የጥበብ - መንገድ ™

Public

Can't Join? @wisdomseker

5.1k Members

Updated: May 17, 2026 at 5:49 PM

የጥበብ - መንገድ ™

❝ Art is a step from nature toward the Infinite ~ Kahlil Gibran ™🌸📚 @abawassie ✉️

Join @wisdomseker for exclusive toward and gibran content and discussions in 1

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 5.1K

24h growth: +0 0%

Latest Posts

የጥበብ - መንገድ ™

May 20, 2026, 12:12 AM

📷 Photo

564

የጥበብ - መንገድ ™

May 20, 2026, 12:12 AM

በ20ኛዉ ክፍለዘመን ላይ በ ኦክስፎርድ ዩኒቨርሲቲ የተሰናዳ ታዋቂ የፍልስፍና ፅሁፋዊ ሲምፖዚየም ነበር፤ ይህ ሲምፖዚየም ርዕሱን "Theology and Falsification"ላይ አርጎ ሶስት ፈላስፋዎች ምልልስ ያደረጉበት የፅሁፍ ሙግት ነዉ።

የመጀመሪያዉ አንቶኒ ፍሊዉ ሲሆን ሙግቱን ጆን ዊዝደም "አማልክት" በሚሰኘዉ ትረካዉ ላይ ካለዉ ምስሌያዊ ፅሁፍ በመነሳት ይጀምራል።

ምሳሌዉም እንዲህ እያለ የሚቀጥል ነዉ፦ ሁለት ተጓዦች ጫካ ውስጥ ብዙ አበቦችና አረሞች ያሉበት ቦታ ያገኛሉ። አንደኛው "ይህንን የሚንከባከብ አትክልተኛ አለ" ሲል፣ ሌላኛው ግን "አትክልተኛ የለም" ይላል። አትክልተኛውን ለማግኘት ቢጠባበቁም፣ በኤሌክትሪክ የታጠረ አጥር ቢሰሩም፣ አልፎ ተርፎም አነፍናፊ ውሾችን ቢጠቀሙም ምንም አይነት ሰው አያገኙም።
​ነገር ግን አማኙ አሁንም አልተረታም፤ "አትክልተኛው የማይታይ፣ የማይዳሰስ፣ ሽታ የሌለውና በድብቅ የሚመጣ ነው" ይላል። በዚህ ጊዜ ተጠራጣሪው እንዲህ ሲል ይጠይቃል፦ "ይህ አንተ የምትለው የማይታይና የማይዳሰስ አትክልተኛ፣ በጭራሽ ከሌለ (ምናባዊ) አትክልተኛ በምን ይለያል?"።

በዚህም ፍሊዉ አንድ እምነት ማስረጃዎች በሚቃወሙት ቁጥር "እንዲህ ቢሆንስ" እያለ ማስተባበያዎችን እና ማለሳለሻዎችን እየተካ ከሄደ መጨረሻ ላይ የተነሳበት ነጥብ ትርጉም አልባ የሚሆንበት ደረጃ ላይ ይደርሳል የሚል ነዉ፤ለምሳሌ ፈጣሪ ሰዎችን ይወዳል ለሚለዉ ነጥብ ምድር ላይ ያሉ ክፋቶች እንደ ማስረጃነት ሲቀርቡ፣ "አይ የፈጣሪ ፍቅር እንደ ሰዉ አይደለም"፣"ፈጣሪ የሚወደዉን ይፈትናል"፣"ፈጣሪ የተሻለ እቅድ አለዉ" እያሉ የሚሰጡ ማለሳለሻዎች በመዉደድ እና ባለመዉደድ መሃል ያለዉን መስመር ሙሉ ለሙሉ የሚያደበዝዙ እና መዉደድ የሚለዉ ቃል ምንም አይነት የሚወክለዉ ምድራዊ ሁኔታ እስከማይኖር ድረስ ትርጉም አልባ ያረጉታል ይህንንም ፍሊዉ "በሺህ ማስተባበያዎች የሚሞት አንድምታ" ወይም "Death by thousand qualifications" ይለዋል።

ሌላኛዉ ደሞ መስፈርት የግድ ሊኖር ይገባል የሚል ነዉ፤አንድ ነገር እዉነት ነዉ ሲባል ተቃራኒዉ ዉሸት ነዉ እየተባለ ነዉ በዚህም አንድ አባባል እዉነት መሆኑን ለማወቅ ዉሸት መሆኑን የሚያረጋግጥ ምን አይነት ድርጊት ቢፈጠር ነዉ? የሚለዉን ጥያቄ መመለስ አለበት፤ አያይዞም "እግዘብሔር ይወደናል" ለሚሉ ሃይማኖተኛ ሰዎች ምን አይነት መጥፎ አጋጣሚ ቢፈጠር ነዉ እምነታቹ ዉሸት መሆኑን የምትቀበሉት ሲል ይጠይቃል።

በመቀጠል ሪቻርድ ሄር የፍሊዉን አምክንዮአዊ ልክነት በመቀበል ሃይማኖትን ተምርምሮ ፉርሽ ከሚደረጉ ነጥቦች ዘንዳ ማሰለፉ ግን ልክ እንዳልሆነ ይሞግታል።

ሄርም ለዚህ የአንድ እብድ እና የዩንቨርስቲ አስተማሪዎቹን ምሳሌ ይሰጣል፤ምሳሌዉም እንዲህ የሚል ነዉ፦

አንድ እብድ ሰው "የዩኒቨርሲቲ አስተማሪዎች ሁሉ ሊገድሉኝ ይፈልጋሉ" ብሎ ያምናል። ጓደኞቹ በጣም ደግ የሆኑ አስተማሪዎችን
ቢያስተዋውቁትም፣ እሱ ግን "ይህ ተንኮላቸውን ለመሸፈን ያደረጉት ነው" በማለት እምነቱን አይቀይርም። እንደ ፍሉ መመዘኛ ይህ ሰው ምንም አይነት መረጃ እምነቱን ስለማይቀይረው አባባሉ "ትርጉም የለውም" ሊባል ይችላል፤ ነገር ግን በእሱና በጤነኛ ሰው መካከል ትልቅ ልዩነት አለ።

ሄርም በዚህ ሙግቱ ላይ አንድ "ብሊክ" የሚለዉን ፅንሰሃሳብ ያስተዋዉቃል፤ ይህም ይህን አለም የምናይበት መሰረታዊ፣ኢምክንያታዊ፣ ስሁት መሆኑ ሊረጋገጥ የማይችል እና ሌላ እዉነታዎችን ልንተረጉምበት የምንነሳበት አመለካከት ነዉ ይላል።

ሁሉም ሰዉ ብሊክ አለዉ ለምሳሌ መኪና ስንነዳ መሪዉ አይገነጣጠልም ብለን የምናምነዉ በሳይንሳዊ ማረጋገጫ ብቻ ሳይሆን አለም አስተማማኝ ነች የሚለዉን ቅድመ እሳቤ(ብሊክ) ይዘን ነዉ።በዚህም ሃይማኖት እንደ ሳይንሳዊ ማብራሪያ ሊቆጠር የሚገባ ሳይሆን አለምን የምንመለከትበት መሰረታዊ መነፅር ነዉ፤ሳይንቲስትም ሆነ አማኝ የየራሳቸዉ ብሊክ አላቸዉ በማለት ያትታል።

ባሲል ሚችል ደሞ ከሁለቱም የተለየ ሃሳብ ያቀርባል፤ እሱንም በተዋጊዉ እና እንግዳዉ መሪ ምሳሌ ለመግለጥ ይሞክራል።ምሳሌዉ እንዲህ ሲል ይቀጥላል፦

በጦርነት ወቅት አንድ ተዋጊ ከአንድ እንግዳ ሰው ጋር ይገናኛል። እንግዳው "እኔ የነፃነት ታጋዮች መሪ ነኝ፣ ምንም ቢፈጠር እመነኝ" ይለዋል። ተዋጊው በእንግዳው ማንነት ይረካል። በኋላ ላይ ግን እንግዳው አንዳንዴ ጠላትን ሲረዳ፣ እሱንም ድጋፍ ሳይሰጠዉ ሲቀር ይመለከታል። ታዲያ ተዋጊው በእንግዳው ድርጊት ቢጨነቅም፣ በመጀመሪያው ግንኙነታቸው ላይ በመመስረት "እንግዳው ከእኛ ጋር ነው" ብሎ ማመኑን ይቀጥላል።

ሚችል በመቀጠል እንደ ሄር አባባል ሃይማኖት በጭፍን የሚታመን "ብሊክ" ብቻ አይደለም። አማኙ መከራና ስቃይ በእምነቱ ላይ ተቃራኒ ማስረጃ መሆናቸውን ይገነዘባል በተጨማሪም የሚያረጋቸዉ ገለፃዎች እንዲሁ በደፈናዉ ምናባዊ ብቻ ሳይሆኑ ገሃዳዊም ናቸዉ፤ ፈጣሪ ይወደኛል ሲል መዉደድ በገሃዱ አለም ላይ የሚወክላቸዉን ነገር እሳቤ ዉስጥ በማስገባት ነዉ የሚለዉ፤ ሆኖም አንድ አማኝ በእምነቱና በሚያየው መከራ መካከል ያለው ግጭት በውስጡ ሊሰማው ይገባል፤ ካልሆነ ግን እምነቱ ትርጉም አልባ ይሆናል። እምነት ማለት መረጃን በቸልታ ማለፍ ሳይሆን፣ ምንም እንኳ ተቃራኒ ሁኔታዎች ቢኖሩም በመጀመሪያው እውነት ላይ መጽናት ማለት ነው።

ለናንተ ከሶስቱ ንዑስ ሃሳቦች የትኛዉ ዉሃ ደፋላቹ?

የጥበብ - መንገድ ™

May 20, 2026, 12:12 AM

" ከሁሉ በላይ ትልቁ ቁም ነገር በእሳቱ ( በፈተናዉ ) ዉስጥ በምን ያህል ጥንካሬ እንደምትራመድ ማሳየት ነዉ ። " ... ህይወት አሳት ናት ማንም ሰዉ ከእሳቱ አያመልጥም ። ነገር ግን ዋነዉ ነገር በእሳቱ መቃጠልህ ሳይሆን በእሳቱ ዉስጥ ስታልፍ የምታሳየዉ ፅናትና አረማመድ ነዉ ፈተናን በክብርና በጥንካሬ ማለፍ የህይወት ትልቁ ስኬት ነዉ ።

ቻርለስ ቡክዉስኪ ( Charles Bukowski ) ይባላል ። የተወለደዉ ጀርመን ነዉ አባቱ አሜሪካዊ ወታደር ሲሆን እናቱ ጀርመናዊት ናት ። የተወለደዉም እ.ኤ.አ በ1920 ነዉ ። በሶስት አመቱ ነዉ ወደ አሜሪካ ወላጆቹ ይዘዉት የሄዱት ያደገዉና ሙሉ ሕይወቱን የኖረዉ እና ያሳለፈዉ ሉሳን ጀለስ ዉስጥ ነዉ ። ስለ ትዉልዱ እና ስለኖረበት ይህን ያዕክል ካልን በቂ ይመስለኛል ። ከግል ህይወቱ ይልቅ ወደ ስራዎቹ ብናተኩር ጠቃሚ ይመስለኛል ። የቡክዉስኪ የአፃፃፍ ስልት ልክ እንደ ከተማዋ ( ሉሳን ጀለስ ) ሻካራ ግልፅና ያልተቀባባ በመሆኑ ትክክለኛ የአሜሪካ የጎዳኖች ድምፅ ተደርጎ ይቆጠራል ።

ቻርለስ ቡክዉስኪ በህይወት ዘመኑም ሆነ ከሞተ በኋላ የታተሙለት ስራዎች ከ60 በላይ እንደሆኑ ይነገራል ። ልቦለዶች ፣ ግጥሞች ፣ የአጫጭር ታሪክ ስብስቦች እና ደብዳቤዎች ይገኙበታል ።

ቡክዉስኪ የሚፅፈዉ ስለ መኳንንቱ ወይም ስለ ባለ ባለፀጋዎች ሳይሆን በህይወት ስለ ተደበደቡ ፣ ስለ ሰራተኛዉ ክፍል ፣ ስለ ተረሱ ሰዎች እና በድህነት ዉስጥ ስላለዉ ቆሻሻ ህይወት በመፃፉ The poet laureate of low life የሚል ስም ተሰጥቶታል ። እንዲሁም ደግሞ Dirty realism ተብሎ ስለሚጠራዉ የስ-ፅሑፍ ዘዉግ እንደ ፈር ቀዳጅም ይታያል ።

ይህ ዘይቤ ህይወትን ምንም ሳይሸፋፍን አንዳንዴም በሚያስፈራ ወይም በሚያስደነግጥ መልኩ በቀጥታ በማቅረብ ይታወቃል ።

ቡክዉስኪ አንድን ነገር ለማሳካት የምትፈልግ ከሆነ ሁሉንም ነገር መስጠት እንዳለብህ እንዲህ በማለት ይገልፃል ፦
It you're going to try. go all the way.otherwise don't even start. this could mean losing girlfriends. wives relatives and maybe even your mind it could mean freezing on a park bench. it could mean Jail. it could mean derision. it could mean mockery_isolation.-isolation is the gift.
Factotum
ቡክዉስኪ እያለን ያለዉ ለዓላማህ ስትል የምትከፍለዉ ዋጋ ( ብቸኝነትና መገለልን ጨምሮ ) ትልቅ ስጦታ መሆኑንና ለዉጤት የሚያበቃዉም እስከ መጨረሻዉ ድረስ መጓዝ ብቻ እንዳለብን እየነገረን ይመስለኛል " መገለል ስጦታ ነዉ " የሚለዉን አባባል ሳንረሳ ።

ቡክዉስኪ አንዳንዴ በህይወት ጉዞ ዉስጥ ለሚገጥመን ግራ መጋባት እንዲህ ይለናል ፦ << The problem With the world is that the intelligent people are full of doubts. While the stupid ones are full of confidence.>>
The captain is out to lunch ...
ይህ ሃሳቡ በሰዎች መካከል ያለዉን የተገላቢጦሽ እዉነታ ያሳያል ። ጥልቀት ያለዉና የሚያስብ ሰዉ ነገሮችን ስለ ሚመረምር ሁልጊዜ ጥርጣሬ ዉስጥ ይገባል ። በሌላ በኩል ግን ምንም የማይገበዉ ሰዉ ሁሉንም እንደሚያዉቅ ሆኖ በራስ መተማመን ይናገራል ። ይህም ዓለምን ለምን ግራ እንደገባት ማሳያ እንደሆነ ይናገራል ።

በመጨረሻም ቡኩዉስኪ << ለብቻ መሆን >> ( Solitude ) እና << ብቸኝነት >> ( Loneliness ) የተለያዩ እንደሆኑ የገፀበትን ሃሳብ መቋጫ አድርገን እንጨርሳለን ፦ I've never been lonely. I've been in room. I've felt suicidal. I've been depressed. I've felt awful-awful beyond all - but I never felt that one other person could enter that room and cure what was bothering me. or that any number of people could enter that room_in other words. loneliness in something I've never benn bothered with because I've always hat this terrible itch for solitude. it's being at a party of 100 people and feeling lonely.
The pleasure of the damned

ቡኩዉስኪ ለብቻ መሆን ( solitude ) እና ብቸኝነት ( Loneliness ) የተለያዩ መሆናቸዉን ያስረዳናል ። ለእርሱ ሰላም የሚገኘዉ በሰዎች መካከል ሳይሆን በራስ ዉስጥ ነዉ ። የሰዎች መብዛት የዉስጥ ህመምን አይፈዉስም ይልቁንም አንዳንዴ ከሰዎች መሃል መሆን ብቸኝነትን ያባብሰዋል ለማለት የፈለገ ይመስለኛል ።

ቻርለስ ቡኩዉስኪ ስለ ሞት ፣ ስለ ፍቅር ፣ ስለ ስኬት ፣ ስለ ጥበብ ፣ ስለ ሰብአዊነት ስለ ሌሎች ነገሮችም ብዙ ብሏል ። በእኔ በኩል ግን ጨርሻለሁ ቸር ሰንብቱ!

የጥበብ - መንገድ ™

May 20, 2026, 12:12 AM

ሙላ ነስሩዲን፦
"እና ልጆትን ማግባት እፈልጋለሁ።"  አለ  ለአንድ ሰዓት ያህል ከነጋዴዉ የእጮኛዉ አባት ጋር ሲያወራ ቆይቶ  ሃሳቡን ሲቋጭ።

ነጋዴዉ፦   "ሃሳብህ ጥሩ ነዉ ግን  ለመሆኑ ባለቤቴን አነጋገርካት?"  አለዉ ።

ሙላ ነስረዲን ፦

"አነጋግሬያቸዋለሁ  ሆኖምግን  ማግባት  የምፈልገዉ  ልጆትን ነዉ።"

ነጋዴዉ፦     "እሽ ይችን  የመሰለች  ልጅ  ሰጠዉህ  እንበል  አንተ  በምትኩ  ምን ነዉ  የምትሰጠኝ?"   አሉ ነጋዴዉ ሱቃቸዉ  አስጠርተዉ እያናገሩት።

ሙላ  ነስረዲን ፦  "ብቻ  ይፈልጉ  አይፈልጉ  አላዉቅም  እንጂ  ደረሰኝ ቆርጨ መስጠት  እችላለ።"  አላቸዉ።

752

የጥበብ - መንገድ ™

May 20, 2026, 12:12 AM

📷 Photo

627

የጥበብ - መንገድ ™

May 20, 2026, 12:12 AM

በዚያ ብሩህ የጠዋት ሰዓት ፋኖሱን አብርቶ ወደ ገበያ ቦታ የሮጠውንና ያለማቋረጥ፦ "እግዚአብሔርን እፈልጋለሁ! እግዚአብሔርን እፈልጋለሁ!" እያለ የጮኸውን እብድ ሰው አልሰማችሁምን? በዚያን ጊዜ በአምላክ የማያምኑ ብዙ ሰዎች በቦታው ቆመው ስለነበር፣ ጩኸቱ ለብዙ ሳቅ ምክንያት ሆነ። "ጠፋ እንዴ?" ሲል አንዱ ጠየቀ። "እንደ ሕፃን መንገድ ስቶ ነው?" ሲል ሌላው አከለ። ወይንስ ተደብቋል? እኛን ፈርቶ ነው? በባሕር ተጓዘ? ተሰደደ?  እያሉ ጮኹ፣ ተሳለቁም።

​እብዱ ሰው በመካከላቸው ዘልቆ በመግባት በዓይኖቹ ወጋቸው። "እግዚአብሔር ወዴት ነው?"ብሎ ጮኸ፤ "እኔ እነግራችኋለሁ! እኛ ገድለነዋል፤እናንተና እኔ። ሁላችንም የእርሱ ገዳዮች ነን። ነገር ግን ይህን እንዴት አደረግነው? ባህሩን እንዴት ልንጠጣው ቻልን? አድማሱን በሙሉ ለማጥፋት ስፖንጁን ማን ሰጠን? ይህችን ምድር ከፀሀይዋ ስናላቅቃት ምን እያደረግን ነበር? አሁንስ ወዴት እየተንቀሳቀሰች ነው? እኛስ ወዴት እየተጓዝን ነው? ከፀሐዮች ሁሉ ርቀን? ሁልጊዜም እየወደቅን አይደለምን? ወደ ኋላ፣ ወደ ጎን፣ ወደ ፊት፣ በሁሉም አቅጣጫ? አሁንም የቀረ 'ላይ' ወይም ' 'ታች' አለን? ማለቂያ በሌለው ባዶነት ውስጥ እንደመባዘን እየባዘንን አይደለምን? የባዶ ሕዋ እስትንፋስ አይሰማንምን? አልበረደንምን? ሌሊቱ ሁልጊዜም እየጨለመብን አይደለምን? ጠዋት ላይ ፋኖስ ማብራት አያስፈልገንምን? እግዚአብሔርን እየቀበሩ ያሉትን ቀባሪዎች ድምፅ ገና አልተሰማንምን? የመለኮትን መበስበስ ገና አልሸተተንም? አማልክትም ይበሰብሳሉ። ፈጣሪ ሞቷል።ፈጣሪ እንደሞተ ይቆያል። እኛም ገድለነዋል።

​"የገዳዮች ሁሉ ገዳይ የሆንን እኛ  ራሳችንን እንዴት እናጽናና? ዓለም እስካሁን ካፈራቻቸው ሁሉ ቅዱስና ኃያል የሆነው በእኛ ቢላዋ ደምቶ ሞቷል፤ ይህን ደም ከላያችን ላይ ማን ያብሰዋል? ራሳችንን የምናጥብበት ምን ዓይነት ውኃ አለ? ምን ዓይነት የስርየት በዓላትን፣ ምን ዓይነት ቅዱስ ጨዋታዎችን መፍጠር ይኖርብናል? የዚህ ድርጊት ታላቅነት ለእኛ አልበዛብንምን? ለእርሱ የሚመጥን ሆኖ ለመታየት እኛ ራሳችን አማልክት መሆን የለብንምን? ከዚህ የሚበልጥ ታላቅ ድርጊት የለም፤ ከእኛ በኋላ የሚወለድም ሁሉ በዚህ ድርጊት ምክንያት እስካሁን ከነበረው ታሪክ ሁሉ ወደላቀ ታሪክ ውስጥ ይገባል።

​እዚህ ጋ እብዱ ሰው ዝም አለና እንደገና አድማጮቹን ተመለከተ፤ እነርሱም ዝም ብለው በግርምት ትኩር ብለው አዩት። በመጨረሻም ፋኖሱን መሬት ላይ ወረወረው፤ ፋኖሱም ተሰባብሮ ጠፋ። "በጣም ቀድሜ መጥቻለሁ" አለ፤ "ጊዜዬ ገና አልደረሰም።" ይህ ታላቅ ክስተት ገና በመጓዝ ላይ ነው፤ ገና ወደ ሰው ጆሮ አልደረሰም። መብረቅና ነጎድጓድ ጊዜ ያስፈልጋቸዋል፤ የከዋክብት ብርሃን ጊዜ ያስፈልገዋል፤ ድርጊቶች ከተፈጸሙ በኋላ እንኳ ታይተውና ተሰምተው ለመጨረስ ጊዜ ያስፈልጋቸዋል። ይህ ድርጊት ገና ከሩቅ ከዋክብት በላይ ከእነርሱ ይርቃል ምንም እንኳ ራሳቸው የፈጸሙት ቢሆንም።

​በተጨማሪም እንደተተረከው ከሆነ፣ በዚያኑ ዕለት እብዱ ሰው ወደ ተለያዩ አብያተ ክርስቲያናት ጥሶ በመግባት ለአምላክ የዘላለም ዕረፍት ጸሎት አደረሰ። ተይዞ ለድርጊቱ ተጠያቂ ሲደረግ፣ ሁልጊዜም የሚመልሰው እንዲህ እያለ ነበር፦ "እነዚህ አብያተ ክርስቲያናት የእግዚአብሔር መቃብርና መካነ መቃብር ካልሆኑ በስተቀር አሁን ሌላ ምን ሊሆኑ ይችላሉ?"

https://t.me/thehumanistroad

የጥበብ - መንገድ ™

May 20, 2026, 12:12 AM

📷 Photo

654

የጥበብ - መንገድ ™

May 20, 2026, 12:12 AM

📷 Photo

ሰብለ ወርቅ  መጽሐፍ የቆዩ መጸሐፍት መደበር  📚🖤

☎️ 0946523397 ይደውሉልን ፡፡

ካሉበት በታማኝነት እናደርሳለን ።

https://t.me/Sebleold Books Delivery 📚

https://t.me/sebleworkbooks 📚📚

771

የጥበብ - መንገድ ™

May 20, 2026, 12:12 AM

📷 Photo

636

የጥበብ - መንገድ ™

May 20, 2026, 12:12 AM

"ጋሼ መንግሥቱ ለእኔ በጣም ጥሩ የቅርብ ወዳጄ ነበሩ። ግን በወዳጅነትሽ ሂደት ውስጥ እሰዎች ላይ እሚወረውሯቸው ከበድ ከበድ ያሉ ሽሙጦች ና ትችቶች ቀላሎች አልነበሩም። አጠገብሽ ቁጭ ብለው ሌላውን ወዳጅሽን ይጠልዙብሻል ። ጋሽ ፀጋዬን፣ ደበበን ፣ ማሞ ውድነህን ወዘተ… እያነሱ ይጥላሉ።እኔ ደሞ የብዙዎቹ ወዳጅ ነኝና ‹‹ይሄ በጎ አስተያየት አይደለም›› ስላቸው ገልመጥ ያደርጉኛል። አርፈህ ተቀበል ነው፣ ምላሻቸው።

አንድ ቀን ጋሼ አማረ ማሞ ያጫወተኝ ሌላው ምሳሌ ነው። ለጋሽ አማረ ማሞ ያጫወቱትን ነው ጋሽ አማረ ያካፈለኝ። ‹‹አቶ አማረ ››ይላሉ ጋሽ መንግሥቱ። ‹‹ይሄ ማሞ መቼ ነው የሚበስለው? መቼ ነው ከማሙሽነት የሚወጣው? ትናንት ማታ አንድ ሰዓት ላይ ስልክ ይደወልልኛል።የስልክ እጀታውን አንስቼ ‹‹ማነው?›› ስል፤ ‹እኔ ማሞ ነኝ። እንዴት አመሹ?› ይላል። ‹እኔ ደህና ነኝ አንተ እንዴት ነህ?› እለዋለ›› ‹ደህና ነኝ› ካለ በኋላ የወሬ ጣቃውን መቅደድ ይጀምራል ። አዪ ይሄ ሰው ወሬ ከጀመረ ማቆሚያ የለውም› እያልኩ በሆዴ ሳማው እሱ ቀጠለ። ይለቀዋል… ይተረትረዋል… ይለዋል… ይቦተልከዋል እኔ ሶፋ ላይ ተቀምጬ ሳዳምጠው ለካ እንቅልፍ ጥሎኛል።

ሦስት ሰዓት ላይ ከእንቅልፌ ብንን ስል የስልኩን እጀታ ደረቴ ላይ እንደታቀፍኩት አስተዋልኩት።ብድግ ሳደርገው የደምጽ ሹክሹክታ እሰማለሁ። ወደ ጆረዬ አስጠግቼ ማነህ› ስል
ስጠይቅ፣ ‹ማሞ ነኝ› አለኝ። በስማም አስካሁን እንደተበጠረቅህ ነህ?› ብዬ ስልኩን ጆሮው ላይ ዘጋሁበት።›› ብለው ያጫወቱትን አጫውቶኛል ። እና ጋሽ መንግሥቱ ሰው አይጥመዱ ከጠመዱ እንደ እግር እሳት ይለበልቡታል።

በእውነት ለግጥም ለቅኔ የተፈጠሩ ሰዎች ናቸው። እና በተለይ በጠራ ጨረቃን የመሰለች ውብ ዘለላ ግጥም የማትገኝ ነች። በራሳቸቸው ላይም የሚመጽቱ ሰው ነበሩ። እቺ የኩላሊት በሽታ ኣዘናግታ ባታሸንፋቸው ኖሮ፣ ብዙ ነኖረው ብዙ በጻፉልን ነበር።

እግረ መንገዳችንን ‹‹ኤዲፐስ›› ስለምትባለው ቮልስዋገን መኪናቸው እናንሳ። ጋሼ አንዳንዴ በሄዱበት ደስ ሲላቸው እዚያው ያድሩ ነበር። መኪናቸው እደረሰችበትና እቆመችበት እንደሳቸው ሁሉ እዚያው ታድራለች።ታዲያ ዱርዬዎች ሌሊት መጥተው የፊት መብራቶን አወላልቀው ይዘው ይሄዳሉ። ሌላ አዲስም ሆነ አሮጌ ቢተኩም ውሎ አድሮ ያው ነው። ይሰረቃሉ። እና ሲሰለቻው በግሪኩ ዐይነ ስውር ንጉሥ ስም ‹‹ኤዲፐስ›› ብለው ሰየሟትና እንዳለች ተዉዋት።ቀን ቀን ይነዷታል። ማታ ማታ እዚያው የቆመችበት ገትረዋት እሳቸውም እዚያው ያድራሉ። አሁን ዐይን ስለሌላት ማንም ዱርዬ አይፈትሻትም ነበር።"

እንዲህም ተኑሯል 📚

አበራ ለማ

https://t.me/sebleworkbooks 📚📚

864

የጥበብ - መንገድ ™

May 5, 2026, 01:04 AM

📷 Photo

የፖለቲካ ትርምስ በአጎሳቆላት አለም በወዛችን ሰርተን ለምናድር ሁሉ መልካም " የሰራተኞች ቀን " 🖤

884

የጥበብ - መንገድ ™

May 5, 2026, 01:04 AM

📷 Photo

የዘመኑ መጽሐፍ ት ገፆች ሲሟሙ የሚቀረው ቁምነገር ይህ ትዕዛዝ ብቻ ነው ።

አንድ ፦ '' ከገንዘብ በቀር ሌላ አምለክ የለህም ''

ሁለት '' የባላገር እና የባህል ዘፈን በማድመጥ ያለፈውን ትውልድ አክብር ''

ሦስት '' ጣዖት አታምልክ ፡ ተሽጦ ጥሩ ዋጋ የማያወጣልህ ካልሆነ ።

አራት '' ቅዳሜ ሰንበት ናት ፡ በወሲብ እና በጭፈራ አክብራት፣ እሁድ መዝሙር እያደመጥክ ዋል ።

አምስት '' ስታመነዝር ኮንዶም ተጠቀም ..

© ሌሊሳ ግርማ

መሬት አየር ሰማይ 📚

718

የጥበብ - መንገድ ™

May 5, 2026, 01:04 AM

📷 Photo

"አእዋፍት ከወንዶች ይልቅ ሴቶችን ይፈራሉ"

አንድ በቅርብ የወጣ በሳይንቲስቶች የተደረገ ጥናት አእዋፍት ከወንዶች ይልቅ ሴቶችን በተለየ ሁኔታ እንደሚፈሩ ይፋ አዉጥቷል።ይህ ጥናት የተደረገዉ ከ 35 በላይ በሆኑ የአእዋፍት ዝርያዎች እና በተለያዩ የአዉሮፓ ሃገራት ላይ ነዉ። አጥኚዎቹ የተለያዩ ዘዴዎችን በመጠቀም ልዩነቱ የእዉነት ከፆታ መሆኑን ለማረጋገጥ ሞክረዋል ለምሳሌ የጥናቱን ተሳታፊዎች ተመሳሳይ ልብስ በማልበስ(ወንድም/ሴትም)፣ፀጉር በመሸፈን፣ተመሳሳይ ቁመት እና የሰዉነት ቅርፅ ያላቸዉን ሰዎች በማስቀመጥ ነገሩን ለማጤን ቢሞክሩም ዉጤቱ ግን ተመሳሳይ ነበር፤ አእዋፍት ከወንዶች ይልቅ ከሴቶች በሰፋ ርቀት ላይ ይበራሉ። አጥኚዎቹ ለምን የሚለዉን ለማወቅ ቢቸገሩም I bet the birds have a goddamn good reason.

https://t.me/thehumanistroad

688

የጥበብ - መንገድ ™

May 5, 2026, 01:04 AM

ቴዎድሮስ፦ በተማርከው ትምህርት ለምን ደስተኛ አልሆንክም? ምን አጣህበት?

ቡርሐን፦ ምንም አገላገኘሁበትም፡፡ ከጠቀመኝ ያጣሁት ይበልጣል፡፡ የመመላለሴን እና የመጨናነቄን ያህል ምን አወኩ? በራሴም ሆነ በሐገር ላይ ምን ለውጥ አመጣሁ? ምንም፡፡ በተግባር ምን ሆነ? ስትል ዘመናዊ ትምህርቱን አከሸፉት፡፡

በጣም ጐበዝ የሆነ ተማሪ ተመርቆ ሲወጣ በስራ ላይ በምንድነው የሚለካው? ሰዓት አክብሮ በመግባቱና በመውጣቱ ነው፡፡ ጉብዝናህ አዲስ ነገር በመፍጠርህ ሳይሆን ሰንጠረዥ በሞላኸው ልክ ነው የሚለካው፡፡ ሌሊቱን ምርጥ የተባለ ሥራ ስትሠራ አድረህ ጠዋት አርፍደህ ቢሮ ብትገባ ቅጣት ይጠብቅሀል፡፡ ምክንያቱም የሥራህ መለኪያ ውጤትህ ሳይሆን ሰዓትህ ስለሆነ፡፡ ሲሲተሙ ሥራ አምላክህ እንዲሆን ተደርጐ ነው የተቀየሰው፡፡ መኖር የምትችለው ስለ ሠራህ ሳይሆን በሥራ ገበታ ላይ ስለተገኘህ ነው፡፡

በእስልምና እና በኦርቶዶክስ ተዋህዶ ሃይማኖት የሚሰጡ የአብነት ት/ቤቶች ልብ ብለህ ካየሀቸው አርባውም ተማሪዎች ይጮሀሉ።  ስትሰማው ሊረብሽህ ይችላል። ግን አርባውም አንድ አይነት ሐሳብ አይደለም የሚያነበንቡት፡፡ እንደየ አቅማቸው የደረሱበት የደረሱበትን ነው የሚያነበንቡት። ጐበዙ የራሱን ሲጨርስ ሰነፉን ቆሞ አይጠብቀውም።  የመምህሩ ድርሻ ሁሉንም መቆጣጠርና ሳያጠና ተደብቆ የሚቀመጥ እንዳይኖር ማድረግ ነው፡፡አንተ ጐበዝ ከሆንክ ለመምህሩ አሳውቀህ ተከታዩን ምዕራፍ ትቀጥላለህ። አርባውም እንደየ እውቀት ደረጃቸው የተለያየ ትምህርት ተምረው ይወጣሉ።

ይህ ለሺህ ዓመታት የተሰጠ የእኛ ባህላዊ የትምህርት ስርዓት ነው፡፡ ይህ የትምህርት ክፍል በጣም ትልልቅ አሳቢዎችን አፍርቷል፡፡በፍጥነትህ መጠን ነው የምትሔደው፡፡

ቴዎድሮስ፦ ዘመናዊው ትምህርትስ ከዚህ አንፃር ጉድለቱ ምንድነው?

ቡርሐን፦ ጉደለቱማ ግልፅ ነው፡፡ መምህሩ መጥቶ የሚናገረውን አርባውም ተማሪ እኩል ይሰማል፡፡ “እሱ ገብቶኛል” ብትልም ካልገባው ጋር ትቀመጣለህ ወይም መምህሩን ተዳፈርክ ተብለህ “F” ታገኛለህ፡፡ ታችኛው ክፍል ከሆንክ ደግሞ ትገረፋለህ፡፡ ገባህም አልገባህም የግድ ጊዜውን መጠበቅ አለብህ፡፡ ውሻ እንደምታሰለጥነው ሰልጥኖ ይወጣና ጐበዙ ተማሪም ታዛዥ ይሆናል፡፡ ሰላምታ አሰጣጡን ሳይቀር ይሰለጥናል፡፡ የምሁር ገፅታ እንዲላበስ ይሰለጥናል፡፡ በጥልቀት ማሰብና አዲስ ሐሳብ ማመንጨት ሳይሆን በተቀደደለት ቦይ የሚፈስ ወራጅ ውሃ ሆኖ ይቀራል፡፡ አረማመዱ፣ አቀማመጡ፣ አነጋገሩ ሳይቀር ተቀርፆ የተሰጠውን ይሆናል፡፡ የታዘዝከውን ሆነህ መገኘት አለብህ፡፡
አዲስ ነገር ለመፍጠር አይደለም የምታስብው፡፡ “ሰው ምን ይለኛል?”፣ “አለቃዬ ምን ይለኛል?”፣ “የመ/ቤቱን ህግ አክብሬያለሁ?” ነው የምትለው፡፡ ይህን ህግ አለማክበርህ እንጂ አንድም ጊዜ አዲስ ሐሳብ አለማፍለቅህ አስጠይቅህ አያውቅም፡፡ ኢንጂነሩን “ቤት ሥራ” ስትለው ሃያ ሰላሳ ዓመት ስለሚጥለው እቁብ እንጂ ጭንቅላቱ ሐሳብ ፈጥሮ ገንዘብ እንደሚያመነጭ አይደለም የሚያስበው፡፡ በተማርን ቁጥር ከተግባሩ እየራቅን ነው የምንሔደው፡፡ አርባ ሃምሳ ዩኒቨርስቲ እያለህ፣ ሰቃይ የኢንጂነሪንግ ተማሪዎች እያሉህ ለእንቦጭ አረም መፍትሔ ማበጀት ሳትችል ስትቀር ክሽፈት ከዚህ በላይ ምን አለ? ሃላፊነት የማይሰማው ምሁር የሚፈጠረው የትምህርትን ፋይዳ ካለመገንዘብ ነው፡፡ “ቀን አምላክ ሰውን እንዳልፈጠረ እያስተማረ ማታ ቤተክርስቲያን ሄዶ ‘አምላኬ ሆይ!’ እያለ ይፀልያል” ያለከው እኮ ነው፡፡ የሚታይ ጨለማ እኮ ነው የከበበን፡፡ እኛ ሐገር ትምህርት ለውጥ የፈጠረበት ሰው ቢኖር ኖሮ ነጮቹ ትልቅ ቀውስ እየፈጠሩብን እንደሆነ ተረድቶ ያስረዳን ነበር።

© ከፍልስፍና ዓለም

የጥበብ - መንገድ ™

May 5, 2026, 01:04 AM

"ያገኘኸዉን ስራ ሳትመርጥ ስራ፤ስራ አትናቅ"

ይቺ አባባል ከባለስልጣኖቻችን እና ካድሬዎቻችን ወርዳ አዋቂ ነን የሚሉ የማህበረሰብ ክፍሎቻችን ጋርም መዛመት ከጀመረች አረፋፍዳ፣ ከርማ አድራለች።በኢትዮጵያ ዉስጥ ከፍተኛ ቁጥር ያለዉ ወጣት ስራ አጥ መሆኑ ይታወቃል ለዚህም መፍትሄ ነዉ የሚሉት (ክቡር ጠቅላይ ሚኒስትራችንን ጨምሮ) ስራ ሳትመርጡ ስሩ ነዉ፤አለ የተባለ ባለሃብትም የመገናኛ ብዙሃን ላይ ደረቱን ኮፍሶ "ስራ መርጬ ስላልሰራዉ ነዉ ለዚህ የበቃዉት" ይላል።እንግዲህ የአለም ባንክ ባወጣዉ ጥናትዎች ላይ እንደሚታየዉ የኢትዮጵያ average የኑሮ ወጪ ከኢትዮጵያ average የወርሃዊ ደሞዝ ክፍያ በእጥፎች እንደሚበልጥ የሚያሳይ ነዉ።

በዚህም የተነሳ አንድ ሰዉ ስራን ሳይመርጥ እየሰራ ለመሰረታዊ ወጪዎች የሚበቃዉን ክፍያ አያገኝም ማለት ነዉ።አብዛኛዉ የቅጥር ስራም ቢሆን 9 to 5 በመሆኑ ሌላ ስራን ጨምሮ ለመስራት አመቺ ሁኔታን የሚፈጥር አይደለም፤በዚህም የተነሳ ስራን መምረጥ የ entitlement ጉዳይ ሳይሆን የ economic viability ጉዳይ መሆኑ ከግምት ዉስጥ ሊገባ ይገባል። አንድ ደመወዝ በትንሹ ከእጅ ወደ አፍ መሆን ካልቻለ(ወይ ለሰዉየዉ መሰረታዊ ፍላጎቶቹን ካላሟላለት) ሰዉየዉ እድሜዉን፣ጊዜዉን፣ጉልበቱን እና አይምሮዉን ገብሮ በምላሹ አመድ እና እዳ እያፈሰ ነዉ ማለት ነዉ። even አንድን ማሽን በአግባቡ አገልግሎት እንዲሰጥህ የሚያስፈልገዉን ነገሮች ሟሟላት አለብህ ነዳጅ ከሆነ ነዳጅ፣ኤሌክትሪክ ከሆነ ኤሌክትሪክ፣ዘይት መቀየር ካለብህ ዘይት...ካለበለዚያ እንደ ጅብራ ቀጥ ብሎ ይቆምልሃል።

በዚህም የተነሳ ስራን መፍጠር ብቻ እንደ ኢኮኖሚያዊ ስኬት ሊታይ አይገባም! የሚፈጠረዉ ስራ ለሰሪዎቹ ተመጣጣኝ ዋጋን ያመነጫል ወይ የሚለዉ ጉዳይ ትልቅ ትኩረት ሊሰጠዉ ይገባል። ምን አልባት አባቶቻችን እና እናቶቻችን ወጦ መግባትም ትልቅ ነገር ነዉ በሚል ከስርአቱ ጋር ራሳቸዉን አጣጥመዉ ቀጥለዉ ይሆናል፤ግን ቀለም ለቆጠረዉ ጊዜዉ እና ጉልበቱ ትልቅ ዋጋ እንዳለዉ ለሚገነዘበዉ መጪዉ ትዉልድ ወጦ መግባትም ትርፍ ነዉ እያልክ ልታሞኘዉ አትችልም።

እና ያው ወጣቱም ሽንት ቤት መጥረግ ያሳፍራል ወይስ አያሳፍርም የሚለዉ ጥያቄ ላይ ሳይሆን ያለዉ ሽንት ቤት መጥረግ ያዋጣል ወይስ አያዋጣም ፤ያበላል ወይስ አያበላም ላይ ነዉ።

እና የሃገር ስሁት ፖሊሲ ዉጤት ያመጣዉ ኢፍትሃዊ የሃብት ክፍፍል የፈጠረዉን የስራዎች economic inviability በማህበረሰቡ entitlement ላይ አስታኮ ማለፍ የማይቻልበት ጊዜ ላይ ደርሰናል ምክንያቱም አሁን ላይ ስራዉ ምንድነዉ ሳይሆን ክፍያዉ ስንት ነዉ ተብሎ ነዉ የሚጠየቀዉ።

በዚህም የተነሳ አንድን ሰዉ እየከሰርክ ስራ ልንለዉ አንችልም ምክንያቱም አለማዊ ስራ ለትርፍ እንጂ ለፅድቅ ስለማይሰራ(If there is something called ፅድቅ in the first place anyways)።

https://t.me/thehumanistroad

የጥበብ - መንገድ ™

May 5, 2026, 01:04 AM

📷 Photo

620

የጥበብ - መንገድ ™

May 5, 2026, 01:04 AM

📷 Photo

“The most common form of despair is not being who you are .”

— Søren Kierkegaard

Kierkegaard reminds us that despair often hides behind conformity. When we ignore our true values, desires, or beliefs to fit expectations, we slowly lose ourselves. Authenticity requires courage, but without it, life becomes a performance rather than a meaningful expression of who we truly are.

https://t.me/sebleworkbooks 📚

842

የጥበብ - መንገድ ™

May 5, 2026, 01:04 AM

📷 Photo

667

የጥበብ - መንገድ ™

May 5, 2026, 01:04 AM

📷 Photo

ፍቅር የሌለው ህይወት ፣ አበባና ፍሬ እንደሌለው ዛፍ ነው ። ውበት የሌለው ፍቅር መዓዛ እንደሌላቸው አበቦች እና ዘር እንደሌላቸው ፍሬዎች ነው ። .... ህይወት ፣ ፍቅርና ውበት ሊነጣጠሉ ወይም ሊለወጡ የማይችሉ አንድም ሶስትም ናቸው ። "...

ህይወት ያለ ነፃነት ነፍስ እንደሌለው አካል ነው ። ነፃነት ያለ ሃሳብ ግራ እንደተጋባ መንፈስ ነው...ህይወት ፣ ነፃነት እና ሃሳብ ፈፅሞ የማያልፉ ፣ ለዘላለሙ የሚኖሩ አንድም ሶስትም ናቸው።

ካህሊል ጂብራን 📚🖤

1,240

የጥበብ - መንገድ ™

May 5, 2026, 01:04 AM

📎 File

ይሄን track እኔ ብቻ ነኝ የወደድኩት በእዉነት ከሌሎቹ አብልጨ የወደድኩት "በመስኮቱን " ነዉ ።

1,100

የጥበብ - መንገድ ™

Apr 30, 2026, 04:03 PM

የአንዲት ወፍን እምነት ለማግኘት

ዛፍ መሆን እመኛለሁ ያለውን ባለቅኔ ዛሬ ነበር ማግኝት
“መጽሀፍ አንብቤ እፎይ ባልኩኝ ሰዓት
ምነው ዛፍ በሆንኩኝ ፤ እያልኩ እመኛለሁ
ወይ ፍሬ አፈራለሁ
ወይ ጥላ እሆናለሁ
ቢያንስ አንዲት ወፍ በግል
አምና ጎጆ ቤቷን ፤ እንደምትሰጠኝ እተማመናለሁ
ያኔ በትክክል ለአደራ እበቃለሁ”

[ ነብይመኮንን ፦ ስውርስፌት ]

895

የጥበብ - መንገድ ™

Apr 30, 2026, 04:03 PM

📷 Photo

የሞዴስ ዋጋ መናር እንዲሁ ዝም ብለን የምንተወው ነገር መሆን ያለበት ነገር አይመስለኝም። 1 ሞዴስ 150 እና 200 ብር እየገዙ መጠቀም በጣም አስቸጋሪ ነው። አንድ ሴት በወር ቢያንስ 2 ግዜ ልትገዛ ትችላለች። 300 እና 400 ብር ለንፅህና መጠቀሚያ ማውጣት ብዙ ነው።

ራሳቸውን ያልቻሉ ሴት ልጆች ባሉበት ቤት ደግሞ ወጪው ከዚህም በላይ ከፍ ይላል። የቻለ እየገዛ ይጠቀማል ግን በዚህ ልክ ወጪ ማድረግ የማይችሉ ሴቶችስ ? እስኪቆም ስራ ወይም ትምህርት አቋርጠው ቤት ሊቀመጡ ነው ? በተለይ ደግሞ ወደ ክልል ላሉ ሴቶች እጅግ አስቸጋሪ ነው።

የህፃናት ዳይፐርም ዋጋው እጅግ እየናረ ነው። ስለዚህ በአጠቃላይ በንፅህና መጠበቂያዎች ላይ ያለ የዋጋ ንረት ሊታሰብበት ይገባል።

#ሞዴስ_ቅንጦት_አይደለም

916

የጥበብ - መንገድ ™

Apr 30, 2026, 04:03 PM

«አንድ ሰው ይህ ያጋጥመዋል፤ ከእንቅልፉ ሲነሳ በጥልቅ ድንጋጤ ራሱን ይጠይቃል፦ እውነት ሃያ ሞላኝ? ሰላሳ፣ አርባ? እናስ ህይወት እንዴት አለፈች?!»

―ኢቫን ቶርጌኔቭ

©Imagination_officially

998

የጥበብ - መንገድ ™

Apr 30, 2026, 04:03 PM

📷 Photo

« የታሪክ »

« የልቦለድ »

« መንፈሳዊ መጽሐፍት»
እንሸጣለን፥ እንገዛለን ፥ እንቀይራለን  ።

እንዲሁም ..

የሀገር ውስጥ ሸክላ ሲዲዎች ካሉበት መጥተን እንገዛለን ።

ይደውሉልን  0946523397

https://t.me/sebleold inbox

https://t.me/sebleworkbooks

1,050

የጥበብ - መንገድ ™

Apr 30, 2026, 04:03 PM

📎 File

​እነዚህን ታላላቅ ሽሙጦችና ግብዝነቶች የተናገረው አፍ፣ በሚድያማውያን ወንዶች፣ ሕፃናትና ከብቶች ላይ አጠቃላይ ጭፍጨፋ እንዲካሄድ ያዘዘው፣ ቤቶችንና ከተሞችን እንዲጠፉ ያደረገው፣ ደናግሉን ለቆሻሻና ሊነገር ለማይችል ባርነት እንዲዳረጉ ያደረገው ያው ተመሳሳይ አካል ነው። ከአሥራ ስምንት ክፍለ ዘመናት በኋላ በሚኒሶታ በቀይ ሕንዶች የተደገሙትን አሰቃቂ ጭካኔዎች በሚድያማውያን ላይ ያመጣው ያው ሰው ነው።…

1,020

የጥበብ - መንገድ ™

Apr 30, 2026, 04:03 PM

📷 Photo

የሆነ ሰዉ አንተ ጋር መጥቶ እንደ "ክሪስፈስ "¹ ያሉ ታላላቅ አሳቢዎችን ስራዎች ማንበቡን ቢነግርህ ስለ ትልልቅ አሳቤዎች ቢያብራራልህ ዋነዉ ነጥብ ማወቁ ሳይሆን በዕዉቀት መኖርን ለራስህ ንገር ። ዋነዉ ነገር የተፈጥሮን ቅጥ መገንዘብና እርምጃህን ከዚያ ጋር ማናበብ ብቻ መሆኑን ዕወቅ ።

የክሪስፈስንም ሆነ የሌላ ማናቸዉንም አሳቢ እሳቤ በቅጡ የተረዳ ሰዉ ማለት የእነሱን ዕሳቤዎች እንደ ሕይወት መመሪያ የሚቀበል ብቻ ነዉ ። አስደናቂ አባባል በመናገር እና አስደናቂ ሕይወት በመኖር መካከል ሰፊ ልዩነት አለ ። ምሁር መሆንን የተለየ ግምት አትስጥ ። ይልቁንስ ሕይወታቸዉን በመርህ የሚኖሩ ሰዎችን አኗኗር እና ዘይቤ መርምር ።
The Discourses of Epictetus
¹" ክሪስፈስ " እያለ የሚጠቅሰዉ በጥንት ግሪክ ዉስጥ ይኖር የነበረ ምሁር ነዉ ። የዜኖን የስቶይሲዝም እሳቤን ያደራጀ እና የስቶይሲዝም አስተምህሮና ፍልስፍና እንዲፈጠር ምክኒያት የነበረ ሰዉ ነዉ ኤፒክቲተስም ጥልቅ አክብሮት አለዉ ለክሪስፈስ ።

1,240

የጥበብ - መንገድ ™

Apr 30, 2026, 04:03 PM

🎥 Video

የጥበብ ረዴት የሆንሽ ልጅ 🖤🖤

1,240

የጥበብ - መንገድ ™

Apr 30, 2026, 04:03 PM

ምዕመናን !
የፈረንጅ ቡዳ ጥንቆላ ሟርት አለ ከተባለ '' ለአርሰናል '' ነው የሚሰራው ✌️

1,140

የጥበብ - መንገድ ™

Apr 30, 2026, 04:03 PM

ከእንጨትም የተሠራውን ዕቃ ሁሉ አንጹ። 21 ካህኑም አልዓዛር ወደ ሰልፉ የሄዱትን ጦረኞች እንዲህ አላቸው፦ እግዚአብሔር ሙሴን ያዘዘው የሕግ ሥርዓት ይህ ነው፡. . . 25 እግዚአብሔርም ሙሴን እንዲህ ብሎ ተናገረው፦ 26 አንተና ካህኑ አልዓዛር የማኅበሩም የአባቶች አለቆች የተማረከውን ምርኮ፥ ሰውንና እንስሳውን ቁጠሩ። 27 ምርኩንም ለሁለት ክፈሉ፤ ወደ ሰልፍ በወጡት በጦረኞችና በማኅበሩ ሁሉ መካከል።…

990

የጥበብ - መንገድ ™

Apr 30, 2026, 04:03 PM

​ደብዳቤ XI ​በሁሉም ዘመናት የሰው ልጅ ታሪክ በደም የጨቀየ፣ በጥላቻ የመረረ እና በጭካኔ የቆሸሸ ነው፤ ነገር ግን ከመጽሐፍ ቅዱስ ዘመን ወዲህ እነዚህ ድርጊቶች መጠነኛ ገደብ ነበራቸው። ስልጣን ከያዘችበት ጊዜ ጀምሮ ከሁሉም ፖለቲካዊ ጦርነቶች በበለጠ የንጹሐን ደም አፍስሳለች የሚባልላት ቤተክርስቲያን እንኳ ሳይቀር ገደብ ነበራት። የአንድ አይነት ገደብ። ​ነገር ግን የሰማይና የምድር ጌታ እግዚአብሔር፣…

1,120

Showing 30 of 50 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

የጥበብ - መንገድ ™

የጥበብ - መንገድ ™

Ranking

Participant Growth (Last 6 Days)

Latest Posts

Rating

User Reviews (0)

Related Telegram Channels

⚡3MP®️_ High Risk Fast Calls _ MINISHPATAL⚡

K2FX engine room

nemoroses is a dj! somehow...

SHAXA UC 🇺🇿

❤️‍🔥DlyaDushe🎧

ᴍᴜxᴛᴀsᴀʀ ɴᴀᴢᴀʀᴏᴠᴀ (Ayollar Psixologi)

ELITE MCX KING

Amudaryo tuman ixtisoslashtirilgan maktabi

Related Telegram Channels

⚡3MP®️_ High Risk Fast Calls _ MINISHPATAL⚡

K2FX engine room

nemoroses is a dj! somehow...

SHAXA UC 🇺🇿

❤️‍🔥DlyaDushe🎧

ᴍᴜxᴛᴀsᴀʀ ɴᴀᴢᴀʀᴏᴠᴀ (Ayollar Psixologi)

ELITE MCX KING

Amudaryo tuman ixtisoslashtirilgan maktabi

User Reviews (0)

Latest Posts