Arakan Princess Media

Public

Can't Join? @arakanprincess

19.3k Members

Updated: May 13, 2026 at 2:54 PM

Arakan Princess Media

သာလီစွပါ။ Arakan Princess Media က ကြိုဆိုပါရေ။ http://arakanprincess.media/

@arakanprincess is a growing community focused on media and princess and related topics

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 19.3K

24h growth: -700 4%

Latest Posts

Arakan Princess Media

May 25, 2026, 11:27 PM

📷 Photo

1,590

Arakan Princess Media

May 25, 2026, 11:27 PM

တပတ်အတွင်း အာရက္ခပြည်တွင်း သတင်းအကျဉ်းချုပ်

(မေ ၁၈ ရက်နိမှ ၂၄ ရက်နိအထိ)

APM ၊ မေ ၂၅  /၂၀၂၆

၁။ ၁၈-၅-၂၀၂၆ (တလင်းလာ)

မြေပုံမြို့နယ်၊ ယောချောင်း တန်းထားနား၌ မေ ၁၈ ရက်နိ၊ နိခင်း ၃ နာရီခွဲအချိန်တွင် အယင်က အကြမ်းဖက် ဖက်ဆစ် စစ်ကော်မသျှန်တပ်ထောင်ထားခသည့် မိုင်းတလုံးကို နင်းမိ၍ မြေပုံမြို့နယ်၊ မောင်းချောင်းရွာမှ ဦးမောင်ဝင်းလှိုင် (၄၀ နှစ်)ခြီတဖက်ပြတ်ထွက်လားသည်။

၂။ ၁၉-၅-၂၀၂၆ (အင်္ဂါ)

(၁) ကျောက်ဖြူမြို့နယ်၊ စနဲမြို့ကို မေ ၁၉ ရက်နိ၊ နိခင်း ၂ နာရီအချိန်ခန့်တွင် ဖက်ဆစ် အကြမ်းဖက် စစ်ကော်မသျှန်၏ တောင်မော်ကြီးရီတပ်စခန်း နေဗီ​မှ လက်နက်ကြီးပစ်ခတ် တိုက်ခိုက်၍  နီအိမ် ၅၇ ဆောင် မီးလောင် ပြာကျလားသည်။

(၂) ပြည်ခရိုင်၊ ပန်းတောင်းမြို့နယ်အတွင်း၌  မေ ၁ ရက်နိက မူးယစ်ဆီးဝါးသယ်ဆောင်လာသူ နှစ်ဦးကိုWY စိတ်ကြွဆီးပြား (၃၂) သိန်းနန့်တတူ အာရက္ခတပ်တော် ( AA) နန့် မဟာမိတ်ပူးပေါင်းတပ်ရို့မှ ဖမ်းဆီးရမိခကြောင်း အာရက္ခမှုခင်းနန့် ဆက်စပ်သတင်းများထုတ်ပြန်ရီးအဖွဲ့မှ မေ ၁၉ ရက်နိတွင် ထုတ်ပြန်သည်။

၃။ ၂၀-၅-၂၀၂၆ (ဗုဒ္ဓဟူး)

(၁) ရမ်းဗြဲမြို့နယ်၊ ရမ်းသစ်ကြီးရွာမဘုန်းကြီး ကျောင်းကို မေ ၂၀ ရက်နိ၊ မိုးထ ၁၀ နာရီ ၄၅ မိနစ်တွင်  ဖက်ဆစ် အကြမ်းဖက် စစ်ကော်မသျှန်တပ်က ဆူဆိုဒ်ဒရုန်း(၂)စီးနန့် ဗုံးချတိုက်ခိုက်၍  ရမ်းသစ်ကြီးရွာမရွာမှ  ကျောင်းထိုင် ဆရာတော် အသျှင် ဣဓက (သက်တော် ၄၂ နှစ်)နန့် အဖ ဦးမောင်ဖြူအေး၏သား မောင်မြတ်ထွေး (၁၆ နှစ်)ရို့ ထိခိုက်ဒဏ်ရာ ရလားသည်။

(၂) ​အာရက္ခပြည်စာရွီးဆရာအသင်း (ဗဟို) မှ လစဉ်ပုံနှိပ်ထုတ်ဝီဖြန့်ချီလားမည့် ”အာရက္ခသွီးချင်းဂျာနယ်” ဂျာနယ်မိတ်ဆက်ပွဲအခမ်းအနားနန့် အသင်းမှ ပြုလုပ်ထားသည့်  (၁၇) နှစ်မြောက် အာရက္ခတပ်တော်နိ အထိမ်းအမှတ် စာပီပြိုင်ပွဲ ဆုရကလောင်သျှင်များအား ဂုဏ်ပြုပွဲ အခမ်းအနားကို မေ ၂၀ ရက်နိတွင် အာရက္ခပြည်တနီရာ၌ ကျင်းပပြုလုပ်ခသည်။

(၃) မောင်တောခရိုင်၊ ဘူးသီးတောင်တွင် အရေးပေါ်မီးလောင်မှုဖြစ်စဉ်များ မီးဖီးအန္တရာယ်များ ကြိုတင်ကာကွယ်နိုင်ရန်အတွက် မီးသတ်တပ်ဖွဲ့အား တိုးချဲ့ဖွဲ့စည်းလျက်ဟိရာ လူမျိုးပေါင်းစုံပါဝင်သည့် အရံမီးသတ်တပ်ဖွဲ့ အပတ်စဉ် ၂  သင်တန်း မေ ၂၀ ရက်နိတွင် ပြီးဆုံး အောင်မြင်ခသည်။

၄။ ၂၁-၅-၂၀၂၆ (ကြာသပတီး)

(၁) မေ ၂၁ ရက်နိ၊ ညည့် ၁၀ နာရီအချိန်တွင် စစ်တွေမြို့၊ အမှတ်(၂)ရဲစခန်းမှ ဖက်ဆစ် အကြမ်းဖက် စစ်ကော်မသျှန်တပ်ဖွဲ့ဝင်(၂၀)ခန့်သည် စစ်တွေမြို့၊ ဆတ်ရိုးကျကယ်ဆယ်ရီးစခန်းမှ ကိုချစ်လှိုင် (၃၂ နှစ်)ကို မတရားဖမ်းဆီးလားသည်။

(၂) ဂွမြို့နယ်၊ ကျိန္တလီမြို့ကို မေ ၂၁ ရက်နိ၊ မိုးထ ၉ နာရီအချိန်ခန့်တွင်  ဖက်ဆစ် အကြမ်းဖက် စစ်ကော်မသျှန်တပ်က ဂျက်ဖိုက်တာ (၂ )စီးဖြင့် ဗုံးကြဲတိုက်ခိုက်၍  ကျိန္တလီမြို့၊ အမှတ်(၂) ရပ်ကွက်မှ ဦးညီငယ်(၃၉နှစ်)၊ ဒေါ်ပုမ(၆၅နှစ်)၊ ဒေါ်ခင်သက်မာ(၃၂နှစ်)၊ ဦးဌေးလွင်(၄၅နှစ်)၊ ဒေါ်ခင်မိုး(၅၈နှစ်)၊ ဒေါ်ကြည်ကြည်မာ(၄၀နှစ်)၊ ဦးမြင့်ဝင်းတင်(၆၂နှစ်)၊ ဦးပြည့်ဖြိုးအောင်(၃၃နှစ်)နန့် မမေငယ်(၂၈နှစ်) ရို့အပြစ်မဲ့ အရပ်သားပြည်သူ ၉ ဦး ထိခိုက်ဒဏ်ရာ ရလားသည်။

၅။ ၂၂-၅-၂၀၂၆ (သောကြာ)

(၁) ​အာရက္ခပြည်တွင်  အာရက္ခပြည်သူ့တော်လှန်ရီးအစိုးရ၊ ဗဟိုအကောက် ခွန်နန့် အခွန်ဌာန၊ အာရက္ခလောင်ပေါ်ဌာနခွဲမှ ‘အာရက္ခလောင်ပေါ်” အား လာမည့် ဂျုန်လမှစ၍ တရားဝင် ရောင်းချလားတော့မည်ဖြစ်ကြောင်း ထုတ်ပြန်ထားသည်။

​(၂) ဘင်္ဂလားဒေ့ချ်နိုင်ငံ၊ ကော့ဇ်ဘဇားခရိုင်၊ တက္ကနက်ဖ်မြို့ မှ  အာရက္ခပြည်ဖက်သို့ ဇမ်းပွတ်(ဘိလပ်မြီ)အိတ် ၅၀၀ ကို ငါးဖမ်းစက်လှီဖြင့် တင်သွင်းလာသည့် မူဆလင် ၈ ဦးကို ဖမ်းဆီးလိုက်ကြောင်း ဘင်္ဂလားဒေ့ခ်ျ ကမ်းခြီစောင့်တပ်ဖွဲ့(BGB)က မေ ၂၂ ရက်နိတွင် သတင်းထုတ်ပြန်သည်။

၆။ ၂၃-၅-၂၀၂၆ (စနီ)

​မြောက်ဦးခရိုင်အတွင်း၌ အစ္စလာမ်ဘာသာဝင်များ၏ နိထူးနိမြတ်ဖြစ်သည့် ကုရ်ဘာနီပွဲတော်နိ အကြိုအဖြစ် လွှတ်ပီး၍ရသော ပြစ်မှုအမျိုးမျိုးဖြင့် အကျဥ်းကျနီသည့် မူဆလင်အကျဉ်းသားများ၊ တိုက်ပွဲအတွင်း ဖမ်းဆီးရမိသည့် စစ်သုံ့ပန်းများ၊ ပြစ်မှုအမျိုးမျိုးဖြင့် ပြစ်ဒဏ်ကျခံနီသည့် အကျဉ်းသားများနန့် သုံ့ပန်းမိသားစုဝင်များ စုစုပေါင်း (၅၇) ဦးကို အာရက္ခတပ်တော်(AA) မှ ဂနိ မေ ၂၃ ရက်နိ၌ လွတ်ငြိမ်းခွင့်ပြုကာ ပြန်လွှတ်ပီးလိုက်သည်။

၇။ ၂၄-၅-၂၀၂၆ (တလင်းဂနီ)

အာရက္ခပြည်၊ ကျောက်တော်မြို့နယ်၊ ကြိမ်ချောင်းရွာတွင် ခရစ်ယာန်ဘုရားရှိခိုးကျောင်းဖြိုဖျက်သည်ဆိုခြင်းမာ (လုံးဝ) မဟုတ်ဘဲ၊ မသမာသူများက ဘာသာရီးပဋိပက္ခဖြစ်စီရန် မဟုတ်မမှန် သတင်းမှားများလုပ်ကြံဖန်တီးကာ ဆိုချယ်မီဒီယာများတွင် သတင်းတု သတင်းမှားများဖြင့် ရည်ရွယ်ချက်ဟိဟိ ဝါဒဖြန့်နီခြင်းသာဖြစ်၍ သတင်းမှားများ လုံးဝ မတင်ကတ်ပါရန် ဒေသခံသင်းအုပ်ဆရာများအပါအဝင် ခရစ်ယာန် နန့် ဗုဒ္ဓဘာသာဝင် ကြိမ်ချောင်းရွာသူ ရွာသားများက ​အလီးအနက် တောင်းဆိုလိုက်သည်။

Arakan Princess Media

May 25, 2026, 11:27 PM

သာလီစွ  မိုးထဖက်ပါ  ..

ရက္ခိုင်သက္ကရာဇ် ၁၃၈၈ ခုနှစ်၊ ကဆုန်လဆန်း ( ၁၀ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၂၅ ) ရက်၊ Arakan Princess Media ၏ မိုးထဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။

ဒေနိ မိုးထဖက်အစီအစဉ်မာ မျိုးမြတ် နန့် မြတ်လီပြေ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။

ဒေနိ  မိုးထဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−

(၁) မောင်တောမာ ဘတ်ထရီအိုးပေါက်ကွဲရာက  မီးလောင်မှုဖြစ်လို့ အိမ် ၁ ဆောင်မီးလောင်ပြာကျရေ သတင်း၊

(၂) လူနာတင်ကားဝယ်ယူဖို့လိုအပ်နီရေ  ပုဏ္ဏားကျွန်းလူငယ်အစည်းအရုန်း ( PYA )သို့ ဝေဟင်အောင်ပရဟိတအဖွဲ့ အလှူငွေသိန်း ၁၀၀ လှူဒါန်းရေ သတင်းနန့်

(၃) အာရက္ခပြည်မာ သွီးလွန်တုပ်ကွေး ရောဂါ ကာကွယ်နှိမ်နင်းရီး  ပြည်သူ့ကျန်းမာရီးဌာနနန့် ARE ရို့ အသိပညာပီး လက်ကမ်းစာစောင်တိဖြန့်ဝီရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။

Arakan Princess Media ကထုတ်လွှင့်နီရေအစီအစဉ်တိကို Telegram Channel အပြင်  YouTube, Facebook, Website ရို့မာလည်းဝင်ရောက် ဖတ်ရှုနားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။

အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။
#APM
#  အာရက္ခမင်းသမီးသတင်းမီဒီယာ
#APMFM
===============

YouTube Link: https://www.youtube.com/channel/UC2pqSWqtEsKY1Cxh-u-KelQ

Facebook Link: https://www.facebook.com/share/1BUywNudAL/

Arakan Princess Media

May 25, 2026, 11:27 PM

မိုးရာသီ ရီလမ်းအန္တရာယ် ကင်းရီးနန့် ယာဉ်အန္တရာယ်ကင်းရီး ဆိုင်ရာ ဆောင်ရန်၊ ယှောင်ရန်များကို ပို့ဆောင်ရီးဌာန ထုတ်ပြန်

APM၊ မေ ၂၅ / ၂၀၂၆

အာရက္ခပြည်တွင် မိုးရာသီ၌ ရီလမ်းအန္တရာယ်ကင်းယှင်းရီးနန့် ယာဉ်အန္တ ရာယ်ကင်းယှင်းရီး ဆိုင်ရာ ဆောင်ရန်၊ ယှောင်ရန် အချက်များကို အာရက္ခပြည်သူများ သိဟိလိုက်နာနိုင်ရန် အာရက္ခပြည်သူ့တော်လှန်ရီးအစိုးရ၊ပို့ဆောင်ရီးဌာနမှ ဂနိ ထုတ်ပြန်သည်။

ပို့ဆောင်ရီးဌာန၏ ထုတ်ပြန်ချက်၌ "ပြည်သူများအနီဖြင့် မိုးရာသီ ရီလမ်းအန္တရာယ်ကင်းယှင်းရီးဆိုင်​ရာ ဆောင်ရန် (၅)ချက်၊ ယှောင်ရန် (၅)ချက် နန့် မိုးရာသီ ယာဥ်အန္တရာယ်ကင်းယှင်းရီး ဆိုင်ရာ ဆောင်ရန်(၅)ချက်၊ ယှောင်ရန်  (၅)ချက်၊ စုစုပေါင်း အချက် (၂၀) ပါ ဝင်ကြောင်း" တွိရသည်။

မိုးရာသီ ရီလမ်းအန္တရာယ် ကင်းယှင်းရီး ဆောင်ရန်၊ ယှောင်ရန် အချက်များ

(က) ဆောင်ရန် အချက်များ

၁။ ရာသီဥတုသတင်း နားထောင်ပါ။
၂။ အသက်ကယ် အင်္ကျီဝတ်ဆင်ပါ။
၃။ ရီယာဉ်ထက်ကို စောင့်ဆိုင်း၍ အတက် အဆင်းပြုလုပ်ပါ။
၄။ အသက်ကယ် ပစ္စည်းများ အဆင်သင့်ထားဟိပါ။
၅။ တန်းထားထက်တွင် သတိနန့်လားပါ။

(ခ) ယှောင်ရန် အချက်များ

၁။ မိုးသက်လီပြင်းကျနီစဥ် ရီယာဉ်မထွက်ပါကေ့။
၂။ ကုန်နန့် ခရီးသည် အလွန်အကျွံမတင်ပါကေ့။
၃။ လှုပ်လှုပ်ယှားယှား မလုပ်ပါကေ့။
၄။ လုလို့ အတက်အဆင်း မလုပ်ပါကေ့။
၅။ ရီကြောင်းခရီးလားလာရာတွင် အရက်သီစာ သောက်စားခြင်းကို ယှောင်ပါ၊

မိုးရာသီ ယာဉ်အန္တရာယ်ကင်းယှင်းရီး ဆောင်ရန်၊ ယှောင်ရန် အချက်များ

(က) ဆောင်ရန် အချက်များ

၁။ယာဉ်ကြံ့ခိုင်မှုကို ကြိုတင်စစ်ဆီးပါ။
၂။ အဟိန်လျှော့ မောင်းပါ။
၃။ မိုး ကောင်းရွာနီပါက ရှိမီးကြီး ( Headlights) ဖွင့်မောင်းပါ။
၄။ ဘေးကင်းအကွာအဝီးကို ထိန်းသိမ်းမောင်းနှင်ပါ။
၅။ မှန်ကို ကြိုင်အောင် သုတ်ထားပါ။

(ခ) ယှောင်ရန် အချက်များ

၁။ အရေးပေါ် အချက်ပြမီး ( Hazard Lights) အလဟဿမဖွင့်ပါကေ့။
၂။ ရီတင်ကျန်နီသော လမ်းများကို အဟိန်ပြင်းစွာမဖြတ်ပါကေ့။
၃။ အန္တရာယ်ဟိသော ရီကြီးရီလျှံသည့် လမ်းများကို မဖြတ်ပါကေ့။
၄။ ဘရိတ်ကို ဆောင့်မအုပ်ပါကေ့။
၅။ ကားမောင်းနီစဥ် ဖုန်းအသုံးပြုခြင်းနန့် စိတ်အာရုံပျံ့လွင့်ခြင်း မဖြစ်ပါီစီကေ့။

ယင်းအပြင် အာရက္ခဒေသအတွင်း ဒေသခံပြည်သူရို့အနီဖြင့် မိုးရာသီ၌ ရီလမ်းအန္တရာယ်ကို တတူတူ ပူးပေါင်း၍ ကာကွယ်ကတ်ပါရန်နန့် ယာဉ်စည်းကမ်း၊ လမ်းစည်းကမ်းများအား လိုက်နာပြီး အန္တရာယ်ကင်းစွာ လားလာကတ်ပါရန်လည်း  ပို့ဆောင်ရီးဌာနမှ  အလီးအနက် တိုက်တွန်းထား‌သည်။

Photo - ပို့ဆောင်ရီးဌာန

Arakan Princess Media

May 25, 2026, 11:27 PM

📎 File

ရက္ခိုင်သက္ကရာဇ် ၁၃၈၈ ခုနှစ်၊ ကဆုန်လဆန်း ( ၁၀ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၂၅ ) ရက်၊ Arakan Princess Media ၏ မိုးထဖက်သတင်းအစီအစဉ်

1,520

Arakan Princess Media

May 25, 2026, 11:27 PM

🎥 Video

ရက္ခိုင်သက္ကရာဇ် ၁၃၈၈ ခုနှစ်၊ ကဆုန်လဆန်း  ( ၉ )ရက်   ၊ ခရစ်နှစ် ၂၀၂၆ ခုနှစ်၊ မေလ ( ၂၄ ) ရက်၊ Arakan Princess Media ၏ ရုပ်သံသတင်းအစီအစဉ်

1,560

Arakan Princess Media

May 25, 2026, 11:27 PM

မြောက်ဦးမြို့ပြစီမံကိန်းပါ ပေါင်းတုတ်ဒေသခံ မူဆလင် လယ်သမားရို့၏ ရင်တွင်းဖြစ် စကားသံများ (၂)

APM၊ မေ ၂၄/၂၀၂၆

​ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA)သည် ရန်သူနန့် စစ်ရီးအရ အပြင်းထန်ဆုံး တိုက်ပွဲဝင်နီရသည့်တချိန်တည်းမာပင် တရားဥပဒေစိုးမိုးရီး၊ စီးပွားရီး၊ကျန်းမာရီး၊ပညာရီး၊ မြို့ပြစီမံကိန်း စသည့် တိုင်းပြည်တည်ဆောက်ရီးလုပ်ငန်းများအား တော်လှန်ရီးလောကဓံ၊စိန်ခေါ်မှုမှန်သမျှကိုအံတု ၍ တိုင်းပြည်နန့် ပြည်သူလူထုအကျိုးအတွက် တစိုက်မတ်မတ် အားကြိုး မာန်တက် ထမ်းရွက်လျက်ဟိသည်။

အာရက္ခပြည်သူ့တော်လှန်ရီးအစိုးရအနီဖြင့် အာရက္ခဒေသအနှံ့ တန်းထားများ၊ လမ်းပန်းဆက်သွယ်ရီး အပါအဝင် မြို့ ပြစီမံကိန်းများအား အချိန်နန့်တဗြီးညီ အားသွန် ခွန်စိုက် အကောင်အထည် ဖော် တည်ဆောက်လျက်ဟိရာတွင် ရက္ခိုင်ရို့၏ အသက်တမျှ တန်ဖိုးထားရပါသော ရက္ခိုင်သမိုင်း၏ အထင်ကရလည်းဖြစ်၊ အာရက္ခရို့၏အသည်းနှလုံး လည်းဖြစ်သော မြောက်ဦးရှေးဟောင်း ယဉ်ကျေးမှု အမွီအနှစ်ဇုန်အား သန့်ယှင်း သပ်ရပ်စွာဖြင့် ရီရှည်ထိန်းသိမ်း ကာကွယ် စောင့်ယှောက်နိုင်ရန်အလို့ငှာ ရည်ရွယ်ဆောင်ရွက်နီသည့် မြောက်ဦးမြို့ပြစီမံကိန်း တစိတ်တပိုင်း တည်ဟိရာမြောက်ဦးမြို့နယ်၊ပေါင်းတုတ်အုပ်စု သို့  မြီပြင်ကွင်းဆင်းလျက် စီမံကိန်းထဲ လယ်မြီများပါဝင်သူ မြီသျှင်လယ်သ မားများနန့် Arakan Princess Media မှ တွိဆုံမိန်းမြန့်ခွင့် ရခပါသည်။

ယင်းသို့ တွိဆုံမိန်းမြန်းရာ၌ ဒေသခံမူဆလင်လယ်သမားတချို့၏ ရင်တွင်းဖြစ် စကားသံများ(၂)အား တင်ဆက်ပီးလိုက်ပါသည်။

(မှတ်ချက်။  ။ စီမံကိန်း၌ မြီပါဝင်သည့် လယ်ပိုင်သျှင်များအား အာရက္ခပြည်သူ့ တော်လှန်ရီးအစိုးရမှ နစ်နာမှုအတွက် ၁ ဧကလျှင် သိန်း ၈၀ ကျပ်စီ ထောက်ပံ့ပီးပါကြောင်း သိရသည်)

သတင်းထောက် ဇော်ကြီး
Arakan Princess Media (APM)

1,750

Arakan Princess Media

May 25, 2026, 11:27 PM

🎥 Video

1,730

Arakan Princess Media

May 25, 2026, 11:27 PM

သာလီစွ  ညဇာဖက်ပါ  ..

ရက္ခိုင်သက္ကရာဇ် ၁၃၈၈ ခုနှစ်၊ ကဆုန်လဆန်း ( ၉ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၂၄ ) ရက်၊ Arakan Princess Media ၏ ညဇာဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။

ဒေနိ ညဇာဖက်အစီအစဉ်မာ ထွန်းဇံအောင် နန့် မေယုစံ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။

ဒေနိ  ညဇာဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−

(၁) အာရက္ခဒေသအတွင်း ပြည်သူရို့"အာရက္ခ လောင်ပေါ်" အကြောင်း  သိဟိစီဖို့ လောင်ပေါ်ဌာန(ခွဲ)က လက်ကမ်းစာစောင် ဖြန့်ဝီပီးနီရေ သတင်း၊

(၂) မြေပုံမာ အရက်မူးနီရေဒေသခံတယောက် မီးဝင်တိုက်လို့ အိမ်တဆောင်မီးလောင်ရေ သတင်းနန့်

(၃) အာရက္ခရေပိုင်နက်အတွင်း ခိုးဝင်ငါးဖမ်းသူတိကို အာရက္ခကမ်းရိုးတန်း လုံခြုံရီးတပ် အချိန်ပြည့် စောင့်ကြပ်ဖမ်းဆီးလို့ဟိရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။

Arakan Princess Media ကထုတ်လွှင့်နီရေအစီအစဉ်တိကို Telegram Channel အပြင်  YouTube, Facebook, Website ရို့မာလည်းဝင်ရောက် ဖတ်ရှုနားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။

အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။
#APM
#  အာရက္ခမင်းသမီးသတင်းမီဒီယာ
#APMFM
===============

YouTube Link: https://www.youtube.com/channel/UC2pqSWqtEsKY1Cxh-u-KelQ

Facebook Link: https://www.facebook.com/share/1BUywNudAL/

1,600

Arakan Princess Media

May 25, 2026, 11:27 PM

📎 File

သာလီစွ ညဇာဖက်ပါ

ရက္ခိုင်သက္ကရာဇ် ၁၃၈၈ ခုနှစ်၊ ကဆုန်လဆန်း (၉)ရက်၊ ခရစ်နှစ်၂၀၂၆ ခုနှစ်၊ မေလ ( ၂၄ ) ရက် ၊ Arakan Princess Media ၏ အပတ်စဉ် တလင်းဂနီနိတိုင်း တင်ဆက်ပီးနီရေ တေးခြင်းကဏ္ဍ ဖျော်ဖြေရီး အစီအစဉ်က ကြိုဆိုလိုက်ပါရေ။

အေနိ ညဇာဖက်အစီအစဉ်ကို အစီအစဉ်မှူးအဖြစ် စံသိမ်းနု ကတင်ဆက်ပီးထားစွာဖြစ်ပါရေ။ မူရင်းတေးခြင်း ပိုင်သျှင်ရို့ကို လေးစားစွာနန့် Credit ပီးပါရေ။

Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် Website, YouTube, Facebook, Google Podcasts ရို့မာလည်း ဝင်ရောက်နားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမှာ ပုံမှန်ထုတ်လွှင့်တင်ဆက်ပီးနီ ပါရေ။

အာရက္ခပြည်သူ ပြည်သားရို့ အားလုံး ဖီးအန္တရာယ် ကင်းဝီးကတ်ပါစီ။

#APM
# အာရက္ခမင်းသမီးသတင်းမီဒီယာ
#ArakanMusic
#APMFM
===============

Telegram Channel Link:

Website Link: http://arakanprincess.media/

Facebook Link: https://www.facebook.com/share/1BUywNudAL/

1,510

Arakan Princess Media

May 10, 2026, 10:39 PM

ဘင်္ဂလားဒေ့ချ် - အိန္ဒိယနယ်စပ်တွင် အိန္ဒိယနယ်စပ်လုံခြုံရီးတပ်၏ ပစ်ခတ်မှုကြောင့် ဘင်္ဂလားဒေ့ချ်မှောင်ခိုသမား ၂ ယောက် သီဆုံး

APM၊ မေ ၁၀ / ၂၀၂၆

ဘင်္ဂလားဒေ့ချ် - အိန္ဒိယနယ်စပ်၊ ဗရာဟမ်ဘာရီယာ နယ်စပ်တွင် အိန္ဒိယနယ်စပ်လုံခြုံရီးတပ်ဖွဲ့ (BSF) ၏ ပစ်ခတ်မှုကြောင့် ဘင်္ဂလားဒေ့ချ် မှောင်ခိုသမား ၂ ယောက် သီဆုံးလားကြောင်း ဘင်္ဂလားဒေ့ချ်နယ်ခြားစောင့်တပ် (BGB ) မှ မေ ၉ ရက်နိတွင် ထုတ်ပြန်သည်။

မေ ၈ ရက်နိ၊ ညည့် ၁၂ နာရီခွဲအချိန်တွင် ဘင်္ဂလားဒေ့ချ်နိုင်ငံ၊ ကတ်ချ်ဘာ အာပဇီလာနန့် အိန္ဒိယနိုင်ငံ၊ တြိပူရပြည်နယ်အကြားဟိ ဗရာဟမ်ဘာရီယာနယ်စပ်အနီးတွင် အိန္ဒိယပိုင်နက်ထဲသို့ ခိုးဝင်လာသည့် ဘင်္ဂလားဒေ့ချ်မှောင်ခိုသမားများကို အိန္ဒိယနယ်စပ်လုံခြုံရီးတပ်ဖွဲ့ (BSF) မှ ပစ်ခတ်ခခြင်းဖြစ်သည်။

အဆိုပါဘင်္ဂလားဒေ့ချ်မှောင်ခိုအဖွဲ့တွင် လူ ၁၀ ဦးမှ ၁၅ အထိ ပါဝင်ပြီး အိန္ဒိယ မှောင်ခိုသမားများ၏ အကူအညီဖြင့် အိန္ဒိယပိုင်နက်အတွင်း ကိုက် ၂၀၀ ခန့် အကွာအဝေးအတွင်း ဝင်ရောက်ခကြောင်း BGB က ဆိုသည်။

ယင်းနောက်  ဘင်္ဂလားဒေ့ချ်မှောင်ခိုသမားများနနန့် BSF တပ်ဖွဲ့ဝင်များထိပ်တိုက်တွိရာမှ ရုန်းရင်းဆန်ခတ်ဖြစ်ပွားခကာ BSF အဖွဲ့ဝင်တဦးသည် မှောင်ခိုသမားများအား သီနတ်နန့် ပစ်ခတ်ခကြောင်း သိရသည်။

သီနတ်ပစ်ခတ်မှုကြောင့် သီဆုံးခသည့် ဘင်္ဂလားဒေ့ချ်အမျိုးသားနှစ်ယောက်မာ Mohammad Mursalin (၂၀ နှစ်) နန့် Nabir Hossain (၅၀ နှစ်) ရို့ဖြစ်ပြီး ၎င်းရို့ကို သီနတ်ဒဏ်ရာများဖြင့် အိန္ဒိယဟိ အဂါတာလာ ဆီးရုံသို့ ပို့ဆောင်စဥ် သီဆုံးခသည်ဟု ဆိုသည်။

သီဆုံးခသူနှစ်ဦးမာ အယင်ကလည်း နယ်စပ်ဖြတ်ကျော် မှောင်ခိုကူးသူများဖြစ်ကြောင်း ဘင်္ဂလားဒေ့ချ်နယ်ခြားစောင့်တပ် (BGB) မှ အတည်ပြုသည်။

သီဆုံးသူများ၏အလောင်းများကိုလွှဲပြောင်းမှုအား မေ ၉ ရက်နိတွင် ပြုလုပ်ခပြီး BGB တပ်ရင်း - ၆၀ (စူလတန်ပူတပ်ရင်း) မှ အလောင်းများကို လက်ခံခကြောင်း သိဟိရသည်။

Source - Two Bangladeshis killed by BSF in Brahmanbaria: BGB / The Daily Star

Bodies of 2 Bangladeshis killed by BSF returned after 18 hours / bd news24

Photo - bd news 24

Arakan Princess Media

May 10, 2026, 10:39 PM

📷 Photo

1,140

Arakan Princess Media

May 10, 2026, 10:39 PM

📎 File

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် ( ၁၀ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၁၀ ) ရက်၊ Arakan Princess Media ၏ ညဇာဖက်သတင်းအစီအစဉ်

728

Arakan Princess Media

May 10, 2026, 10:39 PM

📎 File

သာလီစွ မိုးထဖက်ပါ

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် (၁၀)ရက်၊ ခရစ်နှစ်၂၀၂၆ ခုနှစ်၊ မေလ ( ၁၀ ) ရက် ၊ Arakan Princess Media ၏ အပတ်စဉ် တလင်းဂနီနိတိုင်း တင်ဆက်ပီးနီရေ တေးခြင်းကဏ္ဍ ဖျော်ဖြေရီး အစီအစဉ်က ကြိုဆိုလိုက်ပါရေ။

အေနိ မိုးထဖက်အစီအစဉ်ကို အစီအစဉ်မှူးအဖြစ် မြတ်လီပြေ ကတင်ဆက်ပီးထားစွာဖြစ်ပါရေ။ မူရင်းတေးခြင်း ပိုင်သျှင်ရို့ကို လေးစားစွာနန့် Credit ပီးပါရေ။

Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် Website, YouTube, Facebook, Google Podcasts ရို့မာလည်း ဝင်ရောက်နားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမှာ ပုံမှန်ထုတ်လွှင့်တင်ဆက်ပီးနီ ပါရေ။

အာရက္ခပြည်သူ ပြည်သားရို့ အားလုံး ဖီးအန္တရာယ် ကင်းဝီးကတ်ပါစီ။

#APM
# အာရက္ခမင်းသမီးသတင်းမီဒီယာ
#ArakanMusic
#APMFM
===============

Telegram Channel Link:

Website Link: http://arakanprincess.media/

Facebook Link: https://www.facebook.com/share/1BUywNudAL/

1,620

Arakan Princess Media

May 10, 2026, 10:39 PM

ဘင်္ဂလားဒေ့ချ်ဒုက္ခသည်စခန်းအတွင်း ARSA အကြမ်းဖက်အဖွဲ့ဝင်ကို RSO အကြမ်းဖက်အဖွဲ့ဝင် ၇ ယောက် ဝိုင်းဝန်းရိုက်နှက်ပြီး သီနတ်နန့်ပစ်သတ်ရန်ကြိုးပမ်း

( RSO အဖွဲ့ဝင်တယောက်ကို ဖမ်းဆီးမိ)

APM၊ မေ ၁၀/ ၂၀၂၆

ဘင်္ဂလားဒေ့ချ်နိုင်ငံ၊ ကော့ဇ်ဘဇားခရိုင်ဟိ ဟာခိမ်ပါရာ (Hakimpara) မူဆလင်ဒုက္ခသည်စခန်းအမှတ်  (၁၄) တွင် မေ ၇ ရက်နိ ညည့်က လက်ဖက်ရည်ဆိုင်ထိုင်နီသည့် အစ္စလာမ်အစွန်းရောက် စစ်သွီးကြွ ARSA အကြမ်းဖက်အဖွဲ့ဝင်တယောက်ကို တခြား အစ္စလာမ်မစ်အစွန်းရောက် စစ်သွီးကြွအကြမ်းဖက်အဖွဲ့တခုဖြစ်သော RSO အဖွဲ့မှ အဖွဲ့ဝင် ၇ ယောက်က ဝိုင်းဝန်းရိုက်နှက်ပြီး သီနတ်နန့်လုပ်ကြံပတ်သတ်ရန် ကြိုးပမ်းမှုဖြစ်ပွားခကြောင်း သတင်းရင်းမြစ်များအရ သိရသည်။

မေ ၇ ရက်နိ၊ ညည့် ၉ နာရီခွဲအချိန်၌ ဒုက္ခသည်စခန်းအတွင်းARSA အကြမ်းဖက်အဖွဲ့ဝင် Showfique သည် လဖက်ရည်ဆိုင်တွင်ဟိနီစဥ် တုတ်များနန့် ပစ္စတိုသီနတ်များကိုင်ဆောင်ထားသည့် RSO အဖွဲ့ဝင် ၇ ယောက်က ဆိုင်ထဲသို့ ဝင်ရောက်ကာ ဝိုင်းဝန်းရိုက်နှက်ပြီး အသီပစ်သတ်ရန်ကြိုးပမ်းခခြင်းဖြစ်သည်။

အခင်းဖြစ်ပွားချိန်တွင် RSO အဖွဲ့ဝင်များက ARSA အဖွဲ့ဝင်၏
ဦးဂေါင်းကို တုတ်နန့်ရိုက်နှက်ပြီး သီနတ်နန့်ပစ်ခတ်ရန်ကြိုးပမ်းစဥ် ရုန်းရင်းဆန်ခတ်အခြေအနီများနန့်အော်ဟစ်မှုများကြောင့် မပစ်သတ်ခရဘဲ ထွက်ဗြီးလားကတ်ကြောင်း သိရသည်။

ထွက်ဗြီးလားသည့် RSO အဖွဲ့ဝင် ၇ ယောက်ကို မူဆလင်ဒုက္ခသည်စခန်းတွင်နီထိုင်သူများမှ ဝိုင်းဝန်းဖမ်းဆီးခရာ RSO အဖွဲ့ဝင်တယောက်ဖြစ်သူ မောင်တောမြို့နယ်၊ Diyoltoli ရွာနီ ကိုဘာအာမက် ( Kobir Ahmmod) ၏ သား ယူဆော်ဖ် ( Yousouf) ကို ဖမ်းမိခပြီး အာဏာပိုင်များထံ လွှဲပြောင်းပီးလိုက်ကြောင်း သိရသည်။

ကုန်ခသည့် မေ ၇ ရက်နိတွင် အုခီးယားမြို့နယ်၊ ကူတူပါလောင်မူဆလင်ဒုက္ခသည်စခန်းကို ဘင်္ဂလားဒေ့ချ်အထူးရဲတပ်ဖွဲ့ (RAB - ၁၅) က ဝင်ရောက်စီးနင်းခရာ ဒုက္ခသည်စခန်းအတွင် အရပ်သားအသွင်ယူနီထိုင်နီသည့် အစ္စလာမ်မစ်အစွန်းရောက် စစ်သွီးကြွ ARO တပ်မှူး ၃ယောက်နန့် RSO တပ်မှူးတယောက်ကို ဖမ်းဆီးရမိခသည်။

ယင်းနိမတိုင်ခင် မေ ၆ ရက်နိ၊ နိခင်းပိုင်းက ကူတူပါလောင်မူဆလင်ဒုက္ခသည်စခန်းတွင် ARA အဖွဲ့ဂေါင်းဆောင် နိုဘီဟူဆောင်း၏ ညီဖြစ်သူ နျူရ်ကမာလ်သည် သီနတ်နန့်လုပ်ကြံသတ်ဖြတ်ခံလိုက်ရသည်။

အလားတူ မေ ၅ ရက်နိကလည်း အဆိုပါမူဆလင်ဒုက္ခသည်စခန်းမာပင် ARSA ၊ RSO နန့် ARA အဖွဲ့များတွင် တပ်မှူးအဆင့် ဝင်ရောက်ခပြီး ခွဲထွက်လားသည့် ARO အကြမ်းဖက်အဖွဲ့ဂေါင်းဆောင် အဗ္ဗဒူဟာလိမ်းသည် ပြိုင်ဘက် အကြမ်းဖက်သမားများ၏ လုပ်ကြံသတ်ဖြတ်မှုကြောင့် သီဆုံးခပါသိမ့်သည်။

ဘင်္ဂလားဒေ့ချ်နိုင်ငံဟိ မူဆလင်ဒုက္ခသည်စခန်းများတွင် အစ္စလာမ်မစ်အစွန်းရောက်စစ်သွီးကြွ အကြမ်းဖက်အဖွဲ့များဖြစ်သည့် ARSA၊ RSO၊ ARA နန့် RIM ရို့အပြင် ARA မှခွဲထွက်လာသည့် ARO အဖွဲ့များသည် မူဆလင်ဒုက္ခသည်များအသွင်ယူကာ ငွေညှစ်မှု၊ လုယက်မှု၊ ပြန်ပီးဆွဲသတ်ဖြတ်မှု၊ မူးယစ်ဆီးဝါးရောင်းဝယ်မှုအပြင် ရာဇဝတ်မှုအမျိုးမျိုးကို ကျူးလွန်နီကတ်ကြောင်း မူဆလင်ဒုက္ခသည်များက ဆိုသည်။

တချိန်တည်းတွင် အဆိုပါ အစ္စလာမ်မစ်အစွန်းရောက်စစ်သွီးကြွအဖွဲ့များအကြား လုပ်ကြံသတ်ဖြတ်မှုများ၊ အကြမ်းဖက်တိုက်ခိုက်မှုများမာလည်း အယင်ကထက် ပိုမိုဖြစ်ပွားနီသည့်အတွက်  မူဆလင်ဒုက္ခသည်များအကြား စိတ်မလုံခြုံမှုနန့် ကြောက်ရွှံ့မှုများဖြစ်ပေါ်နီပြီး ဘင်္ဂလားဒေ့ချ်အာဏာပိုင်များအနီဖြင့် ဒုက္ခသည်စခန်းအတွင်း စစ်သွီးကြွအကြမ်းဖက်များကို ဖမ်းဆီးအရေးယူပီးရန် တောင်းဆိုနီကတ်သည်။

Photo - Original Uploader

Arakan Princess Media

May 10, 2026, 10:39 PM

📷 Photo

1,370

Arakan Princess Media

May 10, 2026, 10:39 PM

သာလီစွ  ညဇာဖက်ပါ ..

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် ( ၉ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၉ ) ရက်၊ Arakan Princess Media ၏ ညဇာဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။

ဒေနိ ညဇာဖက်အစီအစဉ်မာ စံသိန်ထွန်း နန့် မေယုစံ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။

ဒေနိ  ညဇာဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−

(၁) မင်းပြားနန့် ကျောက်တော်မြို့နယ် ၂ ခုကို တရက်အတွင်း စကမ လီကြောင်းဗုံးကြဲတိုက်ခိုက်မှု ၂ ကြိမ်တိုင်တိုင် ပြုလုပ်ခကြောင်း အာရက္ခတပ်တော် ထုတ်ပြန်ရေ သတင်းနန့်

(၂) အာရက္ခပြည်သူရို့ ဆီးဝါးနန့်ပတ်သက်ပြီး မလိုလားအပ်တေ ဖီးအန္တရာယ်တိ ကင်းယှင်းစီရီး FDA ဌာန ကွင်းဆင်းစစ်ဆီးလို့ဟိရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။

Arakan Princess Media ကထုတ်လွှင့်နီရေအစီအစဉ်တိကို Telegram Channel အပြင်  YouTube, Facebook, Website ရို့မာလည်းဝင်ရောက် ဖတ်ရှုနားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။

အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။
#APM
#  အာရက္ခမင်းသမီးသတင်းမီဒီယာ
#APMFM
===============

YouTube Link: https://www.youtube.com/channel/UC2pqSWqtEsKY1Cxh-u-KelQ

Facebook Link: https://www.facebook.com/share/1BUywNudAL/

1,730

Arakan Princess Media

May 10, 2026, 10:39 PM

🎥 Video

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် ( ၉ )ရက် ၊ ခရစ်နှစ် ၂၀၂၆ ခုနှစ်၊ မေလ ( ၉ ) ရက်၊ Arakan Princess Media ၏ ရုပ်သံသတင်းအစီအစဉ်

1,710

Arakan Princess Media

May 10, 2026, 10:39 PM

📎 File

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် ( ၁၀ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၁၀ ) ရက်၊ Arakan Princess Media ၏ မိုးထဖက်သတင်းအစီအစဉ်

1,440

Arakan Princess Media

May 10, 2026, 10:39 PM

သာလီစွ  မိုးထဖက်ပါ ..

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလပြည့်ကျော် ( ၁၀ ) ရက် ၊ ခရစ်နှစ် ၂၀၂၆ ခုနှစ်၊ မေလ ( ၁၀ ) ရက်၊ Arakan Princess Media ၏ မိုးထဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။

ဒေနိ မိုးထဖက်အစီအစဉ်မာ မျိုးမြတ် နန့် မိခိုင်ဌေးရို့ကသတင်းတိကိုတင်ဆက် ပီးထားကတ်စွာဖြစ်ပါရေ။

ဒေနိ  မိုးထဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−

(၁) ဘင်္ဂလားဒေ့ချ်နိုင်ငံသား ၁၄ ယောက်ကို ဘင်္ဂလားဒေ့ချ်အာဏာပိုင်တိပါးသို့ အာရက္ခတပ်တော် လွှဲပြောင်းပီးအပ်ရေ သတင်းနန့်

(၂) အာရက္ခပြည်သူရို့ လီကြောင်းအန္တရာယ်ကို အထူးသတိထားကတ်ဖို့
ဒေသအတွင်း  လီကြောင်းရန်ကာအာရက္ခပြည်သူ့တော်လှန်ရီးအစိုးရ အသိပီး ဆော်ဩလို့ဟိရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။

Arakan Princess Media ကထုတ်လွှင့်နီရေအစီအစဉ်တိကို Telegram Channel အပြင်  YouTube, Facebook, Website ရို့မာလည်းဝင်ရောက် ဖတ်ရှုနားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။

အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။
#APM
#  အာရက္ခမင်းသမီးသတင်းမီဒီယာ
#APMFM
===============

YouTube Link: https://www.youtube.com/channel/UC2pqSWqtEsKY1Cxh-u-KelQ

Facebook Link: https://www.facebook.com/share/1BUywNudAL/

1,530

Arakan Princess Media

Apr 28, 2026, 09:28 AM

📷 Photo

1,510

Arakan Princess Media

Apr 28, 2026, 09:28 AM

တပတ်အတွင်း အာရက္ခပြည်တွင်း သတင်းအကျဉ်းချုပ်

(ဧပြယ်၂၀ ရက်နိမှ ၂၆ ရက်နိအထိ)

APM ၊ ဧပြယ် ၂၇ /၂၀၂၆

၁။ ၂၀-၄-၂၀၂၆ (တလင်းလာ)

(၁) အာရက္ခပြည်အတွင်း ကရို့သုံးသစ်များ ထုတ်လုပ်ရာ၌ ဒေသခံပြည်သူများ သိဟိလိုက်နာရမည့် အချက်များအား အာရက္ခပြည်သူ့တော်လှန်ရီးအစိုးရ၏ သစ်တောနန့်သဘာဝပတ်ဝန်းကျင်စီမံခန့်ခွဲရီးဌာနမှ ဧပြယ် ၂၀ ရက်နိတွင် အသိပီး ထုတ်ပြန်လိုက်သည်။

(၂) ဘင်္ဂလားဒေ့ချ်နိုင်ငံမှ အာရက္ခပြည်ဖက်သို့ ဘိလပ်​မြီ(ဇမ်းပွတ်)အိတ်များ တင်ပို့သည့် ကုန်သည် ၁၁ ဦးကို  ဧပြယ် ၁၉ ရက်နိ၊ ညည့်၌ ဘင်္ဂလားဒေ့ချ်ရီတပ်(နေဗီ)တစီးမှ ဘုတ်၊ ကုန်ပစ္စည်းများနန့်တတူ ဖမ်းဆီးခကြောင်း Bangladesh Navy မှ ဧပြယ် ၂၀ ရက်နိ၌ ထုတ်ပြန်သည်။

၂​။ ၂၁-၄-၂၀၂၆ (အင်္ဂါ)

အာရက္ခပြည်၊ ကျောက်ဖြူမြို့နယ်၊ ကျောက်ဆောက်ရွာ၊ မီးကျောင်းရီသောက်စစ်ယှောင်စခန်း၌ ဧပြယ် ၁၈  ရက်နိ၊ ညည့်က ဖြစ်ပွားခသည့် လူသတ်မှု ဖြစ်စဉ်အတွင်း ကျူးလွန်သူ  ကျောက်ဖြူမြို့နယ်၊ကျောက်ဆောက်ရွာအနားဟိ မီးကျောင်းရီသောက်စစ်ယှောင်စခန်း၌ စစ်ယှောင်နီသော ရသေ့တောင်မြို့နယ်၊ သစ်ကတိုးရွာမှ ဦးခင်သိန်းမောင် (၅၆နှစ်)ကို တရားဥပဒေစိုးမိုးရီးနန့်ပြည်သူ့လုံခြုံရီးဌာန (ဒီလပ်)မှ ဖမ်းဆီး အရေးယူထားပြီး ဖြစ်ကြောင်း အာရက္ခမှုခင်းနန့်ဆက်စပ်သတင်းများ ထုတ်ပြန်ရီးအဖွဲ့ က သတင်းထုတ်ပြန်သည်။

၃။ ၂၂-၄-၂၀၂၆ (ဗုဒ္ဓဟူး)

ဧပြယ် ၂၂ ရက်နိက စစ်တွေမြို့နယ်ဖက်သို့ ရီကြောင်းမှ ရောက်ဟိလာသည့် ရသေ့တောင်မြို့နယ်၊ အနောက်ပြင်(မူဆလင်)ရွာမှ မူဆလင် ၉ ဦးကို ဖက်ဆစ် စစ်တွေမြို့နယ်၊ ပလ္လင်ပြင်မူဆလင်ရွာ အကြမ်းဖက်စစ်ကော်မသျှန်တပ် အထိုင်ချစခန်းက  ဖမ်းဆီးပြီး လက်ထိပ်ခတ်ကာ နီပူလှန်းနှိပ်စက်ခသည်။

၄။ ၂၃-၄-၂၀၂၆ (ကြာသပတီး)

အာရက္ခဒေသအတွင်း အာရက္ခပြည်သူလူထုများ ယာဉ်အန္တရာယ် ကင်းယှင်းစီရန်အတွက် ယာဉ်အန္တရာယ်ကင်းယှင်းရီးလုပ်ငန်းစဉ်များကို တရားဥပဒေစိုးမိုးရီး နန့် ပြည်သူ့လုံခြုံရီးဌာန(DLEPS) ယာဉ်ထိန်းအဖွဲ့၊ ပါတီရုံး၊ အုပ်ချုပ်ရီးရုံး၊စည်ပင်ရုံးနန့် မီးသက်တပ်ဖွဲ့ဝင်များ ပူးပေါင်းကာ ကြပ်မတ် ဆောင်ရွက်လျက်ဟိသည်။

၅။ ၂၄-၄-၂၀၂၆ (သောကြာ)

(၁) ဘင်္ဂလားဒေ့ချ်နိုင်ငံဖက်မှ စစ်တွေမြို့သို့ ဆီးခြောက်များ တင်ဆောင်လာသည့် ဘုတ်(၂)စီးနန့်တတူ ဘင်္ဂလားဒေ့ချ်နိုင်ငံသား ၁၁ ဦးကို ဧပြယ် ၂၄ ရက်နိတွင် အာရက္ခတပ်တော်၏ ကမ်းခြီစောင့်တပ်ဖွဲ့ဝင်များက ဖမ်းဆီးရမိခသည်။

(၂) အာရက္ခပြည်၊ မြောက်ဦးမြို့နယ်၊ ကျောက်ဆည်ပြင်ရွာ ဘုန်းကြီးကျောင်းကို အကြမ်းဖက် ဖက်ဆစ် စစ်ကော်မသျှန်တပ် လီကြောင်းကနီ ဗုံးကြဲတိုက်ခိုက်မှုနန့်ပတ်သက်၍ အာရက္ခပြည်သံဃာ့အကျိုးဆောင်အဖွဲ့မှ ဧပြယ် ၂၄ ရက်နိ၌ သဘောထားထုတ်ပြန်လိုက်သည်။

(၃) ကျောက်ဖြူမြို့နယ်၊ စိုင်ခြုံရွာအနားတွင် ဝက်အင်းနဂါး ရွှံ့မီးတောင်အုပ်စုဒေသအခေါ် နဂါးတောင်အမည်ဟိ  ရွှံမီးတောင်တလုံး ဧပြယ် ၂၄ ရက်နိ၊ ညည့်အချိန်တွင် ​ပေါက်ကွဲ ဖြစ်ပွားခသည်။

၆။ ၂၅-၄-၂၀၂၆ (စနီ)

(၁) စစ်တွေမြို့နယ်အတွင်း အခြီစိုက်ထားသည့် ဖက်ဆစ်အကြမ်းဖက် စစ်ကော်မသျှန်တပ်ဖွဲ့ဝင်များနန့် ရဲတပ်ဖွဲ့ဝင်များသည် ဒေသခံပြည်သူများကို နည်းမျိုးစုံအကြောင်းပြကာ ငွေကျပ် သိန်းရာချီ အတင်းအဓမ္မ ငွေညှစ်တောင်းခံမှုများ ဆက်တိုက်ပြုလုပ်နီသည်။

(၂) ဘင်္ဂလားဒေ့ချ်နိုင်ငံမှ အာရက္ခပြည်ဖက်သို့ ဘိလပ်မြီ အိတ်များ တင်ဆောင်လာသည့် ကုန်သည် ၆ ဦးနန့်  လှီနှစ်စီးကို ဧပြယ် ၂၅ ရက်နိက ဖမ်းဆီးရမိကြောင်း ဘင်္ဂလားဒေ့ချ်ကမ်းခြီစောင့်တပ် Bangladesh Coast Guard(BCG)မှ ထုတ်ပြန်ပါသည်။

၇။ ၂၆-၄-၂၀၂၆ (တလင်းဂနီ)

ဘူးသီး​တောင်မြို့၊ အမှတ်(၂) ရပ်ကွက်တွင် လူမနီသောအိမ်တဆောင်  ဧပြယ် ၂၆ ရက်နိ၊ညဇာ ၅ နာရီခွဲခန့်၌ မီးလောင်မှုဖြစ်ပွားခသည်။

Arakan Princess Media

Apr 28, 2026, 09:28 AM

📷 Photo

1,380

Arakan Princess Media

Apr 28, 2026, 09:28 AM

ကျားဖျန့်နန့်ပတ်သက်၍ UWSA အရာဟိ၂ဦးကို ရာထူးမှ ထုတ်ပယ် အရေးယူ

APM၊ ဧပြယ် ၂၇ /၂၀၂၆

ကျားဖျန့် အွန်လိုင်းငွေလိမ်လည်မှုနန့်ပတ်သက်၍ 'ဝ' ပြည်သွီးစည်းညီညွတ်ရီးတပ်မတော် (UWSA) တရားရီးကော်မတီ၏ အရာဟိ၂ဦးအား ရာထူးမှ ထုတ်ပယ်ပြီး အလုပ်ကြမ်း ပြစ်ဒဏ်ပီးကာ အရေးယူထားကြောင်း UWSA က ဧပြယ်၂၆ ရက်နိတွင် ထုတ်ပြန် သည်။

အရေးယူခံရသည့် အရာဟိ ၂ ဦးသည် UWSA ၏ တရားရီးကော်မတီမှ ညွှန်ကြားရီးမှူး ကျောက်ကော်လီယန် နန့် ဒုတိယညွှန်ကြားရီးမှူး ကျောက်အီချန် ရို့ဖြစ်ကြောင်း ထုတ်ပြန်ချက်က ဖော် ပြသည်။

ထုတ်ပြန်ချက်အရ "ကျောက်ကော်လီယန်သည် ဗဟိုကော်မတီ၏ အမိန့်များကို အကြိမ်ကြိမ် ချိုးဖောက်ပြီး ကျားဖျန့်လိမ်လည်မှုတွင် ပါဝင်ပတ်သက်သူများဖြစ်သည့် ဆွေမျိုးများနန့် လက် အောက်ငယ်သားများကို ကာကွယ်ပီးရန် ၎င်း၏ရာထူးကိုအလွဲသုံးစားပြုခကြောင်း" ဖော်ပြထားသည်။

ယင်းကြောင့် ၎င်းအား ပါတီနန့် အစိုးရရာထူးအားလုံးမှ ထုတ်ပယ်ကာ  ၃ နှစ်ကြာ အလုပ်ကြမ်းလုပ်ဆောင်ရန်အထွေထွေဝန်ထမ်းဌာနချုပ်၊ကင်းတပ်ရင်းသို့ ပြောင်းရွှိ့ပြစ်ဒဏ်ချမှတ်ထားကြောင်း ဆိုသည်။

ယင်းပြင် ကျောက်အီချန်သည်လည်း ဗဟိုကော်မတီ အမိန့်များကိုချိုးဖောက်ပြီး ကျားဖျန့်လုပ်ငန်းများအတွက် နီရာများ စီစဉ်ပီးခြင်း၊ ငှားရမ်းခများ ကောက်ခံခြင်းနန့် ကျားဖျန့်အဖွဲ့များကို ခိုလှုံခွင့်ပီးခြင်းရို့ ပြုလုပ်ခကြောင်း ထုတ်ပြန်ချက်၌ ဖော်ပြထားသည်။

ယင်းကြောင့် ၎င်းကိုလည်း ပါတီနန့် အစိုးရရာထူးအားလုံးမှ ထုတ်ပယ်ကာ ၃ နှစ်ကြာ အလုပ်ကြမ်းလုပ်ဆောင်ရန်
စစ်ဖက်ဥပဒေဌာနချုပ်သို့ ပြောင်းရွှိ့ပြစ်ဒဏ်ချမှတ်ထားကြောင်း ဆိုသည်။

ဒေဂု အရေးယူမှုသည် အဖွဲ့ဝင်များအတွက် သတိပီးချက်အဖြစ် သဘော ထားရန်နန့် ဥပဒေ၊ စည်းမျဉ်းများအားတိတိကျကျ လိုက်နာကတ်ရန် လည်း UWSAမှ တိုက်တွန်းထားသည်။

UWSA ၏ ထုတ်ပြန်ချက်များအရ ဒေနှစ် (၂၀၂၆) ပထမ ၄ လအတွင်း ကျားဖျန့်နန့် ဆက်နွယ်သည်ဟု ယူဆရသော တရုတ်နိုင်ငံသား ၅၀၀ ကျော်ကို ဖမ်း ဆီးကာ တရုတ်နိုင်ငံသို့ ပြန်လည် လွှဲပြောင်း ပီးအပ်ခကြောင်းလည်း သိဟိရသည်။

Photo - UWSA

1,550

Arakan Princess Media

Apr 28, 2026, 09:28 AM

သာလီစွ မိုးထဖက်ပါ...

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလဆန်း (၁၂)ရက် ၊ ခရစ်နှစ် ၂၀၂၆ ခုနှစ်၊ ဧပြယ်လ ( ၂၇) ရက်၊ Arakan Princess Media ၏ မိုးထဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။

ဒေနိ မိုးထဖက်အစီအစဉ်မာ ထွန်းဇံအောင် နန့် မေယုစံ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။

ဒေနိ မိုးထ ဖက်အစီအစဉ်မာ နားထောင်ကတ်ရဖို့ သတင်းတိကတော့ခါ −−−−

(၁) အာရက္ခပြည် အီးချမ်းယာရီးနန့် ဒုစရိတ်မှုတိပပျောက်ရီး( ဒီလပ်) တစိုက်မက်မက် ဆောင်ရွက်လို့ဟိရေ သတင်း၊

(၂) ဘူးသီးတောင်မြို့မာ အိမ် တဆောင် မီးလောင်ရေ သတင်းနန့်

(၃) မင်းပြားမြို့နယ်အတွင်း ယာဉ်အန္တရာယ် ကင်းယှင်းရီးသက်ဆိုင်ရာက အဟုန်မြှင့် လုပ်ဆောင်နီရေ ပြည်တွင်းသတင်း အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။

Arakan Princess Media ကထုတ်လွှင့်နီရေအစီအစဉ်တိကို Telegram Channel အပြင် YouTube, Facebook, Website ရို့မာလည်းဝင်ရောက် ဖတ်ရှုနားထောင်နိုင်ပါရေ။

Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။

အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။
#APM
# အာရက္ခမင်းသမီးသတင်းမီဒီယာ
#APMFM
===============

YouTube Link: https://www.youtube.com/channel/UC2pqSWqtEsKY1Cxh-u-KelQ

Facebook Link: https://www.facebook.com/share/1BUywNudAL/

Website Link: http://arakanprincess.media/

1,870

Arakan Princess Media

Apr 28, 2026, 09:28 AM

📎 File

တပတ်အတွင်း ရက္ခိုင် ပြည်တွင်းသတင်းအကျဉ်းချုပ် ထုတ်လွှင့်ချက် (FM အစီအစဉ်) ဧပြယ် ၂၀ ရက်နိမှ ဧပြယ် ၂၆ ရက်နိအထိ

1,560

Arakan Princess Media

Apr 28, 2026, 09:28 AM

📷 Photo

1,890

Arakan Princess Media

Apr 28, 2026, 09:28 AM

📎 File

ရက္ခိုင်သက္ကရာဇ် ၁၃၈၈ ခုနှစ်၊ ဒုတိယတာကူးလဆန်း (၁၂)ရက် ၊ ခရစ်နှစ် ၂၀၂၆ ခုနှစ်၊ ဧပြယ်လ ( ၂၇) ရက်၊ Arakan Princess Media ၏ မိုးထဖက်သတင်းအစီအစဉ်

1,600

Arakan Princess Media

Apr 28, 2026, 09:28 AM

📷 Photo

1,480

Arakan Princess Media

Apr 28, 2026, 09:28 AM

နန်းမယ်ခုံတွင် စကမ  ဗုံးကြဲ၊ ဒေသခံပြည်သူ ၃ ဦးသီဆုံးပြီး ၃ ဦးဒဏ်ရာရ

APM၊ ဧပြယ် ၂၆ /၂၀၂၆

ကရင်နီပြည်၊ နန်းမယ်ခုံမြို့နယ်တွင် ဧပြယ် ၂၅ ရက်နိက  အကြမ်းဖက်စစ်ကော်မသျှန်တပ်မှ အသီခံ ဒရုန်းများဖြင့် ဗုံးကြဲတိုက်ခိုက်ရာ  ဒေသခံပြည်သူ ၃ ဦးသီဆုံးပြီး ၃ ဦး ဒဏ်ရာရလားကြောင်း ဒေသတွင်းသတင်းများက ဖော်ပြသည်။

ဧပြယ်  ၂၅ ရက်နိ ၊ နိခင်းပိုင်းတွင်  မိုးဗြဲမြို့၌ တပ်စွဲထားသည့်  အကြမ်းဖက်စစ်ကော်မသျှန်တပ်သည်  နန်းမယ်ခုံမြို့နယ်ဟိ  ရွာတရွာအတွင်းသို့ အသီခံဒရုန်းများဖြင့် လီကြောင်း ဗုံးကြဲတိုက် ခိုက်ခသည်။

ဗုံးကြဲတိုက်ခိုက်မှုကြောင့်  အသက် ၁၉ နှစ်အရွယ် အမျိုးသမီး ၁ ဦးနန့် အမျိုး သား ၂ ဦး သီဆုံးပြီး နောက်ထပ် ပြည်သူ ၃ ဦးလည်း ပြင်းထန်စွာ ဒဏ်ရာရလားကြောင်း သိရသည်။

ယင်းအပြင် လူနီအိမ်များလည်း ထိခိုက်ပျက်စီးလားခသည်။

အလားတူ ပြီးခသည့် ဧပြယ်  ၂၃ ရက်နိကလည်း နန်းမယ်ခုံမြို့နယ်အတွင်းဟိ  ရွာတရွာကို အကြမ်းဖက်စစ်ကော်မသျှန်တပ်မှ  လီကြောင်းဗုံးကြဲတိုက် ခိုက်ရာ အမျိုးသား ၁ ဦး သီဆုံးလားကြောင်းလည်း  သိဟိရသိမ့်သည် ။

Photo - ဖက်ဒရယ် FM

1,800

Showing 30 of 50 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Arakan Princess Media

Arakan Princess Media

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

AKEDO 한국뉴스

Ghost mansion eng sub

Gad Saad Truth

미우미우

Kdrama eng sub

Kim Taehyung | BTS

⟡ HWANG IN YEOP ⟡

⟡ LEE DONG WOOK ⟡

Related Telegram Channels

AKEDO 한국뉴스

Ghost mansion eng sub

Gad Saad Truth

미우미우

Kdrama eng sub

Kim Taehyung | BTS

⟡ HWANG IN YEOP ⟡

⟡ LEE DONG WOOK ⟡

Latest Posts

User Reviews (0)