South Radio And Television agency

South Radio And Television agency

Public

Can't Join? @southRadioAndTelevisionAgency

0

4.6k Members

Updated: May 17, 2026 at 7:56 PM

South Radio And Television agency

South Radio and Television Agency is SNNPRS Ethiopia Government Owned media and Broadcasting service Company, which has 10 branch stations in the region.

@southRadioAndTelevisionAgency is a growing community focused on broadcasting and television and related topics

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 6 Days)

Total: 4.6K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

South Radio And Television agency

May 19, 2026, 08:47 PM

📷 Photo

ለዘንድሮው አረንጓዴ አሻራ እስካሁን ከ8 ነጥብ 6 ቢሊየን በላይ ችግኝ ተዘጋጅቷል - ግብርና ሚኒስቴር
ለዘንድሮ አረንጓዴ አሻራ መርሃ ግብር እስካሁን ከ8 ነጥብ 6 ቢሊየን በላይ ችግኝ የማዘጋጀት ስራ መከናወኑን የግብርና ሚኒስቴር አስታወቀ፡፡

የአረንጓዴ አሻራ መርሃ-ግብር የአየር ንብረት ተፅዕኖን በመቀነስና የምግብ ዋስትናን በማረጋገጥ ረገድ ዘርፈ-ብዙ ፋይዳዎችን እያስገኘ ይገኛል፡፡

በጠቅላይ ሚኒስትር ዐቢይ አሕመድ (ዶ/ር) አነሳሽነት በ2011 ዓ.ም የተጀመረው የአረንጓዴ አሻራ መርሐ-ግብር የሀገር በቀል እጽዋቶችንና የተፈጥሮ ሀብቶችን ከመጠበቅ እንዲሁም የአየር ንብረት ለውጥ የሚያሳድረውን አሉታዊ ተፅእኖ ለመከላከልና የዜጎችን የምግብ ዋስትና ለማረጋገጥ መንግስት የተለያዩ ተግባራትን ከማከናወን አንጻር ግንባር ቀደም ለውጥ አስገኝቷል፡፡

ባለፉት ሰባት ዓመታት በተሰሩት ስራዎች አበረታች ውጤት የተመዘገበ ሲሆን፤ በመርሃ-ግብሩ 48 ቢሊየን ችግኞችን በመትከል የሀገሪቱን አረንጓዴ ሽፋን በከፍተኛ ሁኔታ ማሳደግ ተችሏል።

የኢትዮጵያ አረንጓዴ አሻራ ልማት ከተፈጥሮ ኃብት ጥበቃ ባለፈ ዘርፈ-ብዙ ጥቅሞችን የሰነቀ ሲሆን፤ የአየር ንብረት ተጽዕኖን በመቀነስ ለኢትዮጵያ ሀገራዊና ዓለም አቀፋዊ የኢኮኖሚ፣ ማኅበራዊ፣ ዲፕሎማሲያዊ መስኮች ዘርፈ-ብዙ ፋይዳ እያስገኘ ይገኛል፡፡

ዘንድሮ ለሰባተኛ ጊዜ ለሚካሔደው የአረንጓዴ አሻራ መርሀ-ግብር በሀገር አቀፍ ደረጃ ሰፊ ዝግጅት በመደረግ ላይ ይገኛል፡፡

ለተጨማሪ ንባብ ሊንኩን ይጫኑ https://web.facebook.com/photo?fbid=1439887311510993&set=pcb.1439887744844283

74

0

0

South Radio And Television agency

May 19, 2026, 08:47 PM

📷 Photo

የአፍሪካ ዋንጫ ምድብ ማጣሪያ ድልድል ይፋ ሆነ

ሦስቱ የምስራቅ አፍሪካ ሀገራት፦ኬንያ፣ኡጋንዳ እና ታንዛኒያ ወደ ሚያዘጋጁት የ2027ቱ የአፍሪካ ዋንጫ ለማለፍ የሚደረገው የምድብ ማጣሪያ ድልድል በዛሬው ዕለት ይፋ ሆኗል።

ከሰዓት በኋላ በግብፅ ካይሮ በተካሄደው የዕጣ ማውጣት ስነስርዓት ኢትዮጵያ በምድብ 10 ከሴኔጋል፣ሞዛምቢክ እና ሱዳን ጋር መደልደሏ ይፋ ሆኗል።

ማጣሪያው በቀጣይ ዓመት በሚኖረው መስከረም፣ኅዳር እና መጋቢት በሚኖሩት የፊፋ ካሌንደር የሚካሄድ ይሆናል።

በማጣሪያ ውድድሩ ሶስቱን አዘጋጅ ሀገራት ጨምሮ 48 ብሔራዊ ቡድኖች በ12 ምድቦች ተከፍለው የማጣሪያ ውድድራቸውን የሚያከናውኑ ይሆናል።

በምድብ ማጣሪያው ከ1 እስክ 2 ያለውን ደረጃ ይዘው ያጠናቀቁ 24 ሀገራት ወደ አፍሪካ ዋንጫው ያልፋሉ።

ዘጋቢ፡ሙሉቀን ባሳ

88

0

South Radio And Television agency

May 19, 2026, 08:47 PM

📷 Photo

"‎ብልፅግና በየአካባቢው ህዝቡን በማሳተፍ በሁሉም ዘርፍ የሚታይ ተጨባጭ ውጤት ያስመዘገበ ፓርቲ ነው" - አቶ ገብረመስቀል ጫላ


‌‎ብልፅግና በየአካባቢው ህዝቡን በማሳተፍ በሁሉም ዘርፍ የሚታይ ተጨባጭ ውጤት ያስመዘገበ ፓርቲ ነው ሲሉ የደቡብ ኢትዮጵያ ክልል ብልፅግና ፓርቲ ቅርንጫፍ ጽህፈት ቤት ኃላፊ አቶ ገብረመስቀል ጫላ ገለጹ፡፡
በገሱባ ከተማ አስተዳደር በልማትና በመልካም አስተዳደር እንዲሁም በወቅታዊ ሀገራዊና ከባቢያዊ ጉዳዮች ዙሪያ ከተለያዩ የኅብረተሰብ ክፍሎች ጋር የውይይት መድረክ ተካሂዷል።
‎
‎ማጠቃለያ ሀሳብ የሰጡት የደቡብ ኢትዮጵያ ክልል ብልፅግና ፓርቲ ቅርንጫፍ ጽህፈት ቤት ኃላፊ አቶ ገ/መስቀል ጫላ፤ ብልፅግና በየአካባቢው ህዝቡን በማሳተፍ በሁሉም ዘርፍ የሚታይ ተጨባጭ ውጤት ያስመዘገበ ፓርቲ መሆኑን ገልፀዋል።

‎
‎ፓርቲው ይህንን ልምዱን አጠናክሮ ያስቀጥላል ያሉት ኃላፊው፥ ለዚህም ህዝቡን ብልፅግናን በመምረጥና በማስመረጥ የተጀመሩ ስራዎችን ማስቀጠል ይጠብቅበታል ሲሉም አሳስበዋል።

‎
‎ከኅብረተሰቡ ጋር አንድ በመሆን የተጀመሩ ሥራዎች በሙሉ አመርቂ ውጤቶች የተመዘገቡበትና የሚበረታቱ መሆናቸውን ጠቅሰዋል።

‎
‎በከተማው እየተከናወኑ ያሉ ሥራዎች ነጋዴዎችና የኅብረተሰብ ክፍሉ የሚያደርገው ለሌሎች አካባቢዎች ምሳሌ ሊሆን የሚችል ነው ብለዋል።

‎
‎የወላይታ ዞን የመንግሥት ረዳት ተጠሪ ወ/ሮ ሰላማዊት ሳሙኤል፤ ህዝባችን የመደመጥ የመስራትና የመልማት ብሩህ መንገድ በመሆኑ ከህዝብ የሚነሱ ጥያቄዎች በሙላት መንገዱን ይዞ ተግባራዊ እንዲሆን እንሰራለን ብለዋል።
ለተጨማሪ ንባብ ሊንኩን ይጫኑ https://web.facebook.com/photo/?fbid=1439919141507810&set=pcb.1439919958174395

South Radio And Television agency

May 19, 2026, 08:47 PM

📷 Photo

መከላከልና አክሞ ማዳንን መሰረት ያደረገው የጤና አገልግሎት መስጠት የሚችል ኮምፕሬሄንሲቭ ጤና ኬላ በኣሪ ዞን ደቡብ አሪ ወረዳ ተመረቀ
‎
‎በኣሪ ዞን ደቡብ ኣሪ ወረዳ በሽሽር ቀበሌ የተሰራው ኮምፕሬሄንሲቭ ጤና ጣቢያ የደቡብ ኢትዮጲያ ክልል ም/ቤት ዋና አፌ-ጉባኤ አቶ አለማየሁ ባውዲ በተገኙበት ተመርቆ አገልግሎት መስጠት ጀምሯል፡፡
‎
‎የደቡብ ኢትዮጵያ ክልል ም/ቤት ዋና አፌ-ጉባኤ አቶ አለማየሁ ባውዲ በዚህ ወቅት እንደገለጹት፥ መንግስት ለማህበረሰቡ የጤና ተደራሽነት በማረጋገጥ የተሟላ አገልግሎትን የሚሰጥ መከላከልና አክሞ ማዳንን መሰረት ያደረገ የሁለተኛ ትውልድ ጤና ኬላ ተሰርቶ አገልግሎት መብቃቱ ለጤና ፖሊሲ ማሻሻልና እንደ ሀገር በጤናው ዘርፍ የተሰጠውን ትኩረት ማሳያ እንደሆነ ገልጸዋል፡፡
‎
‎የኣሪ ዞን ዋና አስተዳዳሪ አቶ አብረሃም አታ በበኩላቸው ጥራት ያለው አገልግሎቶችን በቅርበት መሰጠት የሚችል ከጤና ኬላ ከፍ ያለ የጤና ጣቢያን ሙሉ አገልግሎት መስጠት የሚያስችል በዞን ደረጃ የመጀመሪያው ሲሆን ከዚህ በኃላም የሚያስፈልጉ ቦታዎችን በመለየት መንግስትና አጋር አካላት ጋር በመተባበር ሌሎች አከባቢዎችም ተደራሽ ይሆናል ብለዋል፡፡
‎
‎በወረዳ ደረጃ አገልግሎት መስጠት የጀመረው ይህ የጤና ተቋም፤ ለእናቶች ወሊድ አገልግሎት እና የመከላከል ሥራ ጨምሮ ሌሎችን አገልግሎቶች በሙሉ እንደሚሰጥ የደቡብ አሪ ወረዳ ዋና አስተዳዳሪ አቶ ገብሬ ባይስማይ ገልጸዋል፡፡
‎
ለተጨማሪ ንባብ ሊንኩን ይጫኑ https://web.facebook.com/photo/?fbid=1439852958181095&set=pcb.1439853371514387

South Radio And Television agency

May 19, 2026, 08:47 PM

📷 Photo

ጉምሩክ ኮሚሽን አዳዲስ ቴክኖሎጂዎችን በመጠቀም ህገ ወጥ ንግድና ኮንትሮባንድን በመከላከል ከፍተኛ ሚናውን እየተወጣ ነው

ጉምሩክ ኮሚሽን ህገ ወጥ ንግድና ኮንትሮባንድን መከላከል እና የገቢ አሰባሰብን የሚያዛቡ የተጭበረበሩ ሰነዶችን መቆጣጠር የሚያስችሉ ቴክኖሎጂዎችን በመጠቀም በተቋም ግንባታ የፋና ወጊነት ሚና እየተወጣ መሆኑን የኮሚሽኑ ኮሚሽነር ደበሌ ቃበታ (ዶ/ር) ገለጹ፡፡

የፌደራል መንግሥት አስፈፃሚ አካላትን ሥልጣንና ተግባር ለመወሰን በወጣው አዋጅ ቁጥር 1097/2011 መሰረት የኢትዮጵያ ጉምሩክ ኮሚሽን እንዲቋቋም ተደርጓል፡፡

በዚህም ሀገራዊ ሪፎርሙን ተከትሎ ተቋማዊ ሪፎርም በማድረግ ህገ ወጥ ንግድና ኮንትሮባንድን መከላከል፣ የገቢ አሰባሰብን ማሳደግ የሚያስችል አደረጃጀት ፈጥሯል፡፡

የጉምሩክ ኮሚሽን ኮሚሽነር ደበሌ ቃበታ (ዶ/ር) ለኢዜአ እንዳሉት፤ ተቋሙ በአዋጅ ከተሰጠው ቁልፍ ተልዕኮዎች መካከል ከገቢና ወጭ እቃዎች ታክስን አስልቶ ገቢ መሰብሰብ ነው፡፡

ሀገራዊ ሪፎርሙን ተከትሎ በተደረገው የተቋም አደረጃጀት ህገ ወጥ ንግድና ኮንትሮባንድን መከላከል የሚያስችሉ ግልጽ የህግ ማዕቀፎች ተዘጋጅተዋል ብለዋል፡፡

በኢትዮጵያ ከሪፎርሙ በፊት በ2011 በጀት ዓመት የተሰበሰበው ገቢ 78 ነጥብ 5 ቢሊየን ብር እንደነበር ገልጸው፤ በተያዘው በጀት ዓመት አስር ወራት ከታቀደው በላይ 600 ነጥብ 23 ቢሊየን ብር በላይ ጥቅል ገቢ ተሰብስቧል ብለዋል፡፡

ሪፎርሙ አዳዲስ ቴክኖሎጂዎችን በመጠቀም፣ ህጎችን በማሻሻልና አሰራርን በማዘመን የገቢ አሰባሰብ፣ የህገ ወጥና ኮንትሮባንድን መከላከል የሚያስችል አቅም መፍጠሩን ገልጸዋል፡፡

ለተጨማሪ ንባብ ሊንኩን ይጫኑ https://web.facebook.com/photo/?fbid=1439887028177688&set=a.470250168474717

South Radio And Television agency

May 19, 2026, 08:47 PM

📷 Photo

የኮምፕሬሄንሲቭ ጤና ኬላ ግንባታ በታቀደለት ጊዜ አለመጠናቀቅ ቅሬታ እንደፈጠረባቸው በምሻ ወረዳ የኩናፈ ፈረስ ጋማ ቀበሌ ነዋሪዎች ገለፁ

ሀዋሳ፡ ግንቦት 11/2018 ዓ.ም (ደሬቴድ) በማዕከላዊ ኢትዮጵያ ክልል ሀድያ ዞን በምሻ ወረዳ የኩናፈ ፈረስ ጋማ ቀበሌ ኮምፕሬሄንሲቭ ጤና ኬላ ግንባታ በታቀደለት ጊዜ አለመጠናቀቅ ቅሬታ እንደፈጠረባቸው የአከባቢው ነዋሪዎች ተናገሩ።

የወረዳው አስታዳደር በበኩሉ የገጠመውን ችግር ለመፍታት የአከባቢውን ሕብረተሰብ ባሳተፈ መልኩ እየተሰራ መሆኑን ጠቁመው፥ ቀበሌው ከህዝብ ፍላጎት ጋር ተመጣጣኝ ጤና ኬላ ባለመኖሩ ህብረተሰቡ ለእንግልት እየተዳረገ መሆኑን አስረድተዋል።

አንዳንድ የቀበሌው ነዋሪዎች በሰጡት አስተያየት ለአከባቢው ማህበረሰብ አገልግሎት ሊሰጥ የሚችል ጤና ኬላ እንደሌለ ጠቅሰው፥ ይህም በተለይ በእናቶች ጤና ላይ ከፍተኛ ጫና እያሳደረባቸው መሆኑን ተናግረዋል።
አስተያየት ሰጪዎቹ አክለውም ቀበሌው ከወረዳው ዋና ከተማም ሆነ ከአጎራባች ከተሞች እርቀት ላይ የሚገኝ በመሆኑ፥ እናቶች የቅድመ ወሊድ ክትትል ለማድረግ የሚቸገሩ ከመሆኑም በላይ ቤታቸው ለመውለድ እንደሚገደዱ ገልፀዋል።

በሌላ በኩል በአከባቢው ያለው የመንገድ ችግር የአምቡላንስ አገልግሎት በቀላሉ እንዳናገኝ አድርጎናል የሚሉት ነዋሪዎቹ፥ የተጀመረው የኮምፕሬሄንሲቭ አጠቃላይ ጤና ኬላ ግንባታ ስራ በወቅቱ እንዲጠናቀቅ መስራት ያስፈልጋል ብለዋል።
በ2017 ዓ.ም መሠረት ድንጋይ ተጥሎ 70 በመቶ በህብረተሰብ ተሳትፎ እንዲሁም 30 ከመቶ በወረዳው አስተዳደር ድጋፍ ግንባታ መጀመሩን አስታውሰው፥ አሁን ላይ ግን የግንባታ ስራ መጓተቱን ነው የተናገሩት።
ለተጨማሪ ንባብ ሊንኩን ይጫኑ https://web.facebook.com/photo/?fbid=1439805098185881&set=pcb.1439805828185808

South Radio And Television agency

May 19, 2026, 08:47 PM

📷 Photo

እየተመዘገበ ያለው ሀገራዊ የለውጥ ጉዞን ይበልጥ ለማስቀጠል የብልፅግና ፓርቲ አባላት የሚያደርጉትን ድጋፍ አጠናክረው እንዲቀጥሉ ጥሪ ቀረበ

ሀዋሳ፡ ግንቦት 11/2018 ዓ.ም (ደሬቴድ) እየተመዘገበ ያለው ሀገራዊ የለውጥ ጉዞን ይበልጥ ለማስቀጠል የብልፅግና ፓርቲ አባላት የሚያደርጉትን ድጋፍ አጠናክረው እንዲቀጥሉ የደቡብ ምዕራብ ኢትዮጵያ ህዝቦች ክልል ርዕሰ መስተዳድር ዶክተር ኢንጂነር ነጋሽ ዋጌሾ ጥሪ አቅርበዋል።

በዳውሮ ዞን ታርጫ ከተማ የብልፅግና ፓርቲ ድጋፍ ሠልፍ ተካሂዷል።

በሠልፉ ላይ የተገኙት የደቡብ ምዕራብ ኢትዮጵያ ህዝቦች ክልል ርዕሰ መስተዳድር ዶክተር ኢንጂነር ነጋሽ ዋጌሾ ህዝቡ ለብልፅግና ፓርቲ ላደረገው ድጋፍ ምስጋና አቅርበዋል።

ብልፅግና ፓርቲ በተመሠረተ ጥቂት አመታት ውስጥ በሀገራችን አካታች የፖለቲካ ስርዓት እውን ለማድረግና ለማረጋጋት ሰፊ ስራ ሠርቷል ብለዋል።

በፓርቲው በተዘረጋው ምቹ የፓለቲካ ሥርዓትም የሀገራችን አካባቢዎችን ጠቅላይ ሚኒስትር ዶክተር ዐቢይ አሕመድ የተለያዩ ብሔር ብሔረሰቦች ወርደው ጥያቄያቸውን በመስማት የህዝቡን መሠረታዊ ችግር እየተፈቱ መሆናቸውን ገልፀዋል።

በኢኮኖሚ ዘርፎችም ቢሆን የሚያጋጥሙ የዓለም አቀፍ ኢኮኖሚ ጫናን ለመቀነስ የሀገር በቀል ኢኮኖሚ ማዕቀፍን በመንደፍ ውጤታማ ስራ ተሠርቷል ሲሉ ተናግረዋልተ።

የከተማ ኮሪደር ልማት፣ አረንጓዴ አሻራ፣ የስንዴ ልማትና የሌማት ትሩፋት ተግባራት በዜጎች ተጠቃሚነት ላይ የተሻለ ውጤት ያስመዘቡ ተግባራት እንደሆኑ ጠቁመዋል።

ለተጨማሪ ንባብ ሊንኩን ይጫኑ https://web.facebook.com/photo/?fbid=1439815321518192&set=pcb.1439815764851481

South Radio And Television agency

May 19, 2026, 08:47 PM

📷 Photo

ከንቲባ አዳነች አቤቤ የአዘርባጃን የአሳን ቀላል የአንድ ማዕከል ዲጂታል አገልግሎትን ጎበኙ

የአዲስ አበባ ከተማ አስተዳደር ከንቲባ አዳነች አቤቤ ከዓለም የከተሞች ፎረም ተሳትፎ ጎን ለጎን የአዘርባጃን የአሳን ቀላል የአንድ ማዕከል ዲጂታል አገልግሎትን ጉብኝተዋል።

ከንቲባ አዳነች አቤቤ የኢትዮጵያ ልዑክ ከዓለም የከተሞች ፎረም ተሳትፎ ጐን ለጐን የአዘርባጃንን የ“አሳን” (ASAN-Azerbaijan Service and Assessment Network) ቀላል የአንድ ማዕከል ዲጂታል አገልግሎት መጎብኘቱን ጠቁመዋል።

ከንቲባዋ ባስተላለፉት መልዕክት፥ በኢትዮጵያ እስከአሁን በመሶብ ዲጂታል የአንድ ማዕከል አገልግሎት ከፍተኛ ለውጥ የመጣ ቢሆንም፣ አሁንም ልምድ ሊሆኑ በሚችሉ ጉዳዮች ላይ ውይይት መደረጉን ገልጸዋል።

ከ14 ዓመታት በፊት የተጀመረውና በቀን 40 ሺህ አፕሊኬሽን ላይ አገልግሎት የሚያሳልጠው “አሳን”፣ በአውቶቡሶች የሚሰጥ የገጠር አካባቢዎች ተንቀሳቃሽ የአገልግሎት ማዕከል በተደራጀ፣ ፈጣንና ቀላል መንገድ አገልግሎት የሚሰጥ መሆኑን ጠቁመዋል።

በኢትዮጵያም ከ41 በላይ ማዕከላት ተገንብተው ስራ የጀመሩ ሲሆን፣ ከነዚህም ውስጥ በአዲስ አበባ 6 ማዕከላት እና 1 ተንቀሳቃሽ አውቶቡስ የዲጂታል የአንድ ማዕከል አገልግሎት በመስጠት ላይ እንደሚገኙም ነው ከንቲባዋ ያወሱት።

ለተጨማሪ ንባብ ሊንኩን ይጫኑ https://web.facebook.com/photo/?fbid=1439838078182583&set=pcb.1439839341515790

South Radio And Television agency

May 19, 2026, 08:47 PM

📷 Photo

ከባዶነት ወደ እሳታማ ድባብ፦ ሚኬል አርቴታ የኤምሬትስን መንፈስ እንዴት ቀየረው?

በፈረንጆቹ ታህሳስ 2019 ሚኬል አርቴታ የለንደኑን ክለብ አርሰናልን ለመምራት በሩን ሲከፍት፣ ክለቡ ከተጫዋቾች መጫጫን በላይ ትልቅ በሽታ ነበረበት፦ ከደጋፊው ጋር ያለው ፍፁም መቆራረጥ!

የዛሬ 6 ዓመት ገደማ፣ አርቴታ የፔፕ ጋርዲዮላ ረዳት ሆኖ በኤምሬትስ ስታዲየም ማንቸስተር ሲቲ አርሰናልን 3 ለ 0 ሲያሸንፍ በዕለቱ ስታዲየሙ የነበረው ቅዝቃዜና 50 በመቶው ስታዲየም ባዶ መሆኑ ከአእምሮው አልጠፋም ነበር። “በዚህ ሁኔታ ውስጥ ምንም ዓይነት ፕሮጀክት መገንባት አይቻልም” ነበር ያለው ስፔናዊው ታክቲሻን።

ዛሬ ግን ያ ታሪክ ተረት ሆኗል። ኤምሬትስ አሁን የቅዠት ሳይሆን የጋለ እሳት መድረክ ሆናለች።

የአርሰናል ስታዲየም ድባብ በአንድ ጀምበር አልተቀየረም። መንገዱ እሾሃማ ነበር።

የኮቪድ-19 መከሰት ደጋፊን ለመመለስ ሲታሰብ ስታዲየሞች ሙሉ በሙሉ ዝግ ሆኑ።

የ2021-22 የውድድር ዘመን አስከፊ ጅማሮውም ይነሳል። ክለቡ የመጀመሪያዎቹን ሶስት ጨዋታዎች ተሸንፎ ከደረጃው ግርጌ ተቀምጦ ነበር።

ነገር ግን በዚያው አስቸጋሪ ወቅት የኖርዊች ጨዋታ ላይ ደጋፊዎች ያሳዩት “አብረን እንሰቃያለን” የሚል እምነት አርቴታን እንባ አራጭቶታል። ያቺ ዕለት የለውጡ መሰረት ነበረች።

አርቴታ ደጋፊዎችን "የቡድኑ 12ኛ ተጫዋች እና አስማተኛው ክፍል" ሲል ይጠራቸዋል።

በተለይ በዚህ የውድድር ዘመን የስታዲየሙ ድባብ ቡድኑን ወደ ሻምፒዮንነት እየገፋው ይገኛል።

የለውጡ ምስጢሮች ምን ምን ናቸው?

ለተጨማሪ ንባብ ሊንኩን ይጫኑ https://web.facebook.com/photo/?fbid=1439743801525344&set=pcb.1439745084858549

South Radio And Television agency

May 19, 2026, 08:47 PM

📷 Photo

የሲዳማ ክልል ርዕስ መስተዳደር አቶ ደስታ ሌዳሞ ለሀዋሳ ከተማ ዘመናዊ የፈሳሽ ቆሻሻ ማጣሪያ ፕሮጀክት ግንባታ መሰረት ድንጋይ አስቀመጡ

የሲዳማ ክልል ርዕስ መስተዳደር አቶ ደስታ ሌዳሞ ለሀዋሳ ከተማ ዘመናዊ የፈሳሽ ቆሻሻ ማጣሪያ ግንባታ ፕሮጀክት መሰረት ድንጋይ አስቀምጠዋል።

ርዕሰ መስተዳድር አቶ ደስታ ሌዳሞ ለፕሮጀክቱ መሰረት ድንጋይ ሲያስቀምጡ እንደተናገሩት ከተሞችን ፅዱና ማራኪ ከቆሻሻ የፀዳ በማድረግ ለነዋሪዎቿ ምቹ፤ ለቱሪስት ማራኪ ለማድረግ መንግሥት በቁርጠኝነት እየሰራ መሆኑን አውስተው የለውጡ መንግሥት ለህዝቡ ቃል የገባቸውን በርካታ ፕሮጀክቶችን በፍጥነትና በጥራት እየፈጸመ መሆኑን ገልፀዋል፤ ይህ ፕሮጀክትም በታቀደለት ጊዜ ገደብ እንደሚጠናቀቅም አስረድተዋል።

ርዕሰ መስተዳድሩ አክለውም የዚህ ፕሮጀክት ግንባታ ሲጠናቀቅ የሀዋሳ ከተማ ፈሳሽ ቆሻሻ አወጋገድ ስርዓት ከማዘመኑም በላይ የለውጡ መንግሥት ከተሞች ዘመኑን የዋጁ ዘመናዊ ከተሞች ለማድረግ ያስቀመጣቸውን የስትራቴጂክ ግቦችን የሚያሳካ፤ የሀዋሳ ከተማ ነዋሪዎች የዘመናት ጥያቄ ምላሽ የሚሰጥ፤ ለአካባቢ ነዋሪዎች ደግሞ የሰራ ዕድል የሚፈጥር ይሆናል ብለዋል።

ይህ ፈሳሽ ቆሻሻ ማጣሪያ ፕሮጀክት ግንባታ ሰርቶ ለማጠናቀቅ ሁለት ቢሊዮን ብር የተመደበለት ሲሆን አንድ ዓመት ውስጥ እንደሚጠናቀቅ ተገልጿል።

በመደረኩ የክልሉ ርዕሰ መስተዳድር አቶ ደስታ ሌዳሞ፤ የውሃና ኢነርጂ ሚ/ር ሚኒስትር ዴኤታ አምባሳደር አስፋው. ዲንጋማ (ዶ/ር) የፌዴራል፤ የክልል፤ የሀዋሳ ከተማና የሰሜናዊ ሲዳማ ዞን ከፍተኛ የመንግሥት የሥራ ኃላፊዎች ተገኝተዋል።

ምንጭ፡ የሲዳማ ክልል ኮሙኒኬሽን ቢሮ

92

South Radio And Television agency

May 4, 2026, 10:18 PM

📷 Photo

በመሠረተ ልማት ዝርጋታ የገጠሩን ማህበረሰብ ተጠቃሚነት የሚያረጋግጡ ሥራዎች ተጠናክረው ቀጥለዋል- የኢፌዴሪ የመንግስት ኮሙኒኬሽን አገልግሎት

ባለፉት ስምንት ዓመታት መንግሥት በመንገድ፣ በመስኖና በውሃ ዘርፎች ላይ ባደረገው ከፍተኛ የበጀት ድልድል የዜጎችን ማኅበራዊና ኢኮኖሚያዊ ኑሮ ለማሻሻል ሰፊ ሥራዎችን አከናውኗል።

በመንገድ ዘርፍ በ2010 ዓ.ም የነበረው የ126,773 ኪ.ሜ ሽፋን በስምንት ዓመታት ውስጥ ወደ 180ሺህ 232 ኪ.ሜ በላይ አድጓል።

ይህ በአጭር ጊዜ ውስጥ ብቻ ከ53ሺህ ኪሎ ሜትር በላይ አዳዲስ መንገዶች ተገንብቶ ለሀገሪቱ ልማት ዉሏል ማለት ነው፡፡ ከለውጡ በፊት የነበረው አንድ የፍጥነት መንገድ ብቻ ሲሆን፣ አሁን ግን የሞጆ-አርሲ ነገሌ እና የድሬዳዋ-ደዋሌ ፕሮጀክቶች ተጠናቀው ለአገልግሎት በቅተዋል።

በቀጣይም ኢትዮጵያን የ1,600 ኪ.ሜ የፍጥነት መንገድ ባለቤት ለማድረግ አራት አዳዲስ ፕሮጀክቶች በዝግጅት ላይ ይገኛሉ።
ለተጨማሪ ንባብ ሊንኩን ይጫኑ https://web.facebook.com/photo/?fbid=1425917479574643&set=pcb.1425919189574472

35

South Radio And Television agency

May 4, 2026, 10:18 PM

📷 Photo

ቼልሲ ለስድስተኛ ተከታታይ ጊዜ ተሸነፈ

በ35ኛው ሳምንት የእንግሊዝ ፕሪሚየር ሊግ መርሐ-ግብር በስታምፎርድ ብሪጅ ስታዲየም የተገናኙት ቼልሲ እና ኖቲንግሃም ፎረስት፣ ያልተጠበቀ ክስተት የታየበትን ጨዋታ አድርገዋል።

በሜዳው ቼልሲ፣ በወራጅ ቀጠናው ስጋት ውስጥ በነበረው ኖቲንግሃም ፎረስት 3 ለ 1 በሆነ ውጤት ሽንፈት አስተናግዷል።

ለእንግዳው ክለብ ኖቲንግሃም ፎረስት ወሳኝ ሶስት ነጥብ ያስገኙትን ግቦች ናይጄሪያዊው አጥቂ ታይዎ አዎኒዪ ሁለት ግቦችን በማስቆጠር የድሉ ፋና ወጊ ሲሆን፣ ብራዚላዊው ኢጎር ጄሱስ በፍጹም ቅጣት ምት ቀሪዋን ግብ ከመረብ አሳርፏል።

ለሰማያዊዎቹ ብቸኛዋንና ከሽንፈት ያልታደገችውን ጎል ያስቆጠረው ጇኦ ፔድሮ ነው።

በመጀመሪያው አጋማሽ ቼልሲ የባከነውን ነፍስ ለመመለስ የሚያስችለውን የፍጹም ቅጣት ምት አግኝቶ የነበረ ቢሆንም፣ ኮል ፓልመር ሳይጠቀምበት ቀርቷል።

ኮል ፓልመር ካደረጋቸው 20 የፕሪሚየር ሊግ የፍጹም ቅጣት ምት ሙከራዎች ውስጥ ሳይቆጠር የቀረበት ሁለተኛው አጋጣሚ ሆኗል። ከዚህ ቀደም በግንቦት 2025 ከሌስተር ጋር በነበረው ጨዋታ መሳቱ ይታወሳል።

የፎረስቱ ግብ ጠባቂ ማትዝ ሴልስ በፕሪሚየር ሊግ ታሪኩ ለመጀመሪያ ጊዜ የፍጹም ቅጣት ምት ማዳን የቻለበት አጋጣሚ ሆኗል። ከዚህ ቀደም የተመቱበት ስምንቱም ሙከራዎች ግብ ሆነውበት ነበር።

ታይዎ አዎኒዪ ከግንቦት 2023 በኋላ ለመጀመሪያ ጊዜ በአንድ የሊግ ጨዋታ ሁለት ግቦችን ማስቆጠር የቻለ ሲሆን፣ የሚገርመው ያን ጊዜም ይህንኑ ድርጊት የፈጸመው በቼልሲ ላይ መሆኑ ነው።
ለተጨማሪ ንባብ ሊንኩን ይጫኑ https://web.facebook.com/photo/?fbid=1425930872906637&set=pcb.1425932436239814

South Radio And Television agency

May 4, 2026, 10:18 PM

📷 Photo

አልቫሬዝ፣ ሶርሎዝ እና ሲሞኒ ወደ ስብስብ ተመለሱ!

በአውሮፓ ሻምፒዮንስ ሊግ የግማሽ ፍፃሜ የመልስ ጨዋታ በነገው ዕለት በኤምሬትስ ስታዲየም ከአርሰናል ጋር ወሳኝ ፍልሚያ የሚያደርገው አትሌቲኮ ማድሪድ፣ ለደጋፊዎቹ እጅግ አስደሳች ዜና ይዞ ብቅ ብሏል።

በጉዳት ምክንያት ለለንደኑ ጉዞ ጥርጣሬ ላይ የነበሩት የፊት መስመር ተጫዋቾች በጉዞ ስብስቡ ውስጥ መካተታቸው ተረጋግጧል።

በመጀመሪያው የደርሶ መልስ ጨዋታ ላይ ጎል አስቆጥሮ በጉዳት የወጣው ጁሊያን አልቫሬዝ፣ እንዲሁም በጡንቻ ጉዳት ምክንያት ያለፉትን ጨዋታዎች ያመለጡት አሌክሳንደር ሶርሎዝ እና ጁሊያኖ ሲሞኒ በለንደኑ ተጓዥ ቡድን ውስጥ ተካተዋል።

ይህ መመለስ ለዲዬጎ ሲሞኒ ቡድን ትልቅ የሞራል እና የታክቲክ ጥንካሬ እንደሚሰጥ ይጠበቃል።

ሁለቱ ቡድኖች በማድሪድ ባደረጉት የመጀመሪያ ዙር ጨዋታ 1 ለ 1 በሆነ አቻ ውጤት መለያየታቸው ይታወሳል።

አትሌቲኮ ማድሪድ ምንም እንኳን በሜዳው የማሸነፍ እድሉን ባይጠቀምም፣ አሁን ግን ሙሉ በሙሉ ሊባል በሚችል መልኩ በዋና ዋና ተጫዋቾቹ ታጅቦ ወደ ለንደን አቅንቷል።

የመድፈኞቹ ስታዲየም ነገ ምሽት የሁለቱን ታላላቅ ክለቦች ፍልሚያ ለማስተናገድ በዝግጅት ላይ ሲሆን፣ የአትሌቲኮ ማድሪድ ወሳኝ ተጫዋቾች መመለስ ደግሞ ጨዋታውን ይበልጥ አጓጊ ያደርገዋል።

ድል ለማን ይሆን? ኤምሬትስ ላይ የሚታይ ይሆናል!

ዘጋቢ፡ሙሉቀን ባሳ

70

South Radio And Television agency

May 4, 2026, 10:18 PM

📷 Photo

ርዕሰ መስተዳድር ጥላሁን ከበደ በወላይታ ሶዶ ሶዶ ከተማ አስተዳደር የኮሪደር የልማት ስራዎችን ጎበኙ

የደቡብ ኢትዮጵያ ክልል ርዕሰ መስተዳድር ጥላሁን ከበደ በወላይታ ሶዶ ከተማ አስተዳደር እየተሰሩ ያሉ የኮሪደር የልማት ስራዎችን ጎብኝተዋል።

ርዕሰ መስተዳድሩ በጉብኝቱ ወቅት በከተማዋ በአዲስ መልክ እየተሰራ የሚገኘው የኮሪደር ልማት ስራ ሲጠናቀቅ የከተማ እድገት በማፋጠን ተወዳዳሪነቷን የሚያሳድግ መሆኑን በመግለፅ የተጀመሩ ስራዎችን በተጀመረው አግባብ ብልዩ ትኩረት በመስራት በአጠረ ግዜ ማጠናቀቅ እንደሚገባ አሳውቀዋል።

የከተማውን ኀብረተሰብ የልማቱ ባለቤት በማድረግ ከተሞችን ፅዱ፤ ለኑዋሪው ምቹና ተስማሚ፤ አረንጓዴ እና ለእንቨስትመንት ተመራጭ ተወዳዳሪ የማድረግ ስራው ተጠናክሮ ሊቀጥል ይገባል ሲሉ ተናግረዋል፡፡

ምንጭ ፡ የክልሉ ርዕሰ መስተዳድር ጽ/ቤት

30

0

South Radio And Television agency

May 4, 2026, 10:18 PM

📷 Photo

የኢትዮጲያ ከፍተኛ ሊግ የማጠቃለያ ውድድር በአዲስ አበባ ስታዲየም ይካሄዳል

የኢትዮጵያ ከፍተኛ ሊግ የ2018 የውድድር ዘመን የማጠቃለያ መርሐግብር በአዲስ አበባ ስታዲየም እንደሚካሄድ ተገልጿል።

አስቀድሞ በወጣው መርሐግብር ውድድሩ እሁድ ሚያዚያ 25 በአዲስ አበባ ስታዲየም ሊካሄድ መርሐግብር ከተያዘለት በኋላ ጨዋታዎቹ ረቡዕ ሚያዚያ 28 በሰበታ ስታዲየም እንዲካሄዱ ተወስኖ ነበር።

ሆኖም በማጠቃለያው ውድድር የፍፃሜ ተፋላሚ የሆኑት ጋሞ ጬንቻ እና ሀላባ ከተማ ጨዋታዎቹ በአዲስ አበባ እንዲካሄዱ ጥያቄያቸውን ለኢትዮጵያ እግርኳስ ፌዴሬሽን በደብዳቤ ገልፀዋል።

ፌዴሬሽኑም የቀረበውን ጥያቄ ተብሎ ጨዋታውን ወደ አዲስ አበባ መመለሱን አሳውቋል።

በዚህም መሰረት የፍፃሜው ጨዋታ ሐሙስ ሚያዚያ 29 ከቀኑ 9 ሰዓት ከ30 በጋሞ ጬንቻ እና ሀላባ ከተማ መካከል ይደረጋል።

እንዲሁም የደረጃ ጨዋታው ደግሞ በተመሳሳይ ቀን ከፍፃሜው ጨዋታው ቀደም ብሎ ከቀኑ 6 ሰዓት ከ30 ላይ በየካ ክ/ከተማ እና ደሴ ከተማ መካከል የሚካሄድ ይሆናል።

በ2018 የውድድር ዘመን የኢትዮጵያ ከፍተኛ ሊግ ጋሞ ጬንቻ እና ሀላባ ከተማ ምድቦቻቸውን በበላይነት በማጠናቀቅ በታሪካቸው ለመጀመሪያ ጊዜ ወደ ኢትዮጵያ ፕሪሚዬር ሊግ ማደጋቸው ይታወቃል።

ዘጋቢ፡ሙሉቀን ባሳ

57

South Radio And Television agency

May 4, 2026, 10:18 PM

📷 Photo

የክልሉ መንግስት መስተዳድር ምክር ቤት በ29ኛ መደበኛ ስብሰባው የተለያዩ ውሳኔዎችን አሳለፈ

የደቡብ ኢትዮጵያ ክልል መንግስት መስተዳድር ምክር ቤት በበይነ መረብ ባካሄደው 29ኛ መደበኛ ስብሰባው የክልሉን መንግስት የዘጠኝ ወራት የስራ አፈፃፀምና ቀጣይ የትኩረት አቅጣጫ፣ የተለያዩ ረቂቅ አዋጆች እና ደንቦችን መርምሮ ማፅደቅ እንዲሁም ልዩ ድጋፍ የሚሹ ስራዎችን በመለየት ድጋፍና ክትትል ማድረግን ጨምሮ ሌሎች የካቢኔ ውሳኔ በሚሹ ተያያዥ አጀንዳዎች ላይ በመምከር ውሳኔዎችን አሳልፏል፡፡

ምክር ቤቱ በቅድሚያ የተወያየው በክልሉ መንግስት የ2018 የዘጠኝ ወራት ዕቅድ አፈፃፀም ዙሪያ ሲሆን፤ የክልሉ አስፈጻሚ ተቋማት ያለፉ ዘጠኝ ወራት አፈፃፀም ሪፖርት ቀርቦ ከተያዘው ግብ አንፃር የተሰሩ ስራዎችን በመለየት ጥንካሬዎችን ማስቀጠልና ክፍተቶችን ለይቶ ቀጣይ አቅጣጫ ማስቀመጥ የሚያስችል ሰፊ ውይይት ተደርጎበታል።

በውይይቱ ባለፉት ዘጠኝ ወራት የክልሉን ህዝብ ሁለንተናዊ ተጠቃሚነት ከማረጋገጥ ባለፈ ክልላዊና ሀገራዊ የልማትና የብልጽግና ትልሞችን ዕውን ለማድረግ አቅም የሚፈጥሩ ዘርፈ ብዙ የሰላምና ፀጥታ፣ የልማት እንዲሁም የመልካም አስተዳደር ስራዎች መሰራታቸው ተመልክቷል፡፡

በተለይ ምርታማነትን በማሳደግ ከተረጂነት ወደ ምርታማነት የሚደረግ ሽግግርን የማፅናት፣ በዋና ዋና የማህበራዊ፣ ኢኮኖሚያዊና ፖለቲካዊ የትኩረት ዘርፎች፣ በሰው ተኮር ተግባራት እንዲሁም በመደበኛና በንቅናቄ በሚመሩ ሌሎች የልማት ስራዎች አበረታች ውጤት ማስመዝገብ መቻሉ ተገምግሟል፡፡
ለተጨማሪ ንባብ ሊንኩን ይጫኑ https://web.facebook.com/photo/?fbid=1425826516250406&set=pcb.1425827042917020

South Radio And Television agency

May 4, 2026, 10:18 PM

📷 Photo

በክልሉ በቴክኖሎጂ የታገዘ የግብርና ክፍለ-ኢኮኖሚ ለወጣቶች የሥራ ዕድል ቀዳሚ ምርጫ እየሆነ መጥቷል - አቶ ኡስማን ሱሩር

በማዕከላዊ ኢትዮጵያ ክልል የኢትዮጵያ ግብርና ትራንስፎርሜሽን ኢንስቲትዩት አደይ ፕሮግራም ስቲሪንግ እና ቴክኒካል ኮሚቴ ጋር የምክክር መድረክ በወራቤ ከተማ ተካሂዷል።

የማዕከላዊ ኢትዮጵያ ክልል በምክትል ርዕሰ መስተዳድር ማዕረግ የገጠር ልማት ክላስተር አስተባባሪ እና የክልሉ ግብርና ቢሮ ኃላፊ አቶ ኡስማን ሱሩር እንደተናገሩት፤ ግብርና ለዜጎች የስራ ዕድል በመፍጠር ረገድ ከፍተኛ አስተዋጽኦ እያበረከተ ነው።

የለውጡ መንግስት የሀገሪቱን ኢኮኖሚ ለማሳደግ እና የኢኮኖሚ ሽግግር ለማምጣት ዘርፈ ብዙ ፖሊሲዎችን በመቅረጽ ተጨባጭ ለውጦች እየተመዘገቡ ነው ብለዋል።

የአደይ ፕሮግራም የግብርናን ሽግግር በማረጋገጥ በክልሉ ለበርካታ ወጣቶች ዘላቂ የስራ ዕድል እየፈጠረ ከፍተኛ ሚና እየተጫወተ በመሆኑ ግብርናን በቴክኖሎጂ በማላቅ እና እሴት በመጨመር የህብረተሰቡን ተጠቃሚነት ለማሳደግ ከምንጊዜም በላይ በቁጭት መስራት ያስፈልጋል።

በክልሉ በቴክኖሎጂ የታገዘ የግብርና ክፍለ-ኢኮኖሚ ለወጣቶች የሥራ ዕድል ቀዳሚ ምርጫ እየሆነ መጥቷል ያሉት አቶ ኡስማን፤ የአደይ ፕሮግራም የታለመለትን ግብ እንዲመታ የፕሮግራሙ ተጠቃሚዎች እና ባለድርሻ አካላት የበኩላቸውን ድርሻ እንዲወጡም አሳስበዋል።

ክልሉ በሁሉም ዘርፍ የመልካም ተሞክሮ ተምሳሌት እየሆነ መምጣቱን በመግለጽ ግብርናው ለኢኮኖሚ ዕድገት ያለውን አስተዋጽኦ የበለጠ በማሳደግ እና የእሴት ሰንሰለትን በማጠናከር ለዘርፉ ልዩ ትኩረት ተሰጥቶ ሊሰራ ይገባል ብለዋል።
ለተጨማሪ ንባብ ሊንኩን ይጫኑ https://web.facebook.com/photo/?fbid=1425764429589948&set=pcb.1425765226256535

South Radio And Television agency

May 4, 2026, 10:18 PM

📷 Photo

በ7ኛው ጠቅላላ ምርጫ ለዘላቂ ሰላም፣ ልማትና ዲሞክራሲያዊ ስርአት ግንባታ የሚሰራውን ፓርቲ ለመምረጥ መዘጋጀታቸውን የቀቤና ልዩ ወረዳ ነዋሪዎች ገለፁ

ሀዋሳ፡ ሚያዚያ 26/2018 ዓ.ም (ደሬቴድ) በ7ኛው ጠቅላላ ምርጫ በንቃት በመሳተፍ ለዘላቂ ሰላም፣ ልማትና ዲሞክራሲያዊ ስርአት ግንባታ የተሻለ የሚሰራውን ፓርቲ ለመምረጥ ተዘጋጅተናል ሲሉ በማዕከላዊ ኢትዮጵያ ክልል የቀቤና ልዩ ወረዳ ነዋሪዎች ገለፁ፡፡

መራጮች በወሰዱት የምርጫ ካርድ ለሀገር እድገትና ሰላም የተሻለ ይሰራል ያሉትን ፓርቲ በመምረጥ ዲሞክራሲያዊ መብታቸውን በአግባቡ መጠቀም እንዳለባቸው ተጠቁሟል፡፡

የአካባቢውን ሀብትና ፀጋ ተጠቅሞ የህዝቡን ተጠቃሚነት ሊያረጋግጥ የሚችል ፓርቲን ለመምረጥ መዘጋጀታቸውን የተናገሩት ነዋሪዎቹ፥ ምርጫው ሰላማዊ ሆኖ እንዲጠናቀቅ እያንዳንዱ ዜጋ ኃላፊነቱን መወጣት እንዳለበትም አመላክተዋል።

ምርጫው ለዲሞክራሲያዊ ስርአት ግንባታ ከፍተኛ ድርሻ ያለው በመሆኑ፥ ለዚህም በንቃት ለመሳተፍ የምርጫ ካርድ መውሰዳቸውንም ገልጸዋል።

የአካባቢውን የሰላም ሁኔታ በዘላቂነት የሚያሻሽልና የህዝቡን መሰረታዊ ጥያቄዎች መመለስ የሚችል ፓርቲን እንደሚመርጡ የተናገሩት ነዎሪዎቹ፥ ምርጫው በስኬት እንዲጠናቀቅ ሰላም ወሳኝ በመሆኑ ለአካባቢያቸው ሰላም እና ልማት የበኩላቸውን ድርሻ በመወጣት ላይ መሆናቸውን ተናግረዋል፡፡
ለተጨማሪ ንባብ ሊንኩን ይጫኑ https://web.facebook.com/photo/?fbid=1425773239589067&set=pcb.1425774076255650

South Radio And Television agency

May 4, 2026, 10:18 PM

📷 Photo

ወላይታ ዲቻ ሀድያ ሆሳዕናን በማሸነፍ ደረጃውን አሻሻለ

በ30ኛ ሳምንት ሲቢኢ የኢትዮጵያ ፕሪሚዬር ሊግ ወላይታ ዲቻ ሀድያ ሆሳዕናን በማሸነፍ ደረጃውን አሻሽሏል።

ከቀኑ 7 ሰዓት ከ30 ጀምሮ በአዲስ አበባ ስታዲየም በተካሄደው ጨዋታ የወላይታ ዲቻን የማሸነፊያ ጎል መልካሙ ቦጋለ ከዕረፍት በፊት ከመረብ አሳርፏል።

የጦና ንቦች ማሸነፋቸውን ተከትሎ ወደ 8ኛ ደረጃ ከፍ ብለዋል።

በአሰልጣኝ መሳይ ተፈሪ የሚመራው ወላይታ ዲቻ 7ኛ ድሉን በማሳካት ነጥቡን 37 ማድረስ ሲችል በውድድር ዓመቱ 11ኛ ሽንፈቱን ያስተናገደው ሀድያ ሆሳዕና በ35 ነጥብ 15ኛ ደረጃ ላይ ይገኛል።

ዘጋቢ፡ ሙሉቀን ባሳ

91

0

South Radio And Television agency

May 4, 2026, 10:18 PM

📷 Photo

በክልሉ በቴክኖሎጂ የታገዘ የግብርና ክፍለ-ኢኮኖሚ ለወጣቶች የሥራ ዕድል ቀዳሚ ምርጫ እየሆነ መጥቷል - አቶ ኡስማን ሱሩር

በማዕከላዊ ኢትዮጵያ ክልል የኢትዮጵያ ግብርና ትራንስፎርሜሽን ኢንስቲትዩት አደይ ፕሮግራም ስቲሪንግ እና ቴክኒካል ኮሚቴ ጋር የምክክር መድረክ በወራቤ ከተማ ተካሂዷል።

የማዕከላዊ ኢትዮጵያ ክልል በምክትል ርዕሰ መስተዳድር ማዕረግ የገጠር ልማት ክላስተር አስተባባሪ እና የክልሉ ግብርና ቢሮ ኃላፊ አቶ ኡስማን ሱሩር እንደተናገሩት፤ ግብርና ለዜጎች የስራ ዕድል በመፍጠር ረገድ ከፍተኛ አስተዋጽኦ እያበረከተ ነው።

የለውጡ መንግስት የሀገሪቱን ኢኮኖሚ ለማሳደግ እና የኢኮኖሚ ሽግግር ለማምጣት ዘርፈ ብዙ ፖሊሲዎችን በመቅረጽ ተጨባጭ ለውጦች እየተመዘገቡ ነው ብለዋል።

የአደይ ፕሮግራም የግብርናን ሽግግር በማረጋገጥ በክልሉ ለበርካታ ወጣቶች ዘላቂ የስራ ዕድል እየፈጠረ ከፍተኛ ሚና እየተጫወተ በመሆኑ ግብርናን በቴክኖሎጂ በማላቅ እና እሴት በመጨመር የህብረተሰቡን ተጠቃሚነት ለማሳደግ ከምንጊዜም በላይ በቁጭት መስራት ያስፈልጋል።

በክልሉ በቴክኖሎጂ የታገዘ የግብርና ክፍለ-ኢኮኖሚ ለወጣቶች የሥራ ዕድል ቀዳሚ ምርጫ እየሆነ መጥቷል ያሉት አቶ ኡስማን፤ የአደይ ፕሮግራም የታለመለትን ግብ እንዲመታ የፕሮግራሙ ተጠቃሚዎች እና ባለድርሻ አካላት የበኩላቸውን ድርሻ እንዲወጡም አሳስበዋል።

ክልሉ በሁሉም ዘርፍ የመልካም ተሞክሮ ተምሳሌት እየሆነ መምጣቱን በመግለጽ ግብርናው ለኢኮኖሚ ዕድገት ያለውን አስተዋጽኦ የበለጠ በማሳደግ እና የእሴት ሰንሰለትን በማጠናከር ለዘርፉ ልዩ ትኩረት ተሰጥቶ ሊሰራ ይገባል ብለዋል።
ለተጨማሪ ንባብ ሊንኩን ይጫኑ https://web.facebook.com/photo/?fbid=1425764429589948&set=pcb.1425765226256535

South Radio And Television agency

Apr 30, 2026, 02:50 PM

📷 Photo

በሴቶች እና ማሕበራዊ ጉዳይ የተገኙ እመርታዎች: ‘እናት ሀገርን’ በተግባር መገንባት!
#PMOEthiopia

140

0

South Radio And Television agency

Apr 30, 2026, 02:50 PM

📷 Photo

ኢትዮጵያ የአቪዬሽን መሰረተ ልማት በማሟላት የአፍሪካ አቪዬሽን መግቢያ በር መሆን የሚያስችላት ቁመና ላይ ናት

ኢትዮጵያ የአቪዬሽን መሰረተ ልማት በማሟላት የአፍሪካ አቪዬሽን መግቢያ በር መሆን የሚያስችላት ቁመና ላይ ናት ሲሉ የትራንስፖርት እና ሎጂስቲክስ ሚኒስትር ዴኤታ በረኦ ሀሰን ገለጹ።

ዓለም አቀፉ የአየር ትራንስፖርት ማህበር ከኢትዮጵያ አየር መንገድ እና ሌሎች ባለድርሻ አካላት ጋር በመተባበር ያዘጋጀው ጉባኤ በአዲስ አበባ እየተካሄደ ይገኛል።

ለሁለት ቀናት በሚቆየው በዚህ ጉባኤ በአፍሪካ አቪዬሽን ዘርፍ ባሉ ችግሮች እና መፍትሔዎች ላይ ምክክር ይደረጋል።

የትራንስፖርት እና ሎጂስቲክስ ሚኒስትር ዴኤታ በረኦ ሀሰን፤ አፍሪካ አንድ ነጥብ አራት ቢሊየን የህዝብ ቁጥር ያላት ቢሆንም በበቂ መጠን በአየር ትራንስፖርት ተሳስራለች ማለት አይቻልም ብለዋል።

ለዚህም የዋጋ መጨመር፣ የመሰረተ ልማት በበቂ ደረጃ አለመሟላትና ወጥ የሆነ የአሰራር ስርዓት አለመኖር ዋነኞቹ ምክንያቶች መሆናቸውን ጠቁመዋል።

ኢትዮጵያ እንደ ሀገር በአቪዬሽን መሰረተ ልማት ላይ በሰፊው ኢንቨስት በማድረግ ላይ መሆኗን በመጠቆም፤ በቢሾፍቱ ግንባታው የተጀመረው ዓለምአቀፍ የአውሮፕላን ማረፊያ ፕሮጀክትም ተጠቃሽ መሆኑን ገልጸዋል።

ግንባታው ሲጠናቀቅም የኢትዮጵያን አቅም ከማሳደጉ ባሻገር አፍሪካን ከተቀረው ዓለም ጋር ለማስተሳሰር ጉልህ ሚና እንደሚጫወት አመልክተዋል።ለተጨማሪ ንባብ ሊንኩን ይጫኑ https://web.facebook.com/southradioandtelevisionagency/posts/pfbid05cfjKMRR4dPf8E1ZP6GRDn7ZvTwH5bzR3a2Ef2oLtLjahesrmjVyzSxe478XhMVBl

South Radio And Television agency

Apr 30, 2026, 02:50 PM

📷 Photo

4.5 ሚሊየን ብር ወጪ የተደረገበት የተስፋ ትውልድ የማህበረሰብ የቀን ማቆያና መንከባከቢያ ማዕከል /ዴይ- ኬር/ በይፋ ተመረቀ

የሲዳማ ክልል ሴቶች ወጣቶችና ማህበራዊ ጉዳይ ቢሮ ከኢፌዲሪ ሴቶችና ማህበራዊ ጉዳይ ሚኒስቴር ቢሮ፣ ከሲዳማ ክልል ሴቶች ወጣቶችና ማህበራዊ ጉዳይ ቢሮ ጋር በመተባበር በPFC በተደረገ ድጋፍ በሀዋሳ ከተማ አስተዳደር በቱላ ክ/ከተማ በጨፌ -ኮቲጄቤሳ ቀበሌ የተገነባው የማህበረሰብ የህፃናት ቀን ማዋያና መንከባከቢያ ማዕከል ስራ በይፋ ተመርቋል።

በፈዴራል ሴቶችና ማህበራዊ ጉዳይ ሚንስቴር ህፃናት ዘርፍ ሚኒስቴር ዴኤታ ወ/ሮ ሂክማ ኬይረዲን የተሻለ ትውልድ ለመፍጠር በዛሬዋ ህፃናት ለይ በሚገባ መስራት ያስፈልጋል ብለዋል።

ህፃናት ወደ ተሻለ ደረጃ እንዲደርሱ ምቹ የሆነ የጤና ፣የትምህርትና የመጫወቻ ስፍራ መፍጠር ዴይ-ኬር አስፈላጊነቱ የላቀ ነው ብለዋል።

የሲዳማ ክልል ሴቶችና ህፃናት ወጣቶች ቢሮ ሀላፊ ወ/ሮ እመቤት ኢሳያስ የነገዋን ሀገር የሚረከቡ ህፃናትን ዛሬ ላይ መብታቸውና ደህንነታቸው ተጠብቆ እንዲያድጉ መሰረታቸው ላይ በማተኮር በእንክብካቤ እንዲያድጉ ዴይ-ኬር ተቋም ትልቅ ሚና እንዳለው ገልፀዋል።

ይህ ተቋም ህፃናት ጤናቸው ተጠብቆ እንዲያድጉና እንዲማሩ እንዲሁም ክህሎታቸውን እንዲያዳብሩ የነገዋ ሀገር ተረካቢ ትውልድ ለማነፅ ጉልህ ሚና እንዳለው ነው ሀላፊዋ የገለፁት።
በከተማ ደረጃ የመጀመሪያና ሞዴል ተቋም ሲሆን፤ ይህም ለህፃናት ክብር ባለው መልኩ ነው የተሰራው ብለዋል።ለተጨማሪ ንባብ ሊንኩን ይጫኑ https://web.facebook.com/southradioandtelevisionagency/posts/pfbid0vX5DX3Q2gGhj7CwPbLovc88QGFRVEurBgE44Tnf2jBZcAEUXz9vg34MWphCUgBEgl

South Radio And Television agency

Apr 30, 2026, 02:50 PM

📷 Photo

በየዘርፉ የሴቶችን ተጠቃሚነት የሚያጎሉ ተግባራት መሠራታቸውን በዳውሮ ዞን የብልፅግና ፓርቲ ቅርንጫፍ ጽህፈት ቤት ገለፀ

በከተማ አስተዳደሩ "ኑ ቡና ጠጡ" የተሰኘው የብልፅግና ፓርቲ አባላት የምርጫ ቅስቀሳ እና የዕጩዎች ትውውቅ የድጋፍ ሰልፍ ተካሂዷል፡፡

በደቡብ ምዕራብ ኢትዮጵያ ሕዝቦች ክልል ምክር ቤት ምክትል አፈ ጉባዔ ወ/ሮ ፀሐይ ደርጩ፤ በሀገሪቱ የተጀመረው የብልጽግና ጉዞ የሴቶችን ተሳታፊነትና ተጠቃሚነት ያረጋገጠ መሆኑን ገልጸዋል።

ሴቶች በሀገሪቱ እየተመዘገበ ያለው ለውጥ ተጠናክሮ እንዲቀጥል በ7ኛው ጠቅላላ ምርጫ ለፓርቲው የሚያደርጉትን ድጋፍ አጠናክረው እንዲቀጥሉ ጠይቀዋል።

በሁለንተናዊ መንገድ እየተረጋገጠ የመጣውን የሴቶች ተጠቃሚነት ይበልጥ ለማረጋገጥ ሴቶች በምርጫው በነቂስ በመሳተፍ ደሞክራሲያዊ ልምምድን ሊያጠናክሩ ይገባልም ብለዋል።

የዳውሮ ዞን ብልፅግና ፓርቲ ቅርንጫፍ ጽ/ቤት የሴቶች ክንፍ ጽ/ቤት ኃላፊ ወ/ሮ ብሩክታዊት ቴቃ በበኩላቸው፤ ሴቶች በ7ኛው ጠቅላላ ምርጫ የምርጫ ምልክት የሆነውን የስንዴ ነዶ በመምረጥ በሀገሪቱ በለውጡ መንግስት የተመዘገቡ የልማትና መልካም አስተዳደር ተግባራትን ማስቀጠል ይገባል ብለዋል።

በተጨማሪም ሴቶች የፖለቲካ ተሳትፏቸውን ከማረጋገጥ ባሻገር ከጠባቂነት ተላቀው የራሳቸውን ገቢ እንዲያመነጩ በተደረገው ጥረት ስኬት መመዝገቡን ገልጸዋል።ለተጨማሪ ንባብ ሊንኩን ይጫኑ https://web.facebook.com/southradioandtelevisionagency/posts/pfbid02V2awe6txyjKrDHckFAo1nJ8e3nZ2UE9GQroCXxoXuwNQVfGT6sMRgKZfjAZWra8al

South Radio And Television agency

Apr 30, 2026, 02:50 PM

📷 Photo

የትራንስፖርት አገልግሎት ወደ መደበኛ ሁኔታ መመለሱን ስለማሳወቅ

በመካከለኛው ምሥራቅ የተከሰተው ግጭት በዓለም አቀፍ የነዳጅ ገበያ ላይ ከፍተኛ ተፅዕኖ አሳድሮ፣ የነዳጅ ዋጋ ግሽበትና በአቅርቦት ላይ መስተጓጎል እንዲፈጠር አድርጓል።

ይህም ሁኔታ በኢትዮጵያ የናፍጣ ዕለታዊ አቅርቦትን ከ9 ሚሊዮን ሊትር ወደ 4.5 ሚሊዮን ሊትር እንዲቀንስ አድርጎ፣ በትራንስፖርት አገልግሎት ላይ የሚታወቁ መስተጓጉሎችን አስከትሎ ነበር።

መንግሥት ይህንን ችግር በፍጥነት ለመቆጣጠር የታሪፍ ማሻሻያ፣ የአቅርቦት አደረጃጀት ማሻሻል እና የሎጂስቲክስ ቅንጅት ማጠናከርን ጨምሮ በርካታ አስቸኳይ እና ዘላቂ እርምጃዎችን ወስዷል።

ይህም የውጭ ጫናዎች ቢኖሩም የአገር ውስጥ ኢኮኖሚ መረጋጋትን በመጠበቅ እና የህዝብ አገልግሎቶች እንዳይቋረጡ በማድረግ በኩል መንግሥት የሕዝብ ጥቅምን በማስቀደም የሚከተለውን የፖሊሲ አቅጣጫ የሚያሳይ ነዉ።

ዛሬ ሚያዚያ 21/2018 ዓ.ም የገንዘብ ሚኒስቴር በይፋ እንዳሳወቀው የነዳጅ አቅርቦት ወደ መደበኛ ሁኔታው ተመልሷል። ይህ ሁኔታ በትራንስፖርት ዘርፍ የተፈጠሩ መስተጓጎሎች በፍጥነት እንዲፈቱ ያስችላል።

በመሆኑም ከዛሬ ጀምሮ ቀደም ሲል በነዳጅ እጥረት ምክንያት የተፈጠሩ የትራንስፖርት አገልግሎት መስተጓጉሎች ሙሉ በሙሉ እንዲቀረፉ፣ ከአዲስ አበባ እስከ ክልሎች የምትገኙ ሁሉም የዘርፉ አመራሮች እና ተዋናዮች ታሪፍ በተወሰነዉ መሰረት ብቻ እንዲቀጥል በጥብቅ እንድትከታተሉ እና ትግበራዉንም በጋራ ግብረ-ሀይል እንድታረጋግጡ እናሳስባለን፡፡

መንግሥት የህዝብ ኑሮ መረጋጋትን ማረጋገጥ፣ የኢኮኖሚ እንቅስቃሴ ቀጣይነትን መጠበቅ እና የትራንስፖርት አገልግሎት በዘላቂ መልኩ እንዲጠናከር ያለውን ቁርጠኝነት ይቀጥላል።

የትራንስፖርት እና ሎጂስቲክስ ሚኒስቴር

115

South Radio And Television agency

Apr 30, 2026, 02:50 PM

📷 Photo

ምክር ቤቱ 18ኛ መደበኛ ስብሰባውን ነገ ያካሂዳል

6ኛው የኢትዮጵያ ፌዴራላዊ ዴሞክራሲያዊ ሪፐብሊክ ሕዝብ ተወካዮች ም/ቤት በ5ኛ ዓመት የስራ ዘመኑ 18ኛ መደበኛ ስብሰባውን ነገ ያካሂዳል።

ም/ቤቱን 18ኛ መደበኛ ስብሰባው በኢ.ፌ.ዴ.ሪ. መንግሥትና እና በሴራሊዮን ሪፐብሊክ፤ በኢ.ፌ.ዴ.ሪ. መንግሥት እና በአንጎላ ሪፐብሊክ፤ በኢ.ፌ.ዴ.ሪ. መንግሥት እና በባንግላዲሽ ሕዝባዊ ረፐብሊክ እንዲሁም በኢ.ፌ.ዴ.ሪ. መንግሥት እና በኢስዋቲኒ ንጉሠ ነገሥት መንግሥታት መካከል የተደረገውን የአየር አገልግሎት ስምምነት ለማጽደቅ የቀረቡ አራት ረቂቅ አዋጆችን መርምሮ ለሚመለከተው ቋሚ ኮሚቴ የሚመራ ይሆናል።

በሌላ በኩል ምክር ቤቱ በኢ.ፌ.ዴ.ሪ. መንግሥት እና በሩሲያ ፌዴሬሽን መካከል የጋራ የባዮሎጂ ምርምር ማዕከል ለማቋቋም የተፈረመውን ስምምነት ለማጽደቅ የቀረበ ረቂቅ አዋጅ መርምሮ ለሚመለከተው ቋሚ ኮሚቴ ይመራል።

በመጨረሻ ምክር ቤቱ በኢ.ፌ.ዴ.ሪ. መንግሥት እና በቬትናም ሶሻሊስት ሪፐብሊክ መንግሥት መካከል የዲፕሎማቲክ ወይም ኦፊሻል የአገልግሎት ፓስፖርት ለያዙ ሰዎች ቪዛን ለማስቀረት የተፈረመውን ስምምነት ለማጽደቅ የቀረበ ረቂቅ አዋጅ መርምሮ ለሚመለከተው ቋሚ ኮሚቴ የሚመራ ሲሆን የኢትዮጵያ ፕሬስ ድርጅት የቦርድ አባላትን ሹመት መርምሮ እንደሚያፀድቅም ይጠበቃል።

ምንጭ፡ የኢፌዲሪi የህዝብ ተወካዮች ምክር ቤት

130

South Radio And Television agency

Apr 30, 2026, 02:50 PM

📷 Photo

በተሰማሩበት የስራ ዘርፍ ተገቢውን ትኩረት መስጠትና ተግቶ በመስራት ከድህነት መውጣት ይገባል - ርዕሰ መስተዳድር እንዳሻው ጣሰው (ዶ/ር)

ሀዋሳ፡ ሚያዝያ 21/2018 ዓ.ም (ደሬቴድ) ሁሉም በተሰማሩበት የስራ ዘርፍ ተገቢውን ትኩረት መስጠትና ተግቶ በመስራት ከድህነት መውጣት እንደሚገባ የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር) ገለጹ።

በክልሉ ስራ ዕድል ፈጠራና ኢንተርፕራይዝ ቢሮ አዘጋጅነት ለሁለተኛ ጊዜ እየተካሄደ ያለው ኤግዚቢሽንና ባዛር በሆሳዕና ከተማ በይፋ ተከፍቷል።

በመድረኩ መልዕክት ያስተላለፉት የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር)፤ ሁሉም በተሰማሩበት የስራ ዘርፍ ተገቢውን ትኩረት መስጠትና ተግቶ በመስራት ከድህነት መውጣት ይገባል ብለዋል።

የሀገራችንን ዕድገት ለማረጋገጥ ከተያዙ ቁልፍ ምሰሶዎች መካከል አንዱ የማኑፋክቸሪንግና የኢንዱስትሪ ዘርፍ መሆኑን ጠቁመው የተሰማሩትም ወደ ላቀ ደረጃ ሊሻገሩ ይገባል ብለዋል ርዕሰ መስተዳድሩ።

በኢግዚቢሽኑ የታዩ የተለያዩ ምርቶች ተስፋ ሰጪ መሆናቸውን የተናገሩት ዶ/ር እንዳሻው፤ ከውጪ የሚገቡ ምርቶችን በሀገር ውስጥ በመተካትና ማሻሻያዎችን በማድረግ ሊወጣ የሚችለውን ከፍተኛ የወጪ ምንዛሬ ማስቀረት ይገባል ብለዋል።ለተጨማሪ ንባብ ሊንኩን ይጫኑ https://web.facebook.com/southradioandtelevisionagency/posts/pfbid0LFzhPVzgzY8QUhSUUBDgsnQ6MLa59Ngh3LuzqK7FwjTAUSgm67FUGpwF4mzJzwTZl

South Radio And Television agency

Apr 30, 2026, 02:50 PM

📷 Photo

ኢትዮጵያ በሥራ እና ክህሎት ዘርፍ፣ የለውጡ ውጤቶች ሲዳሰሱ።

#PMOEthiopia

156

0

South Radio And Television agency

Apr 30, 2026, 02:50 PM

📷 Photo

በባህል፤ ኪነ-ጥበብና ስፖርት የተመዘገቡ አድገቶች የለውጡ ፍሬዎች ሲዳሰሱ!

#PMOEthiopia

137

0

South Radio And Television agency

Apr 30, 2026, 02:50 PM

📷 Photo

ከሚያዝያ 22 ጀምሮ በጂንካ ከተማ ለሚስተናገደው የደቡብ ኢትዮጵያ ክልል ክለቦች ሻምፒዮና የመጨረሻ የዝግጅት ምዕራፍ ግምገማ መካሄዱን የክልሉ እግር ኳስ ፌደሬሽን አስታወቀ

ውድድሩን በስኬት ለማጠናቀቅ በቅንጅት እየተከናወኑ የሚገኙ ተግባራት በጥንካሬ የተፈተሹ መሆናቸውንም ነው ፌደሬሽኑ ያስታወቀው።

ከነገ ሚያዝያ 22 ቀን 2018 ዓ.ም ጀምሮ በጂንካ ከተማ ለሚጀመረው የክልል ክለቦች ሻምፒዮና የተከናወኑ የቅድመ ዝግጅት ተግባራት በክልሉ እግር ኳስ ፌደሬሽንና በዞኑ የስፖርት ምክር ቤት በጋራ ተገምግመዋል።

ውድድሩን ለማስተናገድም በየደረጃው በተዋቀሩ አካላት የተደረጉ ጥረቶችን በጥንካሬ የተመለከታቸው መሆኑን ነው የክልሉ እግር ኳስ ፌዴሬሽን ፕሬዝደንት አቶ ደመላሽ ይትባረክ የገለጹት።

ከ20 በላይ ክለቦች የሚሳተፉበት ውድድር ለቀጣይ 15 ቀናት እንደሚቀጥልም ገልጸዋል።

የማህበረሰቡ ስፖርት አፍቃሪነትና የአካባቢው ምቹ ሁኔታ ውድድሩን በከተማው ለማስተናገድ ምክንያት እንደሆነ የፌዴሬሽኑ ጽህፈት ቤት ኃላፊ አቶ ወልደሚካኤል መስቀሌ ገልጸዋል።

ለዚህም አስፈላጊው የቴክኒክ ዝግጅት ተደርጓል ብለዋል።

ውድድሩ ለከፍተኛ የውድድር መድረኮች የሚመጥኑ ስፖርተኞች እንደሚመረጡበትም አስረድተዋል።

የኣሪ ዞን ዋና አስተዳዳሪ አቶ አብረሃም አታ በበኩላቸው፤ እንግዶች እየገቡ መሆኑን ጠቅሰው ስፖርቱን ለማስተናገድ አስፈላጊ ዝግጅቶች መጠናቀቃቸውን አስታውቀዋል።

ይህም በክልሉ የእግር ኳስ ፌደሬሽን በኩል እውቅና የተሰጠው መሆኑንም ተናግረዋል።

በተቀናጀ የጸጥታ አካላት ጥምረት ሰላምና ደህንነት ለማስጠበቅ እየተሰራ እንደሆነ የገለጹት ደግሞ የኣሪ ዞን ፖሊስ አዛዥ ዋና ኢንስፔክተር መሰለ ገብሬ ናቸው።
ማህበረሰቡም በተለመደ ጨዋነት ውድድሩን እንዲከታተል ጥሪ ቀርቧል።
ዘጋቢ: ወንድሜነህ አድማሱ - ከጂንካ ጣቢያችን

Showing 30 of 50 posts