YOSHLAR — MUSTAQIL YURTNING BUNYODKOR KUCHI!
🇺🇿Sizlarni xalqimiz hayotidagi eng buyuk va sharafli sana — O‘zbekiston Respublikasi davlat mustaqilligining 35 yilligi bilan samimiy muborakbod etaman!
🧒Mustaqillik — bu shunchaki sana emas. U bizning erkin fikrlashimiz, orzu qilishimiz, bilim olishimiz, o‘z qobiliyatimizni namoyon etishimiz va kelajagimizni o‘z qo‘limiz bilan barpo etishimiz uchun yaratilgan ulkan imkoniyatdir.
🇺🇿Bugun yurtimizda amalga oshirilayotgan keng ko‘lamli islohotlarning markazida inson, ayniqsa, yosh avlodning ta’lim olishi, kasb egallashi va o‘z salohiyatini ro‘yobga chiqarishi masalasi turibdi. Bu esa biz — yoshlar zimmasiga katta mas’uliyat yuklaydi.
Aziz talaba-yoshlar!
📝Sizlarning har biringizda yurtimiz kelajagiga daxldor ulkan imkoniyat bor. Kimdir ilm-fan orqali, kimdir texnologiya, tadbirkorlik, muhandislik, san’at yoki sport orqali O‘zbekiston taraqqiyotiga o‘z hissasini qo‘shadi.
⏰Eng muhimi — izlanishdan to‘xtamaslik, bilim olishga intilish va o‘z oldimizga katta maqsadlar qo‘yishdir.
Bugungi talaba — ertangi muhandis, olim, rahbar, tadbirkor va jamiyatning faol bunyodkoridir. Shunday ekan, universitetda o‘tkazayotgan har bir kunimizni kelajak uchun qo‘yilayotgan muhim qadamga aylantiraylik.
Hurmatli ustozlar!
✅Sizlarning mehnatingiz, sabr-toqatingiz va bizga berayotgan bilimingiz yoshlarning kelajagini belgilashda beqiyos o‘rin tutadi. Sizlarga ta’lim va tarbiya yo‘lidagi sharafli faoliyatingizda kuch-g‘ayrat, mustahkam sog‘lik va yangi yutuqlar tilayman.
🔷Namangan davlat texnika universiteti yoshlari bundan buyon ham Vatanga sadoqat, ilmga intilish, tashabbuskorlik va bunyodkorlik ruhida harakat qilib, yurtimiz taraqqiyotiga munosib hissa qo‘shishiga ishonaman.
➡️Zero, mustaqil yurtning kuchi — uning bilimli, ma’rifatli va vatanparvar yoshlaridadir.
Fursatdan foydalanib, barchangizni O‘zbekiston Respublikasi davlat mustaqilligining 35 yilligi bilan yana bir bor muborakbod etaman!
Mustaqilligimiz mustahkam, kelajagimiz porloq, yoshlarimizning qadami qutlug‘ bo‘lsin!
Yangi O‘zbekistonning buyuk kelajagini birgalikda bunyod etamiz!
Hurmat bilan,
Diyorbek Soataliyev
Iqtdiorli yoshlarning ilmiy-tadqiqot faoliyatini tashkil etish boʻlimi boshligʻi
