Geopolitics

Public

View Channel

741

710

674

Can't Join? @geopolitics_page

2.5k Members

Updated: May 17, 2026 at 8:33 AM

Geopolitics

To raise the future of the country

Join @geopolitics_page for exclusive future and country content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 2.5K

24h growth: +0 0%

Latest Posts

Geopolitics

May 20, 2026, 12:43 PM

မြန်မာ့တပ်မတော် မျိုးဆက်တွေရဲ့
စိတ်ဓာတ်အင်အားနှိုင်းယှဥ်ချက်

+++++++++++++++

ဒီနိုင်ငံမှာဖြစ်နေတဲ့ပြဿနာအပေါ်မှာကျင့်ဝတ်၊ စံတန်ဖိုး၊ စိတ်ဓာတ်ပိုင်းဆိုင်ရာ soft power၊ social norms တွေကိုင်တွယ်ဖို့ကျွန်တော်အမြဲပြောခဲ့ပါတယ်။ မြန်မာတပ်ဘာလို့အားနည်းနေသလဲဆိုတဲ့အချက်ကိုအများကြီးရေးခဲ့ပြီးပြီ။ အဓိကကျတာတွေအခုထိမဖြည့်နိုင်သေးလို့ ထပ်ရေးရဦးမယ်။
________

စစ်တိုက်တယ်ဆိုတာအတူတူတိုက်ပွဲဝင်ကြတဲ့အိုးစားဖက်တွေစုပြီး မိမိအသက်၊အခြားသူတွေအသက်ကိုလောင်းကြေးထပ်ရတာဖြစ်ပါတယ်။

လူတစ်ယောက်ဟာအဖိုးတန်လှတဲ့မိမိရဲ့အသက်ကိုနှမြောတသမှုကင်းမဲ့စွာစွန့်လွှတ်ပြီး နိုင်ငံတော်၊ တပ်မတော်၊ အကြီးအကဲ၊ ရဲဘော်အချင်းချင်းအတွက် ပေးဆပ်ဖို့ဆိုတာလွယ်ပါ့မလား။

မလွယ်ပါဘူး။

မလွယ်တဲ့မိမိရဲ့အသက်ပေးချင်စိတ်ဖြစ်လာအောင်တပ်မှူးဟာ မိမိနဲ့မိမိတပ်ရဲ့စိတ်ဓာတ်ကိုပြုစုမွေးမြူပေးရတယ်။
________

" မြန်မာတပ်မတော်ဟာအဲ့ဒီစိတ်ဓာတ်မွေးမြူရေးဆိုတဲ့ စိတ်ပညာသဘော၊ ဒဿနိကပညာသဘောကိုဘယ်တုန်းကမှမကိုင်တွယ်ခဲ့ဘူး "

မြန်မာတပ်မတော်ကိုမျိုးဆက်အရပိုင်းခြားရင် ၃ ဆက်ပိုင်းလို့ရတယ်။ ဗိုလ်ချုပ်ကြီးနေဝင်းဦးဆောင်ခဲ့တဲ့ပထမမျိုးဆက်၊ ဗိုလ်ချုပ်မှူးကြီးသန်းရွှေဦးဆောင်ခဲ့တဲ့ဒုတိယမျိုးဆက်၊ လက်ရှိတာဝန်ထမ်း​ဆောင်နေတဲ့တတိယမျိုးဆက်။

ပထမမျိုးဆက်ဟာနယ်ချဲ့လက်အောက်မှာခါးသီးမှုတွေခံစားခဲ့ရပြီးလွတ်လပ်ရေးရဲ့တန်ဖိုး၊ ကျွန်ဘဝရဲ့နိမ့်ကျမှုကိုလက်တွေ့သိမြင်ခဲ့တယ်၊ ရဲဘော်သုံးကျိတ်ဝင်တွေကိုယ်တိုင်ခေါင်းဆောင်ခဲ့တဲ့ဒေါင်ဒေါင်မြည်စစ်သားတွေဖြစ်လို့ စိတ်ဓာတ်အနေနဲ့​သီးသန့်မွေးမြူပေးဖို့မလိုဘူး။ အစ္စရေးက မိုရှေဒါယန်တို့လိုစစ်မှော်အောင်သူတောင်မြေပုံစီးချင်းထိုးရာမှာအရှုံးပေးရတဲ့ ဗိုလ်ချုပ်ကြီးထွန်းရီတို့လို ထိတ်ထိတ်ကြဲနာမည်ကျော်တပ်မှူးကြီးတွေဦးဆောင်ခဲ့တယ်။

ဒုတိယမျိုးဆက်ဟာ အဲ့ဒီပထမမျိုးဆက်တပ်မှူးကြီးတွေဆီကပညာရခဲ့တဲ့မျိုးဆက်ဖြစ်တယ်။ ၁၉၈၈ ကနေ ၂၀၁၀ အထိကြားကာလမှာလည်းမှတ်ကျောက်တင်စရာ ပြင်းထန်တဲ့တိုက်ပွဲကြီးတွေမရှိခဲ့ဘူး။

အတိတ်ကိုပြန်လှန်ကြည့်ရင်မြန်မာပြည်သူတွေတပ်ကိုမုန်းတီးတာ ဒုတိယမျိုးဆက်ရဲ့ ၁၉၈၈ နောက်ပိုင်းမှများလာတာပါ။

အထက်ကမျိုးဆက်နှစ်ဆက်မှာ နိုင်ငံရေးစနစ်အရ၊ အုပ်ချုပ်မှုအရ စစ်သည်တော်တွေရဲ့စိတ်ဓာတ်ကိုရိုက်ချိုးတိုက်စားနိုင်တဲ့လှုံ့ဆော်မှုမရှိခဲ့ဘူး။ မလှုံ့ဆော်ရဲခဲ့ဘူး။ လှုံ့ဆော်ရေးသတင်းဖြန့်ဝေမှုဟာယနေ့အင်တာနက်ခေတ်လိုလဲမြန်ဆန်ခြင်းမရှိဘူး။
_______

တတိယမျိုးဆက်ဟာ ၂၀၁၀ ဒီမိုကရေစီဖွင့်ချလိုက်တာနဲ့တိုက်ဆိုင်နေတယ်။ Myanmar's Glasnot ဟာ အရပ်သားပြည်သူတင်မဟုတ်ဘဲ စစ်မျိုးဆက်ကိုပါလာရိုက်ခတ်တယ်။

အင်တာနက်ဖွင့်ခြင်းနဲ့ အထိန်းအကွပ်မရှိပွင့်လင်းမြင်သာမှုက မသမာသူတွေ(ရုပ်ရှင်၊ ဂီတ၊ သဘင်၊ စာပေ အုပ်စု၊ လော်ဘီအုပ်စု၊ နိုင်ငံရေးအုပ်စု၊ အရပ်ဘက်အုပ်စုအသီးသီးက) အတွက် အင်တာနက်ကမ္ဘာကနေအုပ်စုဖွဲ့အမုန်းစိတ်တွေဖြန့်ဖြူးပြီး စစ်သည်တွေရဲ့စိတ်ဓာတ်ကိုရိုက်ချိုးနိုင်စေခဲ့တယ်။

လက်နက်ကိုင်တွေကလဲ တပ်ပါးဝလာပြီး လက်နက်ကိုင်နည်းအပြင် နိုင်ငံရေးနည်း၊ မီဒီယာနည်း၊ လွှတ်တော်နည်းတွေနဲ့ပါ ဖိအားပေးလာကြတယ်။

စစ်ခွေးလို့အခေါ်ခံရတာ၊ ယူနီဖောင်းဝတ်ပြီးတပ်ပြင်မထွက်ရဲတော့လောက်တဲ့အထိဖြစ်လာတာတွေဟာ စစ်သားတစ်ယောက်ဖြစ်တည်မှုရဲ့ဂုဏ်ဒြပ်ကိုသိမ်ငယ်လာစေပါတယ်။ နိုင်ငံရေး၊ လွှတ်တော်၊ မီဒီယာကနေဖိအားပေးလာတာကြောင့် စစ်တိုက်နိုင်စွမ်းကို ကန့်သတ်ချက်တွေများလာတယ်။

External factor က အုပ်စုဖွဲ့ပြီးစိတ်ဓာတ်စစ်ဆင်ရေးလှိုင်းနဲ့ဖိနှိပ်နေချိန်၊ အတွင်း Internal မှာပေးတဲ့အမိန့်နဲ့ညွှန်ကြားချက်တွေဟာလဲ စစ်သားတစ်ယောက်နဲ့မဆိုင်တဲ့အရာများစွာပုခုံးပေါ်ထမ်းရင်းဖိစီးလာတယ်။

ကွပ်ကဲအုပ်ချုပ်မှုမှာ ဆရာတပည့်စိတ်၊ ဖခင်ကောင်းသဖွယ်စိတ်၊ ရဲဘော်ရဲဘက်စိတ်နဲ့ကွပ်ကဲအုပ်ချုပ်တဲ့တပ်မှူးတွေအရေအတွက်နဲ့ အထက်ဖားအောက်ဖိအရေအတွက်ယှဥ်ရင်ဘယ်ဟာကသာနေသလဲဆိုတာဆန်းစစ်သင့်ပါတယ်။

ဒီဒဏ်တွေကို ဆယ်နှစ်မကခံစားလာခဲ့ရတဲ့စစ်သည်တော်တွေရဲ့စိတ်ပိုင်းဆိုင်ရာကိုဘယ်လောက်ပြုစုပေးဖို့လိုသလဲဆိုတာစဥ်းစားရမယ်။
_________

Hard power အမာအားကိုအခြေခံတဲ့ နိုင်ငံအနှံ့အပြားကဗွက်ထနေတဲ့ လက်နက်ကိုင်အားလုံးကို ပါဝါဟန်ချက်ထိန်းထားတာ ဒီတပ်ပါပဲ။ ပါဝါမဏ္ဍိုင်ဖြစ်တဲ့ ဒီတပ်ပျက်ရင်နိုင်ငံပျက်မယ်၊ နှစ် ၃၀ လောက်အဖတ်ဆယ်မရဘူးဆိုတာ ပညာရှင်တိုင်းသိကြပါတယ်။

လွတ်လပ်ရေးရကာစ ရန်ကုန်အစိုးရခေတ်က စစ်သည်တော်တွေနဲ့ယနေ့ခေတ်စစ်သည်တော်တွေရဲ့ စိတ်ဓာတ်အင်အားနှိုင်းယှဥ်ချက်ကြောင့် ဒီနေ့ခေတ်ကြုံနေရတဲ့မြန်မာ့အကြပ်အတည်းဟာ၊ လွတ်လပ်ရေးရကာစခေတ်ထက်ပိုမိုကြီးမားတယ်၊ ရုန်းထွက်ရခက်တယ်၊ ပြိုကျသွားနိုင်တယ်လို့ပြောလို့ရပါတယ်။

" လူ့သဘောသဘာဝကိုနားလည်ပါ " ဆိုတဲ့အချက်ကိုလုံးဝမပေါ့ဆပါနဲ့။

စစ်နိုင်ဖို့၊ ဒီအကြပ်အတည်းကရုန်းထွက်နိုင်ဖို့ စစ်သည်တော်တွေရဲ့စိတ်ဓာတ်ကိုမွေးမြူပေးဖို့လိုပါတယ်။ စိတ်ဓာတ်ကျဆင်းစေမဲ့အပြုအမူတွေကိုဒီအချိန်မှာလျော့ဖို့လိုပါတယ်။ မွေးရမဲ့နည်းလမ်းကိုပညာရှင်တွေနဲ့တိုင်ပင်ပါ။

7,750

127

Geopolitics

May 20, 2026, 12:43 PM

🎥 Video

ယနေ့မြန်မာနိုင်ငံအ​ခြေအနေနဲ့ပတ်သက်ပြီး VOA Burmese က ဦးကျော်ဇံသာရဲ့ ဆွေးနွေးချက်ပါ။ ဆွေးနွေးချက်တွေထဲမှာ twist တွေ၊ လမ်းကြောင်းပေးတဲ့ပြောစကားတွေ၊ ပုံဖျက်စကားတွေ၊ ယောင်ပြစကားတွေအများကြီးပါတယ်။ လေ့လာ Brain stroming လုပ်ပြီး နိုင်ငံရေးပညာယူသင့်တယ်။

လိုအပ်ရင် အဲ့ဒီ twist ၊ ယောင်ပြ၊ လမ်းကြောင်းပေး၊ ပုံဖျက်စကားတွေ Highlight လုပ်ပေးပါမယ်။

၂၂.၈.၂၀၂၄
Geopolitics Admin

6,540

122

Geopolitics

May 20, 2026, 12:43 PM

" စစ်ကစားခြင်း "
=============

စစ်ပွဲနယ်မြေကြီးတစ်ခုကိုခြုံငုံသုံးသပ်ကြတဲ့အခါမှာ စစ်ကစားလွယ်မှုကျင့်သုံးနိုင်​ခြင်းရှိမရှိကိုထည့်သွင်းတွက်ချက်ရပါတယ်။ စစ်ပွဲနယ်​မြေဆိုတာ အနိမ့်ဆုံးအဆင့် တိုင်းစစ်ဌာနချုပ်နယ်မြေကိုဆိုလိုပါတယ်။ ဥပမာရှမ်းပြည်နယ်မြောက်ပိုင်းပါ။

စစ်ကဏ္ဍကြီးလေးရပ်ဖြစ်တဲ့ ချီစစ်၊ တိုက်စစ်၊ ခံစစ်၊ ခွာစစ်ဆိုတဲ့ ကဏ္ဍလေးရပ်စလုံးကိုပိုင်နိုင်ကျင့်သုံးမှစစ်နည်းဗျူဟာမြောက်ပါတယ်။ ရှေးခေတ်မြန်မာ့သေနင်္ဂဗျူဟာစစ်ပညာမှာလည်း စစ်ချီ၊ စစ်ကပ်၊ စစ်ထိုး၊ စစ်ခံ၊ စစ်ဖျက်၊ စစ်ပြန်ရယ်လို့ပါရှိပြီးသားမို့ စစ်ကဏ္ဍတွေကို အခြေအနေအချိန်အခါပေါ်မူတည်ပြီးလိုက်လျောညီထွေကျင့်သုံးခြင်း၊ စစ်ကစားခြင်းဟာလက်ရုံးရည်သမားစစ်သားတွေရဲ့ နှလုံးရည်ပြည့်ဝမှု 'စံ ပေတံ' ပဲဖြစ်ပါတယ်။

ဒီဘက်ခေတ်မြန်မာတပ်မှူးတွေဟာ မြေပုံတင်ရှင်းလင်းရင်တောင် အရှုံးကိုမလိုချင်ဘူး၊ ဆုတ်ခွာတယ်လို့မကြားချင်ဘူးဆိုတဲ့အယူအဆရှိကြပါတယ်။ အချို့ကခွာစစ်ကိုရှုံးနိမ့်ထွက်ပြေးကြတယ်လို့ အယူအဆမှားပြီးခွာစစ်ကျင့်သုံးမှု၊ လေ့ကျင့်မှုမရှိပါဘူး။ တာဝန်ယူရမဲ့သူတွေကလဲ အကျိုးမရှိတဲ့အခြေအနေမျိုးမှာ ခွာစစ်ဆင်ဖို့တာဝန်ခံပြီးအမိန့်မပေးရဲကြပါဘူး။

လွယ်လွယ်ရှင်းရှင်းပြောရရင် ခွာစစ်ဆိုတာလက်ရှိနေရာမှာရန်သူကိုခုခံခြင်းကအကျိုးမရှိခြင်း၊ ရန်သူကိုကျုံးသွင်းလိုခြင်းတို့ကြောင့် တိုက်ပွဲမှဆုတ်ခွာခြင်း(သို့) နောက်ပိုင်းသို့ဆုတ်ခွာခြင်း ဖြစ်ပါတယ်။

စစ်သမိုင်းမှာသင့်တော်တဲ့အချိန်မှာ ခွာစစ်၊ဟန့်စစ်မဆင်ခဲ့တဲ့အတွက် ဆုံးရှုံးမှုတွေဖြစ်ခဲ့တဲ့သာဓကတွေရှိပါတယ်။ သင့်တော်တဲ့အချိန်မှာခွာစစ်၊ ဟန့်စစ်၊ တန်ပြန်ထိုးစစ် စစ်ကစားခဲ့လို့ ရန်သူအောင်မြင်ပြီလို့သွေးနားထင်ရောက်ချိန်မှာသတ်ကွင်းထဲဆွဲခေါ်နိုင်ပြီး အကျိုးအမြတ်ရခဲ့တဲ့သာဓကတွေလဲရှိပါတယ်။

၁၀၂၇ ပထမပိုင်းမှာ ချင်းရွှေဟော်ကိုမြောက်သုံးဖွဲ့ဝင်ရောက်တိုက်ခိုက်ပြီးထောက်ပံ့ရေးလမ်းကြောင်းဖြတ်တောက်ကာမြောက်ဘက် လောက်ကိုင်ကိုနယ်မြေသိမ်းပြီးဖြည်းဖြည်းချင်းတက်လာတာပါ။ ရှမ်းမြောက်ဒေသတစ်ခုလုံးကိုတစ်ပြိုင်နက်ထိုးစစ်ဆင်ခဲ့တာဖြစ်ပြီး Drone နဲ့လူလှိုင်းနည်းပညာအားသာလွန်နေတာကိုထင်ထင်ရှားရှားသိမြင်ရပါတယ်။

အဲ့ဒီအချိန်မှာ လောက်ကိုင်မြောက်ဘက် တောင်ပေါ်ဒေသတွေဖြစ်တဲ့ တာရွှေထန်၊ ကုန်းကြမ်း၊ ရှင်ပင်ကိုင်း၊ ဆုံကန်၊ မော်ထိုက်ဘက်တစ်ကြောမှာ MNDAA ရဲ့စစ်ရေးမဖော်ဆောင်သေးပါဘူး။ တောင်ပေါ်ဘက်မှာ တပ်ရဲ့ (စကခ ၁၂)၊ (တပ်မဟာ ၁၆) နဲ့ တပ်ရင်းတွေရှိနေပါတယ်။ ရန်သူရဲ့စစ်နည်းပညာတစ်ဆင့်မြင့်နေမှုကိုကြိုတင်သုံးသပ်ပြီး တောင်ပေါ်ကတပ်မတွေအကျိုးမရှိတဲ့နေရာမှာ ဆက်မနေသင့်ကြောင်းသုံးသပ်ပြီး အချိန်အခါကိုက် ဆုတ်ခွာခွင့်ပေးလိုက်ရင်၊ လောက်ကိုင်ကိုအင်အားအပြည့်ပေါင်းစေခဲ့ရင် စစ်ဟာအလှည့်အပြောင်းဖြစ်နိုင်ပါတယ်။

လူတော်တော်များများက လောက်ကိုင်မှာဗိုလ်ချုပ် ၅ ယောက်နဲ့တပ်မ ၄ ခုရှိတယ်လို့ပဲအပေါ်ယံသိကြတာဖြစ်ပါတယ်။

တကယ်တမ်းမှာ အကျိုးမရှိတဲ့နေရာကနေ အချိန်မီခွာစစ်မဆင်နိုင်ခဲ့တဲ့အတွက် တောင်ပေါ်ဆုတ်ခွာရာလမ်းမှာတင် MNDAA အဖွဲ့တွေရဲ့ကြားဖြတ်တိုက်ခံခဲ့ရပြီး စစ်နည်းဗျူဟာ မမြောက်စွာအင်အားလုံးပါးပါးခဲ့ရပါတယ်။

တပ်မတစ်ခုလျှင် ပျမ်းမျှအင်အား ထောင်ဂဏန်းရှိတဲ့အနက် လောက်ကိုင်ကိုရောက်လာချိန်မှာ တစ်ရာဝန်းကျင်သာကျန်ရှိတဲ့ရုံးအဖွဲ့သာလာပေါင်းနိုင်ခဲ့တာဖြစ်ပြီး တိုက်စွမ်းအားဘယ်လိုမှမထုတ်နိုင်ခဲ့တာဖြစ်ပါတယ်။

ဒါ့အပြင် တာကထန်တောင်ကြောပေါ်ကနေ ရှော့တိုက်ဒုံး၊ Drone၊ လက်နက်ကြီးပုံသေပစ်ကြောင်းဆင်ပြီး ပါစင်ကျော်တပ်ကိုရန်သူက သတ်ကွင်းဖန်တီးထားပါတယ်။ မိမိတပ်ကိုပုံသေပစ်ကြောင်းနဲ့တဒိုင်းဒိုင်းပစ်နေတဲ့ ရန်သူကိုရှာဖွေတိုက်စစ်ဆင်ဖို့အမိန့်ပေးရမဲ့အ​ခြေအနေမှာ ပါစင်ကျော်မကျရေးဆိုပြီး ရန်သူ့သတ်ကွင်းထဲကို တပ်မ ၅၅ တပ်တွေနေ့လယ်ခင်းကြီးတစ်ကြောင်းထိုးတက်ခိုင်းလိုက်ပါတယ်။ တပ်တွေဟာရန်သူ့ drone အောက်ပြားပြားဝပ်ပြီး ရှေ့တက်မရ၊နောက်ဆုတ်မရနဲ့ ပေးဆပ်လိိုက်ရပါတယ်။

အလားတူ ကုန်းကြမ်းတပ်ရင်း၊ ညံခွမ်းတပ်ရင်းတွေဟာအချက်အခြာ​မြေလည်းမဟုတ်၊ ဘေးကစစ်ကူပစ်ကူလည်းမပေးနိုင်တဲ့အ​ခြေအနေဖြစ်လာချိန်မှာ အချိန်မီခွာစစ်၊ ဟန့်စစ် မဆောင်ရွက်နိုင်ခဲ့ဘဲ ရန်သူ့ထံမှာတတိတိနဲ့ပေးဆပ်လိုက်ရပြီးလက်နက်ချတဲ့အထိဖြစ်သွားတာဖြစ်ပါတယ်။

စစ်နယ်မြေတစ်ခုလုံးကိုသုံးသပ်ပြီးအချိန်ကိုက်ချီ၊ တိုက်၊ ခံ၊ ခွာ စစ်ကစားမှုမကျင့်သုံးနိုင်ခဲ့တဲ့အားနည်းချက်နဲ့၊ တစ်ခါမှခွာစစ်မကျင့်သုံးခဲ့ဘူးတဲ့တပ်မှူးတွေပေါင်းဆုံပြီး လမ်းမှာတင်အင်အားပြုန်းတီးသွားတာဖြစ်ပါတယ်။

သင်ခန်းစာဖော်ထုတ်ယူနိုင်ဖို့ပါ။

ချီစစ်မှာအလဲအကွဲ၊ ခံစစ်မှာခံစစ်သေ၊ တိုက်စစ်ကိုမဖော်နိုင်၊ ခွာစစ်ကဖရိုဖရဲ ဖြစ်နေခဲ့တယ်ဆိုရင်မိမိတို့ဘာမှားနေပြီလဲဆိုတာဆန်းစစ်ဖို့လိုပါတယ်။

၉.၈.၂၀၂၄
Geopolitics Admin

Geopolitics

May 20, 2026, 12:43 PM

" မြန်မာနိုင်ငံပျက်စီးစေမဲ့အချိန်ကိုက်
ရိုက်ချက်ကို ကျော်နိုင်ခဲ့တယ် "

=========================

မြန်မာ့အရေးဟာ china BRI global code Vs West&Black social animal ဇာတ်သွင်းဧကရာဇ်ပြုမဲ့ global code နှစ်ခုဆုံချက်ဖြစ်သွားတာကြောင့်ဖြစ်လာတယ်ဆိုတာရယ်၊ china ဟာ နောက်ကျပြီးမှ Active defence နဲ့ကမန်းကတန်းဒရွတ်ဆွဲလိုက်နေရတယ်ဆိုတာရယ်အမြဲပြောခဲ့ပါတယ်။

နောက်ဆုံးဖြစ်ခဲ့တဲ့ရိုက်ချက်က တရုတ်မြန်မာနှစ်နိုင်ငံရဲ့ ပြည်သူအချင်းချင်းကြား၊ အစိုးရအချင်းချင်းကြား၊ ပညာရှင်အချင်းချင်းကြား သွေးခွဲရေးရိုက်ချက်ပါ။

တကယ့်တကယ် global code အကြီးကြီးဆွဲပြီးဇာတ်ညွှန်းရိုက်လာတဲ့ Hollywood player တွေအနေနဲ့ နိုင်ငံတစ်ခုကသီးသန့်ထုတ်တဲ့လက်နက်/ပစ္စည်း/ရိက္ခာ၊ တရုတ်ကျောထောက်နောက်ခံလက်နက်ကိုင်အဖွဲ့တွေကို ဇာတ်ညွှန်းတစ်ခုထဲပစ်ထည့်ပြီး smoke screen ကာဖို့ဆိုတာ ငှက်ပျောသီးအခွံခွာစားတာထက်တောင်လွယ်ပါသေးတယ်။ ဒီစစ်ကိုတိုက်ဖို့နှစ်ဆယ်စုချီပြီးပြင်ဆင်လာတာကို ထွင်းဖောက်မြင်တဲ့ဉာဏ်ရှိရင် ဒီအဖွဲ့တွေ ဘဏ္ဍာ၊ လက်နက်၊ ခဲယမ်းဘယ်ကရသလဲမေးပြီးဘယ်သူကြောင့်လို့လက်ညှိုးထိုးနေစရာမလိုပါဘူး။

ပြည်ခိုင်ဖြိုးပါတီကဘုလက်ဦးလှဆွေတို့ဆိုရင် strong Nationalist ။ တရုတ်မကောင်းတဲ့အချက်တွေအများကြီးပြောခဲ့တဲ့လူတစ်ယောက်ပဲ။ တရုတ်နိုင်ငံကရက်ပိုင်းလေးဖိတ်ခေါ်ပြီး စကားပြောလိုက်တာနဲ့တရုတ်ဘက်ပါသွားမတဲ့လား။ ဦးကိုကိုကြီးက ကြားကနေပြည်သူနဲ့နိုင်ငံမနာဖို့ကြိုးစားနေတဲ့ third party၊ အရင်ကတည်းကဒီမိုကရေစီသမား၊ အခုမှတရုတ်ဘက်ပါသွားမတဲ့လား။ ကျွန်တော်ကအချက်အလက်အခြေခံ deep thinker ။ ၂၀၁၅၊ ၂၀၁၇ လောက်ကိုင်စစ်တွေ၊ ရှမ်းမြောက်စစ်တွေ၊ လက်နက်ကိုင်တွေနဲ့ပတ်သက်ပြီး တရုတ်အကြောင်းရေးခဲ့တာတွေအများကြီးပါပဲ။ ပေးစာကမ်းစာလေးယူပြီးမြန်မာနိုင်ငံအပေါ်သစ္စာဖောက်ဖို့၊ ပြည်ပကောင်းဖို့လုပ်မယ်လို့မြင်ကြပြောကြတာရယ်စရာကောင်းပါတယ်။

ရှမ်းမြောက်စစ်အရှိန်အားကောင်းလာတဲ့အချိန်မှာပွဲသိမ်းရိုက်ချက်အနေနဲ့ တရုတ်မြန်မာကွဲထွက်သွားအောင်ရိုက်ချတယ်။ အရင်ကတည်းကဒီမိုအုပ်စုတွေက anti china။ အခု nationalist တွေပါ anti china ။

နစက အစိုးရပိုင်းကပါ anti china ဖြစ်ရင်ဘာဆက်ဖြစ်မလဲ။ စစ်ရေးနိမ့်ပါးနေတဲ့အစိုးရ၊ ပြည်သူထောက်ခံမှုလျော့နေတဲ့အစိုးရ၊ ပြည်ပကန့်သတ်ပိတ်ပင်မှုခံနေရတဲ့အစိုးရ၊ ပြည်တွင်းစီးပွားရေး၊ ကုန်သွယ်ရေးအဝဝမှာအခက်အခဲရှိနေတဲ့အစိုးရဟာ ထီးထီးကြီး lonely ဖြစ်သွားပြီး မြန်မြန်ဆန်ဆန် crack down ဖြစ်သွားမှာပါပဲ။

ဒီဇာတ်ညွှန်းလိုချင်လို့ဒီပုံစံခင်းလာတာ။

ကိုယ့်နိုင်ငံကိုချစ်တဲ့သူတစ်ယောက်အနေနဲ့ buffer ဒဏ်ကိုကောင်းကောင်းခံနေရတဲ့အတွက်ကျွန်တော်လဲအိမ်နီးချင်းရဲ့မရိုးသားမှုတွေအပေါ် မကြိုက်နှစ်သက်တာအများကြီးရှိတာပါပဲ။

သို့သော်....ကာလံ၊ ဒေသံ၊ အ​ခြေအနေတွေအရ anti campaign ကိုဖျက်မှရမဲ့အခြေအနေဆိုတာသိလို့ အမုန်းခံပြီးရဲရဲပြောခဲ့တယ်။ page မှာလဲအာဏာရှိတဲ့သူတွေမြင်အောင်ရေးတယ်။ ကျွန်တော်ပေးချင်တဲ့ မက်ဆေ့ရောက်အောင်ပို့တယ်။

ရလဒ်ထွက်ပါတယ်။ မြန်မာနိုင်ငံအပေါ် အခုဆက်ဆံနေတဲ့တရုတ်ရဲ့အပြုအမူတွေပါပဲ။

အချုပ်ဆိုရရင် နိုင်ငံပြိုဖို့အချိန်ကိုက်ရိုက်ချလိုက်တဲ့ရိုက်ချက်တစ်ခုကိုကျော်နိုင်ခဲ့ပါပြီ။ နောက်ထပ်လာမဲ့ရိုက်ချက်တွေအတွက်ပြင်ဆင်ဖို့လိုပါတယ်။

မြန်မာနိုင်ငံအနေနဲ့ မိမိအင်အားကိုအပူတပြင်း တည်ဆောက်ပြီး ခံနိုင်စွမ်းအားမြှင့်တင်နေဖို့လိုတဲ့အချိန်ပါပဲ။

၂၂.၈.၂၀၂၄
Geopolitics Admin

Geopolitics

May 20, 2026, 12:43 PM

စစ်ခင်းတယ်ဆိုတာတစ်ဘက်နဲ့တစ်ဘက်မာယာချင်းပြိုင်ကြတာဖြစ်ပါတယ်။ အဲ့လိုမာယာများတာကိုပဲစစ်နည်းဗျူဟာလို့ပြောကြတာဖြစ်ပါတယ်။ ရန်သူမိမိအားသာချက်အားနည်းချက်တွေကိုနှိုင်းယှဥ်ချိန်ထိုးပြီး မိမိအားသာချက်ကိုအသုံးချ၊အားနည်းချက်ကိုပြင်ဆင်၊ ရန်သူ့အားသာချက်ကိုထိုးနှက်၊ အားနည်းချက်ကိုဖိနင်းရတာဖြစ်ပါတယ်။ လက်ရှိရန်သူအားသာချက်က မြို့တွင်းစစ်နည်းဗျူဟာ၊ Drone နည်းပညာ၊ လူငယ်မျိုးဆက်သစ်ပဲရှိပါတယ်။ မိမိဘက်မှာလေယာဥ်၊အမြောက်၊ဒုံး၊သံချပ်ကာ၊နည်းပညာမြင့်စနစ်တွေရှိနေပါတယ်။ ဒါတွေကိုရှိလျက်နဲ့မအောင်မမြင်ဘာလို့ဖြစ်နေသလဲဆိုတာကို လက်ရှိရန်သူနဲ့ရင်ဆိုင်ခဲ့တဲ့သူတွေဆီကနေ brain stroming လုပ်ပြီးပြင်ဆင်လိုက်ရင် turning point ရောက်ပါလိမ့်မယ်။

၃.၈.၂၀၂၄
Geopolitics Admin

11,200

137

Geopolitics

May 20, 2026, 12:43 PM

" မြန်မာ-တရုတ်နိုင်ငံကြား
ရန်တိုက်မပေးပါနဲ့ "
====================

မြန်မာနိုင်ငံဖြစ်စဥ်ဟာ Black Deep State ရဲ့ ကမ္ဘာ့မနုဿလူသားတိရစ္ဆာန်ဇာတ်သွင်းရေး၊ လူ့တိရစ္ဆာန်ကမ္ဘာကိုဧကရာဇ်အဖြစ်စိုးမိုးရေး၊ အဲ့ဒီစိုးမိုးရေးလမ်းစဥ်အတွက်ခလုတ်ကန်သင်းဖြစ်နေတဲ့ BRI ကွင်းဆက်ဖျက်စီးရေး အစီအမံကြီးတစ်ခုထဲက အစီအမံသေးသေးလေးတစ်ခုသာဖြစ်ကြောင်းကို အထောက်အထားပါတဲ့ အနုမာနအဆိုနဲ့အကိုက် ကျွန်တော်အသေးစိတ်ရေးပြခဲ့ပြီးပါပြီ။

တရုတ်-မြန်မာကိုရန်တိုက်ပေးချင်တဲ့အုပ်စုတွေက BRI လမ်းကြောင်းမြေပုံကြီးဆွဲပြပြီး လမ်းတစ်လျှောက်တိုက်ပွဲဖြစ်တာတရုတ်လက်ချက်ဖြစ်ကြောင်း၊ စီမံကိန်းကိုချုပ်ကိုင်ချင်ကြောင်းတွေလမ်းလွှဲရေးလာတယ်။ ဒါ့အပြင်ဘာမှမဆိုင်တဲ့ AA ကိုလဲတရုတ်လူဖြစ်ကြောင်း၊ ရခိုင်ဒေသကိုတရုတ်သိမ်းချင်ကြောင်းလျှောက်ပြောကြတယ်။

လက်ရှိ ဘင်္ဂလားဒေ့ရှ်မှာ တရုတ်နဲ့ အနောက်ကိုခွကစားတဲ့ ရှိတ်ဟာစီနာဆင်းပြေးသွားရပြီ။ နိုင်ငံအရေးအခင်းဖြစ်နေတယ်။ စီးပွားရေးနိုဗယ်ဆုရှင်အနောက်ကြိုးဆွဲကိုယာယီသမ္မတအဆိုပြုလာတယ်။

ဒီဖြစ်စဥ်မတိုင်မီက ဟာစီနာကိုအနောက်အုပ်စုက မြန်မာ-ဘင်္ဂလားနယ်စပ်မှာ ခရစ်ယာန်ခြေကုပ်ဒေသဖော်ပေးဖို့လာပြောထားတာလက်မခံခဲ့ဘူးလို့ထုတ်ပြောလာခဲ့တယ်။

ဘင်္ဂလားဒေ့ရှ်အရေးအခင်းဟာ BRI လမ်းကြောင်းမြန်မာ့နယ်မြေစစ်မီးတောက်အရှိန်မြင့်လာချိန်နဲ့ အချိန်ကိုက် BCIM Bangladesh-China-India-Myanmar လမ်းကြောင်းက ဘင်္ဂလားဒေ့ရှိမှာ မီးပွားထပ်ဖော်တာမဟုတ်ဘူးလား။

ထောက်လှမ်းရေး
အမှောက်လုပ်ငန်း...တွေမှာ

တရုတ်နိုင်ငံကြီးခံလိုက်ရတယ်။ တရုတ်ကသူငယ်တန်းအဆင့်ဆိုတာပြောတော့လဲလက်မခံကြဘူး။ အခုတရုတ်ခံနေရပြီ။

ဒီအချိန်မှာ Anti china campaign ကိုဘက်စုံကမြန်မာနိုင်ငံမှာလုပ်လာတယ်။တရုတ်-မြန်မာသွေးကွဲမှ မြန်မြန်ပျက်မှာသိတဲ့ အနောက်အုပ်စုမီဒီယာတွေ၊ လော်ဘီတွေ၊ ဥပမာ ISP တို့တစ်ဘက်ကလုပ်ပါတယ်။ ဒါကသူတို့ခံယူရပ်တည်ချက်အရ လိုလားချက်ဖော်ဆောင်တာအပြစ်မပြောလိုပါဘူး။

နောက်အုပ်စုကိုပြောချင်တာ။ အမျိုးသားရေးသမားအမည်ခံတွေကိုယ်တိုင် တရုတ်-မြန်မာ တိုက်ပေးပြီး အတွင်းမှာသပ်လျှိုတာပြန်လုပ်နေကြတယ်။ သိသိရက်နဲ့နိုင်ငံမြန်မြန်ပျက်အောင်တမင်လုပ်တာဆိုရင် ကျွန်တော်ကတော့မှတ်တမ်းတင်ထားပါတယ်။ မသိဘဲ ဘုမသိဘမသိ အပေါ်ယံအဆင့်လောက်နိုင်ငံရေးသိပြီး ပေါ်ပင်လော်ဘီစာတွေရေးရုံနဲ့ တရုတ်-မြန်မာ သွေးခွဲရန်တိုက်တာမလုပ်ဖို့ပြောချင်တယ်။

ပွင့်ပွင့်လင်းလင်းပြောရရင်လက်ရှိ SAC ဟာ ဘက်ပေါင်းစုံက ဘက်စုံစစ်နဲ့ဝိုင်းတိုက်ခံနေရတာဖြစ်တယ်။ အားနည်းနေချိန်ဖြစ်တယ်။ ကိုယ်ခံစွမ်းအားအရမ်းကျဆင်းနေတယ်။

ဒီအချိန်မှာမိမိအင်အား၊ပြည်သူအင်အားအပြင် မဟာမိတ်အင်အားပါလိုအပ်နေတယ်။ SAC ရဲ့မဟာမိတ်က ဘယ်တုန်းကမှ west and black မဟုတ်ခဲ့ဘူး။ ရုရှားနဲ့ တရုတ် ပဲရှိတယ်။

ရုရှားကအဝေးကြီးမှာသူ့ပြဿနာနဲ့သူ။ အကန့်အသတ်ရှိတယ်။ ရုရှားဝင်လာခြင်းကြောင့် တရုတ်ဘက်ကအမြင်မကြည်တာလဲရှိတယ်။ အကန့်အသတ်နဲ့သာအကူအညီယူရမဲ့အ​ခြေအနေပဲ။

တရုတ်ကအိမ်ကွင်းမှာ။ လက်ရှိတရုတ်ရဲ့ပါဝင်ပတ်သက်မှုဟာ hard power game မှာအဖြေကိုပြောင်းလဲနိုင်စွမ်းရှိတယ်။

လက်ရှိ တရုတ်ဘက်က SAC ကိုလက်မလွှတ်ချင်သေးလို့ တိန့်ရှီကျွမ်းလာနေတာ။ တိန့်ရှီကျွမ်းခရီးစဥ်နဲ့ တိုက်ပွဲဖြစ်တာတွေတိုက်ဆိုင်တာလဲ တရုတ်-မြန်မာသွေးကွဲရေး၊ တရုတ်မုန်းတီးရေးဖြစ်အောင် west and black တမင်လုပ်ထားတာပဲ။ ဒါကိုတိန့်ရှီကျွမ်းလာတာနဲ့ ဘာဖြစ်တယ်ဆိုပြီး Anti Campaign လုပ်နေတာသည် ပြည်ဖျက်ရေးလမ်းစဥ်ပါ။

လက်ရှိအချိန်မှာအစိုးရိမ်ရဆုံးကတရုတ်ဘက်ကမထူးတော့ပါဘူးဆိုပြီး anti အဖွဲ့တွေလမ်းကြောင်းပေးနေသလို သူ့ရဲ့လက်နက်ကိုင် Buffer ကတ်ဆွဲကပ်သုံးသွားမှာကိုပဲ။ ဒီလိုဆိုရင်မြန်မာနိုင်ငံ မြန်မြန်ဆန်ဆန်ပျက်စီးသွားလိမ့်မယ်။

SAC ဘက်က နိုင်ငံအဆင့်ကတိကဝတ်စီးပွားရေးစာချုပ်တွေကိုအာမခံချက်ပေး၊ ယုံကြည်စိတ်ချရမှုရယူပြီး ပေါက်ဖော်ဆီက စစ်သတင်း၊ drone / guard ၊ ဂြိိုလ်တုဆက်သွယ်ရေး၊ စစ်ဘက်အကြံဉာဏ်အား ရယူရမဲ့ ကိုယ်ခံစွမ်းအားဖြစ်နေပြီ။

ဘုမသိဘမသိ လော်ဘီကြောင်တွေသိဖို့လိုတာက........
▫ လက်ရှိမြန်မာတပ်ရဲ့ကာကွယ်နိုင်စွမ်းအား၊ ပြည်သူ့စစ်ဖော်နိုင်မှုအခြေအနေ။
▫ တရုတ်နဲ့မြန်မာခေါင်းချင်းဆိုင်မိသွားရင်ဖြစ်လာမဲ့အကျိုးဆက်တွေပါ။

နိုင်ငံပျက်စေချင်တဲ့အုပ်စုလိုလားချက်အတိုင်း ဟိုယောင်ယောင်ဒီယောင်ယောင် ဝင်မသွားမိဖို့လိုပါတယ်။

ဒီလိုတရုတ်ဘက်ကိုအားကိုးရမဲ့အခြေအနေမဖြစ်စေချင်လို့ ယူကရိန်း၊ရုရှားစစ်တုန်းက အိမ်နီးချင်းအင်အားကြီးနားနိုင်ငံတည်ထားရရင်ပြုကျင့်ရမဲ့ မူဝါဒကို နမူနာပိုစ့်ရေးခဲ့သေးတယ်။

အင်အားကြီးနားမှာနေရပြီး၊ သူ့ရဲ့ကမ္ဘာ့အဆင့်စီမံကိန်းအကျိုးစီးပွားတွေရှိနေတာမထောက်ပဲ Balance of power မကစားတတ်ဘဲသွားကစားပြီး အခြား player တွေစုံနေအောင်ခေါ်သွင်းလာတဲ့ဒဏ်ကိုမြန်မာခံနေရတာပဲ။ မူဝါဒချတဲ့ခေါင်းဆောင်အဆင့်မှာ နိုင်ငံရေးပညာပြည့်ဝဖို့လိုပါတယ်။

၈.၈.၂၀၂၄
Geopolitics Admin

မြေပုံက soft power နဲ့ သွေးခွဲနေတဲ့ ISP အဖွဲ့မြေပုံ။

Geopolitics

May 20, 2026, 12:43 PM

📷 Photo

11,300

Geopolitics

May 20, 2026, 12:43 PM

ကျွန်တော်ကမလျော့သေးဘူး၊ ဒုတိယအကြိမ်ထပ်အကြံပေးတယ်။ အပစ်ရပ်ကာလမို့ကျည်မထွက်လဲရတယ်။ သို့သော် သံချပ်ကာသုံးစီးကိုရှေ့လယ်နောက်ထား၊ အလယ်မှာ 4 wheel ကားတွေထည့်ပြီး mobilize မြန်တဲ့အပေါ့ပါးဆုံးယာဥ်တန်းတစ်ခုဖွဲ့ပါ။ တစ်မြို့လုံးကိုပတ်မောင်းပြီးတိုက်တွေကို သံချပ်ကာအမြောက်နဲ့ချိန်ပါ၊ Hand speaker နဲ့အော်ပြီးဖိအားပေး ဆုတ်ခိုင်းပါလို့အကြံပေးတယ်။ Action မရှိဘူး။

အဲ့လိုနဲ့ MNDAA က ဒကစ ကိုမြင်နိုင်တဲ့နေရာကိုရောက်လာတယ်။ ဒကစကိုအပေါ်ကနေ စီးနေတဲ့ အထပ်မြင့်တိုက်တန်းတွေရှိတယ်။ လက်ရှိမှာမြို့တိုင်းမြို့တိုင်း urban expansion ဖြစ်လာတဲ့အခါ ​ပြည်သူနေတဲ့ရပ်ကွက်တွေ၊ တိုက်တွေက တပ်ဌာနချုပ်တွေ၊ တပ်စခန်းတွေကိုပိတ်ပြီးစိုးမိုးလာတယ်။ မြင်သာအောင်ပြောရရင် ရန်ကုန်တိုင်းစစ်ဌာနချုပ်ကို " ဝ " ပိုင်တဲ့ ၈ မိုင်လမ်းဆုံက Hotel Yangon ကစိုးမိုးထားတယ်။

အဲ့ဒီနေရာတွေကနေရှော့တိုက်ဒုံးချိန်ပစ်လို့ရတယ်။ ဒါတွေကိုဖြိုချရမယ်။ ရိုးရိုးအမြောက်ပစ်ဖြိုလို့မရဘူး။ ညဘက်မှာ ကွန်မန်ဒိုအဖွဲ့ထုတ်ပြီး တိုက်အခြေတွေကိုယမ်းပျော့တွေကပ်၊ဖောက်ခွဲပြီးဖြိုချလိုက်ပါလို့အကြံပေးတယ်။ ဒါပေမယ့်သံချပ်ကာအမြောက်နဲ့ပဲအဝေးကနေပစ်ဖြိုတယ်။ တိုက်တွေကထုနဲ့ထည်နဲ့ဆောက်ထားတာမပြိုကျဘူး။ ရန်သူခြေကုတ်ရသွားတယ်။ ဒကစ ထဲကို တဒိုင်းဒိုင်းနဲ့ပစ်ခဲ့တာအဲ့တိုက်တွေက၊ အခုလားရှိုးရမခမှာလဲအဲ့လိုပဲဖြစ်လိမ့်မယ်။

လောက်ကိုင်မြို့ကျသွားတာကအဲ့လိုမြို့တွင်းစစ်နည်းဗျူဟာကိုမသိတဲ့အတွက်၊အကျွမ်းတဝင်မရှိတဲ့အတွက်ကျသွားတာ။ အခုလားရှိုးမှာရပ်ကွက်တွေထဲစိမ့်ဝင်လာတာဒီနည်းပဲ။ အိမ်တိုင်းမှာ အစုငယ်လေးတွေနဲ့ဖြန့်နေကြတာ။ လေယာဥ်ဗုံးကြဲကြဲ၊ အတွဲလိုက်ဒုံးပစ်ပစ် အစုလေးတွေဖြန့်ခွဲနေကြတဲ့အခါဘယ်လိုလုပ်ထိရောက်တော့မလဲ။
_______

ရန်သူကစစ်ရေးကိုဝန်ပိစေမဲ့အလုပ်တွေလျော့ချထားတယ်။ လက်ရှိမြန်မာတပ်လိုတပ်စုတပ်စိတ်အလိုက်ရိက္ခာထုတ်ပေးပြီး ထမင်း၊ ဟင်းချက်မဲ့အချိန်မကုန်စေဘူး။ အင်အားတစ်ထောင်ဆိုတစ်ထောင်စာ ချက်ပြုတ်ရေးအဖွဲ့ရှိတယ်။ safe ဖြစ်တဲ့နောက်ပိုင်းနေရာမှာစုချက်တယ်။ ပလတ်စတစ်အိတ်ထဲကို ထမင်း၊ ဟင်းအကုန်ရောထည့်ပြီး ဆာလာအိတ်ထဲထည့်ပြီးမှတပ်ရင်းအလိုက် 4 wheel နဲ့လိုက်ပို့တယ်။ အသင့်ဖြည်စားပြီးအိတ်ခွံပစ်လိုက်ရုံပဲ။

(တပ်လို ထင်းရှာ၊ ရေရှာ၊ ချက်ပြုတ်မဲ့အချိန်မလိုလို့ စစ်ရေးကိုအာရုံစိုက်ထားနိုင်တယ်။ ရက္ခာသယ်ဖို့မလိုတဲ့အတွက် လှုပ်ရှားရတာပေါ့ပါးတယ်။ ပစ်အားရှိအောင် ခဲယမ်းကိုပိုသယ်နိုင်တယ်။ တပ်မှာကရိက္ခာထမ်း၊ချက်ပြုတ်စားသောက်ဝန်ပိနေတယ်။ ရိက္ခာသယ်ရလေးပင်လို့ ခဲယမ်းလျော့သယ်ရတယ်။ မြို့တွင်းစစ်နဲ့မြို့ကိုလာထိပါးချိန်မှာထမင်းကို ဘုံချက်တဲ့စနစ်ပြောင်းရမယ်)

ရန်သူက supply လုပ်လို့ရအောင်လို့လဲ သူစိုးမိုးထားတဲ့နယ်မြေကိုအကြားအလပ်မရှိအဖွဲ့ငယ်တွေဖြန့်ပြီးထိန်းချုပ်ပြီး LoC ဆောက်ထားတယ်။ တပ်ကဝင်လာရင်အဲ့နေရာမှာရှိတဲ့ တပ်စိတ်ပစ်အားနဲ့ခဏထိန်းပြီးကျန်အဖွဲ့တွေက mobilize ကောင်းကောင်းနဲ့ချက်ချင်းပိတ်ဆို့ပြီးတပ်ကိုပြန်စားတာ။

ဒါတွေလုပ်ဖို့က အဖွဲ့စနစ်၊ ဆင့်ကဲကွပ်ကဲမှု၊ ဆက်သွယ်ရေး၊ လှုပ်ရှားစစ်ကစားလွယ်မှုရှိရတယ်။

အဖွဲ့ငယ်လေးတွေကိုကွပ်ကဲဖို့ အဆင့်ဆင့်ပါဝါပေးထားရတယ်။ တပ်ရင်းမှူးက တပ်စုမှူးနဲ့အချိန်ကုန်ခံပြီးမချိတ်ဘူး။ တပ်ခွဲမှူးကနေပဲချိတ်တယ်။
(တပ်မှာ သာမန်အခြေအနေတုန်းက ဗျူဟာမှူးလောက်က တပ်စိတ်မှူးနဲ့ဖုန်းပြောချင်ပြောနေပြီး အလယ်ကအဆင့်လိုက်ကွပ်ကဲမှုနဲ့ဆက်သွယ်ရေးကိုဖျက်ထားတော့ တကယ်တိုက်ပွဲများလာချိန်မှာမနိုင်မနင်းနဲ့ အဖွဲ့စနစ်ပျက်သွားတာမျိုးတွေအများကြီးပဲ။)

ရန်သူကကွပ်ကဲလွယ်ဖို့ဆက်သွယ်ရေးစနစ်ကိုကွန်ရက်ဖွဲ့ဆောက်ထားတယ်။ ၃ ယောက်တစ်ဖွဲ့တိုင်း Icon ပါတယ်။ တချို့တိုက်ပွဲတွေမှာဆိုရင်လူတိုင်း icon ပါတယ်။
(တပ်မှာတပ်စိတ်မှူးတွေဟာ ရန်သူလိုလူငယ်တွေမဟုတ်တဲ့ အကြပ်အဆင့်အသက်ကြီးပိုင်းတွေ။ စိတ်ဓာတ်ရှိပေမဲ့ ဖြတ်ဖြတ်လတ်လတ်မလှုပ်ရှားနိုင်ဘူး။ တပ်စိတ်အဆင့် ဆက်သွယ်ရေးစနစ်ကောင်းကောင်းမရှိဘူး။ မြို့တွင်းစစ်ကိုမကြုံဖူးတဲ့အပြင် လူငယ်လိုထိုးထွင်းမမြင်နိုင်ဘူး။ ဒါကမြို့တွင်းစစ်အတွက်ဆိုရင်ကြီးမားတဲ့ အားနည်းချက်ပါ)

ရန်သူက mobilize ကောင်းဖို့ ၃ ယောက်ဆိုဆိုင်ကယ်နှစ်စီး၊ ၇ ယောက်ဆို 4 wheel ၁ စီးဖြန့်ခွဲထားတယ်။
(တပ်မှာအခုထိမြို့တွင်းကိုအလုံပိတ်မိုးကာဖုံးထားတဲ့ faw နဲ့သွားနေတုန်းပဲ။ လမ်းလျှောက်နေတုန်း။ တစ်နေရာတိုက်ပွဲဖြစ်ရင်အခြားစစ်ကူအချိန်မီမလာနိုင်ဘူး။ နှေးကွေးတော့လမ်းမှာစောင့်ပိတ်တာခံရတယ်။ အခုလိုထုထည်ကြီးတဲ့ Assaulter ထက်စာရင် လျင်မြန်တဲ့အပေါ့စားသံချပ်ကာ၊ 4 wheel၊ အင်ဂျင်ပါဝါကောင်းတဲ့ ​ဆိုင်ကယ်တွေသုံးပြီး ဖွဲ့စည်းပုံကိုပြန်ပြင်ယူရမယ်)
_______

မြန်မာတပ်ရဲ့သင်တန်းတိုင်းတဖွဖွရွတ်နေတဲ့ စစ်အောင်ရာသောအကြောင်းကြီးများမှာ အင်အားကိုစုစည်းအသုံးပြုခြင်း(စနစ်တကျစုဖွဲ့)၊ လွယ်ကူစွာလှုပ်ရှားသွားလာနိုင်ခြင်း၊ အငိုက်ဖမ်းနိုင်ခြင်း၊ သတင်းစုံစွာရယူခြင်း၊ ပြောင်းလွယ်ပြင်လွယ်ရှိခြင်း၊ အချင်းချင်းပေါင်းစပ်ညှိနှိုင်းမှုကောင်းခြင်း၊ အုပ်ချုပ်ထောက်ပံ့မှုနှင့်ကွပ်ကဲမှုကောင်းခြင်း ဆိုတဲ့အချက်တွေပါနေတာပဲ။ မိမိတိုက်နေတဲ့စစ်ဟာ

Geopolitics

May 20, 2026, 12:43 PM

စစ်အောင်ရာသောအကြောင်းကြီးများနဲ့ညီသလား၊ မညီဘူးလားဆန်းစစ်ပါ။ မညီရင်ညီအောင်ပြင်လိုက်ပေါ့၊ ဘာခက်လို့လဲ။

အရင်ကသူပုန်တွေစာဖတ်ပြီးတတ်သွားမှာစိုးလို့ရယ်၊ တပ်ဘက်ကဒီအချိန်ဆိုမြင်လောက်ပြီထင်လို့ရယ်ဘာမှမပြောဘဲစောင့်ကြည့်နေခဲ့တာ။ သိမြင်ပြီးပြင်ထားမယ်ထင်ပေမဲ့ လားရှိုးလဲလောက်ကိုင်လိုခံနေရတာကြည့်ပြီး အခုထိမိမိအားနည်းချက်ကိုဆန်းစစ်ဖော်ထုတ်ပြင်ဆင်မှုမရှိသေးပါလားလို့ယူဆလာလို့ထုတ်ပြောတာဖြစ်ပါတယ်။

လောက်ကိုင်ကျကတည်းကပြန်လာတဲ့အရာရှိ၊စစ်သည်တွေဆီကနေ ရမခမှာစုစည်း operating brefing လုပ်ပြီး မင်းတို့ကျရှုံးခဲ့ရတဲ့အားနည်းချက်တွေချရေးစမ်း၊ငါတို့ပြင်ကြမယ်လို့ လုပ်ခဲ့သလား။ မသိပါဘူး။

အရေးကြီးဆုံးအချက်ကတော့ အထက်အောက်အပြန်အလှန်ပေါင်းစပ်ရေးပါ။ ဒီအချိန်မှာ မူဝါဒချတဲ့သူတွေအဆင့်မှာ theatre တစ်ခုလုံးကိုကွပ်ကဲနေရပြီး စစ်ဒဏ်ကြောင့်စိတ်ဖိစီးမှုများနေတာတစ်ကြောင်း၊ ​ခေတ်သစ်စစ်နည်းဗျူဟာကိုအကျွမ်းတဝင်မရှိတာတစ်ကြောင်းနဲ့ အပေါ်ကစီးဆင်းလာတဲ့ခေတ်ဟောင်းအတွေးအခေါ်အမိန့်အတိုင်းသာ လုပ်နေရင်းဆုံးရှုံးမှုတွေများခဲ့ပါပြီ။ ခေတ်သစ်စစ်ပွဲအတွက်အကြံဉာဏ်တွေဟာလန်းဆန်းတဲ့လူငယ်ဦးနှောက်တွေမှာရှိပါတယ်။ အနားမှာရှိနေတဲ့သူတွေဆီကအကြံဉာဏ်ရယူပါ။ တစ်ခေါင်းထဲပြဿနာကိုဖြေရှင်းတာထက် ခေါင်းများတော့ပညာပိုထွက်တာပေါ့။

ပြောရင်ထူးဆန်းနေလိမ့်မယ်။ လောက်ကိုင်စစ်ပွဲတစ်လျှောက်တစ်ခါမှ စစ်ဆင်ရေးအဖွဲ့တွေ Operation Brefing မဝင်ခဲ့ဘူး။ စစ်ဆင်ရေးကွပ်ကဲသူ လူ ၇ ယောက်လောက်တောင်စားပွဲမှာစုစည်း၊ ခေါင်းချင်းဆိုင်ပြီး ငါတို့ဘာလုပ်ရမလဲဆိုတဲ့ စုစည်းအား brain stroming အားမယူခဲ့ဘူး။ အပေါ်ကစားပွဲမှာထိုင်ပြီးမြေပြင်အခြေအနေနဲ့ကင်းကွာနေတဲ့အမိန့်စီးဆင်းမှုအတိုင်းသာ complaint မရှိဘဲလုပ်ခဲ့ကြတာ။

အကြံပေးတယ်ဆိုတာကန့်သတ်ချက်ရှိပါတယ်။ တစ်ခါအကြံပေး၊ နှစ်ခါပေး၊ အလွန်ဆုံးသုံးခါပေးလို့ရှိရင် ဒီကောင်ဘာကောင်လဲလို့မိမိဆီပါအမြင်စောင်းသွားတာမျိုးခံရတယ်။ အကြံကိုမယူဘဲဆုံးရှုံးသွားရင်လဲရင်နာရတယ်။ စိတ်ပျက်ရတယ်။

ဒီလိုရေးလို့ personal ထိခိုက်ရင်လဲခံလိုက်ပါမယ်။ နိုင်ငံကောင်းဖို့တွေးမြင်စရာတစ်ခုခုထွက်ရင်ပဲ ကိုယ်နဲ့ရင်းပြီးထားခဲ့တဲ့ သစ္စာလို့တိုင်တည်ပါတယ်။ လိပ်ပြာလုံချင်ပါတယ်။ ဒါတွေငါတို့သိပြီးသား၊ ငါတို့ပြင်နေတယ်ဆိုရင်ကျေးဇူးတင်ပါတယ်။ မဟုတ်သေးရင်လဲအခုအချိန်မီပြင်လိုက်ပါ။
______

တစ်လက်စတည်းပြောချင်တာက ရန်ကုန်၊ မန္တလေးမြို့ကြီးတွေမှာ မြို့ကိုကာကွယ်မဲ့အင်အားကိုအခုကတည်းကစုဖွဲ့ထားပါ။ မြို့မြေပုံတွေမျှဝေထားပြီး ကျွန်တော်အထက်ကပြောခဲ့တဲ့ မြို့တွင်းစစ်ဆင်ရေးနည်းဗျူဟာတွေကို ဇာတ်တိုက်ထားပါ။ နယ်မြေကျွမ်းကျင်အောင် လမ်းကြိုလမ်းကြားမကျန်အခုကတည်းက လိုက်ပတ်ထားကြပါ။

တပ်၊ ရဲ၊ ပြည်သူ့စစ်၊ စစ်မှုထမ်းဟောင်းတွေကို ဖွဲ့စည်းပုံစနစ်တကျဖွဲ့ပါ။ တပ်ကထိုးထွင်းဉာဏ်ရှိတဲ့အစုအဖွဲ့နဲ့မြို့တွင်းစစ်ဆင်ရေးကိုကွပ်ကဲပြီး၊ တိုင်းစစ်ဌာနချုပ်တွေနဲ့ကွပ်ကဲမှုစနစ်၊ ဆက်သွယ်ရေးစနစ်အသားကျလေ့ကျင့်ထားပါ။ မြို့တွင်းကာကွယ်ရေး အဖွဲ့စနစ် harmony ဖြစ်အောင် လိုအပ်တဲ့စစ်နည်းဗျူဟာ၊ အုပ်ချုပ်မှု၊ ဆက်သွယ်ရေးတွေကိုပေါင်းစပ်ပါ။ အပြန်အလှန်ရင်းနှီးမှု၊ ယုံကြည်မှုရအောင်လုပ်ဖို့ကအနည်းဆုံး ၃ လလောက်စုစည်းပေးထားဖို့လိုပါတယ်။

၁.၈.၂၀၂၄
Geopolitics Admin

Geopolitics

May 20, 2026, 12:43 PM

တပ်ခေါင်းဆောင်တွေပြင်ဆင်ရမဲ့
စစ်နည်းဗျူဟာအားနည်းချက်များ
+++++++++++++++++++++

မြန်မာနိုင်ငံမြေပုံတွေရုံးခန်းတိုင်းမှာချိတ်ထားကြတာပဲ။ တစ်နိုင်ငံလုံးကစစ်ရေးမိုးလေဝသကိုမြေပုံပေါ်အမြဲတင်ထားပြီးတော့ ကိုယ့်ရေမြေတောတောင်နဲ့ယှဥ်သုံးသပ်လိုက်ရင် မြေပုံတွေကစကားပြောလာပါလိမ့်မယ်။ ပုန်ကန်သူတွေရဲ့နည်းဗျူဟာကိုထင်ထင်ရှားရှားမြင်နိုင်ပါလိမ့်မယ်။

အထက်အဆင့်ကအဓိကလုပ်ဖို့ကမဟာဗျူဟာချခင်းဖို့ပါ။ တပ်မနဲ့အောက်အဆင့်တွေက မူဝါဒကိုအောင်မြင်ဖို့လွတ်လပ်စွာစစ်ကစားခွင့်ရှိမှရမယ်။ လက်ရှိမြန်မာနိုင်ငံမှာဖြစ်နေတာပြည်ပကလက်နက်ကိုင်တပ်တွေ လူ၊ လက်နက်၊ နည်းပညာအသာနဲ့ ​ဝင်ကျူးကျော်တဲ့စစ်မဟုတ်ပါဘူး။

ရှိလှ freelance ကြေးစားနည်းနည်းလောက်နဲ့ နည်းပညာ/ စစ်နည်းဗျူဟာအကြံပေးတာ၊ လက်နက်၊ ခဲယမ်း၊ ရိက္ခာ ထောက်ပံ့တာ၊ မီဒီယာအားနဲ့ဖိပေးတာ၊ သံတမန်ဖိအားပေးတာ၊ စီးပွားရေးနဲ့အခြားကဏ္ဍအနည်းငယ်ကိုနှောင့်ယှက်တာပဲရှိတာပါ။ ထူးထွေဆန်းပြား မိမိမမြင်ဖူးတဲ့စစ်လက်နက်ကြီးတွေသုံးနေတာမျိုးလဲမဟုတ်သလို၊ မြေလျှိုးမိုးပျံနေကြတာလဲမဟုတ်ပါဘူး။

လက်ရှိမှာခေါက်ရိုးကျိုးနေတဲ့အထက်အောက်ဗျူရိုကရက်ကြိုးနီစနစ်အုပ်ချုပ်မှု၊ အထက်မှအောက်သို့ပါဝါစီးဆင်းမှုပုံစံကိုပြောင်းလဲဖို့လိုနေပြီ။ မပြောင်းလဲလို့အခုလိုခံနေရတာပါ။
_______

လက်ရှိစစ်မှာတပ်ကကြုံနေရတဲအခက်အခဲနှစ်ရပ်ရှိပါတယ်။

▫ မြို့တွင်းစစ်နည်းဗျူဟာနဲ့
▫ ခေတ်သစ်စစ်ပွဲနည်းပညာပါ။

မြန်မာနိုင်ငံမှာအရင်တုန်းကတပ်မတော်ရော၊ လက်နက်ကိုင်တွေရော တောတွင်းနဲ့တောင်ပေါ်စစ်နည်းဗျူဟာသာအကျွမ်းတဝင်ရှိခဲ့တယ်။ ဒါပေမဲ့ west and black ကြေးစားနည်းပြတွေဝင်လာပြီးသင်ပေးကြတဲ့အခါလက်နက်ကိုင်တွေကမြို့တွင်းစစ်အတွက်အလေ့အကျင့်ရသွားတယ်။

အရင်စစ်က အုပ်စုအကြီးကြီးနဲ့ အင်အားများစွာနဲ့ စစ်မျက်နှာတစ်ခုတည်းကနေ(သို့) နှစ်ခုကနေ ပစ်ခတ်မှု၊ စစ်ကစားမှုပေါင်းပြီးမြေသိမ်းတဲ့စနစ်။ ဗကပ လဲသုံးတယ်။ လက်နက်ကိုင်တွေလဲသုံးနေဆဲ။ တပ်လဲသုံးတာပဲ။ သူ့စစ်နည်းဗျူဟာမှာစစ်မျက်နှာအလွန်ဆုံးရှိရင်နှစ်ခုပဲ။ ယောင်ပြစစ်ကြောင်းနဲ့၊ အဓိကစစ်ကြောင်း၊ လက်နက်ကြီးပစ်ကူ။ ဒီလိုနည်းနဲ့တိုက်စစ်လုပ်တယ်၊ အခြေအနေမဟန်ရင် ဒီစုဖွဲ့မှုအတိုင်းပဲ လေးလေးဖင့်ဖင့်ခွာစစ်ဆင်တယ်။ အနည်းဆုံးတပ်ခွဲအဆင့်၊ စစ်ကြောင်းအဆင့်ထိပဲ တပ်ကိုဖြန့်ခွဲတယ်။ တပ်စု၊ တပ်စိတ်အဆင့်ထိမဖြန့်ခွဲဘူး။

ဒါကြောင့်တပ်မတော်မှာ တပ်စိတ်အလိုက်ထိရောက်တဲ့တိုက်စွမ်းအားရအောင် မလှုပ်ရှားတတ်ဘူး။

မြို့တွင်းစစ်အတွက်ကျတော့အင်အားအလုံးအရင်းထက်စာရင် တပ်စိတ်အဆင့်တွေကိုဖြန့်ကျဲလာတာ။ အကြမ်းဖျဥ်းပြောရရင် ၇ ယောက်ပါတဲ့အစုလေးတွေ။ လားရှိုးမှာဓာတ်ပုံလိုက်ရိုက်နေတဲ့ MNDAA က အဲ့လိုနှစ်စိတ် ၁၄ ယောက်လောက်နဲ့ဓာတ်ပုံလိုက်ရိုက်တာ။
_____

အဲ့ဒီမြို့တွင်းစစ်နည်းဗျူဟာကိုပြင်းပြင်းထန်ထန်စခံလိုက်ရတာက ၁၀၂၇ မဖြစ်မီ ၂၀၂၃ ခုနှစ်အတွင်း တပ်မ ၅၅ ရဲ့ ကယားပြည်နယ် စစ်ဆင်ရေးမှာ။ စစ်သည်တွေကမြို့တွင်းစစ်နဲ့ အကျွမ်းတဝင်မရှိတဲ့အခါမှာ အစုလိုက်ခံလိုက်ရတယ်။ လနဲ့ချီကြာပြီးမှအသားကျသွားတာ။

ဒုတိယအကြိမ်ခံလိုက်ရတာကလောက်ကိုင်မှာ။ လောက်ကိုင်မကျခင် ဒုတိယဗိုလ်ချုပ်ကြီးဦးစီးတဲ့အဖွဲ့ တရုတ်ဘက်မှာနှစ်ကြိမ်သွားဆွေးနွေးကြတယ်။ ဆွေးနွေးကြတဲ့အခါတိုင်းနှုတ်မိန့်နဲ့နှစ်ကြိမ်အပစ်ရပ်တယ်။ ပထမအကြိမ်အပစ်ရပ်ချိန်မတိုင်မီ MNDAA ဟာ လောက်ကိုင်မြို့တွင်းမဝင်နိုင်သေးဘူး။ မြို့အရှေ့ဘက်မှာတပ်ကထုတ်ကာထားတဲ့အဖွဲ့တွေနဲ့ရင်ဆိုင်ထားတဲ့အခြေအနေရှိနေတယ်။

ပထမအကြိမ်အပစ်ရပ်ခိုင်းတဲ့အချိန်မှာ MNDAA ဘက်ကကျည်မထွက်ပဲမြို့တွင်းဝင်ဖို့လှုပ်ရှားချင်တဲ့အရိပ်အယောင်တွေ့လာတယ်။ လောက်ကိုင်မြို့တွင်းကိုဝင်နိုင်တဲ့လမ်းကြိုလမ်းကြားလမ်းသွယ်တွေအများကြီးရှိပါတယ်။

ဒါကြောင့်မြို့တွင်းလုံခြုံရေးလုပ်နေတဲ့တပ်တွေကိုဒီအတိုင်းတပ်ခွဲအလိုက်စုထိုင်နေကြမဲ့အစား ဧရိယာသတ်မှတ်ပေးပြီးလမ်းကြိုလမ်းကြားတွေပါမကျန် ဘယ်ရီဂိတ်တွေတားဖို့၊ ဖြန့်ခွဲနေရာချဖို့၊ အပစ်ရပ်ကာလမှာလမ်းတစ်လျှောက်လှည့်ကင်းတပ်စိတ်နဲ့လိုက်စစ်ဖို့၊ MNDAA ဝင်လာရင်ပြန်ဆုတ်ပြီးမိမိရောက်တဲ့နေရာပြန်သွားအောင်မောင်းထုတ်ဖို့အကြံပေးခဲ့တယ်။

သို့သော် မြို့တွင်းစစ်နဲ့မယဥ်ပါးသေးတဲ့ တပ်ထိပ်ပိုင်းကအသာနေတဲ့အခါမှာ MNDAA ဟာ တပ်စိတ်အဆင့်ဖြန့်ခွဲပြီးညဘက်မှာ မြို့အတွင်းတပ်ဖျောက်ဝင်လာတယ်။ တပ်တွေရဲ့ပတ်လည်ကစိုးမိုးတဲ့ အထပ်မြင့်တိုက်တွေအားလုံးပေါ်ကို ၃၊ ၄၊ ၇၊ ၁၄ ယောက်အဖွဲ့လေးတွေခွဲတက်သွားပြီးအထိုင်ချလိုက်တယ်။ တပ်ကအဖွဲ့တွေမနက်မိုးလင်းမှ သူတို့နားကဘယ်တိုက်ပေါ်ရောက်နေပါပြီဖြစ်ကြတယ်။ ဝိုင်းပိတ်ခံထားရပြီဖြစ်လို့ဆက်ထားလို့မရဘဲနောက်ပိုင်းကိုတပ်တွေရွေ့ရတယ်။ အဲ့ဒီနည်းနဲ့ကျည်တစ်ချက်မဖောက်ပဲမြို့တစ်ဝက်ကိုဝင်သိမ်းသွားတာ။ (လားရှိုးမြို့ကိုလည်း ဒီနည်းအတိုင်းပဲသိမ်းသွားတာ။)
_____

Showing 10 of 10 posts

No more posts

Loading posts...