Myanmar Newspapers

Public

View Channel

Can't Join? @myanmarnewspaper

13.8k Members

Updated: May 4, 2026 at 4:53 PM

Myanmar Newspapers

Join @myanmarnewspaper for exclusive News Update & Newspapers content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 3 Days)

Total: 13.8K

24h growth: +0 0%

Latest Posts

Myanmar Newspapers

Apr 27, 2026, 03:59 PM

ဆွေးနွေးပွဲသို့ ပါဝင်တက်ရောက်ခြင်းဖြင့် ရွှေ့ပြောင်းသွားလာခြင်းဆိုင်ရာ စီမံခန့်ခွဲမှု၊ နည်းပညာပိုင်းဆိုင်ရာထိတွေ့မှုများနှင့် အတွေ့အကြုံဖလှယ်မှုများတွင် နီးကပ်စွာ ပူးပေါင်းဆောင်ရွက်နိုင်မည့်နည်းလမ်းများ၊ အရှေ့တောင်အာရှ၏ စဉ်ဆက်မပြတ်ဖွံ့ဖြိုးတိုးတက်မှုအတွက် အလုပ်သမားရွှေ့ပြောင်းသွားလာမှု၏ အရေးပါပုံနှင့် အာဆီယံအနေဖြင့်ဘေးကင်းပြီး ပုံမှန်ဖြစ်သော အလုပ်သမားရွှေ့ပြောင်းသွားလာမှုလမ်းကြောင်းများကို တိုးမြှင့်ခြင်းအပါအဝင် ရွှေ့ပြောင်းအလုပ် သမားများ၏ အခွင့်အရေးကို ကာကွယ်စောင့်ရှောက်နိုင်ရေး အာဆီယံအဖွဲ့ဝင်နိုင်ငံများ၏ ဆောင်ရွက်ချက်များ၊ ကျင့်ဝတ်နှင့်ညီသည့် အလုပ်သမားစုဆောင်းမှုနှင့် နေရပ်ပြန်ခြင်းလုပ်ငန်းစဉ်များတွင် ပူးပေါင်းဆောင်ရွက်မှုကို အားကောင်းစေမည့်အစီအမံများ၊ ဒစ်ဂျစ်တယ်အသုံးပြုရသော အလုပ်အကိုင်ပုံစံသစ်များ၏ စိန်ခေါ်မှုများကို ကိုင်တွယ်ဖြေရှင်းနိုင်မည့်နည်းလမ်းများ၊ ရွှေ့ပြောင်းအလုပ်သမားများ အထူးသဖြင့် အိမ်တွင်းအထောက်အကူပြု အလုပ်သမားများအား သက်ကြီးရွယ်အိုစောင့်ရှောက်မှုလုပ်ငန်း၊ ကလေးသူငယ်စောင့်ရှောက်မှုလုပ်ငန်း၊ အစားအသောက် ဝန်ဆောင်မှုလုပ်ငန်းများတွင် ပါဝင်လုပ်ကိုင်နိုင်ရန် ကျွမ်းကျင်မှုများကို အသိအမှတ်ပြုခြင်း၊ ဖွံ့ဖြိုးတိုးတက်ရေးအစီအမံများ၊ သင်တန်းများ ပို့ချခြင်းအပါအဝင် ဆောင်ရွက်နိုင်မည့်နည်းလမ်းများ၊ နေရပ်ပြန်လည်ပို့ဆောင်ခြင်းဆိုင်ရာ ဆန်းစစ်ချက်များကို ပိုမိုမြှင့်တင်အကောင်အထည်ဖော်နိုင်ရေး စဉ်ဆက်မပြတ် ပူးပေါင်းဆောင်ရွက်နိုင်မည့်နည်းလမ်းများ၊ အပြည်ပြည်ဆိုင်ရာ ရွှေ့ပြောင်းသွားလာခြင်းကို ဒေသတွင်းစီးပွားရေးနှင့်ချိတ်ဆက်ပြီး ရွှေ့ပြောင်းသွားလာခြင်းမှတစ်ဆင့် စေလွှတ်နိုင်ငံနှင့် လက်ခံနိုင်ငံများအတွက် အပြန်အလှန်အကျိုးဖြစ်ထွန်းစေရေး လိုအပ်ချက်များကို ပိုမိုကောင်းမွန်စွာဆောင်ရွက် နိုင်မည့်နည်းလမ်းများ၊ ရွှေ့ပြောင်းအလုပ်သမားများ ပြန်လည်ရောက်ရှိခြင်း၊ ပြန်လည်ပေါင်းစည်းခြင်းနှင့် ဖွံ့ဖြိုးတိုးတက်မှုအတွက် အထောက်အကူပြုမှုများ၊ လူမှုဖူလုံရေးကာကွယ်စောင့်ရှောက်မှုများ၊ ဘေးအန္တရာယ်ကျရောက်မှုကြောင့် နေရပ်စွန့်ခွာမှုနှင့် ဒစ်ဂျစ်တယ်အသွင်ကူးပြောင်းမှု စသည်တို့အပေါ်အတွေ့အကြုံများ၊ စိန်ခေါ်မှုများနှင့် သာဓကများ၊ ရရှိခဲ့သည့်သင်ခန်းစာများကို မြန်မာနိုင်ငံအလုပ်သမားဝန်ကြီးဌာန ပြည်ထောင်စုဝန်ကြီးနှင့် အာဆီယံနိုင်ငံများမှ အလုပ်သမားဝန်ကြီးများအပါအဝင် နိုင်ငံတကာအဖွဲ့အစည်းများမှ ကိုယ်စားလှယ်များပါဝင်၍ ရင်းနှီးပွင့်လင်းစွာ ဆွေးနွေးခဲ့ကြပြီး အမှတ်တရမှတ်တမ်းတင် ဓာတ်ပုံရိုက်ကြသည်။

ပြည်ထောင်စုဝန်ကြီးသည် ဆွေးနွေးပွဲကာလအတွင်း အာဆီယံနိုင်ငံများမှ အလုပ်သမားဝန်ကြီးများနှင့် ပူးပေါင်းဆောင်ရွက်နိုင်မည့် အလုပ်သမားရေးရာကိစ္စရပ်များကို ရင်းနှီးပွင့်လင်းစွာဆွေးနွေးခဲ့ပြီး မြန်မာနိုင်ငံအပေါ် ILO စုံစမ်းစစ်ဆေးရေးကော်မရှင်၏ အကြံပြုတိုက်တွန်းချက်များကို မြန်မာနိုင်ငံမှ ဆောင်ရွက်ပြီးစီးမှုအခြေအနေ မှတ်တမ်းစာအုပ်များ ဖြန့်ဝေပေးနိုင်ခဲ့ကြောင်း၊ ထိုင်းနိုင်ငံ၊ လာအိုနိုင်ငံ အလုပ်သမားဝန်ကြီးဌာနတို့နှင့် သီးခြားစီတွေ့ဆုံ၍ ဆောင်ရွက်ဆဲနှစ်နိုင်ငံ အလုပ်သမားရေးရာကိစ္စရပ်များနှင့်စပ်လျဉ်း၍ ဆက်လက်အကောင်အထည်ဖော်သွားရန် ဆွေးနွေးခဲ့ကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

123

Myanmar Newspapers

Apr 27, 2026, 03:59 PM

ပြည်ထောင်စုဝန်ကြီး ဒေါက်တာသက်ခိုင်ဝင်း သာကေတ(သွားနှင့်ခံတွင်းအထူးကုဆေးရုံ)၊ ဒဂုံမြို့သစ်(တောင်ပိုင်း)နှင့် ဒဂုံမြို့သစ်(အရှေ့ပိုင်း) ပြည်သူ့ဆေးရုံများသို့ သွားရောက်ကြည့်ရှုစစ်ဆေး

ရန်ကုန် ဧပြီ ၂၆

ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်းသည် ရန်ကုန်တိုင်းဒေသကြီး လွှတ်တော်ဥက္ကဋ္ဌ၊ လွှတ်တော်ကိုယ်စားလှယ်များ၊ တာဝန်ရှိသူများနှင့်အတူ ယနေ့နံနက်ပိုင်းက ရန်ကုန်တိုင်းဒေသကြီး သာကေတ(သွားနှင့်ခံတွင်း အထူးကုဆေးရုံ)သို့ သွားရောက်ကြည့်ရှုစစ်ဆေးသည်။

ဦးစွာ ပြည်ထောင်စုဝန်ကြီးနှင့် အဖွဲ့သည် သာကေတ (သွားနှင့်ခံတွင်း အထူးကုဆေးရုံ)တွင် ပိတ်ရက်မရှိ ပြည်သူများ၊ နိုင်ငံ့ဝန်ထမ်းများနှင့် အငြိမ်းစားနိုင်ငံ့ ဝန်ထမ်းများအား တိုက်ရိုက်အကျိုးခံစားခွင့်ရရှိအောင် ဆောင်ရွက်ပေးနေသည့် သွားနှင့်ခံတွင်းကျန်းမာရေးစောင့်ရှောက်မှုလုပ်ငန်းများ၊ ဆေးကုသခန်းများ၊ သွားတုပြုလုပ်သည့်ဌာနများနှင့် ဓာတ်ခွဲခန်းများ၊ Digital Dentistry လုပ်ငန်းဆောင်ရွက်နေမှုများ၊ သာကေတအထူးကုဆေးရုံတွင် အရေးပေါ်ဆေးကုသမှုလုပ်ငန်းများ တိုးမြှင့်ဆောင်ရွက်ပေးနိုင် ရေးအခြေအနေ၊ သာကေတ၊ ဒေသန္တရ ကျန်းမာရေးဌာန၌ ပြည်သူများအား ကျန်းမာရေးစောင့်ရှောက်မှု လုပ်ငန်းများတိုးမြှင့် ဆောင်ရွက်ပေးနိုင်ရေးတို့ကို ကြည့်ရှုစစ်ဆေးပြီး တာဝန်ရှိသူများ၏ တင်ပြချက်များအပေါ် လိုအပ်သည်များ ဖြည့်ဆည်းဆောင်ရွက်ပေးသည်။

ထို့နောက် ဒဂုံမြို့သစ် (တောင်ပိုင်း)မြို့နယ် ပြည်သူ့ဆေးရုံသို့ရောက်ရှိရာ မြို့နယ်ကုသရေးဦးစီးဌာနမှူးနှင့် မြို့နယ် ပြည်သူ့ကျန်းမာရေးဦးစီးဌာနမှူးများက ကျန်းမာရေးစောင့်ရှောက်မှုလုပ်ငန်းများနှင့်ပတ်သက်၍ ရှင်းလင်းတင်ပြကြသည်။

တင်ပြမှုများအပေါ် ပြည်ထောင်စုဝန်ကြီးက မျှော်မှန်းလူ့သက်တမ်းတိုးမြှင့်လာစေရေးနှင့် လူတိုင်းလက်လှမ်းမီလွှမ်းခြုံနိုင်သည့် ကျန်းမာရေးစောင့်ရှောက်မှု(UHC)ရရှိရေး မြို့နယ်အတွင်း ဆောက်ရွက်လျက်ရှိသည့် ကာကွယ်ဆေးထိုးလုပ်ငန်းများ၊ ကိုယ်ဝန်ဆောင် မိခင်နှင့် ကလေးကျန်းမာရေး စောင့်ရှောက်မှုလုပ်ငန်းများ၊ ကျောင်းကျန်းမာရေး လုပ်ငန်းများ၊ ဆေးကုသမှုလုပ်ငန်းများနှင့်ပတ်သက်၍ ပြည်သူလူထု တိုက်ရိုက်အကျိုးကျေးဇူးရရှိအောင် ထိထိရောက်ရောက် ဆောင်ရွက်ပေးနိုင်ရေး၊ ကျန်းမာ ရေးဝန်ထမ်းများအတွက် နိုင်ငံတော်က လစာအပြင် ထပ်ဆောင်းချီးမြှင့်ငွေများ ထောက်ပံ့ပေးနေမှု၊ ဆောက်လုပ်ဆဲ ဆေးရုံအဆောက် အအုံသစ်အားစံချိန်စံညွှန်းများနှင့်အညီ သတ်မှတ်ကာလအတွင်း ပြီးစီးနိုင်ရေးတို့ကို မှာကြားသည်။

ယင်းနောက် ပြည်ထောင်စုဝန်ကြီးနှင့် အဖွဲ့သည် ဒဂုံမြို့သစ် (အရှေ့ပိုင်း)မြို့နယ် ပြည်သူ့ဆေးရုံ၌ တာဝန်ရှိသူများနှင့်တွေ့ဆုံပြီး ပြည်သူ့ကျန်းမာရေးနှင့် ကုသရေးလုပ်ငန်း ဆောင်ရွက်နေမှု၊ ဆောက်လုပ်ပြီးစီးသည့် တိုးချဲ့နှစ်ထပ်ဆေးကုသဆောင် သစ်ဖွင့်လှစ်နိုင်ရေးဆောင်ရွက်ထားရှိမှုတို့ကို ကြည့်ရှုစစ်ဆေးကာ လိုအပ်သည်များ ဖြည့်ဆည်းပေးခဲ့ကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

Myanmar Newspapers

Apr 27, 2026, 03:59 PM

📷 Photo

ပြည်ထောင်စုဝန်ကြီး ဦးခင်မောင်စိုး ဖိလစ်ပိုင်နိုင်ငံ မက်ထရိုမနီလာမြို့၌ ကျင်းပသည့် နယ်စပ်ဖြတ်ကျော် အလုပ်သမားရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ တက်ရောက်

Myanmar Newspapers

Apr 27, 2026, 03:59 PM

ပြည်ထောင်စုဝန်ကြီး ဦးခင်မောင်စိုး ဖိလစ်ပိုင်နိုင်ငံ မက်ထရိုမနီလာမြို့၌ ကျင်းပသည့် နယ်စပ်ဖြတ်ကျော် အလုပ်သမားရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ တက်ရောက်

နေပြည်တော် ဧပြီ ၂၆

အာဆီယံအလှည့်ကျဥက္ကဋ္ဌအဖြစ် ဖိလစ်ပိုင်နိုင်ငံက ဦးဆောင်၍ “နယ်စပ်ဖြတ်ကျော် အလုပ်သမား ရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ”ကို ဖိလစ်ပိုင်နိုင်ငံ မက်ထရို မနီလာမြို့၌ ဧပြီ ၂၄ ရက်တွင် ကျင်းပခဲ့ပြီး အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုး ဦးဆောင်သည့် မြန်မာကိုယ်စားလှယ်အဖွဲ့ ပါဝင်တက်ရောက်သည်။

တက်ရောက်

အဆိုပါစကားဝိုင်းဆွေးနွေးပွဲကို ဘေးကင်း၍ လုံခြုံစိတ်ချရပြီး စည်းကမ်းတကျဖြစ်သော အလုပ်သမားရွှေ့ပြောင်းသွားလာမှုကိုတိုးမြှင့်ရန်နှင့် အလုပ်သမားများအနေဖြင့် တရားမျှတသောလုပ်သား စုဆောင်းမှု၊ အလုပ်အကိုင်ဆိုင်ရာ ကာကွယ်စောင့်ရှောက်မှုနှင့် ကျွမ်းကျင်မှုဖွံ့ဖြိုးတိုးတက်ရေး အခွင့်အလမ်းများရရှိစေရန်၊ အကျပ်အတည်းများ၊ ဘေးအန္တရာယ်များနှင့် ရာသီဥတုဒဏ်ခံရသော အခြေအနေများအပါအဝင် ရွှေ့ပြောင်းသွားလာမှုလမ်းကြောင်းများတစ်လျှောက် အန္တရာယ်များကို လျှော့ချရန်၊ ကျွမ်းကျင်မှုအသိအမှတ်ပြုခြင်း၊ လူမှုဖူလုံရေး အကျိုးခံစားခွင့်များ လွှဲပြောင်းသုံးစွဲနိုင်ခြင်းနှင့် ရွှေ့ပြောင်းသွားလာမှုစည်းမျဉ်းများမှတစ်ဆင့် ဖွံ့ဖြိုးတိုးတက်မှုဆိုင်ရာအခွင့်အရေးများကို ဖော်ထုတ်ရန် ရည်ရွယ်ကျင်းပခဲ့ခြင်းဖြစ်ပြီး ဆွေးနွေးပွဲသို့ အာဆီယံနိုင်ငံများမှ အလုပ်သမားဝန်ကြီးများနှင့် အဆင့်မြင့်အရာရှိကြီးများ၊ အာဆီယံအတွင်းရေးမှူးချုပ်ရုံးမှ ကိုယ်စားလှယ်များ၊ ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်း(IOM)မှ ကိုယ်စားလှယ်များ တက်ရောက်ကြသည်။

ဆွေးနွေးပွဲတွင် အလုပ်သမားရွှေ့ပြောင်းသွားလာမှုနှင့် အကာအကွယ်ပေးမှုအတွက် ပူးပေါင်းဆောင်ရွက်မှု ယန္တရားများအပါအဝင် မိတ်ဖက်ဆောင်ရွက်မှုကဏ္ဍ၊ အလုပ်သမားရွှေ့ပြောင်းသွားလာမှုနှင့် အကာအကွယ်ပေးမှုကဏ္ဍ၊ အကျပ်အတည်း၊ ရာသီဥတုနှင့် ကျန်းမာရေးကဏ္ဍသုံးရပ်တို့ကို ဆွေးနွေးကြရာ ပြည်ထောင်စုဝန်ကြီး ဦးခင်မောင်စိုးက မြန်မာနိုင်ငံနှင့် အာဆီယံအဖွဲ့ဝင်နိုင်ငံများသည် ကာလရှည်ကြာစွာ ဒေသတွင်းမိတ်ဖက်နိုင်ငံများအဖြစ် ရှိနေကြသော်လည်း ရွှေ့ပြောင်းသွားလာခြင်းဆိုင်ရာစီမံခန့်ခွဲမှု၊ နည်းပညာပိုင်းဆိုင်ရာ စေ့စပ်ညှိနှိုင်းမှုများ၊ အတွေ့အကြုံဖလှယ်မှုများတွင် ကွာဟ ချက်များကျန်ရှိနေမှုအပေါ် ဆက်စပ်အကောင်အထည်ဖော်နိုင်ရေး ပိုမိုရင်းနှီးစွာပူးပေါင်းဆောင်ရွက်သွားရန် လိုအပ်ကြောင်း ဆွေးနွေးပြောကြားသည်။

Myanmar Newspapers

Apr 27, 2026, 03:59 PM

📷 Photo

ပြည်ထောင်စုဝန်ကြီး ဦးတင်ဦးလွင် သီရိမင်္ဂလာကမ္ဘာအေးကုန်းမြေ၌ ကျင်းပမည့် ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် မဟာမင်္ဂလာအခမ်းအနားအတွက် ကြိုတင်ပြင်ဆင်ဆောင်ရွက်ထားရှိမှုများ ကြည့်ရှုစစ်ဆေး

106

Myanmar Newspapers

Apr 27, 2026, 03:59 PM

ပြည်ထောင်စုဝန်ကြီး ဦးတင်ဦးလွင် သီရိမင်္ဂလာကမ္ဘာအေးကုန်းမြေ၌ ကျင်းပမည့် ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် မဟာမင်္ဂလာအခမ်းအနားအတွက် ကြိုတင်ပြင်ဆင်ဆောင်ရွက်ထားရှိမှုများ ကြည့်ရှုစစ်ဆေး

ရန်ကုန် ဧပြီ ၂၆

သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်သည် ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ ဆောက်လုပ်ရေးဝန်ကြီးဌာန ဒုတိယဝန်ကြီး ဦးမျိုးမြင့်၊ သာသနာရေးဝန်ကြီးဌာန အမြဲတမ်းအတွင်းဝန်၊ သာသနာရေးဝန်ကြီးဌာနမှ ဆပ်ကော်မတီအလိုက် တာဝန်ရှိသူများနှင့်အတူ သီရိမင်္ဂလာကမ္ဘာအေးကုန်းမြေအတွင်း ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့် အထိမ်းအမှတ် မဟာမင်္ဂလာအခမ်းအနားကျင်းပနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှု အခြေအနေများကို လှည့်လည်ကြည့်ရှုစစ်ဆေးသည်။

ဦးစွာ ပြည်ထောင်စုဝန်ကြီးသည် ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့် အထိမ်းအမှတ် မော်ကွန်းကျောက်စာတွင် ပါဠိ/ မြန်မာ/ ရိုမန်/ အင်္ဂလိပ်စာသားများ ရေးသားထွင်းထုပြီးစီးမှု အခြေအနေကို ကြည့်ရှုစစ်ဆေး၍ ရေရှည်တည်တံ့စွာထိန်းသိမ်းသွားရန်၊ အချိန်မီပြီးစီးနိုင်ရေး ဆောင်ရွက်ရန်မှာကြားခဲ့ပြီး စည်တော်စင်ဆောက်လုပ်ထားရှိရာနေရာ၊ ဉာဏ်စမ်းပဟေဠိပြိုင်ပွဲ အထိမ်းအမှတ်ပစ္စည်းအရောင်းဆိုင်၊ ကျမ်းစာအုပ်အရောင်းဆိုင်နှင့် ပိဋကသုံးပုံတင်ဆောင်မည့် ဆင်တက်လှေကားတပ်ဆင်ထားရှိမှုနှင့် ဆဋ္ဌသင်္ဂါယနာမော်ကွန်း ပြတိုက်လက်ယာဘက်အဝင် နိုင်လွန်ကတ္တရာလမ်းခင်းကျင်းထားရှိမှု အခြေအနေများကို ကြည့်ရှုစစ်ဆေးပြီး လိုအပ်သည်များကို လမ်းညွှန်မှာကြားသည်။

ထို့နောက် ဆဋ္ဌသင်္ဂါယနာတင် မဟာပါသာဏ လိုဏ်ဂူသိမ်တော်ကြီး၏ အလယ်သံဃာစင်အတွင်း ဆရာတော်ကြီးများ သီတင်းသုံးမည့် ကနုတ်ခုံများခင်းကျင်းထားရှိမှု ဆဋ္ဌသင်္ဂါယနာအမေးအဖြေ သံဃာစင်ပြုလုပ်ထားမှု၊ အလယ်သံဃာစင်ထိပ်ရှိ ဘုရားကျောင်းဆောင်ခင်းကျင်းထားရှိမှု၊ သဝဏ်လွှာနှင့် စာတမ်းဖတ်စင်များ၊ အခမ်းအနားမှူးစင်များနှင့် အခမ်းအနား ပြင်ဆင်ဆောင်ရွက်ထားရှိမှု၊ အခမ်းအနားဖွင့် စက်ခလုတ်နှိပ်မည့် နေရာခင်းကျင်းမှု၊ ပြကွက် ၁၁ ခု ခင်းကျင်းထားရှိမည့် နေရာတစ်လျှောက်တွင် Light Box များ တပ်ဆင်ခြင်း၊ ထည့်သွင်းပြသမည့်ပုံများ၊ LED Board များ၊ ကော်ဇောခင်းခြင်းနှင့် မီးလိုင်းသွယ်တန်းခြင်းလုပ်ငန်းများ ပြင်ဆင်ဆောင်ရွက်ထားရှိမှုအခြေအနေများကို တာဝန်ရှိသူများက ရှင်းလင်းတင်ပြရာ အချိန်မီပြီးစီးအောင် ဆောင်ရွက်သွားရန် မှာကြားသည်။

ယင်းနောက် ပိဋကပြတိုက်အတွင်းရှိ ဘဲဥပုံစံ ရေကန်ဆေးသုတ်ခြင်း၊ ရေလဲလှယ်ခြင်းများ၊ ပိဋကတ်ပြတိုက် လက်ဝဲ/လက်ယာဘက်ခြမ်းရှိ မော်ကွန်းကျောက်စာ ရှင်းလင်းထားရှိမှုအခြေအနေများနှင့် ဗုဒ္ဓယဉ်ကျေးမှုပြတိုက်အတွင်း ရှေးဟောင်းဘုရားများဖူးမြော်၍ လိုအပ်သည်များ လမ်းညွှန်မှာကြားသည်။

ဆက်လက်၍ ဆဋ္ဌသင်္ဂါယနာတင် ဖွားဖက်တော်များဖြစ်သော ဥတ္တရကုရု ကျောင်းဆောင်၊ အပရ ဂေါယာနကျောင်းဆောင်၊ ဇမ္ဗူဒီပကျောင်းဆောင်၊ ပုဗ္ဗဝိဒေဟကျောင်းဆောင်တို့သို့ ရောက်ရှိပြီး ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် မဟာမင်္ဂလာအခမ်းအနားသို့ ကြွရောက်လာမည့်ဆရာတော်ကြီးများ သီတင်းသုံးမည့်အခြေအနေကို သာသနာတော်ထွန်းကားပြန့်ပွားရေးဦးစီးဌာနမှ တာဝန်ရှိသူက ရှင်းလင်းပြသရာလိုအပ်သည်များ လမ်းညွှန်မှာကြားသည်။

ထို့နောက် ပြည်ထောင်စုဝန်ကြီးသည် ကမ္ဘာအေးသံဃာ့ဆေးရုံကြီးသို့ ရောက်ရှိပြီး နိုင်ငံတော်ပရိယတ္တိသာသနာ့တက္ကသိုလ် (ရန်ကုန်/မန္တလေး)၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြု တက္ကသိုလ်တို့မှ ဆရာတော်ကြီးများ အရေးပေါ်ဆေးကုသမှုပြုနိုင်ရေးအတွက် ဆေးရုံအတွင်း/အပြင် သန့်ရှင်းစေရေး၊ သိမ်တော်ကြီးအတွင်း သန့်ရှင်းစေရေးတို့ကို မှာကြားသည်။

ယင်းနောက် ကမ္ဘာအေးစာပုံနှိပ်တိုက်သို့ရောက်ရှိပြီး ကျမ်းစာအုပ်များ၊ တရားစာအုပ်များ ရိုက်နှိပ်ရန် ပြင်ဆင်ဆောင်ရွက်ထားရှိမှု အခြေအနေကို ကြည့်ရှုစစ်ဆေးပြီး သာသနာတော်အတွက် အကျိုးပြုကျမ်းစာအုပ်များ အချိန်မီရိုက်နှိပ်ထုတ်ဝေနိုင်ရန် လမ်းညွှန်မှာကြားသည်။

ဆက်လက်၍ ပြည်ထောင်စုဝန်ကြီးသည် မဟာသိမ်တော်ကြီးသို့ ရောက်ရှိပြီး သိမ်တော်ကြီးအတွင်း ငှက်များဝင်ရောက်ခြင်းမရှိစေရန်၊ ခိုချေးများကင်းရှင်းစေရေးအတွက် အမြဲမပြတ်သန့်ရှင်းရေး ပြုလုပ်ဆောင်ရွက်ရန် လမ်းညွှန်မှာကြားခဲ့ပြီး ကမ္ဘာအေးစာပုံနှိပ်တိုက်သို့ရောက်ရှိကာ ကျမ်းစာအုပ်များ၊ တရားစာအုပ်များ၊ အန္တရာယ်ကင်းဘုရားရှိခိုးစာအုပ်များ စသည်တို့ ရိုက်နှိပ်ရန် ပြင်ဆင်ဆောင်ရွက် ထားရှိမှုအခြေအနေကို ကြည့်ရှုစစ်ဆေး၍ ဘာသာသာသနာအတွက် အကျိုးပြုကျမ်းစာအုပ်များ အချိန်မီရိုက်နှိပ်ထုတ်ဝေနိုင်ရေး လမ်းညွှန်မှာကြားခဲ့ကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

Myanmar Newspapers

Apr 27, 2026, 03:59 PM

📷 Photo

ပြည်ထောင်စုဝန်ကြီး ဒေါက်တာသက်ခိုင်ဝင်း သာကေတ(သွားနှင့်ခံတွင်းအထူးကုဆေးရုံ)၊ ဒဂုံမြို့သစ်(တောင်ပိုင်း)နှင့် ဒဂုံမြို့သစ်(အရှေ့ပိုင်း) ပြည်သူ့ဆေးရုံများသို့ သွားရောက်ကြည့်ရှုစစ်ဆေး

124

Myanmar Newspapers

Apr 27, 2026, 03:59 PM

ပြည်ထောင်စုဝန်ကြီး ဦးမြထွန်းဦး သီလဝါဆိပ်ကမ်းဧရိယာရှိ ခေတ်မီသိုလှောင်ရုံစီမံကိန်းသို့ သွားရောက်ကြည့်ရှုစစ်ဆေးပြီး BOT ဆိပ်ကမ်းတံတားများမှ တာဝန်ရှိသူများနှင့် တွေ့ဆုံ

ရန်ကုန် ဧပြီ ၂၆

ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦးသည် ယနေ့နံနက်ပိုင်းတွင် ဒုတိယဝန်ကြီး ဦးထွန်းလူ၊ ရန်ကုန်တိုင်းလျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော်နှင့် အတူ ရန်ကုန်တိုင်းဒေသကြီး ကျောက်တန်းမြို့နယ် သီလဝါဆိပ်ကမ်းဧရိယာရှိ အစိုးရ-ပုဂ္ဂလိက ပူးပေါင်းဆောင်ရွက်မှုဖြင့် တည်ဆောက်-လုပ်ကိုင်-လွှဲပြောင်း (Build-Operate-Transfer, BOT)စနစ်ဖြင့် ဆောင်ရွက်လျက် ရှိသည့် ခေတ်မီသိုလှောင်ရုံစီမံကိန်းလုပ်ငန်းခွင်သို့ သွားရောက်ကြည့်ရှုစစ်ဆေးပြီး BOT ဆိပ်ကမ်းတံတားများမှ တာဝန်ရှိသူများနှင့် တွေ့ဆုံသည်။

မှာကြား

ဦးစွာ ပြည်ထောင်စုဝန်ကြီးနှင့်အဖွဲ့သည် မြန်မာ့ဆိပ်ကမ်းအာဏာပိုင်နှင့် Myanma Agricultural & General Development Public Limited (MAGDPL)တို့မှ သီလဝါဆိပ်ကမ်းဧရိယာအကွက်အမှတ် (၂၉)တွင် အကောင်အထည်ဖော် ဆောင်ရွက်မည့်စီမံကိန်းဖြစ်သော ခေတ်မီသိုလှောင်ရုံတည်ဆောက် ရေးလုပ်ငန်းခွင်သို့ ရောက်ရှိရာ ဦးဆောင်ညွှန်ကြားရေးမှူးက ခေတ်မီသိုလှောင်ရုံ လေးလုံးအနက်ပေ(၅၅၀ x ၁၅၀ x ၃၄)အရွယ်ရှိ တန်ချိန် ၂၅၀၀၀ သိုလှောင်နိုင်သည့် သိုလှောင်ရုံတစ်လုံးတည်ဆောက်ခြင်း၊ နောက်ခံမြေတွင် သဲဖို့ခြင်းလုပ်ငန်းများ ဆောင်ရွက်ပြီးစီးမှုအခြေအနေနှင့် အပိုင်းလိုက် ဆက်လက် တည်ဆောက်သွားမည့် အခြေအနေတို့ကို ရှင်းလင်းတင်ပြကာ ပြည်ထောင်စုဝန်ကြီးက အချိန်မီပြီးစီး၍ ဖွင့်လှစ်နိုင်ရေး အလေးထားဆောင်ရွက်ကြရန်နှင့် နိုင်ငံ၏ အဓိကလယ်ယာထွက် ပို့ကုန်များကို ခေတ်မီနည်းစနစ်များဖြင့် သိုလှောင်တင်ပို့နိုင်ရေးအတွက် စီမံထားသည့်အတိုင်းအပိုင်းလိုက် ဆက်လက်တည်ဆောက်သွားကြရန် ဖြည့်စွက်မှာကြားသည်။

ထို့နောက် ပြည်ထောင်စုဝန်ကြီးနှင့် အဖွဲ့သည် Myanmar International Terminal Thilawa (MITT) ဆိပ်ကမ်းတံတားသို့ ရောက်ရှိစစ်ဆေးပြီး MITT အစည်းအဝေးခန်းမတွင် သီလဝါဆိပ်ကမ်းဧရိယာရှိ BOT ဆိပ်ကမ်းတံတားများမှ တာဝန်ရှိသူများအားတွေ့ဆုံရာ မြန်မာ့ဆိပ်ကမ်းအာဏာပိုင် ဦးဆောင်ညွှန်ကြားရေးမှူးက ဆိပ်ကမ်းလုပ်ငန်းကဏ္ဍ စွမ်းဆောင်နိုင်မှုအခြေအနေများကို ရှင်းလင်းတင်ပြကာ BOT ဆိပ်ကမ်းတံတားများမှ တာဝန်ရှိသူများက လက်ရှိ ဆိပ်ကမ်းဝန်ဆောင်လုပ်ငန်း ဆောင်ရွက်နေမှုအခြေအနေများနှင့် တည်ဆောက်ရန်ကျန်ရှိသည့် BOT ဆိပ်ကမ်းတံတားများမှ ၎င်းတို့ အကောင်အထည်ဖော်ဆောင်ရွက်မည့် အစီအမံများကို ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များကို ပေါင်းစပ်ညှိနှိုင်းပေးသည်။

ယင်းနောက် ပြည်ထောင်စုဝန်ကြီးက မြန်မာနိုင်ငံ၏ နှစ်စဉ်ပင်လယ်ရေကြောင်းဖြင့် ကုန်သွယ်မှုတန်ဖိုးသည် နိုင်ငံတကာကုန်သွယ်မှုတန်ဖိုး၏ ပျမ်းမျှ ၇၀ ရာနှုန်းရှိသဖြင့် ပင်လယ်ရေကြောင်းဖြင့် ကုန်သွယ်မှု၏ အဓိက ဝင်/ထွက်ပေါက်ဖြစ်သော ရန်ကုန်နှင့် သီလဝါဧရိယာရှိ ဆိပ်ကမ်းတံတားများအပါအဝင် ဆိပ်ကမ်းလုပ်ငန်း ကဏ္ဍတစ်ခုလုံး စဉ်ဆက်မပြတ်ဖွံ့ဖြိုးတိုးတက်ရေးအတွက် အစိုးရ-ပုဂ္ဂလိက ပူးပေါင်းဆောင်ရွက်မှုကို အလေးထားဆောင်ရွက်ကြရန်လိုကြောင်း၊ ရန်ကုန်ဆိပ်ကမ်း၏ ကုန်ကိုင်တွယ်ရရှိမှုပမာဏကို မြှင့်တင်နိုင်ရန် ပြည်တွင်းလိုအပ်ချက်ကို ဖြည့်ဆည်းပေးခြင်းအပြင် နိုင်ငံ၏ မဟာဗျူဟာမြောက် ပထဝီဝင်အနေအထားကို အကျိုးရှိစွာအသုံးချပြီး အိမ်နီးချင်းနိုင်ငံများ၏ ပို့ကုန်/သွင်းကုန်များကိုပါ  သယ်ယူ ပို့ဆောင်ပေးနိုင်မည့် ကုန်း-ရေ နှစ်သွယ်ဘက်စုံသယ်ယူပို့ဆောင်ရေးစနစ်ကို အကောင်အထည်ဖော်ရန်လိုကြောင်း၊ ထို့ကြောင့် ရန်ကုန် ဆိပ်ကမ်းမှတစ်ဆင့် ရေယာဉ် လွှဲပြောင်းတင်ဆောင်ခြင်း(Transshipment) ဝန်ဆောင်မှုနှင့် နိုင်ငံဖြတ်သန်း ကုန်သွယ်မှု (Transit Trade) ဝန်ဆောင်မှုများ ကိုပေးနိုင်ရန် အဆင်သင့်ဖြစ်မှုအတွက် ဆိပ်ကမ်းတံတားများကို ဆက်လက်တိုးချဲ့ တည်ဆောက်လုပ်ကိုင်ကြရန်လိုအပ်ပြီး နိုင်ငံ၏စွမ်းအင်လုံခြုံမှုအတွက်လည်း စက်သုံးဆီတံတားများနှင့် သိုလှောင်ကန်များကို မြေနေရာချထားပေးပြီးဖြစ်သည့် ပုဂ္ဂလိကလုပ်ငန်းရှင်များက ဆက်လက်ရင်းနှီးမြှုပ်နှံ တည်ဆောက်လုပ်ကိုင်ကြရန်၊ ဆိပ်ကမ်းလုပ်ငန်းစွမ်းဆောင်မှုကို မြှင့်တင်နိုင်ရေးအတွက် ဒစ်ဂျစ်တယ်စနစ်ဖြင့် အသွင်ကူးပြောင်းဆောင်ရွက်ကြရန်၊ စွမ်းအင်သုံးစွဲမှု လျှော့ချနိုင်ရေးအတွက် ဆိုလာစနစ်ကို အစားထိုးသုံးစွဲကြရန်နှင့် ဘက်ထရီစနစ်သုံး ကုန်ကိုင်တွယ်စက်ကိရိယာများနှင့် ယာဉ်များကို ပြောင်းလဲ အသုံးပြုကြရန် တိုက်တွန်းပြောကြားသည်။

ပေါင်းစပ်ညှိနှိုင်းပေး

ဆက်လက်၍ ပြည်ထောင်စုဝန်ကြီးနှင့်အဖွဲ့သည် မြန်မာ့ဆိပ်ကမ်းအာဏာပိုင်ရုံးချုပ်တွင် ပို့ဆောင်ရေးဝန်ကြီးဌာနအောက်ရှိ ဌာနများမှတာဝန်ရှိသူများနှင့် တွေ့ဆုံ၍ ဌာနအလိုက် အကောင်အထည်ဖော်ဆောင်ရွက်မည့် လုပ်ငန်းများကို ရှင်းလင်းတင်ပြသည့်အပေါ် လိုအပ်သည်များကို ဖြည့်စွက်မှာကြားကာ ပေါင်းစပ်ညှိနှိုင်းပေးသည်။

Myanmar Newspapers

Apr 27, 2026, 03:59 PM

မွန်းလွဲပိုင်းတွင် မြန်မာ့ဆိပ်ကမ်းအာဏာပိုင် သိမ်ဖြူသင်္ဘောကျင်းရှိ 1500 BHP Harbour Tug တွန်းဆွဲရေယာဉ် အသစ်တစ်စင်း တည်ဆောက်ရေးလုပ်ငန်းခွင်သို့ ရောက်ရှိကြည့်ရှုစစ်ဆေးပြီး လုပ်ငန်းခွင်ဘေးအန္တရာယ်ကင်းရှင်းရေး၊ အချိန်မီပြီးစီးရေးနှင့် စံချိန်စံညွှန်း ပြည့်မီစေရေး အလေးထားဆောင်ရွက်ကြရန် မှာကြားခဲ့ကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

144

Myanmar Newspapers

Apr 27, 2026, 03:59 PM

📷 Photo

ပြည်ထောင်စုဝန်ကြီး ဦးမြထွန်းဦး သီလဝါဆိပ်ကမ်းဧရိယာရှိ ခေတ်မီသိုလှောင်ရုံစီမံကိန်းသို့ သွားရောက်ကြည့်ရှုစစ်ဆေးပြီး BOT ဆိပ်ကမ်းတံတားများမှ တာဝန်ရှိသူများနှင့် တွေ့ဆုံ

119

Myanmar Newspapers

Apr 19, 2026, 07:00 PM

မြန်မာ့ရိုးရာမဟာသင်္ကြန်ပွဲတော်တွင် ပါဝင်ဖျော်ဖြေခဲ့ကြသည့် ကိုရီးယားအနုပညာရှင်များ ရန်ကုန်မြို့တွင်းလေ့လာ သဘာဝတရားရိပ်သာသို့ စားသောက်ကုန်နှင့် မုန့်မျိုးစုံလှူဒါန်း

ရန်ကုန် ဧပြီ ၁၈

မြန်မာသက္ကရာဇ် ၁၃၈၇ ခုနှစ် မဟာသင်္ကြန်ရေသဘင်ပွဲတော်၊ လမ်းလျှောက်သင်္ကြန်ပွဲတော် ဖျော်ဖြေရေးအစီအစဉ်များတွင် ပါဝင်ဖျော်ဖြေခဲ့ကြသည့် ကိုရီးယားအနုပညာရှင်များ ပါဝင်သည့် K- Pop အဖွဲ့သည် ယနေ့တွင် ရန်ကုန်မြို့တွင်း လှည့်လည်လေ့လာကြသည်။

လှူဒါန်း

အဆိုပါအဖွဲ့သည် နံနက်ပိုင်းတွင် ရန်ကုန်မြို့ မင်းဓမ္မကုန်းရှိ လောကချမ်းသာ အဘယလာဘမုနိ ဗုဒ္ဓရုပ်ပွားတော်မြတ်ကြီးသို့ သွားရောက်ဖူးမြော်ကြည်ညိုလေ့လာပြီး ရန်ကုန်မြို့တွင်းရှိ အထင်ကရနေရာများအား လှည့်လည်ကြည့်ရှု လေ့လာကြသည်။ မွန်းလွဲပိုင်းတွင် အနုပညာရှင်များက သန်လျင်မြို့နယ်ရှိ သဘာဝတရားရိပ်သာသို့ ဆန်၊ ဆီ၊ ကြက်သွန်၊ ကြက်ဥနှင့် မုန့်မျိုးစုံ တို့ကို သွားရောက်လှူဒါန်းခဲ့ကြကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

224

Myanmar Newspapers

Apr 19, 2026, 07:00 PM

“နိုင်ငံတော်သာယာဖို့ သဘာဝပတ်ဝန်းကျင် ထိန်းကြစို့” အမျိုးသားရေးဆောင်ပုဒ်နှင့်အညီ အဖိုးတန်ရေမြေရင်းမြစ် သဘာဝပတ်ဝန်းကျင်သာယာလှပမှုကို ရေရှည်တည်တံ့အောင်ထိန်းသိမ်းပြီး နိုင်ငံ့စီးပွားမြှင့်တင်နိုင်ရေးဆိုင်ရာ စီးပွားရေး‌ဂေဟစက်ဝန်းဖွံ့ဖြိုးမှုမှသည် စဉ်ဆက်မပြတ် ဘက်စုံဖွံ့ဖြိုးတိုးတက်သော နိုင်ငံ့အနာဂတ်ကောင်းများကို ဖော်ဆောင်နိုင်ရေး၊ ကမ္ဘာနှင့် ရင်ပေါင်တန်းကာ ကာဗွန်လျှော့ချနိုင်ရေးနှင့် ခေတ်မီလျှပ်စစ်ကား (EV)များကို တန်းတူသုံးစွဲနိုင်ပြီး လေထုနှင့် အသံညစ်ညမ်းမှုများ လျှော့ချနိုင်၍ ကျန်းမာရေးကောင်းမွန်ခြင်း၊ စက်သုံးဆီနှင့် အင်ဂျင်ပြုပြင်ခြင်း ကုန်ကျစရိတ်တို့အား လျှော့ချနိုင်ခြင်းစသောအကျိုးကျေးဇူးများကို ပြည်သူများ ရရှိခံစားနိုင်ရေးတို့အတွက် တာဝန်ရှိသူများအပါအဝင် EV Stakeholders အားလုံး တက်ညီလက်ညီ ပူးပေါင်းဆောင်ရွက်လျက်ရှိပါသည်။

နိဂုံးချုပ်အနေဖြင့် စာဖတ်သူသည်လည်း ပြည်သူထဲမှ ပြည်သူတစ်ဦးအနေဖြင့် နိုင်ငံ့ EV ကဏ္ဍ ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်မည်ဟု မျှော်လင့်မိပါ၏။ သို့ဖြစ်ရာ အကယ်၍ သင်သည် EV သုံးစွဲသူတစ်ဦးဖြစ်ပါက သင့် EV ကို ဘေးအန္တရာယ်ကင်းရှင်းစွာ သက်တမ်းရှည်အောင် ဤဆောင်းပါးပါ နည်းလမ်းများအတိုင်းသုံးစွဲကာ မောင်းနှင်ခြင်း၊ အားသွင်းခြင်း၊ ရပ်နားခြင်းနှင့် ပြုပြင်ထိန်းသိမ်းခြင်းတို့ဆိုင်ရာ အလေ့အကျင့်ကောင်းများဖြင့် ဆောင်ရွက်မည်ဟုလည်းကောင်း သို့တည်းမဟုတ် သင်သည်မကြာမီ EV ဝယ်ယူမည်ဆိုပါကလည်း ဤဆောင်းပါးပါ နည်းလမ်းများအတိုင်း လိုအပ်သည်များကို ကြိုတင်ပြင်ဆင်ဆောင်ရွက်မည်ဟုလည်းကောင်း သို့တည်းမဟုတ် သင်၏ အနီး ဝန်းကျင်ရှိ မိတ်ဆွေ EV ပိုင်ရှင်တစ်ဦးကို ဤဆောင်းပါးပါ EV သက်တမ်းရှည်ရေး နည်းပညာများနှင့် စနစ်တကျသုံးစွဲရေး နည်းလမ်းများအား နားလည်သဘောပေါက်သွားအောင် ဆင့်ပွားမျှဝေနိုင်မည်ဟုလည်းကောင်း ကျွန်ုပ်လေးနက်စွာ ယုံကြည်မိပါ၏။ ယင်းအပြင် မြို့တွင်း၊ မြို့ပြင်လမ်းများ၌ ဘက်ထရီကျန်းမာရေးကောင်းမွန်သည့် မော်တာများဖြင့် မောင်းနှင်နေသော အစိမ်းရောင် စွမ်းအင်သုံး EV များ အစဉ်တိုးပွားလာသည်ကို ကျွန်ုပ်မြင်ယောင်နေမိပါတော့သတည်း။ ။

ကိုးကားချက် -
၁။ စာရေးသူ၏ သုတေသနပြုလေ့လာမှု အတွေ့အကြုံများ
၂။ အင်တာနက်မှ ရှာဖွေလေ့လာမှုများ

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

Myanmar Newspapers

Apr 19, 2026, 07:00 PM

📷 Photo

မြောက်ပိုင်းတိုင်းစစ်ဌာနချုပ်၌ သက်ကြီးစစ်မှုထမ်းဟောင်းအဖွဲ့ဝင်များအား ပူဇော်ကန်တော့ပွဲ ပြုလုပ်

180

Myanmar Newspapers

Apr 19, 2026, 07:00 PM

မြောက်ပိုင်းတိုင်းစစ်ဌာနချုပ်၌ သက်ကြီးစစ်မှုထမ်းဟောင်းအဖွဲ့ဝင်များအား ပူဇော်ကန်တော့ပွဲ ပြုလုပ်

နေပြည်တော် ဧပြီ ၁၈

ကချင်ပြည်နယ်အတွင်းရှိ သက်ကြီးစစ်မှုထမ်းဟောင်းအဖွဲ့ဝင်များအား ပူဇော်ကန်တော့ပွဲကို ယနေ့နံနက်ပိုင်းတွင် မြောက်ပိုင်းတိုင်းစစ်ဌာနချုပ် ဗလမင်းထင်ခန်းမ၌ပြုလုပ်ရာ တိုင်းမှူး ဗိုလ်ချုပ် အောင်ဇော်ထွေးနှင့် တာဝန်ရှိသူများ၊ အရာရှိ၊ စစ်သည်၊ မိသားစုဝင်များနှင့် ကန်တော့ခံ သက်ကြီးစစ်မှုထမ်းဟောင်းအဖွဲ့ဝင်များ တက်ရောက်ကြသည်။

ဦးစွာ တိုင်းမှူးနှင့်တာဝန်ရှိသူများက သက်ကြီးစစ်မှုထမ်းဟောင်းအဖွဲ့ဝင် ၃၉ ဦးအား ရှိခိုးကန်တော့၍ ကန်တော့ခံပစ္စည်းများပေးအပ်ကြပြီး တိုင်းမှူးက သက်ကြီးစစ်မှုထမ်းဟောင်းအဖွဲ့ဝင်များအား ပူဇော်ကန်တော့ပွဲပြုလုပ်ရခြင်းနှင့်ပတ်သက်၍ ရှင်းလင်းပြောကြားသည်။ ထို့နောက် ပူဇော်ကန်တော့ပွဲသို့ မတက်ရောက်နိုင်သည့် သက်ကြီးစစ်မှုထမ်းဟောင်းအဖွဲ့ဝင် ၁၃၃ ဦးအတွက် အလှူငွေများကိုပေးအပ်ရာ သက်ကြီးစစ်မှုထမ်းဟောင်းအဖွဲ့ဝင် ကိုယ်စားလှယ်တစ်ဦးက လက်ခံရယူပြီး သက်ကြီးစစ်မှုထမ်းဟောင်းအဖွဲ့ဝင် အဘိုးတစ်ဦးက ကျေးဇူးတင်စကားပြန်လည် ပြောကြားသည်။

ယင်းနောက် တိုင်းစစ်ဌာနချုပ်ရှိ နယ်မြေခံဆေးတပ်ရင်းမှဆေးကုသရေးအဖွဲ့များက ကန်တော့ခံ သက်ကြီးစစ်မှုထမ်းဟောင်းအဖွဲ့ဝင်များအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးကြရာ တိုင်းမှူးနှင့်တာဝန်ရှိသူများက လိုက်လံကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးကြသည်။ အလားတူ တိုင်းစစ်ဌာနချုပ် ကွပ်ကဲမှုအောက်ရှိ တပ်နယ်အသီးသီး၌လည်း သက်ကြီးစစ်မှုထမ်းဟောင်းအဖွဲ့ဝင်များအား ပူဇော်ကန်တော့ပွဲများကို တပ်နယ်များအလိုက် ပြုလုပ်ခဲ့ကြကြောင်း သိရသည်။

သတင်းစဉ်

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

Myanmar Newspapers

Apr 19, 2026, 07:00 PM

📷 Photo

မြန်မာ့ရိုးရာမဟာသင်္ကြန်ပွဲတော်တွင် ပါဝင်ဖျော်ဖြေခဲ့ကြသည့် ကိုရီးယားအနုပညာရှင်များ ရန်ကုန်မြို့တွင်းလေ့လာ သဘာဝတရားရိပ်သာသို့ စားသောက်ကုန်နှင့် မုန့်မျိုးစုံလှူဒါန်း

172

Myanmar Newspapers

Apr 19, 2026, 07:00 PM

EV သက်တမ်းရှည်စေဖို့ နည်းလမ်းတကျ သုံးစွဲစို့

အောင်ဇေယျဟိန်း

(ယမန်နေ့မှအဆက်)

၄။ အထွေထွေအကြံပြုချက်များ
၄။ (က) ဘက်ထရီဆဲလ်ချိန်ညှိခြင်း

EV ဘက်ထရီသည် ဘက်ထရီဆဲလ်ရာဂဏန်း (သို့မဟုတ်) ထောင်ဂဏန်းပေါင်းများစွာကို အစဉ်လိုက် အပြိုင်ချိတ်ဆက်ထားခြင်းဖြစ်ပါသည်။ ဘက်ထရီဆဲလ်များကို တိကျစွာ ဂရုတစိုက်ထုတ်လုပ်ထားသော်လည်း မည်သည့်ဆဲလ်နှစ်လုံးမဆို စွမ်းဆောင်ရည်၊ အတွင်းခုခံအားနှင့် မိမိဘာသာအားကုန်ဆုံးနှုန်းတို့ အတိအကျတူညီခြင်းမရှိပါ။ ဘက်ထရီဆဲလ်များရှိ ဗို့အားများ ဟန်ချက်ညီမျှတမှု (Cell Balancing)မရှိသော ဘက်ထရီသည် အလွန်အကျွံအားသွင်းခြင်းနှင့် အားကုန်ခြင်း ဖြစ်နိုင်ခြေပိုများ၏။ ဗို့အားပိုများသည့် ဆဲလ်များမှ ဗို့အားထုတ်သုံးနေစဉ် ဗို့အားနည်းသော ဆဲလ်တစ်ခုသည် ဗို့အားကုန်သွားပါက ဆက်လက်ထုတ်စရာ ဗို့အားမရှိတော့ဘဲ ရေရှည်တွင် ပျက်စီးမှုများဖြစ်ပေါ်‌စေနိုင်၏။ ဆန့်ကျင်ဘက်အရ အားသွင်းချိန်တွင် ဗို့အားပိုများသောဆဲလ်များကို သတ်မှတ်ဗို့အားသို့ အရင်ရောက်ရှိချိန်၌ ဗို့အားနည်းသောဆဲလ်များကို ဆက်လက်အားသွင်းလျှင် သတ်မှတ်ဗို့အားရှိပြီး ဆဲလ်များကို ဆက်လက်အားသွင်းမိပြီး လွန်ကဲစွာအားသွင်းမိနိုင်၏။ ဤအခြေအနေနှစ်မျိုးလုံးသည် ဘက်ထရီယိုယွင်းပျက်စီးမှုကို မြင့်တက်စေနိုင်၏။

EV ၏ ဘက်ထရီဆဲလ် ကွာဟချက်များသည် အကြိမ်ကြိမ်အားသွင်းခြင်းနှင့် သုံးစွဲခြင်းဖြင့် ရေရှည်၌ ပိုမိုသိသာလာပြီး ဘက်ထရီ၏ ညီညွတ်မျှတမှုကို ပျက်ယွင်းစေ၏။ ထို့ကြောင့် ဘက်ထရီသက်တမ်းရှည်စေရန်အတွက် EV ၏ ဘက်ထရီဆဲလ်တစ်ခုချင်းစီတွင် ဗို့အားနှင့် စွမ်းအင်ညီမျှအောင်ညှိပေးသည့် ဆဲလ်ချိန်ညှိခြင်း(Cell Balancing) လုပ်ငန်းကို အလေးထားဆောင်ရွက်သင့်ပြီး ပုံ(၈) ပါ စွမ်းအင်ထုတ်ပစ်သည့် ရိုးရိုးဆဲလ်ချိန်ညှိနည်း (Passive Balancing)နှင့် စွမ်းအင်ကို အပြန်အလှန်မျှဝေသည့် တက်ကြွဆဲလ်ချိန်ညှိနည်း (Active Balancing) ဟူ၍ နှစ်မျိုးရှိ၏။ ဘက်ထရီဆဲလ်တစ်ခုစီ၏ ကျန်းမာရေးအခြေအနေကို ဘက်ထရီဆဲလ် ချိန်ညှိပြီး အချက်အလက်များပေါ်မူတည်၍ သုံးသပ် ဆုံးဖြတ်ရပါသည်။

ပုံ (၉) တွင် သာဓကအနေဖြင့် EV ဘက်ထရီဆဲလ်များမျှတရေးအတွက် ချိန်ညှိပေးနိုင်သော ကိရိယာတစ်ခုကို ဖော်ပြထားပါသည်။ ဤကိရိယာသည် EV ဘက်ထရီဆဲလ်များအား ပြုပြင်မှုဆောင်ရွက်ပြီးနောက် (သို့မဟုတ်) အစားထိုးပြီးနောက် ဘက်ထရီစွမ်းရည် ပြန်လည်ကောင်းမွန်စေရန်အတွက် ဘက်ထရီဆဲလ်အားလုံးကိုတူညီသော ဗို့အားအဆင့်သို့ ရောက်ရှိစေအောင် ချိန်ညှိပေးပြီး ဘက်ထရီသက်တမ်းကို သိသိသာသာတိုးတက်စေပါသည်။ ဒုတိယသက်တမ်း၌ ပြန်လည်ပြည့်ဖြိုးမြဲစွမ်းအင်စနစ်များ၏ ဘက်ထရီစနစ်များအတွက် ပြန်လည်အသုံးပြုနိုင်ရန် ဆဲလ်ချိန်ညှိခြင်းလုပ်ငန်းစဉ်ကို လုပ်ဆောင်သင့်ပါသည်။

၄။ (ခ) ထုတ်လုပ်သူ၏ လမ်းညွှန်ချက်များကို လိုက်နာခြင်း

EV ထုတ်လုပ်သူတိုင်းတွင် သီးခြားဘက်ထရီ ထိန်းသိမ်းနည်း လမ်းညွှန်ချက်များရှိကြရာ မိမိကား၏ အသုံးပြုသူလက်စွဲစာအုပ်ကို လေ့လာဖတ်ရှု၍ အကြံပြုထားသော အားသွင်းသည့်အလေ့အထနှင့် သုံးစွဲစဉ် ဆောင်ရွက်ရမည့်အချက်များကို လိုက်နာပါ။

၄။ (ဂ) ပုံမှန်ပြုပြင်ထိန်းသိမ်းမှုပြုလုပ်ခြင်း

EV မောင်းနှင်ရာတွင် လောင်စာဆီသုံးကားများလို အင်ဂျင်မပါဝင်ဘဲ အင်ဂျင်ဝိုင်၊ ဂီယာဘောက်စ်ဆီများကို လအနည်းငယ်အတွင်းလဲလှယ်ပေးရန်မလိုအပ်ပေ။ သို့သော် EV ကို သတ်မှတ်စံချိန်စံညွှန်းများအတိုင်း ပြုပြင်ထိန်းသိမ်းမှု ပုံမှန်ပြုလုပ်ပေးရပါမည်။

အရေးအကြီးဆုံးမှာ EV ဘက်ထရီကို ခြောက်လ (သို့မဟုတ်) တစ်နှစ်လျှင် တစ်ကြိမ်ပုံမှန်စစ်ဆေးပေးပြီး ဘက်ထရီစီမံထိန်းချုပ်မှုစနစ်နှင့် စွမ်းရည်မြှင့်တင်ရေးဆော့ဖ်ဝဲလ်များကို ပုံမှန်အဆင့်မြှင့်တင် (Update) ဆောင်ရွက်ပေးရပါမည်။ အချို့ Update များသည် အားသွင်းသည့်ပုံစံကို ပိုမိုကောင်းမွန်စေပြီး မောင်းနှင်နိုင်သည့် အကွာအဝေးကိုပိုတိုးစေပါသည်။ ထုတ်လုပ်သူမှပေးပို့သော Over-the-Air (OTA) Update များ ရှိ၊ မရှိ စစ်ဆေးပါ။ အချက်ပြသင်္ကေတများ ပေါ်လာလျှင်စစ်ဆေးပါ။ အလိုအလျောက် Update လုပ်သည့်စနစ်ကို တတ်နိုင်သမျှဖွင့်ထားပါ။

ပုံ(၁၀)တွင် နမူနာဖော်ပြထားသည့် အဆင့်မြင့်နည်းပညာသုံးကိရိယာ(Scanner)ဖြင့် EV အမျိုးအစားအလိုက် အစိတ်အပိုင်းများအား အချိန်တိုအတွင်း တိကျထိရောက်စွာ ပြစ်ချက်ရှာဖွေရာတွင် သုံးစွဲနိုင်ပြီး ပုံ(၁၁)တွင် ၎င်းကိုအသုံးပြု၍ EV မော်တာ၏ လျှပ်ကာစွမ်းရည်ပမာဏအားတိုင်းတာပုံကို တင်ပြထားပါသည်။

EV ပြုပြင်ထိန်းသိမ်းရန် အသိအမှတ်ပြု လက်မှတ်ရရှိထားသည့် EV နည်းပညာရှင်များကသာ ဆောင်ရွက်ရမည်ဖြစ်ပြီး လျှပ်စစ်ဘေးအန္တရာယ်ကင်းရှင်းစေရေးအတွက် ပုံ(၁၂)ပါ လျှပ်ကာ Hand Tools များနှင့် ဗို့အားမြင့်လျှပ်ကာလက်အိတ်တို့ကိုသာ အသုံးပြုရပါမည်။

ဘက်ထရီ၊ ဘရိတ်စနစ်၊ ရေနှင့် Ethylene Glycol ရောစပ်ထားသည့်အရည်ဖြင့် အပူလွန်ကဲခြင်းနှင့် စွမ်းရည်မကျအောင် ထိန်းသိမ်းပေးသည့် ဘက်ထရီနှင့် မော်တာအအေးပေးစနစ်များ၊ အားသွင်းစနစ်၊ လျှပ်ကာစနစ်များနှင့် လျှပ်စစ်သွယ်တန်းသုံးစွဲမှုစနစ်များကို ပုံမှန်စစ်ဆေးပါ။ ယင်းအပြင် တာယာ၊ တာယာနင်းဖိနပ်အနက်၊ ဘရိတ်စနစ်၊ ဘက်ထရီနှင့် မော်တာအအေးပေးစနစ်များကိုလည်း လစဉ်ပုံမှန် စစ်ဆေးသွားရန် လိုအပ်ပါသည်။

Myanmar Newspapers

Apr 19, 2026, 07:00 PM

၄။ (ဃ) EV မီးသတ်ဆေးဘူး ဆောင်ထားခြင်း

EV တွင် မမျှော်လင့်ဘဲ မီးလောင်မှုဖြစ်ပွားလျှင် ရိုးရိုးမီးသတ်ဆေးဘူးများဖြင့် မီးငြှိမ်းသတ်၍မရ။ ရေဖြင့် တိုက်ရိုက်ငြှိမ်းသတ်ခြင်းကြောင့် လျှပ်စစ်ရှော့ခ်ဖြစ်နိုင်ပြီး ထပ်ဆင့်အန္တရာယ်များပွားများလာနိုင်ရာ လီသီယမ်မီးကို ငြှိမ်းသတ်နိုင်သည့် ဓာတုမီးသတ်ဆေးဘူးများကို သုံးစွဲရပါမည်။ EV မီးသတ်ဆေးဘူးကို ယာဉ် (သို့မဟုတ်) ကားဂိုဒေါင်အတွင်း အသင့်ဆောင်ထားသင့်ပါသည်။

အေဗွီဒီ (Aqueous Vermiculite Dispersion- AVD) မီးသတ်ဆေးဘူးကို ဓာတုနည်းပညာဖြင့် အလွှာလိုက်ပြုလုပ်ထားကာ မီးတောက်ကိုငြှိမ်းသတ်၍ အပူချိန်ကို လျှော့ချပေးနိုင်သည့် ဗာမီကျူလစ် (Vermiculite) သတ္တုမှုန့်များ ၁၇ ရာခိုင်နှုန်းကို ရေ ၈၃ ရာခိုင်နှုန်းတွင် ရောစပ်ထားပါသည်။ ပုံ (၁၃) ပါအတိုင်း မီးငြှိမ်းသတ်စဉ် ဗာမီကျူလစ်၏ ဗီဇဂုဏ်သတ္တိဓာတ်အရ မီးလောင်နေရာကိုဖုံးအုပ်ပြီး အောက်ဆီဂျင်ဖြတ်တောက်ကာ အပူချိန်လျှော့ချပေး၏။ ၎င်း၏ အားသာချက်အရ ပတ်ဝန်းကျင်ကို မထိခိုက်စေဘဲ မီးငြှိမ်းသတ်ပေးကာ ပြန်လည်လောင်ကျွမ်းခြင်းမှ ကာကွယ်ပေးနိုင်သဖြင့် လီသီယမ်-အိုင်းယွန်းဘက်ထရီများလောင်ကျွမ်းမှုကို ငြှိမ်းသတ်ရန်အတွက် အထူးဒီဇိုင်းထုတ်ထားပြီး ရိုးရိုးရေ၊ အမှုန့်(သို့မဟုတ်) အမြှုပ်များဖြင့် မီးငြှိမ်းသတ်ခြင်းထက် ပိုမိုထိရောက်မှုရှိပါသည်။

EV အပြင် အေဗွီဒီမီးသတ်ဆေးဘူးများကို လီသီယမ်-အိုင်းယွန်း ဘက်ထရီသုံးစက်ပစ္စည်းများ၊ စက်ရုံများ၊ ရုံးခန်းများ၊ ဘက်ထရီအားသွင်းရုံများနှင့် ဘက်ထရီပြန်လည်အသုံးပြုသည့်နေရာများ၌ အသုံးပြုရန် သင့်လျော်ပါသည်။ ဈေးကွက်တွင် တစ်လီတာ၊ နှစ်လီတာ၊ ခြောက်လီတာနှင့် ကိုးလီတာ အရွယ်အစားများဖြင့်ရရှိနိုင်ပြီး Class A (သာမန်/အထွေထွေမီးလောင်မှု) အမျိုးအစားများကိုပါ ငြှိမ်းသတ်နိုင်ရန် အဆင့်သတ်မှတ်ချက်ပါရှိပါသည်။

EV မီးငြှိမ်းသတ်ရေးအတွက် F-500 EA (Encapsulator Agent) လီသီယမ်မီးသတ်ဆေးဘူးကိုလည်း သုံးစွဲနိုင်ပါသည်။ ၎င်းကို လီသီယမ်-အိုင်းယွန်းဘက်ထရီများ မီးလောင်ကျွမ်းမှုကို ထိရောက်မှု မြင့်မားစွာ ငြှိမ်းသတ်ရန် ဆန်းသစ်စွာ ဒီဇိုင်းထုတ်ထားပြီး ၎င်း၏ထူးကဲအားသာချက်မှာ လောင်စာများနှင့် မီးခိုးငွေ့များကို ဖုံးအုပ်ပိတ်ဆို့နိုင်ခြင်း ဖြစ်ပါသည်။

F-500 EA ဖြင့် ငြှိမ်းသတ်လျှင် ရေမျက်နှာပြင်တင်းအားကို သိသာစွာလျော့ကျစေပြီး ဘက်ထရီအတွင်းပိုင်းသို့ နက်ရှိုင်းစွာ စိမ့်ဝင်နိုင်စွမ်းရှိ၏။ ၎င်းရှိမော်လီကျူးများ၏ ဗီဇဂုဏ်သတ္တိဓာတ်များအရ ရေစက်တစ်ခုစီကို အကာအကွယ်လွှာတစ်ခုစီ ဖန်တီးပေးကာ အပူစုပ်ယူနိုင်စွမ်းမှာ သာမန်ရေထက် အဆပေါင်းများစွာ ပိုမိုကောင်းမွန်ပါသည်။ ထို့ပြင် ရေနွေးငွေ့အဖြစ် ပြောင်းလဲခြင်းမရှိဘဲ အပူချိန်ကို မြန်ဆန်စွာစုပ်ယူလျှော့ချခြင်းကြောင့် မီးလောင်မျက်နှာပြင်ကို လျင်မြန်စွာ အအေးခံနိုင်ပါသည်။

ယင်းအပြင် F-500 EA မော်လီကျူးများသည် လီသီယမ်-အိုင်းယွန်းဘက်ထရီအတွင်းရှိ မီးလောင်လွယ်သော အီလက်ထရောလိုက်များကို ဖုံးအုပ်ပိတ်ဆို့ထားသဖြင့် ၎င်းတို့ မီးလောင်နိုင်စွမ်းဆုံးရှုံးသွားစေပါသည်။ အကျိုးကျေးဇူးများအနေဖြင့် လီသီယမ်-အိုင်းယွန်း ဘက်ထရီမီးလောင်မှုများတွင် အဖြစ်များသော မီးပြန်လည်လောင်ကျွမ်းခြင်းကို ကာကွယ်ပေးနိုင်ပြီး အဆိပ်ဓာတ်ငွေ့များထုတ်လွှတ်မှုကိုလည်း ၉၈ ရာခိုင်နှုန်းကျော်အထိ လျှော့ချပေးနိုင်ရာ မီးသတ်သမားများအတွက် ပိုမိုဘေးကင်းစေနိုင်ပါသည်။

အဆိုပါ မီးသတ်ဆေးဘူးများကို အရွယ်အစားအမျိုးမျိုးဖြင့်ရရှိနိုင်ပြီး Class A သာမန် မီးလောင်လွယ်ပစ္စည်း၊ Class B မီးလောင်လွယ်သော အရည်များ၊ Class F ချက်ပြုတ်ဆီများ အမျိုးအစားမီးလောင်မှုများကိုပါ ငြှိမ်းသတ်နိုင်စွမ်းရှိပါသည်။ ၎င်းသည် ဖလိုရင်းကင်းစင်ပြီး အန္တရာယ်ရှိ ဓာတုပစ္စည်းများပါဝင်မှုမရှိဘဲ ဇီဝပျက်စီးမှုဖြစ်စဉ် မြန်ဆန်ကာ သဘာဝပတ်ဝန်းကျင်ကို ထိခိုက်မှုမရှိပါ။ ထို့ပြင် သံချေးမတက်စေခြင်း၊ အဆိပ်အတောက်မရှိခြင်းနှင့် လျှပ်စစ်ရှော့ခ်ဖြစ်နိုင်ခြေမရှိစေရန် စမ်းသပ်ထားပြီးဖြစ်ကာ ဗို့အားမြင့် လျှပ်စစ်ပစ္စည်းများအနီးတွင် ဘေးကင်းစွာအသုံးပြုနိုင်ပါသည်။ သို့ရာတွင် ၎င်းသည် ရေကိုအခြေပြုငြှိမ်းသတ်ခြင်းဖြစ်ရာ လျှပ်ကူးနိုင်သဖြင့် ပြင်းထန်လှသော လျှပ်စစ်စွမ်းအားကြောင့် လောင်သည့်မီးများ (ပြန်လှန်လျှပ်စီး-အေစီဗို့အား ၁၀၀ နှင့်အထက်)ကို ငြှိမ်းသတ်ရန်အတွက် (လုံးဝ)အသုံးမပြုရပါ။ သို့ဖြစ်ရာ F-500 EA ဖြင့် ငြှိမ်းသတ်လျှင် အားသွင်းစက်နှင့် ဆက်သွယ်မှုမရှိအောင် ထားရှိရပါမည်။ ယင်းအပြင် မီးလောင်ရာနေရာ (အိမ်၊ ဆိုင်၊ အားသွင်းရုံ၊ စက်ရုံ)ရှိ လျှပ်စစ်ဓာတ်အားလိုင်းများကို ကြိုတင်ဖြတ်တောက်ထားရပါမည်။

Myanmar Newspapers

Apr 19, 2026, 07:00 PM

၄။ (င) မီးငြိမ်းစောင်ထားရှိခြင်း

EV များ ခေတ်စားလာသည်နှင့်အမျှ EV မီးငြိမ်းစောင်များ ထားရှိခြင်းသည် မီးဘေးအန္တရာယ်ကြိုတင်ကာကွယ်ရေးအတွက် မရှိမဖြစ်လိုအပ်ချက်တစ်ခု ဖြစ်လာပါသည်။ EV မီးငြိမ်းစောင်များသည် လီသီယမ်-အိုင်းယွန်း ဘက်ထရီမီးလောင်မှုကြောင့် ဖြစ်ပွားသော အပူရှိန်မြင့်မားသည့် မီးလောင်မှုများကို ထိန်းချုပ်ရန်အထူးဒီဇိုင်းထုတ်ထားခြင်းဖြစ်ပြီး မီးခိုးငွေ့များနှင့် အဆိပ်အတောက်ဓာတ်ငွေ့များ ထွက်ရှိမှုကို လျှော့ချပေးနိုင်ပါသည်။

EV မီးငြိမ်းစောင်များကို EV ကားပါကင်များ၊ အားသွင်းရုံများ၊ ဝပ်ရှော့များ၊ ဓာတ်ဆီဆိုင်များ၊ ကားဂိတ်များ၊ ကူးတို့သင်္ဘောများ၊ လှေဆိပ်များ၊ ဥမင်လိုဏ်ခေါင်းများနှင့် လေဆိပ်များတွင် ထားရှိသင့်၏။ အထူးသဖြင့် လျှပ်စစ်ကားအားသွင်းရုံများတွင် မီးငြိမ်းစောင်ထားရှိခြင်းသည် မီးလောင်မှုဖြစ်ပါက အနီးရှိ အခြားကားများသို့ မီးကူးစက်ခြင်းမှကာကွယ်နိုင်ပြီး ဓာတ်ဆီဆိုင်များတွင် ဆီတိုင်ကီများသို့ မီးမရောက်အောင်တားဆီးနိုင်ပါသည်။

EV မီးငြိမ်းစောင်များထားရှိရာတွင် အရေးပေါ်အခြေအနေ၌ အလွယ်တကူ ရှာဖွေတွေ့ရှိနိုင်ပြီး လက်လှမ်းမီရန် အရေးကြီးပါသည်။ မီးငြိမ်းစောင်သေတ္တာများကို အန္တရာယ်များသော နေရာများ ဖြစ်သည့် တိုက်ရိုက်လျှပ်စီးသုံး အမြန်အားသွင်းစက်များနှင့် ၂၀ မီတာ (၆၆ ပေ) အကွာအဝေးအတွင်း တစ်လုံးစီထားရှိသင့်ပြီး ဆွဲကြိုးများကို ကြမ်းပြင်မှ ၁.၂ မီတာ (၄ ပေ) မှ ၁.၅ မီတာ (၅ ပေ) အမြင့်တွင် တပ်ဆင်သင့်ပြီး အမှောင်ထဲတွင်ပါမြင်နိုင်စေရန် နိုင်ငံတကာစံနှုန်း ISO 7010 နှင့်ကိုက်ညီသော မီးစုန်းဆိုင်းဘုတ်များလည်း တပ်ဆင်ထားသင့်ပါသည်။ ပုံ (၁၅) တွင် EV မီးငြိမ်းစောင်နမူနာများနှင့် ပုံ (၁၆) တွင် EV မီးငြိမ်းစောင်ဖြင့် မီးငြှိမ်းသတ်နေပုံကို တင်ပြထားပါသည်။

၄။ (စ) အားသွင်းစနစ်ကို စနစ်တကျ တပ်ဆင်သုံးစွဲခြင်း

နိုင်ငံတော်တွင် ပြည်သူများ၏ EV သုံးစွဲမှုများ တစ်ရှိန်ထိုးမြင့်တက်လာပြီး EV အားသွင်းခြင်းဆိုင်ရာ မြန်မာစံချိန်စံညွှန်း ကိုးခုတို့ကိုချမှတ်ပြီးဖြစ်၏။ သို့ဖြစ်ရာ စံချိန်စံညွှန်းများနှင့်ကိုက်ညီပြီး ဘေးအန္တရာယ်ကင်းရှင်းရေးဆိုင်ရာ ညွှန်ကြားချက်များအတိုင်း အားသွင်းစနစ်ကို တပ်ဆင်သုံးစွဲမှုက ပျက်စီးဆုံးရှုံးမှုများနှင့် မီးဘေးအန္တရာယ်တို့ကို ကြိုတင်ကာကွယ်ရေးအတွက် အခရာကျပါ၏။

ပုံ (၁၇) ပါအတိုင်း EV အားသွင်းစနစ်သွယ်တန်းတပ်ဆင်မှုကို သတ်မှတ်အရည်အသွေး စံပြည့်မီသည့် လျှပ်စစ်ကျွမ်းကျင်ပညာရှင်ဖြင့်သာ ဆောင်ရွက်၍ စံချိန်စံညွှန်းနှင့်ကိုက်ညီသော EV အားသွင်းစက်ကိုသာ သုံးစွဲခြင်းသည် အရေးကြီးသောအချက်ဖြစ်ပါသည်။ အချို့ EV အားသွင်းစက်များတွင် အပူချိန်ထိန်းညှိစနစ်ပါဝင်ရာ အားသွင်းစဉ်ဘက်ထရီ အပူလွန်ကဲမှုကိုကာကွယ်ပေးနိုင်၏။ အရည်အသွေး စံမပြည့်မီသော အတုအပ EV အားသွင်းစက်များသည် လျှပ်စစ်ဝန်အားမမှန်ကန်ခြင်း၊ အပူလွန်ကဲခြင်းနှင့် မီးလောင်ခြင်းစသောအန္တရာယ်တို့ကို ဖြစ်ပေါ်စေနိုင်၍ လုံးဝမတပ်ဆင်သင့်ပါ။

သင့်နေအိမ်တွင် EV ကို အိမ်သုံးမီတာနှင့် အားသွင်းပါက လျှပ်စစ်မီတာ၊ လျှပ်စီးပတ်လမ်း ဖြတ်တောက်သည့် ဆားကစ်ဘရိတ်ကာနှင့် ဝိုင်ယာကြိုးများသည် သတ်မှတ်အရည်အသွေးပြည့်မီကာ သတ်မှတ်လျှပ်စီးဝန်အားဒဏ် ခံနိုင်ရည် ရှိ၊ မရှိကို ကြိုတင်စစ်ဆေးရပါမည်။ EV နှင့် အားသွင်းစက်ကြား၌ ဝိုင်ယာကြိုးများအား လိုအပ်သလိုဆက်၍ အသုံးပြုခြင်း၊ ကြားခံမီးဆက်ပစ္စည်းများ တပ်ဆင်အသုံးပြုခြင်းတို့ကိုလည်း မပြုလုပ်ရပါ။

အားသွင်းစနစ် တပ်ဆင်မည့်နေရာ ရွေးချယ်ခြင်းသည်လည်း ဘေးအန္တရာယ်ကင်းရေးအတွက် အရေးပါပါသည်။ အားသွင်းစနစ်ကိုရေစိုခံခြင်း၊ ဖုန်မှုန့်ကာကွယ်ခြင်းစနစ်များပါရှိသောနေရာတွင် တပ်ဆင်သင့်ပြီး လေဝင်လေထွက်ကောင်းမွန်သော နေရာဖြစ်ရပါမည်။ အားသွင်းစက်ကို မီးလောင် လွယ်သောပစ္စည်းများနှင့် အနီးဝန်းကျင်နေရာ၊ ရေနှင့် အစိုဓာတ်ထိတွေ့နိုင်သောနေရာ၊ နေရောင်ခြည်နှင့် တိုက်ရိုက်ထိတွေ့သော နေရာများတွင် မတပ်ဆင်ရပါ။ ယင်းအပြင် ပုံမှန်ပြုပြင်ထိန်းသိမ်းရမည်ဖြစ်ပြီး ဝိုင်ယာကြိုးများ ပြတ်တောက်ခြင်းနှင့် ပလပ်ပေါက်များ ပျက်စီးခြင်း ရှိ၊ မရှိကို သုံးလတစ်ကြိမ်ခန့် စစ်ဆေးပြီး ချွတ်ယွင်းချက်များတွေ့ရှိပါက ချက်ချင်းပြုပြင်လဲလှယ်ရပါမည်။

အားသွင်းစဉ် ဘက်ထရီကိုစောင့်ကြည့်ကာ ဘက်ထရီ၏ အပူချိန်ပုံမှန်ထက်မြင့်တက်ခြင်း၊ အနံ့ဆိုးထွက်ခြင်း၊ ပုံပျက်ခြင်း စသည့်လက္ခဏာများတွေ့ရှိက ချက်ချင်းအားသွင်းခြင်းကို ရပ်ဆိုင်းပြီး ကျွမ်းကျင်ပညာရှင်များနှင့် စစ်ဆေးပါ။ အားသွင်းပြီးပါက အားသွင်းစက်ကို ဖြုတ်ထားပါ။

နိဂုံးမချုပ်မီ စာဖတ်သူ ပိုမိုလွယ်ကူစွာ မှတ်သားနိုင်ရန် ဤဆောင်းပါး၏ အနှစ်ချုပ်အား အောက်ဖော်ပြပါပုံ (၁၈) အတိုင်းတင်ပြအပ်ပါသည် -

Myanmar Newspapers

Apr 19, 2026, 07:00 PM

📷 Photo

182

Myanmar Newspapers

Apr 19, 2026, 07:00 PM

📷 Photo

EV သက်တမ်းရှည်စေဖို့ နည်းလမ်းတကျ သုံးစွဲစို့

169

Showing 20 of 20 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Myanmar Newspapers

Myanmar Newspapers

Ranking

Participant Growth (Last 3 Days)

Latest Posts

Rating

User Reviews (0)

Related Telegram Channels

🦅 Aquila 🦅

OKX Announcements

Yelegram Escrow Universe 🔥

TLMKRPM

Official Dear Sir

Posolstvo.eu 🇪🇺 – Bulgarian Citizenship & Immigration 🇧🇬

Free Plugins

WAR CORRESPONDENT

Related Telegram Channels

🦅 Aquila 🦅

OKX Announcements

Yelegram Escrow Universe 🔥

TLMKRPM

Official Dear Sir

Posolstvo.eu 🇪🇺 – Bulgarian Citizenship & Immigration 🇧🇬

Free Plugins

WAR CORRESPONDENT

User Reviews (0)

Latest Posts