Intellektual mulk yangiliklari

Intellektual mulk yangiliklari

Public

Can't Join? @adliyaimd

0

3.2k Members

Updated: May 3, 2026 at 10:38 PM

Intellektual mulk yangiliklari

Adliya vazirligining rasmiy kanali Kontrafakt mahsulotlar, Mualliflik huquqi, Qonunchilikdagi yangiliklardan xabardor bo’ling

@adliyaimd is a growing community focused on yangiliklardan and rasmiy and related topics

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 3 Days)

Total: 3.2K

24h growth: +0 0%

Loading posts...

Rating

Login required

Loading reviews...

Loading recommended channels...

Latest Posts

Intellektual mulk yangiliklari

Apr 28, 2026, 10:15 PM

📷 Photo

#Intellektual_mulk

Joriy yil 24-aprel kuni Adliya vazirligi tomonidan 26-aprel — Xalqaro intellektual mulk kuniga bag‘ishlangan “Raqamlashtirish sharoitida intellektual mulk huquqining rivojlanish tendensiyalari” mavzusida ilmiy-amaliy anjuman tashkil etildi.

📍 Tadbir Toshkent davlat yuridik universitetida bo‘lib o‘tdi. Unda davlat organlari, ilmiy va ta’lim muassasalari, Patent vakillari assotsiatsiyasi, mualliflar, tadbirkorlar hamda ommaviy axborot vositalari vakillari ishtirok etdi.

🔎 Anjuman ochilish marosimida so‘zga chiqqan mutasaddilar intellektual mulkning zamonaviy iqtisodiyotdagi o‘rni tobora ortib borayotgani, ayniqsa raqamlashtirish sharoitida ushbu sohani rivojlantirish ustuvor vazifalardan biri ekanini alohida ta’kidladi.

💬 Tadbir davomida bir qator dolzarb masalalar muhokama qilindi:
— elektron tijoratda tovar belgilarini himoya qilish mexanizmlari;
— patentlarni tijoratlashtirish va innovatsiyalarni iqtisodiyotga joriy etish;
— mualliflik va turdosh huquqlarni samarali himoya qilish;
— telekommunikatsiya tarmoqlarida qonunchilikka rioya etilishi ustidan nazorat;
— noqonuniy kontentga qarshi kurashish usullari;
— ijtimoiy tarmoqlarda mualliflik huquqi bilan bog‘liq muammolar.

🧠 Shuningdek, soha mutaxassislari o‘rtasida fikr almashish, tajriba bo‘lishish hamda mavjud muammolarga amaliy yechimlar ishlab chiqishga qaratilgan muhokamalar tashkil etildi.

🏆 Anjuman doirasida intellektual mulk sohasida faol ishtirok etib kelayotgan bir guruh vakillar Adliya vazirligining tashakkurnomalari bilan taqdirlandi.

🤝 Mazkur ilmiy-amaliy anjuman intellektual mulk sohasida hamkorlikni yanada mustahkamlash, huquqiy mexanizmlarni takomillashtirish hamda zamonaviy raqamli yondashuvlarni keng joriy etishga xizmat qilishi bilan ahamiyatlidir.

📌 Tadbir yakunida tizimni yanada rivojlantirishga qaratilgan taklif va tavsiyalar ishlab chiqildi.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

770

2

0

Intellektual mulk yangiliklari

Apr 28, 2026, 10:15 PM

📷 Photo

🚨 KONTRAFAKT MAHSULOTLAR SAVDOSI BILAN SHUG‘ULLANGANLAR JAVOBGARLIKKA TORTILDI

📩 Adliya vazirligiga “SANO TECHNOLOGY” MChJ tomonidan MGU 09923-son “KPOT” tovar belgisiga o‘xshash belgilardan foydalangan holda ishlab chiqarilgan kontrafakt mahsulotlar Toshkent shahrida savdoga taklif etilayotgani haqida murojaat kelib tushdi.

🔍 Murojaat asosida o‘tkazilgan tekshiruvlar davomida kontrafakt tozalovchi vositalarni savdoga taklif etgan 6 ta huquqbuzar subyektlar aniqlandi.

⚖️ Natijada mazkur subyektlarga nisbatan Ma’muriy javobgarlik to‘g‘risidagi kodeksning 177-moddasi bo‘yicha ma’muriy huquqbuzarlik to‘g‘risida bayonnomalar rasmiylashtirilib, tegishli sudlarga yuborildi;
— jinoyat ishlari bo‘yicha sudlar tomonidan har bir huquqbuzarga BHMning 15 baravari, ya’ni 6 180 000 so‘m miqdorida jarima jazosi tayinlandi hamda huquqbuzarlik holatlari bartaraf etildi.

⚠️ Hurmatli tadbirkorlar!
Brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

#Adliya_xabari
#qonunchilikdagi_yangiliklar

🔴 O‘zbekiston Butunjahon intellektul mulk tashkiloti (WIPO) boshqaruvidagi 20-xalqaro shartnomaga qo‘shilish sari muhim qadam tashladi

🔹Bugun, 21-aprel kuni Oliy Majlis Qonunchilik palatasi tomonidan “Kelib chiqish joy nomlari va geografik ko‘rsatkichlar to‘g‘risidagi Lissabon bitimining Jeneva aktiga (2015-yil 20-may) qo‘shilishi haqida”gi qonun loyihasi qabul qilindi.

🔹Mazkur hujjatga muvofiq, O‘zbekiston tovar kelib chiqqan joy nomlari va geografik ko‘rsatkichlarni xalqaro ro‘yxatdan o‘tkazish imkonini beruvchi Lissabon tizimiga a’zo bo‘ladi.

🔹Ushbu tizim orqali bir martalik ro‘yxatdan o‘tish va yagona boj to‘lovi asosida mazkur obyektlar barcha ishtirokchi davlatlarda noma’lum muddat davomida huquqiy himoya qilinadi.

🔹Qonunga ko‘ra, O‘zbekiston mazkur xalqaro shartnomaga tovar kelib chiqqan joy nomlari va geografik ko‘rsatkichlar bo‘yicha huquqiy muhofaza faqat belgilangan boj to‘langandan va tegishli ekspertizadan o‘tkazilgandan so‘ng taqdim etilishini nazarda tutuvchi bayonot bilan qo‘shiladi.

🔹Ushbu xalqaro shartnomaga qo‘shilish natijasida:
— mahalliy tadbirkorlar uchun xorijda himoya qilish xarajatlari o‘rtacha 3 barobarga kamayadi;
— arizalarni topshirish jarayoni soddalashadi va ko‘rib chiqish muddatlari qisqaradi;
— mamlakatimizning investitsion jozibadorligi oshadi hamda patent bojlari tushumi ko‘payadi.

🔹Eng muhimi, mazkur qadam O‘zbekistonning Jahon savdo tashkilotiga a’zo bo‘lish jarayonlarini jadallashtirishga xizmat qiladi.

🔹Ta’kidlash joiz, bugungi kunda mamlakatimizda geografik ko‘rsatkichlardan samarali foydalanish uchun katta salohiyat mavjud. Jumladan, Chust pichog‘i, Samarqand noni, Marg‘ilon adrası, Xorazm qovuni kabi mahsulotlar xalqaro bozorda ham tan olingan.

🔹Hozirda 26 ta geografik ko‘rsatkich va 4 ta tovar kelib chiqqan joy nomi davlat ro‘yxatidan o‘tkazilgan bo‘lib, yana o‘nlab istiqbolli obyektlar aniqlangan.

📌 Mazkur shartnomaga qo‘shilish mahalliy mahsulotlarni xalqaro miqyosda ro‘yxatdan o‘tkazish va ularni noqonuniy foydalanishdan samarali himoya qilish uchun mustahkam huquqiy asos yaratadi.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

#intellektual_mulk

🔴 “ http://Darakchi.uz/” brendi rasmiy himoya ostida

🔹O‘zbekiston axborot makonida o‘z o‘rniga ega bo‘lgan “ http://Darakchi.uz/” brendi Adliya vazirligi tomonidan tovar belgisi sifatida davlat ro‘yxatidan o‘tkazildi.

🔹Ma’lumki, brend — bu nashrning nufuzi va o‘quvchilar ishonchining muhim omili hisoblanadi. Ayniqsa, yillar davomida shakllangan brend nomini huquqiy himoya qilish bugungi kunda dolzarb ahamiyat kasb etmoqda.

🔹Brendning ro‘yxatdan o‘tkazilishi uning nomidan foydalanib ochilgan soxta resurslarga qarshi kurashish uchun mustahkam huquqiy asos yaratadi.

🔹Shuningdek, tovar belgilariga bo‘lgan egalik huquqi ariza topshirilgan sana bilan belgilanadi. Shu bois, o‘z brendingizni himoya qilishni kechiktirmaslik muhim.

🔹Qonunchilikka ko‘ra, tovar belgisi guvohnomasi 10 yil muddatga beriladi hamda uning amal qilish muddati cheklanmagan tarzda (har safar 10 yilga) uzaytirilishi mumkin.

❗️Unutmang: tovar belgisi birinchi bo‘lib ariza topshirgan shaxs yoki tashkilot nomiga rasmiylashtiriladi. Mehnatingiz mahsulini boshqalar o‘zlashtirib olishiga yo‘l qo‘ymang!

🌐 Tovar belgisini ro‘yxatdan o‘tkazish uchun arizani Adliya vazirligining http://im.adliya.uz/ portali orqali onlayn tarzda topshirishingiz mumkin.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

🚨 O‘ZGANING BRENDIDAN RUXSATSIZ FOYDALANISH QIMMATGA TUSHDI

📩 Adliya vazirligiga “BONA MEAT” MChJning “BOYARSKIY” tovar belgisiga bo‘lgan huquqlarni himoya qilish to‘g‘risidagi murojaati kelib tushdi.

🕵️‍♂️ Murojaat asosida o‘tkazilgan tekshiruv davomida ro‘yxatdan o‘tgan “BOYARSKIY” tovar belgisiga iste’molchini adashtirib yuborish darajasida o‘xshash bo‘lgan “Боярская” belgili mahsulotlar (kolbasalar) ishlab chiqarish hamda sotuvga taklif etish holatlari aniqlandi.

⚖️ Natijada, amaldagi qonunchilikka muvofiq huquqbuzar yuridik shaxsga nisbatan “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonunning 37¹-moddasiga asosan bazaviy hisoblash miqdorining 100 baravari miqdorida jarima qo‘llanildi.

📋 Shuningdek, aniqlangan kontrafakt mahsulotlar taqdirini hal etish hamda jamiyat rahbarining xatti-harakatlariga huquqiy baho berish maqsadida Ma’muriy javobgarlik to‘g‘risidagi kodeksning 177-moddasiga asosan ma’muriy huquqbuzarlik to‘g‘risida bayonnoma rasmiylashtirilib, sudga yuborildi.

⚠️ Hurmatli tadbirkorlar!
Brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

🎥 Video

#intellektual_mulk

Biri oddiy avtobus bekatida boshlangan, boshqasi yarim asrlik bo’lgan mashhur o‘zbek brendlari haqida eshitganmisiz?

Ushbu videoda eng muvaffaqiyatli mashhur milliy brendlarimiz haqida bilib olasiz.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

#Adliya_xabari

🍽 “Toshkent to‘y oshi” geografik ko‘rsatkich sifatida davlat ro‘yxatidan o‘tkazildi

Toshkent shahri va Toshkent viloyatiga xos bo‘lgan, o‘zbek pazandachilik sanʼatining durdonasi hisoblangan “Toshkent to‘y oshi” geografik ko‘rsatkich sifatida davlat ro‘yxatidan o‘tkazildi.

📜 Tarix va texnologiya: Tarixiy va etnografik manbalarga ko‘ra, Toshkent vohasida palov tayyorlash madaniyati asrlar davomida shakllangan. To‘y oshi — bu shunchaki taom emas, balki kimyo, fizika va biologiya qonuniyatlari mujassam bo‘lgan murakkab jarayon bo‘lib, asosan tong saharda yarimsfera shaklidagi qalin devorli cho‘yan qozonlarda pishiriladi.

🛡 Huquqiy himoya va sifat: Mazkur maqom “Toshkent to‘y oshi” nomi va anʼanaviy tayyorlash texnologiyasini huquqiy jihatdan himoya qiladi hamda mahsulot sifatining davlat meʼyorlariga muvofiqligini kafolatlaydi.

✨ “Toshkent to‘y oshi” — ajdodlar merosi, milliy qadriyatlar va xalq ruhining yorqin ifodasi bo‘lib, bugun gastronomik turizmni rivojlantirish hamda milliy brendni xalqaro miqyosda targ‘ib etishda muhim ahamiyat kasb etmoqda.

ℹ️ Maʼlumot uchun: Geografik ko‘rsatkich — mahsulotning muayyan hududga mansubligini va uning o‘ziga xos xususiyatlari aynan shu hudud bilan bog‘liqligini tasdiqlovchi intellektual mulk obyektidir.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

#Adliya_xabari
#Intellektual_mulk

❗️"HOFMANN” tovar belgilari huquqiy himoya qilindi

Farg'ona viloyat adliya boshqarmasi tomonidan fuqaro Sh. Omonullayevning o'ziga tegishli "HOFMANN” tovar belgisini himoya qilish yuzasidan yo‘llagan murojaati ko‘rib chiqildi.

Murojaatni o‘rganish davomida "F. I. S" MChJ faoliyatida tekshiruv o‘tkazilib, "HOFMANN” tovar belgilariga adashtirib yuborish darajasida o‘xshash bo‘lgan “Hoffmans” belgilaridan foydalanib ishlab chiqarilgan kontrafakt mahsulotlarini savdoga taklif etayotganligi aniqlandi.

Aniqlangan qonun buzilish holati yuzasidan huquqbuzar yuridik shaxsga nisbatan bazaviy hisoblash miqdorining 100 baravari, ya'ni 41,2 mln so‘m jarima qo‘llanildi.

Ogoh bo’ling! Tovar belgisidan yoki adashtirib yuborish darajasida u bilan oʻxshash boʻlgan belgidan tovarlarda, tovarlarning etiketkalarida, oʻrovlarida qonunga zid ravishda foydalanilganda ular kontrafakt hisoblanadi.

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

🚨 YIRIK BRENDLAR G‘ALABA QOZONDI: O‘ZBEKISTONDA KONTRAFAKT SAVDOSI BO‘YICHA MUHIM SUD ISHI YAKUNLANDI

2026-yil 1-aprel kuni Surxondaryo viloyati iqtisodiy sudida “Hugo Boss AG” (Germaniya), “Puma SE” (Germaniya) hamda “Tommy Hilfiger Licensing B. V” (Niderlandiya) kompaniyalari vakili tomonidan kiritilgan da’vo arizasiga asosan xalqaro brendlar — HUGO BOSS, PUMA va TOMMY HILFIGER tovar belgilarini himoya qilish bo‘yicha muhim ish ko‘rib chiqildi.

Sudda aniqlanishicha, javobgar brend egalari bilan hech qanday litsenziya shartnomasi tuzmasdan tovar belgilaridan noqonuniy ravishda foydalangan, kontrafakt mahsulotlarni savdoga chiqargan va faol reklama qilganligi tasdiqlandi.

⚖️ Sud qaroriga ko‘ra, huquqbuzarga tovar belgilaridan noqonuniy foydalanishni to‘xtatish, kontrafakt mahsulotlarni muomaladan chiqarish va yo‘q qilish, shuningdek noqonuniy qo‘llangan belgilarni mahsulot va qadoqlardan olib tashlash majburiyati yuklatildi.
💰Shuningdek, huquqbuzardan kompaniyalarlar foydasiga jami 61 800 000 so‘m kompensatsiya hamda davlat boji, pochta va sud xarajatlari bilan birga 111 million so‘mdan ortiq mablag‘ undirilishi belgilandi.

⚠️ Hurmatli tadbirkorlar!
Brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 28, 2026, 10:15 PM

📷 Photo

❌ Ruxsatsiz kontent — jarimaga sabab bo‘ldi

Ma’lumki, so‘nggi vaqtlarda mualliflik huquqi obyektlaridan ijtimoiy tarmoqlarda muallif ruxsatisiz foydalanish holatlari yuzasidan Adliya vazirligiga kelib tushayotgan murojaatlar soni sezilarli darajada ortib bormoqda.

✅ Muallif D. Inoyatovaga tegishli “Superdidaktika_uz” telegram kanaliga joylashtirilgan “Bilimdonlar sinfxonasi”, “Darsdagi eng faol o‘quvchi”, “Alisher Navoiyga tegishli to‘rtliklarni topish o‘yini”, “Kichkina e’tibor bilan o‘quvchilarni xursand qiling”, “Interaktiv Mendeleyev jadvali” kabi yigirmadan ortiq videoroliklar ijtimoiy tarmoqdagi "Ko'rgazmalar_tarqatma" telegram kanali tomonidan muallif ruxsatisiz foydalanilgani yuzasidan huquqiy chora ko‘rish so‘rab qilingan murojaat Adliya vazirligi tomonidan o‘rganib chiqildi.

✅ O‘rganish davomida mazkur videoroliklardan kanal ma’muri tomonidan ruxsatisiz foydalangani aniqlandi. Holat yuzasidan huquqbuzarga nisbatan Ma’muriy javobgarlik to‘g‘risidagi kodeksning 177¹-moddasi bilan ma’muriy huquqbuzarlik to‘g‘risida bayonnoma rasmiylashtirilib, tegishli sudga yuborildi.

⚖️ Toshkent shahar jinoyat ishlari bo‘yicha Olmazor tuman sudi qaroriga ko‘ra, huquqbuzarga MJtK 177¹-moddasi 1-qismi bilan bazaviy hisoblash miqdorining 5 baravari miqdorida jarima jazosi tayinlandi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki [email protected] elektron pochta manzili orqali murojaat qilishingizni so'raymiz!

Intellektual mulk yangiliklari

Apr 15, 2026, 09:33 AM

📷 Photo

Voyaga yetmaganlarning ijtimoiy tarmoqlardan foydalanishini cheklash: siz bunga qanday qaraysiz?

Bugun har bir ota-ona o‘ziga bu savolni berishi kerak.
📱Ijtimoiy tarmoqlar, zararli kontent, noma’lum begonalar...
Bolalarimiz har kuni shu xatarlar bilan yuzma-yuz. Lekin biz ularni himoya qila olamizmi?

🏛Adliya vazirligi voyaga yetmaganlarning raqamli dunyodagi xavfsizligi mavzusida maxsus ijtimoiy so‘rovnoma o‘tkazmoqda.
✅Atigi 2-3 daqiqangizni ajrating — bu bolalarimizning kelajagi uchun!

📌So‘rovnomada ishtirok eting:
___________________________
🇺🇿O‘zbek tilidagi so‘rovnoma
📚Voyaga yetmaganlar uchun https://docs.google.com/forms/d/e/1FAIpQLSeN3kx6cI6fPNbHW0HG_FoFiwm_r7ps5F8O4SWKjZ4xxQ3tbA/viewform
👩‍🍼Ota-onalar uchun → https://docs.google.com/forms/d/e/1FAIpQLSf8_DCzjPuCX_uGXkRv87imUu4NaSTaijF3sEpqP60Fm78A5A/viewform
__
🇷🇺Анкета на русском языке
📚Для несовершеннолетних → https://docs.google.com/forms/d/1__wO6kSuW4-iNyTlnWatfs2Cf6uhNosLbTh1ZS2j8Tw/edit
👩‍🍼Для родителей → https://docs.google.com/forms/d/1mo9FF-1k7O_BDHvMrX0rb9BOhIL_od8CmqLSha5W6zc/edit

Kanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

📷 Photo

#Mualliflik_huquqi

Sherali Jo'rayevning qo'shiqlaridan ruxsatsiz foydalangan Sardor Mamadaliyev yana jarimaga tortildi.

🤔G. Jo‘rayeva tomonidan marhum san’atkor Sherali Jo‘rayevdan meros bo‘lib qolgan “Ko‘rmisham”, “Bandaman” hamda “Karvon” nomli musiqiy asarlarning uning ruxsatisiz Sardor Mamadaliyev tomonidan ijro etilgani yuzasidan huquqiy chora ko‘rishni so‘rab qilingan murojaat Adliya vazirligi tomonidan o‘rganilib chiqildi.

🤔Holat yuzasidan huquqbuzarga nisbatan O‘zbekiston Respublikasi Ma’muriy javobgarlik to‘g‘risidagi kodeksining 177¹-moddasi ikkinchi qismi bilan ma’muriy huquqbuzarlik to‘g‘risida bayonnoma rasmiylashtirilib, ish tegishli sudga yuborildi.

🤔Namangan viloyati jinoyat ishlari bo‘yicha Chust tuman sudining qaroriga ko‘ra, huquqbuzarga nisbatan O‘zbekiston Respublikasi MJtKning 177¹-moddasining ikkinchi qismi bilan bazaviy hisoblash miqdorining 20 (yigirma) baravari miqdorida – 8.240.000 (sakkiz million ikki yuz qirq ming) so‘m jarima jazosi tayinlandi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki [email protected] elektron pochta manzili orqali murojaat qilishingizni so'raymiz!
https://t.me/Odil_chat_botKanalga ulaning va yangiliklardan xabardor bo‘ling
🚀 | 📷 https://www.instagram.com/adliyanews/ 🔵 https://www.facebook.com/share/18x5kjopib/?mibextid=wwXIfr | 📱 https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

🎥 Video

#Adliyachi

🧠Intellektual mulk sohasida har bir g‘oya — kelajak sari tashlangan qadam. Ammo bu yo‘lda faqat bilim emas, balki keng fikrlash, ijod va qat’iyat ham muhim.

👤Bu galgi qahramonimiz — Intellektual mulk markazi Ixtiro bo‘limi boshlig‘i Ikrom Abduqodirov.

U kishi bilan suhbatda: — ixtiro ortidagi haqiqiy jarayonlar,
— noodatiy g‘oyalar va qarashlar,
— kasb va shaxsiy hayot muvozanati haqida samimiy fikrlar bilan tanishasiz.

📌 Adliya tizimi — bu nafaqat qonun, balki fikrlaydigan, izlanadigan va o‘sadigan insonlar jamlanmasidir.

🎥 Videoni tomosha qiling

Bizni barcha ijtimoiy tarmoqlarda kuzatib boring
| https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

📷 Photo

❕Kontrafakt mahsulotlar yo‘q qilindi!

✅Kontrafakt mahsulotlar jamiyatga faqatgina moddiy zarar yetkazib qolmaydi. Chunki, odatda kontrafakt mahsulotlar inson hayoti va salomatligi bilan bog‘liq sohalar bo‘lmish oziq-ovqat, farmatsevtika, parfyumeriya va boshqa shu kabi yo‘nalishlarda ko‘proq uchraydi.

✅Hech qanday texnik talablarga rioya qilinmagan holda ko‘zdan panada tayyorlangan mahsulot esa inson hayoti uchun xavf tug‘dirishi aniq. Biroq, bu kabi jiddiy oqibatlar fikr-u hayoli boylik orttirish bo‘lgan kimsalarni sira tashvishga solmaydi.

✅ Shu sababli, adliya organlari tomonidan vakolatli tashkilotlar bilan hamkorlikda kontrafakt mahsulotlarga qarshi kurashish bo‘yicha tegishli chora-tadbirlar amalga oshirib kelinmoqda.

✅Xususan, Surxondaryo viloyat adliya hamda bojxona boshqarmalari hamkorligida sud qaroriga muvofiq umumiy qiymati qariyb 180 million so‘mlik 6000 quti “EsseChange” tamaki, 10 turdan ortiq dori vositalari hamda boshqa kontrafakt mahsulotlar belgilangan tartibda yo‘q qilindi.

✅Hurmatli tadbirkorlar! O'z brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

https://t.me/adliyangiliklari | https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

🔎 “97-modda” seriali Telegramda ruxsatsiz tarqatildi — va bu jazosiz qolmadi.

✅ So‘nggi vaqtlarda ijtimoiy tarmoqlarda, ayniqsa kino va seriallardan muallif ruxsatisiz foydalanish holatlari yuzasidan Adliya vazirligiga kelib tushayotgan murojaatlar soni sezilarli darajada ortib bormoqda.
Shunday holatlardan biri — “97-modda” seriali bilan bog‘liq.

“Twenty one entertainment” MChJ (SalomTV)ga tegishli bo‘lgan “97-modda” seriali “Shunchaki kino” telegram kanali tomonidan muallif ruxsatisiz foydalanilgani yuzasidan huquqiy chora ko‘rish so‘rab qilingan murojaat Adliya vazirligi tomonidan o‘rganib chiqildi. O‘rganish davomida mazkur audiovizual asardan kanal ma’muri Sh. Shukurov muallif ruxsatisiz foydalangani aniqlandi.

📝 Holat yuzasidan huquqbuzarga nisbatan Ma’muriy javobgarlik to‘g‘risidagi kodeksning 177¹-moddasi bilan ma’muriy huquqbuzarlik to‘g‘risida bayonnoma rasmiylashtirilib, tegishli sudga yuborildi.

⚖️ Jinoyat ishlari bo‘yicha Baxmal tuman sudi qaroriga ko‘ra, huquqbuzarga O‘zbekiston Respublikasi MJtK 177¹-moddasi birinchi qismi bilan jarima jazosi tayinlandi.

📣 Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki [email protected] elektron pochta manzili orqali murojaat qilishingizni so'raymiz!

Bizni barcha ijtimoiy tarmoqlarda kuzatib boring
| https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot https://youtu.be/Kr9nzEzZ-wE?si=m0wdGHhGjZaSCifL

Intellektual mulk yangiliklari

Apr 15, 2026, 09:33 AM

📷 Photo

❕Kontrafakt mahsulot ishlab chiqargan huquqbuzar 82 mln so‘m jarimaga tortildi!

✅Kontrafakt mahsulotlar jamiyatga faqatgina moddiy zarar yetkazib qolmaydi. Chunki, odatda kontrafakt mahsulotlar inson hayoti va salomatligi bilan bog‘liq sohalar bo‘lmish oziq-ovqat, farmatsevtika, parfyumeriya va boshqa shu kabi yo‘nalishlarda ko‘proq uchraydi.

✅Hech qanday texnik talablarga rioya qilinmagan holda ko‘zdan panada tayyorlangan mahsulot esa inson hayoti uchun xavf tug‘dirishi aniq. Biroq, bu kabi jiddiy oqibatlar fikr-u hayoli boylik orttirish bo‘lgan kimsalarni sira tashvishga solmaydi.

✅ Xususan, Vazirlik tomonidan Abbot Products Operations AG kompaniyasining “IMUDON/ИМУДОН” tovar belgisiga bo‘lgan huquqlari “A. P.” MChJ tomonidan buzilayotganligi to‘g‘risidagi murojaat ko‘rib chiqildi.

✅O'tkazilgan tekshiruv natijasida “A. P.” MChJ tomonidan “IMUDON/ИМУДОН” tovar belgisiga fonetik jihatdan o‘xshash bo‘lgan “IMUDON NEST” belgili 31 159 dona kontrafakt mahsulot ishlab chiqarilganligi aniqlandi.

✅Holat bo‘yicha vazirlik tomonidan “A. P.” MChJga nisbatan bazaviy hisoblash miqdorining 200 baravarida, ya’ni 82 mln so‘m jarima qo‘llanildi hamda “IMUDON/ИМУДОН” tovar belgisiga nisbatan huquqlarni buzuvchi barcha harakatlar to‘xtatish majburiyati yuklandi.

✅Hurmatli tadbirkorlar! O'z brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

https://t.me/adliyangiliklari | https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

📷 Photo

❕“R” yoki “®” belgilaridan foydalanishda ehtiyot bo‘ling!

❗O‘zbekiston Respublikasi qonunchiligiga ko‘ra, mahsulotda yoki uning qadoqlarida “R” yoki aylana ichidagi “®” belgisi faqat davlat ro‘yxatidan o‘tkazilgan tovar belgilariga nisbatan qo‘llanilishi mumkin.

✅Bu belgi iste’molchilarga mazkur tovar belgisi huquqiy muhofaza ostida ekanini bildiradi.

⚠ Agar tovar belgisi ro‘yxatdan o‘tkazilmagan bo‘lsa, unga nisbatan “R” yoki “®” belgisidan foydalanish qonun buzilishi hisoblanadi.

💰 Bunday holatda huquqbuzarlik ashyolari musodara qilinib, BHMning 15 baravaridan 30 baravarigacha jarima qo‘llanishi mumkin.

‼ Agar ushbu qoidabuzarlik ko'p miqdorda zarar yetkazgan holda sodir etilsa, jarima, axloq tuzatish ishlari yoki 2 yilgacha ozodlikni cheklash yoki ozodlikdan mahrum qilish jazosi ham qo‘llanishi mumkin.

🔎Shu sababli tovar belgilaridan foydalanishda qonunchilik talablariga qat’iy rioya etilishi lozim.

https://t.me/adliyangiliklari | https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Intellektual mulk yangiliklari

Apr 15, 2026, 09:33 AM

#Adliya_tabrigi

Adliya vazirligi barcha yurtdoshlarimizni yangilanish va yasharish ayyomi, 21-mart – Navro‘z bayrami bilan samimiy muborakbod etadi!

Bizni barcha ijtimoiy tarmoqlarda kuzatib boring
| https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot https://youtu.be/Kr9nzEzZ-wE?si=m0wdGHhGjZaSCifL

Video Thumbnail

1,380

Intellektual mulk yangiliklari

Apr 15, 2026, 09:33 AM

Tarjimon Abulla Qodiriydan ruxsat soʻraganmi?

“Mualliflik prezumpsiyasi” haqida eshitganmisiz? Intellektual mulk huquqida “Hosila asar” tushunchasi mavjud. Muallif vafotidan 70-yil oʻtgach, mualliflik huquqi bekor boʻladimi? “Huquqshunos oshxonasi”ning navbatdagi sonida intellektual mulk haqida muhim savollarga javob oling

Batafsil 👉 https://youtu.be/BG5F8YkKwSM

| https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Video Thumbnail

1,530

Intellektual mulk yangiliklari

Apr 15, 2026, 09:33 AM

🎥 Video

#biz_giyohvandlikka_qarshimiz

Yoshlar — jamiyatimizning eng katta boyligi. Ularning sog‘lom, ongli va maqsadli hayot kechirishi esa mamlakatimiz kelajagining mustahkam poydevoridir.

Giyohvandlik illati nafaqat inson salomatligiga, balki jamiyat barqarorligi va taraqqiyotiga ham jiddiy xavf tug‘diradi. Shu bois ushbu illatga qarshi kurashish, uning oldini olish hamda yoshlar o‘rtasida sog‘lom turmush tarzini targ‘ib etish muhim vazifalardan biridir.

Adliya organlari tomonidan ham yoshlarni turli zararli illatlardan asrash, ularning huquqiy ongi va madaniyatini yuksaltirishga qaratilgan targ‘ibot ishlari izchil amalga oshirilmoqda.

Barchani giyohvandlikka qarshi kurashishda befarq bo‘lmaslikka, sog‘lom turmush tarzini tanlashga hamda yoshlarimizni zararli illatlardan asrashga chorlaymiz.

Sog‘lom avlod — sog‘lom jamiyat va yorqin kelajak garovidir.

| https://www.instagram.com/adliyanews/ https://www.facebook.com/share/18x5kjopib/?mibextid=wwXIfr | https://www.youtube.com/@Adliya | https://t.me/Odil_chat_bot

Showing 20 of 20 posts

No more posts