ABDII SABAA

Public

Kanalı Görüntüle

11.2K

10.8K

47.4K

Katılamıyor musunuz? @ABDII_SABAA

553.7k Üyeler

Güncellendi: May 11, 2026 at 10:29 AM

ABDII SABAA

SABA GUDDAA WAAN TAANEEF MIIDIYAA GUDDAATU NUUF MALA! @Abdii_Sabaa 💬Contact Us💬 @AbdiiSabaaDm 🎯BARNOOTAAF @abdii_sabaa_university 🎯MARIIF @Garee_Abdii_Sabaa

Join @ABDII_SABAA for exclusive guddaa and miidiyaa content and discussions in 18

Sıralama

Küresel Sıralama

#456

Dil Sıralaması

#45

Kategori Sıralaması

#23

-1

Üye Büyümesi (Son 11 Gün)

Toplam: 553.7K

24 saat büyümesi: +0 0%

Son Yazılar

ABDII SABAA

12 May 2026 14:49

📷 Photo

Miidiyaan Abdii Sabaa hojii "Madaallii Qulqullina Tajaajilaa" (Service Quality Audit) kallaattiin hirmaannaa keessan gaafatu gaggeessaa jira.

Kabajamoo fi Jaallatamoo Maatii Miidiyaa Abdii Sabaa,

Miidiyaan Abdii Sabaa erga hundeeffamee kaasee, qulqullina isaa eeguun amanamummaa sabaa irratti hundaa'ee tajaajila isaa dhiyeessaa jira.

Waggoota darban rakkinoota sabi kun miidiyaa maluuf, miidiyaa guddaafi dhiibbaa guddaa uumee, miidiyaa sabaaf dhugaan dhaabbatu, miidiyaa walabaafi kanneen baraman irraa adda ta'ee , dhaloota haaraa waliin adeemu hundeessuun lammiilee sadarkaa mara irra jiraniif sagalee dhugaa ta'uun tajaajilaa tureera. Adeemsa keenya keessatti bakka guddaa kennuun kan dalagaa turre yaadaafi qeeqa sabaa mara giddu gala taassisuunidha.

Adeemsa keenya kana keessattis, milkaa'inni keenya inni guddaan amantii , Maatiin Miidiyaa Abdii Sabaa, Sabni keenya nuuf qabanidha. Miidiyaan Abdii Sabaas gama isaatiin yeroo mara walaba ta'uun isiniif dhaabbata, isiniifis hojjetas.

Kana giddu gala godhachuun Yeroo ammaa kana, addunyaan odeeffannoo fi teeknoolojiin dijitaalaan saffisaan jijjiiramaa jira. Dhaabbanni keenya guddina kana waliin tarkaanfachuun, tajaajila isaa gara sadarkaa ol’aanaatti ceessisuuf karoora hojii bal’aa hojiirra oolchaa jira. Mul’anni keenya inni guddaan, madaallii ogummaa (Editorial Excellence) ol’aanaa eeguu, walabummaa tajaajilaa mirkaneessuu, fi teeknoolojii haaraa (Digital Innovation) fayyadamuun dhaloota ammayyaa tajaajiluu dha.

Guddina dhaabbata keenyaa itti fufsiisuu fi tajaajila keenya caalaatti milkeessuuf, akkuma kanaan duraa yaada fi qeeqa akkasumas madaallii maatii keenyaa iddoo ol’aanaatti fudhanna. Kanaafuu, dhaabbanni keenya hojii "Madaallii Qulqullina Tajaajilaa" (Service Quality Audit) kallaattiin hirmaannaa keessan gaafatu gaggeessaa jira.

Qajeelfama Hirmaannaa :

Qulqullina Odeeffannoo fi Tajaajilaa: Oduu, xiinxalaa fi tajaajila keenya irratti fooyya’iinsi oogummaa akkamii akka uumamu barbaaddu? hojiiwwan kanaan duraa dalagame irratt dhuunfaanis ta'u gareen hojii kamtu isin boonse, kamtu ammoo hir'ate?

Walabummaa fi Dhugoomina: Adeemsa hojii keenya keessatti amanamummaa fi walabummaa keenya caalaatti cimsuuf maaltu sirreeffamuu qaba jettu?

Kalaqa Teeknoolojii fi Hirmaannaa: Maddoota odeeffannoo dijitaalaa keenya irraa tajaajila haaraa akkamii eegdu? Miidiyaan kun caalaatti sagalee keessan akka ta'uuf maal haa daballu?

Yaada, qeeqa ijaarsaa fi gorsa keessan kallaattiin karaa keessoo https://t.me/abdiisabaadm ykn bakka yaadaatti (comment section) nuuf barreessaa.

Guddina dhaabbata keessanii keessatti ashaaraa keessan akka keessan kabajaan isin gaafanna. Dhaabbanni keenya yaada dhiyaatu mara giddu-galeessa godhachuun, hojiirra oolchinee amanamummaa keessan dachaadhaan guddisuufi Tajaajila sabaaf malu dhiheessuuf qophii dha.

Miidiyaan Abdii Sabaa, Dhugaa Har'aa, Mul'ata Boruuti.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

59,000

301

ABDII SABAA

12 May 2026 14:49

📷 Photo

Iraan, Ameerikaan waliigaltee Waraana Dhaabuu Cabsuun Haleellaa Raawwachuu Ishee Ibsite

Eebila 30, 2018 (Miidiyaa Abdii Sabaa)

Humni waraanaa Ameerikaa Kamisa galgala jechuun (Eebila 29,2018), waliigaltee dhukaasa dhaabuu cabsuun doonii boba'aa Iraan lamaa fi manneen namoota nagaa naannoo Hoormuz jiraatan haleeluu, dubbi himaan waraana Iraan beeksise.

Humni waraanaa Iraanis gama isaatiin dooniiwwan waraanaa Ameerikaa naannicha keessa jiran irratti haleellaa haaloo bahuu taasisuu isaanii mirkaneessaniiru.

Dubbi himaan Ajajaa Giddugaleessaa Iraan 'Kahaatam al-Anbiyaa' ibsa kennaniin akka jedhanitti, humni waraanaa Ameerikaa doonii boba'aa naannoo 'Jask' irraa gara Ulaa Hoormuz imalaa turtee fi doonii biraa naannoo buufata doonii Fujaa'iraha, kan mootummaa Gamtaa Emereetota Arabaa irraa gara Hoormuz seenaa turte haleeluu isaanii mirkaneessaniiru.

Dubbi himaan kun itti dabaluudhaan, “Yerooma wal fakkaatutti biyyoota naannoo tokko tokko waliin ta’uun Bandar Kahamir, Sirik fi odola Qesham keessatti, naannoo siviloonni jiraatan, qarqara Hoormuz irratti haleellaa qilleensaa raawwatameera” jechuun ibsaniiru.

Dubbi himaan kun akka jedhanitti, waraanni Iraan haleellaa kanaaf deebii hatattamaa kan kenne yoo ta’u, dooniiwwan waraanaa Ameerikaa gara bahaa Hoormuz fi kibba Buufata doonii Chabahar haleeluun, dooniiwwan kanneen irratti miidhaa guddaa geessisuu isaa ibsaniiru.

Dhuma irratti dubbi himaan kun, mootummaa Ameerikaa fi deeggartoota isaa akeekkachiisanii, “Rippabiliikiin Islaamaa Iraan akkuma kanaan dura taasisaa ture, mootummaa kamiyyuu irratti sodaa tokko malee, deebii haleellaa cimaa ni kenniti” jechuun dubbataniiru.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

12 May 2026 14:49

📷 Photo

Artist yoosan Geetahuun dhimma Albama haaraa Artist Teedii Afroo irrattii yaada kenne.

Weellisaan Afaan Oromoo beekamaa Yoosan Geetaahun, hojii weellisaa Teediroos Kaasaahuun (Teedii Afroo) irratti garaagarummaa yaadaa qabu ibseera.

Yoosan keessattuu walaloo Teedii Afroo isa "Biyyi kan jalaa duute eessa dhaqee boo'a"(ሀገር የሞተችበት የት ሄዶ ያለቅሳል) jedhu irratti yaada mormii qabaachuu isaa kan dubbate yoo ta'u, yaada kana mormuu isaatiin namoonni mufatan jiraachuu isaas himeera.

Dhimmicha irratti Yoosan yaada isaa akkana jechuun ibse "Teediin 'biyyi duuteetti' yoo jedhu, ani ammoo 'biyyi koo hin duune, jirti' jedheen amana; artiin akkuma Teediif hayyamteef, anaafis mirga yaada koo ibsachuu naaf kenniti," jechuun dubbate.

Garaagarummaa yaadaa jiru kanaan alatti Teedii Afroo waliin jibba dhuunfaa tokkollee akka hin qabne fi akkuma lammii Itiyoophiyaa kamiyyuu jaallataa fi dinqisiifataa isaa ta'uu isaa mirkaneesseera.

Komiin isaa eenyummaa weellisichaa irratti hundaa'a osoo hin taane, yaada albama isaa keessatti "biyyi duuteetti" jedhu qofa irratti akka ta'es ibseera.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

12 May 2026 14:49

Murtii Dinqisiisaa Ameerikaa https://youtu.be/r5w0zmJpMHo

70,300

201

ABDII SABAA

12 May 2026 14:49

📷 Photo

Loltoonni Israa’el Gocha Nama Qaanessu Siidaa Qulqulleettii Dubree Maariyaam irratti Raawwatan.

Kibba Libaanositti siidaa Dubree Maariyaam irratti loltuun Israa’el tokko yoo itti qoosu kan agarsiisu viidiyoon tokko gadhiifamuun isaa madda dheekkamsa guddaa ta’eera.

Viidiyoon ganda naannoo daangaa Kibba Libaanositti argamtu tokko keessatti akka waraabames himame.

Viidiyoon kun loltuun Israa’el tokko siidaa Dubroo Maariyaam kan Kiristaanota biratti kabaja guddaa qabu yoo xureessu kan agarsiisudha.

Gochi kun miidiyaalee hawaasaa irratti ariitiin kan tamsa’e yoo ta’u, dhaabbilee amantaa fi falmitoota mirga namootaa biratti mormii guddaa kaasaa jira.

Humni Ittisa Israa’el (IDF) waa’ee gocha kanaa hanga ammaatti ibsa ragaa irratti hundaa’e kan hin kennine ta’us, gochoonni akkasii naannoo waraanaa keessatti wal danda’uu (tolerance) amantii fi eegumsa iddoowwan qulqulluu gaaffii keessa kan galchu ta’uun ibsameera.

Keessattuu hordoftoonni amantaa Kiristaanaa Libaanos keessa jiran gocha kana "loogii kallattii" jechuun kan ibsan yoo ta’u, hawaasni addunyaa tarkaanfiiwwan mallattoolee fi hambaa amantii irratti raawwataman akka balaaleffatu gaafataniiru.

Taateen kun walitti bu’iinsa Libaanos fi Israa’el gidduu jiru caalaatti hammeessuu danda’a jedhamee sodaatama.

Yeroo waraanaa mallattoolee amantii fi dhaabbilee siivilii kabajuun seera addunyaatiin kan tumame ta’us, gochoonni lafa irratti raawwataman kun walitti bu’iinsa waraanaa amma jiru irra darbanii rakkoo hawaasummaa fi amantii uumuu danda’u jechuun xiinxaltoonni ibsan.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

12 May 2026 14:49

Murtii Dinqisiisaa Ameerikaa
https://youtu.be/r5w0zmJpMHo

74,500

127

ABDII SABAA

12 May 2026 14:49

📷 Photo

Odeeffannoo barnootaa qofa bakka tokkotti argachuuf https://t.me/Abdii_Sabaa_University irratti hordofaa!

Yadaaf qeeqa akkasumas komii qabdan barattoonni karaa https://t.me/Abdii_SabaaSupport dhiheessaa.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

80,100

ABDII SABAA

12 May 2026 14:49

📷 Photo

“Iraaniin lafa irraa ni dhabamsiifna” jedhan Doonaald Tiraamp Eebila 27, 2018 (Miidiyaa Abdii Sabaa) Pirezidaantiin Ameerikaa Doonald Tiraamp Fox News waliin af-gaaffii taasisaniin yeroo kana Ameerikaan adeemsa Bilisummaa Pirojektii (Project Freedom) jedhamu…

82,100

347

ABDII SABAA

12 May 2026 14:49

📷 Photo

DOGOGGORA QUBEE OSOO DHALOOTAAF HIN DARBIN SIRRATUU QABU. Ijaaramuun siidaa yaadannoo Aartist Haacaaluu Hundeessaa fi aartistoota biroo Magaalaa Finfinnee, Paarkii Afrikaa keessatti taasiifame tarkaanfii baay'ee gaarii fi seena qabeessadha. Aartistoota gumaacha…

65,300

563

ABDII SABAA

12 May 2026 14:49

📷 Photo

Arsenaal waggaa 20 booda xumura waancaa Shaampiyoonsi Liigiif darbe

Eebila 27,2018; Miidiyaa Abdii Sabaa

Tapha walakkaa xumuraa halkan kana taphatameen Aarsenaal 1 fi 0 dhaan Atileetikoo Maadiriid injifatee gara xumura waancaaf darbuu danda’ee jira.

Galchii injifannoo murteessaa daqiiqaa 45 irratti kan lakkoofsise taphataan diyaamendii gurraachi Saakaa’n injifannoo kanaaf sababa ta’eera.

Egaan amma tarkaanfiin tokko qofti kan hafe yoo ta’u, innis Aarsenaal guyyaa borii kilaboota lameen PSG fi Baayern Muunik waliin taphatan keessaa kilaba mo’ate waliin Waancaaf ni morkata.

Arsenaal erga bara 2006 bara kana waancaaf kan qaqqabe yoo ta’u, waancaa kana ni injifata jettanii yaadduu? Tilmaama keessan kaa’aa.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

📷 Photo

Oromummaa Moo Bizinasii? Mormii Maqaa fi Eenyummaa Abbush Zallaqaa Irratti Ka’e

Artistichi beekamaan Abbush Zallaqaa yeroo ammaa kanatti falmii aadaa fi siyaasaa guddaa gidduu galeessa godhateen deeggertoota isaa bakka lamatti qoodee jira. Abbush, kan kanaan dura muuziqaa aadaa Oromoo, keessattuu kan naannoo Booranaa fi Gujii guddisuun beekamu, amma ummata Oromoo biyya keessaa fi alaa biratti qeeqa guddaan mudatee jira.

Dhimmi ijoon mormii kanaa sirba haaraa ykn afaan inni sirbu qofa osoo hin taane, komii cimaa saba isaa ganuu fi aadaa sabaatti dhimma ba'ee erga of ijaaree booda dugda galuuti. Hordoftoonni fi qeeqtonni hedduun, weellisaan kun yeroo jalqabaa aadaa Oromoo, keessattuu aadaa naannoo Booranaa fi Gujii beeksisuun deeggarsa uummataa bal'aa argatee ture. Haa ta'u malee, erga beekamtii fi sadarkaa gaarii irra gahee booda, eenyummaa fi aadaa Oromoo akka gulantaatti (grifting) fayyadamuun bu'aa dhuunfaa argatee, sana booda gara gabaa bal'aatti ykn sirboota "Itoophiyummaa" leellisanitti ce'uun saba isa guddise ganeera jechuun namoonni hedduun komachaa jiru.

Inni caalaatti uummata, keessattuu sabboontota Oromoo, aarse dhimma ejjennoo siyaasaa artistichaa ti. Ataakaaroo miidiyaa hawaasummaa, harka rukuttaa deeggartoota garee fiinxaaleyyiifi jibbitoota oromummaa abdachuun xiiqii oromoon qabate kan jedhan qeeqtonni, sirba haaraa saba ganeen dhufuu isaa akka biizinesiitti ilaaniiru. Yeroo sabni Oromoo fi naannoon Oromiyaa rakkoo hamaa fi waldhabdee keessa turetti, artistichi sirbootaafi jechootaan sochiilee adda addaa faarsuun, akkasumas humnoota hidhattootaa akka Faannoo deeggaruun komatama.

Qeeqtonni akka jedhanitti, weellisaan kun gaaffii fi mirga saba Oromoo dhiisuun, sirboota sabni hin feene baasuun isaa saba madaa'e irratti soogidda firfirsuu ta'eera. Kana malees, gaafdeebiiwwan adda addaa irratti haasaa inni taasisu fi jechoonni inni dubbatu, qabsoo fi miidhaa saba Oromoo kan xiqqeessuu fi dhimma dhuunfaa isaa qofa kan tarkaanfachiisu ta'uun isaa mormii kana daran hammeesseera. Yeroo artistoonni biroo sagalee sabaa ta'anii aarsaa kaffalanitti, inni faallaa kanaa dhaabachuun isaa akka gantummaa guddaatti ilaalamera.

Haalli kun weellisaa kana akka nama bu'aa dhuunfaaf jecha eenyummaa fi aadaa isaa gurgurateetti akka ilaalamu taasiseera. Deeggertoonni isaa tokko tokko "inni weellisaa biyyaalessaa ti, dhimma siyaasaa irraa bilisa ta'uu qaba" jedhanii falmuuf yaalanis, uummata bal'aa biratti garuu gochi isaa akka gantummaa seenaa hamaatti galmaa'aa jira. komiin kun dhimma muuziqaa qofa osoo hin taane, dhimma aadaa fi dhugaa saba tokkoo bu'aa yeroof dabarfatanii kennuu irraa kan maddee jedhu qeeqtonni.

Mormiin kun daran kan hammaate, artistichi yeroo beekamtiin isaa hir’atu ykn maallaqaaf yommuu rakkatu qofa gara saba Oromootti deebi’uun aadaatti dhimma ba’uu isaatiini. Qeeqtonni akka jedhanitti, sirbi haaraa "FOOYEE GODAANE" onneerraa kan dhufe osoo hin taane, gabaa Oromoo deebisee itti dhimma ba’uuf kan karoorfame dha. Sirbi haaraa kun amanamummaa isaa deebisuu mannaa, gantummaa inni kanaan dura raawwate deebisee uummata biratti akka dho’u taassiseera

Sirbi weellisaa kanaa gara fuulduraatti saba Oromoo biratti daran bakka dhabsiisamoo bakka inni dur qabu deebisa laata?

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

Addunyaan yeroo ammaa haleellaa miisaa’elaa fi waraana ifatti mul’atu qofaan osoo hin taane, waraana dhokataa fi odeeffannoo irratti hundaa’e keessa seentee jirti. Xiinxalli keenya har’aa keessatti basaasa dhoksaa Kooriyaa Kaabaa, tapha siyaasaa Ameerikaa fi Iraan, akkasumas waraana basaasa dukkana keessatti geggeeffamaa jiru irratti xiyyeeffanna.

Sagaleen miisaa’elaa samii keessaa dhaga’ama; garuu waraanni dhugaan bakka ijaan hin mul’anne keessatti adeemsifamaa jira. Basaasonni maqaan isaanii hin beekamne, suuraan isaanii hin mul’anne, garuu murtii addunyaa jijjiiruu keessatti gahee guddaa qaban jiraachuun himamaa jira.

Waraanni yeroo ammaa humna waraanaa qofa miti; odeeffannoo, tarsiimoo sammuu fi beekumsa irratti kan hundaa’edha. Egaa addunyaan gara waraana guddaatti deemaa jirtii moo sodaan waraanaa qofti mootummaa addunyaa bulchaa jira?
Odeeffannoo kanaafi kan biroo isiniif qabannee dhiyaannee jirra; itti dhiyaadhaa.

KOORIYAA KAABAA FI WARAANA ODEEFFANNOOADDUNYAA!
https://youtu.be/XX7UYmIxlMY
https://youtu.be/XX7UYmIxlMY

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

📷 Photo

Tajaajilli Dhiyeessii Qorichaa Itoophiyaa hanqina qulqullummaa qoricha Phenytoin 100mg irratti mul'ateen kan ka'e, qorichi kun hatattamaan akka deebifamu ajaja dabarseera.

Qorichi kun kan oomishame dhaabbta Medicamen Biotech Limited jedhamuun yoo ta'u, keessumaa dameen tajaajilichaa kan Baahir Daar xalayaa dhaabbilee fayyaa hundaaf barreessen oomishni (batches) hundi rakkoo qulqullummaa waan qabaniif tajaajila irraa akka walitti qabaman beeksiseera.

Akka ibsa tajaajilichaatti, dhaabbileen fayyaa tokko tokko qoricha kana deebisanii kan jiran ta'us, gariin isaanii garuu hanga ammaatti deebisuu dhabuu isaanii ibsameera. Kanaafuu, dhaabbileen qoricha kana deebisuu dhaban hamma qaban beeksisanii hanga Bitootessa 18, 2018 tti akka deebisan akeekkachiisni cimaan kennameera. Dhaabbileen ajaja kana darbuun qoricha kana hin deebisne bu'aa dhufuu danda'u hundaaf itti gaafatamummaa guutuu kan fudhatan ta'uu tajaajilichi hubachiiseera.

Qorichi Phenytoin jedhamu kun dhukkuba Gaggabaa (Epilepsy) to'achuuf kan tajaajilu yoo ta'u, rakkoon qulqullummaa kun fayyaa hawaasaa irratti dhibbaa akka hin uumneef xiyyeeffannoon irratti hojjetamaa jira.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

📷 Photo

Poolisiin Federaalaa Itoophiyaa ibsa baaseen, namoonni tokko tokko konkolaataa gatii gabaa yeroo ammaatiin Birrii miiliyoona 8 baasu, “BYD Song Plus” jedhamu dhaabbata daldalu fakkaatee uummata irratti yakka gowwoomsaa kan raawwate to’achuu beeksise.

Poolisiin Federaalaa Itiyoopiyaa akka ibsetti, mootummaan qorannoo gaggeesseen bundeessitootaa fi abbootii qabeenyaa dhaabbata dhuunfaa “Fintech Investment” jedhamuu irratti himanni akka banamee fi abbaa alangaa biratti hitachi mirkanaa’eera. Dhaabbatichi lammiilee biyyattii irraa yakka gowwoomsaa Birrii biiliyoona 1.7 ol ta’u geessisuun insameera.

Shakkamtoota keessaa Daani’el Yohaannis fi Girmaaye G/Mikaa’el jedhaman, namoota hawwaasa biratti bebbeekamoo fi dhiibbaa uumuu danda’an fayyadamuun lammiilee kuma 1 fi dhibba 200 ol ta’an gowwoomsuun maallaqa guddaa walitti qabaniiru jechuun poolisiin ibseera. Dhimmichaan wal qabatee yakkoota gosa garaagaraa 19n qorannoon irratti gaggeeffamee himanni akka irratti baname ibsameera.

Jalqabarratti dhimmichi Poolisii Magaalaa Finfinneetti dhiyaatus, yakki sun guddaa fi qorannoo bal’aa kan barbaadu waan ta’eef gara Poolisii Federaalaatti dabarsuun qorannoon bal’inaan irratti gaggeeffamaa ture jedhameera.

Shakkamaa Daani’el Yohaannis irratti himanni banamee mana sirreessaa akka turfamu taasifameera. Girmaaye G/Mikaa’el immoo to’annoo jala oolchuuf hordoffiin akka irratti gaggeeffamaa jiru ibsameera.

Poolisiin akka ibsetti, shakkamtoonni uummata gowwoomsuuf kaffaltii duraa %50 jechuun, Birrii kuma 950 kaffalchiisuun, guyyaa 90 keessatti abbaa konkolaataa akka ta’an itti himanii, haftee maallaqaa immoo liqii baankii waggaa shaniin dhumu akka mijeessan ibsanii lammiilee sobaniiru.

Kana malees, konkolaattota 148 Jibuutii irraa waan galchan fakkeessuun, konkolaattota 100 namoota muraasaaf kennuun, uummata amansiisuuf yaalii godhanii kanneen hafan immoo dhoksaan gurguruu isaanii qorannoon mirkaneesseera. Akkasumas konkolaattota hedduu biyya alaa irraa galchineerra jechuun odeeffannoo sobaa tamsaasaa akka turan ifoomeera.

Poolisiin dabalataan ibsa baaseen, dhaabbatichi oomishtoota konkolaataa elektirikii Chaayinaa BYD jedhaman waliin waliigaltee osoo hin qabaatin akka waan waliigaltee hojii qabuutti fakkeessuun hojii gowwoomsaa raawwachaa tureera.

Qorannoon akka agarsiisutti, lammiilee kuma 1200 ol irraa kaffaltii adda addaa jechuun, nama tokko irraa Birrii miiliyoona 1 fi kuma 365 ol walitti qabuun miidhaa guddaa geessisaniiru.

Dabalataanis, dhaabbaticha karaa seeraan alaa beeksisuun maallaqa walitti qabame keessatti hirmaannaa taasistaniittu jechuun artistootaa fi ogeeyyiin beeksisaa beekamoo hedduu to’achuun mana murtiitti akka dhiyaatanii, beellama yeroos akka fudhatan murtiin kennameera.

Poolisiin Federaalaa xumura irratti ibsa kenneen, maallaqa seeraan alaa argame seera qabeessa fakkeessuu (money laundering), yakka daangaa darbee fi yakkoolee biroo dabalatee dhimmoota yakkaa 19 irratti qorannoon gaggeeffamaa jiraachuu himeera. Namoota shakkamanii to’ataman keessaa tokko tokko maallaqa yakka kana irraa argameen, tokkoon tokkoon isaanii konkolaataa BYD Song Plus gatii Birrii miiliyoona 8 ta’u akka kennaatti fudhachuun isaanii mirkanaa’eera.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

📷 Photo

Akka Addunyaatti “Viagra Day” har’a kabajamaa jira

Guyyaan addunyaa keessatti “Viagra Day” jedhamuun beekamu har’a addunyaa mara keessatti kabajamaa jira. Guyyaan kun mootummaa Ameerikaa keessatti yeroo mootummaan qorannoo nyaataa fi qoricha (FDA) qoricha Viagra jedhamu fayyaa dhiiraaf akka tajaajilu hayyame yaadachuuf kan kabajamu dha.

Qorichi Viagra waggoota 28 dura mootummaa Ameerikaatiin hojii irra ooluu kan jalqabe yoo ta’u, rakkoo dadhabina qaama saalaa dhiiraa (Erectile Dysfunction – ED) jedhamuun beekamu irratti furmaata jalqabaa fi salphaa, lilmee malee, afaaniin liqimfamu ta’ee galmaa’eera.

Odeeffannoon fayyaa agarsiisu akka jedhutti, yeroo ammaa Ameerikaa qofa keessatti dhiironni miliyoona 30 ol ta’an rakkoo dadhabina saalaa kanaan akka miidhaman ni tilmaamama. Rakkoon kun dhiironni utuu fedhii quunnamtii saalaa qabanii qaamni saalaa isaanii jabaachuu dadhabuun kan mul’atu dha.

Ogeeyyiin fayyaa akka ibsanitti, sababni guddaan rakkoo kana fidu dhukkuboota akka onnee, sukkaara (diabetes), dhiibbaa dhiigaa ol’aanaa fi rakkoo nervii ta’uu danda’a jedhu. Akkasumas qorannooleen tokko tokko qorichoonni biroonis rakkoo kanaa fiduuf sababa ta’uu mirkaneessaniiru.

Ba’insi qoricha “Viagra” gabaa irratti mul’achuun isaa dhimmicha irratti mariin ifaa akka taasifamu, namoonni rakkoo kana qabanis soda malee yaala barbaaduu akka jalqaban karra haaraa bane jechuun ogeeyyiin yaada isaanii kennaniiru.

Guyyaan “Viagra” kun mootummaa fayyaa fi ogeeyyii yaalaa biratti hubannoo uumuu, akkasumas rakkoon fayyaa saalaa akka dhukkuba kamitti sodaa malee ilaalamuu akka qabu yaadachiisuuf akka gargaaru dubbataniiru.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐
🌐 https://www.tiktok.com/@abdiisabaamedia 🌐

ABDII SABAA

2 Nis 2026 15:12

📷 Photo

Qarshii 200 n bilbila harkaa keessan qofa fayyadamuun video editing , Qarshii 1000 qofaan ammoo FullStack web development barsiisaa jirra. Gatiin kun discount dha. Xumuruuf yeroo muraasatu hafe dafaa galmaa’aa.

* Telegram keenya: https://t.me/Jonamiyet irratti nu qunnamaa.

* Code: Video editing warri feetan VER jedhaa ergaa , FullStack warri barbaaddan FWD barreessitanii nuuf ergitu namoota code kan hin ergineef deebisuu dhiisuu dandeenya. Yeroo nu qunnamtan hi hin jedhinaa kallattii kara dhimmaa seenaa.

73,800

ABDII SABAA

2 Nis 2026 15:12

📷 Photo

Dhaabbanni Ministeera Fayyaa Itoophiyaa fi Hospitaala Addaa Xiqur Anbassaa waliin ta’uun ji’a Bitootessaa akka “Ji’a Hubannoo Kaansarii Aanjee”tti kabajuun hawaasaaf hubannoo laachaa jiru. Ibsi dokteeronni fi ogeeyyiin fayyaa akka mul’isutti, dhukkubni Kaansarii…

81,600

235

ABDII SABAA

2 Nis 2026 15:12

📷 Photo

Dhaabbanni Ministeera Fayyaa Itoophiyaa fi Hospitaala Addaa Xiqur Anbassaa waliin ta’uun ji’a Bitootessaa akka “Ji’a Hubannoo Kaansarii Aanjee”tti kabajuun hawaasaaf hubannoo laachaa jiru.

Ibsi dokteeronni fi ogeeyyiin fayyaa akka mul’isutti, dhukkubni Kaansarii Aanjee addunyaa irratti waggaa waggaan namoota miliyoona tokkoo ol ta’an irratti mul’achaa jira.

Itoophiyaa keessatti waggaa waggaan namoonni kuma 80 ol ta’an kaanserii adda addaa qabaachuun isaanii ni galmaa’a; isaan keessaas namoonni kuma 6 ol ta’an kaanserii Aanjee kanaan kan qabaman yoo ta’u, lakkoofsi dhibamtootaa kana caalaa ta’uu akka danda’u ibsameera.

Hospitaala Xiqur Anbassatti ogeessa qalliinsa aanjee guddaa kan ta’an, Piroofeeser Birhaanuu Qotiso akka jedhanitti, dhukkubni kun yeroo baay’ee namoota waggaa 50 ol irratti mul’ata jedhamus, Itoophiyaa keessatti dargaggoonni waggaa 50 gadi jiran hedduun isaanii dhibee kanaan qabamaa jiru.

Nyaanni foon diimaa fi cooma baay’ee of keessaa qabu yeroo baay’ee yoo nyaata dhukkuba kanaaf nama saaxila.

Tamboo aarsuu fi dhugaatii alkoolii baay’inaan fayyadamuunis balaa dhibee kanaa dabala.

Dhukkubni kun yeroo jalqabaatti mallattoo homaa hin mul’isu; garuu yeroo keessa guddataa dhufuun rakkoo garaa (constipation), dhangala’aa fi fincaan keessatti jijjiirama biroo argisiisuu danda'a. Mallattooleen akkanaa yoo mul’atan saffisaan gara mana yaalaa deemuun barbaachisaa akka ta'e himu.

Tajaajilli qorannoo fi yaalaa kaansarii aanjee yeroo ammaa kan kennamaa jiru, Hospitaala Addaa Xiqur Anbassaa, Hospitaala Qulqulluu Phaawuloos, Hospitaala Daagmaawi Minilik, Hospitaala Yekatit 12 fa'a yoo ta'an,

Hoggantoonni fayyaa akka ibsanitti, lakkoofsi dhukkuba kanaa sirriitti hin beekamne; qorannoon bal’aan akka barbaachisus himameera. Akkasumas hawwaasni mallattoolee dhukkuba kanaa akka beekuu fi yeroon gara mana yaalaa akka deemuun yaalamuu qaban hubachiisaniiru.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

2 Nis 2026 15:12

Walga’iin dhoksaan magaalaa Maqalee keessatti gaggeeffame jechuun odeeffannoon bahe mootummaa naannichaa fi mootummaa naannoo Gaanfa Afrikaa keessatti gaaffii guddaa kaasaa jira. Jeneraalonni Ertiraa fi hoggantoonni waraanaa Tigraay marii dhoksaa gaggeessuun isaanii maal agarsiisa? Nageenyaaf tarkaanfii fudhatame moo waraanni haaraan akka uumamuuf laata?

Sagantaa keenya har’aa keessatti, Odeeffannoo walga’ii dhoksaa irratti bahaa jiru xiinxalla, Hariiroo mootummaa federaalaa, Tigraay fi Eritiraa gidduu jiru ilaalcha keessa galchuun ilaalla; Xiinxaltootaa fi hayyoota nageenyaa irraa yaada bal’aa isiniif qoodna. Gaanfi Afrikaa gara fuulduraatti maal ta’uuf akka deemtuu fi dhimmoota mootummaa, nageenyaa fi siyaasa mootummaa Itiyoopiyaa hubachuuf Yuutuubii Miidiyaa Abdii Sabaa Daawwadhaa.

MARII DHOKSAA TPLF FI ERTIRAAN TIGIRAAY KEESSATTI TAASISAN!
https://youtu.be/6LAQGAa6Pg0
https://youtu.be/6LAQGAa6Pg0

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

2 Nis 2026 15:12

Sagantaa keenya har’aatiin, maalif akeekkachiisni Ameerikaa addunyaa raase?, Daandiin boba’aa Strait of Hormuz maaliif murteessaa ta’e?, Biyyoonni akka Turkii fi Chaayinaa maal gochaa jiru?, Guyyoonni shanan dhufan mootummaa addunyaa jijjiiruu ni danda’uu?

Xiinxala hayyoota siyaasaa fi nageenyaa addunyaa irratti hundaa’uun waan qindeeffanne qabna, Daawwadhaa.

HALEELLAA JABAA IRAAN IRRATTI TAASISUUF, TRAAMPGUYYAA 5 QOFA KENNAN!
https://youtu.be/9PGSQbUcoc4

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

78,200

354

ABDII SABAA

29 Mar 2026 05:12

📷 Photo

Pirezidaantiin Doonald Tiraamp ibsa kennaniin, mootummaa Yuunaayitid Isteetii fi Iraan gidduutti "mariin gaarii fi bu’a qabeessi” gaggeeffamaa jira jedhan.

Tiraamp akka jedhetti, Ameerikaan haleellaa bu’ura elektirikaa guddaa Iraan irratti raawwachuuf qophaa’aa turte, garuu yeroo daangaa sa’aatii 48 ture gara guyyaa shaniitti dheeressuun murtaa’eera. Kunis akka isaan jedhanitti marii gaggeeffamaa jiruuf carraa kennuuf ta'uu ibsaniiru.

"Iraan yoo fedhii qabaatte, pirojektii niyukileraa ishee dhaabuun nagaa filachuu dandeessi,” jechuun Tiraamp ibsaniiru.

Garuu mootummaa Iraan fi miidiyaaleen mootummaa isaanii odeeffannoo marii kana geggeessaa jiraachu guutummaatti haalaniiru.

Maddoonni odeeffannoo Iraan akka jedhanitti: “Mariin kamuu hin jiru. Ameerikaan yeroo dheeressite sodaa deebii Iraan irraa qabduuf malee, mariif miti.” jetteetti.
Haaluma wal fakkaatuun, Iraan haleellaan waraanaa yoo itti fufe, buufata daldala addunyaa bishaan irraa murteessaa ta’e Strait of Hormuz cufuu akka dandeessu akeekkachiifteetti.

Dhimmicha irratti, Ministirri Muummee United Kingdom, Keir Starmer, mariin akka jiru ibsuun, mootummaa isaanii akka deggaru beeksisaniiru. Akkasumas waliigalteen kamuu yoo jiraate, dhimmoota niyukileraa irratti daangaa cimaa qabaachuu qaba jedhan.
Haalli amma jiru ifa miti, Ameerikaan marii jala jira jedha. Iraan garuu mormitee jirti. Kanaaf, abdiin marii jiraatus, ammaaf dhugaan isaa guutummaatti hin mirkanoofne; rakkoon waraanaa immoo itti fufuu mala jedhameera.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

Addunyaan yeroo ammaa saffisaan jijjiiramaa jirti. Ijoolleen tokko tokko teknooloojii fi barnoota ammayyaa keessatti guddachaa kan jiran yoo ta’u, kaan ammoo ijoollummaa isaaniin leenjii waraanaa keessatti mul’achuu jalqabaniiru. Kun jijjiirama mootummaa, siyaasaa fi nageenya addunyaa irratti gaaffii guddaa kaasaa jira.

Sagantaa har’aa keessatti, Intalli hogganaa Kooriyaa Kaabaa leenjii waraanaa keessatti mul’achuu ishee, Walii dhabdeen Ameerikaa fi Iraan mootummaa addunyaa irratti akkamitti dhiibbaa fidaa jira? Karaan Hormuz irratti haleellaan uumamu dinagdee addunyaa irratti dhiibbaa akkamii fiduu danda’a? Jijjiirama dhaabbata gargaarsaa namoomaa USAID keessatti taasifamee fi kanneen biroo irratti, xiinxala bal’inaan qabannee jirra; itti dhiyaadhaa.
Daawwadhaa
👇👇👇👇👇👇👇👇👇

DAA'IMA XIQQOO MESSHAA WARAANAA GURGUDDAA DHUKAAFTU!
https://youtu.be/LhcK0zdaOSQ

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

61,900

ABDII SABAA

29 Mar 2026 05:12

📷 Photo

Deeggartoonni Arsenaal har’a waancaa “Carabao Cup” injifachuun seenaa waggaa 33 booda irra deebi’uuf Wembley irratti walitti qabamaniiru. Tapha Maanchisteer Siitii waliin taasisan kanaan, murtii Mikel Arteettaa eegaa goolii David Raya dhiisee Kepa Arrizabalaga…

69,000

949

ABDII SABAA

29 Mar 2026 05:12

📷 Photo

Deeggartoonni Arsenaal har’a waancaa “Carabao Cup” injifachuun seenaa waggaa 33 booda irra deebi’uuf Wembley irratti walitti qabamaniiru.

Tapha Maanchisteer Siitii waliin taasisan kanaan, murtii Mikel Arteettaa eegaa goolii David Raya dhiisee Kepa Arrizabalaga taphachiisuuf murteesse mormii fi deeggarsa garaa garaa uumaa jira. Akkasumas, utubaan ittisa Siitii Ruben Dias miidhaan tapha kanaan ala ta’uun isaa deeggartoota Arsenaal biratti abdii injifannoo guddaa uumeera.

Gama biraatiin, kaleessa gareen dubartootaa Arisinaal West Haam 5-0 kuffisuun milkaa’ina kanaan dura hin argamne galmeessaniiru. Gooliiwwan Alessia Russo, Beth Mead fi Chloe Kelly galchan garee dhiiraatiif hamilee guddaa ta’eera.

Arsenaal waancaa kana erga bara 1993 booda harka isaa keessa galchee hin beeku. Har’a waancaa kana yoo fudhate, abdiin waancaa afur (quadruple) bara kana sassaabachuuf qabu dhugoomsuuf tarkaanfii jalqabaa ta’a.

Isin maal jattu?
* Arteettaan Raya dhiisee Kepa taphachiisuun isaa sirriidha jettuu?

* Arsenaal har'a ni inijifata moo ni injifatama?

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

Pirezidaantiin Ameerikaa Doonald Tiraamp biyyoota miseensa NATO ta’aniin “sodaattota” jedhee qeeqe; walitti bu’iinsa Isiraa’el, Ameerikaa fi Iraan gidduutti uumame tasgabbeessuuf yaalii taasisaa jiraachuu Ameerikaan beeksiste. Haa ta’u malee, dhimmi Ulaa daandii Hormuz daldala addunyaa irratti dhiibbaa guddaa qabaachuun isaa yaaddoo guddaa ta’ee itti fufeera.

Biyyoonni hedduun haala kana irratti shakkii qaban irraa ka’uun, NATO keessatti waliigalteen dhabamuun mul’achaa jira.

Rakkoon kun waraana qofa moo jijjiirama sirna addunyaa fiduuf deemaa jira laata? Ameerikaan gahee “poolisii addunyaa” dhiisuu jalqabdee jirtii?, Chaayinaa fi Raashiyaan gahee isaan waraanicha keessatti qaban akkamitti ilaalama kan jedhu fi kanneen biroo irratti waan qindeeffanne sagantaa keenya kanarraa argattu; itti dhiyaadhaa.

Yuutuubii miidiyaa Abdii Sabaa irratti daawwadhaa

https://youtu.be/TBYJ7WLLtOw
https://youtu.be/TBYJ7WLLtOw

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

📷 Photo

"Poolisiin Dursee Ofii Isaa Seera Kabajuu Qaba” Kumaander Maarqos Taaddasaa Bulchiinsi Poolisii Magaalaa Finfinnee miseensonni poolisii, seera kabachiisuuf aangoo qaban fayyadamuu dura, ofii isaanii seera kabajuu akka qaban hubachiiseera. Itti gaafatamaan…

64,800

329

ABDII SABAA

29 Mar 2026 05:12

📷 Photo

"Poolisiin Dursee Ofii Isaa Seera Kabajuu Qaba” Kumaander Maarqos Taaddasaa

Bulchiinsi Poolisii Magaalaa Finfinnee miseensonni poolisii, seera kabachiisuuf aangoo qaban fayyadamuu dura, ofii isaanii seera kabajuu akka qaban hubachiiseera.

Itti gaafatamaan Bulchiinsa Kominikeeshinii fi Hariiroo Ummataa Kumaander Maarqos Taaddasaa akka jedhanitti, “Poolisiin aangoo seera kabachiisuu qabaatus, dura ofii isaa seera kabajuu qaba. Poolisiin seera hin kabajne, seera kabachiisa jedhamee hin eegamu” jedhan.

Akka ibsa isaanii keessatti eeranitti, miseensonni poolisii yeroo leenjii jalqabaa irraa kaasee hanga hojii isaaniif bobbaafamaniitti itti fufiinsaan, barnoota mirga namoomaa fi sirna diimolirqasii irratti xiyyeeffatu argatu. Leenjiin kun sadarkaa kolleejjii irraa eegalee ogeeyyii keessaa fi alaa hirmaachisuun kennama jedhan.

Haa ta’u malee, “akka uffanni seeraa keenya wal fakkaatu utuu hin taane, namoonni hojii isaanii sirnaan hin raawwanne muraasni ni jiru” jechuun ibsan. Rakkoon akkasii dhaabbilee biroo keessattis akka mul’atu eeranii, hojjettan hundi guutuu (perfect) akka hin taane himan.

Bulchiinsi poolisii garuu, miseensota isaa seera cabsan irratti tarkaanfii cimaa akka fudhatu mirkaneessaniiru. Namni kamiyyuu yakka yoo raawwate, akkuma nama kamiyyuu seeraan akka gaafatamu ibsaniiru.

“Namni nama reebe yakka raawwateera. Kanaaf mana murtiitti dhiyaatee akka itti gaafatamu ni taasifna. Dabalataanis, seera hojii (discipline) dhaabbatichaa jalattis tarkaanfiin irratti ni fudhatama” jedhan.

Haala kanaan, poolisiin tokko hojii isaa irraa dhaabamuu, mindaan isaa irraa hir’achuu yookaan tarkaanfiin biroo irratti fudhatamuu akka danda’u ibsameera.

Dhumarrattis, Kumaander Maarqos, hawaasni odeeffannoo fi komii dhiyeeffachuu akka itti fufu waamicha dhiyeessuun, yaadni hawaasaa gara hojiitti akka hiikamu ibsaniiru.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

Jeettiin Xiyyaara Waraana Ameerikaa F-35 jedhamu tokkichi isaa, doolaara biiliyoona 100 ol baasu Iraaniin haleelame yoo jedhan eenyuutu amana?

Waraanni lola Baha Giddugaleessaa saffisaan jijjiiramaa jira. Xiyyaarri waraanaa sadarkaa addunyaan irra geesse, teknooloojii “stealth” jedhuun hojjetame — F-35 — mootummaa muraasni qofatu kan qabu, yeroo jalqabaaf samii Iraan keessatti rukutamuu isaa gabaasni CNN ifoomseera. Kun mootummaa addunyaa gidduutti madaalliin humnaa fi too’annaan mootummaa akkamitti jijjiiramaa jiru agarsiisa guddaa dha.

Sagantaa har’aa keessatti, duuba odeeffannoo kanaa waan jiru, kaayyoo Mootummaan Ameerikaa waraana kana keessatti qabu; Gaaffii baajeta doolaara biiliyoona 200 Pirezidaantiin Ameerikaa Donald Trump dhiyeesse irratti falmii ka’ee fi akkasumas balaa waraanni kun nageenya addunyaa irratti fiduu danda’u bal’inaan xiinxalla itti dhiyaadhaa.

Link
https://youtu.be/3v5tc8pyxUQ
https://youtu.be/3v5tc8pyxUQ

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

📷 Photo

Ameerikaan Magaalaa Finfinnee Dabalatee, Magaalaa 12 Keessatti Wiirtuuwwan Yaala Balaa Hatattamaa fi Gargaarsa Namoomaa Hundeessuuf Karoorfachuu Ibsite

Ministeerri Dhimma Alaa Ameerikaa, dhaabbata kana haaromsuuf tarkaanfii fudhateen, kana dura hojii gargaarsa idil-addunyaa gaggeessaa kan ture USAID diigamuu hordofuun, amma “Biiroo Deebii Balaa fi Gargaarsa Namoomaa” jedhu haaraan hundaa’eera.

Biiroon kun, teessoo isaa Magaalaa Washington, D. C. keessatti kan qabu yoo ta’u, hojjettoota gara 200 qabaachuun hojii isaa jalqabeera. Hogganaan Dhaabbatichaa Biraayan Shiireem akka ta'es ibsameera.

Biiroon kun hojii isaa wiirtuuwwan addunyaa 12 keessatti babal’isuun ni hojjetaa. Afrikaa keessaa Maagaalaa guddoo Itiyoopiyaa, Finfinnee, Naayiroobii, Daakaar fi Bakkeewwan biroo: Mi'aami, Boogootaa, Gu'atemaalaa City, Saantoo Domingoo, Kyiv, Amman, Dhaka, Manilaa fa'a akka ta'an himameera.

Dhaabbanni haaraan kun, balaa hatattamaa addunyaa irratti mudatuuf deebii saffisaa kennuu fi rakkoo namoomaa furuu irratti hojii qindeessuummaa nageenya nyaataa, nyaata madaalawaa fi qorannoo qonnaa irratti tumsa kennuuf akka hojjatu ibsameera.

Dabalataanis murtiin mootummaa Yunayitid Isteetii, dhaabbata USAID cufuu isaatiin booda, mormii fi marii guddaa uumameef biiroon haaraan kun dhimmoota gargaarsa namoomaa irratti qofa xiyyeeffachuun hojii isaa gaggeessuuf qophaa’e.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

ABDII SABAA

29 Mar 2026 05:12

📷 Photo

Benyaamiin Natanyaahuun Dubbii Falmisiisaa Iyyasuus Kiristoos fi Jangiiz Khaan Irratti Dubbatan Mormii kaase.

Muummeen Minstiraa Israa'el Benyaamiin Natanyaahuu Bitootessa 19, 2026, ibsa gaazexeessitootaa dhimma waraana Iiraan ("Operation Roaring Lion") ilaalchisee kennan irratti dubbii seenaa amantii fi waraanaa wal bira qabuun addunyaa raase tokko dubbataniiru. Haasawa isaanii keessatti "Seenaan akka mirkaneessutti, Iyyasuus Kiristoos Jangiiz Khaan hin caalu faayidaa addaa tokkollee irratti hin qabu; sababni isaas yoo humna jabaa, gara jabeessa fi humna waraanaa murteessaa ta’e hin qabaanne, hammeenyi gaarummaa irratti ni injifata, Jangiiz Iyyasuusiin ni caala" jedhanii dubbachuun isaanii qeeqa cimaa uumeera.

Jangiiz Khaan hoogganaa waraanaa gara-jabeessa fi ijaarsa Impaayerawwan addunyaa keessatti seenaa adda ta'e kan galmeessisedha; inni gosa Mongoliyaa gargar faca'anii turan tokkoon tokkoon walitti fiduun humna waraanaa addunyaa raasu uumee, baha Eshiyaa irraa kaasee hamma baha Awurooppaatti impaayera lafaa walitti aanu kan seenaa keessatti isa guddaa ta'e ijaareera. Jangiiz Khaan mala waraanaa ammayyaa, si'oomina farda gubbaa fi qindoomina iccitii waraanaatiin beekamus, magaalota isatti harka hin kennine guutummaatti balleessuu fi dhiiga dhangalaasuun isaa akka bulchaa gara-jabeessaatti seenaa keessatti akka yaadatamu isa taasiseera. Du'a isaa boodas sanyiin isaa kaartaa addunyaa jijjiiruun daldalaa fi qunnamtii karaa "Silk Road" jedhamuun beekamu babal'isuun jijjiirama guddaa fiduu danda'aniiru.

Muummeen Minstiraa Israa'el Benyaamiin Natanyaahuu ibsa gaazexeessitootaaf kennan sana irratti dubbii falmisiisaa Iyyasuus Kiristoos fi bulchaa Mongolii Jangiiz Khaan wal bira qabuun isaanii hogganoota amantii Kiristaanaa fi dhaabbilee mirga namootaa biratti mormii guddaa kan uume yoo ta'u, namoonni hedduun dubbichaan "Iyyasuus Kiristoos xiqqeessuudha" jechuun Natanyaahuun akka dhiifama gaafatan gaafataniiru.

Miidiyaalee hawaasaa irrattis falmiin cimaan dhimma amantii fi eegumsa biyyaa gidduu jiru irratti kan uumame yoo ta'u, qeeqni dhiyaate hammaachuu isaa hordofee Natanyaahuun Bitootessa 20, 2026, ibsa dabalataa kennaniiru. Ibsa kanaanis, kaayyoon isaanii amantii Kiristaanaa xiqqeessuu osoo hin taane, dhugaa seenaa jireenya dhala namaa keessa jiru mul'isuu akka ta'e irra deebi'uun mirkaneessaniiru.
Ta'us, wal bira qabiinsi kun ammayyuu addunyaa irratti dhimma xiyyeeffannoo addaa ta'ee falmiin itti fufeera

Israa'el keessatti Kiristaanonni lakkoofsaan xiqqaa dhibbeentaa %1.9 ta’an mirga amantii seeraan qabaataniyyuu, dhiheenya kana gareewwan Yihuudaan amantoota irratti miidhaan qaqqabu dabalaa dhufeera. Rakkoolee gurguddoo isaan mudatan keessaa: qeesota karaa irratti arrabsuu fi hancufabitti tufuu, bataskaana irratti barreeffama hammeenyaa barreessuu fi qabeenya mancaasuun ni caqasama. Dabalataanis, poolisiin Israa'el miidhaa Kiristaanota irratti raawwatamu seeraan gaafachuu irratti harkifannaa akka agarsiisu qeeqama. Ayyaanota gurguddoo irratti daangaan eegumsaa cimaan kaa'amuun isaa amantoonni akka hin hirmaanne kan taasisu yoo ta'u, kunis mirga amantii ni daangessa jedhamee amanama.

SABA GUDDAA WAAN TAANEEF, MIIDIYAA GUDDAATU NUUF MALA!

🌐 MIIDIYAA 🌐
🌐 http://www.facebook.com/AbdiiSabaaFb 🌐
🌐 https://youtube.com/@abdiisabaamedia 🌐

Showing 30 of 30 posts

No more posts

Derecelendirme

Giriş yapılması gerekli

Kullanıcı Yorumları (0)

Henüz yorum yok. Deneyiminizi ilk paylaşan siz olun!

İlgili Telegram Kanalları

Loading recommended channels...

ABDII SABAA

ABDII SABAA

Sıralama

Üye Büyümesi (Son 11 Gün)

Son Yazılar

Derecelendirme

Kullanıcı Yorumları (0)

İlgili Telegram Kanalları

BUXORO IIB | Rasmiy kanal

ГЛАВА II

Diyarbakır sohbet

DANIILBERG

aurethiya

[РЕСТ]—Ꮪuᴋᴏnᴇ Ꭲᴇi ! !

Kurulus Orhan Etho™

Lyora Penantian Buah Hati [2025]

İlgili Telegram Kanalları

BUXORO IIB | Rasmiy kanal

ГЛАВА II

Diyarbakır sohbet

DANIILBERG

aurethiya

[РЕСТ]—Ꮪuᴋᴏnᴇ Ꭲᴇi ! !

Kurulus Orhan Etho™

Lyora Penantian Buah Hati [2025]

Kullanıcı Yorumları (0)

Son Yazılar