မောင်သုတ 🧐

Public

Xem kênh

9.1K

23.5K

Không thể tham gia? @MgThuTha

9.2k Thành viên

Cập nhật: August 19, 2026 at 10:44 AM

မောင်သုတ 🧐

သမိုင်း၊ သိပ္ပံ၊ စီးပွားရေး၊ စာပေ CB - @MgThuThaBot February 9. 2022

Follow @MgThuTha to stay updated with the latest 2022 and mgthuthabot trends and news

Xếp hạng

Xếp hạng toàn cầu

#95376

-2329

Xếp hạng ngôn ngữ

#2399

-49

Xếp hạng danh mục

#1656

-44

Tăng trưởng người đăng ký (Trong 14 ngày qua)

Tổng cộng: 9.2K

Tăng trưởng 24 giờ: -1 0%

Bài đăng gần đây

မောင်သုတ 🧐

03:20 25 thg 5, 2026

အချိန်တန်ရင်
အရာအားလုံးကိုလွတ်ချခဲ့ရမယ်
အချိန်တန်ခြင်းဆိုတာ
ဘာလဲ
အချိန်ကို
ခုထိငါမေးခွန်းပြန်ထုတ်နေတုန်း


ပန်းလေးတစ်ပွင့်ကို
လွတ်ချခဲ့ရတော့
အချိန်တန်ပြီလားလို့
ကံကြမ္မာကို
ခုထိမေးခွန်းပြန်ထုတ်နေတုန်း


စီးကရက်တွေရဲ့
လောင်ကျွမ်းမှုဟာ
ငါ့နာကျင်မှုကို
အသိအမှတ်ပြုနေတုန်း

နာကျင်မှုကို‌
‌စောက်ရေးကြီးခွင်ကျယ်
မလုပ်တတ်တဲ့ငါဟာ
နာကျင်မှု အာသီသကို
မိတ်ဆွေ စီးကရက်တွေပေါ်မှာ
မီးငြိရင်း ခုထိဖြေဖျောက်နေတုန်း

ကဗျာဆရာတွေရဲ့
နှလုံးသားကို ပိုင်ဆိုင်ချင်ခဲ့ပေမဲ့
ငါဟာ ခုထိ အတ္တကြီးသူအဖြစ်
ရှိနေတုန်း


အမှန်တရားနဲ့အနိစ္စတရားကို
ငါမုန်းမိလာတယ်
ဒီတရားကိုနှစ်ခုကို
ခံနိုင်မဲ့ နှလုံးသား
တစ်စွန်းတစမပါပဲ
ငါဟာ ခုထိ မရင့်ကျက်သေးတဲ့
လူတစ်ယောက်အဖြစ်ပဲ
ဆက်ရှိနေဆဲ ။


-အမောင်သျှင်

551

မောင်သုတ 🧐

03:20 25 thg 5, 2026

သမိုင်းပျောက်ရင် လူမျိုးပျောက်မည်။
လူမျိုးပျောက်ရင် ယဉ်ကျေးမှုပျက်သုဉ်းမည်။
ယဉ်ကျေးမှုပျောက်ရင် လူသားကွင်းဆက်တစ်ရပ်လုံး ဆင့်ကဲပြောင်းလဲမှုနှင့်ကြုံရမည်။

-RAIDEN KT
Historian
#Kyawthet #RAIDEN_KT #History #HistoryVibes

517

မောင်သုတ 🧐

03:20 25 thg 5, 2026

📷 Photo

"ရှေ့ကနေ ဦးဆောင်လျှင် စံပြဖြစ်ရမည်၊ အလယ်ကနေ ဝန်းရံလျှင် စိတ်ဓာတ်ခွန်အား ပေးရမည်၊ နောက်ကနေ ပံ့ပိုးလျှင် တွန်းအားပေး မြှောက်ပင့်ရမည်။"

ဆရာဆိုတာ "အမိန့်ပေးသူ သာမန်အတန်းပိုင်" မဟုတ်ဘဲ ကလေးတစ်ယောက်ရဲ့ သဘာဝအတိုင်း ဖွံ့ဖြိုးလာအောင် ပျိုးထောင်ပေးရတဲ့ "ဥယျာဉ်မှူး" နဲ့ တူပါတယ်။

ပညာရေးဆိုသည်မှာ ကလေးများ၏ အတွင်းသဘာဝအရည်အချင်းများ လွတ်လပ်စွာ ဖွံ့ဖြိုးတိုးတက်လာစေရန် နောက်ကွယ်မှ ပံ့ပိုးကူညီပေးခြင်းသာ ဖြစ်သည်။

-Ki Hajar Dewantara
အင်ဒိုနီးရှားပညာရေးဖခင်

#History #RAIDEN_KT #Kyawthet

566

မောင်သုတ 🧐

03:20 25 thg 5, 2026

‎"ခေတ်ပျက်ထဲက ရိုမီယိုနဲ့ ဂျူးလိယက်"
‎
ငါတို့ဟာ...
‎မုန်တိုင်းထန်တဲ့ ခေတ်ပျက်ကြီးထဲမှာ
‎အနာဂတ်ကို အတူတူအိမ်မက် မက်ခဲ့ကြတာ။

‎ကိုယ်စီရုန်းကန်ရတဲ့ ပင်ပန်းမှုတွေကြား
‎မင်းအနားမှာပဲ နားခိုချင်ခဲ့ပေမဲ့
‎ဘဝဆိုတဲ့ လက်တွေ့တရားက
‎ငါ့လက်တွေကို အတင်းဆွဲဖြုတ်ပစ်ခဲ့တယ်။
‎
‎အခုတော့လည်း...
‎မင်းမရှိတော့တဲ့ ငါ့ရဲ့ ရင်ဘတ်ထဲ
‎ဘယ်တော့မှ မလင်းတော့မယ့်
‎ညဉ့်နက်ကြီးတစ်ခုလို၊
‎ချစ်ခဲ့ဖူးတဲ့ အမှတ်တရဟောင်းတွေကိုပဲ
‎မီးလှုံရင်း...
‎အအေးဒဏ်ကို
‎တိတ်တိတ်ကလေး ခါးစည်းခံနေရဆဲ။
‎
‎-သက္က

555

မောင်သုတ 🧐

03:20 25 thg 5, 2026

လမ်း

မိသားစုများအခန်းကဏ္ဍ
ကမ္ဘာဦးပုံသဏ္ဌာန်
တစ်ဦးပြန်အလာ တစ်ဦးမျှော်ကြ
မီးဖိုကြ။

ငါတို့ခေတ်မှာ ငါတို့ဟာ
ချစ်မေတ္တာကိုယူလာနိုင်ခဲ့လို့လား
အိမ်ပြန်လာကြတယ်။

ကားတစ်စင်းသေနေပေါ့
ညောင်ပင်ကြီးရဲ့အောက်မှာ
မိုးကမတိတ်တော့ဘူး
ဟောဒီလောကမှာ။

-အောင်ချိမ့်

538

မောင်သုတ 🧐

03:20 25 thg 5, 2026

ဒေါက်တာသန်းထွန်းအကြောင်းဆိုပါတော့။
သမိုင်းကထိက ဆရာသန်းထိုက်အောင်ကပြုစုရေးသားထားတာ။
ဆရာသန်းထွန်းရဲ့သုတေသနပညာ၊ဗမာစာရေးထုံးနဲ့ပြက်လုံး။
ဂွတိုက်တတ်တာ ဂလန့်တာ တွေစုံရော။

သူ့ကိုယ်သူ သမိုင်းပညာရှာ တဲ့။
စာရေးဆရာလား၊ကျောင်းဆရာလား၊သမိုင်းပညာရှင်လားမေးတာကို အဲသလိုဖြေတယ်။
ဘဝတလျောက်လုံးသုတေသနလုပ်သွားတဲ့ဆရာကြီးပါ။

ဆရာကြီးရဲ့
အင်္ဂလိပ်စာကနေ မြန်မာဘာသာပြန်တာ
မြန်မာစာကနေ အင်္ဂလိပ်လိုဘာသာပြန်တာတွေကို ထည့်ရေးပေးထားတာ ပညာယူစရာပါ။
စကားလုံးတခုချင်းကိုပါထည့်ရေးပေးထားတော့လေ့လာရလွယ်တာပေါ့။

သွားရမည့်ခရီးကားဝေးသေး၏၊ခြေသာလျင်ယာဥ်ရှိကုန်၏။
ဆရာကြီးကောက်နှုတ်ထားတဲ့စကားပါ။
သင်းချိုင်းထဲထိ ကျောက်စာလိုက်ကူးတဲ့ဆရာကြီးအကြောင်းဖတ်ရတော့ အားကျစရာ။
တဘဝလုံး သုတေသနနဲ့ပျော်မွေ့နေသူပဲ။
ပင်စင်ယူပြီးအနားမယူခဲ့သူ။

နည်စွာရင် အတိုင်မသိ လိုသတေ။
နည်းနည်းလုပ်များများရချင်တဲ့သဘော။
ပုဂံခေတ်ကဆုတောင်း။
ဆရာကြီးကဒါမျိုးမကြိုက်။
မုဒိတာစာတမ်းအကြောင်းကလည်းဆင်ခြင်စဥ်းစားဖွယ်။
သူများအကြောင်းရေးတာကိုယ့်အကြောင်းများနေတာကို ပါပင်ပါငြားငါကများတဲ့လေ။

အကန်းတောင်သွားဖြစ်တဲ့ခရီး တဲ့။
ငြီးငြူနေစရာလား၊အားလျော့နေစရာလား။
စူဠာသမ္ဗဝတို့တောင်သွားနိုင်ခဲ့သေးတယ်မဟုတ်လား။

အမှတ်တရစာဆိုပေမဲ့ ဆင်ခြင်စဥ်းစားစရာများလှပါတယ်။
ရေးသားပေးတဲ့ဆရာသန်းထိုက်အောင်ကိုကျေးဇူးတင်ပါတယ်။
ဆရာကြီးရဲ့ စကား အရင်းအချာ ကိုအဓိပ္ပါယ်ဖွင့်လိုက်ပုံကတော့ သဘောကျစရာ။
(အရင်းတွေက ချာ တူးလန်နေတာ) တဲ့လေ။

အသိသစ်အမြင်သစ်မပေးနိုင်ရင်စာမရေးနဲ့ဆိုတဲ့ ဆရာသန်းထွန်းရဲ့စကားတော့အမြဲ ကြားမိနေမှာပါ။

608

မောင်သုတ 🧐

03:20 25 thg 5, 2026

📷 Photo

589

မောင်သုတ 🧐

03:20 25 thg 5, 2026

📷 Photo

ချစ်ခြင်းမေတ္တာဆိုတဲ့
ခေါင်းစဉ်အောက်မှာ...
မင်းတို့ရဲ့ အပေါစားခန္ဓာလိုအပ်ချက်တွေကို လာမထည့်ကြနဲ့၊
မေတ္တာတွေ... နာမည်ပျက်တယ်။

-သက္က

663

မောင်သုတ 🧐

03:20 25 thg 5, 2026

သက္ကရာဇ်တွေ နောက်ပြန်လည်ရင်
ရာသီတွေ ‌ရပ်တန့်သွားခဲ့ရင်
ရှင်သန်ခြင်းနဲ့ သေဆုံးခြင်းကြား
နောင်တတရား‌တွေကို
ငါပြန်ပြင်ဆင်ပါ့မယ်။

-အံ့လွန်းပျို

573

မောင်သုတ 🧐

03:20 25 thg 5, 2026

မင်းကလည်း
ဆတ်ဆတ်ထိမခံဘူး
ထစ်ခနဲဆို
စိတ်ကောက်ဖို့ပဲ
တတ်တယ်။

ငါကလည်း
မင်းမျက်နှာ
တချက်ကလေးပျက်ရင်
မနေတတ်ဘူး
ချော့ဖို့ပဲတတ်တယ်။

-မင်းလူ

578

မောင်သုတ 🧐

14:56 10 thg 5, 2026

ကိုယ့်ကိုကိုယ် ပျောက်ဆုံးနေကြောင်း
‎မင်းမျက်၀န်းလေးတွေဆီ
‎လူပျောက်​တိုင်မယ်...
‎
‎မင်းရယ်သံတွေစိုးမိုးတဲ့ ငါ့ရဲ့
‎အတွေးရက်ရှည်တွေထဲမှာ
‎အဆုံးမသတ်နိုင်တဲ့လောဘ ဟာ
‎မင်းပဲပေါ့​အသက်ရယ်။
‎
‎ထားနိုင်သူကထားသွားပေမယ့်
‎မပြတ်သားနိုင်တဲ့ကိုယ်ကတော့
‎တစ်ယောက်ထဲ ...

ချစ်တယ်ဆိုတဲ့ ဓားရှည်ကို
‎ကိုင်ဆွဲရင်း မင်းရဲ့မချစ်ဘူးဆိုတဲ့
‎အမိန့်တွေကိုဆန့်ကျင်မယ်။
‎
‎-သက္က
‎

782

မောင်သုတ 🧐

14:56 10 thg 5, 2026

မကောင်းလုပ်ရပ်၊ သူရုပ်ဖျက်သည်
အသက်တန်ဖိုး၊ အပယ်ထိုးလို့
နိုင်ရိုးမရှိ ရှုံးနိမ့်၏။
မွန်မြတ်သူတို့၊ ကျင့်ကြံဖို့သည်
ပို့သမေတ္တာ၊ ငြိမ်းချမ်းစွာဖြင့်
နိမ့်ရာမသိ အောင်မြင်၏။

-အံ့လွန်းပျို

802

မောင်သုတ 🧐

14:56 10 thg 5, 2026

တတိယမြောက်မိဘ နှင့် Brain Rot အန္တရာယ်

ကိုယ့်အိမ်က ကလေးတွေ ကိုယ်မသိတဲ့စကားလုံးတွေသုံးပြီးသူတို့အချင်းချင်းပြောဆိုဆက်သွယ်နေကြတာမျိုးကြုံ
နေကြရလား ၊ ဒါတွေဘာကြောင့်ဖြစ်တာလဲ ၊ ကလေးတွေ
အလွန်အမင်းစွဲလမ်းနေတဲ့ Skidibi Toilet လိုမျိုး Brain Rot content တွေရဲ့ဆိုးကျိုးတွေကဘယ်လိုမျိုးလဲဆိုတာဒီမှာရှင်းပြပါမယ်။ကလေးငယ်တွေရဲ့မိဘတွေတိုင်း အချိန်ပေးဖတ်ကြည့်သင့်ပါတယ်။

📌Brain Rot ဆိုတာဘာလဲ ?

၂၀၂၄ ခုနှစ်မှာ “Brain Rot” ကို Oxford University Press ရဲ့ Word of the Year အဖြစ်ရွေးချယ်ခဲ့ပါတယ်။

Oxford ရဲ့ definition က

“အဓိပ္ပါယ်မရှိတဲ့၊ challenge မပေးတဲ့ online content တွေကို အလွန်အကျွံစားသုံးခြင်းကြောင့် လူတစ်ယောက်ရဲ့ critical thinking နဲ့ mental state လျော့ကျလာခြင်း” လို့ ဆိုပါတယ်။

ဒီနေရာမှာ Brain Rot ရဲ့အဓိပ္ပါယ်က (၂) မျိုးထွက်ပါတယ်။တစ်မျိုးက Oxford က ပြောသလိုအဓိပ္ပါယ်မရှိတဲ့ online content တွေကိုစားသုံးခြင်းကြောင့်ဖြစ်လာတဲ့ side effect ကိုလည်းရည်ညွှန်းသလို အဲ့လိုအဓိပ္ပါယ်မရှိတဲ့content တွေကိုလည်း brain rot လို့ခေါ်ပါတယ်။ကလေးတွေအကြိုက်ဖြစ်မယ့် စူးရှတဲ့အရောင်တွေ ၊ အသံတွေ ၊အရုပ်တွေကိုအသုံးပြုပြီး မြန်မြန်ဆန်ဆန်ပြောင်းလဲနေတဲ့ ဗီဒီယိုမျိုးတွေပေါ့။ဥပမာ Skibidi Toilet

ဒီနေရာမှာ အငြင်းပွားစရာတစ်ခုက ကျနော်တို့ကလေးငယ်တွေကြည့်လေ့ရှိတဲ့ Cocomelon ပါ။Cocomelon ကိုလည်းလေ့လာကြည့်ရင် ကလေးတွေကိုကြည့်ရှုချင်လာအောင် အလွန်အမင်းဆွဲဆောင်တဲ့ပုံစံမျိုးတွေ တွေ့ရတယ်လို့ဆိုပါတယ်။သတိထားကြည့်ရင် Cocomelon content တွေမှာ ၂စက္ကန့်တခါ ၃စက္ကန့်တခါ အရုပ်တွေပြောင်းသွားပါတယ်။ဒါပေမယ့် Cocomelon ဟာ
Brainrot ဖြစ်စေတယ်ဆိုတဲ့တိတိကျကျအဖြေမျိုးတော့မရှိပါဘူး။

📌Gen Alphaပြောနေကြတဲ့ Slang (ဗန်းစကား) တွေက ဘာအဓိပ္ပါယ်ရှိလဲ ?

Gen Alpha (2010-2024 ကြားမွေးဖွားတဲ့ကလေးတွေ)အများစုပြောနေကြတဲ့

👉67-six seven : (တိကျတဲ့အဓိပ္ပါယ်မရှိ)

👉Rizz (ရစ်ဇ်): ဒီစကားလုံးက "Charisma" (ဆွဲဆောင်မှုရှိခြင်း)

👉Gyatt (ဂယတ်): ဆိုရှယ်မီဒီယာပေါ်ကတင်ပါးကြီးတဲ့သူကို တွေ့တဲ့အခါ သုံးတဲ့အာမေဋိတ်*

ဒီလိုဗန်းစကားတချို့က အဓိပ္ပါယ်သတ်မှတ်ချက်ရှိပေမယ့် တချို့စကားလုံးတွေက အဓိပ္ပါယ်မရှိပါဘူး။ဒါပေမယ့်သူတို့အချင်းချင်းဘာကြောင့်သုံးကြလဲဆိုတော့ သူတို့ ဟာ internet trend တွေကိုမီတယ်၊ပြီးတော့ ဒီလိုပြောချင်းအားဖြင့်ဒီလိုဗန်းစကားတွေကိုနားလည်တဲ့အစုအဖွဲ့နဲ့နားမလည်တဲ့အစုအဖွဲ့ကွဲသွားအောင်ပါ။

အထူးသဖြင့် ကျနော်တို့လိုလူကြီးတွေနားမလည်လေလေ သူတို့ကြိုက်လေလေပါပဲ။ဒါပေမယ့်ဆိုးကျိုးက ဒီလိုအစုအဖွဲ့တွေမှာ သူတို့နဲ့မကိုက်ညီတဲ့ ကလေးအချင်းချင်းကိုလည်း ခွဲခြားဆက်ဆံမှုတွေရှိလာနိုင်တာပါပဲ။ကောမန့်မှာ အသုံးများတဲ့ဗန်းစကားတချို့နဲ့ အဓိပ္ပါယ်ကိုရေးပြထားပါမယ်။

📌ကလေးတွေ Brain Rot Content ကို ဘယ်လိုစားသုံးနေကြလဲ?

ဒီနေရာမှာ ကလေးတွေကိုယ်၌က brain rot content တွေကိုရှာဖွေကြည့်ရှုတာရှိသလို၊Youtube Shorts , TikTok , FB reels ဒီလိုမျိုး short form content တွေရဲ့ algorithm တွေကလည်း ကလေးတွေကို ဒါတွေကိုပဲထပ်ဖန်တလဲလဲပြပေးနေခြင်းအားဖြင့် ကလေးတွေကိုပိုပြီးaddictive ဖြစ်အောင်ဆွဲဆောင်နေတာပါ။

📌ကျနော်တို့ကလေးတွေက ဘာလို့ brain rot content တွေကိုကြိုက်ကြတာလဲ ?

သုတေသနတွေ့ရှိချက်တွေကတော့ ဒီလိုဆိုပါတယ်။

စိတ်ဖိစီးမှုများမှ ထွက်ပြေးခြင်း (Escape Mechanism): ကလေးတွေဟာ ဖုန်းဖွင့်လိုက်တာနဲ့ စစ်ပွဲတွေ၊ ရာသီဥတုပြဿနာတွေ၊ လူမျိုးရေးခွဲခြားမှုတွေစတဲ့ စိတ်ညစ်စရာ သတင်းတွေကို အဆက်မပြတ် မြင်တွေ့နေရတဲ့အတွက် Cognitive overload (သိမြင်မှုလွန်ကဲခြင်း) နဲ့ Emotional overload (စိတ်ခံစားမှုလွန်ကဲခြင်း) တွေကို ခံစားနေကြရပါတယ်။

အဲ့လိုအချိန်မှာ Skibidi Toilet လိုမျိုး ယုတ္တိမရှိတဲ့၊ ဘာမှစဉ်းစားစရာမလိုတဲ့ content တွေဟာ အရမ်းရှုပ်ထွေးပြီး စိတ်ဖိစီးစရာကောင်းတဲ့ ဒီဂျစ်တယ်ခေတ်ကြီးထဲမှာ သူတို့အတွက် ခဏတာ အနားရနိုင်တဲ့ Oasis တစ်ခု အဖြစ် လုပ်ဆောင်ပေးနေပါတယ်။

သာမန်ပျော်ရွှင်မှုအတွက် (Dopamine release) သက်သက်မဟုတ်ဘဲ၊ လက်တွေ့ကမ္ဘာရဲ့ရှုပ်ထွေးမှုတွေကနေ ထွက်ပြေးစရာ Escape mechanism (ထွက်ပြေးရာ လမ်းကြောင်း) တစ်ခုအနေဖြင့်ပါ အသုံးပြုနေကြတယ်လို့ဆိုပါတယ်။

လေ့လာမှုမှာပါတဲ့ ဆယ်ကျော်သက်တွေဟာ ဒီ Brain Rot ဗီဒီယိုတွေက အချိန်ဖြုန်းတာဖြစ်မှန်း သိကြပေမယ့်၊ လက်တွေ့ကမ္ဘာက စိတ်ဖိစီးမှုတွေကို ရှောင်လွှဲဖို့အတွက် တမင်သက်သက် ရွေးချယ်ကြည့်ရှုနေကြတာ ဖြစ်ပါတယ်။

📌Brain Rot Content များရဲ့ ဆိုးကျိုးနဲ့ သုတေသနတွေ့ရှိချက်များ

သုတေသနပြုချက်တွေအရ Brain Rot content တွေကို အကြည့်များတဲ့ကလေးတွေမှာ အောက်ပါပြဿနာတွေ ဖြစ်လာနိုင်ပါတယ် -

🔸IQ ကျဆင်းခြင်း: ကပ်ရောဂါကာလအတွင်း screen time များတဲ့ကလေးတွေရဲ့ IQ ဟာ ၁၀၀ ကနေ ၇၈ အထိ ကျဆင်းသွားတာကို တွေ့ရပါတယ် ။

🔸ဦးနှောက်ဖွံ့ဖြိုးမှု ထိခိုက်ခြင်း: ဦးနှောက်ထဲက ဆုံးဖြတ်ချက်ချတာနဲ့ စိတ်လှုပ်ရှားမှု ထိန်းချုပ်တဲ့ Gray matter တွေ လျော့နည်းသွားနိုင်ပါတယ် ။

မောင်သုတ 🧐

14:56 10 thg 5, 2026

🔸အာရုံစူးစိုက်မှု အားနည်းခြင်း: ဗီဒီယိုအတိုလေးတွေကိုပဲ ကြည့်လွန်းတဲ့အတွက် စာဖတ်တာ ဒါမှမဟုတ် ကျောင်းစာသင်တာလိုမျိုး ကြာရှည်အာရုံစိုက်ရတဲ့အရာတွေမှာ ခက်ခဲလာကြပါတယ် ။

🔸သင်ယူမှု နောက်ကျခြင်း: အသက် ၄ နှစ်အရွယ်ကလေးတွေမှာ စကားပြောဆိုမှုနဲ့ ပြဿနာဖြေရှင်းနိုင်စွမ်းတွေ နောက်ကျကျန်ခဲ့တာကို တွေ့ရပါတယ် ။

ဒီမှာ ကျနော်စာရှည်မှာဆိုးလို့ လက်ရှိဆယ်ကျော်သက်တွေကြားမှာဖြစ်နေတဲ့ Lookmaxing လိုပြဿနာမျိုးတွေကိုချန်ခဲ့လိုက်ပါမယ်။နောက်မှစာတစ်ပုဒ်သီးသန့်ရေးရင်ရေးပါ့မယ်။အဲ့ဒီတော့ ကျနော်တို့ပြဿနာတွေတော့သိလာပြီဆိုတော့ ဘယ်လိုတွေကာကွယ်ကြမလဲဆိုတာအဖြေရှာကြည့်ရအောင်။

🔸စံပြဖြစ်ပါစေ (Role Model): မိဘတွေကိုယ်တိုင် ကလေးရှေ့မှာ ဖုန်းကြည့်တာ လျှော့ပါ ။

🔸အချိန်နဲ့ နေရာသတ်မှတ်ပါ: ထမင်းစားချိန်နဲ့ အိပ်ချိန်တွေမှာ ဖုန်းမသုံးတဲ့ "Screen-free zones" တွေ သတ်မှတ်ပါ ။

🔸အတူတူကြည့်ပါ: ကလေး ဘာကြည့်နေလဲဆိုတာကို အတူတူကြည့်ပြီး သူတို့တွေ့နေရတဲ့အရာတွေက လက်တွေ့မဆန်ကြောင်း (ဥပမာ- သူကြည့်နေတဲ့ဗီဒီယိုထဲမှာ လမ်းလျှောက်နေတဲ့ငါးမန်းကိုတွေ့ရင် ငါးမန်းမှာ ခြေထောက်မပါကြောင်း) ရှင်းပြပေးတဲ့ Cognitive Anchoring နည်းလမ်းကို သုံးပါ ။

🔸နည်းပညာကို အသုံးချပါ: TikTok မှာ Family Pairing သုံးတာမျိုး၊ YouTube အစား YouTube Kids သုံးတာမျိုးနဲ့ content တွေကို စစ်ထုတ်ပေးပါ ။

🔸တခြားဝါသနာတွေကို အားပေးပါ: စာဖတ်တာ၊ အားကစားလုပ်တာနဲ့ အပြင်ထွက်ကစားတာတွေကို ပိုလုပ်ခိုင်းပါ ။

အရင်က ကျနော်တို့ကလေးတစ်ယောက်ကို မိဘ နဲ့ ဆရာတွေကပဲ ပြုစုပျိုးထောင်ခဲ့ပေမယ့်အခုခေတ်မှာ algorithm တွေက ကျွန်တော်တို့ကလေးတွေကို ပြုစုပျိုးထောင်ပေးနေတဲ့ "တတိယမြောက် မိဘ" လို ဖြစ်နေပါပြီ ။

ဒါကြောင့် ကျွန်တော်တို့က ကလေးတွေကို ဖုန်းပိတ်ခိုင်းရုံတင်မဟုတ်ဘဲ သူတို့ရဲ့ စူးစမ်းချင်စိတ်ကို လက်တွေ့ကမ္ဘာမှာ အသုံးချနိုင်အောင် လမ်းပြပေးဖို့ လိုပါတယ် ။ နည်းပညာကို လုံးဝပိတ်ပင်တာထက် တာဝန်သိသိနဲ့ အကျိုးရှိရှိ သုံးတတ်အောင် သင်ကြားပေးတာက ပိုပြီးရေရှည်တည်တံ့တဲ့ ဖြေရှင်းနည်း ဖြစ်လိမ့်မယ်လို့ ကျွန်တော် ယုံကြည်ပါတယ် ။

မိဘတိုင်း ဒီအန္တရာယ်ကို သတိပြုမိပြီး မိမိတို့ရဲ့ ရင်သွေးငယ်တွေကို အတူတကွ ကာကွယ်ပေးနိုင်ကြပါစေခင်ဗျာ။

#BrainRot #GenAlpha #Skidibi #67

Win Htin

မောင်သုတ 🧐

14:56 10 thg 5, 2026

📷 Photo

582

မောင်သုတ 🧐

14:56 10 thg 5, 2026

📷 Photo

💔 နယူကလိယရူပဗေဒ
Nuclear Physics

* မြန်မာနိုင်ငံက ဧရိယာစတုရန်းမိုင်ပေါင်း ၂၆၁၂၂၈.၂၂၆ ရှိတယ်လို့ဆိုပါတယ်။
* အဏုမြူဗုံးတစ်လုံးရဲ့ ပျမ်းမျှအဖျက်စွမ်းအားက
TNT ၄၅၀ ကီလိုတန် ခန့်ရှိနေ။
* ထိုစွမ်းအားဟာ စတုရန်းမိုင် ၆၀ ခန့်ဖျက်စီးနိုင်။
* ဒါ့ကြောင့် မြန်မာတစ်နိုင်ငံလုံး အမှုန့်ဖြစ်သွားဖို့
အဏုမြူဗုံး ၄၅၀၀ ခန့်ကြဲချရလိမ့်။

ကမ္ဘာ့အဏုမြူဗုံးပိုင်ဆိုင်မှု
(၂၀၂၆ ခုနှစ် ဇန္နဝါရီလ)
ရုရှ: 5,459
ယူအက်စ်: 5,177
တယုတ်: ~600
ပြင်သစ်: 290
ယူကေ : 225
အိန္ဒိယ: ~180
ပါကစ္စတန်: ~170
အစ္စရေး: ~90
မြောက်ကကြီး: ~50။

စိုးစိုး (အင်္ဂပူ)
နယူကလိယရူပဗေဒဂုဏ်ထူး
(၁၉၈၇-၈၈, ပုသိမ်ဒီဂရီကောလိပ်)


https://t.me/SueSanSoe

744

မောင်သုတ 🧐

14:56 10 thg 5, 2026

"အရိပ်"

သူမရဲ့တည်ငြိမ်တဲ့အလှမှာ
ကျွန်တော်ရဲ့မာနတွေဟာ
တိ​မ်တွေလို လွင့်ပြယ်သွားခဲ့တယ်။

ဆယ်ကျော်သက် အစမ်းသပ်ခံ
အချစ်ဆိုတာထက်ပိုသာပါတယ်...
ရေခဲနေတဲ့နှလုံးသားကိုအရည်ပျော်စေတာ သူမပါပဲ။
ကျုပ်ကိုပြောင်းလည်းစေတာလည်း
သူမပါပဲ။

အရာရာမှာအကုန်သာတဲ့
မင်းသမီးတစ်ပါးနဲ့
ကဗျာတစ်ပုဒ်ဖတ်ရရုံနဲ့လောကနိဗ္ဗာန်လို့ထင်တတ်တဲ့ ကျွန်တော်
မလိုက်ဖက်ဘူးဆိုတာ နားလည်ပါတယ်။

သို့ပေမယ့်လည်း
မျှော်လင့်မိတယ်...။

-သက္က

626

မောင်သုတ 🧐

14:56 10 thg 5, 2026

မြန်မာတို့သွေးရဲသလို၊
မြန်မာတို့ချွေးရွှဲခဲ့တယ်။

မြန်မာတို့ဉာဏ်မမွဲကြစေနဲ့ဟေ့
မြန်မာတို့ဉာဏ်မမွဲကြစေနဲ့။

-ဒေါင်းနက်

485

မောင်သုတ 🧐

14:56 10 thg 5, 2026

"သူမနဲ့ကျွန်တော်လမ်းကွဲခြင်း"(၁)

သူငယ်ချင်းအဖြစ် ကနေ
ချစ်သူဖြစ်ခြင်းကို
ဆွေးနွေးကြည့်ရာဝယ်...

သူမက မဖြစ်နိုင်ဘူးပြောပြီး
ခါးခါးသီးသီးငြင်းတယ်
ကျွန်တော်က ဖြစ်နိုင်ပါတယ်
ပြောပြီး သူမကို
ကိုယ့်ဘက်ပါလာအောင် ဆွယ်တယ်။

အဲလိုကွဲလွဲမှုတွေအပြီး
သူမဟာပညာရေးကို ဦးစားပေးလို့
ကျွန်တော်က ကဗျာတွေရေးတယ်

တူညီတာ တစ်ခုကတော့...
ကျွန်တော်တို့နှစ်ယောက်လုံးဟာ
ကိုယ့်အတွက်
အကောင်းဆုံးဖြစ်မယ့်
လမ်းအသီးသီးကိုပဲ အသေအချာ
ရွေးချယ်ခဲ့ကြတာပါပဲ။

-သက္က

783

မောင်သုတ 🧐

14:56 10 thg 5, 2026

ငါ၏ကဗျာ၊ငါ၏စာသည်
ဗလာအတိ ရှိပြီး၏။
ငါ၏နားတွင်း၊ရောက်လာဆင်းသည့်
အတင်းစကား၊သူ့နှုတ်ဖျားမှာ
တရားနတ္ထိ ဖြစ်ဘိ၏။

-အံ့လွန်းပျို

587

မောင်သုတ 🧐

01:43 28 thg 4, 2026

Woolly mammothဆိုတာဘာလိုသတ္တဝါလဲ? သူကအခုထိရှိသေးသလား???....တကယ်တော့ Woolly mammothဆိုတာကလည်း ဆင်ပါပဲ ဒါပေမယ့်သူက ယနေ့ခေတ်မှာ‌မြင်တွေ့‌ နေရတဲ့ ဆင်တွေရဲ့ ဘိုးဘေးတွေလို့ ပြောလို့ရတယ်။ ဒါဆိုမေးစရားရှိလာပါလိမ့်မယ် သူရဲ့ခန္ဓာကိုယ်ကအမွေးပွတွေလို့ ဘာလိုအခုဆင်တွေကမရှိကြသလဲပေါ့။ ဒါကဆင့်ကဲဖြစ်စဉ်တစ်ခုပါပဲ ဘာလိုဆိုရင် သူတို့က ယနေ့ခေတ်ကဆင်‌တွေလို့ အပူပိုင်းဒေသတွေမှာ မကျက်စားခဲ့ကြလို့ပဲဖြစ်။ ကျွန်တော်တို့နေထိုင်တဲ့ ကမ္ဘာကြီးက လွန်ခဲ့တဲ့ နှစ်သန်းပေါင်းများစွာက Ice Ageလို့ခေါ်တဲ့ ရေခဲခေတ်ကြီးတစ်ခုမှာ  ကမ္ဘာကြီးက ရေခဲတွေ ဖုံးလွှမ်းနေတဲ့ခေတ်ပေါ့ အဲလို့ခေတ်မှာ သူတို့ကနေထိုင်ခဲ့ကြတယ်။ အဲဒီတော့ သူတို့ရဲ့ ခန္ဓာကိုယ်အတွက်အအေးဒဏ်ခံဖို့ သဘာဝတရားကြီးကပေးတဲ့ အနွေးထည်တစ်ခုအဖြစ် အမွေးထူထူကြီးတွေ့နဲ့ ရှေ့ဦးဆင်တွေ့ပေါ့။ အလွယ်ဆုံးနဲ့မြင်အောင်ပြောရရင် ယနေ့ခေတ်ကဆင်အိုကြီးတစ်ကောင်ကိုမှ သူရဲ့ခန္ဓာအပြည့်ကို ဆွယ်တာအထူကြီးတွေနဲ့ ကုတ်အင်္ကျီရှည်ရှည်ကြီးဝတ်ပေးထားသလိုမျိုးပေါ့ဗျာ။ Woolly mammothတွေမှာ ခန္ဓာကိုယ်အပေါ်ကနေ မြေကြီးကိုထိအောင်ရှည်ကျနေတဲ့ အမွေးကြမ်းအထူကြီးတွေရှိနေပေမယ့်လည်း သူတို့ရဲ့အထဲမှာ အအေးဒဏ်ကို အလွှာအလိုက် တောင့်ခံပေးနိုင်မယ့် အမွေးနုနုလေးတွေပါ ရှိနေပါသေးတယ်။ ဒါတင်မက ကျက်စားတဲ့ ဒေသရဲ့ အအေးဒဏ်တွေကို အံတုဖို့ သူတို့ရဲ့ အရည်ပြားအတွင်းအောက်မှာ ၁လက်မလောက်ရှိတဲ့ အဆီပြင်အထူကြီးရှိပါသေးတယ်။

နောက်ပြီး Woolly mammothတွေမှာ အထင်ကရ အမှတ်သားတစ်ခုပြောပါဆိုရင် သူတို့ရဲ့ အစွယ်ကြီးတွေကို‌ပြေးမြင်မိတယ်။ ဘာလိုဆို ယနေ့ခေတ်မှာ ကျွန်တော်တို့ မြင်ဖူးနေကျဖြစ်တဲ့ ဆင်စွယ်တွေလိုမဟုတ်ဘဲ သူတို့ကပိုရှည်ကြတယ် အဲလိုရှည်နေတဲ့ အစွယ်ကြီတွေကလည်း  စက်ဝိုင်းပုံစံလိုမျိုး အပေါ်ကိုကွေ့တတ်သွားတယ်။ သူတို့ကအဲဒီအစွယ်ကြီးတွေကို အသုံးပြုပြီး နှင်းတွေကို ယက်ထုတ်တယ် မြေကြီးပေါ်က နွယ်အတက်အခက်မြက်တွေကိုရစ်ပြီး အသက်မွေးဖို့ အတွက် သဘာဝတရားကြီးကဖန်တီးပေးထားတာပေါ့။ Woolly mammothတွေရဲ့ အနာဂတ်ကာလဖြစ်တဲ့ ယနေ့ခေတ်ကမ္ဘာကြီးမှာတော့ သူတို့ဟာဝမ်နည်းစွာဖြင့် လွန်ခဲ့တဲ့နှစ်ပေါင်း ၄၀၀၀ကျော်ထဲကဘဲ ကျွန်တော်တို့ရဲ့ ကမ္ဘာကြီးထဲက အပြီးတိုင်း ပျောက်ကွယ်သွားခဲ့ပါတယ် ဒါမယ်သူတို့ရဲ့မျိုးဆက်ဆင်ကြီးတွေကတော့ ရှိနေဆဲပါပဲ။ Woolly mammothတွေရဲ့ မျိုးသုဉ်သွားတဲ့အကြောင်းကတော့ ကမ္ဘာကြီးရဲ့ ရေခဲခေတ်ကြီးကုန်ဆုံးသွားပြီး ပူနွေးလာတဲ့ကမ္ဘာအသစ်ကြီးဟာ သူတို့ရဲ့ ဂေဟစနစ်ကိုပျက်စီးစေခဲ့ပြီး သူတို့အတွက်ရှင်သန်းဖို့ ပတ်ဝန်းကျင်ဟာ တဖြေးဖြေးပျောက်ကွယ်သွားလို့ဖြစ်တယ်။ ဒါမယ်အဓိကမျိုးသုဉ်ရတာက သဘာဝတရားထက် လူတွေရဲ့အမဲလိုက်မှုကြောင့် မျိုးသုဉ်သွားခဲ့တာလို့ မီးမောင်းထိုးပြရပါလိမ့်မယ်။ ဘာလိုဆိုရင် Woolly mammothတွေက လူတွေအတွက် အသားလည်းစားရသလို သူရဲ့အရည်ခွံကို အနွေးထည်လုပ်ပြီး ဝတ်ဆင်လို့ ရလို့ လူတွေကဝိုင်းပြီးအမဲလိုက်ခဲ့ကြတာလည်းပါတယ်။

လူသားတွေရဲ့ အမဲလိုက်မှုအန္တရာယ်ကနေ လွတ်မြောက်တဲ့ တချို့Woolly mammothကတော့ သဘာဝရဲ့ အန္တရာယ်နဲ့ စကြုံလာရတော့တာပါပဲ။ ရေခဲခေတ်ကုန်လို့ ကမ္ဘာကြီးပူနွေးလာတဲ့အခါ Woolly mammothတွေရဲ့ အမွေးပွအထူကြီးတွေဟာ သူတြိ့အတွက် သဘာဝကိုခုခံမယ့်အားသာချက်မဟုတ်တော့ဘဲအပူဒဏ်ကဒုက္ခပေးမယ်အရာတွေဖြစ်လာကြတာပေါ့ ဒီလိုနဲ့ သူတို့ဟာဆင့်ကဲဖြစ်စဉ်တွေနဲ့ စကြုံလာခဲ့တယ်။ အပူပိုင်းဒေသဟာတဖြေးဖြေးကျယ်ပြန့်လာတဲ့အခါ  Woolly mammothတွေရဲ့ စားကျတ်မြေတွေဟာ ပူပြင်းတဲ့ရာသီဥတုတွေဖြစ်လာတယ် အဲတော့ မျိုးဆက်သစ် Woolly mammothတွေရဲ့ အ‌မွေးတွေက တဖြေးဖြေးပါးလာပြီး ယနေ့မြင်တွေ့ရတဲ့ ဆင်ပြောင်ကြီးတွေ ဖြစ်လာကြတာပေါ့။ ဒီလိုနဲ့ပဲ Woolly mammothတွေက ခဗျာတို့ကျွန်တော်တို့သိတဲ့ ဆင်ကြီးတွေ့ဖြစ်လာကြပြီး အတိတ်က ဘိုးဘေးWoolly mammothတွေရဲ့ အသွင်းသဏ္ဌာန်တွေက လုံးဝပျောက်ကွယ် မျိုးတုံးသွားရှာပါတယ်။

ယနေ့လို တိုးတက်နေတဲ့နည်းပညာခေတ်မှာ သိပ္ပံပညာရှင်တွေက ရေပြင်အောက်တွေမှာ အေးခဲနေတဲ့ Woolly mammothအလောင်းတွေကိုဖော်ထုတ်နိုင်ခဲ့ပြီး သူတို့ဆီးကရတဲ့ DNAကိုယူပြီး အသက်ပြန်သွင်းဖို့ ကြိုးစားနေကြတာ ရှိပါတယ်။ တကယ်လို့များ ဒီစမ်းသပ်မှုက အောင်မြင်တဲ့အခါ ကျွန်တော်တို့မျိုးဆက်သစ်တွေက အမွေးထူထူပွပွကြီးရှိတဲ့ ဆင်ကြီးတွေ တစ်နည်းပြောရရင် Woolly mammothသတ္တဝါကြီးတွေကို ‌မြင်တွေ့ရတဲ့အခါ ရေခဲခေတ်ရဲ့ အငွေအသက်ကို မျက်ဝါးထင်ထင် မြင်မိမှာ ဖြစ်ပါတော့သည်။

RAIDEN KT
Historian
#Woolly_mammoth #RAIDEN_KT #history #Kyawthet #Elephant #Ice_Age #History

မောင်သုတ 🧐

01:43 28 thg 4, 2026

📷 Photo

Woolly mammothဆိုတာဘာလိုသတ္တဝါလဲ? သူကအခုထိရှိသေးသလား???....တကယ်တော့ Woolly mammothဆိုတာကလည်း ဆင်ပါပဲ ဒါပေမယ့်သူက ယနေ့ခေတ်မှာ‌မြင်တွေ့‌ နေရတဲ့ ဆင်တွေရဲ့ ဘိုးဘေးတွေလို့ ပြောလို့ရတယ်။ ဒါဆိုမေးစရားရှိလာပါလိမ့်မယ် သူရဲ့ခန္ဓာကိုယ်ကအမွေးပွတွေလို့ ဘာလိုအခုဆင်တွေကမရှိကြသလဲပေါ့။…

392

မောင်သုတ 🧐

01:43 28 thg 4, 2026

ရေ

မြေအိုးမှ ရေကြည်။

ရွှေရင်မှာ အေးမြလို့
အပြေးသောက်မည်။

ချွေးတို့သီ
သူ့ဆီသွားစို့။

ပင်ပန်းသမျှ ပြေစေတဲ့
ရေတစ်ခွက်ဗျို့။

ရာစု-၂၁ရာစု
ရေးသူ-အံ့လွန်းပျို
အမျိုးအစား-လေးဆစ်

390

မောင်သုတ 🧐

01:43 28 thg 4, 2026

📷 Photo

သမိုင်းဆိုတာဟာ...ကျွန်တော်တို့ ရေးဖို့၊ မှတ်ဖို့၊ မှတ်တမ်းတင်ဖို့ တစ်ခုထဲအတွက်...မဟုတ်ပါဘူး။ ၎င်းဟာ လူသားတစ်ယောက်ရဲ့ ဂုဏ်သိက္ခာ‌တွေကို ပြန်လည်ရယူဖို့ သူတို့ရဲ့ စတေးခဲ့ရတဲ့ သွေးနဲ့ မျက်ရည်တွေရဲ့ အဖြေထုတ်ချက်ပဲ ဖြစ်တယ်။ မျက်မှောက်ခေတ်ရဲ တိုးတက်မှုစံနှုန်းဟာ အတိတ်က‌Paperမှာသွေးနဲ့ရေးခဲ့ကြတာငြင်းမရပါ။

-RAIDEN KT
Historian

#RAIDEN_KT #Kyawthet #history

542

မောင်သုတ 🧐

01:43 28 thg 4, 2026

"တရားအလွန်က"

အတိတ်နဲ့ပစ္စုပ္ပန်၊အနာဂတ်
တွေကို "ဖြစ်တည်မှု" လို့
အမည်တပ်ပြီး...

ဆုံဆည်းခြင်းနဲ့လမ်းခွဲခြင်း
တွေကိုတော့ "ကံကြမ္မာ"လို့
သတ်မှတ်ကြတယ်...

ဘယ်တည်ရှိမှုကိုမှ
ထာ၀ရမပိုင်ဆိုင်ရခြင်းကိုတော့
"တရား"လို့ခေါ်ဆိုရပြန်တယ်...။

ငါကအဲဒီတရားတွေရဲ့
အဝေးကိုထွက်လို့ မင်းအတွက်
ထာ၀ရမေတ္တာတွေနဲ့ပန်းဆက်ခဲ့တယ်    မင်းနမ်းရက်ဖို့အထိတော့
ငါမစွမ်းဆောင်နိုင်ခဲ့...

-သက္က

550

မောင်သုတ 🧐

01:43 28 thg 4, 2026

ကဗျာ

မယ်ရေးတဲ့ ကဗျာ။

ကာရန်ကူ ရစ်ထုံးဖွဲ့ကာ
စီကုံးလို့သာ။

သူ့ပေလွှာ
စာနွဲ့သော်ညား။

ရိုးရာကို ထိန်းသိမ်းလို့
စိမ်းသွားလေတကား။

ရာစု-၂၁ရာစု
ရေးသူ-အံ့လွန်းပျို
အမျိုးအစား-လေးဆစ်

490

မောင်သုတ 🧐

01:43 28 thg 4, 2026

ဘုရားရှိခိုးပြီးတိုင်း
ငါပထမဆုံး သတိရမိတာ မင်းပဲ...
အမြင့်မြတ်ဆုံး အနန္တငါးပါး
ပြီးရင် ငါ့ကမ္ဘာမှာ
မင်းက အရေးအကြီးဆုံးပဲ။

လက်အုပ်ချီရာကအချ
မင်းဆီကို ဖုန်းခေါ်မိတာဟာ
ငါ့ဘဝရဲ့ အေးချမ်းခြင်းတစ်ခုပေါ့...

ဒီဘဒ္ဒကမ္ဘာမှာ ဘုရားရှင်ပြီးရင်
နာမည်လေး ၄ လုံး ကိုဘဲ
ငါက ကိုးကွယ်ချင်တာ။

-သက္က

438

မောင်သုတ 🧐

01:43 28 thg 4, 2026

အာဏာရှင်

အာဏာရှင်
စိတ်မှာပင် ယုတ်မာချက်
ဖြုတ်ချကာ သရော်ချင်
လုပ်ရပ်ကိုပြင်။

မကြင်အင်
နှင်အပ်တဲ့ လူဖြင်း။

သွေးစီးရ လူငယ်မှာ
မဆယ်နိုင် အသက်များကို
အားခဲလို့တင်း။

ရာစု-၂၁ရာစု
ရေးသူ-အံ့လွန်းပျို
အမျိုးအစား-တြိချိုး

631

မောင်သုတ 🧐

01:43 28 thg 4, 2026

"အနိမ့်ဆုံးခန္ဓာရဲ့အမြင့်ဆုံးမေတ္တာ"

ငါ့ရဲ့စေတနာတွေမှာ
အပြန်အလှန်ဆိုတာ မပါဘူး...
မင်းရဲ့အနာဂတ်လေး
လှပဖို့အတွက်ဆိုရင်
ငါကျောပြင်ဟာ မင်းနင်းမဲ့
ကြမ်းခင်းဖြစ်ဖို့လည်း
၀န်မလေးခဲ့တာ။

၁၅၀၀ ဆိုတဲ့ပူလောင်မှုထက်
၅၂၈ မေတ္တာရဲ့အေးမြခြင်းတွေနဲ့
မင်းကိုဖုံးလွှမ်းထားချင်တာ...

ကိုယ်တိုင်ပျိုးတဲ့ ပန်းလေး
လှပစွာပွင့်လန်းနေဖို့
လိုအပ်တဲ့မြေဩဇာအဖြစ်
ငါ့ဘ၀က်ိုစတေးလိုက်ပါ့မယ်။

မင်းသာပျော်ရွှင်နေပါ...
ငါရဲ့စတေးခြင်းတွေဟာ
မင်းအတွက်တော့အမြတ်ဆုံးသော လှေကားထစ်တွေဖြစ်ပါစေ။ ။

-သက္က

612

မောင်သုတ 🧐

01:43 28 thg 4, 2026

📷 Photo

လ

ညအချိန်
အိမ်တွေပေါ်မှ အလင်းဖြာ
သူ့အဆင်းက သာ
ထွန်းလှရောင်ဝါ။

အမှောင်ကိုခွာ
လာခဲ့သူ လမင်း။

ချမ်းစိမ့်သည့် လေပြည်
အိုအဆွေ ဤညမျိုးမှာ
တိုးတိုက်လေခြင်း။

ရာစု-၂၁ရာစု
ရေးသူ-အံ့လွန်းပျို
အမျိုးအစား-တြိချိုး

566

Showing 30 of 60 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Loading recommended channels...

မောင်သုတ 🧐

မောင်သုတ 🧐

Xếp hạng

Tăng trưởng người đăng ký (Trong 14 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

မြန်မာHdပေါင်းချုပ် hdအသန့်လေးများ hdအသစ်များ အေကေးအသစ်များ

Shahina Shadmanova

အရှင်မုချန်

UNION Politics News

Visakha Vc - 🇰🇭 Cambodia 🇰🇭

မြေစာ စဆုံး

Delcy Rodríguez

LaCinètika Difusió

Kênh Telegram liên quan

မြန်မာHdပေါင်းချုပ် hdအသန့်လေးများ hdအသစ်များ အေကေးအသစ်များ

Shahina Shadmanova

အရှင်မုချန်

UNION Politics News

Visakha Vc - 🇰🇭 Cambodia 🇰🇭

မြေစာ စဆုံး

Delcy Rodríguez

LaCinètika Difusió

Đánh giá của người dùng (0)

Bài đăng gần đây