فێرگەی ڕێنووس و ڕێزمانی کوردی☀

فێرگەی ڕێنووس و ڕێزمانی کوردی☀

Public

Kanalı Görüntüle

Katılamıyor musunuz? @renusisaratayi

0

3.3k Üyeler

Güncellendi: May 16, 2026 at 2:44 PM

فێرگەی ڕێنووس و ڕێزمانی کوردی☀

ئەم کاناڵە بۆ فێرکردنی شێوەی زانستیی ڕێنووسی کوردی، بۆ گەلی کورد پێک هاتووە. تکایە بەستەری کاناڵەکە بڵاو بکەنەوە. https://t.me/+SxW4Wvgw_SMQHdvI

@renusisaratayi is a growing community focused on httpstmesxw4wvgw_smqhdvi and related topics

Sıralama

Küresel Sıralama

#456

+2

Dil Sıralaması

#45

+1

Kategori Sıralaması

#23

-1

Üye Büyümesi (Son 7 Gün)

Toplam: 3.3K

24 saat büyümesi: +0 0%

Loading...

Derecelendirme

Giriş yapılması gerekli

Loading...

Loading recommended channels...

Son Yazılar

فێرگەی ڕێنووس و ڕێزمانی کوردی☀

21 May 2026 06:57

ڕۆژی جیهانیی زمانی دایک و پرسی زمانی کوردی
ــــــــــــــــــــــــــــــــــــــــــــــــ
​زمان تەنیا ئامرازێک بۆ گواستنەوەی زانیاری نییە، بەڵکوو نیشتمانی یەکەمی مرۆڤە. ڕۆژی جیهانیی زمانی دایک، کە لەلایەن ڕێکخراوی یونسکۆوە وەک یادخستنەوەیەکی ساڵانە دیاری کراوە، تەنیا بۆنەیەک نییە، بەڵکوو بانگەوازێکە بۆ پاراستنی ئەو ڕەهەندە دەروونی و کلتوورییەی کە مرۆڤ بە ڕەگ و ڕیشەی خۆیەوە دەبەستێتەوە.

​لە ڕوانگەی زانستی دەمارناسی و دەروونناسییەوە، زمانی دایک یەکەمین نەخشەی گەیشتن بە تێگەیشتن لە جیهانە. منداڵ کاتێک بە زمانی دایک پەروەردە دەبێت، پرۆسەی گەشەی مێشک و توانای داهێنانی بە شێوەیەکی سروشتیتر دەچێتە پێشەوە. زمانی دایک دەبێتە بناغەی بیرکردنەوەی ڕەخنەگرانە؛ چونکە مرۆڤ بەو زمانە خەون دەبینێت، پێ دەکەنێت و گوزارشت لە قووڵترین هەستەکانی دەکات.

​زمان پارێزەری کلتوورە؛ ​هەر زمانێک کە دەمرێت، کتێبخانەیەکی گەورە لە ئەزموونی مرۆڤایەتی، دەرمانە سروشتییەکان، ئەفسانەکان و مێژووی زارەکی لەگەڵ خۆیدا دەباتە ژێر خاک. زمانی دایک کۆگای جیهانبینیی نەتەوەیەکە؛ تێیدا فەلسەفەی ژیان، پەندی پێشینان و مۆسیقای وشەکان پارێزراون. بێبەشبوونی هەر مرۆڤێک لە زمانی دایکی، بە واتای دابڕانیەتی لەو ڕابردووەی کە ئێستای پێ دەناسرێتەوە.

​لێکۆڵینەوەکان دەری دەخەن ئەو قوتابییانەی بە زمانی دایک دەخوێنن، لە فێربوونی زمانەکانی تریشدا سەرکەوتووترن.

​"ئەگەر لەگەڵ کەسێک بە زمانێک بدوێیت کە تێی دەگات، قسەکانت دەچنە سەری، بەڵام ئەگەر بە زمانی دایکی لەگەڵی بدوێیت، قسەکانت دەچنە ناو دڵییەوە." نێڵسۆن ماندێلا

گرێدانی ڕۆژی جیهانیی زمانی دایک بە زمانی کوردییەوە، واتە قەبووڵکردنی ئەو ڕاستییەی کە:
​بۆ ئێمەی کورد، زمان تەنیا دەنگ و پیت نییە، بەڵکوو سنووری نیشتمان و جێگرەوەی ئەو خاکەیە کە لێمان زەوت کراوە.
​زمان خاکە؛ ئەگەر خاک داگیر بکرێت، بە زمان دەکرێت ئازاد بکرێتەوە، بەڵام ئەگەر زمان داگیر کرا، خاک بۆ هەمیشە لەدەست دەچێت.

​ڕۆژی جیهانیی زمانی دایک بۆ ئێمەی کورد، بانگەوازێکە بۆ تەقاندنەوەی بێدەنگی. با ئەم ڕۆژە بکەینە سەکۆیەک بۆ داواکردنی مافی ڕەوای "خوێندن بە زمانی دایک" لە هەموو پارچەکانی کوردستان. با نەوەکانمان فێر بکەین کە زمانی کوردی تەنیا میراتی باوان نییە، بەڵکوو ناسنامەی بوون و قەڵای بەرقەراربوونمانە.

لە باکوور و ڕۆژهەڵاتی کوردستان، کاتێک قوتابخانە و دامەزراوە فەرمییەکان بە ڕووی زمانی کوردیدا دادەخرێن، ماڵ دەبێتە قوتابخانە و دایک دەبێتە مامۆستا. ئەمە ئەو شوێنەیە کە "ڕۆژی جیهانیی زمانی دایک" واتا ڕاستەقینەکەی خۆی تێدا دەبینێتەوە؛ واتە مافی سروشتیی هەر مرۆڤێک بۆ ئاخاوتن بەو زمانەی کە یەکەم جار پێی گوتووە "دایک".
​تا زمانی کوردی لەسەر لێوی دایکانمان بێت، کوردستان وەک چیاکانی بە بەرزی دەمێنێتەوە.
تا ئەو کاتەی یەک "لای لایە" بە کوردی لە بنمیچی ماڵێکدا بچڕێت، زمان نامرێت و نەتەوە زیندووە.

​ئەرکی ئێمە لەم ڕۆژەدا ئەوەیە کە ئەم ڕۆژە بکەینە دەرفەتێک بۆ ئاشتبوونەوە لەگەڵ وشە ڕەسەنەکان، بۆ بووژاندنەوەی ئەو زاراوانەی کە لە لێواری فەوتاندان. پاراستنی زمانی دایک تەنیا ئەرکی ناوەندە ئەکادیمییەکان نییە، بەڵکوو ئەرکی هەر تاکێکە کە لەناو ماڵەکەیدا بە شانازییەوە بە زمانی دایک بدوێت و بنووسێت.

​کۆتایی:
زمان تەنیا دەنگ نییە، بەڵکوو گیانی نەتەوەیە. با لەم ڕۆژەدا پەیمان نوێ بکەینەوە کە زمانی دایکمان نەکەینە قوربانی هیچ زمانێکی تر، چونکە مرۆڤی بێزمان، گەشتیارێکی بێقیبلەنمایە لە دەریایەکی بێبنی نامۆییدا.

ڕۆژی جیهانیی زمانی دایک، بۆ کورد ڕۆژی "هەبوون"ـە. زمانی کوردی ئەو پردە پۆڵایینەیە کە ڕابردووی پڕ لە ئازارمان بە دواڕۆژێکی گەشەوە دەبەستێتەوە. با لەم ڕۆژەدا بە جیهان بڵێین: "ئێمە هەین، چونکە زمانەکەمان زیندووە."
ــــــــــــــــــــــــــــــــــــــــــــــــ
🖊 ئیدریس هاشمی

🌻

1,270

24

0

فێرگەی ڕێنووس و ڕێزمانی کوردی☀

21 May 2026 06:57

📎 File

چەند سەرچاوەی نایاب بۆ خوێندکاران و عاشقانی ئەدەب.
گەنجینەی ڕەوانبێژی و هونەرەکانی جوانناسی
ــــــــــــــــــــــــــــــــــــــ
🌻

971

3

0

فێرگەی ڕێنووس و ڕێزمانی کوردی☀

21 May 2026 06:57

📷 Photo

🟧 بەربانگ و پارشێو

لە مانگی ڕەمەزاندا، بۆ ڕۆژووەوانان دوو کات زۆر گرنگن؛ کە بریتین لە: بەربانگ و پارشێو.

١. واتای ئەم دوو وشەیە چییە؟
🔶 بەربانگ = ڕۆژووکردنەوە یان کاتی ڕۆژووشکاندن لە سەرەتای شەو.
🔶 پارشێو = نانی شەو کە ڕۆژووەوان لە کۆتاییی شەودا دەیخوات بۆ بەڕۆژووبوونی سبەینێ.

۲. ئەم دوو وشەیە چۆن دروست بوون و لە ڕێزمانی کوردیدا، پێکهاتەکەیان چۆنە؟
🔶 هەردوو وشەکە لێکدراون و لە [هاوەڵکار + ناو] دروست بوون.
بەر + بانگ (واتە ئەو کاتەی کە دەکەوێتە پێش بانگی شێوان.)

* پار + شێو
🔸 تێبینی
* سەبارەت بە وشەی پارشێو؛ ئەم وشەیە لە بنەڕەتدا (پاش + شێو) بووە؛ کاتێک دوو دەنگی وەک یەک (ش + ش) لەتەنیشت یەک بن، زمان یەکێکیان دەگۆڕێت بۆ دەنگێکی تر تا بێژەکردنی ئاسان بێت چونکە هاتنی دوو پیتی (ش)، (پاششێو)، لە دەربڕیندا سەختە و کەس وا بێژەی ناکات کەواتە بۆ ئاسانکردنی درکاندن واتە بۆ سووکیی دەربڕین و بۆ ئەوەی کەمترین هێز بەکار ببرێت، دەنگی (ش) گۆڕاوە بۆ دەنگی (ر).
پاششێو 👈 پارشێو

- هەروەها لە هەندێ ناوچەی کوردستان بۆ ئاسانتر بێژەکردنی وشەکە، دەنگی (ر) سڕاوەتوە و وشەکە بووەتە: پاشێو.
ــــــــ
🖊️ ئیدریس هاشمی
🌻

797

فێرگەی ڕێنووس و ڕێزمانی کوردی☀

21 May 2026 06:57

pinned a photo

0

0

0

فێرگەی ڕێنووس و ڕێزمانی کوردی☀

21 May 2026 06:57

🟪 خاوەن + وشە = وشەی لێکدراو
ـــــــــــــــــــــــــــــــــــــــــــ
پرسیار کراوە:
(وشەی خاوەن + وشەی دوای خۆی) چۆن بنووسین؟
ئایا لێکدراوە؟ بەڵێ.

ئەگەر لە من بپرسن:
خاوەن + بڕوانامە = ؟ چۆن دەنووسیت؟ وەڵام دەدەمەوە: خاوەنبڕوانامە چونکە وشەیەکی لێکدراوە. هەرچەندە ناشرینیش بێتە بەر چاو!
ئەمە کێشەی زۆربەی زمانەکانە بەڵام یاسای ڕێزمان، پێش چێژی بینین دەکەوێت.

🔴 ئەو وشانەی لەگەڵ (خاوەن) دێن، لێکدراون و باشترە بەسەریەکەوە بنووسرێن:
خاوەنکار، خاوەنکۆڕ، خاوەنماڵ، خاوەنشکۆ، خاوەنڕا و هتد

پێویستە ئەو وشانەی دەبنە ناسنامەیەک بۆ کەسێک یان شتێک، بەسەریەکەوە بنووسرێن؛ بۆ نموونە خاوەنکار.
خاوەنکار: مەبەست لێی "کارفرما"یە، نەک تەنیا کەسێک کە خاوەنی کارێک بێت.
​خاوەنشکۆ: مەبەست لێی "کەسایەتییەکی مەزنە.

بەگشتی ئەگەر دوای وشەی (خاوەن)، وشەیەکی کورت بێت وەک: (ماڵ، کار، کۆڕ، بیر و...)
خاوەنماڵ، خاوەنکار، خاوەنکۆڕ، خاوەنبیر و...)
یان دوای وشەی (خاوەن)
پیتەنەلکاوەکان (ا، د، ر، ڕ، ز، ژ، ە) بێن، زۆر جوانتر دێنە بەر چاو کە وشە لێکدراوەکە پێکەوە بنووسرێن؛ وەک:
خاوەنڕا، خاوەنڕێز و...
هەرچەندە هەندێ کەس دەڵێن گرێش دروست دەکات، بەڵام ڕای گشتیی وایە وشەی لێکدراو بن.
خاوەنکار
خاوەنماڵ
خاوەنشار
خاوەندەسەڵات
خاوەنجوانی
خاوەندەوڵەت
خاوەنپرسە
خاوەنشایی
خاوەنپارە
و... هتد

🔴 بۆچی لێکدراون؟
مادام خاوەنکار و خاوەنماڵ هەیە، زۆر جوان دەر دەکەوێت، کە وشەی (خاوەنماڵ) بریتییە لە: خاوەنی ماڵ.
خاوەنکار= خاوەنی کار
خاوەنشکۆ = خاوەنی شکۆ
ئەمانە لەسەر ئەم بنەمایە لێک دەدرێن:
👇 👇 👇 👇 👇 👇 👇 👇
(داری هەنار) = دارهەنار
داری هەنار گرێی خستنەپاڵە و (دارهەنار) ناوێکی لێکدراوە.

چاوی ڕەش = چاوڕەش
چاوی ڕەش فرێزی خستنەپاڵە و (چاوڕەش) هاوەڵناوێکی لێکدراوە.

کەواتە (خاوەنی کار، خاوەنی کارەکە، خاوەنەکانی کارەکە..) ئەمانە گرێی خستنەپاڵین و دەبێت ناوە لێکدراوەکەی بریتی بێت لە: (خاوەنکار)

ئەگەر نەشبوو ببنە وشەیەکی فەرهەنگی و وەک لێکدراو نەچەسپیان، ئەوا کورد ناچارە ئاوا بیاننوسێت:
(خاوەن_ماڵ) وەک ئاماژەیەک بۆ ئەوەی، کە وشەکە بەرەو فەرهەنگی هەنگاو هەڵدەگرێت.
بەڵام ڕای گشتی وایە بە لێکدراوی بنووسرێن:
خاوەنکار، خاوەنماڵ، خاوەنشکۆ و...
🔺 خاوەنماڵەکە هات.
🔺 خاوەنکارەکە، منی لە کارەکە دەر کرد.
ئەگەر بێت و لەگەڵ زمانی تریش بەراوردی بکەین، فارسیش دەڵێن: (کارفرما) و ناڵێن:
(کار فرما)!
ئەوانیش بەسەریەکەوە دەینووسن و بەرانبەر بە (employer) دەوەستێتەوە، لە کوردیدا دەبێتە: خاوەنکار؛ کەواتە ئەمە ئەوە دەسەلمێنێت کە زمانی کوردییش، توانای "زاراوەسازی" هەیە و نابێت وەک زمانێکی لاواز تەنیا پشت بە فرێزی جیاجیا ببەستێت.

لکاندنی (خاوەن) بە وشەی دوای خۆیەوە، تەنیا بۆ ناو نییە، بەڵکوو زۆر جار وەک هاوەڵناو، بۆ وەسفکردنی کەسایەتییش بەکار دێت وەک: پیاوێکی خاوەنشکۆ.

🔸ڕوونکردەوەی زیاتر هەر لەسەر وشەی خاوەنکار:
بۆ زانیاریی زیاترتان؛ نازانم تا چ ڕادەیەک ئاگاییتان لە هەندێ لە شارەکانی پارێزگای کرماشان هەیە؟ بۆ نموونە شاری سەرپێڵی زەهاو و شارەکانی تر وەک داڵاهۆ، قەسری شیرین و...
لەوێ خەڵکانێک دەژین بە ناوی یارسان.
ئەم گرووپە زۆر کوردن بەڵام موسوڵمان نییەن؛ ئەوان 3 ڕۆژ، ڕۆژوو دەگرن و دوای ئەوە جەژنێکیان هەیە کە پێی دەڵێن: جەژنی خاوەنکار.
ئەم وشەیە لە ئایین و فەرهەنگی یارسانیش، ڕێنووسەکەی هەر بەم شێوەیەیە: خاوەنکار نەک خاوەن کار.
ئەگەر لەم دۆخیشەوە سەیری ئەم وشەیە بکەین هەر لێکدراوە: خاوەنکار.
ئەم لکاندنە تەنیا بڕیارێکی سەر مێزی ئەکادیمیا نییە، بەڵکوو لەناو قووڵاییی فەرهەنگی کوردیدا ڕەگی هەیە و وەک یەک یەکەی واتاییی پیرۆز تەماشا کراوە.

🔸دەرەنجام
کاتێک وشەیەک دەبێتە ئامرازی وشەسازی، چیتر وەک وشەیەکی سەربەخۆ مامەڵەی لەگەڵ ناکرێت، بەڵکوو دەبێت بلکێت بەو ناوەی کە وەسفی دەکات. لکاندنی خاوەن بە وشەی دوای خۆیەوە، نەک هەر جوانکارییە، بەڵکوو، پابەندبوونە بە سیستەمی وشەسازیی زمانی کوردییەوە.

هیوادارم سوودی هەبێت بۆ هەمووان.
ــــــــــــــــــــــــــــــــــــــــ
🖊 ئیدریس هاشمی

🌻

فێرگەی ڕێنووس و ڕێزمانی کوردی☀

21 May 2026 06:57

pinned «🟪 خاوەن + وشە = وشەی لێکدراو ـــــــــــــــــــــــــــــــــــــــــــ پرسیار کراوە: (وشەی خاوەن + وشەی دوای خۆی) چۆن بنووسین؟ ئایا لێکدراوە؟ بەڵێ. ئەگەر لە من بپرسن: خاوەن + بڕوانامە = ؟ چۆن دەنووسیت؟ وەڵام دەدەمەوە: خاوەنبڕوانامە چونکە وشەیەکی لێکدراوە.…»

0

0

0

فێرگەی ڕێنووس و ڕێزمانی کوردی☀

21 May 2026 06:57

بەبۆنەی هاتنەوەی مانگی پیرۆزی ڕەمەزان - مانگی میهرەبانی و دەستپێکردنی میوانیی خودا - گەرمترین پیرۆزبایی ئاراستەی سەرجەم موسوڵمانانی جیهان و بەتایبەت گەلی کورد دەکەین.
​هیوادارین ئەم مانگە ببێتە وێستگەی ئاشتی و تەبایی، و سەرەتایەک بێت بۆ کۆتاییهاتنی هەموو کێشە و ناخۆشییەکانی گەلی کورد و ببێتە مایەی سڕینەوەی خەم و نەهامەتییەکان.

لە خودای مەزن داواکارین لە ماوەی ئەم مانگەدا، ڕۆژوو و عیبادەتی هەموو لایەک قبووڵ بکات، نزای دایکانی شەهید و نیشتمانپەروەران قبووڵ بێت و ئاشتی و ئارامی ببارێت بەسەر خاکی کوردستاندا و هەمیشە بە ئاوەدانی و سەقامگیری بمێنێتەوە.

هاتنی مانگی ڕەحمەت و لێبوردەیی لە هەمووان پیرۆز بێت. 🌙

🌻

728

17

0

فێرگەی ڕێنووس و ڕێزمانی کوردی☀

21 May 2026 06:57

📎 File

🌷 گـوڵـی ڕۆژاوا 🌱
شیعر و خوێندنەوە: کامەران ئاشنا
بە هەندێک پێداچوونەوەوە
ـــــــــــــــــــــــــــــــ
شــازادەی وڵات، ئــازیـزی دڵــم
شەڕڤانی چەلەنگ ڕۆژاوای گوڵم

مەستم بە جوانی و بوێریت گیانە
تۆ پارێزەری، لەم کـوردسـتـانـە

گەلێک شازادەی تەوار بێ و شەڕڤان
چۆن ڕزگار نابێت، خاکی کوردستـان

ئەوینـمان یەکە، گوڵە جوانەکەم
سەربەستیی خاک و نیشـتمانەکەم

تۆ لە ڕۆژاوا، باشـوور جێی مـنە
تۆ چەک، من خامەم دژی دوژمنە

بە شیعر و وشە، هاتوومە مەیدان
تۆش بە زەبری چەک، دوژمنت تۆقان

تا ئازاد نەبێ گەل، خاک و وڵات
سستی نانوێنین لە کۆڕی خەبات

"ئـــاشــنـا"
≈≈≈≈∞≈≈≈≈∞≈≈≈≈
🌺 هـەوارگـەی دڵان 🥀
هەواری شیعرەکانی کامەران ئاشنا
بەخێر بێن بۆ کەناڵەکەمان
👇🌱👇🌱👇
https://t.me/hawrge
ـــــــــــــــــــــــــــــ

🌻

1,260

فێرگەی ڕێنووس و ڕێزمانی کوردی☀

21 May 2026 06:57

🎥 Video

🔸 مەلای کورد و زمانی کوردی
ــــــــــــــــــــــــــــ
سپاس بۆ پەڕەی ئينستاگرامی
gochan_academy
بۆ ئەم پۆستە جوانەیان.

🌻

1,600

11

0

فێرگەی ڕێنووس و ڕێزمانی کوردی☀

21 May 2026 06:57

pinned «🟪پرسیاری فێرخوازان ـــــــــــــــــــــــــــــــــــــــ پرسیاریان لێمان کردووە کە: لە (وشەی لێکدراو) کێشەم هەیە؛ دەزانم یاساکەی چۆنە بەڵام دیسان لەناو دەق گیر دەکەم. بۆ نموونە: (هەستوسۆز) دروستە یان (هەست و سۆز)؟ نازانم ئایا دەبێتە یەک وشە یان نە؟ ئایا…»

0

0

0

فێرگەی ڕێنووس و ڕێزمانی کوردی☀

6 May 2026 20:01

🟪پرسیاری فێرخوازان
ـــــــــــــــــــــــــــــــــــــــ
پرسیاریان لێمان کردووە کە:
لە (وشەی لێکدراو) کێشەم هەیە؛ دەزانم یاساکەی چۆنە بەڵام دیسان لەناو دەق گیر دەکەم. بۆ نموونە:
(هەستوسۆز) دروستە یان (هەست و سۆز)؟ نازانم ئایا دەبێتە یەک وشە یان نە؟
ئایا پێوەرێکی هەیە کە هەمیشە بەپێی ئەوە بچمە پێشەوە؟
🟢 وەڵامی دروست: (هەست و سۆز).

شرۆڤەی زمانەوانی:
ئەمە کێشەی زۆرێک لەو کەسانەیە کە بە کوردی دەنووسن، چونکە سنووری نێوان (وشەی لێکدراو) و (دەستەواژە) هەندێک جار زۆر باریکە.

🔸بۆ ئەوەی چیتر لەناو دەقدا گیر نەخۆن دەکرێت ئەم سێ پێوەرە بەکار بهێنن:
​١. پێوەری واتایی (گرنگترین خاڵ):
سەیری واتای وشەکە بکەن؛ ئایا کاتێک دوو وشەکە دەبنە یەک، واتایەکی سەربەخۆ و نوێ دەبەخشن؟
​ئەگەر واتاکە گۆڕا بۆ شتێکی نوێ، ئەوا لێکدراوە. ​نموونە:
سەر + تاش = "سەرتاش" (ناڵێین: سەر تاش)، چونکە مەبەستەکە ناوێکی نوێیە بۆ پیشەیەک.

٢. . پێوەری جێگۆڕکێ و تێهەڵقورتان:
ئەگەر توانیت وشەیەکی تر بخەیتە نێوان دوو وشەکەوە، ئەوا لێکدراو نییە.
بە واتایەکی تر: ئەگەر لە کاتی نووسیندا گومانت کرد، لە خۆت بپرسە:
"ئایا دەتوانم وەسفێک تەنیا بۆ بەشی یەکەمی وشەکە بکەم بەبێ ئەوەی بەشی دووەم تێک بچێت؟ ​ئەگەر توانیت، بەجیا بینووسە.
​نموونە بۆ "هەست و سۆز": دەتوانیت بڵێیت (هەستی زۆر و سۆزی پاک). لێرەدا دەبینین "و"ەکە ئەرکی پەیوەندیی هەیە نەک لێکدەر و هەریەکەیان وەک ناوێکی سەربەخۆ ماونەتەوە. کەواتە بەجیا دەنووسرێن.

ئەگەر نەتتوانی، بە لێکدراوی (پێکەوە) بیاننووسە. بۆ نموونە:
(گوڵبژێر) = لێکدراوە.
​ئێستا با هەوڵ بدەین وشەی "جوان" بخەینە نێوانیان.
​(گوڵ جوان بژێر) هەڵەیە! ❌
​بۆچی هەڵەیە؟ چونکە "گوڵبژێر" وشەیەکی لێکدراوی تایبەتە؛ کە وشەیەک دەخەیتە نێوانیان، پەیوەندییە ڕێزمانییەکەیان دەپچڕێت و واتاکە نامێنێت.

٣. یاسای "و"ی پەیوەندی:
​لە زمانی کوردیدا زۆربەی ئەو وشانەی بە "و" دەبەسترێنەوە، بەجیا دەنووسرێن (ئەگەر وەک ناوی لێکدراویان لێ نەهاتبێت).
بۆ نموونە:
​ژان و خەم: جیا دەنووسرێن (چونکە هەر وشەیەک واتای خۆی پاراستووە؛ نەبوونەتە یەک چەمک).
خوێندن و نووسین: (بەجیا دەنووسرێن چونکە دوو چاوگی جیاوازن بۆ دوو واتای جیاواز نەک یەک چەمک.)

🔸دەرەنجام
کاتێک وشەیەک لێکدراو بێت، وەک یەک پارچەی لێ دێت؛ ئەگەر هەوڵ بدەیت لە ناوەڕاستیدا وەسفێک (هاوەڵناوێک) یان وشەیەک زیاد بکەیت، وشە لێکدراوەکە تێک دەچێت یان واتاکەی دەبێتە شتێکی تر. کەواتە: وشەی لێکدراو (نابێت جیا بکرێتەوە). بۆ نموونە:
🔺هاتوچۆ: بە لێکدراو دادەنرێت (چونکە بووەتە یەک چەمکی دیاریکراو بۆ جووڵەی ئۆتۆمبێل یان کەسەکان).
🔺کەلوپەل: (لێکدراوە و پێکەوە دەنووسرێت چونکە بووەتە یەک ناو بۆ شتومەک.)

🔸دەست و دەم = لێکدراو نییە.
دەستی (پیس) و دەمی چەور؛ وشەکان تێک نەچوون و واتایان هەیە؛ ✅ (جیا دەنووسرێن).
ـــــــــــــــــــــــــــــــــــــ
🖊ئیدریس هاشمی
🌻

فێرگەی ڕێنووس و ڕێزمانی کوردی☀

6 May 2026 20:01

📎 File

🟧 پۆستەری ١=٢+٢
کوردستانم وڵاتێکە و نابێ بە چوار
ـــــــــــــــــــــــــــــــــ
زۆر سپاس بۆ کاک موحەمەد کازم جاف بۆ دروستکردنی ئەم (pdf)ـە جوانە.

🌻

809

9

0

فێرگەی ڕێنووس و ڕێزمانی کوردی☀

19 Nis 2026 20:27

📷 Photo

ڕەببی هەر کەس دوژمنی ئەو میللەتە دڵپاکەیە
ژێر کەوێ کۆستی کەوێ ڕەببی سەعاتێک نەسرەوێ

"مامۆستا هەژار"

🌻

1,240

16

فێرگەی ڕێنووس و ڕێزمانی کوردی☀

19 Nis 2026 20:27

ڕەببی هەر کەس دوژمنی ئەو میللەتە دڵپاکەیە ژێر کەوێ کۆستی کەوێ ڕەببی سەعاتێک نەسرەوێ "مامۆستا هەژار" 🌻@renusisaratayi

974

8

0

Showing 14 of 14 posts

No more posts