Azad İran

Public

Katılamıyor musunuz? @AzadIranTelegram

5.8k Üyeler

Güncellendi: May 17, 2026 at 12:51 AM

Azad İran

"Azad İran" kanalı gündəlik İranda baş verən hadisələrlə bağlı operativ xəbər, təhlil və görüntülər yayımlayan media qrupudur

Join @AzadIranTelegram for exclusive hadislrl and grntlr content and discussions in 18

Sıralama

Küresel Sıralama

#456

Dil Sıralaması

#45

Kategori Sıralaması

#23

-1

Üye Büyümesi (Son 6 Gün)

Toplam: 5.8K

24 saat büyümesi: +0 0%

Son Yazılar

Azad İran

20 May 2026 17:25

🎥 Video

🇮🇷 İranda bu dəfə gəlin cehizinə “Shahed” dronu daxil edildi 👰‍♀️🤵‍♂️✈️

İranda dövlət televiziyasında yayımlanan bir verilişdə İslam Respublikasının tərəfdarı olan cütlük gəlin cehizi ilə bağlı qeyri-adi açıqlama verib.

Veriliş zamanı bəy, gəlinə cehiz olaraq İran istehsalı “Shahed” dronunun təqdim edildiyini bildirib. O, dronun “İsrailin mərkəzinə dəyəcəyini ümid etdiyini” deyib.

Hadisə son həftələrdə İran mediasında və rəsmi tədbirlərdə hərbi simvolların və dronların daha çox təbliğat elementinə çevrilməsi fonunda diqqət çəkib.

زوج حامی جمهوری اسلامی مهریه ازدواج را « پهپاد شاهد» اعلام کردند

#İran #cütlük #gəlincehizi #Shahed #dron

Kanala abunə olun

179

Azad İran

20 May 2026 17:25

📷 Photo

🛑 Zəncanda “casusluq” ittihamı ilə çox sayda insanın əmlakı müsadirə edildi 👮‍♂️

Dünən Güney Azərbaycanın Zəncan əyalətinin Baş Ədliyyə İdarəsinin rəisi Əli Fərəci Bərhəq bölgənin müxtəlif şəhərlərində 52 nəfərə məxsus əmlakın “casusluq və İsraillə əməkdaşlıq” ittihamı ilə müsadirə edildiyini açıqlayıb.

Onun sözlərinə görə, təqsirləndirilən şəxslərə “vətənə xəyanət” damğası vurulub. Müsadirə olunan əmlaklar arasında nağd pul, xarici valyuta, qızıl və daşınar- daşınmaz əmlakın olduğu bildirilir.

Məlumata əsasən, hadisə çərçivəsində 7 nəfər saxlanılıb, bəzi şübhəlilərin isə ölkə xaricində olduğu qeyd edilir. (Araz News)

#Zəncan #İsrail #casusluq #ittiham #əmlak #müsadirə

Kanala abunə olun

207

Azad İran

20 May 2026 17:25

📷 Photo

🚨TƏCİLİ

🇮🇷 SEPAH: "Yeni hücum olarsa, müharibə bölgədən kənara yayıla bilər" 🔥

Bu gün İran İnqilabının Keşikçiləri Korpusu (SEPAH) yeni bəyanat yayaraq, İrana qarşı hər hansı mümkün hücumun genişmiqyaslı nəticələrə səbəb ola biləcəyi barədə xəbərdarlıq edib.

Bəyanatda qeyd olunur ki, əgər İrana yenidən hücum edilərsə, “müharibənin regionla məhdudlaşmayacağı və gözlənilməz coğrafiyalarda təsir göstərə biləcəyi” iddia edilir.

SEPAH-ın açıqlamasında ABŞ və İsrailə ünvanlanan sərt ifadələr yer alıb və mümkün hərbi qarşıdurma halında “daha geniş miqyaslı cavab veriləcəyi” vurğulanıb. (Fararu)

#İran #SEPAH #müharibə #xəbərdarlıq

Kanala abunə olun

201

Azad İran

20 May 2026 17:25

📷 Photo

🇮🇷 İrandan 🇺🇸 ABŞ-yə xəbərdarlıq: “Müharibə yenidən başlasa, sürprizlər olacaq” ❗️

Bu gün İranın xarici işlər naziri Abbas Əraqçı “X” hesabında paylaşım edərək ABŞ ilə mümkün yeni hərbi qarşıdurma barədə sərt xəbərdarlıq edib.

Əraqçı bildirib ki, “İranla müharibənin başlamasından aylar sonra ABŞ Konqresi milyardlarla dollar dəyərində bir neçə təyyarənin itirildiyini etiraf edib” və İran silahlı qüvvələrinin “F-35-i vuran ilk qüvvələrdən biri olduğu” açıqlanıb.

O əlavə edib ki, əldə edilən “təcrübə və biliklər” nəzərə alınaraq, müharibənin yenidən başlaması halında “daha çox sürprizlərin olacağı” gözlənilir.

#İran #XİN #xəbərdarlıq #ABŞ #müharibə

Kanala abunə olun

233

Azad İran

20 May 2026 17:25

🎥 Video

🇮🇷 Rəisinin ölümü yenidən gündəmdə: 🇦🇿 Azərbaycana qarşı əsassız ittihamlar irəli sürülür

İranın ərəbdilli “NAYA” Telegram kanalı keçmiş İran prezidenti İbrahim Rəisinin ölümünün ildönümü ilə bağlı animasiya yayımlayıb.

Paylaşımda “LEGO stilində çəkilmiş animasiya İranın məşhur prezidentinin səyahətini əks etdirir” ifadəsi yer alıb. Ancaq burada əsas diqqət çəkən məqam hadisənin Rəisinin Azərbaycan sərhədində baş tutan görüşündən sonra baş verməsinə eyham vurulmasıdır. Azərbaycana qarşı əsassız ittihamlar yenidən animasiya ilə gündəmə gətirilib. Eyni zamanda, videoda onun ölümündə İsrailin əlinin olduğuna dair görüntülər yer alıb.

Qeyd edək ki, İbrahim Rəisi 19 may 2024-cü ildə Azərbaycanla sərhəddə yerləşən “Xudafərin” və “Qız Qalası” su anbarlarının açılış mərasimindən qayıdarkən helikopter qəzasında həlak olub.

Hadisədən sonra İran Silahlı Qüvvələrinin Baş Qərargahı tərəfindən yayılan yekun bəyanatda qəzanın əsas səbəbi kimi əlverişsiz hava şəraiti göstərilib.

#İran #İbrahimRəisi #Azərbaycan #iddia

222

Azad İran

20 May 2026 17:25

🎥 Video

🇮🇷 Tehranda Xameneyinin xatirəsinə heykəl ucaldılacaq 👳‍♂️✊

İranın dövlət televiziyasında yayımlanan “Sabahınız xeyir” proqramında Tehranın İnqilab Meydanı üçün yeni simvol kimi ölkənin mərhum ali lideri Əli Xameneyinin “yumruğunu sıxmış” formada təsvir olunan heykəlinin maketi təqdim edilib.

Veriliş zamanı heykəl tamaşaçılara nümayiş etdirilib və aparıcı bildirib ki, abidə yaxın zamanda İnqilab Meydanında yerləşdiriləcək.

Məlumata görə, heykəlin hündürlüyü 15 metr olacaq.

رونمایی از مشت دست سالم خامنه ای در صداوسیما

#İran #Tehran #Xameneyi #heykəl

Kanala abunə olun

237

Azad İran

20 May 2026 17:25

📷 Photo

🇺🇸 ABŞ Senatı Trampın 🇮🇷 İrana qarşı müharibə səlahiyyətlərini məhdudlaşdırdı 🚀❌

Dünən ABŞ Senatı prezident Donald Trampın müharibə səlahiyyətlərini məhdudlaşdıran qanun layihəsini ilk dəfə təsdiqləyib. Qətnamə İrana qarşı gələcək istənilən hərbi əməliyyat üçün Konqresin əvvəlcədən razılığının alınmasını nəzərdə tutur.

Sənədə əsasən, ABŞ administrasiyası Konqresin rəsmi icazəsi olmadan İranla hərbi münaqişəyə başlaya və ya onu genişləndirə bilməyəcək.

Ancaq bildirilib ki, qanun layihəsi Nümayəndələr Palatasından da keçsə belə, prezident Tramp ona veto qoya bilər. (Asr Iran)

سنای آمریکا طرح محدودسازی اختیارات جنگی ترامپ علیه ایران را تصویب کرد

#ABŞ #Senat #Tramp #İran #müharibə #qanunlayihəsi

Kanala abunə olun

219

Azad İran

20 May 2026 17:25

📷 Photo

NYT: "🇺🇸🇮🇷 Müharibənin məqsədlərindən biri Əhmədinejadı hakimiyyətə qaytarmaq idi" 🤔

The New York Times xəbər verir ki, İranla müharibənin başlanmasının ilkin məqsədlərindən biri keçmiş İran prezidenti Mahmud Əhmədinejadın yenidən hakimiyyətə gətirilməsini müzakirə etmək olub.

Qəzet yazır ki, ABŞ rəsmiləri Əhmədinejadla bu plan barədə məsləhətləşiblər, ancaq sonradan çətinliklərlə üzləşərək bu ideyadan çəkildikləri bildirilir.

NYT daha sonra iddia edir ki, İsrailin Tehrandakı evinə edilən hücumun ilk günündə Əhmədinejad yaralanıb. Bu hücumun məqsədinin onu “ev dustaqlığından azad etmək” olduğu iddia edilib. Lakin əvvəlki media xəbərləri Əhmədinejadın hücumdan əvvəl evini tərk etdiyini və onun “ev dustaqlığı” xəbərlərinin təkzib olunduğunu göstərirdi.

Qəzet xatırladır ki, Əhmədinejad son illərdə İran hakimiyyəti ilə fikir ayrılığı yaşayıb, seçkilərdən kənarlaşdırılıb və ictimai fəaliyyətinə məhdudiyyətlər qoyulub.

#ABŞ #İran #müharibə #Əhmədinejad #hakimiyyət

Kanala abunə olun

230

Azad İran

20 May 2026 17:25

📷 Photo

WSJ: "🇺🇸 ABŞ Hind okeanında 🇮🇷 İranla əlaqəli neft tankerini saxlayıb" 🌊🚢

Dünən ABŞ Hərbi Qüvvələri Hind okeanında İranla əlaqəli olduğu bildirilən neft tankerini saxlayıb.

The Wall Street Journal nəşri üç ABŞ rəsmisinə istinadən yazır ki, sanksiya tətbiq edilmiş “Skywave” adlı tankerə bu ilin fevral ayında İranın Xarq adasında bir milyon bareldən çox xam neftlə yüklənib və daha sonra Malayziya yaxınlığında müsadirə edilib.

Məlumata görə, bu hadisə ABŞ-nin İranın “kölgə donanması” adlandırılan neft daşınma şəbəkəsinə qarşı tədbirlərinin bir hissəsidir və Vaşinqtonun tanker ələ keçirməsi üçüncü dəfə baş verir.

WSJ vurğulayır ki, bu əməliyyat ABŞ-nin İran limanlarına qarşı tətbiq etdiyi blokada tədbirləri ilə əlaqəli deyil.

#ABŞ #İran #Skywave #nefttankeri #müsadirə

Kanala abunə olun

236

Azad İran

20 May 2026 17:25

📷 Photo

🇹🇷🇺🇸🇮🇷 Ərdoğan: “Ankara ABŞ–İran atəşkəsini qorumaq üçün çalışır” 🗣

Dünən Türkiyə prezidenti Rəcəb Tayyib Ərdoğan Avropa Komissiyasının prezidenti Ursula fon der Leyen ilə telefon danışığı aparıb. Tərəflər Türkiyə–Avropa Birliyi münasibətləri ilə yanaşı, regional və beynəlxalq prosesləri müzakirə ediblər.

Ərdoğan bildirib ki, Ankara ABŞ və İran arasında əldə olunan atəşkəsin qorunması üçün bütün imkanları ilə səylərini davam etdirir. O, Hörmüz boğazının mümkün qədər tez yenidən açılmasının vacibliyini vurğulayıb.

Türkiyə lideri danışıq zamanı İsraili beynəlxalq hüququ, o cümlədən “piratçılıq” adlandırdığı addımlarla pozmaqda ittiham edib və Tel-Əvivə qarşı beynəlxalq təzyiqlərin artırılmasının zəruri olduğunu qeyd edib.

#Türkiyə #Ərdoğan #ABŞ #İran #atəşkəs

Kanala abunə olun

228

Azad İran

6 May 2026 02:39

Axios: "🇺🇸 ABŞ Hörmüz boğazında əməliyyatdan əvvəl 🇮🇷 İranı xəbərdar edib" 🔥 Axios nəşri ABŞ-nin yüksək vəzifəli rəsmilərinə istinadən xəbər verir ki, ABŞ Hörmüz boğazına gəmilərin buraxılması üçün planlaşdırılan əməliyyat barədə İranı əvvəlcədən məlumatlandırıb…

321

Azad İran

6 May 2026 02:39

📷 Photo

Müharibə və blokada şəraitində Xəzər dənizi 🇮🇷 İran üçün əsas marşruta çevrilir 🌊

Müharibə və Hörmüz boğazının faktiki blokadası fonunda İran həyati əhəmiyyətli ticarəti Xəzər dənizinə yönləndirmək məcburiyyətində qalır və bu, ölkə iqtisadiyyatı və hərbi logistikası üçün strateji əhəmiyyət kəsb edir.

"The National Interest" qəzetinin məlumatına görə, əvvəllər İran ticarətinin 90%-ə qədəri Fars körfəzindən keçsə də, müharibə körfəz gəmiçiliyinin 95%-ə qədərini kəsib və bu da şimal marşrutunu vacib edib.

Təhlildə qeyd olunur ki, "İran mallarının bazarlara çatması üçün Xəzər dənizi vasitəsilə nəqliyyat əlaqələri indi çox vacibdir".👇👇👇

301

Azad İran

6 May 2026 02:39

Müharibə və blokada şəraitində Xəzər dənizi 🇮🇷 İran üçün əsas marşruta çevrilir 🌊 Müharibə və Hörmüz boğazının faktiki blokadası fonunda İran həyati əhəmiyyətli ticarəti Xəzər dənizinə yönləndirmək məcburiyyətində qalır və bu, ölkə iqtisadiyyatı və hərbi…

302

Azad İran

6 May 2026 02:39

📷 Photo

Axios: "🇺🇸 ABŞ Hörmüz boğazında əməliyyatdan əvvəl 🇮🇷 İranı xəbərdar edib" 🔥

Axios nəşri ABŞ-nin yüksək vəzifəli rəsmilərinə istinadən xəbər verir ki, ABŞ Hörmüz boğazına gəmilərin buraxılması üçün planlaşdırılan əməliyyat barədə İranı əvvəlcədən məlumatlandırıb və Tehranı müdaxiləyə qarşı xəbərdar edib.

Mənbələrə görə, mesaj mayın 3-də qapalı diplomatik kanallar vasitəsilə ötürülüb və birbaşa eskalasiya riskini azaltmaq üçün administrasiyanın əlaqələndirilmiş səylərinin bir hissəsi olub.
"Amerika Birləşmiş Ştatları İrana həm açıq, həm də gizli kanallar vasitəsilə siqnallar ötürür", - deyə bir amerikalı rəsmi bildirib.

Xəbərdarlığa baxmayaraq, ABŞ-nin məlumatına görə, əməliyyatın ilk günündə İran ABŞ Hərbi Dəniz Qüvvələrinin tankerlərinə, ticarət gəmilərinə və 🇦🇪 BƏƏ-dəki hədəflərə bir sıra hücumlar həyata keçirib.
Lakin ABŞ ordusu mövcud atəşkəsin rəsmi olaraq qüvvədə olduğunu bildirib.👇👇👇

314

Azad İran

6 May 2026 02:39

🎥 Video

🇮🇷 Tehranda ticarət mərkəzi yanıb🏤🔥🧯

Tehran şəhərinin Əndişe bölgəsində yerləşən Ərğəvan ticarət mərkəzində güclü yanğın baş verib.

تصاویری دیگر از حریق پاساژ ارغوان در اندیشه

#İran #Tehran #ticarətmərkəzi #Ərğəvan #yanğın

Kanala abunə olun

326

Azad İran

6 May 2026 02:39

📷 Photo

🇮🇷 İranda daha bir əsgər öldürüldü 🚨👮‍♂

İzə şəhərində fevral ayında silahlıların hücumunda yaralanan müddətli həqiqi hərbi xidmət hərbi qulluqçusu Milad Mehdipur bu gün həyatını itirib.

Bu haqda Xuzistan əyalətinin Polis İdarəsi məlumat yayıb. (ISNA)

کشته شدن یک سرباز وظیفه در پی درگیری با افراد مسلح در ایذه

#İran #Xuzistan #əsgər #silahlılar

Kanala abunə olun

323

Azad İran

6 May 2026 02:39

🎥 Video

🇺🇸 ABŞ-nin müharibə naziri: “🇮🇷 İran rejimi öz xalqını öldürür” ❗️

Bu gün ABŞ-nin müharibə naziri Pit Heqset mətbuat konfransında İranla bağlı sərt açıqlama verib.

O, ABŞ prezidenti Donald Trampın İran xalqına hakimiyyət dəyişikliyi vədi verməsi ilə bağlı suala münasibət bildirərək deyib ki, İran rejimi öz vətəndaşlarına qarşı zorakılıq tətbiq edir, lakin rejim dəyişikliyi yalnız İran xalqının öz qərarından asılıdır.

Heqsetin sözlərinə görə, “bu rejim müharibə başlayana qədər 45 min günahsız iranlını öldürüb” və hazırda da öz vətəndaşlarına qarşı zorakı siyasətini davam etdirir.

ABŞ rəsmisi bildirib ki, İran xalqının bu vəziyyətdən çıxış yolu tapması onun üzərinə düşən məsuliyyətdir və bu “tarixi fürsətdən istifadə etmək” onun qərarından asılı olacaq.

#ABŞ #müharibənaziri #İran #xalq

Kanala abunə olun

323

Azad İran

6 May 2026 02:39

📷 Photo

🇺🇸 ABŞ təyyarədaşıyan gəmisi Ərəbistan dənizinə daxil oldu 🌊🚢

Bu gün ABŞ Mərkəzi Komandanlığı (CENTCOM) “X” hesabında yayımladığı məlumatda bildirib ki, ABŞ Hərbi Dəniz Qüvvələrinə məxsus USS George H. W. Bush təyyarədaşıyan gəmisi Ərəbistan dənizinə daxil olub.

Açıqlamada qeyd olunub ki, gəmi Oman körfəzi istiqamətində fəaliyyət göstərir və Hörmüz boğazında keçirilən “Azadlıq Əməliyyatı”nı dəstəkləyir. Habelə, vurğulanıb ki, ABŞ qüvvələri bölgədə dəniz təhlükəsizliyinin təmin olunması üzrə əməliyyatlarını davam etdirir.

Məlumata görə, təyyarədaşıyan gəminin göyərtəsində 60-dan çox hərbi təyyarə yerləşir.

#ABŞ #təyyarədaşıyangəmi #Ərəbistandənizi

Kanala abunə olun

345

Azad İran

6 May 2026 02:39

📷 Photo

🚨SON DƏQİQƏ

🇺🇸 ABŞ öz vətəndaşlarını 🇮🇶 İraqı dərhal tərk etməyə çağırdı 📢

Bu gün ABŞ hökuməti öz vətəndaşlarını dərhal İraq ərazisini tərk etməyə çağırıb.

ABŞ-nin Bağdaddakı səfirliyi təhlükəsizlik riskini 4-cü səviyyəyə qaldıraraq ən yüksək xəbərdarlıq elan edib. Səfirliyin açıqlamasında bildirilib ki, İraq hava məkanı yenidən açılsa da, hazırda yalnız məhdud sayda kommersiya uçuşları həyata keçirilir.

Açıqlamada qeyd olunub ki, İraq səmasında raketlər və dronlarla bağlı davam edən təhlükə mövcuddur və ölkə daxilində səyahət etməyi planlaşdıran şəxslər bu risklərdən xəbərdar olmalıdır.

Səfirlik bir daha ABŞ vətəndaşlarına 4-cü səviyyəli xəbərdarlığın qüvvədə qaldığını xatırladaraq vurğulayıb: “İraqa səyahət etməyin. Əgər İraqdasınızsa, dərhal oranı tərk edin”.

#ABŞ #vətəndaşlar #İraq #xəbərdarlıq #təxliyə #hücum #İran

Kanala abunə olun

355

Azad İran

6 May 2026 02:39

📷 Photo

🇮🇷 İranda “İsa Məsih” olduğunu iddia edən şəxs saxlanıldı ✝️👮‍♂️

Yəzd əyalətində xristianlığı qəbul edən üç nəfərin həbs edildiyi bildirilir. Məlumata görə, saxlanılan şəxslər “ev kilsəsi yaratmaq” və “xristianlığı təbliğ etmək”də ittiham olunurlar.

Eyni zamanda “Mehr News” agentliyi Yəzd əyalətinin prokuroru Mehdi Həsənpura istinadən yazıb ki, hüquq-mühafizə orqanları özünü əvvəlcə “tanrı tərəfindən seçilmiş”, daha sonra isə “İsa Məsih” kimi təqdim edən təriqət qurucusunu saxlayıblar.

Prokurorun sözlərinə görə, həmin şəxs xurafatdan istifadə edərək qeyri-adi asketik təcrübələri təbliğ edib və tərəfdarlarını öz məqsədləri üçün yönləndirib. O, təriqət üzvlərinin “Quran”ı yandırmaqda, müqəddəs yerləri və din xadimlərini təhqir etməkdə, eləcə də İsrailin İran üzərində qələbəsi üçün dua etməkdə günahlandırıldığını bildirib. (HRANA)

#İran #xristianlıq #ittiham #həbs

Kanala abunə olun

339

Azad İran

1 May 2026 01:36

📷 Photo

🇮🇷 Xameneyidən Hörmüz mesajı: “Yeni bir fəsil yazılır” 👳‍♂️🌊

Bu gün İranın ali rəhbəri Müctəba Xameneyi “X” hesabında Hörmüz boğazı və Fars körfəzi ilə bağlı paylaşım edib.

Xameneyi paylaşımında bölgədə yeni mərhələnin başladığını vurğulayaraq bildirib:

“Fars körfəzi və Hörmüz boğazında yeni bir fəsil yazılır”.

#İran #MüctəbaXameneyi #müraciət #Hörmüzboğazı

Kanala abunə olun

290

Azad İran

1 May 2026 01:36

📷 Photo

🇮🇷 Əraqçı: “Fars körfəzi” adından başqa ad istifadə etmək tarixi səhvdir" 🗣 🌊

İranın xarici işlər naziri Abbas Əraqçı Milli Fars körfəzi günü münasibətilə etdiyi paylaşımda “Fars körfəzi” adının tarixi və hüquqi baxımdan düzgün olduğunu bildirib.

Əraqçı qeyd edib ki, bu gün təxminən 400 il əvvəl portuqaliyalıların Hörmüz boğazından qovulması hadisəsini xatırladır və İran tarixində xüsusi əhəmiyyət daşıyır.

Onun sözlərinə görə, ABŞ prezidenti belə, özünün dediyi kimi, “Pentaqonun təhrif olunmuş ifadəsi”ni deyil, məhz “Fars körfəzi” adını işlədib.

Əraqçı vurğulayıb ki, “Fars körfəzi” yerinə başqa terminlərdən istifadə tarixi baxımdan qeyri-dəqiq və səhv sayılır.

#İran #XİN #Farskörfəzi

Kanala abunə olun

292

Azad İran

1 May 2026 01:36

📷 Photo

Dünya 🇮🇷 İranla müharibənin tez bitəcəyinə inanmır 📊

Beynəlxalq tədqiqat institutu Ipsos tərəfindən 31 ölkədə aparılan yeni sorğu qlobal ictimai rəyin İran üzərində davam edən münaqişənin tezliklə bitəcəyinə inamının zəif olduğunu göstərib.

Sorğu nəticələrinə əsasən, rəyi soruşulanların əksəriyyəti müharibənin yaxın vaxtda başa çatacağı ilə bağlı bədbin mövqe sərgiləyib.

Sorğunun əsas nəticələri:

▪️33% – münaqişənin 2027-ci ilə qədər və ya daha uzun müddət davam edəcəyini düşünür;
▪️31% – müharibənin yalnız bu ilin sonuna qədər bitəcəyini gözləyir;
▪️26% – qarşıdurmanın növbəti üç ay ərzində başa çatacağına inanır;
▪️10% – müharibənin bir ay ərzində bitəcəyini ehtimal edir.

Sorğunun nəticələri göstərir ki, dünya ictimaiyyətinin ümumi mövqeyi münaqişənin tezliklə həll olunacağına dair ümidlərin zəiflədiyini ortaya qoyur. (Euronews)

#İran #müharibə #sorğu

Kanala abunə olun

307

Azad İran

1 May 2026 01:36

📷 Photo

🇦🇲 Ermənistan və 🇮🇷 İran parlamentlərarası əlaqələri və regional sülhü müzakirə ediblər

Bu gün Ermənistan və İran arasında parlamentlərarası əməkdaşlıq və regional təhlükəsizlik məsələləri müzakirə olunub.

Ermənistan parlamentində hakim “Vətəndaş Müqaviləsi” fraksiyasının rəhbəri Hayk Koncoryan İranın İrəvandakı səfiri Xəlil Şirqulami ilə görüş keçirib.

Görüş zamanı tərəflər bölgədə uzunmüddətli və davamlı sülhün təmin olunması üçün səylərin vacibliyini vurğulayıblar. Eyni zamanda Ermənistanla İran arasında parlamentlərarası əməkdaşlığın inkişaf perspektivləri müzakirə edilib.

گفتگوی مقامات ارمنستان و ایران درباره روابط بین مجالس و صلح منطقه‌ای

#İran #səfir #Ermənistan #dialoq #parlamentlərarasıəməkdaşlıq

Kanala abunə olun

292

Azad İran

1 May 2026 01:36

📷 Photo

🛑 Təbriz zindanında biri qadın olmaqla 3 məhbus edam edilib 👨‍⚖️😢

İnsan haqları təşkilatlarının yaydığı məlumata görə, Təbrizin mərkəzi həbsxanasında üç məhbus dar ağacından asılıb.

Məlumata əsasən, edam olunanlar arasında bir qadın məhkum da olub. Bildirilir ki, Hənifə Avəndi adlı qadın adam öldürməkdə ittiham edilərək edam olunub.

Digər iki məhkum – Əkbər Mövlayi və Cavad Abedi isə narkotik qaçaqmalçılığında təqsirli bilinərək ölüm cəzasına məhkum edilib və hökm icra olunub. (HRANA)

Qeyd edək ki, 2026-cı ilin ilk dörd ayı ərzində İranda 600-dən çox məhbus edam edilib. İnsan haqları təşkilatları bu rəqəmin ölkədə edamların artması ilə bağlı narahatlıq yaratdığını bildirirlər.

#Təbriz #zindan #məhbus #edam

Kanala abunə olun

317

Azad İran

1 May 2026 01:36

📷 Photo

🇮🇷 İranlı admiraldan Hörmüz boğazı ilə bağlı sərt xəbərdarlıq: Bir az da irəli gəlsələr... 👮‍♂️🌊

İranın Hərbi Dəniz Qüvvələrinin komandanı, kontr-admiral Şəhram İrani rəsmi Tehranın Hörmüz boğazını Ərəb dənizi istiqamətindən bağladığını bəyan edib.

İran mediasının yaydığı məlumata görə, hərbi komandan bildirib ki, tətbiq edilən blokada çərçivəsində qarşı tərəfin daha yaxın məsafəyə irəliləməsi halında operativ hərbi tədbirlər görüləcək.

Admiral açıqlamasında İranın həyata keçirdiyi cavab tədbirlərini xüsusi vurğulayaraq qeyd edib ki, bu qərarın tərkib hissəsi kimi strateji əhəmiyyətə malik Hörmüz boğazı “düşmən və onun müttəfiqlərinin dəniz nəqliyyatı üçün qapadılıb”.

O, bildirib ki, ABŞ tərəfindən İran limanlarına və gəmilərinə qarşı tətbiq olunan “qanunsuz məhdudiyyətlərə” cavab olaraq Tehran bu dəniz dəhlizində nəzarəti artırıb. (Həmmihən)

#İran #admiral #xəbərdarlıq #hərbitədbirlər #Hörmüzboğazı #ABŞ #eskalasiya

Kanala abunə olun

310

Azad İran

1 May 2026 01:36

📷 Photo

🇮🇷 Xameneyi: “Fars körfəzi 🇺🇸 ABŞ-siz gələcəyə daxil olur” 👳‍♂️🌊

İranın ali lideri Müctəba Xameneyi Fars körfəzi Milli Günü münasibətilə yaydığı müraciətdə ABŞ-nin bölgədəki rolunu sərt tənqid edib və regionun gələcəyinin “Amerikasız” formalaşacağını bildirib.

Xameneyi qeyd edib ki, ABŞ-nin bölgədə həyata keçirdiyi siyasət uğursuzluğa düçar olub və bu səbəbdən Fars körfəzi və Hörmüz boğazı üçün yeni bir mərhələnin başladığını açıqlayıb.

ABŞ-nin bölgədəki mövcudluğunu qeyri-sabitliyin əsas səbəbi adlandıran Xameneyi vurğulayıb ki, regionun təhlükəsizliyi sahilyanı dövlətlərin öz nəzarəti altında olmalıdır.

Ali liderin sözlərinə görə, İran Hörmüz boğazının idarə olunmasını təmin etmək, onun fəaliyyəti üçün yeni qaydalar müəyyən etmək və “düşmən qüvvələrin” bu strateji marşrutdan istifadəsinin qarşısını almaq niyyətindədir.

#İran #Xameneyi #ABŞ #Hörmüzboğazı

Kanala abunə olun

333

Azad İran

1 May 2026 01:36

📷 Photo

🇷🇺 Rosatom: 🇮🇷 Buşehr AES layihəsini davam etdirəcəyik ☢️

Rusiyanın “Rosatom” dövlət korporasiyası İranda Buşehr Atom Elektrik Stansiyası (AES) layihəsinin davam etdiriləcəyini açıqlayıb.

Rusiyanın Vyanadakı Beynəlxalq Təşkilatlardakı daimi nümayəndəsi Mixail Ulyanov bildirib ki, Rosatom layihəyə sadiq qalır və işlərin bərpası planlaşdırılır.

Onun sözlərinə görə, Rusiyalı mütəxəssislərin stansiyaya qayıdışı “hərbi vəziyyət imkan verdiyi halda mümkün qədər tez” baş tuta bilər. (IRIB News)

Daha əvvəl Rosatom-un rəhbəri Aleksey Lixaçev də İran tərəfinin Buşehr AES-də yeni blokların tikintisinin tezliklə bərpasını istədiyini bildirmişdi. Qeyd edək ki, 15 apreldə Rusiyanın İsfahandakı baş konsulu stansiyada çalışan 600-dən çox rus işçinin təhlükəsizlik səbəbilə təxliyə edildiyini açıqlamışdı.

#Rusiya #Rosatom #İran #Buşehr

Kanala abunə olun

320

Azad İran

1 May 2026 01:36

📷 Photo

🇺🇸 ABŞ: 🇮🇷 İranın xaricdəki resurslarını bloklayacağıq 🗣💰

ABŞ maliyyə naziri Skot Bessant “Fox News” telekanalına verdiyi müsahibədə bildirib ki, ABŞ prezidenti ona İrana qarşı təzyiqin artırılması barədə göstəriş verib.

Bessantın sözlərinə görə, Vaşinqton İran xalqının xeyrinə rejimin xaricdəki maliyyə resurslarını bloklamağı planlaşdırır.

Nazir qeyd edib ki, Tramp administrasiyası “maksimum təzyiq” kampaniyasına bir ildən çox əvvəl start verib və bu proses çərçivəsində Maliyyə Nazirliyinə konkret tapşırıqlar verilib:

“Prezident bu əmri mənə və Maliyyə Nazirliyinə keçən ilin mart ayında vermişdi. Bu təzyiq dekabr ayında İran iqtisadiyyatının dayanmasına səbəb oldu və bu da etirazlara gətirib çıxardı”.

Bessant əlavə edib ki, İranın ən böyük bankı iflasa uğrayıb və İran Mərkəzi Bankı borcları ödəməyə məcbur qalıb. Onun fikrincə, bu proses ölkədə hiperinflyasiyanın dərinləşməsinə səbəb olub. (Amerikanın Səsi)

#ABŞ #İran #maliyyəresursları #bloklama

Kanala abunə olun

324

Azad İran

1 May 2026 01:36

📷 Photo

Pezeşkian: 🇮🇷 İranın dəniz blokadası uğursuzluğa məhkumdur 🌊

Bu gün İran prezidenti Məsud Pezeşkian “Milli Körfəz Günü” münasibətilə yaydığı müraciətdə ABŞ-nin İran limanlarını dənizdən mühasirəyə almasını sərt tənqid edib.

Pezeşkian bildirib ki, ABŞ-nin tətbiq etdiyi dəniz blokadası nəinki məqsədinə çatmayacaq, əksinə Fars körfəzi bölgəsində gərginliyi artıracaq və qeyri-sabitliyə səbəb olacaq.

“Dəniz blokadası və ya məhdudiyyətlər tətbiq etmək üçün edilən hər hansı bir cəhd beynəlxalq hüquqa ziddir və uğursuzluğa məhkumdur”, - deyə, Pezeşkian açıqlayıb.

İran prezidenti əlavə edib ki, bu cür addımlar regional təhlükəsizliyi gücləndirmir, əksinə Fars körfəzində sabitliyi pozur və uzunmüddətli təhlükəsizlik mühitinə zərər vurur.

#İran #Pezeşkian #ABŞ #dənizblokadası #Hörmüzboğazı

Kanala abunə olun

317

Showing 30 of 50 posts

Derecelendirme

Giriş yapılması gerekli

Kullanıcı Yorumları (0)

Henüz yorum yok. Deneyiminizi ilk paylaşan siz olun!

İlgili Telegram Kanalları

Loading recommended channels...

Azad İran

Azad İran

Sıralama

Üye Büyümesi (Son 6 Gün)

Son Yazılar

Derecelendirme

Kullanıcı Yorumları (0)

İlgili Telegram Kanalları

Surxondaryo IIB | Rasmiy kanal

IIV | Rasmiy kanal

IIV | TV NAMOYISH | Rasmiy kanal

Toshkent shahar IIBB | Rasmiy kanal

Sirdaryo IIB | Rasmiy kanal

rchive

Cadefilms

BASSMUSIC 👹 PHONK / JUMPSTYLE / HARDSTYLE

İlgili Telegram Kanalları

Surxondaryo IIB | Rasmiy kanal

IIV | Rasmiy kanal

IIV | TV NAMOYISH | Rasmiy kanal

Toshkent shahar IIBB | Rasmiy kanal

Sirdaryo IIB | Rasmiy kanal

rchive

Cadefilms

BASSMUSIC 👹 PHONK / JUMPSTYLE / HARDSTYLE

Kullanıcı Yorumları (0)

Son Yazılar