🏛TARIX VA SAYOHAT🌍

Public

Kanalni ko'rish

Qo'shila olmaysizmi? @Tarix_va_Sayohat

4.5k A'zolar

Yangilangan: August 31, 2026 at 7:42 AM

🏛TARIX VA SAYOHAT🌍

O‘rganilmagan tarixiy fakt va manbalar, Siz borishni orzu qilgan go‘zʼal manzillar ushbu kanalimizda @TARIX_VA_SAYOHAT

Join @Tarix_va_Sayohat for exclusive qilgan and ushbu content and discussions in 25

Reyting

Global reyting

#21970

-75

Til reytingi

#142

-2

Toifa reytingi

#132

-2

Obunachilar sonining o'sishi (Oxirgi 10 kun ichida)

Jami: 4.5K

24 soatlik o'sish: -224 5%

So'nggi postlar

🏛TARIX VA SAYOHAT🌍

6-sen, 2026, 09:20

🎥 Video

🐻 Курил кўлидаги она айиқ ва болалари видеоси ижтимоий тармоқларни забт этмоқда

🇷🇺 Россиянинг Камчатка ўлкасида жойлашган Курил кўли ёввойи қўнғир айиқларни табиий муҳитда кузатиш мумкин бўлган дунёдаги энг машҳур масканлардан бири ҳисобланади.

🐾 Сўнгги кунларда она айиқнинг болалари билан бирга сайр қилиши акс этган таъсирли видео ижтимоий тармоқларда кенг тарқалиб, миллионлаб томошабинларнинг эътиборини тортмоқда.

🐟 Курил кўли атрофида ҳар йили лосось балиқларининг оммавий уруғ ташлаши кузатилади. Шу боис бу ерда юзлаб қўнғир айиқлар тўпланиб, ўз болаларини ов қилиш ва мустақил яшашга ўргатади.

🌋 Курил кўли Жанубий Камчатка қўриқхонаси ҳудудида жойлашган бўлиб, вулқонлар, тоғлар ва ёввойи табиат манзаралари билан машҳур.

📹 Табиатнинг ана шундай таъсирли лавҳалари инсон ва ёввойи табиат ўртасидаги нозик мувозанатни яна бир бор ёдга солади.

Обуна бўлинг:

4,270

🏛TARIX VA SAYOHAT🌍

6-sen, 2026, 09:20

❗️Август ойи тарихдаги муҳим воқеалар

🗓 2 август 1990 йил — Ироқ қўшинлари Қувайтга бостириб кирди. Бу воқеа кейинчалик Форс кўрфази урушига олиб келган жараённи бошлади.

🗓 6 август 1945 йил — 🇺🇸 АҚШ Хиросима шаҳрига атом бомбасини ташлади. Бу урушда атом қуролидан биринчи марта фойдаланилган воқеа бўлди.

🗓 6 август 1991 йил — 🌐 Британ олими Тим Бернерс-Ли яратган World Wide Web (WWW) лойиҳаси ҳақида Интернетда оммавий равишда хабар берилди. Шу даврдан бошлаб веб технологияси кенгроқ аудиторияга тарқала бошлади. Кейинчалик WWW интернетдан фойдаланиш ва ахборот алмашиш усулини тубдан ўзгартирди.

🗓 8 август 1945 йил — Совет Иттифоқи Японияга уруш эълон қилди. 9 августдан совет қўшинлари Манчжурияда япон қўшинларига қарши кенг кўламли ҳужум бошлади.

🗓 9 август 1945 йил — АҚШ Нагасаки шаҳрига иккинчи атом бомбасини ташлади.

🗓 13 август 1961 йил — Шарқий Германия Берлинда Ғарбий Берлин билан чегарани ёпишни бошлади. Кейинчалик бу ерда Берлин девори барпо этилди.

🗓 15 август 1945 йил — Япония императори Хирохито мамлакатнинг таслим бўлишини эълон қилди. Япониянинг расмий таслим бўлиш ҳужжати эса 2 сентябрь 1945 йилда имзоланди.

🗓 29 август 1949 йил — ☢️ Совет Иттифоқи Қозоғистондаги Семипалатинск полигонида ўзининг биринчи атом бомбасини синовдан ўтказди. Бу Совуқ урушдаги ядровий қуролланиш пойгасида муҳим бурилиш бўлди.

🗓 31 август 1991 йил — 🇺🇿Ўзбекистон Республикасининг давлат мустақиллиги эълон қилинди. Тошкентда Ўзбекистон ССР Олий Кенгашининг навбатдан ташқари сессиясида мустақиллик тўғрисида қарор ва «Давлат мустақиллиги асослари тўғрисида»ги қонун қабул қилинди. Шу куни Ўзбекистон ССР номи Ўзбекистон Республикаси деб ўзгартирилди.

Обуна бўлинг:

6,070

🏛TARIX VA SAYOHAT🌍

6-sen, 2026, 09:20

📷 Photo

🏛️🇺🇿 Тарихий_воқеа

🎉 Ўзбекистон учун яна бир тарихий ютуқ!

Пусан шаҳрида бўлиб ўтаётган ЮНЕСКО Бутунжаҳон мероси қўмитасининг 48-сессиясида Тошкентнинг модернизм меъморчилиги объектлари расман ЮНЕСКОнинг нуфузли Халқаро мерос рўйхатига киритилди.

📜 Эътиборлиси, бу — сўнгги 25 йил ичида Ўзбекистон тақдим этган миллий номинациянинг ЮНЕСКО рўйхатига илк бор киритилиши ҳисобланади.

🏙️ Бу нафақат бир нечта биноларнинг, балки зилзиладан кейин қайта қад ростлаган Тошкентнинг бутун бошли тарихий даври халқаро миқёсда эътироф этилганини англатади.

Бу мамлакатимиз маданий меросини асраб-авайлаш ва уни келажак авлодларга етказиш йўлидаги яна бир улкан қадамдир.

🇺🇿 Табриклаймиз! Бу тарихий воқеа барчамиз учун ғурур!

Обуна бўлинг:

4,400

🏛TARIX VA SAYOHAT🌍

6-sen, 2026, 09:20

🎥 Video

🏛 Санкт-Петербургдаги Эрмитажда сақланаётган Варахшанинг асл девор расмлари.

🇺🇿 Варахша — Бухоро воҳасида жойлашган қадимий шаҳар бўлиб, VII–VIII асрларга оид бетакрор девор расмлари билан машҳур.

🎨 Унинг энг машҳур ёдгорликларидан бири — "Қизил зал" девор расмларидир. Бу рангтасвирларда фил миниб кетаётган ҳукмдорлар, йиртқич ҳайвонлар билан олишув саҳналари, сарой ҳаёти ва ов манзаралари маҳорат билан тасвирланган. Улар Сўғд тасвирий санъатининг энг юксак намуналаридан ҳисобланади.

🏛 XX асрнинг 1949–1954 йиллардаги олиб борилган археологик қазишмалар натижасида топилган "Қизил зал" девор расмларининг бир қисми Санкт-Петербургдаги Давлат Эрмитаж музейи коллекциясига топширилган ва бугунга қадар шу ерда сақланмоқда.

🎥 Ушбу видеода сиз Эрмитаж музейида сақланаётган Варахша девор расмларининг асл девор расмларини томоша қиласиз. Кадрлар канал админи томонидан Санкт-Петербургга ташриф давомида шахсан тасвирга олинган.

📜 Варахша девор расмлари нафақат Ўзбекистон, балки бутун Марказий Осиёнинг илк ўрта асрлар санъати ва маданиятини ўрганишда беқиёс аҳамиятга эга.

Обуна бўлинг:

3,970

🏛TARIX VA SAYOHAT🌍

6-sen, 2026, 09:20

🎥 Video

🇪🇸 Барселона — Испаниянинг энг гўзал ва бетакрор шаҳарларидан бири

🌊 Ўрта ер денгизи соҳилида жойлашган Барселона нафақат Испаниянинг, балки Европанинг энг машҳур сайёҳлик шаҳарларидан бири ҳисобланади. Ҳар йили бу ерга миллионлаб сайёҳлар ташриф буюради.

🏛 Шаҳар ўзининг ноёб меъморчилиги билан дунёга машҳур. Айниқса, машҳур меъмор Антони Гауди лойиҳалаган Саграда Фамилия ибодатхонаси, Парк Гуэль, Каса Батльо ва Ла Педрера Барселонанинг асосий рамзларига айланган.

⚽️ Барселона дунё футболининг рамзий шаҳарларидан бири ҳисобланади. Машҳур «Барселона» футбол клуби ва унинг «Камп Ноу» стадиони ҳар йили дунёнинг турли бурчакларидан миллионлаб футбол мухлисларини ўзига жалб этади.

🏖 Шаҳарда тарихий маҳаллалар, кенг соҳиллар, музейлар ва гўзал боғлар уйғунлашган. Готик квартал, Ла Рамбла кўчаси ва Барселона порти шаҳарнинг энг машҳур масканларидир.

🎨 Барселона Каталониянинг маданий маркази бўлиб, бу ерда каталон тили ва маданияти асрлар давомида сақланиб келмоқда.

🌍 Тарих, меъморчилик, денгиз соҳили ва замонавий ҳаёт уйғунлашган Барселона дунёда бир марта бўлса-да боришга арзийдиган шаҳарлардан бири ҳисобланади.

Обуна бўлинг:

6,650

🏛TARIX VA SAYOHAT🌍

6-sen, 2026, 09:20

📷 Photo

❗️ Султон Мурод IV Усмонийлар тарихида шайхулисломни қатл эттирган деярли ягона султон ҳисобланади.

🏛 Усмонийлар давлати тарихида Султон Мурод IV (1623–1640) қатъиятли ва муросасиз ҳукмдор сифатида танилган.

📜 1634 йилда айрим тарихий манбаларга кўра, Мурод IV Изник қозисини қатл эттирганини танқид қилган шайхулислом Аҳизода Ҳусайн Афандини ҳам қатл эттиришга буйруқ берган. У Усмонийлар тарихида қатл этилган илк шайхулислом ҳисобланади.

🔹 Бу воқеа Усмонийлар тарихида жуда ноёб ҳолат ҳисобланади. Чунки ўша даврда шайхулисломлар ва бошқа юқори мартабали уламолар одатда лавозимидан четлатилар ёки сургун қилинар эди. Уларга нисбатан ўлим жазосини қўллаш деярли учрамасди.

👑 Мурод IV фақат шу қарори билангина эмас, балки давлатда қаттиқ тартиб ва интизом ўрнатишга қаратилган сиёсати билан ҳам машҳур бўлган.

🔹 1632 йилдан бошлаб давлат бошқарувини тўлиқ ўз қўлига олди ва марказий ҳокимиятни мустаҳкамлади.

🔹 Тамаки чекиш, спиртли ичимликлар истеъмоли ва қаҳвахоналар фаолиятини тақиқлади. Қонунбузарларга нисбатан жуда қаттиқ жазолар қўлланилган.

🔹 1638 йилда Бағдодни Сафавийлардан қайтариб олиб, Усмонийлар тарихидаги энг муҳим ҳарбий ғалабалардан бирига эришди.

🔹 1639 йилда имзоланган Қасри Ширин шартномаси Усмонийлар ва Сафавийлар ўртасидаги чегарани белгилаб берди. Ушбу келишув билан белгиланган чегаранинг катта қисми бугунги Туркия–Эрон давлат чегараси асосини ташкил этади.

📚 Тарихчилар Мурод IV даврини Усмонийлар давлатида марказий ҳокимият янада кучайган, бироқ қаттиқ интизом ва кескин жазолар билан ҳам ёдда қолган давр сифатида баҳолайдилар.

Обуна бўлинг:

🏛TARIX VA SAYOHAT🌍

6-sen, 2026, 09:20

📜 Июн–июль ойларида тарихда содир бўлган энг муҳим воқеалар

🌍 Бу икки ой жаҳон, Марказий Осиё ва Яқин Шарқ тарихида чуқур из қолдирган воқеаларга бой.

🗓 22 июнь 1941 йил — Нацист Германия ва унинг иттифоқчилари СССР ҳудудига бостириб кирди. Шу тариқа Шарқий фронтдаги уруш бошланди.

🗓 26 июнь 1945 йил — Сан-Францискода Бирлашган Миллатлар Ташкилоти (БМТ) Низоми имзоланди.

🗓 27 июнь 1997 йил — Тожикистонда фуқаролар урушига барҳам берган Тинчлик ва миллий ярашув тўғрисидаги келишув имзоланди.

🗓 4 июль 1776 йил — АҚШ Мустақиллик декларацияси қабул қилиниб, мамлакат мустақил давлат сифатида эълон қилинди.

🗓 5 июль 1943 йил — Курск жанги бошланди. Бу тарихдаги энг йирик танк жанги сифатида машҳур.

🗓 10 июль 1940 йил — Англия учун жанг бошланди. Бу Иккинчи жаҳон урушидаги энг муҳим ҳаво жангларидан бири эди.

🗓 14 июль 1789 йил — Бастилия қамоқхонаси босиб олиниши Француз инқилобининг бошланишига туртки берди.

🗓 16 июль 1945 йил — АҚШ тарихдаги биринчи атом бомбасини («Trinity») муваффақиятли синовдан ўтказди.

🗓 17 июль 1945 йил — Потсдам конференцияси бошланди. Унда урушдан кейинги Европа тақдири муҳокама қилинди.

🗓 20 июль 1969 йил — «Аполлон-11» экспедицияси давомида инсон илк бор Ой юзига қадам қўйди.

🗓 24 июль 1923 йил — Лозанна шартномаси имзоланиб, Туркия Республикасининг халқаро ҳуқуқий мақоми эътироф этилди.

🗓 27 июль 1953 йил — Корея урушида ўт очишни тўхтатиш тўғрисидаги битим имзоланди.

🗓 28 июль 1914 йил — Австро-Венгрия Сербияга уруш эълон қилди. Бу Биринчи жаҳон уруши бошланишига сабаб бўлди.

🗓 28 июль 1402 йил — Амир Темур ва Усмонийлар султони Боязид I ўртасидаги Анқара жанги бўлиб ўтди.
Темурийлар ғалабаси Усмонийлар давлатида тахт учун кураш даври бошланишига сабаб бўлиб, Яқин Шарқ ва Онадўли тарихига катта таъсир кўрсатди.

🌍 Сиз июнь ва июль ойига оид яна қайси муҳим тарихий воқеаларни биласиз?
Изоҳларда ёзиб қолдиринг!

Обуна бўлинг:

🏛TARIX VA SAYOHAT🌍

6-sen, 2026, 09:20

🎥 Video

🌪🌈 Табиатдаги ғаройиб мўъжиза: АҚШда камалак фонидаги торнадо тасвирга олинди

Табиат ҳодисаси кўл устида содир бўлган пайтда осмонда ноёб 360° ли камалак пайдо бўлган.

Кадрлар шу қадар таъсирлики, уларни сунъий интеллект ёрдамида яратилгандек тасаввур уйғотади, аммо бу — ҳақиқий видео.

Обуна бўлинг:

2,580

🏛TARIX VA SAYOHAT🌍

6-sen, 2026, 09:20

🎥 Video

⛵️ Санкт-Петербургдаги машҳур «Алвон елканлар» («Алые паруса») байрамига 66 минг нафар битирувчи ташриф буюрди

🇷🇺 Санкт-Петербург шаҳрида Россиянинг энг машҳур ва гўзал битирув байрамларидан бири — «Алвон елканлар» («Алые паруса») тантанаси бўлиб ўтди.

🔹 28 июнга ўтар кечаси Нева дарёси бўйлаб «Россия» номли машҳур қизил елканли кема алвон елканларини ёзган ҳолда сузиб ўтди. Бу байрамнинг энг кутилган ва энг таъсирли лаҳзасига айланди.

🔹 2026 йилги байрам мавзуси — рус халқ эртаклари бўлди. Театрлаштирилган томошаларда ёруғлик ва зулмат образлари орқали инсоннинг улғайиш йўли, эркинлик ва янги ҳаёт сари қадам қўйиши ҳақидаги ғоялар ифодаланди.

🔹 Сув, ёруғлик ва фейерверклар уйғунлигида намойиш этилган бу шоу ҳар йили минглаб битирувчилар ва сайёҳларни ўзига жалб этади ҳамда Санкт-Петербургнинг энг машҳур анъаналаридан бири ҳисобланади.

Обуна бўлинг:

9,190

🏛TARIX VA SAYOHAT🌍

6-sen, 2026, 09:20

🎥 Video

💎 250 миллион йиллик табиат мўъжизаси

🇷🇺 Россиянинг Приморье ўлкасидаги Тўрт Қоя бурни (Мыс Четырёх Скал) ўзининг ғаройиб шаклдаги улкан тошлари билан сайёҳларни ҳайратга солади.

🌋 Олимларнинг фикрича, бу тошлар тахминан 250 миллион йил аввал вулқон жинсларидан ҳосил бўлган.

🌊 Шундан сўнг миллионлаб йиллар давомида денгиз тўлқинлари, шамол ва ёмғир уларни аста-секин емириб, бугунги силлиқ шакллари ва бетакрор табиий нақшларини яратган.

📸 Бугунги кунда Тўрт Қоя бурни (Мыс Четырёх Скал) Приморьенинг энг гўзал табиат ёдгорликларидан бири бўлиб, ўзининг ноёб қоятошлари ва Тинч океани манзаралари билан сайёҳларни ўзига жалб этади.

Обуна бўлинг:

5,050

🏛TARIX VA SAYOHAT🌍

29-apr, 2026, 11:34

📷 Photo

🚀🌏 Инсон ўзи туғилиб ўсган ва унга доимо бепоёндек туюлган Ер шари шунчалик кичик эканини — уни бир қарашда қамраб олиш мумкинлигини кўрганда, унинг руҳиятига нима бўлар экан?!

Фақат шунинг ўзиёқ инсон ақлини ларзага келтириши мумкин. Коинот эса яна қандай сирларни тайёрлаб қўйганини ким билади… Бу хавотирларни текширмасдан туриб рад этиб бўлмас эди, текширмасдан туриб эса уларни инкор қилиб бўлмасди. Фақат битта йўл қолган эди — бориб кўриш.

1961 йил 12 апрель куни СССР Ҳарбий-ҳаво кучларининг катта лейтенанти Юрий Алексеевич Гагарин “Восток” кемасида инсоният тарихида илк бор космосга парвоз қилди.

Инсон ўзи учун янги, нотаниш муҳитга қадам қўйди. Йўлда жуда кўп тўсиқлар, муаммолар ва илгари фан ва техникада ҳеч қачон ҳал қилинмаган вазифалар кўп эди. Энг муҳими эса — инсон умуман коинотда яшай оладими ёки йўқлиги ҳам номаълум эди.

Ушбу материал илк бор 2007 йил апрель ойида журналда чоп этилган бўлиб, уни техника фанлари номзоди, 1962–1969 йилларда космонавтлар гуруҳи аъзоси бўлган Валентина Пономарёва (1933–2023) тайёрлаган эди.

🚀Бу парвоз инсоният тарихида янги даврни бошлаб берди ва коинотни ўрганиш йўлидаги илк қадам бўлди.

Обуна бўлинг:

🏛TARIX VA SAYOHAT🌍

29-apr, 2026, 11:34

🎥 Video

🏰 Дунай бўйидаги гўзал пойтахт — Будапешт

🚩 Венгрия пойтахти Будапешт Европадаги энг чиройли шаҳарлардан бири ҳисобланади. У Дунай дарёси бўйида жойлашган бўлиб, тарих ва замонавийлик уйғунлашган манзилдир.

🔹 Будапешт аслида икки шаҳар — Буда ва Пештнинг бирлашиши натижасида 1873 йилда ташкил топган. 🏙

🔹 Буда — қадимий, тоғли ҳудуд бўлиб, у ерда қироллар қароргоҳи ва қалъалар жойлашган. Шунинг учун у тарихан ҳукмдорлар қисми ҳисобланган. 🏰

🔹 Пешт эса текис ҳудудда жойлашган бўлиб, савдо-сотиқ ва шаҳар ҳаёти ривожланган қисми ҳисобланган. 🏙

🔹Қизиқ жиҳати — “Пешт” сўзи қадимги тилларда “ўчоқ” ёки “иссиқ жой” маъносини англатади, бу эса ҳудуддаги термал манбалар билан боғлиқ. ♨️

🔹1873 йилда Буда, Пешт ва Обуда бирлашиб, бугунги Будапешт шаҳрига айланган.

🔹 Шаҳарнинг энг машҳур иншоотларидан бири — Венгрия парламенти биноси бўлиб, у Европа бўйича энг катта парламент биноларидан бири ҳисобланади. 🏛

🔹 Занжирли кўприк (Chain Bridge) эса Буда ва Пештни боғловчи илк кўприклардан бири бўлиб, шаҳар рамзига айланган.

🔹 Буда қисмида жойлашган Буда қалъаси ва Фишерман бастиони шаҳарга юқоридан ажойиб манзара тақдим этади. 🏰

🏛 Будапешт — тарих, маданият ва табиат уйғунлашган ноёб Европа шаҳарларидан бири.

Обуна бўлинг:

🏛TARIX VA SAYOHAT🌍

29-apr, 2026, 11:34

📷 Photo

Амир Темур лашкари

Ҳарбий куч бўлинмалари асосан отлиқлардан иборат бўлиб, улар ўнлик, юзлик, минглик ва туманларга (ўн минглик) бўлинган. Пиёда қўшинлар, кам сонли бўлган ва улар асосан қалъаларни қамал қилишда қатнашган.

“У кўк сутимидан (Хитой ипак матосидан) тикилган кўйлак кийган, бошида зарҳал кашта ва қимматбаҳо тошлар билан безатилган баланд учли қалпоқ кийган. Қалпоқнинг учи олтиндан ясалган бўлиб, ундан иккита ўралган қизил соч орқа томондан елкаларигача тушиб турган.”

XV асрда Самарқандга ташриф буюрган испаниялик саёҳатчи Руи Гансалес де Клавихо Амир Темур лашкарбошиларидан бирини шундай тасвирлаган.

Обуна бўлинг:

1,050

🏛TARIX VA SAYOHAT🌍

29-apr, 2026, 11:34

🎥 Video

🌓 NASA астронавтлари ярим аср ичида илк бор инсоннинг Ой атрофини айланиб чиқиш миссиясини муваффақиятли якунлади

Улар Ердан 406 700 км узоқлашиб, янги рекорд ўрнатди.

Айни пайтда космик кема “эркин қайтиш” траекторияси бўйлаб Ерга қайтмоқда. У тортишиш кучи ҳисобидан ҳаракатланмоқда — двигателлар фақат йўналишни тўғрилаш учун ишлатилади.

Космик кеманинг АҚШ қирғоқлари яқинида, Тинч океанига қўниши 10 апрелга режалаштирилган.

Обуна бўлинг:

3,900

🏛TARIX VA SAYOHAT🌍

29-apr, 2026, 11:34

📅 Апрель ойи тарихи | Ўзбекистон, Жаҳон ва Яқин Шарқ

🇺🇿 Ўзбекистон

🔹 9 апрель 1336 йил — Амир Темур Кеш шаҳри ( Шаҳрисабз ҳудуди,бугунги Яккабоғ тумани ҳудуди) Хўжаилғор қишлоғида таваллуд топган.

🔹 9 апрель — Ўзбекистонда Амир Темур таваллуд куни сифатида нишонланади. 🌟

🔹 1 апрель 1995 йил — Ўзбекистонда миллий валюта — сўм муомалага киритилди. 💴

🔹 апрель 2007 йил — Самарқанд шаҳри ЮНЕСКОнинг Бутунжаҳон мероси рўйхатидаги аҳамияти янада кенг эътироф этилди.

🌍 Жаҳон

🔹 12 апрель 1961 йил —Юрий Гагарин инсоният тарихида илк бор космосга парвоз қилди. 🚀

🔹 14 апрель 1912 йил —“Титаник” кемаси айсбергга урилиб ҳалокатга учради
(чўкиши 15 апрель куни бўлган).

🔹 22 апрель 1970 йил — илк бор Ер куни нишонланди. 🌍

🔹 26 апрель 1986 йил — Чернобил атом электр станциясида йирик ҳалокат содир бўлди.

🕌 Яқин Шарқ

🔹 1250 йил апрель ойи — Мисрда Мамлюклар султонлиги ҳокимиятни қўлга олиб, минтақада янги сиёсий давр бошланди. 🏰

🔹 1517 йил апрель ойи атрофи — Селим I Мисрни эгаллаб, халифалик Усмонийлар қўлига ўтган давр якунланди.

🔹 апрель 1920 йил — Сан-Ремо конференцияси натижасида Яқин Шарқ харитаси қайта шакллантирилди.

🌍 Апрель ойи инсоният тарихи ва цивилизациясида муҳим воқеаларга бой давр ҳисобланади.

✍ Агар апрель ойига оид яна бошқа қизиқ фактларни билсангиз, изоҳларда ёзиб қолдиринг.

Обуна бўлинг:

3,940

🏛TARIX VA SAYOHAT🌍

29-apr, 2026, 11:34

📷 Photo

🚀 Инсонлар яна Ойга қайтмоқда — Artemis II

🚀🌛 NASA томонидан амалга оширилаётган Artemis II миссияси инсониятнинг Ойга қайта парвозини бошлаб беради.

▫ Режага кўра, экипаж 10 кун давомида 800 минг километрдан ортиқ масофани босиб ўтади ва Ой атрофини айланиб, Ерга қайтади. 🌕

▫ Миссияда фойдаланилаётган Orion spacecraft — инсонларни узоқ космосга олиб чиқиш учун мўлжалланган замонавий космик кема ҳисобланади.

▫ Парвоз давомида экипаж Ой атрофида учиб ўтиб, кейинги ойга қўниш миссиялари учун муҳим маълумотлар тўплайди. 🔬

▫ Шунингдек, “Orion” кемаси бортидан олинган Ер сайёрасининг суратлари ҳам эълон қилиниб, космосдан кўринишининг бетакрор манзарасини намойиш этди. 🌍

🌌 “Artemis” дастури келажакда инсонларни Ой ва Марсга олиб боришни мақсад қилган.

Обуна бўлинг:

1,170

🏛TARIX VA SAYOHAT🌍

29-apr, 2026, 11:34

🎥 Video

🐅 Амур йўлбарси — табиатнинг нодир йиртқичи

🇰🇿 Қозоғистоннинг Олмаота шаҳридаги ҳайвонот боғида Амур йўлбарслари оиласида қувончли воқеа кузатилди.

▫ Бентли ва Ярга исмли йўлбарслар жуфтлигида январь ойида учта бола дунёга келган бўлиб, улар илк бор ташриф буюрувчиларга намойиш этилди. 🐾

▫ Амур йўлбарси (Сибир йўлбарси) дунёдаги энг йирик йўлбарс тури ҳисобланади. У асосан Россиянинг Шарқий қисми ва Хитойнинг айрим ҳудудларида яшайди. 🌲❄️

▫ Бу йўлбарслар қаттиқ совуқ иқлимга мослашган бўлиб, қалин юнга эга ва катта ҳудудларда ов қилади.

▫ Афсуски, Амур йўлбарслари йўқолиб кетиш хавфи остидаги ҳайвонлар қаторига киради. Табиатни муҳофаза қилиш ишлари туфайли улар сони секин-аста тикланмоқда.

🌿 Бугунги каби зоопаркларда туғилган болалар эса бу ноёб турни сақлаб қолишда муҳим аҳамиятга эга.

Обуна бўлинг:

4,730

🏛TARIX VA SAYOHAT🌍

29-apr, 2026, 11:34

🎥 Video

🌁 Туманлар орасидаги кўприк — Голден Гейт

🇺🇸 АҚШнинг Сан-Франциско шаҳрида жойлашган Голден Гейт кўприги дунёдаги энг машҳур кўприклардан бири ҳисобланади.

▫ Кўприк Тинч океани билан Сан-Франциско кўрфазини боғловчи бўғоз устида қурилган. 🌊

▫ У 1937 йилда қуриб битказилган бўлиб, Сан-Францискони Марин округи билан боғлайди.

▫ Унинг умумий узунлиги тахминан 2,7 км, асосий осма қисми эса 1280 метрни ташкил қилади.

▫ Кўприкнинг машҳур қизғиш ранги “International Orange” деб аталади ва бу ранг туманли об-ҳавода ҳам уни аниқ кўринишини таъминлайди.

▫ Голден Гейт қурилган пайтда дунёдаги энг узун осма кўприклардан бири бўлган.

❗️Бугун бу кўприк нафақат транспорт йўли, балки Сан-Францисконинг асосий рамзи ва сайёҳлар учун машҳур манзил ҳисобланади. 📸

Обуна бўлинг:

4,500

🏛TARIX VA SAYOHAT🌍

29-apr, 2026, 11:34

📷 Photo

✨Рамазон ҳайити муборак бўлсин!

Аллоҳ тутган рўзаларингиз ва қилган дуоларингизни қабул қилсин.

Юртимизга тинчлик, хонадонларимизга барака ва қалбларимизга хотиржамлик ато этсин.

👉Ушбу табрикни яқинларга улашиб қўйинг!

Обуна бўлинг:

2,860

🏛TARIX VA SAYOHAT🌍

29-apr, 2026, 11:34

🎥 Video

🌿🍁Туркиянинг энг гўзал табиат манзили — Болу

🇹🇷 Туркиянинг Болу шаҳри мамлакатнинг энг гўзал табиат масканларидан бири ҳисобланади. У Истанбул ва Анқара орасида жойлашган бўлиб, сайёҳлар учун машҳур дам олиш ҳудуди саналади.

▫ Болу, аввало, ўзининг қалин ўрмонлари ва тоза ҳавоси билан машҳур. Бу ер “Туркиянинг яшил юраги” деб ҳам аталади.
🌿
▫ Ҳудуддаги энг машҳур жойлардан бири — Абант кўли. Бу кўл атрофи сайр, от миниш ва табиат қўйнида дам олиш учун жуда қулай.

▫ Шунингдек, Болуда жойлашган Едигёллер миллий боғи (Етти кўл) куз фаслидаги ранг-баранг манзаралари билан машҳур. 🍁

▫ Қиш фаслида эса Болу тоғлари чанғи спорти учун машҳур масканга айланади.

Болу — табиат, тинчлик ва гўзал манзараларни бир жойда жамлаган ноёб саёҳат манзили.

Обуна бўлинг:

4,910

🏛TARIX VA SAYOHAT🌍

16-apr, 2026, 07:07

📷 Photo

МЕНИ КЕЧИРИНГ!!!

🌙✨Рамазон ойи ҳам тугамоқда. Кечагина рўза бошланган эди, мана энди хайрлашиш онлари ҳам яқинлашмоқда.

Бу муқаддас ойда орамизда билиб билмай хафагарчилик ўтган бўлса мен Сиздан Аллоҳ розилиги учун кечирим сўрайман ва борингизга шукур дейман, рамазон ойидан гуноҳларимиз кечирилган холатда чиқишлик насиб қилсин!

Бу смс'ни УЗР сўраб, борингизга ШУКУР демоқчи бўлган инсонларингизга жўнатинг, шунчаки уларнинг борлиги учун😊

✨Кириб келаётган ҚАДР кечалари ва Рамазон Ҳайитларингиз муборак бўлсин!

Яқинларга ҳам улашинг!

Обуна бўлинг:

1,990

🏛TARIX VA SAYOHAT🌍

16-apr, 2026, 07:07

📅 Март ойи тарихи | Ўзбекистон, Жаҳон, Ўрта Осиё ва Яқин Шарқ

🇺🇿 Ўзбекистон тарихи

🔹 2 март 1992 йил — Ўзбекистон Бирлашган Миллатлар Ташкилотига (БМТ) аъзо бўлди. Бу мамлакатнинг халқаро майдондаги муҳим қадамларидан бири ҳисобланади. 🌍

🔹21 март — Ўзбекистонда Наврўз байрами давлат миқёсида кенг нишонланади. Бу байрам халқ маданияти ва анъаналарининг муҳим қисми ҳисобланади. 🌸

🌍 Жаҳон тарихи

🔹 1 март 1565 йил — Бразилиянинг машҳур шаҳри Рио-де-Жанейрога асос солинди.

🔹 5 март 1946 йил — Уинстон Черчилль машҳур “Темир парда” нутқини айтди. Бу воқеа “совуқ уруш” даври бошланишининг рамзий нуқтаси ҳисобланади. 🗣

🔹 8 март 1910 йил — Копенгагендаги халқаро конференцияда Халқаро хотин-қизлар кунини нишонлаш таклифи илгари сурилди. 🌸

🔹10 март 1876 йил — Александр Белл илк бор телефон орқали овоз узатишга муваффақ бўлди. 📞

🔹14 март 1879 йил — машҳур физик Альберт Эйнштейн туғилган. 🔬

🔹15 март 44 йил м.а. — Рим давлат арбоби Юлий Цезарь сенатда ўлдирилди. ⚔️

🔹 29 март 1974 йил — Хитойда машҳур Терракота армияси археологик топилмаси аниқланди. 🏺

🌙 Ўрта Осиё ва Яқин Шарқ

🔹1220 йил баҳори — Чингизхон қўшинлари Бухоро шаҳрини эгаллади. Бу воқеа Мовароуннаҳр тарихида катта бурилиш нуқталаридан бири ҳисобланади. ⚔️

🔹 XVI аср бошлари — Заҳириддин Муҳаммад Бобур “Бобурнома” асарида Самарқанд ва Фарғонада Наврўз байрами қандай нишонлангани ҳақида маълумотлар ёзиб қолдирган. 📜

🔹 21 март — Марказий Осиё, Эрон ва Яқин Шарқ халқлари учун қадимдан нишонланиб келинаётган Наврўз байрами. Бу байрам 3000 йилдан ортиқ тарихга эга. 🌿

✍ Агар март ойига оид яна бошқа қизиқ тарихий фактларни билсангиз, изоҳларда ёзиб қолдиринг.

Обуна бўлинг:

6,450

🏛TARIX VA SAYOHAT🌍

16-apr, 2026, 07:07

🎥 Video

🕌 Мадинадаги Пайғамбаримиз ﷺмасжиди — Масжиди Набавий

🇸🇦 Саудия Арабистонининг Мадина шаҳрида жойлашган Масжиди Набавий ислом оламидаги энг муҳим масжидлардан бири ҳисобланади.

▫ Масжид 622 йилда Пайғамбаримиз Муҳаммад ﷺ томонидан қурилган. У Мадинага ҳижрат қилинганидан кейин барпо этилган илк масжидлардан бири ҳисобланади.

▫ Масжид ҳудудида Пайғамбаримиз Муҳаммад ﷺ, ҳазрат Абу Бакр розияллоҳу анҳу ва Умар ибн Хаттоб розияллоҳу анҳу дафн этилган.

▫ Масжиднинг энг машҳур қисми — яшил гумбаз (Қуббат ал-Хадро) бўлиб, у Пайғамбаримиз қабрлари жойлашган ҳудуд устида қурилган.

▫ Масжид асрлар давомида бир неча бор кенгайтирилган. Бугунги кунда у бир вақтнинг ўзида юз минглаб намозхонларни қабул қила олади.

▫ Масжидда 80 дан ортиқ дарвоза мавжуд бўлиб, улар орқали намозхонлар масжидга кириб-чиқадилар.

🌙 Ҳар йили миллионлаб мусулмонлар Мадинага келиб, Масжиди Набавийни зиёрат қиладилар.

🎥 Ушбу видеодаги айрим кадрлар зиёрат сафари давомида канал админи томонидан тасвирга олинган.

🕋 Яқин кунларда каналимизда Макка ва Мадина зиёрат жойлари, тарихий масжидлар ва Саудиядаги муқаддас манзиллар ҳақида яна кўплаб видеоларни кўришингиз мумкин.

Обуна бўлинг:

5,120

🏛TARIX VA SAYOHAT🌍

16-apr, 2026, 07:07

📷 Photo

✍️ Қадимги сайёҳлар излари: Миср деворларидаги ёзувлар

🇪🇬 Мисрдаги машҳур Valley of the Kings (Шоҳлар водийси) қабрлари деворларида қолдирилган қадимги ёзувлар археологлар томонидан ўқилди. Бу ёзувлар милодий I–III асрларга тегишли бўлиб, ўша даврда Миср Roman Egypt таркибида бўлган.

🔹 Шоҳлар водийси Нил дарёсининг ғарбий соҳилида жойлашган бўлиб, у ерда қадимги Миср фиръавнлари ва зодагонлари дафн этилган. ⚱️

🔹 Археологлар бу ҳудудда тахминан 2000 га яқин қадимги граффити — яъни сайёҳлар қолдирган ёзувларни аниқлашган.

🔹 Ёзувлар турли тилларда учрайди: лотин, юнон, санскрит ва бошқа қадимги тиллар. Бу эса ушбу жойга қадим замонларда ҳам сайёҳлар келганини кўрсатади. 🌍

🔹Янги тадқиқотлар давомида қадимги тамил тилида ёзилган бир нечта ёзув ҳам таржима қилинди. Уларнинг саккизтасини Чикай Корран исмли сайёҳ қолдирган.

🔹 Ёзувлардан бирида шундай сўзлар битилган:

“Чикай Корран бу ерга келди ва кўрди”.

🔹 Қизиқ жиҳати — бу ёзув қабр кириш қисмидаги деворда тахминан 6 метр баландликда жойлашган.

❗️Бу топилмалар шуни кўрсатадики, Мисрнинг машҳур ёдгорликлари қадим замонларда ҳам сайёҳлар учун қизиқарли манзил бўлган.

Обуна бўлинг:

Showing 24 of 24 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

🏛TARIX VA SAYOHAT🌍

🏛TARIX VA SAYOHAT🌍

Reyting

Obunachilar sonining o'sishi (Oxirgi 10 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

GREENCARD UZBEKISTAN | @GlobalUsername

CENTRUM HOLIDAYS

BigTrip - Arzon narxlar

New Travel | Murodbek Tavbaev

Sayohat|Tour|Trip|Путешествие

Travelkhorezm

Andijonliklar 🇺🇿

KOMPAS Uzbekistan

Tegishli Telegram kanallari

GREENCARD UZBEKISTAN | @GlobalUsername

CENTRUM HOLIDAYS

BigTrip - Arzon narxlar

New Travel | Murodbek Tavbaev

Sayohat|Tour|Trip|Путешествие

Travelkhorezm

Andijonliklar 🇺🇿

KOMPAS Uzbekistan

So'nggi postlar

Foydalanuvchi sharhlari (0)