Qarorlar soyasida

Public

Kanalni ko'rish

Qo'shila olmaysizmi? @grdirector

3.3k A'zolar

Yangilangan: August 22, 2026 at 8:39 PM

Qarorlar soyasida

💡Vice President for Strategic Development of Yandex Uzbekistan 🎓PhD in Economics, Skolkovo School Bu yerda siz hukumat bilan aloqalar olamiga “orqa eshik”dan kirib borasiz. Tajriba, tavsiyalar, keyslar - va biroz kulgu

@grdirector is a dedicated channel for vice and development with regular updates in Siyosat

Reyting

Global reyting

#76259

-371

Til reytingi

#453

Toifa reytingi

#1301

-1

Obunachilar sonining o'sishi (Oxirgi 4 kun ichida)

Jami: 3.3K

24 soatlik o'sish: +1.3K 63%

So'nggi postlar

Qarorlar soyasida

25-apr, 2026, 15:38

📷 Photo

🟣 Stanford professori bilan uchrashuv

Yandex Uzbekistan ML School doirasida Stanford University dagi Mineral-X dasturi direktori va hammuassisi David Zhen Yin bilan ochiq ma’ruza o‘tkazdik.

Uchrashuv tezda oddiy leksiya formatidan chiqib, ilm-fan va sanoat kesishgan nuqtadagi jonli muhokamaga aylandi.

Bu - bir yil oldin qo‘yilgan maqsadning natijasi: global darajadagi ekspertlarni Toshkentga olib kelish va bilimlarni shu yerning o‘zida ochiq qilish.

Agar siz yetakchi universitetlar yoki tadqiqot markazlarida ishlaydigan mutaxassislarni bilsangiz - ularning LinkedIn profilini yuboring. Biz ularni O‘zbekistonga olib kelamiz.

1,660

530

Qarorlar soyasida

25-apr, 2026, 15:38

🎥 Video

5 yil ichida taksi va yetkazib berish sohasidagi ayollar soni 970 nafardan 5 000 nafarga yetdi

O‘sish - 5 barobar. Lekin buni erkin ish jadvali yoki yangi imkoniyatlar deb o‘ylamang. Bu shunchaki ulardan ruxsat so‘rab o‘tirmaydigan hayotiy majburiyatlar tufayli.

Maktab, dori-darmon va yegulik o‘rtasidan birini tanlash kerak bo‘lganda, qulaylik haqida o‘ylamaysan. Shunchaki tirikchilik uchun zarur ehtiyojlarni qoplashning istalgan yo‘lini tanlaysan.

Qo‘lida go‘dagi bilan chiqqan ayol voqeasini eslaysizmi? Ijtimoiy tarmoqlar “portladi”. Kimdir yordam berdi. Boshqalar esa o‘z “beparvo emasligini” kameraga muhrladi - og‘riq kontentga aylansa, internetda hamdard bo‘lish osonroq.

Ammo asl haqiqat shovqin-suronsiz kechadi. Layklarsiz. U jazirama, tiqilinch, bekor qilingan buyurtmalar va miyadagi yagona savoldan iborat: kunni kunga ulab yashash uchun yana qancha ishlash kerak?

ONA jamg‘armasi va Yandex Uzbekistan yetkazib beruvchi ayollarni qo‘llab-quvvatlash dasturini ishga tushirdi.

Balandparvoz va’dalarsiz. Har bir vaziyat alohida yondashuvni talab etadi: kimga huquqiy yordam, kimga oddiy buyumlar, kimga esa shunchaki o‘zini tiklab olishi uchun bir oz tanaffus kerak.

Dastur hayot zarbalariga bardoshi deyarli qolmaganlar uchun mo‘ljallangan: yolg‘iz onalar, xastalikka chalinganlar, oilasida nogironligi bor shaxslar.

Bu dunyoni qutqarish yoki qiyinchiliklarni yengish haqidagi go‘zal hikoyalar emas.

Bu insonga bir oz yengillik bag‘ishlaydigan aniq bir lahza haqida. Ba’zan sinib qolmaslik uchun aynan shuning o‘zi yetarli bo‘ladi. Va nafaqat tirik qolish, balki qaytadan yashay boshlash uchun ham.

Qarorlar soyasida

25-apr, 2026, 15:38

📷 Photo

🚑 Tez yordam xizmati bo‘yicha Respublika ilmiy konferensiyasida ishtirok etdik. Unda 15 dan ortiq davlatdan mutaxassislar qatnashdi.

Respublika tez yordam ilmiy markazi bilan hamkorlikda amalga oshirilgan loyihamiz doirasida (MedData 103) xarita API texnologiyalari joriy etilib, tez yordam brigadalarini real vaqt rejimida kuzatish xizmati yo‘lga qo‘yildi.

Tez yordam avtomobillari planshetlar bilan jihozlangan. Operator chaqiruvni qabul qilgach, barcha ma’lumotlar darhol brigadaga yetkaziladi: aniq manzil, eng qulay yo‘nalish va joriy yo‘l harakati holati.

Natijada brigadalarning yetib borish vaqti sezilarli darajada qisqardi. Bu esa - saqlab qolingan hayotlar.

6,820

Qarorlar soyasida

25-apr, 2026, 15:38

📷 Photo

🟣Stanford universiteti professori Toshkentda - o‘tkazib yubormang!

13-aprel kuni Yandex Uzbekistan qoshidagi ML School Stenford universiteti professori va real sanoat loyihalarida eng murakkab muammolarni hal qilish uchun sun’iy intellekt va ma’lumotlar fanidan foydalanadigan mutaxassis David Zhen Yin ishtirokida ingliz tilida ochiq ma’ruza o‘tkazadi.

U o‘z nutqida zamonaviy texnologiyalar ilmiy tadqiqotlardan tortib Chevron va Equinor kabi yirik kompaniyalarning vazifalarigacha bo‘lgan keng ko‘lamli loyihalarda noaniqlik bilan ishlash va qarorlar qabul qilishda qanday yordam berishi haqida so‘zlab beradi.

Ma’ruza 13-aprel kuni soat 16:00 da "School 21"da bo‘lib o‘tadi.

Bu jahon darajasidagi mutaxassisni jonli tinglash uchun noyob imkoniyat https://forms.yandex.ru/surveys/13842711.5e3df388c021be963002b3daadc7b693fdef0764/?utm_source=corp&utm_medium=yandexuzdev ⬅️

https://t.me/yandexuzdev | https://yandex.uz/fordevelopers?utm_source=tg&utm_medium=social&utm_campaign=post_100625&utm_term=yandexuzdev

Qarorlar soyasida

25-apr, 2026, 15:38

📷 Photo

Prezident raisligida o‘tgan sportni rivojlantirishga bag‘ishlangan yig‘ilishda qatnashdim.

E’tiborimni tortgan bir nechta raqamlar:
Mamlakatimizda 407 ming kishi muntazam sport bilan shug‘ullanadi, ulardan 83 ming nafari - Toshkent shahri hissasiga to‘g‘ri keladi.

Maqsad - bu ko‘rsatkichni 1 millionga yetkazish. 4000 ta sport inshooti, 256 ta OTM va 310 ta sport maktabini yagona tizimga birlashtirish rejalashtirilmoqda.

Sport anjomlari importiga yiliga 35 min $ sarflanadi, qizig‘i, hatto eng oddiy jihozlar ham chetdan olib kelinadi. Ishlab chiqarishni mahalliylashtirish reja qilinmoqda.

Murabbiylar dual ta’lim tizimi asosida tayyorlanadi: nazariya kamroq, amaliyot ko‘proq bo‘ladi.

Biz o‘z navbatida butun O‘zbekiston bo‘ylab sport inshootlari haqidagi ma’lumotlarni yangilab boryapmiz.

Agar farzandingizni biror sport to‘garagiga bermoqchi bo‘lsangiz, eng yaqin manzillarni Yandex Xaritalar orqali topishingiz mumkin.

Maqsad - sportni haqiqatan ham ommaviy va samarali tizimga aylantirish.

1,840

Qarorlar soyasida

25-apr, 2026, 15:38

🎥 Video

Bugun juda og‘riqli bir videoga ko‘zim tushdi. Bir guruh yoshlar eshitishida muammosi bor taksichini ataylab kamsitib, uni haqorat qilishdi va masxara qilishdi. Oradan ko‘p o‘tmay, ular videoda uzr so‘rab, barchasini «prank» edi deb oqlashga harakat qilishdi.

Shu kabi insonlarning aslida or-nomusi toptalganini ko‘rib, yurak og‘riyapti. Chunki O‘zbekistonda faqatgina Yandex Taksi xizmatida eshitishida muammosi bor 700 dan ortiq haydovchi ishlaydi, boshqa agregatorlarni inobatga olsak, bu raqam 1000 dan ortiq. Bu kabi xatti-harakatlar - nafaqat kasb egalariga, balki insoniy qadriyatlarga bo‘lgan hurmatsizlikdir.

Internet va ijod erkinligi haqida ko‘p gapiramiz, ammo erkinlik boshqa birovning sha’nini toptash huquqini bermaydi. Umid qilaman, tegishli idoralar bu holatni e’tiborsiz qoldirmaydi va buning oldini oladi. Qayerda va kim bo‘lishimizdan qat’i nazar, insoniylikni unutmaylik.

1,910

Qarorlar soyasida

25-apr, 2026, 15:38

🎥 Video

Yangi bosqich: Yandex Uzbekistan- G‘azalkent homiysi

«G‘azalkent» - bu shunchaki futbol klubi emas. Bu orzular ilk bor maydonga tushadigan joy. Bu yerda oddiy o‘yinchilar emas, kelajak tarixini yozadigan insonlar ulg‘ayadi.

Shu maydondan yo‘lini boshlaganlar orasida Ravshan Irmatov - jahon futbolida o‘z nomini oltin harflar bilan yozgan hakam, Viktor Karpenko, hamda O‘zbekiston milliy terma jamoasining sobiq bosh murabbiyi Vadim Abramov bor. Bu nomlar - tasodif emas. Bu «G‘azalkent» ruhining natijasi.

Bugun biz «G‘azalkent»ni qo‘llab-quvvatlabgina qolmay, uning orzulari va ambitsiyalariga sherik bo‘layapmiz.

Chunki biz ishonamiz: katta g‘alabalar kichik maydonlardan boshlanadi. Va ertaga butun mamlakat faxrlanadigan yangi yulduzlar aynan shu yerdan porlaydi.

«G‘azalkent» - bu boshlanish. Va eng zo‘r hikoyalar hali oldinda. Olg’a !!!

1,690

Qarorlar soyasida

25-apr, 2026, 15:38

🎥 Video

“Nurli maskan” maktab-internatlari o‘quvchilari o‘rtasidagi Asosiy fan olimpiadasi Joriy yilning 24–27 mart kunlari Samarqand shahrida “Nurli maskan” maktab-internatlari o‘quvchilari o‘rtasidagi Asosiy fan olimpiadasining Respublika bosqichi bo‘lib o‘tdi.…

2,010

523

Qarorlar soyasida

25-apr, 2026, 15:38

📷 Photo

Madaniy meros o‘z-o‘zidan yashamaydi. Uni qayta anglash va bizdan keyingilarga tushunarli tilda yetkazish lozim.

Kulol Rustam Muzaffarov bilan hamkorlikda boshlagan “Bir dasturxon atrofida” nomli loyihamiz meni chinakamiga hayratga soldi. Bu, bir qarashda, uchta kosadan iborat to‘plamdek tuyuladi. Ammo har birining zamirida o‘tmish, hozirgi kun va kelajak g‘oyalari mujassam.

Ayniqsa, kelajak kosasi menga juda yaqin. Uning naqshlari shunchaki texnologiya uchun emas, balki an’ana o‘zligini yo‘qotmagan holda rivojlana olishini ko‘rsatish maqsadida neyrotarmoq yordamida yaratilgan.

Rustamaka Shahrisabzning ko‘p avlodli kulolchilik maktabi vakili. Uning ishlari Ermitaj va Metropoliten muzeylarida saqlanadi. Shuni yodda tutish muhim: o‘zbek kulolchiligi mintaqaviy hodisa emas, bu - jahon madaniy merosining bir qismi.

Shuningdek, loyihada https://zastolom.uz/uz ham mavjud bo‘lib, u yerda har kim o‘z ildizlariga tayanib, o‘z oilasining naqshini yarata oladi. Menimcha, merosga bo‘lgan chinakam hurmat muzeyda asrash emas, balki uning ana shunday jonli davom ettirilishidir.

Bugun biznes ana shunday hikoyalarning bir qismi bo‘la olayotganidan xursandmiz.

Qarorlar soyasida

25-apr, 2026, 15:38

📷 Photo

“Nurli maskan” maktab-internatlari o‘quvchilari o‘rtasidagi Asosiy fan olimpiadasi

Joriy yilning 24–27 mart kunlari Samarqand shahrida “Nurli maskan” maktab-internatlari o‘quvchilari o‘rtasidagi Asosiy fan olimpiadasining Respublika bosqichi bo‘lib o‘tdi.

Ushbu olimpiada ko‘zi ojiz va zaif ko‘ruvchi iqtidorli o‘quvchilar uchun o‘z bilim va iste’dodlarini namoyon etish, o‘zaro tajriba almashish va yangi marralarni zabt etish imkonini yaratdi.

Tadbir doirasida ishtirok etib, g‘olib va faol qatnashchilarni taqdirlash marosimida qatnashdik. O‘quvchilarning intilishi, bilimga bo‘lgan qiziqishi va qat’iyati alohida e’tiborga loyiq.

G‘olib va faol ishtirokchilarga esdalik sovg‘alari sifatida Yandex Alisa aqlli kolonkalari topshirildi.

Ishonamizki, bu kabi tashabbuslar yoshlarning rivojlanishiga, ularning salohiyatini yuzaga chiqarishga va kelajakda katta natijalarga erishishiga xizmat qiladi.

1,830

Showing 10 of 10 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Qarorlar soyasida

Qarorlar soyasida

Reyting

Obunachilar sonining o'sishi (Oxirgi 4 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

PREZIDENT MAKTABLARIGA TAYYORLOV

Rahmonov Sherzod Shuxratovich

Yoshlar parlamenti

Бахтиёр Адилов

МИД Беларуси 🇧🇾

KarPressa

Xalq deputatlari Boyovut tumani Kengashi

Oʻzbekiston Xalq demokratik partiyasi

Tegishli Telegram kanallari

PREZIDENT MAKTABLARIGA TAYYORLOV

Rahmonov Sherzod Shuxratovich

Yoshlar parlamenti

Бахтиёр Адилов

МИД Беларуси 🇧🇾

KarPressa

Xalq deputatlari Boyovut tumani Kengashi

Oʻzbekiston Xalq demokratik partiyasi

So'nggi postlar

Foydalanuvchi sharhlari (0)