Tharyarwaddy 8 City

Public

Xem kênh

Không thể tham gia? @tharyarwaddy8city

6.8k Thành viên

Cập nhật: May 14, 2026 at 10:31 AM

Tharyarwaddy 8 City

Tharyarwaddy 8 city ဆိုသည်မှာ သာယာဝတီခရိုင်ရှစ်မြို့နယ်က ဒေသတွင်းသတင်းရင်းမြစ်တခုဖြစ်သည်။

@tharyarwaddy8city offers specialized information about city and tharyarwaddy for subscribers interested in Tin tức địa phương

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 8 ngày qua)

Tổng cộng: 6.8K

Tăng trưởng 24 giờ: +0 0%

Bài đăng gần đây

Tharyarwaddy 8 City

15:54 24 thg 5, 2026

📷 Photo

3,540

Tharyarwaddy 8 City

15:54 24 thg 5, 2026

ပဲခူးရိုးမကိုအခြေပြု့လို့ မြို့ပြတွေဆီခရီးနှင်ဦးမယ့် BTZMရဲ့သင်တန်းဆင်းအမျိုးသမီး‌များ
(ဓါတ်ပုံသတင်း)

Tharyarwaddy8City/မတ်၂၄၊၂၀၂၆

ပဲခူးတိုင်းအနောက်ခြမ်း၊ သာယာ၀တီခရိုင်တွင် အခြေစိုက်လှုပ်ရှားနေတဲ့ PDFတပ်ရင်း၃၈၀၂ ရဲ့ တပ်ခွဲ(၅)မှ BTZM-GBK PDF တပ်ဖွဲ့ဟာ ယခုမတ်လထဲတွင် စစ်သင်တန်းတစ်ခု သင်တန်းဆင်းလာကြောင်း ၎င်းတပ်ဖွဲ့ထံမှသိရပါတယ်။

BTZM-GBK PDF တပ်ဖွဲ့ဟာ လက်ရှိအချိန်တွင် အမျိုးသားညီညွတ်ရေးအစိုးရ(NUG)၊ကာကွယ်ရေး၀န်ကြီးဌာန(MOD)အောက်ကို ရောက်ရှိနေပြီဖြစ်ကာ ပဲခူးရိုးမPDF ဗျူဟာ(၂၂)လက်အောက်ခံ အမှတ်၃၈၀၂တပ်ရင်းရဲ့ တပ်ခွဲ(၅)တွင်တာ၀န်ထမ်းဆောင်နေတာဖြစ်ပါတယ်။

ယခုသင်တန်းဆင်းပွဲဟာ ယခင်သင်တန်းဆင်းပွဲများနဲ့မတူပဲ တပ်ရင်းတွင် သင်တန်းတက်ရောက်ခဲ့သလို တပ်ရင်းမှာသင်တန်းဆင်းပွဲလုပ်ခဲ့ပြီး တပ်ဖွဲ့သို့ပြန်ရောက်ချိန်မှာလဲ သင်တန်းဆင်းပွဲကျင်းပခဲ့ပါတယ်။ အဆိုပါသင်တန်းတွင် ပဲခူးရိုးမကို အခြေပြုလို့ မြို့ပြတွေဆီခရီးနှင်ဦးမယ့် သင်တန်းဆင်းအမျိုးသမီးရဲဘော်တွေကိုမြင်တွေ့ခဲ့ရပါတယ်။

၎င်းသင်တန်းဆင်းပွဲတွင် သင်တန်းဆင်း အမျိုးသမီး၊အမျိုးသား ၄၅ဦးသင်တန်းဆင်းခဲ့တာဖြစ်ပြီး
တပ်ရင်းအနေနဲ့ ၎င်းတို့တပ်ခွဲက အပတ်စဉ်(၁)သင်တန်းဖြစ်ပြီး တပ်ဖွဲ့ရဲ့သင်တန်းအနေနဲ့ဆို အပတ်(၄)သင်တန်းဆင်းရဲဘော်တွေလို့သိရပါတယ်။ BTZM -GBK PDF တပ်ဖွဲ့အတွင်းရှိ အမျိုးသမီးရဲဘော်များဟာ စစ်တပ်စခန်း‌တွေနဲ့ စစ်အုပ်စုသတင်းပေးဒလန်းနေအိမ်တွေကို ၀င်ရောက်စီးနင်းတဲ့ဖြစ်စဉ်တွေရှိခဲ့ဖူးပါတယ်။

စစ်အုပ်စုပြုတ်ကျရေးအတွက်ကို လက်မနှေးပဲ စိတ်ကပါနိူးဆော်တာကြောင့် အမျိုးသမီးရဲဘော်တွေဟာ BTZM တပ်ဖွဲ့မှာ တာ၀န်ထမ်းဆောင်ရင်း ရန်သူစစ်အုပ်စုကို အပြတ်တိုက်ဖို့ စိတ်အားထက်သန်နေကြတာတွေ့ရပါတယ်။ အမျိုးသမီးမို့ ရှေ့တန်းမလိုက်ရဘူးဆိုတဲ့ စကားကို အတိုက်အခံလုပ်ကာ ရှေ့တန်းထွက်ကာ အောင်ပွဲတွေကို ခူးဆွတ်ပြပါတယ်။

ထိုနည်းတူစွာပဲ လက်ရှိသင်တန်းဆင်းအမျိုးသမီး ရဲဘော်တွေဟာလဲရှေ့တန်းမြေပြင်အထိ ရိုးမကိုအခြေပြုလို့ မြို့ပြတွေဆီ ခရီးနှင်ရင်း တော်လှန်ရေးရဲ့ အောင်မြင်မှုအသီးအပွင့်တွေကို အဲ့ဒီအမျိုးသမီးရဲဘော်တွေက ခူးဆွတ်ပြမှာယုံကြည်တယ်လို့ BTZM - GBK PDFရဲ့ တာ၀န်ရှိသူတစ်ဦးက Tharyarwaddy8City ကိုရှင်းပြထားပါတယ်။

သတင်း-လွတ်လပ်ငြိမ်း
စာတည်း-ကိုမိုက်

#BTZMGBKPDF #သင်တန်းဆင်းပွဲ #အမျိုးသမီးရဲဘော်

Tharyarwaddy 8 City

15:54 24 thg 5, 2026

📷 Photo

3,230

Tharyarwaddy 8 City

15:54 24 thg 5, 2026

NLD ပါတီရဲ့ကြို့ပင်ကောက်မြို့နယ် အမျိုးသမီးလုပ်ငန်းကော်မတီဥက္ကဌ ‌နေအိမ်တွင်
သေနတ်နဲ့ပစ်ခတ်ခံရပြီးသေဆုံး

Tharyarwaddy8City/မတ်၂၃၊ ၂၀၂၆

ပဲခူးတိုင်းအနောက်ခြမ်း၊သာယာ၀တီခရိုင်ရှစ်မြို့နယ်ထဲက အမျိုးသားဒီမိုကရေစီအဖွဲ့ချုပ်(NLD )ပါတီကြို့ပင်ကောက်မြို့နယ် အမျိုးသမီးလုပ်ငန်းကော်မတီဥက္ကဌ ဒေါ်တင်တင်နု ပစ်ခတ်ခံရပြီးသေဆုံးသွားကြောင်း ဒေသခံတွေဆီကသိရပါတယ်။

မတ်လ၂၂ရက်နေ့၊ နေ့လည် ၁၂နာရီအချိန်တွင် ကြို့ပင်ကောက်မြို့နယ်၊ သဲကုန်းရပ်ကွက်မှာနေထိုင်တဲ့ အမျိုးသမီးလုပ်ငန်းကော်မတီမြို့နယ်ဥက္ကထကို အမည်မသိ အကြမ်းဖက်သမားတွေက နေအိမ်မှာရှိနေစဉ် သေနတ်‌နဲ့ငါးချက်တိတိ ပစ်ခတ်ခဲ့တာကြောင့် သေဆုံးခဲ့ရကြောင်း မိသားစုနဲ့ နီးစပ်သူတွေဆီက သိရပါတယ်။

"ယခု လက်ရှိမသေဆုံးမှီ၊ ပြီးခဲ့သည့်နှစ်က သူ့နေအိမ်ခြံထဲကို သေနတ်နဲ့ လမ်းပေါ်ကနေ ပစ် ခတ် တာ ရှိပါတယ်။ လူတွေ ထိခိုက်မှု မဖြစ်ခဲ့ဘူး။တိုင်းဒေသကြီး အမှတ် (၁)
၂၀၂၀ အနိုင်ရ ကိုယ်စားလှယ်၊ ကြို့ပင်ကောက် NLDပါတီ ဒုဥက္ကဌ လည်းဖြစ်၊ နိုင်ကျဉ်းဟောင်း ဦးတင်ထွဋ် ဟာသေဆုံးသူရဲ့အမျိုးသားပါ၊ စစ်အုပ်စုကဒီအချက်တွေကြောင့် ပစ်မှတ်ထားလုပ်ဆောင်တာမျိုးပါ"ဟု NLDပါတီ ကြို့ပင်ကောက်မြို့နယ် ပြန်ကြားရေးတာ၀န်ရှိသူမှ Tharyarwaddy8City ကိုပြောပါတယ်။

၎င်းတို့မိသားစုတွင် သားသုံးယောက်နဲ့သမီးတစ်ယောက်ရှိတယ်လို့သိရပြီး အကြီးဆုံးသားက အိမ်ထောင်ကျနေပြီဖြစ်ကာ အလတ် နဲ့ နို့ညှာ သားအပါ ဆယ်နှစ်အရွယ်အငယ်ဆုံးသမီးလဲရှိတာကြောင့် စုစုပေါင်းသားသမီး လေးဦးရှိပြီး သားအလတ်ကို စစ်အုပ်စုက ပေါ်တာဆွဲဖမ်းစီးစဉ် ထွက်ပြေးလွတ်မြောက်ခဲ့သလို ဖခင်ဖြစ်သူကလဲတိမ်းရှောင်နေရပါတယ်။

အသက် ၅၄ နှစ်အရွယ်ရှိတဲ့ ဒေါ်တင်တင်နုကို ဘယ်အဖွဲ့အစည်းကလုပ်ဆောင်တယ်ဆိုတာမသိရသေးသော်လည်း ဒေသခံတွေရဲ့ပြောပြချက်အရ စစ်အုပ်စုကNLD အသိုက်အဝိုင်း မြို့နယ်အဆင့်တာ၀န်ရှိသူတွေဖြစ်လို့ အငြိုးထားပြီးပျူစောထီးများကိုလုပ်ကြံခိုင်းခဲ့တာသာဖြစ်ကြောင်း ဒေသခံများက ပြောဆိုကြပါတယ်။ထို့အပြင်အကြမ်းဖက်သေနတ်သမားက ဟင်းချက်နေတဲ့ ဒေါ်တင်တင်နုကို မီးဖိုချောင်ထဲတွင် သေနတ်နဲ့ ငါးချက်တိတိပစ်ခတ်ခဲ့တာကြောင့် သေဆုံးသွားရတာဖြစ်ပါတယ်။

အမျိုးသားဒီမိုကရေစီအဖွဲ့ချုပ် ပါတီအနေဖြင့် ကျဆုံးသွားခဲ့ရသော ဒေါ်တင်တင်နု၏ မိသားစုနဲ့ ထပ်တူ ဝမ်းနည်း စိတ်မကောင်း ဖြစ်ရပါကြောင်းကိုအမျိုးသားဒီမိုကရေစီအဖွဲ့ချုပ်၊ ကြို့ပင်ကောက်မြို့နယ်ပြန်ကြားရေးမှ မှတ်တမ်းတင်ထုတ်ပြန်ထားပါတယ်။

သတင်း-ခန့်စိုး
စာတည်း-ကိုမိုက်

#ကြို့ပင်ကောက်

#tharyarwaddy8city

Tharyarwaddy 8 City

15:54 24 thg 5, 2026

📷 Photo

3,070

Tharyarwaddy 8 City

15:54 24 thg 5, 2026

၀က်လှကြီးရွာ အုပ်ချုပ်ရေးမှူးအောင်ကျော်မိုးကို နေအိမ်သို့သွားဖမ်းစဉ် ထွက်ပြေးလို့
အ‌သေပစ်ခတ်ရှင်းလင်း

Tharyarwaddy8City/မတ်၂၃၊ ၂၀၂၆

ပဲခူးတိုင်းအ‌နောက်ခြမ်း၊သာယာဝတီခရိုင် ရှစ်မြို့နယ်ထဲကမင်းလှမြိုနယ်၊ဝက်လှကြီးကျေးရွာအုပ်ချုပ်ရေးမှူး အောင်ကျော်မိုးဆိုသူကို ဖမ်းစီးရန် နေအိမ်သို့သွားရောက်စဥ်ထွက်‌ပြေးတာကြောင့် အသေပစ်ခတ်ရှင်းလင်းလိုက်ကြောင်းရွှေတန်းမြေပြည်သူ့ကာကွယ်ရေးတပ်ဖွဲ့ထံမှသိရပါတယ်။

မ‌နေ့ကမတ်လ၂၂ရက်နေ့၊ညနေ ၄နာရီ ၅၀မိနစ်အချိန်ခန့်တွင် သာယာဝတီခရိုင်ပကဖ၊
အမှတ်(၁)တိုက်ခိုက်ရေးတပ်ဖွဲ(ရွှေတန်းမြေပြည်သူ့ကာကွယ်ရေးတပ်ဖွဲ့ )မှ ‌စစ်ကော်မရှင်ခန့်အုပ်ချုပ်ရေးမှူး အောင်ကျော်မိုးကို သွားရောက်ဖမ်းစီးခြင်းဖြစ်ပါတယ်။ဒါပေမယ့် ၎င်းအုပ်ချုပ်ရေးမှူးက ထွက်ပြေးဖို့ကြိုးစားတာကြောင့် အသေပစ်ခတ်ခဲ့ခြင်းဖြစ်ပါတယ်။

"အောင်ကျော်မိုးကို ပြည်သူတွေတိုင်ကြားချက်အရ ဖမ်းစီးဖို့ရဲဘော်၃ယောက်သွားကြတာပါ။အောင်ကျော်မိုးကအပြင်ကပြန်ရောက်ခါစရှိသေးတယ်။ သတင်းအရသူအိမ်ကို ဝင်ရောက်တဲ့အခါသူကအိမ်ထဲကနေပြေးထွက်ဖို့ ကြိုးစားစဥ်မှာပဲ ရဲဘော်လေးတွေက သေနတ်နဲ့၂ချက်ပစ်ခတ်ပြီးရှင်းလိုက်ရပါတယ်။နေရာတွင်ပွဲခြင်းပြီးပါ"ဟုရွှေတန်းမြေပြည်သူ့ကာကွယ်ရေးတပ်ဖွဲ့ရဲ့ တာ၀န်ခံမှ Tharyarwaddy8City ကိုပြောပါတယ်။

အဆိုပါအုပ်ချုပ်ရေးမှူးအောင်ကျော်မိုးက စစ်အုပ်စုခိုင်းစေသမျှကို ပြည်သူလူထုအပေါ် အာဏာပြကာ စစ်မှု့ထမ်းကြေးများ အတင်းအဓမ္မကောက်ခံခြင်း၊ မပေးနိုင်တဲ့ပြည်သူများအားဖမ်းစီးခြင်းတွေပြုလုပ်နေလို့ စစ်ဆေးမေးမြန်းဖို့ သွားရောက်ဖမ်းစီးစဉ် သေဆုံးခဲ့ပါတယ်။

"PDF ကိုတိုင်ထားတယ်ဆိုတာတော့ သူလဲသိတယ်။ အဲ့ဒါကြောင့် ဒီရက်ပိုင်းအိမ်တောင်သိပ်မနေဘူး။ မြို့ကထွေအုပ်ထဲပဲသွားသွားနေတာလေ၊ညနေကမှပြန်လာရင်း အိမ်မှာPDFရဲဘော်လေးတွေရောက်နေတာနဲ့ သူ(အောင်ကျော်မိုး)ပြန်တာက ကွက်တိဖြစ်ပြီးအပစ်ခံလိုက်ရတာပါ။ ထွက်ပြေးလို့ပစ်တာလို့သိရပါတယ်။ သေတာလဲကောင်းပါတယ်၊ ပြည်သူအပေါ်ဆိုတအားနှိပ်ဆက်တယ်၊ စစ်တပ်ခေါ်လာအုပ်ချုပ်ခိုင်းရမလား ငါအေးဆေးအုပ်ချုပ်နေတာ လက်မခံရင်ဆိုပြီး ဆဲဆိုတာတွေတောင်လုပ်‌ခဲ့ဖူးသူပါ"ဟု၀က်လှကြီးရွာ ဒေသခံတစ်ဦးမှ Tharyarwaddy8City ကိုပြောပါတယ်။

အဲ့ဒိ့အုပ်ချုပ်‌ရေးမှူး၏အိမ်အတွင်းမှစစ်မှု့ထမ်းကြေးကောက်ခံတဲ့စာရွက်စာတမ်းများ၊ ၄င်း၏မှတ်ပုံတင်ကဒ်တစ်ခုနဲ့အတူယာဉ်မောင်းလိုင်စင်တစ်ခုကိုပါသိမ်းဆည်းရရှိခဲ့ကြောင်းသာယာဝတီခရိုင်ပကဖ၊ အမှတ်(၁)တိုက်ခိုက်ရေးတပ်ဖွဲ(ရွှေတန်းမြေပြည်သူ့ကာကွယ်ရေးတပ်ဖွဲ့ )မှသတင်းထုတ်ပြန်ထားပါတယ်။

သတင်း-ဇာမဏီ
စာတည်း-ရာမန်

#မင်းလှမြို့နယ်

#tharyarwaddy8city

Tharyarwaddy 8 City

15:54 24 thg 5, 2026

📷 Photo

4,860

Tharyarwaddy 8 City

15:54 24 thg 5, 2026

UGF-OkPo နဲ့ BTZM တို့ရဲ့ နှစ်ကြိမ်တိုင်ပူးပေါင်းစစ်ဆင်ရေး ရဲရှစ်ဦးသေပြီး သေနတ်တွေရ

Tharyarwaddy8City/မတ် ၂၃၊၂၀၂၆

ပဲခူးတိုင်းအနောက်ခြမ်၊ သာယာ၀တီခရိုင် ရှစ်မြို့နယ်ထဲက ဇီးကုန်းမြို့နယ်၊ ဘဲအင်းအုပ်စု ဘဲအင်းရွာလမ်းဆုံနဲ့ အုတ်ရှစ်ကွင်းအုပ်စု၊ မယင်းကုန်းရွာတို့မှာ စစ်အုပ်စု ဆိုင်ကယ်ယာဉ်တန်းကို ၂ကြိမ်တိုင်တိုက်ခိုက်ခဲ့ကြောင်း သာယာ၀တီခရိုင်အခြေစိုက် PDFတပ်ရင်း၃၈၀၂ထံမှ သိရှိရပါတယ်။

မတ်လ ၂၂ရက်နေ့ မနက်၈နာရီ ၃၀မိနစ်၀န်းကျင်အချိန်မှာ ဇီးကုန်းမြို့ပေါ်ကနေ စစ်ကြောင်းထွက်လာသော ဆိုင်ကယ် ၁၂ စီးပါ စစ်အုပ်စုယာဥ်တန်းကိုတိုက်ခိုက်ခဲ့တာဖြစ်ပါတယ်။အဆိုပါ ဆိုင်ကယ်ယာဉ်တန်းကိုဘဲအင်းလမ်းဆုံတွင်၃၈၀၂တပ်ရင်း၏ တပ်ခွဲ(၄)UGF OkPo တောက်တဲ့စစ်ကြောင်းနဲ့ တပ်ခွဲ(၅) BTZM တပ်ဖွဲ့တို့မှ ကြားဖြတ်တိုက်ခိုက်ခဲ့ပါတယ်။ထိုကဲ့သို့တိုက်ပွဲဖြစ်နေစဥ် စစ်အုပ်စုဘက်မှ စစ်ကူလာတဲ့ ကား ၃ စီးပါယာဥ်တန်းကိုဇီးကုန်းမြို့ နဲ့တစ်မိုင်ခန့်အကွာရှိ မယင်းကုန်းရွာတွင်ထပ်မံပြီး ကြားဖြတ်တိုက်ခိုက်ခဲ့ပါသေးတယ်။

"ပူးပေါင်းစစ်ဆင်ရေးရဲ့ အားသာချက်အ‌နေနဲ့ကတော့ နယ်မြေအသစ်မှာ‌ပေါ့။ဒေသခံတပ်ဖွဲ့‌တွေနဲ့ နယ်‌မြေစစ်‌ရေးချဲ့ထွင်ခွင့်ရတယ်၊ နောက်ပြီး‌တော့ တပ်ရင်းအတွင်းကရဲဘော်တွေနဲ့ ရင်းနီးခွင့်ပေါ့၊ စည်းလုံးညီညွတ်မှုအခွင့်အရေးတွေရတာက ပူးပေါင်းစစ်ဆင်ရေးရဲ့ အားသာချက်ပေါ့။သေနတ်၆လက်ရတယ်၊ ၆လက်မှာ ကျည်ပါတယ်၊ကျည်ဘောက်၁၆ဘောက်ပါတယ်၊ ရဲဘော်တွေ‌ သေနတ်ကောက်ရင်းမျက်မြင်တွေ့တာက ရန်သူဘက်က ရှစ်ယောက်သေတယ်၊ ၉ယောက်ဒဏ်ရာရတာကို စစ်ကြောင်းနဲ့လာကယ်ထုတ်သွားတာတွေအတည်ပြုလို့ရတယ်"ဟုသာယာ၀တီခရိုင် PDF တပ်ရင်း၃၈၀၂လက်အောက် တပ်ခွဲ(၄) UGF-OkPo၏ တာ၀န်ရှိသူတစ်ဦးမှ Tharyarwaddy8City ကိုပြောပါတယ်။

၎င်းတိုက်ပွဲအတွင်း စစ်အုပ်စုဘက်မှ နယ်ထိန်းခေါင်းဆောင်၊ အမှတ်(၄)နယ်ထိန်းသက်မောင်မောင်နဲ့ စိန်ဘုံသာရွာမှ ပျူစောထီးတစ်ဦးအပါ စစ်သားနဲ့ရဲ ရှစ်ဦးခန့်သေဆုံးပြီး ကိုးဦး ထိခိုက် ဒဏ်ရာရရှိခဲ့‌ ပေမယ့် တော်လှန်ရေးရဲဘော်များဘက်ကတော့ အထိအခိုက်မရှိပဲ‌ဆုတ်ခွါနိူင်ခဲ့‌‌ေကြာင်းသိရသလို လက်နက်ခဲယမ်းတွေအဖြစ် သေနတ် ၆လက်၊ကျည်နဲ့ကျည် ဘောက်၁၆ခုအပါ စစ်သုံးဆက်စပ်ပစ္စည်းတွေနဲ့ ဖုန်းသုံးလုံးကိုသိမ်းဆည်းရရှိခဲ့ကြောင်း သိရှိရပါတယ်။

သတင်း-ခန့်စိုး
စာတည်း-ရာမန်

#ဇီးကုန်းမြို့နယ် #UGFOKPO #BTZM

#tharyarwaddy8city

Tharyarwaddy 8 City

15:54 24 thg 5, 2026

📷 Photo

3,160

Tharyarwaddy 8 City

15:54 24 thg 5, 2026

ဇီးကုန်းမြို့တွင် လောင်းကစားဝိုင်းကိုဆက်ကြေးကောက်သွားတဲ့ ရဲတွေတိုက်ခိုက်ခံရပြီး ရှစ်ဦးသေ

Tharyarwaddy8City/မတ်၂၂၊ ၂၀၂

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက ဇီးကုန်းမြို့နယ် ဘဲအင်းကျေးရွာအုပ်စု ဘဲအင်းရွာနဲ့ စိန်ဘုံသာရွာကြားတစ်နေရာ‌တွင် ပျူစောထီးများဦးဆောင်ပြုလုပ်နေတဲ့လောင်းကစားဝိုင်းကို ဆက်ကြေးကောက်လာတဲ့ စစ်အုပ်စုလက်အောက်ခံ ရဲ‌တွေကို ပစ်ခတ်တိုက်ခိုက်ခဲ့ကြောင်း တော်လှန်ရေးအင်အားစုများထံမှ သတင်းရရှိပါတယ်။

မတ်လ ၂၂ရက်နေ့ မနက်၈နာရီ ၃၀မိနစ်အချိန်ခန့်မှ မနက်၉နာရီအထိ နာရီ၀က်ကျော်ကျော်ဖြစ်တဲ့တိုက်ပွဲမှာ ‌နယ်ထိန်းခေါင်းဆောင်၊ နာမည်ဆိုးနဲ့ကျော်ကြားတဲ့ညအမှတ် (၄)နယ်ထိန်း သက်မောင်မောင်နဲ့ စိန်ဘုံသာရွာမှ ပျူစောထီးရဲမင်းအောင်တို့ နှစ်ဦးအပါအ၀င် စုစုပေါင်းရှစ်ဦးခန့်သေဆုံးခဲ့တာလဲဖြစ်ပါတယ်။

စစ်အုပ်စုဘက်မှ ရှစ်ဦးခန့်သေဆုံးတာနဲ့ တိုက်ပွဲဖြစ်ပွာတဲ့အခြေအနေတွေကို မေးမြန်းရာမှာ ဇီးကုန်းမြို့နယ်အခြေစိုက် တော်လှန်ရေးတပ်ဖွဲ့တစ်ဖွဲ့ရဲ့ တပ်မှူးအဆင့်တစ်ဦးက "ရဲတွေသေတာဟုတ်ပါတယ်၊ လောင်းကစားဝိုင်းကိုလာတာပါ၊ လတ်တလောရှုပ်ထွေးနေလို့ မနက်ဖြန်လောက်မှ သတင်းထုတ်ပြန်မယ်ထင်တယ်၊ သေဆုံးအတည်ပြုပါတယ်"ဟု Tharyarwaddy8City ကိုပြောပါတယ်။

ဒီနေ့တရက်လုံးနီးပါးတိုက်ပွဲများဖြစ်ပွားနေပြီး တော်လှန်ရေးအင်အားစုများဘက်မှ ထိခိုက်ကျဆုံးသတင်းများကိုမသိရသေးပေ။ ဒါပေမယ့်စစ်အုပ်စုဘက်မှ ရှစ်ဦးခန့်သေဆုံးသတင်းကိုသိထားရပြီး နောက်ထပ်အတည်ပြုဖို့တွေလဲရှိသေးတာကြောင့် ဆက်လက်စုံစမ်းဆဲဖြစ်ပါတယ်။

အဆိုပါတိုက်ပွဲဖြစ်ပွားတဲ့နေရာ ‌စိန်ဘုံသာရွာအနီးနဲ့ ဇီးကုန်းမြို့‌ပေါ်တို့ဟာ (၃) မိုင်ခန့်သာကွာဝေးပြီး လူနာတင်ယာဥ် ၃စီးနဲ့သေဆုံးစစ်အုပ်စုအလောင်းတွေကို အသွားအပြန်သယ်ဆောင်‌နေတကို မြင်တွေ့ရကြောင်း ဇီးကုန်းမြို့ခံတစ်ဦးမှ အတည်ပြုပြောကြားပါတယ်။

အဲ့ဒီ့တိုက်ခိုက်မှုကို‌တော့ ဘယ်အဖွဲ့ကလုပ်ဆောင်တယ်ဆိုတာကို ‌သက်ဆိုင်ရာတော်လှန်‌ရေးအင်အားစု‌တွေဘက်က သတင်းထုတ်ပြန်လာတာမရှိသေးပေ။ သေဆုံးစစ်အုပ်စုရှစ်ဦးထဲက ဇီးကုန်းမြို့နယ်၊ အမှတ်(၄)နယ်ထိန်း သက်မောင်မောင်ဆိုသူဟာ စစ်ကြောရေးများတွင် အရပ်သားပြည်သူများအပေါ် ဖိနှိပ်ရက်စက်ဆုံးသူအဖြစ်နာမည်ကြော်ကြားသလို စိန်ဘုံသာရွာမှ ပျူစောထီးရဲမင်းအောင်ဆိုသူဟာလဲ ရပ်ရွာနေ ပြည်သူလူထုအပေါ် စစ်မှုထမ်းကြေး အဓမ္မကောက်ခံနေသူဖြစ်ပြီးစစ်တပ်နဲ့ပေါင်းကာ ပြည်သူအပေါ်အမျိုးမျိုးနှိပ်ခဲ့သူတွေဖြစ်ကြောင်း စီစစ်တွေ့ရှိရပါတယ်။

သတင်း - ခန့်စိုး
စာတည်း- ရာမန်

#ဇီးကုန်မြို့ #ရဲရှစ်ဦးသေ #အမှတ်‌၄နယ်ထိန်းသက်မောင်မောင်

#tharyarwaddy8city

Showing 10 of 10 posts

No more posts