BBM

Public

Can't Join? @breakingbrainwashedmediatelegram

3.6k Members

Updated: May 18, 2026 at 4:21 PM

BBM

Breaking Brainwashed Media

@breakingbrainwashedmediatelegram offers specialized information about media and breaking for subscribers interested in Breaking News

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 3.6K

24h growth: +0 0%

Latest Posts

BBM

May 3, 2026, 05:32 PM

ချင်းတောင်တိုက်ပွဲတွေအတွင်း စကစ တပ်တွေကို WITCHအဖွဲ့က အသေခံဒရုန်းရာချီသုံးပြီးနဲ့တိုက်ခိုက်ခဲ့

BBM-မေ၁
သတင်း-မင်းသော်

တော်လှန်ရေးအင်အားစုတွေ တိုက်ခိုက်
သိမ်းပိုက်ထားတဲ့ ချင်းတောင်ဒေသကို စကစ ကပြန်လည်ထိုးစစ်ဆင်လာတဲ့ တိုက်ပွဲတွေအတွင်းWITCH အဖွဲ့က အသေခံဒရုန်းတွေ ရာနဲ့ချီအသုံးပြုပြီး တိုက်ခိုက်ခဲ့တယ်လို့ Anti-Fascist International Front (AIF)ရဲ့ထုတ်ပြန်ချက်အရ သိရပါတယ်။

လွတ်မြောက်နေရာတွေကို ပြန်လည်သိမ်းပိုက်ဖို့ (၆)လကျော်အထိ ကျူးကျော်လာတဲ့ စကစ တွေဟာ အရင်းအမြစ်များစွာအသုံးပြုလာခဲ့ပြီး ချင်းပြည်တော်လှန်ရေးအင်အားစုတွေကလည်း သမိုင်းဝင်ခုခံတော်လှန်မှုတွေနဲ့ တိုက်ခိုက်ခဲ့တာကြောင့် စကစ ထိခိုက်သေဆုံးမှုများခဲ့တယ်လို့ သိရပါတယ်။

အဆိုပါတိုက်ပွဲတွေအတွင်း Anti-Fascist International Front (AIF)အနေနဲ့ ချင်းတော်ဘှန်ရေးတပ်တွေနဲ့ ပူးပေါင်းပါဝင်ခဲ့ပြီး CNDFရဲ႕ေထာက်ပံ့မှုဖြင့် WITCHအဖွဲ့ဟာ FPV Suicideဒရုန်းရာနဲ့ချီအပြင်အခြားအဆင့်မြင့်နည်းပညာတွေနဲ့ စကစရဲ့အရေးကြီးနေရာတွေကိုတိုက်ခိုက်ခဲ့တယ်လို့လည်း ဆိုပါတယ်။

ဒီနေ့ကျရောက်တဲ့ အပြည်ပြည်ဆိုင်ရာ အလုပ်သမားနေ့ မှာ ချင်းတော်လှန်ရေးအတွင်း ကျဆုံးခဲ့ရသူ အာဇာနည်တွေ၊ ဖက်ဆစ်ဆန့်ကျင်ရေး ဒီမိုကရေစီရရှိရေးအတွက် တိုက်ပွဲဝင်နေကြသူတွေကို ရည်ရွယ်ပြီး စကစ တွေကို တိုက်ခိုက်တဲ့ ဒရုန်းVideo fileကိုထုတ်ပြန်လိုက်ရခြင်းဖြစ်ပြီး အဆိုပါ Videoပါ တစ်ပတ်အတွင်းလုပ်ဆောင်ခဲ့တဲ့ စစ်ဆင်ရေးရလဒ်အချို့သာဖြစ်တယ်လို့ Anti-Fascist International Front (AIF)ကထုတ်ပြန်ကြေငြာထားပါတယ်။

Video-Anti-Fascist International Front (AIF)
https://www.facebook.com/share/v/1BGRam785M/

173

BBM

May 3, 2026, 05:32 PM

တော်လှန်ရေးစိတ်အားထက်သန်သဖြင့် ခက်ခဲတဲ့ဘဝမှလာတဲ့ ရဲမေ ဒေါရစ် လေကြောင်းဗုံးကြဲမှုကြောင့်ကျဆုံး

BBM - မေ ၁
သတင်း - ခက်ဆစ်

ကရင်ပြည်နယ်၊ သံတောင်ကြီးမြို့နယ်မှာ စစ်ကောင်စီရဲ့ လေကြောင်းတိုက်ခိုက်မှုအတွင်း နေပြည်တော် PDF ၊ အမှတ်(၈၀၁)တပ်ရင်းမှ ဆေးတပ်သား ရဲမေ ဒေါရစ် ကျဆုံးခဲ့တယ်လို့ အဆိုပါတပ်ရင်းထံမှ သိရပါတယ်။

နေပြည်တော်ကောင်စီနယ်မြေ၊ လယ်ဝေးမြို့နယ်ရှိ စခန်းတစ်ခုကို တော်လှန်ရေးအင်အားစုတွေက တိုက်ခိုက်သိမ်းပိုက်ခဲ့ပြီးနောက်ပိုင်းမှာ နီးစပ်ရာ သံတောင်ကြီးမြို့နယ်အတွင်းရှိ အရပ်သားပြည်သူတွေနေထိုင်ရာ ကျေးရွာတွေကို စစ်ကောင်စီက စစ်ကြောင်းထိုးပြီး နေ့စဉ်ရက်ဆက်လေကြောင်းမှ ဗုံးကြဲတိုက်ခိုက်ခဲ့ပါတယ်။

ပြီးခဲ့တဲ့ ဧပြီလ ၂၇ ရက်မှာ သံတောင်ကြီးမြို့နယ်အတွင်းရှိ ဗဟန်းကျေးရွာနဲ့ ပတ်ဝန်းကျင် ကျေးရွာတွေကို စစ်ကောင်စီက လေကြောင်းမှ ဆက်တိုက်ဆိုသလို ဗုံးကြဲတိုက်ခိုက်ခဲ့တာကြောင့် အရပ်သားပြည်သူများအပြင် နေပြည်တော် PDF ၊ အမှတ်(၈၀၁)တပ်ရင်းမှ ဆေးတပ်သား ရဲမေ ဒေါရစ် ကျဆုံးခဲ့တာဖြစ်ပါတယ်။

"သူက တာဝန်ထမ်း‌ဆောင်တာ မကြာသေးပါဘူး၊ အရင်ကဆေးတပ်သားလည်း လုပ်ဖူးတယ်ပြောတယ်၊ တခြားတပ်ရင်းတစ်ခုမှာ ဆေးပိုင်းပိုနားလည်အောင် ဆေးသင်တန်းပါထပ်ဆင်းပြီးနောက် ပြီးခါစ စစ်ရေးအရ ရှောင်နေတဲ့အချိန်မှာ လေယာဉ်ကြောင့်ကျသွားတာပါ" လို့ PDF အမှတ်(၈၀၁)တပ်ရင်းမှ တာဝန်ရှိသူ တစ်ဦးက BBM ကိုပြောပါတယ်။

ဆေးတပ်သား ရဲမေ ဒေါရစ် ဟာ ဒီးမော့ဆိုမြို့မှဖြစ်ပြီး တော်လှန်ရေးကို စိတ်အားထက်သန်တာကြောင့် ခက်ခဲတဲ့ဘဝဖြစ်ပေမယ့် အဘွားဖြစ်သူကိုယ်တိုင် တပ်ရင်းတပ်ဖွဲ့ထံ လိုက်လံအပ်နှံပေးခဲ့ရသူ ဖြစ်တယ်လို့ ဆိုပါတယ်။

နေပြည်တော် PDF ၊ အမှတ်(၈၀၁)တပ်ရင်းမှာ ကျဆုံးရဲဘော် ၉ ဦးအထိရှိခဲ့ပြီး ဆေးတပ်သား ရဲမေ ဒေါရစ် ဟာ ပထမဆုံး ရဲမေ ကျဆုံးတာဖြစ်တယ်လို့လည်း သိရပါတယ်။

"ရဲမေတွေအနေနဲ့တော့ ရှေ့တန်း Zone ထိတော့ မခေါ်ဘူး၊ ဆေးပိုင်းတချို့နဲ့ ရုံးပိုင်းတွေ များပါတယ်၊ ရှေ့တန်း Red Zone အတွက်တော့ ရဲ‌ဘော် ဆေးမှူးတွေတော့ ရှေ့ထိလိုက်ရပြီး ရဲမေတွေကတော့ Safe Zone မှာပဲထားလေ့ ရှိပါတယ်" လို့ အဆိုပါ တာဝန်ရှိသူက ဆက်ပြောပါတယ်။

နေပြည်တော် PDF ၊ အမှတ်(၈၀၁)တပ်ရင်းအနေနဲ့ လက်ရှိမှာ ရေတာရှည်မြို့နယ်၊ စစ်တောင်းမြစ်အရှေ့ခြမ်းမှာ စစ်ဆင်ရေးတွေ ဆောင်ရွက်လျက်ရှိပြီး တပ်ရင်းတစ်ရင်းလုံး လူငယ်အများစုဖြစ်သော်လည်း တတ်နိုင်သမျှ ကြိုးစားရှေ့ဆက်နေတဲ့အတွက် ပြည်သူတွေအနေနဲ့ အားပေးရင်း ကူညီဖေးမရင်း အတူရုန်းကန်ကြမယ်လို့ အသိပေးထားပါတယ်။

Photo - နေပြည်တော် PDF ၈၀၁ တပ်ရင်း
https://www.facebook.com/share/p/1BN52RkzCN/

BBM

May 3, 2026, 05:32 PM

မီးရှို့ခံရတဲ့ ဆိပ်ဖြူမြို့နယ် ကျေးရွာ ၂ ရွာက ဒေသခံ ထောင်နဲ့ချီ အကူအညီလိုအပ်နေ

BBM - မေ ၁
သတင်း - ဝရဇိန်

မကွေးတိုင်း၊ ပခုက္ကူခရိုင်၊ ဆိပ်ဖြူမြို့နယ်၊ ဇီးဖြူကောင်းကျေးရွာနဲ့ ရေပုတ်ကျေးရွာတွေကို စစ်ကောင်စီတပ်က ဝင်ရောက်ကာ မီးရှို့ဖျက်ဆီးခဲ့တာကြောင့် ဒေသခံထောင်နဲ့ချီမှာ စားဝတ်နေရေးနဲ့ အမိုးအကာတွေ အကူအညီလိုအပ်နေတယ်လို့ ဒေသခံတွေဆီက သိရပါတယ်။

ပြီးခဲ့တဲ့ ဧပြီလ ၂၅ ရက်နေ့က စစ်ကောင်စီတပ်ဟာ ဆိပ်ဖြူမြို့နယ် အခြေစိုက် ကပစ ၂၁ စက်ရုံကနေ ကားတွေနဲ့ ဆိပ်ဖြူမြို့နယ် ရေပုတ်ကျေးရွာနဲ့ ဇီးဖြူကောင်းကျေးရွာတွေကို အင်အား ၁၀၀ ကျော်နဲ့ ဝင်ရောက်ကာ မီးရှို့ဖျက်ဆီးခဲ့တာလည်း ဖြစ်ပါတယ်။

နေအိမ်တွေ မီးရှို့ဖျက်ဆီးခံလိုက်ရတာကြောင့် အဆိုပါကျေးရွာ ၂ ရွာက ဒေသခံထောင်နဲ့ချီမှာ ရွာပြင်မှာ နေထိုင်နေကြရပြီး စားဝတ်နေရေးနဲ့ အမိုးအကာ အကူအညီတွေ လိုအပ်နေကြတာ ဖြစ်တယ်လို့ ဆိတ်ဖြူမြို့နယ်က ဒေသခံတစ်ဦးက BBM ကို ပြောပါတယ်။

"ကျေးရွာ ၂ ရွာက နေအိမ် ၉၀ နီးပါးခန့်ကို မီးရှိုခဲ့တာပါ။ ဆိုတော့ ဒေသခံတွေမှာ ရွာပြင်ကိုထွက်ပြီးနေထိုင်နေကြရပါတယ်။ စစ်ရှောင်နေရတာ ဆိုတော့ အလုပ်အကိုင်ကလည်း မရှိဘူး။ ဒါကြောင့် စားဝတ်နေရေးတွေ အခက်ဖြစ်နေကြတာပါ။ ပြီးတော့ အခုက နွေပူလိုက်၊ မိုးရွာလိုက်ဆိုတော့ အမိုးအကာတွေလည်း လိုအပ်နေပါတယ် " လို့ အဆိုပါ ဒေသခံက ဆက်ပြောပါတယ်။

အလားတူ စစ်ကောင်စီတပ်ဟာ အဆိုပါ ကျေးရွာ ၂ ရွာကနေ ဆန်စပါးသိုလှောင်ထားတဲ့ ဂိုဒေါင်တွေနဲ့ ကြက်သွန်သိုလှောင်ထားတဲ့ ဂိုဒေါင်တွေကိုပါ မီးရှို့ဖျက်ဆီးခဲ့တာကြောင့် ဒေသခံတွေမှာ ပျက်စီးဆုံးရှုံးမှုတွေ များပြားခဲ့ရတယ်လို့လည်း သိရပါတယ်။

စစ်ကောင်စီတပ်က ဝင်ရောက်ကာ မီးရှို့ဖျက်ဆီးခဲ့တဲ့ဆိပ်ဖြူမြို့နယ် ရေပုတ်ကျေးရွာမှာ အိမ်ခြေ ၁၀၀ နီးပါးခန့်ရှိပြီး နေအိမ် ၂၀ နီးပါးခန့် မီးလောင်ပြာကျခဲ့ရကာ၊ ဇီးဖြူကောင်းကျေးရွာမှာလည်း နေအိမ် ၁၀၀ ကျော်ရှိပြီး နေအိမ် ၇၀ နီးပါးခန့် မှာလည်း မီးလောင်ပြာကျတဲ့ အထဲကိုပါသွားရတယ်လို့လည်း ဒေသခံတွေဆီက သိရပါတယ်။

စစ်ကောင်စီတပ်ရဲ့ စစ်ကြောင်းထိုးမှုတွေကြောင့် အဆိုပါ ကျေးရွာနှစ်ရွာနဲ့ ဆိပ်ဖြူမြို့နယ်အတွင်းရှိ ကျေးရွာတွေက ဒေသခံထောင်နဲ့ချီမှာ ဘေးလွတ်ရာနေရာတွေကို ထွက်ပြေးတိမ်းရှောင်နေကြရတယ်လို့လည်း သိရပါတယ်။

Photos - Social Media
https://www.facebook.com/share/p/17RRG8MyiQ/

BBM

May 3, 2026, 05:32 PM

အင်းတော်ကို စစ်ကောင်စီတပ်က ပြန်လည်ထိန်းချုပ်

BBM - မေ ၁
သတင်း - ဝရဇိန်

တော်လှန်ရေးပူးပေါင်းတပ်ဖွဲ့တွေ သိမ်းပိုက်ထိန်းချုပ်ထားတဲ့ အင်းတော်မြို့နဲ့ အနီးတဝိုက်နေရာတွေကို စစ်ကောင်စီတပ်က ပြန်လည်သိမ်းပိုက်ထိန်းချုပ်နိုင်ခဲ့ပြီး ဖြစ်တယ်တယ်လို့ စစ်ကောင်စီတပ်က ထုတ်ပြန်ထားပါတယ်။

ပြီးခဲ့တဲ့ ဧပြီလအတွင်းမှာ စစ်ကောင်စီတပ်ဟာ အင်အားအလုံးအရင်းနဲ့ တော်လှန်ရေးတပ်ဖွဲ့ဝင်တွေ နေရာယူတဲ့ အင်းတော်မြို့ပေါ်နဲ့ အနီးအနားရှိနေရာတွေကို လေကြောင်းနဲ့အတူ စစ်ကြောင်းထိုး ထိုးစစ်ဆင်တိုက်ခိုက်ခဲ့တာလည်း ဖြစ်ပါတယ်။

စစ်ကောင်စီတပ်က စစ်ကြောင်းထိုး ထိုးစစ်ဆင်တိုက်ခိုက်ပြီး ၇ ရက်အကြာ မနေ့က ဧပြီလ ၃၀ ရက်နေ့မှာတော့ အင်းတော်မြို့ကိုပြန်လည် သိမ်းပိုက်ရရှိခဲ့တာလို့လည်း စစ်တပ်ရဲ့ ထုတ်ပြန်ချက်မှာ ဖော်ပြထားပါတယ်။

အင်းတော်မြို့ကို ပြန်လည်ရရှိရေးအတွက် စစ်ကောင်စီတပ်ဟာ ကသာမြို့ကနေတစ်ဆင့် ထိုးစစ်ဆင်တိုက်ခိုက်ခဲ့တာဖြစ်ပြီး ပင်းမလွတ်ကျေးရွာကို ၂၀၂၆ ခုနှစ်၊ ဧပြီလ ၂၄ ရက်နေ့မှာ သိမ်းပိုက်ထိန်းချုပ်နိုင်ခဲ့တယ်လို့ စစ်တပ်က ဆိုထားပါတယ်။

ဒါ့အပြင် စစ်ကောင်စီတပ်ဟာ ဧပြီလ ၂၉ ရက်နေ့မှာ နဘားလမ်းဆုံနဲ့ နဘားရွာကိုလည်ကောင်း၊ ဧပြီလ ၃၀ ရက်နေ့နံနက်ပိုင်းမှာ ကန်းနီရွာ၊ နားရခေါင်ရွာ၊ ကြာအင်းရွာ၊ ကျွန်းတောရွာနဲ့ ကူဆိပ်ကျေးရွာတို့ကို လည်းကောင်း၊ ဧပြီလ ၃၀ ရက်နေ့ ညနေပိုင်းမှာ အင်းတော်မြို့တို့ကို သိမ်းပိုက်ထိန်းချုပ်နိုင်ခဲ့တာ ဖြစ်တယ်လို့ စစ်ကောင်စီတပ်ရဲ့ ထုတ်ပြန်ချက်မှာ ဖော်ပြထားပါတယ်။

စစ်ကောင်စီတပ်က အင်းတော်မြို့သိမ်းတိုက်ပွဲ ၇ ရက်တာအတွင်းမှာ တိုက်ပွဲကြီး/ ငယ် စုစုပေါင်း ၁၇ ကြိမ်အထိဖြစ်ပွားခဲ့တာဖြစ်ပြီး လက်နက်ခဲယမ်းအချို့ကိုလည်း သိမ်းဆည်းရမိတာရှိတယ်လို့ သိရပါတယ်။

အင်းတော်မြို့ကို စစ်ကောင်စီတပ်က မြေပြင်စစ်ကြောင်း၊ လက်နက်ကြီးပစ်ကူတွေ အပါအဝင် လေကြောင်းကနေ အဆက်မပြတ် ဗုံးကြဲချတိုက်ခိုက်မှုတွေကြောင့် တော်လှန်ရေးတပ်ဖွဲ့တွေက ပြန်လည် ဆုတ်ခွာခဲ့ရတာ ဖြစ်တယ်လို့ တော်လှန်ရေးတပ်ဖွဲ့ရဲ့ ရဲဘော်တစ်ဦးက BBM ကို ပြောပါတယ်။

"အင်အားမမျှတဲ့အတွက် အင်းတော်ကနေ ဆုတ်ခွာပေးလိုက်ရတာပါ။ နောက်ထပ်စစ်ရေးအခြေအနေတွေကိုတော့ အထက်ညွှန်တဲ့အတိုင်း လုပ်ဆောင်နေတာရှိပါတယ် " လို့ အဆိုပါ တော်လှန်ရေးတပ်ဖွဲ့ဝင်က ဆက်ပြောပါတယ်။

အင်းတော်မြို့ကို အမျိုးသားညီညွတ်ရေးအစိုးရ (NUG) လက်အောက်ခံ PDF ပူးပေါင်းတပ်ဖွဲ့တွေနဲ့ တော်လှန်ရေးပူးပေါင်းတပ်တွေက ပြီးခဲ့တဲ့ ၂၀၂၅ ခုနှစ်၊ ဧပြီလအတွင်းမှာ ၁ နှစ်ကျော်ကြာ တိုက်ခိုက်သိမ်းပိုက် ထိန်းချုပ်ထားတာလည်း ဖြစ်ပါတယ်။

Photos - Social Media
https://www.facebook.com/share/p/1E4hrhebqf/

BBM

May 3, 2026, 05:32 PM

BEAST GAME Season 3 မှာ မြန်မာကိုယ်စားပြု ချင်းလူငယ် Finalist တက်လှမ်း

BBM-မေ ၁
သတင်း- ကိုအိုက်

ကမ္ဘာတစ်ဝန်း YouTube Follower အများဆုံးဖြစ်တဲ့ Mr. Beast စီစဉ်တင်ဆက်တဲ့ BEAST GAME Season 3 ပြိုင်ပွဲကြီးမှာ မြန်မာလူငယ် Jafaniah မြန်မာနိုင်ငံကိုယ်စားပြု Finalist အဖြစ် ပထမဆုံးအကြိမ် ရွေးချယ်ခံခဲ့ရပြီဖြစ်ပါတယ်။

အဲဒီပြိုင်ပွဲမှာ အနိုင်ရရှိပါက အမေရိကန်ဒေါ်လာ ၅ သန်း ဆုကြေးငွေ ရရှိမှာဖြစ်ပါတယ်။

အခုပြိုင်ပွဲဟာ နိုင်ငံပေါင်း ၁၈၀ ကျော်မှ ကိုယ်စားပြုပြိုင်ပွဲဝင်တွေ ပါဝင်ယှဉ်ပြိုင်ကြတဲ့ အကြီးကျယ်ဆုံးသော စိန်ခေါ်မှုပြိုင်ပွဲတစ်ခုလည်း ဖြစ်ပါတယ်။

Jafaniah ဟာ ၎င်းရဲ့ အစ်မဖြစ်သူနဲ့အတူ Finalist အဆင့်သို့ ရောက်ရှိခဲ့ပေမယ့် နိုင်ငံတစ်နိုင်ငံလျှင် ကိုယ်စားပြုတစ်ဦး (တစ်ဖွဲ့) သာ ယှဉ်ပြိုင်ခွင့်ရှိတဲ့ စည်းကမ်းချက်ကြောင့် မောင်နှမနှစ်ဦး သဘောတူညီမှုနဲ့ Jafaniah က မြန်မာနိုင်ငံကိုယ်စားပြုအဖြစ် ဝင်ရောက်ယှဉ်ပြိုင်ဖို့ ဆုံးဖြတ်ခဲ့တာ ဖြစ်ပါတယ်။

မဲပေးခြင်းဆိုင်ရာ သတ်မှတ်ချက်တွေအရ ပြိုင်ပွဲဝင်တစ်ဦးချင်းစီရဲ့ နိုင်ငံအတွင်း နေထိုင်သူတွေကသာ မိမိတို့နိုင်ငံကိုယ်စားပြုသူကို မဲပေးပိုင်ခွင့်ရှိပါတယ်။

ဒါ့ကြောင့် မြန်မာနိုင်ငံသား Jafaniah အနိုင်ရရှိရေးအတွက် မြန်မာပြည်တွင်းမှာ လက်ရှိနေထိုင်နေကြတဲ့ မိဘပြည်သူတွေရဲ့ မဲပေးထောက်ပံ့မှုဟာ အဓိကကျလျက်ရှိပြီး၊ VPN အသုံးပြု၍ မဲပေးခြင်းကို ခွင့်ပြုမှာ မဟုတ်ဘူးလို့ သိရပါတယ်။

မဲပေးနိုင်တဲ့ နောက်ဆုံးအချိန်မှာ မေလ (၁) ရက်နေ့၊ မြန်မာစံတော်ချိန် ည ၁၁:၀၀ နာရီအထိသာဖြစ်ပါတယ်။

သတ်မှတ်ချိန်မတိုင်မီ https://beastgames.votenow.tv/ လင့်ခ်မှတစ်ဆင့် ဝင်ရောက်ပြီး ဝိုင်းဝန်းမဲပေးကြဖို့ကိုလည်း နှိုးဆော်ထားပါတယ်။

မြန်မာကိုယ်စားပြုအဖြစ် ယှဉ်ပြိုင်မယ့် Jafaniah ဟာ ချင်းပြည်နယ်၊ ဖလမ်းမြို့ဇာတိဖြစ်ကာ လက်ရှိမှာ ဇနီးဖြစ်သူနဲ့အတူ အမေရိကန်ပြည်ထောင်စု၊ Maryland ပြည်နယ်မှာ နေထိုင်လျက်ရှိပါတယ်။

၎င်းဟာ အသင်းတော်မှာ လည်း တက်ကြွစွာ ပါဝင်ဆောင်ရွက်နေတဲ့ လူငယ်တစ်ဦးဖြစ်ပြီး အခုလို ကမ္ဘာ့အဆင့်မီပြိုင်ပွဲမှာ မြန်မာနိုင်ငံသားတစ်ဦးအနေနဲ့ ပထမဆုံးအကြိမ် Finalist အဆင့်အထိ တက်လှမ်းနိုင်ခဲ့တာဟာ နိုင်ငံအတွက် ဂုဏ်ယူဖွယ်ရာဖြစ်ပါတယ်။
https://www.facebook.com/share/p/1Ys7cbgT6p/

BBM

May 3, 2026, 05:32 PM

⁨📷⁩ ⁨ဖလမ်းမြို့နယ်မှာ စစ်ကောင်စီ ဒရုန်းဗုံးကြဲတိုက်ခိုက်မှုကြောင့် အမျိုးသမီးငယ်တစ်ဦး သေဆုံး

BBM-မေ ၁
သတင်း- ကိုအိုက်

ချင်းပြည်နယ်၊ ဖလမ်းမြို့နယ်၊ Thlanrawn ကျေးရွာမှာ စစ်ကောင်စီ စစ်ကြောင်းက တိုက်ပွဲဖြစ်ပွားတာ မရှိဘဲ ဒရုန်းနဲ့ ဗုံးကြဲတိုက်ခိုက်မှုကြောင့် အမျိုးသမီးငယ်တစ်ဦး သေဆုံးခဲ့တယ်လို့ ဒေသခံတစ်ဦးက BBM ကို ပြောပါတယ်။

သေဆုံးသူမှာ အသက် ၁၇ နှစ်အရွယ် မငွန်နှဲတီလ် (Mai Ngun Hnen ial) ဖြစ်ပါတယ်။

ဖလမ်းမြို့ကို ပြန်လည်ထိန်းချုပ်ပြီးနောက် ဖလမ်း- ဟားခါး လမ်းကြောင်း စစ်ကြောင်းထိုးတဲ့ စစ်ကောင်စီဟာ မနေ့ ဧပြီ ၃၀ ရက်နေ့၊ မနက် ၁၀ နာရီဝန်းကျင်ခန့်မှာ Thlanrawn ကျေးရွာကို ဒရုန်းနဲ့ ဗုံးကြဲတိုက်ခိုက်ခဲ့တာ ဖြစ်ပါတယ်။

"ရွာထဲကို ဗုံးကြဲတာ ဆိုပေမယ့် ရွာအနားက တောင်ယာမှာနေတဲ့ တဲပေါ်မှာ ဒရုန်းဗုံးသီးကျ ပေါက်ကွဲတာပါ။ တဲထဲမှာရှိတဲ့ အမျိုးသမီးငယ်တစ်ဦးက ဗုံးစမှန် ပွဲချင်းပြီး ဆုံးသွားတယ်။"လို့ ဖလမ်းဒေသခံတစ်ဦးက BBM ကို ပြောပါတယ်။

ဖလမ်းမြို့ကို ပြန်လည်ထိန်းချုပ်ထားတဲ့ စစ်ကောင်စီဟာ ဖလမ်း-ဟားခါး လမ်းမကို ပြန်ထိန်းချုပ်ဖို့အတွက် အခုရက်ပိုင်း စစ်ကြောင်းတွေ ထိုးနေပါတယ်။
ဧပြီလ ၂၆ ရက်နေ့ကလည်း ဖလမ်း- ဟားခါး လမ်း ပေါ် စစ်ကြောင်းထိုးတဲ့ စစ်ကောင်စီတပ်က Thanhniar ရွာသစ် ကျေးရွာအတွင်း ကျန်ခဲ့တဲ့ အသက် ၇၀ အရွယ် အဘွားအိုတစ်ဦးကို အဓမ္မပြုကျင့် သတ်ဖြတ်သွားပါတယ်။

ဒါ့အပြင် မနေ့ မွန်းလွဲပိုင်းကလည်း ချင်းပူးပေါင်းတော်လှန်ရေးတပ်ဖွဲ့တွေနဲ့ စစ်ကောင်စီတို့ဟာ Thlanrawn ရွာသစ်နဲ့ Rialti ရွာဘက် တိုက်ပွဲတွေဖြစ်ပွားနေပါတယ်။⁩
https://www.facebook.com/share/p/14bQZgaiA9y/

116

BBM

May 3, 2026, 05:32 PM

ကော့သောင်းမြို့နယ်ပြည်သူ့ကာကွယ်ရေးတပ်ဖွဲ့က အခြေခံစစ်ပညာသင်တန်းဆင်းပွဲနဲ့ ပကဖ တပ်ရင်းဖွဲ့စည်းကြောင်းထုတ်ပြန်

BBM - မေ၁
သတင်း- ကိုဘုဏ်း

ကော့သောင်းမြို့နယ်ပြည်သူ့ကာကွယ်ရေးတပ်ဖွဲ့က အခြေခံစစ်သင်တန်းဆင်းပွဲနဲ့ ပကဖ တပ်ရင်းဖွဲ့စည်းကြောင်းကို ဧပြီလ (၃၀) ရက်နေ့က ထုတ်ပြန်ကြေငြာထားပါတယ်။

အခြေခံစစ်ပညာသင်တန်းအပတ်စဥ် (၁/၂၀၂၆ )သင်တန်းကို ပြီးခဲ့တဲ့ ဧပြီလ (၂၇ )ရက်နေ့က သင်တန်းဆင်းပွဲပြုလုပ်ကျင်းပခဲ့တာဖြစ်ပြီး သင်တန်းသား ဦးရေ (၅၀)ပါဝငတက်ရောက်ခဲ့ကြတယ်လို့ သိရပါတယ်။

သင်တန်းဆင်းပွဲကို ကော့သောင်းမြို့နယ် ပကဖ ရဲ့ ဒုတာဝန်ခံ(စစ်ရေး) ရဲဘော် ကုလားမှဦးဆောင် ပြီးသစ္စာဓိဌာန် ရွတ်ဆိုစေပြီးနောက် အမျိူးသားညီညွတ်ရေးအစိုးရ၊ကာကွယ်ရေးဝန်ကြီးဌာန ၊ တနင်္သာရီတိုင်းကွပ်ကဲရေးအဖွဲတွဲဘက်ကွပ်ကဲရေးမူး ရဲဘော် ဂျိူကာ(တိုင်း ပကဖ တာဝန်ခံ)၊တနင်္သာရီတိုင်း စစ်ဌာန စစ်ဗျူဟာ ၃၅ ရေးထောက်အရာရှိရဲဘော် မြင့်မိုရ်၊ ခရိုင် ပကဖ တာဝန်ခံရဲဘော်လူအေး၊ မြို့နယ်ပကဖ တာဝန်ခံရဲဘော်လပြည့်၊စစ်ဗျူဟာ ၃၅ မှ ရဲဘော် စောပင်လယ်တို့မှ မိန့်ခွန်းများပြောခဲ့တယ်လို့သိရပါတယ်။

အဲ့ဒီနောက် သင်တန်းဆင်းပွဲမှာ ထူးချွန်
သင်တန်းသားများကို ကော့သောင်းခရိုင် ပြည်သူ့ကာကွယ်ရေးအဖွဲ့ သတင်းနှင့်ပြန်ကြာရေးတာဝန်ခံရဲဘော်ကျော်ကြီးက ဆုများချီးမြှင့်ခဲ့ကြတယ်လို့လည်းသိရပါတယ်။

တနင်္သာရီတိုင်းရဲ့ တိုင်းပကဖ တာဝန်ခံနဲ့ ခရိုင် ပကဖ တာဝန်ခံများက ကြီးကြပ်ပြီးကောသောင်းမြို့နယ် ပကဖ မှ တိုက်ခိုက်ရေးရဲဘော်များပါဝင်သော တိုက်ခိုက်ရေးတပ်ရင်းဖွဲ့စည်းခြင်းကိုလည်း ဧပြီလ( ၂၇ )နှင့် (၂၈) ရက်များမှာ ပြုလုပ်ခဲ့ကြတယ်လို့လည်းဖော်ပြထားပါတယ်။

ကာကွယ်ရေးဝန်ကြီးဌာနမှ ချမှတ်ထားတဲ့ ပြည်သူ့ကာကွယ်ရေးတပ်မတော် ရဲ့ စံပြုတည်မြဲအမိန့်အတိုင်းဖွဲ့စည်းထားတဲ့ ကောသောင်းအခြေစိုက် တပ်ရင်းကို ကာကွယ်ရေးဝန်ကြီးဌာနမှ အတည်ပြုချထားပေးနိုင်ရန် အဆင့်ဆင့် တင်ပြသွားမည်ဟု ကော့သောင်းမြို့နယ် ပကဖ ကထုတ်ပြန်ကြေငြာထားပါတယ်။

Video-ကော့သောင်းမြို့နယ် ပြည်သူကာကွယ်ရေးတပ်ဖွဲ့ Part 7
https://www.facebook.com/share/v/17PKoB4bJ1/

BBM

May 3, 2026, 05:32 PM

ရခိုင်ရေပိုင်နက်အတွင်းကို တရားမဝင်ကျူးကျော်ဝင်ရောက်ကာ ငါးခိုးဖမ်းတဲ့ ဘင်္ဂလားဒေရှ့်နိုင်ငံသား ၇ ဦးကို AA က ထပ်မံဖမ်းဆီးရမိ

BBM - မေ ၁
သတင်း - Myat

ရခိုင်ရေပိုင်နက်အတွင်းကို တရားမဝင်ကျူးကျော်ဝင်ရောက်ကာ ငါးခိုးဖမ်းတဲ့ ဘင်္ဂလားဒေရှ့်နိုင်ငံသား ငါးခိုးဖမ်းသမား ၇ ဦးကို အာရက္ခတပ်တော် AA ရဲ့ ကမ်းခြေစောင့်တပ်ဖွဲ့က ထပ်မံဖမ်းဆီးရမိခဲ့တယ်လို့ သိရပါတယ်။

မနေ့က ဧပြီလ ၃၀ ရက်နေ့၊ နံနက် ၉ နာရီကျော်အချိန်မှာ ရခိုင်ရေပိုင်နက် ကမ်းစပ်နဲ့ မီတာ (၇၉၀) ခန့်အကွာ ခိုးဝင်ငါးခိုးဖမ်းနေကြတဲ့ ဘင်္ဂလားဒေရှ့်နိုင်ငံသား ငါးဖမ်းသမား ၃ ဦးပါ ငါးဖမ်းစက်လှေ တစ်စီးကို အာရက္ခတပ်တော် AA ရဲ့ ကမ်းခြေစောင့်လုံခြုံရေးတပ်ဖွဲ့က ဖမ်းဆီးရမိခဲ့တာလည်း ဖြစ်ပါတယ်။

ဒါ့အပြင် ဧပြီလ ၃၀ ရက်နေ့၊ နံနက် ၉ နာရီကျော်အချိန်မှာပဲ ရခိုင်ပင်လယ်ပြင် ကမ်းစပ်နဲ့ (၁.၃၆) ကီလိုမီတာခန့်အကွာမှာ ငါးခိုးဖမ်းနေကြတဲ့ ဘင်္ဂလားဒေရှ့်နိုင်ငံသား ငါးခိုးဖမ်းသမား ၄ ဦးပါ နောက်ထပ်စက်လှေတစီးကိုလည်း အာရက္ခတပ်တော် AA ကမ်းခြေစောင့်တပ်ဖွဲ့က ထပ်မံဖမ်းဆီးရမိခဲ့တယ်လို့ သိရပါတယ်။

အဆိုပါ ဖမ်းဆီးရမိတဲ့ ငါးဖမ်းစက်လှေ ၂ စီးနဲ့အတူ နောက်ထပ် ငါးခိုးဖမ်းနေကြတဲ့ စက်လှေ (၅) စီးမှာလည်း တစ်ဖက်ဘင်္ဂလားဒေရှ့်နိုင်ငံ ရေပိုင်နက်အတွင်းကို ထွက်ပြေး လွတ်မြောက်သွားတယ်လို့လည်း သိရပါတယ်။

လက်ရှိ AA က ဖမ်းဆီးရမိထားတဲ့ ငါးဖမ်းစက်လှေ ၂ စီးနဲ့ ငါးခိုးဖမ်းသမား ၇ ဦးကို တရားဥပဒေ လုပ်ထုံးလုပ်နည်းတွေနဲ့အညီ စစ်ဆေးလျက်ရှိနေတယ်လို့လည်း သိရပါတယ်။

ပြီးခဲ့တဲ့ ဧပြီလ ၂၄ ရက်နေ့၊ နေ့လယ် ၁ နာရီကျော်အချိန်မှာ ဘင်္ဂလားဒေရှ့်နိုင်ငံဖက်ကနေ စစ်တွေမြို့ကို ဆေးခြောက်တွေ တင်ဆောင်လာတဲ့ စက်လှေ ၂ စီးနဲ့အတူ ဘင်္ဂလားဒေရှ့်နိုင်ငံသား ၁၁ ဦးကို အာရက္ခတပ်တော် AA ရဲ့ ကမ်းခြေစောင့်တပ်ဖွဲ့တွေက ဖမ်းဆီးရမိခဲ့ပါတယ်။

AA ထိန်းချုပ်ထားတဲ့ မောင်တောမြို့နယ်နဲ့ ရသေ့တောင်မြို့နယ် ရေပိုင်နက်အတွင်းကို ပြီးခဲ့တဲ့ အောက်တိုဘာလ ၂၇ ရက်နေ့ကနေ ဒီဇင်ဘာလ ၂၃ ရက်နေ့အထိ တစ်ဖက်ဘင်္ဂလားဒေရှ့်နိုင်ငံမှ တရားမဝင်ကျူးကျော် ဝင်ရောက်ငါးခိုးဖမ်းတဲ့ ငါးဖမ်းသမား ၇၉ ဦးကို အာရက္ခတပ်တော် AA က ဖမ်းဆီးရမိခဲ့တာ ရှိပါတယ်။

ဖမ်းဆီးရမိထားတဲ့ ဘင်္ဂလားဒေရှ့်နိုင်ငံက ငါးခိုးဖမ်းသမားတွေထဲက အာရက္ခတပ်တော် AA ဟာ ရေလုပ်သား (၇၃) ယောက်ကို ပြီးခဲ့တဲ့ ဖေဖော်ဝါရီလ ၁၆ ရက်နေ့က ဘင်္ဂလားဒေရှ့်နယ်ခြားစောင့်တပ်ထံ ပြန်လည်လွှဲပြောင်းပေးအပ်ခဲ့တယ်လို့လည်း သိရပါတယ်။

ရခိုင်ရေပိုင်နက်အတွင်းကို တရားမဝင်ခိုးဝင်ကာ ရည်ရွယ်ချက်ရှိရှိ ငါးခိုးဖမ်းနေကြတဲ့ ဘင်္ဂလားဒေရှ့်နိုင်ငံသား ငါးခိုးဖမ်းသမားတွေကို AA ရဲ့ ကမ်းခြေစောင့် လုံခြုံရေးတပ်ဖွဲ့တွေက အချိန်နဲ့တပြေးညီ စောင့်ကြည့်ကာ ဖမ်းဆီးလျက်ရှိနေတာလည်း ဖြစ်ပါတယ်။

Photos - APM
https://www.facebook.com/share/p/17VyqqzB9G/

BBM

May 3, 2026, 05:32 PM

မြန်မာနိုင်ငံမြောက်ပိုင်းမှာ မိုးရေချိန်အလွန်များနိုင်တာကြောင့် တောင်ကျရေနဲ့ ရုတ်တရက်ရေကြီးမှု သတိပြုရန်လို

BBM - မေ၁
သတင်း - ဧက

မြန်မာနိုင်ငံမြောက်ပိုင်းဒေသတွေဖြစ်တဲ့ ကချင်ပြည်နယ်နဲ့ စစ်ကိုင်းတိုင်းအထက်ပိုင်းတို့မှာ နောက် ၅ ရက်အတွင်း မိုးရေချိန်အလွန်များနိုင်တာကြောင့် ဒေသခံတွေအနေနဲ့ တောင်ကျရေနဲ့ ရုတ်တရက်ရေကြီးမှုတွေကို သတိပြုဖို့လိုတယ်လို့ မိုးလေဝသစောင့်ကြည့်ခန့်မှန်းသူတွေက သတိပေးထားပါတယ်။

မုတ်သုံမိုးကြိုကာလဖြစ်တဲ့ မေလဆန်းပိုင်းအတွင်း မြန်မာနိုင်ငံအနှံ့အပြားမှာ မိုးရွာသွန်းမှုအရှိန်ကောင်းလာမယ့်အခြေအနေဖြစ်ပြီး မြန်မာနိုင်ငံအထက်ပိုင်းနဲ့ ရှမ်းပြည်နယ်တို့မှာ မိုးရေချိန်များနိုင်သလို ရန်ကုန်တိုင်းနဲ့ ပဲခူးတိုင်းတို့မှာလည်း နေရာကွက်ပြီးမိုးရွာနိုင်တယ်လို့ ခန့်မှန်းထားကြပါတယ်။

"မြန်မာနိုင်ငံရဲ့မြောက်ပိုင်းမှာ လာနီညာဖြစ်နေပြီး အောက်ပိုင်းဒေသတွေမှာ အယ်နီညိုအပူချိန်မြင့်နေတာ။ မြန်မာအထက်ပိုင်းမှာဆို မိုးရေချိန် ၁ ဒဿမ ၄ လက်မလောက်ရှိနေတာဟာ ဒီကာလမှာ အန္တရာယ်ရှိတယ်လို့ပြောလို့ရတယ်။ အဓိကတော့တောင်ခြေမှာရှိတဲ့ရွာတွေအထူးသတိထားဖို့လိုတယ်"လို့ မိုးလေဝသခန့်မှန်းသူတစ်ဦးကပြောပါတယ်။

မိုးကြိုကာလ မေလဆန်းပိုင်းမှာ ရွာသွန်းတဲ့မိုးဟာ အပူပျံတိမ်တွေကြောင့် ဖြစ်ပေါ်လာတာဖြစ်တဲ့အတွက် မိုးကြိုးပစ်တာ၊ လေပြင်းတိုက်ခတ်တာနဲ့ မိုးသီးကြွေတာတွေ ဒေသအလိုက်ဖြစ်ပေါ်လာနိုင်တယ်လို့ သိရပါတယ်။

မြန်မာနိုင်ငံအထက်ပိုင်းနဲ့ ရှမ်းပြည်နယ်မှာတော့ မိုးရွာသွန်းမှုအားကောင်းမှာဖြစ်ပြီး တောင်ပေါ်ဒေသတွေဖြစ်တာကြောင့် တောင်ကျရေနဲ့ ရုတ်တရက်ရေကြီးမှုတွေကို သတိထားဖို့လိုတယ်ဆိုပြီး သတိပေးနေကြတာပါ။

မိုးမရွာခင်ရုတ်တရက်လေပြင်းတိုက်ခတ်နိုင်တာကြောင့် သစ်ပင်တွေလဲတာ၊ အဆောက်အအုံမိုးတွေလန်တာတွေဖြစ်နိုင်တဲ့အတွက် ဒေသခံတွေအနေနဲ့ လျှပ်စစ်ပစ္စည်းတွေပလပ်ဖြုတ်တာ၊ အိမ်နဲ့နီးတဲ့သစ်ကိုင်းခြောက်တွေရှင်းလင်းတာတွေအပြင် သစ်ပင်ကြီး၊ ဓာတ်တိုင်တို့နဲ့ဝေးတဲ့နေရာ၊ ခိုင်ခံ့တဲ့အဆောက်အအုံထဲတွေမှာထိုင်ကြဖို့ သတိပေးထားပါသေးတယ်။

မြန်မာနိုင်ငံအောက်ပိုင်းဒေသတွေမှာတော့ အပူချိန်မြင့်မားနေဆဲဖြစ်ပြီး ညနေပိုင်းတွေမှာတော့ မိုးတိမ်တောင်တွေရုတ်တရက်ဖြစ်ထွန်းလာနိုင်တဲ့အခြေအနေရှိတယ်လို့ သိရပါတယ်။

ပြီးခဲ့တဲ့ ဧပြီ ၂၈ ရက်၊ ညနေပိုင်းကလည်း တာချီလိတ်မြို့မှာ လေပြင်းတိုက်ခတ်မှုတွေဖြစ်ပေါ်ခဲ့ပြီး သစ်ပင်နဲ့ ဓာတ်တိုင်တွေလဲသွားခဲ့တဲ့အပြင်‌ ကြော်ငြာဆိုင်ဘုတ်နဲ့ လူနေအိမ်ပျက်စီးမှုတွေလည်းရှိခဲ့တယ်လို့ တာချီလိတ်မြို့နေပြည်သူတွေထံကသိရပါတယ်။

Photo- social Media
https://www.facebook.com/share/p/17DqajMVo3/

BBM

May 3, 2026, 05:32 PM

အလုပ်သမားနေ့မှာ ဗင်နီဇွဲလား ယာယီ သမ္မတက ပျှမ်းမျှလုပ်ခလစာကို ဒေါ်လာ ၂၄၀အထိ တိုးပေးမယ်လို့ ပြောကြား

BBM - မေ ၁

သတင်း - Alice

မေလ ၁ရက်‌ အလုပ်သမားနေ့မှာ ဗင်နီဇွဲလားနိုင်ငံရဲ့ ယာယီသမ္မတ ဒယ်လ်စီ ရိုဒရီဂွက်ဇ်က လူတစ်ယောက်ချင်းစီရဲ့ အနိမ့်ဆုံးဝင်ငွေ ဒေါ်လာ ၂၄၀ အထိ

တိုးပေးမယ့်အပြင် ပင်စင်လစာလည်း ဒေါ်လာ ၇၀ အထိ တိုး‌ပေးမယ်လို့ ပြောကြားခဲ့ပါတယ်။

ဒါဟာ ငွေကြေးဖောင်းပွမှုကို ကိုင်တွယ်ဖြေရှင်းဖို့အတွက် ဝန်ထမ်းအချို့က လစာတိုးမြှင့်ပေးဖို့ တောင်းဆိုဆန္ဒပြမှုတွေ ရှိနေချိန်မှာ အခုလို ပြောကြားခဲ့တာပါ။

အရင်က အလုပ်သမားတွေရဲ့ လစဉ်အနိမ့်ဆုံးလုပ်ခလစာမှာ ဘောနပ်စ်အပါမှ ဒေါ်လာ ၁၉၀ အထိသာ ရရှိခဲ့ကြတယ်လို့ ပြောကြားခဲ့ပါတယ်။

“အလုပ်သမားတွေ တောင်းဆိုနေတာမှန်တယ် လို့ ကျွန်မ တွေးမိတယ်။ အလုပ်သမားတွေအတွက် ပိုကောင်းတဲ့ လုပ်ခလစာတွေ ရှိရမယ်၊ ဒါက တစ်နိုင်ငံလုံးက အလုပ်သမားတွေရဲ့ ဘ၀တွေကို အာမခံနိုင်ဖို့ ပထမခြေလှမ်းပါပဲ” လို့ အမေရိကန်ရဲ့ ပိတ်ဆို့မှုတွေကို အဆုံးသတ်ဖို့ တောင်းဆိုတဲ့ ချီတက်ပွဲမှာ ရိုဒရီဂွတ်ဇ် က ပြောကြားခဲ့ပြီး ဒါဟာ နိုင်ငံခြားရင်းနှီးမြှုပ်နှံမှုတွေ တိုးပွားလာစေဖို့နဲ့ စီးပွားရေးကို မြှင့်တင်ဖို့ အထောက်အကူဖြစ်စေမယ်လို့ သူမက ပြောကြားခဲ့ပါတယ်။

“ကျွန်တော်တို့ရဲ့ သက်ကြီးရွယ်အို အဘိုးအဘွားတွေဟာလည်း ဒေါ်လာ ၇၀ နဲ့ညီမျှတဲ့ ပင်စင်လစာ ရရှိမှာဖြစ်ကြောင်းလည်း ကျွန်မ တင်ပြချင်ပါတယ်၊ အဲဒါက ၄၀% တိုးလာတာပါ” လို့ ရိုဒရီဂွက်ဇ်က ပြောကြားခဲ့ပြီး သက်ကြီးရွယ်အိုတွေအတွက် တခြားအစီအမံတွေကိုလည်း ပြုလုပ်ပေးသွားမယ်လို့ ဖြည့်စွက်ပြောကြားခဲ့ပါတယ်။

အစိုးရဝန်ထမ်းတွေအတွက် အခြေခံလစာနဲ့ လစာစကေး နောက်ဆုံးတိုးမြှင့်မှုမှာ ၂၀၂၂ ခုနှစ် မတ်လတုန်းက ဖြစ်ပါတယ်။

တစ်ချိန်တည်းမှာပဲ ဘိုလီဗာငွေကြေးတန်ဖိုးကျဆင်းမှုကြောင့် ဘောနပ်စ်တွေအတွက် ကုန်ကျစရိတ်မှာ ဒီဇင်ဘာလမှာ ဒေါ်လာ သန်း ၂၅၀ခန့်မှ ဧပြီလမှာ ဒေါ်လာ သန်း ၄၀၀ ခန့်အထိ မြင့်တက်လာကြောင်း ကာရာကတ်စ်ရှိ စီးပွားရေးကုမ္ပဏီတွေက ပြောကြားခဲ့ပါတယ်။

ဇန်နဝါရီလမှာ အမေရိကန်တပ်ဖွဲ့တွေက သမ္မတ နီကိုလပ်စ် မာဒူရိုနဲ့ ဇနီးကို ဖမ်းဆီးပြီးနောက် ပြည်နယ်အတော်များများရှိ အာဏာရပါတီကို ထောက်ခံသူတွေက ဘောနပ်စ်အချို့ကို မပေးတော့ကြောင်း ပြောကြားခဲ့ပါတယ်။

ဗဟိုဘဏ်ရဲ့ အချက်အလက်တွေအရ မတ်လမှာ နှစ်စဉ်ငွေကြေးဖောင်းပွမှုဟာ ၆၄၉% အထိ ရှိခဲ့ပါတယ်။

Reference - Reuters

Photos - Reuters
https://www.facebook.com/share/p/1LhGJv4UDm/

BBM

Apr 30, 2026, 03:38 AM

ကပစ - ၆ စက်ရုံကနေ ညောင်ကျိုးဖက်ကို စစ်ကောင်စီတပ်က ထိုးစစ်ဆင်ဖို့ ကြိုးပမ်းနေတာကြောင့် လေလာတောင်အနီးဝန်းကျင်နေရာတွေမှာ တိုက်ပွဲပြင်းထန်နေ

BBM - ဧပြီ ၂၉
သတင်း - Myat

ပဲခူးတိုင်းဒေသကြီး၊ ပြည်ခရိုင်၊ ဥသျှစ်ပင်မြို့နယ်ရှိ အမှတ် (၆) ကာကွယ်ရေးပစ္စည်းစက်ရုံ (ကပစ - ၆ ) စက်ရုံကနေ စစ်ကောင်စီတပ်ဟာ အာရက္ခတပ်တော် AA နဲ့ ပူးပေါင်းမဟာမိတ်တပ်တွေ သိမ်းပိုက်ထိန်းချုပ်ထားတဲ့ ညောင်ကျိုးဖက်ကို ထိုးစစ်ဆင်လာနေတာကြောင့် လေလာတောင်အနီးဝန်းကျင်နေရာတွေမှာ တိုက်ပွဲတွေပြင်းထန်စွာ ဖြစ်ပွားနေကြတယ်လို့ စစ်ရေးသတင်းရင်းမြစ်တွေဆီက သိရပါတယ်။

စစ်ကောင်စီတပ်ဟာ ကပစ ၆ စက်ရုံကနေ ဆင်လန်းကျေးရွာကို စစ်အင်အားတွေဖြည့်တင်းကာ တပ်စွဲနေရာယူထားဖြစ်ပြီး အဲဒီကျေးရွာကနေ တစ်ဆင့်ညောင်ကျိုးဖက်ကို စစ်ကြောင်းထိုးဖို့ ပြင်ဆင်နေတာလည်း ဖြစ်ပါတယ်။

ပြီးခဲ့တဲ့ ဧပြီလ ၂၅ ရက်နေ့က စတင်ကာ စစ်ကောင်စီတပ်ဟာ အင်အား ၁၀၀ ကျော်နဲ့ ဆင်လန်ကျေးရွာကနေ ညောင်ကျိုးဖက်ဖက်ကို စစ်ကြောင်းထိုးလာခဲ့တာဖြစ်ပြီး လေလာတောင်အနီးဝန်းကျင်ကို ရောက်တဲ့အချိန်မှာ အာရက္ခတပ်တော် AA၊ ပူးပေါင်းတပ်တွေနဲ့ တိုက်ပွဲတွေပြင်းထန်စွာ ဖြစ်ပွားနေကြတယ်လို့ သိရပါတယ်။

"ညောင်ကျိုးဖက်မှာ တိုက်ပွဲတွေ ငြိမ်သက်နေတာ အချိန်တစ်ခုလောက်ရှိပါပြီး။ ဒီလ ၂၅ ရက်နေ့က စပြီးဖြစ်တယ်လို့ ကြားရပါတယ်။ ကပစ - ၆ စက်ရုံကနေ စစ်ကောင်စီတပ်သားတွေဟာ ဆင်လန်းကျေးရွာကို အင်အားဖြည့်တင်းနေတာရှိပါတယ်။ အဲဒီရွာနေပဲ ညောင်ကျိုးဖက်ကို ထိုးစစ်ဆင်ဖို့ပြုလုပ်လာတော့ လေလာတောင်အနီးဝန်းကျင်မှာ တိုက်ပွဲတွေပြင်းထန်နေကြတာ ဖြစ်ပါတယ် " လို့ ပဲခူးတိုင်းစစ်ရေးသတင်းရင်းမြစ်တစ်ဦးက BBM ကို ပြောပါတယ်။

လက်ရှိ AA နဲ့ ပူးပေါင်းတပ်တွေ သိမ်းပိုက်ထိန်းချုပ်ထားတဲ့ တောင်ကုတ် - ပန်းတောင်းလမ်းပိုင်းက ညောင်ကျိုးကျေးရွာဟာ ကပစ ၆ စက်ရုံနဲ့ဆိုပါက ၁၀ မိုင်ကျော်ကွာဝေးသလို၊ တိုက်ပွဲဖြစ်ပွားနေတဲ့ လေလာတောင်ကျေးရွာနဲ့ ဆိုပါကလည်း ၇ မိုင်ခန့်ကွာဝေးတယ်လို့လည်း သိရပါတယ်။

ဒါ့အပြင် စစ်ကောင်စီတပ်ဟာ ကပစ - ၆ စက်ရုံကို မကွေးတိုင်း၊ မင်းတုန်းမြို့ကနေပြီးတော့ စစ်အင်အားတွေ ဖြည့်တင်းနေကာ လက်ရှိတိုက်ပွဲဖြစ်ပွားနေတဲ့ လေလာတောင်အနီးဝန်းကျင်ကို ပို့ဆောင်မှုတွေရှိနေတယ်လို့လည်း သိရပါတယ်။

အာရက္ခတပ်တော် AA နဲ့ ပူးပေါင်းမဟာမိတ်တပ် PDF တို့ဟာ ရခိုင်ရိုးမ အရှေ့ဘက်ခြမ်းက ပဲခူးတိုင်းကို ပြီးခဲ့တဲ့ ဇန်နဝါရီလအတွင်းမှာ ထိုးစစ်ဆင်တိုက်ခိုက်လာနေတာဖြစ်ပြီး တောင်ကုတ် - ပန်းတောင်းလမ်းပိုင်းရှိ ရခိုင်ရိုးမပေါ်က ညောင်ကျိုးကျေးရွာနဲ့ ကျေးရွာအနီးအနားက ကာကင်းစခန်းတွေကို သိမ်းပိုက်ထိန်းချုပ်ထားတာလည်း ဖြစ်ပါတယ်။

အာရက္ခတပ်တော် AA နဲ့ ပူးပေါင်းမဟာမိတ်တပ်တွေ ထိုးစစ်ဆင်တိုက်ခိုက်နေတဲ့ ပဲခူးတိုင်းမှာ ကပစ စက်ရုံ ၇ ရုံ ရှိနေတာဖြစ်ပြီး ပြည်မြို့နယ်မှာ ကစပ ၃၊ ၇၊ ၁၉ စက်ရုံနဲ့ ဥသျှစ်ပင်မြို့နယ်မှာ ကပစ ၅၊ ၆၊ ၉၊ ၁၆ စက်ရုံတို့ တည်ရှိနေတာလည်း ဖြစ်ပါတယ်။

ကပစ - ၆ စက်ရုံဟာ စစ်ကောင်စီတပ်ရဲ့စစ်လက်နက် ပစ္စည်းတွေအတွက် အဓိက ကုန်ကြမ်းထုတ်ပေးနေတာဖြစ်ပြီး တခြားသော ကပစ စက်ရုံတွေ အကုန်လုံးနဲ့လည်း ဆက်စပ်နေတာလည်း ဖြစ်ပါတယ်။

Photos - AA Info Desk
https://www.facebook.com/share/p/1EMwYrHaiR/

BBM

Apr 30, 2026, 03:38 AM

ကိုယ်ဝန်ဖျက်ချမှု ဆန့်ကျင်ရေးဆန္ဒပြမှုနဲ့ ပထမဆုံး ဖမ်းဆီးတရားစွဲဆိုခံခဲ့ရတဲ့ အမျိုးသမီးတစ်ဦး ပြန်လွတ်လာ

BBM - ဧပြီ ၂၉
သတင်း - Alice

ဂလက်စ်ဂိုမြို့ရှိ ဆေးရုံတစ်ရုံအပြင်ဘက်မှာ ကိုယ်ဝန်ဖျက်ချတာကို ဆန့်ကျင်တဲ့ဆန္ဒပြပွဲအတွင်း ပါဝင်ခဲ့မှုအတွက် ဖမ်းဆီးတရားစွဲဆိုခံခဲ့ရတဲ့ အမျိုးသမီးတစ်ဦးရဲ့ အမှုကို တရားရုံးက ပယ်ချခဲ့ပါတယ်။

မေလတုန်း Queen Elizabeth University Hospital (QEUH) အပြင်ဘက်မှာ အသက် ၇၅ နှစ်အရွယ် ရို့စ် ဒေါ်ချာတီ(Rose Docherty)ဟာ ဆန္ဒပြဆိုင်းဘုတ်တစ်ခု ကိုင်ဆောင်ခဲ့တာကြောင့် ကိုယ်ဝန်ဖျက်ချမှုဆိုင်ရာ အက်ဥပဒေနဲ့ တရားစွဲဆိုခံရတဲ့ ပထမဆုံးပုဂ္ဂိုလ် ဖြစ်လာခဲ့ပါတယ်။

၂၀၂၄ ခုနှစ်မှာ မိတ်ဆက်ခဲ့တဲ့ အဆိုပါ ဥပဒေတွေအရ "ကိုယ်ဝန်ဖျက်ချတဲ့ ဆေးရုံတွေနဲ့ ဆေးခန်းတွေတဝိုက်မှာ တခြားသူတွေကို ထိတ်လန့်စေမယ့်" လုပ်ဆောင်ချက်တွေကို တားမြစ်ထားပါတယ်။

Crown Office နဲ့ Procurator Fiscal Service ရဲ့ ပြောရေးဆိုခွင့်ရှိသူက "COPFS က တရားရုံးရဲ့ ဆုံးဖြတ်ချက်ကို မှတ်သားထားပြီး ဂရုတစိုက် စဉ်းစားမယ်" လို့ ပြောပါတယ်။

ဆေးရုံက ဆရာဝန်တွေက ဆေးရုံအပြင်ဘက်မှာ ၁၀ နှစ်ခန့် ပြုလုပ်ခဲ့တဲ့ အဆိုပါ ဆန္ဒပြမှုတွေကြောင့် လူနာတွေနဲ့ ဝန်ထမ်းတွေအတွက် စိတ်အနှောင့်အယှက်ဖြစ်စေပြီး ခြိမ်းခြောက်မှုဖြစ်စေတယ်လို့ အရင်က BBC Scotland Newsကို ပြောခဲ့ပါတယ်။

ကိုယ်ဝန်ဖျက်ချမှုဆိုင်ရာ အက်ဥပဒေအရ နိုင်ငံတစ်ဝှမ်းရှိ ဆေးခန်းတွေရဲ့အနီး မီတာ ၃၀ မှ မီတာ၂၀၀ (ပေ၆၅၀) အတွင်း ဘယ်ဆန္ဒပြမှုတွေကိုမဆို တားမြစ်ထားတာပါ။

ကိုယ်၀န်ဖျက်ချမယ့် အမျိုးသမီးတွေနဲ့ ဝန်ထမ်းတွေကို ဆေးခန်းတွေထဲကို ဝင်ရောက်ဖို့ တားဆီးတာ ဒါမှမဟုတ် အခြားနည်းနဲ့ ထိတ်လန့်မှုဖြစ်အောင် နှောင့်ယှက်တာ၊ စိတ်ဆင်းရဲအောင် ပြုလုပ်တာတွေဟာ ရာဇဝတ်မှုတစ်ခုဖြစ်တယ်လို့ အဆိုပါဥပဒေထဲမှာ ရေးဆွဲထားပါတယ်။

Reference - BBC
Photos - BBC
https://www.facebook.com/share/p/1BBfnfagcR/

BBM

Apr 30, 2026, 03:38 AM

တောင်ကုတ်မြို့နယ်ထဲက စစ်ဘေးရှောင်ပြည်သူတွေအတွက် အမိုးအကာများလိုအပ်နေ

BBM-ဧပြီ၂၉
သတင်း-ဧက

မကြာမီ မိုးရာသီကိုရောက်ရှိလာတော့မှာဖြစ်တဲ့အတွက် တောင်ကုတ်မြို့နယ်ထဲမှာရှိနေတဲ့ စစ်ဘေးရှောင်အိမ်ထောင်စု ရာချီအမိုးအကာတွေလိုအပ်နေတယ်လို့ စစ်ဘေးရှောင်ကူညီထောက်ပံ့ရေးအဖွဲ့အစည်းတွေထံက သိရပါတယ်။

ကျောက်ဖြူမြို့နယ်ထဲကနေ တောင်ကုတ်မြို့နယ်ထဲကိုတိမ်းရှောင်လာကြတဲ့ စစ်ဘေးရှောင်ပြည်သူတွေထဲက အိမ်ထောင်စု ၂၀၀ ကျော်ဟာ နေစရာအိမ်မရှိတာကြောင့် အရင်ရောက်နှင့်ပြီးသားစစ်ရှောင်တွေအိမ်မှာဘဲ ကပ်နေရတဲ့အခြေအနေဖြစ်တယ်လို့ မြေပြင်စစ်ဘေးရှောင်ကူညီရေးအသင်းတစ်ခုရဲ့ ဥက္ကဋ္ဌက ပြောပါတယ်။

"ဒီမှာရှောင်နေကြတဲ့သူတွေက တစ်နှစ်ကျော်၊ ခြောက်လကျော်တွေရှိသလို နှစ်လ၊ သုံးလသမားတွေလည်းရှိတယ်။ တောင်ကုတ်မှာတော့ စစ်ဘေးရှောင် ၅၀၀၀ လောက်ရှိတယ် အများစုကတော့ ကျောက်ဖြူက။ နေစရာအိမ်မရှိတဲ့သူတွေအတွက်ရော တဲတွေပျက်စီးနေတဲ့သူတွေအတွက်ရော အမိုးအကာတွေတော့အရေးပေါ်လိုအပ်နေတာ။ တချို့ဆို အိမ်ထောင်စု နှစ်စု၊ သုံးစုပေါင်းပြီးနေရတဲ့သူတွေလည်းရှိတယ်"လို့ ရမ္မာဝတီဇာမဏီပရဟိတအသင်းဥက္ကဌ ကိုစိုးအောင်ကဆိုပါတယ်။

ဒါ့အပြင် အဲ့ဒီစစ်ရှောင်စခန်းတွေမှာ သောက်သုံးရေအခက်အခဲဖြစ်နေပြီး ရေတစ်ပုံးရရှိဖို့ အချိန် ၂ နာရီကျော်ကြာလမ်းလျှောက်သွားကြရတယ်လို့ ဒေသခံအမျိုးသားတစ်ဦးကပြောပါတယ်။

တချို့သက်ကြီးရွယ်အိုတွေဆို ရေသွားခပ်ရင်းလမ်းမှာချော်လဲတာကြောင့် ခြေ၊ လက်ကျိုးသွားတဲ့သူတွေလည်းရှိသလို သုံး၊ လေးရက် ရေမချိုးဘဲနေရတဲ့သူတွေလည်းရှိတယ်လို့ သူကဆက်ပြောပါတယ်။

"ဆိုင်ကယ်မရှိတဲ့သူတွေဆိုရေရဖို့မလွယ်ဘူး။ ရေအရင်းအမြစ်ကအရမ်းရှားတော့ ချက်ပြုပ်ဖို့အတွက်ပဲ ရေကိုထားပြီး ရေမချိုးဘဲနေကြရတဲ့သူတွေလည်းရှိတယ်။ ဒီကဒေသခံတွေနဲ့ပေါင်းပြီးလှူပေးနေတာတွေတော့ရှိတယ်။ ဒါပေမယ့် မလုံလောက်ဘူး။ ရေရှားလို့ကျန်းမာရေးဆိုင်ရာနောက်ဆက်တွဲပြဿနာတွေတော့မဖြစ်သေးဘူး"လို့ ဆိုပါတယ်။

လက်ရှိမှာတော့ သောက်သုံးရေ အခက်အခဲကိုဖြေရှင်းနိုင်ဖို့ မိုးရာသီမှာ ရေသိုလှောင်နိုင်အောင် စစ်ရှောင်စခန်းအနားမှာ ရေကန်တူးဖော်တာတွေလုပ်ဆောင်ပေးနေပြီး စစ်ရှောင်စခန်းအားလုံးတော့ ငွေကြေးလိုအပ်ချက်အရ မလုပ်ဆောင်နိုင်သေးတဲ့အတွက် ရေကန်များများတူးဖော်နိုင်အောင်ကူညီပေးကြဖို့ ရမ္မာဝတီဇာမဏီပရဟိတအသင်းက မေတ္တာရပ်ခံထားပါတယ်။

ကျောက်ဖြူမြို့နယ်ထဲမှာ အာရက္ခတပ်တော်နဲ့ စစ်ကောင်စီတပ်တို့ တိုက်ပွဲပြင်းထန်နေတာကြောင့် ဘေးလွတ်ရာကိုတိမ်းရှောင်လာကြတဲ့ စစ်ဘေးရှောင်ဦးရေ ပိုမိုများပြားနေဆဲဖြစ်ပြီး ကျောက်ဖြူတစ်မြို့နယ်ထဲကပဲ တိမ်းရှောင်ရတဲ့ စစ်ဘေးရှောင်ဦးရေ သောင်းနဲ့ချီရှိနေတယ်လို့ သိရပါတယ်။

BBM

Apr 30, 2026, 03:38 AM

ခွင့်ဖြင့်ပြန်လာမယ့် ပြည်ပရောက်မြန်မာလုပ်သားတွေ သံရုံးထောက်ခံစာပါမှ ပြန်လည်ထွက်ခွာခွင့်ရမယ်

BBM-ဧပြီ ၂၉
သတင်း-အိုက်ကျော်

ပြည်ပနိုင်ငံအသီးသီးမှာ အလုပ်လုပ်ကိုင်နေကြတဲ့ မြန်မာလုပ်သားတွေ ပိတ်ရက်ခွင့်နဲ့ မြန်မာနိုင်ငံကို ပြန်လည်ဝင်ရောက်ပြီးနောက် လုပ်ငန်းခွင်သို့ ပြန်လည်ထွက်ခွာရာမှာ သက်ဆိုင်ရာမြန်မာသံရုံးရဲ့ ထောက်ခံချက်ပါရှိဖို့ လိုအပ်တယ်လို့ အလုပ်သမားညွှန်ကြားရေးဦးစီးဌာနက အသိပေးထုတ်ပြန်လိုက်ပါတယ်။

အခုထုတ်ပြန်ချက်ကို လာမယ့် မေလ ၁ ရက်နေ့ မှစတင်၍ တိကျစွာကျင့်သုံးသွားမှာဖြစ်တယ်လို့ သိရပါတယ်။

ခွင့်ပြန်အလုပ်သမားတွေအနေနဲ့ မြန်မာနိုင်ငံသို့ မလာရောက်မီ မိမိအလုပ်လုပ်ကိုင်နေတဲ့ နိုင်ငံအသီးသီးရှိ မြန်မာသံရုံး၊ အဖွဲ့ရုံး (သို့) ကောင်စစ်ဝန်ချုပ်ရုံးတွေကို အလုပ်ရှင်ရဲ ခွင့်စာကို ပြသ၍ ထောက်ခံစာရယူရမှာဖြစ်ပါတယ်။

မိမိရောက်ရှိနေတဲ့နိုင်ငံမှာ မြန်မာသံရုံးမရှိပါက အနီးစပ်ဆုံးနိုင်ငံ သို့မဟုတ် မြို့ရှိ မြန်မာသံရုံးသို့ သွားရောက်လုပ်ဆောင်ရမှာဖြစ်ပါတယ်။

ဒါ့အပြင် လက်ရှိကိုင်ဆောင်ထားတဲ့ Work Permit၊ ဗီဇာနဲ့ ခွင့်စာပါ လုပ်ငန်းခွင်ဟာ OWIC ကတ်ရှိ အချက်အလက်တွေနဲ့ မတူညီပါက မြန်မာနိုင်ငံသို့ ပြန်ရောက်ချိန်မှာ OWIC ကတ်ကို အသစ်ပြန်လည်လျှောက်ထားရမှာဖြစ်ပါတယ်။

ဝန်ကြီးဌာနက သတ်မှတ်ထားတဲ့ စနစ်တကျစုဆောင်းတာ၊ သင်တန်းတက်တာနဲ့ ဆေးစစ်ခြင်းလုပ်ငန်းစဉ်တွေကို ရှောင်လွှဲဖို့အတွက် အလုပ်သမားသစ်အချို့က ခွင့်ပြန်အလုပ်သမား အသွင်ဆောင်ကာ ခွင့်စာအတုတွေနဲ့ ထွက်ခွာဖို့ ကြိုးစားမှုတွေရှိနေတာကို တွေ့ရှိရတယ်လို့ ဆိုပါတယ်။

ဒါ့ကြောင့် လူကုန်ကူးခံရမှုနဲ့ အခြားအန္တရာယ်တွေက ကာကွယ်ဖို့ အခုလို စနစ်တကျစိစစ်ရတာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ခွင့်လိမ်လည်တင်ပြတာ (သို့)အထောက်အထားအတုတွေနဲ့ လျှောက်ထားခြင်းရှိပါက ကာလသတ်မှတ်ချက်တစ်ခုနဲ့ ပြည်ပထွက်ခွာခွင့် ပိတ်ပင်တာ၊ အမည်မည်းစာရင်း (Blacklist) သို့ ထည့်သွင်းတာခံရမှာဖြစ်ပါတယ်။

ပြည်ပထွက်ခွာခွင့် လျှောက်ထားမှုကို ရုံးပိတ်ရက်မပါ ၅ ရက်ကြိုတင်၍ လျှောက်ထားရမှာဖြစ်ပြီး၊ ခွင့်ပြုချက်ရရှိသူတွေ စာရင်းကို Safe Migration Telegram Channel မှာ နေ့စဉ်ထုတ်ပြန်ပေးလျက်ရှိပါတယ်။
https://www.facebook.com/share/p/18TuiBxaJ2/

BBM

Apr 30, 2026, 03:38 AM

PSG-ဘိုင်ယန်ပွဲက မိမိနည်းပြဘ၀ အကောင်းဆုံးပွဲလို့ အန်ရီကေး မှတ်ချက်ပြု

BBM - ဧပြီ ၂၉
သတင်း - David

PSG အသင်းနည်းပြ လူးဝစ်အန်ရီကေးက PSG ၅-၄ ဘိုင်ယန်မြူးနစ်ပွဲက မိမိနည်းပြဘ၀ ကိုင်တွယ်ဖူးတဲ့ပွဲတွေထဲမှာ အကောင်းဆုံးပွဲလို့ မှတ်ချက်ပြုခဲ့ပါတယ်။

ဒီပွဲမှာ နှစ်သင်းပေါင်း ကိုးဂိုးသွင်းပြီး ချန်ပီယံလိဂ် ဆီမီးဖိုင်နယ်မှာ ဂိုးအများဆုံးပွဲအဖြစ် မှတ်တမ်းသစ်ရေးထိုးခဲ့ပါတယ်။

ဒါ့အပြင် ချန်ပီယံလိဂ် ရှုံးထွက်အဆင့်မှာ ဒုတိယဂိုးအများဆုံးအဖြစ် ပူးတွဲ ရပ်တည်နိုင်ခဲ့ပါတယ်။

''ဒီလိုအာရုံစူးစိုက်မှုပြင်းပြတဲ့ ပွဲတစ်ပွဲကို ကျွန်တော် မတွေ့ဖူးပါဘူး။ အခုချိန်က အားနည်းချက်တွေကို ထောက်ပြရမှာ မဟုတ်ပါဘူး။

လူတိုင်းအတွက် ဂုဏ်ယူဝမ်းမြောက်ကြောင်းပြောဖို့ ကျွန်တော်တို့ လိုအပ်ပါတယ်။ ယနေ့မှာ ကျွန်တော်တို့ အနိုင်ရဖို့၊ သရေကျဖို့၊ ရှုံးဖို့ထိုက်တန်ပါတယ်။

ဒီပွဲက အလွန်ကောင်းတဲ့ ပွဲတစ်ပွဲပါပဲ။ နည်းပြတစ်ယောက်အဖြစ် ကျွန်တော် ပါဝင်ဆင်နွှဲဖူးသမျှတွေမှာ အကောင်းဆုံးပွဲဆိုတာ ယုံမှားသံသယရှိစရာ မလိုပါဘူး''လို့ အန်ရီကေးက ပြောခဲ့ပါတယ်။

PSG အသင်းဟာ ချန်ပီယံလိဂ် ရှုံးထွက်အဆင့် နောက်ဆုံး ၁၀ ပွဲဆက် နှစ်ဂိုးနဲ့ အထက် သွင်းယူနိုင်ခဲ့တာပါ။

ဒါ့အပြင် ရီးရဲလ်မက်ဒရစ်နောက်ပိုင်း ပထမဆုံး နှစ်နှစ်ဆက်ချန်ပီယံဖြစ်လာဖို့လည်း အလားအလာကောင်းနေပါတယ်။

#bbm #bbmnews #bbmtv
https://www.facebook.com/share/p/17Re7pkJ1f/

136

BBM

Apr 30, 2026, 03:38 AM

https://youtu.be/cb8_R_yIdjY?si=_KVKqq6xxqlZbcPx

154

BBM

Apr 30, 2026, 03:38 AM

https://youtu.be/r2piS6Z80DM?si=JY3dABA2aD4auvYR

180

BBM

Apr 30, 2026, 03:38 AM

https://youtu.be/9bFrR9tEuY4?si=twoHoV6sgI00AJh8

194

BBM

Apr 30, 2026, 03:38 AM

အွန်လိုင်းငွေလိမ်ဂိုဏ်းတွေကို ပြင်းပြင်းထန်ထန် နှိမ်နင်းမယ်လို့ အမေရိကန် ကြေညာ

🟥ကမ္ဘောဒီးယား အထက်လွှတ်တော်အမတ်ကို ပိတ်ဆို့ အရေးယူ

BBM - ဧပြီ ၂၉
သတင်း - Richard

အမေရိကန်အရာရှိတွေက အရှေ့တောင်အာရှရှိ အွန်လိုင်း ငွေလိမ်လည်လုပ်ငန်းတွေကို ပြင်းပြင်းထန်ထန် နှိမ်နင်းမယ်လို့ ကြေညာခဲ့ပါတယ်။

ဒါဟာ ထရမ့်အစိုးရက တရုတ်ရဲ့ နိုင်ငံတကာရာဇဝတ်မှုတွေကို တိုက်ဖျက်ဖို့ နောက်ထပ် တစ်ဆင့်ကို စတင်လိုက်တာဖြစ်‌ကြောင်း အမေရိကန်ရှေ့နေ ဂျင်းနိုင်း ပါရို(Jeanine Pirro)က ဆိုပါတယ်။

အမေရိကန်အစိုးရရဲ့ လိမ်လည်မှုဗဟိုဌာန တိုက်ဖျက်ရေးအဖွဲ့မှ ဦးဆောင်တဲ့ နှိမ်နင်းမှုအတွင်း ကမ္ဘောဒီးယားမှ ဥပဒေပြုအမတ်တစ်ဦး အပါအ၀င် အခြားလူပုဂ္ဂိုလ်တစ်ဦးနဲ့ ကုမ္ပဏီ ၂၈ ခုကို ပိတ်ဆို့အရေးယူလိုက်ပါတယ်။

အလားတူစစ်ဆင်ရေးတစ်ခုအတွင်း မြန်မာနိုင်ငံ၊ ကရင်ပြည်နယ်အတွင်းရှိ မင်းလက်ပန်ရွာအနီးက ရွှန်းဒါးပတ်ကျားဖြန့်၀င်းကို စီမံခန့်ခွဲခဲ့တဲ့ တရုတ်နိုင်ငံသားနှစ်ဦးကိုလည်း ဖမ်းဆီးခဲ့ပြီး တရားရုံးမှာ စွဲချက်တင်ထားလျက်ရှိပါတယ်။

အဆိုပါ စစ်ဆင်ရေးအတွင်း Telegram မက်ဆေ့ချ်အက်ပ်ရှိ လူသစ်စုဆောင်းရေး ချန်နယ်တစ်ခုကို ပိတ်ပစ်ဖို့နဲ့ ဒေါ်လာသန်းရာပေါင်းများစွာတန်တဲ့ တရားမဝင်ပိုင်ဆိုင်မှုတွေကို ဖမ်းဆီးနိုင်ဖို့ ဝရမ်းထုတ်တဲ့ လုပ်ငန်းစဥ်တွေပါဝင်ကြောင်း ပါရို အွန်လိုင်းသတင်းစာရှင်းလင်းပွဲအတွင်း ပြောကြားခဲ့ပါတယ်။

ကုလသမဂ္ဂမှ ကျွမ်းကျင်သူတွေနဲ့ အခြားလေ့လာသုံးသပ်သူတွေရဲ့ အဆိုအရ မကြာသေးမီနှစ်တွေအတွင်းက အရှေ့တောင်အာရှရှိ အထူးသဖြင့် ကမ္ဘောဒီးယားနဲ့ မြန်မာနိုင်ငံတို့မှာ ဆိုက်ဘာရာဇဝတ်မှုတွေ များပြားခဲ့ပြီး ကမ္ဘာတစ်ဝှမ်းရှိ သားကောင်တွေဆီက အမြတ်အစွန်းများစွာ ရရှိခဲ့ကြတယ်လို့ ဆိုပါတယ်။

အမေရိကန်လူမျိုးတွေသာ ၂၀၂၅ ခုနှစ် တစ်နှစ်တည်းထဲအတွင်း ဆိုက်ဘာရာဇဝတ်မှုတွေနဲ့ အွန်လိုင်းလိမ်လည်မှုတွေကြောင့် အမေရိကန်ဒေါ်လာ ၂၁ ဘီလီယံနီးပါး ဆုံးရှုံးခဲ့ရကြောင်း ဖက်ဒရယ်စုံစမ်းစစ်ဆေးရေးဗျူရိုရဲ့ အဆိုအရ သိရပါတယ်။

အဆိုပါ တရားမဝင်လုပ်ငန်းတွေမှာ လူကုန်ကူးမှုကိစ္စရပ်တွေလည်း ပါဝင်ပတ်သက်နေပါတယ်။

တရားဝင်အလုပ်အကိုင်လုပ်ကိုင်ရမယ်လို့ လိမ်လည်ပြီး နိုင်ငံခြားသားတွေကို အချစ်ဇာတ်လမ်းနဲ့ မျှားကာ cryptocurrency လိမ်လည်မှုတွေပြုလုပ်ဖို့အတွက် အတင်းအကျပ်စေခိုင်းမှုတွေလည်း ရှိတယ်လို့ ဆိုပါတယ်။

လက်ရှိ နှိမ်နင်းမှုရဲ့ အထင်ရှားဆုံးပစ်မှတ်ကတော့ ကမ္ဘောဒီးယားအထက်လွှတ်တော်အမတ်နဲ့ ထင်ရှားသောစီးပွားရေးလုပ်ငန်းရှင် Kok Anတို့ပဲ ဖြစ်ပါတယ်။

အမေရိကန် ဘဏ္ဍာရေးဌာနမှ အဆိုပါ ပုဂ္ဂိုလ်တွေဟာ“ငွေလိမ်လုပ်ငန်းတွေရဲ့ အဓိကပုဂ္ဂိုလ်”တွေဖြစ်တယ်လို့ ဆိုပါတယ်။

Reference - AP News
Photos - AP News
https://www.facebook.com/share/p/18SyR1Sny6/

BBM

Apr 30, 2026, 03:38 AM

ဘီးလင်းမြို့နယ် ဝင်းတာပန်စစ်တပ်စခန်း ပိတ်ဆို့တိုက်ခိုက်ခံနေရ

🟥စစ်ဘေးရှောင်တွေ အကူအညီလိုအပ်နေ

BBM - ဧပြီ ၂၉
သတင်း - ကိုဟန်

မွန်ပြည်နယ် ဘီးလင်းမြို့နယ်ရှိ လေးကေစခန်းကို တော်လှန်ရေးပူးပေါင်းတွေ သိမ်းပိုက်ပြီးနောက် ဝင်းတာပန် တပ်စခန်းသိမ်းတိုက်ပွဲဆင်နွှဲနေတဲ့အတွက် နှစ်ဖက်တိုက်ပွဲပြင်းထန်နေတယ်လို့ စစ်ရေးသတင်းအရင်း အမြစ်တွေ ထံကနေ သိရပါတယ်။

ပြီးခဲ့တဲ့ ဧပြီလ ၁၂ ရက်နေ့က ဘီးလင်းမြို့နယ် လေးကေစခန်းကို တော်လှန်ရေးပူးပေါင်းတပ်တွေက တိုက်ခိုက် သိမ်းပိုက်ခဲ့တာပါ။

အဲဒီနောက် သုံးမိုင်ဝန်းကျင်အကွာမှာ ရှိတဲ့ ဝင်းတာပန်တပ်စခန်းကို ထပ်မံ သိမ်းပိုက်ရရှိဖို့ ဧပြီလ တတိယအပတ်ထဲမှာ ကရင်၊ PDF ၊ မဟာမိတ်ပူးပေါင်းတပ်တွေက ပိတ်ဆို့တိုက်ခိုက်နေတဲ့အတွက် နှစ်ဖက် တိုက်ပွဲပြင်းထန်နေတယ်လို့ မြေပြင်စစ်ရေးသတင်းအရင်းအမြစ်တဦးက BBM ကို ပြောပါတယ်။

“ဒရုန်းနဲ့ရော မြေပြင်စစ်ကြောင်းရော ပိတ်ဆို့တိုက်ခိုက်နေတာ နှစ်ပတ်ဝန်းကျင်လောက်ရှိပြီးပေါ့၊ သူတို့က အင်အားထပ်ပို့ထားတော့ စခန်းတဝိုက်မှာ ဖြစ်နေတာပဲ၊ သူတို့ပိတ်ခံထိနေတာ၊ တိုက်ပွဲက သိတဲ့အတိုင်းပဲ နေ့တိုင်းပဲ ဖြစ်နေတယ်” လို့ ပြောပါတယ်။

တိုက်ပွဲအတွင်း စစ်တပ်က လေယာဉ်၊ ဒရုန်း၊ ပါရာမော်တာအပြင် လက်နက်ကြီးပစ်ခတ်မှုတွေ နေ့စဉ်နဲ့အမျှ ပြုလုပ်နေတဲ့အတွက် အရပ်သားနေအိမ်အဆောက်အဦထိခိုက်ပျက်စီးမှုများ ရှိနေတယ်လို့ သူက ဆက်ပြောပါ တယ်။

KNU တပ်မဟာ - ၁ ထိန်းချုပ်နယ်မြေ သထုံခရိုင်မှာတည်ရှိတဲ့ ဝင်းတာပန်စခန်းမှာ အင်အား ၂၅၀ နီးပါးနဲ့ တပ်စွဲထားပြီး ဒုဗိုလ်မှူးကြီးအဆင့်ရှိသူက ကွပ်ကဲနေတယ်လို့ ဆိုပါတယ်။

“အရင်က ဗိုလ်ကြီး နှစ်ဦးက ကွပ်ကဲနေတာပေါ့၊ လေးကေစခန်းကျပြီးတော့ ဒီစခန်းထပ်မကျဖို့ နယ်မြေခံတပ်ရင်း ကနေ ဒုဗိုလ်မှူးကြီးတွေ ဦးစီးပြီး စစ်ကြောင်းနှစ်ကြောင်းနဲ့ ထိုးပြီး လာပေါင်းထားလို့ အင်အား များသွားတာ” လို့ အထက်ပါစစ်ရေးသတင်းအရင်းမြစ်က ပြောပါတယ်။

ဝင်းတာပန်စခန်းကို စစ်ကူပို့လာတဲ့ စစ်ကြောင်း ပိတ်ဆို့တိုက်ခိုက်ခံရမှုကြောင့် စစ်တပ်ဘက်က အများအပြား ထိခိုက်သေဆုံးခဲ့သလို ထွက်ပြေးတာနဲ့ အလင်းဝင်တာတွေလည်း ရှိနေတယ်လို့ သူက ဆက်ပြောပါတယ်။

ဒီလိုမျိုး နှစ်ဖက်တိုက်ပွဲကြောင့် ဘီးလင်းမြို့နယ်ရှိ ကျေးရွာငါးရွာထက်မနည်းမှ ဒေသခံ တသောင်းခွဲ နီးပါးထွက်ပြေးနေရပြီး စားနပ်ရိက္ခာ အကူအညီတွေလည်း လိုအပ်နေတယ်လို့ KNU က ထုတ်ပြန်ထားပါတယ်။

“ရွာမှာ မရှိတာ ကြာပြီး၊ စစ်သားတွေ ရွာအနားမှာ ရှိနေတယ်လေ၊ ဆွေမျိုးအိမ်ရှောင်တာ၊ တချို့ကျတော့ တောတောင်ထဲမှာပဲ ဖြစ်သလို ရှောင်နေရတော့ စားသောက်ရေးနေထိုင်ရေး အခက်အခဲဖြစ်နေတယ်ပေါ့၊ ဒီဘက်က နိုင်သလောက်တော့ ကူညီနေပေမဲ့ လုံလောက်မှု မရှိနေဘူး” လို့ KNU တပ်မဟာ ၁ နယ်မြေမှာ စစ်ဘေးရှောင်ကူညီနေသူတဦးက ပြောပါတယ်။

လက်ရှိ စစ်ကောင်စီတပ်က တော်လှန်ရေးပူးပေါင်းတပ်တွေ သိမ်းပိုက်ထားတဲ့ လေးကေစခန်းကို ပြန်ရဖို့ စစ်ကြောင်းထိုးနေသလို ဝင်းတာပန်စခန်းမကျဖို့ အပြင်းအထန်ကာကွယ်နေရတဲ့အပြင် လေကြောင်းပစ်ခတ်မှု အပါအဝင် နှစ်ဖက်တိုက်ပွဲပြင်းထန်နေတဲ့အတွက် ရေရှည်စစ်ရှောင်ရမဲ့ အခြေအနေဖြစ်တယ်လို့ သူက ဆက်ပြောပါတယ်။

ဓါတ်ပုံ - KNU ၊ Social Media
https://www.facebook.com/share/p/1a3ndkBtor/

BBM

Apr 17, 2026, 10:46 PM

ချန်ပီယံလိဂ် ဆီမီးဖိုင်နယ်အဆင့်မှာ PSG-ဘိုင်ယန်မြူးနစ်၊ အက်သလက်တီကို-အာဆင်နယ် တွေ့ဆုံ

BBM - ဧပြီ ၁၆
သတင်း - David

ချန်ပီယံလိဂ် ကွာတားဖိုင်နယ် ဒုတိယအကျော့ပွဲတွေ ပြီးဆုံးသွားပြီးနောက် ဆီမီးဖိုင်နယ်အဆင့်မှာ လက်ရှိချန်ပီယံ PSG-ဘိုင်ယန်မြူးနစ်၊
အက်သလက်တီကို-အာဆင်နယ်အသင်းတို့ တွေ့ဆုံခဲ့ကြပါတယ်။

ကွာတားဖိုင်နယ်မှာ PSG က လီဗာပူးလ်ကို နှစ်ကျော့ပေါင်း ၄-၀ ဂိုး၊ ဘိုင်ယန်မြူးနစ်က ရီးရဲလ်မက်ဒရစ်ကို နှစ်ကျော့ပေါင်း ၆-၄ ဂိုး၊
အက်သလက်တီကိုက ဘာစီလိုနာကို နှစ်ကျော့ပေါင်း ၃-၂ ဂိုး၊ အာဆင်နယ်က စပို့တင်းလစ္စဘွန်းကို နှစ်ကျော့ပေါင်း ၁-၀ ဂိုးနဲ့
အနိုင်ယူခဲ့ကြတာဖြစ်တယ်။

ဆီမီးဖိုင်နယ်အဆင့်မှာ ချန်ပီယံဖြစ်ဖူးတဲ့ နှစ်သင်း၊ ချန်ပီယံမဖြစ်ဖူးတဲ့ နှစ်သင်း ထိပ်တိုက်တွေ့ဆုံနေတာပါ။

PSG အသင်းက ချန်ပီယံလိဂ် ဆီမီးဖိုင်နယ်အဆင့်ကို သုံးနှစ်ဆက်တိုက် တက်ရောက်လာနိုင်ခဲ့ပါတယ်။

အာဆင်နယ်ကလည်း နောက်ဆုံးနှစ်နှစ်ဆက် ဒီအဆင့်ကို ရောက်ရှိထားတာဖြစ်တယ်။

ဘိုင်ယန်မြူးနစ်ကတော့ နောက်ဆုံးသုံးနှစ်အတွင်း ဒုတိယအကြိမ်မြောက် တက်လှမ်းလာခဲ့တာပါ။

အက်သလက်တီကိုအသင်းမှာ ၂၀၁၇ ခုနှစ်နောက်ပိုင်း ဆီမီးဖိုင်နယ်ကို တစ်ကျော့ပြန် ရောက်ရှိခဲ့ပါတယ်။

#bbm #bbmnews #bbmtv
https://www.facebook.com/share/p/17hD77tRRg/

167

BBM

Apr 17, 2026, 10:46 PM

မန္တလေးကျုံးထဲမှာ “အပျော်စီး မော်တော်ဘုတ်” စီးနေကြတဲ့အပေါ် ပြည်သူတွေရဲ့ ဝေဖန်မှု မြင့်တက်နေ

BBM - ဧပြီ ၁၆
သတင်း - မင်း

‌ကုန်းဘောင်မင်းဆက်ရဲ့ နောက်ဆုံးမြို့တည်ရာ မန္တလေးမြို့ရဲ့ ကျုံးထဲမှာ “အပျော်စီး မော်တော်ဘုတ်(စပိဘုတ်)” စီးနေကြတဲ့အပေါ် ပြည်သူတွေရဲ့ ဝေဖန်မှုတွေ မြင့်တက်လျက်ရှိ ပါတယ်။

ဧပြီလ ၁၆ရက်နေ့ သင်္ကြန်အတက်နေ့က လူမှုကွန်ရက်မှာ တက်လာတဲ့ ဗီဒီယိုတွေနဲ့ ဓာတ်ပုံတွေအရ ကျုံးထဲမှာ “အပျော်စီး မော်တော်ဘုတ်(စပိဘုတ်)”စီးနေကြတာ တွေ့မြင်ရပါတယ်။

“မန္တလေးကျုံးဆိုတာ အရှေ့တောင်အာရှနိုင်ငံတွေမှာ အကောင်းတိုင်းကျန်နေသေးတဲ့ တစ်ခုတည်းသော မြို့ရိုးရှေ့က ကျုံး၊
ရေဝေ ရေလှဲစနစ် ကောင်းသေးတယ်၊ ရေ ဆစ်သေးတယ်၊ ရေကြည်တယ်၊ မန်းသူ မန်းသားတွေက ကျုံးရေကိုသောက်ပီး ကြီးလာကြတာ”လို့ လူမှုကွန်ရက်မှာ ပြည်သူတစ်ဦးက ရေးသားထားပါတယ်။

အခုလို စပိဘုတ်စီးတာကြောင့် နောက်ဆက်တွဲအနေနဲ့ စက်သုံးဆီဖိတ်၊ ကျုံးရေကိုညစ်ညမ်းစေတာ၊ ကာဗွန်ဒိုင်အောက်ဆိုဒ်များလာတာကြောင့် ရေမသန့်တော့တဲ့အတွက် ရေညှိရေမှော် တက်လာပြီး ကျုံးပျက်မယ်လို့ ‌အဆိုပါပြည်သူက ထောက်ပြဝေဖန်ထားပါတယ်။

တစ်ဖက်မှာလည်း သင်္ကြန်ကာလအတွင်းမို့ အဆိုတော်တွေ မဏ္ဍပ်တစ်ခုနဲ့တစ်ခု အကူးအပြောင်းမှာ စပိဘုတ်စီးကြတာဖြစ်ကြောင်း ‌အချို့ပြည်သူတွေက ဆိုပါတယ်။

“ဒီစစ်ကောင်စီထိန်းချုပ်နေတဲ့ကာလအတွင်းကတော့ အမွေအနှစ်တွေလည်း တော်တော်ဆုံးရှုံးရတယ်၊ အရင်နှစ် ငလျင်ကြီးပြီးကတည်းက စနစ်တကျ ပြန်လည်မမွမ်းမံရသေးတဲ့ နေရာတွေ မန္တလေးမှာ အများကြီးပဲ၊ ပြင်တော့လည်း ပြီးစလွယ်ပြင်ကြတယ်”လို့ မန္တလေးမြို့ခံတစ်ဦးက BBMကိုပြောပါတယ်။

ပြီးခဲ့တဲ့ နှစ်ပိုင်းတွေကလည်း စစ်ကောင်စီဟာ မန္တလေးကျုံးပတ်လမ်းကို ကတ္တရာလမ်းခင်းခဲ့ပြီး အပန်းဖြေရာနေရာလုပ်ခဲ့တာကြောင့် မိုးရွာသွန်းတဲ့အခါ ‌ရေတွေဟာ မြေအောက်ထဲကို မစိမ့်၀င်နိုင်တော့ဘဲ ကျုံးမြို့ရိုးကို စတင်ထိခိုက်‌လာနေကြောင်း နားလည်တဲ့ပြည်သူတွေက‌ ထောက်ပြခဲ့ကြပါသေးတယ်။

Video - Khin Htay
https://www.facebook.com/share/v/17W9nmTcxr/

BBM

Apr 17, 2026, 10:46 PM

အစ္စရေးနဲ့ ကာကွယ်ရေး သဘောတူညီချက်ကို အီတလီ ရပ်ဆိုင်း

BBM - ဧပြီ ၁၆
သတင်း - Alice

အီတလီနိုင်ငံက အစ္စရေးနိုင်ငံနဲ့ ကာကွယ်ရေးသဘောတူညီချက်ကို သက်တမ်းတိုးတော့မှာ မဟုတ်ကြောင်း အီတလီဝန်ကြီးချုပ် ဂျော်ဂျီယာ မယ်လိုနီက ပြောကြားခဲ့ပါတယ်။

မယ်လိုနီက အီတလီအစိုးရဟာ လက်ရှိအခြေအနေအရ
၅နှစ် တစ်ကြိမ်ပြုလုပ်တဲ့ ကာကွယ်ရေး သဘောတူညီချက် သက်တမ်းတိုးတာကို ရပ်ဆိုင်းဖို့ ဆုံးဖြတ်ခဲ့ကြောင်း အသေးစိတ်အချက်အလက်တွေကို မဖော်ပြဘဲ ပြောကြားခဲ့ပါတယ်။

သမိုင်းကြောင်းအရ ခိုင်မာခဲ့တဲ့ ရောမနဲ့ တဲလ်အဗစ်အကြား ဆက်ဆံရေးဟာ မကြာသေးမီက စစ်ပွဲတွေကြောင့် ယိုယွင်းလာခဲ့ပါတယ်။

ပြီးခဲ့တဲ့အပတ်က လက်ဘနွန်ရှိ အီတလီ ငြိမ်းချမ်းရေးထိန်းသိမ်းရေးတပ်ဖွဲ့ဝင်တွေရဲ့ ယာဉ်တန်းကို အစ္စရေးတပ်ဖွဲ့တွေက သတိပေးပစ်ခတ်မှုတွေ ပြုလုပ်ခဲ့တာကြောင့် အီတလီအစိုးရက ရောမမြို့ကို အစ္စရေးသံအမတ်ကြီးကို ဆင့်ခေါ်ခဲ့ပါတယ်။

အဆိုပါ တိုက်ခိုက်ခံရမှုအတွင်း ယာဉ်တစ်စီး ပျက်စီးခဲ့ပြီး ထိခိုက်ဒဏ်ရာရမှု မရှိခဲ့ဘူးလို့ ဆိုပါတယ်။

ဧပြီလ ၁၃ရက်နေ့မှာ လက်ဘနွန်ရှိ အရပ်သားတွေအပေါ် လက်မခံနိုင်တဲ့ တိုက်ခိုက်မှုတွေဖြစ်ကြောင်း အစ္စရေးရဲ့ တိုက်ခိုက်မှုတွေကို ရှုတ်ချခဲ့တဲ့ အီတလီနိုင်ငံခြားရေးဝန်ကြီး Antonio Tajani ရဲ့ မှတ်ချက်တွေကို ဖြေရှင်းဖို့ အီတလီသံအမတ်ကြီးကို အစ္စရေးက တန်ပြန် ဆင့်ခေါ်ခဲ့ပါတယ်။

စတော့ဟုမ်း အပြည်ပြည်ဆိုင်ရာ ငြိမ်းချမ်းရေး သုတေသနဌာန (Sipri)ရဲ့ ကိန်းဂဏန်းတွေအရ အီတလီဟာ အစ္စရေးကို တတိယမြောက် လက်နက်တင်ပို့မှု အများဆုံးနိုင်ငံဖြစ်ပါတယ်။

ဒါပေမဲ့ ၂၀၂၁ မှ ၂၀၂၅ အတွင်း အီတလီမှ အစ္စရေးနိုင်ငံကို လက်နက်တင်သွင်းမှုဟာ ၁.၃% သာရှိခဲ့ပါတယ်။

အမေရိကန်နဲ့ ဂျာမနီတို့က ထိပ်တန်းရောင်းချသူတွေ ဖြစ်ပါတယ်။

အစ္စရေးက ဂါဇာကို ထိုးစစ်စတင်ချိန်ကစလို့ ဥရောပနိုင်ငံအတော်များများဟာ လက်နက်တင်ပို့မှုကို ရပ်ဆိုင်းတာ ဒါမှမဟုတ် ကန့်သတ်တာတွေ ပြုလုပ်ခဲ့ကြပါတယ်။

၂၀၂၃ ခုနှစ် အောက်တိုဘာလ ၇ ရက်နေ့မှာ ဟားမတ်စ်ဦးဆောင်တဲ့ လက်နက်ကိုင်အဖွဲ့က အစ္စရေးအပေါ် တိုက်ခိုက်မှုတွေပြုလုပ်ခဲ့တာကြောင့် လူ ၁၂၀၀ ခန့် သေဆုံးခဲ့ပြီး အခြား ၂၅၁ ဦးကို ဂါဇာကို ဓားစာခံအဖြစ် ခေါ်ဆောင်ခံခဲ့ရပါတယ်

ဂါဇာရှိ ဟားမတ်စ်ထိန်းချုပ်ထားတဲ့ ကျန်းမာရေးဝန်ကြီးဌာနရဲ့ အဆိုအရ အစ္စရေးစစ်တပ်ရဲ့ တိုက်ခိုက်မှုကြောင့် လူ ၇၂၃၃၀ ကျော် သေဆုံးခဲ့တယ်လို့ ဆိုပါတယ်။

ဒါ့အပြင် ၂၀၂၅ ခုနှစ် အောက်တိုဘာလ ၁၀ ရက်နေ့မှာ အပစ်အခတ်ရပ်စဲရေး စတင်ခဲ့ပြီး နောက်ပိုင်း ၇၅၇ ဦး ထပ်မံ သေဆုံးခဲ့ကြောင်း သိရပါတယ်။

Reference - BBC
Photo - BBC
https://www.facebook.com/share/p/1CTznKSaLS/

BBM

Apr 17, 2026, 10:46 PM

ကြယ်ပြောင်ကုန်းစခန်း သိမ်းပိုက်ခံရပြီးနောက် စစ်တပ်က ပြည်သူကိုပစ်မှတ်ထားဗုံးကြဲ

BBM - ဧပြီ ၁၆
သတင်း - ခက်ဆစ်

ကရင်ပြည်နယ်၊ လှိုင်းဘွဲ့မြို့နယ်ရှိ စစ်ကောင်စီတပ်ရဲ့ ကြယ်ပြောင်ကုန်းစခန်းကို တိုက်ခိုက်သိမ်းပိုက်ခဲ့ရာ လက်နက်ခဲယမ်းများ သိမ်းဆည်းရရှိခဲ့ပြီး စစ်တပ်က ပြည်သူတွေကို ပစ်မှတ်ထားပြီး လေကြောင်းတိုက်ခိုက်ခဲ့တာကြောင့် စာသင်ကျောင်းနဲ့ လူနေအိမ်များပျက်စီးခဲ့တယ်လို့ KNU က ထုတ်ပြန်ထားပါတယ်။

မဲသဝေါဒေသရှိ စစ်ကောင်စီတပ်ရဲ့ ပနာအော်ဘူးတူ (ကြယ်ပြောင်ကုန်း) တပ်စခန်းကို ဧပြီလ ၁၃ ရက်နေ့၊ မနက် ၁၁ နာရီဝန်းကျင်မှာ တိုက်ခိုက်သိမ်းပိုက်ခဲ့ပြီး လက်နက်မျိုးစုံ ၁၈ လက်နဲ့ ခဲယမ်းမီးကျောက်များ သိမ်းဆည်းရရှိခဲ့တယ်လို့ ဓာတ်ပုံမှတ်တမ်းနဲ့တကွ ဖော်ပြထားပါတယ်။

စခန်းသိမ်းတိုက်ပွဲကို ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားကာကွယ်ရေးတပ်ဖွဲ့ (KNDO)နဲ့ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)တို့က ပူးပေါင်းတိုက်ခိုက်ခဲ့တယ်လို့ သိရပါတယ်။

အဆိုပါစခန်းသိမ်းတိုက်ပွဲပြီးနောက် နေ့လည် ၁ နာရီ ၅၀ မိနစ်မှာ စစ်ကောင်စီတပ်က တိုက်ပွဲဖြစ်ပွားတဲ့နေရာနဲ့ မသက်ဆိုင်တဲ့ အရပ်သားပြည်သူနေထိုင်ရာနေရာတွေကို ပစ်မှတ်ထားပြီး လေကြောင်းတိုက်ခိုက်ခဲ့တယ်လို့ သိရပါတယ်။

စစ်ကောင်စီတပ်ရဲ့ ဗုံးကြဲတိုက်ခိုက်မှုတွေကြောင့် လှိုင်းဘွဲ့မြို့နယ် ဖွေးဖိုးကလားကျေးရွာရှိ အရပ်သားပြည်သူနေအိမ် ၆ လုံးနဲ့ စာသင်ကျောင်း ၁ ကျောင်း ထိမှန်ပျက်စီးခဲ့ပြီး ရွာသား ၁ ဦး ထိခိုက်ဒဏ်ရာရခဲ့တယ်လို့ ကရင်အမျိုးသားအစည်းအရုံး KNU က အသိပေးထားပါတယ်။

Photo - KNU
https://www.facebook.com/share/p/18RUa1hFV4/

310

BBM

Apr 17, 2026, 10:46 PM

အမေရိကန်ဘက်က အပစ်အခတ်ရပ်စဲရေး တောင်းဆိုခဲ့ကြောင်းကို အိမ်ဖြူတော် ငြင်းဆို

🟥ပါကစ္စတန်မှာ ဆွေးနွေးပွဲအသစ်တွေ ကျင်းပနိုင်ဟု ပြောကြား

BBM - ဧပြီ ၁၆

သတင်း - Alice

အီရန်စစ်ပွဲအတွင်း အိမ်ဖြူတော်က အပစ်အခတ်ရပ်စဲဖို့ တောင်းဆိုခဲ့တယ်ဆိုတဲ့ သတင်းတွေဟာ မှားယွင်းကြောင်း အိမ်ဖြူတော် သတင်းထုတ်ပြန်ရေး အတွင်းရေးမှူး ကယ်ရိုလင်း လီယာဗစ်(Karoline Leavitt)က ဧပြီလ ၁၅ရက်နေ့က သတင်းထောက်တွေကို ပြောကြားခဲ့ပါတယ်။

ဒါ့အပြင် ပါကစ္စတန်မှာ အီရန်နဲ့ ဒုတိယအကျော့ ဆွေးနွေးပွဲတွေကို ဆက်လက်ပြုလုပ်ဖို့ရှိကြောင်း

ထပ်လောင်းပြောကြားခဲ့ပါတယ်။

"ဒီဆွေးနွေးမှုတွေက အကျိုးရှိပြီး ဆက်လက် လုပ်ဆောင်နေပါတယ်”လို့ လီယာဗစ် က ပြောကြားခဲ့ပါတယ်။

သမ္မတ ထရမ့်က ဖေဖော်ဝါရီ ၂၈ ရက်နေ့မှာ အစ္စရေးနဲ့အတူ စတင်ခဲ့တဲ့ စစ်ပွဲကို အဆုံးသတ်ဖို့ ပြီးခဲ့တဲ့ သီတင်းပတ်ကုန်က ပြုလုပ်ခဲ့တဲ့ ဆွေးနွေးပွဲတွေမှာ သဘောတူညီချက် မရရှိဘဲ ပျက်ပြားသွားခဲ့ပါတယ်။

အီရန်ရဲ့ ပင်လယ်ကွေ့ အိမ်နီးချင်းတွေကို အီရန်ရဲ့ တိုက်ခိုက်မှုတွေ ဖြစ်ပေါ်စေခဲ့ပြီး အစ္စရေးနဲ့ လက်ဘနွန်က အီရန်ကျောထောက်နောက်ခံပြု ဟစ်ဇ်ဘိုလာ အကြား ပဋိပက္ခကို ပြန်လည်ဖြစ်ပွားစေခဲ့ပါတယ်။

စစ်ပွဲကြောင့် အီရန်ဟာ ကမ္ဘာလုံးဆိုင်ရာ ရေနံစိမ်းနဲ့ သဘာဝဓာတ်ငွေ့ တင်ပို့မှုအတွက် အရေးပါတဲ့ ဟော်မုဇ်ရေလက်ကြားကို

သူ့ရဲ့ကိုယ်ပိုင်သင်္ဘောတွေမှလွဲပြီး အခြားသင်္ဘောတွေကို ပိတ်ပစ်ခဲ့တာကြောင့် ပင်လယ်ကွေ့မှ အထူးသဖြင့် အာရှနဲ့ ဥရောပကို တင်ပို့မှုတွေ သိသိသာသာ လျော့ကျစေခဲ့ပါတယ်။

Reference - Reuters

Photo - Reuters
https://www.facebook.com/share/p/1Nai2YuNxi/

214

BBM

Apr 17, 2026, 10:46 PM

https://youtu.be/pTiq4QFE_zM?si=3tWcbQ5W8W-sVq0t

273

BBM

Apr 17, 2026, 10:46 PM

https://youtu.be/i1WHPINPA5Q?si=MIgHuUDCe3Cb3Stf

254

BBM

Apr 17, 2026, 10:46 PM

https://youtu.be/ABrTVZ4lGZI?si=_M5XTUhH5QsvSH4F

233

BBM

Apr 17, 2026, 10:46 PM

ဒေါ်လာ ၂၇၀ ဘီလီယံကို စစ်လျော်ကြေးအဖြစ် ပေးရမယ်လို့ အီရန်ဆို

BBM - ဧပြီ ၁၆
သတင်း - Richard

အမေရိကန်နဲ့ အစ္စရေးတို့ရဲ့ တိုက်ခိုက်မှုတွေကြောင့် ပျက်စီးဆုံးရှုံးမှုတွေအတွက် ဒေါ်လာ ၂၇၀ ဘီလီယံ ပေးဆောင်ရမယ်လို့ အီရန်ဘက်က တောင်းဆိုခဲ့ပါတယ်။

ဒါဟာ ဒေသတွင်းအင်အားကြီးနိုင်ငံတွေက ပဋိပက္ခကို အဆုံးသတ်ဖို့ ကြားဝင်ညှိနှိုင်းနေကြစဉ် အီရန်ဘက်က အခုလိုတောင်းဆိုခဲ့တာပါ။

ဧပြီလ ၁၄ရက်နေ့က ကုလသမဂ္ဂဆိုင်ရာ တီဟီရန် သံတမန်က ဒေသတွင်းနိုင်ငံ ၅ နိုင်ငံဟာ အီရန်အပေါ် တိုက်ခိုက်မှုတွေပြုလုပ်ဖို့ နယ်မြေတွေကို အသုံးပြုခွင့်ပေးခဲ့တာကြောင့် လျော်ကြေးပေးဆောင်ရမယ်လို့ ပြောကြားခဲ့ပါတယ်။

အီရန်က ဟော်မုဇ်ရေလက်ကြား ဆွေးနွေးပွဲတွေမှတဆင့် ပျက်စီးဆုံးရှုံးမှုတွေကို လျော်ကြေးရရှိဖို့ ကြိုးစားခဲ့တာပါ။

ဒါ့အပြင် အဆိုပါ ရေလမ်းကြောင်းကို ဖြတ်သန်းသွားလာတဲ့ သင်္ဘောတွေအပေါ် လည်းအခွန်ကောက်ခံမှုတွေ လုပ်ဆောင်သွားမယ်လို့ ဆိုပါတယ်။

ဖေဖော်ဝါရီလ ၂၈ ရက်နေ့ အမေရိကန်-အစ္စရေးစစ်ပွဲ စတင်ချိန်မှစပြီးတော့ အီရန်နိုင်ငံဟာ အမေရိကန်ဒေါ်လာ ၂၇၀ ဘီလီယံခန့် ပျက်စီးဆုံးရှုံးခဲ့ရကြောင်း အီရန်အစိုးရရဲ့ ပြောရေးဆိုခွင့်ရှိသူ Fatemeh Mohajerani က ဧပြီလ ၁၄ရက်နေ့က ထုတ်ပြန်ခဲ့တဲ့ ရုရှား RIA Novosti သတင်းဌာနနဲ့ အင်တာဗျူးတစ်ခုမှာ ပြောကြားခဲ့ပါတယ်။

ပြီးခဲ့တဲ့အပတ်က ပါကစ္စတန်နိုင်ငံမှာ တီဟီရန်နဲ့ ဝါရှင်တန်တို့အကြား ဆွေးနွေးပွဲတွေမှာ အဆြိပါ လျော်ကြေးကိစ္စကို ဆွေးနွေးခဲ့ပြီး အမေရိကန်နဲ့ ကြားဝင်စေ့စပ်သူတွေက အနာဂတ်ဆွေးနွေးပွဲတွေမှာ ဆက်လက် ဆွေးနွေးသွားမယ်လို့ ပြောကြားခဲ့ပါတယ်။

ရေနံနဲ့ သဘာဝဓာတ်ငွေ့စက်ရုံတွေ၊ ရေနံဓာတုဗေဒကုမ္ပဏီတွေ၊ သံမဏိစက်ရုံတွေနဲ့ အလူမီနီယမ်စက်ရုံတွေအပြင် စစ်ရေးအဆောက်အအုံတွေကို အကြိမ်ကြိမ်ပစ်မှတ်ထားခဲ့တိုက်ခိုက်ခံခဲ့ရတာကြောင့် အီရန်ရဲ့ အရေးကြီးတဲ့ အခြေခံအဆောက်အအုံတွေပေါ်မှာ ကြီးမားတဲ့ ပျက်စီးဆုံးရှုံးမှုတွေကို အကဲဖြတ်နေကြောင်း အီရန်အစိုးရက ပြောကြားခဲ့ပါတယ်။

အဆိုပါ အဆောက်အအုံတွေကို အပြည့်အဝပြန်လည်တည်ဆောက်ဖို့ နှစ်ပေါင်းများစွာ ကြာမယ်လို့ ဆိုပါတယ်။

တံတားတွေ၊ ဆိပ်ကမ်းတွေ၊ ရထားလမ်းကွန်ရက်တွေ၊ တက္ကသိုလ်တွေနဲ့ သုတေသနစင်တာတွေ၊ ဓာတ်အားပေးစက်ရုံတွေနဲ့ ရေငန်သန့်စင်စက်ရုံများစွာလည်း တိုက်ရိုက်ထိခိုက်ခဲ့တဲ့အပြင် ဆေးရုံတွေ၊ ကျောင်းတွေနဲ့ အရပ်သားနေအိမ်အများအပြား ပျက်စီးခဲ့ရပါတယ်။

Reference - Al Jazeera
https://www.facebook.com/share/p/1Ng8jgjgNS/

BBM

Apr 17, 2026, 10:46 PM

https://youtu.be/UUmweO3EZok?si=yFxgLhkuDjd4_wTO

267

Showing 30 of 50 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Anders Behring Breivik death sentence NOW - a person who killed at least 78 people in Norway living better than homeless

610

Intel Republic

107k0

Loading recommended channels...

BBM

BBM

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

User Reviews (0)

Latest Posts