No reviews yet. Be the first to share your experience!
Latest Posts
Mora Academy
Apr 27, 2026, 07:22 PM
📷 Photo
الطريقة الثالثة انك ترسم بإيدك حاجات تفكرك بالإجابة .. زي كده
577
7
0
Mora Academy
Apr 27, 2026, 07:22 PM
Pharmacology 💊
( علم الأدوية )
♦️المادة مقسمة ٣ أجزاء :
١- أساسيات
٢- Autonomic nerves system
٣- تشكيلة كده من المضادات الحيوية على حاجات اسمها Autacoids على حاجات تانيه
💡 اى طرق المزاكرة ؟
📌اهم الحاجة الفهم
🔸 في الأساسيات : نعتمد شرح د عبد المتعال فودة ، تقفل الكتاب خالص و هات دفتر و استمتع بأجمل شرح فارما ستراه يومًا .
(بجد يا شباب الراجل ده لو حد مسمعهوش هيخسر كتير جدا)
🔸 في الANS : مهم اوي تفهموا الفسيولوجي بتاعه كويس قبل ما تدخلوا للفارما
في كام فيديو لninja nerd في الفسيولوجي ( او أي شخص تاني بتحب شرحه بس انا بفضل ده عشان شرحه ممتاز و موجز )
لو فهمت الفسيولوجي كويس هتفهم فارما كويس
طبعا هنسمع مين ؟ د. عبد المتعال خلاص ده ثابت معانا لحد ما نتخرج ان شاء الله
طيب .. في القسم ده هنبدأ ندخل في الأدوية
بدايةً لازم نعرف التقسيمة الاساسية للأدوية من حيث انها تبع عيلة اى ( classification)
بمعنى هتلاقي في تقسمية معينة تحتها تقسيمة تانيه تحتها تقسيمة ثالثه وهكذا
جمعلي بقا التقسيمات دي ( اسماء بس ) في ورقة واحدة
يعني بعد ما تخلصوا الparasympathetic و الsympathetic كله ، جمعوا الاسماء كلها في مخطط ( بالتقسيمة بتاعته )
كل مجموعة مشتركة من الادوية دي ( عيلة واحدة ) هنلاقي ليهم mechanism of action مشترك .. فكده احنا سهلنا على نفسنا بدل ما نحفظ كل واحد لوحده
بعد كده هيدخل في التفاصيل .. هيمسك كل دوا يطلب منك خمس حاجات :
١- الاستخدامات
٢- التأثيرات الجانبية
٣- موانع الاستخدام
٤- أعراض التسمم بالدوا ده
٥- مش دايما بس اوقات بيطلب منك برضو ازاى اعالج لو حصل تسمم ( الجرعة المضادة )
طبعا دوا ورا دوا هنلاقي الدنيا هاصت ، ف ازاى نثبتهم
١- لو فاهم صح الحفظ هيكون اسهل مليون مرة
٢- في طرق لتثبيت الحفظ ممكن تستعين بيها زي flash cards و visual mneomonics ( هنشرح يعني اى كمان شويه )
🔸القسم التالت : نفس فكرة التاني شوية أدوية و ليهم تقسيمة معينة
بالمناسبة في القسم ده اسمعوا الريكوردات عشان هتلاقوا حاجات كتير مش مهمة و حاجات أخرى الدكاترة بيركزوا عليها
طريقة الـ Flash cards
كنت بستعملها في الأدوية في الخمس مطالب اللى ذكرتهم فوق ، في برامج كتير زى انكي بس ده اللى بفضله عشان مفيهوش تعقيدات كتير واحنا إمكانياتنا التكنولوچية على قدنا 🤏🏻
472
5
Mora Academy
Apr 27, 2026, 07:22 PM
الطريقة الثانية اللي هي الـ Mneomonics
عندكم ٣ طرق ليها:
١- بتبقى فيديوهات على اليوتيوب (اسم القناة Pixorize)
أو موقع اسمه Sketchypharm
عبارة عن إنه بيربط المعلومات اللي عن الدوا ده في صورة
قصة كرتونية وشخصيات وأحداث
فيسهّل عليك تذكّرها
مثال: https://youtu.be/63oi41pzZmY?si=zKIkgASGa_Eh7Unu
499
8
0
Mora Academy
Apr 27, 2026, 07:22 PM
Pathology
( علم الأمراض ) 🩸🔬
♦️النظري :
مهم نعرف إن الباثولوجي هو علم وصفي .. يعني بيوصف تأثير المرض ده على العضو من حيث التغيير في الحجم او الشكل او اللون و غيره .. فببساطة بيوصفلك التغيرات الملحوظة بالعين المجردة و ده بنسميه ( gross picture)
الجزء التاني و هو لو أنا أخدت شريحة من العضو المريض ده و شفتها تحت الميكروسكوب يا ترى اى التغيرات اللى أقدر ألاحظها و لكن المرة دي بالميكروسكوب يبقى اسمها ( microscopic picture)
تمام خالص
طيب .. تخيل معايا
لو أنت رايح تخطب مثلا و جات مامتك فضلت تحكيلك مواصفات البنت .. شعرها لونه كذا ، طولها كذا ، عينيها لونها كذا .. إلخ
انت هتتخيل الكلام ده في ساعتها بس ممكن بعد اسبوع ، اسبوعين تنسى التخيل اللى انت تصورته في دماغك
لكن لو قولتلك انا هديك صورة ليها خليها معاك ( طبعًا شرعًا مينفعش ولكن يعني للمثال ) هتفضل دايما فاكرها ولو في يوم نسيت شكلها مش هتحتاج ترجع لمامتك تقولها احكيلي من الاول شكلها ازاى .. انت كل اللى هتعمله انك هتفتح الصورة وانت لوحدك هتستنج لون شعرها و عينيها و إلخ
نفس الفكرة بالظبط بالنسبة للباثولوجي
بس بدل ما هنستعين بصورة البنت لاء احنا لسه في سنة أولى فهنستعين بصورة للورم اللى موجود في الدرس مثلا - عافانا الله و إياكم - أو أي مرض آخر
بحيث اننا نربط الوصف اللى الكتاب كاتبه في هيئة نصوص برسومات احنا نرسمها ( حتى لو رسم كاريكتيري يفكرك ) او صورة حقيقية للمرض .
طيب الميكروسكوب .. نفس الفكرة ، ولو مش متاح في المنهج صورة مطابقة للكلام اللى في الكتاب
في قناة على اليوتيوب اسمها i love pathology بتنزل صور ميكروسكوب ( تقدر تبحث عن اللى انت عايزه ) و بتشرحلك واحدة واحدة اى التغيرات اللى حصلت في الشريحة دي
طيب بالنسبة للشرح بقا نسمع مين
أول حاجه هتنزل المحاضرات تسمع الشرح لان قسم الباثولوجى معروف بشرحه الحلو و الممتع و صدقنى مش هتحتاج تسمع حد تانى
طيب سمعت المحاضره و عايز برضو شرح خارجى يبقى تسمع د سامح غازي عاليوتيوب او د أحمد النمر شرحهم ممتاز
♦️القسم العملي :
اهتم بمزاكرة النظري هتلاقي نفسك تلقائيًا فاهم العملي
( هذا من حيث الفهم )
💡 طيب ازاى أثبت الحفظ ؟
١-قسم المعلومات ..
لأن الكومنتات بتبقى شبه البراجراف كده فبدل ما إنك تمسك براجراف مُصمت تحفظ فيه .. لاء قسمه و افهم هو بيشرح في اى
يعني مثلا هو بيشرح ورم من حيث لونه ، حجمه ، شكله الخارجي ، قوامه و حاجات تانية
ف انت اكتب المعلومات دي في هيئة مخطط مثلا
و حط جمبهم كام رسمة تفكرك بالمعلومة
٢- متفضلش تحفظ في الكومنت و تنسى تزاكر الصورة نفسها اللى محطوطة في الكتاب
الامتحان هيجيبلك الصورة دي و يقولك اكتب الكومنت
فلو انت حافظ الكومنتات صم بس نسيت ده كان تبع صورة اى فأنت حينذاك وقعت في ورطة مش هتسامح نفسك عليها فترة محترمة
📌 يبقى ..
بعد كل سكشن .. هنفهم كويس اللى أخدناه و يكون عندنا دفتر ننظم فيه معلومات الكومنتات دي بمخطط او رسومات و نحاول نحفظها حفظ مبدأي
مش لازم 100%
اخر الاسبوع تراجع اللى رسمته في الدفتر ده + تشوفه تبع صورة اى
و قبل السكشن اللى بعده تراجع السكشن اللى قبله
كده يعني .. واحدة واحدة هيتحفظوا
Mora Academy
Apr 27, 2026, 07:22 PM
Microbiology & Parasirology
أول حاجه بيتكلموا عن ايه المواد دول ؟
الميكرو منقسمة لاثنين:
ميكروبيولوجى بتتكلم عن البكتيريا و الفيروسات و المضادات الحيوية
و مناعة بتتكلم عن مناعة الجسم و طرق محاربة الجسم للميكروب
البارا : بتتكلم عن الطفيليات و تقسيمتها و دورة الحياة بتاعتها
---
خلّينا نقسّم مراحل الدراسة لـتهيئة - انضباط
♦️ 1) التهيئة (قبل بداية البلوك):
• هتجيب ورقة وقلم، وتكتب أخطائك في البلوك اللي فات
وفي ضهر الورقة تكتب: هتصلّح ده إزاي؟
• تكتب جدول محاضرات الكلية عادي جدًا + السكاشن
(مثال: يوم 9 محاضرة Mycology وسكشن ميكرو الساعة كذا)
ومع نهاية كل يوم، تشطب المحاضرة اللي ذاكرتها
كنت معلّقة الجدول قدام المكتب، فايدته إنك تشوف البلوك كله من فوق
(إيه اللي خلص وإيه اللي لسه)
و هنعملكم فهرس بمحاضرات الترم و هينزل بكره باذن الله
• التهيئة النفسية مهمة جدًا
لازم تكون محدد هدفك من البلوك ده
هل عايزه يعدّي بالزق زي بلوكات الترم الأول؟
ولا عايز تقف مع نفسك وقفة حقيقية؟ خصوصا ان البلوك ١٨٠ درجة مش حاجه قليلة و مع ذلك مش صعب أبدًا تقفله - مش مبالغة
---
♦️ 2) الانضباط (طول فترة البلوك):
1️⃣ حضور المحاضرات ضروري جدًا
الدكاترة شرحهم ممتاز + بيقولوا الأسئلة المقالية وبيحددوا المهم
2️⃣ مصدر الشرح للمحاضرات:
• ميكرو ➜ د. أحمد عصام
• بارا ➜ د. نهى مدبولي
3️⃣ الحل طبعا مهم جدا و يفضل تحل تانى يوم مش اول يوم عشان تعصر دماغك
📌 ملحوظة:
لو كنت بتحل معوان طول البلوك
يبقى قبل الامتحان حل الحريف
ولو العكس، اعكس
5️⃣ قبل سكاشن الميكرو مهم جدًا
اسمع شرح د. أميرة نظير (يوتيوب)
السكاشن تقيلة، فلما يكون عندك فكرة مسبقة هتبقى مركز أكتر
⚠️ مهم جدًا:
• سكاشن الميكرو تتذاكر أول بأول
• وآخر الأسبوع مراجعة سكاشن الأسبوع
وفيه كويزات، فغصب عنك هتراجع
وبلاش تعتمد إنك تغش الكويز
صدقنى إنت كده مش حلو و سابق زمانك وهتتاخد على دماغك في امتحان العملي
6️⃣ آخر الأسبوع
مراجعة محاضرات الأسبوع كله
(من الساعة 6 مثلًا لحد الضهر أو العصر)
وباقي اليوم حل أسئلة، ولو في مواصلات استغلها
---
🔶 بالنسبة للعملي:
• السكاشن تتذاكر أول بأول + مراجعة آخر الأسبوع
• قبل الامتحان يتراجعوا مرتين
المراجعة تكون تسميع لنفسك مش قراءة وخلاص
• حل كتير أسئلة سنين سابقة
• مينفعش تدخل الامتحان من غير ما تراجع من مذكرة معوان
• د. مي جمال (معيدة بقسم الميكرو)
لو مش بتديكم، اسمعوا الريكوردات بتاعتها
بتقول كل الأسئلة اللي ممكن تيجي على كل شريحة
اكتبوهم وراها وذاكروهم كويس
وأبشر بالتقفيل إن شاء الله 🤍
---
Mora Academy
Apr 27, 2026, 07:22 PM
📎 File
Document from Mario Nabil
637
14
0
Mora Academy
Apr 27, 2026, 07:22 PM
السلام عليكم يا شباب
إن شاء الله تكونوا بخير 🌹
هنبعتلكم شوية نصائح مهمة جدًا بخصوص بلوكات الترم التاني،
إن شاء الله تفيدكم وتساعدكم في تنظيم المذاكرة وتحقيق أحسن نتيجة بإذن الله .
366
7
0
Mora Academy
Apr 27, 2026, 07:22 PM
Test reaction !??
884
14
0
Mora Academy
Apr 19, 2026, 08:12 AM
توضيح :
كدا كل المحاضرات الفسيو جاية mcq
والريتن :
Homeostasis , body fluids , functions
دول مش جايين ريتن والباقي جاي ريتن
![Gold Boss™ [& Live News] Profile](/_next/image?url=https%3A%2F%2Fcdn.tgdio.com%2Fchannels%2F2025%2F10%2Fgoldbossfx.webp&w=256&q=75)
