Ministry of Labor and Skills - Ethiopia

Ministry of Labor and Skills - Ethiopia

Public

Can't Join? @fdre_mols

0

19.4k Members

Updated: May 12, 2026 at 4:40 PM

Ministry of Labor and Skills - Ethiopia

FDRE, Ministry of Labor and Skills Official Telegram Channel

@fdre_mols is a growing community focused on labor and telegram and related topics

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 8 Days)

Total: 19.4K

24h growth: +354 2%

Loading posts...

Rating

Login required

Loading reviews...

Loading recommended channels...

Latest Posts

Ministry of Labor and Skills - Ethiopia

May 11, 2026, 12:22 PM

📷 Photo

🌍✨ ክፍት የሥራ ማስታወቂያ ለስራ ፈላጊዎች በሙሉ!

በሥራና ክህሎት ሚኒስትር በለማው የኢትዮጵያ ሥራ ገበያ መረጃ ስርዓት /E-LMIS/  ሥራ ፈላጊ ለሆኑ ዜጐች  ከስራ ቀጣሪ ተቋማት ጋር በጋራ በተለያዩ የስራ ዘርፍ በE-LMIS በኩል ሰራተኞችን መመልመል ይፈልጋል።

የስራ መደቦች

📌 CIVIL FOREMAN (ሲቪል ፎርማን (የግንባታ ተቆጣጣሪ)-  ብዛት 100
📌 CIVIL CHARGEHANDS ( ሲቪል ቻርጅሃንድ (ረዳት ተቆጣጣሪ)- ብዛት 200
📌 MASONS (ግንበኞች)- ብዛት 100
📌 SHUTTERING CAPENTERS  (ቅርጽ አውጪዎች)-  ብዛት 100
📌 STEEL FIXERS ( ብረት አሳሪዎች) - ብዛት 100
📌 CONSTRUCTION HELPERS (የግንባታ ረዳት ሰራተኞች (ቀን ሰራተኞች)- ብዛት 500

🏫 ስለሆነም ይሆንን እድል ለትጠቀሙ የምትፈልጉ በመጀመሪያ ብላችሁ በመመዝገብ አቅራቢያችሁ ባለ የአገልግሎት መስጫ ማዕከል (ወረዳ ወይም ቀበሌ) በመሄድ የባዮሜትሪክስ መረጃ በመስጠት የሰራተኛነት መለያ ቁጥር /Labor ID/ ከያዛችሁ በዚህ https://forms.lmis.gov.et/uae-new-2 በመግባት ትክክለኛ መረጃዎችን ሞልተው ማመልከት የምትችሉ መሆኑን እናሳውቃለን።

መጋቢት 27/2018 ዓ.ም የሥራና ክህሎት ሚኒስቴር!

14,300

105

0

Ministry of Labor and Skills - Ethiopia

May 11, 2026, 12:22 PM

📷 Photo

የልማት አጀንዳዎቻችን የሥራ ዕድል መፈጠሪያ መንገዶች... !

የአርሶ አደሩንና የአርብቶ አደሩን የኑሮ ደረጃ በዘላቂነት ለመለወጥ የክቡር  ጠቅላይ ሚንስትር ክቡር ዶ/ር ዐቢይ አህመድ ኢንሼቲቭ ሆኖ በቅርቡ የጀመረውን የገጠር ኮሪደር ልማትን አድማስ ለማስፋትትና ዘላቂነትን ማረጋገጥን ባለመው የገጠር ቤቶች ግንባታ ኢንተርፕራይዞች የአሰልጣኞች ስልጠናና የማሽነሪ ርክክብ ተጠናቋል።

ስልጠናው በዋናነት በኢንተርፕሪነርሺፕ፣ በጡብ አመራረትና በማሽነሪዎች አጠቃቀም ላይ ትኩረት ያደረገ ሲሆን፣ ይህም የገጠሩን ማህበረሰብ የአኗኗር ዘይቤ የሚያሻሽልና አዳዲስ የሥራ ዕድሎችን የሚፈጥር ነው።

ሁሉም ኢንተርፕራዞች በኢትዮጵያ የሥራ ገበያ መረጃ ስርዓት አማካይነት የተመዘገቡና የጡብ ማምረቻ ማሽኖቹ የአካባቢን የሸክላ አፈር እንደ ግብዓት የሚጠቀሙ በመሆናቸው የገጠር ኮሪደር ልማትን ከሥራ ዕድል ፈጠራና ከቴክኖሎጂ ሽግግር ጋር በማስተሳሰር ለዜጎች ዘላቂ ተጠቃሚነት የሚኖረው ፋይዳ የላቀ ነው።

የተሻሻሉ የጡብ ማምረቻ ማሽኖችን በኢፌድሪ የቴክኒክና ሞያ ስልጠና ኢንስቲትዩት የተመረቱ ሲሆን ከውጪ ይገቡ የነበሩ ምርት መተካት አስችሏል።

ለመርሃ ግብሩ ስኬት ላበረከተው አስተዋጽኦ ለኢፌዴሪ ቴክኒክና ሙያ ስልጠና ኢንስቲትዩት ዋና ዳይሬክተር ዶ/ር ብሩክ ከድርን ጨምሮ የማኔጅመንት አባላትና በስራው ላይ ለተሳተፋችሁ ባለሙያች ሁሉ ምስጋናዬ የላቀ ነው፡፡

መጋቢት 29/2018 ዓ.ም የሥራና ክህሎት ሚኒስቴር

12,900

Ministry of Labor and Skills - Ethiopia

May 11, 2026, 12:22 PM

📷 Photo

🎙️🌱አስደሳች ዜና

🧑‍🌾በAgri SME ዘርፍ ላይ ስራ ለመጀመር ወይም ለመቀጠል የሚፈልጉ ከሆነ፣ ይህ ድጋፍ እድል ለእርስዎ ነው።

🌾E-LMIS የሚቀጥለውን እርምጃ እንዲወስዱ እና እቅዶችዎን ወደ ተግባር ለመቀየር የድጋፍ አገልግሎቶችን እያመቻቸ ይገኛል።

👉 የድጋፍ ማመልከቻውን ለማግኘት ማስፈንጠሪያውን ይጫኑ፡
https://forms.lmis.gov.et/agri_msme

🛅 ይህ ድጋፍ ራስን የመቻልና የማሻሻል እድልዎ ነው።

🌿 Plant the Seed for Your Future

🧑🏽‍🌾Looking to build a career in the AgriSME sector?

🌾E-LMIS is providing access to financial support to help you take that next step and turn your plans into action.

👉 Apply here:
https://forms.lmis.gov.et/agri_msme

💰This is your chance to access financial support and move forward with confidence.

🛅Your next opportunity could begin with one simple step.

12,500

Ministry of Labor and Skills - Ethiopia

May 11, 2026, 12:22 PM

📷 Photo

በአዲስ መልክ የተመዘገቡ ኤጀንሲዎች ዓለም አቀፍ ደረጃውን የጠበቀና የዜጎችን ክብር የሚመጥን አገልግሎት  መስጠት እንደሚጠበቅባቸው ተጠቆመ፡፡

የውጭ ሀገር ሥራ ሥምሪትን ውጤታማነት ለማረጋገጥ በተሻሻለው አዋጅ መሰረት በድጋሚ ከተመዘገቡ ኤጀንሲዎች ጋር  የሥራና ክህሎት ሚኒስቴር ውይይት አካሄደ፡፡

በውይይቱ መክፈቻ ላይ መልዕክት ያስተላለፉት የሥራ ገበያ መረጃ ሥርዓት ፕሮጀክት አስተባባሪ አቶ ብርሃኑ አለቃ ዜጎች  ክብራቸው ፣ደህንነታቸውና የሥራ ዋስትናቸው ተጠብቆ በውጭ ሀገራት በሚፈጠሩ የሥራ ገበያዎች ላይ እንዲሰማሩ ሚኒስቴር መ/ቤቱ ከተቋቋመ ጊዜ ጀምሮ ዘርፈ ብዙ ተግባራትን እያከናወነ ይገኛል፡፡

የውጭ ሀገር ሥራ ሥምሪት አዋጁን ከማሻሻል ጀምሮ፣ አዋጁን ለማስፈፀም የሚያስችል መመሪያ የማዘጋጀትና ኤጀንሲዎችን በአዲሱ አዋጅ እንደ አዲስ የመመዝገብ ሥራ ተሠርቷል፡፡

ከደረጃ አንድ እስከ አምስት በአዲስ መልክ የተመዘገቡ ኤጀንሲዎች ዓለም አቀፍ ደረጃውን የጠበቀና የዜጎችን ክብር የሚመጥን አገልግሎት በመስጠት ተወዳዳሪ መሆን እንደሚጠበቅባቸው በመድረኩ ተገልጿል፡፡

በዘርፉ የዜጎችና የሀገር ተጠቃሚነትን ለማረጋገጥ ኤጀንሲዎች የዘመነ፣ ከብልሹ አሠራሮች የፀዳና ከምንም በላይ የዜጎችን ደህንነት ማዕከል  ያደረገ ሥራ መስራት እንደሚኖርባቸው  በአፅንኦት ተነስቷል፡፡

የሥራና ክህሎት ሚኒስቴር  የኤጀንሲዎችን ብቃትና ተወዳዳሪነት ለማሳደግ  አስፈላጊውን ድጋፍ ሁሉ እንደሚያደርግ በመድረኩ ተመላክቷል፡፡

የኢትዮጵያ የሥራ ገበያ  መረጃ ሥርዓት (E-lmis)አገልግሎትን በየጊዜው የማበልፀግና የማሻሻል ሥራ እየተከናወነ እንደሚገኝ የተገለፀ ሲሆን ፈጣንና ተጨማሪ አገልግሎቶችን በማካተት የተሸሻለው ሥርዓት (version 3)  በጥቂት ቀናት ውስጥ ወደ ሥራ እንደሚገባም ተጠቁሟል፡፡

መጋቢት 22/2018 ዓ.ም የሥራና ክህሎት ሚኒስቴር !

Ministry of Labor and Skills - Ethiopia

May 11, 2026, 12:22 PM

📷 Photo

አዋጁ ዜጋ ተኮር አሠራርን በማስፈን ተጠያቂነትን የሚያረጋግጥ ነው።

የሥራና ክህሎት ሚኒስቴር ከሲቪኤም(CVM) ኢትዮጵያ ጋር በመተባበር አዲሱ የውጭ ሀገር ሥራ ሥምሪት አዋጅ እና አዋጁን ተከትሎ በተዘጋጀው መመሪያ ዙሪያ ለሚዲያ አካላት የግንዛቤ ማስጨበጫ ስልጠና ሰጥቷል፡፡

የሥራና ክህሎት ሚኒስቴር የውጭ ሀገር ሥራ ስምሪት ስራ አስፈጻሚ አቶ ኤርሚያስ ተክሉ በመድረኩ ባቀረቡት ገለጻ፤ አዲሱ የውጭ ሀገር ሥራ ስምሪት አዋጅ ቁጥር 1389/2017 ዜጋ ተኮር አሠራርን በማስፈን ተጠያቂነትን የሚያረጋግጥ ነው ብለዋል።

ሥራ አስፈጻሚው አክለውም ከዚህ ቀደም የነበረው አሠራር ለዜጎች ስቃይና እንግልት እንዲሁም ለህገ ወጥ ደላላ ተጋላጭ የነበረ ከመሆኑም ባላይ ግልጽ የሆነ ተጠያቂነት የጎደለው እንደነበር አስታውሰዋል።

በዚህ አዋጅና አዋጁን ተከትሎ በተዘጋጀው መመሪያ አጠቃላይ የሥራ ስምሪት ሂደቱ ከእጅ ንክኪ በጸዳ መልኩ በኢትዮጵያ የሥራ ገበያ መረጃ ሥርዓት (E-LMIS) በድጅታል አሰራር በመምራት ዜጎች በመዳረሻ ሀገራት ክብርና ደህንነታቸው ተጠብቆ እንዲቆዩ እና ችግር ሲያጋጥማቸው ደግሞ አፋጣኝ ምላሽ እንዲያገኙ ያስችላል ብለዋል፡፡

የሚዲያ አካላትም የዜጎችን ግንዛቤ በማሳደግ ዜጎችን ለብዝበዛ የሚዳርጉ ህገ ወጥ አካላት በማጋለጥ ሚናቸው እንዲወጡም ጥሪ አቅርበዋል፡

መጋቢት 21/2018 ዓ.ም የሥራና ክህሎት ሚኒስቴር!

11,400

Ministry of Labor and Skills - Ethiopia

May 11, 2026, 12:22 PM

📷 Photo

የዜጎችን ክብርና ደህንነት የጠበቀ የውጭ ሀገር ሥራ ስምሪት ለማረጋገጥ የሚዲያ ባለሙያዎች ሚና የጎላ መሆኑ ተገለጸ

የሥራና ክህሎት ሚኒስቴር ከሲቪኤም (CVM) ኢትዮጵያ ጋር በመተባበር ከተለያዩ የሚዲያ ተቋማት ለተውጣጡ ባለሙያዎች በህጋዊ ሥራ ስምሪት፣ አዋጆችና መመሪያዎች ላይ ያተኮረ የግንዛቤ ማስጨበጫ ስልጠና መስጠት ጀምሯል።

በሚኒስቴሩ የኤጀንሲ ፍቃድ ዴስክ ኃላፊ አቶ አምሳሉ ባሼ እንደገለጹት፣ መንግስት የዜጎችን ክብርና ደህንነት ማዕከል ያደረገ የውጭ ሀገር ስራ ስምሪት እንዲኖር በትኩረት እየሰራ ይገኛል።

ለዚህም ይረዳ ዘንድ ስምሪቱን ከብልሹ አሰራርና ካልተገቡ የሰዎች ንክኪዎች በጸዳ መልኩ ለመምራት የኢትዮጵያ የሥራ ገበያ መረጃ ስርዓት (ELMIS) በስራ ላይ መዋሉን ገልጸዋል።

ይህ የዲጂታል ስርዓት የውጭ ሀገር ሥራ ሥምሪት ከመነሻ እስከ መድረሻ ሀገር ያለውን ሂደት በግልጽ መከታተል የሚያስችል ሲሆን፣ አዲሱ አዋጅ ቀደም ሲል ያልነበሩ የሰለጠኑና በከፊል የሰለጠኑ ባለሙያዎችን ወደ መዳረሻ ሀገራት መላክን እንደሚያስችል ጠቁመዋል፡፡

ሚዲያዎች ዜጎች ህጋዊ የሥራ ስምሪት ሲፈልጉ ማሟላት ያለባቸውን ቅድመ ሁኔታዎች ላይ በቂ ግንዛቤ እንዲጨብጡ፣ ከአሳሳች መረጃዎች እራሳቸውን እንዲጠብቁ እና ህጋዊ መንገድን ብቻ እንዲከተሉ በማድረግ ረገድ ግንባር ቀደም መሆን እንዳለባቸው አቶ አምሳሉ አሳስበዋል። "ሚዲያው ግንዛቤ በፈጠረ ቁጥር በዜጎች ላይ የሚደርሰውን እንግልትና ጉዳት መቀነስ ይቻላል" ብለዋል።

ስልጠናው በዋናነት ህገ-ወጥ የሰዎች ዝውውር የሚያስከትለውን ማህበራዊና ኢኮኖሚያዊ ጉዳት ከማስገንዘብ ባሻገር ስለ አዲሱ የውጭ ሀገር ስራ ስምሪት አዋጅ ግንዛቤ በመፍጠር ዜጎች በመረጃ ላይ ተመስርተው ውሳኔ እንዲያሳልፉ ለማድረግ ያስችላል፡፡

መጋቢት 18/2018 ዓ.ም የሥራና ክህሎት ሚኒስቴር

Ministry of Labor and Skills - Ethiopia

May 11, 2026, 12:22 PM

📷 Photo

ፍትሃዊ የሀብት ተጠቃሚነት ዕውን የሆነባት ሀገርን የመገንባት ጥረት

የሥራና ክህሎት ሚኒስቴር ለጥቃቅንና አነስተኛ ኢንተርፕራይዞች የፋይናንስ ተደራሽነትን ለማስፋት  ባበለፀገው ‹‹ብሔራዊ የብድር መረጃ ሥርዓት››(National Credit intelligence system) ላይ ከተለያዩ የባንክ ተወካዮች ጋር ተወያየ፡፡

የውይይት መድረኩን በንግግር የከፈቱት የሥራና ክህሎት ሚኒስቴር፣ የሚኒስትር ፅ/ቤት ኃላፊ አቶ አህመድ ሰይድ አስተማማኝና ዘላቂ የሥራ ዕድልን ለዜጎች ለመፍጠር ሚኒስቴሩ ዘርፈ ብዙ ተግባራትን እያከናወነ እንደሚገኝ ገልፀዋል፡፡

ሰፊ የሥራ ዕድልን ለዜጎች ተደራሽ ለማድረግ ዋንኛ ማነቆ የሆነውን የፋይናንስ አቅርቦት ችግር ለመፍታት እንዲቻልም ብሔራዊ የብድር መረጃ ሥርዓት በሚኒስቴር መ/ቤቱ የውስጥ አቅም የለማው የኢትዮጵያ ሥራ ገበያ መረጃ ሥርዓት(E-lmis) አካል ሆኖ  መበልፀጉን በመጠቆም ጉዳዩ የሚመለከታቸውን የፋይናንስ ተቋማት ፍላጎትና አስተያየት በማካተት ሥርዓቱን ውጤታማ ለማድረግ እንዲቻል መድረኩ መዘጋጀቱን አስታውቀዋል፡፡

በዕለቱም  ‹‹ብሔራዊ የብድር መረጃ ሥርዓት››(National Credit intelligence system)  ምንነትና አበርክቶ ላይ ያተኮረ ገለፃ በኢትዮጵያ የሥራ ገበያ መረጃ ፕሮጀክት አስተባባሪ አቶ ብርሃኑ አለቃ ቀርቦ በተሳታፊዎች ውይይት ተደርጎበታል፡፡

በውይይቱ ማጠቃለያ ላይ ዋንኛ የሀብት ምንጭ የሆነውን ‹ፋይናንስ› ለዜጎች በፍትሃዊነት ተደራሽ ማድረግ የዜጎች የጋራ ተጠቃሚነት የተረጋገጠባት ሀገርን እውን የማድረግ  ቁልፍ አጀንዳ  መሆኑን የጠቀሱት አቶ አህመድ ሰይድ የውይይቱ ተሳታፊ ባንኮች ለሥርዓቱ ውጤታማነት የበኩላቸውን አስተዋፅኦ በማበርከት ሀገራዊ ኃላፊነታቸውን እንዲወጡ  መልዕክታቸውን አስተላልፈዋል፡፡

መጋቢት 18/2018 ዓ.ም የሥራና ክህሎት ሚኒስቴር

Ministry of Labor and Skills - Ethiopia

May 11, 2026, 12:22 PM

📷 Photo

የጥራት ሥራ አመራር ስርዓት ትግበራ የውስጥ ኦዲት ግምገማ  ተካሄደ

የሥራና ክህሎት ሚኒስቴር አማካሪ ሚኒስትር ዴኤታ ክብርት ነቢሃ መሃመድ በተገኙበት በጥራት ሥራ አመራር ትግበራ ላይ የተካሄደው የውስጥ ኦዲት ሪፖርት ቀርቧል፡፡

በመድረኩ የቀረበው የኦዲት ሪፖርት እንደሚያመላክተው ሚኒስቴር መሥሪያ ቤቱ ተቋማዊ ለውጥ ለማምጣት የሚያስችሉ የውስጣዊና ውጫዊ ነባራዊ ሁኔታዎች ትንተናን በስፋት አከናውኗል።

ከዚህም በተጨማሪ ከሥራው ጋር ቀጥተኛ ግንኙነት ያላቸው ባለድርሻ አካላትን የመለየትና የነባራዊ ሁኔታ ትንተና የመሥራት ተግባራት በውጤታማነት መከናወናቸው በኦዲቱ ወቅት በበጎ ጎኑ ተነስተዋል።

በተለይም የተለያዩ የሥራ ክፍሎች የቀረቡላቸውን ግብረ-መልስ መነሻ በማድረግ የእርምት ሪፖርቶችን በወቅቱ ማቅረባቸው፣ ተቋሙ የያዘውን የዓለም አቀፍ የጥራት ደረጃ ጠብቆ ለመጓዝ ያለውን ቁርጠኝነት የሚያሳይ መሆኑ ተገልጿል።

የተቋሙን የሰው ኃይል አቅም ከመገንባትና አሠራሮችን ከሕጋዊ ማዕቀፍ ጋር ከማስተሳሰር አንጻርም አመርቂ ውጤቶች መመዝገባቸው ተመላክቷል።

በዚህም መሠረት ለ37 የሥራ አስተባባሪዎች የጥራት ሥራ አመራር ሥርዓትን የተመለከተ የአቅም ግንባታ ሥልጠና የተሰጠ ሲሆን ይህም የአመራርና የክትትል ሥራው በዕውቀት ላይ የተመሠረተ እንዲሆን ያስችላል ተብሏል።

ይህንኑ የጥራት ሥርዓት ተቋማዊ ለማድረግም ከ14 በላይ የሚሆኑ አዳዲስ የሥራ መመሪያዎችና ሰነዶች ተዘጋጅተው እንዲጸድቁ የተደረገ ሲሆን አምስት ነባር ሰነዶች ደግሞ ከወቅታዊው የተቋሙ አደረጃጀትና ከዓለም አቀፍ የጥራት መመዘኛዎች ጋር እንዲጣጣሙ የማሻሻል ሥራ ተከናውኖባቸዋል።

ይህ የውስጥ ኦዲት ሂደት በሚኒስቴሩ ውስጥ ግልጽነትና ተጠያቂነት ያለው አሠራር እንዲሰፍን ከማድረጉም ባለፈ የተገኘውን የዓለም አቀፍ የጥራት ዕውቅና ለማስቀጠል ትልቅ ፋይዳ እንዳለው ተጠቁሟል።

በውይይቱ የተሳተፉ አካላትም በኦዲቱ የታዩ ጥንካሬዎች የበለጠ ጎልብተው እንዲቀጥሉና የተለዩ ክፍተቶች ደግሞ በዝርዝር የድርጊት መርሃ-ግብር ታግዘው እንዲታረሙ አቅጣጫ አስቀምጠዋል።

ሚኒስቴሩ በየጊዜው እንዲህ ያሉ የጥራት ኦዲቶችን ማካሄዱ የሚሰጣቸው አገልግሎቶች ቀልጣፋ፣ ጥራት ያላቸውና የደንበኞችን እርካታ የሚያረጋግጡ እንዲሆኑ ለማስቻል ካለው ጽኑ አቋም የመነጨ መሆኑ በውይቱ ማጠቃለያ ላይ ተገልጿል።

መጋቢት 17/2018 ዓ.ም የሥራና ክህሎት ሚኒስቴር

Ministry of Labor and Skills - Ethiopia

May 11, 2026, 12:22 PM

📷 Photo

ከ26 ሺህ በላይ ለሆኑ  ዜጎች የሥራ ዕድል  የፈጠረው የከተማ ግብርና

በአዲስ አበባ ከተማ ባለፉት 8 ወራት ብቻ በከተማ ግብርና ዘርፍ ከ 26 ሺህ በላይ ለሚሆኑ ዜጎች የሥራ ዕድል መፈጠሩን የአዲስ አበባ ከተማ ሥራና ክህሎት ቢሮ አስታወቀ።

የቢሮው የሥራ ስምሪት አገልግሎት ዳይሬክቶሬት ዳይሬክተር አቶ ሰብሃዲን ሱልጣን እንደገለጹት፤ 2,088 አዳዲስ ኢንተርፕራይዞች እንዲሁም በቅጥር ከ 26 ሺህ በላይ ለሚሆኑ ዜጎች ቋሚ የሥራ ዕድል መፈጠሩን ገልጸዋል፡፡

በከተማዋ ባለፉት 8 ወራት ከተፈጠረው 287 ሺህ በላይ ቋሚ የሥራ ዕድል ውስጥ የከተማ ግብርና የ 9.3 በመቶ ድርሻን ይዟል።

በከተማዋ የሥራ ዕድል ሊፈጠርባቸው የሚችሉ 44,307 የከተማ ግብርና ጸጋዎች ተለይተው ወደ ሥራ መገባቱን ያስታወሱት ዳይሬክተሩ ኢንተርፕራይዝ በማደራጀት ብቻ 17,404 ዜጎች የሥራ ዕድል እንደተፈጠረላቸው ተናግረዋል፡፡

የከተማ ግብርና ለዜጎች የሥራ ዕድል ከመፍጠር የተሻገረ ፋይዳ እንዳለው የጠቆሙ ዳይሬክተሩ ለነዋሪዎች የዕለት ተዕለት የምግብ ፍጆታ የሚውሉ (አትክልት፣ ፍራፍሬ፣ ዶሮና እንቁላል...) የመሳሰሉ ምግቦች በራስ ግቢና አካባቢ በማምረት የኑሮ ውድነትን መቋቋም ያስችላል ብለዋል።

መጋቢት 16/2018 ዓ.ም የሥራና ክህሎት ሚኒስቴር

9,560

Ministry of Labor and Skills - Ethiopia

May 11, 2026, 12:22 PM

📷 Photo

የኮደርስ ስልጠና መውሰዳችን ተጨማሪ እውቀትና ክህሎት ከማግኘት ባለፈ በዘርፉ ብቁ ተወዳዳሪ መሆን አስችሎናል

የኮደርስ ስልጠና መውሰዳችን ተጨማሪ እውቀትና ክህሎት ከማግኘት ባለፈ በዘርፉ ብቁ ተወዳዳሪ እንድንሆን አስችሎናል ሲሉ በመቀሌ ከተማ የኮደርስ ስልጠና የወሰዱ ወጣቶች ተናገሩ።

በጠቅላይ ሚኒስትር ዐቢይ አሕመድ(ዶ/ር) ሃሳብ አመንጪነት የተመቻቸው የአምስት ሚሊየን የኢትዮጵያውያን ኮደርስ ስልጠና በተለይም ወጣቶች የእድሉ ተጠቃሚ ሆነው ዓለም አቀፍ ተወዳዳሪነታቸውን የሚያሳድግ መሆኑ ይታወቃል።

የስልጠናው ዓላማ በዘርፉ የዜጎችን አቅም ከመገንባት ባለፈ ኢትዮጵያ በዘርፉ ልማት የጀመረችው እድገትና ማንሰራራት ቀጣይነት እንዲኖረው የሚያደርግም ነው።

በዚህም መሰረት በኢትዮጵያ የተለያዩ አካባቢዎች ዜጎች ስልጠናውን እየወሰዱ ከራሳቸው አልፈው ለሀገራቸው የዲጂታል ልማት ስትራቴጂ ትግበራ አሻራቸውን እያኖሩ መሆኑ ይታወቃል።

በዚሁ መሰረት በትግራይ ክልል መቀሌ ከተማ ስልጠናውን የወሰዱ ወጣቶች የኮደርስ ስልጠና በመውሰዳችን ተጨማሪ እውቀትና ክህሎት ከማግኘት ባለፈ በዘርፉ ብቁ ተወዳዳሪ መሆን አስችሎናል ብለዋል።

አስተያየታቸውን ከሰጡ ወጣቶች መካከል ወጣት አኸዛ ወልደጊወርጊስ፤ የኮደርስ ስልጠና በመውሰድ በዘርፉ የተሻለ ክህሎትና እውቀት ያገኘችበት መልካም እድል መሆኑን ገልፃለች።

በዓለም አቀፍ ደረጃ ብቁ ተወዳዳሪ በመሆን ከራስ ተጠቃሚነት አልፎ በዲጂታል የአገልገሎት ዘርፍ ጥራትና ፍጥነት ያለው አገልግሎት ለመስጠትም ወሳኝ መሆኑን ተናግራለች።

ስልጠናውን ከወሰዱ ወጣቶች መካከል ሰሎሞን ገብረመድህን እና ጸጋአብ ገብረእግዛብሄር፤ የኮደርስ ስልጠናው በተለይም ለወጣቶች መልካም እድል ይዞ የመጣ መሆኑን ተናግረዋል።

ስልጠናውን በመውሰዳቸው በዘርፉ ብቁ ተወዳዳሪ እና የስራ እድል ተጠቃሚ የሚያደርግ መሆኑን በተግባር አይትነዋል ያሉት ወጣቶቹ ሌሎችም ጊዜ ሳያባክኑ እድሉን እንዲጠቀሙበት መክረዋል።

የኮደርስ ስልጠናው የዳታ ሳይንስ፣ ዌብ ፕሮግራሚንግ፣ አርቲፊሻል ኢንተለጀንስና አንድሮይድ የማበልጸግ እና ሌሎች ተያያዥ ዕውቀቶችን ማግኘት የሚያስችል መሆኑ ይታወቃል። ዘገባው የኢዜአ ነው።

መጋቢት 15/2018 ዓ.ም የሥራና ክህሎት ሚኒስቴር

Ministry of Labor and Skills - Ethiopia

Apr 25, 2026, 08:52 AM

📷 Photo

በዓሉ የሰላም፣ የፍቅር፣ የመተሳሰብና የወንድማማችነት ይሁንላችሁ!

ዒድ ሙባረክ!

መጋቢት 10/2018 ዓ.ም የሥራና ክህሎት ሚኒስቴር

10,800

56

Ministry of Labor and Skills - Ethiopia

Apr 25, 2026, 08:52 AM

📷 Photo

የኢትዮጵያውያንን የፈጠራ አቅም ወደ ኢኮኖሚያዊ ሞተርነት መቀየሪያ ማዕከል

በፌዴራል ቴክኒክና ሙያ ስልጠና ኢንስቲትዩት የሚገኘው የክህሎት ባንክ፣ የኢትዮጵያውያንን የፈጠራ አቅም ወደ ተጨባጭ ኢኮኖሚያዊና ማህበራዊ ጠቀሜታ የሚለውጥ ስትራቴጂያዊ የቴክኖሎጂ ማዕከል ሆኖ እያገለገለ ይገኛል።

ማዕከሉ ሲቋቋም የቴክኖሎጂ ማከማቻ ብቻ ሳይሆን፣ በፈጠራ ሃሳብና በገበያ መካከል ያለውን ክፍተት በመድፈን የቴክኖሎጂ ሽግግርን የሚያፋጥን፣ ሥራ ፈጣሪነትን የሚያበረታታና ሀገራዊ የፈጠራ ሥነ-ምህዳሩን ማነቃቂያ እንዲሆን ታሳቢ በማድረግ ነው።

የሥራና ክህሎት ሚኒስትር ክብርት ወ/ሮ ሙፈሪሃት ካሚል፣ ከዓመት በፊት የክህሎት ባንኩን መርቀው ወደ ሥራ ሲያስገቡ ባስተላለፉት መልዕክት፤ ባንኩ የቴክኖሎጂ ባለቤቶችን የፈጠራ ምርቶቻቸውን መጠቀምና ማስመረት ከሚፈልጉ ደንበኞች ጋር የሚያገናኝ መሆኑን ጠቅሰው እንደሀገር ለተጀመረው የክህሎት ልማት መስፈንጠሪያ ሆኖ እንደሚያገልግል መግለፃቸው ይታወሳል፡፡

የክህሎት ባንክ ዋነኛ ትኩረት ቴክኖሎጂን በማልማት የውጭ ምርቶችን መተካት ሲሆን ሀገር በቀል መፍትሄዎችን በማበረታታት የውጭ ምርት ጥገኝነትን መቀነስና በሀገር ውስጥ ቴክኖሎጂ የማምረት አቅምን ማጠናከር የማዕከሉ ግብ ነው።

ባንኩ የፈጠራ ሰዎችን ከባለሀብቶች፣ ከቴክኒክ ባለሙያዎችና ከኢንዱስትሪ ተዋናዮች ጋር በማገናኘት፣ የፈጠራ ውጤቶች (Prototypes) ወደ ብዝሃ ምርት (Mass Production) እንዲሸጋገሩ መንገድ ይፈጥራል።

ይህ አካሄድ አዳዲስ ስታርትአፖችንና ኢንተርፕራይዞችን በማፍራት ለሥራ ዕድል ፈጠራና ለኢንዱስትሪ ዕድገት ከፍተኛ ሚና መጫወት ጀምሯል።

ፌዶ ፓወር ሶሉሽን ለዚህ ስኬት ማሳያ ነው። ፈዴሳ ሹማ በፌዴራል ቴክኒክና ሙያ ኢንስቲትዩት በተካሄደው የመጀመሪያው የቴክኖሎጂ ማበልፀጊያ መርሃ ግብር ላይ በመሳተፍ፣ "ፌዶ ፓወር ሶሉሽን" (Fedo Power Solution) የተሰኘ ምርትን ይዞ ወደ ክህሎት ባንኩ ገብቶ ነበር፡፡

አሁን ላይ አብሮት የሚሰራ አካል በማግኘቱ ድምፅና ጭስ አልባ ዘመናዊ ጄነሬተሮችን በብዛት በማምረት ወደ ገበያ የገባው "ፌዶ ፓወር ሶሉሽን" (Fedo Power Solution)፣ የመብራት መቆራረጥን ለመፍታት ሀገር በቀል የቴክኖሎጂ መፍትሄ አቅራቢ ድርጅት ሆኗል፡፡

አሁን ያለውን ዓለም አቀፋዊ ሁኔታና የነዳጅ እጥረት ለድርጅታችን ትልቅ ገበያ ይዞ መጥቷል የሚለው የድርቱ መስራች ፈዴሳ ሹማ፤ትላልቅ የጤና ተቋማትን ጨምሮ መብራት ለአፍታም መጥፋት የሚያሳስባቸውና የነዳጅ ጄኔሬተር ከሚጠቀሙ ተቋማት በርካታ ትእዛዞችን እየተቀበልን ነው ብሏል፡፡

ልክ እንደ ፈዴሳ ሁሉ በግብርና፣ በጤና እና በኮንስትራክሽን ዘርፎች ችግር ፈቺ የሆኑ በርካታ ቴክኖሎጂዎች በክህሎት ባንኩ ውስጥ ለብዝሃ ምርት ተዘጋጅተው ይገኛሉ።

በክህሎት ባንክ ውስጥ ለገበያ የቀረቡና የሙከራ ደረጃቸውን (Prototypes) ያጠናቀቁ በርካታ ችግር ፈቺ ቴክኖሎጂዎች ለብዝሃ ምርት (Mass Production) ዝግጁ ሆነዋል።

እነዚህን ሀገር በቀል የፈጠራ ውጤቶች ወደ ኢንዱስትሪ በማሸጋገር ረገድ ስትራቴጂያዊ አጋር ያስፈላጋቸዋል፡፡ ለዚህም የሥራና ክህሎት ሚኒስቴር ከሚመለከታቸው አካላት ጋር ተቀራርቦ እየሰራ ይገኛል፡፡

የፋይናስ ዘርፉን ጨምሮ ተቋማትና ባለሀብቶች የክህሎት ባንኩን በመጎብኘት በመረጣችሁት ዘርፍ የፈጠራ ባለሙያዎችን እንድታበረታቱና ሀገራዊ የቴክኖሎጂ አቅም ግንባታው ላይ አሻራችሁን እንድታሳርፉ ጥሪያችንን ለማስተላለፍ እንወዳለን፡፡

መጋቢት 12/2018 ዓ.ም የሥራና ክህሎት ሚኒስቴር!

Ministry of Labor and Skills - Ethiopia

Apr 25, 2026, 08:52 AM

📷 Photo

በ6 ወራት ከ3 ሚሊዮን በላይ ለሚሆኑ ዜጎች የሥራ ዕድል ተፈጥሯል

የሥራና ክህሎት ሚኒስቴር የ2018 በጀት ዓመት የ6 ወራት የሥራ ክንውን ሪፖርቱን ለሕዝብ ተወካዮች ምክር ቤት አቅርቧል።

የሥራና ክህሎት ሚኒስትሯ ወ/ሮ ሙፈሪያት ካሚል ባቀረቡት ሪፖርት ባለፉት ሥድስት ወራት በሀገር ውስጥና በውጭ ሀገር ከ3 ሚሊዮን በላይ ለሚሆኑ ዜጎች የሥራ ዕድል መፍጠር ተችሏል።

ይህ አፈጻጸም ካለፈው ዓመት ተመሳሳይ ወቅት ጋር ሲነፃፀር የሀገር ውስጥ የሥራ ዕድል ፈጠራ በ24.9 በመቶ፣ የውጭ ሀገር የሥራ ስምሪት ደግሞ በ52 በመቶ ብልጫ አሳይቷል።

በውጭ ሀገራት የሚሰሩ ዜጎች ክብራቸው ተጠብቆ እንዲሰሩም ቴክኖሎጂን በመጠቀም ዲጂታላይዝድ የማድረግ ሥራ መጀመሩ ተገልጿል።

በተጨማሪም በቴክኒክና ሙያ ተቋማት ከ290 ሺህ በላይ አዲስ ሰልጣኞች የተቀበሉ ሲሆን፣ ተቋማቱ በ7 ወራት ውስጥ 1.7 ቢሊዮን ብር ገቢ አስገኝተዋል።

ለኢንተርፕራይዞች ከ56 ሄክታር በላይ የመሥሪያና መሸጫ ቦታ ከመዘጋጀቱም ባለፈ፣ ከ76 ቢሊዮን ብር በላይ የብድር ስርጭት መደረጉ በሪፖርቱ ተመልክቷል።

የቋሚ ኮሚቴው ሰብሳቢ  ነገሪ ሌንጮ (ዶ/ር) ለወጣቶች የሥራ እድል ፈጠራ፣ በአገር ውስጥና በውጭ ሀገራት የሥራ ስምሪት፣ በአሰሪና ሰራተኞች ጉዳይ ረገድ ያከናወናቸውን ሥራ በትኩረት እንደሚገመግም አስታውቀዋል፡፡

የሥራና ክህሎት ሚኒስቴር!

11,400

Ministry of Labor and Skills - Ethiopia

Apr 25, 2026, 08:52 AM

📷 Photo

የሥልጠና ተቋማትን በማብቃት በውጭ ሀገር የሥራ ገበያ ላይ   ብቁና ተወዳዳሪ የሰው ኃይል ማፍራት

የኦሮሚያ የሥራ ፍጠራና ክህሎት ቢሮ ለመንግስትና ለግል የውጭ ሀገር የሥራ ስልጠና የሚሰጡ  ተቋማት በአዲሱ የቴክኒክና ሙያ ስልጠና  ስትራቴጂ ላይ በአዳማ ከተማ የግንዛቤ ማስጨበጫ  ስልጠና እየሰጠ  ይገኛል።

የኦሮሚያ የሥራ ፍጠራና ክህሎት ቢሮ ምክትል ኃላፊ አቶ ናስረዲን ቃዲ እንደገለጹት፣ መንግሥት የክልሉ ዜጎች ጥራትና ብቃት ያለው ስልጠና  አግኝተው  በሀገር ውስጥና በውጭ ሀገር የሚፈጠሩ የሥራ እድሎችን እንዲጠቀሙ ለማድረግ የተለያዩ ሪፎርሞችን እየተግባራዊ  በማድረግ ላይ ነው፡፡

ስልጠናው   ባለፉት ስምንት ወራት የውጭ ሀገር የሥራ ስልጠና አፈፃፀም ላይ የተካሄደውን ግምገማ መነሻ በማድረግ  መሰጠቱን  ገልጸዋል።

በመድረኩ ላይ ‹‹የቤት ውስጥ ሥራ›› ስልጠና የሚሰጡ የሙያ ስልጠና ተቋማት ላይ የተካሄደ የኢንስፔክሽን ሪፖርት ለተሳታፊዎች ቀርቧል፡፡

በበጀት ዓመት እስከ 2ኛ ሩብ ድረስ በ65 የውጭ ሀገር የሥራ ስልጠና ተቋማት ላይ በተካሄደው ኢንስፔክሽን  መሠረት  61 ተቋማት የተሻለ ደረጃ ላይ ሲገኙ፣ 3 ተቋማት ብቻ የተቀመጠውን ደረጃ ሙሉ በሙሉ እንዳሟሉ  ገልጸዋል።

በቀጣይ ተቋማቱ በውጭ ሀገር የሥራ ገበያ ላይ ተወዳዳሪ የሆነ የሰው ኃይል ለማፍራት በሚያስችላቸው ደረጃ አቅማቸውን እንዲያጎለብቱ ስልጠናው መዘጋጀቱ ተገልጿል፡፡

መጋቢት 8/2018 ዓ.ም የሥራና ክህሎት ሚኒስቴር

11,600

Ministry of Labor and Skills - Ethiopia

Apr 25, 2026, 08:52 AM

📷 Photo

ኢንዱስትሪውን ለመጪው ዘመን  በጋራ ማዘጋጀት ይጠበቅብናል

ክብርት ወ/ሮ ሙፈሪሃት ካሚል
የሥራና ክህሎት ሚኒስቴር ሚኒስትር

የሥራና ክህሎት ሚኒስቴርን እንዲሁም  የአሠሪዎችና የሠራተኞች ኮንፌዴሬሽኖችን በጋራ ያካተተው የፌዴራል የአሠሪና ሠራተኛ አማካሪ ቦርድ መደበኛ  ውይይት ተካሂዷል፡፡

የሥራና ክህሎት ሚኒስቴር ፣ ሚኒስትር ክብርት ወ/ሮ ሙፈሪሃት ካሚል በውይይቱ መክፈቻ ላይ ባስተላለፉት መልዕክት  የአሠሪና ሠራተኛ ዘርፍን ለማጠናከር፣  የዘመነ ሥርዓት ለመዘርጋት፣ የኢንዱስትሪ ሰላምና የሠራተኛውን ተጠቃሚነት ለማረጋገጥ የሚያስችሉ ዘርፈ ብዙ ተግባራት መከናወናቸውን ገልፀዋል፡፡

በዘርፉ ለተቀመጡት ግቦች ስኬት የአሠሪና ሠራተኛ ቦርድ የማይተካ ሚና ያለው መሆኑን የገለፁት ክብርት ሚኒስትሯ ምርትና ምርታማነትን በማጎልበት  ኢኮኖሚያዊ እድገትን ለማረጋገጥ  ኢንዱስትሪውን ለመጪው ዘመን በጋራ ማዘጋጀት ይኖርብናል ብለዋል፡፡

በመድረኩ  የአሠሪና ሠራተኛ ግንኙነትን ውጤታማነት ለማረጋገጥ  በበጀት ዓመቱ ስድስት ወራት የተከናወኑ ሥራዎች ሪፖርት ቀርቦ  ውይይት ተደርጎበታል፡፡

የሙያ ደህንነትና ጤንነትን ተደራሽ ከማድረግ አንፃር የተሻለ ውጤት በበጀት ዓመቱ መመዝገቡን  በሥራና ክህሎት ሚኒስቴር  የቀረበው ሪፖርት አመላክቷል፡፡ የሙያ ደህንትና ጤንነት ተቆጣጣሪ ባለሙያዎችን አሰልጥኖና አደራጅቶ  ማሰማራት መጀመሩም ተገልጿል፡፡

አሠሪና ሠራተኞች የኢንዱስትሪ ምርታማነት ምክክር እንዲያካሄዱ የሚያስችል ምቹ ሁኔታን  መፍጠር፣  በዘርፉ የህግ ማዕቀፎች ላይ  ለዘርፉ ባለሙያዎች የግንዛቤ መስጨበጫ ስልጠናዎችን መስጠትና የህግ ማዕቀፎችን ማሻሻል በበጀት ዓመቱ በትኩረት የተከናወኑ ተግባራት መሆናቸው ተብራርቷል፡፡

በውይይቱ ማጠቃለያ ላይ የሥራና ክህሎት ሚኒስትር ክብርት ወ/ሮ ሙፈሪሃት ካሚል  የሰራተኞች በነፃነት መደራጀትን አስመልክቶ በሰጡት ማጠቃለያ መደራጀት አንድም የሠራተኞች መብት በመሆኑ በሌላ በኩል ደግሞ ለውጤታማነት የሚበረክተውን አስተዋፅኦ ከግምት በማስገባት  ለሠራተኞችና አሠሪዎች በቂ ግንዛቤ  መፍጠር ይገባል ብለዋል፡፡

የሥራ ላይ ደህንነትና ጤንነትን በተመለከተም በተጨባጭ የሚስተዋሉ ችግሮችን ለመቅረፍ በርከት ያሉ ባለሙያዎችን በቴክኒክና ሙያ ተቋማት ሰልጥነውና በኢንተርፕራይዝ ተደራጅተው በኢንዱስትሪዎች ውስጥ የቁጥጥር ሥራ እንዲሰሩ እየተደረገ እንደሚገኝ ጠቁመዋል፡፡

በቀጣይ የሙያ ላይ ደህንነትና ጤንነት ላይ የሚስተዋሉ ክፍተቶችን  ሁሉም ዜጎች የሚጠቁሙበት፣ በዲጂታል አማራጭ የታገዘ ሥርዓት ለመዘርጋት የሚያስችል ሥራ እየተሠራ እንደሚገኝም ክብርት ሚኒስትሯ አስታውቀዋል፡፡

በአጠቃላይ በኢንዱስትሪው ሥነ ምህዳር ላይ የሚታዩትን ችግሮች ለመፍታት በአሠሪና ሠራተኛ ዘርፍ ላይ የአስተሳሰብ፣ የአመለካከት፣ የባህሪና የባህል ለውጥ ማምጣት  እንደሚጠበቅ ጠቁመዋል፡፡

በዚህም መሰረት  የሥራ ቦታ ስነ ምግባርን እና  ሀገር ወዳድነትን የተመለከቱ ባህሪ የሚቀረፅባቸውን ስልቶች በስርዓተ ትምህርት ውስጥ መካተት  ይኖርባቸዋል ብለዋል፡፡

መሰል ስልጠናዎች በቴክኒክና ሙያ ተቋማት ውስጥ  የልል ክህሎት(soft skill) ማበልፀጊያ ስልጠና አካል ሆነው እንደሚሰጡም ክብርት ሚኒስትሯ ጠቁመዋል፡፡

የኢንዱስትሪው ተዋናይ የሆኑ አካላትን ለማብቃት እንዲቻል የሥራና ክህሎት ሚኒስቴር 8 የትኩረት መስኮችን(ዘረ መሎችን) ለይቶ ወደ ሥራ እንደገባ የሚገልፁት ክብርት ሚኒስትሯ አሠሪዎች ሰው ተኮር የሆነ አመለካከትን  ሠራተኞችም የባለቤትነትና የእኔነት ስሜትን እንዲላበሱ ማስቻል  ቀዳሚ የትኩረት ነጥብ እንደሆነ አብራርተዋል፡፡

ምርትና ምርታማነትን በማላቅ ተወዳዳሪ የኢኮኖሚ እድገትን እውን ለማድረግ  አካላዊ  ጥንካሬን የተላበሰ፣ ከስሜታዊነት ይልቅ በውይይትና ምክክር የሚያምን፣  መንፈሳዊ ልዕልና ያለውና የባህልና የቋንቋ ልዩነትን በአክብሮት የሚስተናግድ የኢንዱስትሪ  ማህበረሰብ መገንባት   ወሳኝ መሆኑንም በአፅንኦት አንስተዋል፡፡

መጋቢት 5/2018 ዓ.ም የሥራና ክህሎት ሚኒስቴር

Showing 15 of 15 posts

No more posts