Teddy Hawassa

Public

Can't Join? @TeddyHawassa

8.1k Members

Updated: May 14, 2026 at 2:18 AM

Teddy Hawassa

The most balanced media

@TeddyHawassa offers specialized information about most and balanced for subscribers interested in Erotic

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 8.1K

24h growth: -4 0%

Latest Posts

Teddy Hawassa

May 25, 2026, 03:45 AM

🎥 Video

(ቴዲ ሀዋሳ)

በከባድ ወንጀል ተጠርጥራ የተከሰሰችው በረከት ገበሬዋ እና ግብረአበሮቿ ፍርድ ቤት ሳይቀርቡ ቀሩ።

በግብርናው ሽፋን ከምትሰራቸው ለቁጥር የሚያዳግቱ ህገወጥ ወንጀሎቿ በተጨማሪ ምክንያቱ ባልታወቀ መንገድ ጫካ ውስጥ ልዑል የተባለ ጅብ ምትቀልበው ይህቺ ተጠርጣሪ። አቃቤ ህግ የከፈተባትን ክስ ለመከላከል ፍርድቤት እንደምትቀርብ ተናግራ የነበረ ቢሆንም ምክንያቱ ባልታወቀ መንገድ ከሀገር ወጥታ አየርላንድ መግባቷ ተረጋግጧል።

ፍርድ ቤት የከፈተባትን የወንጀል ክስ አስመልክታ ማህበራዊ ሚዲያ ላይ ህዝብ በማጭበርበር ከሚታወቀው ፍራኦል ኢቲቻ ከተባለ ቁጥር አንድ ዋሾ እን አታላይ ጋር (እሱም ከሀገር የወጣው ወንጀል ሰርቶ የፖሊስ የእስር ማዘዣ ሲወጣበት እንደ ገበሬዋ ያመለጠ ግለሰብ መሆኑ ይነገርለታል) በቲክቶክ ገፅ ላይ ፍርድ ቤትን፣ኢንሳን፣ፖሊስን፣መከላከያን እና የጠቅላይ ሚንስትር ቢሮን የማፊያ ጥርቅም በማለት ፍርድ ቤት እንደማትቀርብ መናገሯ ይታወሳል።

የፌደራል ከፍተኛ ፍርድ ቤት የልደታ ምድብ 3ኛ የሙስና ጉዳዮች ወንጀል ችሎት " በገበያ ላይ የነዳጅ እጥረት እንዲከሰት አድርገዋል " የተባሉ የኢትዮጵያ ነዳጅና ኢነርጂ ባለስልጣን ምክትል ዋና ዳይሬክተርንና የኢትዮጵያ ነዳጅ አቅራቢ ድርጅት ዋና ዳይሬክተርን ጨምሮ የከባድ ሙስና ወንጀል ክስ የተመሰረተባቸው 13 ግለሰቦች ላይ :-
• የቀረበባቸውን ክስ መቃወሚያ ለመስማት  እና
• በመዝገቡ ከ6 እስከ 10ኛ ተከሳሾችን መቅረብ ለመጠባበቅ ለዛሬ ግንቦት 10/2018 ዓም ቀነ ቀጠሮ ሰጥቶ ነበር።

የፌደራል ከፍተኛ ፍርድ ቤት የልደታ ምድብ 3ኛ የሙስና ጉዳዮች ወንጀል ችሎት የቀረበው ይህ የክስ መዝገብ፣ ተከሳሾቹ ስልጣናቸውን አላግባብ በመጠቀም በሀገር አቀፍ የነዳጅ አቅርቦትና ስርጭት ላይ ከፍተኛ ችግር ማድረሳቸውን ያመለክታል።

ተጠርጣሪዎቹ ከመመሪያ ውጪ የነዳጅ ግዥና አከፋፋይነት ፈቃድ በመስጠት፣ በመቶ ሺዎች የሚቆጠር ሊትር ናፍጣ በኮንትሮባንድ እንዲሸጥ በማመቻቸት እና ከጅቡቲ የሚመጣ ድጎማ የተደረገበትን ነዳጅ ከቁጥጥር ውጪ በማድረግ ተወንጅለዋል።

በእነዚህ ህገ-ወጥ ተግባራት ምክንያት በመንግስት ላይ በአስር ሚሊዮኖች የሚቆጠር የገንዘብ ጉዳት የደረሰ ሲሆን፣ ከ1.9 ሚሊዮን ሊትር በላይ ነዳጅ ለታለመለት ዓላማ ሳይውል እንዲባክንና የነዳጅ እጥረት እንዲባባስ ማድረጋቸው በክሱ ተዘርዝሯል።

የፌደራል አቃቤ ህግ ግለሰቦቹ በዋና ወንጀል አድራጊነትና በልዩ ወንጀል አድራጊነት ስልጣንን ያለአግባብ በመገልገልና የመንግስትን ስራ በማይመች አኳኋን በመምራት ወንጀል የከሰሳቸውን ክስ ችሎቱ መርምሮ የተከሳሾችን የክስ መቃወሚያ ለመስማት ለዛሬ የተቀጠረው ችሎት የተከሳሾሽን የክስ መቃወሚያ አድምጧል።

ችሎቱ በክስ መዝገቡ ከ6 እስከ 10 ኛ ተከሳሽ የሆኑትን አቶ ጌታቸው አሞኘ፣ ወ/ሮ በረከት ወርቁ፣ አቡሽ አየለ እና ይልቃል የኔሰው መቅርብ ለመጠባበቅ ለዛሬ ቀጠሮ ሰጥቶ የነበረ ቢሆንም ተከሳሾቹ በችሎቱ ሳይገኙ ቀርተዋል።

በተጠርጣሪዎቹ ላይ ፖሊስ በከባድ የሙስና ወንጀል እንደሚፈልጋቸው ማስታወቂያ ያወጣባቸው መሆኑ ይታወቃል።

በቀጠሮው መሰረት የተሰየመው ችሎቱ የክስ መዝገቡ ላይ መቃወሚያ ያቀረቡ ተከሳሾችን በማድመጥ ብይን ለመስጠት እንዲሁም ከ 6 እስከ 10 ኛ ተከሳሾችን ፖሊስ ለችሎቱ እንዲያቀርብ ለመጠባበቅ ለሰኔ 1/2018 ዓ.ም ቀነ ቀጠሮ ሰጥቷል።

ተከሳሾቹ በቀጠሮው መሰረት ለችሎቱ የማይቀርቡ ከሆነም ፖሊስ ያልቀረቡበትን ምክንያት እንዲገልጽ ትዕዛዝ ተሰጥቷል።

2,210

Teddy Hawassa

May 25, 2026, 03:45 AM

📷 Photo

(ቴዲ ሀዋሳ)

በካናዳ የኢትዮ ስፖርት ፌደሬሽን ምስረታ በይፋ ተመሰረተ።

ከዚህ ቀደም እንዲህ ያለ ፍሜደሬሽን በካናዳ ተቋቁሞ የማያውቅ ሲሆን የዚህ ፌደሬሽን ምስረታ ተራርቀው የነበሩ እንዲሁም በኢትዮጵያውያኖች እና ትውለደ ኢትዮጵያውያን ዘንድ ባህል፣እና የተለያዩ ትውፊቶቻችንን ለማስተዋወቅ እና በተለይም ታዳጊ ልጆች ሀገራቸውን አውቀው በስፖርቱ ያላቸውን ተሰጥዖ እንዲያዳብሩ መልካም አጋጣሚ ይፈጥራል ሲሉ የፌዴሬሽኑ ፕሬዝዳንት አቶ ማስረሻ ዘውዴ ተናግረዋል።

የተመሰረተውን ፌደሬሽን በኢትዮጵያ ብሔራዊ ቡድን እና በፕሪምየር ሊግ የቀድሞ ተጫዋቾች እና በተለያዩ ኢትዮጵያውያን ይመሩታል።

2,370

Teddy Hawassa

May 25, 2026, 03:45 AM

አሁን የ አርቲስት ሄኖክ ወንድሙ ጋር ቲክቶክ ላይ ላይቭ ነን

ለፈረጃ ፊልም

መርዳት ለምትፈልጉ

አካውንቱ

1000319331027

ሄኖክ ወንድሙ

Zelle account

7253244312

Beniyam Eshetu

2,340

Teddy Hawassa

May 25, 2026, 03:45 AM

https://youtu.be/lJuDYRhpaaM?si=wk6h4wV-mwXgqip2

2,520

Teddy Hawassa

May 25, 2026, 03:45 AM

📷 Photo

(ቴዲ ሀዋሳ)

“ዶናልድ ትራምፕ አሜሪካ እያሽቆለቆለች ያለች ሀገር ናት በማለት ዢ ጂንፒንግ የተናገሩት መቶ በመቶ ትክክል ነው" ሲሉ አመኑ

የአሜሪካ ፕሬዝዳንት ዶናልድ ትራምፕ በቻይና ቤጂንግ እያደረጉት ባለው ጉብኝት ወቅት ባስተላለፉት መልዕክት፣ የቻይናው ፕሬዝዳንት ዢ ጂንፒንግ አሜሪካን “እያሽቆለቆለች ያለች ሀገር” ሲሉ መግለጻቸው ሙሉ በሙሉ እውነት መሆኑን ገልጸዋል።

ትራምፕ በትሩዝ ሶሻል (Truth Social) ገጻቸው ላይ ባሰፈሩት ፅሁፍ፣ ፕሬዝዳንት ዢ ጂንፒንግ አሜሪካን እያሽቆለቆለች ያለች ሀገር አድርገው በተራቀቀ መንገድ የገለጹበት መንገድ መቶ በመቶ ትክክል ነው ብለዋል።

ዶናልድ ትራምፕ ለዚህ የአሜሪካ መዳከም ቀጥተኛ ተጠያቂው የወቅቱ ፕሬዝዳንት ጆ ባይደን መሆናቸውን በጽኑ ተችተዋል። እንደ ትራምፕ ገለጻ፣ አሜሪካ በባይደን የሥልጣን ዘመን ከፍተኛ ውድቀት ያስተናገደችው በተከፈቱ ድንበሮች፣ በልዩነትና እኩልነት ፖሊሲዎች፣ በከፍተኛ የግብር ጫና እና በሀገሪቱ ውስጥ በስፋት በተንሰራፋው ወንጀል ምክንያት ነው።

በተቃራኒው የእሳቸው አስተዳደር አሜሪካን ወደ ማይታመን ከፍታና ዕድገት እየመራት መሆኑን የጠቀሱት ትራምፕ፣ ለዚህም ማረጋገጫ የሚሆነው የገበያ መረጋጋት፣ የሥራ ዕድል ፈጠራ፣ የወታደራዊ ጥንካሬ ማደግ እና በቢሊዮኖች የሚቆጠር የኢንቨስትመንት ፍሰት መመዝገቡ ነው ሲሉ ተከራክረዋል።

በሌላ በኩል የቻይናው ፕሬዝዳንት ዢ ጂንፒንግ “እያሽቆለቆለች ያለች ሀገር” የሚለውን ኃይለ ቃል በአደባባይ ባይናገሩም፣ በሁለቱ ኃያላን ሀገራት መካከል ስላለው ውጥረት ግን ጠንከር ያለ ማስጠንቀቂያ ሰጥተዋል።

ፕሬዝዳንት ዢ በንግግራቸው “የቱሲዲደስ ወጥመድ” (Thucydides Trap) የሚባለውን ታሪካዊ ክስተት ያነሱ ሲሆን፣ ይህም አዲስ እያደገ የመጣ ኃይል ካለው ነባር ኃያል ሀገር ጋር ወደ ጦርነት የማምራት ዝንባሌን የሚያሳይ ነው።

አያይዘውም በተለይ በታይዋን ጉዳይ ዙሪያ ያለው አለመግባባት ካልተፈታ ነገሩ ተባብሶ ወደ ግጭት አልፎ ተርፎም ወደ ከፋ ጦርነት ሊያመራ እንደሚችል አሳስበዋል።

Teddy Hawassa

May 25, 2026, 03:45 AM

📷 Photo

(ቴዲ ሀዋሳ)

“የትግራይ ህዝብ የፖለቲከኞች የግል ንብረት አይደለም!” ጀነራል ሳሞራ ዩኑስ

በክልሉ አሁን ላይ የተወሰነው ወደ ቀድሞ የአመራርና የምክር ቤት መዋቅር የመመለስ ውሳኔ ህዝቡን ለከፍተኛ ስጋትና ጭንቀት እየዳረገው መሆኑን የቀድሞው የመከላከያ ሰራዊት ጠቅላይ ኢታማዦር ሹም ጀነራል ሳሞራ ዩኑስ ገለጹ። ጀነራል ሳሞራ ወቅታዊ ጉዳዮችን አስመልክተው ከወጋሕታ ትግርኛ ጋዜጣ ጋር ባደረጉት ቃለ-መጠይቅ፤ የትግራይ ህዝብ የፖለቲከኞች "የግል ንብረት" እንዳልሆነና የራሳቸውን ስልጣን ለማስጠበቅ ሲሉ የህዝቡን የመምረጥ መብት እያገቱት መሆኑን ተናግረዋል። ይህ በህዝብ ስም የተላለፈው ውሳኔ ከመቶ በማይበልጡ ሰዎች የተወሰነ፣ በአገር ውስጥና በውጭ የሚኖረውን ተወላጅ ያጨነቀ “በጣም መጥፎ” እርምጃ መሆኑንም አብራርተዋል። ከፕሪቶሪያው የሰላም ስምምነት በኋላ “መኸተ” (መመከት) የሚለው እሳቤ ማክተሙን የጠቆሙት ጀነራሉ፣ አሁን የሚታየው እንቅስቃሴ ግን ስልጣን ላለመልቀቅ፣ ለውጥን ለመቃወምና ከተጠያቂነት ለማምለጥ የሚደረግ መደበቂያ ስልት ነው ብለዋል።

ይህ የፖለቲካ አካሄድ ቀደም ሲል የነበረውን የጊዜያዊ አስተዳደር መሪ አቶ ጌታቸው ረዳን ለማግለል ሲሸረብ የቆየና አሁን ደግሞ በሌተናል ጀነራል ታደሰ ወረደ ላይ እየቀጠለ ያለ ሴራ አካል መሆኑን ጀነራል ሳሞራ አመልክተዋል። አሁን ላይ እየታየ ያለው የፖለቲካ እንቅስቃሴ ዋና ዓላማ የፌደራል መንግስት የሚያካሂደውን ሀገራዊ ምርጫ ለማስተጓጎል ያለመ ሊሆን እንደሚችል በመጥቀስ፤ የትግራይ ህዝብ ላለፉት ሰባትና ስምንት ዓመታት የመምረጥ መብቱ ተነፍጎ መቆየቱን አስታውሰዋል። በመሆኑም “መንግስትነታችንን መለስን” ወይም ወደ ቀድሞው ሁኔታችን ተመለስን የሚለው ውሳኔ በፌደራል መንግስቱም ሆነ በሕገ-መንግስቱ ተቀባይነት የሌለውና አደገኛ አካሄድ መሆኑን ጀነራሉ በጥብቅ አሳስበዋል።

የክልሉ ጀነራሎችና ከፍተኛ መኮንኖች በስልጣን ላይ ለመቆየት የሚፈልጉት ስልጣን ስለሚወዱ ብቻ ሳይሆን፣ በጦርነቱ ወቅት ለጠፋው የሰው ህይወት ተጠያቂነትን ስለሚፈሩ መሆኑን ጀነራል ሳሞራ ገልጸዋል። በመሆኑም የፌደራል መንግስት ጉዳዩን በሰከነና በበሰለ መንገድ መፍታት እንዳለበት በመጠቆም፤ የክልሉ ጀነራሎችና ኮሎኔሎች “ይበቃል” በማለት ሰራዊቱ ወደ ተሃድሶና ትጥቅ መፍታት ሂደት እንዲገባ ሊያደርጉ እንደሚገባ ጥሪ አቅርበዋል። ፖለቲከኞችም ስልጣን እንዲለቁ ግፊት እንዲደረግ ያሳሰቡት ጀነራሉ፤ የተፈረመው የሰላም ስምምነት ለህዝቡ እረፍት ይሰጣል ተብሎ ቢጠበቅም፣ አሁን ያለው የስልጣን ፍኩቻ ግን ህዝቡን ወደ ባሰ ጭንቀት እየከተተው በመሆኑ የትግራይ ህዝብ ከዚህ በላይ ለእነዚህ አመራሮች ዕድል መስጠት እንደሌለበት አስገንዝበዋል።

ይህን ያስነበበን አዲስአድማስ ጋዜጣ ነው።

Teddy Hawassa

May 25, 2026, 03:45 AM

📷 Photo

(ቴዲ ሀዋሳ)

ፈረጃ የተሰኘ ፊልም ለመስራት ከህዝብ (crowdfunding) ከ 3 ሚሊየን ብር በላይ በተሰበሰበ በጀት ለሦስት ዓመታት ሲያካሂድ የቆየውን ቅረፃ እንዳጠናቀቀ በነገረን እለት የታየው የአርቲስቱ አካላዊ ሁኔታ ብዙዎቹን አነጋግሯል።

አንዳንዶች መክሳትም፣መወፈርም፣መገርጣትም፣ድንቡሽበሽ ለመምሰልም ምንችልበት ሌላው ቢቀር ሌላ ሠው ማሳተፍም እየተቻለ በሰለጠነ ዘመነ እየኖርን ይህ ፍፁም ተቀባይነት የሌለው ኋላ ቀርነት አልፎም ለፊልሙ ነው ይበለን እንጅ አርቲስቱ የጤና ችግር አጋጥሞት ሳይሆን እንደማይቀር ሲናገሩ

ሌሎች ይህ ሊደነቅ የሚገባው ለጥበብ የተከፈለ ዋጋ ነው እጅግ ድንቅ እና የተዋጣለት ስራ እንደሚሆን እንጠብቃለን ሲሉ ተደምጠዋል።

የ'ኔ ጥያቄ እናንተስ ምን ትላላችሁ? የሚል ነው።

2,870

Teddy Hawassa

May 25, 2026, 03:45 AM

ክፍል 1 “ህዝቡን ተነስ ብሎ ማስነሳት ይቻላል? ከአድማጭ ተመልካቾች ጋር ቀጥታ ጥያቄና መልስ"
https://youtu.be/kpn_3VyaYk4

3,110

Teddy Hawassa

May 25, 2026, 03:45 AM

📷 Photo

(ቴዲ ሀዋሳ)

አትሌት የብርጓል
መለሰ በድንገት ህይወቷ አለፈ።

በኢትዮጵያ የማራቶን እና የግማሽ ማራቶን ውድድሮች በስኬት የምትታወቀው ታዋቂዋ አትሌት የብርጓል መለሰ፣ ዛሬ ማለዳ ልምምድ ላይ እያለች ባጋጠማት ድንገተኛ የጤና መታወክ ምክንያት ህይወቷ አልፏል። የሁለት ልጆች እናት የሆነችው የ36 ዓመቷ አትሌት የብርጓል፣ ከሁለት ሳምንት በኋላ በካናዳ በሚካሄደው የኦታዋ ማራቶን ለመሳተፍ በከፍተኛ ዝግጅት ላይ በነበረችበት ወቅት ይህ አሳዛኝ ክስተት ማጋጠሙ ለመላው የስፖርት ቤተሰብ ትልቅ ድንጋጤ ሆኗል።

አትሌት የብርጓል መለሰ በስፖርታዊ ጉዞዋ በቺካጎ፣ ሻንጋይ፣ ፕራግ እና ሂውስተን ማራቶኖች ላይ የላቀ ውጤት በማስመዝገብ ለሀገሯ ኩራት የሆነች ብርቱ ስፖርተኛ ነበረች። በመላ አፍሪካ ጨዋታዎችም ጭምር ስሟን በደመቀ ሁኔታ ያስጠራችው ይህች አትሌት፣ በድንገት መለየቷ በኢትዮጵያ አትሌቲክስ ላይ ትልቅ ክፍተት ፈጥሯል። ለቤተሰቦቿና ለወዳጅ ዘመዶቿ ሁሉ መጽናናትን እንመኛለን።

3,010

Teddy Hawassa

May 25, 2026, 03:45 AM

📷 Photo

ትላንት ቲክቶክ ላይ በነበረው ውይይት ምን ታዘባችሁ?

2,220

Teddy Hawassa

May 10, 2026, 03:06 PM

📷 Photo

(ቴዲ ሀዋሳ)

በፊንቴክ ኢንቨስትመንት የተጠረጠሩት አርቲስቶችና
ቲክቶከሮች የዋስትና መብት ተፈቀደላቸው።

በ'ፊንቴክ ኢንቨስትመንት' ስም በተፈጸመ የማጭበርበር ወንጀል ተጠርጥረው በቁጥጥር ስር ውለው የዋሉት ታዋቂ አርቲስቶችና ቲክቶከሮች የዋስትና መብታቸው እንዲከበርላቸው የፌደራል ከፍተኛ ፍርድ ቤት ልደታ ምድብ ችሎት ወሰነ። አቃቤ ህግ ከአምስተኛ ተከሳሹ መንሱር ጀማል በስተቀር የሌሎቹ ተጠርጣሪዎች የዋስትና መብት እንዲከበር ተስማምቷል። ፍርድ ቤቱ ተጠርጣሪዎቹ ለዋስትና የሚያስይዙትን የገንዘብ መጠን ለመወሰን ለሰኞ ግንቦት 3 ቀን 2018 ዓ.ም ቀነ ቀጠሮ ሰጥቷል።

ከዋስትናው ጋር በተያያዘ አቃቤ ህግ በአምስተኛ ተከሳሽ መንሱር ጀማል ላይ ያለውን የተለየ ተቃውሞ በጽሁፍ እንዲያቀርብ ፍርድ ቤቱ ትዕዛዝ ሰጥቷል። በቀጠሮው ቀን ተጠርጣሪዎቹ የሚያስይዙት የገንዘብ መጠን ተለይቶ የሚታወቅ ሲሆን፣ መንሱር ጀማልን በተመለከተም አቃቤ ህግ የሚያቀርበው ተቃውሞ ተመርምሮ የፍርድ ቤቱ የመጨረሻ ውሳኔ ይጠበቃል።

1,960

Teddy Hawassa

May 10, 2026, 03:06 PM

🎥 Video

ታማኝ በየነ የደረሰበት ነቀፌታ ኢትዮጵያዊነት በቃኝ ሚያስብል ነው ብላችሁ ታስባላችሁ?

1,670

Teddy Hawassa

May 10, 2026, 03:06 PM

በመካከለኛ ምስራቅ ጦርነት ምንም እንኳ አሜሪካ በኢራን ከደረሰባት ውርደት በሠላማዊ መንገድ ከጣጣው ለመገላገል ፍላጎት አሳይታ እንቅስቃሴ ብትጀምርም።

ወትሮውንም ጦርነቱ የአሜሪካ ስላልነበር በቀላሉ ሚሳካላት አይመስልም።

አሁን በተሰማ ወሬ ወደ ነጩ ቤተመንግስት የደወሉት ቤንጃሚን ኔታኒያሆ

“ኢራን ኒውክሊየር ለመስራት ያበለፀገቻቸውን ዩራኒየም አንድም ሳይቀር ካስወገደች በኋላ ይህም ሲረጋገጥ ነው የሠላም ስምምነት ልትፈራረም ምትችለው ብለው የሰጡትን ትዕዛዝ ትራምፕ ተቀብሎታል።

አውቃለሁ የዓለምን ነባራዊ ሁኔታ እያናወጠ ስለሚገኘው የመካከለኛ ምስራቅ ወቅታዊ ሁኔታ ጠንከር ባለ የፖለቲካ ቃላቶች ነበር መፃፍ የነበረብኝ።

ነገር ግን የቱንም ያህል በጠንካራ ቃል ብፅፈው እውነታውን ከዚህ በተለየ አይገልፀውም።

በአጭሩ በመካከለኛ ምስራቅ ዙሪያ እራኤል ሳትፈቅድ አሜሪካ በተናጠል ምትወስነው ምንም አይነት ውሳኔ የለም።

1,600

Teddy Hawassa

May 10, 2026, 03:06 PM

📷 Photo

ይፈለጋሉ !!

( ቴዲ ሀዋሳ )

እነዚህ በፎቶው ላይ የምትመለከቷቸው ግለሰቦች በከባድ ሙስና ወንጀል ይፈለጋሉ። ስለዚህም ተፈላጊዎቹን የሚመለከት ማንኛውም መረጃ ካለዎት እንድታሳውቁን እያለ የተለመደ ትብብሩን ይጠይቃል።
የኢትዮጵያ ፌዴራል ፖሊስ

1,410

Teddy Hawassa

May 10, 2026, 03:06 PM

(ቴዲ ሀዋሳ)

ህውኃት እና ብልፅግና ዳግም ሊዋጉ ይችላሉ?

የቴዲ እይታ

በኛ ቶን ሊደንስ አልቻለም ያሉትን ጀነራል ታደሰ ወረደን ከስልጣን አንስተው ሻዕቢያዎች ደብረፂዮንን ውዝፍ የመንግስት እዳ አለ በሚል ስም በፖለቲካው ዓለም ተሰምቶ በማይታወቅ መንገድ ሾመውታል።

ሻዕቢያ ያልኩት ከጌታቸው ረዳ ጀምሮ ህውኃቶች ከኢሳያስ ሰዎች ጋር በግልፅ ይመካከሩ ስለነበሩ ከእነሱ ያገኙት ምክረ ሀሳብ በመሆኑ ነው።

ለአንድ ዓመት ስልጣኑ ተራዝሞ የነበረው ታደሰ ወረደ መነሳቱ በብልፅግና ሠዎች ዘንድ እንዴት ሊታይ ይችላል?

በኔ እምነት

ብልፅግናዎች አሁን ተቻኩለው ከህውኃት ጋር ድብድብ ውስጥ ሚገቡ አይመስለኝም።

ነገር ግን ከህውኃት ባህሪ በመነሳት ድብድቡ ማይቀር ይሆናል።

እንዴት?

አብይ አህመድ አሁን ዝምታን ቢመርጠም ሳይወድ በግዱ ወደ ጦርነት ሊገባ ሚችልበት ከፊቱ የተደቀኑ ትልልቅ ፈተናዎች አሉ። አንድ ሁለቱን ላንሳ

የምርጫ ቦርድ የፖለቲካ ፓርቲዎች መተዳደሪያ ደንብ 1162/2011 መሰረት ህውኃት ጠቅላላ ጉባኤ አድርጎ ቃለጉባኤውን ለ ምርጫ ቦርድ እንዲልክ ሦስት ጊዜ ተጠይቆ አሻፈረኝ በማለቱ በተደጋጋሚ በወጣበት ማስታወቂያ የተሰረዘ ፓርቲ ነው።

ይህ ማለት በቀጣይ 7ተኛ ዙር ሀገራዊ ምርጫ ትግራይ ክልል ውስጥ ከህውኃት ውጪ ሌሎች ፓርቲዎች ይወዳደራሉ ማለት ነው።

ከተወዳደሩ ደግሞ ክልሉን ለማስተዳደር ስልጣን ያገኛሉ ማለት ነው። ይህ እንዲሆን ደግሞ ህውኃት አይፈቅም።

እዚህ ጋር ነው የፌደራል መንግስቱ ሚፈተነው።

የምርጫ ወቅት ባይሆን ህዝቡ ራሱ አንቅሮ ይትፋቸው ብሎ በዝምታ ሊቀመጥ ይችል ነበር አሁን ግን ነባራዊ ሁኔታው ያን ሚያስችል አይሆንም። ክበክልሉ ሚንቀሳቀሱ ፓርቲዎችም ሆኑ ታጣቂዎች የፌደራል መንግስቱን ጣልቃ ገብነት መጠየቃቸውም አይቀርም እየጠየቁም ነው።

ሌላው ህውኃት አስቀድሞም ከሻዕቢያ ሠዎች ጋር ጥምረት መፍጠሩ እሙን በመሆኑ የተወሰኑ ፋኖዎችንም ጨምሮ የፌደራል መንግስቱን ለመቆጣጠር ፀብ አጫሪ ድርጊቶች ውስጥ መግባታቸው አይቀሬ ይሆናል።

ይህ ሁለተኛው የፌደራል መንግስት ፈተና ይሆናል።

እነዚህን እና ሌሎች ተያያዥ ጉዳዮችን ስደማምራቸው ብልፅግና የቱን ያህል ነገሮችን በዝምታ አያለሁ ብሎ ቢቀመጥም ሳይወድ በግዱ ዳግም ከ ህውኃት ጋር ጦርነት ውስጥ መግባቱ አይቀሬ ይሆናል ባይ ነኝ ።

በጀት መከልከል ከፌደራል መንግስቱ ጋር ሚገናኛቸውን ገመዶች መበጣጠስ ብቻውን ዘላቂ መፍትሄ አይሆንም። በኃይል ከመጣው የደብረፂዮን ቡድን ጋር አብሮ መስራት ለህገወጥነት እውቅና መስጠት ነው ብለው ሊያስቡ ይችላሉ እንስራ ቢሉም አይግባቡም።

ባጠቃላይ የሰሜን ኢትዮጵያ ሁኔታ ችግሮች በሠላማዊ መንገድ ከሚፈቱበት ይልቅ ወደ ድብድብ የመሄዳቸው ፍጥነት እለት ተዕለት እየጨመረ ነው።

ሠላም በስራ እና በተግባር ሚገኝ እንጂ በምኞች ብቻ ሚገኝ እንዳልሆነ ባውቅም

ሠላም ከማለት በቀር አማራጭ የለኝም።

1,980

Teddy Hawassa

May 10, 2026, 03:06 PM

1,920

Teddy Hawassa

May 10, 2026, 03:06 PM

📷 Photo

ትብብር ለኢትዮጵያ ያደረሰን መግለጫ ነው።

1,710

Teddy Hawassa

May 10, 2026, 03:06 PM

‼️ማስጠንቀቂያ

የተባበሩት አረብ ኤምሬትስ ያላችሁ ወገኖቻችን ከዚህ ቀደም ከ ሳምንት በፊት ነግሬያችኋለሁ።

የቻላችሁ ሀገሪቱን ለቃችሁ ቶሎ ውጡ።

ማትችሉ እጅግ ከፍተኛ ጥንቃቄ አድርጉ ሞል እና ህዝብ መሰብሰቢዎች አካባቢ አትሂዱ።

የመካከለኛ ምስራቅ ጦርነት ከዚህ ቀደም ካየነው በባሰና በከፋ ሁኔታ ሊጀመር ነው።

2,040

Teddy Hawassa

May 10, 2026, 03:06 PM

📷 Photo

(ቴዲ ሀዋሳ)

ህወሓት ዶ/ር ደብረፅዮንን የክልሉ
ፕሬዝዳንት አድርጎ መረጠ።

ዛሬ በተካሄደው የትግራይ ምክር ቤት ጉባኤ፣ ዶ/ር ደብረፅዮን ገብረሚካኤል የክልሉ ፕሬዝዳንት ሆነው በአብዛኛው ድምፅ በይፋ ተመርጠዋል። በዚሁ ጉባኤ ላይ ወይዘሮ ኪሮስ ሐጎስ አፈ-ጉባኤ፣ ወይዘሮ ምህረት በርሄ ደግሞ ምክትል አፈ-ጉባኤ ሆነው ተሰይመዋል። ምክር ቤቱ አዲሱን የክልሉን መንግሥት ያዋቀረው የፕሪቶሪያው የሰላም ስምምነት በፌደራል መንግስቱ በኩል ተጥሷል በሚል መነሻ ሲሆን፣ ይህም በክልሉ ፖለቲካዊ መድረክ አዲስ ፍጥጫ ፈጥሯል።

አዲሱ ፕሬዝዳንት ዶ/ር ደብረፅዮን እስከ ቀጣዩ ስብሰባ ድረስ በአስፈፃሚው አካል ላይ አስፈላጊውን ማስተካከያና አዳዲስ ሹመቶችን እንዲያደርጉ ከምክር ቤቱ ሙሉ ስልጣን ተሰጥቷቸዋል። ይህ ድንገተኛ የመንግሥት ምሥረታ እርምጃ በትግራይ ክልልና በፌደራል መንግስቱ መካከል ያለውን ግንኙነት ወደ የትኛው አቅጣጫ ሊወስደው እንደሚችል በብዙዎች ዘንድ ከፍተኛ መነጋገሪያና ስጋት ሆኗል። የክልሉ ጊዜያዊ አስተዳደር ፕሬዝዳንትም ሆኑ የፌዴራል መንግስት በጉዳዩ ላይ እስካሁን የሰጡት መግለጫ የለም።

1,910

Teddy Hawassa

May 10, 2026, 03:06 PM

📷 Photo

2,260

Teddy Hawassa

Apr 28, 2026, 01:54 AM

📷 Photo

ታደሰ ወረደ የጌታቸው ረዳ እጣፈንታ ሊገጥመው አስራአንደኛ ሰዓት ላይ የቆመ ይመስላል?

ጀነራሉ ግን ማንም በቀላሉ አይፈነቅለኝም እያሉ ነው

የትግራይ ክልል ነባራዊ ሁኔታ ወዴት ያመራ ይሆን?

1,940

Teddy Hawassa

Apr 28, 2026, 01:54 AM

📷 Photo

(ቴዲ ሀዋሳ)

በቴዲ አፍሮ ኢቶሪካ አልበም ዙሪያ ፖለቲከኛው አቶ ልደቱ አያሌው የሚከተለውን ፅፈዋል።

ኢቶሪካ እና የወፍ-በረር ትዝብቶቼ
ከአገራችን የኪነ-ጥበብ ሰዎች መካከል የግፍ አገዛዝን በመጋፈጥ እረገድ በዘመነ ኢህአዴግ አንደኛ፣ በዘመነ
ዐቢይ ደግሞ አራተኛ ጀግናዬ አርቲስት ቴዎድሮስ ካሳሁን ነው። የተጽዕኖ ፈጣሪውን የቴዲን አልበም መለቀቅ
ተከትሎ በተፈጠረው የሰሞኑ ከፍተኛ የህዝብ ስሜት ዙሪያ የሚከተሉትን ስምንት ቁም-ነገሮች
ታዝቤአለሁ። ትዝብቶቸ የድርሻ ኃላፊነቱን የተዎጣውን ቴዲ አፍሮን ሳይሆን የሱን አልበም መለቀቅ ተከትሎ
የተፈጠረውን የህዝብ ስሜት የሚመለከቱ ናቸው።
1ኛ. ማናችንም ከምንገምተው በላይ የኢትዮዽያ ህዝብ በአሁኑ ወቅት በከፍተኛ ብሶት፣ ምሬት፣ ስጋት፣
የተቃውሞ ስሜትና የለውጥ ጥማት ውስጥ ነው።
2ኛ. በአገራችን ተጨባጭ ለውጥ እንዲመጣ በቋሚነት ከምንደክመው ፖለቲከኞችና ማህበራዊ አንቂዎች
በላይ ኪነ-ጥበብ በብዙ እጥፍ የህዝብን ስሜት የማነሳሳት ትልቅ አቅምና ሚና ዓላት።
3ኛ. የወቅቱ የአገራችን የብሄር ብሄርተኞች “አልቆለታል”
ብሄርተኝነት ፖለቲካ ዛሬም በህዝቡ ውስጥ “የተዳፈነ ረመጥ” ሆኖ ቀጥሏል።
ወይም “ተሸንፏል” ከሚሉት በተቃራኒ የኢትዮዽያ
4ኛ. የህዝበኝነት /Populism/፣ የስሜታዊነት፣ የጽንፈኝነት፣ የብሄርተኝነት እና የመርህ የለሽነት የፖለቲካ
ባህል በህዝባችን ውስጥ አስፈሪ በሆነ መጠን ተጠናክሮ ቀጥሏል።
5ኛ. አብዛኛው የአገራችን የፖለቲካ ማህበረሰብ ተደራጅተው ከሚታገሉለት፣ ከታሰሩለት እና መተኪያ
የሌለው ውድ ህይዎታቸውን ጭምር በሰላማዊም ሆነ በትጥቅ ትግል አሳልፈው ከሰጡለት ጀግኖቹ በላይ
በዘፈንና በቅኔ ስሜቱን ለሚገልጹለት አርቲስቶች የበለጠ ፍቅርና አድናቆት አለው።
6ኛ. ዘላቂ ሰላም እና ፍቅር፣ እኩልነት እና አንድነት በባዶ ቃላት የምንመኛቸው ባዶ ተስፋዎች ከመሆን
አልፈው መሳኪያ መንገዳቸው የገባን ዓላማዎቻችን አልሆኑም።
7ኛ. አሸናፊነትና ዘላቂ ለውጥ በስሜትና በምኞት ሳይሆን በተደራጀ ትግልና መስዋዕትነት ብቻ የሚገኝ
ውጤት መሆኑ ገና አልገባንም።
8ኛ. ከቴዲ አፍሮ ዜማና ቅኔ በላይ የኢትዮዽያ የፖለቲካ ማህበረሰብ ፍች የጠፋለት ቅኔ ሆኗል።
ፖለቲከኞች እና ማህበራዊ አንቂዎች ስምንት ዓመት ታግለን ማነሳሳት ያልቻልነውን ሕዝብ ቴዲ አፍሮ
በስምንት ደቂቃ የ“ዳስ ጣል” ዜማና ቅኔው አነሳስቶታል። ይህን ሳይ ፖለቲከኛ ከመሆን ይልቅ ቅኔ ዘራፊ
በሆንኩ የሚል መንፈሳዊ ቅናት አድሮብኛል። ቴዲ አፍሮ “ስማ እራሴ” እንዳለው የስምንቱን ትዝብቶቸን
ዝርዝር ትንታኔ ቅኔ ወዳጅ የሆናችሁት እናንተ፣ ለእናንተው እንድትነግሩት ትቸዋለሁ። ተወያዩበት። አሁን፣
በኢትዮዽያ ሰዓት አቆጣጠር ከምሽቱ 11 ሰዓት ነው።

ልደቱ አያሌው/ሚያዚያ 13 ቀን 2018 ዓ/ም

Teddy Hawassa

Apr 28, 2026, 01:54 AM

📷 Photo

እየሰማን እንዳለነው መረጃ ከሆነ በአርቲስት ቴዲ አፍሮ ዙሪያ ያሉ ሰዎች እየታሰሩ ነው።

ቴዲንም ለማሰር እንቅስቃሴዎች አሉ የሚሉ ወሬዎችን እያነበብን ነው።

ለመሆኑ ቴዲ አፍሮ ለምንድነው ሚታሰረው? ውሳኔውስ ትክክል ነው ብላችሁ ታምናላችሁ?

የዛሬ የዩቲውብ፣ቲክቶክ እና የፌስቡክ ውይይታችን ርዕስ ይህ ነው።

2,450

Teddy Hawassa

Apr 28, 2026, 01:54 AM

📷 Photo

(ቴዲ ሀዋሳ)

የእስራኤል ወታደር የእየሱስ ክርስቶስን ኃውልት ሲያፈርስ የታየው ምስል ትክክለኛ መሆኑን የእስራኤል መከላከያ ሚንስትር አረጋገጠ ለድርጊቱ አጣርተን እርምጃ እንወሳዳለን ቢሉም ድርጊቱ ግን በመላ ዓለም ሚገኙ የክርስትና እምነት ተከታዮችን እጅግ ያስቆጣ ሆኗል።

በደቡባዊ ሊባኖስ በዲር ሲሪያን ከተማ አንድ የእስራኤል ወታደር የኢየሱስ ክርስቶስን ሃውልት ሲያወድም የተቀረፀውን ቪዲዮ ሃሬትዝ የተሰኘው የእስራኤል ኦንላይን ጋዜጣ እሁድ እለት ዘግቧል። ዕለታዊ ጋዜጣው ሁኔታው ​​እና ትክክለኛ ጊዜ ላይ ዝርዝር መረጃ ሳይሰጥ፣ ወታደሩ በከተማው ውስጥ ያለውን ሃውልት ሲያፈርስ በሚታይ ቪዲዮ ላይ መገኘቱን ገልጿል።

ለሪፖርቱ ምላሽ የሰጠው የእስራኤል ጦር ድርጊቱ “ከሰራዊቱ እሴት ወይም ከወታደሮቹ ከሚጠበቀው ባህሪ ጋር አይጣጣምም” ብሏል። የእስራኤል ጦር ስለ ወታደሩ ማንነት ወይም ሊወሰድበት የሚችለውን የዲሲፕሊን እርምጃ ተጨማሪ ዝርዝሮችን ሳይሰጥ ክስተቱ “በጥልቅ እና አጠቃላይ” እንደሚመረመር እና በግኝቶቹ ላይ በመመስረት ተገቢ እርምጃዎች እንደሚወሰድ አስታውቋል።

ከመጋቢት 2 ጀምሮ የእስራኤል ጦር በሊባኖስ ላይ በፈፀመው ጥቃት 2,294 ሰዎችን ገድሏል፣ 7,544 ሰዎች ደግሞ ቆስለዋል። ከ1 ሚሊዮን በላይ ሰዎች በግጭቱ ፍራቻ መፈናቀላቸውን ይፋዊ አሃዞች ያሳያሉ።የዩናይትድ ስቴትስ ፕሬዝዳንት ዶናልድ ትራምፕ ከሊባኖሱ ፕሬዝዳንት ጆሴፍ አውን እና ከእስራኤል ጠቅላይ ሚኒስትር ቤንጃሚን ኔታንያሁ ጋር ያደረጉትን ጥሪ ተከትሎ በሊባኖስ ለ10 ቀናት የሚቆይ የተኩስ አቁም ስምምነት ሀሙስ እኩለ ሌሊት ለአርብ አጥቢያ ላይ መደረሱን አስታውቀዋል።

2,300

Teddy Hawassa

Apr 28, 2026, 01:54 AM

📷 Photo

ዛሬ የውይይት አጀንዳችን ይህ ነው

2,350

Teddy Hawassa

Apr 28, 2026, 01:54 AM

📷 Photo

ዛሬ በባንዲራ ጉዳይ ስንወያይ አንድ አድማጭ ይሄ ያስማማናል ብሎ ልኮልኛል እኔ ለህዝብ አቀረቡኩት ተቃውሞ ግን ብዙም አልገጠመኝም ምን ትላላችሁ?

2,170

Teddy Hawassa

Apr 28, 2026, 01:54 AM

📷 Photo

የባንዲራ ጉዳይ አሁን ድረስ መፍትሄ ያላገኘ አጨቃጫቂ ርዕስ ነው ሁሉም ሠው የየራሱ ምርጫ አለው

ለመሆኑ የኢትዮጵያውያን የሁላችንም ባንዲራ መሆን አለበት ብላችሁ ምታስቡት የትኛው ነው

ምርጫችሁን ከአጭር ምክንያት ጋር አስቀምጡ።

1,990

Teddy Hawassa

Apr 28, 2026, 01:54 AM

📷 Photo

በኢትዮጵያ ሴቶች እግር ኳስ ተስፋ የተጣለባት ወጣት ህይወት በታጣቂዎች ድንገተኛ ጥቃት አልፏል።

( ቴዳ ሀዋሳ )

በኢትዮጵያ ሴቶች እግር ኳስ ውስጥ ደምቃ ለመታየት ስትዘጋጅ የነበረችው ተሰጥኦ ያላት ተጫዋች ኢክረም አብዱ ባልታወቁ ታጣቂዎች በተሰነዘረ ጥቃት ህይወቷ ማለፉ ተሰማ።

ተጫዋቿ ህይወቷ ያለፈው ከትውልድ ስፍራዋ መተሐራ ወደ አዳማ ከተማ በመጓዝ ላይ እያለች መንገድ ላይ በታጣቂዎች በተከፈተባት ጥቃት መሆኑ ታውቋል።

ይህ አሰቃቂ ድርጊት የተፈጸመው ተጫዋቿ የውድድር ዘመኑን እረፍት አጠናቃ ለቀጣዩ አመት ራሷን እያዘጋጀች በነበረችበት ወቅት ነው።

ኢክረም አብዱ በግራ መስመር ተከላካይነት የምትታወቅ ጠንካራ ተጫዋች ነበረች። ካለፈችባቸው ዋና ዋና መንገዶች መካከል፦

ከ2012 - 2015፡ በኢትዮጵያ ስፖርት አካዳሚ ለአራት ተከታታይ ዓመታት ስልጠናዋን ተከታትላለች።

በአካዳሚ ቆይታዋን ካጠናቀቀች በኋላ ለሸገር እግር ኳስ ክለብ በመጫወት አገልግላለች።

ለአካዳሚው የተመረጠችው ከመተሐራ ከተማ በነበራት ድንቅ ብቃት ነበር።

"ኢክረም በሜዳ ላይ ያላት ጥንካሬና ለጨዋታ የነበራት ፍቅር የብዙዎችን ትኩረት የሳበ ነበር፤ ሞቷ ለመላው የስፖርት ቤተሰብ ትልቅ ድንጋጤ ሆኗል።" ያለው ሀትሪክ ስፖርት ነው።

ቴዲ ሀዋሳ ለሟቿ ቤተሰቦች እና ለወዳጅ ዘመዶቿ መጽናናትን ይመኛል።

2,010

Teddy Hawassa

Apr 28, 2026, 01:54 AM

📷 Photo

2,090

Teddy Hawassa

Apr 28, 2026, 01:54 AM

📷 Photo

ሰሞኑን በማህበራዊ ሚዲያዎች ምስላቸው ሲዘዋወር የነበረው የደህንነት ሹሙ አቶ ሬዱዋን ሁሴን ዛሬ በፌስቡክ ገፃቸው ላይ ተከታዩን መልዕክት አጋርተዋል።

( ቴዲ ሀዋሳ )

"የግል ሀዘንና ደስታ ፣ ሳቅና ለቅሶ ፣ መታመምና መዳን ሁልጊዜ ለገበያ መቅረብ አለበት ብዬ አላምንም ። ግን ደሞ አደባባይ የሚያውል ስምሪት ላይ ያለ ሰው ከፊል ህይወቱ ለህዝብ ዕይታና አስተያየት ክፍት መሆኑ የግድ ነው። እናም በዋነኝነት ሰሞኑን ወዳጅና ዘመድ፣ ቢያንስ ኢትዮጵያዊ ስለሆንን አሳሰበን፣ እንደ ሰው ምን ተፈጠረ? በሚል የተጨነቁትን ታሳቢ በማድረግ መርጃ ባጋራ በማለት የሚከተለውን ግልፅ ማድረግ ፈለኩ።

በዚያውም የመጥፎ ምኞትና ሀሰትን መሰረት መረጃ በማጥራት አስታክኬ ጎሸም ባደርግ ደግኛ ነው ብዬ።
ከሁለት ሳምንታት በፊት በሀገራዊ ጉዳይ የሚመክር ስብሰባ አስተናግደን ለምሳ እንዳረፍን ንፋስ ለመከላከል የተጋረደ የእንጫት አካፋይ ( Partition Wall ) ሚዛን ስቶ ሲወድቅ አናቴ ጋርና ትንሽ ገባ ብሎ አገኘኝ።

ስንጥቁ መሰፋት ስለነበረበት ሀኪሞች በከፊል ላጩት። እኔ ደሞ ሙሉውን ቢሆን ይሻላል ብዬ እስከሚደርቅ አነሳሁት። እንደልጅነቴ ተመልጬ ሳየው አልጠላሁትም። ወዳጆችም እንዲያውም ሸጋ ነው አሉኝ። በተመልካች አስተያየት ተበረታትቼ ትንሽ ደሞ በአዲስ መልክ ልሞክረው ብዬ ዘለቅኩበት።

የሆነው ይኽው ነው። የታከምኩትም አሚን ሆስፒታል ነው።እናማ እንኳን ለህክምና ለስራም ወደ ውጭ ሀገር አልወጣሁም። ምንም ያልተባለውም ምን አዲስ ነገር አለ በሚል ነው። ለማንኛውም ለተጨነቁት ምስጋናና አክብሮቴ ይድረስ።"

2,300

Showing 30 of 53 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Loading recommended channels...

Teddy Hawassa

Teddy Hawassa

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

⚡3MP®️_ High Risk Fast Calls _ MINISHPATAL⚡

K2FX engine room

nemoroses is a dj! somehow...

SHAXA UC 🇺🇿

❤️‍🔥DlyaDushe🎧

ᴍᴜxᴛᴀsᴀʀ ɴᴀᴢᴀʀᴏᴠᴀ (Ayollar Psixologi)

ELITE MCX KING

Amudaryo tuman ixtisoslashtirilgan maktabi

Related Telegram Channels

⚡3MP®️_ High Risk Fast Calls _ MINISHPATAL⚡

K2FX engine room

nemoroses is a dj! somehow...

SHAXA UC 🇺🇿

❤️‍🔥DlyaDushe🎧

ᴍᴜxᴛᴀsᴀʀ ɴᴀᴢᴀʀᴏᴠᴀ (Ayollar Psixologi)

ELITE MCX KING

Amudaryo tuman ixtisoslashtirilgan maktabi

User Reviews (0)

Latest Posts