Toshkent viloyati sport boshqarmasi

Toshkent viloyati sport boshqarmasi

Public

Kanalni ko'rish

Qo'shila olmaysizmi? @TOSHVIL_SPORT

0

3.9k A'zolar

Yangilangan: May 15, 2026 at 10:53 PM

Toshkent viloyati sport boshqarmasi

Toshkent viloyati sport boshqarmasi Facebook: https://bit.ly/3okUvkj Instagram: Youtube: https://bit.ly/3A8wsb0 Telefon: +998 (55) 9010102 E-mail: [email protected] e-xat: [email protected] Murojaat @tvsportmurojaatbot

Follow @TOSHVIL_SPORT to stay updated with the latest boshqarmasi and instagram trends and news

Reyting

Global reyting

#456

+2

Til reytingi

#45

+1

Toifa reytingi

#23

-1

Obunachilar sonining o'sishi (Oxirgi 5 kun ichida)

Jami: 3.9K

24 soatlik o'sish: -54 1%

Loading...

Reyting

Kirish talab qilinadi

Loading...

Loading recommended channels...

So'nggi postlar

Toshkent viloyati sport boshqarmasi

22-may, 2026, 08:44

📷 Photo

Toshkent viloyati Chirchiq shahar sport maktabi trener-seleksionerlari tomonidan umumta’lim maktablari o‘quvchilari o‘rtasida voleybol bo‘yicha chempionat musobaqasi tashkil etildi.

Musobaqadan ko‘zlangan asosiy maqsad yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda iqtidorli sportchilarni saralab olishdan iborat bo‘ldi.

Bellashuvlarda o‘g‘il va qiz bolalar jamoalari faol ishtirok etib, murosasiz va qiziqarli bahslar olib bordilar.

Musobaqalarda jami 110 nafar yosh sportchilar qatnashdi. Bahslar ko‘tarinki ruhda o‘tkazilib, yakunda faol jamoalar munosib rag‘batlantirildi.

520

3

0

Toshkent viloyati sport boshqarmasi

22-may, 2026, 08:44

🎥 Video

📺📺
"PREZIDENT OLIMPIADASI" ISHTIROKCHILARI SARALANMOQDA

#19may

#sport #kunduzgi

📝Muxbir: Abduaziz Qurbonov

Bizni ijtimoiy tarmoqlar orqali kuzatib boring

📱 https://t.me/sportyangiliklari_rasmiy | 📱 https://www.instagram.com/sportyangiliklari_rasmiy?igsh=MW4zeXI5Z3UyNmJvbg==&utm_source=qr

415

0

Toshkent viloyati sport boshqarmasi

22-may, 2026, 08:44

🎥 Video

“C” guruhi jamoalari Yangiyo‘l shahrida o‘zaro kuch sinashmoqda

Futbol bo‘yicha “DXX kubogi” musobaqalarining Toshkent viloyati bosqichiga rasman start berildi.

Bugun Yangiyo‘l shahar markazida joylashgan sport maktabida katta futbol bo‘yicha musobaqalarning “C” guruhi doirasidagi birinchi tur uchrashuvlari bo‘lib o‘tdi.

Unda Yuqori Chirchiq, Chinoz, Yangiyo‘l, Zangiota hamda Quyi Chirchiq tumanlaridan tashrif buyurgan jamoalar o‘zaro bahs olib bordi.

Musobaqalar yuqori saviyada, sportga xos do‘stona muhit va murosasiz kurashlar ostida tashkil etildi.

Har bir jamoa g‘alaba uchun bor imkoniyatini ishga solib, muxlislarga qiziqarli va shiddatli o‘yinlarni taqdim etdi.

428

0

Toshkent viloyati sport boshqarmasi

22-may, 2026, 08:44

📷 Photo

Nurafshon shahar sport maktabida maktabgacha va maktab ta’limi tizimidagi ta’lim muassasalari xodimlari o‘rtasida “Sog‘lom tanda — sifatli ta’lim” shiori ostida Kasaba uyushmasi kubogi musobaqalari qizg‘in tarzda bo‘lib o‘tmoqda.

Musobaqalarda shahar va tumanlardagi ta’lim muassasalarida faoliyat yuritayotgan pedagog hamda xodimlar turli sport yo‘nalishlari bo‘yicha o‘z mahoratlarini namoyon etmoqda.

Bahslar yuqori kayfiyat, ko‘tarinki ruh va murosasiz bellashuvlarga boy tarzda tashkil etilmoqda.

Mazkur sport tadbiri ta’lim tizimi xodimlari o‘rtasida sog‘lom turmush tarzini targ‘ib qilish, jamoaviy hamjihatlikni mustahkamlash hamda sportga bo‘lgan qiziqishni yanada oshirishga xizmat qilmoqda.

517

Toshkent viloyati sport boshqarmasi

22-may, 2026, 08:44

📷 Photo

Toshkent viloyati sport boshqarmasi boshlig`ining tashabbusi bilan Nurafshon shahridagi “Nurafshon Arena” o‘yingohi tevarak-atrofida obodonlashtirish ishlari olib borilmoqda.

Hududni yanada ko‘rkam va fayzli maskanga aylantirish maqsadida turli mavsumiy gullar ekilib, yashil hududlar tartibga keltirilmoqda.

Amalga oshirilayotgan bunyodkorlik ishlari sport inshooti atrofidagi ekologik muhitni yaxshilash, tashrif buyuruvchilar uchun qulay va shinam muhit yaratishga xizmat qilmoqda.

Obodonlashtirish ishlari doirasida hududni yanada chiroyli va zamonaviy ko‘rinishga keltirish bo‘yicha ishlar izchil davom ettirilmoqda.

636

Toshkent viloyati sport boshqarmasi

7-may, 2026, 21:47

📷 Photo

#Yoshlar_kuni
#Marafon

Toshkent tumanida “Sog‘lom hayot uchun 5 ming qadam” shiori ostida ommaviy marafon tashkil etildi. Unda tuman rahbarlari, korxona va tashkilot vakillari, mahalla faollari hamda 500 dan ortiq yoshlar faol ishtirok etdi.

Marafon yakunida g‘oliblar taqdirlanib, “Payshanba — yoshlar kuni” munosabati bilan ochiq muloqot o‘tkazildi. Unda yoshlarning taklif va muammolari tinglanib, ularni qo‘llab-quvvatlash bo‘yicha muhim vazifalar belgilandi.

Tadbir davomida Turkiyada o‘tgan “16th World Shotokan Championships” musobaqasida karate bo‘yicha bronza medalini qo‘lga kiritgan Saidislom Saidakbarxo‘jayev ham tuman hokimi tomonidan tantanali ravishda taqdirlandi.

Shuningdek, yosh murabbiylardan biri sport rivojiga ko‘rsatilayotgan e’tibor uchun minnatdorlik bildirib, tuman hokimiga medal topshirdi.

248

Toshkent viloyati sport boshqarmasi

7-may, 2026, 21:47

📷 Photo

#DXX_kubogi_2026

Parkent tumanida futbol va mini-futbol bo‘yicha “DXX kubogi – 2026” musobaqalarining tuman bosqichi bo‘lib o‘tdi.

Musobaqalar yoshlar o‘rtasida sog‘lom turmush tarzini targ‘ib qilish va sportni ommalashtirish maqsadida tashkil etildi.

Yakuniy natijalarga ko‘ra:

⚽ Futbol bo‘yicha:
1-o‘rin — Oydin MFY
2-o‘rin — Chinorbuloq MFY
3-o‘rin — Qirg‘izovul MFY

⚽ Yigitlar o‘rtasida mini-futbol:
1-o‘rin — Boyqo‘zon MFY
2-o‘rin — Nurobod MFY
3-o‘rin — Istiqbol MFY

⚽ Qizlar o‘rtasida mini-futbol:
1-o‘rin — Olmazor MFY
2-o‘rin — Chinorbuloq MFY
3-o‘rin — Gulbog‘ MFY

G‘olib va sovrindor jamoalar taqdirlanib, viloyat bosqichiga yo‘llanmani qo‘lga kiritishdi.

308

Toshkent viloyati sport boshqarmasi

7-may, 2026, 21:47

📷 Photo

#jarayon

Toshkent viloyati sport boshqarmasida 9-may — Xotira va qadrlash kuni munosabati bilan madaniy-ma’rifiy tadbir tashkil etildi.

Unda sport sohasida ko‘p yillar samarali mehnat qilgan, hozirgi kunda keksalik gashtini surayotgan sport faxriylari ishtirok etdi.

Tadbir dastlab “Vatanparvar bog‘i”da joylashgan Zulfiya ona haykali poyiga gul qo‘yish marosimi bilan boshlandi. Shuningdek, ishtirokchilar bog‘ hududidagi eksponatlar bilan yaqindan tanishdi.

Shundan so‘ng ishtirokchilar Nurafshon shahar sport maktabida bo‘lib, yosh sportchilarning ko‘rgazmali chiqishlarini kuzatdi.

Tadbir doirasida Milliy olimpiya qo‘mitasi tomonidan barpo etilgan zamonaviy padel tennis majmuasining ochilish marosimi ham o‘tkazildi.

Yakunida sport faxriylarini taqdirlash marosimi tashkil qilinib, ishtirokchilar uchun bayram dasturxoni yozildi hamda osh tortildi.

✅ https://t.me/toshvilpressa 🌐 https://gov.uz/oz/toshvil 📹 https://www.youtube.com/channel/UCMiOgKk60AhICLacgI_VkUQ✅ https://fb.me/toshvilhokimiyat 🕊 https://twitter.com/T_vil_hokimligi?t=k6rg0C41HeiS0yO3XRrQIg&s=09 🌐 https://www.instagram.com/toshvilhokimlik?igsh=eHowZWM1eDAxOG1i

Toshkent viloyati sport boshqarmasi

1-may, 2026, 16:49

📷 Photo

Oqqo‘rg‘on polvonlari yana chempion!

Surxondaryo viloyatida yunon-rum kurashi bo‘yicha U15 yosh toifasida O‘zbekiston kubogi musobaqasi yuqori saviyada o‘tkazildi. Mazkur nufuzli bellashuvlarda mamlakatimizning turli hududlaridan tashrif buyurgan iqtidorli yosh sportchilar o‘zaro kuch sinashdi.

Musobaqada Toshkent viloyati, xususan Oqqo‘rg‘on tumani vakillari munosib ishtirok etib, yuqori natijalarga erishdilar. Xususan, -48 kg vazn toifasida Mirislam G‘ofurov hamda -68 kg vazn toifasida Ruslan Ovezmuratov barcha raqiblarini ortda qoldirib, faxrli 1-o‘rinni qo‘lga kiritdi.

Ushbu g‘alaba orqali yosh polvonlarimiz Vetnam davlatida o‘tkazilishi rejalashtirilgan Osiyo chempionatida ishtirok etish huquqini qo‘lga kiritdi.

Mazkur natijalar hududda sportga qaratilayotgan e’tibor, murabbiylar mehnati hamda yoshlarning tinimsiz sa’y-harakatlari samarasi ekanini yana bir bor namoyon etdi.

196

Toshkent viloyati sport boshqarmasi

1-may, 2026, 16:49

📷 Photo

Navoiyda U-14 sport gimnastikasi bo‘yicha O‘zbekiston chempionati boshlandi

Navoiy shahrida sport gimnastikasi bo‘yicha o‘g‘il bolalar o‘rtasida U-14 toifasidagi O‘zbekiston chempionatining tantanali ochilish marosimi bo‘lib o‘tdi.

Mazkur nufuzli musobaqada respublikamizning barcha hududlaridan tashrif buyurgan iqtidorli gimnastikachilar o‘z mahoratlarini namoyish etmoqda.

Qizg‘in va murosasiz bahslarga boy o‘tayotgan chempionatda Toshkent viloyati jamoasi yakunda faxrli 3-o‘rinni qo‘lga kiritdi.

Musobaqa yosh sportchilar uchun tajriba almashish, o‘z salohiyatini sinovdan o‘tkazish hamda kelgusidagi yirik musobaqalarga puxta tayyorgarlik ko‘rish yo‘lida muhim bosqich bo‘lib xizmat qilmoqda.

Ta’kidlash joizki, mazkur chempionat joriy yilning 29-aprelidan 2-mayiga qadar davom etadi.

238

Toshkent viloyati sport boshqarmasi

1-may, 2026, 16:49

🎥 Video

212

0

0

Toshkent viloyati sport boshqarmasi

1-may, 2026, 16:49

📷 Photo

Probatsiya hisobida turuvchi yoshlar ishtirokida “Velomarafon” tadbiri o‘tkazildi

Bo‘ka tumanida IIB boshlig‘i podpolkovnik A. G‘ulomov tashabbusi bilan Adliya bo‘limi hamda sport maktabi hamkorligida “Navobod” mahallasi yoshlari, shuningdek probatsiya hisobida turuvchi yoshlar ishtirokida “Velomarafon” sport tadbiri tashkil etildi.

Tadbir davomida ishtirokchilar o‘zlarining chaqqonligi, chidamliligi hamda g‘alabaga bo‘lgan intilishlarini namoyon etdilar. Musobaqa jarayoni startdan finishgacha qiziqarli va murosasiz bahslarga boy tarzda kechdi.

Yakuniy natijalarga ko‘ra, eng kuchli va epchil ishtirokchilar aniqlanib, 1-, 2- va 3-o‘rin sohiblari tantanali ravishda taqdirlandi hamda esdalik sovg‘alari bilan rag‘batlantirildi.

Mazkur tadbir yoshlar o‘rtasida sog‘lom turmush tarzini targ‘ib etish, ularning bo‘sh vaqtini mazmunli tashkil qilish hamda sportga bo‘lgan qiziqishini yanada oshirishga xizmat qildi.

168

Toshkent viloyati sport boshqarmasi

21-apr, 2026, 03:43

📷 Photo

Bo‘ka tumanidagi sport obyektlari o‘rganildi

Toshkent viloyati prokuraturasi mas’ul xodimi Abdurahim Abdujabborov hamda viloyat sport boshqarmasi boshlig‘i Rustam Bobokulov tumandagi sport obyektlarini ko‘zdan kechirdi.

O‘rganishlar davomida sport inshootlarining texnik holati tahlil qilinib, ayrimlari ta’mirtalab ekani aniqlandi.

Mavjud obyektlarni soz holatda saqlash, ulardan samarali foydalanish va aholi uchun qulay sharoitlar yaratish zarurligi ta’kidlandi.

Shuningdek, aniqlangan kamchiliklarni bartaraf etish bo‘yicha tegishli chora-tadbirlar belgilandi.

274

0

Toshkent viloyati sport boshqarmasi

21-apr, 2026, 03:43

https://uza.uz/uz/posts/toshkent-viloyati-xabarlari-qisqa-satrlarda_847061

418

0

0

Toshkent viloyati sport boshqarmasi

21-apr, 2026, 03:43

🎥 Video

#DXX_kubogi_2026
#Nurafshon_shahar

Nurafshon shahrida “DXX kubogi – 2026” musobaqalarining guruh bosqich uchrashuvlari qizg‘in davom etmoqda.

Mazkur bellashuvlarda shahar mahallalaridan shakllantirilgan mahoratli jamoalar futbol bo‘yicha o‘zaro kuch sinashib, keyingi bosqich yo‘llanmasi uchun maydonda murosasiz bahs olib bormoqdalar.

Ushbu musobaqa yoshlar o‘rtasida sog‘lom turmush tarzini targ‘ib etish, ularning bo‘sh vaqtini mazmunli tashkil etish hamda millionlar o‘yini bo‘lmish futbolni yanada ommalashtirishga xizmat qiladi.

354

0

Toshkent viloyati sport boshqarmasi

21-apr, 2026, 03:43

📷 Photo

Yurtimizda nogironligi bo‘lgan shaxslarning ijtimoiy faolligini oshirish, ularni sportning sehrli olamiga jalb etish hamda sog‘lom turmush tarzini keng targ‘ib qilish maqsadida o‘tkazilayotgan “Besh tashabbus paralimpiadasi” chinakam matonat bayramiga aylanmoqda.

Toshkent tumanida bo‘lib o‘tgan musobaqalarning tuman bosqichi ham aynan ana shunday ezgu va olijanob maqsadlarni o‘zida mujassam etib, ko‘tarinki ruhda tashkil etildi.

Musobaqa maydonlari hayajonli lahzalarga boy bo‘ldi. Tumanda istiqomat qiluvchi 614 nafar imkoniyati cheklangan aholi vakillari para shaxmat, para tennis, yengil atletika (yugurish va uzunlikka sakrash), badminton va armrestling kabi yo‘nalishlarda o‘z mahoratlarini sinovdan o‘tkazdilar.
Tadbirning ochilish marosimida ta’kidlanganidek, “Besh tashabbus paralimpiadasi” nogironligi bo‘lgan shaxslarning jamiyatdagi o‘rnini mustahkamlash va ularning o‘z imkoniyatlariga bo‘lgan ishonchini oshirishga xizmat qiluvchi noyob loyihadir.

536

Toshkent viloyati sport boshqarmasi

7-apr, 2026, 12:29

📷 Photo

#Sport

Toshkent tumanida stol tennisi bo‘yicha hokim olimpiadasi o‘tkazildi

Toshkent tumanidagi turnir nafaqat raqobat, balki do‘stlik va sport madaniyatini targ‘ib etuvchi muhim ma“Universal” sport majmuasi yana bir bor sportsevar yoshlar va faol fuqarolarni o‘z bag‘riga jamladi. Bu maskanda “Prezident olimpiya dasturi” doirasida tashkil etilgan “Toshkent tumani hokimi olimpiadasi”ning stol tennisi musobaqalari ko‘tarinki ruhda bo‘lib o‘tdi. ydonga aylandi.

Tadbir davomida g‘olib va sovrindorlar Toshkent tumani hokimi Sardorbek Ergashev tomonidan munosib taqdirlandi. Ularning yutuqlari nafaqat shaxsiy muvaffaqiyat, balki tuman sport hayotining rivojiga qo‘shilgan munosib hissa sifatida e’tirof etildi. Har bir ishtirokchi esa bu musobaqadan yangi tajriba va ilhom bilan qaytdi.

171

Toshkent viloyati sport boshqarmasi

7-apr, 2026, 12:29

📷 Photo

Toshkent viloyatining 22 ta tuman va shaharlarida "Besh tashabbus olimpiadasi" doirasida DXX kubogi musobaqalarining tuman va shahar bosqichlariga rasman start berildi

Musobaqalarning tantanali ochilish marosimida Toshkent viloyati Sport boshqarmasi rahbariyati, viloyat DXX xodimlari, Yoshlar ishlari agentligi vakillari shuningdek, taniqli futbolchilar hamda faxriy sportchilar ishtirok etdilar.

Mazkur musobaqalar doirasida viloyat bo‘ylab 883 ta mahallada jami 883 ta katta futbol, 883 ta mini futbol (o‘g‘il bolalar o‘rtasida) hamda 88 ta qizlar jamoalari shakllantirildi.

Musobaqalarga jalb etilgan ishtirokchilar soni katta futbolda 14 128 nafar, mini futbolda 8 830 nafar, mini futbol (qizlar) 880 nafar yoshlar jalb qilindi.

Ochilish marosimida hududlar masofaviy tarzda ishtirok etdilar.

https://gov.uz/sport/ | https://t.me/Minsportuz | http://fb.com/MinistrySportUz | https://www.instagram.com/minsport.uz/ | http://bit.ly/30pICdW

Toshkent viloyati sport boshqarmasi

7-apr, 2026, 12:29

📷 Photo

Parkent tumanida futbol bahslari start oldi!

Parkent tumanida yoshlarda keng qamrovli sport musobaqalaridan biri – Davlat xavfsizlik xizmati kubogi uchun futbol bahslarining tuman bosqichiga rasmiy start berildi.

Musobaqaning ochilish marosimida tuman hokimi Elmurod Po‘latov hamda tuman rahbarlari ishtirok etib, yoshlarnı sportga jalb etish, sog‘lom turmush tarzini targ‘ib qilish va ularning bo‘sh vaqtini mazmunli tashkil etish borasidagi ishlar muhim ekanini ta’kidladilar.

Mazkur musobaqa yoshlarda sog‘lom raqobat muhitini shakllantirish, iqtidorlu futbolchilarni kashf etish va ularni qo‘llab-quvvatlashga xizmat qilmoqda.

Eslatib o‘tamiz, DXX kubogi musobaqalarida 16 yoshdan 30 yoshgacha bo‘lgan ishtirokchilar qatnashadi.

Tumandagi barcha mahalla yoshlari o‘zaro bellashib, viloyat bosqichi yo‘llanmasi uchun kurash olib boradi.

189

Toshkent viloyati sport boshqarmasi

6-apr, 2026, 17:53

📷 Photo

Oqqo'rg'on tumanida sport musobaqalari davom etmoqda

Toshkent viloyatining Oqqo'rg'on tumanida “Yangi O‘zbekiston Olimpiya cho‘qqilari” hamda “Prezident Olimpiadasi” sport musobaqalarining birinchi bosqichi — Oqqo'rg'on tuman hokimi olimpiadasi” doirasida badiiy gimnastika bo‘yicha bellashuvlar yuqori saviyada tashkil etildi.

Mazkur musobaqalarda yosh sportchilar o‘z mahorati, nafisligi va jismoniy tayyorgarligini namoyon etib, hakamlar hay’ati tomonidan munosib baholandi. Bellashuvlar sportni ommalashtirish, iqtidorli yoshlarni aniqlash hamda ularni keyingi bosqichlarga saralab olishga xizmat qilmoqda.

Musobaqa yakunida g‘olib va sovrindorlar tashkilotchilar tomonidan munosib taqdirlanib, keyingi bosqichda ishtirok etish huquqini qo‘lga kiritdilar.

470

Toshkent viloyati sport boshqarmasi

6-apr, 2026, 17:53

📷 Photo

Bekobod tumanida “Olimpiya cho‘qqilari” sport musobaqalari doirasida stol tennisi bo‘yicha tuman bosqichi yuqori saviyada tashkil etildi.

Mazkur musobaqada yosh sportchilar o‘z mahoratlarini namoyon etib, kuchli raqobat ostida bellashdilar.

Musobaqa davomida ishtirokchilar tezkorlik, aniqlik va chidamlilik borasida o‘z ustunliklarini ko‘rsatib, tomoshabinlarga qiziqarli va murosasiz bahslarni taqdim etdilar. Har bir uchrashuv sport ruhiga mos tarzda, halol va adolatli kechdi.

Yakuniy natijalarga ko‘ra, eng kuchli sportchilar saralab olinib, keyingi bosqich yo‘llanmalarini qo‘lga kiritdilar. G‘olib va sovrindorlar tashkilotchilar tomonidan munosib taqdirlandi.

28

Toshkent viloyati sport boshqarmasi

6-apr, 2026, 17:53

📷 Photo

Sportning Stol tennisi turi bo‘yicha Quyi Chirchiq tumani hokimi olimpiadasi bo‘lib o‘tdi.

Quyi Chirchiq tumani hokimi olimpiadasi musobaqasi bo‘lib o‘tdi.

Mazkur musobaqalar iqtidorli sportchilarni aniqlash hamda keyingi bosqich musobaqalariga saralab olish maqsadida tashkil etildi.

Musobaqa natijalarga ko‘ra g‘olib va sovrindorlar aniqlandi hamda ular tegishli darajadagi diplomlar bilan taqdirlandi.

243

0

Toshkent viloyati sport boshqarmasi

6-apr, 2026, 17:53

📷 Photo

Nurafshon shahrida sportning stol tennisi turi bo‘yicha tuman hokimi olimpiadasi bo‘lib o‘tdi.

Mazkur musobaqalar yoshlar o‘rtasida sportni keng ommalashtirish, iqtidorli sportchilarni aniqlash hamda ularni keyingi bosqichlarga saralab olish maqsadida tashkil etildi.

Unda tumandagi ta’lim muassasalari hamda sport maktablaridan kelgan o‘quvchi-yoshlar faol ishtirok etdilar.

Bellashuvlar davomida ishtirokchilar o‘z mahorati, chaqqonligi va jismoniy tayyorgarligini namoyon etib, har bir yo‘nalishda murosasiz kurash olib bordilar.

Musobaqa yakunlariga ko‘ra, g‘olib va sovrindorlar aniqlanib, ular diplom hamda esdalik sovg‘alari bilan taqdirlandi.

Eng yuqori natijalarni qayd etgan sportchilar viloyat bosqichida ishtirok etish huquqini qo‘lga kiritdilar.

340

Showing 23 of 23 posts

No more posts