⚡️A. Shamuratova hám Á. Shamuratov úy-muzeyi – milliy mádeniyatımızdıń aynası
Student jaslardıń ruwxıy-aǵartıwshılıq dárejesin arttırıw maqsetinde Tariyx fakultetiniń studentleri ushın fakultet tyutorları B. Esemuratova hám G. Esboǵanovalar basshılıǵında paytaxtımızda jaylasqan Ayımxan Shamuratova hám Ámet Shamuratov úy-muzeyine sayaxatı shólkemlestirildi. Bul úy-muzey qaraqalpaq xalqınıń mádeniyatı, ádebiyatı hám teatr kórkem óneri tariyxın úyreniwde áhmiyetli dárek esaplanadı. Bul jerde tek ǵana Shamuratovlar shańaraǵına baylanıslı eksponatlar emes, al basqa da belgili dóretiwshiler hám xudojniklerge baylanıslı materiallar da saqlanadı. Studentler muzey ekspoziciyasın kózden ótkerer eken, bul jerde olar Shamuratovlar shańaraǵına tiyisli bolǵan jeke buyımlar, saxna kiyimleri, qoljazbalar hám kitaplar, fotosúwretler hám hújjetler, xatlar hám eski buyımlar, muzıkalıq ásbaplar menen jaqınnan tanıstı. Sonday-aq, studentler Ayımxan Shamuratovanıń qosıqların tıńlaw hám onıń dóretiwshilik jumısına baylanıslı arxiv materialları menen tanısıw imkaniyatına da iye boldı. Sayaxat dawamında studentler muzey direktorı Ayımgúl Shamuratova menen ushırasıp, ózlerin qızıqtırǵan sorawlarǵa juwap aldı, tariyxıy waqıyalar haqqında jańa bilimlerge iye boldı. Bunday ámeliy ilajlar jaslardıń dúnyaqarasın keńeytiwde, olarda milliy qádiriyatlarǵa bolǵan húrmetti qáliplestiriwde úlken áhmiyetke iye. Ilaj sońında studentler muzeyde alǵan tásirleri menen ortaqlasıp, bunday aǵartıwshılıq sayaxatlardı jáne de kóbirek shólkemlestiriw zárúrligin atap ótti.
⚡️A. Shamuratova va A. Shamuratov uy-muzeyi - milliy madaniyatimiz ko‘zgusi
Talaba yoshlarning ma’naviy-ma’rifiy darajasini oshirish maqsadida Tarix fakulteti talabalari uchun fakultet tyutorlari B. Esemuratova va G. Esbog‘anovalar rahbarligida poytaxtimizda joylashgan Ayimxon Shamuratova va Ahmet Shamuratov uy-muzeyiga sayohat tashkil etildi. Ushbu uy-muzey qoraqalpoq xalqining madaniyati, adabiyoti va teatr san’ati tarixini o‘rganishda muhim manba hisoblanadi. Bu yerda nafaqat Shamuratovlar oilasiga oid eksponatlar, balki boshqa taniqli ijodkorlar va rassomlarga oid materiallar ham saqlanadi. Talabalar muzey ekspozitsiyasini ko‘zdan kechirar ekan, bu yerda ular Shamuratovlar oilasiga tegishli bo‘lgan shaxsiy buyumlar, sahna kiyimlari, qo‘lyozmalar va kitoblar, fotosuratlar va hujjatlar, xatlar va qadimiy buyumlar, musiqa asboblari bilan yaqindan tanishdi. Shuningdek, talabalar Oyimxon Shamuratovaning she’rlarini tinglash va uning ijodiy faoliyatiga oid arxiv materiallari bilan tanishish imkoniyatiga ham ega bo‘ldi. Sayohat davomida talabalar muzey direktori Oyimgul Shamuratova bilan uchrashib, o‘zlarini qiziqtirgan savollarga javob oldi, tarixiy voqealar haqida yangi bilimlarga ega bo‘ldi. Bunday amaliy tadbirlar yoshlarning dunyoqarashini kengaytirishda, ularda milliy qadriyatlarga bo‘lgan hurmatni shakllantirishda muhim ahamiyat kasb etadi. Tadbir yakunida talabalar muzeyda olgan taassurotlari bilan o‘rtoqlashib, bunday ma’rifiy sayohatlarni yanada ko‘proq tashkil etish zarurligini ta’kidladi.
Baxıtgúl Esemuratova,
Qaraqalpaq mámleketlik universiteti
Tariyx fakultetiniń tyutorı
Bizdi sociallıq tarmaqlarda baqlap barıń:
✅
https://t.me/www_karsu_uz | 🌐
https://www.instagram.com/karakalpak_state_university_?igsh=MWtndTg1b3N5YnM2cw==| 📹
https://www.youtube.com/@karsu_news | ✅
https://www.facebook.com/karsu.official
