مؤشر ناسداك - اطار اليومي
- اذا منلاحظ ناسداك عم يتداول ضمن نطاق عرضي صغير, موجود ضمن نطاق عرضي اكبر, اذا منقيس الامور من منظور الأطر الزمنية الاعلى, 1000 و2000 نقطة لا يعدوا شيئا
- طالما السعر ضمن نطاق عرضي, ما فيك تاخد انحياز, او تفرض ترند معين, لان المنطقة التجميعية بيجي من بعدها انطلاقة سعرية, الانطلاقة السعرية ممكن تكون بالاتجاهين, يا اما مسببة لاستكمال سعري ايجابي بما انه الترند ايجابي, يا اما بداية انعكاس السعر صوب تصحيح سعري بحال فجر لادنى
- وبالتالي معظم عملياتك التداولية ضمن نطاقات عرضية بدها يومية, او المعروف بل intraday يعني لا تبني على اساسها استثمارك, ولا تتركها ايام وليالي, ولا تعزز الصفقة الخسرانة, ولا تزيد على صفقتك الربحانة
- الجدير بالذكر انو ناسداك حاليا, بحركته السعرية متأخر عن اخواته داو وسباكس, وبالتالي لازم يعوض الفرق بينه وبينهم, الموضوع بعيد 400 نقطة ولا اعتقد انو صعبة يجيبهم مع وجود اخبار التضخم هالاسبوع
- بعض الاشخاص براودها سؤال, انو طالما سباكس وداو عاملين قمة اعلى, بينما الناسداك حتى الان لا, هل يمكن اخد هاد الموضوع على انه كسر بالترابط ونبدأ عمليات بيعية؟
لا عزيزي, والسبب انو اسعار ال3 بمناطق تاريخية, وبالتالي لتثبيت كسر الترابط ما بين ال3, لازم سباكس وداو يعاودوا اغلاقاتهم ادنى القمم يلي كسروها, وناسداك يكسر اخر قاع اعلى عند ياه عالاسبوعي او شهري.
