#JARAYON
🏘Vazirlik tizimidagi kamchiliklar keskin tanqid qilindi, mas’ullarga qat’iy choralar ko‘rildi
Qurilish va uy-joy kommunal xo‘jaligi vazirligida vazir Sh. Hidoyatov ishtirokida kengaytirilgan tanqidiy videoselektor yig‘ilishi bo‘lib o‘tdi. Unda tizimdagi mavjud muammolar, xususan, korrupsiyaga qarshi kurashish, manfaatlar to‘qnashuvini oldini olish, davlat xizmatlarini ko‘rsatish sifati hamda arxitektura nazorati yo‘nalishlaridagi kamchiliklar tahlil qilindi.
Xususan, hududiy boshqarmalar faoliyatida yo‘l qo‘yilgan qo‘pol xato va tizimli kamchiliklar qat’iy muhokama qilinib, ayrim hududlarda nazoratning sustligi, me'yoriy talablar ochiqchasiga buzilgani hamda ijro intizomi yetarli darajada emasligi qayd etildi. Davlat xizmatlarini ko‘rsatishda asossiz rad etish, muddatlarni buzish va loyihalarni kelishishda yo‘l qo‘yilayotgan kamchiliklar tanqid qilindi.
Alohida ta’kidlanganidek, korrupsiyaga qarshi kurashish yo‘nalishida ayrim hududlarda ishlar deyarli talab darajasida tashkil etilmagani, nazorat mexanizmlari sust ishlayotgani va mas’ul xodimlar tomonidan beparvolikka yo‘l qo‘yilgani jiddiy e’tirozlarga sabab bo‘ldi. Manfaatlar to‘qnashuviga oid holatlarni bartaraf etishda ham tizimli yondashuv yetishmayotgani keskin baholandi.
Davlat xizmatlarini ko‘rsatish jarayonlari ham tanqidiy ko‘rib chiqilib, arizalarni ko‘rib chiqishda asossiz rad etish holatlari, belgilangan muddatlarga amal qilinmasligi hamda bir xil loyihalarga turlicha yondashuvlar mavjudligi tizimli muammo sifatida qayd etildi. Bu holatlar sohada ochiqlik va ishonch muhitiga salbiy ta’sir ko‘rsatayotgani alohida ta’kidlandi.
🫥 Davlat arxitektura nazorati departamenti faoliyati ham keskin tanqid qilinib, ayrim hududlarda noqonuniy qurilishlarni aniqlash va ularni bartaraf etish ishlari sust tashkil etilgani, mavjud imkoniyatlarga qaramay, nazorat amalda yetarli darajada olib borilmayotgani qayd etildi. Natijada, noqonuniy qurilishlar o‘z vaqtida aniqlanmayotgani va ularni bartaraf etish darajasi pastligicha qolayotgani keskin baholandi.
Ayrim hududlarda umuman noqonuniy qurilish holatlari aniqlanmagani, bu esa nazorat tizimi to‘liq ishlamayotganini ko‘rsatishi ta’kidlanib, mas’ullarning faoliyati keskin tanqid ostiga olindi.
Bu borada sovuqqonlik va mas’uliyatsizlikka yo‘l qo‘ygan rahbar va mutaxassislarga nisbatan qat’iy choralar belgilandi.
📍 Jumladan, Toshkent shahri, Navoiy, Andijon, Buxoro, Jizzax va Farg‘ona hududlari rahbarlari hamda mas’ullariga yo‘l qo‘yilgan kamchiliklar uchun intizomiy jazo chorasi qo‘llanildi.
Shuningdek, vazirlikning Namangan, Sirdaryo va Qashqadaryo viloyatlari bosh boshqarmalari boshliqlari hamda boshqa hududiy mas'ullar lavozimidan ozod etildi.
Yig‘ilishda sohada tartib-intizomni tubdan kuchaytirish, ochiqlik va shaffoflikni ta’minlash, davlat xizmatlari sifatini oshirish hamda arxitektura va qurilish nazoratini keskin kuchaytirish bo‘yicha aniq va qat’iy topshiriqlar berildi.
Qat’iy ta’kidlandiki, endilikda eskicha ishlashga yo‘l qo‘yilmaydi. Tizimda kamchilik va sustkashlikka yo‘l qo‘ygan, o‘z vazifasiga loqayd yondashgan rahbarlarga nisbatan murosasiz yondashuv qo‘llaniladi va bunday holatlarga mutlaqo toqat qilinmaydi.
Rasmiy sahifalarimizga a'zo bo'ling👇
|🌍 https://gov.uz/oz/mc 📸
https://www.instagram.com/qurilishvazirligi/💬 https://www.facebook.com/minstroyuz😎 https://t.me/minstroyuz 📹
https://youtube.com/@qurilishvazirligi?si=JXaEYfX0sAgBuVhv https://www.youtube.com/channel/UCdBFwFwzsFAPXCi0kUa6GDw?view_as=subscriber
