ሀሁ መጻሕፍት ( Hahu books )

Public

View Channel

Can't Join? @hahubooks1

3.1k Members

Updated: May 19, 2026 at 7:04 PM

ሀሁ መጻሕፍት ( Hahu books )

📍#አድራሻ፦ ቁ1,አራት ኪሎ አብርሆት ጎን ቁ2,ሜክሲኮ ደብረወርቅ ታዎር ግራውንድ ☎️#ስልክ፦ 0911006705/0924408461 #አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

@hahubooks1 is a dedicated channel for 09110067050924408461 with regular updates in Novels

Ranking

Global Ranking

#456

Language Ranking

#45

Category Ranking

#23

-1

Participant Growth (Last 5 Days)

Total: 3.1K

24h growth: +3 0%

Latest Posts

ሀሁ መጻሕፍት ( Hahu books )

Apr 29, 2026, 12:12 PM

ሥርዐተ ቅዳሴ 🙏
+ እንጠቀምበት +

+➝➲+.ይኼ መጽሐፈ ሥርዐተ ቅዳሴውንና ዐሥራ ዐራቱን ቅዳሴያት በሚቀደሱበት ጊዜ የሚፈጸሙ ሥርዐት እንዴትና ለምን እንደሚፈጸም በየትኛው በዓል የትኛው ቅዳሴ መቀደስ እንዳለበት በሚገባ ያብራራል ። የዐሥራ ዐራቱ ቅዳሴያት ደራሲዎችንም ታሪክ በመጠኑም ቢኾን ተካትቶበታል ። እንዲኹም ለሚነሡ ጥያቄዎች መልስ የሚሰጥ ነውና መምህር ሐዲስ ዓለሙ ይኽን መጽሐፍ እንኩ ብለው ሰጥተውናል ።

ኑ እናንብብ ነጻ እንውጣ ! ከመግቢያው የተላከ !

የጀርባ ዋጋ 450 መሸመቻ 350 ብር ።
እንዳያመልጥዎ !

#ወደ_ምሥራቅ_እንመልከት
@✍️.ነጽር !!!

📌 በታላቅ ቅናሽ በሀሁ መጻህፍት መደብር ይገኛል።

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

834

ሀሁ መጻሕፍት ( Hahu books )

Apr 29, 2026, 12:12 PM

በዲ/ን ሄኖክ ኃይሌ
ምናሴ (ማስረሻ) “እግዚአብሔር መከራዬን ኹሉ አስረሳኝ" ሲል ዮሴፍ ለወንድ ልጁ ያወጣው ስም ነበረ። “ጸሎተ ምናሴ" በተሰኘው የንሰሐ ጸሎቱ በቤተ ክርስተያን የሚታወቀው የይሁዳ ንጉሥ ምናሴ ታሪክ ደግሞ በግል ሕይወታችን ላይ፣ በቤተ ክርስቲያናችን ላይ፣ እንዲሁም በሀገራችን ላይ የፈጸምናቸውን በደሎች ወለል አድርጎ የሚያሳይና በጸጸት ባሕር አስጥሞ ለኀዘናችን ማስረሻ የሚኾን ታሪክ የነበረው ሰው ነው፡፡

መምህር ቃኘው ወልዴ ይኸንን የመጽሐፍ ቅዱስ ባለ ታሪክ የአበውን የሥነ ጽሑፍ ዘዴ ተጠቅመው የራሱን ታሪክ በአንደበቱ በማናገር በልብ ወለዳዊ ግለ ታሪክ (Fictional Autobiography) መልክ ውብ መጽሐፍ አበርክተዋል፡፡ መጽሐፈ ሃይማኖት ቀመስ ልብ ወለዳዊ የትረካ አጻጻፍን ለሚቶሎጂያዊ ቅዠቶችና ያልተረጋገጡ አወዛጋቢ ታሪኮችን ለመፍጠር ከመዋል ይልቅ እንዲህ ለአገራዊ፣ ለግላዊና ለመንፈሳዊ ቍስሎች መድኃኒት መኾን የሚችል የአጻጻፍ ስልት እንደ ኾነ የሚያሳይ ድንቅ ሥራ ነው፡፡ መጽሐፉ የአንድን ንጉሥ ድቀትና የእግዚአብሔርን ምሕረት ብዛት ፍንትው አድርጎ የሚያሳይና ለንስሐ የሚጠራ በምናሴ አገላለጽ “ቸርነቱን እየለመንን በልባችን ጉልበት እንድንሰግድ" የሚጣራ መጽሐፍ ነው፡፡

ዲ/ን ሄኖክ ኃይሌ

📌 በታላቅ ቅናሽ በሀሁ መጻህፍት መደብር ያገኙታል !!!!

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

923

ሀሁ መጻሕፍት ( Hahu books )

Apr 29, 2026, 12:12 PM

📷 Photo

959

ሀሁ መጻሕፍት ( Hahu books )

Apr 29, 2026, 12:12 PM

ሀገረ ትግራይ

…

ረቂቁን የማንበብ ልዩ መብት ነበረኝ።

መጽሐፉ የነፍስን ጥሪና የሀገርን የጥበብ መንገድ የሚመረምር ድንቅ የብርሃን ጉዞ ነው። ጸሐፊው (ሙሉጌታ አረጋዊ) በሕግና በታሪክ ሚዛን እየመነጠረ ያቀረበልን እውነት በጨለማ ውስጥ የሚበራ ፋኖስ ሆኖ አግኝቼዋለሁ።

ታሪክ ለሀገር የትላንት ትዝታ ብቻ አይደለም። የታሪክ መጽሐፍ የነገው ማንነታችን መቅረጫ ታላቅ እውነት ነው። ጸሐፊው ከአክሱምና ከዳዕማት ስልጣኔ ተነስቶ እስከ ዛሬው የታሪክ ምስቅልቅል ድረስ ሲያጓዝን ልብን የሚነካ ጥልቅ ትንታኔን ያጋራል።

እውቀት የሌለው ሕዝብ የባርነትን ቀንበር ለመስበር አቅም የለውም። መንግሥትንና ፈጣሪን ለይቶ ማየት ያልቻለ ትውልድ ደግሞ የዲሞክራሲን ጮራ ሊያይ አይችልም። ይህ መጽሐፍ የስልጣን አውሬነት በሕዝብ ቁጥጥር ስር ካልዋለ የሚከተለውን ጥፋት በግልጽ ያሳያል።

የመገንጠልና አብሮ የመቀጠል ጥያቄዎች በሕግ ሚዛን ሲፈተሹ አዲስ ትርጉም ይይዛሉ። በዘውግ ፖለቲካና በብሔር ማንነት መካከል ያለውን የሻከረ ግንኙነት በመጽሐፉ ገጾች ውስጥ በሰከነ አእምሮ እንድንመረምር ተጋብዘናል።

ለኢትዮጵያ የሚበጀው የመቻቻል መንገድና የልዩነቶች ውበት ነው። ጸሐፊው በሕግ ባለሙያ ዓይን ያቀረበው የመፍትሔ ሃሳብ ለነገዋ ሀገር ተስፋ የሚዘራ ነው። ይህ ስራ በቃላት የታነጸ የታሪክ መድረክ ነው።

መጽሐፉን አንብቦ መጨረስ ብቻ ሳይሆን በውስጡ መኖር ይገባል። እውነትን ለሚፈልግና ለሀገሩ ለሚቆረቆር ሰው ይህ የንባብ ግብዣ የአእምሮ ስንቅ ነው። በታሪክ መስታወት ውስጥ ራሳችንን ለማየት የቀረበ ጥሪ ነው።
ገበያ ላይ ውሏል።
መልካም ንባብ።
© Ja Liberty

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

991

ሀሁ መጻሕፍት ( Hahu books )

Apr 29, 2026, 12:12 PM

📷 Photo

994

ሀሁ መጻሕፍት ( Hahu books )

Apr 29, 2026, 12:12 PM

🎥 Video

925

ሀሁ መጻሕፍት ( Hahu books )

Apr 29, 2026, 12:12 PM

የደራሲ አለማየሁ ገላጋይ አዲስ መፅሐፍ እየመጣ ነው። በቅርብ ቀን🙏

📌 በታላቅ ቅናሽ በሀሁ መጻህፍት መደብር በቅርብ ቀን ይጠብቁን!!!!

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

908

ሀሁ መጻሕፍት ( Hahu books )

Apr 29, 2026, 12:12 PM

📷 Photo

906

ሀሁ መጻሕፍት ( Hahu books )

Apr 29, 2026, 12:12 PM

#ብርሃነ_ትርጓሜ
​መለኮታዊ ቃልና የትርጓሜ አስፈላጊነት
​መንፈሳዊ መጻሕፍት መገኛቸው፣ መጀመሪያቸውና ባለቤታቸው እግዚአብሔር ሲሆን፤ እነዚህን መጻሕፍት ዝም ብሎ በማንበብ ብቻ ሳይሆን በራእይ፣ በትንቢትና በምሥጢር የተሰጠውን መለኮታዊ ሀሳብ በመከተል ማመንና መረዳት ለሰው ልጅ እጅግ አስፈላጊ ነው። የሕይወትን መንገድና የሃይማኖትን ጽናት ለመረዳት እግዚአብሔር በነቢያት የተናገረውንና በሐዋርያት የተሰበከውን ትምህርት በቃልና በጽሑፍ መመርመር የሁልጊዜ ተግባራችን ሊሆን ይገባል።
​ኢትዮጵያ ገና በሐዋርያት ዘመን መጻሕፍትን የመመርመርና የማንበብ ጥንታዊ ባሕል እንደነበራት ትልቁ የታሪክ ምስክር በሐዋርያት ሥራ ምዕራፍ ፰ ላይ የተጠቀሰው የጃንደረባው ታሪክ ነው። ጃንደረባው መጽሐፈ ኢሳይያስን ሲያነብ ሳለ ቅዱስ ፊልጶስ “ታውቀዋለህን?” ብሎ በጠየቀው ጊዜ “የሚመራኝ ሳይኖር እንዴት አውቀዋለሁ?” በማለት የመለሰው ቃል፤ መጻሕፍት ያለ ትርጓሜና ያለ መምህር መሪነት ምሥጢራቸው ሊገለጥ እንደማይችል ለዓለም ሁሉ ያረጋገጠ ትልቅ ማስረጃ ነው። ይህም የኢትዮጵያ ኦርቶዶክስ ተዋሕዶ ቤተ ክርስቲያን ከጥንት ጀምሮ መጻሕፍትን የመመርመርና የመተርጎም ከፍተኛ የዕውቀት መሠረት እንደነበራት ያሳያል።
​መጻሕፍት ከባዕድ ቋንቋ ተተርጉመው ለሀገራችን ሊቃውንትና ምዕመናን የደረሱበት ሂደት እጅግ አስደናቂ ነው። ለዚህም እንደ አብነት የሚጠቀሰው "መጽሐፈ ሐዊ" ሲሆን የታሪክ ጉዞውም እንደሚከተለው ነው፦
​መጽሐፉ በመጀመሪያ በሊቁ አንቲያኮስ ዘደብረ ሲቅ ከቅዱሳት መጻሕፍት እስትጉቡእ አድርጎ
ያዘጋጀው ሲሆን ኹሉም ምሁራን በመጽሐፋቸው መጽሐፈ ሐዊ በግዕዝ ከሚገኙ ትላልቅ መጻሕፍት አንዱ እንደሆነ ሲገልጹ በተለይም ሁኔታ የመጀመሪያ ቋንቋው ግሪክኛ መሆኑን ጠቅሰዋል። ነገር ግን በዘመናት ወደ ዓርብ ቋንቋ ተመልሶ በግብፅ ቤተ ክርስቲያን ያሉ አበው እየተጠቀሙበት ሳለ ወደሀገራችን ኢትዮጵያ በደብረ ሊባኖስ እጨጌ አቡሳሊክ (ሰሊክ) አማካኝነት በ1575 ዓ. ም በንጉሠ ነገሥት ዐፄ ሠርፀ ድንግል ዘመነ ንግሥና ከዐረቢ ወደ ግእዝ ተምልሶ የቆየ ነው። ​ይህም ቤተ ክርስቲያናችን ጥንታዊ የትርጓሜ ጥበብንና የመጻሕፍትን ምሥጢር ጠብቃ ለማቆየት ያደረገችውን ታላቅ ተጋድሎ ያረጋግጣል።
​በአጠቃላይ መጻሕፍትን ማቅረብ፣ ምሥጢራቸውን መተርጎምና ለምዕመናን እንዲረዱ ማድረግ የቤተ ክርስቲያን ሊቃውንት የማይታጠፍ ኃላፊነት ነው። ያለፈውን ታሪክና የቀደሙ አባቶችን የትርጓሜ ሰንሰለት በመከተል፣ ቃለ እግዚአብሔርን ሳይበረዝ ለትውልድ ማስተላለፍ ከሁላችንም ይጠበቃል። የጥንቱ የጃንደረባው የንባብ ባሕልና የሊቃውንቱ የትርጓሜ ተጋድሎ ዛሬም ለሃይማኖታችን ጽናትና ለዕውቀታችን መበልጸግ ትልቅ መሠረት ነው። መጽሐፈ ሐዊም በዚኽው መንገድ የቀረበ ስለሆነ ሁላችሁም አንብባችሁ የአባቶችን ሕይወት፣ መንገድ፣ ሐዋርያዊና ኦርቶዶክሳዊ ጉዞ ገንዘብ እንድታደርጉ በተስፋ አበው ስጋብዛችሁ በፍጹም ትሕትና ነው።

📌 አከፋፋይ:-ሀሁ መጻህፍት መደብር !!!!@

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

ሀሁ መጻሕፍት ( Hahu books )

Apr 29, 2026, 12:12 PM

📷 Photo

922

ሀሁ መጻሕፍት ( Hahu books )

Apr 16, 2026, 08:26 AM

📷 Photo

1,160

ሀሁ መጻሕፍት ( Hahu books )

Apr 16, 2026, 08:26 AM

ዚድራር ሦስተኛ ዕትም ወጥቷል!

ርዕስ:- ዚድራር

ደራሲ :- ዶክተር ወሰን መኮንን

ዘውግ :- Science Fiction

ሕትመት ዓመት :- 2016

Rating : TBA

ዛሬ በዳሰሳ ላቀርብላችሁ የፈለግኩት በዶክተር ወሰን መኮንን የተጻፈውንና "ዚድራር" የሚል ርዕስ ያለውን ድንቅ ሳይንሳዊ ልቦለድ ነው።

የ"ዚድራር" ን መጽሐፍ ስናነሳ ደራሲውን ዶክተር ወሰን መኮንንን ማንሳት ተገቢ ነው። ዶክተር ወሰን በሥነ- ልሣን እና ባህል የዶክትሬት ዲግሪ (Ph. D.) ያላቸው ምሁር ናቸው።ይህ የሚያሳየው በሥነ-ጽሑፍ ዘርፍ ያላቸውን ጥልቅ ዕውቀትና የከፍተኛ ትምህርት ዝግጅት ነው።ከዚህ "ዚድራር" ከተሰኘው ሳይንሳዊ ልቦለዳቸው መረዳት እንደሚቻለው በሳይንስ፣ በፍልስፍና፣ በታሪክና በሀገር በቀል ጥበብ ዙሪያም ጥልቅ ዕውቀት ያላቸው፣ በአገራቸውና በወገናቸው ቀናዒ፣ እንዲሁም ትውልድን በአስተሳሰብ ለመገንባት የሚተጉ ደራሲና ምሁር መሆናቸዉን ነዉ። በሥራቸውም በዘመናዊ ሳይንስና በጥንታዊ እውቀቶች መካከል ድልድይ በመገንባት ዘመናዊ አስተሳሰብን ከባህላዊ እሴቶች ጋር የማዋሀድ ብርቱ ጥረት ያደርጋሉ።

"ዚድራር" 259 ገጾች ያሉት መፅሀፍ ሲሆን ሦስተኛ ዕትሙ ለንባብ በቅቷል። መጽሐፉ ዘመናትን ዋጅቶ አምስት አህጉራትን አማክሎ የተጻፈ ሲሆን፣ EBS, AMECO, EBC እና FANA ላይ ባደረጉት ቃለ መጠይቅ እንደሰማሁት የመጽሐፉ ዝግጅት ረጅም ዓመታትን ፈጅቷል፤ በእኔም እይታ ስራው እጅግ አድካሚ እንደሆነ አምናለሁ፡፡

ደራሲው በመፅሐፋቸዉ የሰው ልጅንና ሀገርን በአንድ ሚዛን በማየት፣ የሁለቱንም ማንነት፣ ዕድገትና ጥንካሬ የሚወስኑ መሰረታዊ ጉዳዮችን በጥልቀት ዳስሰዋል። የዓለም ታላላቅ ሀገራት (እንደ ቻይና እና ሩሲያ) ዕድገትና ጥንካሬ ከመጻሕፍትና ከአዕምሯዊ ስንቅ ጋር በማያያዝ የታሪክና የፖለቲካ ትንተና ላይ ተመስርተዉ ትንተና ያቀርባሉ። በአጠቃላይ ደራሲው በጥንታዊ ኢትዮጵያ ታሪክና እውቀት ላይ ጥልቅ ምርምር በማድረግና ይህንን መረጃም በልቦለድ መልክ ለሕብረተሰቡ ለማቅረብ ሞክረዋል።

"ዚድራር" እጅግ ልዩ ፋይዳ ያለው መፅሐፍ ነዉ።ደራሲው የመጽሐፉን ዐብይ ፋይዳ ሲጠቁሙ፣ "መጽሐፍ ትልቅ ሀገር ይገነባል፤ ትልቅ ሀገር ካለህ ትከበራለህ" የሚለውን ቁም ነገር ያነሳሉ። ይህ ልቦለድ አንባቢዎች ስለሀገር፣ ስለማንነት፣ ስለዕድገትና ስለእውቀት ሚና በጥልቀት እንዲያስቡ ያነሳሳል። "ሰውና ሀገር በራሱ መንገድ ካደገ መሰረቱ ይፀናል።" የሚለውን ሃሳብ በማንሳትም ለሀገር ዕድገት የአዕምሮ ስንቅ የያዘ ትውልድ አስፈላጊነት ላይ አጽንዖት ሰጥተዋል። በተለይ ሩሲያን እንደምሳሌ በመጥቀስ፣ መጻሕፍትን በሕይወት ቅድሚያ መስጠት ለሀገር ጥንካሬና ክብር ወሳኝ መሆኑን ያብራራሉ።

በአጠቃላይ "ዚድራር" አንባቢዎችን ራስን ወደማወቅ፣ ታሪክን ወደ መመርመር እና የሀገርን የወደፊት እጣ ፈንታ ለማሻሻል የሚያስችሉ ጥልቅ ፍልስፍናዊ ሃሳቦችን ያቀርባል።

የመጽሐፉ ዋና ፍሬ ሐሳብ የሚያጠነጥነው “የሰው ልጅና ሀገር ማንነት፣ ዕድገትና ጥንካሬ በራስ ጥበብና እውቀት ላይ የተመሰረተ ነው፤ የውጪን ሳይሆን የራስን መንገድ መከተል ለመከበርና ለመፅናት ወሳኝ ነው” በሚለው ላይ ነው። ይህ ፍሬ ሃሳብ በመጽሐፉ ውስጥ በተለያዩ ክፍሎች፣ በተለይም ደራሲው በገጸ-ባህሪያት ንግግር አማካኝነት ባቀረቧቸው ፍልስፍናዊ አስተንትኖዎች ጎልቶ ይታያል። የመጽሐፉ ርዕስ "ዚድራር" የተወሰደውም ከዚህ ዋና ፍሬ ሃሳብ ጋር በተያያዘ የጥንታዊ ኢትዮጵያውያን ሚስጥራዊ እውቀቶችን የያዘ "መጽሐፈ-ዚድራር" ተብሎ ከሚጠራው መጽሐፍ ነው። ይህ የሚያሳየው፣ የእኛም ሀገር የራሷ የሆነ እውቀትና ጥበብ እንዳላትና ለዕድገቷ መሰረት ሊሆን እንደሚችል ነው። ደራሲው በልቦለዱ ውስጥ በገጸ-ባህሪያቱ ንግግር እና በፍልስፍናዊ አስተንትኖዎች አማካኝነት ያንፀባርቃሉ። በተለይም "ሰውና ሀገር አንድ አይነት ናቸው!" የሚለው ሃሳብ በጤናማ አእምሮ ከታሰበ፣ ለዓለም ሰላም አስተዋጽኦ ማድረግ እንደሚቻል ይጠቁማሉ። ሆኖም ሀገራት የሚኖሩት የፖለቲካና ኢኮኖሚ ቅኔ ጤናማነት ላይ ጥያቄ በማንሳት የዘመናዊውን ዓለም ውስብስብ ችግሮች ለመዳሰስ ይሞክራሉ። በአጠቃላይ ዶክተር ወሰን መኮንን በዚህ መጽሐፍ በዋናነት የኢትዮጵያዊያንን የማንነት ቀውስ ፣ የራስን ታሪክና ጥበብ የማወቅና የመጠበቅ አስፈላጊነትን ፣ እንዲሁም ትውልድን በአዕምሮ ስንቅ መገንባት እንሚገባ ያነሳሉ፡፡

የመጽሐፉን መቼት ለመግለጽ ያህል ታሪኩ ወደ 15ኛው ክፍለ ዘመን በአፄ ዘርዐያዕቆብ ዘመነ መንግስት ወደተጻፈ አንድ ሚስጥራዊ ሰነድ ይወስደናል። ይህ ሰነድ ደግሞ እንዲሁ የደረቀ ወረቀት አይደለም፤ ውስጡ የጥንታዊ ኢትዮጵያውያን ሊቃውንትን ጥበብና ፍልስፍና አጭቆ ይዟል። ይባስ ብሎ፣ ይህ ጥበብ የኢትዮጵያን ዳግም ውልደት (Renaissance) ሊያስከትል የሚችል ኃይል እንዳለው ይነገርለታል። ይህ መነሻው፣ የታሪክን፣ የፍልስፍናን እና የሚስጥርን በር ከፍቶ ወደ ዋናው ሴራ ያመራሃል። ሰነዱ ግን፣ በአንድ ዘመን ወይም በአንድ ቦታ የሚወሰን አይደለም። ዘመናትን ዋጅቶ አምስት አህጉራትን — ከአሜሪካ ቪክስበርግ እስከ አውሮፓ ጀርመን፣ ከሩሲያ ሞስኮ (ስታሊንግራድና ሌኒንግራድን ሳይዘነጋ) እስከ ላቲን አሜሪካ ኩባና ብራዚል፣ አፍሪካን (በተለይ ኢትዮጵያን) አልፎ እስከ እስያ ቬትናም ድረስ — የተዘረጋ ሰፊ ክስተትን ያነሳል። ይህ ማለት ታሪኩ፣ የዓለምን ካርታ እየከለሰ፣ እውነተኛ ኩነቶችን መሰረት ያደረገ የምርምርና የማሳደድ ጉዞን ይዟል። ሰነዱን ለማግኘት ወይም ለመደበቅ የሚደረጉት ጥረቶች፣ በተለያዩ ዘመናትና ቦታዎች የሚከሰቱ ድራማዊ ክንውኖች፣ እና የተፈጠሩ እውነተኛ ታሪካዊ ክስተቶች ከዚህ ሚስጥር ጋር ይያያዛሉ።

ይህን ምስጢራዊ ሰነድ ተከትሎ የሚመጣው ትልቁ ግጭት ግን በኃያላን መካከል ያለው ሽኩቻ ነው። በታሪክ፣ በፖለቲካና በሳይንስ የጎለበተ በሴራ የተሞላ መጽሐፍ በመሆኑ በምስራቁ፣ በምዕራቡ ዓለምና በኢትዮጵያ መካከል የነበረ፣ ያለና የሚኖረው የኃይል ትግል፣ ምናልባትም እስከ ጦርነት የሚደርስ የሴራውን እምብርት ይወክላል። እያንዳንዱ ኃይል የሰነዱን ይዘት ለመቆጣጠር ወይም ለማጥፋት የራሱን ድርሻ ሲጫወት ታሪኩ እየተወሳሰበ ይሄዳል። የስለላ ድርጅቶች፣ ሚስጥራዊ ማህበራት፣ የዓለም የፖለቲካ መሪዎች እና ሳይንቲስቶች የዚህ ሽኩቻ አካል ይሆናሉ።

በዚህ ሴራ ውስጥ የሚንቀሳቀሱት ገፀ-ባህሪያትም እንዲሁ ልዩ ልዩ ናቸው። የዚህ ትልቅ ተልዕኮ ዋና ገፀ-ባህሪ የጥንቱን ሰነድ በመፈለግና በመፍታት የሚመራ ኢትዮጵያዊ ነው። በሌላ በኩል፣ ተቃዋሚዎች በምስራቁም ሆነ በምዕራቡ ዓለም ያሉ ኃይሎች ተወካዮች ይሆናሉ። እነዚህ ሰዎች የኢትዮጵያን መነሳት በመፍራት ወይም የጥንቱን ጥበብ ለራሳቸው ጥቅም ለማዋል በሚያደርጉት ጥረት የሚነዱ፣ ተንኮለኛና ብልህ የስለላ መኮንኖች፣ ፖለቲከኞች ወይም ሚስጥራዊ ቡድኖች ናቸው። የታሪኩን ፍሰት የሚያግዙ ደጋፊ ገፀ-ባህሪያት ደግሞ በተለያዩ አህጉራት የምናገኛቸው ሰዎች ናቸው። እያንዳንዱ ገፀ-ባህሪ፣ በተለያዩ ዘመናትና ቦታዎች የሚፈጠሩትን እውነተኛ ኩነቶች በማስተሳሰር የሴራውን መረብ ያጠብቃል።

ዶክተር ወሰን መኮንን በ"ዚድራር" ያስተላለፏቸዉ ዋና ቁምነገሮች

• የራስን ማንነት ማግኘትና መገንባት: መጽሐፉ ቀደምት ጥበቦችን በማጣታችን የገባንበትን "የማንነት ግጭት (identity crisis)" ይተነትናል። ደራሲው ለዚህ መፍትሄው የራስን መንገድ መከተል መሆኑን ያመለክታሉ።

ሀሁ መጻሕፍት ( Hahu books )

Apr 16, 2026, 08:26 AM

• የእውቀትና የመጻሕፍት ሚና: ዶክተር ወሰን መኮንን የሩሲያን ምሳሌ በመጥቀስ መጻሕፍት ለሀገር መከበርና ለትውልድ ዕድገት ያላቸውን ወሳኝ ሚና ያጎላሉ።

• የጥንታዊ ጥበብና ዘመናዊ ሳይንስ ውህደት: መጽሐፈ-ዚድራርን በማንሳት፣ ደራሲው በጥንት ጊዜያት የነበሩን ሳይንሳዊና ቴክኖሎጂያዊ እውቀቶች እንዳሉን ይጠቁማሉ። በተለይም በገጽ 54 እና 55 ላይ የተገለጹት ፕሮኒየም፣ ኢትየን እና ሂሪየም የተባሉትን ማዕድናት በሚመለከት የተደረገው ዝርዝር ገለፃ እጅግ አስደናቂ ነው። ደራሲው የእያንዳንዱን ንጥረ ነገር ባህሪ፣ የሚገኝበትን መንገድ እና የሚያስከትለውን ተጽእኖ ልክ እንደአንድ የኬሚስትሪ ባለሙያ በጥልቀት መግለጻቸው፣ በልቦለዱ ውስጥ የሳይንሳዊ ምናብን ከእውቀት ጋር ያዋህደበት መንገድ እጅግ ልዩ ነው። ጥንታዊ እውቀቶቻችንን ታላቅነትና አስፈላጊነት ያጎላል። ይህ ደግሞ ታሪክንና ባህልን ከዘመናዊ ሳይንሳዊ አብዮት ጋር የማዋሀድ አስፈላጊነትን ያሳያል።

• የሰው ልጅና ሀገር ትስስር: "የሰው ልጅና ሀገር አንድ አይነት ናቸው" የሚለው ፍልስፍና፣ በጤናማ አስተሳሰብ ሲመራ ዓለም ሰላማዊ መሆን እንደምትችል ይጠቁማሉ። ነገር ግን የሀገራት የፖለቲካና ኢኮኖሚ ውዝግቦች ይህንን እውነት እንዳይሳካ የሚያደርጉ መሆናቸውን ይተቻሉ።

• የሰምና ወርቅ ሚስጢር: "ዓለም የታሰረችው በወርቅ እንጂ በሰም አይደለም!" የሚለው ሃሳብ የነገሮችን ላያቸዉን ብቻ ሳይሆን እውነተኛውን ትርጉም የመረዳት አስፈላጊነትን ያሳያል፡፡ ፖለቲካ፣ ኢኮኖሚና ማኅበራዊ ጉዳዮች ሁሉም ድብቅ ምስጢር እንዳላቸው በማሳየት፣ ውስብስብነትን የመረዳት ብስለትን ያበረታታል።

የመጽሐፉ ጥንካሬዎች:

• የአስተሳሰብ ጥልቀትና አዲስነት: መጽሐፉ በኢትዮጵያዊያን ዘንድ ብዙም ባልተለመደ ሳይንሳዊና ፍልስፍናዊ አውድ ውስጥ ማንነትንና ሀገርን ይመረምራል።

• አገር ወዳድነትን የሚያነሳሳ: መጽሐፉ ኢትዮጵያ ታላላቅ ጥበቦችና ዕውቀቶች ባለቤት መሆኗን በማሳየት፣ የሀገር ፍቅርንና የራስን ታሪክ የማወቅን ስሜት ያጎላል።

• ትውልድን የሚያነቃቃ መልዕክት: "በአዕምሮው ስንቅ የያዘ ትውልድ" የመገንባት አስፈላጊነት ላይ ማተኮሩ ወጣቶች ለእውቀትና ለሀገር ግንባታ እንዲነሱ ያነሳሳል።

• የተለያዩ የትምህርት ዘርፎችን ማቀናጀት: ታሪክን፣ ፍልስፍናን፣ ሳይንስንና ማኅበራዊ ጉዳዮችን በአንድ ልቦለድ ውስጥ ማዋሀዱ ለመጽሐፉ ልዩ እሴት ይሰጠዋል። በተለይም አንዳንድ ሳይንሳዊ እሳቤዎች በደራሲው ሳይንሳዊና ፈጠራ አስተሳሰብ መካከል ያለውን ድልድይ በሚገባ ያሳያሉ።

የመጽሐፉ ድክመቶች:

• የሳይንሳዊ ገለፃዎች ለአንባቢ ሊከብዱ ይችላሉ: አንዳንድ ሳይንሳዊ ፅንሰ-ሃሳቦች (ለምሳሌ "በራሂን” – (Human Genetic Affiliation) ወይም (biotic factors) ላይ የተመሰረተ የጦር መሳሪያ ጥበብ) ለሳይንስ ብዙም ቅርበት ለሌለው አንባቢ ለመረዳት አስቸጋሪ ሊሆኑ ይችላሉ። የአንባቢ ጥልቅ አትኩሮት ከታከለበት መረዳቱ የሚከብድ አይመስለኝም።

• የአንዳንድ ታሪካዊ መረጃዎች ማብራሪያ እጥረት: "መጽሐፈ-ዚድራር"ን የመሰሉ ጥንታዊ ሚስጥራዊ መጻሕፍት መኖራቸውን በምሳሌነት ቢያነሱም ስለእነዚህ መጻሕፍት የተጨበጠ መረጃና ዳራ ዝርዝር እጥረት ሊኖር ይችላል (ምንም እንኳን ልቦለድ ቢሆንም)።

በአጠቃላይ መጽሐፉ ደራሲው የሰው ልጅንና ሀገርን ከሳይንሳዊ፣ ፍልስፍናዊና ታሪካዊ ገጽታዎች አንፃር ለመረዳት ያደረጉትን ጥረት ያሳያል። "ዚድራር" የሰው ልጅ ውስጣዊ አቅምን፣ የሞራል ሃላፊነትንና የሀገርን መንፈሳዊ ጥንካሬ በሚገባ በማብራራት፣ ስለ ሰው ልጅ ተፈጥሮ፣ ሥነ-ምግባር እና መንፈሳዊነት ጥልቅ ጥያቄዎችን ያነሳል። ዶክተር ወሰን መኮንን ይህን የረቀቀ ፍልስፍናዊና ሳይንሳዊ እውቀት ለብዙሃኑ ተደራሽ በሆነ ልቦለድ መልክ ለማቅረብ ጥረዋል፤ ይህ ደግሞ የመጽሐፉን ዋጋ ከፍ ያደርገዋል።

በአጠቃለይ "ዚድራር" የሰው ልጅን ሥነ-ልቦናዊና መንፈሳዊ ጥልቀት የሚመረምር ድንቅ ሳይንሳዊ ልቦለድ ነው። መጽሐፉ የሀገርንና የሰው ልጅን ማንነት፣ ዕድገትና ጥንካሬ በራስ ጥበብና እውቀት ላይ የመመስረትን ፈተና በሚገባ ይዳስሳል። ደራሲው ውስብስብ ፍልስፍናዊና ሳይንሳዊ ሃሳቦችን በሚያስደንቅ የአጻጻፍ ስልት በማቅረብ፣ የአንባቢን ግንዛቤ ለማስፋትና የማወቅ ጉጉት ለመቀስቀስ ጥረዋል። መጽሐፉ በሳይንሳዊ ፣ በሥነ-ልቦናዊና ፍልስፍናዊ ትንተናው አሳማኝና ጥልቅ ነው። በተለይም የሰው ልጅን ውስብስብ ተፈጥሮና የኅብረተሰብን ገፅታዎች በጥልቀት ለመረዳት ይረዳል። መጽሐፉ ስለ ሰው ልጅ ሥነ-ምግባር፣ ሀገር እና ዕድገት ጥልቅ ጥያቄዎችን የሚያነሳ ሲሆን ከየትኛውም የሙያ ዘርፍ ለመጡ አንባቢዎች እጅግ ጠቃሚ ነው። የደራሲው ፍልስፍናዊ ምክረ ሀሳቦች፣ የራስን ማንነትና ጥበብ ከመከተል ጀምሮ የውስጣችንን "ዚድራር" እስከ መውለድ ድረስ ለአንባቢው ጥልቅ የመንፈሳዊና የህልውና ግንዛቤ ለመስጠት ያለመ ነው።" ብዙ ጥበባዊ መጻሕፍት ያሏቸው ኢትዮጵያውያን አሁን ላይ እያነበቡ አይደለም፤ ግን ወደፊት ጥሩ አንባቢ ትውልድ እንደሚፈጠር እሙን ነው። ያንን ጊዜ ነው መፍራት! ያኔ የኢትዮጵያ ትንሳኤ ይጀምራል፤ የዓለም ሚዛንም ወደ አፍሪካ ያዘነብላል፤ ዓለምም በኢትዮጵያ መንገድ መሄድ ትጀምራለች።" የሚለው ደግሞ፣ መጽሐፉ ባለው ብሩህ ተስፋና ትንቢታዊ እይታ የሚደመደምበት ሲሆን የኢትዮጵያን የወደፊት ታላቅነት ያመለክታል። "ዚድራር" በዘመናችንም ቢሆን ስለ ሀገራዊ ማንነት፣ የሞራል ውበት እና የመንፈሳዊ ትግል ያለውን ግንዛቤ የሚያሳድግ ሁሉም ሊያነበው የሚገባ ድንቅ ሳይንሳዊ ልብወለድ ነው። ድክመቶች ቢኖሩትም፣ የመጽሐፉ ጥንካሬዎች እጅግ የበላይ በመሆናቸው ይህ ልቦለድ በኢትዮጵያ ሥነ-ጽሑፍ ውስጥ ዘላቂ ስፍራውን አስጠብቆ የሚኖር የማይረሳ ሥራ ነው።

ዋና አከፋፋይ:- ሀሁ መጻሕፍት መደብር፣ አዲስ አበባ (0911006705)

ሀሁ መጻሕፍት ( Hahu books )

Apr 16, 2026, 08:26 AM

በባየ ይማም (ኤሜሪተስ ፕሮፌሰር)፣ አዲስ አበባ ዩኒቨርስቲ ፦

ይህ የዶ/ር ወሰን መኮንን
መጽሐፍ በኢትዮጵያ የጽሑፍ ቅርስ ላይ የተመሰረተ ነው። ቅርሳችን ሃይማኖታዊ ብቻ ሳይሆን የተለያየ ጥበብ ማህደር ነው። በዚህም ምክንያት የውጭ ተቀናቃኝ ኃይሎችን ቀልብ ሲስብ ኖሯል፡፡ አንድ ትልቅ ቅርስ ለዘመናት ሲጠበቅ ከኖረበት ቦታ ይሰወራል፤ አንድ ወጣትም ፍለጋ ይጀምራል። ከአርባ ዓመታት እልህ አስጨራሽ አሰሳ እና ዳሰሳ በኋላ አንድ ሀገር ውስጥ ያገኘዋል፡፡ እስከሞት በሚያድርስ ውሳኔ ከዚያ አውጥቶ ወደነበረበት ቦታ ይመልሰዋል። በዚህ ፍለጋ እና ምለሳ ውስጥ ፍጥጫ፣ ስለላ፣ አፈና እና ግድያ ይታያል። ወጣቱ ይህን ሁሉ ከእሱ ቢጤ ቅን አሳቢዎች ጋር ሆኖ ያሸንፋል። አወጣጡ ትእምርታዊ ነውና የትውልዱን አደራ ይጠብቃል፤ የግል ኃላፊነቱንም የእውነትን አሸናፊነት በማሳየት በድል ይወጣል። የአባቶቹ ተምኔት እውን ይሆናል፤ ሀገር በጥበብ ብርሃን እየተመራች በአሸናፊነት ትሸጋገራለች።
ዚድራርን ከአዘቦቱ ለየት ያለ ሆኖ አግኝቸዋለሁ። ስለዚህም ደራሲውን ይበጅብህ ብያለሁ።

ባየ ይማም (ኤሜሪተስ ፕሮፌሰር)፣ አዲስ አበባ ዩኒቨርሲቲ

📌በሀሁ መጻህፍት መደብር ይከፋፈላል !!!!

በመደብራችን ከ20—50% ቅናሽ አለ። አስር መጽሀፍ ለሚገዙ ደንበኞቻችን ደግሞ አንድ መጽሀፍ በነጻ እናበረክታለን። ስትጎበኙን በደስታ፣ በቅልጥፍና እናስተናግዳችኋለን። ባላችሁበት ሆናችሁ መረጃ ለመጠየቅ ካሻችሁም ስልኩን አንስታችሁ ሀሎ በሉን።

📍#አድራሻ፦
ቁ1,አራት ኪሎ አብርሆት ጎን
ቁ2,ሜክሲኮ ደብረወርቅ ታዎር ግራውንድ
☎️#ስልክ፦ 0911006705/0924408461

#አስታውሱ! በመደብራችን 10 መጻህፍት ለሚገዛ 1 መጽሀፍ በነጻ እንሰጣለን!!!

* * * * * *
📌ሀሁ መጻህፍት መደብርን
➡️ቴሌግራም፦
➡️በቲክቶክ፦ http://tiktok.com/@hahubookstore
➡️ፌስቡክ፦ https://www.facebook.com/hahubook?mibextid=ZbWKwL
ማግኘት ይቻላል።

677

ሀሁ መጻሕፍት ( Hahu books )

Apr 16, 2026, 08:26 AM

📷 Photo

712

Showing 15 of 15 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

ሀሁ መጻሕፍት ( Hahu books )

ሀሁ መጻሕፍት ( Hahu books )

Ranking

Participant Growth (Last 5 Days)

Latest Posts

Rating

User Reviews (0)

Related Telegram Channels

the lion, the witch and my wardrobe

FAP-Nation

Camp Half-Blood Family of Demigods : The Lachers.

The Regressed Extra Became A Genius

The Moonlit Descent of Mistlesoir.

books & yogurts

Verbotene Historie

Read Manga Manhwa Manhua in PDF English

Related Telegram Channels

the lion, the witch and my wardrobe

FAP-Nation

Camp Half-Blood Family of Demigods : The Lachers.

The Regressed Extra Became A Genius

The Moonlit Descent of Mistlesoir.

books & yogurts

Verbotene Historie

Read Manga Manhwa Manhua in PDF English

User Reviews (0)

Latest Posts