قصص فتيات عراقيات

Public

چینل دیکھیں

شامل نہیں ہو سکتے؟ @zainab_majid9

25k اراکین

اپ ڈیٹ کیا گیا: August 18, 2026 at 6:50 PM

قصص فتيات عراقيات

قصص حقيقيه مأخوذه من ارض الواقع لفتيات عراقيات ☺ نتمنى لكم متابعه ممتعه معنا 💖 لہ الكاتبة "زينب ماجد"

Follow @zainab_majid9 to stay updated with the latest Novels trends and news

درجہ بندی

عالمی درجہ بندی

#165444

-3286

زبان کی درجہ بندی

#273

-1

زمرہ کی درجہ بندی

#1846

-43

سبسکرائبرز کی تعداد میں اضافہ (پچھلے 25 دنوں میں)

کل: 25.0K

24 گھنٹے میں اضافہ: +47 0%

تازہ ترین پوسٹس

قصص فتيات عراقيات

22 جولائی، 2026، 05:36 PM

بقى يباوع بالاتصال ستيكر مطي يعني وطبان ..

تنهد رفض الاتصال وكتبله ( ما اكدر اجاوب اكتبلي شرايد )

كتبلها وهو يفشر عليها ع السوته ويتوعدلها
كتبله ( ما سويت بكيفي عيفان هددني واخذني لبيت حابسني وكاعد ديتعدى عليه الله يخليك ساعدني اذا ابقى يمه راح اموت ما اكدر )

كتبلها جاوبي

دار السيارة عيفان ورجع للبيت بعدها نايمة
ندها : كومي

فزت : ها

-وطبان ديكتبلي اريدج تجرجري وتجيبينو لهينا

-لحظة مدا افتهم راسي ديأذيني

فز من يمها : جبتلج هواية غراض بالصالة روحي شوفي رتبي وضعج واستعجلي بسرعة

كامت راح للحمام ورجعت اخذت العلاليك من الصالة ومشت للغرفة هو انتظرها دقايق وكاعد على نار يريدها تجاوب وطبان حتى تجره ..

فتح الباب لكاها دا تبدل وتلبس بحمالة صدر
بسرعة انسحب وسد الباب وراه بس اشتعل راسه وتوتر حيل .. ترك التليفون بالصالة وطلع برا البيت .. وهو يحاول يبعد منظر جسمها من راسه ويسيطر على نفسه .

كملت تبديل واستحت تطلعله بقت متردده اشون تصيحه لو تسكت
دكت الباب هو انتبه .. اجا وهو يحاول يخفي شي بملامحه ويسوي نفسه ممهتم وكأنما مشاف شي وهي كلش خجلانه ومتوترة وترجف مدا تعرف شنو تتصرف

كاللها : اتردين

- اي
اخذت التليفون اديها تهتز متعرف شتسوي حجه

- يعني هو مصار يعنيبس ردي عليه انت اقري الرسايل وجاوبي

عافها ورجع طلع وهي تباوعله .. لزمت التليفون كامت تقرأ البينهم كتبت لوطبان دقايق من يطلع اني اخابرك هسه ما اكدر اذا يعرف اني دا احجي وياك احتمال يبلغ عليه هو هددني اذا ما ابقى عنده يبلغ الشرطة مال بغداد عليه

كتبلها ( انت وين )

- ببغداد يمكن

- متعرفين انت وين

- من جابني قريت منطقة الشعلة والغزالية ذني وين صايرات ؟

- ها ها ابوه عنده بيت بالغزالية بابه اسود انت بيه

- اي صح الباب اسود

- شوكت يطلع ؟

-ما اعرف هسه هو نايم

-كاعد يتقربلج

-قصدك يغتصبني

-بلغي عليه

-انت تحجي صدك اذا كمشوني الشرطة انتهي هنا اخاف

-اني اطلعج بس بلغي

-شلون ابلغ وهو حابسني انت تعال ومن توصل كلي حتى اشوف طريقة اطلعلك

- زين زين من يطلع خابريني واني اليوم ببغداد

فتحت الباب هو برا جاي يشرب جكاير رادت تصيحه بأسمه خجلت مكدرت .. هو انتبه هي طلعت تقرب منها : ها

انطته التليفون ودخلت هو قرأ الرسايل
حجه : نص ساعة وخابري

هزت راسها وهي تتهرب منه وتكوله (تمام )

راحت لمت الجراجف مال الكرويتة وحطتهن بالغسالة وكعدت تريد تشغلها متعرف اجته : احجي ؟

باوعلها لابسة ملابس جديدة ومخصرة على جسدها لايكلها هز راسه بمعنى ( شنو )

-مدا اعرف اشغل الغساله

كام من مكانه يباوع هو هم ما يفتهم بهالامور ..
وغسالة اوتماتيك مدا يفتهم شلون البرنامج مالها بحث يوتيوب وطلع طريقة تشغيل شغلها شافها كامت تذب ماي كاللها : من تخلص عود شريهن مكتوب ميصير تفتحين الباب وهي تشتغل

-ها .. اي

ديري يعبر واني اريد اباوع للغسالة طخ جسمه بجسمي
جسمي كله كزبر وحيل صرت ارتبك من وجودة .. باوعت وراه لابس تيشيرت وبجامة .. اسود باسود هو ضخم وطويل وجسمه حيل مرتب ومعضل .. حسيته حلو حيل .. مدري اول مشفته ما شفته بهالطريقه اسمي مستر صلعة شو هسه حتى صلعته دا احسها صايرة حلوة !

رحت للمطبخ ..
طلعت طاوة ودا اريد اسوي ريوك
كمت اغسل بيدي .. اجا هو : ااااا ردت اكلج

باوعتله هو مرتبك واني هماتين
حجه : اني ما رايد اضرج اكثر خاف تتورطين بموضوع وطبان عيفي اني راح اشوف شلون اتصرف

- لا عادي يعني ما ....
مدا يطلع الحجي ويايا

- متخافين تتأذين

- انت يعني مو كلت راح تساعدني

- اي اكيد بس كلت خاف دا اجبرج يعني او تنضرين .

- لا عادي انت شتريد اني اسوي

باوعلها عرف البنية كامت تميله برغبة مو بخوف ورهبة
هز راسه .. وراح كعد بالصالة ..هي سوت ريوك وجابت صينية
ضاربة ٣ بيضات بالطاوة بدون بصل او اي اضافة بس دهن وخالطتها ومسوية جاي وجبن : تاكل

هو موكز بالتليفون باوعلها : همممم لا لا بالعافية اكلي

- مو اني ما اكل البيض

-عجل شكو سويتي

-كلت يمكن جوعان

كام من مكانه وكابلها حتى ما يردها .. كعد ياكل
حجه : باقرب وقت راح اشغلج بمكان تابع النا معمل .. واجرلج بيت ادفع ايجار سنة مقدم .. الباقي يمج

- والجنسية ؟

- وصيت كرايبي عليها بس تكمل وتطلع انطيجياها .

- يعني بعد تروح

- وين اروح ؟

- يعني بعد متجي

- انا ما ساكن هينا

- وين ؟

- بحديثة

- وين صايرة

- انبار

- مو بيها دو١عش

-تحررت من زمان

- يعني بعد ماكو د١عش

- هو هسه هذا موضوعنا !؟

سكتت وانحرجت : بس يعني راح اعيش وحدي ؟

- عجل اجيبلج فدعة تعيش وياج

- فدعة منو

ابتسم : جدتي

- عندك جدة

- عجل ابوي طالع من فطر الحايط !؟ شهالاسئلة

- اسفة يعني ما اعرف كل اللي بالميتم ما عدهم اهل يعني

ما جاوب .. رحجعت حجيت : شلون اعيش وحدي يصير بان تجي تعيش وياي ؟

-انا ياهو مالتي ..

4,250

قصص فتيات عراقيات

22 جولائی، 2026، 05:36 PM

- اسألك لو تضوج

- اذا ابالج تنگين وتلگين لا تسمعيني صوتج

- لا بس اريد اعرف شكد راح ابقى هنا

- يمكن شهر يمكن سنة ما اعرف يمتى ما كملت المعاملة اكولج الله وياج

- زين انت من تروح دا تقفل الباب الجوا ميخالف تقفل بس البرا اكو حديقة واكو مرجوحة احب اكعد

-ما اريد احد يشوفج بالبيت لو يعرف البيت بيه احد المنطقة يعرفون اهلي ويعرفون ابوي وراح يكلولا وراح افوت بسين وجيم  في غنى عنه .

- هااا .. تمام اذا هيج .

باوع : انت تعرفين تطبخين لو لا حتى اعرف شجيب لان المسواك ما جايسته .

- اعرف .. قليل يعني بس اني ما هلكد احب الاكل .. احب الحلويات اكثر .. من جنا بالميتم جان ممنوع الحلويات ماما سيتا مجانت تقبل .. بس من طلعت كمت اكل بكيفي .

كعدت وهي تسولف بدون ما احد يطلب منها من ضوجتها تحاول تلكى احد تسولف وتفرغ طاقة الحجي البداخلها .. استمع بس ما جاوبها بقى ساكت ..

حجت : جانوا يخلصوها بس تمن وعدس تمن وفاصولية .. بس مع هذا جانت الحياة حلوة احلى من هسه .

.. جنت اكعد يوميا من الصبح نغسل ونبدل خواتنا الصغار ونكعدهم بالسرا بصالة الطعام يكملون اكل نروح ننظف ونغسل ونساعد بالطبخ .. جان تقريبا بس يوم الخميس نشوف تلفزيون او فلم .. والماما هي تختاره بدون مشاهد .. شكد جنت اتمنى اطلع من الميتم واخلص من الروتين القاسي الجنا نعيشة هسه اتمنى ارجع

باوعلها وهو يشرب الجاي : تندلي ؟

- مو كلش  اسم المنطقة واسم الميتم بس .

- ادوره وارجعج ليغاد ؟

- ااااا ما ادري بس لا .. اخاف

- منين ؟

- ماما سيتا هي طلعتنا من الميتم وانطتنا لوطبان رغم بجينا هوايا مقبلت تبقينا واخاف اذا رجعت ترجع تخابر وطبان ياخذني واكيد راح يأذيني .

- وطبان يصبرلي لا ما اخلي باعداد الموتى ما اتسمى بأسم ابويه .

-هم اعتقلوهم وسدوا الفندق

-اعتقلوا مدير الفندق بس ما سدوا الفندق لهسه لا بقرار ما اعرف بكردستان شلون القانون ماشي .

- ما اعرف بس يمكن ميقبلون عربي يشتكي على كردي هناك او يتهاونون بيها ؟

باوعلها وكام من مكانه طلع ..
بقى يفتر على وطبان يحاول يجرجره ويقتص منه ما جاي يلكى طريقة .

مر يوم ويومين وتلاثة ..
وهو يروح لبيت الغزالية بس بالليل ويطلع وجه الصبح ..
رجع مرة لبيت اهله مرته زعلانة وطالعة ومقابلة ترجع لما رايحلها ابوه فمعتبرها اهانة ورافض يرجعها وبقى ملتهي بسالفة وطبان .

چچك : مر خمسة ايام هو يطلع الصبح يرجع بالليل ميحاجيني ولا يسولف يطب ساكت يطلع ساكت بس شي من داخلي جان ينتظر اليوم كله ساعة جيته ومن اسمع الباب الخارجي انفتح كأنما اجا الفرج رغم هو ابد ميسولف بس وجودة بالبيت ينطيني شعور بالامان والراحة .

بس صار يومين مكام يجي للبيت نهائي ..
وصادف باليوم الثاني .. نزل عندي دم بس ما عندي فوط .. احتاريت بكاعي وين اروح .. جان وضع كلش كسيف .. بقيت ادبرها بحلول تركيعية ..

لحد ما جنت نايمة ع الكرويتة ومندارة وملابسي متدمرة دم واني نايمة هو وكتها جاي بنص الليل من فايت مباوعلي ملابسي بيها دم .. بسرعة اجا ندهني : يولي .. هي اكعدي شنو هذا الدم شصايرلج

كعدت فزيت بسرعة على صوته بس رعب احتل كلبي من فززني هشكل وهو بعد يزعق : شنو هذااااا الدم

كمت ركضت للحمام غسلت
هو اجا للحمام دك الباب حجه : بيج شي

- لا بس ما عندي هدوم وشسمه ما اعرف شكول استحي .
حجيتها واختنكت الكلمة ببلعومي وبجيت شكوله جيبلي ملابس داخلية وفوط .. استحي ما ادبرها اكولها

هو افتهم من ذاته وكام طلع بنص الليل افتر جاب فوط نسائية ودور على واحد يببع ملابس نسائية ما لكى عاد رجع بس بالفوط لكا باب الحمام مفتوح ..

مشى للغرفة دك الباب وحجة : هاج بالباب تعاي اخذي

ترك العلاكة بالباب ومشى ..
مكانها النايمة بيه بيه قطرات دم .. لعبت نفسه واستحى يبقى وياها بهيج وضع بالبيت طلع من البيت ونام بالسيارة .

لحد ما صار الصبح .. هو طلع للسوك اشترى من محل كوزمتك دشاديش الها مال بنات صغار واشترى ملابس داخلية وطلب من الولد ابو الكوزمتك يجهزله علاكة بكامل الاحتياجات مشط قراصة عطر لان هو اول مترك راح من بالة هي بنية شتاحتاج شمرها والتهى بسالفة وطبان من رجع ولكاها بهالحال .. راح جهزلها التحتاجه ورجع للبيت

وكف يريد يصيحلها
ما بينهم اي لغة حوار لدرجة هو لحد هسه محافظ اسمها ولا هي صايحتله بأسمه راد يصيحها احتار هو اسمها شنو جان نساه .

راح للغرفة لكاها متمددة ومشغلة المروحة ونايمة
ولابسة بجامة رجالية مالته لان متكفيلها شادة عليها حجاب من يم خصرها .. وغاطه بنومها متدري

بقى يباوع بيها رغم كل الصار وياها بس بيها براءة ومبينة على ملامحها بنية صغيرة استشعر مالها ذنب بكل الهوسة الصارت والدارت بيها ..

تنهد وهو يباوعلها ويباوع لملامحها ..
لابسة تيشيرت رجالي بلا ملابس داخلية .. ركز بتفاصيلها
سحب نفسه بسرعة خوف من انو يستغلها بلحظة نزوة .

عاف البيت وطلع
رجع للسيارة ركب وطلع لهناك تليفون چيچك دك ..

قصص فتيات عراقيات

22 جولائی، 2026، 05:36 PM

- هذا اخوك الجلب مدري شباله حسباله انا جاهل وما اندل دروبه جاي من بغداد ويكلي جاي من اربيل وتكلون ويا مرتو وطاردها لاهلها

عيفان : ابختك انا طاردها
باوع لعمران : يولو حيت تعبان اكلها تعبان بس ارتاح تصيح فوك راسي وتدفعني من السرير مرة هاي .. كرطة مو مرة اني جزعت جزززززعت .

عمران : ميخالف ميخالف يخوي سمي بسم الله هن النسوان عقولهن كلها هيج كبر عقلك يخوي .. اذكر الله وانزل .

- رايد اطلع .. ما اكدر تعبان خل اشوفلي ديرة انام بيها مليت

- تطب تنام ابيت ابوك افا شارد من بيتك تريدلك مكان ترتاح حجي هذا دكول يا الله حجي انت هم صاير انت ومرته عليه اطه مجال يفج روحا .. متكاونين فوكه .. ادخل

دخل عيفان ومرته معنده الا تروح لاهلها ..
وعيفان تركها ومشى لغرفة سهاد اخته .. تمدد
وبيان ما رضت تبقى الا تاخذوني الاهلي شلون سب ابوها .. عاد اخذها عمران وطلع .

نام ما كعد غير المغرب ..
نزل نسوان اخوه واكفات يحضرن للعشى سأل مرت سلوان كاللها : الحاج هينا ؟

- توا شفته بالديوان

مشى للديوان ما هو .. رجع طلب منها اكل حطتله .. وسألها عن سلوان بقت تسولفله كاللها : من يجي ابوي كليله اني طالع لبغداد

- ها خوش تمام

باس جهال اخوه ولاعبهم وطلع بالباب تلكاه ابوه : ما كعدت الا طلعت

- عندي شغل والله حاج

- شصاير وياك باربيل

- وطبان

- شبلاه

-مدرب علي وحدة بنت ... يعني من اللي يشتغلن بالفندق تسممني

- افا وانا ابوك وشصار

- ما صار تمرضت شوي بس البنية حجتلي خاطر لا تأذيني موطيها بالقضية

- ووينو هسه ؟

- بلغت الشرطة وخليت البنية تعترف على كلشي ورايد افتهم الصار وياهم المتأكد منه وطبان يطلع منها .

- البنية الماخذ تليفونها التكاونت وياك مرتك لجله ؟

هز راسه : ويمكن اعترافها ملعوب ومتفقة وياه عليك وتركس رجلك نوبة زايد

-ماخذ حذري .

-خليني انا اتفاهم وياهم ونودي على اهلو نكاعدهم

- راح ينكرون وما تحصل منهم شي اني اتصرف .

-لا تورط نفسك وياهم ابني

-متحاذر حاج لا تشغل بالك علي .. اودعناك

عافه وطلع تواصل ويا مكتبهم باربيل وخلاه يتحققله
الشرطة جاية للفندق ومعتقلة مدير الفندق وجاري التحقيق بالموضوع .. بس الفندق للان مفتوح عادي ...

ساعتها قرر يتصرف بطريقته ويترك موضوع الشرطة والمنحنى القانوني .

چچك : بقيت طول اليوم شي اتمدد انام .. شي افتح الثلاجة جايب بيها اكل وحلويات وعصاير .. وشي اكعد ع التلفزيون

جان يوم طويل بكل معنى الكلمة واني محجوزة بالبيت خصوصا راسي كلش مأذيني لان مدا اخذ حبوب بس دا احاول اعاقب نفسي والتزم وابتعد اول وتالي اذا خلصن ما راح اكدر اجيب فما اريد اتورط اكثر فمتحملة وجع راسي ومتمددة

لحد ما استقريت ع الكرويتة متمددة ومتغطاية واباوع على قناة  mbc2  فلم ورا فلم لحد الساعة تقريبا ب١ .. حسيت باب الكراج البرا انفتح

كمت من مكاني باوعت دخل سيارته وقفل الباب رجعت لمكان
دخل وبيده علاليك وفات كبل للمطبخ .. رجع واني مندمجة بالفلم .. بس بالي مركز وياه .. محجيت ولا هو حجه بقى يباوع بالفلم ومرجع راسه وباين على وضعه تعبان .

وهو مرجع راسه اندار من الفلم كعد يباوع عليه باوعتله ورجعت اشوف .. بس ركز بيه هوايه انداريتله : تريد شي

اخذ نفس وتعدل من كعدته ودنك وثبت اديه على ركب رجليه وهو يكولي : اريد رمز تليفونج .

-٢٥٢٥٢٥٢٥

رفع نفسه وسحب التليفون فتحه
حجه : حافظة رقم وطبان

- اي موجود

- شسمه ؟

- مو اسم .. حاطة ستيكر مال مطي

بينت الابتسامة بوجهه وهو يكلي : وشلونه ابحثه

كمت من مكاني وهو يرفعلي التليفون دخلت الاتصال دا اطلع رقمه : هو اساسا مخابرني ٤ مرات !؟

مال راسه انطيته التليفون .. باوعله اخذله سكرين شوت وكام عاف التليفونات على ميز البلازما .. ومشى .. اني هم كمت من مكاني رحت للمطبخ باوعت شنو جايب .. فرحت لما لكيت من ضمن المسواك عصاير و كرزات .. طلعت ماعون وخليت الكرزات بيها واخذت العصاير .. مشيت للهول لكيته متمدد بمكاني ولازم تليفونه يكلب بيه .

حطيت الكرزات والعصائر ع الطاولة وكعدت ع الكرويتة الثانية .. بقيت اكرز واركز بالفلم .. شوية لكيته تارك تليفونه ومركز بالفلم هماتين .. ما اعرف شعور بالفرح سرا بداخلي .

بقيت كاعدة للصبح وهو هم كاعد شي يباوع بالتليفون وشي يباوع ويايا لحد ما نمت بمكاني مدريت عنه .

كعد الصبح باوع هي نايمة مدري شجابرها تكسر ظهرها ع الكرويتة واكو غرفة جاهزة تكدر تنام بيها .. عدل الغطا عليها وكام لم الهوسه العلى الطاولة وشمرهن بالزبالة .

وراح باوع بالمطبخ رغم جايب مسواك بس هي ماكله خفايف صمون وجبن .. راد يسوي جاي ملكى مشى جاب جاي من الاسواق وخدر وسلك بيض وكعد بالمطبخ ياكل

كعدت ووكفت وراه .. باوع لكاها واكفة اندار عنها
تقربت وهي بحلكها هواية اسئلة بس متعرف ردات فعله تخاف لا يضوج لو يتضايق من الاسئلة ويكوم يطردها ومالها مكان

لحد ما هو انطاها الضوا الاخضر بالسؤال وكاللها : خير ؟

قصص فتيات عراقيات

22 جولائی، 2026، 05:36 PM

كمت افتح بالجرارات بيها اغراض مو مهمة براغي على بقايا كارتون مال شاحنة وهيج امور .

كعدت ع السرير اتصفن .. سمعت صوت بالصالة اشتغل
كمت من مكاني رحت لكيته مطفي الضوا ومشغل التلفزيون .. كعدت ع الكرويته اللي مقابيله ..

عيني تترقب المكان وتستكشفه باوعتله نازع حزائه وجواريبه باقي بالبنطرون والقميص ومتمدد ع الكرويتة على اليدة الخشم ورافع ايده فوك عينه ..

باوعت للتلفزيون قناة اخبارية والريموت يم راسه ع الرف .. بقيت بالعشر دقايق صار يشخر كمت على كيف سحبت الريموت ما حس .. كمت اكلب بالقنوات لحد ما خليته على فلم لياسمين عبد العزيز ابو شنب.. بقيت اباوعه اندمجت باحداثه ..

كمت احس بيه يحرك براسه ينام بلا مخدة ميرتاح رجع حط راسه ع الخشب انوب اندار .. كمت من مكاني .. رحت للغرفة جبت جرجف و مخدة .. ندهته بس ما كعد

رفعت راسه وحطيت المخدة منتبهلي ولا حس كمل نومه
نومه ثكيل .. غطيته بالچرچف .. ورحت جبت مخدة وجرجف لابسة بنطرون وتيشيرت حاولت الكي ملابس اغير حتى انام ما ارتاح بالبنطروب بس ملكيت غير برمودة رجالية وتيشرتات مال رجال .. بقيت اتفقد بنطروني حتى انزعه والبس برمودة اخف عليه من البنطرون .. واني دا امد ايدي بالجيب تحسست كم حبة باوعت خذتهن شمرتهن بالمجر ومشيت تمددت بس بدل ما اباوع للتلفزيون صفنت اباوع بيه .

بقت الافكار تروح براسي بين ذم وشك ويقين واطمئنان وخوف كلها مختلطة ببعضها لحد ما غفيت ..

محسيت غير على صوت بالبيت فتحت عيني الضوا طالع توا فجر .. وهو مموجود بمكانه .. بقيت اغفي وارجع اكعد لحد ما شفته رجع للصالة سحب باكست الجكاير وكعد يدخن ..

نزلت رجليه من الكرويته وكعدت : يصير اسألك سؤال واحد ؟

باوعلي واندار يحجي : راح تبقين هالفترة هينا .. لحد ما اطلعلج جنسية باسم ثاني .. واشوفلج شغل تكدرين تعيشين من عندو وتشوفين حياتج بعيد عن اربيل والفنادق وسهر الليل والركص ..

اندار باوعلي والجكارة بحلكه : اذا شفتج مشيتي بدرب اعوج يولو مثل دربج القديم راح ابلغ عليج وارجعج منين ما جبتج .. ليكون بعلمج بس

طفى الجكارة بالطاولة بدون منفضة وكام
شي بداخلي فرح كلش بكلامه وشي احتار وخاف شلون ابلش من حديد بجنسية مزورك خاف انكمش لو اتأذى !؟

رجع اجا .. و هو ديلبس جاكيته ويدنك يجر حذائه وجواريبه .. حجيت : لويش دا تساعدني ؟

تنهد ورفع ظهره وعاف القيطان : اني اكره النك وما احب الاسئلة بس راح اجاوبج للمرة الأخيرة .. لإن ما احب يبقى لأحد فضل عليه بس .

حجاها وشد قيطانه وكام طلع من البيت وقفل الباب الخارجي واخذ سيارته وطلع لحديثه ... ساعتين وصل بيته صف السيارة ونزل ..

جانت الساعة ٨ ونص .. ضرب الباب وراه ودخل للبيت توقع اهله مخلصين ريوگ .. فالتف من الممر وافتر ودخل للمطبخ من كفا البيت .. دخل كل اهله موجودين حتى زوجته نازله .

كال : صباح الخير

ردوا وهو يفتح باب الثلاجة بعد ما شافهم وقرر يغير طريقه ويصعد لغرفته بس ابوه صاح : عيفان

- ها

- وين جنت

- باربيل

- وبيش الساعة طالع من اربيل وجاي لهينا ؟

ما جاوب وهو يأمر زوجته : امشي طلعيلي ملابس اريد اسبح

- اكعد تريك

- عيفان

- شصار على سلوان ..

- من ورا عمايلك اخوك بالفراش اكعد واستكر لا تضل جاي رايح بهالدروب .. حطي الريوك الرجلج بسع .

- مشكور تعبان محتاج انام

عيفان .. عاف ابوه يصيح وراه وصعد للغرفة
شمر التليفونات ع الميز ومن بينهم تليفون چيجك ودخل للحمام .. ومرته دخلت انطته ملابس بدل وطلع لكاها واكفة ولازم تليفون بيه صورة بنية : تليفون منو هذا

- تليفون وحدة تبادل تليفونها ويا تليفون وراح ارجعه اليوم

- مو هذا تليفونك ؟

- تليفوني الثاني

- ليش عندك تليفون ثاني

- اييييييييييي اجي ارتاح لو اكعد استمع للنك والكركرة مالج ... فكي عني يولي شوووو

وخرها وتمدد ع السرير ... هي بقت تحجي وتصيح وتبجي وتكوله : انت كل ما تنحصر بزاوية ومتكدر ترد تطلع بدرب التعبان ومالك خلك وتكوم تصيح .. اني تعبت منك ومن سوالفك وما اكدر ابقى هنا بعد يوم واحد اذا متكلي هذا تليفون منو ..

تصيح فوك راسه وهو متغطي وداير عنها ..
لحد ما دفعتها بيدها حتى يرد عليها .. كب من مكانه وهي طلعت من الغرفة بسع خوفا لا يلزمها كام يصيح ويكولها : جربي تحدرين للغرفة لا انعل ابوج لابو الجابج عليه .

ابوه كام يصيح من جوا شلون يسبها وهي بنت اخوه ..
ضرب الباب وقفله وحاول ينام .. كاموا يدكون عليه الباب بيان تريد ملابسها معنده الا تروح لاهلها ..

فز هو سحب جنطتين سفر وفتح الكنتور وشكو ملابس الها وغراض حطهن بيها وسد الجنط ودفعهن وكاللها : انتظرج بالسيارة دقيتين اذا ما اجيتي اهدم البيت فوك راسج

وابوه يكله : ما تطلع وهي تكول ما ابقى
تركهم وطلع .. صف عمران كاله : حي الله جيت خوية

دا يحجي طلع ابوه .. كاله : اسمع يول بالله لو ما رديت وتهديت ويا مرتك لا احط راسك واكصو .. احدرررررر

عمران : ها ها خير يابه شكو شصاير

قصص فتيات عراقيات

22 جولائی، 2026، 05:36 PM

المفقودة

((( بقلم زينب ماجد )))

الحلقة_8

يحجي بنتر ويدفع بيه بأطراف اصابعه وكأنه مستنكس مني وطالعة روحه .. احس ورطت نفسي فد مرة لا هذا كفوا يساعدني ولا اكدر ارجع للفندق واني البعتهم لخاطر ابو صلعة .

جان بنيتي ما أذي بس هو اذاني حيل
وجان فد مرة محتقرني ..

دخلت جوا .. المركز كردي والبيه قليل يعرفون عربي
شوية واجا ضابط يعرف عربي .. كعد كدامه ابو صلعة .. واني ع الكرسي المقابيله .. صار يحجيله

جنت حيل خايفة يحجيلا على موضوع المخدرات والحبوب الاخذهم والقضية العليا ابغداد .. ويا كلمة يحجيها جنت لازمة كلبي من الخوف لينطق عني

الضابط كام يدون اقواله ..
وبعدين اندارلي كالي : احجي العندج

كمت اباوع بوجهه اشرلي احجي
حجيت العندي كله من الخوف حتى المخدرات اللي ابو صلعة ديهددني بيها .. من الطئطئة للسلام عليكم كله حجيت وبالاسماء اللي اعرفها عسى ولعل الضابط افضل منهم ويكدر يساعدني .

دون كل اقوالي .. والضابط استدعى شرطي كاله : بصمها وثبت اقوالها وخلي توقع ..

رحت ويا الشرطي بصمت ووقعت ..
بقيت واكفة بمكاني بخوف حجيت ويا الشرطي : حياخذوني للسجن

- لا بس احتمال راح يطلبونك بالمحكمة .. وهناك القاضي يقرر مصيرج .

بقيت واكفة كالي : روحي بعد احنا نخابركم باي مستجد

-شراح تسوون

- راح تنطلق دورية للمكان المطلوب فوراً

-زين واني

-مفهمت !

حجاها واندار يلم بالاوراق وطلع
طلعت ابو صلعة طالع برا.. طلعت ما شفته بس سيارته موجودة .

بقيت واكفة يمها ودايخة مدا افتهم شسوي وشنو الخطوة الجاية
خفت ياخذون بان وهي وياهم .. دا اريد ارفع تليفوني اخابر انسحب التليفون من ورا انداريت هو واكف : رايدة تحذريهم حتى ينهزمون

-لا بس ابلغ صديقتي

- حتى تكوللهم مو ؟

- لا بس حتى متتأذى

- ما راح تتأذى راح يساعدوها لان هي مثلج مستغليها

- وانت ما تفرق عنهم بشي لعلمك بس ماكو قانون يردك

تكبر عن الجواب ومشى بدون ما يهتم لكلامي لزم يدة الباب ديريد يفتحه حجيت : تعرف شنو اللي قاهرني وكفت وياك وكفة زلم وساعدتك واعترفت عليهم كلهم حتى على نفسي بس للاسف

اندارلي باوعلي : خلصتي منهم شرايدة اكثر لو حزنانة مراح تركصيلهم بعد .

هزيت راسي بخيبة امل لا الضابط اهتم لموضوع وتعامل ويايا كحالة خاصة رغم كلتله ما عندي احد ولا الكدامي ساعدني انداريت عنه وبكلبي هموم اكبر من عمري بهواااااااية

مشيت واني افكر اذا الشرطة نفسهم متفقين وياهم وكتها شنو راح يكون مصيري ! وين راح اروح ببغداد عليه قضية وبكردستان مهتموا للقضية وكالوا راح مطلع دورية وما اخذوا بعين الاعتبتر وضعي ووين ممكن اروح بعد ما اعترفتلهم بكلشي .

الشارع تقريبا منحدر ..
صرت امشي وافكر بلا وعي للشارع .. صفت السيارة كبالي  بسرعة ويا هورن قوي ونزل الجامة : شغلي ما خلص وياج صعدي

- شنو بقالك يمي ؟ سويتلك كلشي تريده

- امشي صعدي لجججج يلا

بقيت اباوع وهو واكف يفتح بطل المي ويشرب وكاعد كدام ستيرن السيارة رجع يقبق و زعق بوجهي : يولي مو احاجيججججج صعدي

صعدت ورا وكعدت محجه اي شي بعد طلع بالسيارة
حجيت :- وين راح تروح ؟

- مو شغلججججج وممنوع تسألين اي شي فمج هاذ تگفلينو ما اسمع منج ولا صوت .

سكتت بقيت بس اباوع للطريق وهو يسوق
ساعة وهو يسوق بلا ما يحجي كمت اشوف بالعلامات الكدامي مكتوب نينوى .. وموصل .. واشوف بيوت محطمة وواكعة ومرمية وبيوت عامرة وطرق تختلف عن اربيل الكتابات باللافتات كلها تحولت عربي .

باوعت لعيونه بالمرايا الامامية .. مركز بالطريق
استمريت اباوعله .. لحد ما اندار يباوعلي التفتت عنه وسويت نفسي اباوع للطريق .

مرت ساعة لخ والطريق مخلص
بقيت مرجعة راسي .. واباوع بس حيل جعت
كمت اغمض عيوني حتى اهرب من تفكيري وجوع بطني ..

نمت ما حسيت بعد
غير واني متمددة ع الكشن مال السيارة  وليل ظلمة.. والسيارة واكفة كعدت باوعت ما اعرف احنا وين .. كمت افرك براسي يوجعني ..

حاولت انزل .. مقفولة السيارة !
حاولت ويا الباب الثانية هم مقفولة
دست دكمة وشغلت الضوا مال السسيارة ومديت نفسي لباب السايق هم مقفولة متفتح .. دخيلك ياربي هذا شديسوي بيا !
وين عايفني شامرني بالسيارة ومدري وين تاركنا !

صاف السيارة بصف حايط كمت اباوع بالجامة الثانية الكدامي هيمة بس طريق خارجي .. باوعت من الشباك الخلفي اكو مكان يجي منه ضوا على يمين السيارة بس مدا اعرف شنو المكان .

بقيت كاعدة بخوف وقلق مبقى سيناريو مخيف مأجا براسي كلت راح يسلمني لد١عش .. عاف السيارة يمهم .. يمكن راح ينطيني للشرطة ببغدا او شمرني ع الطريق بس يشمرني اني والسيارة زين ليش قفل عليه خو يتركني .. معقولة هو هم مثلهم يشتغل هيج .. نصبتلي افلام وافكار مرعبة

لحد ما مرت عشر دقايق شفته اجا ..
تعلكت بالكشن لما اجا ردت اساله وين جنت بس خفت .. صعد بلا ما ينطق اي شي بس اندار حط العلاليك يمي ع الكشن .. من الريحة مبين اكل .

حجيت : الي ؟

قصص فتيات عراقيات

22 جولائی، 2026، 05:36 PM

- كملي اكل بسرعة على ما نوصل حتى تنزلين

- وين ننزل ؟

- كلت بلا اسئلة مرة لخ ما راح اعيد .

حجاها وساق السيارة
اني جوعانة كلش مترددت ابد افتح العلاليك حتى اكل
جان جايب لفات صاج شاورما وبيبسي ومقبلات .. اخذت لفة وقوطية وكعدت اكل حجيت : تليفوني وين ؟

ما رد .. حجيت : شنو صار داهموهم ؟

هم ما جاوب .. بقيت اكل والطريق كله اظلم بلا ذرة اضوية ..
ققط من بعيد تشوف اكو مناطق وبيوت بس السيارة دا تمشي بطريق خارجي .

شنو هذا الطريق اللي ميخلص ياربي !
اتذكرت مثله لما وطبان جابني لبغداد جان الطريق هم هيج كلش طويل .. معقولة اني ببغداد !

حجيت : لتاخذني البغداد اني اخاف اوصلها .. الشرطة هناك راح يعتقلوني ..

ما جاوب حجيت : ما من حقك تعاملني هشكل اني سويتلك ملشي تريده اتركني بعد ما اريد اروح لبغداد

هم يسوق بلا جواب .. ندسته بأيدي : مو احاجيك ليش مدا تسمع . دا اكولك اخاف اروح لبغداد ما اريد اروحلها رجعني لاربيل .. رجعني ما اريد تاخذني لبغداد زين رجعني للميتم بكركوك لترجعني لاربيل بس بغداد لا .. ليش متجاوب .. ليش دا تتكبر اني سويتلك كلشي الله يخليك لتاخذني لبغداد والله اخاف

احاجي وابجي ممهتم ابدا
جريت قميصة اهز بيه اريده يجاوبني حتى مياخذني لبغداد
وكف السيارة فجأة .. اهتزت بينا اثنينا .. وتبدى من قوطية البيبسي على ملابس : هاي شبيك هو هيج راح كلبي عبالي حتنكلب بينا كافي هيج والله اخاف

كمت ابجي ..

حجه : انزلي

باوعتله ودموعي بعيني : وين انزل

- انزليييييييي وولي وين ما توليييييييين امشيييييي .

مسحت عيوني واني اباوع المكان : بس اني ما اندل هنانه وين اروح .

فتح باب السيارة بقوة ونزل فتح باب سيارتي سحب ايدي بقوة ونزلني من السيارة : يولي اني كلت ما تريد تسألين وتنكين كلت لو ما كلتتتتتتتتتت

رفعت ايدي لوجهي بوضع الدفاع وخوف من صياحه عبالي حيضربني دفعني من السيارة وزعق : روحي وين متردين لا الي علاقة بيج ولا الج علاقة بيه

- بس اني اخاف هنا ظلمة والله اخاف .

رجع صعد سيارته وشخطها ومشى من كدامي
تخبلت المكان التركني بيه طريق خارجي اظلم ميناشف منه اي شي ..

وفوكاها بارد واني ما لابسه ملابس قوية لو قمصلة ..
لزمت راسي باثنين اديه حتى تليفوني بقى عنده حتى اصوي الطريق هسه شلون راح امشي ووين راح اروح .. ياربي ساعدنيييييي

كمت ابجي بنحيب وبخوف احتل كلبي وجسمي من كل مكان
ظلمة من كل مكان اذا ما اخاف من الظلام اخاف من الحيوانات والحشرات اذا مو حيوانات وحشرات فخاف لا يطلعلي جني واذا مو جني  فيمكن ارهاب ..

شمدريني هو وين اخر منطقة جنا بالموصل هسه هو وين مخليني يمكن بنص الدو١عش .. صح يكولون تحررنا بس شمدريني صدك يمكن بعدهم ممتحررين والدو١عش اللي قتل واغتصب وحرك النسوان بعده موجود !

ممشيت من مكاني يمكن كم مترة وكفت بس اصرخ وابجي عسى ولعل احد يساعدني ..

دقايق وشفت سيارة ضواها حيل قوي صفت كدامي وضواها عليه بس مدا اشوفها ابد الضوا بوجهي وارفع اديه اغطي بلكت المح صاحب السيارة ما احس الا هو نفسه ابو صلعة يسحبني من ايدي بقوة ويمشي بهمه ويفتح باب السيارة الورى ويدفعني

- وحك الحك لو سمعتلج كلمة لخ بعد لا اذبج بنص هالهيمة  هييين واخلي شكو جلاب وذياب تاكل بلحمج وما ارجعلج .. عود احجيلج كلمة بعد واسألي ودحكي شعمل بحالج

حجاها وصفك عليه الباب بقوة
بقت الدموع جامدة بعيني منطقت اي شي
بقى يسوق بسرعة كلش قوية بحيث كل طسة نعبر عليها تشيلنا وتركعنا وهو مكمل ميخفف ابد ..

اذا ما متت بالظلام هناك راح نموت مكلوبين بالسيارة من ورا هالسرعة .. لحد ما ورا ساعة اكثر كمت اشوف مناطق سكنية واللوحات مكتوب بيها .. الغزالية .. الشعلة
زين ذني وين صايرات بالموصل لو ببغداد !

ماكو اقل الربع ساعة صف اباب بيت .. نزل فتح الباب ودخل السيارة ورجع نزل .. مشى للبيت اني مشيت وراه بلا ميكولي

البيت جان مقفول .. فتح قفل الباب واندارلي ووكف على صفحة وهو يأشرلي افوت .. هستوني فتت سد الباب ورايا بلا ما يدخل .. وسمعته مشى .. هم طلع السيارة وراح .

بقيت اباوع للبيت بيه ضوا خفيف
مشيت دست دكم البيت شغلت الاضوية
جان بيت مثل القديم بس جدرانة مصبوغة ومجدد .. اثاثه هم قديم .. كرويتات قديمة مو خشب .. كمت امشي المطبخ سيراميك ابيض الصغير القديم والمطبخ مثل اللي بالمسلسلات العراقية القديمة

سمعته اجا ..
دخل للمطبخ اني واكفة ..
حط العلاليك اللي بيده بالثلاجة وطلع .

كمت اباوع بارجاء المكان وافكر ( احنا شدنسوي هنا )
سمعته يصيح ( هيييييينا ) مشيت بسرعة حجه : تكدرين تنامين هين .

صوته كلش ثخين مال واحد يدخن ويشرب طول عمرة لدرجة الحبال الصوتية مالته مجيمة ومزنجرة .

حجاها ومشى دخلت للغرفة اتفقدها
بيها سرير نفرين .. واثاث قديم اخشاب عراقية .. فتحت الكنتور بيه ملابس ممصفطة وممعروفة اذا مال بنية او ولد متشابكات .. وبيها شفقات وعلب مال جكليت وجراجف وبطانيات ..

قصص فتيات عراقيات

22 جولائی، 2026، 05:36 PM

لما رفضت حطوني بقفص حديد وخلوني بغرفة ودخلوا عليه كلاب تنبح من كل مكان بمجرد ميفتحون القفص راح ياكلوني شفت الرعب على اصوله ساعتها وافقت

- ومن بعدها صارت عادي مو

- ما نعادت

-تريدين تقنعيني بس مرة

- مدا احاول اقنعك دا احجيلك متصدك انت حر

-منو هذا سعيد الحظ

- اني جنت اعتقد اذا نجحت بالغناء والركص مراح يجبروني اسوي هيج امور فقبلت لشتغل بالليل بشرط ميجبروني وهم شهور ماشين ويايا مجبروني لحد ما شيخ ما شنو منصبه طلبني منهم دزوني لقصره بالقرية اللبنانية .. كالوا راح يرجع يطلبني ..

هزيت راسي هو حجه : حرامات لحد هسه مطلبج
باوعتله تنهدت ردت اكوم لزم ايدي : مكانج لج

كعدت .. سحبت الحبة من جسمي .. بقيت لازمتها اريد اخذها كلش تأذيت واحس هالعالم ميناسبني وميستحق تفكيري .. فاشرت للويتر تقربلي كتله : مي

راح هو لزم ايدي البيها الحبة ضميت ايدي ، حجه : فتحي ايدج

- مو الك حبة وجع راس راح اشربها

- فتحي لج

فتحت باوعها ابتسم : وتبلعين هم ههههههههه حاويتهن كلهن

-انطيني

-انجعمي واسكتي اريدج صاحية

معناها كوم رجعني ع الفندق لان راسي كلش دياذيني ما اكدر اتحمل الاصوات العالية

-كومي

حجاها وهو يسحب تليفونه وسويجه وجكايرة واني كوة ارفع نفسي من الكرسي .. لزم ايدي وسحبني .

بقيت مركزة بأيده وهو يجرني وراه بلا ما يلتفت .. وكفه الحارس دفعه وطلع صعدني بالسيارة  وضرب باب السيارة واندار صعد .. رجعت راسي جانت الدنيا مو بيها لسعة برودة انما باردة .. بقيت حاضنه روحي

داس على دكمة التكييف .. ووجهه عليه
نص ساعة صار كدام باب الفندق .. صعدنا داس الطابق الخامس اني دست الاول .. لغاه : تجين عندي

- لتستغلني اكثر من هيج حرام عليك

- تعرفين الحرام

- ما اعرفه بس لتستغلني الله يخليك

- البالج بعيد انت مو ذوقي وبالعموم اني ما اعاشر كحا* استنكس عندي عائلة واخاف من الامراض .

اخذت نفس كلماته مليئة بالاهانة اللي تدك بالعظم بس مدا اكدر ارد عليه .. انفتح طابق الخامس سحب ايدي ومشى .. حجه وهو يفتح الغرفة : انت تعرفين الغرفة منظفتها كبل ؟

- اي

- دخلي فتشيها اذا جان اكو شي جديد او حاطي لمراقبة

باوعت ماكو شي متغير

- دا تضمضميلهم يولي ؟

- لا بس الغرفة اجرتها بلا ما تنطيهم علم جانت غرفتك فوك وحسب مشفت مفاتيح غرفتك دا تاخذه وياك من تطلع .

- تريدين تقنعيني ماكو نسخة لخ

- ممكن وبامكانك تطالب بكاميرات المراقبة وتحاسبهم

حجيتها واني اكعد .. حجه وهو يفتح دكمة القميص : لا تكعدين مو مرضتيني اسهري وانت تفرجيلي راسي مصدع هيري يلا ..

كمت اباوع اندار من الجهة الثانية : مو احجي وياج

- شسوي شلون

- فرجيلي تعاي منا

انداريت وكعدت اباطراف السرير .. كمت افركله ..

دقايق حسيته نام كمت اتسحب ما حس او يمكن حس وما راد يمنعني تركني اروح رحت للغرفة .. بدلت وحاولت انام مكدرت كمت ابجي من راسي حاولت الكى حبوب ماكو اخر حباية اخذها ومخلاني اشربها

كمت اروح منا وارجع منا وانام واحاول احط المخدة فوك راسي واضغط عليه وميفيد كمت ابجي من الوجع ..

لحد ما نمت بلا ما ادري
حسيت على بان وهي تدخل .. نامت بقيت عافية لحد ما طلع الصبح
نزلت جوا .. لغرفة الحاسبة شغلتها .. وكمت ادور بالملفات ع الفيديو مال غرفته .. ساعة يلا لكيته بس معرفت شلون انقله من الحاسبة للتليفون

كمت سديت الباب وبالتليفون صورت المكان والحاسبة وصورت شلون ادخل الملف وافتح تصوير الفيديو اللي بغرفته .. سديته وطفيت وطلعت ..

محان احد موجود بس اريان ونايم ع القنفة مجان كاعد ابد ..
وكفت ويا ام علي دا تسوي ريوك .. بقيت اشتغل واقدم اصناف .. لل٩ نزل .. كعد واشرلي

رحت جبتله شوربة حطيتها واني اكوله : جبتلك الفيديو اللي تريده

باوعلي : منين

- من الحاسبة

- متأكدة

تركته ورحت جبتلا استكان جاي وصمونة كهربائي بقى يباوع بوجهي همست : بس اوعدني بعدها مراح تأذيني

- مو قبل منكمل اللي بلشنا بيه .

تنهدت ووكفت كدامه : تمام محتاج شي ثاني ؟

باوعلي دار وجهه عني .. رحت اكمل شغل هو ما ماكل
شوية ولكيت منال كالت : شنو قصته هذا شيريد منح

- لزكلي فد لزكة يرديني اطلع وياه وديهددني

- بيش ؟

- بالحلوب عرف اني اشرب ويكولي اذا متسويلي الاريده راح اذيج

- وانطيتي  ؟

- اضطريت

- وبعد يريد

- اي

-تعاي وراي

مشيت .. دخلت للحاسبة .. طلعت الكاميرات الكاميرا مصورتني واني دا اصور الكومبيوتر واصور المقطع مالته كالتلي : شنو هذا السويتي ؟

-حاولت الزم عليه شي اهدده بيه حتى يتركني

- مفكرة نفسج دا تلعبين عليه انت
ضربتني راشدي

- ااييييييي كافي عاد ... سويت كل اللي طلبتوه مني وذبيتوه عليه وهياته كاعدلي ديهددني موتوني وخلصووووني

حجيتها وسحبت نفسي .. كامت تصيح ورايا ركضت منها وسيت نفسي اتضايقت وما اريد احجي .. طلعت برا الفندق نهائي ..

هو مجان موجودة سيارته

قصص فتيات عراقيات

22 جولائی، 2026، 05:36 PM

رحت بالفرع امشي امشي كعدت بظل حديقة بيت خارجية بقيت كاعدة ما اعرف شلون راح اتصرف لو شسوي ..

ساعة ورجعت قريب من الفندق بقيت من بعيد اترقبه .. لحد ما شفت سيارته صفت كبال الفندق .. وكفت من بعيد نزل اشرتله مشافني ..

خابرت بان ردت بسرعة : ها چچك

- بان اطلعي لهذا ابو صلعة كوليلة تچچك تريدك

- وانت وين

- محجت وياج منال ؟

- لا جتي سالتني عليج واني نايمة ما ادري كتلها شصاير

- هسه بس كوليله ونتفاهم تلكي ع المصعد هو هسه بس استعجلي

- انت وين

- جوا بالماركت

- شدسوين بنفسج چچك خافي لياذوج لتثقين بيه

- هسه كوليله وبعدين نحجي

سديت منها ماكو عشر دقايق وهو دخل الماركت .. واني افتر وكف : هيييين

باوعتله : كشفوني واني اصور الحاسبة

- وين تليفونج

سحبته من ورا وانطيته

باوع .. مصور التصوير من اني مكعدته بحضني وافرك راسه
اشرلي : امشي نصعد

- وييين

- بالسيارة

- مراح اكدر الله يخليك سويتلك اللي تريده وروح اني ما اكدر اكثر من هيج

- راح تخلصين كلشي وغصبا ما عليج

- انت دا تريدهم يقتلوني

- وانت ردتي تخليهم يسمموني

- بس مسويتها

- بس حطيتي

حجيتها ووكف منير : چچك

باوعتله مشيتله بسرعة : ارجعي للفندق بسرعة

سحبني من كدامه ابو صلعه وهو يكولي نعتذر منك حاب اطلع وياها بمشوار

- مو على كيفك يا استاذ البنت عاملة وهذا وقت شغلها

- اعتقد كملت شغلها بالليل وانطتكم المالات .. خلوني اني بالنهار استفاد خوما كلشي الكن ففتي ففتي

سحب ايدي وركبني بسيارته ووكفني كدام مركز شرطة .. حجه : تنزلين كدامي لمركز الشرطة اذا ما اعترفتي بكل اعمالهم اللي يسووها وياج وويا صديقتج واللي خلوج تحطيلياه بالاكل وبالغرفة راح اعترف على كلشي واخليج شريكة وياهم

- بس هيج انت دا تكتب موتي

بكل برود وحقارة حجه : - اي موتي وشيفرق ..
خزرني وهو يحجي بنتر : فوتي بلا كلام ...... يتبع

—————-

#زينب _ماجد

5,130

قصص فتيات عراقيات

22 جولائی، 2026، 05:36 PM

امسح بدموعي وباعدة نفسي عنه وساكته ما اجاوب اي شي وهو عصبي عصبي صاير اسود هلكد نا عصبي ومدخن ومدا اعرف شلون اتصرف والعد نفسي عنه .. خفت منهم وكلت مبين خوش ولد تاليته طلع تخس منهم .

وكفنا بازدحام واني اجر بخشمي واداري بدموعي باوعلي : تجيبيلي سجل الفيديو الصورتوني بيه بالغرفة .. ومو بس هاي تصوريلي الكاميرا وين حاطتها وتدزيلي التصوير لا ما اطينها لعيشتكم ابالله اهججكم ولد الت*** ... راح اتجيبي مفهووووم

- راح احاول الكاه

- راح تجيبي واذا ما جبتي اكشفج كدامهم واشتكي عليهم وهم يبرون نفسهم وتوكع السالفة كلها براسج ساعتها اكلي سجن كم سنة احسن ما باقية من حضن لحضن .

-ليش دا تعاملني هشكل ؟ اني مكتلك ما راح اساعدك ولا رفضت ودا اكولك اسوي كل اللي تريده ؟ اني ردت اخلصك تريد تورطني ليش

- ها خلصنا من دموع التماسيح هسه نبلش بالتمسكن مو ؟ اسمعي لج الفيديو يوصلني هو ومكانه بالغرفة مفهووووم

-ماشي

- ليش حركتي التليفون

ديحجي انفتح السير..
مجاوبت وهو يباوع لشرطي المرور نزل الجامة حجه وياه بالكردي ومشى .. رجع للفندق طبك وكال انت تتوجهين تسوين اللي كتلج عليه واني راح احجز غرفة لخ .. تكملين ترجعيلي مفهووووم .

نزلت كدامه صعدت للغرفة بان موجودة سولفت الها كلشي تخبلت كتلها : ساعديني اطلع الفيدو اذا مكدرت اطلعه اله راح يأذيني هذا مبين كلش مو خوش ولد واحقر منهم ما اريد اتورط وياه

- زين زين انت روحي صوري مكان الساعة واني راح احاول ادورلج على الفيديو

نزلت اخذت المفاتيح الغرفة ٨٠٢ .. وصعدت دخلت وتفاجئت الساعة اللي حطيتها ماكو .. ياربي دخيلك اذا اكوله ملكيتها واح يبليني واذا سألت عنها اجيب الششك النفسي

ضليت افتر محتارة وعيوني مدمعة من الخوف ..
نزلت لغرفتنا بان دا تبدل : ها ؟

- تروحين

-منزلتي تجيبين الفيديو

-شاكولهم وصيت اريان بحجة انت وياه تحبون بعض ورايدة بلكي يكدر يجيبه .. تروحين لو لا

- راح اروح .. بس اخاف ليسوي شي لو يكوللهم لو فد شي ..

- لتبقين تفكرين هواية ساعتها راح نشوف شنتصرف لتخافين منه خيولي .

بدلت .. وطلعت ويا بان للسهرة .. طلب مني ابو القاعة اصعد ساعة غناء اعتذرت مجنت بمزاج اكدر اغني .. وحتى مصعدت استيج بقيت كاعدة بمكاني .. متوالمت ويا الجو ابدا .

واني كاعدة بنص القاعة .. وصافنة بالمطرب واللي يركصن .. نزلت راسي واني احاول افرك كصتي من الحيرة انداريت بحركة لا ع التعيين جان اشوفه كاعد بالقاعة !

تجمدت بمكاني من شفته كبالي ..
اشرلي اجيه كمت من مكاني ورحت كدام طاولته : ااااه شنو هنا يعني

- كعدي هين

كعدت وهو يكلي : شردتي

- لا والله بس لما صعدت ملكيت الساعة وخفت اسألهم ويشكون اني متفقة وياك وخفت احجيلك واتأذيني

- ولهسبب شردتي

- لا بس دا احاول الكاهم حتى اصورلك واثبتلك كلشي بس الله يخليك كولي اذا سويت كل هذا شحتسوي راح تسلمني للشرطة

- انت بدل متنفذين الطلبته منج اجيتي سهرتي حتى تركصين !

- لا والله بس حتى ميشكون وهماتين صديقتي وصت اريان هو يتكفل يطلع الها الفيديو بالغرفتك

- اذا طلع الفيديو احسبي احسابج تجين وياي تشهدين وتثبتين اقوالج .

بقيت اباوع بوجهه بدون كلام باوعلي ورجع سحب الكلاص من كدامه وهو يكلي : وبدون اعتراض .. ويا سواد ليلج لو حاولتي تعترضين

استمريت اباوع بوجهه بلا كلام وهو داير عني يباوع ع الستيج .. حجه : صديقتج خوش تهز انت تهزين مثلها لو شغلج غير شكل

يحجي واني عيوني عليه باوعلي وغمز بحقارة دنكت واني ارفع شعري والزم راسي اذاني كلش ..

انداريت اباوع للستيج بحيرة وخوف وقهر مدا اعرف شتصرف احس ورطت نفسي بهالرجال وحجيتله جان عبالي يساعدني او يبتعد بس اذاني كلش ومدا افتهم شون راح اخلص منه بدون ما تورط نفسي

حجه : شكد عمرج

اخذت نفس ورفعت ايدي لعيني اداري دموعي واحدد الكحل بعيني واجاوب : ١٨

- صار شكد طلعتي من الميتم ؟

- ما اعرف يمك ٥ اشهر او اكثر لما استلمنا نتايجنا مال السادس اعدادي طلعتنا من الميتم ثاني يوم .

- منو الاخذكم

- رجال اسمه وطبان
شفته باوعلي مسترسل ويايا ديريد يسمع .. كملت : اخذنا من الميتم .. دخلنا الفندق جانت بدايتنا بس نخدم وننظف بالفندق شوية شوية بدت طلباتهم تزيد ..

- وطبان اخذجن بس انتن ؟

- اللي عرفته هو مسؤل عن هيج موضوع عنده شبكة مال بنات يتبناهن بعد خروجهن من الميتم او اي وحدة ما عدها سكن يوزعهن ع الفنادق حتى لا يتكلف بمكانهن يشتغلن ويعيشن بس تحت امرته

- تعرفين وجهه

- اي طبعا

سحب تليفون غير التليفون الاحترك حجه : هذا ؟

باوعت الصورة نفسه وطبان بس واكف بمنطقة زراعية كانما ريف هزيت راسي : اي هو .. تعرفه ؟

- مو شغلج

تنهدت. وانداريت حجه

- شنو طلبوا كملي

باوعتله .. يبيعونا تقسيم اذا بنات عذروات حسب قولهم فالليل تكون سعرها غالية متقل عن ٢٠٠٠ دولار واذا جانت عادية الها سعر لاخ ..

قصص فتيات عراقيات

22 جولائی، 2026، 05:36 PM

لزمني من زندي والمكتب بيناتنا كتله : الكاميرات كدامنا الله يخليك وخر

- معناها امشي جدامي لغرفتج

مشيت وهو خازرني وكفت كدام المصعد .. معلك بالطابق السابع
عفته وصعدت ع الدرج تبعني باوعتله : صديقتي بالغرفة نايمة

- بلا لغوة امشي

- ليش دا تغلط اريد افتهم شتريد

- حجاية ثانية ابالله لا ارفسج تا اكسروا لظهرج وافصمو

مشيت لباب غرفتي ..  فتحتها دفعني جوا ..
حجيت : صديقتي نايمة دا اكووووو..... دا اريد اكمل قاطعني
وهو يسحبني من شعري من شعري : اي اي اي شدا تسوي
ضربني راشدي بقوا لزمت خدي متفاجئة من تصرفاته

همس : اطيحه لحظج لو حاولتي تتنغلين ويايا خوش ؟
هسه تجاوبيني على كل اسئلتي ولو حاولتي تتهربين لو تتمنغلين ادعسج جوا رجلي وربج لا اعلمج الاستن&***

جر راسي من شعري حيل واني اكوله : فهمت فهمت بس كولي شتريد

تقرب مني واني ارجع للحايط حشر نفسه ويايا دنك وتقرب لأذني : امس جنتي تهمسين هشكل من شنو جنت خايفة ؟

- خفت حاطين تصنت

- ومن حجيتي عليهم وسولفتي شلون ورطوج ليش مخفتي وكتها

- بس شعري الله يخليك وخر

- ما اكضبت شعرج انا احجي لا تتهربين

- بس ابتعد دا اختنك

لزم زندي حيل وسحبني وضربني جف بايده الثانية ورجع خنكني : تجاوبين لو لا

- مرتح يحاسبوني لو حجيت لان اكولهم استدرجه بس اني لما كتلك نواياهم خفت يسمعون فهمست والله بس هيج

- ليش شفتي يسمعون ومنين ... انت اللي حاطة جهاز تصنت

- لا

ضربني راشدي وضرب راسي بالحايط ولزمني من ركبتي يخزرني : اسمعي لج كح... الزمج هنا * وا ** اذا مساعدتيني الزمهم واحد واحد افتهمتي

-ليش دا تعاملني هيج فوك محاولت اساعدك

- امشي لج ب**** **** تساعديني لو خفتي اكشفج سويتي هالفلم حتى تطلعين روحج من السالفة ابالله اذا ما ساعدتيني وجبتيلي اسمائهم كلهم واحد واحد تعرفين شعمل بحالج

اشتكي واجيب الشرطة هم راح يسلمون وانت تخيسين بالحبوس .. ومحد غيرج يتطين افتهمتي فساعديني اشرفلج هاي اذا باقي عندج شرف ولو انت خلك **** كح

دموعي كامت تحري وهو يفشر ويضك على ركبتي حجيت : كلشي تريد اسويلك بس لتأذيني الله يخليك والله معليه اني

-شتسويلي تنطيني شرفج هااا
سحب ركبتي ورجع ركع راسي بالحايط وهو يكلي : ها شتسوين غيرها كح*** تعرفين غير هالدرب هذا لج اني تلعبيني بنت****  والله اذا ما سويتي الاكوله الج بالحرف الواحد .. **

- راح اساعدك والله بس كافي الله يخليك والله دا تأذيني

بعد ايده من عندي وهو ينكثها ويباوعلي بطرف : انت اللي حطيتي جهاز التصنت

- مو جهاز تصنت

- عجل شنهو ؟

رفعت ايدي واني خايفة من ردة فعله : بس لتأذيني الله يخليك

- احجي لج بربو* بايعة براسي خوف احجي

- ساعة بيها كاميرا

عقد حاجبة : اي ساعة

- اللي مقابيل سريرك

- انت حاطتها

- اي بس ما اعرف اذا الاكاميرا تسجل صوت لو بس فيديو

- منهو اللي طلب منج تحطيناها

- منال

- وبعد

- ومنير ووطبان

- اندارلي بهمة : وطبان منو

- ما اعرفهم والله ما اعرفهم اعرف بس اسمائهم

- شلون شكله ؟

- هيج كصير ومكرش

بقى يباوع بوجهي بصدمة : متأكدة من الاسم

- والله ما اعرف بس اسمائهم اقسملك بالله

كعدت بان على صوت الهمس مالتنا شالت راسها : چچك شكو

بس سمعها هو سحبني للحايط وحشر وجهاا وياي واوهمها هو ديبوسني وكذب مجان يسوي هيج اديه جنت منزلتهم وجسمي كله ديرجف خوف سحبت وجهي منه دنك وجهه يم اذني وهو يكولي : امشي نطلع برا بسع

حجاها وسحب ايدي ..
بان مصدومه عبالها مواعدته متدري بأي شي
طلعت من الغرفة .. بس جسمي كله يرجف من الخوف منتظر المصعد ركض ع الدرج وهو كامش ايدي وطلعنا كبل شافتنا منال

صاحت : وين چچك عندج شغل بالليل

حجه هو بمكاني : ما راح تتأخر شوية وترجع

وهو يفتح باب السيارة صعدت ضرب الباب ورايا بقوة وهي تباوعلي وصعي مو تمام رجع صعد كدام الستيرن وداسلها

حجه : عندج شغل بالليل مو زباين هواي لازمين سرا كل واحد ياخذله * ويطلع مو

مرديت بس عيوني حمر من البجي والخوف باوعلي / خايفة ومستحية بربو* تعرفين الخوف انت ؟
مجاوبته رجع حجه : منهي هاي الحجت وياج  ؟

- منال

- هاااا

- اي احجي

- ما عندي اكثر من الحجيته

- ما عندج ساقطة تليفوني ياهو العطلة امج الكح*** احجييييي

صرخ وهو يلخني بأيده بعدت نفسي من عنده : مو اني ما عطلته

- عجل ياهو العطلة خالتج احجييي

- ما اعرف ما اعرف
كمت ابجي

- دموع تماسيح هاي شو .. دمووووع تماسيح ابالج تنزليلج دمعتين استخطيج وانت صافة ويا وطبان وتردون موتي ولد القناااااادر

- والله ما ردت واني حذرتك حتى مترجع وتاذى

- خفتي عليه ..
دمغني على راسي : عليه تخاف الكح**** مو تخافين عليه مو على روحج

- لا خفت أذيك واذي روحي والله ما اكدر اذي احد والله والله مجبورة اسوي كل هذا

- منين تعرفين وطبان

- ما اعرفه بس هو اللي استلمن من الميتم وحابنا لهنا

- شيسوي بيجن ؟ يكوووو* مو

قصص فتيات عراقيات

11 مئی، 2026، 04:57 PM

على حافة الثأر

( بقلم زينب ماجد )

الحلقة_28

تخبلت لما كالتلي اخذ ابني
تركت من ايدي بسرعة ورحت اركض على تليفوني ادور رقمه خابرته ما يرد .. كمت الزم براسي من القهر : ربي شسوي ويااااه شسوي

خابرت مرة ثاني يرن يرن يرن وميرد
عيوني دمعت وارجف واحس راسي حيطير من كد القهر دخانة فوكي من كد ما كلبي احترك

خابرت على بابا .. رن من ثاني رنة رد : ها بابا

- بابا عباااااس اخذ ابني

- اهدي اهدي لتبجين وين اخذه؟

- ما اعرف تعاركنا اني وياه وهددني بابني لكيته جاي للبيت وماخذه بابا الله يخليك ساعدني

- اهدي ولتبجين هسه اني اخابره واشوف شكو

- بس بسرعة واعرفلي مكانه وين .. كوله هسه يرجعلي الطفل

- لتخافين هسه اتصرف

قفلت الخط من بابا وشمرت التليفون : انت شلون تخلي ياخذه ليش ممنعتي

- اني شلون اكدر امنعه وحدي لا حرس موجودين وبس اني و هو مينلزم .. شغلة ابوج محيفيدج لازم نروح للمركز هسه ونبلغ عنه

-شبلغ

-ماخذ الطفل مو من حق اي احد حتى لو جان اب ياخذ طفل رضيع من حضن امه تبلغين هسه يطلعولج دورية تكسر خشمه وترجعلج ابنج

-بابا كال واح اتصرف

-ابقي بهالضعف لشوف ابقي .. هو مستغل ضعفج كل الديسوي بيج من ورا ضعفج هذا متكدرين توكفي عند حده شناقصج حتى توكفي مال جاه جمال لج انت كادرة تسوين كلشي مربطة نفسج بيه لييييش

-ممربطة نفسي وراح اتصرف

-ييييييه صدكت .. بكلمتين مو تلاثة حرام هواي بيج التلاثة .. بكلمتين يفرج ويرجعج اله .

كاعزة وحاطة اديه على راسي كلش تعبت نفسيا كلش
دك تليفوني كمت من مكاني بسرعة اخذت التليفون .. بابا

رديت : الو ها بابا

-خابرته كال مماخذة بس حبيت اشوف ابني واخذه لاهلي يشوفوه

-اهله وين ياخذ طفل للكووووت

-لا ديكول اهله هنا

-شنو هنا ؟

-مأجرلهم غير ما اعرف

-بابا ولا ياخذه ابني صغير وهن نساء حاقدات ما اثق شيسوون بيه هم لو يحبوه كان طلبوه من زمان اريد ابني بابا

-هسه اني جايج بالطريق

-وكوله ينطيك مكان ابني وتروح تجيبلياه فورا

-بابا انت بس اهدي ابنه مراح يأذي ابنه

-بابا اهله يكرهوني ويكرهون ابني ميعتبرررروه ابنه افهمني

-ابوه يمه بنتي

-ما اقبل ارييييييد ابني

-طيب طيب بس اهدي راح احل الوضع.

سديته منه خابرني عباس بسرعة رديت اول مكال الو اني انهديت بيه : يا حقيييير تاخذ ابني والله لا اندمك يا حيووووووان هسه ترجعلي ابني افتهمتتتتتتت

- طايحة الحظ احترمي نفسج مثل ما هو ابنج هو ابني ومن حقي اشوفه ويبقى يمي اشتاقله هو ما بس انت خلفتي

-ابني وييييين عباااااس لتحرك گلبي

-بحضن امي دياكل

-انت اخذته للكوووووت

-لا احنا ببغداد

-وين ابغداد ابني وييييييين

- لتطوليها وتعرضيها ساعة واجيبه

قفل التليفون بوجهي
اتخبلت كمت ابجي امي راحت بدلت اجا بابا كالتله : اذا ما تنبش الكاع هسه وتطلعه من جوا الكاع لا تسمي روحك اب يحرك كلبها بابنها ويبجيها ويقفل التليفون بوجهه ويلعب بمشاعرهااااا انت شنو من اب تصف ويا الرجااااال عليها

جنه نكول شوان لاعب بعقلك هسه هم صفيت ويا عباااااااس عليها شوية ثمن بنتك يا بشرررررر محترك كلبها من ورا هالساااااقط

- احترمي واكعدي كال راح ارجعه

- اكعد انت اني اذا ما انبشه وانبش امه ميهدالي بال كومي

جرت ايدي وكومتني واني ابجي وهو يكلها : اصبري تعاااي اصعدوا بالسيارة .. امشييي

جرتني صعدتني بسيارة بابا وهو صعد ليكدام خابر على عباس كاله : عمي اني ساعة واجيبه بس اتعشى

- احنا جايين بالطريق ناخذه بس انطيني عنوانك وين

اخذ عنوانه راجع مأجر بالحرية
توجه بابا لمكان بيتهم وصلنا ماما اول وحدة نزلت .. بابا كاللها : لتدخليييين اتركيهم يحلوووون مشاكلهم بنفسهم

- انت اللي خليك لا تدخل

نزلت وراها مشت بهمة ودكت الباب حيل ..
ابويه نزل بسرعة طلع عباس امي رفعت ايدها تريد تضربه عباس لزمها ودفعها ليورا وغلط : امشي لج بربو** جاي عليييييه

ابويه بعد امي ولزم عباس : احذرررررررك تتعدى حدودك

- محد متعدي احدوده غير اللي جاي يهجم على بيتي

- عباس احذرك تلعب بمشاعر فيان مو بنتي اللي يستغلها بشر .. هالمرة صارت وحركت كلبها بابنها مرة الثانية كلبك احركه .. واولادك بيهم البركة

- كاعد تهددني باولادي عمي

- دا احذرك تتلاعب بمشاعر بنتي مثل ما انت اب واني اب ما صار ولا عاش اليلمس شعرة من شعر بنتي لو من حفيدها اطمه جوا الكاع وحتى امه ما تسمع بخبره فلا تختبرني ببنتي وحفيدي احذرك تتلاعب بيهم نارهم تحركك عبااااااس

بابا لازمة من قميصه ويخزره ويحجي وياه بتهديد واني واكفة على صفحة حاطة اديه على حلكي واباوعلهم

ماما سببقتني ودخلت جوا باوعلي بابا وحجه : ادخلي اخذي ابنج بنتي .

ركضت من ورا بابا ودخلت جوا
امه لعباس شايله الطفل واكي تصيح : فكووووور صرتوا براس بنتي ودا تحركوووون كلبها .. نسيتوا من يا خيسة طلعتكمممممممم

قصص فتيات عراقيات

11 مئی، 2026، 04:57 PM

📷 Photo

5,630

قصص فتيات عراقيات

11 مئی، 2026، 04:57 PM

📷 Photo

🥰🥰

4,950

قصص فتيات عراقيات

11 مئی، 2026، 04:57 PM

📷 Photo

تريدون غش 🙂

5,280

قصص فتيات عراقيات

11 مئی، 2026، 04:57 PM

📷 Photo

الزلم وما ادراك ما الزلم :

6,510

قصص فتيات عراقيات

11 مئی، 2026، 04:57 PM

📷 Photo

عركة:

6,420

قصص فتيات عراقيات

11 مئی، 2026، 04:57 PM

- ميحتاج تغريني اني باقيلجججج يمتى رحت حتى ابقى

- عسااااك لا بقيت روحلهممممم اني ما اريدك

- لا تصيحين احنا بنص  شارع

- روحك انت وشارعك

- فيان

- عوف فياااان بحالها

- امج هاي اللي دا تخربج عليه ودا تترس بعقلح هالامور

- امي شعليها بصلافتك وقذارتك

- لا تتتجاووووووووووزين

نحجي ونتعارك واني امشي وهو يمشي بهمة ورايا وكفت فجأة - اوكي .. تمام مراح اتجاوز وانت مرتح تتبعني .. وتتركني

- تنطيني ابني

- هههههههههههه حاول بس تاخذه مني صدكني مو اني اللي راح امنعك .. لو حاولت ولو مجرد محاولة تخلي الطفل بخلافاتنا فصدكني اهلك واطفالك كلهم مراح يخلصون وتعرف اني شحجي

- كاعد تهدديني

- لا تلعب بالنار حتى لا تهددك وتأذيك اعرف حجم

- منو اليعرفني حجمي انت ؟؟؟؟؟؟

تركته ونزلت للشارع وكفت سيارة .. سحبني : امشي اني اوصلج

- وخرر

- امشي اوصلج للسيارة اباب المعرض اني راجع

رفعت اديه اثنينهم وصحت : كتلك وخررررررررر
ودفعته بقوة وفتحت باب التكسي وصعدت بسرعة وهو يكولي : بسيطة .

اخذت التكسي ورحت لمكان المعرض صعدت السيارة ومشيت بيها جنت افتر افتر عقلي كلش هوسة شي ابجي شي احترك شي انصهر من صلافته وحقارته ..

ماما تتصل ما اجاوبها .. لحد ما تعبت وقررت ارجع للبيت ابني بس ماما ويا المساعدة مموجودة ..

رجعت للبيت منهارة ضعيفة مشوشة بنفسي اخذ قرار اريد اصير قوية وما اهتم مدا اعرف شلون اصير قوية مدا اكدر اجمع نفسي وكلش كارهه ضعفي .

دخلت للبيت صاحت ماما : انت وين جنتي مو دا اخابر عليج

- ماما الله يخليج لتصيحين كلش تعبانة .. دودو وين

- داريان اجز الحقير اخذته حاولت امنعه دفعني ووكعني للكاع واخذه يكولي : الطفل ابني وابن ابوه اليمنعني منه ..... يتبع

___

#زينب _ماجد

4,690

قصص فتيات عراقيات

11 مئی، 2026، 04:57 PM

📷 Photo

استلمنه النسوان :

4,950

قصص فتيات عراقيات

11 مئی، 2026، 04:57 PM

دخلت معرض مال سيارات واشكال الوان السيارات الحديثة موجودة ومعروضة ..

كال العامل : تفضلي ست ..

- صادق موجود

بعدني دا احجي شافني عباس خزرني واجا كال للعامل اخذ راحتك اني اشوفها بس اندار العامل لزمني من زندي وجرني . كمت احاول اسحب نفسي من عنده واكوله : وخر ايديييك

- اسمعي لج لا تعيشيلي دور الافلام وعود جاية تفشليني بشغلي والعباس اخو زينب الزمج هنا اسحلح سحل وانعل والد والديج افتهمتي لا تخلينا فرجة لامة محمد امشي

- وخر ايدك من عندييييي

جرني بقوة وسحبني برا المعرض .. ردت افلت ايدي لزمني من شعري سحبني بقوا وبالشارع تخبلت كتله : اترك شعري انت شدا تسويييي من النااااااس دا تباوع

وخر ايده من شعري ولزم ايدي حيل جرني للسيارة صعدني وكال وعلي لو حاولتي تنزلين كدام ذولة الماس الاستحيتي اجرج من شعرج كبالهم اصلخج بالحزام والله

صفك الباب بوجهي ورجع صعد بالسيارة
ساق السيارة بسرعة عالية محجيت ولا نطقت اي كلمة بس عيوني صارت نار ..

وصلني لمدينة الالعاب ..
كال : انزلي

- ما اريد

- تنزلين وغصبا ما عليج

نزل وضرب الباب واجا اندار فتح الباب وسحبني : شتريد مني

- انت اللي شاريدك

- رايدة طلاكي

- وكلت طلاك ما اطلك

- مو على كيفك

- على كيفي ونص واعلمج منو اليمشي كلامه على منو

- بقى يمشي كدامي محاولت اتبعه اندار شافني واكفة رجع سحبني من ايدي كمت انتر : وخر ايدك اني امشيييي وخر

ما عافها كام يمشي بقوة ..
راح للديلاب الهوى .. انطى فلوس ومشينا بالسرا فارغ محد اكو .. مشى لوحدة من الخانات صعدت بيها بدون ميكول وقبل لا اباوعله اصلا احس بروحي ضايعة واتمنى استقر لقرار ..

كعدت وهو كعد كبالي ..
سكتت وهو سكت بقت بس نظراته وتنهيداته بيناتنا .. تحرك الديلاب .. اخذت نفس ووكفت هو وكف ورايا وح ايده ع الحديدة حتى لا اتحرك واوكع .. حجه : اسمعج

- اني حجيت اللي عندي انت اللي ما حجيت ولا بررت فعلتك وكأني ما استاهل تبرير منك .

- انت تستاهلين عيوني مو بس تبرير ليش شايفة نفسج قليلة عندي واني ما عندي اعز منج

صرت كباله : مواكفة حتى اسمع هالكلام المعتاد والمعاد .. اذا عندك تبرير كوله اذا ما عندك صم السانك عني واتركني بحالي

- مر يوم واحد اني بتت بيه برا بيتنا !؟ فد يوم اني اتأخرت ابيت اهلي وما رجعتلج ؟ فد يوم فضلتهم عليج لو انت وابني الكم الاولوية ؟

- واجبك مو فضل منك اذا ما عندك غير تبرير افضل تسكت

- وواجبي على ولدي كذلك

- جان تكدر تدزلهم مصرفهم وهم ابيت جدهم

- فيان اني الكعدة مال امي عفتها مريضة بالكوت واجيت وياج لبغداد كابلتج هي ام وتريد شي مني يبقالها .. تريديني يمها اني بدل ما اكابلها حطيتلها ولدي حتى تطمن اني عائلتي مخليهم يمها وما عايفها وهي بيتي

- اذا هم عائلتك وبيتك احنا شنو

- انتم اني .. جزء ما يتجزأ مني .. انتم مو واجب وفرض اودي وافتك منه انتم راحتي انتم مستقري انتم كلشي

- محض كلام ما يمت للواقع بشيء واني اشوفك ... قاطعني

- شنو هو الواقع عايفج هاملج تاركج روحي اسأليها لغيد وتحجيلج منو الهاملها وتاركها وعايفها من صدك .

- انت منو كايلك اني اقبل تجيب اسمها كدامي لو تقارني بيها ليكون منتظر تخليني افضل منها واكعد اصفكلك واااااو شكرا لان فضلتني اني ..

اخذ نفس بقوة وهو يتنهد وبملل : شتريدين كليلي

- تطلكها

- ما اطلكها

باوعتله : لا والله !؟

- اي والله ما اطلكها ام اولادي واني احترمها واقدرها وعايفها ويا اولادي تداري امي واولادي اتقربلها لا اعتبرها زوجة لا وهي قابلة بهالوضوع وهالوضع مخلي امي وجهالي مرتاحين وممأثر عليج بشي فما اطلك ..

- بالعافية عليك وعليها لتطلك اني اتطلك

- ولا اطلكج

- نشوف ..
تحركت واشرت لابو الديلاب الهوى : العفو ممكن توقفه
سحبني : راح ترضين فيان

- نام واتحلم اني راضية وعيش بهالحلم واصحى تلكيني مطلكتك

- اكلي خ** اني مو مرة واتطلكيني احترمي نفسج

- اعلمك منو التتجاوز عليها بهالالفاظ اللي تشبهك

دفع خدي بقوة : احترمي نفسج لا تتجاوزين ترا لهسه اني مقدرج

- غصبا ما على راسك تقدرني مو فضل منك لاني محترمة مو مثلي سوقي ووضيع .

لزم ركبتي : هسه ليش تخليني اذيج عود حلوة اذيج يعني

- وخر ايدك .. وخر خلي امك ومرتك يفيدوك

- حلال عليج مكعدتني ويا امج واهلج وحرام عليه اكعد ويا اهلي وعائلتي .. يعجبج يعجبج ما يعجبج اركعي راسج باقرب حايط

اختنكت العبرة ببلعومي واني اداري دموعي بعيني حتى ما تنزل واهز براسي وكوة انطق الـ : تمام

انتظرت لحد ما نزل الولاب .. انفتح الباب نزلت
هو صاح : اوكفي اوصلج
اني امشي بسرعتي

- كتلج اوكي

- ميحقلك ميحقلك كااااافي انت اختاريتها عووووفني

- اني ما اختاريتها بس ما ضارتج حتى اطلكها

- متطلكها حتى بس نتزاعل تركض يمها .. ابقى على حافة خاف تزعل وتروحلها انت من كل عقلك اني اكعد انتظرك واغريك حتى تبقااااالي

قصص فتيات عراقيات

11 مئی، 2026، 04:57 PM

- انت ما مسموحلج تدخلين بيني وبين مرتي

حجيت : وانت ما مسموحلك تحجي ويا امي هشكل

تنهد : ديري بالج ع الطفل

انطانياه وباسني بخدي ومشى صاحت امي : شوف شوف الدروب يمه يبوسها عود عباله هي مدمغة وغبية راح تنسى السويته وياها ببوسة خايسة

اتجاهلها ومشى وهي اندارتلي : ولو ما استبعد يعرفج انت شنو  وتنغرين وتضعفين ببوسة منه

- ماما كافي اني كتله اريد الطلاك

- كتيله اريد الطلاك وكالج تامرين صار وباسج حتى تكعدين بالليل وحداني وتحنين لبوسته وتشوفين فراشج فارغ وتبقين ادكين حتى يرجعلج مو

- ماما رجاءا شنو هالكلام المقرف .. لتحجين ويايا هشكل .

اخذت ابني ودخلت للغرفة بدلنا اني وياه واخذت جنطة صغيرة وطلعت ولا سيارة بالباب .. خابرت على بابا : الو

- ها بابا

- دزلي سيارة ولا سيارة بالباب

- وين طالعة بهيج وكت والدنيا مو امان

- لاي مكان اشتم بيه هوى اريد اخذ دودو واطلع

- حفيدي وياج وتطلعي بهيج وكت يا بنتي

- بابا الله يخليك مختنكة كلش
ردت ابجي

كال : اش اش اش هسه اني جاي لتبجين مسافة الطريق واني يمج

بقيت بالحديقة انتظره لحد ما اجا كال : شكو شصاير وياج يا بنتي ؟

حجاها وهو يتجاهلني ويشيل دودو ويكوله : جوني باشا وه وه وه .. له دلال له .

كام يبوس بيه طلعت ماما وكفت : وين ماخذة الطفل بهالحو ادخلي حوا ليتمرض

حجه بابا : هو شصاير بياتهم

- اجاها العينتين تكوله طلكني وهو يبوسها بوستين واتضايقت مني ومن كلامي وطلعت الكلب هذا ديستغلها خلاك تسوي ادمي وراح رجع مرته ويشيل بالخير من عدنا ويخلي ببطن اهله وخلفته .

- اذكري الله يا مرة .. متضايقين منه لان ينطي لاهله واطفاله قابل صارفهن ع النسوان ونلومه غير اهله الما بيه خير لاهله ما بيه خير لاحد

فزت امي : لا تكلي انت تصف وياه على بنتك

- ومنو الاعز عندي حتى اصف ويا منو اني ما تقبلته غير لعيونها بس خلينا نكون عقلانيين ومنفكر بهيج طريقة شنو الغلط اذا انفق هلى اهله

- ويرجع مرته

- هذا شأنه هو فيان لا اني ولا انت يحقلنا نحجي .. اتركيهم يحلون مشاكلهم بنفسهم

- هستوك دا تكول من يصرفهن ع النسوان نحجي

- ديكولج ام اطفاله يا نسوان بعد انت صارلي شكد مطلكج فد يوم احتاجيتي شي وكتلج لا واني متزوج وعندي بيت وعائلة غير ام اولادي ..

- لا الظاهر عباس مبخبخلكم مو معقولة كلكم مصدكينه وصافين وياه انت تفتهم شنو يعني اخذته حافي منتف وهسه كبر راسه على بنتك وديريد يستغلها

- مو هي اختارته ؟ اتركيها تقرر هي مو صغيرة وبيناتهم طفل وهالطفل محتاج اب .. ميحقلنا ندخل وهم محد منهم طالب من عدنا ندخل .

- ويييه تصطفل انت وبنتك الظاهر كدر يغشل مخك

باوع عليها بأستغراب .. هز ايده : كومي بابا اخذي هالحفيد الجميل وادخلي جوا

- مختنكة من جو البيت دا اريد اطلع لفد مكان ارتاح

- كومي خل اخذكم شوية يلا

باوعتله .. تنهدت وكمت .. هو اخذ ابني وطلع صعد يم السايق ودودو بحضنه .. واني كعدت ورا .. حجه : وين حابة تروحين بابا

- ما اعرف

- اطلع ابني لابو نؤاس

ساق واني فاتحة الجامة وعقلي يفكر بين كارهته وطالعة روحي منه ومطايقته وبين شي بداخلي مديكيدر يعوفه لو يتخلى عنه .. اريد اصير قوية واخذ خطوة واتطلق بس مهزوزة ما اعرف اخذ قرار

كاسرني فكرة يستغفلني ويرجع مرته .. يكعد وياها ويمكن يحجي ويمكن متقربلها كل هذا واني ما ادري ..

وصلت ابو نؤاس بابا وابني بقوا بالسيارة وطلب من الحارس يبقى قريب مني .. بقيت كاعدة كدام النهر وكالعادة مكدرت اخذ قرار وحالي حال النهر اللي يمشي بدجلة الروجة تجيبه يمين والهوى يدفع بيه يسار .. وباقي شي ياخذه وشي يرده .

حجه الحارس : ست الطفل ديبجي بيد الاستاذ

كمت من مكاني رحت سويت ممي واخذته من بابا رضعته وخليته بيدي بقيت اباوع بوجهه .. واتذكر بابا لما يكول لماما بيناتهم طفل وهالطفل يحتاج أب

اني بيوم الايام لما تطلقوا ماما وبابا كرهتهم اثنينهم لان مكدروا يتصافون ويبقون لخاطرنا اني هجرتهم واخوية تركهم .. محد بينا عذرهم رغم بابا جان ييخون ماما هواية بس مجنت اشوف هالموضوع عذر يكفي لحتى ماما تخدم بيتنا وتروح وتفرقنا .. جنت اكول  كان الاولى بيها تتحمل لخاطرنا والا احنا ما نستحق ؟ فضلت نفسها صارت انانية مفكرت غير بنفسها !

بس طلع الشعور صعب صعب كلش .. ماما تحملت خيانات بابا كلها واتحملت تشوف بنتها تنقتل وهو يسكت ميحرك اي ساكت وتركته ..

كل عمري الومها بس .. احس دا اعذرها الشعور ما تحس بيها فقط لما تعيشه صعب كلش صعب شعور المرة اللي تحس زوجها خذلها واستغفلها.

وصلت للبيت ماما منتظرتني اخذت الطفل من ايدي وبقت تبوس بيه كالت : ارتاحيتي ؟

-لا

انطيته الها ودخلت ..
بقيت تلث ايام مدا اعرف شسوي متزوهرة ومتمرمرة ولا دا اعرف انام ولا اشوف طعم الراحة

سمعته بلش شغل ويا صادق الدليمي ..
كلت الا اروح وافشله واعلمه شلون يستغلني ويصير براسي

اخذت السيارة ورحت للمعرض مال صادق ..

Showing 20 of 20 posts

No more posts

درجہ بندی

لاگ ان درکار ہے

صارف کے جائزے (0)

ابھی تک کوئی جائزے نہیں ہیں۔ پہلے بنیں اور اپنا تجربہ شیئر کریں!

قصص فتيات عراقيات

قصص فتيات عراقيات

درجہ بندی

سبسکرائبرز کی تعداد میں اضافہ (پچھلے 25 دنوں میں)

تازہ ترین پوسٹس

درجہ بندی

صارف کے جائزے (0)

متعلقہ ٹیلیگرام چینلز

کتابستان™

Roman Urdu Novels

سهرات _بجميع_مناطق_الخليج /🇰🇼🇸🇦🇶🇦🇦🇪🇴🇲🇧🇭🔥🫦

مسلسل حكايتنا مترجم

كتب تنمية بشرية

رمــــانخـــــ📚ــــونہ

كتاباتي

أديب.

متعلقہ ٹیلیگرام چینلز

کتابستان™

Roman Urdu Novels

سهرات _بجميع_مناطق_الخليج /🇰🇼🇸🇦🇶🇦🇦🇪🇴🇲🇧🇭🔥🫦

مسلسل حكايتنا مترجم

كتب تنمية بشرية

رمــــانخـــــ📚ــــونہ

كتاباتي

أديب.

تازہ ترین پوسٹس

صارف کے جائزے (0)