Council for the Development of Cambodia

Council for the Development of Cambodia

Public

Không thể tham gia? @cdc_cambodia

0

3.6k Thành viên

Cập nhật: May 18, 2026 at 11:25 PM

Council for the Development of Cambodia

Official Channel of CDC

@cdc_cambodia offers specialized information about official and channel for subscribers interested in Streaming & IPTV

Xếp hạng

Xếp hạng toàn cầu

#456

+2

Xếp hạng ngôn ngữ

#45

+1

Xếp hạng danh mục

#23

-1

Tăng trưởng người đăng ký (Trong 6 ngày qua)

Tổng cộng: 3.6K

Tăng trưởng 24 giờ: +0 0%

Loading...

Xếp hạng

Yêu cầu đăng nhập

Loading...

Loading recommended channels...

Bài đăng gần đây

Council for the Development of Cambodia

07:36 3 thg 5, 2026

📷 Photo

318

0

0

Council for the Development of Cambodia

07:36 3 thg 5, 2026

កិច្ចប្រជុំផ្សព្វផ្សាយការបង្ក្រាបការឆបោកតាមប្រព័ន្ធបច្ចេកវិទ្យា
៚៚៚

ទីស្តីការក្រុមប្រឹក្សាអភិវឌ្ឍន៍កម្ពុជា៖ នាព្រឹកថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានដឹកនាំកិច្ចប្រជុំផ្សព្វផ្សាយការបង្ក្រាបការឆបោកតាមប្រព័ន្ធបច្ចេកវិទ្យា ដោយមានការអញ្ជើញចូលរួមពីសំណាក់តំណាងអាជ្ញាធរមូលដ្ឋាន, តំណាងក្រសួងការងារ និងបណ្តុះបណ្តាលវិជ្ជាជីវៈ ប្រចាំការនៅតាមបណ្តារដ្ឋបាលតំបន់សេដ្ឋកិច្ចពិសេស, និងតំណាងក្រុមហ៊ុនអភិវឌ្ឍន៍តំបន់សេដ្ឋកិច្ចពិសេស។ កិច្ចប្រជុំនេះត្រូវបានរៀបចំឡើងតាមការចង្អុលបង្ហាញដ៏ខ្ពង់ខ្ពស់របស់សម្តេចធិបតីនាយករដ្ឋមន្ត្រី និងជាប្រធានក្រុមប្រឹក្សាអភិវឌ្ឍន៍កម្ពុជា ក្នុងគោលបំណងទប់ស្កាត់ការជ្រាបចូលនូវអំពើឆបោកតាមប្រព័ន្ធបច្ចេកវិទ្យានេះទៅក្នុងបណ្តាតំបន់សេដ្ឋកិច្ចពិសេស។

ជាកិច្ចចាប់ផ្តើម ឯកឧត្តមអគ្គលេខាធិការបានថ្លែងអំណរគុណដល់ក្រុមហ៊ុនអភិវឌ្ឍន៍តំបន់សេដ្ឋកិច្ចពិសេស ដែលបានចូលរួមទាក់ទាញវិនិយោគ និងថ្លែងអំណរគុណដល់អាជ្ញាធរមូលដ្ឋានដែលខិតខំថែរក្សាសុខសុវត្ថិភាពដល់វិនិយោគិន ដែលការណ៍នេះបានចូលរួមចំណែកលើកកម្ពស់បរិស្ថានវិនិយោគនៅកម្ពុជា។ ឯកឧត្តមអគ្គលេខាធិការបានលើកឡើងថាកិច្ចប្រជុំនាពេលនេះគឺផ្តោតសំខាន់លើរបៀបវារៈសំខាន់ចំនួនពីរ៖ (១). ការផ្សព្វផ្សាយច្បាប់ស្តីពី “ការប្រឆាំងការឆបោកតាមប្រព័ន្ធបច្ចេកវិទ្យា” និង “អនុក្រឹត្យស្តីពីការគ្រប់គ្រងសន្តិសុខសុខសុវត្ថិភាពតាមទីតាំងរស់នៅប្រមូលផ្តុំ” និង (២). ការជំរុញការអភិវឌ្ឍតំបន់សេដ្ឋកិច្ចពិសេស។

នៅក្នុងកិច្ចប្រជុំនេះក៏មានការធ្វើបទបង្ហាញដោយឯកឧត្តមបណ្ឌិត សរ សិនិរ៉ា អគ្គលេខាធិការរងគណៈកម្មាធិការវិនិយោគកម្ពុជា ដើម្បីឱ្យអង្គប្រជុំទាំងមូល ជាពិសេសតំណាងក្រុមហ៊ុនអភិវឌ្ឍតំបន់សេដ្ឋកិច្ចពិសេសជ្រាបអំពីខ្លឹមសារនៃ “ច្បាប់ពីការប្រឆាំងការឆបោកតាមប្រព័ន្ធបច្ចេកវិទ្យា” និង “អនុក្រឹត្យស្តីពីការគ្រប់គ្រងសន្តិសុខសុខសុវត្ថិភាពតាមទីតាំងរស់នៅប្រមូលផ្តុំ” ដែលពាក់ព័ន្ធផងដែរដល់កាតព្វកិច្ចក្នុងការចូលរួមបង្ក្រាបអំពើឆបោកតាមប្រព័ន្ធបច្ចេកវិទ្យានៅក្នុងតំបន់សេដ្ឋកិច្ចពិសេស ដែលនឹងបន្តលើកកម្ពស់ទំនុកចិត្តវិនិយោគិននៅក្នុងតំបន់សេដ្ឋកិច្ច។

នាឱកាសនេះ ដោយអនុលោមតាមប្រសាសន៍ណែនាំដ៏ខ្ពង់ខ្ពស់របស់សម្តេចធិបតីនាយករដ្ឋមន្ត្រី និងជាប្រធានក្រុមប្រឹក្សាអភិវឌ្ឍន៍កម្ពុជា ឯកឧត្តមអគ្គលេខាធិការ បានរៀបចំសេចក្តីព្រាងលិខិតអះអាងអំពីការចូលរួមសហការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា សម្រាប់ក្រុមហ៊ុនអភិវឌ្ឍតំបន់សេដ្ឋកិច្ចពិសេសទាំងអស់ ពិនិត្យ និងចុះហត្ថលេខា។ ឯកឧត្តមអគ្គលេខាធិការបានបញ្ជាក់ជូនថាការអះអាងជាលាយលក្ខ័ណ៍អក្សរនេះមិនមែនជាបន្ទុករដ្ឋបាលថ្មីសម្រាប់ក្រុមហ៊ុនអភិវឌ្ឍន៍តំបន់ទេ ប៉ុន្តែ វាជាសក្ខីភាពបង្ហាញពីការប្តេជ្ញាចិត្ត និងឆន្ទៈយ៉ាងមោះមុតជាមួយរាជរដ្ឋាភិបាលកម្ពុជាក្នុងការបង្ក្រាបការឆបោកតាមប្រព័ន្ធបច្ចេកវិទ្យា ដោយគ្មានបង្អង់ដៃ និងគ្មានការលើកលែង ហើយវាក៏នឹងក្លាយជាឧបករណ៍ដ៏មានសារៈសំខាន់សម្រាប់ចូលរួមទាក់ទាញការវិនិយោគឱ្យចូលមកតំបន់របស់ខ្លួនបន្ថែមទៀតផងដែរ។

មុននឹងបញ្ចប់ ឯកឧត្តមអគ្គលេខាធិការក៏បានរំលឹកដល់ក្រុមហ៊ុនអភិវឌ្ឍន៍តំបន់សេដ្ឋកិច្ចពិសេស ដែលពុំទាន់មានការអភិវឌ្ឍ ឱ្យរួសរាន់ចាប់ផ្តើមរៀបចំហេដ្ឋារចនាសម្ព័ន្ធចាំបាច់ផ្សេងៗសំដៅទាក់ទាញការវិនិយោគចូលក្នុងតំបន់របស់ខ្លួន ចៀសវាងការប្រឈមនឹងការដកហូតមកវិញនូវគោលការណ៍អភិវឌ្ឍន៍តំបន់ ស្របតាមបទប្បញ្ញត្តិជាធរមាន។

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

Council for the Development of Cambodia

07:36 3 thg 5, 2026

📷 Photo

315

0

0

Council for the Development of Cambodia

07:36 3 thg 5, 2026

📷 Photo

270

0

0

Council for the Development of Cambodia

23:43 29 thg 4, 2026

📷 Photo

ឯកឧត្តម អ៊ឹម សួរ អគ្គលេខាធិការរង នៃគណៈកម្មាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា (គ.ស.អ.ក./ក.អ.ក) បានទទួលជួបពិភាក្សាការងារជាមួយ ឯកឧត្តម Stefan Messerer ឯកអគ្គរដ្ឋទូតសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជា និងកញ្ញា Norakvattey រួមទាំងគណៈប្រតិភូនៃស្ថានទូតសហព័ន្ធអាល្លឺម៉ង់ និងតំណាងអង្គការ Plan International Cambodia ដែលចូលរួមក្នុងយុទ្ធនាការភាពជាអ្នកដឹកនាំរបស់យុវតី Girls Takeover Campaign ដែលមានគោលបំណងបង្កើនឱកាសសម្រាប់យុវជនក្នុងការអភិវឌ្ឍសមត្ថភាពភាពដឹកនាំ និងការចូលរួមក្នុងការសម្រេចចិត្តសម្រាប់អនាគត។ ជំនួបនេះបានផ្តោតលើការផ្លាស់ប្តូរទស្សនៈអំពីកិច្ចសហប្រតិបត្តិការអភិវឌ្ឍន៍រវាងកម្ពុជា និងសាធារណរដ្ឋសហព័ន្ធអាល្លឺម៉ង់ និងពិភាក្សាការលើកកម្ពស់ភាពជាអ្នកដឹកនាំរបស់ស្ត្រី និងយុវជន ក្នុងការចូលរួមអភិវឌ្ឍសង្គម-សេដ្ឋកិច្ចកម្ពុជា ។
🌐 Follow Us
🧭  http://cdc-crdb.gov.kh/ | 👨‍💻 https://www.facebook.com/cdc.gov.kh

Council for the Development of Cambodia

23:43 29 thg 4, 2026

សិក្ខាសាលាស្តីពី «ស្ថានភាពសេដ្ឋកិច្ចសកល និងផលជះសម្រាប់សេដ្ឋកិច្ចកម្ពុជា»
៚៚៚

នាថ្ងៃទី២៤ ខែមេសា ឆ្នាំ២០២៦ ឯកឧត្តម យុន ហេង អគ្គលេខាធិការរងគណៈកម្មាធិការវិនិយោគកម្ពុជា បានអញ្ជើញចូលរួមធ្វើជាវាគ្មិន ក្នុងសិក្ខាសាលាស្តីពី «ស្ថានភាពសេដ្ឋកិច្ចសកល និងផលជះសម្រាប់សេដ្ឋកិច្ចកម្ពុជា» ដែលរៀបចំឡើងដោយសាកលវិទ្យាល័យជាតិគ្រប់គ្រង។ សិក្ខាសាលានេះត្រូវបានរៀបចំឡើងក្នុងគោលបំណងដើម្បីចែករំលែកព័ត៌មាន ជូនសិស្ស-និស្សិត និងសាធារណជន ពាក់ព័ន្ធនឹងនិន្នាការសេដ្ឋកិច្ចសកល, ផលជះនៃភាពមិនប្រាកដប្រជានៃសេដ្ឋកិច្ចសកលមកលើកម្ពុជា, និន្នាការសេដ្ឋកិច្ចឌីជីថល និងការត្រៀមខ្លួនក្នុងបរិបទសេដ្ឋកិច្ចផ្លាស់ប្តូរឆាប់រហ័ស «Rapidly Change»។

នាឱកាសនោះ ​ឯកឧត្តម យុន ហេង បានធ្វើបទឧទ្ទេសនាមលម្អិតអំពី ១) ស្ថានភាពវិនិយោគនៅកម្ពុជា, ២) ច្បាប់ស្តីពីវិនិយោគនៃព្រះរាជាណាចក្រកម្ពុជា, ៣) យុទ្ធសាស្រ្ត និងស្ថាប័នជំរុញការវិនិយោគ។

"Invest in Cambodia", Find us on:
- Website: http://cdc.gov.kh/ | http://cib-cdc.gov.kh/
- Online Investment Project Registration: http://ipm.cdc.gov.kh/
- Email: [email protected] | [email protected]
- Helpline: +855 99 799 579 | +855 98 799 579

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

692

Council for the Development of Cambodia

23:43 29 thg 4, 2026

📷 Photo

ឯកឧត្តម ជូ ហេង អគ្គលេខាធិការរងគណៈកម្មាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា និងជាអ្នកសម្របសម្រួលជាតិ GMS របស់កម្ពុជា បានជួបពិភាក្សាអាហារថ្ងៃត្រង់ជាមួយលោក Vijay Kumar Akasam ប្រធានប្រតិបត្តិការបេសកកម្មប្រចាំប្រទេសកម្ពុជានៃធនាគារអភិវឌ្ឍន៍អាស៊ី (ADB) ដើម្បីពិភាក្សាលើការពង្រឹងកិច្ចសហការក្នុងក្របខ័ណ្ឌកម្មវិធីសហប្រតិបត្តិការ GMS ។
https://t.me/greatermekongsubregion https://greatermekong.org/) | 👨‍💻 https://www.facebook.com/share/1EJwqsw3Bv/?mibextid=wwXIfr | https://t.me/greatermekongsubregion

Council for the Development of Cambodia

23:43 29 thg 4, 2026

📷 Photo

478

2

0

Council for the Development of Cambodia

16:14 17 thg 4, 2026

📷 Photo

គម្រោងវិនិយោគចំនួន ១៤៦ ដែលមានទុនវិនិយោគសរុបប្រមាណ ២,៥ប៊ីលានដុល្លារអាម៉េរិក ត្រូវបានចុះបញ្ជីនៅកម្ពុជា ក្នុងត្រីមាសទី១ ឆ្នាំ២០២៦

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

437

Council for the Development of Cambodia

16:14 17 thg 4, 2026

📷 Photo

សារជូនពររបស់ ឯកឧត្តមអគ្គលេខាធិការ អគ្គលេខាធិការដ្ឋាន នៃក្រុមប្រឹក្សាអភិវឌ្ឍន៍កម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ពុទ្ធសករាជ២៥៧០ សូមគោរពជូនចំពោះ៖

១. សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានក្រុមប្រឹក្សាអភិវឌ្ឍន៍កម្ពុជា និងលោកជំទាវបណ្ឌិត ព្រមទាំងក្រុមគ្រួសារ

២. ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោកជំទាវ ព្រមទាំងក្រុមគ្រួសារ

៣. ឯកឧត្តម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី២ ក្រុមប្រឹក្សាអភិវឌ្ឍន៍កម្ពុជា ព្រមទាំងក្រុមគ្រួសារ

៤. ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល អនុប្រធានទី៣ ក្រុមប្រឹក្សាអភិវឌ្ឍន៍កម្ពុជា និងលោកជំទាវ ព្រមទាំងក្រុមគ្រួសារ។

🌐 Follow Us 🧭  https://cdc.gov.kh/)
| 🌐 https://www.facebook.com/cdc.gov.kh 🌐 🌐 https://www.linkedin.com/company/council-for-the-development-of-cambodia/😃 https://twitter.com/cdc_cambodia 🌐 http://www.youtube.com/@cdc.cambodia

Council for the Development of Cambodia

16:14 17 thg 4, 2026

📷 Photo

សារលិខិតជូនពររបស់ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា គោរពជូន ÷
- សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចកម្ពុជា និងជាប្រធានក្រុមប្រឹក្សាអភិវឌ្ឍន៍កម្ពុជា
- ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា
- ឯកឧត្តម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី ២ ក្រុមប្រឹក្សាអភិវឌ្ឍន៍កម្ពុជា
- ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល អនុប្រធានទី៣ ក្រុមប្រឹក្សាអភិវឌ្ឍន៍កម្ពុជា
នៅក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស. ២៥៧០ គ.ស. ២០២៦

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

Council for the Development of Cambodia

16:14 17 thg 4, 2026

📷 Photo

ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជា បានអញ្ជើញចូលរួមសិក្ខាសាលាស្តីពី Cambodia: Business Outlook 2026 and Unlocking Opportunities
៚៚៚

នៅថ្ងៃព្រហស្បតិ៍ ៧រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៩ ខែមេសា ឆ្នាំ២០២៦ ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជាបានចូលរួមសិក្ខាសាលាស្តីពី Cambodia: Business Outlook 2026 and Unlocking Opportunities ដែលសហការរៀបចំដោយសម្ព័ន្ធធុរកិច្ចសិង្ហបុរី (Singapore Business Federation), សភាពាណិជ្ជកម្មសិង្ហបុរី និងក្រុមហ៊ុន Aquarii BD (Cambodia) Co. Ltd. ក្រោមការគាំទ្រពីក្រសួងពាណិជ្ជកម្ម, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ក្រុមប្រឹក្សាអភិវឌ្ឍន៍កម្ពុជា និងសហគ្រិនខ្មែរ (Khmer Enterprise)។ សិក្ខាសាលានេះត្រូវបានរៀបចំឡើងដើម្បីចែករំលែកព័ត៌មានពាក់ព័ន្ធនឹងការធ្វើធុរកិច្ច និងធ្វើការផ្គូផ្គងកាលានុវត្តភាពធុរកិច្ច ដោយមានការអញ្ជើញថ្លែងសុន្ទរកថាគន្លឹះពីសំណាក់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងមានការចូលរួមពីសំណាក់តំណាងក្រុមហ៊ុនសិង្ហបុរី និងក្រុមហ៊ុនកម្ពុជាប្រមាណ ៨០នាក់។

ឯកឧត្តម លឹម វិសាល ត្រូវបានអញ្ជើញឱ្យធ្វើបទបង្ហាញស្តីពីបរិស្ថានវិនិយោគនៅកម្ពុជា និងធ្វើជាវាគ្មិនក្នុងវគ្គទី១៖ Cambodia’s Regulatory, Business, and Investment Landscape។ នៅក្នុងការធ្វើបទបង្ហាញ ឯកឧត្តមអគ្គលេខាធិការរងបានគូសបញ្ជាក់លើចំណុចសំខាន់ៗមួយចំនួន ដូចជា កំណើននៃរំហូរវិនិយោគបរទេសផ្ទាល់មកកម្ពុជាក្នុងរយៈប៉ុន្មានឆ្នាំចុងក្រោយនេះ, ឧត្តមភាពកម្ពុជាជាទិសដៅវិនិយោគ, ពន្ធដារ, ការលើកទឹកចិត្តវិនិយោគ និងការអភិវឌ្ឍតំបន់សេដ្ឋកិច្ចពិសេសដែលបានចូលរួមចំណែកក្នុងការធ្វើពិពិធកម្មឧស្សាហកម្ម និងប្រភពទុនវិនិយោគ។

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

Council for the Development of Cambodia

16:14 17 thg 4, 2026

📷 Photo

កិច្ចប្រជុំអន្តរក្រសួងកម្រិតបច្ចេកទេស ដើម្បីពិនិត្យ និងផ្តល់ធាតុចូលលើសេចក្តីព្រាងបឋម របាយការណ៍វាយតម្លៃចុងអាណត្តិ នៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥ (IDP)
៚៚៚

នារសៀលថ្ងៃអង្គារ ៥រោច ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៧ ខែមេសា ឆ្នាំ២០២៦ នៅទីស្តីការក្រុមប្រឹក្សាអភិវឌ្ឍន៍កម្ពុជា ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា និងជាប្រធានលេខាធិការដ្ឋាន IDP បានដឹកនាំកិច្ចប្រជុំអន្តរក្រសួងកម្រិតបច្ចេកទេស ដើម្បីពិនិត្យ និងផ្តល់ធាតុចូលលើសេចក្តីព្រាងបឋមរបាយការណ៍វាយតម្លៃចុងអាណត្តិនៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥ (IDP)។

កិច្ចប្រជុំនេះមានការចូលរួមពីតំណាងក្រសួង ស្ថាប័នពាក់ព័ន្ធ ដែលទទួលបន្ទុកអនុវត្តគោលនយោបាយ IDP និងសមាជិកលេខាធិការដ្ឋាន IDP សរុបប្រមាណ ១០០ នាក់។ គោលបំណងសំខាន់នៃកិច្ចប្រជុំ គឺដើម្បីពិនិត្យ ផ្ទៀងផ្ទាត់ និងពិភាក្សាលើសេចក្តីព្រាងបឋមរបាយការណ៍វាយតម្លៃចុងអាណត្តិ មុននឹងរៀបចំបញ្ជូនជូនទៅគណៈកម្មការគោលនយោបាយសេដ្ឋកិច្ច និងហិរញ្ញវត្ថុ ដឹកនាំប្រជុំពិនិត្យពិភាក្សា រួចបន្ទាប់មកដាក់ជូនរាជរដ្ឋាភិបាលពិនិត្យ និងអនុម័ត មុននឹងបញ្ចប់អាណត្តិ១០ឆ្នាំនៃការអនុវត្តគោលនយោបាយឧស្សាហកម្មកម្ពុជាដ៏មានសារៈសំខាន់នេះ។

ជាកិច្ចចាប់ផ្តើម ឯកឧត្តមប្រធានអង្គប្រជុំ បានសម្តែងការស្វាគមន៍យ៉ាងកក់ក្តៅ និងថ្លែងអំណរគុណចំពោះតំណាងក្រសួង ស្ថាប័នពាក់ព័ន្ធទាំងអស់ ដែលបានអញ្ជើញចូលរួមកិច្ចប្រជុំ និងដែលបានខិតខំប្រឹងប្រែងផ្តល់ធាតុចូល និងអនុសាសន៍សំខាន់ៗ ឱ្យក្រុមប្រឹក្សាអភិវឌ្ឍន៍កម្ពុជាមានលទ្ធភាពរៀបចំរបាយការណ៍ឱ្យកាន់តែមានគុណភាព និងគ្រប់ជ្រុងជ្រោយឆ្លើយតបនឹងការវិវត្តប្រែប្រួលនៃវិស័យឧស្សាកម្មកម្ពុជា ដែលជាចន្ទុលដ៏ចម្បងមួយនៃសេដ្ឋកិច្ចជាតិ។

បន្ទាប់ពីការធ្វើបទបង្ហាញដោយក្រុមការងារលេខាធិការដ្ឋាន IDP អង្គប្រជុំបានធ្វើការពិភាក្សា និងពិនិត្យលើចំណុចសំខាន់ៗ ដូចខាងក្រោម៖
១. ពិនិត្យ និងស្រាយបំភ្លឺទិន្នន័យនៃសូចនាករសមិទ្ធកម្មគន្លឹះ នៅកម្រិតយុទ្ធសាស្ត្រ និងកម្រិតវិស័យ
២. ពិនិត្យពិភាក្សាលើវិធានការរបស់ក្រសួង និងស្ថាប័នពាក់ព័ន្ធ ដែលបាន និងកំពុងអនុវត្ត
៣. ពិនិត្យពិភាក្សាលើលទ្ធផលវិភាគប្រសិទ្ធភាពនៃយន្តការស្ថាប័ន ក្នុងការអនុវត្តគោលនយោបាយ IDP ក្នុងរយៈពេល ១០ ឆ្នាំកន្លងមក

បន្ទាប់ពីការពិភាក្សាយ៉ាងសកម្ម អង្គប្រជុំបានឯកភាពកំណត់ឱ្យតំណាងក្រសួង ស្ថាប័នពាក់ព័ន្ធ រៀបចំកែតម្រូវ និងបន្ថែមទិន្នន័យពាក់ព័ន្ធ ព្រមទាំងផ្តល់ការពន្យល់លម្អិតលើចំណុចដែលបានកត់សម្គាល់ ក្នុងទម្រង់លាយលក្ខណ៍អក្សរ ផ្ញើមកលេខាធិការដ្ឋាន IDP មុនដំណាច់ខែមេសា ឆ្នាំ២០២៦ ដើម្បីឱ្យការរៀបចំរបាយការណ៍បានទាន់ពេលវេលាកំណត់។

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

Council for the Development of Cambodia

17:30 11 thg 4, 2026

📷 Photo

ឯកឧត្តមទេសរដ្ឋមន្ត្រី ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី២ នៃក្រុមប្រឹក្សាអភិវឌ្ឍន៍កម្ពុជា និង ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការក្នុងវិស័យសុខាភិបាល និងកិច្ចព្រមព្រៀងស្តីពីការចែករំលែកទិន្នន័យ ជាមួយ លោកស្រី Bridgette L. Walker ភារៈធារីនៃស្ថានទូតសហរដ្ឋអាមេរិកប្រចាំកម្ពុជា ។ អនុស្សារណៈនៃការយោគយល់គ្នានេះមានហិរញ្ញប្បទានសរុបប្រមាណ ៣៦ លានដុល្លារអាមេរិក សម្រាប់រយៈពេល ៥ឆ្នាំ ពីឆ្នាំ២០២៦-២០៣០ និងបានបញ្ជាក់ពីការប្តេជ្ញាចិត្តរួមគ្នា និងកិច្ចសហប្រតិបត្តិការក្នុងការការពារសុខុមាលភាពរបស់ប្រជាជន ព្រមទាំងការជំរុញប្រព័ន្ធសុខាភិបាលដែលមានភាពធន់ និងចីរភាព ក្រោមការដឹកនាំរបស់រាជរដ្ឋាភិបាលកម្ពុជា។
🌐 Follow Us
🧭  http://cdc-crdb.gov.kh/ | 👨‍💻 https://www.facebook.com/cdc.gov.kh

631

Council for the Development of Cambodia

17:30 11 thg 4, 2026

📷 Photo

សូមចូលរួមអបអរសាទរដល់ប្រជាពលរដ្ឋខណ្ឌដង្កោ រាជធានីភ្នំពេញ ដែលទទួលបានគម្រោងវិនិយោគបង្កើតរោងចក្រផ្គុំដំឡើងទោចក្រយានយន្ត និងត្រីចក្រយានយន្ត ក្នុងទំហំទុនវិនិយោគប្រមាណ ៨លានដុល្លារអាម៉េរិក និងអាចបង្កើតការងារបានចំនួន ២៨៤កន្លែង។

🌐 Follow Us
🧭  https://cib-cdc.gov.kh/en) | 👨‍💻 https://www.facebook.com/cib.cdc.cambodia/ 💳 https://t.me/cib_cdc_cambodia

659

Showing 15 of 15 posts

No more posts