❗️Кредит тўлашда қийналсангиз банкдан тўловни кечиктириш ёки кредит муддатини узайтиришни расмий равишда сўраш мумкинлигини биласизми?
Ўзбекистонда 3030-сонли низомга киритилган янги талаб 30 январдан кучга кирган ва унга кўра банклар кредит тўлашда қийналган мижозлар учун кредит шартларини енгиллаштириш (реструктуризация) тартибини расмий сайтларида жойлаштириши шарт.
Бу дегани, мижозлар кредит тўловида қийналса, банкдан кредит шартларини қайта кўриб чиқишни расмий тартиб асосида сўраши мумкин.
☑️ Реструктуризация — оддий қилиб айтганда, мижознинг молиявий аҳволи ёмонлашганда банк томонидан кредит шартларини енгиллаштириш ҳисобланади. Бунда банк кредит муддатини узайтириши, тўловни маълум муддатга кечиктириши, ойлик тўлов миқдорини камайтириши, фоизларни қайта ҳисоблаши ёки жарималарни камайтириши мумкин.
Энг муҳими, ушбу тартиб банкларнинг расмий сайтларида жойлаштирилиши шарт, шу сабабли мижозлар уни ўзлари очиб кўриб чиқишлари ва шу асосда банкка расмий мурожаат қилишлари мумкин.
Қонунчиликка кўра, агар мижоз ишдан айрилса, даромади камида 30 фоизга камайса, узоқ муддат касал бўлса, ногиронлик ҳолати юзага келса, турмуш ўртоғи вафот этса, фавқулодда ҳолатлар содир бўлса ёки ҳомиладорлик ва туғиш таътилига чиқса, кредит тўловларини енгиллаштириш учун асос бўлиши мумкин.
Шунингдек, жисмоний шахс банкка ариза билан мурожаат қилса, банк уни 3 иш куни ичида кўриб чиқиши шарт. Агар аризадаги сабаблар асосли деб топилса, банк яна 3 банк иш куни ичида кредит шартномасига ўзгартиш киритиб, мижоз билан қўшимча келишув тузади.
Мижознинг ҳолатига қараб кредит тўловлари 6 ойгача кечиктирилиши ёки кредит муддати узайтирилиши мумкин. Агар мижоз ҳомиладорлик ёки туғиш таътилида бўлса, кредит тўловлари 10 ойгача кечиктирилиши мумкин.
⏺Агар сиз қуйидаги банклардан кредит олган бўлсангиз ва асосли сабаб билан тўловда қийналаётган бўлсангиз, банк сайтидаги реструктуризация тартибини кўриб чиқиб расмий равишда ариза беришингиз мумкин:
🏦 Agrobank
🏦 Aloqabank
🏦 Anorbank
🏦 Apexbank
🏦 Asakabank
🏦 Asia Alliance Bank
🏦 AVO bank
🏦 BRB
🏦 Davrbank
🏦 Garant bank
🏦 Hamkorbank
🏦 Hayot bank
🏦 InFinBank
🏦 Ipak Yo‘li banki
🏦I potekabank
🏦 Kapital bank
🏦 KDB Bank O'zbekiston
🏦 Madad Invest Bank
🏦 Milliy bank (NBU)
🏦 MKBank
🏦 Octobank
🏦 OFB
🏦 Openbank
🏦 Poytaxt bank
🏦 Saderat bank
🏦 SQB
🏦 TBC Bank
🏦 Tenge Bank
🏦 Trastbank
🏦 Turonbank
🏦 Universalbank
💳 Uzumbank
🏦 Xalq banki
🏦 Ziraatbank
(Тўлиқ маълумот олиш учун юқорида кўрсатилган банклар номи устига босинг)
☝️Муҳим жиҳати шундаки, бу тартиб аллақачон кучга кирган бўлса-да, ҳали ҳам кўпчилик бу ҳақда билмайди. Шу сабабли кредит тўловида қийналаётган фуқаролар банк сайтидаги реструктуризация тартибини кўриб чиқиб, расмий равишда мурожаат қилишлари мумкин.
https://t.me/Agmkrezyume_kombinat
