аляхновіч | відзік, тэхна, асабістае

аляхновіч | відзік, тэхна, асабістае

Public

Can't Join? @aliakhnovich

0

288 Members

Updated: May 9, 2026 at 5:40 AM

аляхновіч | відзік, тэхна, асабістае

раблю гікаўскі кантэнт пра рознае на беларускай мове. Канал пра Бу-бу-будучыню: @bububudududu Падтрымаць можна на патрэон https://www.patreon.com/aliakhnovich ці асабістым сайце https://www.aliakhnovich.com/about/

@aliakhnovich offers specialized information about bububudududu and httpswwwpatreoncomaliakhnovich for subscribers interested in Вірусні відео

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Today)

Total: 288

Loading...

Rating

Login required

Loading...

Loading recommended channels...

Latest Posts

аляхновіч | відзік, тэхна, асабістае

17 трав. 2026 р., 22:06

А заходзьце праз пару хвілін на другую часту прыгодаў караля Белай Русі Руслана Крывіча: балцкая пагроза з поўначы, малдаўская - з поўдня. Ці вартая існавання маладая беларуская дзяржава? 🤔

https://youtu.be/GftfcrqDAGY

Video Thumbnail

208

18

0

аляхновіч | відзік, тэхна, асабістае

17 трав. 2026 р., 22:06

📷 Photo

Pixelbook

Chromebook

Googlebook! 😎

Google хоча забыць слова "Chromebook" і прапануе запомніць новае — гуглабук! На Алюмініюм АС. Назва аперацыйнай сістэмы пакуль не фінальная, таму можа будзе яшчэ горш.

Гэта сплаў Android і ChromeOS. Што вядома: лэптопы будуць працаваць на Android-стэку, запускаць Android-праграмы, адчыняць файлы з тэлефона і, вядома, мець Gemini ўшытым у кожны кут — аж да курсора мышы.

Фішка Magic Pointer: паківаў курсорам на дату ў лісце — і сістэма сама прапануе стварыць сустрэчу.

Вытворцы: Acer, Asus, Dell, HP, Lenovo. Характарыстык — нуль. Цэн — нуль. Нават лэптоп на рэндэрах невядома, ці гэта рэальны прадукт, ці проста прыгожая карцінка. Адзіная канкрэтная дэталь у дызайне — паласа святла ў колерах Google на корпусе.

А мільёны існуючых Chromebook? Google абяцае падтрымку да канца заяўленых тэрмінаў.

Я не буду заўчасна душніць, мне ідэя падабаецца. Ну і +1 канкурэнт віндзе. 👍 Цікава, толькі, колькі яны захочуць за "premium hardware and design".

https://blog.google/products-and-platforms/platforms/android/meet-googlebook/

аляхновіч | відзік, тэхна, асабістае

17 трав. 2026 р., 22:06

нейкі абсалютна нечаканы ўбоквел, які ніхто не прасіў, пра персанажа, які ніколі не быў цікавым, ад серыяла, пра які ўсе забыліся.

На HBO выйдзе серыя пра прадаўца коміксаў з Big Bang Theory, які трапляе ў мультысусветы.

Stuart Fails to Save the Universe.

Мне падавалася, што мода на сацыяльна нязграбных гікаў ужо даўно прайшла. Ці я памыляюся?

У 22 гады на іх 22 гадовых было весела глядзець. У 36 на 36-гадовых пажылых адзінокіх міленіялаў, якія да гэтай пары чытаюць коміксы і не могуць паглядзець жанчыне ў вочы, ужо не так весела глядзіцца.

нешта я задушніў, серыял жа яшчэ не выйшаў.

https://youtu.be/gnmc33Y55YI

Video Thumbnail

183

23

аляхновіч | відзік, тэхна, асабістае

17 трав. 2026 р., 22:06

📷 Photo

Стым кантроллеры ўсё... Цяпер іх перапрадаюць ўдвая даражэй на ebay. Скальпер горш за пі****са

243

24

аляхновіч | відзік, тэхна, асабістае

17 трав. 2026 р., 22:06

📷 Photo

Вы пэўна ўжо не памятаеце, але мне і содай не вывесці ўспамін пра гадавой даўніны няёмкі анонс супрацоўніцтва Джоні Айва і Сэма Альтмана.

https://openai.com/sam-and-jony/

Яны тады анансавалі, што вось ужо два гады распрацоўваюць адно аднаму нейкі таямнічы дэвайс, што зменіць нашае ўяўленне пра вылічальную тэніку на наступныя дзесяцігоддзі.

"Мы сабралі разам лепшых інжынераў апаратнага і праграмнага забеспячэння, лепшых тэхнолагаў, фізікаў, навукоўцаў, даследчыкаў і экспертаў у распрацоўцы і вытворчасці прадуктаў"
Карацей, зараз чуткі з аўтарытэтных крыніц: OpenAI збіраецца напачатку 2027 года выпусціць... смартфон 🤡

https://www.theverge.com/ai-artificial-intelligence/924063/openai-phone-rumors-2027-ming-chi-kuo

І прадаць за два гады 30 мільёнаў штук 🤡🤡

Google адсвяткавала 10 мільёнаў праданых пікселяў толькі ў 2023 годзе. А выходзяць яны з 2016 года.

Што там з загадкавым дэвайсам Джоні і Сэма, пакуль апдэйтаў няма.

284

аляхновіч | відзік, тэхна, асабістае

17 трав. 2026 р., 22:06

📷 Photo

Ну што, дыназаўры, вы з якой геалагічнай эпохі? Я з сіне-зялёнага слоя. На школьных яшчэ шэранькі квадратны бачыў

з.ы. у каментарах падкінулі спасылку https://copy.sh/v86/?profile=windows2000

307

22

аляхновіч | відзік, тэхна, асабістае

17 трав. 2026 р., 22:06

🎥 Video

Пентагон зрабіў тое, пра што дзесяцігоддзямі прасілі ўсе: ад сур'ёзных навукоўцаў да людзей у шапачках з фальгі. Адкрыў сайт з сакрэтнымі файламі пра НЛА.

https://www.war.gov/UFO/

У пятніцу Міністэрства абароны ЗША пачало публікаваць рассакрэчаныя дакументы пра так званыя "неідэнтыфікаваныя анамальныя з'явы" (UAP). Раней іх называлі прасцей: UFO, або па-нашаму НЛА. Файлы збіраюцца дзесяцігоддзямі, некаторыя яшчэ з саракавых гадоў мінулага стагоддзя.

Цяпер іх выклалі ў адкрыты доступ, без ніякіх допускаў. Заходзь і чытай.

https://www.aliakhnovich.com/pentagon-pachau-publikavats-faily-pra-nla/

275

22

аляхновіч | відзік, тэхна, асабістае

17 трав. 2026 р., 22:06

📷 Photo

Тым часам у студыі стваральніка на Ютубе нейкую сапраўды карысную форму прымае ШІ-дарадца.

Ужо было некалькі спробаў інтэграваць туды ШІ, але яны былі ўсе нейкія нязграбныя, часта вярзлі лухту.

Гэты ітэрацыя, здаецца, сапраўды можа выдаць штосьці карыснае: і агляд эфектыўнасці, і нейкія парады, што базуюцца на канкрэтным змесціве і паказчыках відэа.

204

13

аляхновіч | відзік, тэхна, асабістае

17 трав. 2026 р., 22:06

📷 Photo

Добра што беларускага-тэхнаслопа пакуль няма, бо беларуская аўдыторыя нікому нецікавая... але

Амаль 40% новых падкастаў за апошнія дзевяць дзён, хутчэй за ўсё, згенераваныя штучным інтэлектам.

Паводле даных https://archive.ph/r6j5z, з амаль 11 тысяч новых падкаст-фідаў каля 4 243 відавочна машынныя. Стартап Inception Point AI адзін выпускае 3 000 эпізодаў на тыдзень: аўдыяшлаку, які забівае відочнасць у пошуках і стужкі.

Музыку ўжо навучыліся генераваць тонамі. Цяпер тое ж адбываецца з размоўным аўдыё. Толькі тут маштаб вырастае маланкава, бо стварыць «падкаст» з двума ШІ-галасамі каштуе лічаныя цэнты.

(*Можа мне завесці сабе лічбавага сувядоўцу? І натрэніраваць яго са мною спрачацца 🤔 Па любой тэме!*)

Ёсць два погляды на тое, чым гэта скончыцца. Песімістычны: маштаб — гэта галоўная зброя ШІ, і ён задушыць усё жывое. Знайсці чалавечы кантэнт і так было цяжка, а цяпер стане на парадкі горш.

Аптымістычны: мы ў фазе навінкі. Усе спрабуюць, як з тымі ШІ-аватаркамі ў стылі Ghibli, якія былі ўсюды, а потым зніклі. І калі хайп сыйдзе, а нейраслоп перастане зарабляць хоць штосьці асэнсаванае, то большасць шлаку знікне разам з ім.

Праўда, напэўна, недзе пасярэдзіне. Я там вышэй ужо пісаў пра карысныя варыянты выкарыстоўвання ШІ як інсайтаў па статыстыцы, ці для стварэння вокладак на ютубе.

І сапраўды знаходжу карысныя прымяненні ШІ то тут, то там, што дазваляе быць больш прадукцыйным агулам.

аляхновіч | відзік, тэхна, асабістае

17 трав. 2026 р., 22:06

📷 Photo

Дзіва-дзіўнае, Габен не хоча браць мае грошы і прадаваць мне Steam Controller. Пэўна хоча, каб я дачакаўся зніжак) Святы чалавек!

з.ы. мужна прарваўся, вельмі хутка ціскаючы кнопачку. праўда, у той момант у мяне ляжала два геймпады ў кошыку, таму выпадкова купіў два...

251

28

аляхновіч | відзік, тэхна, асабістае

9 трав. 2026 р., 05:40

📷 Photo

OpenAI нядаўна абнавілі свой генератар відарысаў, ён значна прасунуўся наперад. І цяпер яго можна нават на бясплатным узроўні карыстаць для стварэння і генерацыі вокладак для ютуба.

Вышэй прыклад ітэрацый (з ужываннем фаташопа).

Nanobanana у Gemini жа наадварот апошнім часам стала занадта абароненай, цяжка дамагчыся агулам штосьці зрабіць.

"Мае стандарты бяспекі не дазваляюць мне рэдагаваць або змяняць выявы асоб, так як гэта можа быць выкарыстана для стварэння дыпфейкаў."
Усё разумею, але карысці з такога няшмат.

200

18

аляхновіч | відзік, тэхна, асабістае

9 трав. 2026 р., 05:40

Новы выпуск «Відзіка» ўжо чакае на вас слухачоў

Гэтым разам гаворам пра Palantir і іхні маніфест на 22 пункты, дзе кампанія, названая ў гонар прапагандысцкай зброі Саўрона, адкрыта заклікае да перманентнай вайны, вяртання прызыву, рэмілітарызацыі Нямеччыны і Японіі і кваліфікуе этычныя дыскусіі як «тэатральныя дэбаты».

CEO Алекс Карп кіруе кампаніяй, якая будуе ImmigrationOS для дэпартацый, пастаўляе AI для ваенных удараў і адкрыта піша ў сваім профілі, што стварае «софт, які дамінуе».

Філосаф Марк Кукельберх называе гэта тэхнафашызмам. Не як гіпербалу, а як дакладны апісальны тэрмін. Разбіраемся, чаму гэты маніфест сімптом таго, як тэхіндустрыя ўсё больш адкрыта прэтэндуе на ўладу "кагнітыўнай эліты" без выбараў і грамадскага дагавору.

А яшчэ ў выпуску:
36:18 — Супрацоўнікі Meta будуць вучыць AI-замену самім сабе
49:35 — Стартап, які плаціць лекарам і юрыстам за навучанне ўласных заменаў
54:38 — Game Pass будзе танней, але ёсць нюанс...
01:13:41 — Цім Кук сыходзіць з Apple
01:36:59 — Першыя агляды на Steam Controller

Слухайце на
https://youtu.be/Mw1azUz6DFE
https://podcasts.apple.com/us/podcast/відзік-пра-гікаўскае-тэхналогіі-і-відэагульні/id1689834786
https://open.spotify.com/show/6lIMmurI5BzoAVpUFytz8t

Video Thumbnail

511

аляхновіч | відзік, тэхна, асабістае

9 трав. 2026 р., 05:40

IO Interactive паказалі 007 First Light журналістам

Гэта можа быць цікавы гібрыд Uncharted і Hitman.

Разбіраю прэв'ю ад Gamespot, IGN, PC Gamer, VGC і ютубера Luke Stevens: як складанасць кардынальна мяняе геймплей, чаму босфайт параўноўваюць з містэрам Фрызам з Batman: Arkham City, што кажа геймплей-дырэктар
Андрэас Крок і чаму аўтар з PC Gamer успомніў Hitman: Absolution.

007 First Light выходзіць 27 мая 2026.

https://youtu.be/OxMqR6I26p0

Video Thumbnail

390

17

аляхновіч | відзік, тэхна, асабістае

9 трав. 2026 р., 05:40

📷 Photo

Нарэшце можна будзе выключыць Shorts на Ютубе! Але пакуль толькі на мабільніках і толькі праз усталяванне 0 мінут на спажыванне гэтаq лухты.

"Калі вы дасягнулі ліміту, на ўкладцы Shorts не будуць паказвацца відэа, а толькі апавяшчэнне аб тым, што вы "дасягнулі ліміту стужкі Shorts". У тэстах дасягненне ліміту па часе таксама выдаляе Shorts з галоўнага экрана".

Патрабую такой жа функцыянальнасці і для дэсктопа!

https://www.theverge.com/streaming/912898/youtube-shorts-feed-limit-zero-minutes

555

26

аляхновіч | відзік, тэхна, асабістае

9 трав. 2026 р., 05:40

📷 Photo

Я жывы... проста на мінулым тыдні выязджаў на сямейна-карпаратыўнае мерапрыемства.

З мінусаў - 7 гадзінаў за стырном у адзін бок, з плюсаў - я аформіў моцны чарнавік для відэа па пошуку каранёў, выступіў з ім з унутранай лекцыяй, цягам бліжэйшага часу дапішу і буду рабіць відэа на ютуб.

Тым часам 71-ы відзік ужо амаль гатовы. Калі будуць сілы, то дамантую сёння ўвечары, але надзейней арыентаваў бы вас на заўтра. Там нарэшце мая любімая тэма пра Пітэра Ціля, Palantir і ўздымаючы галаву тэхнафашызм.

Заўтра ж і чэры-🍒-пік, вяртаемся ў працоўны рытм. 👨‍💻

289

58

аляхновіч | відзік, тэхна, асабістае

9 трав. 2026 р., 05:40

📷 Photo

Мяне часта (ніколі) пытаюцца, як я перамог думскролінг у сацсетках. Вельмі проста. Цукерберг у шоку ад гэтага лайфхака. Дастаткова простага савецкага... "ну і нахер яно мне не трэба"

P. S. для кантэксту, гэтыя экраны нельга прапусціць: ты мусіш ці пагадзіцца, ці аформіць штомесячнцю падпіску на сацсеткі

307

30

Showing 16 of 16 posts

No more posts