NHRC | НЦПЧ

Public

View Channel

741

710

674

Can't Join? @NationalHumanRightsCenter

1.1k Members

Updated: May 4, 2026 at 5:23 AM

NHRC | НЦПЧ

National Center for Human Rights

@NationalHumanRightsCenter is a dedicated channel for center and national with regular updates in Politics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 1.1K

24h growth: +0 0%

Latest Posts

NHRC | НЦПЧ

Apr 28, 2026, 03:20 PM

📷 Photo

Qaysi hokim “Investorim, loyiham bor, sanoat zonasi uchun yer kerak” desa, infratuzilmasi bilan hal qilib berilmoqda. Lekin budjet hisobidan yo‘l, elektr, suv olib borilgan 226 ta sanoat zonasidagi 213 gektarda loyiha boshlanmagani tanqid qilindi.

Shu bilan birga, 27 ta sanoat zonasida loyihalar joylashtirilgani bilan infratuzilma bormagan.

Hokimlarga auksionda yer sotuvidan tushgan puldan tadbirkorlik infratuzilmasiga sarflashga ruxsat berilgan. Mutasaddilarga ushbu mablag‘lar hisobidan birinchi navbatda kommunikatsiya olib boriladigan sanoat zonalari ro‘yxatini shakllantirish va ishni boshlash topshirildi.

Viloyat hokimlarining investitsiya bo‘yicha o‘rinbosarlari oldiga infratuzilma borgan sanoat zonalaridagi bo‘sh yerlarga joylashadigan loyihalar portfelini shakllantirish vazifasi qo‘yildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Ko‘p davlatlar mahsuloti raqobatdosh bo‘lishi uchun sanoat va servisda “Kayzen”, “lean priduction” kabi resurs samaradorligi va mehnat unumdorligini oshiradigan progressiv usullarni qo‘llamoqda.

Mamlakatimizdagi 50 ga yaqin tadbirkorlar buni chet elda ko‘rib kelib, korxonasida joriy qilishni boshladi.

“Lekin, bu kam. To‘qimachilik, qurilish materiali, elektrotexnika, mebel kabi drayver sohalardagi uyushmalar nega buni ommalashtirishni o‘ylamaydi? Tadbirkorga tushuntirib, “diagnostika” xarajatining bir qismi qoplab berilsa, unumdorlik dasturlarini yo‘lga qo‘yish uchun imtiyozli kredit ajratsa bo‘ladi-ku!”
– dedi Prezidentimiz.

Iqtisodiyot va moliya vazirligiga bu yil 100 ta korxonada samaradorlikni oshirish bo‘yicha ilg‘or dasturlarni joriy qilish, bunga 30 million dollar grant jalb qilish topshirildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

So‘nggi olti oyda 908 ta tadbirkor 3 milliard 600 million dollarlik shartnoma tuzib, hamkorlarda vaziyat o‘zgargani uchun hali eksportni boshlay olmagani qayd etildi. Ayrim hokimlar ularga yordam berish o‘rniga vaziyatni o‘z holiga tashlab qo‘ygani tanqid qilindi.

Oqibatda birinchi chorakda eksport Norin, Kasbi, Sherobod, Yozyovon va Denovda 2 karradan ziyod kamaygan. Shahrisabz, Uchquduq, Parkent, Toshkent tumanlari, Jizzax, Navoiy, Namangan, Angren, Bekobod va Nurafshon shaharlarida esa 70 foizga ham yetmagan.

Ushbu tuman hokimlari birinchi yarim yillikda o‘sishni ta’minlamasa, xulosa qattiq bo‘lishi qayd etildi.

Umuman, hozirgi sharoitda eksportchilarni yangi bozor topish, aylanma mablag‘, sertifikat, logistika kabi masalalarini kompleks hal qilish bo‘yicha yagona yondashuv bo‘lishi kerakligi ta’kidlandi. Bu borada natijaga yo‘naltirilgan yaxlit tizim qilish yuzasidan taklif kiritish topshirildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Kartoshkaga bo‘lgan talabni qoplash uchun bu yilga reja qilingan 180 ming gektardan 118 ming gektariga urug‘lik ekildi.

Lekin Qashqadaryoda bor-yo‘g‘i 41 foiz, Surxondaryoda 44 foiz maydonda kartoshka ekilgan. Mart oyining o‘zida kartoshka Surxondaryoda 12,4 foizga, Qashqadaryoda 9 foizga qimmatlashgani ko‘rsatib o‘tildi.

Kartoshkachilikka ixtisoslashgan Xo‘jaobod, Andijon, Kosonsoy, Chortoq, Chust, Yangiqo‘rg‘on, Toshloq, Farg‘ona tumanlarida ham ishlar qoniqarsiz deb baholandi.

Sustkashlikka yo‘l qo‘ygan viloyat hokimlarining qishloq xo‘jaligi bo‘yicha o‘rinbosarlari va tuman hokimlarining mas’uliyati hamda javobgarligini oshirish topshirildi.

“Takror aytaman: mablag‘ bor, resurs bor. Go‘sht va kartoshkadan hech qanday masala bo‘lmasligi kerak”,
– dedi Prezidentimiz.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Yig‘ilishda sanoat va eksport masalalari ham ko‘rib chiqildi.

Qamashi, Qarshi, Mirishkor, Arnasoy, Sharof Rashidov, Yangiobod, Navbahor, Kosonsoy, Qumqo‘rg‘on, Furqat, Shovot, Shayxontohur, Sergeli tumanlari sanoat rejasiga chiqa olmagani tanqid qilindi.

Ushbu 13 ta tuman hokimiga rejaga qancha yetmaganiga qarab, intizomiy jazo chorasini ko‘rish topshirildi.

Ichki bozorda mis taklifi ko‘paytirilgan bo‘lsa-da, qayta ishlash oyiga 6 ming tonnadan oshmayotgani ko‘rsatib o‘tildi. Oqibatda birinchi chorakda elektrotexnika sohasida sanoat o‘sishi prognozdagi 11,2 foiz o‘rniga 7,8 foizga, eksport rejasi bor-yo‘g‘i 57 foizga bajarildi.

Elektrotexnika eksporti uchun 100 million dollar resurs berib, aylanma mablag‘ga garovsiz kredit ajratish imkoniyati yaratildi. Lekin birorta bank ushbu shartlarda kredit ajratmaganiga e’tiroz bildirildi.

Mutasaddilarga ishlab chiqarishi, eksporti kamaygan har bir korxonaga borib, eksportini moliyalashtirish, investitsiya loyihasi bo‘yicha qanday masalasi bo‘lsa, joyida hal qilish topshirildi.

Umuman, ikkinchi chorak yakuni bilan sohada ishlab chiqarishni 25 trillion so‘mga, eksportni 1 milliard dollarga yetkazish vazifasi qo‘yildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Logistikadagi uzilishlar oqibatida birinchi chorakda qoramol importi 2 karra kamaydi. Bunga tezkor yechim topilib, samolyotda tashiladigan har bir naslli qoramol uchun 4 million so‘mgacha, go‘sht importida transport xarajatining yarmini qoplash yo‘lga qo‘yildi.

Shu bilan birga, tadbirkorlarimiz uchun muqobil transport koridorlarini ham ko‘paytirish zarurligi ko‘rsatib o‘tildi. Shu orqali ikkinchi chorakda 45 ming tonna, yil yakunigacha jami 130 ming tonna go‘sht importini ta’minlash zarurligi qayd etildi.

Mutasaddilarga qayerda to‘siq bo‘lsa, qayerda yuk to‘xtab qolsa, tadbirkorlar masala ko‘tarishini kutmasdan, onlayn monitoring orqali operativ yechim qilib berish topshirildi.

Hududlarda 478 ming gektarda ozuqa ekinlarini ekish rejalashtirilgan. Lekin Namanganda ozuqa yerining 74 foiziga haligacha ekin ekilmagani, chorvada imkoniyat katta bo‘lgan Zarbdor, Qiziltepa va Pop tumanlarida silos ekish boshlanmagani, Amudaryo, G‘ijduvon, Xonqa va Bag‘dodda ham ishlar qoniqarsiz ekani ko‘rsatib o‘tildi. Viloyat hokimlariga qoloqliklarni bartaraf etish topshirildi.

Yana 100 ming gektar ekin yerini yangi tizim asosida auksionga chiqarish belgilangan. Har bir kun g‘animatligi, bu yerlarni tez-tez auksionga chiqarib, ekin ekish zarurligi qayd etildi.

Sanoat plantatsiyasi tashkil qiladigan tadbirkorlarga katta imtiyoz va moliyaviy resurslar berilmoqda. Viloyat hokimlariga bu yil kamida 5 tadan yirik sanoatlashgan meva-sabzavot plantatsiyasini namunali qilib tashkil etish topshirildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Birinchi chorakda O‘zbekistonga 3 millionga yaqin xorijiy sayyoh keldi, turizm eksporti 1 milliard 103 million dollarni tashkil qildi.

Bunday yuqori natijalarga “turistik relokatsiya” ham katta ta’sir ko‘rsatayotgani ta’kidlandi. Chunki millionlab turistlar tinch, xavfsiz va sinalgan yo‘nalishlarni qidirmoqda.

Shuncha tarixiy obidalarimiz bor bo‘lgan, dunyoda o‘xshashi yo‘q turistik maskanlar barpo etilayotgan paytda soha mutasaddilari, hokimlar har bir sayyoh uchun kurashishi zarurligi ko‘rsatib o‘tildi. Hozirdan har bir tumanning turistik jozibadorligini oshirish bo‘yicha kompleks takliflar to‘plamini tayyorlash topshirildi.

Umuman, bugungi sharoitda barcha rahbarlar xatarlarni 2-3 xil ssenariy bo‘yicha oldindan baholab, asosiy rejalariga qo‘shimcha zaxira rejalarini ham tayyorlab qo‘yishi shartligi qayd etildi.

Viloyat, tuman hokimlari ishni mutlaqo yangicha tashkil qilishi: uch kunda yoniga “aql markazi”, oliygoh professorlari, startapchi yoshlarni olib, mehnat unumdorligi, tannarx, energiya samaradorlik, ish o‘rni, aholi daromadi bo‘yicha yangi yechimlar ustida qattiq izlanadi, bir haftada bu yil qanday nostandart o‘zgarish qilishini ommaviy axborot vositalari orqali jamoatchilikka yetkazishi belgilandi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

“Qancha harakat qilib, iqtisodiyotni o‘stirmaylik, agar inflyatsiya ham oshib boraversa, aholi va tadbirkorlar hayotida ijobiy o‘zgarish sezilmaydi. Chunki tovar, ish va xizmatlar narxining oshishi ko‘paygan daromadni qadrsizlantiradi”,
– dedi Prezidentimiz.

Yil boshidan dunyoda neft narxi 40 foizga oshdi. Ro‘y berayotgan ziddiyatlar oqibatida qulay logistika koridorlarini o‘zgartirishga to‘g‘ri kelmoqda. Bu mahalliy mahsulotlarning eksportida ham, asosiy iste’mol tovarlarining importida ham tashish xarajatlarini 25-30 foizga oshirmoqda.

Inflyatsiya importi ichki narx-navoga 1 foizgacha qo‘shimcha bosimni yuzaga keltirmoqda.

Shunday bo‘lsa-da, tashqi bosimni bahona qilib, inflyatsiya bo‘yicha ishlarni o‘z holiga tashlab qo‘ymaslik lozimligi ko‘rsatib o‘tildi.

"Barcha rahbarlar katta harflar bilan yozib olsin: inflyatsiyaga ta’sir qiladigan iste’mol savatidagi mahsulot va xizmatlarning 70 foizi o‘zimizniki”,
– dedi davlatimiz rahbari.

Mutasaddilar va hokimlarga joriy yilda inflyatsiyani 6,5 foiz darajasida saqlab qolish uchun mahalliy mahsulotlar taklifini ko‘paytirib, narxini arzonlashtirishi shartligi ko‘rsatib o‘tildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Ayrim rahbarlar tadbirkorning masalasini hal qilishi o‘rniga o‘zini chetga olayotgani, muammo respublika darajasiga chiqsa, aybini berkitish uchun o‘zini oqlab yurgani tanqid qilindi.

Masalan, Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish o‘rniga qayerdan bu ma’lumot Prezident darajasigacha yetib borganini qidirish bilan ovora.

Yoki G‘uzor, Narpay, Urganch, Yangiyo‘l, Chinoz (Salixov) tumanlari hokimlari tadbirkorlik infratuzilmasi uchun berilgan tayyor pulga haligacha loyiha boshlamagani ko‘rsatib o‘tildi. Vaholanki, biznes infratuzilmasini yaxshilash uchun ushbu tumanlarga bu yil respublikadan qo‘shimcha 262 milliard so‘m berilgan.

Tegishli viloyatlar hokimlariga nomi aytilgan tuman hokimlari “aravasini torta olmayotgan bo‘lsa”, bugunning o‘zida lavozimiga loyiqligini ko‘rib chiqish topshirildi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 28, 2026, 03:20 PM

📷 Photo

Birinchi chorakda O‘zbekistonga 3 millionga yaqin xorijiy sayyoh keldi, turizm eksporti 1 milliard 103 million dollarni tashkil qildi.

Bunday yuqori natijalarga “turistik relokatsiya” ham katta ta’sir ko‘rsatayotgani ta’kidlandi. Chunki millionlab turistlar tinch, xavfsiz va sinalgan yo‘nalishlarni qidirmoqda.

Shuncha tarixiy obidalarimiz bor bo‘lgan, dunyoda o‘xshashi yo‘q turistik maskanlar barpo etilayotgan paytda soha mutasaddilari, hokimlar har bir sayyoh uchun kurashishi zarurligi ko‘rsatib o‘tildi. Hozirdan har bir tumanning turistik jozibadorligini oshirish bo‘yicha kompleks takliflar to‘plamini tayyorlash topshirildi.

Umuman, bugungi sharoitda barcha rahbarlar xatarlarni 2-3 xil ssenariy bo‘yicha oldindan baholab, asosiy rejalariga qo‘shimcha zaxira rejalarini ham tayyorlab qo‘yishi shartligi qayd etildi.

Viloyat, tuman hokimlari ishni mutlaqo yangicha tashkil qilishi: uch kunda yoniga “aql markazi”, oliygoh professorlari, startapchi yoshlarni olib, mehnat unumdorligi, tannarx, energiya samaradorlik, ish o‘rni, aholi daromadi bo‘yicha yangi yechimlar ustida qattiq izlanadi, bir haftada bu yil qanday nostandart o‘zgarish qilishini ommaviy axborot vositalari orqali jamoatchilikka yetkazishi belgilandi.
https://www.facebook.com/PressSecretaryUZ https://www.instagram.com/press_secretary_uz/ https://x.com/Sherzod_Asadov

NHRC | НЦПЧ

Apr 16, 2026, 11:55 PM

📷 Photo

Бухоро: қийноққа қарши курашиш мавзусидаги ўқув курсида 73 нафар тингловчи қатнашмоқда

16 апрель куни Бухоро шаҳрида “Қийноққа солишга қарши курашиш: халқаро амалиёт ва миллий тажриба” мавзусида ўқув курси бошланди.

➡️ https://insonhuquqlari.uz/uz/news/m17540 | https://insonhuquqlari.uz/oz/news/m17540

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

NHRC | НЦПЧ

Apr 16, 2026, 11:55 PM

📷 Photo

Қарорлар қабул қилиш жараёнларида хотин-қизлар иштирокини ошириш

14 апрель куни Боку шаҳрида Осиёда ҳамкорлик ва ишонч чоралари бўйича кенгаш ҳузуридаги Хотин-қизлар кенгашининг биринчи йиғилиши бўлиб ўтди.

➡️ https://insonhuquqlari.uz/uz/news/m17533 | https://insonhuquqlari.uz/oz/news/m17533 | https://insonhuquqlari.uz/ru/news/m17533 | http://insonhuquqlari.uz/en/news/m17533

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

NHRC | НЦПЧ

Apr 16, 2026, 11:55 PM

📷 Photo

Шифокорлар шафқатсиз муомала фактларини ҳужжатлаштиришга ўқитилди

13–14 апрель кунлари Хива шаҳрида “Истанбул баённомасига мувофиқ қийноққа солиш ва шафқатсиз муомаланинг бошқа турларини суд-тиббий ҳужжатлаштириш” мавзусида икки кунлик тренинг бўлиб ўтди.

➡️ https://insonhuquqlari.uz/uz/news/m17525 | https://insonhuquqlari.uz/oz/news/m17525 | https://insonhuquqlari.uz/ru/news/m17525

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

NHRC | НЦПЧ

Apr 16, 2026, 11:55 PM

🎥 Video

😎айни дамда Бухоро вилоятида инсон ҳуқуқларини таъминлашга қаратилган ўқув курси бошланди.
Мазкур тренинг Инсон ҳуқуқлари бўйича Ўзбекистон Республикаси Миллий маркази, ЕХҲТнинг Ўзбекистондаги лойиҳалар мувофиқлаштирувчиси, шунингдек, Ўзбекистон Республикаси Ички ишлар вазирлиги ҳузуридаги Жазони ижро этиш департаменти ҳамда Республика суд-тиббий экспертиза илмий-амалий маркази ҳамкорлигида ташкил этилган.
Тадбир “Истанбул протоколи” асосида қийноқлар ва бошқа шафқатсиз муносабатларни суд-тиббий жиҳатдан ҳужжатлаштириш тартибига бағишланган бўлиб, унда суд-тиббий экспертлар ва жазони ижро этиш тизими тиббиёт ходимлари иштирок этмоқда.

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

NHRC | НЦПЧ

Apr 16, 2026, 11:55 PM

📷 Photo

«Яшил макон»да яшаш учун “Яшил” университет ва “яшил техникумлар”да ўқилади

Сайёрамизда кун сайин кескинлашиб бораётган экологик муаммоларни бартараф этиш учун инсонларнинг экологик билими юқори бўлиши лозим. Шу боис ҳар йили 15 апрелда дунёнинг кўплаб мамлакатларида Халқаро экологик билимлар куни нишонланади.

➡️ https://insonhuquqlari.uz/uz/news/m17524 | https://insonhuquqlari.uz/oz/news/m17524

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

NHRC | НЦПЧ

Apr 16, 2026, 11:55 PM

📷 Photo

Хоразм вилояти: “Қийноққа солишга қарши курашиш: халқаро амалиёт ва миллий тажриба”

13-14 апрель кунлари Хива шаҳрида шу мавзуда ўқув курси бўлиб ўтди. Икки кунлик тадбир Инсон ҳуқуқлари бўйича Ўзбекистон Республикаси Миллий маркази томонидан Бош прокуратура, Олий суд ва Ички ишлар вазирлиги ҳамкорлигида ташкил этилди.

➡️ https://insonhuquqlari.uz/uz/news/m17522 | https://insonhuquqlari.uz/oz/news/m17522

http://insonhuquqlari.uz/ | | https://www.facebook.com/milliymarkaz.milliymarkaz/ | https://x.com/NHRCuz | https://www.youtube.com/NHRCuz

Showing 16 of 16 posts

No more posts

Loading posts...