#DÍQQAT_4_soraw
#Qaraqalpaq_tiliniń_túsindirme_sózligi
Quwırdaqxananıń oshaǵınan tútin kóteriliwden, keteklerden jańa shıqqanday ústi-bası qara ǵojalaq jetimler álle qaydan jıynalıp, iytler menen shóbirege talasatuǵını kúndegi úyrenshikli ádet. Amanlıq iytlerge «jit» demes, jetimlerge «ket» demes. Quwırdaqshınıń ózi quwıp jibermese, qaytama, oǵan kewilli. Birewleriniń jalańash denesine túrtip qıtıqlaydı, kúldiredi, ózi de kúledi. Al, quwırdaqshı kelip olardı quwsa «nege quwdıń» dep te aralaspaydı. Bunday kóriniske kózi úyrengen: qaysısın qorǵap, ya qaysısın ayap ushına shıǵadı, gey kúnleri olar shıbınday ǵawlap keledi...
Búgin sáskede de kún jılımadı. Qara suwıq húwley berdi, Amanlıqtıń bet-aldı ısıp, jawırını muzlap, urqanatı ushsa da, qızıw ushın qullı-páreń bolıp otın pushtarlap, oshaqqa tıǵıp atır edi, shóbire kemirgenler arasında, gileń tayaqtan ileker ǵana baylastırıp qoyǵanday quwsúyek hayal gewdesi payda boldı. Amanlıqtıń qolında bir dáste jıńǵıl uslawı menen tańlana qatıp qaldı: bir súlder! Adam balası usınsha da azadı eken! Qalayınsha ayaǵında tur!... Qudıqtıń túbinde jıltıraǵan aq monshaqtay, júdá tereńde qıymılsız, óli kózleri, shóplikke awnaǵan ǵarrı aq qoydıń júnindey uypa-juypa shash, górden házir tikeytip jibergendey, bet-awzı shań, ılas. Murnınıń beli oyıq, bir súlder. Sarǵayıp ketken bóz kóylegi, bóz beshpenti órim-órim, kiyim kiygenge megzemes, misli jırtıq-jırtıq aw jamılǵanǵa usaydı.
❓ Soraw: sáske, urqanat, qullı-páreń, ileker, quwsúyek sózleriniń mánisi qanday?
👉 Juwaptı kanalına ótip, tómeninde berilgen kommentariyaǵa jazıp jiberiń.
═════❁✿❁═════
Kanallarımızǵa aǵza bolıń👇
📚
https://t.me/qaraqalpaq_tilim_qalqanim
📚
https://t.me/qara_qalpaq_tili
📚
