Bizneslarga katta qiymat olib kirib, o‘zimiz arzon qolib ketmasligimiz kerak
Bu post marketingchilar, sotuv bo‘limi quruvchilar, CRM integratorlar, avtomatizatorlar, HR’lar, konsultantlar va biznesga o‘sish olib kiraman degan hamma mutaxassislar uchun.
Oxirgi 3 yil ichida ProSales turli bizneslar bilan ishladi.
Qayerdadir sotuv bo‘limi qurdik.
Qayerdadir CRM va nazorat tizimini joriy qildik.
Qayerdadir skript, KPI, voronka va konversiyani to‘g‘riladik.
Qayerdadir rahbarni kuchaytirdik, qayerdadir jamoani.
Shu 3 yil ichida biz 62 ta sotuv bo‘limi qurdik.
200 ga yaqin tadbirkorlarga konsultatsiya berdik.
Hisob-kitob qilib qarasak, ishlagan korxonalarimizga 52 million dollar atrofida qo‘shimcha foyda va iqtisodiy qiymat olib kiribmiz.
Lekin shu davr ichida ProSales’ning o‘zi 700 000 dollar atrofida tushum qilgan.
Endi raqamga sovuqqon qaraylik.
700 000 dollar — 52 million dollarning taxminan **1.35%**i xolos.
Mana shu joy o‘ylantiradi.
Biz yaratgan qiymat bir tomonda.
Biz olgan ulush boshqa tomonda.
Va eng qizig‘i — bu mijozlarning aybi emas.
Bu biz tanlagan modelning natijasi.
Chunki agar biz biznesga real foyda olib kirayotgan bo‘lsak, sotuvni oshirayotgan bo‘lsak, tizim qurayotgan bo‘lsak, pul oqimini ko‘paytirayotgan bo‘lsak-u, evaziga faqat xizmat haqi olayotgan bo‘lsak — demak biz o‘z texnologiyamizni arzon pullayotgan bo‘lamiz.
To‘g‘ri, xizmat modeli xavfsizroq.
Ish qilinadi, pul olinadi, keyingi loyihaga o‘tiladi.
Lekin asosiy riskni ham, asosiy foydani ham mijoz oladi.
Agar sotuv keskin oshsa-yu, kompaniya ichida operatsion kollaps bo‘lsa — uni mijoz ko‘taradi.
Agar jamoa o‘sishga tayyor bo‘lmasa — uni mijoz hal qiladi.
Agar mahsulot, servis yoki logistika yangi hajmni ko‘tara olmasa — yana mijoz javob beradi.
Shu uchun oddiy xizmat modeli ko‘p hollarda eng qulay model bo‘lishi mumkin, lekin eng katta qiymatni olib beradigan model emas.
Agar qo‘lingizda haqiqatdan ham ishlaydigan, sinovdan o‘tgan, natija beradigan texnologiya bo‘lsa, uni shunchaki xizmat sifatida sotish — eng past monetizatsiya usullaridan biri.
Kuchli texnologiya bilan:
sheriklik qilish mumkin,
ulush olish mumkin,
natijadan foiz ishlash mumkin,
yoki o‘sha model asosida yangi biznes qurish mumkin.
Bozor bitta narsani hurmat qiladi:
natija.
Shu sabab biz bitta narsani juda aniq tushundik:
Sotuv bo‘limi — bu shunchaki operator yollash emas.
CRM qo‘yish ham emas.
Skript yozib tashlash ham emas.
Bu — biznesning pul ishlab chiqarish mexanizmini qurish.
Va bu ishni havaskorga topshirish juda qimmatga tushadi.
Shu sabab yaqin kunlarda o‘tkazadigan seminarimizda biz sizlarga TISRO’YN dasturimizni tanishtiramiz.
Bu dastur sotuv bo‘limidagi o‘sish nuqtalarini topish, tizimlashtirish va natijani oshirish uchun ishlab chiqilgan.
Agar biznesingizda:
lid bor-u, sotuv yo‘q bo‘lsa,
marketing ishlayapti-yu, pul ko‘paymayotgan bo‘lsa,
sotuvchilar ishlayapti-yu, tizim ishlamayotgan bo‘lsa — bu seminar siz uchun.
Seminarda TISRO’YN orqali sotuv bo‘limidagi eng muhim o‘sish nuqtalarini ko‘rsatamiz.
Agar sotuvni tasodifdan tizimga aylantirmoqchi bo‘lsangiz, seminarimizga yoziling.
