Virtual Library

Public

சேனலைப் பார்

22.4K

13.3K

3.9K

சேர முடியவில்லையா? @tgVirtualLibrary

3k உறுப்பினர்

புதுப்பிக்கப்பட்டது: August 31, 2026 at 7:26 AM

Virtual Library

പൊതുവിജ്ഞാനം @harithakeralam ( കൃഷി, ആരോഗ്യസംരക്ഷണം,സസ്യപരിചയം ) Music channels : @musictreasure @musiclinkscollection (music links) 🌴 എന്റെ കേരളം WhatsApp Channel https://whatsapp.com/channel/0029Vb2bERp5q08jYPqoER3V വിജ്ഞാനം, സാഹിത്യം, ഫിലിം റിവ്യൂ

Join @tgVirtualLibrary for exclusive links and httpswhatsappcomchannel0029vb2berp5q08jypqoer3v content and discussions in 3

தரவரிசை

உலகளாவிய தரவரிசை

#185072

-82

மொழி தரவரிசை

#456

வகை தரவரிசை

#4764

-6

சந்தாதாரர் வளர்ச்சி (கடந்த 10 நாட்கள்)

மொத்தம்: 3.0K

24h வளர்ச்சி: -10 0%

சமீபத்திய இடுகைகள்

Virtual Library

6 செப்., 2026, 09:41 AM

ഉദ്യോഗസ്ഥർക്ക് തമിഴ്‌നാട് മുഖ്യമന്ത്രിയുടെ കർശന മുന്നറിയിപ്പ്; ജനങ്ങളുടെ പരാതികളിൽ ഉടൻ നടപടി വേണം, അല്ലാത്ത പക്ഷം സസ്‌പെൻഷൻ.
ചെന്നൈ: പൊതുജനങ്ങളുടെ പരാതികളിൽ ഉദ്യോഗസ്ഥർ ഉടനടി നടപടി സ്വീകരിക്കണമെന്ന് തമിഴ്‌നാട് മുഖ്യമന്ത്രി വിജയ് കർശന നിർദ്ദേശം നൽകി. ജനങ്ങൾക്ക് തങ്ങളുടെ പരാതികളുമായി നേരിട്ട് മുഖ്യമന്ത്രിയുടെ അടുത്തേക്ക് വരേണ്ട സാഹചര്യം ഉണ്ടാകരുതെന്നും, അത് ഭരണസംവിധാനത്തിന്റെ വീഴ്ചയായി കണക്കാക്കുമെന്നും അദ്ദേഹം മുന്നറിയിപ്പ് നൽകി. ചെന്നൈയിൽ നടന്ന ഉന്നതതല യോഗത്തിലാണ് ഭരണയന്ത്രത്തെ കൂടുതൽ കാര്യക്ഷമമാക്കാനുള്ള ഈ കർശന നിർദ്ദേശങ്ങൾ മുഖ്യമന്ത്രി മുന്നോട്ട് വെച്ചത്.
തങ്ങളുടെ സങ്കടങ്ങൾ ബോധിപ്പിക്കാൻ ജനങ്ങൾ നേരിട്ട് ചെന്നൈയിലേക്ക് വരേണ്ടി വരുന്നത് പ്രാദേശിക തലത്തിലുള്ള ഉദ്യോഗസ്ഥരുടെ അനാസ്ഥ മൂലമാണെന്ന് മുഖ്യമന്ത്രി ചൂണ്ടിക്കാണിച്ചു. നിശ്ചിത സമയത്തിനകം പരാതികൾ പരിഗണിക്കാത്തതും വീഴ്ച വരുത്തുന്നതുമായ ഉദ്യോഗസ്ഥരെ ഉടൻ തന്നെ സർവീസിൽ നിന്നും സസ്‌പെൻഡ് ചെയ്യുമെന്ന കടുത്ത നിലപാടിലാണ് അദ്ദേഹം. ഇത്തരം അലംഭാവങ്ങൾ ഒരു കാരണവശാലും വെച്ചുപൊറുപ്പിക്കില്ലെന്ന് വ്യക്തമാക്കിയ മുഖ്യമന്ത്രി, ഫയലുകൾ വൈകിപ്പിക്കുന്ന പ്രവണത അവസാനിപ്പിക്കണമെന്നും ആവശ്യപ്പെട്ടു.
ജനകീയവും ഉത്തരവാദിത്വമുള്ളതുമായ ഒരു ഭരണസംവിധാനം കെട്ടിപ്പടുക്കുക എന്നതാണ് പുതിയ സർക്കാരിന്റെ ലക്ഷ്യമെന്ന് വിജയ് വ്യക്തമാക്കി. അഴിമതി രഹിതവും സുതാര്യവുമായ ഭരണം ഉറപ്പാക്കാൻ താഴെത്തട്ടു മുതലുള്ള ഉദ്യോഗസ്ഥർ പ്രതിജ്ഞാബദ്ധരായിരിക്കണം. സാധാരണക്കാരുടെ ആവശ്യങ്ങൾക്കും പ്രയാസങ്ങൾക്കും പ്രഥമ പരിഗണന നൽകുന്ന രീതിയിലേക്ക് ഭരണകൂടം മാറണമെന്നും അദ്ദേഹം ഓർമ്മിപ്പിച്ചു.
മുഖ്യമന്ത്രിയുടെ ഈ കടുത്ത മുന്നറിയിപ്പ് തമിഴ്‌നാട് ഭരണവർഗത്തിനിടയിൽ വലിയ ചലനമാണ് സൃഷ്ടിച്ചിരിക്കുന്നത്. മുൻപ് സിനിമാ ലോകത്തുനിന്ന് രാഷ്ട്രീയത്തിലേക്ക് ചുവടുവെച്ച് അധികാരത്തിലെത്തിയ വിജയ്, തൻ്റെ ഭരണശൈലിയിൽ പുലർത്തുന്ന ഈ വിട്ടുവീഴ്ചയില്ലാത്ത നിലപാടുകൾ ജനങ്ങൾക്കിടയിൽ വലിയ പ്രതീക്ഷയ്ക്ക് വകനൽകുന്നു. വരും ദിവസങ്ങളിൽ ഉദ്യോഗസ്ഥ തലത്തിൽ കൂടുതൽ കർശനമായ അഴിച്ചുപണികൾ ഉണ്ടായേക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.

624

Virtual Library

6 செப்., 2026, 09:41 AM

ഇന്ന് നമ്മൾ ബ്രിട്ടനെ (UK) ഒരു ദ്വീപായിട്ടാണ് കാണുന്നത്. ചുറ്റും കടൽ മാത്രം. എന്നാൽ ആയിരക്കണക്കിന് വർഷങ്ങൾക്ക് മുമ്പ് കാഴ്ച മറ്റൊന്നായിരുന്നു. അന്ന് ബ്രിട്ടനിൽ നിന്ന് യൂറോപ്പിലെ ഇന്നത്തെ നെതർലാൻഡ്, ജർമ്മനി, ഡെൻമാർക്ക് തുടങ്ങിയ പ്രദേശങ്ങളിലേക്ക് കടൽ കടക്കാതെ തന്നെ പോകാൻ കഴിയുമായിരുന്നു. കാരണം, അവയെല്ലാം തമ്മിൽ ബന്ധിപ്പിച്ചിരുന്ന വിശാലമായ ഒരു ഭൂവിഭാഗം ഉണ്ടായിരുന്നു. ആ നഷ്ടപ്പെട്ട ഭൂമിയുടെ പേരാണ് 'ഡോഗർലാൻഡ്'.

ഏകദേശം 20000 മുതൽ 8000 വർഷങ്ങൾക്ക് മുമ്പ് വരെ ഈ പ്രദേശം ജീവൻ തുടിക്കുന്ന ഒരു ലോകമായിരുന്നു. വിശാലമായ പച്ചപ്പാർന്ന കാടുകൾ, ഒഴുകുന്ന നദികൾ, ശുദ്ധജല തടാകങ്ങൾ, സമൃദ്ധമായ പുല്മേടുകൾ—പ്രകൃതിയുടെ സൗന്ദര്യം നിറഞ്ഞ ഒരു നാട്. മാമത്ത്, മാൻ, കാട്ടുപോത്ത്, കാട്ടുകുതിര തുടങ്ങിയ മൃഗങ്ങൾ ഇവിടെ സ്വതന്ത്രമായി സഞ്ചരിച്ചിരുന്നു. മനുഷ്യർ ചെറിയ കൂട്ടങ്ങളായി താമസിച്ച് വേട്ടയാടിയും മീൻപിടിച്ചും കാട്ടിൽ നിന്ന് പഴങ്ങളും കിഴങ്ങുകളും ശേഖരിച്ചും ജീവിതം നയിച്ചു. അന്ന് അവർക്ക് അറിയില്ലായിരുന്നു, ഒരുദിവസം അവരുടെ നാട് ലോകത്തിന്റെ ഭൂപടത്തിൽ നിന്ന് തന്നെ അപ്രത്യക്ഷമാകുമെന്ന്.

കാലം കടന്നുപോയി. അവസാന ഹിമയുഗം അവസാനിച്ചതോടെ ഭൂമിയിലെ വലിയ ഹിമാനികൾ ഉരുകിത്തുടങ്ങി. അതിന്റെ ഫലമായി സമുദ്രനിരപ്പ് പതുക്കെ ഉയർന്നു. വർഷങ്ങൾ പിന്നിട്ടപ്പോൾ ആദ്യം നദീതീരങ്ങൾ വെള്ളത്തിനടിയിലായി. പിന്നീട് കാടുകളും പുൽമേടുകളും ഗ്രാമങ്ങളും ഒന്നൊന്നായി കടൽ വിഴുങ്ങി. ജീവൻ രക്ഷിക്കാൻ ആളുകൾ മറ്റ് പ്രദേശങ്ങളിലേക്ക് കുടിയേറിയിരിക്കാമെന്നാണ് ശാസ്ത്രജ്ഞർ കരുതുന്നത്.

എന്നാൽ പ്രകൃതിയുടെ താണ്ഡവം അവിടെ അവസാനിച്ചിരുന്നില്ല. ഏകദേശം 8200 വർഷങ്ങൾക്ക് മുമ്പ്, നോർവേയുടെ തീരത്തിനടുത്ത് സമുദ്രത്തിനടിയിൽ ഉണ്ടായ വൻ മണ്ണിടിച്ചിൽ, (സ്റ്റോറേഗ സ്ലൈഡ്), ഒരു ഭീമൻ സുനാമിക്ക് കാരണമായി. ആ തിരമാലകൾ ഡോഗർലാൻഡിന്റെ അവശേഷിച്ച ഭാഗങ്ങളെയും വെള്ളത്തിനടിയിലേക്ക് തള്ളിയെന്ന് ഗവേഷകർ വിശ്വസിക്കുന്നു. അങ്ങനെ ഒരുകാലത്ത് ആയിരക്കണക്കിന് മനുഷ്യരും അനേകം മൃഗങ്ങളും ജീവിച്ചിരുന്ന ഒരു വലിയ ഭൂവിഭാഗം സമുദ്രത്തിനടിയിൽ മുഴുവനായും മറഞ്ഞുപോയി.

നൂറ്റാണ്ടുകൾ കടന്നപ്പോൾ ലോകം ആ ഭൂമിയെ മറന്നു. എന്നാൽ കഥ അവിടെ അവസാനിച്ചില്ല. വടക്കൻ കടലിൽ മീൻപിടിക്കാൻ പോയ മത്സ്യത്തൊഴിലാളികളുടെ വലയിൽ മനുഷ്യരുടെ അസ്ഥികളും മൃഗങ്ങളുടെ എല്ലുകളും കല്ലുപകരണങ്ങളും ലഭിക്കാൻ തുടങ്ങി. തുടർന്ന് സമുദ്രതറയിൽ നടത്തിയ ആധുനിക ശാസ്ത്രീയ പഠനങ്ങളിൽ പുരാതന നദികളുടെ പാതകളും വനങ്ങളുടെ അവശിഷ്ടങ്ങളും മനുഷ്യവാസത്തിന്റെ തെളിവുകളും കണ്ടെത്തി. അപ്പോഴാണ് ശാസ്ത്രലോകം തിരിച്ചറിഞ്ഞത് കടലിനടിയിൽ നഷ്ടപ്പെട്ട ഒരു ലോകം യഥാർത്ഥത്തിൽ ഉണ്ടായിരുന്നുവെന്ന്.

ഇന്ന് ഡോഗർലാൻഡ് നേരിട്ട് കാണാൻ കഴിയില്ല. കാരണം അത് നോർത്ത് സീയുടെ അടിയിലാണ്. എന്നിരുന്നാലും അവിടെ നിന്ന് ലഭിച്ച പുരാവസ്തു തെളിവുകൾ ആയിരക്കണക്കിന് വർഷങ്ങൾക്ക് മുമ്പ് മനുഷ്യർ അവിടെ ജീവിച്ചിരുന്നതായി വ്യക്തമായി തെളിയിക്കുന്നു. ഒരുകാലത്ത് മനുഷ്യരുടെ ചിരിയും ജീവിതവും നിറഞ്ഞിരുന്ന ഒരു ലോകം ഇന്ന് സമുദ്രത്തിന്റെ ആഴങ്ങളിൽ നിശ്ശബ്ദമായി ഉറങ്ങുകയാണ്. അതുകൊണ്ടുതന്നെ ഡോഗർലാൻഡിനെ പലരും "യൂറോപ്പിന്റെ നഷ്ടപ്പെട്ട ലോകം" എന്ന് വിളിക്കുന്നു.

© Stephen Alexander

Virtual Library

6 செப்., 2026, 09:41 AM

📷 Photo

587

Virtual Library

6 செப்., 2026, 09:41 AM

അവർ അവിടുത്തെ സ്ത്രീകളെ വിവാഹം കഴിക്കുകയും, തലമുറകൾ കൈമാറി വന്നപ്പോൾ അവരുടെ ശരീരപ്രകൃതിയും തൊലിനിറവുമെല്ലാം പൂർണ്ണമായി പോർച്ചുഗീസ് ശൈലിയിലാവുകയും ചെയ്തു.

1755-ൽ ലിസ്ബണിലുണ്ടായ വലിയ ഭൂകമ്പത്തിൽ അവിടുത്തെ പള്ളിരേഖകളെല്ലാം നശിച്ചതുകൊണ്ട്, ആ വംശാവലി കൃത്യമായി കണ്ടെത്തുക ഇന്ന് അസാധ്യമാണ്.

യൂറോപ്യൻ അധിനിവേശത്തിന്റെ കറുത്ത അധ്യായങ്ങൾക്കിടയിൽ, സ്വന്തം വേരുകൾ നഷ്ടപ്പെട്ട്, അപരിചിതമായൊരു ദേശത്ത് ജീവിച്ചുതീർക്കേണ്ടി വന്ന ആ പതിനെട്ട് മലയാളികൾ... ചരിത്രപുസ്തകങ്ങളുടെ താളുകളിൽ ഒരിടത്തും അവരുടെ യഥാർത്ഥ പേരുകളോ ചിത്രങ്ങളോ ഇല്ല. എങ്കിലും, ആധുനിക ആഗോളീകരണത്തിന് എത്രയോ മുൻപ്, അറ്റ്ലാന്റിക് സമുദ്രത്തിന്റെ തീരങ്ങളിൽ മലയാളത്തിന്റെ പാരമ്പര്യം അറിയാതെയാണെങ്കിലും കലർത്തിയ ആ മനുഷ്യർ ചരിത്രത്തിലെ വിസ്മരിക്കാനാവാത്ത പ്രവാസി മുഖങ്ങൾ തന്നെയാണ്.

(വലിയശാല രാജു)

റഫറൻസ്കൾ (References)

*******

​Journal of the First Voyage of Vasco da Gama (1497-1499): വാസ്കോഡഗാമയുടെ ആദ്യ കപ്പൽയാത്രയിലെ ഡയറിക്കുറിപ്പുകൾ (മലബാറിൽ നിന്ന് ആളുകളെ കൊണ്ടുപോയതിന്റെ പ്രാഥമിക രേഖ).

​The Career and Legend of Vasco da Gama – Sanjay Subrahmanyam: പ്രശസ്ത ചരിത്രകാരൻ സഞ്ജയ് സുബ്രഹ്മണ്യത്തിന്റെ ഈ പുസ്തകത്തിൽ ഗാമ കൊണ്ടുപോയ മലബാറുകാരെക്കുറിച്ചും അവർക്ക് ലിസ്ബണിൽ ലഭിച്ച സ്വീകരണത്തെക്കുറിച്ചും വ്യക്തമായി പ്രതിപാദിക്കുന്നു.

​The Voyage of Pedro Álvares Cabral to Brazil and India (William Brooks Greenlee): 1500-ൽ കബ്രാളിന്റെ കപ്പലിൽ മലയാളി പരിഭാഷകർ (ബൽത്തസാർ ഉൾപ്പെടെ) തിരികെ വന്നതിനെക്കുറിച്ചുള്ള ചരിത്രരേഖ.

​Lendas da Índia – Gaspar Correia: പോർച്ചുഗീസ് ചരിത്രകാരനായ ഗാസ്പർ കൊറെയയുടെ ഈ കൃതിയിൽ മലയാളികൾക്ക് ലിസ്ബണിൽ വെച്ച് പേര് മാറ്റിയതിനെക്കുറിച്ച് വിവരിക്കുന്നുണ്ട്.

​കേരള ചരിത്രം – എ. ശ്രീധരമേനോൻ: പോർച്ചുഗീസ് അധിനിവേശ കാലത്തെ മലബാറിന്റെ സാമൂഹിക പശ്ചാത്തലം വ്യക്തമാക്കുന്ന ഗ്രന്ഥം.

462

Virtual Library

6 செப்., 2026, 09:41 AM

📷 Photo

345

Virtual Library

6 செப்., 2026, 09:41 AM

📷 Photo

407

Virtual Library

6 செப்., 2026, 09:41 AM

വാസ്കോഡഗാമ കപ്പലിൽ പോർച്ചുഗലിൽ കൊണ്ട് പോയ 18 മലയാളികൾക്ക് പിന്നീട്
എന്ത് സംഭവിച്ചു ?

**********

🖊️വലിയശാല രാജു

ചരിത്രത്തിന്റെ കൗതുകം ഒളിഞ്ഞിരിക്കുന്നത് യുദ്ധങ്ങളിലോ സാമ്രാജ്യങ്ങളുടെ തകർച്ചയിലോ മാത്രമല്ല, വലിയ മാറ്റങ്ങളുടെ ഒഴുക്കിൽപ്പെട്ടുപോയ ചില സാധാരണ മനുഷ്യരുടെ ജീവിതങ്ങളിലാണ്. 1498 മേയ് മാസത്തിൽ കോഴിക്കോട് കാപ്പാട് തീരത്ത് വാസ്കോഡഗാമയുടെ കപ്പലുകൾ വന്നിറങ്ങിയതോടെയാണ് ഇന്ത്യയുടെ, പ്രത്യേകിച്ച് കേരളത്തിന്റെ ആധുനിക ചരിത്രം മാറാൻ തുടങ്ങിയതെന്ന് നമുക്കറിയാം. എന്നാൽ, ആ ചരിത്രയാത്രയുടെ മറുപുറത്ത് അധികമാരും ചർച്ച ചെയ്യാത്ത, അത്രമേൽ നാടകീയമായ ഒരു മനുഷ്യക്കടത്തിന്റെ കഥയുണ്ട്. നാട്ടിലേക്ക് മടങ്ങിയ ഗാമയുടെ കപ്പലിൽ കുറച്ചു മലയാളികളും ഉണ്ടായിരുന്നു. ചരിത്രകാരന്മാരുടെ കുറിപ്പുകൾ പ്രകാരം പതിനെടട്ട് പേർ!

യൂറോപ്യൻ മണ്ണിൽ ആദ്യമായി കാലുകുത്തിയ, കേരളക്കരയുടെ ആദ്യത്തെ 'പ്രവാസികൾ' എന്ന് വിശേഷിപ്പിക്കാവുന്ന ആ മനുഷ്യർക്ക് പിന്നീട് എന്ത് സംഭവിച്ചു?

*********

എന്തുകൊണ്ട് അവരെ കൊണ്ടുപോയി?

***********

കോഴിക്കോട് സാമൂതിരിയുമായി ആദ്യമൊക്കെ സൗഹൃദത്തിലായിരുന്നെങ്കിലും പിന്നീട് ചില കച്ചവടത്തർക്കങ്ങളും പൊരുത്തക്കേടുകളും ഗാമയ്ക്ക് നേരിടേണ്ടി വന്നിരുന്നു. അറബി വ്യാപാരികളുടെ സ്വാധീനവും ഇതിന് കാരണമായി. താൻ വിചാരിച്ചതുപോലെ കാര്യങ്ങൾ നീങ്ങില്ലെന്ന് കണ്ടപ്പോൾ, അടുത്ത തവണ കൂടുതൽ തയ്യാറെടുപ്പുകളോടെ വരാൻ ഗാമ ഒരു തന്ത്രം മെനഞ്ഞു. പ്രാദേശിക ഭാഷയും രീതികളും അറിയാവുന്ന ചിലരെ കൂടെക്കൂട്ടുക എന്നതായിരുന്നു അത്.

ചിലരെ നിർബന്ധിതമായി തട്ടിക്കൊണ്ടുപോവുകയായിരുന്നു എന്നും, മറ്റു ചിലരെ ഉയർന്ന പ്രതിഫലം വാഗ്ദാനം ചെയ്ത് പ്രലോഭിപ്പിച്ചു കൊണ്ടുപോയതാണെന്നും ചരിത്രരേഖകൾ സൂചിപ്പിക്കുന്നു. കൂടാതെ, താൻ ഇന്ത്യയെന്ന ആ മഹാത്ഭുത ദ്വീപ് കണ്ടെത്തുക തന്നെ ചെയ്തു എന്ന് സ്വന്തം രാജാവായ മാനുവൽ ഒന്നാമന് മുന്നിൽ തെളിയിക്കാനുള്ള ഒരു 'ജീവനുള്ള സാക്ഷ്യങ്ങൾ' കൂടിയായിരുന്നു ഗാമയ്ക്ക് ഈ മനുഷ്യർ.

***********

ലിസ്ബണിലെ രാജകീയ സ്വീകരണവും രൂപമാറ്റവും

*********

കടൽ കടന്ന് മാസങ്ങൾ നീണ്ട ദുരിതയാത്രയ്ക്കൊടുവിൽ പോർച്ചുഗലിന്റെ തലസ്ഥാനമായ ലിസ്ബണിൽ ഈ മലയാളികൾ എത്തുമ്പോൾ അവർക്ക് അവിടെ ലഭിച്ചത് വലിയ സ്വീകരണമായിരുന്നു. പോർച്ചുഗീസ് കൊട്ടാരത്തിനും അവിടുത്തെ പ്രഭുക്കന്മാർക്കും അപരിചിത വസ്ത്രധാരണവും ഭാഷയുമുള്ള ഈ മനുഷ്യർ കൗതുകക്കാഴ്ചകളായിരുന്നു.

എന്നാൽ ഈ കൗതുകത്തിന് അധികം ആയുസ്സുണ്ടായിരുന്നില്ല. അവിടെയെത്തിയ ഉടൻ തന്നെ അവരെ പൂർണ്ണമായി പോർച്ചുഗീസ് വൽക്കരിക്കാനുള്ള ശ്രമങ്ങൾ തുടങ്ങി.

അവരുടെ യഥാർത്ഥ നാടൻ പേരുകൾ ചരിത്രത്തിൽ നിന്ന് തുടച്ചുനീക്കപ്പെട്ടു. പകരം, ഗാമയുടെ യാത്രയ്ക്ക് പണം മുടക്കിയ ധനികരുടെയും കൊട്ടാരത്തിലെ പ്രഭുക്കന്മാരുടെയും പേരുകളാണ് അവർക്ക് നൽകിയത്. അങ്ങനെ മലയാളികളായ ആ മനുഷ്യർ 'ബൽത്തസാർ' (Baltazar), 'മാനുവൽ' എന്നൊക്കെ വിളിക്കപ്പെടാൻ തുടങ്ങി.

അവരെ പോർച്ചുഗീസ് ഭാഷയും സംസ്കാരവും വേഗത്തിൽ പഠിപ്പിച്ചെടുത്തു. അടുത്ത അധിനിവേശ യാത്രകളിൽ ഇവർ മികച്ച പരിഭാഷകരും (Interpreters) വഴികാട്ടികളുമായി മാറണം എന്നതായിരുന്നു ലക്ഷ്യം

**********

ചരിത്രം വഴിമാറ്റിയ 'ബൽത്തസാർ'

**********

ഈ മലയാളികളിൽ പലരും പോർച്ചുഗലിൽ തന്നെ സ്ഥിരതാമസമാക്കിയെങ്കിലും, ചിലരെ പിൽക്കാലത്ത് പോർച്ചുഗീസുകാർ തങ്ങളുടെ അടുത്ത കപ്പൽവ്യൂഹങ്ങളിൽ തിരികെ ഇന്ത്യയിലേക്ക് കൊണ്ടുവന്നിരുന്നു. അങ്ങനെ തിരികെ വന്നവരിൽ ഏറ്റവും പ്രമുഖനായിരുന്നു 'ബൽത്തസാർ' എന്ന് പേരിടപ്പെട്ട മലയാളി.

1500-ൽ പെഡ്രോ അൽവാരസ് കബ്രാളിന്റെ (Pedro Álvares Cabral) നേതൃത്വത്തിൽ പോർച്ചുഗീസുകാരുടെ രണ്ടാമത്തെ വലിയ കപ്പൽവ്യൂഹം ഇന്ത്യയിലേക്ക് പുറപ്പെട്ടപ്പോൾ ബൽത്തസാർ കൂടെയുണ്ടായിരുന്നു. പോർച്ചുഗീസ് ഭാഷയും യൂറോപ്യൻ രീതികളും നന്നായി പഠിച്ചെടുത്ത ബൽത്തസാറാണ് പിന്നീട് സാമൂതിരിയുമായുള്ള കബ്രാളിന്റെ ചർച്ചകളിൽ പ്രധാന മധ്യസ്ഥനായി നിന്നത്. കച്ചവടക്കരാറുകൾ ഒപ്പിടുന്നതിലും പ്രാദേശിക രാഷ്ട്രീയ സാഹചര്യങ്ങൾ പോർച്ചുഗീസുകാർക്ക് വിശദീകരിച്ചു കൊടുക്കുന്നതിലും ഇയാൾ വലിയ പങ്കുവഹിച്ചു. സ്വന്തം നാടിനെ അധിനിവേശ ശക്തികൾക്ക് മുന്നിൽ തുറന്നുകാട്ടേണ്ടി വന്ന ഒരു പരിഭാഷകന്റെ വിധി കൂടിയായിരുന്നു അത്.

********

ആ തലമുറകൾ ഇപ്പോൾ എവിടെ?

***********

പോർച്ചുഗലിൽ തന്നെ തുടർന്ന മറ്റു മലയാളികളുടെ അവസ്ഥ എന്തായിരിക്കാം? അഞ്ചൂറിലധികം വർഷങ്ങൾക്കപ്പുറം ഇന്ന് നോക്കുമ്പോൾ, അവരവിടെ പൂർണ്ണമായും അവിടുത്തെ സമൂഹവുമായി ലയിച്ചുചേർന്നു എന്ന് വേണം കരുതാൻ.

Virtual Library

6 செப்., 2026, 09:41 AM

📷 Photo

532

Virtual Library

6 செப்., 2026, 09:41 AM

പെറുവിലെ ആൻഡീസ് പർവതനിരകളിൽ, സമുദ്രനിരപ്പിൽ നിന്ന് ഏകദേശം 2,430 മീറ്റർ ഉയരത്തിൽ സ്ഥിതി ചെയ്യുന്ന ലോകപ്രശസ്തമായ ഒരു ചരിത്രസ്മാരകമാണ് മാച്ചു പിച്ചു (Machu Picchu).
പതിനഞ്ചാം നൂറ്റാണ്ടിൽ നിർമിക്കപ്പെട്ട ഈ നഗരം ഇൻകാ സാമ്രാജ്യത്തിന്റെ പ്രൗഡിയുo അവരുടെ അതുല്യമായ വാസ്തുവിദ്യയുടെയും അടയാളമാണ്. 'പഴയ കൊടുമുടി' എന്നാണ് മാച്ചു പിച്ചു എന്ന വാക്കിന്റെ അർത്ഥം.

​എ.ഡി. 1450 കാലത്ത് ഇൻകാ ഭരണാധികാരിയായിരുന്ന പച്ചാകുട്ടി (Pachacuti) യുടെ കാലത്താണ് മാച്ചു പിച്ചു നിർമിച്ചതെന്ന് കരുതപ്പെടുന്നു. ഇതൊരു രാജകീയ കൊട്ടാരമായോ അല്ലെങ്കിൽ പ്രകൃതിയെയും, സൂര്യനെയും ആരാധിക്കുന്നതിനുള്ള ഒരു വിശുദ്ധ കേന്ദ്രമായോ ആണ് ഉപയോഗിച്ചിരുന്നതെന്ന് ചരിത്രകാരന്മാർ പറയുന്നു.

​നിർമിച്ച് ഏകദേശം 100 വർഷങ്ങൾക്ക് ശേഷം (എ.ഡി. 1572-ഓടെ) ഈ നഗരം പൂർണ്ണമായും ഉപേക്ഷിക്കപ്പെട്ടു. സ്പാനിഷ് അധിനിവേശക്കാർ ഇൻകാ സാമ്രാജ്യം കീഴടക്കിയതാണ് ഇതിന് കാരണം. എന്നാൽ കുന്നിൻമുകളിൽ കാടുകളാൽ മൂടപ്പെട്ടിരുന്നതിനാൽ സ്പാനിഷുകാർക്ക് ഈ നഗരം കണ്ടെത്താനായില്ല. അതുകൊണ്ട് ഇത് തകർക്കപ്പെടാതെ അവശേഷിച്ചു.

​പിന്നീട് നൂറ്റാണ്ടുകളോളം പുറംലോകമറിയാതെ കിടന്ന ഈ നഗരത്തെ 1911-ൽ അമേരിക്കൻ ചരിത്രകാരനായ ഹിരാം ബിംഗ്ഹാം (Hiram Bingham) ആണ് വീണ്ടും കണ്ടുപിടിച്ച് ലോക ശ്രദ്ധയിൽ കൊണ്ടു വരുന്നത്. പ്രാദേശിക കർഷകരുടെ സഹായത്തോടെയാണ് അദ്ദേഹം കാടുമൂടിക്കിടന്ന ഈ വിസ്മയം കണ്ടെത്തിയത്. ഇതിനാൽ മാച്ചു പിച്ചുവിനെ "ഇൻകാകളുടെ നഷ്ടപ്പെട്ട നഗരം" (The Lost City of the Incas) എന്നും വിളിക്കാറുണ്ട്.

​ഇതിൻ്റെ നിർമാണരീതി ഇന്നും ശാസ്ത്രലോകത്തെ അത്ഭുതപ്പെടുത്തുന്ന ഒന്നാണ്.

​ആഷ്ലർ സാങ്കേതികവിദ്യ അതായത് സിമന്റോ മറ്റ് ചാന്തുകളോ ഒട്ടും ഉപയോഗിക്കാതെ, കൂറ്റൻ പാറക്കല്ലുകൾ കൃത്യമായ അളവിൽ മുറിച്ച് ഒന്നിനുമേൽ ഒന്നായി അടുക്കിവെച്ചാണ് ഇവിടുത്തെ കെട്ടിടങ്ങൾ നിർമിച്ചിരിക്കുന്നത്. കല്ലുകൾക്കിടയിൽ ഒരു കത്തിപോലും കടത്താൻ കഴിയാത്തത്ര കൃത്യതയിലാണ് ഇവ സ്ഥാപിച്ചിരിക്കുന്നത്.

​കല്ലുകൾ പരസ്പരം കോർത്തുനിൽക്കുന്ന ഈ നിർമാണരീതി പെറുവിലുണ്ടാകുന്ന ശക്തമായ ഭൂകമ്പങ്ങളെപ്പോലും പ്രതിരോധിക്കാൻ ഇതിനെ സഹായിക്കുന്നു. ഭൂകമ്പം ഉണ്ടാകുമ്പോൾ ഈ കല്ലുകൾ ചെറുതായി ആടിയ ശേഷം വീണ്ടും പഴയപടി തന്നെ തിരിച്ചെത്തുന്നു.

​മാച്ചു പിച്ചുവിൽ ഇരുന്നൂറിലധികം കെട്ടിടങ്ങളുണ്ട്. അവയിൽ പ്രധാനപ്പെട്ടവ താഴെ പറയുന്നവയാണ്:

1. ​ഇൻതിഹുവതാന (Intihuatana Stone)

ഇതൊരു പ്രത്യേകതരം കല്ലാണ്. സൂര്യന്റെ ചലനങ്ങളും ഋതുഭേദങ്ങളും മനസ്സിലാക്കാൻ ഇൻകാകൾ ഉപയോഗിച്ചിരുന്ന ഒരു ജ്യോതിശാസ്ത്ര ഘടികാരമാണിത്.

2. ​സൂര്യന്റെ ക്ഷേത്രം (Temple of the Sun)

വളഞ്ഞ ചുവരുകളുള്ള ഈ ക്ഷേത്രം സൂര്യദേവനെ ആരാധിക്കാൻ ഉപയോഗിച്ചിരുന്ന പ്രധാന സ്ഥലമാണ്.

3. ​മൂന്ന് ജനലുകളുള്ള ക്ഷേത്രം (Temple of the Three Windows)

മനോഹരമായ മൂന്ന് ജനലുകളുള്ള ഈ ഘടന ഇൻകാകളുടെ ഉത്ഭവത്തെക്കുറിച്ചുള്ള പുരാണങ്ങളുമായി ബന്ധപ്പെട്ടിരിക്കുന്നു.

4. ​കൃഷിത്തട്ടുകൾ (Terraces)

പർവതച്ചരിവുകളിൽ തട്ടുകളായി തിരിച്ച് കൃഷി ചെയ്യാനുള്ള സംവിധാനം ഇവർ ഒരുക്കിയിരുന്നു. ഇത് നഗരത്തിന് ആവശ്യമായ ഭക്ഷണം നൽകുക മാത്രമല്ല, മണ്ണിടിച്ചിൽ തടയുകയും ചെയ്തു.

​1983-ൽ യുനെസ്കോ (UNESCO) മാച്ചു പിച്ചുവിനെ ലോക പൈതൃക കേന്ദ്രമായി പ്രഖ്യാപിച്ചു. 2007-ൽ തിരഞ്ഞെടുക്കപ്പെട്ട പുതിയ ഏഴ് ലോകാത്ഭുതങ്ങളിൽ ഒന്നാണ് മാച്ചു പിച്ചു. ഇന്ന് ലോകമെമ്പാടുമുള്ള ദശലക്ഷക്കണക്കിന് സഞ്ചാരികൾ സന്ദർശിക്കുന്ന പെറുവിലെ ഏറ്റവും പ്രധാനപ്പെട്ട വിനോദസഞ്ചാര കേന്ദ്രമാണ് ഇവിടം. പ്രകൃതിഭംഗിയും മനുഷ്യന്റെ നിർമാണ വൈഭവവും ഒത്തുചേരുന്ന ഈ സ്ഥലം ഇൻകാ സംസ്കാരത്തിന്റെ നിത്യസ്മാരകമായി നിലകൊള്ളുന്നു.

Virtual Library 📚

Virtual Library

6 செப்., 2026, 09:41 AM

അതെ, സിനിമാറ്റിക് രീതിയിൽ ആളുകളെ പൂർണ്ണമായി വിഴുങ്ങി ചത്തൊടുക്കാൻ ക്വിക്സാൻഡിന് (Quicksand) കഴിയില്ലെങ്കിലും, അതിൽ കുടുങ്ങിപ്പോകുന്നത് ജീവന് തന്നെ അപകടകരമായേക്കാം.
മനുഷ്യശരീരത്തേക്കാൾ സാന്ദ്രത ക്വിക്സാൻഡിനുണ്ട്, അതിനാൽ അതിൽ വീണാൽ നമ്മൾ പൂർണ്ണമായി മുങ്ങിപ്പോകില്ല

ക്വിക്സാൻഡ് എന്നാൽ വെള്ളം, മണൽ, കളിമണ്ണ് എന്നിവയുടെ ഒരു മിശ്രിതമാണ്. ചലനമില്ലാത്തപ്പോൾ അതൊരു ഉറച്ച പ്രതലമായിരിക്കും, എന്നാൽ ചലിക്കുമ്പോൾ (stress) അത് ഒരു ദ്രാവകം പോലെയാകുകയും ആളുകൾ അതിലേക്ക് താഴുകയും ചെയ്യും

ഭയന്ന് അമിതമായി വെപ്രാളം കാണിക്കുമ്പോൾ, ശരീരത്തിന്റെ ഭാരം കാരണം നിങ്ങൾ അരപ്പട്ടയോളം താഴ്ന്നുപോയേക്കാം. ഇങ്ങനെ കുടുങ്ങിക്കിടക്കുമ്പോൾ ഉണ്ടാകുന്ന സമ്മർദ്ദം മൂലം ശ്വാസമെടുക്കാൻ ബുദ്ധിമുട്ടുണ്ടാകാം

കുടുങ്ങി കിടക്കുമ്പോൾ രക്ഷപെടാൻ സാധിച്ചില്ലെങ്കിൽ, ദാഹം, പട്ടിണി, സൂര്യാഘാതം (sunstroke) അല്ലെങ്കിൽ ശരീരത്തിലെ ചൂട് കുറയുന്ന അവസ്ഥ (hypothermia) എന്നിവ മൂലം മരണം സംഭവിക്കാം.

ഇതിൽ നിന്ന് എങ്ങനെ രക്ഷപെടാം?

പെട്ടെന്ന് രക്ഷപെടാനായി കൈകാലുകൾ ഇളക്കി വെപ്രാളം കാണിക്കരുത്, ഇത് നിങ്ങളെ കൂടുതൽ താഴേക്ക് വലിച്ചിടും.പതുക്കെ പുറകിലേക്ക് മലർന്നു കിടക്കുക, ഇത് ശരീരഭാരം മുഴുവൻ പ്രതലത്തിൽ വ്യാപിക്കാൻ സഹായിക്കും.കാലുകൾ പതുക്കെ ഇളക്കി മണ്ണിലേക്ക് വായു കടത്തിവിട്ട് സാവധാനം പുറത്തേക്ക് വലിഞ്ഞെടുക്കുക.

#quicksand #emergency #facts #malayalam #science

588

Virtual Library

29 ஏப்., 2026, 11:58 AM

ടൂറിനിടെയുള്ള സുരക്ഷാ കരുതലിന്റെ കുറവ്,
വെള്ളത്തിന്റെ ആഴവും ഒഴുക്കും വിലയിരുത്താത്തത്,
വാഹനങ്ങളുടെ സുരക്ഷാ മാനദണ്ഡങ്ങൾ പാലിക്കാത്തത്,
മതിയായ മേൽനോട്ടം ഇല്ലായ്മ - ഇതൊക്കെയാണ് സാമാന്യമായി കാണുന്ന ദുരന്ത കാരണങ്ങൾ:
സ്ഥിരമായി പുഴയോടും കടലിനോടും മല്ലിടുന്ന നീന്തലറിയാവുന്ന മത്സ്യ തൊഴിലാളികൾ പോലും കയത്തിലും ചുഴിയിലും ചിലപ്പോൾ ആണ്ടു പോയി മരിക്കാറുണ്ട് . പക്ഷേ ഒരിക്കലും വെള്ളത്തിൽ ഇറങ്ങാത്തവർ പോലും ടൂറിന്റെ (മദ്യത്തിന്റെയും ) ലഹരിയിൽ വെള്ളത്തിൽ ചാടും. ഡ്രൈവിങ് പഠിക്കാത്തവൻ വണ്ടിയോടിക്കുന്നത് പോലെയാണത്.
മരണക്കയത്തിലേക്കാണ് പോകുന്നതെന്ന് അവർ അറിയുന്നില്ല.

തീ, വെള്ളം, കാറ്റ് തുടങ്ങിയ പ്രകൃതി ശക്തികളോടൊന്നിനോടും പിള്ളകളി പാടില്ല. വെല്ലുവിളി പാടില്ല. ഏറ്റുമുട്ടൽ പാടില്ല. കാരണം അവയുടെ കരുത്ത് മനുഷ്യന്റെ പിടിയിൽ ഒതുങ്ങില്ല.. അതു പ്രവചനാതീതമാണ്.

ടൂറിന് പോകുന്നവർ, നിർബന്ധമായും ശ്രദ്ധിക്കേണ്ട കാര്യങ്ങൾ
. കൃത്യമായ പ്ലാനിങ് അഥവാ മുന്നൊരുക്കം. വകതിരിവുള്ള ഏതാനും പേർ നേതൃത്വത്തിൽ ഉണ്ടായിരിക്കണം.
പോകുന്ന സ്ഥലത്തെ ഭൂപ്രകൃതിയെക്കുറിച്ച് നന്നായി പഠിച്ചിരിക്കണം.
കുറച്ചു പേരുടെയെങ്കിലും ഫോൺ നമ്പറുകൾ കയ്യിൽ കരുതുക: പോകുന്ന സ്ഥലത്തെ പോലീസ് സ്റ്റേഷൻ, വനംവകുപ്പ് ഓഫീസ്, ആശുപത്രികൾ എന്നിവയുടെ നമ്പറുകൾ ലിസ്റ്റ് ചെയ്ത് സൂക്ഷിക്കുക.
കുട്ടികളുടെ പോക്കറ്റിൽ പേരും ഫോൺ നമ്പറും വിലാസവും അടങ്ങിയ ചെറിയ കാർഡുകൾ സൂക്ഷിക്കുക.
കൂട്ടം വിട്ട് ഒറ്റയ്ക്ക് പോകാൻ ആരെയും അനുവദിക്കരുത്, പ്രത്യേകിച്ച് കുട്ടികളെ.
അപകടസാധ്യതയുള്ള മേഖലകളിൽ
സെൽഫി ഒഴിവാക്കണം. പത്തടി ഇപ്പുറത്തു നിന്ന് പടമെടുത്താലെന്താ കുറവ്? ആളാകാൻ പോയിട്ട് ശവമായി വരണോ? കൊക്കകളുടെ അരികിലോ വെള്ളച്ചാട്ടത്തിന്റെ വക്കത്തോ നിന്നുള്ള സാഹസിക ചിത്രങ്ങൾ ഒഴിവാക്കുക. ഒരു ചെറിയ കാൽവഴുതൽ പോലും വലിയ അപകടമാകാം.
ലീഡർമാരും ഗൈഡുകളും നൽകുന്ന മുന്നറിയിപ്പുകൾ അവഗണിക്കരുത്. 'അപകടമേഖല' എന്ന് ബോർഡ് വെച്ചിട്ടുള്ള ഇടങ്ങളിൽ നിന്ന് മാറിനിൽക്കുക. കുട്ടികൾ എപ്പോഴും കൺവെട്ടത്ത് ഉണ്ടായിരിക്കണം. അഥവാ കൂട്ടം തെറ്റിയാൽ പേടിച്ചരണ്ട് പരക്കം പായാതെ വഴിതെറ്റിയിടത്ത് നിൽക്കാൻ പറയുക.
യൂണിഫോം ധരിച്ച പോലീസ് ഉദ്യോഗസ്ഥരോ സെക്യൂരിറ്റി ജീവനക്കാരോ ഉണ്ടെങ്കിൽ സഹായത്തിന് അവരെ സമീപിക്കാൻ പഠിപ്പിക്കുക.

വനമേഖലയിൽ ശബ്ദം കേൾപ്പിക്കാൻ ഒരു വിസിൽ കയ്യിൽ കരുതുന്നത് ആപദ്ഘട്ടങ്ങളിൽ ഉപകരിക്കും. വിസിൽ ഇല്ലെങ്കിൽ വെറുമൊരു മിട്ടായിക്കടലാസ് കൊണ്ടും വിസിലടിക്കാം.

നിന്തലറിയാതെ വെള്ളത്തിലിറങ്ങി മുങ്ങി മരിക്കുന്നവരുടെയും സർവ്വ നിയമങ്ങളും തെറ്റിച്ചു രണ്ടും കൽപ്പിച്ചു വണ്ടി പായിച്ചു അപകടത്തിൽ പെട്ടു മരിക്കുന്നവരുടെയും മൃതദേഹങ്ങൾക്ക് അൻപത് ചൂരലടി കൊടുക്കണം. എന്നിട്ടിങ്ങനെ പറയണം , "മാതാപിതാക്കളെ ജീവിതകാലം മുഴുവൻ കണ്ണീർ കുടിപ്പിക്കാൻ വേണ്ടിയാണോ ഇത്രയും കാലം അവർ നിങ്ങളെ ഓമനിച്ചു വളർത്തിയത്.? കഷ്ടപ്പെട്ട് വളർത്തിയ അവർക്ക് നിങ്ങൾ കൊടുത്തത് ഒരിക്കലും
തീരാത്ത ദുഃഖമല്ലേ? അതിനിരിക്കട്ടെ ഈ ശിക്ഷ "

ജോർജ് പുല്ലാട്ട്
12.4.26

Virtual Library

29 ஏப்., 2026, 11:58 AM

📷 Photo

361

Virtual Library

29 ஏப்., 2026, 11:58 AM

"ഒരു സിനിമയിലെ ക്ലൈമാക്സ് രംഗം പോലെ... എന്നാൽ ഇത് യഥാർത്ഥമാണ്! 😲

ദശലക്ഷക്കണക്കിന് വർഷങ്ങൾക്ക് മുമ്പ് ഭൂമിയിൽ നടന്ന ഒരു ഉഗ്രമായ പോരാട്ടത്തിന്റെ അന്ത്യനിമിഷം അതേപടി മരവിച്ച നിലയിൽ കാണപ്പെട്ടാലോ? അതാണ് ' 𝗙𝗜𝗚𝗛𝗧𝗜𝗡𝗚 𝗗𝗜𝗡𝗢𝗦𝗔𝗨𝗥𝗦 എന്നറിയപ്പെടുന്ന അതിവിസ്മയകരമായ ഫോസിൽ.
ഇതൊരു സങ്കൽപ്പമല്ല, 1𝟭𝟵𝟳𝟭-ൽ മംഗോളിയയിലെ ഗോബി മരുഭൂമിയിൽ നിന്ന് കണ്ടെത്തിയ ഒരത്ഭുതമാണ്. ഒരു വേട്ടക്കാരനായ 𝗩𝗲𝗹𝗼𝗰𝗶𝗿𝗮𝗽𝘁𝗼𝗿ഒരു സസ്യഭുക്കായ 𝗣𝗿𝗼𝘁𝗼𝗰𝗲𝗿𝗮𝘁𝗼𝗽𝘀 തമ്മിലുള്ള മരണപോരാട്ടമാണ് ഈ ഫോസിലിൽ.😲
ഈ രണ്ട് ജീവികളും പരസ്പരം ആക്രമിച്ചുകൊണ്ടിരിക്കെ, ഒരു പെട്ടെന്നുണ്ടായ പ്രകൃതിക്ഷോഭം, ഒരുപക്ഷേ വലിയൊരു മണ്ണിടിച്ചിലോ അല്ലെങ്കിൽ മണൽക്കാറ്റോ അവയെ ഒന്നിച്ച് മൂടി. ആ നിമിഷത്തിൽ തന്നെ അവ ഫോസിലായി മാറി. ആ നിമിഷത്തിൽ 𝗩𝗲𝗹𝗼𝗰𝗶𝗿𝗮𝗽𝘁𝗼𝗿 മൂർച്ചയുള്ള നഖം 𝗣𝗿𝗼𝘁𝗼𝗰𝗲𝗿𝗮𝘁𝗼𝗽𝘀 ന്റെ കണ്ഠനാളിയിൽ ആഴ്ന്നിറങ്ങിയിരിക്കുന്നതായും, തിരിച്ച് വലത് 𝗩𝗲𝗹𝗼𝗰𝗶𝗿𝗮𝗽𝘁𝗼𝗿 ന്റെ കൈ 𝗣𝗿𝗼𝘁𝗼𝗰𝗲𝗿𝗮𝘁𝗼𝗽𝘀 കടിച്ചുപിടിച്ചിരിക്കുന്നതായും കാണാം.
പ്രകൃതി മരവിപ്പിച്ച ഈ പോരാട്ടം നമ്മളിലേക്ക് എത്തിക്കുന്നത് കോടിക്കണക്കിന് വർഷം മുമ്പത്തെ ഒരു സെക്കൻഡിലെ നിമിഷം മാത്രമാണ്. പ്രകൃതി ഒളിച്ചുവെക്കുന്ന ഈ രഹസ്യങ്ങളെക്കുറിച്ച് ഓർക്കുമ്പോൾ അത്ഭുതം തോന്നുന്നില്ലേ?😲

182

Virtual Library

29 ஏப்., 2026, 11:58 AM

ശ്രീനന്ദയ്ക്ക് സംഭവിച്ചത് - നിഗമനങ്ങളും പാഠങ്ങളും.
===
ജോർജ് പുല്ലാട്ട്
===

ശ്രീനന്ദയുടെ ദുരന്തത്തെപ്പറ്റി വീട്ടുകാർ ഉൾപ്പെടെ അനേകർ വിലയിരുത്തിയത് ആരെങ്കിലും ലഹരിമരുന്ന് കൊടുത്തു തട്ടിക്കൊണ്ടുപോയി അപായപ്പെടുത്തി, പോലീസ്നായ ഓടിക്കേറിയ കടയുടെ ഉടമയെ സംശയിക്കണം എന്നൊക്കെയാണ്. സാമാന്യ ബുദ്ധിയും വിവേകവും സാഹചര്യങ്ങളുടെ യുക്തിസഹമായ വിലയിരുത്തലും വെച്ച് നോക്കിയാൽ ഈ രണ്ടു സാധ്യതകളും പരിഗണിക്കാൻ വേണ്ടത്ര ഗൗരവമുള്ളതല്ല.. കാരണം,
(1)അത്രയേറെ ആളുകൾ നിറഞ്ഞ ഒരു സ്ഥലത്ത് വെറുമൊരു അജ്ഞാതൻ വന്ന് അത്തരമൊരു കുറ്റത്തിന് മുതിരില്ല. കുറ്റവാളികൾ അത്ര മണ്ടന്മാരല്ല, കുറ്റം നിർവഹിക്കുന്ന കാര്യത്തിലെങ്കിലും മിക്കവരും അതിബുദ്ധിശാലികൾ ആണ് എന്നോർക്കണം. മുൻ പരിചയമില്ലാത്ത ഒരാൾ അടുത്തുകൂടി പെൺകുട്ടിയോട് എന്തെങ്കിലും പറഞ്ഞാൽ സംഘത്തിലുള്ളവർ അത് കാണാതിരിക്കില്ല ? അപരിചിതൻ എന്തെങ്കിലും കൊടുത്താൽ പെൺകുട്ടി ചുമ്മാ അതങ്ങ് വാങ്ങി നേരെ വിഴുങ്ങില്ല. കുടുംബത്തെയും കൂട്ടുകാരെയും വിട്ട് അപ്പോൾ കണ്ട ഒരുത്തനൊപ്പം ഒളിച്ചോടില്ല. അഥവാ അപരിചിതൻ ബലപ്രയോഗത്തിൽ കൊണ്ടുപോകാൻ നോക്കിയാൽ അവൾ ഒച്ച വെക്കാതിരിക്കുമോ? ഒച്ചവെച്ചാൽ ആളുകൾ അവനെ കൈകാര്യം ചെയ്യാതിരിക്കുമോ? ഇക്കാരണങ്ങളാൽ ആരെങ്കിലും തട്ടിക്കൊണ്ടു പോയി എന്ന ആരോപണത്തിന് വിലയില്ല.

(2) ഇനി, പോലീസ് നായ കുറച്ചകലെ ഒരു കടയിൽ ചെന്ന് കേറി, കടക്കാരനെ സംശയിക്കണം എന്ന ആരോപണം നോക്കാം. വിനോദ യാത്രയായി എത്തിയവരിൽ എത്രയോ പേർ താഴ് വാരത്തിലുള്ള ആ കടയിൽ കേറിയിട്ടുണ്ടാകും..അവരിൽ ആരുടെയെങ്കിലും ഗന്ധം പിടിച്ചു നായ അവിടെ ചെന്ന് കേറി എന്ന് പറയുന്നതാണ്, കടക്കാരൻ മലമുകളിൽ വന്നു അതുകൊണ്ട് അയാളുടെ മണം പിടിച്ചു നായ കടയിൽ ചെന്നു എന്ന് വാദിക്കുന്നതിനേക്കാൾ ന്യായത്തിന്റെ ബലം.

ഇത് രണ്ടും ആരോപണങ്ങളുടെ വിലയിരുത്തൽ മാത്രം.. യഥാർത്ഥത്തിൽ സംഭവിച്ചിരിക്കാവുന്നതും ഇതേ രീതിയിൽ ഒന്ന് അപഗ്രഥിക്കാം.

1. കൂട്ടുകാരിക്കൊപ്പമുള്ള അവസാനത്തെ സെൽഫി വീഡിയോയിൽ തുടങ്ങാം. ഹലോ എന്ന് ശ്രീനന്ദ പറയുന്നു. കൂട്ടുകാരി രണ്ട് വിരൽ ഉയർത്തി എന്തോ കാണിക്കുമ്പോൾ ശ്രീനന്ദ അല്പം താഴേയ്ക്ക് നീങ്ങുന്നു.. അവിടെ ഇരിക്കാൻ നോക്കിയതാ എന്ന് അവൾ കൂട്ടുകാരിയോട് പറയുന്നു. വാട്ട്‌ ഹാപ്പെൻഡ് എന്ന് കൂട്ടുകാരി ചോദിക്കുമ്പോൾ അവിടെ ഇരിക്കാൻ നോക്കിയതാ എന്ന് ശ്രീനന്ദ ആവർത്തിക്കുന്നു. 'കേറി വാ ഇവിടെ ഒന്നും ഇല്ല മോളിലോട്ട് പോകാം' എന്നും കൂട്ടുകാരി. കൂട്ടുകാരിയും സഹോദരനും മുകളിലേക്ക് പോകുമ്പോൾ ശ്രീനന്ദ അവരോടൊപ്പം പോയിട്ടില്ല ഇതാണ് അവളെ കാണാതാകുന്ന നിമിഷം . ആ സമയത്ത് ഒരു ഉല്ലാസയാത്രയുടെ ആവേശമോ പ്രസരിപ്പോ അല്ല അവളുടെ മുഖത്ത് തെളിയുന്നത്. പകരം അല്പം മ്ലാനതയാണ്. കൂട്ടുകാരി സെൽഫ് എടുക്കുമ്പോൾ ശ്രീനന്ദ പിന്നിൽ നിന്ന് ചുറ്റുപാടും നോക്കുന്നുണ്ട്.

2. കൂട്ടുകാരി അവളുടെ ചിരകാല സുഹൃത്ത് ആകാൻ വഴിയില്ല, ആണെങ്കിൽ ആ പോയിന്റിൽ അവളെ തനിച്ചാക്കി കൂട്ടുകാരി മുകളിലേക്ക് പോകില്ല. യാത്രയിൽ കിട്ടിയ കൂട്ടാകാം. കൂട്ടുകാരിയും സഹോദരനും കൂടി മുകളിലേക്ക് പോയപ്പോൾ അവൾ നേരത്തെ ഇരിക്കാൻ പോയെന്ന് പറഞ്ഞ താഴെയുള്ള പോയിന്റ്റിലേക്കാണ് വീണ്ടും നീങ്ങിയത് എന്ന് കണക്കാക്കാം.
3.(1)ആ നീക്കത്തിൽ രണ്ടു കാര്യങ്ങൾ സംഭവിച്ചിരിക്കാം. അല്പം സാഹസികവും അപകട സാധ്യതയുള്ളതുമായ പോയിന്റ്റുകളിൽ നിന്ന് സെൽഫിയെടുക്കുന്നതൊക്കെ മഹാസംഭവമായി കരുതുന്നവരാണ് യുവാക്കളിൽ ഒരു നല്ല ശതമാനം. ശ്രീനന്ദയ്ക്ക് അങ്ങനെയൊരു തോന്നൽ ഉണ്ടാവുകയും അവിടെവെച്ച് അല്പം അശ്രദ്ധ മൂലം കാൽ വഴുതി താഴേക്കു വീഴുകയും ചെയ്യാൻ സാധ്യതയുണ്ട്. അത്തരമൊരു സ്ഥലത്തിന്റെ അപകടസാധ്യത നിരീക്ഷിക്കാനോ തിരിച്ചറിയാനോ ഉള്ള വിവേകമോ പക്വതയോ ഈ പതിനഞ്ചുകാരിക്ക് ഉണ്ടാകണമെന്നില്ല. അങ്ങനെ അപകടം സംഭവിച്ചിരിക്കാം.

3(2) എന്നാൽ അതിലും സാധ്യത മറ്റൊന്നിനാണ്. ഇത് വായിച്ചിട്ട് വായനക്കാർ നെറ്റി ചുളിക്കാനും തെറി പറയാനും ഇടയുണ്ട്. ആത്മഹത്യ.. ഈ നിഗമനത്തിന് രണ്ടു ന്യായങ്ങളുണ്ട്. രണ്ടും ഒരേപോലെ പ്രധാനം. കൂട്ടുകാരിയെ വിട്ട് അവൾ തനിയെ അല്പം താഴേക്ക് നീങ്ങിയതും കൂട്ടുകാരി വിളിച്ചപ്പോൾ തിരിച്ചു വന്നതും വീഡിയോയിൽ കണ്ടു. താഴേയ്ക്കുള്ള ആഴം എത്രയുണ്ടെന്നുള്ള പരിശോധന ആയിരുന്നു അത് എന്ന് നിഗമിക്കാം. അതിന് ഊന്നൽ നൽകുന്ന അതീവ ഗൗരവമുള്ള നിർണ്ണായകമായ ഒരു ഒരു പ്രസ്താവന വല്യച്ഛൻ നടത്തിയിരിക്കുന്നു. ശ്രീനന്ദ ബാരിക്കേഡ് കടന്ന് അപ്പുറത്ത് പോയെന്നും വഴക്ക് പറഞ്ഞപ്പോൾ തിരിച്ചു വന്നു എന്നും. കൂട്ടുകാരിയുടെ പിന്നിൽ നിന്ന് ശ്രീനന്ദ ചുറ്റും നിരീക്ഷിക്കുന്നത് കണ്ടല്ലോ. ആരെങ്കിലും അടുത്തുണ്ടോ എന്നാണ് അവളുടെ നോട്ടം. കൂട്ടുകാരി മുകളിലോട്ട് പോയപ്പോൾ, ശ്രീനന്ദ മുന്നേ രണ്ടു വട്ടം നോക്കി ഉറപ്പിച്ച ആ പോയിന്റിൽ നിന്നു താഴേക്ക് ചാടിയിട്ടുണ്ടാവും. എന്നാൽ അവൾ സംഘത്തിലേക്ക് മടങ്ങി എന്നാവും കൂട്ടുകാരി വിചാരിച്ചിരിക്കുക.

Virtual Library

29 ஏப்., 2026, 11:58 AM

നല്ല കുടുംബാന്തരീക്ഷത്തിൽ വളരുന്ന കുട്ടികൾ വിനോദയാത്രയിലെന്നല്ല ഏതൊരു വിദൂരയാത്രയിലും അച്ഛനമ്മമാർക്കൊപ്പം കൈപിടിച്ച് നീങ്ങാൻ ശ്രദ്ധിക്കും. വിട്ടുമാറിയാൽ ഒറ്റപ്പെട്ടു പോകുമെന്ന ഭയം ഉണ്ടാകും. അതേ ശ്രദ്ധയും കരുതലും മാതാപിതാക്കൾക്കും ഉണ്ടാകും. ഉണ്ടായിരിക്കണം. ഓരോ മിനിറ്റിലും പരസ്പരം ശ്രദ്ധിച്ചുകൊണ്ടിരിക്കും.

അച്ഛനെയും അമ്മയെയും കൂട്ടുകാരെയും വിട്ട് സന്ദർശകർക്ക് വിലക്ക് ഏർപ്പെടുത്തിയ പോയിന്റിലേക്ക് വേലി കടന്ന് ഒരു പതിനഞ്ചുകാരി നീങ്ങിയത് വെറുമൊരു സെൽഫി - റീൽ ഭ്രമം കൊണ്ടാണ് എന്ന് സമ്മതിച്ചു കൊടുക്കാൻ സാമാന്യബുദ്ധിയും യുക്തിയും സമ്മതിക്കുന്നില്ല.
ഒൻപതും പത്തും പതിനഞ്ചും വയസുകാരായ അനേകം കുട്ടികളുടെ ആത്മഹത്യാ വാർത്തകൾ കേൾക്കാറുണ്ടല്ലോ. ആ പ്രവണത ശ്രീനന്ദയ്ക്ക് ഇല്ലായിരുന്നു എന്ന് ഉറപ്പിച്ചു പറയാൻ കഴിയില്ല.

തലയുടെ വലതുവശത്ത് ഏറ്റ മാരകമായ മുറിവും അസ്ഥികൾ ഒടിഞ്ഞതുൾപ്പെടെ മറ്റ് നിരവധി പരിക്കുകളുമാണ് മരണ കാരണം എന്ന് പോസ്റ്റ്‌ മോർട്ടം റിപ്പോർട്ടിൽ പറയുന്നു. പാറക്കെട്ടുകളും വന്മരങ്ങളും നിറഞ്ഞ ചെങ്കുത്തായ ഒരു മലഞ്ചെരുവിൽ വീണാൽ അങ്ങനെയൊക്കെ സംഭവിക്കും . എങ്കിലും ശരീരം ചിതറിപ്പോകാതെ സംരക്ഷിച്ചത് വൃക്ഷങ്ങൾ ആണെന്നും വരാം. നേരത്തെ പരിശോധിച്ചപ്പോൾ കാണാതിരുന്ന സ്ഥലത്ത് മൃതദേഹം കണ്ടു എന്ന സംശയം ശരിയാണ്. പാറക്കെട്ടിലോ മരക്കൊമ്പിലോ തങ്ങിനിന്നിട്ട് എപ്പോഴെങ്കിലും ഊർന്നു വീണെന്നും കരുതാം. സംഭവിച്ചത് എന്തായാലും ശ്രീനന്ദയുടെ ഫോണിന് എന്തെങ്കിലും കൂടുതൽ പറയാനുണ്ടാകും.

ശ്രീനന്ദയുടെ ദുരന്തവും ശരണ്യയുടെ ദുരൂഹവന വാസവും ഹൈദ്രബാദ്ലെ മൂന്നു പെൺകുട്ടികളുടെ മുങ്ങിമരണവും എല്ലാ വിനോദ യാത്രികർക്കും ഒരു പാഠമാകണം.. വിനോദയാത്രയ്ക്ക് പുറപ്പെടുന്നവർ ഈ വാർത്തകളും ചിത്രങ്ങളും കയ്യിൽ കരുതണം. സംഘത്തിന്റെ നേതാവ് ഇവ കാണിച്ച് അംഗങ്ങൾക്ക് നിർദ്ദേശങ്ങൾ കൊടുക്കണം. എന്നിട്ട് പറയണം നമ്മൾ പോകുന്നത് വിനോദത്തിനാണ്.. വരുന്നതും അതുപോലെ തന്നെ ആകണം. വിലാപത്തോടെയല്ല.

എപ്പോഴൊക്കെ വിനോദയാത്ര പോയിട്ടുണ്ടോ, അപ്പോഴൊക്കെ തുടക്കത്തിലേ ഞാൻ എല്ലാവരെയും ഓർമ്മിപ്പിക്കുന്ന ഒരു കാര്യമുണ്ട്. "നാം പോകുന്നത് വിനോദത്തിനാണ്. വിനോദത്തോടെ തന്നെ തിരിച്ചു വരണം. എന്തൊക്കെ വേണ്ടെന്നു വെച്ചാലും സാരമില്ല, ഇപ്പോഴത്തെ സന്തോഷത്തിൽ തന്നെ നമ്മൾ തിരിച്ചു വന്നേ പറ്റൂ. നമ്മെ മറ്റാരെങ്കിലും ചുമന്നു കൊണ്ടു വരേണ്ട അവസ്ഥ ഉണ്ടാകാതിരിക്കട്ടെ. വിനോദയാത്രകൾ വിലാപയാത്രകളായി മാറിയ അനേകം സംഭവങ്ങൾ നമ്മുടെ ഓർമ്മയിലുണ്ടല്ലോ .
നമുക്കങ്ങനെ സംഭവിക്കാതിരിക്കട്ടെ "
പിന്നീട് മൃതദേഹങ്ങൾ കൊണ്ടുവന്ന് പൊതു ദർശനത്തിന് വെച്ചിട്ട് എന്ത് കാര്യം?

ആന്ധ്രയിൽ വിനോദ യാത്രയ്ക്ക് പോയ മൂന്നു പെൺകുട്ടികളുടെ അവസാന നിമിഷങ്ങളും നമ്മൾ കണ്ടു. അവർക്കെന്താണ് സംഭവിച്ചത്? ഒന്നാമതായി, വെള്ളത്തിലിറങ്ങി പരിചയമില്ല.. ഇറങ്ങിയ സ്ഥലത്തെപ്പറ്റി അവർ പഠിച്ചിട്ടില്ല. ഈ ചിരിയും കളിയുമൊക്കെ പെട്ടെന്ന് മറ്റുള്ളവർക്ക് കണ്ണീരായി മാറിയില്ലേ.

കാഞ്ഞിരപ്പള്ളി എകെജെഎം സ്കൂളിൽ അധ്യാപകൻ ആയിരുന്നപ്പോൾ ഒരു അച്ചനും ഞാനുംകൂടി പത്താം ക്‌ളാസിലെ അൻപതു കുട്ടികളുമായി അഞ്ചു ദിവസത്തെ പിക്നികിന് പോയത് ഓർക്കുന്നു. 1990ൽ. പോകും മുൻപ് ടൂർ പോകുന്ന റൂട്ടിന്റെ മാപ്പ് ഞാൻ വരച്ചു സ്കൂൾ നോട്ടീസ് ബോർഡിൽ പരസ്യപ്പെടുത്തി. അത് മാതാപിതാക്കളെ കാണിച്ച് കൊടുത്തു. താമസിക്കുന്ന ഇടങ്ങളുടെ വിശദ വിവരങ്ങളും തിരിച്ചെത്തുന്ന സമയവും അതിൽ ഉണ്ടായിരുന്നു. ഇന്നത്തെപ്പോലെ ഫോൺ സൗകര്യങ്ങളില്ല. മൈസൂർ, ബാംഗ്ളൂർ, മദ്രാസ്, മഹാബലിപുരം കൊടൈക്കനാൽ വഴി അഞ്ചാം ദിവസം അർദ്ധരാത്രി കാഞ്ഞിരപ്പള്ളിയിൽ തിരിച്ചെത്തുമ്പോൾ മുൻകൂട്ടി അറിയിച്ചതിനേക്കാൾ വൈകിയത് വെറും അര മണിക്കൂർ. യാത്രയിൽ ആർക്കും ഒരു കുഴപ്പവും സംഭവിച്ചില്ല.

പാറക്കെട്ടിൽ നിന്ന് സെൽഫി, തിരപ്പുറത്തൊരു കെട്ടി മറിച്ചിൽ, കുത്തനെയുള്ള മലമണ്ടയിൽ വലിഞ്ഞു കേറ്റം, ആഴമറിയാത്ത പുഴയിൽ എടുത്തു ചാട്ടം... എന്നിങ്ങനെ ജീവൻ പണയപ്പെടുത്തിയുള്ള അഭ്യാസങ്ങൾ എവിടെയും കർശനമായി വിലക്കാൻ ആരെങ്കിലും സംഘത്തിൽ ഉണ്ടായേ പറ്റൂ. കൂടെയുള്ളവർ അത് അനുസരിച്ചേ പറ്റൂ.
അപ്പോഴൊക്കെ, അങ്ങനെ പറയുന്നവരോടൊക്കെ
'ഹേയ്. നിങ്ങളെന്തൊരു ബോറനാണ്, രസം കൊല്ലിയാണ്, നിങ്ങടെ കൂടെ പോന്നത് കഷ്ടമായി, വീട്ടിലിരുന്നാൽ മതിയായിരുന്നു, ഇങ്ങനെ മസിലു പിടിച്ചിരിക്കാനാണോ, ഇച്ചിരി രസിക്കാനല്ലേ നമ്മള് വന്നത്, ' എന്നൊക്കെയുള്ള ആക്ഷേപങ്ങളും എതിർപ്പുകളും ഉയർത്തുന്നവരുണ്ട്.

ഒരു സന്തോഷയാത്ര എത്ര പെട്ടെന്ന് ദുഃഖകരമായ ഓർമ്മയായി മാറാമെന്ന് ഇതെല്ലാം നമ്മെ ഓർമ്മിപ്പിക്കുന്നു. പ്രകൃതിസൗന്ദര്യം ആസ്വദിക്കുമ്പോൾ പോലും സുരക്ഷയ്ക്കാണ് പ്രാധാന്യം നൽകേണ്ടത് എന്ന് ഓരോ ദുരന്തവും നമ്മോട് പറയുന്നു.

Virtual Library

29 ஏப்., 2026, 11:58 AM

https://youtu.be/5rsoMydnMHU?si=1R6KY-vm7_Dh3JSo

396

Virtual Library

29 ஏப்., 2026, 11:58 AM

https://www.manoramaonline.com/travel/travel-news/2026/04/07/gs-saranya-kodagu-trekking-story.html?utm_source=facebook&utm_medium=social

341

Virtual Library

29 ஏப்., 2026, 11:58 AM

https://www.manoramaonline.com/environment/environment-news/2026/04/10/shellier-fish-rock-climbing.html?utm_source=facebook&utm_medium=social

291

Virtual Library

29 ஏப்., 2026, 11:58 AM

ഇന്ത്യൻ പാർലമെന്റിൽ ഞെട്ടിക്കുന്ന വെളിപ്പെടുത്തൽ! 🔥

Raghav Chadha പാർലമെന്റിൽ ഉന്നയിച്ച വിഷയം ഇപ്പോൾ വലിയ ചര്‍ച്ചയാകുകയാണ്. നമ്മൾ ‘ഫ്രൂട്ട് ജ്യൂസ്’ എന്ന് കരുതി കുടിക്കുന്ന പല പാനീയങ്ങളും യഥാർത്ഥത്തിൽ ജ്യൂസ് അല്ലെന്നും, വെറും ഷുഗർ വാട്ടർ മാത്രമാണെന്നും അദ്ദേഹം തുറന്നുപറഞ്ഞു.

പാക്കറ്റിന്റെ മുന്നിൽ പഴങ്ങളുടെ മനോഹര ചിത്രങ്ങൾ വെച്ച് ഉപഭോക്താക്കളെ ആകർഷിക്കുന്ന കമ്പനികൾ, പിന്നിലെ ചെറിയ അക്ഷരങ്ങളിൽ ‘Pictures for marketing purposes only’ എന്ന് എഴുതിക്കൊണ്ട് സത്യം മറയ്ക്കുകയാണെന്ന് അദ്ദേഹം ആരോപിച്ചു. 😳

ഇത്തരം തെറ്റിദ്ധരിപ്പിക്കുന്ന പരസ്യങ്ങളും ബ്രാൻഡിംഗും കാരണം, പ്രത്യേകിച്ച് കുട്ടികളിൽ ഡയബിറ്റീസ് പോലുള്ള ലൈഫ്‌സ്റ്റൈൽ രോഗങ്ങൾ വർധിക്കുന്നതായി അദ്ദേഹം മുന്നറിയിപ്പ് നൽകി.

“നമ്മൾ കുടിക്കുന്നത് ജ്യൂസ് ആണെന്ന് വിശ്വസിക്കുമ്പോൾ, വാസ്തവത്തിൽ അത് ഷുഗർ ഡ്രിങ്ക് ആണെങ്കിൽ, അത് ജനങ്ങളെ വഞ്ചിക്കുന്നതല്ലേ?”എന്നാണ് അദ്ദേഹത്തിന്റെ ചോദ്യം.

ഈ വിഷയത്തിൽ കർശന നടപടികൾ വേണമെന്നാവശ്യപ്പെട്ട് അദ്ദേഹം സർക്കാരിനോട് ആവശ്യപ്പെട്ടിരിക്കുകയാണ് ഇപ്പോൾ..

#RaghavChadha #JuiceTruth #FakeMarketing #HealthAlert #DiabetesAwareness #FoodSafety #IndiaNews #HiddenSugar #LifestyleDiseases

466

Virtual Library

29 ஏப்., 2026, 11:58 AM

📷 Photo

505

Virtual Library

16 ஏப்., 2026, 08:00 AM

📷 Photo

316

Virtual Library

16 ஏப்., 2026, 08:00 AM

https://www.manoramaonline.com/style/love-n-life/2026/03/31/bangalore-living-cost-budget-woman-viral-video.html?fbclid=IwZXh0bgNhZW0CMTEAc3J0YwZhcHBfaWQPMjc1MjU0NjkyNTk4Mjc5AAEezQwmTg0L98gNgVS7aPxXgLUZh4tcjZO6ukAOtYsHeSjNGPVN1PnAVnXbA2Y_aem_BV_8VX6OWhPM6wjQ4KKdGw

273

Virtual Library

16 ஏப்., 2026, 08:00 AM

📷 Photo

216

Virtual Library

16 ஏப்., 2026, 08:00 AM

ഗ്രീൻ സിഗ്നൽ: വെള്ളയിൽ നിന്ന് പച്ചയിലേക്കുള്ള യാത്ര!
**********
🖊️വലിയശാല രാജു

നമ്മുടെ നിത്യജീവിതത്തിൽ ഒരു കാര്യത്തിന് അനുമതി ലഭിക്കുന്നതിനെയാണ് 'ഗ്രീൻ സിഗ്നൽ' എന്ന് വിളിക്കുന്നത്. എന്നാൽ റെയിൽവേയുടെ തുടക്കകാലത്ത് 'പോകാം' എന്നതിനെ സൂചിപ്പിച്ചിരുന്നത് പച്ച നിറമായിരുന്നില്ല. ഒരു വലിയ അപകടത്തിന്റെ ഓർമ്മപ്പെടുത്തലിൽ നിന്നാണ് ഇന്ന് നാം കാണുന്ന സിഗ്നൽ നിറങ്ങൾ രൂപപ്പെട്ടത്.

പത്തൊമ്പതാം നൂറ്റാണ്ടിലെ ആദ്യകാല റെയിൽവേ സിഗ്നലുകളിൽ പ്രധാനമായും മൂന്ന് നിറങ്ങളാണ് ഉപയോഗിച്ചിരുന്നത്. നിർത്താൻ ചുവപ്പും, ജാഗ്രത പാലിക്കാൻ പച്ചയും, സുരക്ഷിതമായി മുന്നോട്ട് പോകാൻ വെള്ളയുമായിരുന്നു അന്നത്തെ ക്രമം. മണ്ണെണ്ണ വിളക്കുകൾക്ക് മുന്നിൽ നിറമുള്ള ചില്ലുകൾ (Lenses) വെച്ചാണ് അന്ന് വെളിച്ചം നിയന്ത്രിച്ചിരുന്നത്.
********
ദുരന്തത്തിന് കാരണമായ ആ ചില്ല്
**********
പണ്ട് നടന്ന ഒരു ട്രെയിൻ അപകടമാണ് ഈ സിഗ്നൽ രീതിയെ അടിമുടി മാറ്റിയത്. ഒരു റെയിൽവേ സിഗ്നൽ പോസ്റ്റിലെ ചുവന്ന ചില്ല് അവിചാരിതമായി പൊട്ടിപ്പോയി. ചുവന്ന ചില്ല് ഇല്ലാതായതോടെ വിളക്കിന്റെ സ്വാഭാവികമായ വെള്ള വെളിച്ചം പുറത്തേക്ക് വന്നു. ദൂരെ നിന്ന് ഈ വെളിച്ചം കണ്ട ലോക്കോ പൈലറ്റ് അത് 'പോകാനുള്ള' (Clear) സിഗ്നലാണെന്ന് തെറ്റിദ്ധരിക്കുകയും ട്രെയിൻ മുന്നോട്ട് എടുക്കുകയും ചെയ്തു. യഥാർത്ഥത്തിൽ അവിടെ നിർത്താനുള്ള ചുവപ്പ് കത്തേണ്ടതായിരുന്നു. ഈ തെറ്റിദ്ധാരണ വലിയൊരു ദുരന്തത്തിന് വഴിതെളിച്ചു.

ഈ അപകടത്തിന് ശേഷം റെയിൽവേ അധികൃതർ വെള്ള വെളിച്ചത്തെ 'പോകാം' എന്ന സിഗ്നലിൽ നിന്ന് പൂർണ്ണമായും ഒഴിവാക്കി. കാരണം, ഏതെങ്കിലും കാരണവശാൽ സിഗ്നലിലെ നിറമുള്ള ചില്ലുകൾ പൊട്ടിയാൽ അത് വെള്ള വെളിച്ചമായി മാറുകയും ഡ്രൈവർക്ക് തെറ്റായ സന്ദേശം നൽകുകയും ചെയ്യും. ഈ സാഹചര്യത്തിലാണ് ഇന്നത്തെ രീതിയിലുള്ള മാറ്റം വന്നത്:

പച്ച (Green): സുരക്ഷിതമായി പോകാം (Go).
മഞ്ഞ (Yellow): ജാഗ്രത പാലിക്കുക (Caution).
ചുവപ്പ് (Red): നിർത്തുക (Stop).
ഇന്ന് പച്ച വെളിച്ചത്തിലെ ചില്ല് പൊട്ടിയാൽ പോലും അത് വെള്ള വെളിച്ചമായി മാറും. അപ്പോൾ ഡ്രൈവർക്ക് അത് നിലവിലുള്ള ഒരു സിഗ്നലല്ലെന്ന് പെട്ടെന്ന് മനസ്സിലാക്കാൻ സാധിക്കും. കാരണം ഇന്ന് വെള്ള വെളിച്ചം 'പോകാം' എന്ന അർത്ഥത്തിൽ ഒരിടത്തും ഉപയോഗിക്കുന്നില്ല.
***********
ശാസ്ത്രവും ചരിത്രവും കൈകോർത്തപ്പോൾ
************
പ്രകാശത്തിന്റെ തരംഗദൈർഘ്യം (Wavelength) കൂടി കണക്കിലെടുത്താണ് പിന്നീട് ചുവപ്പും പച്ചയും മഞ്ഞയും ലോകമെമ്പാടും സിഗ്നലുകൾക്കായി ഉറപ്പിച്ചത്. ചുവപ്പിന് തരംഗദൈർഘ്യം കൂടുതലായതിനാൽ മഴയിലും മഞ്ഞിലും ദൂരെ നിന്ന് തന്നെ അത് ശ്രദ്ധയിൽപ്പെടും. ഇന്നും സിനിമയിലും ജീവിതത്തിലും നാം ഉപയോഗിക്കുന്ന 'ഗ്രീൻ സിഗ്നൽ' എന്ന പ്രയോഗം ഈ റെയിൽവേ ചരിത്രത്തിന്റെ ബാക്കിപത്രമാണ്.

(വലിയശാല രാജു)

Virtual Library

16 ஏப்., 2026, 08:00 AM

📷 Photo

221

Virtual Library

16 ஏப்., 2026, 08:00 AM

സിനിമയ്ക്ക് പിന്നാലെ വന്ന 'ട്രെയിലർ'
എങ്ങനെ സിനിമ റിലീസ് ചെയ്യുന്നതിലും മുമ്പേയായി?
************
🖊️വലിയശാല രാജു

ഇന്നത്തെ കാലത്ത് ഒരു സിനിമ റിലീസ് ചെയ്യുന്നതിന് മാസങ്ങൾക്ക് മുൻപേ അതിന്റെ ആവേശം കൂട്ടാൻ എത്തുന്ന വീഡിയോ ദൃശ്യങ്ങളെയാണ് നമ്മൾ ട്രെയിലർ എന്ന് വിളിക്കുന്നത്. എന്നാൽ, വാക്കുകളുടെ അർത്ഥം പരിശോധിച്ചാൽ 'പിന്നാലെ വരുന്നത്' അല്ലെങ്കിൽ 'പിന്തുടരുന്നത്' എന്നാണ് 'ട്രെയിലർ' (Trailer) എന്ന വാക്കിനർത്ഥം. സിനിമയ്ക്ക് മുൻപേ കാണിക്കുന്ന ഒരു കാര്യത്തിന് എങ്ങനെ ഈ പേര് വന്നു എന്നത് കൗതുകകരമായ ഒരു ചരിത്രമാണ്.
*******
പേരിന് പിന്നിലെ ചരിത്രം
*********
1910-കളുടെ തുടക്കത്തിലാണ് സിനിമകളുടെ പ്രചാരണത്തിനായി ഇത്തരം ലഘുചിത്രങ്ങൾ പ്രദർശിപ്പിച്ചു തുടങ്ങിയത്. അക്കാലത്ത്, പ്രധാന സിനിമ (Feature Film) കഴിഞ്ഞതിന് ശേഷമായിരുന്നു വരാനിരിക്കുന്ന സിനിമകളുടെ ദൃശ്യങ്ങൾ കാണിച്ചിരുന്നത്. പ്രധാന സിനിമയ്ക്ക് പിന്നാലെ വരുന്നത് എന്ന അർത്ഥത്തിലാണ് ഇതിന് 'ട്രെയിലർ' എന്ന പേര് ലഭിച്ചത്. 1913-ൽ പുറത്തിറങ്ങിയ 'ദ പ്ലെഷർ സീക്കേഴ്‌സ്' (The Pleasure Seekers) എന്ന സംഗീത നാടകത്തിന്റെ പരസ്യമാണ് ഇത്തരത്തിൽ ആദ്യമായി പ്രദർശിപ്പിക്കപ്പെട്ട ട്രെയിലറുകളിൽ ഒന്ന്.
********
മാറ്റത്തിന്റെ കാരണം
*****
സിനിമ കഴിഞ്ഞാലുടൻ പ്രേക്ഷകർ തിയേറ്ററിൽ നിന്നും എഴുന്നേറ്റു പോകുന്നത് പതിവായതോടെ സിനിമാ പ്രദർശകർ ഒരു പ്രതിസന്ധിയിലായി. തങ്ങൾ കാണിക്കാൻ ഉദ്ദേശിക്കുന്ന വരാനിരിക്കുന്ന സിനിമകളുടെ പരസ്യം ആരും കാണുന്നില്ലെന്ന് അവർക്ക് മനസ്സിലായി. ഈ പ്രശ്നം പരിഹരിക്കാനായി, സിനിമയ്ക്ക് ശേഷം കാണിച്ചിരുന്ന ട്രെയിലറുകൾ സിനിമയ്ക്ക് മുൻപിലേക്ക് മാറ്റി പ്രതിഷ്ഠിച്ചു.
*********
പേര് മാറിയില്ല, ശീലം മാറി
*******
പ്രദർശന ക്രമം മാറിയെങ്കിലും 'ട്രെയിലർ' എന്ന പേര് ജനങ്ങൾക്കിടയിൽ അപ്പോഴേക്കും പരിചിതമായിക്കഴിഞ്ഞിരുന്നു. അതിനാൽ സിനിമയ്ക്ക് മുൻപാണ് കാണിക്കുന്നതെങ്കിലും പഴയ പേര് തന്നെ ഇന്നും തുടർന്നുപോരുന്നു. സിനിമയുടെ തുടക്കത്തിൽ കാണിക്കുന്നതുകൊണ്ട് ഇതിനെ 'പ്രിവ്യൂ' (Preview) എന്ന് വിളിക്കുന്നതാണ് കൂടുതൽ സാങ്കേതികമായി ശരിയെങ്കിലും, ലോകമെമ്പാടുമുള്ള സിനിമാപ്രേമികൾക്ക് ഇത് ഇന്നും പ്രിയപ്പെട്ട 'ട്രെയിലർ' തന്നെയാണ്.

ചുരുക്കത്തിൽ സിനിമയുടെ വാലായി (Tail) വന്ന ട്രെയിലറുകൾ ഇന്ന് സിനിമയുടെ മുഖമായി (Face) മാറിയിരിക്കുന്നു. അർത്ഥം മാറിയെങ്കിലും ആവേശം മാറാതെ ഈ പേര് ഇന്നും ചലച്ചിത്ര ലോകത്ത് നിലനിൽക്കുന്നു.

Virtual Library

16 ஏப்., 2026, 08:00 AM

📷 Photo

334

Virtual Library

16 ஏப்., 2026, 08:00 AM

അനശ്വരതയുടെ രഹസ്യവും പ്രകൃതിയിലെ 'ബെഞ്ചമിൻ ബട്ടണും'.

മരണം എന്നത് പ്രകൃതിയുടെ മാറ്റമില്ലാത്ത നിയമമാണെന്ന് നാം കരുതാറുണ്ട്. എന്നാൽ ഈ നിയമത്തെ വെല്ലുവിളിക്കുന്ന ഒരു കുഞ്ഞു ജീവി നമ്മുടെ സമുദ്രങ്ങളിലുണ്ട്—'ടൂറിറ്റോപ്സിസ് ഡോർണി' (Turritopsis dohrnii) എന്ന അനശ്വര ജെല്ലിഫിഷ്. പ്രായമായി മരിക്കാറാവുമ്പോഴോ അല്ലെങ്കിൽ അനുകൂലമല്ലാത്ത സാഹചര്യങ്ങൾ വരുമ്പോഴോ ഈ ജെല്ലിഫിഷ് തന്റെ പ്രായത്തെ പിന്നിലേക്ക് തിരിച്ചുവിടുന്നു. അതായത്, ഒരു മുതിർന്ന വ്യക്തി പെട്ടെന്ന് ഒരു കൊച്ചുകുട്ടിയായി മാറുന്നത് പോലെ! ശാസ്ത്രീയമായി ഇതിനെ 'ട്രാൻസ് ഡിഫറൻസിയേഷൻ' (Transdifferentiation) എന്നാണ് വിളിക്കുന്നത്. ഇതിലൂടെ ജെല്ലിഫിഷ് തന്റെ കോശങ്ങളെ പുനരുജ്ജീവിപ്പിച്ച് ജീവിതചക്രം വീണ്ടും ആദ്യം മുതൽ ആരംഭിക്കുന്നു. സൈദ്ധാന്തികമായി പറഞ്ഞാൽ, ഈ ജീവിക്ക് ഒരിക്കലും സ്വാഭാവിക മരണം സംഭവിക്കില്ല.

ഈ വിസ്മയത്തിന് പിന്നിലെ ശാസ്ത്രീയ രഹസ്യം നമ്മുടെ കോശങ്ങളുടെ പുനർനിർമ്മാണ ശേഷിയാണ്. ജെല്ലിഫിഷ് തന്റെ ശരീരത്തിലെ ഒരു പ്രത്യേക തരം കോശത്തെ മറ്റൊരു തരം കോശമാക്കി മാറ്റുന്നു. ഇത് ശാസ്ത്രലോകത്തെ ഞെട്ടിക്കുന്ന ഒരു നാടകമാണ്; കാരണം മനുഷ്യരിലെ ക്യാൻസർ പോലുള്ള രോഗങ്ങൾ ചികിത്സിക്കാനും വാർദ്ധക്യത്തെ തടയാനും ഈ 'സെല്ലുലാർ റീപ്രോഗ്രാമിംഗ്' (Cellular Reprogramming) സഹായിക്കുമെന്ന് ഗവേഷകർ കരുതുന്നു. പ്രകൃതി നമുക്ക് നൽകുന്ന സന്ദേശം ലളിതമാണ്—അനശ്വരത എന്നത് വെറുമൊരു കെട്ടുകഥയല്ല, മറിച്ച് കടലിന്റെ ആഴങ്ങളിൽ നിശബ്ദമായി നടന്നുകൊണ്ടിരിക്കുന്ന ഒരു ശാസ്ത്രസത്യമാണ്. നാം അവസാനമെന്ന് കരുതുന്നിടത്ത് നിന്നാണ് പ്രകൃതി പലപ്പോഴും പുതിയ തുടക്കങ്ങൾ കണ്ടെത്തുന്നത്.

249

Virtual Library

16 ஏப்., 2026, 08:00 AM

(9) ജീനുകളിലെ സ്വിച്ചുകളും പട്ടിണി കിടന്ന അമ്മമാരും
✍ Basheer Pengattiri

ഇതുവരെ നമ്മൾ സംസാരിച്ചുകൊണ്ടിരുന്നത് നമ്മുടെ ഡി.എൻ.എ സീക്വൻസുകളിൽ, അതായത് ജനിതക അക്ഷരങ്ങളിൽ വരുന്ന മാറ്റങ്ങളെക്കുറിച്ചായിരുന്നു. നമ്മുടെ ജീനുകളിൽ അക്ഷരത്തെറ്റുകൾ അഥവാ മ്യൂട്ടേഷനുകൾ സംഭവിക്കുമ്പോഴും അവയെ സ്വാഭാവിക നിർദ്ധാരണം തിരഞ്ഞെടുക്കുമ്പോഴുമാണ് പരിണാമം നടക്കുന്നത് എന്നാണല്ലോ നാം ഇതുവരെ മനസ്സിലാക്കിയത്. എന്നാൽ ആധുനിക ജീവശാസ്ത്രത്തിൽ അടുത്തിടെ സംഭവിച്ച ഏറ്റവും വലിയൊരു വിപ്ലവത്തെക്കുറിച്ചാണ് ഇന്ന് നമ്മൾ ചർച്ച ചെയ്യുന്നത്. ഡി.എൻ.എ-യിലെ അക്ഷരങ്ങൾക്കൊന്നും യാതൊരു മാറ്റവും വരാതെ തന്നെ, ജീനുകളുടെ പ്രവർത്തനത്തെ (Gene expression) നിയന്ത്രിക്കാൻ പാരിസ്ഥിതിക ഘടകങ്ങൾക്ക് കഴിയും എന്ന വലിയൊരു തിരിച്ചറിവിലേക്കാണ് ശാസ്ത്രലോകം എത്തിനിൽക്കുന്നത്. കേൾക്കുമ്പോൾ അവിശ്വസനീയമായി തോന്നാം. ഡി.എൻ.എ സീക്വൻസ് മാറാതെയുള്ള ഈ മാറ്റങ്ങളെ ശാസ്ത്രം വിളിക്കുന്ന പേരാണ് 'എപ്പിജനെറ്റിക്സ്' (Epigenetics). പരിണാമ ശാസ്ത്രത്തിലെ ഏറ്റവും പുതിയതും വിസ്മയകരവുമായ ഒരു ശാഖയാണിത്.

​ഇത് മനസ്സിലാക്കാൻ നമുക്കൊരു ഉദാഹരണം നോക്കാം. നമ്മുടെ ഡി.എൻ.എ-യെ ആയിരക്കണക്കിന് കീകൾ അഥവാ മീട്ടാനുള്ള ചിപ്പുകൾ ഉള്ള വലിയൊരു പിയാനോ ആയി സങ്കൽപ്പിക്കുക. ഈ പിയാനോയിലെ കീകൾ ഒരിക്കലും മാറുന്നില്ല. നാം ജനിക്കുമ്പോൾ കിട്ടുന്ന അതേ പിയാനോ തന്നെയാണ് മരണം വരെ നമ്മുടെ കൂടെയുള്ളത്. എന്നാൽ, ഏത് കീ എപ്പോൾ അമർത്തണം, എത്ര നേരം അമർത്തണം, ഏത് കീ അമർത്താതിരിക്കണം എന്ന് തീരുമാനിക്കുന്നത് ആ പിയാനോ വായിക്കുന്ന ആളാണ്. ഡി.എൻ.എ എന്ന പിയാനോ വായിക്കുന്ന ആ സംഗീതജ്ഞന്റെ പേരാണ് 'പരിസ്ഥിതി' അഥവാ നമ്മുടെ 'ജീവിത സാഹചര്യം'. നമ്മുടെ ചുറ്റുപാടുകൾ, നമ്മൾ അനുഭവിക്കുന്ന കടുത്ത മാനസിക സമ്മർദ്ദങ്ങൾ, നമ്മൾ കഴിക്കുന്ന ഭക്ഷണം, പട്ടിണി എന്നിവയെല്ലാം നമ്മുടെ ഡി.എൻ.എ-യിലെ ചില ജീനുകളെ 'സ്വിച്ച് ഓഫ്' ചെയ്യാനോ അല്ലെങ്കിൽ പുതിയവയെ 'സ്വിച്ച് ഓൺ' ചെയ്യാനോ കാരണമാകുന്നു. ജീനുകൾ അവിടെത്തന്നെയുണ്ട്, പക്ഷെ അവ പ്രവർത്തിക്കണമോ വേണ്ടയോ എന്ന് തീരുമാനിക്കുന്നത് ഈ അദൃശ്യമായ രാസസ്വിച്ചുകളാണ്. ജീനുകൾക്ക് മുകളിൽ വീഴുന്ന ഇത്തരം രാസപ്പൂട്ടുകളെ ശാസ്ത്രലോകം 'മെത്തിലേഷൻ' (Methylation) എന്നാണ് വിളിക്കുന്നത്.

​ജീനുകളിലെ ഈ രാസസ്വിച്ചുകൾ എങ്ങനെയാണ് തലമുറകളെ ബാധിക്കുന്നത് എന്നതിന് ചരിത്രത്തിൽ രേഖപ്പെടുത്തിയിട്ടുള്ള ഏറ്റവും വലിയ തെളിവ് കിടക്കുന്നത് രണ്ടാം ലോകമഹായുദ്ധകാലത്തെ യൂറോപ്പിലാണ്. 1944-ന്റെ അവസാന കാലഘട്ടം. നെതർലാൻഡ്സ് അഥവാ ഡച്ച് ജനത നാസികളുടെ ക്രൂരമായ അധിനിവേശത്തിന് കീഴിലാണ്. ശത്രുക്കളെ പട്ടിണിക്കിട്ട് കൊല്ലുക എന്ന ലക്ഷ്യത്തോടെ നാസി സൈന്യം നെതർലാൻഡ്സിലേക്കുള്ള ഭക്ഷണവിതരണം പൂർണ്ണമായും തടഞ്ഞു. അതികഠിനമായ തണുപ്പുകാലം കൂടിയായതോടെ ചരിത്രത്തിലെ ഏറ്റവും വലിയ ക്ഷാമങ്ങളിലൊന്നിന് ലോകം സാക്ഷിയായി. 'ഡച്ച് ഹംഗർ വിന്റർ' അഥവാ ഡച്ച് പട്ടിണിക്കാലം എന്നാണ് ആ ദുരന്തം അറിയപ്പെടുന്നത്. ആളുകൾ തിന്നാൻ ഒന്നുമില്ലാതെ തെരുവുകളിൽ മരിച്ചുവീണു. വിശപ്പടക്കാൻ ഗതിയില്ലാതെ അവർ കാട്ടുപുല്ലുകളും റ്റുലിപ് പൂക്കളുടെ വേരുകളും വരെ പറിച്ചുതിന്നു. ആ നരകതുല്യമായ സാഹചര്യത്തിലും ജീവൻ നിലനിർത്താൻ പാടുപെട്ടവരിൽ കുറെ ഗർഭിണികളായ അമ്മമാരുമുണ്ടായിരുന്നു. ദിവസങ്ങളോളം പട്ടിണികിടന്ന, എല്ലും തോലുമായ ആ അമ്മമാർ പൂർണ്ണ വളർച്ചയെത്താത്ത, ഭാരം വളരെ കുറഞ്ഞ കുഞ്ഞുങ്ങൾക്ക് ജന്മം നൽകി.

​യുദ്ധം കഴിഞ്ഞു, നാസികൾ പിൻവാങ്ങി. ക്രമേണ രാജ്യത്ത് സമാധാനം പുനഃസ്ഥാപിക്കപ്പെട്ടു, ഭക്ഷണലഭ്യത പഴയതുപോലെയായി. ആ പട്ടിണിക്കാലത്ത് ജനിച്ച കുട്ടികൾ ആവശ്യത്തിന് പോഷകാഹാരം കഴിച്ച് വളരെ സാധാരണമായ ചുറ്റുപാടിൽ വളർന്നു വലുതായി. എന്നാൽ പതിറ്റാണ്ടുകൾക്ക് ശേഷം അവരെ നിരീക്ഷിച്ച ഡോക്ടർമാർ ഞെട്ടിപ്പോയി. ആ തലമുറയിലെ ആളുകൾക്ക് അമിതവണ്ണം, പ്രമേഹം, ഹൃദ്രോഗങ്ങൾ, ഉയർന്ന കൊളസ്ട്രോൾ തുടങ്ങിയ മെറ്റബോളിക് അസുഖങ്ങൾ മറ്റ് സാധാരണക്കാരെ അപേക്ഷിച്ച് വളരെ കൂടുതലായി കാണപ്പെട്ടു. എന്തുകൊണ്ടാണ് ആവശ്യത്തിന് ഭക്ഷണം ലഭിച്ചിട്ടും ഇവരുടെ ശരീരം ഇങ്ങനെ പ്രതികരിക്കുന്നത് എന്ന ചോദ്യത്തിന് ഉത്തരം നൽകിയത് എപ്പിജനെറ്റിക്സ് ആണ്. ആ കുട്ടികൾ അമ്മയുടെ ഗർഭപാത്രത്തിൽ ആയിരുന്നപ്പോൾ, അമ്മ നേരിട്ട കടുത്ത പട്ടിണി ഭ്രൂണത്തിന്റെ വളർച്ചാ സാഹചര്യങ്ങളെ അടിസ്ഥാനപരമായി മാറ്റിമറിച്ചിരുന്നു. പുറത്തെ കൊടിയ ക്ഷാമത്തോട് ബോധപൂർവ്വം പ്രതികരിക്കുക എന്ന ലക്ഷ്യത്തോടെ നടന്ന ഒരു പദ്ധതിയല്ല ഇത്. മറിച്ച്, പോഷകാഹാരക്കുറവ് മൂലം അമ്മയുടെ ശരീരത്തിലുണ്ടായ തീവ്രമായ രാസമാറ്റങ്ങൾ, ഭ്രൂണത്തിലെ ഡി.എൻ.എ-യിൽ അന്ധമായി ചില മാറ്റങ്ങൾ സൃഷ്ടിച്ചു. തങ്ങളുടെ മെറ്റബോളിസത്തെ നിയന്ത്രിക്കുന്ന ജീനുകളെ സ്വിച്ച് ഓഫ് ചെയ്യാനും, ലഭിക്കുന്ന ഓരോ തരി ഊർജ്ജവും കൊഴുപ്പായി ശേഖരിച്ചുവെക്കാനുള്ള ജീനുകളെ സ്വിച്ച് ഓൺ ചെയ്യാനും ഈ സാഹചര്യം കാരണമായി.

Virtual Library

16 ஏப்., 2026, 08:00 AM

​ജനിച്ചതിന് ശേഷം അവർക്ക് സമൃദ്ധമായി ഭക്ഷണം ലഭിച്ചെങ്കിലും, ഗർഭപാത്രത്തിൽ വെച്ച് പാരിസ്ഥിതിക സമ്മർദ്ദത്താൽ വീണുപോയ ആ രാസസ്വിച്ച് പിന്നെ ഒരിക്കലും ഓഫ് ആയില്ല. പട്ടിണി എന്ന സാഹചര്യത്തോട് ശരീരം നടത്തിയ ഈ സ്വാഭാവിക എപ്പിജനെറ്റിക് പ്രതികരണം, ഭക്ഷണം സമൃദ്ധമായ കാലത്ത് അവർക്ക് ഒരു ശാപമായി മാറി. അവരുടെ ശരീരം എപ്പോഴും ഒരു പട്ടിണിക്കാലത്തെ നേരിടാൻ വേണ്ടി കൊഴുപ്പ് ശേഖരിച്ചുകൊണ്ടേയിരുന്നു. എന്നാൽ ഇതിലും ഭയാനകമായ, ശാസ്ത്രത്തെ ഒന്നടങ്കം അത്ഭുതപ്പെടുത്തിയ മറ്റൊരു കണ്ടെത്തൽ കൂടിയുണ്ടായിരുന്നു. ഈ കുട്ടികൾ വളർന്നു വലുതായി അവർക്ക് ജനിച്ച മക്കളിലും, അതായത് പട്ടിണി കിടന്ന ആ അമ്മമാരുടെ പേരക്കുട്ടികളിലും ഇതേ മെറ്റബോളിക് രോഗങ്ങൾ വ്യാപകമായി കണ്ടു! തങ്ങൾ ഒരിക്കൽപോലും അനുഭവിക്കാത്ത, തങ്ങളുടെ മുത്തശ്ശിമാർ അനുഭവിച്ച ഒരു കൊടിയ പട്ടിണിയുടെയും ദുരിതത്തിന്റെയും രാസ അടയാളങ്ങൾ ആ പേരക്കുട്ടികളുടെ ജീനുകളിൽ യാതൊരു മാറ്റവുമില്ലാതെ പതിഞ്ഞുകിടപ്പുണ്ടായിരുന്നു. ജീവിതസാഹചര്യങ്ങൾ ജീനുകളുടെ പ്രവർത്തനത്തിൽ വരുത്തുന്ന മാറ്റങ്ങൾ തലമുറകളിലേക്ക് കൃത്യമായി കൈമാറ്റം ചെയ്യപ്പെടുന്നു എന്നതിന്റെ ഏറ്റവും വലിയ തെളിവായിരുന്നു അത്.

​മനുഷ്യപരിണാമം എന്നത് ലക്ഷക്കണക്കിന് വർഷങ്ങൾ എടുക്കുന്ന വെറുമൊരു മ്യൂട്ടേഷൻ മാത്രമല്ല എന്ന് ഈ സംഭവങ്ങൾ നമ്മെ പഠിപ്പിക്കുന്നു. പരിസ്ഥിതിക്ക് നമ്മുടെ ജീനുകളുമായി നാം കരുതുന്നതിലും ആഴത്തിലുള്ള ബന്ധമുണ്ട്. നമ്മൾ കഴിക്കുന്ന ഭക്ഷണം, നമ്മുടെ ശീലങ്ങൾ, നമ്മൾ അനുഭവിക്കുന്ന കടുത്ത മാനസിക സമ്മർദ്ദങ്ങൾ എന്നിവയെല്ലാം നമ്മുടെ കോശങ്ങളിലെ ജീനുകളിൽ നിരന്തരം രാസസ്വിച്ചുകൾ ഇട്ടുകൊണ്ടിരിക്കുകയാണ്. നാം ജീവിക്കുന്ന സാഹചര്യങ്ങൾ നമ്മുടെ ഡി.എൻ.എ ഘടനയെ (Sequence) മാറ്റുന്നില്ലെങ്കിലും, നമ്മുടെ വരുംതലമുറകളുടെ ജനിതക പ്രകടനത്തെ (Gene expression) അത് സാരമായി സ്വാധീനിക്കുന്നു എന്ന തിരിച്ചറിവ് പരിണാമശാസ്ത്രത്തെ മറ്റൊരു തലത്തിലേക്ക് ഉയർത്തുകയാണ്. വർത്തമാനകാലത്ത് മനുഷ്യൻ അനുഭവിക്കുന്ന സാഹചര്യങ്ങളെല്ലാം അവന്റെ ഭാവിയിലേക്കുള്ള അദൃശ്യമായ ചൂണ്ടുപലകകളാണ്.

Virtual Library 📚

Showing 30 of 30 posts

No more posts

மதிப்பீடு

உள்நுழைவு தேவை

பயனர் மதிப்புரைகள் (0)

மதிப்புரைகள் எதுவும் இன்னும் இல்லை. உங்கள் கருத்தைப் பகிரும் முதல் நபராக இருங்கள்!

தொடர்புடைய டெலிகிராம் சேனல்கள்

Loading recommended channels...

Virtual Library

Virtual Library

தரவரிசை

சந்தாதாரர் வளர்ச்சி (கடந்த 10 நாட்கள்)

சமீபத்திய இடுகைகள்

மதிப்பீடு

பயனர் மதிப்புரைகள் (0)

தொடர்புடைய டெலிகிராம் சேனல்கள்

𝑴𝒚 𝑬𝒓𝒓𝒐𝒓 (𝑨𝒍𝒍 𝑴𝒐𝒗𝒊𝒆)

𝒂𝒓𝒕𝒊𝒔𝒕 𝒔𝒆𝒓𝒗𝒊𝒄𝒆𝒔 𝒄𝒐𝒏𝒇𝒆𝒔𝒔𝒊𝒐𝒏𝒔

𓊆ː͟ ̅͟ː ̅͟𓊈 ⁠⁠⁠⁠ ̅͟+ ̅𓊉ː͟ ̅ː̅͟𓊇

ⲙⲩ ⲓⲛϝⲟ

msh ph

🔗 அநஂதரஙஂக லிஙஂகஂ 🔗

Imthadh Ansar A/L Biology-Tamil

Chemistry with Nipun 🔴

தொடர்புடைய டெலிகிராம் சேனல்கள்

𝑴𝒚 𝑬𝒓𝒓𝒐𝒓 (𝑨𝒍𝒍 𝑴𝒐𝒗𝒊𝒆)

𝒂𝒓𝒕𝒊𝒔𝒕 𝒔𝒆𝒓𝒗𝒊𝒄𝒆𝒔 𝒄𝒐𝒏𝒇𝒆𝒔𝒔𝒊𝒐𝒏𝒔

𓊆ː͟ ̅͟ː ̅͟𓊈 ⁠⁠⁠⁠ ̅͟+ ̅𓊉ː͟ ̅ː̅͟𓊇

ⲙⲩ ⲓⲛϝⲟ

msh ph

🔗 அநஂதரஙஂக லிஙஂகஂ 🔗

Imthadh Ansar A/L Biology-Tamil

Chemistry with Nipun 🔴

பயனர் மதிப்புரைகள் (0)

சமீபத்திய இடுகைகள்