Ўзбекистон Мусулмонлари Идораси Тошкент вилояти вакиллиги www.fitrat.uz расмий веб сайти канали.
Расмий саҳифаларимиз:
https://taplink.cc/fitratuz
Диний саволлар учун:
Тел: 781503344
Таклифлар учун
@fitratuzadminbot
Follow @fitratuz to stay updated with the latest wwwfitratuz and fitratuzadminbot trends and news
Reyting
Global reyting
#15804O'zgarish yo'q
Til reytingi
#73O'zgarish yo'q
Toifa reytingi
#371O'zgarish yo'q
Obunachilar sonining o'sishi (Oxirgi 17 kun ichida)
#Raddiya
Қўлларни киндик остига қўйиш – суннат амал
Бисмиллаҳир Роҳманир Роҳийм
Намозхон нигоҳини сажда қилинадиган жойга қаратади, қўллар киндикдан пастга, ўнг қўлнинг бош ва чиначоқ (жимжилоқ) бармоқлари чап қўлнинг бўғинини ушлайди. Қолган ўртадаги учала бармоқ эркин қўйилади.
Воил ибн Ҳужр розияллоҳу анҳу айтадилар: “Мен Расулуллоҳ соллаллоҳу алайҳи васалламни намозда ўнг қўлларини чап қўллари устига киндик остига қўйганларини кўрдим” (Имом Ибн Абу Шайба ривояти).
Яна бир ривоятда бундай келади: Абу Воил розияллоҳу анҳудан ривоят қилинади. Абу Ҳурайра розияллоҳу анҳу айтдилар: “Намозда кафтнинг устига кафтни қўйиб, киндик остида ушланади” (Имом Абу Довуд ривояти).
Аллома Зафар Аҳмад Усмоний мана шу ривоятни келтириб, бундай деганлар: “Муҳаммад ибн Сирин Абу Ҳурайра розияллоҳу анҳудан ҳадис ривоят қилганларида, у зотдан “Бу Расулуллоҳ соллаллоҳу алайҳи васалламданми?” деб сўрашган. Шунда Ибн Сирин раҳматуллоҳи алайҳ: “Абу Ҳурайра розияллоҳу анҳунинг ҳар бир ҳадиси Расулуллоҳ соллаллоҳу алайҳи васалламдандир”, деб жавоб берганлар.
Демак, бундан Абу Ҳурайра розияллоҳу анҳунинг ҳар бир ҳадиси марфуъ (Расулуллоҳдан келган) эканлиги келиб чиқади. Шундай қилиб, намозда қўлларни киндик остига қўйиш суннат эканлиги собит бўлган”.
Абу Жуҳайфа розияллоҳу анҳудан ривоят қилинади. Али розияллоҳу анҳу айтдилар: “Намозда қўлни қўлнинг устига қўйиб, киндик остига тушириш – суннатдир” (Имом Абу Довуд ривояти).
Бу ҳадис Имом Аҳмаднинг «Муснад»ида ҳам келтирилган. Ҳофиз ибн Ҳажар ўзининг «Тажриду завоиди муснад ал-Баззор» асарида: “Агар ҳадис «Муснади Аҳмад»да келса, бошқа Муснадларга ҳожат йўқ”, деган. Шундай қилиб, ушбу ҳадис ҳасан даражасидан тушмайди (“Эълоус сунан” китоби).
Намозда қўлни киндик остига қўйиш ҳақида “Мухтасару-л-Виқоя” китобида бундай дейилган: “(Намоз ўқувчи) ўнг қўлини чап қўлининг устига қилиб, киндик остига қўяди”.
Намозда қўлни киндик остида тутишнинг баъзи афзалликлари ҳақида “Музмарот” китобидан бундай дейилган: “Қўлни киндик остида тутиш – камтарликка яқинроқдир, хушуъ ва аврат аъзоларини ёпилишига олиб борувчироқдир, изорни тушиб кетишдан сақлагувчироқдир”.
Демак, намозда қўлни қаерда тутиш ҳолати ҳақидаги ҳадисларни мувофиқлаштириш керак бўлади. Уни эса фақат ижтиҳод қилишга қодир уламоларимиз аниқлаб берадилар.
Ҳанафий мазҳабимиз мужтаҳидлари юқоридаги ҳадисларга асосланиб, эркаклар қўлларини киндик остида тутадилар дейишган. Қолаверса ушбу ҳолат эркакларда таъзим ва хушуъга яқинроқдир.
Даврон НУРМУҲАММАДнинг
“Суннатга мувофиқ намоз ўқинг” китобидан олинди.
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
Fitrat.uz
16-may, 2026, 04:47
📷 Photo
Ҳаракат қилиш ва интилиш - бандадан
Бизга ризқ берувчи Зот Аллоҳдир, лекин У ризқни тўғридан-тўғри оғзимизга ёки қучоғимизга ташлаб қўймайди. Бизнинг вазифамиз — ҳаракат қилиш, Аллоҳнинг иши эса — муваффақ қилиш (тавфиқ бериш)дир.
«Унинг (ернинг) турли жойларида юринглар ва Унинг ризқидан енглар» (Мулк сураси, 15-оят).
Ҳатто сурункали ва оғир дардга чалинган Айюб алайҳиссаломга ҳам Роббиси бундай деган эди:
«Оёғинг билан (ерни) теп! Мана бу чўмиладиган муздек сув ва ичимликдир» (Сод сураси, 42-оят).
Ҳатто тўлғоқ азобида турган Биби Марямга ҳам Аллоҳ таоло:
«Хурмо шохини ўзингга қараб силкит, у сенга янги пишган хурмоларни тўкади», — деди (Марям сураси, 25-оят).
Пок ва Муқаддас Зот хурмони унинг қучоғига шунчаки ташлаб қўймади. Балки энг қийин лаҳзада — тўлғоқ азобида бўлишига қарамай, унга:
«Хурмо шохини ўзингга қараб силкит», — деб буюрди.
Демак, ҳаракат қилиш ва интилиш — матлубдир.
Ҳомиджон қори ИШМАТБЕКОВ
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Qasim-Jomart Toqayev bilan birgalikda Turkiston shahrida Oʻzbekiston tomonidan bunyod etilgan masjid bilan https://president.uz/oz/lists/view/9210
—
ЖУМАНИНГ СУННАТЛАРИ:
1. Жума учун ғусл қилиш.
2. Хушбўй нарсалар суртиш.
3. Чиройли кийимлар кийиш.
4. Жумага виқор ва сакина билан эрта бориш.
5. Жума куни баданни тозалаб, ҳайъатни гўзал қилиш.
6. Жума куни Каҳф сурасини қироат қилиш.
7. Жума куни ва кечаси дуони кўп қилиш.
8. Жума куни ва кечаси Расулуллоҳ соллаллоҳу алайҳи васалламга кўп салавот айтиш.
9. Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш.
10. Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир.
11. Жума намозининг фарзидан аввал ва кейин тўрт ракъатдан суннат намози ўқиш.
12. Жумада мудраган одам бошқа ерга ўтиб олиши.
"Кифоя" китобидан.
Дўстларингизга ҳам улашинг:
https://t.me/joinchat
#Ҳадис
Ким Аллоҳнинг тақсимотига рози бўлса
Бисмиллаҳир Роҳманир Роҳийм
حدثنا العباس الدوري نا أبو الربيع الزهراني أنا سعيد بن زكريا عن عنبسة بن عبد الرحمن عن المعلى بن عرفان عن شقيق بن سلمة عن عبد الله بن مسعود قال: قال رسول الله صلى الله عليه وسلم: من رضي بما قسم الله له دخل الجنة.
Абдуллоҳ ибн Масъуд розияллоҳу анҳудан ривоят қилинади. Расулуллоҳ соллаллоҳу алайҳи ва ъалаа олиҳи васаллам: “Ким Аллоҳнинг тақсимотига рози бўлса, жаннатга киради”, дедилар.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
Роббинг ким? Пайғамбаринг ким? Дининг нима?
Бисмиллаҳир Роҳманир Роҳийм
Югурдим хоҳишларим ортидан, улар этдилар мени қул,
Гар қилсам эди қаноат мен бўлардим ҳур, бўлмасдим бир пул.
Эътибор қилинг, қанчадан-қанча авлодлар алмашди, уларнинг бирортаси йиққан мол-дунёси, қурган қасрлари, эгаллаган мансабларини ўзи билан олиб кетди-ми? Йиққан олтин-у кумушлари билан дафн этилди-ми ёки охират диёрига ўзларининг машиналари-ю самолётлари билан кўчиб ўтишди-ми? Йўқ, албатта! Ҳатто кийимларидан ҳам маҳрум қилинишди ва қабрга фақатгина кафанлари билан киритилишди. Сўнгра улардан сўров бошланди: Роббинг ким? Пайғамбаринг ким? Дининг нима?
Шундай экан сиз ана шу кун учун тайёргарлик кўринг. Дунё матоҳларини деб маҳзун бўлманг, афсус чекманг. Чунки улар ўткинчи, сизнинг фақатгина солиҳ амалларингизгина қолади. Аллоҳ таоло айтади:
﴿مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ﴾
“Эркагу аёл, ким мўмин ҳолида яхши амал қилса, Биз унга яхши ҳаёт кечиртирамиз ва албатта, уларни қилиб юрган амалларининг энг гўзалига бериладиган ажр ила мукофотлармиз” (Наҳл сураси, 97-оят).
Шуъла: Касаллик – унда хушхабари бўлган мактуб, саломатлик эса бадали тўланиши керак бўлган безакдир.
Доктор Оиз ал-Қарнийнинг
"Дунёдаги энг бахтли аёл" китобидан
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
#Ҳадис
Аллоҳ бир бандасини яхши кўрса...
Бисмиллаҳир Роҳманир Роҳийм
Ибн Масъуд розияллоҳу анҳу ёки Набий соллаллоҳу алайҳи ва ъалаа олиҳи васалламнинг бошқа саҳобаларидан ривоят қилинади. У зот алайҳиссалом: “Аллоҳ таоло бир бандасини яхши кўрса, уни синовга учратади. Бандасига бўлган муҳаббати туфайли бандасининг овозини эшитиш учун бало етади”, дедилар.
“Муснади Шоший” асаридан
Даврон НУРМУҲАММАД таржимаси
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
❔ ТЎҒРИ АҚИДА – АБАДИЙ САОДАТ ЙЎЛИ:
❓ Ақидага оид савол-жавоблар
🎙Абдулқодир домла ПАРДАЕВ – Тошкент ислом институти катта ўқитувчиси.
00:00 Кириш
01:34 "Ажалимдан беш кун олдин ўлдиради" ибораси ҳақида.
04:17 Насибангни қолдирма! Ризқингни бошқаси еб кетади тушунчасига изоҳ.
06:32 Тақдир олдиндан белгилаб қўйилган бўлса исталганча гуноҳ қилаверса бўладими?
10:48 Ҳар қандай қийинчилик ва мусибатнинг етиши фақат гуноҳ сабаблими?
13:00 “Дори ичиб, тузалдим. Дори дардимни тузатди” дейиш нотўғри бўладими?
16:10 "Фалончининг кўзи тегди" деса тўғри бўладими? Кўз тегиши бор нарсами?
18:11 Кўзмунчоқ, исириқ, гаримдори, тақа илиб қўйиш бор нарсами?
19:41 "Ғийбатларни ер бориб етказмасин!" деган иборага изоҳ.
20:52 "Ёмғир ёғиши жонга тегди" деса одобсизлик бўладими?
22:16 "Омад" сўзи динимизга зидми?
23:58 “Агар мен боқмасам, ҳамманг оч қоласан!” дейиш гуноҳми?
25:22 Пирим қўлласин! ибораси ҳақида.
27:38 Иймон зиёда бўладими?
30:15 “Қайси гуноҳим учун шунча синов келяпти?!” деб нолиш тўғри бўладими?
31:38 "Ўлган ўртоғимнинг қолган умрини болаларига берсин!" деб дуо қилиш ҳақида.
33:00 100 йилдан кейин авлиёнинг қабрини очишса чиримабди. Тана чиримаслиги бор нарсами?
36:31 Нега дуо қилганда осмонга қаралади? Аллоҳ осмондами?
38:01 "Пешонангга нима ёзилган бўлса, ўшани кўрасан" ибораси ҳақида.
40:03 "Фариштали инсон экан" ибораси. Ҳар бир инсон билан доимо фаришта бирга юрадими?
42:12 Валийларнинг каромати ҳақми?
44:21 "Вафот этаётганда калима келтириб қолсанг бўлди" деб тасалли бериш тўғри бўладими?
46:56 Ибодатлар бандани жаннатга олиб кирадими?
49:03 Ўлган киши қабрда қандай азобланади?
54:35 Аллоҳ "ол қулим" деб қўл чўзса ажабмас ибораси ҳақида.
😎 https://www.youtube.com/watch?v=4cAXhp_UPlE
✅ Ўзбекистон мусулмонлари идораси
Матбуот хизмати
📱ISHONCHLI VA RASMIY MANBA📲OBUNA BO'LING
▶️ https://www.youtube.com/@Muslimuzz/featured | 📷 https://www.instagram.com/muslimuzportali/ | 🔵 https://www.facebook.com/muslimuzportal
Fitrat.uz
2-apr, 2026, 04:17
📷 Photo
Дангасалик - муваффақиятсизлик дўсти
Бисмиллаҳир Роҳманир Роҳийм
Ғолиб от эгари дунёда энг азиз макон,
Китоб яқин дўстингдир сенинг, бўлсанг китобхон.
Сиз доимо нимадир билан машғул бўлишингиз ва бўшашиб, дангасалик қилиб бекорчи бўлмаслигингиз лозим. Бунинг учун сиз ўрнингиздан туриб уйингиз ва дарсхонангизни тозаланг, вазифаларингизни бажаринг, намоз ўқинг, Қуръон ёки бирор фойдали китобларни ўқинг, фойдали бирор нарса тингланг ёки қўшниларингиз ва дўстларингиз билан сизларни Аллоҳ томон яқинлаштирадиган мавзуларда суҳбат қуринг. Шунда сиз саодат, мамнуният ва шодликни чинакамига ҳис этасиз. Ҳеч қачон бўш вақтингизни бекорчилик билан ўтказманг. Чунки беҳуда юриш инсонга ғам-қайғу, васваса ва хафалик келтиради. Бу нарсаларни эса фақатгина бирор фойдали иш билан машғул бўлишгина кетказади.
Уй ичида чиройли кўринишингиз ва хушбўйланиш учун ташқи кўринишингизга ҳамда уй ичини тартибли сақлашга алоҳида эътибор қаратинг. Эрингиз, фарзандларингиз, дўст ва яқинларингиз билан гўзал муомала қилинг ҳамда улар билан доимо табассум ва очиқкўнгиллик билан гаплашинг.
Гуноҳ ишлардан жуда эҳтиёт бўлинг. Хусусан, ҳаром этилган нарсаларга назар солиш, бегона эркаклар учун ўзига зеб бериш ва улар билан холи қолиш, лаънатлаш, сўкиш, ғийбат қилиш, эрнинг ҳаққини билмаслик каби аёлларда кўп учрайдиган гуноҳлардан четда бўлинг. Бу гуноҳлар аёлларимиз орасида кенг ёйилиб бормоқда. Ундан фақат Аллоҳ раҳм қилганларгина омонда қолиши мумкин. Аллоҳ таолонинг ғазабидан эҳтиёт бўлинг ва У зотдан қўрқинг. Чунки Унга тақво қилиш бахтли бўлишингиз ва қалбингиз хотиржамлиги кафолатидир.
Шуъла: Агар ташвиш келиб, ғам-қайғу кўпайса “Лаа илаҳа иллаллоҳ“, (Аллоҳдан ўзга илоҳ йўқ) деб айтинг.
Доктор Оиз ал-Қарнийнинг
"Дунёдаги энг бахтли аёл" китобидан
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
🕋🕋🕋🕋
#КУН_ОЯТИ
Судхўрлар (қиёмат куни қабрларидан) жин чалиб кетган одам каби (ҳолатда) қўпадилар. Бунинг сабаби – уларнинг: «Байъ (савдо-сотиқ) ҳам судхўрликнинг худди ўзи» деган гаплари (ақидалари) дир. Ҳолбуки, Аллоҳ байъни ҳалол, судхўрликни (эса) ҳаром қилган. Бас, ким Раббидан насиҳат етгач, (судхўрликдан) тўхтаса, у ҳолда аввалги ўтгани – ўзига ва унинг иши Аллоҳга (ҳавола). Ким яна (судхўрликка) қайтса, ўшалар дўзах аҳлидирлар ва улар унда абадий қолувчилардир.
Бақара сураси 275-оят
Ижтимоий тармоқлардаги саҳифаларимиз:
👤 https://www.facebook.com/fitratuz 🎥 https://www.youtube.com/@fitratuz1735 ✈️ https://t.me/joinchat 📸 https://www.instagram.com/fitrat.uz/
Fitrat.uz
2-apr, 2026, 04:17
📷 Photo
Исломий банк фаолиятини тартибга соладиган қонун қабул қилинди
Исломий банк фаолиятини йўлга қўйиш учун Марказий банк лицензияси талаб этилади. Мазкур лицензия амал қилиш муддати чекланмаган ҳолда берилади ва лицензияларни ёки уларга доир ҳуқуқларни бошқа шахсларга ўтказиш тақиқланади.
Банкнинг исломий молия операциялари жумласига қуйидагилар киради:
- фойдани тақсимлаш шарти асосида мижозни молиялаштириш ёки пул маблағларини инвестициявий омонатларга жалб этиш;
- вакиллик шартномаси орқали пул маблағларини бериш ёки инвестициявий омонатларга жалб этиш;
- товарни насияга сотиш орқали мижозни молиялаштириш;
- товарлар учун олдиндан ҳақ тўлаш орқали мижозни молиялаштириш;
- биргаликдаги фаолиятни (шерикчилик) амалга ошириш ёки юридик шахсларнинг устав капиталида иштирок этиш орқали мижозни молиялаштириш;
- мол-мулкни исломий ижарага бериш (сотиб олиш ҳуқуқи билан).
Қонун расмий эълон қилинган (29 март) кундан 3 ой ўтгач https://muslim.uz/oz/e/post/46492-islomiy-bank-faoliyatini-tartibga-soladigan-qonun-qabul-qilindi
✈️ https://t.me/joinchat 👤 https://www.facebook.com/fitratuz 🎥 https://www.youtube.com/@fitratuz1735 📸 https://www.instagram.com/fitrat.uz/
Дўстларингизга ҳам улашинг:
https://t.me/joinchat
Ассалому алайкум ва раҳматуллоҳ!
Янги тонг муборак бўлсин.
Аллоҳ сизни ўз паноҳида асрасин.
Қалбингизни нур билан ёритиб қўйсин.
Ҳар бир амалингиз қабул бўлсин.
Кунингиз баракали ўтсин.
