekiston Respublikasi Fanlar akademiyasi faoliyatini takomillashtirish chora-tadbirlari toʻgʻrisida”gi qarori ijrosiga bagʻishlangan tadbir boʻlib oʻtdi. Tadbirni Fanlar akademiyasi prezidenti, akademik Shavkat Ayupov olib bordi.

Unda Oʻzbekiston Respublikasi Prezidenti Administratsiyasi rahbari oʻrinbosari Hilola Umarova, Maktabgacha va maktab ta’limi vaziri E’zoza Karimova, Oliy ta'lim, fan va innovatsiyalar vaziri Qo‘ng‘irotboy Sharipov, akademik va olimlar, ilmiy-tadqiqot muassasalari direktorlari va tadqiqotchilari ishtirok etdi.

Muloqot davomida mamlakatimiz ilm-fani sohasi oldiga qoʻyilgan muhim strategik maqsadlar hamda Davlatimiz Rahbarining Fanlar akademiyasi faoliyatini rivojlantirishga qaratilgan qarori ijrosining ustuvor vazifalari muhokama qilindi.
Mazkur tarixiy qaror Oʻzbekiston ilm-fani rivojida mutlaqo yangi bosqichni boshlab berishi bilan alohida ahamiyat kasb etadi. Unda Fanlar akademiyasi faoliyatini tubdan takomillashtirishga qaratilgan aniq istiqbolli yoʻnalishlar va samarali mexanizmlar belgilab berilgan.

Davlat taraqqiyotida ilm-fanning oʻrni beqiyos ekanini inobatga olgan holda, qarorda ilmiy-tadqiqot muassasalarining salohiyatini oshirish, zamonaviy infratuzilmani shakllantirish, ilmiy kadrlar tayyorlash tizimini rivojlantirish, yosh olimlarni qoʻllab-quvvatlash hamda fan–ta’lim–ishlab chiqarish integratsiyasini kuchaytirish masalalariga alohida e’tibor qaratilgan. Bu esa Fanlar akademiyasi zimmasiga yanada katta mas’uliyat yuklaydi.

Xulosa qilib aytganda, mazkur qaror Fanlar akademiyasini zamon talablariga mos, raqobatbardosh va natijaga yoʻnaltirilgan yetakchi ilmiy markazga aylantirishga xizmat qiladigan muhim strategik hujjat hisoblanadi.

😎 https://t.me/Fanlar_akademiyasi |🌐 http://www.academy.uz/
😎 http://facebook.com/academy.uz |😎 http://youtube.com/@Fanlar-akademiyasi |😎 http://instagram.com/fanlar_akademiyasi

Showing 30 of 47 posts

Loading posts...