http://telegraph.controller.bot/files/8603284201/AgACAgIAAxkBAAOsac8EAzPJJuQ6drMxoO4KKr1pAXcAAtsSaxthsnhK38Nw3POczZ4BAAMCAAN5AAM6BA http://telegraph.controller.bot/files/8603284201/AgACAgIAAxkBAAOsac8EAzPJJuQ6drMxoO4KKr1pAXcAAtsSaxthsnhK38Nw3POczZ4BAAMCAAN5AAM6BA маҳрига берадиганим"
Эй юрагим! Раҳмон дея уравердинг,
Эй забоним! Аллоҳ бор деб туравердинг.
Эй оёғим масжид томон юравердинг,
Кўп толиқдинг гоҳ етмадим қадрингга ман.
Эй биродар! Кўп чидадинг озоримга,
Эй булбулжон! Кирмай қўйдинг гулзоримга.
Эй душманим! Кирмагайсан мозоримга,
Муқаррарки, кирмагайман қабрингга ман.
Шум нафсимнинг қитолига тавба силоҳ,
Қаро кўнглим оппоқ бўлсин айла ислоҳ,
Олти кунда дунёни бор қилган Илоҳ,
Тамом бўлгум учраб қолсам қахрингга ман.
Ўралибсан бўйнимда айт надир ишинг?
Ботирмагил менга заҳар тўла тишинг.
Эй илона менми энг суймаган кишинг?
Қайдан даво топай сочган заҳрингга ман?
Юрагимнинг қадахига меҳр қуйдим,
Сендан бироз узоқлашсам ёмон куйдим.
Қучоғингда туғилдим деб фахр туйдим,
Айланмадим аммо юртим фахрингга ман.
Савобларинг ерман деган бўри-риё,
На малакман, на саҳоба, на авлиё.
Ёмон умматману Ҳотамул Анбиё,
Салом айтгим келур боргиб шаҳрингга ман.
Эй султоним! Фақир халқни қўлла, бойит,
Эй вазир! Сен султон билан жонни койит.
Бизга эркдек ҳайитлик бер, келса ҳайит,
Раҳмат айтай бир кун бориб қасрингга ман.
Разил шайтон! Эргаштирсанг жойим олов,
Оташ тўла жаҳаннамдир сенга сийлов.
Эй нафс! Сенга тулпоримдек солай жилов,
Кўп қолғонман, ҳўб қолғонман касрингга ман.
Капалакдан яшаб қўйдим бироз кўпроқ,
Тошбақадай яшасайдим оғир сўроқ.
Иштаҳанг зўр мени ерсан қора тупроқ,
Жума куни кирадиман бағрингга ман.(ИншаАллоҳ)
Ё Раб! Ўнгдан бер номаъи аъмолимни,
Кел кўр Дегин жаннат ичра Жамолимни.
Фидо қилай Сенга ҳам жон, ҳам молимни,
Кўнгил қўймай лаънатланган дахрингга ман.
Эй жаннат! Сен бунча гўзал ҳур келинчак,
Эй жаннат! Сен юзи тўла нур келинчак.
Иймон, намоз, рўза, закот, Хаж-
беш чечак,
Ол шуларни беражакман маҳрингга ман
02:07-31.03.2026
Абдураҳмон Мешаян
