Eliyah Mahmoud

Public

Can't Join? @E_M_ahmoud

4.8k Members

Updated: May 15, 2026 at 3:20 PM

Eliyah Mahmoud

@E_M_ahmoud is a dedicated channel for Breaking News with regular updates in Breaking News

Ranking

Global Ranking

#456

Language Ranking

#45

Category Ranking

#23

-1

Participant Growth (Last 7 Days)

Total: 4.8K

24h growth: +0 0%

Latest Posts

Eliyah Mahmoud

May 22, 2026, 09:00 PM

You Will Stop Being An Atheist After This Video..
https://youtube.com/watch?v=2yDB6dw0mkc&si=1mxb4zR8fLlAEp7y

1,330

Eliyah Mahmoud

May 22, 2026, 09:00 PM

You Will Stop Being An Atheist After This Video.. https://youtube.com/watch?v=2yDB6dw0mkc&si=1mxb4zR8fLlAEp7y

1,230

Eliyah Mahmoud

May 22, 2026, 09:00 PM

📎 File

1,010

Eliyah Mahmoud

May 22, 2026, 09:00 PM

📎 File

1,420

Eliyah Mahmoud

May 22, 2026, 09:00 PM

አንዳንድ ሰዎች ..
...

አንዳንድ ሰዎች በኾነ አጋጣሚ የሕይወታችን አካል መኾናቸው ደስታን ይጨምሩልናል ።

እነዚህ ሰዎች ምንም ባያደርጉልንም መቀላቀላቸው ብቻ የኾነ የሚያክሉት አዎንታዊ ኃይል(posetive energy) አለ።

መቀላቀላቸው እጅግ በሩቁ ቢኾንም እንኳ እየጨለመ ነው ያልነውን ቀናችንን ቢያንስ ብልብል የምትል ቀንዲል ይለኩሰበትና በድንግዝግዙም ቢኾን ብርሃን እንዲታየን ማድረግ ይችላሉ።

አንዳንዶች ደግሞ በኾነ መቅስፍታዊ ክስተት ከሕይወታችን መግባታቸው ነገር ዓለማችንን ሾኽ አሜኬላ ያደርገዋል።

እነዚህ ሰዎች ባይቀርቡንም እንኳ በመንገዳችን ላይ መኖራቸውን ማሰቡ በራሱ ጉልበት እንድናጣ የጎመን እራት ይኾኑብናል።

የቁራ መልዕክተኛ እንደሚባለው እነዚህ ሰዎች ከኛ አኳያ ወሬያቸው በሙሉ መርዶ ነው።

የኛን መለወጥ ሰዓት ከሚዘውርበት በተቃራኒ (anticlockwise) ጠምዝዘው ወደ ሞታችን እየተቃረብን እንደኾነ አድርገው ያስፈራሩናል።

አንዳንዶች ደግሞ ድንገት ለኛ የኾነ ነገር ማድረግ ችለው ከነበር ያንን የዕድሜ ልክ ውለታ አድርገው ይቆጥሩታል።

በዛች "ውለታ" ልባችን ውስጥ ሐውልት ያቆሙም ይመስላቸዋል።

እነዚህ ስዎች ከባዱ ችግራቸው ውለታ ውዬለታለኹ ያሉት ሰው ኹሌም የነርሱን ውለታ የሚጠብቅ ደጅ አዳሪ አድርገው ማሰባቸው ነው።

ይሕ ክፉ ሕሳቦአቸው ደብዛቸውን ይዘው እንዲጠፉ ያደርጋቸዋል።

የነዚህ ሰዎች ጫፍ የደረሰ ስስት ውለታቸውን በሙሉ ተቀባዮች የአራጣ ብድር አድርገው እንዲያስቡት ምክንያት ይኾናል።

እገሌን በብር አገዝኹት ብለኽ የጠፋኸው ወዳጄ ሰላም በአንተ ላይ ይኹን።

መርሳት ፈለግኽና ነው እንጂ አንተ ሰጠኹት ካልከው ሳንቲም በላይ እሱ እኮ የሕይወቱን ክፋይ ጊዜውን ሰጥቶኽ ነበር።

ከጊዜ በላይ ምን ውድ ነገር አለና ነው በሰጠኸው ምናምንቴ በዚያ ልክ ታዝበኸው የጠፋኸው ጃል?!

መቼም የሰው ልጅ ቅጠ_ቢስ ኾነና ሊመልሰው ከማይችለው ጊዜው በላይ በየትኛውም ቅጽበት ሊያጣው የሚችለውን ገንዘብ አስቀድሟል።

ዛሬ ላይ ገንዘብ መለኪያ ኾነና አንዱን ከፍ ሌላውን ዝቅ እያደረግንበትም ነው።

ለማንኛውም ወዳጄ ኹሌም ቢኾን አንዳንድ ሰዎችን ከሕይወታችን ፈጽሞ መፋቅ እንዳለብን ልብ ይሏል።
....

ሰናይ ምሽት

1,510

Eliyah Mahmoud

May 22, 2026, 09:00 PM

ላላገቡ ወጣቶች
...

ብዙዃኑ ወጣት ሚስትን ሲመርጥ የመጀመሪያ መስፈርቱ ቁንጅና ነው።

ለቁንጅና ለምሳሌ 80% ይሰጥና ለኢስላማዊ ማንነት 10%፥ለምግብ ዝግጅት ሙያ ደግሞ 10% ይሰጣል።

ሴቶቹም ለሐብትና ንብረት 90%፥ለኢስላማዊ ማንነት 5%፥ለተክለ ሰውነት 5% ሊሰጡ ይችላሉ።

ኹለቱም ጾታዎች ቅድሚያ ሰጥተው የሚያስቡት ኢስላም መቀደም አለበት ያለውን ሳይኾን በእነርሱ ሕሳቦ ጎጆዎአችንን ያጸናልናል ያሉትን ዱንያዊ መለኪያ ብቻ ነው።

ባሳለፍነው መለኪያ የተገነቡ ጎጆዎች ብዙዎቹ ዛሬ ላይ የሉም።

ምክንያቱም ወዳጄ ቁንጅናም ቢኾን እንደ ሳር አበባ ነው። ጸሐይ ከነ ሙቀቷ ስትወጣ በጥቂት ጊዜ ይረግፋል።

ስንቱዎቹ የጓጉለት ቁንጅና ከላይ ከላይ ብቻ ኾኖ ከቤታቸው እንደ ጧፍ ከመብራት ይልቅ ረመቅ ኾኖ አንድዷቸዋል።

በአንጻሩ በመልካም ኢስላማዊ ማንነት ያልተገነባ ወንዳዊ ስብዕና ምንም ያሕል ቢገዘፍ ምስሶ ኾኖ ጎጆ ሲያቆም አላየንም።

ታዲያ ወዳጄ ዛሬ ላይ የምናያቸው የፍቺ ትዕይንተ _ሕዝቦች ምክንያታቸው የተሳሳቱ ምርጫዎች እንደኾኑ ልብ ይሏል።

ሌላውና እጅግ ሊሰመርበት የሚገባው ወጣቱ ከትዳር በፊት በሚኖሩት አጉራ ዘለለ ግንኙነት ትዳርን በጣም ምናባዊ አድርጎ መሳልና በትዳር ውስጥ በዛብሕንና ሰብለ ወንጌልን መናፈቅ ነው።

ወዳጄ የበዛብህና ሰብለ ወንጌል ታሪክ በሐምሳዎቹ የነበረ ዛሬ በልብ ወለድ ዓለም እንኳ ሊኖር የማይችል የምናብ ተረት ተረት ነው።

በሚያሳዝን መልኩ ብዙዎች ትዳራቸው ውስጥ ኾነው የገሐዱን ዕውነታ መኖር ያቅታቸውና የፍቅር እስከ መቃብሩን የሕልም ዓለም ከሕልም ሰብለ ወንጌላቸው ጋር መኖር ይጀምራሉ።

ቅዳሜ ቀን አማኑኤል ሆስፒታል አግኝቼ ያወራኹኽ ወጣት ሰላም በአንተ ላይ ይኹን።

ታስታውስ ከኾነ በንግግራችን መሐል "ሐያት ሽርሽር እንሂድ" ስትል ነበር።

ሐያት ማነች? ብዬ ስጠይቅኽ

"ሐያትን እንዴት አታውቃትም? አዲስ አበባ ሐዩቲን የሚደርስ ቆንጆ አለ እንዴ?"

"እንዴት አንተ አኹን ሓዩን
አታውቃትም ? አትሰክሰኝ እንጂ" አልከኝ።

ኹኔታውን በኋላ ላይ ካገኘኹት ወንድምኽ ስሰማ ሐያት የምትባል ሴት በዙሪያኽ እንደሌለችና አኹን ባለው የትዳር ሕይወትኽ ደስተኛ ስላልኾንክ በምናብ የፈጠርካት ሚስትኽ እንደኾነች ነገረኝ።

ከዛ ሕይወትኽ ላስወጣኽ ብችል ባደረግኹት።

ግን አንተን ከዛ ሕይወት መመንጠቅ ጥቂትም ቢኾን ደስታኽን መንጠቅ ሊኾን ይችላል ።

ያጣኸውን ትክክለኛ ሕይወት በዕብደት ዓለም እየኖርከው ነውና አንተን አክሞ ወደዚኽኛው መመለስ በፍልስፍናው አካሄድ ካየነው ወንጀል ሊኾን
ይችላል ። አላህ መልካሙን ኹሉ ይምረጥልኽ!!!

ታዲያ ወዳጄ መልዕክተኛ (ሰለላሁ ዐለይሂ ወሰለም) ዲንን ቅድሚያ ምርጫችን ማድረግ እንዳለብን ሲነግሩን ሌላው ኹሉ ከንቱ ስለኾነ ቤትም ስለማይሰራ መኾኑን ይረዷል።

ጉዳያችንን ለመጠቅለል እዝች ጋር ተማሪ እያለን የተጻፈችውን ግጥም ብናመጣት ስክክ የምትል ይመስለኛል፦

Look not for beauty
Nor whitness of skin
But look for the heart that's loyal within
Beauty may fade
And skin grow old
But the heart that's loyal
Will never grow cold

Eliyah Mahmoud

May 22, 2026, 09:00 PM

በዛሬው ጁምዓ ሶላት የአክሱም ሙስሊሞችን በዱዓ ማሰብ ይገባል።

اللهم انصر دينك وكتابك وسنة رسولك وعبادك الصالحين

4,280

Eliyah Mahmoud

May 22, 2026, 09:00 PM

ሒጃብና ጋድ ሎጂክ ባደረጉት ውይይት የተነሳው ኹለተኛው ሐሳብ

1,620

Eliyah Mahmoud

May 22, 2026, 09:00 PM

የአክሱም ሙስሊሞች የጁምዓን ሰሏት በቤታቸው እንዳሳለፉ ተሰምቷል።

የአክሱም አመራሮችን ፌዴራል መጅሊስ አይደለም ፌደራል መንግስትም ቢኾን ማስቆም አልቻለም።

ታዲያ መፍትሄው በሚዲያ ወጥቶ ማውራት ወይስ ሌላ?

እየተባለ ያለው እኮ ወይ ኦርቶዶክስ ኹኑ አሊያም እምነት አልባ ኹኑ ካቃራችኹ ደግሞ ለቃችኹ ውጡ ነው።

በየሚዲያው ራሳችኹን ሳትችሉ የምትናገሩ ሰዎች እስኪ ትንሽ ቆም ብላችኹ አስቡ።

አኹን ለአክሱም ሙስሊም ያለው የመጨረሻ አማራጭ ምንድን ነው?

1,630

Eliyah Mahmoud

May 22, 2026, 09:00 PM

📎 File

1,710

Eliyah Mahmoud

May 8, 2026, 10:29 AM

Mohammed Hijab vs GodLogic- FULL DEBATE https://youtube.com/watch?v=vCBXJiSj3hI&si=TVWHMsVnisvx1aM5

1,470

Eliyah Mahmoud

May 8, 2026, 10:29 AM

የኦርቶ ተረትና የአክሱም ሙስሊሞች ዕጣ ፈንታ
…

ከሰሞኑን በአክሱም ከተማ በተደረገው ዝግ ስብሰባ ከምንግዜውም የከፋ ሰነድ ተዘጋጅቶ የሙስሊም ተወካዮችም ጭምር ያለምንም የጋራ ንግግርና ስምምነት በአስገዳጅ እንዲፈርሙ እንደተደረገ ተሰምቷል፡፡

ሰነዱ የሚከተሉትን አስገዳጅ ሀሳቦች አካቷል፡-

፩ኛ) ሙስሊም ሴቶች በትምህርት ቤት ውስጥ ሒጃብ መልበስ አይችሉም፤

፪ኛ) ኹሉም ሙስሊሞች ተከራይተው የሚሰግዱባቸው መስጂዶች እንዲዘጉ፤

፫ኛ) ለረዥም ዘመን ጁምዓ ሲሰገድበት የነበረው የሹቅ መስጂድ ለአንዴና ለመጨረሻ ጊዜ እንዲዘጋ፤

፬ኛ) አዛን በድምጽ ማጉያ ማውጣት አይቻልም፤

፭ኛ) አስከሬን ይዘው ለቀብር የሚንቀሳቀሱ ሙስሊሞች ዋናውን የአስፋልት መንገድ መጠቀም አይችሉም፤ በዛ ፈንታ የውስጥ ለውስጥ ተለዋጭ መንገዶችን መጠቀም ይኖርባቸዋል፤

…

ይህንን ሰነድ ያዘጋጁ ሰዎች ኢስላም ወደ ሐበሻ ምድር ከሌላ ሐገር እንደመጣ ኹሉ ክርስትናም ከሌላ ሐገር እንደመጣ ያውቃሉ፡፡

”የቀደመ ማር ይብላ” ከኾነ ደግሞ ጨዋታው ከኹለቱም ሃይማኖቶች መምጣት በፊት ምናልባት ድፍን ሐበሻ አረማዊ -ጣዖት አምላኪ ሊኾን ይችላል፡፡

ከዚህ ዕውነታ በኋላ ግን ሰዎቹ ክርስትናን ሐገር በቀል ለማድረግና ኢስላምን ደግሞ ማን_ዘራሽ ለማድረግ የሚሄዱበት ርቀት እነሆ ዛሬ ከ”ሐገራችን” ውጡ እስከማለት አድርሷቸዋል፡፡

ይሕንን ሰነድ ላወጡ ግለሰቦችና ደጋፊዎቻቸው ከነርሱ ውጪ ያለው የሐበሻ ልጅ ምንም ታሪክ የለውም፤አባቶቹም የባለፈው ታሪክ ተጋሪ አይደሉም፡፡

ለእነርሱ ታሪክ ሲባል አጼዎቹና ባለሟሎቻቸው በሙስሊሙ ደም በጨቀየ እጃቸው የጻፉት ግፍ ብቻ ነው፡፡

ኢትዮጵያ ማለት ለእነዚያ ሰዎች አምላክ ገና አዳምን ሳይፈጥር ቀድሞ “ንግብረ” ብሎ በልሳኗ የተናገረላት፣
ከተቀረው ዓለም እጅግ በተለየ መልኩ የአዳም ዐፈር የተቆነጠረባት፣አዳምም ሰው ከኾነ በኋላ በምድሯ በምትገኘው ኤደን ገነት ውስጥ ከሚስቱ ሓዋ ጋር የቦረቀባት፣ከምድሯ ብናኝ የመላዕክት ነፍስ የተዘራባት፣መላዕክቱም ዕለት ዕለት ድምጻቸውን ከፍ አድረገው በስሟ የሚቀድሱላት፣የናርዶስና የከርቤ ተራሮች ድንበሮቿን የሚጠብቁላት፣ የድንበሯ ተረተር እንደ ፋርስ ሙሽሮች ጥለት በአልማዝና ዕንቁ የተንቆጠቆጠ፣በመጥረቢያ የሚቆረጡ ሰንበሌጦቿ የክሊዮፓትራን ባለ ዘጎል ጉንጉን ሹሩባ የሚያስንቁ፣ በሰጎን ዕንቁላል ልኬት አንዱ ፍሬ ቤተሰብ የሚያጠገብ ወይን የሚለቀምባት፣የነ ነብዩ ኢትዮጵ፣ደሼትና ኖሕ ሐገር ናት፡፡

ለእነዚያ ሰዎች ሙሴም ቢኾን ከምድሯ ድረስ መጥቶ የተማረባት ከፍም ብሎ ከርሷ ምድር የበቀለችን ሐበሻዊት እንስት አግብቶ በአማችነት የተዛመዳት ናት፡፡

ኢትዮጵያ የኢየሱስ እናት የማርያምም ሐገር ናት፡፡

ታዲያ ወዳጄ በዚህ ልክ በባዶ ሆዱ ራሱን በጉም ትርክት ከሞላ ሕዝብ ጋር በፍጹም መግባባት እንደማይቻል ልብ ይሏል፡፡

ወደ አክሱም ጉዳይ ስንመለስ እንደኔ ከየትኛውም ወገን ተስፋ ከማድረግ ይልቅ ከአላህ በኋላ ከአፋር፣
ሱማሌ፣ስልጤና ብዙኃኑ የኦሮሚያ ምድር ካለው ሙስሊም ተስፋ ማድረግ ይሻለኛል፡፡

“ዓይንን በዓይን” የሚለው ቁርኣናዊ ሕግ ፍትሕን በማስፈን ረገድ የሚስተካከለው እንደሌለ ልብ ይሏል፡፡ አራት ነጥብ!!!

Eliyah Mahmoud

May 8, 2026, 10:29 AM

Mohammed Hijab vs GodLogic- FULL DEBATE
https://youtube.com/watch?v=vCBXJiSj3hI&si=TVWHMsVnisvx1aM5

1,430

Eliyah Mahmoud

May 8, 2026, 10:29 AM

አክሱምና ቴዲ አፍሮ
…

ከሰሞኑን አክሱም ያለው ክርስቲያን በሙስሊሙ ላይ እንደ ወትሮው ኹሉ የሚያደርሰውን በደል አጠናክሮ እንደቀጠለ ይታወቃል፡፡

ነግሩ ከፍ ብሎ የአክሱም አስተዳደር ነን የሚሉ አካላት ሙስሊም እህቶቻችን ሒጃብ እንዳይለብሱና ሙስሊሙም በስግደቱ ወቅት ድምጽ እንዳያሰማ የሚል ትዕዛዝ ከነማስገደድ ጭምር እንዳወጡ ሰምተናል፡፡

ከባለፉት ሳምንታት ጀምሮ ደግሞ ወለይታ ላይ አንድ ዕድሜያቸው የጠና ሙስሊም መጽሐፋችንን ቀደዱ በሚል ሽፋን የፕሮቴስታንቱ ጽንፍ የወላይታ ሙስሊም የመስጂድ ጥያቄን ለማኮላሸት እየተንደረደረ እንደኾነ እያያን ነው፡፡

ይሕ ኹሉ ሲኾን የሚመለከተው የመጅሊስ አካል ምን እያደረገ እንደኾነ በቅጡ ባላውቅም፣ግን እስከዛሬም ቢኾን የረባ ነገር እንዳላደረገ የዛሬው በኛ ላይ የተደፋው ግፍ ግልጽ ማሳያ ነው፡፡

መጅሊስ በየትኛውም ስሌት የሙስሊሙ ምስለኔ እንጂ የመንግስት ጆሮና ቅምጥ አይደለም፡፡

እዛ ኢራን ለሞተው ኻምናኢ ድምጽ የኾነ አካል ፊት ለፊቱ ለሞቱና መብታቸው ለተገፈፈ ሙስሊሞች መጮህ ካልቻለ፣ነገ የደረበው ካባ አላህ ፊት ከል የተነከረ የሐዘን ጃኖ እንዳይኾን ያሰጋል፡፡

በኒቃባችኹ ምክንያት ከትምህርት የተፈናቀላችኹ፣መፍትሔ ካለው በሚል
መጅሊስ ድረስ መጥታችኹ ኒቃብ ዋጂብ አይደለም ተብላትኹ የተመለሳችኹ የአ.አ ዩኒቨርሰቲ ሴት ተማሪዎቻችን ሰላም በእናንተ ይኹን!!!!

በዕርግጠኛነት የኾነባችኹ ክፉ ነገር ኹሉ ነገ የብብት እሾኽ ኾኖ የዛሬዎቹን ባለፈትዋዎች መውጋቱ አይቀርም።

ቀጣዩ ትውልድም በአጥፍቶ ጠፊዎች ዕጣ ፈንታቸው የተቀማ ብሎ ይዘክራችዃል።

ከወዲያ ደግሞ ስለ ብዙ ዕድገታችንና ብልጽግናችን ህምህምታውን ከማሰማት የማይቦዝነው መንግስት አንድ በድምጹ አዳሪ ዘፋኝ በኔ ላይ ቸብቸቦውን (ዘፈኑን) ሰርቶ በቅኔ ዘረፋ መንበሬ ላይ ይቆማል በሚል ያሰጋውን ሙዚቀኛ እንዳስቆመ ተሰምቷል፡፡

ያንን ሙዚቀኛ አይደለም ኹሉንም በዘርፉ የተሰማሩትን ጮሆ አዳሪዎችን መንግስት ቢያሰቆም እኛ እንደኾነ ቁባችን አይደለም፡፡

ግን እንዴት እንዴት ብንለካካ ነው እዚህ ሙስሊሙ በገዛ ሐገሩ ሰባተኛ ዜጋ ኾኖ መቀባሪያ እንኳ እያጣ፣እዛ ጋር መንግስት ለበትረ-ስልጣኑ ሲል አንድ ሙዚቀኛን አፍህን ሰብስብ በሚል እገዳ የሚጥለው?

የሙስሊሙ በዚህ ልክ በዚህች ሐገር ላይ መብት ማጣት ለመንግስት ምኑም ካልኾነ፣እስከ መቼ ነው ከሰማይ የበድር መላዕክቶችን እየጠበቅን የምንዘልቀው? እስከ መቼስ ነው በሎጥ ሕዝቦች ላይ የተደፋችው ምድር በነ እንቶኔም ላይ እንድትደፋ እየለመንን የምንኖረው?

አንድ ነገር ይፈጠር በየሚዲያው ከሚሰሙ ጩኸቶች የዘለለ ማንም ምንም ሲያደርግ አናይም፡፡

ትላንት እኛው ደጋግፈን ከቤቱ ያስገባናቸውም ግለሰቦች ቢኾኑ በግላቸው ንዋየ_ደርባባ ከመኾን በዘለለ፣ ወይም ጨርቄን ማቄን ሰቅዬበታለኹ የሚሉት ሐረጋቸው ሲያሳስባቸው ካልኾነ በቀር፣ ዘር ጥለው ቡቃያ ሲሰበስቡ አላየንም፡፡

ወሬና ትረካቸው ኹሉ ለመረጠኝ ሙስሊም ማሕረሰብ ይሕንን አደረግኹ ሳይኾን፣ይሕን ያሕል ጥማድ በሬ ከነገበሬው፣ከእልፍኝ እንግዶችን የሚያስተናግዱ የትየለሌ አሽከሮች፣ አልማዝና ሉል የሚታፈስበት ከሸዋ እስከ ኢሉአባባቡር የሚደርስ መሬት...ወዘተ አለኝ ሲሉ ከመስማት በቀር ለመኾኑ ምን የሚረባ ዘመን ተሻጋሪ ነገር ሰሩ?

ወዲህ ደግሞ አክሱም መስጂድ ከመሰራቱ በፊት መካ ላይ ቤተክርስትያን እንስራ የሚለው አምቡላ አቅራሪ፣ኢትዮጵያ መቼም የክርስትያን ሐገር ኾና እንደማታውቅ አያውቅም፡፡ ማወቅም አይፈልግም፡፡

ዛሬ እነርሱ ከሰሩት ግፍ ሲሶውን እኛ ሙስሊሞች ብንሰራው፣ሚዲያው ምን ያሕል እንደሚጮሕ ግልጽ ነው፡፡ በነርሱ ልኬት ሙስሊሙ በሚበዛባቸው አካባቢዎች ኹሉ የገነቧቸውን አብያተ ክርስቲያናት በሙሉ ብናወድማቸው፣ ማን እንደሚጎዳና በማን እንደሚብስ ያውቁታል፡፡

ከጅማ እስከ ኢሉአባቡር፣ ሐረርጌ
፣አፋር፣ሶማሌ፣ስልጤ፣አርጎባ፣አሶሳ፣አርሲና ባሌ…መስመሩን ተከትሎ ሙስሊሙ ኦርቶውን ያሳድ ቢባል ይሕች ሐገር አኪልዳማ-የደም-መሬት ትኾን ነበር፡፡ በዚህም ማን እንደሚጎዳ ግልጽ ነው፡፡

አክሱም ቁማሩ፣ዝሙቱና ስካሩ እስከ አፍንጫዋ የነገሰባት የዮግ ማንጎግ ከተማ ናት፡፡ በዝሕች ከተማ የተረት ተረቱ የሙሴ ጽላት አይደለም የኖሕ መርከብ ቢያድርባት ምን ሊረባ ኖሯል?! ሙሴም ይኹን ኖሕ እኮ ኦርቶዶክስ አልነበሩም፡፡
…

Eliyah Mahmoud

May 8, 2026, 10:29 AM

🎤 Voice

« رأيت الاشتغال بالفقه وسماع الحديث لا يكاد يكفي في صلاح القلب، إلا أن يُمزج بالرقائق والنظر في سِيَر السلف الصالحين » ابن الجوزي

1,120

Eliyah Mahmoud

May 8, 2026, 10:29 AM

"ነጩ" አምላክ
...

ሊዮናርዶ ዳቬንቺ የመጨረሻው እራት (The last supper ) በሚል የሳለው ስዕል ኢየሱስ "ከመሰቀሉ" በፊት ከሐዋርያቱ ጋር የበላውን የመጨረሻ እራት (Eucharist) ይዘክራል የሚል ሕሳቦ በኹሉም ክርስቲያኖች ዘንድ አለ ማለት ይቻላል።

ከስዕሉ በግልፅ እንደሚታየው ኢየሱስን ጨምሮ አጠገቡ የነበሩት ደቀመዛሙርቱ ኹሉም ነጮች ናቸው።

ለብዙኻኑ ክርስቲያን ኢየሱስ ስጋ የለበሰ አምላክ ነው።

በሌላ አባባል ኢየሱስ በነጭ ቀለም የመጣ ስጋ የለበሰ አምላክ ነው።

እንደ ክርስቲያኑ አስተምሕሮ ኢየሱስ "ሞቶ" ከተነሳ በኋላ ከአባቱ ቀኝ ተቀምጧል።

ያ ማለት በነጭ መልክ መስሎ የመጣው "አምላክ"፥ነጭ መልኩን እንደያዘ ወደ ሰማያት ተነጥቆ ከአባቱ ቀኝ ተቀምጧል።

አኹን ጥያቄ የሚኾነው፦

፩ኛ) ኢየሱስ "ሰው" ኾኖ ከመምጣቱ በፊት ምን ነበር? የክርስቲያን ስነ_ መለኮት እንደሚያስተምረው ኢየሱስ ወደ ምድር ከመምጣቱ በፊት በቃል (Logos) ነበር።

እዚህ ጋር ደግሞ ሌላ ወፈር ያለ ጥያቄ እናነሳለን፦

፩.፩) ኢየሱስ በቃል ደረጃ ብቻ ከነበረ ከስላሴ አካላት አንዱ "ወልድ" በወልድነት አልነበረም፤ስለኾነም የስላሴ ጽንሰ ሐሳብ _ አብ፣ወልድ፣መንፈስ ቅዱስ_ ቃል የነበረው ኢየሱስ ስጋ ከለበሰ በኋላ ነው ሕልውና ያገኘው ማለት ነው።

፩.፪) "ኢየሱስ በቃል ደረጃ ነበር" ምን ማለት ነው?

ይሕንን ለመመለስ ክርስቲያኖች የግሪክና የአይሁዶች ፍልስፍናና ዕይታዎችን በቅደም ተከተል ይጠቀማሉ።

እንደ ግሪኮቹ ፍልስፍና " የአምላክ ቃል" የአምላክ አመክንዮና ብቃትን (logic and intelligence) ያመለክታል ይላሉ።

በአይሁዶች አረዳድ ደግሞ የአምላክ ቃል ነገሮችን "ኹን" በሚል የፈጠረበት ባሕሪው ነው።

ይሕ ማለት ኢየሱስ የአምላክ አመክንዮና ኹን የሚለው ቃሉ ነበር እንደማለት ነው።

ለዚህ ኹሉ አመለካከት ክርስቲያኖች መጽሐፋዊ መረጃም ማስረጃም የላቸውም።

እኛ ግን የ"ፓን አፍሪካኒዝም" ዕይታ ላይ ቆመን "አምላክ በነጭ መልክ መምጣትን ለምን ፈለገ? ካረገስ በኋላ በነጭ መልክ መኾን ለምን ፈለገ? የሚል ጥያቄ እናነሳለን።

ለማመጣጠን ሲባል ቢያንስ ካረገ በኋላ በጥቁር መልክ ቢኾን "ፍትሓዊ"አያደርገውም ትላላችኹ?

1,230

Eliyah Mahmoud

May 8, 2026, 10:29 AM

ኢየሱስና ዮናስ
...

የማቴዎስ ወንጌል 12:40
••••••••••
⁴⁰ ዮናስ በዓሣ አንባሪ ሆድ ሦስት ቀንና ሦስት ሌሊት እንደ ነበረ፥ እንዲሁ የሰው ልጅ በምድር ልብ ሦስት ቀንና ሦስት ሌሊት ይኖራል።
...

ከላይ የምናነበው ጥቅስ ኢየሱስ ነብዩ ዮናስን ምሳሌ አድርጎ የተናገረው ትንቢታዊ ተዓምር ነው።

ዮናስ በዓሳ አንባሪ ተውጦ ሳይሞት ሶስት ቀን ከነ ለሊቱ ቆይቶ ቀጥሎም ሕይወት ዘርቶ በነብይነት ቀጥሏል።

ኢየሱስም በምድር ልብ ውስጥ ሶስት ቀን ከነ ለሊቱ እንደሚቆይ ተናግሯል።

ብዙ ጊዜ እዚህ ጥቅስ ላይ የሚጠየቀው ኢየሱስ በትክክል ሶስት ቀን ከለ ለሊቱ ቆይቷል ወይ? የሚል ነው።

እዛ ሳንደርስ ግን ያሳለፍነው ጥቅስ ኢየሱስ እንደ ማይሞት የተነበየበት ጥቅስ መኾኑን መረዳት ያሻል።

የዮናስ ጉዳይ ተዐምር የኾነው በአሳ አንባሪ ሆድ ውሰጥ ሶስት ቀን ከነ ለሊቱ በሕይወት መቆየቱ ነው።

ባሳለፍነው ጥቅስ ውስጥ በተመሳሳይ መልኩ ኢየሱስም የዮናስን ተዐምር ሳይሞት ከምድር ልብ ውስጥ ሶስት ቀን ከነ ለሊቱ በመቆየት እንደሚደግመው እየተናገረ ነው።

ይሕንን ካየን በኋላ የተለመደው ጥያቄ ይነሳል። ኢየሱስ በትክክል ሶስት ቀን ከነ ለሊቱ በምድር ልብ ውስጥ ቆይቶል ወይ?

እንደ ክርስቲያኑ መጽሐፍ ትረካ ኢየሱስ ዐርብ ዘጠኝ ሰዓት ገደማ ላይ ነው የሞተው።

የማርቆስ ወንጌል 15:42
••••••••••
አሁንም በመሸ ጊዜ #የሰንበት ዋዜማ# የሆነ #የማዘጋጀት ቀን# ስለ ነበረ፥ የከበረ አማካሪ የሆነ የአርማትያስ ዮሴፍ መጣ፥
...

ሰንበት ቅዳሜ ሲኾን ዋዜማው ደግሞ ዐርብ ነው። ቀጠለና እሁድ ጠዋት "ከሞት" ተነሳ።

ይሕንን መረጃ ይዘን ስንቆጥር እንደ ዮናስ ሶስት ቀን ከነ ለሊቱ አይሞላም።

ይሕንን ለማስታረቅ ክርስቲያኖች ኢየሱስ ዐርብ ሳይኾን ረቡዕ ነው የሞተው፤አይደለም በአይሁድ አቆጣጠር ከአንድ ቀን ትንሽም ቢወስድ የዛን ቀን ሙሉ እንዳገኘ ይቆጠራል...ወዘተ እያሉ የግድ የማጠጋጋት ሒሳብ ሲስሩ እያየን ነው።

እንደኔ ግን ቁም ነገሩ ምን ያህል ቀን ቆየ ሳይኾን በቆየበት ዘመን በሕይወት ነበር ወይስ አልነበረም? የሚለው ነው።

የዮናስ ኹኔታ ተዓምር የሚኾነው በሕይወት አሳ አንባሪ ሆድ ውስጥ መቆየቱ ነው።

ኢየሱስም በምድር ልብ ውስጥ በሕይወት ቆይቶ መቀስቀሱ ነው ተዐምር ሊኾን የሚችለው እንጂ ሞቶ መቀስቀሱ ከዮናስ አንጻር ሲነገር ተዓምር ሊኾን አይችልም።

ኢየሱስ ሶስት ቀን ከነ ለሊቱ ሞቶ ከነበር ዮናስን ምሳሌ ማድረጉ አይረባም አሊያም ስሕተት ነው የሚኾነው።

ምክንያቱም ዮናስ በአሳ አንባሪ ሆድ ውስጥ በሕይወት ነበር፤ኢየሱስ ግን ሞቶ ነበር።

ዮናስ ሶስተ ቀን ከነ ለሊቱ በአሳ አንባሪ ሆድ ውስጥ ቆይቷል ኢየሱስ ግን በዮናስ ልኬት ሰባ ኹለት ሰዓታት በምድር ልብ አልቆየም።

ምን መሰሎት ወዳጄ?! ስለ አልማዝ ኬሚካላዊ ባሕሪ በተራ ብረት ምሳሌ ማድረግ ካለብን፥ መጀመሪያ አልማዝና ተራ ብረት ተመሳሳይ ኬሚካላዊ ባሕሪ እንዳላቸው ማወቅ የግድ ይላል።

ካልኾነ ምሳሌያችን ፍጹም ስሕተት ነው የሚኾነው። ይሕንን በኡሱል ትምህርት ቂያስ መዐል ፋሪቅ (قياس مع الفارق) የምንለው ነው።

ስለዚህ ኢየሱስ ዮናስን ምሳሌ ማድረጉ የኾኑ ሰዎች ሊገድሉት ይሞክራሉ እሱ ግን ሳይሞት እንደሚቆይ መናገሩ ካልኾነ በቀር ወሬው በአጠቃላይ ስለ አጥፊ ቦንብ በድንች ምሳሌ እንደመስጠት ይኾናል።

ኢየሱስ ካልሞተ ደግሞ በኢየሱስ "ሞትና ትንሳኤ" የቆመው ክርስትና ገደል ይገባል።

1ኛ ወደ ቆሮንቶስ ሰዎች 15/17
••••••••••
¹⁷ ክርስቶስም ካልተነሣ እምነታችሁ ከንቱ ናት፤ እስከ አሁን ድረስ በኃጢአታችሁ አላችሁ።

Eliyah Mahmoud

May 8, 2026, 10:29 AM

« رأيت الاشتغال بالفقه وسماع الحديث لا يكاد يكفي في صلاح القلب، إلا أن يُمزج بالرقائق والنظر في سِيَر السلف الصالحين » ابن الجوزي

1,250

Eliyah Mahmoud

May 8, 2026, 10:29 AM

ኀጢአት
...

ዑለማእ ኀጢአት በአጠቃላይ ከሶስት ምክንያቶች አኳያ ይሰራል ይላሉ።

፩ኛ) ካለማወቅ (جهل)
....

ማንኛውም አካል በአላህ (ሱብሓነሁ ወተዓላ ) ላይ አምጾ ክልክላቱን ሲፈጽም ምናልባት ክልክል መኾኑን ካለማወቅ ሊኾን ይችላል።

መላኢካዎች አላህ (ሱብሓነሁ ወተዓላ) አደምን (ዐለይሂ አሰላም) መፍጠርና በምድር ላይ ምትክ ሊያደርገው እንደፈለገ ሲነግራቸው፦

"በምድር ላይ የሚያበላሽን፣ደምንም የሚያፈስን ምትክ ታደርጋለኽን?"

የሚል አላዋቂነት የሚንጸባረቅበት ጥያቄ ጠይቀዋል።

ቀጠለና አላህ (ሱብሓነሁ ወተዓላ) "እኔ እናንተ የማታውቁትን ዐውቃለኹ" ብሎ አደምን (ዐለይሂ አሰላም) የመረጠበትን ምክንያት ለነርሱ ያላስተማረውን በማስተማር በስተመጨረሻም ለዕውቀቱ ክብር ሲባል እንዲሰግዱለት በማዘዝ ጭምር አስተማራቸው።

ከዚህ ታሪክ በመነሳት ምንም እንኳ መላዕክት ኃጢአት ባይሰሩም፣ ካለማወቅ የተሰራ ኀጢአት ግን በዕውቀት እንደሚታከም ይሕንን ታሪክ በመጥቀስ ዐዋቂዎቻችን ያስተምራሉ።

፪ኛ) ከደካማነት (ضعف)/ ዝንጋታ (غفلة)
...

አደም (ዐለይሂ አሰላም) የተከለከውን ዛፍ በደካማነቱ በላ።

ለጥፋቱም ተውባ አደረገ። አላህም (ሱብሓነሁ ወተዓላ) ተሰማለት።

ከዚህ በመነሳት የሰው ልጁ ደካማ ማንነቱ አሸንፎት ኀጢአት ቢሰራ በተውባ እንደሚታጠብ እንማራለን።

፫ኛ) አመጽ (تمرد)
....

ኢብሊስ ለአዳም ስገድ ተባለ። እምቢ ብሎ በአመጻ ከነበረበት ጸጋ ተባረረ።

ጉዳዩን ስንጠቀልለው ኀጢአት በሶስት ኹኔታዎች አኳያ ይሰራል፦

፩)ካለማወቅ_በዕውቀት ይታከማል
፪)ከደካማው ማንነታችን አንጻር_በተውባ ይሻራል
፫) በአላህ ላይ ከሚደረግ አመጽ_ፊስቅ ተደርጎ ይታሰባል
...

ከሶስቱም ዓይነት ኀጢአተኞች ከአንደኛው አኳያ የሚሰራው ሲጀመርም እንደ ኀጢአት እንደማይታሰብ ዑለማእ ያስተምሩናል።

رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا

1,070

Eliyah Mahmoud

May 8, 2026, 10:29 AM

ሰው “የኾነው” አምላክ
…

በክርስቲያን ስነ-መለኮት ትምህርት ውስጥ በተለይም ኦሪጎንና በኋላ ላይ የምስራቅ ኦርቶዶክስ አብያተ ክርስቲያናት የሚያቀነቅኑት ሲ_ንትሮፖስ ( Θεάνθρωπος ) ስጋ የለበሰ አምላክ የሚል ለኢየሱስ የተሰጠ ባሕሪ አለ፡፡

ይሕ አስተምህሮ ኢየሱስን ግማሽ አምላክ ግማሽ ሰው የሚያደርግ ወይም ደግሞ ሰው የነበረ በኋላም አምላክነትን የተቀባ ብሎ የሚያስተምር ሳይኾን ኢየሱስ በአንድ ሰዓት ውስጥ ሰውም አምላክም ነው የሚል ነው፡፡

ከዚህ በተቃራኒ አሪዮስና ደቀ-መዛርቶቹ አምላክ ኢየሱስን “ከወለደው” ኢየሱስ መጀመሪያ አለው ማለት ነው፡፡ ያ ማለት ደግሞ ወልድ (ኢየሱስ) “ፍጹም ፍጡር” እንጂ በአምላክ ልክ ዝንተ-ዓለማዊ (ዘላለማዊ) አምላክ ነው ማለት አይደለም የሚል ተቃውሞ ነበራቸው፡፡

ለአሪዮስና ለደቀ-መዛሙርቱ ኢየሱስን ከአምላክ ጋር አስተካክሎ ስጋ የለበሰ አምላክ ብሎ ማስቀመጥ (ሆሞሲዮስ) የአምላክን አሃዳዊነት መጻረር ነው፡፡ አሪዮስ ብቻም አይደለም በርካታ የቤተክርስቲያን አባቶች የኢየሱስን መለኮታዊነት አይቀበሉም ነበር፡፡

ኢየሱስ “ሰውም አምላክም” ነው ለሚለው ሕሳቦ ቅርጫት ሙሉ ጥያቄ ማንሳት ይቻላል፡-

፩ኛ) ሰው የኾነው አካል በትክክል ፍጹም ሰው ከኾነ በተመሳሳይ ሰዓት እንዴት ፍጹም አምላክ ይኾናል? ፍጹም ሰው ነው ማለት ከበርካታ ትርጉሞቹ ውስጥ፣በየትኛውም መስፍረት የሰው ባሕሪ ያለው ከሰው ባሕሪ አንዳች እንኳ ዝንፍ የማይል ማለት ነው፡፡ ታዲያ ከሰው ባሕሪ አንዳችም ዝንፍ የማይል አካል እንዴት በተመሳሳይ ሰዓት የሰው ባሕሪ የሌለውን አምላክ ይኾናል?

፪ኛ) ፍጹም ሰው ነው ማለት ኃጢኣትን ረስቶም ቢኾን አይሰራም ማለት ከኾነ፣ ራሱ ኢየሱስ ባስተማረው ትምህርት መሰረት ኃጢአት ሰርቶ የአምላኩን ቃል ተላልፏል፡፡ ለምሳሌ፡-
“እኔ ግን እላችኋለሁ፥ በወንድሙ ላይ "የሚቆጣ" ሁሉ ፍርድ ይገባዋል፤ ወንድሙንም "ጨርቃም" የሚለው ሁሉ የሸንጎ ፍርድ ይገባዋል፤ "ደንቆሮ" የሚለውም ሁሉ የገሃነመ እሳት ፍርድ ይገባዋል።” ማቴዎስ ወንጌል 5/22

ከላይ ኃይለ-ቃል ያደረግናቸውን ቃላት ልብ ካልን ወንድሙን በየትኛውም መንገድ አራክሶ የሚሳደብ ፍርድ የሚገባው ኃጢአተኛ የገሃነም ሰው ነው፡፡ ግን ደግሞ ኢየሱስ ራሱ ትውልዱን እንዲህ ብሎ ተሳድቧል፡-

የማቴዎስ ወንጌል 17/17

ኢየሱስም መልሶ፦ የማታምን "ጠማማ "ትውልድ ሆይ፥ እስከ መቼ ከእናንተ ጋር እኖራለሁ? እስከ መቼስ እታገሣችኋለሁ?

የማቴዎስ ወንጌል 3/7

ዳሩ ግን ከፈሪሳውያንና ከሰዱቃውያን ብዙዎች ወደ ጥምቀቱ ሲመጡ ባየ ጊዜ፥ እንዲህ አላቸው፦ እናንተ "የእፉኝት" ልጆች፥ ከሚመጣው ቍጣ እንድትሸሹ ማን አመለከታችሁ?

ወዳጄ እፉኝት ማለት በትንፋሹ ሰውን የሚያሳብጥ የእባብ ዝርያ የሚመስል አውሬ ነው፡፡ ተመልከቱ እንግዲህ ኢየሱስ ፈሪሳውያንና ሰዱቃውያንን የአውሬ ልጆች እያለ እየተሳደበ ነው፡፡ ታዲያ ኢየሱስ በምን መልኩ ነው ፍጹም ሰውና ኃጢኣት አልባ የሚኾነው?

አምላክ ሰው ላለመኾኑ በግልጽ ትንቢት ሆሴዕ 11/9 “ እኔ አምላክ እንጂ ሰው አይደለኹምና” እያለ ከዚያ በኋላ የመጡ “ሰው የኾነ አምላክ” የሚሉና የመሳሰሉ አረዳዶችስ እንዴት ቦታ ሊኖራቸው ይችላል?

Eliyah Mahmoud

May 1, 2026, 09:08 PM

የዮሐንስ ወንጌል 14:28
••••••••••
²⁸ እኔ እሄዳለሁ ወደ እናንተም እመጣለሁ እንዳልኋችሁ ሰማችሁ። የምትወዱኝስ ብትሆኑ ከእኔ አብ ይበልጣልና ወደ አብ በመሄዴ ደስ ባላችሁ ነበር።
....

ይህችን ጥቅስ ለኾነ ክርሰቲያን አንስተን አብ ከወልድ ይበልጣል ስንለው ትንሽ ብልጥ ቢጤ ከኾነ በመጀመሪያ የሚለን "አዎ አብ ከወልድ በስጋው ይበልጣል ኢየሱስም እየነገረን ያለው እርሱን ነው" የሚል ይኾናል።

እኛም መጠየቅ ያለብን "ጥቅሱ ላይ እንደዛ አይልም፤ከየት አምጥተኽ ነው የምታወራው...ወዘተ" ሳይኾን መጠየቅ ያለበት ፦

፩ኛ) ቀድሞውኑ ስጋ ከመንፈሳዊው አብ ጋር እንዴት ይወዳደራል? ኹሌም ቢኾን የአብ መለኮታዊው መንፈስ ከየትኛውም ቁሳዊ ስጋ ይበልጣል።

ባሳለፍነው ጥቅስ ውስጥ ኢየሱስ ስጋን ከአብ መለኮታዊ መንፈስ ጋር እያወዳደረ ከነበረ የተናገረው ምናልባት ምድር ላይ በቆየባቸው የሶስት ዓመታት ታሪክ ውስጥ ትልቁ ስሕተቱ ሊኾን ይችላል!

የዚህ ዓይነት ስሕተት አይደለም "መለኮት" ነው የሚባለው ኢየሱስ ይቅርና ተራ ዕውቀት ያለው ደቀ መዝሙሩ እንኳ አይሳሳትም።

፪ኛ) ኢየሱስ መቼ ነው ራሱን ስጋ የለበሰ መለኮት አድርጎ ያስተማረው?

ቢያንስ በነዚህ ኹለት ጥያቄዎች አጠገባችን ተቀምጦ ሊሰብከን የፈለገውን ክርሰቲያን አፍ ማስያዝ እንችላለን።

...

ሜክሲኮ ጋር ልትሰብከኝ የመጣኸው ክርስቲያን ሰላም ለአንተ ይኹን።

ድፍረትኽን ባደንቅም በስተመጨረሻ ግን በዚያ ልክ ዓላዋቂ መኾንኽ የቅዳሜ መዘናኛዬ ነበር።

ሰው እንዴት አውራ መንገድ ላይ በዚያ ልክ ከዕውቀት ይራቆታል ጃል!!!

በተወደደ ኑሮ በነጻ ስላዝናነኸኝ ምስጋናዬ ከፍ ያለ ነው።

1,620

Eliyah Mahmoud

May 1, 2026, 09:08 PM

ዓለም አቀፋዊ ተውባ ያስፈልገናል
…

አላህ (ሱብሓነሁ ወተዓላ) የፊርዓውንን ታሪክ የተለያዩ የቁርኣን ሱራዎች ውስጥ ደጋግሞ ነግሮናል፡፡

ፊርዓውን ለሕቦቹ አፉን ከፍቶ ሲናገር የግብጽ ግዛት የርሱ እንደኾነ፣የአባይ ጅረቶችም በርሱ እግር ስር እንደሚፈሱ እንደ መንደርደሪያ ካነሳላቸው በኋላ ራሱን ከሙሳ (ዐለይሂ አሰላም)ጋር እንዲያነጻጽሩ ሙሳ ሓሳቡን መግለጽ የማይችል እንደኾነና ከርሱ ጋርም ሊወዳደር እንደማይችል እንዲህ ሲል ገለጸላቸው፡-

“ በዕውነቱ እኔ ከዚህ ያ እርሱ ወራዳ ንግግሩንም ሊገልጽ ከማይቀርበው በላጭ ነኝ”

ሙሳ (ዐለይሂ አሰላም) በትክክልም ነብይ ከኾነ በወርቅ አንባሮች ማጌጥ በመላዕክትም መታጀብ እንደነበረበት አክሎ ተናገራቸው፡፡ አሞኛቸው፡፡ አመነው ተቀበሉት፡፡አዙኽሩፍ 51-54

ወዳጄ ይሕንን የፊርዓውን ታሪክ ከዛሬው ዶናልድ ትራምፕ ጋር አስተሳስረን ብንረዳ፣ትራምፕ ሕዝቦቹን/የምክር ቤት ሪፕብሊካን አባላቱን በአጓጉል አረዳዱና ምኞቱ ከቬንዙዌላ ጀምሮ እስከ ኢራን ድረስ ወረራ በማድረግ የሐገሮቹን መሰረታዊ ነብረቶች ዘርፎ ለአሜሪካ ማድረግና አሜሪካንን ማበልጸግ እንደሚችል ምናባዊ ቅዠቱን እንዲቀበሉት አድርጓል፡፡

ቁርኣን እንደሚነግረን በፊርዓውን አዛዥነት ተከታዮቹ በአይሁድ ሕዝቦች ላይ የሚችሉትን የግፍ ዓይነት ኹሉ አድርገዋል፡፡

ወንድ ሕጻናትን መግደል፣አይሁዳውያንን የባርነት ወጥመድ ውስጥ አስገብቶ እንደ አሕያ ማሰራት…ወዘተ፡፡ ዛሬም ትራምፕና አይሁዶቹ በፍልስጤምና ኢራናውያን ላይ እንደ ሕዝብም እንደ ሐገርም ከሕጻናት የጅምላ ግድያ እስከ ሐገር ማውደም ድረስ የሚችሉትን ኹሉ እያደረጉ ነው፡፡

ሙሳ (ዐለይሂ አሰላም) በሕዝቦቹ ላይ ይደርስ የነበረውን ስቃይ እንዲነሳ በነፍስ ወከፍ ኹሉም በኣላህ ላይ እንዲመኩና ወደ አላህም እንዲመለሱ አሳስቦ እንደነበረ ልብ ይሏል፡-
“ሕዝቦቼ ሆይ! በአላህ አምናችኹ ከኾነ በእርሱ ተወከሉ” ዩኑስ/ 84

የሙሳ (ዐለይሂ አሰላም)ሕዝቦች ተውበትና ወደ አላህም መመለሳቸው ያማረ ጊዜ ሙሳ (ዐለይሂ አሰላም) ሕዝቦቹን ይዞ እንዲወጣ ታዘዘ፡፡

በስተመጨረሻም ፊርዓውን በተከተለው አምባገነናዊ ርዕዮት እሱም ተከታዮቹም ከነስልጣኔአቸው ተጠፉ፡፡ ከእነርሱም በኋላ ያንን ስልጣኔ ሌሎች ሕዝቦች ወርሱት፡፡ የነበረውን ክስተት አላህ (ሱብሃነሁ ወተዓላ) እንዲህ ብሎ ነግሮናል፡-

ከአትክልቶችና ከምንጮችም ብዙ ነገሮችን ተው፡፡ከአዝመራዎችም ከመልካም መቀመጫም፡፡ በእርሷ ተደሳቾች ከነበሩባትም ድሎት፡፡ "እንደዚሁ ኾነ ሌሎችንም ሕዝቦች አወረስናት"፡፡

የሙሳና ህዝቦቹ ታሪክ እንደተለወጠ ዛሬም በዓለም ላይ ያለውን መከራ ችግር ለመለወጥ በሙሳ (ዐለይሂ አሰላም) ሕዝቦች ልኬት ዓለም አቀፋዊ የነፍስ ወከፍ ተውባ ያስፈልገናል፡፡

1,310

Eliyah Mahmoud

May 1, 2026, 09:08 PM

http://youtube.com/post/UgkxmebFdfqLts-Zw6w5Qh9wMl9iU1tnUxM8?si=ve3cvDYX90v1NKWs

825

Eliyah Mahmoud

May 1, 2026, 09:08 PM

http://youtube.com/post/UgkxmebFdfqLts-Zw6w5Qh9wMl9iU1tnUxM8?si=ve3cvDYX90v1NKWs

1,150

Eliyah Mahmoud

Apr 21, 2026, 08:43 PM

🎤 Voice

979

Eliyah Mahmoud

Apr 21, 2026, 08:43 PM

የሰሞኑ የክርስቲያኖች መርዶ
...

ከሰሞኑን የስላሴ አማኞች በስላሴ ማመናቸውን እየተው ይልቁንም ኢየሱስ አምላክ መኾን አይችልም ወደሚል ዕይታ እየመጡ ዕያየን ነው።

ቀደም ሲል ስላሴ መጽሐፍ ቅዱሳዊ ነው በሚል ሲከራከሩ የነበሩ አካላት በዚህ ልክ ስላሴን መተዋቸው ምክንያቱ ብዙ ሊኾን ቢችልም፣ አንዱና ዋነኛው ምክንያት ግን ራሱ መጽሐፉ ነው።

በብሉይ "የተገለጠው" አምላክ አዶናይ አንድም ጊዜ ራሱን በሶስትዮሽ ውስጥ አስገብቶ ሳይናገር፣የብሉይ ነብያትም ስላሴአዊ አምላክን ሳይሰብኩ እንዴት በአዲስ ኪዳን ስላሴ ሊሰበክ ቻለ? መሰረታዊ ጥያቄ ነው።

ቃሉን በሚልኪያስ አንደበት ያደረገው አምላክ፦

"ለኹላችን አንድ አባት ያለን አይደለምን? አንድ አምላክስ የፈጠረን አይደለምን?" ሚልኪያስ 2/10

ብሎ ሲናገር ስለምነው ስላሴን በእግረ መንገዱ ያልነገረው? የሚሉ መሰል ጥያቄዎች ይነሳሉ።

እኛ ግን ጨዋታውን ከፍ አድርገን ዕውነታውን ስናወራ ታዲያ እነዚያ በአምላክ ዙሪያ በርካታ ጥያቄ አንስተው አምላክ የለም ወይም ደግሞ አምላክ እኛ የምንረዳው መጽሐፋዊው ያ በሰማያት ዓለም ያለው አይደለም ያሉ ፈላስፋዎች ብዙዎቹ የመጽሐፍ ቅዱስ ሰላባዎች ኾነው እናገኛቸዋለን።

ቤኔዲክት (Benedict de Spinoza (1632–1677) ለዚህ ጥሩ ምሳሌአችን ነው።

ቤኔዲክት መጽሐፍቅዱስን ሲቃወም እርስ በርስ የሚጣረስና መለኮታዊ መኾን የማይችል ነው የሚል ምክንያት ነበረው።

ቤኔዲክት ያነበበው መጽሐፍቅዱስ አምላክ የኾነ ሰማያት ላይ ያለ አካል ሳይኾን ተፈጥሮ ራሱ አምላክ ነው የሚል መድብለ_አምላክ (Pantheism) አቋም እንዲኖረው እንዳደረገው ይታወቃል።

ሌላኛው ማሳያችን አይሁዳዊው ማርቲን በበር (Martin Buber) ሲኾን The life of dialogue እና The eclipse of God የሚሉት ድንቅ ስራዎቹ ለአቋሙ ዐብይ ዋቢዎች ናቸው።

ማርቲን አምላክ የለም ሳይኾን አምላክ ልክ ቤኔዲክት እንዳለው ከሰማያት ያለ አካል ሳይኾን ሰዎች እርስ በርሳቸው በሚኖራቸው መስተጋብር የሚኖር ነው የሚል ፍልስፍናን ያራምድ ነበር።

እነዚህና የመሳሰሉት በርካታ ፈላስፋዎችና አሰላሳዮች መጽሐፍቅዱስን ኢአመክኖዮአዊ ነው ብለው ሲጥሉት በርግጥም ምክንያታዊ ነበሩ።

ትዝ ይሎት ከኾነ ወዳጄ በልጅነት ታሪካችን "ብስኩት አደባባይ" የሚባል ብስኩት ተበልቶ የማይጠገብበት ቦታ ነበር።

መቼም ከዚያ አደባባይ ኹላችንም ሄደን ብስኩት እንደልብ ገምጠናል_ በምናብ!!!

እዛ ቦታ ላይ የሚመጡ አውሬዎችም ጭምር ብስኩት ጠግበው ጭራቸውንም እርስ በርስ አቆላልፈው በደስታ እየፈነጠዙ ነው ወደ ጎሬአቸው የሚመለሱት።

ታዲያ ዛሬ በዐዋቂ አዕምሮ ተቀራራቢ የካርቶን ፊልም የሚመስል ታሪክ ከመጽሐፉ ተጽፎ ብናነብና መጽሐፉ ላይ ጥያቄ ብናነሳ አይገርምም፦

መጽሐፈ መሣፍንት 15:4
••••••••••
⁴ ሶምሶንም ሄዶ ሦስት መቶ ቀበሮች ያዘ፤ ችቦም ወስዶ ሁለት ሁለቱንም ቀበሮዎች በጅራታቸው አሰረ፥ በሁለቱም ጅራቶች ማካከል አንድ ችቦ አደረገ።
...

ወዳጄ ከመጽሐፉ ዘገደው ብለው ታሪኩን እንዲያነቡ ጋብዣለኹ። ካነበቡ አይቀር ደግሞ እንዲህ ብለው ይጠይቁ፦

፩ኛ) ሳምሶን ሶስት መቶ ቀበሮ እንዴት ሊሰበስብ ቻለ? ከየትስ አመጣ?

፪ኛ) ቀበሮዎቹስ እንዴት ታዘዙለት?

፫ኛ) ችቦውንስ በጅራታቸው መካካል እንዴት አሰረው?

፬ኛ) ቀበሮዎቹ ችቦውን ይዘው ወደ ፍልስጤማውያን ምድር እንዴት ዘለቁ?

ተረቴን መልሱ ከማለቴ በፊት ዛሬ ላይ ከክርስትና እየወጡ ያሉም አካላት በመጽሐፉ "ቅዱስነት"ና መለኮታዊነት ዙሪያ በርካታ ጥያቄዎች እያነሱ እንደኾነ ልብ ይሏል!!!

Eliyah Mahmoud

Apr 21, 2026, 08:43 PM

Why Neuroscientists Are Telling People to Learn Arabic | Arabic101
https://youtube.com/watch?v=SmbVPUiPdp0&si=rrTXldmB8VvZcu8V

1,110

Eliyah Mahmoud

Apr 21, 2026, 08:43 PM

*SOCIALISM:* You have two cows, and you give one to your neighbor.

*COMMUNISM:* You have two cows, the government takes both and gives you milk.

*FASCISM:* You have two cows, the government takes both and sells you milk.

*NAZISM:* You have two cows, the government takes them and kills you.

*CAPITALISM:* You have two cows, you sell one and buy a male. You multiply your cows and there is economic growth. You sell them, you retire and you live on your profits.

*MODERN CAPITALISM:* You have two cows, you sell one and buy a male. You multiply your cows and you buy those of your neighbors. The latter become your shepherds, you pay them in monkey currencies and they die poor.

*AMERICAN SOCIETY:* You have two cows, you sell one and you have to make the other one to produce milk like 4 cows. By dint of producing beyond her capacity, she dies. You take a consultant to understand this death.

*FRENCH SOCIETY:* You have two cows, you go on strike because you want a third.

*GERMAN SOCIETY:* You have two cows, you modify them so that they live 100 years, eat once a month and treat themselves.

*CHINESE SOCIETY:* You have two cows, you sell milk to your compatriots and you produce plastic milk to export to the rest of the world.

*BLACK/ AFRICAN SOCIETY:* You have two cows, you eat them all the same day and you dream that donors or the international community give you others. You go to a church and hope for miracle cattle. You fast 40 days and 40 nights without eating or drinking so that the cows will fall from Heaven. At last You die in extreme poverty and want hope to go to heaven.

1,270

Eliyah Mahmoud

Apr 21, 2026, 08:43 PM

📎 File

996

Eliyah Mahmoud

Apr 21, 2026, 08:43 PM

አጋጣሚዎች
...

በሕይወት ውስጥ የሚያጋጥሙ ጥቂት ምርጥ ሰዎች አሉ።

እነዚህ ሰዎችን በየትኛውም ስሌት ማስቀየም ወይም ከነርሱ ጋር ያለው መልካም ግንኙነት እንዲበላሽ ምክንያት መኾን ትልቅ ዕድለ ቢስነት ነው።

በርካቶች በሰዎች መካከል እየተመላለሱ ግን ደግሞ እጅግ ብቸኛ የኾኑ አሉ።

ዕርግጥ ነው ሰው ግጣሙን ካላገኘ በኣእላፍ ነፍሳት (ሰዎች) መካከል ከመመላለስ ብቻውን ከነፍሱ ጋር ማውጋት ይበልጥለታል።

ከነፍሱ ጋር ማውጋት ካልቻለ ደግሞ ከግዑዛን ጋር ማውጋት ይሻለዋል።

ምክንያቱም በትክክል ከአንዳንድ አካላት ጋር ከመኖር ከግዑዛን ዓለም መቀላቀል እጅግ ሰላም ይሰጣል።

ምክንያቱም የሚያስቀይምህም የምታስቀይመውም አካል አንድስ እንኳ የለም። ኹሉም በዝምታ ውስጥ ዝም ያለ ነው።

ማንም "በላ" ብለኽ ያልከው ቃልኽን ተጭኖ "በላ" ወይም ተመገበ ብሎ አይረዳኽም።

ምናልባት በጣም ካላጋነን ዛሬ ላይ ነፍሴን ጨምሮ በሰውኛ ሚዛን መመዘን ብንችል ብዙዎች ወዳቂ ነን።

ያ ፈላስፋ በቀን ገበያ መሐል ችቦ ለኩሶ ሲሄድ "ምነው ጃል በጠራራው ችቦ ለኩሰኽ ትላወሳለኽሳ ?" ሲሉት "ሰው ጠፍቶ እየፈለኩ ነው" ያለው ዛሬ ቢመጣ በቀን ችቦ ይዞ መውጣቱንም ትቶ ከቤቱ በተኮለተፈ (ኢዕቲካፍ ባደረገ) ነበር።

ምክንያቱም ወዳጄ በቀን ችቦ ይዞ መውጣት በጭላንጭሉም ቢኾንም ሰው አገኛለኹ የሚል ተስፋ እንዳለው ልብ ይሏል!!! አራት ነጥብ።

1,200

Showing 30 of 43 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Anders Behring Breivik death sentence NOW - a person who killed at least 78 people in Norway living better than homeless

610

Intel Republic

107k0

Loading recommended channels...

Eliyah Mahmoud

Eliyah Mahmoud

Ranking

Participant Growth (Last 7 Days)

Latest Posts

Rating

User Reviews (0)

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

Latest Posts

User Reviews (0)