Jurnalistuz

Public

Kanalni ko'rish

Qo'shila olmaysizmi? @jurnalistuz

17k A'zolar

Yangilangan: June 27, 2026 at 4:10 PM

Jurnalistuz

"Ҳақиқий журналистика бошқа ҳеч ким ёза олмаган мавзуни кўтаришдир, қолган ҳаммаси пиар ҳисобланади" Мурожаат учун: @jurnalistuz_bot

Join @jurnalistuz for exclusive jurnalistuz_bot content and discussions in 25

Reyting

Global reyting

#456

Til reytingi

#45

Toifa reytingi

#23

-1

Obunachilar sonining o'sishi (Oxirgi 17 kun ichida)

Jami: 17.0K

24 soatlik o'sish: +0 0%

So'nggi postlar

Jurnalistuz

11-may, 2026, 13:36

🎥 Video

Шароит ҳудди самолётдаги каби!

Тошкент-Хоразм йўлига қўйилган Жалолиддин Мангуберди замонавий, тезюрар поезди

Тошкент – Хива йўналишида «Жалолиддин Мангуберди» тезюрар поезди қатнови 3 майдан бошланган

▪️Поезд 7 соат 30 минутда манзилга етиб боради.

▪️Чипта нархи 780 минг сўм.

▪️Қатнов кунлари:
- Тошкент → Хива: ҳафтанинг сешанба, пайшанба, шанба кунлари;
- Хива → Тошкент: ҳафтанинг чоршанба, жума, якшанба кунлари.

▪️Ҳаракат жадвали:
- Тошкент Марказий вокзали → Хива (жўнаш: 07:00; Етиб бориш: 14:31)
- Хива → Тошкент Марказий вокзали (жўнаш: 07:20; Етиб бориш: 14:51)

___

Мана, биз ҳам тезюрар поездларимиз билан мақтанарканмизу. Фақат , бизда ҳам бор тезюрарлар.

3,830

Jurnalistuz

11-may, 2026, 13:36

🎥 Video

Ўзбекистонда юқоридаги гигант ташкилотлар ҳаммани рози-ризочилиги билан 14 миллиард доллар пулни хазм қилиб юборишган.

Ўзбекистонда солиқ деган ташкилот тиш тирноғи билан жар солиб, оддий кичик тадбиркорлар билан курашаётган бир пайтда....

___

Қалампир.уз сайти томонидан тайёрланган видеолавҳада миллионлар ҳақида эмас, балки миллиардлар ҳақида гап боради. Даҳшатли рақамлар, оддий халқ тушида ҳам кўрмайдиган суммалар, эгасидан бошқасини бойитмайдиган корхоналарга давлат томонидан берилаётган имтиёзлар ва уларнинг натижалари ҳақидаги таҳлил сизни ҳам ҳайратга солади.

3,750

Jurnalistuz

11-may, 2026, 13:36

📷 Photo

Расман: 11-май куни мактабларда ўрта ва юқори синфлар учун дарслар бўлади. Бошланғичлар ва давлат боғчаларидаги болаларга дам олишга руҳсат берилади.

Давлат боғчалари душанба куни ёпиқ бўлади — дам олиш куни 9-май байрами муносабати билан кўчирилди. Бироқ, мактабларда ўрта ва юқори синф ўқувчилари одатий ўқиш кунларини давом эттирадилар.

11-май бошланғич синф ўқувчилари учун дам олиш куни деб эълон қилинди.

___

Байрам арафасида 5 кун ишлайдиганлар 3 кун дам олади, 6 кун ишлайдиганлар эса 2 кун дам олади. Қани мантиқ? Байрам кунлари дам олиш тартиби барча учун бир хил ва адолатли бўлиши керакмасми? Масалан, ўқитувчилар 6 кун ишлайди. Нега улар "ердан чиққан қўзиқорин"ми?

4,830

Jurnalistuz

11-may, 2026, 13:36

🎥 Video

Опа бунақа тешикни илк бор кўряпти, шекилли. )

4,000

107

Jurnalistuz

11-may, 2026, 13:36

🎥 Video

Ҳурматли ҳайдовчилар ЙПХ ходимига пул берманг!

Андижон вилоятида маст ҳолатда транспорт воситасини бошқарган ҳайдовчи ўзига нисбатан чора кўрмаслиги учун ЙПХ ходимига 9 миллион сўм пора таклиф қилган вақтда қўлга олинди.

Айни вақтда ИИВ инспекция ходимлари томонидан республика бўйлаб рейд тадбирлари олиб борилмоқда. Қонунбузарликларга йўл қўйманг!

___

Ўзи қонунбузарлик қилиб, устидан яна пора таклиф қилиш — жамиятдаги масъулият тушунчасининг сусайиб бораётганини кўрсатади. Афсуски, шундай ҳолатлар кўпайиши жамият таназзулидир.

4,760

Jurnalistuz

11-may, 2026, 13:36

📷 Photo

Соғлом иш муҳити нима?

Бутунжаҳон меҳнатни муҳофаза қилиш куни муносабати билан ОКМКда семинар ташкил этилиб, унда вазирлик мутахассислари, олий таълим ва илмий-тадқиқот муассасалари профессор-ўқитувчилари, саноат хавфсизлиги инспекцияси ҳамда корхона мутасаддилари иштирок этди.

Семинар давомида қулай иш муҳити яратиш, касб касалликлари профилактикаси, стрессни бошқариш ва меҳнат шароитларини яхшилашга оид маърузалар қилинди. Тадбир якунида фаол ходимлар тақдирланиб, махсус кийимлар ва ҳимоя воситалари кўргазмаси ташкил этилди.

____

Корхона нафақат ишлаб чиқариш, балки ижтимоий йўналишда ҳам илдамлаётгани сизларга ҳам сезилдими? Бу нимани англатишини биласизми?

4,040

Jurnalistuz

11-may, 2026, 13:36

📷 Photo

Ўзбекистон, Қозоғистон ва Қирғизистон ёзги сув тақсимоти бўйича келишувга эришди

Тошкентда ўтган учрашувда уч давлатнинг сув хўжалиги ва энергетика соҳаси раҳбарлари Тўқтоғул сув омборидан келаси икки ойда чиқариладиган сув ҳажми ва жадвалини белгилаб берувчи протоколни имзолади.

___

Бу яхши хабар, айниқса фермеру деҳқонлар учун. Чунки ёзги сув тақсимотининг аниқ режа асосида йўлга қўйилиши фермер ва деҳқонларнинг меҳнатини енгиллаштиради, ортиқча оворагарчилик ва тортишувларни камайтиради. Сув муаммоси ҳал этилса, далалар унумдорлиги ошади, бозорларимизда тўкин-сочинлик бўлади.

4,050

Jurnalistuz

11-may, 2026, 13:36

🎥 Video

Расмий ишга кирайлик десак, диплом йўқ. Диплом олайлик деб имтиҳон ҳисоботларни топширай десак, расмий ишга кирмагансан, деб биздан ҳеч нарса қабул қилишмаяпти, деб ёзмоқда Кимё технологиялари институти талабалари.

___

Бу мурожаат кўплаб институт талабалари томонидан тарқалди. Олий таълим, фан ва инновациялар вазирлиги томонидан амалдаги тартибга кўра, битирув малакавий ишига киритиш ёки диплом беришда иш билан бандликка оид қўшимча ҳужжатлар талаб қилинмайди, деб муносабат беришибди.

Ташкилот ички тартиб-қоидасига кўра, бу вазиятда ички тартибимиз, деб қутилишади. Балога қолган яна олийгоҳлар.

Битта сир айтайми, президент йиғилишда битирувчиларни иш билан таъминламаган ректорларни ишдан олиб ташлаш бўйича огоҳлантирган эди. Шунинг учун олийгоҳ раҳбарлари жон-жаҳди билан ишга жойлаштиришнинг ҳар хил йўлларни қилишаётгандир.

6,000

Jurnalistuz

11-may, 2026, 13:36

📷 Photo

Санэпидқўм тизимида 880 та штат қисқартирилади

Президент фармонига мувофиқ соғлиқни сақлаш бошқарув тизими қайта ташкил этилмоқда. Янги тартибга кўра бир қатор янги марказ ва инспекциялар тузилади, айрим тузилмалар эса тугатилади.

Қарорга кўра, Санитария-эпидемиологик осойишталик қўмитаси тизимидаги ташкилотлардан 880 та штат бирлиги мақбуллаштирилади. Шу ҳисобидан соҳа учун янги йўналишларда штатлар қайта тақсимланади.

Шунингдек, вазирлик ҳузурида Клиник аудит инспекцияси, Аҳоли саломатлигини таҳлил қилиш маркази ва Контент медиамаркази ташкил этилади.

Фармон билан соғлиқни сақлаш тизимидаги бошқарув штатлари ҳам тасдиқланди ҳамда айрим тузилмалар фаолияти тугатилиши белгиланди.

___

Бу хабардан кейин раҳбарлар ўзларига ёқмаган ходимларни секин ишдан четлатишни бошласалар керак)))

4,840

Jurnalistuz

11-may, 2026, 13:36

📷 Photo

Ўзбекистонда энди телефон рақамини онлайн қайта расмийлаштириш мумкин.

Энди рақамни бошқа шахсга оператор офисига бормасдан — http://my.gov.uz/ орқали ўтказиш мумкин.

Қандай ишлайди:
• ҳар икки томон MyID орқали ариза беради
• онлайн тарзда қайта расмийлаштиришни тасдиқлайди
• оператор аризани 1 дан 5 иш кунигача кўриб чиқади.

___

Уйдан чиқмасдан амалга ошириладиган қулайликлар ортиб бормоқда. Оқибатда дангаса бўлиб қолмасмиканмиз?

5,550

Jurnalistuz

25-apr, 2026, 15:57

📷 Photo

Энди картадаги маблағ тўловлар миқдори БҲМнинг 3 бараваридан кам бўлса автоматик ечилмайди

2026-йил 15-апрелдан бошлаб аксепциз ечиб олишларда картада камида 3 БҲМ миқдорида маблағ сақланиши шарт бўлади.

Энди баланс тўлиқ нолга туширилмайди — ечиб олиш фақат шу чегарадан ортиқ суммадан амалга оширилади.

Мазкур тизим асосан кредит ва бошқа молиявий мажбуриятларни сўндириш учун қўлланади.

Янгиланишлар UZCARD қоидаларига мувофиқ жорий этилган бўлиб, OTP орқали тасдиқланган карта маълумотларига татбиқ этилмайди.

___

Аслида, банк ходимлари фуқаролар картасидан пулни ечиб олмасларидан, фуқаролар ўзлари картани бўшатиб қўйгани учун, ходимлар уларнинг яшаш манзилларига боришга мажбур бўлаяпти шекилли!? Ёки бошқаларда бошқачами?

5,470

Jurnalistuz

25-apr, 2026, 15:57

🎥 Video

Қор ёғяптими ёки пахта?

“Қонимизда бордир Темурни қони”, дейдими?! Айнан сизда йўқда ўша қон.

6,070

172

Jurnalistuz

25-apr, 2026, 15:57

🎥 Video

Чегарадан наркотикни ҳеч кимнинг ҳаёлига келмаган усулда олиб ўтмоқчи эди, аммо божхоначилар барибир фош қилди.

___

Нафс инсонни кўп ҳолларда хато йўлга бошлайди. Айримлар пул, мансаб ёки вақтинчалик манфаат деб, ўз ҳаётини ва келажагини хавф остига қўйишдан ҳам қайтмайди.

Аслида эса бундай йўл ҳеч қачон яхшиликка олиб бормайди — оқибати пушаймон билан тугайди.

4,190

Jurnalistuz

25-apr, 2026, 15:57

Антиқа жазо

Куни кеча супермаркетдан мандаринлар сотиб олдим. Мевалар махсус тўрли халтачага солинган экан. Уйга келиб очсам ичидаги 15 тасидан 5 донаси моғорлай бошлаган экан. Табиийки, мандаринларни ва ҳарид чекини олиб маркет томон йўл олдим. Яхшилаб урушиб ёки пулимни ёки янги мандаринларни олиб қайтиш мақсадида албатта.

Сўроқни кассирдан бошладим, лекин фойда бермади. Кейин савдога маъсул ёш менеджер йигит келди. У чекимни олиб кўрди. Алам қилгани – ўша йигит ёмон мол сотилгани учун узр сўраб, алиштириб бериш ўрнига принципига кетиб “Туппа-тузук мандаринларку” деса бўладими!

- Яхши, – дедим, – агар туппа-тузук бўлса уларни ўзинг егин.
- Ейман ҳам. Нима қилибди, – деди тиржайиб.
- Кўрамиз қандай еркансан! – дедим жаҳлим чиқиб.
- У шарт олиб ейишни бошлади. Иккитасини нафсига тиқиб олгач тўхтади. – Бўлди, бошқа емайман. Кундалик нормам бу.
-Қанақа норма?! Бошладингми, ҳаммасини егин.

Хуллас ўша қайсар менеджер моғорлай бошлаган мандаринларнинг бештасиниям еб ташлади. Кўриниб турардики унга жуда қийин эди – ранги ўзгарди, башараси буришди. Лекин ўжарлиги деб айбини тан олишни истамасди. Бир амаллаб тугатди.
- Яшавор, – дедим, – энди катта хўжайинни чақир.
- Мен чақиртирган одам келганидан кейин эса шарт мақсадга ўтиб қўя қолдим.
- Менга янги мандаринлар беришингизни талаб қиламан! Ҳозиргина мана бу ходимингиз мени мандаринларимни еб қўйди!

Бу гапимни эшитиб менеджер йигитнинг кўзлари косасидан чиқиб кетай деди, лекин индолмади. Мен эса янги мандаринлар билан ҳотиржамгина уйимга қайтдим…

12,500

Jurnalistuz

25-apr, 2026, 15:57

🎥 Video

1 июндан бошлаб аҳоли учун маиший ГАЗ БАЛОНИ олиш тартиби расман ўзгаради

Эндиликда аризалар фақат Давлат хизматлари марказлари ёки http://my.gov.uz/ портали орқали қабул қилинади.

Янги тартиб табиий газ етказиб берилмаган ҳудудларда яшовчи фуқароларга тааллуқли. Маълумотлар 1 иш кунида текширилади, 3 иш кунида эса жойига чиқиб ўрганилади. Хулоса ижобий бўлса, шартнома тузилиб, газ баллони 12 иш куни ичида бепул етказиб берилади. Барча жараёнлар электрон тизим ва Face ID орқали назорат қилинади.

___

Табиий газ уланмаган ҳудудларда яшовчи аҳоли учун газ баллони ҳаётий эҳтиёж ҳисобланади. Бундай шароитда уни олиш тартибини енгиллаштириш ўрнига янада мураккаблаштириш қанчалик тўғри? Электронлаштириш аҳолига қулайку деётганлар, йил давомида электр узилишлар билан муаммо мавжуд жойда бу қулайми сизнингча? Ток ўчса, табиийки алоқа йўқолади. Шунда юқоридаги ўзгариш халқ фойдасигами ёки...

4,440

Jurnalistuz

25-apr, 2026, 15:57

📷 Photo

Венгриянинг Ўзбекистондаги Фавқулодда ва Мухтор элчиси Ёжеф Рожа бошчилигидаги делегация Олмалиқ кон-металлургия комбинатига ташриф буюриб, ҳамкорлик истиқболларини муҳокама қилди.

Учрашувда Венгрия компаниялари, хусусан “ЭУ-Роллер” билан конвеер роликларини ишлаб чиқариш бўйича қўшма лойиҳалар кўриб чиқилди. Меҳмонлар “Ёшлик-1” кони ва 3-Мис бойитиш фабрикасидаги замонавий ишлаб чиқариш жараёнлари билан яқиндан танишди.

___

Дарё бўйидаги шаҳар биздаги корхоналарга қизиқиб, бу ерда ўз корхонасини очишга ҳаракат қилиб юбормаса бўлгани!? Тўғри, корхона керак, иш ўрни кўпаяди. Аммо у хусусий бўлади. аввал ҳам ёзганмиз.

3,310

Jurnalistuz

25-apr, 2026, 15:57

🎥 Video

Мактаб таъмири учун ўқувчилардан пул йиғиш тақиқланган

Мактабгача ва мактаб таълими вазирининг биринчи ўринбосари Шерзод Каримов умумтаълим мактабларидаги синфхоналар ҳар йили таъмирланиши шарт деган талаб йўқлигини айтмоқда.

У шу сабаб мактаб раҳбарияти ва ўқитувчиларга мактаб таъмири учун ўқувчилардан пул йиғиш тақиқлангани ҳақида уқтириб келинишини билдирди.

___

Ҳар йили айни шу масала қайта-қайта кўтарилади. Ота-оналар норозилик билдиришади, баҳслар тўхтамайди. Айримлар “мактабга ёрдам бўлади” деб пул йиғишни қўллаб-қувватласа, бошқалар “нега тўлаймиз, ахир бу тақиқланган-ку”, деб эътироз қилади.

Бир томонда расмий тақиқ, иккинчи томонда эса амалда давом этаётган йиғимлар. Ҳомийси йўқ мактаблар куни Open byudjetга қолмоқда.

3,970

Jurnalistuz

25-apr, 2026, 15:57

🎥 Video

Солиқ қўмитаси раиси Фаррух Пулатов яқин кунларда умумий овқатланиш корхоналарида алкоголь маҳсулотларини нақд пул шаклида ҳам реализация қилиш имконияти яратилишини маълум қилди...

“Спиртной“ни нақдда олаверасиз, аммо газни/бензинни пластикда қуясиз.

___

Ҳаётий зарур маҳсулотларда чеклов, зарарлиларида эса енгиллик. Қани адолат-а!?

4,710

102

Jurnalistuz

25-apr, 2026, 15:57

📷 Photo

Тасдиқланмаган ёқимсиз хабар

1 майдан газ ва электр тарифлари 10 фоизга ошиши мумкин. Яъни, тариф 10%га ошса, демак сиз газ ва электр учун ҳар ой тўлайдиган пул ҳам тахминан 10%га қимматлашади.

Айни пайтда бу ҳақда қарор лойиҳаси тайёрланган ва идоралараро муҳокама қилинмоқда. Илоҳим имзоланмасин деб, дуо қилиб ухлайлар.

6,510

122

Jurnalistuz

25-apr, 2026, 15:57

📷 Photo

Бугуннинг икки муҳим хабари бир постда

Эртадан рақамингизга уланган пластик карталар ишламай қолса ушбу номерларга телефон қилиб муаммоингизни бартараф қилишингиз мумкин.

‼️Пастдаги постни ҳам эътиборсиз қолдирманг‼️

❗️Энди http://my.gov.uz/ портали орқали мобил рақамни бошқа шахс номига онлайн ўтказиш мумкин

Илгари бу жараён учун икки томон ҳам алоқа оператори марказига шахсан бориб, навбат кутиши ва ҳужжатларни имзолаши керак бўларди.

Ҳозир эса барча амаллар электрон тарзда бажарилади, бу эса вақтни тежайди ва ортиқча оворагарчиликни камайтиради.

___

Фойдали.

5,760

Jurnalistuz

31-mar, 2026, 17:08

🎥 Video

Амир Темур давридан то ҳозирга қадар бўлган бунёдкорлик ишлари жонлатирилибди

Қурилиш ва уй-жой коммунал хўжалиги вазирлиги томонидан https://t.me/minstroyuz Шароф Рашидов, Ислом Каримов ва Ҳозирги Президентимиз Шавкат Мирзиёевни ҳам кўриш мумкин.

Биз ростдан ҳам бунёдкор халқмиз. Айниқса, сўнгги йилларда йирик “city”лар, замонавий уй-жойлар барпо этилмоқда. Фақат бир йилнинг ўзида 135 мингта янги хонадон фойдаланишга топширилгани — катта натижа.

___

Бунёдкор халқмиз, табиатга аёвсиз муносабатда бўлиб, катта-катта боғларни, дарахтларни шафқатсизларча кесиб бинолар яратаяпмиз.

Бунёдкор халқмиз, одамларга таъмири 5 йилга етмай нураб кетаётган уйларни сотиб, бир йилга қолмай тез-тез уйларни қуриб ташлаб, топшириб қутилаяпмиз.

Бунёдкор халқмиз, қурган кўприкларимиз муддатига етмай қулаб тушаётган, ислом цивилизациясини қуриб қўйиб, халқ учун қиммат қилиб, пул ишлаётган, табаитга ўз ахлатларини ташлаб, зарар етказаётган халқмиз.(Айримларга тегишли, афсуски улар ҳам халқ)

3,310

Jurnalistuz

31-mar, 2026, 17:08

📷 Photo

Энди амалдорларга ҳар ой икки кун хизмат машинасидан фойдаланиш қатъиян тақиқланади

Фармонга кўра, 2026 йил 1 майдан ҳар ойнинг 10 ва 25 саналарида “Автомобилсиз кун”, “Автомобилсиз ҳафта” акциялари ўтказилади. Бунда:

Мазкур акциялар доирасида давлат фуқаролик хизматчилари томонидан хизмат автотранспорт воситаларидан фойдаланиш қатъиян тақиқланади.

Ушбу саналар иш кунларига тўғри келганда ҳайдовчиларнинг иш ҳақи сақлаб қолинади.

- 2026 йил 1 августдан “trade-in” дастури доирасида эскирган автотранспортларни топширган жисмоний ва юридик шахсларга янги транспорт воситаларини харид қилиш учун автокредит фоизининг бир қисми қоплаб берилади.

- 2026 йил якунига қадар “Экологик транспорт” тизими доирасида Тошкент шаҳрининг ҳудуди “қизил”, “сариқ” ва “яшил” зоналарига ажратиб чиқилиши таъминланади.

- 2026 йил 1 апрелдан чанг бўронларининг олдини олиш учун Сурхондарё ва Сирдарё вилоятларида “яшил девор”лар барпо этиш бошланади.

___

Айрим раҳбарлар амал қилмайди, амал қилгани ўзини пиар қилади.

2,620

Jurnalistuz

31-mar, 2026, 17:08

📷 Photo

Бугун ижтимоий тармоқларда тарқалган " ҳақидаги ҳолатга расмий муносабат

Ижтимоий тармоқларда тарқалган Красногорскдаги чиқиндилар ҳақидаги хабар бўйича Тошкент вилояти Экология ва иқлим ўзгариши бош бошқармаси Паркент туманида текширув ўтказди.

Унда дам олишга келган фуқаролар томонидан чиқиндилар ташлаб кетилгани аниқланди ва ҳудуд туман Ободонлаштириш бўлими ҳамда махсус техникалар орқали тозаланди.

Инспекторлар ва Миллий гвардия ходимлари томонидан фуқароларга тушунтириш ишлари олиб борилди.

Табиатни асраб-авайлаш ҳар бир фуқаронинг масъулиятидир ва чиқиндиларни белгиланган жойда ташлаш зарур.

___

Ободонлаштириш ходимлари шаҳар қолиб, энди адиру тоғларда ҳам одамлардан қолган чиқиндиларни тозалаб юришарканда...

3,010

Jurnalistuz

31-mar, 2026, 17:08

🎥 Video

Ўзбекистон қазилма бойликларга бой давлат — аммо нега аҳоли ҳали ҳам қийинчиликда яшаяпти?

___

Тоғ-кон саноати ва геология вазири ўринбосари Урал Юсупов журналистнинг саволига "қоғозга ўраб" жавоб беришга ҳаракат қилди. Балким у ҳам қазилма бойликларимиз орқасидан келаётган даромадларнинг аниқ ҳисоб-китобини билмас...

Аммо журналист ОКМК комбинати ҳақида ҳам савол берибди. Бизнингча ижтимоий тармоқларда муҳокама бўлаётган шунча пулни комбинат раҳбари ва масъуллари шунчаки йўқ қилиб юборишолмайдиёв!?

Айтганча, корхонанинг юртимизнинг манаман деган монопол ташкилотлари қилиша олмаяпти-ю...

3,520

Jurnalistuz

31-mar, 2026, 17:08

📷 Photo

Тошкент вилоятининг "қайнар хумчаси"

Ангрен шаҳридаги Мирзо Улуғбек маҳалласида ОКМК ҳомийлигида “Янги Ангрен” маданият ва спорт мажмуаси 31 миллиард сўмлик таъмирдан сўнг фойдаланишга топширилди.

Мажмуада замонавий спорт заллари (32×20), фитнес ва гимнастика хоналари, шунингдек санъат, мусиқа, театр ва бошқа йўналишларда тўгараклар фаолияти йўлга қўйилди.

Ёшлар бу ерда бадиий гимнастика, кураш, енгил атлетика, футбол, волейбол ва бошқа спорт турлари билан шуғулланиш имконига эга бўлди. Очилиш маросимида республика ва вилоят раҳбарлари иштирок этиб, тадбир якунида қурилишда қатнашганлар ҳамда масъуллар мукофотланди.

___

Шу корхона Тошкент вилоятининг "қайнар хумчасида". Қаерда янги бино қуриш ёки эскисини таъмирлаш керак бўлса, корхонага юкланади. Шу баҳона вилоят ҳокимининг "харажати" камаяди. Корхона жойлашган шаҳарда ҳам бунақа спорт комплекси ташкил этилмагандир!?

2,780

Jurnalistuz

31-mar, 2026, 17:08

📷 Photo

Журналист Карим Баҳриев вафот этди

Таниқли журналист, публицист ва таржимон Карим Баҳриев оғир инсультдан сўнг ҳаётдан кўз юмди.

Карим Баҳриев ўз фаолияти давомида журналистика, публицистика ва таржимонлик соҳаларида самарали меҳнат қилди.

Марҳумнинг вафоти муносабати билан унинг яқинлари ва ҳамкасбларига таъзия билдирамиз.

4,570

Jurnalistuz

31-mar, 2026, 17:08

🎥 Video

Термизда қуюқ чанг бўрони бошланди

Афғон шамоли ўзи билан қалин қумларни кўтариб келгани айтилмоқда.

___

Табиатга одамларнинг муносабати қандай бўлса, табиат ҳам шундай жавоб қайтаради шекилли!?

3,360

Jurnalistuz

31-mar, 2026, 17:08

🎥 Video

Красногорский чиқиндихонага айланиб қолибди.

Табиат ачинарли аҳволда, Красногорскийга "пикник"ка борганлар чиқиндиларни шу ерни ўзига ташлаб кетишган.

___

Мана табиат кушандаларининг яна бир кўриниши. Табиатдан баҳра олиб, ортидан чиқинди қолдириб кетиш инсонийликка тўғри келмайди. Агар ҳар бир инсон ўз виждони билан иш тутса, бу каби гўзал масканлар чиқиндихонага айланмас эди.

Бугун дам олиш куни, ҳаво ёмғирли. Бу жойларда ҳеч ким йўқ. Аммо манзара айрим инсонларнинг “юзи”ни очиб бермоқда.

8,070

Jurnalistuz

31-mar, 2026, 17:08

🎥 Video

Тошкентда 100 дан ортиқ дарахт ноқонуний кесилиб, табиатга қарийб 1 млрд сўм зарар етказилди

Дарахтларни кесиш бўйича қилинган мурожаат аввал рад қилинган, шунга қарамай улар қўпориб ташланган. Ҳолат юзасидан тўпланган ҳужжатлар ҳуқуқни муҳофаза қилувчи органларга юборилди.

___

Мана нима учун Тошкентда дарахтларни муҳофаза қилиш бўйича янги ва қатъий Афсуски, пойтахтда "" дегувчи айримлар жарималарни менсимайдилар. Шулардан биттаси дарахткушлик 1 млрдлик жаримага сабаб бўлсада, ўз ишидан қайтмабдику. Қонунларни менсимайдиганларга жарима эмас, ундан ҳам каттароқ чора қўллаш керак.

3,480

Showing 29 of 29 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Сhilonzor tumani hokimligi Matbuot xizmati

4.4k0

[архив] 𝖘𝖕𝖆𝖜𝖓’𝖘 𝖘𝖊𝖗𝖛𝖆𝖓𝖙

Loading recommended channels...

Jurnalistuz

Jurnalistuz

Reyting

Obunachilar sonining o'sishi (Oxirgi 17 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Сhilonzor tumani hokimligi Matbuot xizmati

[архив] 𝖘𝖕𝖆𝖜𝖓’𝖘 𝖘𝖊𝖗𝖛𝖆𝖓𝖙

𝙃𝙐𝙌𝙐𝙌𝙄𝙔 𝙈𝘼'𝙇𝙐𝙈𝙊𝙏 𝘽𝘼𝙕𝘼

Rishton tumani axborot-kutubxona markazi

Qashqadaryoliklar - Қашқадарёликлар24™

Zakovat: Samarqand

Statuslar | Obuna bo'ling❗

VETLEGNEWS

Tegishli Telegram kanallari

Сhilonzor tumani hokimligi Matbuot xizmati

[архив] 𝖘𝖕𝖆𝖜𝖓’𝖘 𝖘𝖊𝖗𝖛𝖆𝖓𝖙

𝙃𝙐𝙌𝙐𝙌𝙄𝙔 𝙈𝘼'𝙇𝙐𝙈𝙊𝙏 𝘽𝘼𝙕𝘼

Rishton tumani axborot-kutubxona markazi

Qashqadaryoliklar - Қашқадарёликлар24™

Zakovat: Samarqand

Statuslar | Obuna bo'ling❗

VETLEGNEWS

Foydalanuvchi sharhlari (0)

So'nggi postlar