ပိုင်စိုး

Public

Không thể tham gia? @paing_soe21

4.9k Thành viên

Cập nhật: May 15, 2026 at 4:49 AM

ပိုင်စိုး

နိုင်ငံရေး၊စစ်ရေး သုံးသပ်ချက်များ

Join @paing_soe21 for exclusive Chính trị content and discussions in 15

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 5 ngày qua)

Tổng cộng: 4.9K

Tăng trưởng 24 giờ: -46 1%

Bài đăng gần đây

ပိုင်စိုး

13:14 23 thg 5, 2026

ကဲ ဒေါ်အောင်ဆန်းစုကြည် မမြင်ရလို့ အသည်းအသန်စိုးရိမ်နေသူတွေရော ကမ်းပိန်းတွေလုပ်နေသူတွေရော စိတ်အေးချမ်းသာစွာ နေလို့ရပါပြီ။ ပြောသာပြောရတာ PDF ကျွန်မ မသိဘူးဆိုရင် အကုန်ရင်ခံကြဦးမယ်

2,220

ပိုင်စိုး

13:14 23 thg 5, 2026

📷 Photo

KNU စစ်ဦးကျိုးရာ ဝေါလေဗျူဟာ (ပိုင်စိုး)

2,640

ပိုင်စိုး

13:14 23 thg 5, 2026

KNU စစ်ဦးကျိုးရာ ဝေါလေဗျူဟာ
-------------------
(၂၇-၄-၂၀၂၆)

မှတ်မှတ်ရရ KNLA အဖွဲ့တွေနဲ့ ပီဒက်ပူးပေါင်းအဖွဲ့တွေ ထီးထ နယ်စပ်စခန်းကို စတင် တိုက်ခိုက်ခဲ့တာ ပြီးခဲ့တဲ့ ၂၀၂၅ ခုနှစ် အေပြီ ၁၉ ရက်နေ့ပါ။ အဲ့ဒီနောက်ပိုင်း လူအင်အား လက်နက်အင်အားအသာနဲ့ နယ်စပ်စခန်းတွေကိုချည်းရွေးတိုက်ခဲ့တာ အပေါ်ပိုင်း လေးကေ့ကော်တို့ သေဘောဘိုးတို့ ကနေပြီး နောက်ဆုံး ဥကရစ်ထ အထိ သိမ်းနိုင်ခဲ့ပါတယ်။

သက်ရှိစည်းရိုး ရုပ်ရှင်ရိုက်ကူးတဲ့ ဥကရစ်ထ စခန်းကို ရသွားပြီးနောက်ပိုင်း ကျော်သက်လင်းတို့ ထိုင်းက မျိုးမစစ်အဖွဲ့တွေပါ အောင်ပွဲခံခဲ့ကြတာလည်း မှတ်မိနေတုန်းပါပဲ။ ဒါပေမယ့် KNLA ရဲ့ တိုက်နိုင်စွမ်းဟာ ကရင်ပြည်နယ်စပ်ရဲ့ နောက်ဆုံးခံတပ် ဝေါလေဗျူဟာမှာတော့ ရပ်တန့်သွားခဲ့ပါတယ်။

ရပ်တန့်သွားရတဲ့အကြောင်းအရာတွေထဲမှာ အပေါ်ပိုင်း မြဝတီနဲ့ ရွှေကုက္ကိုလ်တို့ဘက်ကို တပ်မတော်ရဲ့ အောင်ဇေယျစစ်ကြောင်း ပေါက်ထွက်လာနိုင်တာကြောင့် နောက်ကြောင်းမလုံတော့တာလည်း ပါသလို ဝေါလေရဲ့ တောင့်တင်းတဲ့ ခံစစ်ကြောင့်လည်း ပါပါတယ်။

မနေ့ကပဲ ဆိုရှယ်မီဒီယာတွေမှာ ဝေါလေဗျူဟာကို KNLA ဝင်သိမ်းနေပြီဆိုပြီး မြိုင်မြိုင်ဆိုင်ဆိုင် လော်နေကြပြီး ဒီကနေ့မနက်ကျ မဲဆောက်ဆေးရုံကြီးမှာ သွေးလိုလို့ဆိုတဲ့ ပို့စ်တွေ တွေ့ရတော့ အပြောင်းအလဲမြန်လှချည်ရဲ့လို့တောင် ခနဲ့ချင်မိပါရဲ့။

မြေပြင်သတင်းတွေအရတော့ ရာနဲ့ချီပြီး ထိခိုက်ဒဏ်ရာရလို့ ထိုင်းဘက်ဆေးရုံတွေမှာ တင်ထားရတယ်လို့ သိရပြီး စောအယ်စေးဝါးထိသွားတယ်လို့လည်း သတင်းသဲ့သဲ့ ကြားမိပါတယ်။ မြေပြင်အလောင်း ၁၅ လောင်းတောင် မဆွဲချနိုင်တော့လို့ ထားခဲ့ရတယ်ဆိုတော့ ထိခိုက်ကျဆုံးမှုက ဒီထက်များမယ်လို့လည်း ခန့်မှန်းရပါတယ်။

အရင်စခန်းတွေတုန်းက လွယ်လွယ်ကူကူတိုက်လို့ရခဲ့ပြီး ဒီဝေါလေမှ ဘာလို့ ခက်ခဲသွားရသလဲဆိုရင် လေကြောင်း၊ အမြောက် ပစ်ကူ စစ်ကူတွေကြောင့်လို့ ပြောလို့ရပေမယ့် အဓိကကတော့ တပ်မတော်သားတွေမှာ အောင်စိတ် ပြန်ဝင်သွားလို့ပါပဲ။

ဗန်းမော်မှာ KIA စစ်ဉီးကျိုးတယ်။ တောင်ခမ်းမှာ TNLA စစ်ဦးကျိုးတယ်။ နတ်ရေကန်စခန်းမှာ AA စစ်ဦးကျိုးတယ်။ အခု ‌ဝေါလေမှာ KNU စစ်ဦးကျိုးတယ်။ စစ်ဦးကျိုးတယ်ဆိုတာ တစ်ပွဲတည်း နောက်လန်ကျတာမျိုးကို ပြောတာမဟုတ်ဘူး။ အခေါက်ခေါက်အခါခါ တိုက်တိုင်းလန်ကျ/ အသေအပျောက်များ/ နှစ်နဲ့ချီပြီး ဒီစခန်းမှာ ရပ်တန့်သွားတာမျိုးကို ခေါ်တာပါ။

ဒီပုံအတိုင်းဆိုရင် ဗိုလ်ချုပ်ကြီး ရဲဝင်းဦးရဲ့ တာထွက်က ၁ လမပြည့်သေးဘူး၊ တော်တော် ကောင်းနေပြီလို့ ပြောလို့ရတယ်။ ဖလမ်းကို ပြန်ရတယ်၊ PDF တွေ အများအပြား အလင်းဝင်တယ်။ အခု KNU ကိုလည်း ခွေးပြေးဝက်ပြေး ပြေးရအောင် လုပ်ပြနိုင်တယ်။

EAO တွေအဖြစ်က ဘာနဲ့တူနေလဲဆိုတော့ စလော့ဂိမ်းဆော့နေကြတဲ့ ပြည်သူတွေလို လက်ရှိမှာ ရှုံးနိုင်မှန်းသိပေမယ့် အစပိုင်း အနိုင်ရခဲ့ဖူးတာလေးတွေကို အောက်မေ့ပြီး မရဲတရဲ လောင်းကြေးထိုးနေရသလိုပဲ။ ရပ်တန်းက မရပ်နိုင်ရင် နိုင်တဲ့ပိုက်ဆံတွေကုန်သွားမယ့်အပြင် သွေးက တဖြည်းဖြည်းကြီးလာတော့ အိမ်ပေါင်ရမယ့်အဖြစ်တွေ မြင်ယောင်နေတယ်။

လောလောဆယ်တော့ ကျော်သက်လင်းဆီက လက်ဖက်ထောင်းလေး သွားဝယ်စားမလို့ သွေးအလှူခံနေရတာနဲ့ သိပ်မအားလောက်ဘူးထင်ပါရဲ့။

(ပိုင်စိုး)

ပိုင်စိုး

13:14 23 thg 5, 2026

🎥 Video

ဒေါ်အောင်ဆန်းစုကြည်၏ ပြစ်ဒဏ်ကျခံရသည့် နေရာအား ပြောင်းလဲသတ်မှတ်

2,620

ပိုင်စိုး

13:14 23 thg 5, 2026

📷 Photo

အခေါ်အဝေါ်များနှင့် အရှိတရား (ပိုင်စိုး)

2,870

ပိုင်စိုး

13:14 23 thg 5, 2026

အခေါ်အဝေါ်များနှင့် အရှိတရား
----------------
(၂၃-၄-၂၀၂၆)

ဒီရက်ပိုင်းမှာ အမေရိကန်နဲ့ UK သံရုံးတွေက ဦးဝင်းမြင့်ကို သမ္မတဟောင်းလို့တောင် မခေါ်တော့ပဲ နိုင်ငံရေးသမားဦးဝင်းမြင့်လို့ သုံးနှုန်းလိုက်လို့ အနီတွေ လောင်နေကြပါတယ်။

သူတို့ လောင်မယ်ဆိုလည်း လောင်သင့်ပါတယ်။ US တို့ UK တို့လို နိုင်ငံကြီးတွေဆီက NUG ကို အခုလို ပစ်ပစ်ခါခါကြီး စာထွက်လာတော့ ရင်ထဲမှာ ပဒ္ဒါမြေလူး အရူးမီးဝိုင်းတွေ ဖြစ်ကုန်ကြတယ်။ ဒါပေမယ့် အပူရုပ်ကို ဟန်လုပ်ပြီး လက်ရှိသမ္မတရဲ့ သတင်းတွေမှာသာ အာသာဖြေ ဆဲဆိုနေကြတာကိုလည်း တွေ့ပါရဲ့။

သူတို့ဘယ်လောက်ပဲ ငြင်းဆန်နေကြပါစေ၊ လက်ရှိ မြန်မာ့သမ္မတဟာ ဦးမင်းအောင်လှိုင်ဆိုတဲ့ အရှိတရားကတော့ မပြောင်းလဲသွားပါဘူး။

ဒီရက်ပိုင်းမှာတင် သမ္မတကို အိမ်နီးချင်းနိုင်ငံဖြစ်တဲ့ တရုတ်တို့ ထိုင်းတို့ ကိုယ်စားလှယ်တွေ အသီးသီးလာရောက် တွေ့ဆုံဂါရဝပြုကြသလို ကမ္ဘာ့ကျော် ရိုက်တာ သတင်းစာကတောင် ဦးမင်းအောင်လှိုင်ကို မြန်မာ့သမ္မတလို့ပဲ သုံးနှုန်းပါတယ်။

အင်တာနက်မှာ မြန်မာ့သမ္မတလို့ ရိုက်ရှာရင်လည်း ဦးမင်းအောင်လှိုင်ပဲ ကျလာမှာ ဖြစ်သလို သူဦးဆောင်တဲ့ မြန်မာအစိုးရအဖွဲ့ဟာ နိုင်ငံရဲ့ ယန္တရားတွေကို ဦးဆောင်မောင်းနှင်နေပြီဆိုတာ အနီတွေ လက်ခံရခက်နေတဲ့ အရှိတရားတစ်ခုပါပဲ။

လွန်ခဲ့တဲ့ ငါးနှစ်အတွင်း တော်လှန်ရေးသမားတွေ ထိပ်ဆုံးရောက်ခဲ့တဲ့ Peak ကာလ ၁၀၂၇ မှာတောင် NUG အနေနဲ့ တရားဝင်အစိုးရမဖြစ်နိုင်ခဲ့တာ အခုရွေးကောက်ပွဲကနေ တရားဝင် တက်လာတဲ့ ဒီအစိုးရကို ဘယ်လိုမှ ကျော်တက်ဖို့ မဖြစ်နိုင်တော့ပါဘူး။

အနီတွေရဲ့ ပြဿနာဟာ အရှိတရားကို လက်ခံဖို့ ခဲယဉ်းနေတာပါ။ NLD မဲမသမာမှုဖြစ်တယ်ဆိုတာ လက်မခံဘူး၊ ပြန်စစ်ပေးဖို့လည်း လက်မခံဘူး၊ အာဏာထိမ်းတယ်၊ လက်မခံဘူး။ ‌ရွေးကောက်ပွဲလုပ်တယ်၊ လက်မခံဘူး။ သမ္မတအသစ်ဖြစ်လာတယ်၊ လက်မခံချင်ဘူး။

ဒါပေမယ့် ဒါတွေအားလုံးက အရှိတရားတွေပါပဲလေ။ ကမ္ဘာကတောင် လက်ခံထားတဲ့အရာဆိုတော့ နောက်ထပ် NUG ကို အသည်းခွဲမယ့် သတင်းတွေ ဆက်တိုက်လာဦးမှာပဲ။ အသင့်ပြင်ထားကြဖို့တော့ လိုပါလိမ့်မယ်။

(ပိုင်စိုး)

3,360

ပိုင်စိုး

13:14 23 thg 5, 2026

📷 Photo

ရက် ၁၀၀ နဲ့ တပ်မတော်ခြေလှမ်း
—————————-
အခုတလော သတိထားမိသလားတော့မသိဘူး။ တပ်ဘက်က ဘယ်နားမှာတော့ဖြင့် ဘယ်လိုစုဖွဲ့နေပြီလို့ အနီတွေ သတင်းတက်လာပြီးရင် သိပ်မကြာဘူး၊ တကယ် တပ်ဘက်ကို ပြန်ပေးလိုက်ရတာမျိုး ခပ်စိပ်စိပ်ဖြစ်လာတယ်။

ဖလမ်းနဲ့ အမြောက်တကမ်းနေရာမှာ စုဖွဲ့နေပြီလို့ အနီတွေ သတင်းရတာ ရက်ပိုင်းပဲရှိဦးမယ်။ အခု ဖလမ်းကို ရသွားပြီ။ ဖလမ်းကိုပြန်ရခြင်းအားဖြင့် ချင်းပြည်နယ်တစ်ခုလုံးနဲ့ ရခိုင်ဘက်ကထွက်ပေါက်တစ်ခုကို ပြန်ပြီးခြိမ်းခြောက်သွားနိုင်ခဲ့ပြီ။

ရခိုင်ဘက်မှာ တလရသမားတွေ အစိုးရိမ်လွန်နေတဲ့ ဘယ်အချိန်ကမ်းတက်မလဲဆိုတာကတော့ ထွက်ပေါက်တွေ အကုန်ပိတ်ပြီးရင် လာပါလိမ့်မယ်။ ထွန်းမြတ်နိုင်အောက်ကို နှစ်နှစ်လောက်ထားလိုက်တာ ရခိုင်တွေလည်း လိမ်စောင်းကုန်ပြီဆိုတော့ ကယ်တင်ရှင်ကြီးတွေ ကမ်းတက်မယ့်အချိန်ကို မျှော်နေကြတယ်ထင့်ပါ့။

KNU တွေဘက်မှာလည်း သတင်းသဲ့သဲ့ကြားမိထားပါတယ်။ နာမည်ရှိပြီးသား EAO တွေကလည်း ရက် ၁၀၀ လေးခံသာနေလို့ မဗျင်းဘူး မထင်နဲ့နော်၊ NUG က အားလုံးကိုယ်စားဒိုင်ခံပြီးငြင်းထားတာမို့လို့ NUG စကားအတည်ယူပြီး ရက် ၁၀၀ မပြည့်ခင် လည်း ရောက်ချင်ရောက်လာနိုင်တယ်။ မေဆွိစကားနဲ့ မင်းကံကောင်းပါဇေ လို့သာ။

(ပိုင်စိုး)

4,450

ပိုင်စိုး

13:14 23 thg 5, 2026

📷 Photo

အစိုးရသစ်ရဲ့ ရက်(၁၀၀) စီမံကိန်း (ပိုင်စိုး)

1,970

ပိုင်စိုး

13:14 23 thg 5, 2026

အစိုးရသစ်ရဲ့ ရက်(၁၀၀) စီမံကိန်း
-------------------------
(၂၁-၄-၂၀၂၆)

မနေ့ကလုပ်တဲ့ ပြည်ထောင်စုအစိုးရအဖွဲ့ ပထမအကြိမ်အစည်းအဝေးမှာ သမ္မတဦးမင်းအောင်လှိုင်က အစိုးရအသစ်ရဲ့ နောက်လာမယ့် ရက် ၁၀၀ အတွင်းဆောင်ရွက်သွားမယ့် အလုပ်တွေကို ချပြသွားပါတယ်။

ဒီ ၃ လအတွင်းမှာ အစိုးရသစ်အနေနဲ့ ကဏ္ဍတွေအများကြီး ဆောင်ရွက်ဖို့ ရှိနေပေမယ့် အဓိက ကဏ္ဍအနေနဲ့ ငြိမ်းချမ်းရေးကိစ္စကို လုပ်ဆောင်သွားမယ့်ပုံပါပဲ။ သမ္မတကြီးရဲ့ စကားအရ မငြိမ်းချမ်းရင် ကျန်တဲ့ဖွံ့ဖြိုးတိုးတက်ရေးကိစ္စတွေ ဘာမှ လုပ်မရပဲ အိတ်ပေါက်နဲ့ ဖားကောက်သလိုဖြစ်နေမှာကြောင့် ၇ လပိုင်း ၃၁ ရက်နေ့နောက်ဆုံးထားပြီး NCA ထိုးတဲ့အဖွဲ့ရော မထိုးတဲ့အဖွဲ့ရော အားလုံးနဲ့ တွေ့ဆုံသွားမယ်လို့ ပြောခဲ့ပြီး PDF တွေကိုလည်း ဒီကာလအတွင်းအလင်းဝင်ဖို့ ဖိတ်ခေါ်သွားတယ်။

အဲ့ဒီတော့ အခု တပ်မတော်ကာကွယ်ရေးဦးစီးချုပ်အသစ်လက်ထက်မှာ ရတက်မအေးဖြစ်နေရတဲ့ EAO တွေအတွက် အသက်ရှုပေါက်တစ်ပေါက် ဖွင့်ပေးထားတာလို့လည်း မြင်မိပါတယ်။ ခြိမ်းခြောက်တာမဟုတ်ပေမယ့် ရခိုင်မှာ စစ်သင်္ဘောတွေဝန်းရံခံထားရလို့ ဘယ်နေ့ ကမ်းတက်မလဲဆိုတာ ရင်တမမဖြစ်နေရတဲ့အပြင် စစ်ကိုင်းထဲမှာလည်း စစ်ကြောင်းတွေ စုစည်းနေတယ်ဆိုတဲ့ သတင်းတွေကို အနီမီဒီယာတွေကိုယ်တိုင် တင်နေကြတယ်မဟုတ်လား။

ဖိတ်ခေါ်တယ်ဆိုတဲ့နေရာမှာ ၇ လပိုင်း ၃၁ ရက်နောက်ဆုံးထားပြီး နိုင်ငံတော်အနေနဲ့ လုပ်သင့်လုပ်ထိုက်တာလုပ်သွားမယ်လို့ ပြောခဲ့တဲ့အတွက် ဒါဟာ ရာဇသံတစ်ခုလည်း ဖြစ်နိုင်ပါတယ်။

ဒုတိယ အရေးကြီးဆုံးကဏ္ဍကိုတော့ ပညာရေးအတွက် အရေးပေးဆောင်ရွက်မယ့် သဘောရှိပါတယ်။ ဒီအစိုးရသက်တမ်းမှာ ပညာရေးအတွက် နိုင်ငံတော်ဘက်ဂျက် ၂၀ ရာခိုင်နှုန်းအထိ သုံးစွဲသွားမယ်လို့ ပြောသွားပြီး တိုင်းပြည်အခုလို ပြည်တွင်းစစ်တွေ ဖြစ်နေတာဟာ လူငယ်တွေ ပညာရေးအားနည်းလို့ ပြည်တွင်းပြည်ပ နိုင်ငံရေးသမားတွေရဲ့ အသုံးချခံဖြစ်ခဲ့ရတာကြောင့်လို့ လည်းပြောခဲ့ပါတယ်။ အနီတွေ ဆက်ဆက်ခါ နာနေတဲ့ စကားလုံးပေါ့။

ဒါက အင်မတန်မှန်တဲ့ စကားပါ။ ပညာရေးအားနည်းတော့ ဘယ်လမ်းစဉ်ကတော့ဖြင့် ဖြစ်နိုင်၏/ မဖြစ်နိုင်၏ ဆိုတာကို မတွေးနိုင်ဘူး။ အကျိုးဆက်တွေကို မတွေးနိုင်ဘူး။ စိတ်ကူးယဉ်ဆန်ဆန်နဲ့ နိုင်ငံရေးကို ဂိမ်းတစ်ခုကစားသလို ထင်နေကြတာကြောင့် နိုင်ငံရဲ့ အဖိုးတန် လူ့အရင်းအမြစ်တွေ မြောက်များစွာ ဆုံးရှုံးခဲ့ရပါတယ်။

နိုင်ငံရေးရေချိန်ဆိုတဲ့ဆောင်းပါးမှာ ရေးခဲ့သလို ကျွန်တော်တို့ မြန်မာလူငယ်တွေဟာ နိုင်ငံရေးနဲ့ပတ်သက်လာရင် ထိုင်းတွေလောက် မတွေးခေါ်နိုင်သေးပါဘူး။ နိုင်ငံရေးသမားတွေ ရိုက်သွင်းထားတဲ့ မှိုင်းတွေ၊ ‌False Hope တွေကို အမှန်ထင်ပြီး ဘေးက အမှားထောက်ပြရင်တောင် လက်မခံနိုင်တော့တဲ့အထိ တွေးခေါ်နိုင်မှု Level က နိမ့်ကျသွားပါတယ်။

ဟုတ်လားမဟုတ်လား ကိုယ့်ပတ်ဝန်းကျင်ကိုပဲကြည့်လိုက်ပါ။ ၂၀၂၁-၂၀၂၂ ဝန်းကျင်က ပန်ဆယ်လိုတို့ အရည်ကြိုတို့ ရဲ့ UN သင်္ဘောကြီး ဝင်လာပြီတို့၊ နေပြည်တော်ကို ဘယ်နေ့ D-Day တို့ဆိုတဲ့ Post တွေ အားပါးတရ ရှယ်ခဲ့ကြတဲ့ လူတွေ အများကြီးပဲ မဟုတ်လား။ အင်ဂျင်နီယာတို့ ဆရာဝန်တို့ပါ ပါပါသေးတယ်။

ဒါဟာ ပညာရေးအားနည်းမှုကြောင့် အတွေးအခေါ်တွေအားနည်းသွားတာပါ။ လူအားလုံး မဟုတ်ပေမယ့် လူညီရင် ဤ ကို ကျွဲလို့ဖတ်ကြမယ်ဆိုတဲ့ လူတွေများလာတဲ့အခါ အမှန်ကို တွေးနိုင်တဲ့လူတွေက နှုတ်ဆိတ်ပေးခဲ့ကြရလို့ အခုချိန်ထိ အမြင်မှန်မရနိုင်သူတွေရှိနေပါသေးတယ်။

ဒီရက် ၁၀၀ စီမံကိန်းထဲမှာ ကျန်ကဏ္ဍတွေကတော့ အများကြီးပဲ၊ ဖြစ်လာကာကျမှ ဖြစ်လာရော၊ ရက် ၁၀၀ အတွင်းမှာ အကုန်အပြီးလုပ်လို့ မရတဲ့ အရာတွေဆိုတော့ စတင်လည်ပတ်တယ်ဆိုရင်ပဲ ရပါပြီ။ အထူးစိတ်ဝင်စားတာက ငြိမ်းချမ်းရေးဆွေးနွေးမယ့်ကိစ္စပါပဲ။ ညှိနှိုင်းမှုအောင်မြင်သွားရင်ဖြင့် ကိုယ့်နိုင်ငံဖြစ်ချင်တဲ့ ဖယ်ဒရယ်စနစ်ကို သွားလို့ရမယ့် လမ်းကြောင်းအစဖြစ်ပြီး တစ်နိုင်ငံလုံးအေးချမ်းသွားမယ့် ကိစ္စမဟုတ်လား။EAO တွေအနေနဲ့ ဖြစ်သင့်ဖြစ်ထိုက်တာကို မျှမျှတတ ဆွေးနွေးကြဖို့ မျှော်လင့်မိပါတယ်။

(ပိုင်စိုး)

ပိုင်စိုး

13:14 23 thg 5, 2026

🎥 Video

တိုက်ခိုက်မှ ရမှာလား
——————————————————-
ရက်(၁၀၀) အတွင်း PDF တွေကို အလင်းဝင်ဖို့ ဖိတ်ခေါ်တယ်ဆိုတာ ကိုယ့်နိုင်ငံသားအချင်းချင်း အခုလို ဒုက္ခပင်လယ်တွေကြားထဲကနေ လွတ်မြောက်ဖို့သက်သက်ပါပဲ။

လောလောဆယ် ဖလမ်းကို ပြန်လည်သိမ်းယူဖို့ တပ်ဘက်က ပြန်လည်စုဖွဲ့နေတယ်လို့ သတင်းတွေ တက်လာတာတွေ့ရတယ်၊ ဒါကြောင့် ချင်းအဖွဲ့တွေကြားမှာ အနည်းငယ်တော့ တပ်လှန့်မှုတွေရှိပြီး AA ကိုအားကိုးဖို့ ကြံစည်နေတာကိုလည်း တွေ့ရပါတယ်။

ပြောချင်တာက တိုက်မှ ခိုက်မှ ဖြစ်ကြမှာလား၊ ဒီဖလမ်းကို ဘယ်လောက်ပဲ ကာကွယ်ကြပါစေ၊ တပ်ဘက်က တကယ်ထိုးစစ်ဆင်ရင် ဘယ် EAO မှ မခံနိုင်ဘူး။မိုးကုတ်တို့ သပိတ်ကျင်းတို့ လွိုင်ကော်တို့က သက်သေရှိတယ်ဆိုတော့ မကြာခင် ပြန်ရသွားမှာပဲ။

အဲ့ဒါဆိုရင် အသက်ပေးပြီး တိုက်ခိုက်ခဲ့ကြ၊ ဒုက္ခခံပြီး တောထဲနေခဲ့ကြတာ ဘာအဓိပ္ပာယ်ရှိသေးလဲ။ နိုင်ငံ့မျိုးဆက် လူငယ်တွေ ဆုံးရှုံးသွားကြတာပဲရှိတယ်။ ဒါကြောင့် မလွန်ခင် ငြိမ်းချမ်းရေးစကားပြောပြီး ညှိနှိုင်းကြဖို့ကို လောဆော်နေတာပါ။

လာခြင်းမလာခြင်းက ကိုယ့်သဘောပါပဲ။ ဖဘပေါ်က လော်ဘီတွေက ကျည်လွတ်ရာကနေ အော်နေတာ၊ တကယ် ရှေ့တန်းမှာ ဒုက္ခရောက်နေတာက ကိုယ်တိုင်ဆိုတော့ ဆုံးဖြတ်ကြပေါ့။ ပွဲကတော့ ပြီးသွားတာ ကြာပြီ။

(ပိုင်စိုး)

3,510

ပိုင်စိုး

04:01 9 thg 5, 2026

လွတ်ငြိမ်းချမ်းသာခွင့်နဲ့ နောက်ဆက်တွဲ
----------------
(၂၀-၄-၂၀၂၆)

သမ္မတဟောင်း ဦးဝင်းမြင့်ကို လွတ်ငြိမ်းပေးလိုက်ကတည်းက နောက်ဆက်တွဲ တွေလာလိမ့်ဦးမယ်လို့ ထင်မိသား။ NUG တို့ မျိုးရန်နောင်သိမ်းတို့ ဦးဝင်းမြင့်ကို အချွန်နဲ့မပြီး အထဲပြန်ထည့်တာတွေကို မပြောပါဘူး။ လူထုဖိအားကြောင့် ဘာကြောင့်ဆိုပြီး အမှတ်ဝင်ယူနေတဲ့ ကျော်သက်လင်းတို့ကိုလည်း ထည့်မပြောဘူး။

အဓိကကတော့ ဦးဝင်းမြင့်နဲ့အတူ ပြစ်ဒဏ်ကျခဲ့တဲ့ ဒေါ်အောင်ဆန်းစုကြည် အကြောင်းပါ။ ထောင်ဒဏ်လျှော့ပေးခဲ့ပေမယ် ဦးဝင်းမြင့်နဲ့အတူမလွတ်လာခဲ့တော့ ထုံးစံအတိုင်း ကျန်းမာရေးကို အရမ်းစိတ်ပူပါတယ်ဆိုတဲ့ သတင်းတွေ အချိန်ကိုက် ပြန်တက်လာတာ ကြိုများရေးထားကြသလားလို့ တွေးမိတဲ့အထိပဲ။

ဒီကိစ္စနဲ့ပတ်သက်ပြီး ဖိလစ်ပိုင်နိုင်ငံခြားရေးဝန်ကြီးဌာနက သမ္မတဟောင်း ဦးဝင်းမြင့်ပြန်လည်လွတ်မြောက်လာတဲ့အပေါ် ကြိုဆိုပြီး ထပ်မံကျန်ရှိနေတဲ့ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေပြန်လည် လွှတ်ပေးပါဦးလို့ စာထွက်လာခဲ့တယ်။

စာအရကတော့ ဒေါ်အောင်ဆန်းစုကြည်နဲ့ သက်ကြီးရွယ်အိုနိုင်ငံရေးသမား တွေကိုလွှတ်ပေးမယ်ဆိုရင်တော့ အာဆီယံဘုံသဘောတူညီချက် ငါးရပ်ကို ပိုပြီး အကောင်အထည်ဖော်ရာရောက်မယ်လို့ ရေးထားတယ်။

ဒေါ်အောင်ဆန်းစုကြည် လွှတ်ခြင်း မလွှတ်ခြင်းဆိုတာက သူတို့ထောင်ထဲဝင်နေတဲ့အချိန်မှာ သူတို့မသိပဲ ဖွဲ့စည်းလိုက်တဲ့ NUG/CRPH အဖွဲ့ဝင်တွေရဲ့ အချိုးနဲ့ ဘေးတီးပေးမယ့် နိုင်ငံတွေရဲ့ စနက်တွေအပေါ် အများကြီး မူတည်ပါတယ်။

လက်ရှိ ဦးဝင်းမြင့်ကိုတောင် ဘယ်လိုဆန္ဒရှိလဲဆိုတာ တစ်ခွန်းမမေးပဲ အတင်းသမ္မတလို့ ကြေငြာပြီး ခေါင်းစဉ်တပ်နေတာရှိသလို နိုင်ငံတကာလွှတ်တော်အဖွဲ့ IPU ဆိုတာကလည်း ဇင်မာအောင်တို့ကို ပွဲတက်ခွင့်ပေးထားတာ ရှိနေတော့ ဒေါ်အောင်ဆန်းစုကြည်ကိုသာ ပြန်လွှတ်ပေးလိုက်ရင် အခုလို အခင်းအကျင်းမျိုးတွေ သေချာပေါက် ပေါ်လာဦးမှာပါ။

ဒေါ်အောင်ဆန်းစုကြည်ကိုယ်၌က NUG /PDF ကို မသိပါဘူးလို့ ထွက်ဆိုထားခဲ့ပေမယ့် ဘေးတီးပေးမယ့်နိုင်ငံတွေရှိလာခဲ့ရင် NUG ကို သူကိုယ်တိုင်ညွှန်ကြားပြီးတည်ဆောက်ခဲ့တဲ့ ပုံစံမျိုး မလုပ်လာနိုင်ဘူးလို့ ဘယ်သူမှ အာမ မခံနိုင်ဘူးလေ။ သူက မလုပ်ရင်တောင် ရေငုံနှုတ်ပိတ်နေယုံနဲ့တင် နာမည်ပျက်ပြီး အခွံပဲကျန်တော့တဲ့ NUG ဟာ သူ့နာမည်နဲ့ နောက်တစ်ခေါက် လုပ်စားလို့ ထပ်ရသွားမှာပါ။

ဒါပေမယ့် NUG ကြိုးပမ်းနေတာက အရင်လို စစ်ရေးနဲ့ တစ်နိုင်ငံလုံးသိမ်းဖို့ ပြုဖို့ မဟုတ်တော့ပါဘူး။ စစ်ရေးဆိုတာကြီးကို EAO တွေနဲ့ Local PDF တွေလက်ထဲမှာပဲ ထားခဲ့ကြပါပြီ။ နိုင်ငံရေးအရ လက်ရှိအစိုးရနဲ့ စကားပြောခွင့်ရရေးလောက်ကိုပဲ အသည်းအသန် ကြိုးပမ်းနေရတဲ့ အခြေအနေမျိုးပါ။ လောလောဆယ် NUG ထဲမှာ အစိုးရနဲ့ စကားပြောနိုင်မယ့် Level မျိုး တစ်ယောက်မှ မရှိလို့ ဦးဝင်းမြင့်/ဒေါ်အောင်ဆန်းစုကြည်တို့လို သူတို့ကို အဖက်လုပ်စေမယ့် ခေါင်းဆောင်တစ်ယောက် အသည်းအသန်လိုအပ်နေပါတယ်။

ဦးဝင်းမြင့်ကသာ NUG ကို မသိပါဘူး လုပ်လိုက်ရင် ပွဲပြီးပြီဆိုပေမယ့် သူကလည်း ဘာသိဘာသာနေနေသလို ဘယ်မီဒီယာမှလည်း တက်မလာတော့ NUGဟာ လုပ်စားလို့ရနေပါသေးတယ်။ ဒေါ်အောင်ဆန်းစုကြည်လွတ်လာရင်လည်း ဒီလိုပဲ မသိလိုက် မသိဘာသာနေဦးမှာပါ။

ဒါကြောင့်မို့လို့ ကိုယ့်နိုင်ငံအရေးကို ဂဃနဏ မသိတဲ့ ဘေးနိုင်ငံတွေအနေနဲ့လည်း မဖြစ်နိုင်တာတွေ မတောင်းဆိုကြပါနဲ့ဗျာ။ ဟိုက လွတ်ရင်လွတ်သလို မီးတွေ မွှေးပြီး တစ်ခါမွှေးရင် ဆယ်နှစ်လောက် ကြာတတ်လွန်းလို့ပါ။
(ပိုင်စိုး)

ပိုင်စိုး

03:30 2 thg 5, 2026

📷 Photo

လွတ်ငြိမ်းချမ်းသာခွင့်နဲ့ နောက်ဆက်တွဲ (ပိုင်စိုး)

3,330

ပိုင်စိုး

03:30 2 thg 5, 2026

တလရသမားတွေကို အသည်းခွဲဦးမယ့်စာတစ်စောင်

ဒီနေ့ရက်စွဲနဲ့ TNLA က သမ္မတသစ်ဖွဲ့စည်းတဲ့ အစိုးရကိုကြိုဆိုကြောင်း စာတစ်စောင်ထုတ်လာခဲ့တယ်...

ဒါဟာ တရုတ်ဖိအားကြောင့် တပ်မတော်နဲ့ ငြိမ်းချမ်းရေးယူရတာပါဆိုတဲ့စကားနဲ့ အနည်းငယ်လွဲနေသလိုပဲ...

တကယ်က စစ်ဘောင်ကျယ်လာတာနဲ့အမျှ မြို့တွေမထိမ်းနိုင်တော့တာ၊တောင်ခမ်းမှာ စစ်ဦးကျိုးပြီး မိုးကုတ်မှာ တပ်ရဲ့ တိုက်စစ်ကိုမြင်လာရတာ၊ ခဲယမ်းထောက်ပံ့မယ့် ကိုးကန့် ၊ KIA တို့နဲ့ အဆင်မပြေတော့တာတွေကြောင့် တမင်ကို တပ်နဲ့စကားပြောဖို့ တရုတ်ကိုတောင်းဆိုခဲ့တာပါလို့ ရေးခဲ့ကြသားပဲ။

တားဘုန်းကျော်ရဲ့ ငိုချင်းတွေကြောင့် TNLA အပေါ် သက်သက်ညှာညှာတွေးပေးကြတဲ့ တလရအားပေးတွေကတော့ ယူကျုံးမရဖြစ်နေမှာပါ.....

မြောက်သုံးကောင်မှာ နှစ်ကောင်ကတလိုချင်တာရပြီး ငြိမ်းချမ်းရေးစကားတွေ တွင်တွင်ပြောလာခဲ့ပြီဆိုတော့ ဒီအဖွဲ့တွေကို အားကိုးနေရတဲ့ တလရကြီးလည်း ပြီးသွားခဲ့ပြီပေါ့။

ဒီစာကိုရေးရတာက TNLA ကိုအပြစ်ပြောဖို့မဟုတ်ဘူး။ EAO တွေရဲ့ ထောင်မြင်ရာစွန့်တတ်တဲ့ အကျင့်စရိုက်တွေနဲ့ မြန်မာပြည်သူတွေနဲ့အဆုံးထိတသားတည်းရှိနေပါမယ်ဆိုပြီး ဂျင်းထည့်သွားတာကို ဟိုက်လိုက်ပြချင်တာပါ ။

အစိုးရအသစ်အနေနဲ့ အခု ငြိမ်းချမ်းရေးယူထားတဲ့အဖွဲ့တွေနဲ့ ဘယ်လိုဆက်လက်ညှိနှိုင်းမလဲဆိုတာကို စိတ်ဝင်စားမိပါတယ်။

(ပိုင်စိုး)

4,240

132

ပိုင်စိုး

03:30 2 thg 5, 2026

📷 Photo

အမြင့်ဆုံးသော လွတ်ငြိမ်းချမ်းသာခွင့်

------------------

သမ္မတဟောင်း ဦးဝင်းမြင့်ကို လွတ်ငြိမ်းပေးလိုက်တာဟာ အခုအစိုးရသစ်ရဲ့ ရဲတင်းတဲ့ ဆုံးဖြတ်ချက်တစ်ခုပါ...

ဒါဟာ ဒီအစိုးရရဲ့ ရှေ့ဆက်သွားမယ့် လမ်းစဉ်ကို ခန့်မှန်းနိုင်မယ့် ပြုပြင်ပြောင်းလဲမှုတစ်ခုလို့လည်း ပြောလို့ရတယ်....

အာဃာတတွေ မရှိတဲ့ အမျိုးသားရင်ကြားစေ့ရေး နဲ့ ငြိမ်းချမ်းရေးကို အသားပေးလုပ်ဆောင်သွားမယ့် သဘောပါပဲ....

ဦးဝင်းမြင့်ကို ရုပ်သေးသမ္မတလို့ပဲပြောပြော သမ္မတဖြစ်ခဲ့သူမို့ ဩဇာအထိုက်အလျောက်တော့ ရှိနေသူဖြစ်တဲ့အတွက် လက်ရှိ နိုင်ငံရေးအခြေအနေအရ မြေစမ်းခရမ်းပျိုးချိန်မှာ ဒီလိုလွတ်ပေးတာဟာ အနည်းနဲ့အများ ပူပင်စရာလေးတွေတော့ ရှိမှာပေါ့...

ဒါပေမယ့် reform ဆိုတာ ကောင်းတာရော ဆိုးတာပါ ရှိစမြဲမို့ အခု အစိုးရရဲ့ ငြိမ်းချမ်းရေးစိတ်အားထက်သန်မှုကို အဖျက်အမှောက်ကင်းစွာနဲ့ အောင်မြင်စေချင်မိတယ်......

ဒီဘက်က တစ်ထစ်လျှော့ချိန်မှာ ကျန်တဲ့ဘက်တွေကလည်း မလျှော့ရင်တောင် ထပ်မတင်းဖို့တော့လိုတာပေါ့ ။

(ပိုင်စိုး)

3,950

ပိုင်စိုး

03:30 2 thg 5, 2026

📷 Photo

တလရအဖွဲ့တွေကို အသည်းခွဲဦးမယ့်စာတစ်စောင်

2,940

ပိုင်စိုး

10:12 22 thg 4, 2026

📷 Photo

အလုံးစုံစစ်ပွဲဆီသို့

ပါကစ္စတန်မှာ ၂၁ နာရီကြာအောင်လုပ်ခဲ့တဲ့ အမေရိကန်-အီရန်ဆွေးနွေးပွဲဟာ သဘောတူညီချက်မရခဲ့တဲ့အတွက် နှစ်နိုင်ငံလုံးက စစ်ကို အဆုံးထိသွားကြဖို့ ပြင်နေကြတယ်။

အဓိက ကတော့ အီရန်ရဲ့ နျူနဲ့ပတ်သက်တာမှန်သမျှ ဖျက်သိမ်းဖို့ အမေရိကန်တောင်းဆိုချက်ကို အီရန်က သဘောမတူတာဖြစ်ပါလိမ့်မယ်။

ပြီးခဲ့တဲ့ နာရီပိုင်းမှာ ထရမ့်က ဟောမုဇ်ရေလက်ကြားကို ပိတ်ပစ်တော့မယ်လို့ကြေငြာလိုက်ပါတယ်။ ရေနံတစ်စည်ကို တစ်ဒေါ်လာ အီရန်ကို အခွန်ပေးပြီးဖြတ်နေတဲ့္ သင်္ဘောတွေကိုလည်း တားမြစ်လိုက်ပြီး ဒီလိုငွေညစ်မှုတွေကို လက်မခံဘူးလို့ ထုတ်ပြန်ထားပါတယ်။

အင်တာဗျူးတစ်ခုမှာ ဒီလိုအီရန်နဲ့ သဘောတူညီမှုမရတဲ့အတွက် တရုတ်က ပိုပြီးဒုက္ခရောက်လိမ့်မယ်လို့ဖြေသွားတာတွေ့ရပြီး တရုတ်ကလည်း အီရန်အတွက် လက်နက်တွေနဲ့ လေကြောင်းရန်ကာကွယ်ရေးတွေကို တင်ပို့ဖို့ ပြင်ဆင်နေတယ်လို့ သတင်းတွေမှာ တွေ့ရပါတယ်။

ဘယ်သူမှားတယ်မှန်တယ်ဆိုတာကို စစ်နိုင်တဲ့သူကသာ ရေးနိုင်မှာမို့ ကြားထဲက အမြင်တွေက အရေးမကြီးတော့ပါဘူး။ အမေရိကန်မြေပေါ်မှာ ကျည်တစ်တောင့်မကျပေမယ့် အီရန်ရဲ့ ဗုံးဒဏ်/စစ်ဒဏ်ခံရဦးမယ့် ပြည်သူတွေအတွက် စိတ်မကောင်းဘူး။

တစ်ကမ္ဘာလုံး စစ်ဘေးကနေ လွန်မြောက်နိုင်ကြပါစေ။

(ပိုင်စိုး)

3,060

ပိုင်စိုး

10:12 22 thg 4, 2026

📷 Photo

နှစ်သစ်အခါသမယမှာ မြန်မာပြည်သူအပေါင်း ဘေးဘယာဝေးကွာ၍ စိတ်ချမ်းသာ ကိုယ်ကျန်းမာကြပါစေ

1,850

103

ပိုင်စိုး

10:12 22 thg 4, 2026

🎥 Video

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင် - ပြည်ထောင်စုလွှတ်တော် ပထမပုံမှန်အစည်းအဝေးတွင် ပြောကြားသည့် မိန့်ခွန်း။

#Leader
#President
https://t.me/leaderaung

2,650

ပိုင်စိုး

10:12 22 thg 4, 2026

📷 Photo

3,690

127

ပိုင်စိုး

10:12 22 thg 4, 2026

ဖြစ်သင့်ဖြစ်ထိုက်တဲ့ အခင်းအကျင်းတွေနဲ့ အစိုးရသစ်တစ်ရပ်ပေါ်လာခဲ့ပြီ....

၂၀၂၁ လူထုဆန္ဒပြမှုတွေ မဖြစ်ခင် မဲမသမာမှုတွေကို ဖြေရှင်းပေးဖို့ သတင်းစာရှင်းလင်းပွဲတွေနဲ့ထောက်ပြနေကတည်းက အခုလို တရားဝင်နည်းလမ်းတွေနဲ့ ရွေးကောက်ပွဲအသစ်ပြန်လုပ် အဖြေရှာစေချင်ခဲ့တာ....

မသကာ ရွေးကောက်ပွဲပြန်လုပ်ရင် အလွန်ဆုံးခြောက်လပေါ့ ..... ဒါပေမယ့်အရင်အစိုးရရဲ့ခေါင်းမာမှုကြောင့် အာဏာထိမ်းတာတွေ လူထုအုံကြွမှုတွေ ဖြစ်လာရော.....

ဖြစ်လာတော့လည်း ရွေးကောက်ပွဲကို နှစ်နှစ်အတွင်းပြန်လုပ်ပေးမယ်ဆိုတာကို လက်နက်ကိုင်ပြီး ပုန်ကန်တဲ့လမ်းကြောင်း ရွေးကြပြန်တယ်

အခုအစိုးရအဖွဲ့ဝင်တွေတော်တော်များများရဲ့ အားကန်ထားမှုကြောင့်သာ ငါးနှစ်နဲ့ ဒီမိုကရေစီလမ်းကြောင်းပေါ်ပြန်ရောက်လာခဲ့ရတာဆိုတော့ ဒီအစိုးရအဖွဲ့အသစ်ကို ကန့်ကွက်စရာမရှိပါဘူး။

အစိုးရအသစ်နဲ့အတူတဖက်မှာ တပ်မတော်ကာကွယ်ရေးဦးစီးချုပ်ကလည်း နိုင်ငံတော်ကာကွယ်ရေးတာဝန်သီးသန့်ယူနိုင်သွားပြီမို့ တလရအဖွဲ့တွေလည်း ဘုရားတနေကြလိမ့်မယ်လို့ထင်ပါတယ်။

(ပိုင်စိုး)

2,220

100

ပိုင်စိုး

10:12 22 thg 4, 2026

ရောင်နီသစ်ပြီ

လောလောဆယ်မှာ မြန်မာနိုင်ငံရဲ့ မျှော်လင့်ချက်ရောင်ခြည်ကို ပြန်ပြီး လင်းလက်လာနိုင်အောင် လုပ်ပေးနိုင်တဲ့ တစ်ဦးတည်းသောသူလို့ မြင်မိတာကြောင့် ဗိုလ်ချုပ်မှူးကြီး သမ္မတဖြစ်လာတာကို ဝမ်းမြောက်ဝမ်းသာ ကြိုဆိုပါတယ်။

လာမယ့် ၅ နှစ်တာကာလမှာ ဒီနိုင်ငံကြီး ခံစားနေရတဲ့ အခက်အခဲအကြပ်အတည်းတွေအားလုံးကို သမ္မတကြီးရဲ့ ဦးဆောင်မှုနဲ့ ကျော်ဖြတ်နိုင်လိမ့်မယ်လို့လည်း ယုံကြည်ပါတယ်။

(ပိုင်စိုး)

3,290

123

ပိုင်စိုး

10:12 22 thg 4, 2026

🎥 Video

ရောင်နီသစ်ပြီ။

https://t.me/leaderaung

2,780

ပိုင်စိုး

10:12 22 thg 4, 2026

သမိုင်းဝင်မယ့် နေ့တစ်နေ့
-------------------
(၃၀.၃.၂၀၂၆)

ဒီနေ့ဟာ အနာဂတ်မြန်မာ့နိုင်ငံရေးကို ဦးဆောင်မယ့် ဒုတိယသမ္မတတွေရဲ့ အမည်စာရင်းတင်သွင်းတဲ့ နေ့ဖြစ်သလို မြန်မာ့တပ်မတော်ရဲ့ ကာကွယ်ရေးဦးစီးချုပ် အပြောင်းအလဲလုပ်တဲ့ နေ့လည်း ဖြစ်လို့ ထူးခြားတဲ့ နေ့တစ်နေ့ဖြစ်ပါတယ်။

အရင်က သတင်းတွေရေးကြသလို တပ်မတော်က ဗိုလ်ချုပ်မှူးကြီးကို အမည်စာရင်းတင်သွင်းတာမဟုတ်ပဲ ပြည်သူ့လွှတ်တော်က တင်သွင်းတာဖြစ်တာ ထူးခြားချက်ပါပဲ။ တပ်မတော်ဘက်က တင်သွင်းမယ့် အမည်စာရင်းကို မသိရသေးပေမယ့် နာမည်ကြီး ဒေါ်ဒွဲဘူ မပါဝင်လာတော့တာကို တွေ့ရပါတယ်။

လွှတ်တော်အမတ်တွေရဲ့ အင်တာဗျူးတွေမှာကတည်းက ဦးမင်းအောင်လှိုင်သာ ဒီတစ်ဆက် ဦးဆောင်နိုင်လောက်တယ်ဆိုတဲ့ အမြင်တွေတွေ့ရတာမို့ ပြည်သူ့လွှတ်တော်ကနေ တင်လိုက်တာလည်း ကောင်းပါတယ်။ တပ်မတော်ဘက်က တင်လိုက်ရင် ပြောကြဆိုကြဦးမှာမဟုတ်လား။

ဒီလိုပဲ အရင်က တပ်မတော်ကာကွယ်ရေးဦးစီးချုပ်အဖြစ် နာမည်ကြီးခဲ့တဲ့ ဗိုလ်ချုပ်ကြီး ကျော်စွာလင်းမဖြစ်ပဲ ဗိုလ်ချုပ်ကြီး ရဲဝင်းဦးက တပ်ချုပ်အသစ်ဖြစ်လာခဲ့ပါတယ်။

ရာထူးအကြီးပိုင်းသားသမီးတွေထဲမှာ ပြည်သူ့စစ်မှုထမ်း အရင်ဆုံးထည့်ခဲ့တာ ဗိုလ်ချုပ်ကြီးရဲဝင်းဦးရဲ့ သားပေါ့။ တော်တော်လေး စိတ်ထားပြည့်ဝပြီး တပ်မတော်သားတွေ သဘောကျကြတဲ့လူမို့လို့ လူရွေးမှန်မယ်လို့ ယူဆရပါတယ်။

တပ်မတော်ဦးစီးချုပ်အဟောင်းက အသစ်ကို ရာထူးလွှဲပြောင်းပွဲတာကို အရင်က မတွေ့ခဲ့ မမြင်ခဲ့ဖူးပေမယ့် ဒီတစ်ခေါက်မှာတော့ ရုပ်မြင်သံကြားကနေ ကြည့်ရှုခွင့်ရခဲ့ပါတယ်။

လွှဲပြောင်းပေးတဲ့ စီနီယာတွေကလည်း တာဝန်တစ်ခုပေါ့သွားသလို လက်ခံကြတဲ့ ဂျူနီယာတွေမှာလည်း ရှေ့ဆက်ဆောင်ရွက်ရမယ့် လုပ်ငန်းစဉ်တွေအတွက် စိတ်လှုပ်ရှားနေကြပုံလည်း ရပါတယ်။ အထူးသဖြင့် အရင်က တည်လွန်းတဲ့ ဒုချုပ်ကြီးရဲ့ မျက်နှာဟာ ဒီတစ်ခေါက် ပေါ့ပါးဟန်ရှိပြီး သူ့နေရာကိုဆက်ခံမယ့် ဗိုလ်ချုပ်ကြီးကျော်စွာလင်းကတော့ အရင်ကထက် ပိုတည်သွားတာ တွေ့ရတယ်။

တကယ်တော့ အဆောင်အယောင်ဓားလွှဲပြောင်းတာထက် မြန်မာ့တပ်မတော်သမိုင်းကို ရေးသားခဲ့၊ ရေးသားကြဦးမယ့် ကလောင်တစ်ချောင်း လွှဲပေးလိုက်တဲ့ ပွဲပါပဲ။

မြန်မာ့တပ်မတော်ကြီး ကောင်းခြင်း၊ ဆိုးခြင်း၊ တိုးတက်ခြင်း၊ ဆုတ်ယုတ်ခြင်း တွေဟာ တပ်မတော်ကာကွယ်ရေးဦးစီးချုပ်အပေါ်မှာ လုံးဝမှီတည်နေရတာမို့ အခုကနေစပြီး ဗိုလ်ချုပ်ကြီး ရဲဝင်ဦးရဲ့ တာဝန်လုံးလုံးလျားလျားဖြစ်သွားခဲ့ပါပြီ။

အာဏာရှင်လို့ စွပ်စွဲသမုတ်ကြပေမယ့် ဒီမိုကရေစီဆန်စွာပဲ တပ်ချုပ်ရာထူးကို စွန့်လွှတ်ပြီး လွှတ်တော်ကတင်မြှောက်ပေးအပ်တဲ့ တာဝန်ကို ထမ်းရွက်မယ့် ဗိုလ်ချုပ်မှူးကြီးမင်းအောင်လှိုင် အတွက်လည်း စိန်ခေါ်မှုတွေ ရှိနေပါသေးတယ်။

ဘာပဲပြောပြော ဒီနေ့လေးက မြန်မာ့နိုင်ငံရေးသမိုင်းမှာရော တပ်မတော်သမိုင်းမှာရော အဆင်ပြေပြေချောချောမွေ့မွေ့ ရေးထိုးပြီးသွားတဲ့ သမိုင်းရက်စွဲလေးတစ်ရက်အဖြစ် ကျန်နေခဲ့တော့မှာပါ။

(ပိုင်စိုး)

ပိုင်စိုး

10:12 22 thg 4, 2026

📷 Photo

သမိုင်းဝင်မယ့် နေ့တစ်နေ့ (ပိုင်စိုး)

3,460

ပိုင်စိုး

10:12 22 thg 4, 2026

🎥 Video

အားတင်းထားပါ မြန်မာတဲ့

မနှစ်က ဖျက်အားပြင်းငလျင်ကြီး ခံစားရတဲ့ ကိုယ့်နိုင်ငံသား‌တွေ အတွက် အားပေးထားတဲ့ သီချင်းလေး......

တစ်နှစ်ပြည့်ခဲ့ပြီးတာတောင် ဒီသီချင်းပြန်‌ တွေ့တော့ ငလျင်ကြီးကြောင့် ကိုယ့်နိုင်ငံ ဘယ်လောက်ထိခိုက်ခဲ့ရသလဲဆိုတဲ့ ပုံရိပ်တွေ မျက်လုံးထဲ ပြန်ပေါ်လာတယ်...

အလဲလဲအပြိုပြို ဘုရားကျောင်းကန် အိုးအိမ်တိုက်တာတွေ၊ ကြောက်လန့်တကြား ပြေးလွှားအော်ဟစ်သံတွေ၊ တစ်နိုင်ငံလုံးအတိုင်းအတာ ဝမ်းနည်းသောကရောက်ခဲ့ရတဲ့ ရက်စွဲတွေ....

ဒီလောက် လဲပြိုသွားတဲ့ကြားက တစ်ယောက်ကိုတစ်ယောက် ဖေးမရင်း ပြန်ထနိုင်ခဲ့ကြတာကိုပဲ ကျန်ခဲ့သူတွေအတွက် ဂုဏ်ယူရမှာပါ...

ဘယ်အရာမှ မမြဲတတ်တဲ့ သင်္ခါရတရားကို သဘာဝတရားကြီးက ပြသခဲ့ပြီမို့ ကိုယ့်နိုင်ငံသားတွေအနေနဲ့လည်း အသက်ရှင်နေထိုင်ရတဲ့ကာလအတွင်း အမုန်းတရားတွေ လျှော့သင့်ပါပြီလေ.....

(ပိုင်စိုး)

4,760

164

ပိုင်စိုး

01:37 8 thg 4, 2026

ကိုယ့်ကိုယ်ကိုဆွဲချနေတဲ့ အနီမီဒီယာများ

---------------------

၂၀၂၁ တော်လှန်ရေးကြီး ဘာလို့ ဟုန်းဟုန်းတောက်ခဲ့ရသလဲဆိုရင် 2010 ကနေ စတင်ဖွံ့ဖြိုးလာခဲ့တဲ့ Social Media evolution ရဲ့ side effect ကြောင့်လို့ပြောရင်ရတယ်...

ဖွံ့ဖြိုးစ နိုင်ငံတွေမှာ အနည်းနဲ့အများတော့ ခံစားခဲ့ကြရတယ်။ အထူးသဖြင့် culture shock တွေ၊ scam တွေနဲ့ မြင်ရကြားရသမျှကို အမှန်လို့ ထင်မိကြတဲ့ ပြဿနာတွေပေါ့။

အွန်လိုင်းကို ပေါပေါသီသီ သုံးနိုင်လာချိန် သတင်းတု သတင်းမှားကို မဆန်းစစ်တတ်သေးခင်မှာ ၂၀၂၁ ရဲ့ အနီ မီဒီယာလှိုင်း ရိုက်ခတ်မှုကို နဖူးတွေ့ ဒူးတွေ့ကြုံလိုက်ရတဲ့ ပြည်သူအများစုဟာ ၂၀၂၁ မှာ တွေ့သမျှသတင်းတိုင်းကို အမှန်ထင်ပြီး မဖြစ်သင့်တာတွေ ဖြစ်ခဲ့ကြရတယ်။

လူသုံးများတဲ့ FB နဲ့ YT ကို တဖက်သတ် ပိတ်ချပြီး သူတို့ရဲ့ စစ်တပ်မုန်းတီးရေးသတင်းတွေကိုသာ လူထုကိုပေးမြင်တဲ့အခါ လူထုမှာ အမှန်ကိုသိခွင့်မရကြခဲ့ဘူး။

ဒါပေမယ့် ငါးနှစ်တာကာလအတွင်း
ဒီတော်လှန်ရေးကြီးကြောင့် ဒုက္ခတွေကိုယ်တိုင်ခံစားကြရအပြီးမှာ ရပ်တည်ချက်မမှန်တဲ့ အနီတွေရဲ့အလိမ်တွေကို လူထုက တဖြည်းဖြည်း သိလာကြရတယ်။

ဥပမာ အခုဓာတ်ပုံပါ ပို့စ်လိုပေါ့။ ဒီဇာတ်ကား ဘယ်လောင်ပေါက်လဲဆိုတာ တစ်နိုင်ငံလုံးသိနေရဲ့သားနဲ့ အရင်လို ရဦးမလားဆိုပြီး အလိမ်အညာသတင်းတု တင်လိုက်တဲ့အခါ လူထုက ဒီမီဒီယာတွေ လိမ်နေပါ့လားဆိုတဲ့ အသိမျိုး ဝင်သွားကြတယ်။

တိုင်းပြည် အေးချမ်းရင်ကို မရှုနိုင်မစိမ့်နိုင် လိမ်မိတာက ကိုယ့်လည်ပင်းကိုယ် စွပ်မယ့် ကြိုးကွင်းဖြစ်သွားရတာပဲ။

ကိုရီးယားကားတွေထဲက ဗီလိန်တွေ မျက်နှာဖုံးကွာကျတဲ့အခန်းလိုပဲ၊ DVB က တင်ထားတဲ့ပို့စ်အောက်က ကွန်မန့်တွေဖတ်ရတာ အားရချက်ဗျာ။

(ပိုင်စိုး)

3,850

ပိုင်စိုး

01:37 8 thg 4, 2026

🎥 Video

4,090

ပိုင်စိုး

01:37 8 thg 4, 2026

အနာပေါ်ကျတဲ့ တုတ်နဲ့ ဖျပ်ဖျပ်လူး အနီလော်ဘီများ
----------------------
(၂၀-၃-၂၀၂၆)
မနေ့က PDF အယောက် ၅၀၆ ယောက်အလင်းဝင်တဲ့သတင်းက အနီအုပ်စုကို ဖျပ်ဖျပ်လူးသွားစေလိမ့်မယ်လို့ ထင်မထားဘူး။ မီဒီယာတခွင် ဖာလိုက်ကြ၊ ကာလိုက်ကြတာ ပို့စ်တွေ မနည်းပါဘူး။

ပယောဂမှန်လို့ တုံဆင်းလာသလားမပြောတတ်ပေမယ့် ခေတ်သစ်နဲ့ ပန်ကြီးတို့ လော်ဘီတစ်သိုက်ကတော့ အလင်းဝင်တာ ၃၉ ယောက်ပဲရှိတာပါလို့ ငိုသံတွေနဲ့ အတိအကျကြီး တွက်ချက်ပြနေလေရဲ့။ လပခ တိုင်းမှူးတောင် နိုင်ငံခြားက သူတို့လောက် သိပါ့မလားပဲ။

ယူနီဖောင်းနဲ့ စစ်ရေးပြပုံစံမျိုးလုပ်လိုက်တာမို့ ကလေးတွေ အဆင်ပြေတဲ့ ယူနီဖောင်းဝတ်လာရတာကို သက်သေကြီးတစ်ခုလို တိုင်တည်နေတာတွေ့တော့လည်း ပြုံးမိတယ်။ အရင်က စတစ်ကော်လံ ဝတ်ခိုင်းတော့လည်း သူတို့ပဲ အပြစ်ရှာကြတာ မဟုတ်လား။

လော့ဂျစ်ကျကျစဉ်းစားတတ်ရင်တောင် တပ်က လိမ်မယ်ဆိုရင် အယောက် ၅၀၀ ထဲ လုပ်မလား၊ ထောင်နဲ့ချီပြီးလုပ်မှာပေါ့။ သူတို့ဘာသာပဲ ဓာတ်ပုံတွေအတင်းဖြဲရှာပြီး ဘယ်တပ်ရင်းက ဘယ်သူပါလို့ ဖော်တဲ့လူက ဖော်နေပြီ၊ သတင်းထုတ်တဲ့အဖွဲ့က ထုတ်နေပြီဆိုတော့ အနီလော်ဘီတွေ ဘယ်လောက် ကာကာ ဆေးမမီတော့ဘူး။

တကယ်တမ်း PDF အယောက် ၅၀၀ ကျော် အလင်းဝင်ခြင်း မဝင်ခြင်းဟာ တပ်ဘက်က လော်ဘီလုပ်ရမယ့်အချိန် မဟုတ်တော့ဘူး။ လွှတ်တော်ပေါ်ပြီ၊ အစိုးရသစ်ပေါ်ပြီ၊ လုပ်ရမည့်လုပ်ငန်းစဉ်တွေ ပေါ်လာပြီဖြစ်တဲ့အတွက် တပ်ဘက်က အနိုင်အရှုံး/ အဖြူအမဲ ကွဲသွားပြီဖြစ်လို့ ပဒက်တွေကို အလင်းဝင်ဖို့ တကူးတက ဖိတ်ခေါ်စရာကို မလိုတော့တာ။

လက်ရှိမြေပြင်မှာ နုဂျီအဆင်မပြေဘူး၊ ပလောင်တွေ အဆင်မပြေဘူး၊ KIA အဆင်မပြေဘူး၊ အားကိုးစရာ ဘယ်မှာမှ မရှိတော့တဲ့ ပဒက်တွေဟာ နယ်စပ်ကို ပြေးတဲ့လူကပြေး၊ တပ်ဘက် အလင်းဝင်တဲ့လူကဝင် ဒီနှစ်မျိုးပဲ လုပ်စရာရှိတော့တာ အမှန်တရားပဲ။

လူငယ်တွေ အသက်စွန့်ရဲကြတယ်ဆိုပေမယ့် ဘယ်သူ့အတွက်မှ မဟုတ်ပဲ အချည်းနှီးပေးဆပ်ရမှာကိုတော့ ဘယ်သူက လိုလားမှာလဲ။ ပန်ဆယ်လိုအတွက်၊ မျိုးရန်နိုင်သိမ်းအတွက်၊ ပြည်ပမှာ ရဲရဲတောက်နေတဲ့ ပုဂ္ဂိုလ်တွေရဲ့ မီဒီယာပျံ့နှံ့မှု တိုးပြီး ဒေါ်လာတက်လာဖို့အတွက်ကို အသက်တစ်ချောင်းပေးဆပ်ရတာ တန်မှ မတန်တာလေ။

မိဘရှိသေးတဲ့၊ နယ်စပ်ကို မပြေးချင်တဲ့ လူငယ်တွေ အယောက် ၅၀၀ ဆိုတာ တကယ်တမ်း မှိုင်းအတိုက်ခံရလို့ ပဒက်ဖြစ်သွားရတဲ့ အင်အားနဲ့စာရင် ဘယ်လောက်မှ မရှိသေးဘူး။ လမ်းပျောက်နေတဲ့ လူငယ်တွေ အများကြီး ရှိနေဦးမှာ။ ဒီအယောက် ၅၀၀ ကနေ သတင်းနားစွင့်ရင်း အလင်းဝင်ကြဦးမယ့် ကလေးတွေလည်းအများကြီး ရှိဦးမှာ။

အခု အလင်းဝင်တဲ့ အယောက် ၅၀၀ ဟာ ရိုးရိုးတန်းတန်း အိမ်ပြန်ရုံပဲကနေ အနီလော်ဘီတွေရဲ့ လိမ်လည်မှုတွေကို မြင်ပြင်းကတ်ပြီး ကျန်တဲ့ သူငယ်ချင်းတွေ ချိတ်ဆက်ပေးတာပဲဖြစ်ဖြစ်၊ စခန်းတည်နေရာတွေ ပြောတာပဲဖြစ်ဖြစ် လုပ်ကုန်မှ ပိုဆိုးကုန်ရင် ငါးရံ့ပြာလူးကနေ တီကောင်ဆားပက် ဖြစ်တော့မှာ မြင်ယောင်မိပါရဲ့။

(ပိုင်စိုး)

ပိုင်စိုး

01:37 8 thg 4, 2026

📷 Photo

ကိုယ့်ကိုယ်ကို ဆွဲချနေတဲ့ မီဒီယာများ

3,750

ပိုင်စိုး

01:37 8 thg 4, 2026

📷 Photo

အလင်းဝင်ခြင်းရဲ့ အဓိပ္ပာယ်

ဒီနေ့ အလယ်ပိုင်းတိုင်းစစ်ဌာနချုပ်မှာ PDF ၅၀၆ ဦး အလင်းဝင်လို့ အခမ်းအနားနဲ့ ကြိုဆိုပြီး မိဘတွေဆီ ပြန်လည်အပ်နှင်းတဲ့ ပွဲလေး လုပ်ပေးတယ်တဲ့။

တပ်မတော်ဆီ အလင်းဝင်လာတယ်ဆိုကတည်းက သူတို့ရဲ့ တဖက် အဖွဲ့အစည်းအပေါ် လမ်းစဉ်တွေ လုပ်ရပ်တွေကို မကြိုက်တော့လို့သော်လည်းကောင်း၊ တော်လှန်ရေးအောင်မြင်ဖို့ မရှိတော့ဘူးဆိုတာ လက်ခံသွား၍ သော်လည်းကောင်း၊ တပ်မတော်အကြောင်း မဟုတ်မမှန် သတင်းလွှင့်တာတွေအပေါ် အမှန်ကို မြင်လာလို့သော်လည်းကောင်း ဖြစ်ပါလိမ့်မယ်။

တပ်မတော်ဘက်က တစ်ဦးစနှစ်ဦးစ တော်လှန်ရေးဘက် ပြောင်းသွားခဲ့ရင်တောင် ဂုဏ်ယူနေရတဲ့ NUG အတွက်ကတော့ သူတို့ဆီက အယောက် ၅၀၀ တပ်မတော်ဆီ အလင်းဝင်တာကြည့်ပြီး ရင်ကွဲပက်လက် ဖြစ်နေမလား။

အယောက် ၅၀၀ ထဲမှာ မိဘအိမ်ပြန်နေမယ့်သူရှိသလို ပြည်သူ့စစ်ထဲဝင်ပြီး ကိုယ့်ရပ်ရွာကို ကာကွယ်မယ့်သူတွေလည်း ရှိနေနိုင်ဦးမှာပဲ။ တောတွင်းဥပဒေနဲ့ မတရားခံခဲ့ရလို့ နာကျည်းစိတ်နဲ့ စခန်းတည်နေရာတွေ တပ်ကို သတင်းပေးမယ့်လူလည်း ပါမှာပါပဲ။

အတိတ်မှာ ကိုယ်ကျူးလွန်မိတဲ့ အမှားတွေကို ခွင့်လွှတ်ပေးခဲ့တဲ့ နိုင်ငံတော်အပေါ် နည်းလမ်းမှန်စွာ ပြန်ပြီးအကျိုးပြုနိုင်တဲ့ နိုင်ငံ့သားကောင်းတွေ ဖြစ်ကြပါစေ။

(ပိုင်စိုး)

3,260

Showing 30 of 35 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

890

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

220

Loading recommended channels...

ပိုင်စိုး

ပိုင်စိုး

Xếp hạng

Tăng trưởng người đăng ký (Trong 5 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

Fabrice Sorlin

𝕱𝖗𝖔𝖓𝖙𝖋𝖑𝖎𝖈𝖙 🇵🇸🔻🇱🇧

VITA Comunità sociale e politica

🌏နိုင်ငံတကာသတင်းများ

Madison Beer Brasil

ចែករំលែក ប្រវត្តិវិទ្យា - Share of History

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

Fabrice Sorlin

𝕱𝖗𝖔𝖓𝖙𝖋𝖑𝖎𝖈𝖙 🇵🇸🔻🇱🇧

VITA Comunità sociale e politica

🌏နိုင်ငံတကာသတင်းများ

Madison Beer Brasil

ចែករំលែក ប្រវត្តិវិទ្យា - Share of History

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

Đánh giá của người dùng (0)

Bài đăng gần đây