"O‘zbekiston temir yo‘llari" AJ

"O‘zbekiston temir yo‘llari" AJ

Public

Can't Join? @uzrailways_uz

0

11.5k Members

Updated: May 13, 2026 at 12:37 PM

"O‘zbekiston temir yo‘llari" AJ

Rasmiy ijtim.tarmoqlar va boshqa ma‘lumotlar: https://hipolink.net/utyaj Elektron chiptalarni xarid qilish: chipta.railway.uz Yo‘lovchilarni tashish: https://t.me/uzrailpassuz Yuklarni tashish: https://www.railway.uz/uz/uslugi/gruzovye_perevozki/24050

Follow @uzrailways_uz to stay updated with the latest malumotlar and chiptalarni trends and news

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 8 Days)

Total: 11.5K

24h growth: +155 1%

Loading posts...

Rating

Login required

Loading reviews...

Loading recommended channels...

Latest Posts

"O‘zbekiston temir yo‘llari" AJ

May 26, 2026, 02:29 AM

📷 Photo

🌸 EʼTIROFGA MUNOSIB OILA BEKALARI TAQDIRLANDI 🌸

Bugun “Temiryo‘linfratuzilma” AJda Xotin-qizlar kengashi tashabbusi bilan “15-may — Xalqaro oila kuni”ga bag‘ishlangan oylik doirasida “Ibratli oila bekasi” nominatsiyasi g‘oliblarini taqdirlash marosimi bo‘lib o‘tdi.

Tadbir davomida mehnatsevarligi, kamtarligi, masʼuliyatliligi hamda nafaqat ish faoliyatida, balki oilasi va mahallasi orasida ham hurmat qozongan, boshqalarga o‘rnak bo‘la olgan bir qator xotin-qizlar eʼtirof etildi.

Taqdirlangan ayollarga rahbariyat tomonidan Faxriy yorliq hamda
esdalik sovg‘alari topshirildi.

Bunday eʼtirof va eʼzoz ayollarning jamiyatdagi o‘rni, oiladagi mehr-muhabbat va fidoyilik qadri yuksak ekanining yana bir yorqin ifodasidir.

🌎 https://railwayinfra.uz/ ❤️‍🔥 https://t.me/infratuzilma_aj  ❤️‍🔥 https://www.facebook.com/infratuzilma ❤️‍🔥 https://www.instagram.com/infratuzilma/

1,040

9

0

"O‘zbekiston temir yo‘llari" AJ

May 26, 2026, 02:29 AM

📢 HURMATLI TADBIRKORLAR!

“O‘zbekiston temir yo‘llari” AJ boshqaruv raisining “Tadbirkorlar kuni” arafasida o‘tkaziladigan O‘zbekiston Respublikasi Prezidentining tadbirkorlar bilan VI ochiq muloqotiga puxta tayyorgarlik ko‘rish, shuningdek tadbirkorlarning murojaat, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi hamda Buxoro mintaqaviy temir yo'l uzeli filiali boshlig‘ining 2/7-MTU-sonli farmoyishi ijrosini ta’minlash maqsadida ochiq muloqot tashkil etilmoqda.

🗓 Sana: 2026 yil 26 may
🕙 Vaqt: soat 10:00
📍 Manzil: Tinchlik temir yo'l stansiyasi.

Mazkur uchrashuvga Ziyovuddin, Navoiy, Tinchlik, Binokor, Karmana, Konimex, Zafarobod, Karakatta, Tashkura stansiyalari bilan faoliyat olib boruvchi tadbirkorlar taklif etiladi.

Uchrashuv davomida tadbirkorlarning murojaatlari, taklif va muammolari tinglanib, ularni hal etish yuzasidan tegishli mutasaddilar ishtirokida muhokamalar olib boriladi.

Sizning taklif va tashabbuslaringiz biz uchun muhim!

Rasmiy sahifalarimiz⤵️
https://buxoro-mtu.railwayinfra.uz/uz/ | https://t.me/bmtu_press | http://www.youtube.com/c/BuxoroMTU | https://www.instagram.com/p/Cc2g3jENcH_/?igshid=YmMyMTA2M2Y= | https://www.facebook.com/buxmtupressservice | https://buxoro-mtu.railwayinfra.uz/uz/application/index

View on Instagram

"O‘zbekiston temir yo‘llari" AJ

May 26, 2026, 02:29 AM

📷 Photo

TADBIRKORLARNING MUROJAATI, MUAMMO VA TAKLIFLARINI TIZIMLI OʻRGANISH VA JOYIDA HAL ETISH DOLZARB VAZIFA

🚉 “Oʻzbekiston temir yoʻllari” AJ boshqaruvi raisining 136-UN-sonli buyrugʻi ijrosini ta’minlash maqsadida 25 -may kuni “Toshkent MTU” filiali rahbariyati tomonidan 🎆Chuqursoy stansiyasida tadbirkorlar bilan uchrashuv oʻtkazildi.
Tadbirda, Toshkent shahrining Olmazor, Yunusobod, Shayxontoxur hamda Toshkent Viloyatining Zangiota, Toshkent tumanlarida faoliyat yurituvchi tadbirkorlar va yirik ishlab chiqaruvchi korxonalar vakillarining murojaatlari, takliflari o‘rganildi.
Ularga, temir yoʻl hamda bojxona xizmatlaridan foydalanganda zarur boʻladigan ma’lumotlar berildi. Shuningdek, hamkorlikni yanada kuchaytirish boʻyicha takliflar bildirildi.

👍👍👍👍👍👍

Rasmiy sahifalarimiz 👇
📱 https://t.me/Toshkent_MTU 📱 https://www.facebook.com/rjutashkent 📱 http://www.instagram.com/rju_tashken_offical/

"O‘zbekiston temir yo‘llari" AJ

May 26, 2026, 02:29 AM

📷 Photo

E'LON !
#Tadbirkorlar_bilan_muloqot

“O‘zbekiston temir yo‘llari” AJ boshqaruvi raisining “Тadbirkorlar kuni arafasida o‘tkaziladigan O‘zbekiston Respublikasi Prezidentining tadbirkorlar bilan VI ochiq muloqotiga puxta tayyorgarlik ko‘rish hamda tadbirkorlarning murojaat, muammo va takliflarini tizimli o‘rganish va joyida hal etish uchun qabul qilingan, 136-UN sonli buyrug‘i ijrosini ta'minlash maqsadida,
📍Тoshkent shahrining Olmazor, 📍Yunusobod, 📍Shayxontoxur hamda 📍Тoshkent viloyatining Zangiota, Тoshkent tumanlarida faoliyat yuritayotgan tadbirkorlar va yirik ishlab chiqaruvchi korxonalar rahbarlarini, 2026 yil 25-may kuni soat 15-00 da “Тoshkent MТU” filialiga qarashli 📍“Chuqursoy” stansiyasida Filial rahbariyati ishtirokida o‘tkaziladigan yig‘ilishga taklif qilamiz.

👍👍👍👍👍👍

Rasmiy sahifalarimiz 👇
📱 https://t.me/Toshkent_MTU 📱 https://www.facebook.com/rjutashkent 📱 http://www.instagram.com/rju_tashken_offical/

"O‘zbekiston temir yo‘llari" AJ

May 26, 2026, 02:29 AM

📷 Photo

Mamlakatimiz maktablarini bitiruvchi oʻgʻil-qizlarimizga https://president.uz/oz/lists/view/9247
—
https://president.uz/ru/lists/view/9247 выпускникам школ нашей страны
https://x.com/president_uz https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

"O‘zbekiston temir yo‘llari" AJ

May 26, 2026, 02:29 AM

📷 Photo

🟦🟦🟦 🟦🟦

"O'zbekiston temir yo'llari" AJ boshqaruv raisining "Tadbirkorlar kuni arafasida o'tkaziladigan O'zbekiston Respublikasi Prezidentining tadbirkorlar bilan VI ochiq muloqotiga puxta tayyorgarlik ko'rish "O'zbekiston temir yo'llari" AJ tomonidan tadbirkorlarning murojaat, muammo va takliflarini tizimli o'rganish hamda joyida hal etish maqsadidagi 136-UN sonli farmoyishi hamda "Termiz MTU" filiali boshligʻining 64- sonli farmoyishlariga asosan 2026 yil 24-may kuni soat 15:00 da

"Termiz mintaqaviy temir yo‘l uzeli" filiali stansiyalari bilan ishlovchi tadbirkorlarni "Termiz MTU" filiali Temiryo‘lchilar madaniyat saroyi binosi zalida o'tkaziladigan yig'lishga taklif qilamiz.

"Termiz MTU" filiali matbuot xizmati

Rasmiy sahifalarimiz: 🚉
📱 https://t.me/termiz_MTU|📱 https://www.facebook.com/termiz.mtu/ |📱 http://termez.railway.uz/|

"O‘zbekiston temir yo‘llari" AJ

May 26, 2026, 02:29 AM

📷 Photo

Mozori-Sharif 5-sonli Portning ochilishi

2026 yil 21 may kuni “Oʻzbekiston temir yoʻllari” AJ delegasiyasining Afgʻonistonning Mozori-Sharif shahriga tashrifi amalga oshirildi.
Tashrifning muhim voqealaridan biri sifatida “Hayraton-Mozori-Sharif” temir yoʻl liniyasida qurilish va tiklash ishlari yakunlangan Mozori-Sharif 5-sonli  Portining tantanali ochilish marosimi boʻlib oʻtdi.

Marosimda Oʻzbekiston va Afgʻoniston tomonidan rasmiy vakillar ishtirok etib, ikki davlat oʻrtasidagi temir yoʻl sohasidagi hamkorlikning samarasi, amalga oshirilayotgan loyihalar butun mintaqa transport-kommunikasiya tizimini mustahkamlashga xizmat qilishini ta'kidladi.

Tadbir doirasida foydalanishga topshirilgan 5-sonli Portga birinchi poezd tarkibi qabul qilindi va yuk tushirish ishlariga rasman start berildi. Ushbu voqea portning amaliy faoliyati boshlanganini anglatib, kelgusida yuk tashish hajmini yanada oshirish uchun muhim zamin yaratdi.

Tashrif davomida “Oʻzbekiston temir yoʻllari” AJ rahbari Z. G. Narzullaev Afgʻoniston Bosh vazirining iqtisodiy masalalar boʻyicha muovini Mulla Abdulgʻani Barodar bilan ham muzokaralar oʻtkazdi. Uchrashuvda “Hayraton-Mozori-Sharif” temir yoʻl liniyasi oʻtkazuvchanlik qobiliyatini yanada oshirish muhokama qilindi.

Naibobod stansiyasi hududida qoʻshimcha 1650 metrlik shahobcha yoʻli qurish loyihasi muhokama qilindi. Loyiha yuk vagonlarini qayta ishlash hajmini oshirish, vagonlarning turib qolish vaqtini qisqartirish va temir yoʻl infratuzilmasining samaradorligini yanada yuksaltirishga xizmat qiladi.

Afgʻoniston Bosh vazirining iqtisodiy masalalar boʻyicha muovini Mulla Abdulgʻani Barodar mazkur tashabbuslarni yuqori baholab, Jamoat ishlari vazirligi mutasaddilariga Oʻzbekiston tomoni bilan hamkorlikda texnik va qurilish ishlarini tezkor tashkil etish boʻyicha koʻrsatmalar berdi.

Oʻz navbatida, Afgʻoniston Jamoat ishlari vaziri ham yuk tashish hajmlarini yanada koʻpaytirish muhim vazifa ekanligini ta'kidlab, bu borada qoʻshimcha chora-tadbirlarni amalga oshirilayotgani, Afgʻoniston tomoni barcha kelayotgan yuklarni oʻz vaqtida qabul qilish va tushirish ishlarini ta'minlashga tayyor ekani bildirdi.

Bugungi kunda “Oʻzbekiston temir yoʻllari” AJ hamda “Sogdiana Trans” MChJ tomonidan amalga oshirilayotgan ishlar natijasida “Hayraton-Mozori-Sharif” temir yoʻl liniyasi mintaqa iqtisodiy taraqqiyotining muhim drayverlaridan biriga aylanib bormoqda. Yangi infratuzilma ob'ektlarining ishga tushirilishi esa yuk tashish hajmini yanada koʻpaytirish, transport xizmatlari sifatini oshirish va Oʻzbekiston hamda Afgʻoniston oʻrtasidagi savdo-iqtisodiy aloqalarni yangi bosqichga olib chiqishga xizmat qiladi.

| http://www.railway.uz/uz/|| https://www.facebook.com/uzrailway| https://www.youtube.com/uzrailwaysuz| https://www.instagram.com/uzrailways_uz| https://x.com/uzrailway_uz

"O‘zbekiston temir yo‘llari" AJ

May 26, 2026, 02:29 AM

📷 Photo

Oqrabot-Qarshi temir yo‘l uchastkasida keng qamrovli o‘rganish ishlari olib borildi

Joriy yilning 21-may kuni “O‘zbekiston temir yo‘llari” AJ boshqaruv raisi Z. G'. Narzullayev boshchiligida hamda soha mutaxassislaridan iborat ishchi guruh tomonidan Oqrabot – Qarshi temir yo‘l uchastkasida keng qamrovli o‘rganish va tahlil ishlari olib borildi.

Mazkur uchastka o‘zining tog‘li relyefi, murakkab muhandislik inshootlari va ko‘plab texnik xususiyatlari bilan ajralib turadi. Shu boisdan, bu yo‘nalishda yuqori tezlikda harakatlanadigan zamonaviy elektropoyezdlarni qatnovga chiqarish imkoniyatlarini o‘rganish muhim ahamiyatga ega.

Ishchi guruh tomonidan yo‘l profili, ko‘priklar, elektrlashtirish tizimi, signalizatsiya va aloqa vositalari holati, shuningdek, temir yo‘l infratuzilmasining umumiy texnik tayyorgarlik darajasi batafsil ko‘zdan kechirildi.

Ushbu tahlillar asosida, tog‘li hudud sharoitida yuqori tezlikda poyezd harakatini tashkil etish uchun zarur modernizatsiya, mustahkamlash va qayta jihozlash bo‘yicha takliflar ishlab chiqilishi rejalashtirildi.

“O‘zbekiston temir yo‘llari” AJ tomonidan amalga oshirilayotgan bunday izlanishlar va yangilanishlar mamlakatimizda temir yo‘l transporti infratuzilmasini zamonaviylashtirish, xalqaro standartlarga mos darajaga yetkazish yo‘lidagi muhim qadamlardan biri hisoblanadi.

📌 https://qarshimtu.uz/ 📱 https://t.me/rjukarshi 📱 https://www.instagram.com/rjukarshi5 📱 https://www.facebook.com/rjukarshi 📱 https://www.youtube.com/channel/UC86eTdWgKl_4PNd4dTU225A✉️ https://t.me/rahbarga_murojaat_bot

"O‘zbekiston temir yo‘llari" AJ

May 26, 2026, 02:29 AM

🎥 Video

Zamonaviy tibbiyot — bu aniqlik, xavfsizlik va ishonch demakdir.
Sog‘liq uchun eng muhim qadam — bu o‘z vaqtida va to‘g‘ri tashxis qo‘yishdir. Shu sababli MRT (Magnit-rezonans tomografiya) bugungi kunda eng zamonaviy va samarali tekshiruv usullaridan biri hisoblanadi.

Klinikamizda o‘rnatilgan so‘nggi avlod Philips MRT apparati orqali kasalliklarni erta bosqichda aniqlash va yuqori aniqlikdagi tasvirlarni olish imkoniyati mavjud.

Quyidagi yo‘nalishlarda MRT tekshiruvlari amalga oshiriladi:
✔ Bosh miya
✔ Umurtqa pog‘onasi va bo‘g‘imlar
✔ Ichki organlar
✔ Yumshoq to‘qimalar va qon tomirlari

✅ Radiatsiyasiz
✅ Og‘riqsiz va xavfsiz
✅ Tezkor natijalar
✅ Har bir bemorga individual yondashuv

⭐ MRT apparatimiz 250 KG gacha bo‘lgan bemorlarni ham qabul qila oladi va maksimal qulaylikda tekshiruv o‘tkazish imkonini beradi.

Tekshiruvlar tajribali mutaxassislar nazorati ostida, xalqaro standartlarga mos ravishda olib boriladi.

🕒 Ish vaqti: 24/7

https://t.me/railwayhospital


Murojaat uchun : +998 (71) 299-63-02

"O‘zbekiston temir yo‘llari" AJ

May 26, 2026, 02:29 AM

📷 Photo

Bahorgi koʻrik: Harakat xavfsizligi va mehnat muhofazasi doimiy nazoratda

Bugun 21-may kuni Qo'qon mintaqaviy temir yo'l uzelida navbatdagi bahorgi koʻrik davom etmoqda. Koʻrik  Quva, Asaka, Axtachi, Andijon-1, Yangi Andijon, Jalaquduq, Savay, Xonobod, Andijon-2, Qoradaryo, Paytugʻ, Haqqulobod, Mehnatobod, Uychi, Chortoq stansiyalarini qamrab oldi.
Jarayonga "Oʻzbekiston temir yoʻllari" AJ departament boshligʻi A. Sharifboyev hamda Qoʻqon MTU filiali boshligʻi B. Milladjanov rahbarlik qildilar.
Ishchi guruh quyidagilarni koʻzdan kechirdi:
- Texnik oʻquv xonalari va darsliklar holati;
- Xodimlarning maishiy sharoitlari va mehnat muhofazasi;
- Temir yoʻl izlari va sunʼiy inshootlarning texnik holati;
- Omborxonalardagi asbob-uskunalarning saqlanishi.
Yakunda aniqlangan kamchiliklarni qisqa muddatda bartaraf etish hamda xavfsizlikni taʼminlash boʻyicha masʼullarga topshiriqlar berildi.

📱 https://t.me/qmtu_express   📱  https://instagram.com/kokand_mtu?igshid=YmMyMTA2M2Y=

"O‘zbekiston temir yo‘llari" AJ

May 11, 2026, 12:04 AM

📷 Photo

XOTIRA VA EHTIROM - QALBLARIMIZDA

9-may - Xotira va qadrlash kuni munosabati bilan "Toshkent mexanika zavodi" AJda “Mangu olov” yodgorligi poyida ma’naviy-ma’rifiy tadbir yuqori saviyada tashkil etildi.

Tadbir davomida zavod ishchi-xodimlari ishtirokida tayyorlangan sahna ko‘rinishlari orqali Ikkinchi jahon urushi yillaridagi mashaqqatlar, xalqimizning matonati, fidoyiligi hamda g‘alaba sari bosib o‘tilgan sharafli yo‘l ta’sirchan tarzda namoyish etildi.

Jonli ijrolar, kuy-qo‘shiqlar hamda ijodkor xodimlar tomonidan namoyish etilgan badiiy chiqishlar tadbirga o‘zgacha ruh va ko‘tarinki kayfiyat bag‘ishladi.

Tadbir doirasida korxona faxriy ishchilari hamda bayram arafasida tashkil etilgan sport musobaqalari g‘oliblari munosib taqdirlandilar.

Mazkur tadbir yurtimiz tinchligi va osoyishtaligi yo‘lida jon fido qilgan ajdodlarimiz xotirasini ulug‘lash, jamoada birlik va hamjihatlik muhitini mustahkamlash hamda yosh avlod qalbida vatanparvarlik tuyg‘ularini yuksaltirishga xizmat qildi.

http://www.railway.uz/uz/ https://www.facebook.com/uzrailway https://www.youtube.com/uzrailwaysuz https://www.instagram.com/uzrailways_uz https://x.com/uzrailway_uz

"O‘zbekiston temir yo‘llari" AJ

May 11, 2026, 12:04 AM

📷 Photo

9 MAY – XOTIRA VA QADRLASH KUNI

Bugungi tinch kunlarimiz uchun jon fido qilgan ajdodlarimizni yod etish, soha rivojiga poydevor qoʻygan faxriylarni qadrlash — biz uchun ham qarz, ham farz.
Ushbu qutlugʻ sana munosabati bilan , "Toshkent MTU" filiali boshligʻi O. Xudoyqulov boshchiligida, 20 nafar temir yoʻl sohasida uzoq yillar fidokorona mehnat qilgan soha faxriylari, boquvchisini yoʻqotgan va ijtimoiy himoyaga muhtoj oilalar holidan xabar olindi.
Uchrashuvlarda ularning mehnat faoliyatlari, birga faoliyat koʻrsatib oʻtib ketgan hamkasblari xotirlandi.
Ularga oziq-ovqat toʻplamlari tarqatilib, bayram quvonchi ulashildi.
Albatta, faxriylarimizning ibratli hayoti va xizmatlari – yoshlarimiz uchun faxr va gʻururdir!

Rasmiy sahifalarimiz 👇
📱 https://t.me/Toshkent_MTU 📱 https://www.facebook.com/rjutashkent 📱 http://www.instagram.com/rju_tashken_offical/

"O‘zbekiston temir yo‘llari" AJ

May 11, 2026, 12:04 AM

🎥 Video

#anons

“Tahlilnoma”ning bu galgi sonida:

- Dunyoning eng katta banklari va bankirlari Samarqandda!
- Osiyo taraqqiyot banki bilan strategik sheriklikning yangi bosqichi;
- Jahon savdo tashkilotiga a’zolik – biz uchun qanday ahamiyatga ega?
- Biznesni o‘ylantirayotgan masalalar – Prezident e’tiborida!
- G‘alaba bog‘ida Prezident ishtirokida xotira marosimi;
- Yuz yoshda ushalgan orzu;
- Xivaga 7,5 soatda! “Jaloliddin Manguberdi” tezyurar poyezdining ilk reysidan eksklyuziv!

📺 Barchasi bugun 21:00 da O’zbekiston 24 telekanalida, o’tkazib yubormang!

Kanalga hoziroq a'zo bo'ling!
👉 https://t.me/Live_Uzbekistan24

1,680

"O‘zbekiston temir yo‘llari" AJ

May 11, 2026, 12:04 AM

📷 Photo

💥 ИНСОНИЙЛИКНИНГ ИККИ ҚУТЛУҒ САНАСИ: МЕҲР ВА ОҚИБАТ БАЙРАМИ

Май ойининг илк кунлари юртимизда ва бутун дунёда инсон қадрини улуғловчи икки муҳим сана билан бошланади. Бу кунлар замирида бир олий мақсад — муҳтожларга ёрдам қўлини чўзиш ва ўтганлар хотиpathсини эъзозлаш мужассам.

🗓8 МАЙ – ХАЛҚАРО ҚИЗИЛ ХОЧ ВА ҚИЗИЛ ЯРИМ ОЙ КУНИ
Бу сана халқаро миқёсда инсонпарварлик ҳаракати сифатида эътироф этилган бўлса-да, меҳр-шафқат ва саховат кўрсатиш бизнинг Шарқона маданиятимизда азалдан мавжуд. Халқимиз учун «саховатни одат, оқибатни ибодат» деб билиш доимий қадриятдир.

🗓9 МАЙ – ХОТИРА ВА ҚАДРЛАШ КУНИ
Бугунги тинч кунларимиз учун жон фидо қилган аждодларимизни ёд этиш, соҳамиз ривожига пойдевор қўйган фахрийларимизни қадрлаш — биз учун ҳам қарз, ҳам фарз.

🚉🛤ТЕМИРЙЎЛЧИЛАР ХОНАДОНИГА МЕҲР УЛАШИБ
Анъанага мувофиқ, ушбу қутлуғ саналар муносабати билан “Ўзбекистон темир йўллари” АЖ раҳбарияти ҳамда Ўзбекистон Қизил Ярим Ой жамиятининг темир йўл минтақавий ташкилоти ҳамкорликда хайрли ташаббусни амалга оширди:

✔️Соҳа фахрийлари, боқувчисини йўқотган оилалар ва ижтимоий ҳимояга муҳтож ҳамкасбларимиз ҳолидан хабар олинди.
✔️ Уларга озиқ-овқат тўпламлари тарқатилиб, байрам қувончи улашилди.

📱 https://t.me/tyqizilyarimoy

"O‘zbekiston temir yo‘llari" AJ

May 11, 2026, 12:04 AM

📷 Photo

Joriy yilning 7-may kuni “Termiz mintaqaviy temir yo‘l uzeli” filiali boshlig‘i G‘. O. Mamadaliyev va Surxondaryo viloyati bojxona boshqarmasi boshlig‘i bilan hamkorlikda G‘alaba stansiyasida qo‘shni davlatlarga o‘tuvchi hamda qo‘shni davlatlardan keluvchi vagonlar harakati hamda texnologik jarayonlarni tezlashtirish maqsadida stansiyaning 2AP yo‘lida dinamik tarozi qurilmasini o‘rnatish hamda bojxona skanerini ish faoliyatini tashkil etish yuzasidan joyiga chiqqan holda o‘rganish ishlari olib borildi.

Stansiyada ushbu taklif etilayotgan qurilmalar o‘rnatilib foydalanishga topshirilsa ish jarayonlari sezilarli darajada tezlashadi bu bilan yoqilg‘i mahsulotlari tejaladi, eng asosiysi vagonlar aylanmasi oshadi.

Bundan tashqari G‘alaba ko‘rik parkida qurilayotgan bojxona ko‘rigi punktini qurilish jarayonlarini ko‘zdan kechirib tegishli ko‘rsatmalar berildi.

"Termiz MTU" filiali matbuot xizmati

Rasmiy sahifalarimiz: 🚉
📱 https://t.me/termiz_MTU|📱 https://www.facebook.com/termiz.mtu/ |📱 http://termez.railway.uz/|

"O‘zbekiston temir yo‘llari" AJ

May 11, 2026, 12:04 AM

📷 Photo

Qoʻqon — Qaqir yoʻnalishi, 194-km, 8-piket

Qoʻqon mintaqaviy temir yoʻl uzeli hududida modernizatsiya va xavfsizlikni ta’minlash ishlari davom etmoqda. Temir yoʻl izlari ostidan piyodalar oʻtish uchun moʻljallangan konstruksiyalarni (PJBT) oʻrnatish jarayoni boshlandi.

Ish unumdorligi va eng muhimi, xodimlarning salomatligini saqlash maqsadida, bevosita ish ob’ektida Qoʻqon MTU filiali bosh muhandisi B. D. Tirkashev tomonidan maxsus yoʻriqnoma oʻtildi. Unda mehnat muhofazasi va texnika xavfsizligi qoidalariga qat’iy rioya qilish boʻyicha zaruriy koʻrsatmalar berildi.

2,800

"O‘zbekiston temir yo‘llari" AJ

Apr 14, 2026, 12:08 AM

📷 Photo

Strategik loyiha qurilishida ishchi guruh shakllantirildi

“Xitoy – Qirg‘iziston – O‘zbekiston” temir yo‘li qurilishi loyihasini amalga oshirishni jadallashtirish bo‘yicha muhim chora-tadbirlar belgilandi.

“O‘zbekiston temir yo‘llari” aksiyadorlik jamiyati raisi o‘rinbosari E. A. Rizayev topshirig‘iga asosan qurilish ishlarini tizimli va samarali tashkil etish maqsadida malakali mutaxassislardan iborat ishchi guruh tuzildi.

Mazkur guruh loyihaning barcha bosqichlarini muvofiqlashtiradi, bosh pudratchi tomonidan yuklangan vazifalarni o‘z vaqtida sifatli bajarilishini ta’minlaydi, xarajatlarni optimallashtiradi hamda mavjud resurslardan samarali foydalanilishini nazorat qiladi.

Qurilish jarayonida zamonaviy texnologiyalar joriy etilib, loyihaning xalqaro standartlarga muvofiqligi ta’minlanadi.

http://www.railway.uz/uz/ https://www.facebook.com/uzrailway https://www.youtube.com/uzrailwaysuz https://www.instagram.com/uzrailways_uz https://x.com/uzrailway_uz

"O‘zbekiston temir yo‘llari" AJ

Apr 14, 2026, 12:08 AM

📷 Photo

📌JANUBIY KOREYADA MALAKA OSHIRISH VA TAJRIBA ALMASHINUVI

🚉“O‘zbekiston temir yo‘llari” AJ boshqaruv raisining tegishli ko‘rsatmasi asosida, 2026-yil 30-martdan 11-aprel kunlari “Temir yo‘l ijtimoiy xizmatlar” MChJ tizimidagi Urganch temir yo‘l shifoxonasi bosh shifokori I. R. Iskandarov hamda nevrolog shifokori Z. Xo‘jayevalar Janubiy Koreya Respublikasining “Cheongju Medical Center” tibbiyot muassasasiga malaka oshirish va tajriba almashish maqsadida xizmat safariga yuborildi.

👨‍⚕️Safar davomida klinikada bemorlarni qabul qilish va davolash jarayonlari, ilg‘or tashxis qo‘yish usullari hamda zamonaviy tibbiy uskunalardan foydalanish amaliyoti bilan batafsil tanishildi. Shuningdek, laboratoriya ishlari, ichki nazorat tizimi va telemeditsina imkoniyatlari o‘rganildi.

🏥“Cheongju Medical Center” rahbariyati va mutaxassislari bilan o‘tkazilgan uchrashuvlarda kasalliklarni diagnostikalash, davolash standartlari va tashkilot boshqaruvi tizimi muhokama qilindi. Markazda qo‘llanilayotgan modulli boshqaruv tizimi, profilaktika dasturlari hamda aholiga ko‘rsatilayotgan ijtimoiy tibbiy xizmatlar tahlil qilinib, amaliyotchi mutaxassislar bilan ochiq muloqotlar orqali tajriba almashildi.

✅Xizmat safari davomida Koreya tibbiyot muassasalarining ilg‘or tajribasi chuqur o‘rganilib, zamonaviy texnologiyalar, yuqori aniqlikdagi uskunalar, jarrohlik amaliyotlari hamda reabilitatsiya dasturlari bilan yaqindan tanishildi. Mazkur tajribalar “Temir yo‘l ijtimoiy xizmatlar” MChJ faoliyatiga joriy etish uchun amaliy tavsiyalar sifatida shakllantirildi.

📱 https://nsu-railway.uz/ | 📱 https://t.me/nsurailway | 📱 https://www.facebook.com/share/1CNFCsk6qx/?mibextid=wwXIfr | 📱 https://www.youtube.com/@nsurailway | 📱 https://www.instagram.com/nsurailway

"O‘zbekiston temir yo‘llari" AJ

Apr 14, 2026, 12:08 AM

📷 Photo

Jarquduq stansiyasida kapital ta'mirlash ishlari amalga oshirildi

“Temiryo'linfratuzilma” AJ bosh muhandisi S. S. Asrorovning 170-JDS-sonli farmoyish ijrosini ta’minlash maqsadida, joriy yilning 10-aprel kuni Jarquduq stansiyasi 1-sonli yo'lida kapital ta'mirlash ishlari amalga oshirildi.

Mazkur ishlar belgilangan tartibda, amaldagi me’yoriy-huquqiy hujjatlar hamda texnik talablar asosida bajarildi. Texnologik “OKNO” jarayonlarining sifatli va xavfsiz olib borilishini ta’minlash, shuningdek, ishlarni belgilangan tartibda bajarilishini nazorat qilish maqsadida "Qarshi mintaqaviy temir yo‘l uzeli" filiali boshlig‘i M. X. Mirzayev tomonidan ish joyiga chiqib, nazorat safari amalga oshirildi.

Nazorat jarayonida bajarilayotgan ishlarning texnologik ketma-ketligi, texnika xavfsizligi qoidalariga rioya etilishi, ishchi kuchi va maxsus texnikalardan samarali foydalanish holati o‘rganildi hamda mas’ul xodimlarga aniqlangan kamchiliklarni bartaraf etish yuzasidan tegishli ko‘rsatmalar berildi.

Shuningdek, "O'zbekiston temir yo'llari" AJ rahbariyati tomonidan tasdiqlangan 1-H sonli harakat xavfsizligini ta'minlashga qaratilgan chora-tadbirlar to'g'risidagi buyruq ijrosini ta'minlash maqsadida Toshg'uzor-Qayirma stansiyalar oralig'i 1-km qo'riqlanadigan temir yo'l kesishmasi hamda Jarquduq stansiyasi ko'zdan kechirildi.

📌 https://qarshimtu.uz/ 📱 https://t.me/rjukarshi 📱 https://www.instagram.com/rjukarshi5 📱 https://www.facebook.com/rjukarshi 📱 https://www.youtube.com/channel/UC86eTdWgKl_4PNd4dTU225A✉️ https://t.me/rahbarga_murojaat_bot

"O‘zbekiston temir yo‘llari" AJ

Apr 2, 2026, 05:36 PM

🎥 Video

“Temiryo‘linfratuzilma” AJ Yetakchilar Kengashi raisi D. M. Xayrullayev tomonidan “Temiryo‘linfratuzilma” AJ tizimida 2026-yilda yoshlarga oid davlat siyosatini amalga oshirish yuzasidan chora-tadbirlar dasturining 2-bandiga asosan “Temiryo‘linfratuzilma” AJ tasarrufidagi MTU filiallar, boshqarma, korxona, tashkilot va muassasalarda yoshlarga oid davlat siyosatini amalga oshirilishi bo‘yicha monitoring ishlari amalga oshirildi.

http://www.railway.uz/uz/ https://www.facebook.com/uzrailway https://www.youtube.com/uzrailwaysuz https://www.instagram.com/uzrailways_uz https://x.com/uzrailway_uz

"O‘zbekiston temir yo‘llari" AJ

Apr 2, 2026, 05:36 PM

📷 Photo

GULISTON XOVOS, XOVOS-BEKOBOD YO‘NALISHIDAGI TEMIRYO‘L UCHASTKALARIDA BAHORGI KO‘RIK O‘TKAZILDI

Ayni kunlarda “Toshkent MTU” filialida bahorgi ko‘rik davom etmoqda. Filial rahbariyati boshchiligidagi ishchi guruh 31 – mart kuni 📌Guliston-Xovos, 📌Xovos-Bekobod yo‘nalishidagi barcha temir yo‘l uchastkalarida bo‘ldilar.
Ko‘rik davomida, yo‘l, aloqa, elektr ta’minoti xo‘jaliklari, stansiyalar faoliyati ko‘zdan kechirildi. Temir yo‘l kesishmalari, stansiyalar , lokomotiv brigadalarining dam olish joylari, aloqa va elektr ta’minoti, vagon xo‘jaliklarining bino va inshootlari o‘rganilib, poyezdlar harakat xavfsizligini hamda mehnat muhofazasi qoidalariga rioya qilinishini ta’minlash bo‘yicha amalga oshirilayotgan ishlar o‘rganildi.
Shuningdek, joylarda xo‘jaliklar ishchi xodimlari bilan yuzma yuz muloqotda bo‘lib, ularning bilim va tajribalarini yanada oshirish maqsadida savol javoblar qilindi.

👍👍👍👍👍👍

Rasmiy sahifalarimiz 👇
📱 https://t.me/Toshkent_MTU 📱 https://www.facebook.com/rjutashkent 📱 http://www.instagram.com/rju_tashken_offical/

"O‘zbekiston temir yo‘llari" AJ

Apr 2, 2026, 05:36 PM

📷 Photo

Marg‘ilon aylanma deposida navbatdagi “Harakat xavfsizligi kuni” tadbirlari o‘tkazildi

Marg‘ilon aylanma depo hududida texnik holatni ko‘zdan kechirish maqsadida navbatdagi “Harakat xavfsizligi kuni” tadbirlari tashkil etildi.
O‘tkazilgan ko‘rik davomida ishchi-xodimlar tomonidan quyidagi yo‘nalishlar sinchiklab tekshirildi:
-  Depodagi mavjud texnikalarning sozligi, ta’mirlash jarayonlarining sifati va texnologik intizomga rioya etilishi;
-  Ishchi maydonlaridagi sharoitlar, asbob-uskunalarning holati hamda yong‘in xavfsizligi qoidalarining ijrosi;
-  Depo hududidagi relslar va shpallarning holati, manyovr ishlari olib boriladigan hududlarning xavfsizligi.

Har bir xodimda mas’uliyat hissini yanada kuchaytirish, texnik nosozliklarning oldini olish hamda temir yo‘l tizimida uzluksiz va xavfsiz harakatni ta’minlashdan iborat.
Tekshiruv yakunida aniqlangan kamchiliklarni bartaraf etish bo‘yicha mas’ullarga tegishli ko‘rsatmalar berildi va ijrosi qat’iy nazoratga olindi.

2,430

"O‘zbekiston temir yo‘llari" AJ

Apr 2, 2026, 05:36 PM

TALABA YOSHLAR BILAN SAMIMIY UCHRASHUV BO'LIB O'TDI!

Joriy yilning 31 mart sanasida Buxoro mintaqaviy temir yo‘l uzeli filiali rahbari A. Sh. Bozorov ishtirokida Toshkent davlat transport universitetida tahsil olayotgan talaba yoshlar bilan “Rahbar va yoshlar uchrashuvi” bo‘lib o‘tdi.

Uchrashuv samimiy ruhda, ochiq muloqot shaklida tashkil etilib, unda yoshlarning temir yo‘l sohasiga bo‘lgan qiziqishi, kelajakdagi kasbiy faoliyati hamda sohada yaratilayotgan imkoniyatlar keng muhokama qilindi.

Tadbir davomida Buxoro mintaqaviy temir yo‘l uzeli filialining respublika temir yo‘l infratuzilmasidagi o‘rni, tarkibidagi korxona va tashkilotlarda xodimlar uchun yaratilgan sharoitlar hamda yosh mutaxassislarni qo‘llab-quvvatlash tizimi haqida batafsil ma’lumot berildi.

Alisher Bozorov o‘z nutqida temir yo‘l tizimida amalga oshirilayotgan keng ko‘lamli islohotlar, zamonaviy texnologik yangilanishlar va kelgusidagi istiqbolli loyihalar haqida so‘z yuritdi. Shuningdek, korxona yoshlari tomonidan erishilayotgan yutuqlar, mavjud bo‘sh ish o‘rinlari hamda ishga qabul qilishda e’tibor qaratiladigan asosiy mezonlar haqida atroflicha tushuntirishlar berildi.

Uchrashuv yakunida mehmonlar universitetning Ilg‘or muhandislik maktabi hamda zamonaviy o‘quv poligonlari faoliyati bilan yaqindan tanishib, yaratilgan shart-sharoitlarga yuqori baho berdilar.

Mazkur uchrashuv yoshlarning kasbiy yo‘nalishini belgilash, ularni temir yo‘l tizimiga jalb etish hamda tajribali rahbarlar bilan ochiq muloqotni yo‘lga qo‘yishda muhim ahamiyat kasb etdi.

Yoshlar — temir yo‘l sohasining kelajagi!

Rasmiy sahifalarimiz⤵️
https://buxoro-mtu.railwayinfra.uz/uz/ | https://t.me/bmtu_press | http://www.youtube.com/c/BuxoroMTU | https://www.instagram.com/p/Cc2g3jENcH_/?igshid=YmMyMTA2M2Y= | https://www.facebook.com/buxmtupressservice | https://buxoro-mtu.railwayinfra.uz/uz/application/index

Showing 23 of 23 posts

No more posts