Xalq deputatlari Guliston shahar Kengashi

Xalq deputatlari Guliston shahar Kengashi

Public

Kanalı Görüntüle

Katılamıyor musunuz? @Gulistonshkengash

0

752 Üyeler

Güncellendi: May 4, 2026 at 7:59 PM

Xalq deputatlari Guliston shahar Kengashi

🇺🇿Ushbu kanal orqali Xalq deputatlari Guliston shahar Kengashining faoliyati bilan tanishib borishingiz mumkin Web-sayt https://kengash.gov.uz/news?region_id=9&authority_id=385

@Gulistonshkengash offers specialized information about kengashining and ushbu for subscribers interested in Son Dakika Haberleri

Sıralama

Küresel Sıralama

#456

+2

Dil Sıralaması

#45

+1

Kategori Sıralaması

#23

-1

Üye Büyümesi (Son 2 Gün)

Toplam: 752

24 saat büyümesi: +103 16%

Loading...

Derecelendirme

Giriş yapılması gerekli

Loading...

Loading recommended channels...

Son Yazılar

Xalq deputatlari Guliston shahar Kengashi

27 Nis 2026 13:14

📷 Photo

🟦🟦🟦🟦🟦

📌 Guliston shahar Kengashining navbatdagi sessiyasi o‘tkaziladi

🗓 2026-yil 29-aprel kuni soat 15:00 da Xalq deputatlari Guliston shahar Kengashining VII chaqiriq 28-sessiyasi bo‘lib o‘tadi. Sessiya shahar hokimligi majlislar zalida o‘tkazilishi rejalashtirilgan.

📋 Sessiya kun tartibidagi masalalar:

🔺 Guliston shahar ichki ishlar boshqarmasi boshlig‘ining 2026-yil I choragi davomida jinoyatchilikka qarshi kurashish, huquqbuzarliklar profilaktikasi hamdaijtimoiy-siyosiy barqarorlikni ta’minlash borasida amalga oshirilgan ishlar yuzasidan hisoboti to‘g‘risida.
🔸Guliston shahar mahalliy budjetining 2026-yil I-chorak daromadlar rejasidan orttirib bajarilgan qismi hisobidan mablag‘ ajratish to‘g‘risida.
🔹 O‘zbekiston Respublikasi Prezidentining O‘zbekiston Oliy Majlisiga yo‘llagan murojaatnomadagi 6-yo‘nalishi, belgilangan ustuvor yo‘nalish asosida “Taraqqiyot strategiyasi”ni davom ettirish doirasida Ekologik muvozanat va “yashil” energetikani tashkil etishda qayta tiklanuvchi energiya manbalari yo‘lga qo‘yish bo‘yicha olib borilayotgan ishlar.
🔺Xalq deputatlari Guliston shahar Kengashi deputatlari tomonidan saylovchilar bilan uchrashuv davomida aniqlangan muammolar hamda ularni bartaraf etish chora-tadbirlari to‘g‘risida.
🔹Boshqa masalalar.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

32

0

0

Xalq deputatlari Guliston shahar Kengashi

27 Nis 2026 13:14

📷 Photo

#deputat_soʻrovi_javobi #deputat_nazorati

📍 Bahor mahallasidagi elektr ta’minoti masalasi deputat nazoratida

🔹 Xalq deputatlari Guliston shahar Kengashi deputati Yulduz Usmonova tomonidan Bahor mahallasida aniqlangan elektr ta’minoti bilan bog‘liq muammolar yuzasidan shahar elektr tarmoqlari korxonasi rahbari nomiga deputatlik so‘rovi yuborilgan edi.

✉️ Deputatlik so‘rovida mahallada elektr ustunlarini o‘rnatish, SIP kabellar tortish, daraxt shoxlari sabab yuzaga kelayotgan xavfsizlik muammolarini bartaraf etish hamda eskirgan ustunlarni yangilash masalalari ko‘tarilgan.

🔎 Mazkur so‘rov yuzasidan shahar elektr tarmoqlari korxonasi tomonidan quyidagilar ma’lum qilindi:

Bahor mahallasi Yoshlar ko‘chasida elektr ustunlari o‘rnatildi;
SIP kabellar uchun yuqori tashkilotga buyurtma berilgan bo‘lib, kelishi bilan o‘rnatish ishlari amalga oshiriladi;
Elektr tarmoqlariga tegib turgan daraxt shoxlarini butash ishlari joriy yilning may oyida amalga oshiriladi (jumladan Toshkent yo‘li ko‘chasida ham);
Qahramon va Fidoiy ko‘chalarida mavjud 4 dona yog‘och ustunlarni yangilash ishlari 2026-yilning IV choragida bajarilishi rejalashtirilgan.

📁 Bildirilishicha, mazkur ishlar bosqichma-bosqich amalga oshirilib, hududda elektr ta’minoti barqarorligini ta’minlash hamda xavfsizlikni oshirishga xizmat qiladi.

🗣 Mazkur masala deputat tomonidan nazoratga olingan bo‘lib, amalga oshirilayotgan ishlar aholi uchun qulay va xavfsiz infratuzilmani shakllantirishga qaratilgan.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

🟦🟦🟦🟦🟦

🔻Xalq deputatlari Guliston shahar Kengashining 27-aprel 1-may kunlari uchun ish rejasi

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

25

Xalq deputatlari Guliston shahar Kengashi

27 Nis 2026 13:14

📷 Photo

🖥Xalq deputatlari Guliston shahar Kengashi deputati Rahmatjon Maksumov tomonidan “Sayqal” mahallasida saylovchilar bilan ochiq muloqot uchrashuvi o‘tkazildi.

Uchrashuv davomida 2026-yil I choragi mobaynida deputatlar tomonidan hududlarda kelib tushayotgan murojaatlarni o‘rganish, ularni tizimli hal etish, infratuzilma holatini yaxshilash hamda aholini qiynayotgan muammolarni bartaraf etish borasida amalga oshirilgan ishlar yuzasidan ma’lumot berildi.

Shundan so‘ng fuqarolar tomonidan quyidagi murojaatlar bildirildi:

📍 1. Sayqal mahallasi hududida joylashgan H. Xudoyberdiyeva ijod maktabi yon tomonidagi suv oqadigan lotokning 20 metr qismida qazish ishlari amalga oshirilib, mahalla hududida to‘planib qolayotgan oqova suvlarni Nogironlar bog‘chasi oldidagi lotokka ulash orqali chiqarib yuborish masalasida amaliy yordam ko‘rsatilishi so‘raldi.

📍 2. Mahalla aholisi tomonidan hududni zamonaviy infratuzilma bilan ta’minlash, turmush sharoitini yaxshilash maqsadida kanalizatsiya tarmoqlarini tortish va kengaytirish masalasida amaliy yordam berish so‘raldi.

📍 3. Sayqal mahallasi 2-mavze ko‘chasi hududida kanalizatsiya quduqlari qopqoqlari o‘rnatilmasdan qolib ketganligi, bu holat esa piyodalar va transport vositalari harakati xavfsizligiga jiddiy xavf tug‘dirayotgani ta’kidlanib, muammoni tezkor bartaraf etish zarurligi bildirildi.

Uchrashuv davomida fuqarolar tomonidan ko‘tarilgan barcha murojaatlar joyida o‘rganilib, ularni hal etish bo‘yicha tegishli choralarni ko‘rish muhimligi qayd etildi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

📍Maktabgacha ta`lim tashkilotidagi sharoitlar deputat tomonidan o‘rganildi

🏛 Shahar hududida joylashgan 19-sonli davlat maktabgacha ta’lim tashkilotida bolalar uchun yaratilgan shart-sharoitlar holati yuzasidan o‘rganish ishlari olib borildi. Jarayonda xalq deputatlari shahar Kengashi deputati Nigoroy Rustamova ishtirok etib, muassasa faoliyati bilan yaqindan tanishdi.

📝 O‘rganish davomida bolalarning ta’lim-tarbiya jarayoni, ovqatlanish sifati, guruh xonalarining holati, isitish tizimi hamda muassasa hududida yaratilgan sharoitlar ko‘zdan kechirildi. Tarbiyachilar bilan suhbat jarayonida bolalarni rivojlantirishga qaratilgan mashg‘ulotlar, o‘yin asosidagi ta’lim usullari hamda tarbiyaviy jarayonni samarali tashkil etish bo‘yicha olib borilayotgan ishlar muhokama qilindi.

📉 Shu bilan birga, muassasa hududida ayrim e’tibor talab qiladigan jihatlar ham aniqlandi. Xususan, binoning ayrim qismlarida joriy ta’mirlash ishlarini amalga oshirish zarurligi, bolajaonlar uchun mos kitoblar bilan ta`minlash hamda ayrim jihozlarning yangilanishi talab etilishi qayd etildi. Mazkur holatlar bolalar uchun xavfsiz va qulay muhit yaratish nuqtayi nazaridan alohida e’tiborni talab qilishi ta’kidlandi.

🔎 Deputat o‘z fikrida bolalarning ta’lim-tarbiyasi va sog‘lom rivoji davlat siyosatining ustuvor yo‘nalishlaridan biri ekanini qayd etib, aniqlangan kamchiliklarni bartaraf etish yuzasidan tegishli tashkilotlar bilan hamkorlikda amaliy choralar ko‘rilishini bildirdi. Mazkur masala deputatlik va jamoatchilik nazoratida bo‘lishi alohida ta’kidlandi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

⌛Deputat navbatdagi sessiya kun tartibidagi masala yuzasidan hududlarda jinoyatchilikka qarshi kurash va profilaktika ishlarini joyiga chiqib, atroflicha o‘rgandi.

🖥Xalq deputatlari Guliston shahar Kengashi deputati Sirojiddin Bektemirov tomonidan navbatdagi sessiyada mazkur masala yuzasidan shahar IIB boshlig‘i J. Saibovning hisoboti eshitilishi rejalashtirilganligi munosabati bilan Bahor va Ibratli mahallalarida jinoyatchilikka qarshi kurashish, huquqbuzarliklar profilaktikasi hamda ijtimoiy muhit barqarorligini ta’minlash borasida olib borilayotgan ishlar joyiga chiqqan holda o‘rganildi.

🔹O‘rganish davomida mahallalarda mavjud holat, amalga oshirilayotgan profilaktik chora-tadbirlar, yoshlar bandligini ta’minlash hamda “Chilonzor tajribasi” asosida yo‘lga qo‘yilgan ishlar bilan tanishildi.

🔺Xususan, Bahor mahallasi 2025-yilda “sariq” toifaga kirgan bo‘lsa, 2026-yildan boshlab olib borilgan tizimli ishlar natijasida “yashil” toifaga o‘tkazilgani profilaktika inspektori A. Abduhaliqov tomonidan alohida e’tirof etildi. Mazkur natijaga erishishda huquqbuzarliklarning oldini olish, aholi bilan manzilli ishlash, ijtimoiy muammolarni o‘z vaqtida hal etish hamda yoshlar bandligini ta’minlash muhim omil bo‘lib xizmat qilgan.

🔻Ibratli mahallasida esa so‘nggi yillar davomida “yashil” toifa barqaror saqlanib kelinayotgani, profilaktika ishlari tizimli yo‘lga qo‘yilgani, ayniqsa yoshlarni ish bilan ta’minlash va bo‘sh vaqtini mazmunli tashkil etish borasida ijobiy natijalarga erishilayotgani qayd etildi.

🔻Deputat Sirojiddin Bektemirov o‘rganish jarayonida mahalla faollari, profilaktika inspektorlari hamda mas’ullar bilan muloqot o‘tkazib, mavjud muammolarni aniqlash, ularni bartaraf etish yuzasidan amaliy taklif va tavsiyalar berdi. Shuningdek, hududlarda jinoyatchilikni oldini olishda “Chilonzor tajribasi”ni keng joriy etish, yoshlar bandligini ta’minlash va ijtimoiy muammolarni manzilli hal etish bo‘yicha ishlarni yanada kuchaytirish zarurligini ta’kidladi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

📌 Murojaat ijobiy hal etildi: fuqaro bilan bevosita muloqot o‘tkazildiv

📍 O‘zbekiston Respublikasi Prezidentining Virtual va Xalq qabulxonalari orqali kelib tushgan murojaatlar asosida tegishli o‘rganish ishlari olib borildi.

Mazkur jarayonda Xalq deputatlari Guliston shahar Kengashi kotibiyati, Guliston shahar Xalq qabulxonasi, Ijtimoiy himoya bo‘limi hamda Kambag‘allikni qisqartirish va bandlikka ko‘maklashish bo‘limi mas`ullari tomonidan Namuna MFYda yashovchi fuqaro bilan bevosita muloqot o‘tkazildi.

🗣 O‘rganish davomida fuqaroning murojaati atroflicha ko‘rib chiqilib, uning turmush o‘rtog‘ini doimiy ishga joylashtirish maqsadida mavjud ish o‘rinlari taklif etildi.

✅ Fuqaroning muammosi to‘liq o‘rganilib, amaliy yordam ko‘rsatildi hamda murojaat ijobiy hal etildi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

🔺Xalq deputatlari Guliston shahar Kengashi deputati Dilorom Xolmatova tomonidan “Nihol” mahallasida Ulug‘yo‘l va Nihol MFY fuqarolari bilan uchrashuv o‘tkazildi.

Uchrashuv davomida 2026-yil I choragi davomida deputatlar tomonidan hududlarda kelib tushayotgan murojaatlarni o‘rganish, ularni tizimli hal etish, infratuzilma holatini yaxshilash hamda aholini qiynayotgan muammolarni bartaraf etish borasida amalga oshirilgan ishlar haqida ma’lumot berildi.

🗣 Ochiq muloqot jarayonida fuqarolar tomonidan qator dolzarb masalalar ko‘tarildi:

– Ulug‘yo‘l MFYdagi Sarbon, Marokanda, Joziba, Kukaldosh, Naqqosh, Shafoat, Sharafli, Sohibqiron va Beruniy ko‘chalarini ta’mirlash zarurligi;
– Nodirabegim va Dilnavo ko‘chalari bo‘yidagi zovurlarda sizot suvlarining oqmay qolganligi;
– Lolazor, Chilonzor va Navro‘z ko‘chalarida piyodalar yo‘laklari mavjud emasligi;
– gaz tarmoqlarining eskirganligi va gaz bosimining pastligi;
– 280 o‘ringa mo‘ljallangan 5-sonli davlat maktabgacha ta’lim tashkilotida 150 o‘rinli tarbiyalanuvchilar xonasining yaroqsiz holga kelgani;
– “Nihol” MFYdagi Barhayot, Chilonzor, Gulxan, Shahriston, Shahriston tor, Sadaf tor va Oybek tor ko‘chalarining ta’mirtalab holatda ekanligi;
– mahallada yomg‘ir suvlari oqib ketish tizimining nosozligi;
– hududda qo‘shimcha transformatorlar va yangi beton ustunlar o‘rnatish zarurligi;
– bolalar uchun o‘yingoh (bolalar maydonchasi) mavjud emasligi;
– 27, 27A va 35-sonli ko‘p qavatli uylarda (80 ta xonadon, 412 nafar aholi) kanalizatsiya tarmog‘i yo‘qligi sabab umumiy hojatxonalar tashkil etilgani va ularning hozirda ta’mirtalab holatda ekanligi;
– ichki ko‘chalarda tungi yoritish chiroqlari mavjud emasligi.

Uchrashuv yakunida ko‘tarilgan barcha masalalar deputat tomonidan tegishli tashkilotlar bilan hamkorlikda bosqichma-bosqich hal etish uchun nazoratga olindi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

27 Nis 2026 13:14

📷 Photo

📌 Murojaat ijobiy hal etildi: fuqaro bilan bevosita muloqot o‘tkazildi

📍 O‘zbekiston Respublikasi Prezidentining Virtual va Xalq qabulxonalari orqali kelib tushgan murojaatlar asosida tegishli o‘rganish ishlari olib borildi.

Mazkur jarayonda Xalq deputatlari Guliston shahar Kengashi kotibiyati, Guliston shahar Xalq qabulxonasi, Ijtimoiy himoya bo‘limi hamda Kambag‘allikni qisqartirish va bandlikka ko‘maklashish bo‘limi ma`ullari tomonidan Navbahor MFYda yashovchi fuqaro bilan bevosita muloqot o‘tkazildi.

🗣 O‘rganish davomida fuqaroning murojaati atroflicha ko‘rib chiqilib, uning turmush o‘rtog‘ini o‘zini o‘zi band qilish, xususan oilaviy tadbirkorlik – hunarmandchilik faoliyati bilan shug‘ullanishi uchun imtiyozli kredit olish maqsadida tegishli tavsiyanoma berildi.

✅ Fuqaroning muammosi to‘liq o‘rganilib, amaliy yordam ko‘rsatildi hamda murojaat ijobiy hal etildi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

20 Nis 2026 04:39

📷 Photo

🔺Guliston shahar “Namuna” MFY hududida joylashgan 1-sonli maktabgacha ta’lim tashkilotida olib borilayotgan rekonstruksiya ishlari o‘rganildi.

🔺 Mazkur loyiha O‘zbekiston Respublikasi Prezidentining 2025-yil 6-martdagi PQ–93-son qarori asosida amalga oshirilayotgan bo‘lib, umumiy qiymati 4 milliard 300 million so‘mni tashkil etadi. Qurilish-ta’mirlash ishlarini 2025-yil oktabr oyida yakunlash belgilangan edi.

Biroq o‘rganish jarayonida obyektda ishlar hali to‘liq yakuniga yetmagani, rekonstruksiya ishlari cho‘zilib ketgani kuzatildi. Hozirgi vaqtda qurilish ishlari davom etayotgan bo‘lib, xususan, muassasa hovlisiga yoritish moslamalarini o‘rnatish ishlari olib borilmoqda.

📌 Mazkur holat belgilangan muddatlarga rioya etilmayotganini ko‘rsatib, loyihaning o‘z vaqtida foydalanishga topshirilmasligiga sabab bo‘lmoqda. Natijada esa maktabgacha ta’lim muassasasidan foydalanish imkoniyatlari kechikib, aholiga noqulayliklar yuzaga kelishi mumkin.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

20 Nis 2026 04:39

📷 Photo

🔺Guliston shahar “Ahillik” MFY hududida joylashgan 11-sonli maktabgacha ta’lim tashkilotida olib borilayotgan rekonstruksiya ishlari o‘rganildi.

🔺 Mazkur loyiha O‘zbekiston Respublikasi Prezidentining 2025-yil 6-martdagi PQ–93-son qarori asosida amalga oshirilayotgan bo‘lib, umumiy qiymati 6 milliard 50 million so‘mni tashkil etadi. Obyekt quvvati 210 o‘ringa mo‘ljallangan bo‘lib, qurilish-ta’mirlash ishlarini 2025-yil noyabr oyida yakunlanishi belgilangan edi.

Biroq o‘rganish jarayonida obyektda hali jiddiy kamchiliklar mavjudligi aniqlandi va ishlar belgilangan talab darajasida olib borilmayotgani ko‘zga tashlandi.

Xususan:

yozgi ayvonchalarning shift qismi to‘liq yakunlanmagan;
bino tom qismidan suv o‘tayotgani aniqlangan, bu esa qurilish sifati bo‘yicha jiddiy savollarni yuzaga keltiradi;
bolalar yotoqxonasi hali foydalanishga tayyor emas;
oshxonaga zarur bo‘lgan dimohod (ventilyatsiya tizimi) o‘rnatilmagan;
quyosh panellarini o‘rnatish ishlari ham yakuniga yetkazilmagan.

📌 Eng achinarlisi, bolalar uchun mo‘ljallangan muassasada bunday kamchiliklarning mavjudligi qurilish ishlariga yetarli darajada e’tibor qaratilmayotganini ko‘rsatadi. Bu esa nafaqat obyektni o‘z vaqtida topshirishga, balki uning sifatiga ham salbiy ta’sir ko‘rsatishi mumkin.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

20 Nis 2026 04:39

📷 Photo

🔻Deputat o‘rganishi: maktabda sport sharoitlari va yangi loyiha

📍Xalq deputatlari Guliston shahar Kengashi deputati Nargiza Zafarova tomonidan Do‘stlik mahallasida joylashgan 15-sonli umumta’lim maktabida o‘rganish olib borildi.

🔹O‘rganish jarayonida maktab direktori Ikrom Abdugapparov deputatga hamrohlik qilib, sport zali, undagi sport anjomlari holati, o‘quvchilar uchun yaratilgan shart-sharoitlar hamda sport yo‘nalishida erishilgan yutuqlar haqida batafsil ma’lumot berdi. Ta’kidlanishicha, hozirgi kunda sport zali zarur anjomlar bilan yetarli darajada ta’minlangan.

🔺Shuningdek, maktab jamoasi uchun muhim yangilik sifatida, mazkur ta’lim muassasasi “Tashabbusli budjet”ning 2026-yil birinchi mavsumi yakunlariga ko‘ra g‘olib deb topilgani qayd etildi. Ushbu loyiha doirasida 1 milliard 648 million so‘m mablag‘ evaziga sportning kurash turiga ixtisoslashgan zamonaviy sport zali qurilishi rejalashtirilgani alohida e’tirof etildi.

🔸 Mazkur tashabbus nafaqat o‘quvchilarning jismoniy rivojlanishini ta’minlash, balki hududda sog‘lom turmush tarzini keng targ‘ib etishda muhim ahamiyat kasb etadi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

20 Nis 2026 04:39

📷 Photo

📚 Kutubxona faoliyati o‘rganildi: mavjud holat va dolzarb vazifalar muhokamada

📍Xalq deputatlari Guliston shahar Kengashi deputati Nigoroy Rustamova hamda Kengash kotibiyati mudiri Voxid Xasanov tomonidan Alisher Navoiy nomidagi viloyat axborot-kutubxona markazi faoliyati o‘rganildi.

🔎O‘rganish jarayonida mazkur kutubxona binosi yaqinda rekonstruksiya ishlari yakunlangan holda foydalanishga topshirilgani, o‘quv zallari, kitoblarni saqlash xonalari hamda kitobxonlar uchun yaratilgan shart-sharoitlar ko‘zdan kechirildi.

❗️Shu bilan birga, rekonstruksiya ishlari doirasida ayrim yakuniy bosqichdagi ishlar hali to‘liq tugallanmagani aniqlandi. Jumladan:

🔺binoning ikki yon qismida beton qoplama (stiajka) ishlari yakuniga yetkazilishi;
🔹binodan chiqadigan chiqindi suv tarmog‘ini shahar markaziy kanalizatsiya tizimiga ulash;
🔸binoning tashqi qismiga zamonaviy LED ekran o‘rnatish ishlari hali davom etmoqda.

✔️Mas’ullar tomonidan ushbu ishlar yaqin kunlarda to‘liq yakunlanishi ma’lum qilindi.

🔺Shuningdek, o‘rganish davomida kutubxona fondidagi kitoblar hozirda amaldagi saqlash standartlariga to‘liq mos sharoitda joylashtirilmagani qayd etildi. Shu munosabat bilan binoning yerto‘la (podval) qismi ta’mirlanib, zamonaviy talablarga mos ravishda jihozlangach, kitoblarni ushbu hududga ko‘chirish zarurligi bo‘yicha takliflar ilgari surildi.

Kutubxona mas’ullari tomonidan ushbu masalalarni hal etishda amaliy yordam ko‘rsatish yuzasidan murojaat bildirildi.

📌 Mazkur o‘rganish natijasida aniqlangan kamchiliklarni bartaraf etish hamda kutubxona faoliyatini yanada takomillashtirish yuzasidan tegishli choralar ko‘rish lozimligi ta’kidlandi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Xalq deputatlari Guliston shahar Kengashi

20 Nis 2026 04:39

📷 Photo

📌 Saylovchilar bilan ochiq muloqot: dolzarb masalalar ko‘tarildi

🔺 Xalq deputatlari Guliston shahar Kengashi deputatlari Voxid Xasanov hamda Lola Kenjayeva tomonidan 17-sonli umumta’lim maktabi binosida Yangi hayot va Nurafshon mahallalari saylovchilari bilan uchrashuv o‘tkazildi. Unda 2026-yilning I choragi davomida amalga oshirilgan deputatlik faoliyati yuzasidan batafsil axborot berildi. uchrashuvda shahar hokimligi tashkily kadrlar bo`limi boshlig`i L. Jo`rayev ishtirok etdi

Uchrashuv davomida deputatlar tomonidan hududlarda kelib tushayotgan murojaatlarni o‘rganish, ularni tizimli hal etish, infratuzilma holatini yaxshilash hamda aholini qiynayotgan muammolarni bartaraf etish borasida amalga oshirilgan ishlar haqida ma’lumot berildi.

Shuningdek, olib borilayotgan obodonlashtirish ishlari, mavjud infratuzilmaviy loyihalar hamda kelgusidagi ustuvor vazifalar yuzasidan saylovchilar bilan ochiq muloqot tashkil etildi.

🗣 Uchrashuv davomida saylovchilar tomonidan qator dolzarb masalalar ko‘tarildi. Jumladan:

Yangi hayot mahallasi hududi bo‘ylab avtobus qatnovini yo‘lga qo‘yish;
Tursunzoda ko‘chasida joylashgan 4-sonli maktabgacha ta’lim tashkiloti oldida yuzaga kelgan suv quvuridagi nosozlikni bartaraf etish;

Shuningdek, Nurafshon mahallasi aholisi tomonidan:

ichki yo‘llarni ta’mirlash va soz holatga keltirish;
piyodalar yo‘laklarini barpo etish;
tomorqalarni sug‘orish uchun oqar suv bilan ta’minlash masalalari yuzasidan murojaatlar bildirildi.

📌 Bildirilgan barcha murojaatlar deputatlar tomonidan nazoratga olinib, tegishli tashkilotlar bilan hamkorlikda ijobiy hal etish choralarini ko‘rish belgilandi.

📱 📱 https://www.instagram.com/deputatlar_uzb?igsh=azU2eDBkMHY5Mm9n 📱 https://www.facebook.com/share/1DHfnKaFZp/

Showing 14 of 14 posts

No more posts