Ad

ပြည်သူ့ပန်းတိုင်-People's Goal

ပြည်သူ့ပန်းတိုင်-People's Goal

Public

Không thể tham gia? @PeoplesGoal

0

2.9k Thành viên

Cập nhật: April 13, 2026 at 2:33 AM

Ad

About ပြည်သူ့ပန်းတိုင်-People's Goal – Chính trị Telegram Channel

PG is committed to fostering inclusivity, reconciliation, and transitional justice in Myanmar.

Join @PeoplesGoal for exclusive transitional and committed content and discussions in 15

Xếp hạng

Xếp hạng toàn cầu

#456

+2

Xếp hạng ngôn ngữ

#45

+1

Xếp hạng danh mục

#23

-1

Tăng trưởng người đăng ký (Hôm nay)

Tổng cộng: 2.9K

Ad

Loading...

Xếp hạng

Yêu cầu đăng nhập

Loading...

Loading recommended channels...

Bài đăng gần đây

ပြည်သူ့ပန်းတိုင်-People's Goal

02:33 13 thg 4, 2026

📷 Photo

106

7

0

ပြည်သူ့ပန်းတိုင်-People's Goal

02:33 13 thg 4, 2026

📷 Photo

190

4

0

ပြည်သူ့ပန်းတိုင်-People's Goal

02:33 13 thg 4, 2026

❝ ပုန်ကန်ခြင်း အနုပညာ❞

🔹ဇော်ထူး (CDM)

လူ့သမိုင်းတလျှောက်လုံးတွင် မတရားမှုရှိရာနေရာတိုင်း၌ တုံ့ပြန်မှုများ ရှိခဲ့သည်။ ထိုတုံ့ပြန်မှုများအနက် အင်အားအကြီးဆုံးနှင့် အဓိပ္ပာယ်အပြည့်ဝဆုံးသော လှုပ်ရှားမှုတစ်ရပ်မှာ “ပုန်ကန်ခြင်း” ဖြစ်သည်။ ပုန်ကန်ခြင်းဟူသည်မှာ အလိုမကျခြင်းတစ်ခုတည်းမဟုတ်ဘဲ မတရားမှုကို လက်မခံလိုသည့် လူ့စိတ်ဓာတ်၏ အမြင့်ဆုံးဖော်ပြချက်တစ်ခုဖြစ်သည်။

လူတစ်ဦးနှင့်တစ်ဦး၊ တဖွဲ့နှင့်တဖွဲ့ ဆန့်ကျင်ခြင်းတိုင်းကို ပုန်ကန်ခြင်းဟု မဆိုနိုင်ပေ။ သို့သော် အောက်လူများက အထက်အာဏာရှိသူများ၏ ဖိနှိပ်မှု၊ အနိုင်ကျင့်မှုနှင့် မတရားမှုဒဏ်များကို မခံနိုင်တော့သည့်အချိန်တွင် ထကြွလာသော လှုပ်ရှားမှုသာလျှင် ပုန်ကန်ခြင်း၏ အဓိပ္ပာယ်မှန်ဖြစ်သည်။ ထိုပုန်ကန်ခြင်းသည် မုန်းတီးမှုမဟုတ်၊ တရားမျှတမှုကို ရှာဖွေသည့် အားထုတ်မှုဖြစ်သည်။ လူ့ဂုဏ်သိက္ခာကို ပြန်လည်ရယူရန် ကြိုးပမ်းမှုဖြစ်သည်။

ယနေ့ ကျွန်ုပ်တို့ ရင်ဆိုင်နေရသည့် အခြေအနေသည် သာမန် မဟုတ်ဟု ဆိုနိုင်သည်။ အုပ်ချုပ်သူတို့၏ မတရားသော အာဏာသည် ပြည်သူ့အခွင့်အရေးများကို ပစ်ပယ်ထားပြီး လူသားတန်ဖိုးများကို မလေးစားဘဲ အကြမ်းဖက်မှုများဖြင့် အဓမ္မ ဖိနှိပ်နေသည်။ ထိုသို့သော အာဏာရှင်စနစ်အောက်တွင် တိတ်ဆိတ်နေခြင်းသည် ငြိမ်းချမ်းခြင်းမဟုတ်ဘဲ မတရားမှုကို လက်ခံနေခြင်းသာဖြစ်သည်။

ထို့ကြောင့် ယနေ့ကာလတွင် ပုန်ကန်ခြင်းသည် ရွေးချယ်မှုတစ်ခုမဟုတ်တော့ဘဲ အဖိနှိပ်ခံပြည်သူတို့၏ တာဝန်တစ်ရပ် ဖြစ်လာပြီဖြစ်သည်။ နိုင်ငံ့ဝန်ထမ်းများ၊ ပြည်သူ့ဝန်ထမ်းများ၊ ကျောင်းသားလူငယ်များ၊ ပညာတတ်များ၊ တောင်သူလယ်သမားများနှင့် အလုပ်သမားလူတန်းစားများ စသည့် လူ့အသိုင်းအဝိုင်း၏ အစိတ်အပိုင်းအားလုံးသည် ယနေ့တော်လှန်ရေး၏ အဓိကအင်အားများ ဖြစ်ကြသည်။

မည်သည့်အလုပ်အကိုင်၊ မည်သည့်အဆင့်အတန်းမဆို မတရားမှုကို ဆန့်ကျင်ရန် တူညီသော တာဝန်ရှိကြသည်။ နိုင်ငံဝန်ထမ်းများနှင့် ပြည်သူ့ဝန်ထမ်းများသည် မတရားသော အမိန့်များကို မလိုက်နာဘဲ ပြည်သူ့ဘက်တွင် ရပ်တည်ရမည်။ ကျောင်းသားလူငယ်များသည် အမှန်တရားဘက်တွင် မပြောင်းမလဲ ရပ်တည်ရမည်။ ပညာတတ်များသည် အမှန်ကို ရဲရဲဝံ့ဝံ့ပြောရန်နှင့် မတရားမှုကို ဖော်ထုတ်ရန် တာဝန်ရှိသည်။ တောင်သူလယ်သမားများနှင့် အလုပ်သမားများသည် ကိုယ့်အင်အားကို သိရှိ၍ တန်ဖိုးထားတတ်ရမည်။ အကြောင်းမှာ စနစ်တစ်ခု၏ အင်အားသည် လူများထံမှပင် ရရှိသောကြောင့် ဖြစ်သည်။

လက်နက်ကိုင်တိုက်ခိုက်ခြင်း နည်းလမ်းတစ်ခုတည်းသည်သာ “တော်လှန်ရေး” ဟု မဆိုနိုင်ပါ။ အကြမ်းမဖက် အာဏာဖီဆန်ခြင်းသည်လည်း အင်အားကြီးမားသော တော်လှန်ပုန်ကန်ခြင်း နည်းလမ်းတစ်ရပ်ဖြစ်သည်။
• မတရားသော အမိန့်များကို မလိုက်နာခြင်း၊
• မတရားသော စနစ်တွင် မပါဝင်ခြင်း၊
• အမှန်တရားဘက်တွင် ရပ်တည်ခြင်း။
ဤအရာများသည် အာဏာရှင်စနစ်ကို အခြေမှကိုင်၍လှုပ်ခါစေနိုင်သော အင်အားများဖြစ်သည်။

သို့သော် တော်လှန်ရေးသည် ပုန်ကန်ရုံဖြင့် မပြီးသေးပါ။
ကျွန်ုပ်တို့ ပြောင်းလဲရမည်။
ကျွန်ုပ်တို့ ပြင်ဆင်ရမည်။
ကျွန်ုပ်တို့ တည်ဆောက်ရမည်။
တော်လှန်ရေးသည် ဖျက်ဆီးခြင်းအတွက် မဟုတ်ဘဲ တည်ဆောက်ခြင်းအတွက် ဖြစ်သောကြောင့် ဖြစ်သည်။

ဤအဖြစ်အပျက်များကြားထဲတွင် ကျွန်ုပ်တို့ ကိုယ့်ကိုယ်ကိုယ် မေးကြည့်ရမည့် မေးခွန်းတစ်ခု ရှိ၏။
“မတရားမှုအောက်တွင် တိတ်ဆိတ်နေမည်လား သို့မဟုတ် လွတ်လပ်မှုအတွက် ရပ်တည်မည်လား”
မတရားမှုအောက်တွင် နေထိုင်ခြင်းသည် အသက်ရှင်ရုံသက်သက်မျှသာဖြစ်ပြီး လူသားဖြစ်တည်မှုအတွက် အဓိပ္ပာယ်ရှိသည်ဟု မဆိုနိုင်ပါ။

မတရားမှုကို ဆန့်ကျင်ခြင်းသည် အန္တရာယ်ရှိနိုင်သော်လည်း
ထိုနေရာ၌-
• လူ့ဂုဏ်သိက္ခာရှိသည်၊
• လွတ်လပ်မှုရှိသည်၊
• အနာဂတ်ရှိသည်။
အဆုံးအားဖြင့် မိမိကြမ္မာ မိမိဖန်တီးနိုင်ခွင့် ရှိသည်။

တဖက်တွင်လည်း ယနေ့ကမ္ဘာကြီးသည် လက်တစ်ဆုပ်စာ လူတစ်စု၏ လက်ခုပ်ထဲမှ ရေမှုန်ရေစက်ကဲ့သို့ အားနည်းမှုများ ခံစားလာ‌နေရသည်။ စည်းမျည်းအခြေပြုကမ္ဘာကြီးမှသည် အင်အားအခြေပြုကမ္ဘာကြီးဆီသို့ ပြန်လည်ချဉ်းကပ်လာနေပုံရသည်။

မည်သို့ဆိုစေ မတရားမှုကို ခုခံသူများသည် အသံထွက်ခြင်း၊ ပုန်ကန်ခြင်းနည်းလမ်းများဖြင့် ကမ္ဘာကြီးကို လက်တွေ့ကျကျ ကယ်တင်နေကြ၏။

လူသားတစ်ဦးချင်းစီတိုင်းက-
လိုအပ်နေသူများအတွက်
ရေတစ်စက်ဖြစ်ဖြစ်၊
အိုးအိမ်စွန့်ခွာ နေရသူများအတွက် အကူအညီတစ်ခုဖြစ်ဖြစ်၊
မိဘမဲ့ကလေးများအတွက် အပြုံးတစ်ခုဖြစ်ဖြစ်၊
ကိုယ်ပိုင်အချိန်များထဲမှ မိနစ်အနည်းငယ်ဖြစ်ဖြစ်
ပေးနိုင်ကြသင့်၏။

အပြောင်းအလဲမြန်ဆန်လွန်းသော ခေတ်ကာလတွင်
စိတ်ဖိစီးမှုများသော လူမှုပတ်ဝန်းကျင်နှင့်
အတ္တလောဘများသော လူတချို့ကြားတွင်—
ကျွန်ုပ်တို့၏ ကိုယ်ချင်းစာနာစိတ်နှင့် အမှန်တရားချစ်မြတ်နိုးမှုတို့ မပျောက်ကွယ်သွားစေရန် ကြိုးစား မွေးမြူကြသင့်ပါသည်။

အချုပ်ဆိုရလျှင်_
• ပုန်ကန်ခြင်းသည် ဖျက်ဆီးခြင်းမဟုတ်၊ ပြန်လည်တည်ဆောက်ခြင်းဖြစ်သည်။
• ပုန်ကန်ခြင်းသည် မုန်းတီးမှုမဟုတ်၊
မျှတမှုကို ရှာဖွေခြင်းဖြစ်သည်။
• ပုန်ကန်ခြင်းသည် အဆုံးမဟုတ်၊
နိုင်ငံသစ်တစ်ခု၏ အစဖြစ်သည်။
ယနေ့ ကျွန်ုပ်တို့ ပြုလုပ်သည့် အရာတိုင်းသည် မနက်ဖြန်၏သမိုင်း ဖြစ်လာမည်သာ ဖြစ်သည်။

ပြည်သူ့ပန်းတိုင်-People's Goal

02:33 13 thg 4, 2026

ထို့ကြောင့် ကျွနုပ်တို့အားလုံးသည် မတရားမှုကို ပုန်ကန်ခြားနားရာတွင် ကြောက်ရွံ့မှုနှင့် တိတ်ဆိတ်မှုကို ပစ်ပယ်၍ မဆုတ်မနစ်သော ယုံကြည်ရဲရင့်မှုကို အစားထိုးကြရပေမည်။ အမှန်တရားအတွက် မိမိရှိရာနေရာ၊ မိမိကျွမ်းကျင်ရာ စစ်မြေပြင်မှ တိုက်ပွဲဝင်ကြသင့်၏။

လွတ်လပ်မှုဟူသည် တောင်းယူတိုင်းလည်း ရ‌တတ်သော အရာမဟုတ်ကြောင်း အသက်သွေးနှင့်ရင်းခဲ့ရသော သမိုင်းနှင့်ချီသည့် သင်ခန်းစာတွေ ရှိခဲ့ကြပြီးသား။ တကယ်တော့ မြန်မာပြည်သူတို့၏ “ပုန်ကန်ခြင်း”ဟူသည် “တောင်းယူခြင်းဆန္ဒကို ပြာချခဲ့ကြသည့် အာဏာရှင်တို့၏ မီးပုံ”ထဲမှ နိုးထလာသော “ဖီးနစ်ငှက်တစ်ကောင်”ပင် ဖြစ်၏။

[ဖော်ပြပါ ဆောင်းပါးအား တော်လှန်ရေးအားကောင်းခိုင်မာစေရန်နှင့် ပြည်သူအများကြား အတွေးအမြင် ရှုထောင့်စုံ ထိတွေ့သုံးသပ်နိုင်စေရန် ရည်ရွယ်၍ ကဏ္ဍတစ်ခုအနေဖြင့် ရွေးချယ်၊ တည်းဖြတ်၊ တင်ဆက်ပေးခြင်းဖြစ်ပါသည်။ ဆောင်းပါး၏ အာဘော်သည် စာရေးသူ၏ ကိုယ်ပိုင်ဖြစ်၍ ပြည်သူ့ပန်းတိုင်၏ အာဘော်မဟုတ်ပါ။ ဆောင်းပါးကို ဖတ်ရှုပြီး မှတ်ချက်များ ရေးသား ဆွေးနွေးနိုင်ပါသည်။]

105

6

ပြည်သူ့ပန်းတိုင်-People's Goal

02:33 13 thg 4, 2026

📷 Photo

174

8

0

ပြည်သူ့ပန်းတိုင်-People's Goal

02:33 13 thg 4, 2026

“လွှတ်တော်က ကြံ့ဖွတ် အစိုးရက စစ်တပ်”

🔹ဇော်ထူး (CDM)

စစ်အာဏာရှင်စနစ်၏ နိုင်ငံရေးလက်ဝါးကြီးအုပ်မှုနှင့် ထွက်ပေါက်ရှာဖွေမှု၏ အဓိပ္ပာယ်
မြန်မာနိုင်ငံ၏ လက်ရှိနိုင်ငံရေးအခြေအနေကို နက်နက်ရှိုင်းရှိုင်း သုံးသပ်ကြည့်လျှင် စစ်အုပ်စုသည် နိုင်ငံရေးပုံစံအသစ်များကို မကြာခဏ ပြောင်းလဲအသုံးချနေသော်လည်း “အာဏာကို လက်ဝါးကြီးအုပ် ထိန်းသိမ်းထားနိုင်ရေးနှင့် ပြည်သူ့ဆန္ဒကို ထိန်းချုပ်ထားနိုင်ရေး” ဟူသော အခြေခံရည်ရွယ်ချက်မှာ မပြောင်းလဲသေးကြောင်း တွေ့မြင်နေရသည်။

ကြံ့ဖွတ်ပါတီ၏ သမိုင်းကို ပြန်လည်လေ့လာကြည့်ပါက ယင်းပါတီသည် စစ်အစိုးရ၏ လက်သပ်မွေး နိုင်ငံရေးလက်ဝေခံအဖွဲ့တစ်ခုအဖြစ် ပေါ်ပေါက်လာခြင်းဖြစ်ပြီး ၂၀၁၀ ရွေးကောက်ပွဲတွင် စစ်တပ်၏ အသွင်ပြောင်း ဖန်တီးမှုဖြင့် အာဏာရရှိခဲ့သည်။ ထိုအချိန်ကပင် ပါတီနှင့် စစ်တပ်တို့သည် အပြန်အလှန် အားပေးထောက်ခံသည့် တသားတည်းသော ဆက်စပ်ဖွဲ့စည်းပုံတစ်ခုအဖြစ် ရပ်တည်နေခဲ့သည်။

၂၀၀၈ ဖွဲ့စည်းပုံအခြေခံဥပဒေသည် ယင်းဆက်စပ်မှုကို တရားဝင်ပုံစံတစ်ခုအဖြစ် အတည်ပြုပေးထားသည်။ လွှတ်တော်တွင် စစ်တပ်ကိုယ်စားလှယ် ၂၅ ရာခိုင်နှုန်း ခန့်ထားမှု၊ အရေးကြီးသော ပြင်ဆင်မှုများအတွက် မဲ ၇၅ ရာခိုင်နှုန်းကျော် လိုအပ်မှု၊ ကာကွယ်ရေး၊ ပြည်ထဲရေးနှင့် နယ်စပ်ရေးရာဝန်ကြီးဌာနများကို စစ်တပ်က တိုက်ရိုက်ထိန်းချုပ်နိုင်ခြင်းတို့သည် စစ်တပ်၏ အဓိကအာဏာကို အမြဲတမ်းတည်ရှိ‌နေစေရန် အထောက်အကူဖြစ်ခဲ့သည်။

ထို့နောက် ၂၀၂၀ ရွေးကောက်ပွဲတွင် ကြံ့ဖွတ်ပါတီသည် ပြည်သူလူထု၏ ထောက်ခံမှုကို မရရှိခဲ့သဖြင့် စစ်တပ်က ထိုရလဒ်ကို လက်မခံနိုင်ဘဲ အာဏာသိမ်းခဲ့သည်။ အာဏာသိမ်းမှုအတွက် မဲလိမ်လည်မှုကို အကြောင်းပြချက်အဖြစ် ထုတ်ပြန်ခဲ့သော်လည်း သက်သေအထောက်အထားအခိုင်အမာ ပြသစရာ မရှိဘဲ ယင်းအရေးယူမှု၏ အခြေခံရည်ရွယ်ချက်မှာ အာဏာလက်လွှတ်မခံလိုခြင်းဖြစ်ကြောင်း ဖော်ပြနေသည်။

အာဏာသိမ်းပြီးနောက် စစ်အုပ်ချုပ်ရေးအဖွဲ့သည် နိုင်ငံတကာဖိအားများ၊ ပြည်တွင်း ခုခံတော်လှန်ရေးများနှင့် ရင်ဆိုင်နေရပြီး အာဏာတည်မြဲရေးအတွက် နိုင်ငံရေးထွက်ပေါက်ရှာဖွေရန် လိုအပ်လာသည်။ ထိုအတွက် အဓိကနည်းလမ်းတစ်ခုမှာ “ရွေးကောက်ပွဲ ပြန်လည်ကျင်းပခြင်း” ဖြစ်လာသည်။

သို့သော် ယင်းရွေးကောက်ပွဲများသည် တကယ့်ပြည်သူ့ဆန္ဒကို ထင်ဟပ်သည့် အခြေအနေများမရှိဘဲ စစ်တပ်၏ အလုံးစုံထိန်းချုပ်မှုအောက်တွင်သာ ရှိနေခဲ့ခြင်း ဖြစ်သည်။ မဲဆန္ဒရှင်များ၏ လွတ်လပ်စွာ မဲပေးနိုင်မှု၊ ပါတီများ၏ ယှဉ်ပြိုင်နိုင်မှု၊ မီဒီယာလွတ်လပ်ခွင့်တို့ မရှိသော ထိုရွေးကောက်ပွဲသည် အာဏာတည်မြဲရေးအတွက် ဖန်တီးထားသည့် နိုင်ငံရေးက်နက်တစ်ခုသာ ဖြစ်ခဲ့သည်။

ထိုကဲ့သို့သော အခြေအနေများအောက်တွင် ပေါ်ပေါက်လာသည့် လွှတ်တော်သည် အသွင်ပြောင်းဗိုလ်ချုပ်များ ကြီးစိုးထားသည့် ကြံ့ဖွတ်ပါတီ အပါအဝင် စစ်တပ်နှင့်နီးစပ်သော လက်ဝေခံ အဖွဲ့အစည်းများဖြင့်သာ အဓိကဖွဲ့စည်းထားပြီး အစိုးရအဖွဲ့သည်လည်း စစ်တပ်၏ တိုက်ရိုက်ထိန်းချုပ်မှုအောက်တွင် ဆက်လက်ရှိနေမည်သာ ဖြစ်သည်။

ထို့ကြောင့် “လွှတ်တော်က ကြံ့ဖွတ် အစိုးရက စစ်တပ်” ဟူသော ဖွဲ့စည်းပုံသည် နိုင်ငံရေးအမှန်တရားတစ်ရပ်အဖြစ် ပေါ်ထွက်လာနိုင်သည်။
ဤဖွဲ့စည်းပုံသည် ဒီမိုကရေစီစနစ်၏ အဓိကအခြေခံမူများကို ဖျက်ဆီးနေသည်။ ပြည်သူ့ကိုယ်စားပြုမှုမရှိခြင်း၊ အာဏာခွဲ‌ဝေမှုမရှိခြင်း၊ စစ်တပ်၏ အုပ်ချုပ်မှုအာဏာကို စစ်တပ်ကိုယ်တိုင် ထိန်းချုပ်ထားခြင်းတို့သည် နိုင်ငံရေးစနစ်တစ်ခုအနေဖြင့် မတည်ငြိမ်မှုကိုသာ ဖြစ်ပေါ်စေပါသည်။

ထို့အပြင် ယင်းဖွဲ့စည်းပုံသည် နိုင်ငံရေးအခွင့်အရေးများကို သက်ဆိုင်ရာအဖွဲ့တစ်ခုတည်း၏ လက်ဝါးအောက်တွင် စုပေါင်းထားသည့် “အာဏာလက်ဝါးကြီးအုပ်စနစ်” ကို ပိုမိုခိုင်မာစေသည်။ လွှတ်တော်သည် ဥပဒေပြုအဖွဲ့အဖြစ် မဟုတ်တော့ဘဲ အာဏာရှင်စနစ်ကို တရားဝင်ဖြစ်စေရန် အတည်ပြုစက်ရုံတစ်ခုအဖြစ်သာ အသုံးပြုခံရနိုင်သည်။

လက်ရှိအခြေအနေတွင် ပြည်သူလူထု၏ ထောက်ခံမှုမရှိဘဲ အာဏာကို ထိန်းသိမ်းထားသော စစ်အုပ်ချုပ်ရေးသည် ရေရှည်တည်ငြိမ်မှုကို ရရှိနိုင်မည်မဟုတ်ကြောင်း သမိုင်းနှင့် လက်တွေ့အတွေ့အကြုံများက သက်သေပြထားပြီးဖြစ်သည်။ ပြည်သူ့ဆန္ဒကို လျစ်လျူရှုထားသော အာဏာတည်ဆောက်မှုများသည် ပြန်လည်တုံ့ပြန်မှုများနှင့် ပဋိပက္ခများကို အမြဲလိုပင် ဖြစ်ပေါ်စေတတ်သည်။

အချုပ်ဆိုရသော် — “လွှတ်တော်က ကြံ့ဖွတ် အစိုးရက စစ်တပ်” ဟူသော လက်ရှိအ‌နေအထားသည် သာမန်နိုင်ငံရေးပြောင်းလဲမှုဖြစ်စဉ်တစ်ခု မဟုတ်ဘဲ စစ်အာဏာရှင်စနစ် ဆက်လက်တည်မြဲရေးအတွက် စနစ်တကျ တည်ဆောက်ထားသော ဖွဲ့စည်းပုံတစ်ခုသာ ဖြစ်သည်။ ယင်းသည် ပြည်သူ့အာဏာကို ကိုယ်စားမပြုဘဲ အာဏာရှင်အုပ်စုတစ်စု၏ အကျိုးစီးပွားကိုသာ ကာကွယ်ပေးသော ယန္တရားတစ်ခုလည်း ဖြစ်သည်။

ထို့ကြောင့် ယင်းဖွဲ့စည်းပုံ၏ အဓိပ္ပါယ်ကို အပြည့်အဝ နားလည်ရန်ဆိုပါက —
• လွှတ်တော်သည် ပြည်သူ့အသံမဟုတ်တော့ဘဲ အာဏာရှင်စနစ်၏ အသံဖြစ်လာခြင်း၊
• အစိုးရသည် ပြည်သူ့ဝန်ဆောင်မှုအဖွဲ့မဟုတ်တော့ဘဲ စစ်တပ်၏ အာဏာထိန်းသိမ်းရေးကိရိယာဖြစ်လာခြင်း၊
• နိုင်ငံရေးစနစ်တစ်ခုလုံးသည် ဒီမိုကရေစီအရင်းအမြစ်မှ ဖဲခွာကာ အာဏာလက်ဝါးကြီးအုပ်မှုဆီသို့ ပြန်လည်လှည့်သွားခြင်းဟု ဆိုနိုင်သည်။

ပြည်သူ့ပန်းတိုင်-People's Goal

02:33 13 thg 4, 2026

အဆုံးတွင် ယင်းအခြေအနေသည် တည်ငြိမ်မှုသို့ ဦးမတည်ဘဲ ပဋိပက္ခ၏ မူလရင်းမြစ်သဖွယ် ဖြစ်လာနိုင်ပါသည်။ သို့ဖြစ်၍ ပြည်သူ့ဆန္ဒနှင့် မညီညွတ်သော လက်ရှိနိုင်ငံရေးစနစ်သည် ရေရှည်တည်တံ့နိုင်မည့် အာမခံချက်မရှိကြောင်း သုံးသပ် တင်ပြလိုက်ရပါသည်။

[ဖော်ပြပါ ဆောင်းပါးအား တော်လှန်ရေးအားကောင်းခိုင်မာစေရန်နှင့် ပြည်သူအများကြား အတွေးအမြင် ရှုထောင့်စုံ ထိတွေ့သုံးသပ်နိုင်စေရန် ရည်ရွယ်၍ ကဏ္ဍတစ်ခုအနေဖြင့် ရွေးချယ်၊ တည်းဖြတ်၊ တင်ဆက်ပေးခြင်းဖြစ်ပါသည်။ ဆောင်းပါး၏ အာဘော်သည် စာရေးသူ၏ ကိုယ်ပိုင်ဖြစ်၍ ပြည်သူ့ပန်းတိုင်၏ အာဘော်မဟုတ်ပါ။ ဆောင်းပါးကို ဖတ်ရှုပြီး မှတ်ချက်များ ရေးသား ဆွေးနွေးနိုင်ပါသည်။]

184

3

0

ပြည်သူ့ပန်းတိုင်-People's Goal

02:33 13 thg 4, 2026

📷 Photo

186

0

0

Showing 8 of 8 posts

No more posts