Namangan viloyati hokimligi

Public

Kanalni ko'rish

22.4K

7.8K

Qo'shila olmaysizmi? @namvilhok

20.6k A'zolar

Yangilangan: September 6, 2026 at 1:31 PM

Namangan viloyati hokimligi

Веб-сайти: https://gov.uz/namangan/ Facebook: https://www.facebook.com/namangan.uz/ Instagram: https://www.instagram.com/namangan.gov.uz/ Ишонч телефони: 71 200-07-22 Электрон почта: [email protected] Манзил: Наманган шаҳри, Истиқлол кўча, 57-уй.

@namvilhok is a growing community focused on httpswwwfacebookcomnamanganuz and 2000722 and related topics

Reyting

Global reyting

#184593

-162

Til reytingi

#1008

-5

Toifa reytingi

#549

-1

Obunachilar sonining o'sishi (Oxirgi 27 kun ichida)

Jami: 20.6K

24 soatlik o'sish: -1131 5%

So'nggi postlar

Namangan viloyati hokimligi

27-avg, 2026, 19:22

📷 Photo

#Мустақилликнинг_35_йиллигига_туҳфа

Мустақиллик байрамига муносиб туҳфа: янги замонавий корхона фаолияти бошланди

Янгиқўрғон туманида саноат салоҳиятини юксалтириш, янги инвестициявий лойиҳаларни ҳаётга татбиқ этиш ва аҳоли учун муносиб иш ўринлари яратиш борасидаги ишлар изчил давом этмоқда.

Давлатимиз мустақиллигининг 35 йиллиги муносабати билан Булоқбоши маҳалласида “Наманган шарбати” МЧЖ томонидан барпо этилган, мевани қайта ишлашга ихтисослашган замонавий саноат корхонасининг очилиш маросими бўлиб ўтди.

Тантанали тадбирда Наманган вилояти ҳокими Шавкатжон Абдураззоқов бошчилигида вилоят ва туман мутасаддилари, жамоатчилик вакиллари ҳамда тадбиркорлар иштирок этди.

Қувонарлиси, мазкур йирик инвестициявий лойиҳа юртимизда тадбиркорлик ва ишбилармонлик учун яратилган қулай муҳит, хорижий ва маҳаллий инвестицияларни жалб этиш борасидаги кенг кўламли ислоҳотларнинг амалий натижасидир.

1,6 гектар майдонда барпо этилган замонавий корхона йилига 25 минг тонна мева-сабзавот маҳсулотларини қайта ишлаш қувватига эга.

Лойиҳанинг умумий қиймати 25 миллион АҚШ долларини ташкил этади.

Корхонанинг ишга туширилиши нафақат туманда саноат ишлаб чиқариш ҳажмини ошириш, балки аҳоли бандлигини таъминлашда ҳам муҳим аҳамият касб этади. Бу ерда 150 та янги иш ўрни яратилади.

Очилиш маросимида таъкидланганидек, корхонада замонавий технологиялар асосида тайёрланадиган маҳсулотлар ички бозор талабини қондириш билан бирга, экспорт салоҳиятини ҳам оширишга хизмат қилади. Айниқса, туманда етиштирилаётган мева-сабзавот маҳсулотларини чуқур қайта ишлаш орқали қўшимча қиймат яратилиши маҳаллий ишлаб чиқарувчилар учун янги имкониятларни очади.

Янгиқўрғон тумани ҳокимлиги Ахборот хизмати

__

#Mustaqillikning_35_yilligiga_tuhfa

Mustaqillik bayramiga munosib tuhfa: yangi zamonaviy korxona faoliyati boshlandi

Yangiqo‘rg‘on tumanida sanoat salohiyatini yuksaltirish, yangi investitsiyaviy loyihalarni hayotga tatbiq etish va aholi uchun munosib ish o‘rinlari yaratish borasidagi ishlar izchil davom etmoqda.

Davlatimiz mustaqilligining 35 yilligi munosabati bilan Buloqboshi mahallasida “Namangan sharbati” MCHJ tomonidan barpo etilgan, mevani qayta ishlashga ixtisoslashgan zamonaviy sanoat korxonasining ochilish marosimi bo‘lib o‘tdi.

Tantanali tadbirda Namangan viloyati hokimi Shavkatjon Abdurazzoqov boshchiligida viloyat va tuman mutasaddilari, jamoatchilik vakillari hamda tadbirkorlar ishtirok etdi.

Quvonarlisi, mazkur yirik investitsiyaviy loyiha yurtimizda tadbirkorlik va ishbilarmonlik uchun yaratilgan qulay muhit, xorijiy va mahalliy investitsiyalarni jalb etish borasidagi keng ko‘lamli islohotlarning amaliy natijasidir.

1,6 gektar maydonda barpo etilgan zamonaviy korxona yiliga 25 ming tonna meva-sabzavot mahsulotlarini qayta ishlash quvvatiga ega.

Loyihaning umumiy qiymati 25 million AQSH dollarini tashkil etadi.

Korxonaning ishga tushirilishi nafaqat tumanda sanoat ishlab chiqarish hajmini oshirish, balki aholi bandligini ta’minlashda ham muhim ahamiyat kasb etadi. Bu yerda 150 ta yangi ish o‘rni yaratiladi.

Ochilish marosimida ta’kidlanganidek, korxonada zamonaviy texnologiyalar asosida tayyorlanadigan mahsulotlar ichki bozor talabini qondirish bilan birga, eksport salohiyatini ham oshirishga xizmat qiladi. Ayniqsa, tumanda yetishtirilayotgan meva-sabzavot mahsulotlarini chuqur qayta ishlash orqali qo‘shimcha qiymat yaratilishi mahalliy ishlab chiqaruvchilar uchun yangi imkoniyatlarni ochadi.

Yangiqo‘rg‘on tumani hokimligi Axborot xizmati.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://x.com/NamanganGov | https://www.youtube.com/c/namanganuz

803

Namangan viloyati hokimligi

27-avg, 2026, 19:22

📷 Photo

#Мустақилликнинг_35_йиллигига_туҳфа
#Наманганда_ёшлар_куни

ТАЪЛИМДА СИФАТ, КЕЛАЖАКДА НАТИЖА

Мустақиллик байрами арафасида Уйчи туманида  Бобораҳим Машраб номидаги хусусий мактабнинг филиали иш бошлади.

Унинг очилиш маросимида Наманган вилояти ҳокими Шавкатжон Абдураззоқов бошчилигида вилоятдаги ҳуқуқни мухофаза қилувчи идоралар,давлат ва жамоат ташкилотлари раҳбарлари, фаол нуронийлар, кенг жамоатчилик вакиллари иштирок этдилар.

Ўз фаолиятини бошлаганига тўрт йил бўлган Бобораҳим Машраб хусусий мактаби  эзгу мақсадлар асосида ривожланиб бормоқда. Мактабнинг асосий мақсади — ўқувчиларга замонавий ва сифатли таълим бериш, уларда бугунги кун талаб қилаётган билим ва кўникмаларни шакллантириш, ҳар томонлама етук ва мустақил фикрлайдиган ёшларни тарбиялаш.

Уйчидаги филиал мактабнинг 4-филиали бўлди. Бу эса таълим соҳасидаги ёндашув ва тажрибанинг тобора кенгайиб бораётганидан далолат беради.

Мактабнинг умумий сиғими 396 нафар ўқувчига мўлжалланган. Бу ерда таълим жараёнида ҳар бир ўқувчига индивидуал ёндашувга алоҳида эътибор қаратилади. Синфларда 18 нафаргача ўқувчи таълим олиши учун қулай шароит яратилган.

Замонавий таълим методлари, индивидуал ёндашув ва ўқувчининг қобилиятини юзага чиқаришга қаратилган тизим — мактабнинг асосий устувор йўналишларидан биридир. Чунки бугунги таълим — фақат билим бериш эмас. Бу — боланинг ўз иқтидорини англаши, мустақил фикрлаши, янги ғоялар яратиши ва келажакда ўз ўрнини топиши учун имконият яратишдир.

__

#Mustaqillikning_35_yilligiga_tuhfa
#Namanganda_yoshlar_kuni

TA’LIMDA SIFAT, KELAJAKDA NATIJA

Mustaqillik bayrami arafasida Uychi tumanida Boborahim Mashrab nomidagi xususiy maktabning filiali ish boshladi.

Uning ochilish marosimida Namangan viloyati hokimi Shavkatjon Abdurazzoqov boshchiligida viloyatdagi huquqni muhofaza qiluvchi idoralar, davlat va jamoat tashkilotlari rahbarlari, faol nuroniylar, keng jamoatchilik vakillari ishtirok etdilar.

O‘z faoliyatini boshlaganiga to‘rt yil bo‘lgan Boborahim Mashrab xususiy maktabi ezgu maqsadlar asosida rivojlanib bormoqda. Maktabning asosiy maqsadi — o‘quvchilarga zamonaviy va sifatli ta’lim berish, ularda bugungi kun talab qilayotgan bilim va ko‘nikmalarni shakllantirish, har tomonlama yetuk va mustaqil fikrlaydigan yoshlarni tarbiyalash.

Uychi tumanidagi filial maktabning 4-filiali bo‘ldi. Bu esa ta’lim sohasidagi yondashuv va tajribaning tobora kengayib borayotganidan dalolat beradi.

Maktabning umumiy sig‘imi 396 nafar o‘quvchiga mo‘ljallangan. Bu yerda ta’lim jarayonida har bir o‘quvchiga individual yondashuvga alohida e’tibor qaratiladi. Sinflarda 18 nafargacha o‘quvchi ta’lim olishi uchun qulay sharoit yaratilgan.

Zamonaviy ta’lim metodlari, individual yondashuv va o‘quvchining qobiliyatini yuzaga chiqarishga qaratilgan tizim — maktabning asosiy ustuvor yo‘nalishlaridan biridir. Chunki bugungi ta’lim — faqat bilim berish emas. Bu — bolaning o‘z iqtidorini anglashi, mustaqil fikrlashi, yangi g‘oyalar yaratishi va kelajakda o‘z o‘rnini topishi uchun imkoniyat yaratishdir.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://x.com/NamanganGov | https://www.youtube.com/c/namanganuz

Namangan viloyati hokimligi

2-avg, 2026, 23:32

📷 Photo

"Навбаҳор" ўз уйига ғалаба билан қайтди

Бугун Давлатобод туманидаги "Марказий" стадионда катта футбол байрами ҳукм сурди. Узоқ кутилган реконструкция ишларидан сўнг мамлакатимиз футболсеварлари учун азиз бўлган ушбу спорт маскани яна ўз бағрини мухлисларга очди.

Таъкидланганидек, "Навбаҳор" футбол клубининг ўз майдонига қайтиши нафақат жамоа, балки минглаб ишқибозлар учун ҳам катта байрамдир. Кейинги йилларда клуб таркибидан Ўзбекистон миллий терма жамоасига иқтидорли футболчилар етишиб чиққани, жумладан, 2026 йилги жаҳон чемпионатида дарвозабон Ўткир Юсупов ва ярим ҳимоячи Русланбек Жияновнинг иштирок этгани наманганлик футболчиларнинг салоҳиятини яна бир бор намоён этди.

Янгиланган "Марказий" стадионда чим майдон жаҳон стандартлари асосида қайта барпо этилди, клуб қароргоҳи таъмирланди ва футболчилар учун замонавий фитнес зали барпо қилинди.

Шу куни Суперлиганинг 15-тури доирасида "Навбаҳор" ўз майдонида Урганчнинг "Хоразм" жамоасини қабул қилди. Мухлислар қаршисида майдонга тушган "лочинлар" рақибини йирик — 5:1 ҳисобида мағлуб этиб, янгиланган стадиондаги илк учрашувни ишончли ғалаба билан якунлади. Бу натижа футбол байрамига янада кўтаринки кайфият бағишлаб, минглаб мухлисларга унутилмас туйғуларни ҳадя этди.

Тадбир якунида жамоанинг моддий-техника базасини мустаҳкамлаш ва футболчиларни ҳар томонлама қўллаб-қувватлаш ишлари изчил давом эттирилиши таъкидланди. Мухлислар эса жамоани қизғин олқишлар билан қўллаб-қувватлаб, "Навбаҳор"нинг янги ғалабаларига ишонч билдиришди.

Давлатобод тумани ҳокимлиги Ахборот хизмати

Namangan viloyati hokimligi

2-avg, 2026, 23:32

📷 Photo

573

Namangan viloyati hokimligi

13-may, 2026, 18:58

📷 Photo

Oʻzbekiston Respublikasi Prezidenti Shavkat Mirziyoyev Ozarbayjonning “SOCAR” kompaniyasi bosh direktori Ravshan Najaf hamda “British Petroleum” kompaniyasi rahbariyati Ariel Flores va Jovanni Kristofolini https://president.uz/oz/lists/view/9203
—
Президент Республики Узбекистан Шавкат Мирзиёев https://president.uz/ru/lists/view/9203 главу азербайджанской компании SOCAR Ровшана Наджафа, а также руководство компании British Petroleum Ариэля Флореса и Джованни Кристофоли.

#Mirziyoyev #qabul #SOCAR #BP #hamkorlik
https://x.com/president_uz https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

Namangan viloyati hokimligi

13-may, 2026, 18:58

📷 Photo

🕋 “Президент ҳожиси” йўлланмалари топширилди

Юртимизда нуронийлар, меҳнат фахрийлари ҳамда халқ саломатлиги йўлида фидокорона меҳнат қилиб келаётган инсонларни эъзозлаш, уларга алоҳида ҳурмат ва эътибор кўрсатиш эзгу қадриятга айланган.

Ана шундай юртдошларимиздан бир гуруҳига эътироф сифатида муҳтарам Президентимиз томонларидан 2026 йилги муборак Ҳаж сафари учун “Президент ҳожиси” йўлланмалари ажратилди. Хусусан, Наманган туманида яшовчи меҳнат фахрийси, 108 ёшли Иброҳимжон ота Хўжаев ҳамда Давлатобод туманида истиқомат қилувчи, вилоят кўп тармоқли тиббиёт маркази шифокори Сайфиддин Мамадалиев ҳам ана шундай эътирофга сазовор бўлдилар.

Наманган вилояти ҳокими Шавкатжон Абдураззоқов уларга “Президент ҳожиси” йўлланмаларини тантанали равишда топширди.

Кўп йиллик ҳалол ва фидокорона меҳнати, жамият тараққиёти ва халқ фаровонлигига қўшган муносиб ҳиссаси учун ушбу инсонларга “Президент ҳожиси” мақомининг берилиши уларнинг ҳаёт йўли ва меҳнатига кўрсатилган юксак эҳтиром ифодаси бўлди.

Хусусан, Иброҳимжон ота ўзининг бой ҳаётий тажрибаси, доно маслаҳатлари ва жамоатчилик орасидаги обрўси билан эл-юрт ҳурматига сазовор бўлиб келмоқда. Сайфиддин ака эса тиббиёт соҳасидаги самарали фаолияти, инсон саломатлиги йўлидаги сидқидил меҳнати билан ҳамкасблари ва кенг жамоатчилик эътирофига эришган.

Тадбир давомида ҳожилардан муқаддас заминларда юртимиз тинчлиги, халқимиз фаровонлиги, Ватанимиз равнақи ҳамда мамлакатимизда амалга оширилаётган эзгу ишлар бардавом бўлиши учун хайрли дуолар қилиш сўралди.
_________

🕋 “Prezident hojisi” yo‘llanmalari topshirildi

Yurtimizda nuroniylar, mehnat faxriylari hamda xalq salomatligi yo‘lida fidokorona mehnat qilib kelayotgan insonlarni eʼzozlash, ularga alohida hurmat va eʼtibor ko‘rsatish ezgu qadriyatga aylangan.

Ana shunday yurtdoshlarimizdan bir guruhiga eʼtirof sifatida muhtaram Prezidentimiz tomonlaridan 2026 yilgi muborak Haj safari uchun “Prezident hojisi” yo‘llanmalari ajratildi. Xususan, Namangan tumanida yashovchi mehnat faxriysi, 108 yoshli Ibrohimjon ota Xo‘jayev hamda Davlatobod tumanida istiqomat qiluvchi, viloyat ko‘p tarmoqli tibbiyot markazi shifokori Sayfiddin Mamadaliyev ham ana shunday eʼtirofga sazovor bo‘ldilar.

Namangan viloyati hokimi Shavkatjon Abdurazzoqov ularga “Prezident hojisi” yo‘llanmalarini tantanali ravishda topshirdi.

Ko‘p yillik halol va fidokorona mehnati, jamiyat taraqqiyoti va xalq farovonligiga qo‘shgan munosib hissasi uchun ushbu insonlarga “Prezident hojisi” maqomining berilishi ularning hayot yo‘li va mehnatiga ko‘rsatilgan yuksak ehtirom ifodasi bo‘ldi.

Xususan, Ibrohimjon ota o‘zining boy hayotiy tajribasi, dono maslahatlari va jamoatchilik orasidagi obro‘si bilan el-yurt hurmatiga sazovor bo‘lib kelmoqda. Sayfiddin aka esa tibbiyot sohasidagi samarali faoliyati, inson salomatligi yo‘lidagi sidqidil mehnati bilan hamkasblari va keng jamoatchilik eʼtirofiga erishgan.

Tadbir davomida hojilardan muqaddas zaminlarda yurtimiz tinchligi, xalqimiz farovonligi, Vatanimiz ravnaqi hamda mamlakatimizda amalga oshirilayotgan ezgu ishlar bardavom bo‘lishi uchun xayrli duolar qilish so‘raldi.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

13-may, 2026, 18:58

🎥 Video

Ziroat Mirziyoyevaning “Inson uchun” festivaliga tashrifi
—
Визит Зироат Мирзиёевой на фестиваль «Инсон учун»

https://www.facebook.com/share/1AznLKkuSx/ | https://www.instagram.com/ziroat_mirziyoyeva_

1,820

Namangan viloyati hokimligi

13-may, 2026, 18:58

📷 Photo

“Ҳамкорликдаги Қўмондонлик штаб ўқув машқи” доирасида амалий машғулотлар ўтказилди

Тўрақўрғон туманида “Ҳамкорликдаги Қўмондонлик штаб ўқув машқи” доирасида туман бошқарув органлари, фавқулодда вазиятларда давлат қуйи тизими хизматлари ҳамда кўнгилли қутқарувчилар иштирокида кенг қамровли саф кўриги ва амалий машғулотлар ўтказилди.

Тадбир давомида қутқарув куч ва воситаларининг шайлиги синовдан ўтказилиб, ҳамкор ташкилотларнинг фавқулодда вазиятлардаги ўзаро ҳамжиҳат ва тезкор ҳаракатлари мувофиқлаштирилди. Машғулотлар жараёнида шартли фавқулодда ҳолатлар асосида амалий сценарийлар ишлаб чиқилиб, хизматларнинг тайёргарлик даражаси яна бир бор синовдан ўтди.

Айниқса, биринчи тиббий ёрдам кўрсатиш отрядлари томонидан шартли жабрланган фуқароларни дала шароитида қабул қилиш, саралаш ҳамда уларга бирламчи тиббий ёрдам кўрсатиш бўйича амалий ҳаракатлар намойиш этилди. Мутахассислар томонидан тезкор ва аниқ қарор қабул қилиш кўникмалари амалда мустаҳкамланди.

Шунингдек, махсус техника ва қутқарув анжомларининг техник ҳолати кўздан кечирилиб, алоқа ва хабардор қилиш тизимларининг ишлаш самарадорлиги ҳам амалий тарзда текширилди. Бу эса фавқулодда вазиятларда аҳолини хавфсиз ҳудудга эвакуация қилиш ва тезкор қутқарув ишларини самарали ташкил этишда муҳим аҳамият касб этади.

Машғулотлар давомида хизматлар ўртасидаги ҳамкорликни янада мустаҳкамлаш, фавқулодда вазиятлар оқибатларини бартараф этиш, аҳолини тезкор қутқариш ҳамда эҳтимолий талафотларни камайтиришга қаратилган вазифалар изчил амалга оширилди.

Наманган вилояти ФВБ Ахборот хизмати.

——————————

“Hamkorlikdagi Qoʻmondonlik shtab oʻquv mashqi” doirasida amaliy mashgʻulotlar oʻtkazildi

Toʻraqoʻrgʻon tumanida “Hamkorlikdagi Qoʻmondonlik shtab oʻquv mashqi” doirasida tuman boshqaruv organlari, favqulodda vaziyatlarda davlat quyi tizimi xizmatlari hamda koʻngilli qutqaruvchilar ishtirokida keng qamrovli saf koʻrigi va amaliy mashgʻulotlar oʻtkazildi.

Tadbir davomida qutqaruv kuch va vositalarining shayligi sinovdan oʻtkazilib, hamkor tashkilotlarning favqulodda vaziyatlardagi oʻzaro hamjihat va tezkor harakatlari muvofiqlashtirildi. Mashgʻulotlar jarayonida shartli favqulodda holatlar asosida amaliy ssenariylar ishlab chiqilib, xizmatlarning tayyorgarlik darajasi yana bir bor sinovdan oʻtdi.

Ayniqsa, birinchi tibbiy yordam koʻrsatish otryadlari tomonidan shartli jabrlangan fuqarolarni dala sharoitida qabul qilish, saralash hamda ularga birlamchi tibbiy yordam koʻrsatish boʻyicha amaliy harakatlar namoyish etildi. Mutaxassislar tomonidan tezkor va aniq qaror qabul qilish koʻnikmalari amalda mustahkamlandi.

Shuningdek, maxsus texnika va qutqaruv anjomlarining texnik holati koʻzdan kechirilib, aloqa va xabardor qilish tizimlarining ishlash samaradorligi ham amaliy tarzda tekshirildi. Bu esa favqulodda vaziyatlarda aholini xavfsiz hududga evakuatsiya qilish va tezkor qutqaruv ishlarini samarali tashkil etishda muhim ahamiyat kasb etadi.

Mashgʻulotlar davomida xizmatlar oʻrtasidagi hamkorlikni yanada mustahkamlash, favqulodda vaziyatlar oqibatlarini bartaraf etish, aholini tezkor qutqarish hamda ehtimoliy talafotlarni kamaytirishga qaratilgan vazifalar izchil amalga oshirildi.

Namangan viloyati FVB Axborot xizmati.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

13-may, 2026, 18:58

🎥 Video

#Profilaktik_tadbir
👍 👍 👍 👍

Viloyatimiz bo'ylab favqulodda vaziyatlarning oldini olishga qaratilgan “Dolzarb 30 kun” oyligi hamda “Chorshanba – profilaktika kuni” doirasida qator tadbirlar davom ettirilmoqda. Xususan, Mingbuloq tumani "Kichik Jomashuy" mahalla fuqarolar yigʼinida gazdan xavfsiz foydalanish yuzasidan profilaktik tadbir o'tkazildi. Unda "Mingbuloqtumangaz" gaz ta'minoti bo'limi mutaxasssislari ham faol qatnashdi.

Tadbir davomida tumandagi 15-sonli maktabda “Fuqaro muhofazasi kuni” o'tkazilib, o'quvchi va o'qituvchilarga favqulodda vaziyatlarda to'g'ri harakat qilish tartibi o'rgatildi. Amaliy mashqlar bajarildi hamda qutqaruv texnikalari namoyish etildi.

🔥 "Hududgaz Namangan" gaz ta'minoti filiali matbuot xizmati

4,460

Namangan viloyati hokimligi

3-apr, 2026, 14:19

📷 Photo

Чустда чигит униб чиқди: эрта эккан эрта хирмон уяди.

Хабар берганимиздек, Наманган вилояти ҳокими Шавкатжон Абдураззоқов бошчилигидаги Ишчи гуруҳи Чуст туманида бўлди.

"Зарафшон"  ММТП ҳудудидаги "Чуст ҳосили" МЧЖга қарашли ерларга 19 март куни чигит экиш бошланган эди. Ҳозирга келиб, дастлабки майдонларда уруғ бир текис ундириб олинди: ҳудди аскарлардек саф тортиб турган ғўза ниҳоллари кўзни қувнатади.

— Чигит униб чиққан майдонларда биринчи комплекс ишлов беришга пухта тайёргарлик кўриш, касалликларга қарши замонавий кимёвий воситалар билан дорилаш масаласига алоҳида эътибор қаратиш лозим, - деди вилоят раҳбари.
Ишчи гуруҳи "Машъал" ММТП ҳудудидаги “Мунчоқтепа тонги” фермер хўжалигида чигит экиш жараёнлари билан яқиндан танишди. Хориждан келтирилган уруғликни белгиланган талаб асосида ерга қадаш зарурлиги таъкидланди.

Вилоят ҳокими чигит экиш, ер тайёрлаш ишларини намунали ташкил этиш, агротехник тадбирларни ўз вақтида ва сифатли амалга ошириш юзасидан масъулларга тегишли топшириқ ва кўрсатмалар берди.

Наманган вилояти ҳокимлиги Ахборот хизмати.
__

Chustda chigit unib chiqdi: erta ekkan erta xirmon uyadi.

Xabar berganimizdek, Namangan viloyati hokimi Shavkatjon Abdurazzoqov boshchiligidagi Ishchi guruhi Chust tumanida boʻldi.

"Zarafshon"  MMTP hududidagi "Chust hosili" MCHJga qarashli yerlarga 19 mart kuni chigit ekish boshlangan edi. Hozirga kelib, dastlabki maydonlarda urugʻ bir tekis undirib olindi: huddi askarlardek saf tortib turgan gʻoʻza nihollari koʻzni quvnatadi.

— Chigit unib chiqqan maydonlarda birinchi kompleks ishlov berishga puxta tayyorgarlik koʻrish, kasalliklarga qarshi zamonaviy kimyoviy vositalar bilan dorilash masalasiga alohida eʼtibor qaratish lozim, - dedi viloyat rahbari.

Ishchi guruhi "Mashʼal" MMTP hududidagi “Munchoqtepa tongi” fermer xoʻjaligida chigit ekish jarayonlari bilan yaqindan tanishdi. Xorijdan keltirilgan urugʻlikni belgilangan talab asosida yerga qadash zarurligi taʼkidlandi.

Viloyat hokimi chigit ekish, yer tayyorlash ishlarini namunali tashkil etish, agrotexnik tadbirlarni oʻz vaqtida va sifatli amalga oshirish yuzasidan masʼullarga tegishli topshiriq va koʻrsatmalar berdi.

Namangan viloyati hokimligi Axborot xizmati.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

3-apr, 2026, 14:19

📷 Photo

#Онлайн

Баҳорги юмушлар — чигит экиш ва ғаллага сув беришни тезлатиш керак!

Наманган вилояти ҳокими Шавкатжон Абдураззоқов оқсоқол-маслаҳатчилари ҳамда тегишли мутасаддилар билан қишлоқ хўжалигидаги долзарб вазифалар ижорсини ўрганишда давом этмоқда.

Бугун эрта тонгдан Чуст туманидаги фермер хўжаликлари дала майдонларида ер текислаш, плеёнка остига чигит экиш, пушта олиш, ғалла парвариши жараёнлари кўздан кечирилмоқда.

Жумладан, ишчи гуруҳи дастлаб "Зарафшон" ММТП ҳудудидаги “Чуст ўрикзор”, "Нурафшон" ММТП ҳудудидаги “Баракоту замин”, “Равшан Мирзаев” ва “Нор” фермер хўжаликларида бўлиб, ер ишлари, чигит экишдан олдин бегона ўтларга қарши кимёвий ишлов бериш, плеёнка остига уруғ қадаш технологиясига амал қилиниши, ғаллани минерал ва маҳаллий ўғитлар билан озиқлантириш каби муҳим агротехник тадбирлар билан танишди.

Ўрганишлар давомида соҳада илғор технологияларни кенг жорий этиш, самарадорликни ошириш ва фермерларни ҳар томонлама қўллаб-қувватлаш бўйича аниқ вазифалар белгилаб берилди.

Маълумот учун: жорий йилда туманда 3504 гектар майдонда пахта етиштириш режалаштирилган бўлиб, унинг 1164 гектарида Шинжон усули асосида чигит экиш ишлари олиб борилмоқда. Мазкур усулда плёнка остига қўш қатор қилиб экиш ҳамда томчилатиб суғориш технологиялари қўлланилиб, сув тежамкорлиги ва ер унумдорлиги таъминланмоқда.

Наманган вилояти ҳокимлиги Ахборот хизмати.
_

#Onlayn

Bahorgi yumushlar — chigit ekish va gʻallaga suv berishni tezlatish kerak!

Namangan viloyati hokimi Shavkatjon Abdurazzoqov oqsoqol-maslahatchilari hamda tegishli mutasaddilar bilan qishloq xoʻjaligidagi dolzarb vazifalar ijorsini oʻrganishda davom etmoqda.

Bugun erta tongdan Chust tumanidagi fermer xoʻjaliklari dala maydonlarida yer tekislash, pleyonka ostiga chigit ekish, pushta olish, gʻalla parvarishi jarayonlari koʻzdan kechirilmoqda.

Jumladan, ishchi guruhi dastlab "Zarafshon" MMTP hududidagi “Chust oʻrikzor”, "Nurafshon" MMTP hududidagi “Barakotu zamin”, “Ravshan Mirzayev” va “Nor” fermer xoʻjaliklarida boʻlib, yer ishlari, chigit ekishdan oldin begona oʻtlarga qarshi kimyoviy ishlov berish, pleyonka ostiga urugʻ qadash texnologiyasiga amal qilinishi, gʻallani mineral va mahalliy oʻgʻitlar bilan oziqlantirish kabi muhim agrotexnik tadbirlar bilan tanishdi.

Oʻrganishlar davomida sohada ilgʻor texnologiyalarni keng joriy etish, samaradorlikni oshirish va fermerlarni har tomonlama qoʻllab-quvvatlash boʻyicha aniq vazifalar belgilab berildi.

Maʼlumot uchun: joriy yilda tumanda 3504 gektar maydonda paxta yetishtirish rejalashtirilgan boʻlib, uning 1164 gektarida Shinjon usuli asosida chigit ekish ishlari olib borilmoqda. Mazkur usulda plyonka ostiga qoʻsh qator qilib ekish hamda tomchilatib sugʻorish texnologiyalari qoʻllanilib, suv tejamkorligi va yer unumdorligi taʼminlanmoqda.

Namangan viloyati hokimligi Axborot xizmati.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

31-mar, 2026, 12:43

📷 Photo

#ОБ_ҲАВО

"Ўзгидромет" Наманган вилояти бўйича 31 март куни кутилаётган об-ҳаво маълумотини эълон қилди.

Унга кўра:
Ҳаво ўзгарувчан бўлади, ёғингарчилик кутилмайди. Шамол шарқдан 5-10 м/с тезликда эсади. Ҳарорат кечаси 12-17° илиқ, кундузи 23-28° илиқ бўлади.

Тоғли ҳудудларда:
Ҳаво ўзгарувчан бўлади, баъзи жойларда ёмғир ёғади, момақалдироқ бўлиши мумкин. Сел-сув тошқин ҳодисалари юзага келиши мумкин. Шамол шарқдан 7-12 м/с тезликда эсади, момақалдироқ пайтида 13-18 м/с гача кучайиши мумкин. Ҳарорат кечаси 5-10° илиқ, кундузи 15-20° илиқ бўлади.

————————————

#OB_HAVO

"Oʻzgidromet" Namangan viloyati boʻyicha 31-mart kuni kutilayotgan ob-havo maʼlumotini eʼlon qildi.

Unga koʻra:
Havo oʻzgaruvchan boʻladi, yogʻingarchilik kutilmaydi. Shamol sharqdan 5-10 m/s tezlikda esadi. Harorat kechasi 12-17° iliq, kunduzi 23-28° iliq boʻladi.

Togʻli hududlarda:
Havo oʻzgaruvchan boʻladi, baʼzi joylarda yomgʻir yogʻadi, momaqaldiroq boʻlishi mumkin. Sel-suv toshqin hodisalari yuzaga kelishi mumkin. Shamol sharqdan 7-12 m/s tezlikda esadi, momaqaldiroq paytida 13-18 m/s gacha kuchayishi mumkin. Harorat kechasi 5-10° iliq, kunduzi 15-20° iliq boʻladi.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

31-mar, 2026, 12:43

📷 Photo

Встречи в Мазари-Шарифе
Как уже сообщалось, делегация под руководством хокима Наманганской области Шавкатжона Абдураззакова в настоящее время находится с визитом в Афганистане.

https://nampravda.uz/politika/vstrechi_v_mazari-sharife.html

1,500

Namangan viloyati hokimligi

31-mar, 2026, 12:43

📷 Photo

#Халқаро_ҳамкорлик

Мозори-Шарифдаги учрашувлар: ҳамкорликдаги янги лойиҳага тамал тоши қўйилди ва “Made in Namangan” кўргазмаси, савдо-иқтисодий ҳамкорлик форуми самарали ўтди.

Аввал хабар берганимиздек, айни вақтда Наманган вилояти ҳокими Шавкатжон Абдураззоқов бошчилигидаги делегациямиз Афғонистон Ислом Республикасида бўлиб турибди.

Ташрифнинг навбатдаги куни ҳам самарали учрашув ва келишувларга бой бўлди. Хусусан, Мозори Шариф шаҳрида  “Голден эгг оф Наманган” корхонаси томонидан амалга оширилиши режалаштирилган паррандачилик лойиҳасига тамал тоши қўйилди.

Наманган вилоятида ишлаб чиқарилаётган маҳсулотлар кўргазмаси - “Made in Namangan” шиори остида ташкил этилиб, қўшни Давлат аҳолиси ва тадбиркорларида катта қизиқиш уйғотди. Ўзбекистон (Наманган) - Афғонистон савдо-иқтисодий ҳамкорлик форумидаги В2В форматида бўлиб ўтган учрашувларда эса тадбиркорлар ўртасида бир қатор келишувлар имзоланди.

Шу ерда Наманган вилояти ҳокими Шавкатжон Абдураззоқов Балх вилояти ҳокими ўринбосари Нурулходий Абу Идрис  ва Мозори Шариф шаҳри раҳбарияти билан расмий учрашув ўтказди.

Наманган вилояти ҳокимлиги Ахборот хизмати.
__

#Xalqaro_hamkorlik

Mozori-Sharifdagi uchrashuvlar: hamkorlikdagi yangi loyihaga tamal toshi qoʻyildi va “Made in Namangan” koʻrgazmasi, savdo-iqtisodiy hamkorlik forumi samarali oʻtdi.

Avval xabar berganimizdek, ayni vaqtda Namangan viloyati hokimi Shavkatjon Abdurazzoqov boshchiligidagi delegatsiyamiz Afgʻoniston Islom Respublikasida boʻlib turibdi.

Tashrifning navbatdagi kuni ham samarali uchrashuv va kelishuvlarga boy boʻldi. Xususan, Mozori Sharif shahrida “Golden egg of Namangan” korxonasi tomonidan amalga oshirilishi rejalashtirilgan parrandachilik loyihasiga tamal toshi qoʻyildi.

Namangan viloyatida ishlab chiqarilayotgan mahsulotlar koʻrgazmasi - “Made in Namangan” shiori ostida tashkil etilib, qoʻshni Davlat aholisi va tadbirkorlarida katta qiziqish uygʻotdi. Oʻzbekiston (Namangan) - Afgʻoniston savdo-iqtisodiy hamkorlik forumidagi V2V formatida boʻlib oʻtgan uchrashuvlarda esa tadbirkorlar oʻrtasida bir qator kelishuvlar imzolandi.

Shu yerda Namangan viloyati hokimi Shavkatjon Abdurazzoqov Balx viloyati hokimi oʻrinbosari Nurulxodiy Abu Idris va Mozori Sharif shahri rahbariyati bilan rasmiy uchrashuv oʻtkazdi.

Namangan viloyati hokimligi Axborot xizmati.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

31-mar, 2026, 12:43

📷 Photo

Как меняется общественный транспорт Намангана
В Намангане прошел пресс-тур, посвященный обновлению общественного транспорта. Журналистам показали, как в регионе запускают современные автобусы и какие удобства это приносит жителям и гостям города.

https://nampravda.uz/obschestvo/kak_menyaetsya_obschestvennyy_transport_namangana.html

4,690

Namangan viloyati hokimligi

31-mar, 2026, 12:43

📷 Photo

Чуст тумани 1-сон техникуми ва тумандаги ҳарбий қисм ўртасида ҳамкорлик меморандуми имзоланди

Ушбу меморандум техникум   ҳамда ҳарбий қисм ўртасида узоқ муддатли ва самарали ҳамкорликни йўлга қўйишни назарда тутади.

Меморандум доирасида:
- аскарларни касб-ҳунарга ўқитиш;
- хорижий тилларни ўргатиш;
- битирувчиларга сертификатлар топшириш;
- зарур ўқув ва амалий шароитларни яратиш;
- амалий кўникмаларни шакллантиришга қаратилган ўқув жараёнларини ташкил этиш;
- замонавий ўқув дастурлари асосида тез ва самарали таълим бериш;
- малакали ўқитувчиларни жалб этиш ишлари амалга оширилади.

Шунингдек, ҳарбий хизматчиларни ватанпарварлик руҳида тарбиялаш, миллий қадриятларга содиқлик, Ватанга муҳаббат ва фидойилик туйғуларини мустаҳкамлаш масалаларига алоҳида эътибор қаратилади.

——————————

Chust tumani 1-son texnikumi va tumandagi harbiy qism oʻrtasida hamkorlik memorandumi imzolandi

Ushbu memorandum texnikum   hamda harbiy qism oʻrtasida uzoq muddatli va samarali hamkorlikni yoʻlga qoʻyishni nazarda tutadi.

Memorandum doirasida:
- askarlarni kasb-hunarga oʻqitish;
- xorijiy tillarni oʻrgatish;
- bitiruvchilarga sertifikatlar topshirish;
- zarur oʻquv va amaliy sharoitlarni yaratish;
- amaliy koʻnikmalarni shakllantirishga qaratilgan oʻquv jarayonlarini tashkil etish;
- zamonaviy oʻquv dasturlari asosida tez va samarali taʼlim berish;
- malakali oʻqituvchilarni jalb etish ishlari amalga oshiriladi.
Shuningdek, harbiy xizmatchilarni vatanparvarlik ruhida tarbiyalash, milliy qadriyatlarga sodiqlik, Vatanga muhabbat va fidoyilik tuygʻularini mustahkamlash masalalariga alohida eʼtibor qaratiladi.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

28-mar, 2026, 23:25

📷 Photo

65-Халқаро гуллар фестивали олдидан

УЙЧИДА ТАЙЁРГАРЛИК ҚИЗҒИН

Халқаро миқёсда ўтадиган байрамга уйчиликлар бу йил ҳар йилгидан-да пухта тараддуд кўришмоқда.

Юз минг туп ўттиз хил турдаги гул кўчати ва ўзгача дизайндаги конструкциялар тайёрланмоқда. Туман маркази, хиёбонлар ва  йўл бўйларида  200 минг тупдан ортиқ 50 хил турдаги гул кўчати ўтқазилиши режалаштирилган. Айни кунларда 60 минг тупи экиб бўлинди ва меҳр билан парвариш қилинмоқда.

Уйчи туман ҳокимлиги Ахборот хизмати.

—-

65-Xalqaro gullar festivali oldidan

UYCHIDA TAYYORGARLIK QIZG‘IN

Xalqaro miqyosda o‘tadigan bayramga uychiliklar bu yil har yilgidan-da puxta taraddud ko‘rishmoqda.

Yuz ming tup o‘ttiz xil turdagi gul ko‘chati va o‘zgacha dizayndagi konstruksiyalar tayyorlanmoqda. Tuman markazi, xiyobonlar va yo‘l bo‘ylarida 200 ming tupdan ortiq 50 xil turdagi gul ko‘chati o‘tqazilishi rejalashtirilgan. Ayni kunlarda 60 ming tupi ekib bo‘lindi va mehr bilan parvarish qilinmoqda.

Uychi tuman hokimligi Axborot xizmati.

1,060

Namangan viloyati hokimligi

28-mar, 2026, 23:25

📷 Photo

Илм ва мерос сари саёҳат: Наманган ёшлари Ислом
сивилизацияси марказида

Бугун Наманган вилояти делегацияси пойтахтимизда қад ростлаган муҳташам илмий-маърифий маскан — Ислом сивилизацияси марказига ташриф буюришди.

Ушбу марказ юртимизнинг бой тарихий мероси, ислом сивилизациясининг жаҳон тамаддунига қўшган улкан ҳиссаси ва буюк аждодларимизнинг илмий фаолиятини замонавий ёндашув асосида намоён этувчи ноёб мажмуа сифатида алоҳида аҳамият касб этади.

Делегация таркибида вилоят ҳокими ўринбосари, ёшлар ишлари бошқармаси бошлиғи, ташаббускор ёшлар етакчилари, шунингдек ишсиз ҳамда фаол ёшлар иштирок этди. Умумий ҳисобда 150 нафар делегация аъзолари ушбу ташрифда қатнашиб, марказ фаолияти билан яқиндан танишдилар. Ташриф давомида меҳмонларга марказнинг консепсияси, унда яратилган шароитлар, ноёб қўлёзмалар фонди, интерактив экспозициялар ҳамда илмий-тадқиқот йўналишлари ҳақида батафсил маълумотлар берилди.
__

Ilm va meros sari sayohat: Namangan yoshlari Islom sivilizatsiyasi markazida

Bugun Namangan viloyati delegatsiyasi poytaxtimizda qad rostlagan muhtasham ilmiy-ma’rifiy maskan — Islom sivilizatsiyasi markaziga tashrif buyurishdi.

Ushbu markaz yurtimizning boy tarixiy merosi, islom sivilizatsiyasining jahon tamadduniga qo‘shgan ulkan hissasi va buyuk ajdodlarimizning ilmiy faoliyatini zamonaviy yondashuv asosida namoyon etuvchi noyob majmua sifatida alohida ahamiyat kasb etadi.

Delegatsiya tarkibida viloyat hokimi o‘rinbosari, yoshlar ishlari boshqarmasi boshlig‘i, tashabbuskor yoshlar yetakchilari, shuningdek ishsiz hamda faol yoshlar ishtirok etdi. Umumiy hisobda 150 nafar delegatsiya a’zolari ushbu tashrifda qatnashib, markaz faoliyati bilan yaqindan tanishdilar. Tashrif davomida mehmonlarga markazning konsepsiyasi, unda yaratilgan sharoitlar, noyob qo‘lyozmalar fondi, interaktiv ekspozitsiyalar hamda ilmiy-tadqiqot yo‘nalishlari haqida batafsil ma’lumotlar berildi.

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Namangan viloyati hokimligi

28-mar, 2026, 23:25

📷 Photo

#қишлоқ_хўжалиги

Баракали ҳосил сари йўл — даладан, меҳнатдан ва юракдан бошланади

Айни кунларда аграр соҳада энг сермасъулият ва ҳал қилувчи давр кечмоқда.

Ҳар бир ишнинг ўз вақти ва тартиби бор, шу боис ерни экишга тайёрлаш, уруғ қадаш жараёнларини пухта ташкил этиш, ғалла майдонларини озиқлантириш билан бир қаторда бегона ўтлар, турли касалликлар ҳамда зараркунандаларга қарши самарали чоралар кўриш алоҳида аҳамият касб этмоқда.

Шунингдек, далалар атрофини кўкаламзорлаштириш, мевали кўчатлар экиш орқали ер унумдорлигини оширишга ҳам эътибор қаратилмоқда.

Норин туманида фаолият юритаётган фермер ва деҳқонлар ушбу жараёнларни пухта режа асосида, бир ёқадан бош чиқарган ҳолда амалга оширмоқда.

Ягона мақсад — ердан баракали ва сифатли ҳосил ундириш.

Норин туман ҳокимлиги Ахборот хизмати
_

#qishloq_xoʻjaligi

Barakali hosil sari yoʻl — daladan, mehnatdan va yurakdan boshlanadi

Ayni kunlarda agrar sohada eng sermasʼuliyat va hal qiluvchi davr kechmoqda.

Har bir ishning oʻz vaqti va tartibi bor, shu bois yerni ekishga tayyorlash, urugʻ qadash jarayonlarini puxta tashkil etish, gʻalla maydonlarini oziqlantirish bilan bir qatorda begona oʻtlar, turli kasalliklar hamda zararkunandalarga qarshi samarali choralar koʻrish alohida ahamiyat kasb etmoqda.

Shuningdek, dalalar atrofini koʻkalamzorlashtirish, mevali koʻchatlar ekish orqali yer unumdorligini oshirishga ham eʼtibor qaratilmoqda.

Norin tumanida faoliyat yuritayotgan fermer va dehqonlar ushbu jarayonlarni puxta reja asosida, bir yoqadan bosh chiqargan holda amalga oshirmoqda.

Yagona maqsad — yerdan barakali va sifatli hosil undirish.

Norin tuman hokimligi Axborot xizmati

http://namangan.uz/ | | https://www.instagram.com/namangan.gov.uz/ | https://www.facebook.com/namangan.uz/ | https://twitter.com/twit_namanganuz | https://www.youtube.com/c/namanganuz

Showing 19 of 19 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Namangan viloyati hokimligi

Namangan viloyati hokimligi

Reyting

Obunachilar sonining o'sishi (Oxirgi 27 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Farg‘ona tumani hokimligi

BUXORO XALQARO UNIVERSITETI

Milliy sertifikat. Ona tili va adabiyot.

Ma'rifiy Targ'ibot Markazi

Talimxabarlari.uz

ЯНГИ ЎЗБЕКИСТОН |Расмий канал

ҚР Ғылым және жоғары білім министрлігі

Davlat Test Markazi

Tegishli Telegram kanallari

Farg‘ona tumani hokimligi

BUXORO XALQARO UNIVERSITETI

Milliy sertifikat. Ona tili va adabiyot.

Ma'rifiy Targ'ibot Markazi

Talimxabarlari.uz

ЯНГИ ЎЗБЕКИСТОН |Расмий канал

ҚР Ғылым және жоғары білім министрлігі

Davlat Test Markazi

So'nggi postlar

Foydalanuvchi sharhlari (0)