Tamil Stories தமிழ் கதைகள்

Public

சேனலைப் பார்

1.4K

2.9K

1.5K

சேர முடியவில்லையா? @tamilstory

5.6k உறுப்பினர்

புதுப்பிக்கப்பட்டது: April 12, 2026 at 1:13 PM

About Tamil Stories தமிழ் கதைகள் – உத்வேகம் தரும் மேற்கோள்கள் Telegram Channel

தன்னம்பிக்கை நம்பிக்கை சிறுகதை குட்டிக்கதை நகைச்சுவை ஞானம் மகிழ்ச்சி மனஅமைதி நீதி கருத்து எண்ணம் வாழ்க்கை புன்னகை அன்பு மனஉறுதி விடாமுயற்சி மாற்றம் உற்சாகம் Tamil spiritual Humor positive Change Bliss Fun Peace Thoughts Feelgood Smile short story

@tamilstory is a dedicated channel for tamil and positive with regular updates in உத்வேகம் தரும் மேற்கோள்கள்

தரவரிசை

உலகளாவிய தரவரிசை

#456

மொழி தரவரிசை

#45

வகை தரவரிசை

#23

-1

சந்தாதாரர் வளர்ச்சி (கடந்த 2 நாட்கள்)

மொத்தம்: 5.6K

24h வளர்ச்சி: -11 0%

சமீபத்திய இடுகைகள்

Tamil Stories தமிழ் கதைகள்

8 ஏப்., 2026, 12:40 PM

கதை #989
வெறுமே மன்னிப்பு
அந்த வீட்டில் ஒரு பிறந்தநாள் கொண்டாட்டம். வீட்டு வேலை செய்யும் 60 வயது பெண்மணி, அந்த வீட்டுக்காக உற்சாகமாக உழைத்தார். விருந்துக்கு வருபவர்களுக்காக ஒற்றை ஆளாய் நின்று ஏராளமான சப்பாத்திகளை தேய்த்து சுட்டுக் கொடுத்தார். அந்தக் குடும்பத்துக்கு மிகுந்த மகிழ்ச்சி.
வேலைகளை முடித்துவிட்டு, வீட்டுக்குச் சென்று குளித்துவிட்டு நல்ல சேலை அணிந்து வருவதாகக் கூறிச் சென்றார். வீடு சென்று குளித்து தன்னிடம் இருப்பதில் நல்ல சேலையை எடுத்துக் கட்டிக் கொண்டார். பூ வைத்துக் கொண்டார். மகன் வைத்திருந்த வாசனை திரவியத்தை போட்டுக் கொண்டார். உற்சாகமாய் நடந்து வந்தார்.
அந்த சிறிய சாலையில் ஓரமாக நின்றிருந்த ஒரு காரைக் கடக்கும்போது அவர்மீது ஏதோ பட்டது. திரும்பிப் பார்த்தால் சிறுவன் ஒருவன் பாக்கை மென்று காருக்கு வெளியே துப்பிக் கொண்டிருந்தான். அது இவர் மேல் பட்டது. கையிலும் ப்ளவுஸிலும் பட்டுவிட்டது.
“ஏன் இப்படிச் செய்தாய்?” என்று சலித்துக் கொண்டார்.
சிறுவன் பதறிவிட்டான். “பாட்டி! சாரி பாட்டி, நான் கவனிக்கலை.”
“உன் அப்பா அம்மா யாருமில்லையா?”
“அப்பா அருகில் உள்ள கடைக்குச் சென்றிருக்கிறார்.”
“சரி, கவனமாய் இரு. இப்படி அடுத்தவரை தொந்தரவு செய்யாதே. பொது இடங்களில் எதையும் துப்பாமல் கவனமாக இரு” என்று சொல்லிவிட்டு நடந்தார்.
ஒரு நிமிடத்தில், “அம்மா, நில்லுங்கம்மா” என்ற குரல் கேட்டது. திரும்பிப் பார்த்தால், இவர்மீது தெரியாமல் துப்பிய சிறுவனும், அவன் அப்பாவும் ஓடி வந்து கொண்டிருந்தார்கள். நின்றார். அருகில் வந்ததும், “அம்மா! நான்தான் இந்தப் பையனோட அப்பா. என் பையன் உங்க மேல துப்பிட்டான்னு சொன்னான். அதான் ஓடிவந்தேன்.”
“பரவாயில்லைங்க! அவன் தெரியாமதானே செய்தான்.”
“இல்லம்மா! அவன் தெரியாம செய்திருக்கலாம். அதுக்கு மன்னிப்பும் கேட்டிருக்கலாம். ஆனா ஒரு தப்பை செய்துட்டு அதை நிவர்த்தி பண்ற வழி இருந்தும், சரி செய்யாம வெறுமே மன்னிப்பு கேக்கிறது சரியில்லைம்மா. அதை அவனுக்குப் புரிய வைக்கத்தான் கூட்டி வந்தேன்.” இப்போது அந்த சிறுவன் தன் கையில் இருந்த தண்ணீர் பாட்டிலை எடுத்தான். அப்பெண்மணியின் கையில் ஊற்றினான். தேய்த்து கழுவினான். இன்னும் கொஞ்சம் நீரை விட்டு அவர் கையையும் உடையையும் சுத்தமாக்கினான். சுத்தம் செய்ததும், அவன் அப்பா கையில் தயாராய் வைத்திருந்த டவலைக் கொடுத்தார். பெண்மணி துடைத்துக் கொண்டார்.
“என் பையன் செய்ததுக்கு இன்னொரு தடவை மன்னிப்பு கேட்டுக்கிறேன்மா” என்றார் அந்த அப்பா. வசதியாக இருந்தாலும், அவர்கள் திமிராக நடக்காமல் பணிவு காட்டியதைப் பார்த்து வணங்கினார் அந்தப் பெண்மணி. பிறகு பிறந்த நாள் விழாவுக்கு அவசரமாக நடை போட்டார். விழா ஏற்பாடு நடந்து கொண்டிருக்கும்போது திடீரென்று அந்த வீட்டுக்காரர், “எங்க முதலாளி வந்துட்டாரு” என்று வாசலுக்கு ஓடினார்.
தனக்கு சம்பளம் தரும் முதலாளிக்கு சம்பளம் தரும் முதலாளியைப் பார்க்க ஆர்வமுடன் வாசலை எட்டிப் பார்த்தார் பெண்மணி. அவர் வேறு யாருமல்ல, தன் மீது துப்பிய மகனை தண்ணீர் விட்டு துடைக்க வைத்து தனக்கு துண்டும் கொடுத்த நபர்தான் வந்து கொண்டிருந்தார். “அவர்தான் முதலாளியா” என்று ஆச்சர்யப்பட்டார்.
“எவ்வளவு பெரிய மனிதராக இருந்தாலும் எப்படி பிறரை மதித்து நடக்கிறார்” என்று நெகிழ்ந்தார். “இப்படி பிறர் மனதைப் புரிந்து நடப்பதால்தான் வாழ்க்கையில் இவ்வளவு பெரிய இடத்துக்கு முன்னேறி இருக்கிறார்” என்றும் நினைத்துக் கொண்டார்.

1,040

Tamil Stories தமிழ் கதைகள்

8 ஏப்., 2026, 12:40 PM

கதை #987
தப்பிப்பதற்கு என்ன வழி.?
ஒரு திருடனின் மகன், அவன் தந்தையிடம் தனக்கும் திருடுவதில் உள்ள ரகசியங்களைக் கற்று தரும்படிக் கேட்டான். அவனுடைய தந்தையும் அதற்கு ஒப்புக்கொண்டு அன்று இரவு ஒரு பெரிய மாளிகைக்குத் திருடுவதற்காக அவனை அழைத்துச் சென்றான். அந்த வீட்டில் குடும்பத்தினர் அனைவரும் உறங்கி கொண்டிருக்கையில், திருடன் அவன் மகனைத் துணிகள் நிறைந்த அறைக்குள் அழைத்துச் சென்றான். மகனிடம் அங்குள்ள துணிகளைத் திருடச் சொன்னான்.
அவனுடைய மகனும் தந்தையின் சொற்படி அங்கிருந்த துணிகளை எடுத்துக் கொண்டிருந்தான். அப்போது அந்தச் சிறுவனின் தந்தை மெதுவாக அறையின் வெளியே வந்து, பின் அவனை உள்ளே வைத்துப் பூட்டினான். பின்பு வீட்டில் உள்ளோரை எழுப்புவதற்காக, அந்த வீட்டின் வெளிப்புறம் வந்து கதவைத் தட்டிவிட்டு, வேகமாகத் தப்பி வீட்டிற்கு ஓடிவிட்டான்.
சிறிது நேரம் கழித்து, அவனது மகனும் வீடு திரும்பினான். பிறகு அழுது கொண்டே அவனுடைய தந்தையிடம், "அப்பா ஏன் அப்படிச் செய்தீர்கள்? நான் எதையும் திருடவில்லை, தப்பிப்பதற்கு என்ன வழி? என்று என் புத்திக் கூர்மையைச் செயல் படுத்துவதிலேயே நேரம் அனைத்தும் போயிற்று" என்று கதறி அழுதான்.
அவனது தந்தையும் சிரித்து கொண்டே, "மகனே, நீ கொள்ளைக்கலையில் முதல் பாடத்தைக் கற்று கொண்டாய்" என்று கூறினான்.
பயம் கொண்ட நிலையில், எவரொருவரும் செய்ய முடியாத காரியங்களையும் அவர்கள் தங்கள் வலிமை கொண்டு செய்து முடிப்பர். ஒருவரின் சொந்த அனுபவத்தினால் மட்டுமே எந்த ஒரு கடினமான செயலையும் எளிதில் செய்யக் கற்று கொள்ள முடியும்

1,070

Tamil Stories தமிழ் கதைகள்

8 ஏப்., 2026, 12:40 PM

கதை #988
ராஜாகிட்ட கதை சொல்லலாம்
ராஜா ஒருத்தர் இருந்தாரு. அவருக்கு கதை கேட்பது ரொம்ப பிடிக்கும். நாட்டு மக்கள் அவர்கிட்ட தினமும் புதுசு புதுசா கதை சொல்லிகிட்டே இருப்பாங்க. ராஜா அவங்ககிட்ட அப்புறம் என்னாச்சு? கதை அவ்ளோதானா? வேற கதை சொல்லுங்கன்னு கேட்டுகிட்டே இருந்தாரு! யாராலையும் மன்னரின் கதைப்பசிக்கு தீனி போட முடியல.
அரசருக்கு நாட்டுல கதை சொல்றவங்க குறைஞ்சிட்டாங்களோன்னு எண்ணம் வந்துருச்சி! அதனால ஒரு அறிவிப்பு வெளியிட்டார். யார் வேணுமுனாலும் ராஜாகிட்ட வந்து கதை சொல்லலாம். ராஜா எப்போ போதும் கதை சொல்றது நிறுத்துன்னு சொல்றாரோ அதுவரைக்கும் அவங்க விடாம கதை சொல்லணும். அப்படி கதை சொல்றவங்களுக்கு 1000 தங்க நாணயங்களை வெகுமதி தர்றதா அறிவிச்சார் ராஜா.
பல பேர் மன்னர்க்கிட்ட கதை சொன்னாங்க ஆனா யார்கிட்டயும் ராஜா கதை சொல்றது போதும்ன்னு சொல்லவேயில்லை. இன்னும் சொல்லு! அடுத்தது என்ன? ன்னு கேட்டுகிட்டே இருந்தாரு! கதை சொல்றவங்களோட முயற்சி தோல்வியிலதான் முடிஞ்சது.
ஒரு நாள் காலையில ஒரு விவசாயி ராஜாகிட்ட வந்து மன்னர் தன்னை நிறுத்துன்னு சொல்றவரைக்கும் நான் ஒரு கதை சொல்வேன்னு சொன்னார். மன்னரும் சரின்னு சொல்லிட்டு கதை கேட்க உட்கார்ந்தார். விவசாயி கதை சொல்ல ஆரம்பிச்சார்.
ஒரு காலத்துல ஒரு பெரிய வேட்டைக்காரன் இருந்தான். அவன்கிட்ட ஒரு பெரிய வலை இருந்தது. அவன் ஒரு பெரிய காட்டுக்குப் போயி அந்த வலையை விரிச்சான். மதியத்துலயே லட்சக்கணக்கான பறவைகள் அவன் விரிச்ச வலையில சிக்கிருச்சி. ஆனா அதிர்ஷ்டவசமா அந்த வலையில ஒரு சின்ன துளை இருந்தது. சிறகடிச்சு முதல் பறவை தப்பிச்சிருச்சு.
அப்புறம் என்னாச்சு? கேட்டார் ராஜா. சிறகடிச்சு இரண்டாவது பறவை தப்பிச்சிருச்சி! பிறகு? ன்னு கேட்டார் அரசர். சிறகடிச்சு மற்றொரு பறவை பறந்து சென்றதுன்னாரு விவசாயி! இப்படியே விவசாயி கதையை தொடர்ந்தார். ராஜா கேட்டுகிட்டே இருந்தாரு! விவசாயியும் மற்றொரு பறவை பறந்ததுன்னு சொல்லிகிட்டே இருந்தாரு! லட்சம் பறவைகள் பறக்கிற வரைக்கும் விவசாயி இப்படியே தான் சொல்லிகிட்டே இருப்பாருன்னு புரிஞ்சிருச்சி மன்னருக்கு. இறுதியா ராஜா விவசாயியை கதை சொல்றது நிறுத்துன்னு சொல்லி 1000 தங்க நாணயங்கள் பரிசா கொடுத்தார். மன்னர் அப்புறம் ஒருபோதும் இந்த மாதிரி சவாலை முன்வெக்கல!

Tamil Stories தமிழ் கதைகள்

8 ஏப்., 2026, 12:40 PM

கதை 984
கடவுள் புகைப்படம் எடுக்கிறார்
ஒரு சிறுமி தினமும் பள்ளிக்கு நடந்து சென்று வந்தாள். அன்று காலை வானிலை கேள்விக்குறியாக இருந்த போதிலும், மேகமூட்டமாக இருந்த போதிலும், அவள் ஆரம்பப் பள்ளிக்கு செல்லத் தொடங்கினாள். மதிய வேளையில், இடி மின்னலுடன் காற்று வீசியது.
புயலால் தன் மகள் பயந்துவிடுவாளோ அல்லது காயமடைவாளோ என்று கவலைப்பட்ட குழந்தையின் தாய், தன் காரில் ஏறி, பள்ளிக்கு செல்லும் வழியில் சென்றார்.
அவள் அவ்வழியில் செல்லும் போது, அவளுடைய சிறிய மகள் மகிழ்ச்சியுடன் நடப்பதைக் கண்டாள்; ஆனால் ஒவ்வொரு மின்னலின் போதும் அந்த குழந்தை நின்று, நிமிர்ந்து பார்த்து, சிரித்தாள்.
காரை நிறுத்திய தாய், குழந்தையை தன்னுடன் ஏறுமாறு அழைத்தாள். அவர்கள் பள்ளியை நோக்கிச் செல்லும் போது, அந்த குழந்தை ஒவ்வொரு மின்னலையும் நோக்கி மறுபடியும் புன்னகைத்தாள்.
தாய் தன் குழந்தையை நோக்கி, “நீ என்ன செய்கிறாய்?” என்று கேட்டாள்.
அதற்கு குழந்தை, “கடவுள் என்னை புகைப்படத்தை எடுப்பதால், நான் புன்னகை புரிகிறேன்” என்றாள்

2,000

Tamil Stories தமிழ் கதைகள்

8 ஏப்., 2026, 12:40 PM

கதை 985
நீங்களும் கோடீஸ்வரர் ஆகலாம்
இளைஞன் ஒருவன் பெரும் சோம்பேறி. அவன் கல்வியறிவு சிறிதே உடையவன். ஆனால் உலகறிவு கொண்டவன். ஓய்வெடுக்கும் வயதிலும் உழைக்கும் இளைஞனின் தாய் தந்தையர் வயதானவர்கள். இவனது சோம்பேறி தனத்தை போக்க நினைத்த தாய் தந்தையர் இளைஞனிடம் வந்து நீ உனக்கென்று ஒரு தொழிலை தேடி உழைத்து வாழ வேண்டும் இல்லையெனில் சொத்தில் உனக்கு பங்கு கிடையாது என்று கூறினர்.
இளைஞனும் நான் விரைவாக எனக்கென்று ஒரு தொழிலை அமைத்து கொண்டு வருகிறேன் என்று கூறி வீட்டை விட்டு வெளியே வந்து விட்டான். இளைஞன் பல இடங்களில் வேலை தேடினான். சில இடங்களில் வேலை கிடைத்தது இவனது சோம்பேறி தனத்தை பொருக்க முடியாமல் அனைவருமே இளைஞனை வேலையில் சேர்த்தே நாளே வேலையை விட்டு அனுப்பி விட்டனர். பல இடங்களில் முயன்றும் இதே நிலை தான்.
அப்பொழுது தான் இளைஞனின் உள்ளத்தில் ஒரு யோசனை கிட்டியது. சுற்றுலா பயணிகள் அதிகம் வந்து செல்லும் ஒரு இடத்தில் ஒரு தொட்டி அளவிற்கு குழி தோண்டி அதில் முழுவதும் தண்ணீர் நிரப்பி அதன் அருகில் பெரிய பலகையில் இது ஒரு மந்திர கிணறு இந்த கிணற்றினுள் ஒரு ரூபாய் போட்டு நீங்கள் எது வேண்டினாலும் அது கூடிய விரைவில் நிறைவேறும் என்று அந்த பலகையில் எழுதி வைத்து விட்டு அதனருகிலே மறைவாக அதை கண்கானித்த படியே இருந்தான்.
அங்கு வந்து செல்பவர்களில் நம்பிக்கை உடையவர்கள் அந்த கிணற்றில் ஒரு ரூபாய் போட்டு வேண்டினர். இதில் நம்பிக்கை இல்லாதவர்களும் ஒரு ரூபாய் தானே போட்டு தான் பார்ப்போம் வேண்டியது நிறைவேறினால் அது சந்தோசம் இல்லைையெனில் ஒரு ரூபாய் தானே போனால் போகட்டும் என்று அனைவரும் அதில் ஒரு ரூபாய் போட்டு வேண்டி சென்றனர். இளைஞன் காலை முதல் இரவு வரை அந்த கிணற்றையே கண்காணித்து விட்டு இரவானதும் அதில் இருக்கிற காசுகளை சேகரிப்பதும் என இப்படியே நாட்கள் ஓடியது. சில மாதங்களிலேயே இளைஞன் பல ஆயிரம் ரூபாய்க்கு சொந்தக் காரன் ஆனான். ஒரு சில வருடத்திலேயே லட்சாதிபதி ஆனான். அந்த பணத்தை வைத்து சொந்தமாக பல தொழிலை தொடங்கினான் சில வருடம் கழித்து பல கோடிகளுக்கு அதிபதியானான்
ஒரு ரூபாய் ஆனாலும் அது கோடியில் ஒன்று. அது பல கோடிகளை சேர்க்க வல்லது

Tamil Stories தமிழ் கதைகள்

8 ஏப்., 2026, 12:40 PM

கதை #986
எதுக்கு இதெல்லாம்
ஒருவன் மீன் வாங்க மீன் சந்தைக்கு போனான். அவனும் ஒரு மீனை பிடிகிறவன் பிடித்த மீனை சந்தையில விக்கிறவன் தான். இன்னொரு மீன் வியாபாரி கிட்ட சொல்றான். இந்த மீன் நல்லா இருக்கு. பிரமாதமா இருக்கு. என்ன விலைக்கு கொடுப்பே?” ன்னு கேட்டான்.
அவன் ஒரு விலை சொல்றான். இவனும் மீன் வியாபாரி தான். இவனுக்கு தெரியும் என்ன விலை? என்று கூட “நீ அதிகமா விலை கேட்கிற இருந்தாலும் பரவில்லை! மீன் வாங்குறேன். ஆனா எனக்கு நீ உதவி செய்யணும்!” என்னன்னு கேட்டான்.
“நான் என் கையால எடுத்துட்டு பையில போட மாட்டேன். நான் தள்ளி நிற்பேன்! நீ என்ன பண்றன்னா நீ ஒவ்வொரு மீனா தூக்கி போடணும் நான் அதைப் பிடிச்சு பையில வச்சு கிளம்பிடுவேன்’ சொன்னான். ஏன்னு கேட்டான் வியாபாரி
வாங்குறவன் சொன்னான்.”வீட்டுக்கு போனா என் மனைவி நீ மீன் பிடிச்சியா? உன் கையால மீன் பிடிச்சியா? அப்படின்னு கேள்வி கேட்பாள். அதுக்கு தான் இப்படி பண்றேன்னு சொன்னான்! எனக்கு பொய் சொல்ல விருப்பமில்லை! அதனால தான் நீ தூக்கிப்போட்ட., நான் பிடித்து விடுவேன்! என் கையால பிடிச்ச மாதிரி ஆச்சு!
அதுக்கு வியாபாரி சொன்னான். எதுக்கு இதெல்லாம்? உனக்கு திறமை இருந்துச்சுன்னா! தூண்டில் போட்டு பிடி! இல்லைன்னா தெம்பு இருந்தா கடலோ அத்துலையோ படகு கொண்டு போயிட்டு வலை போட்டு மீன் பிடி! நீ தெம்பும் திறமை உள்ளவன் மாதிரி அடுத்தவங்களை ஏமாற்றுவதில் என்ன நன்மை இருக்கு”
நீங்க வருத்தப்படாதீங்க! பெரிய கஷ்டம் என்னன்னா உண்மையான புகழ் திறமை தகுதி இல்லாத பல பேர் மத்தவங்க ஏற்றுக்கொள்ளும்படி என்னென்ன செய்யமுடியுமோ. அத்தனையும் பண்றாங்க சினிமா, போட்டோ வீடியோ எல்லாம் எடுத்து போடுறாங்க புத்தகம் நியூஸ் பேப்பர்ல காசு கொடுத்து எழுதி வைக்கிறாங்க அதே மாதிரி தான் இதுவும் அப்படின்னு சொன்னான் அந்த வாங்குறவன்.

1,170

Tamil Stories தமிழ் கதைகள்

8 ஏப்., 2026, 12:40 PM

கதை 982
புத்திசாலித்தனம்

ஒரு நாள் குருவிடம் சீடர் ஒருவர், ”ஐயனே, அறிவுக்கும் புத்திசாலித்தனத்துக்கும் என்ன வேறுபாடு?” என்று கேட்டார். உடனே அவர், ”அதோ இருக்கிறாரே ஒரு கிழவர், அவரிடம் சென்று இங்கிருந்து கிராமத்துக்குப் போய்ச் சேர எவ்வளவு நேரமாகும் என்று கேட்டு வா!” என்றார்.

சீடரும் அந்தக் கிழவரிடம் சென்று அவ்வாறே கேட்டார். அவர் பதிலேதும் கூறவில்லை. திரும்பத் திரும்பக் கேட்டார். பலன் இல்லை. கிழவருக்குப் புத்திசுவாதீனம் இல்லையோ என்று நினைத்து, வந்த வழியே திரும்பிச் சில அடிகள் எடுத்து வைத்தார் அந்தச் சீடர்.

உடனே கிழவர் அவரை அழைத்து, ”நீ பத்து நிமிடங்களில் கிராமத்தை அடையலாம்!” என்றார்.

“நீங்கள் ஏன் இந்தப் பதிலை நான் கேட்டவுடன் கூறவில்லை?” என்று சந்தேகத்துடன் கேட்டார் சீடர்.

“நீ எவ்வளவு வேகமாக நடக்கிறாய் என்பதைப் பார்க்காமல் எப்படியப்பா, நீ கிராமத்தை எவ்வளவு நேரத்தில் அடைவாய் என்பதைக் கூற முடியும்?” என்று திருப்பிக் கேட்டார் அந்தக் கிழவர்.

சீடர் வியப்பும் மரியாதையுமாக குருவிடம் வந்து நடந்ததைக் கூறியதும் குரு ”அதற்குப் பெயர்தான் புத்திசாலித்தனம்!” என்றார்.

5,760

Tamil Stories தமிழ் கதைகள்

8 ஏப்., 2026, 12:40 PM

கதை 983
கடவுள் பார்த்துக்கொள்வார்

ஒரு ஆறு வயது சிறுமியும் தன் தாயாருடன் கடைக்கு சென்று பொருட்களை வாங்கி வந்தார்கள். வரும்போது மழை பலமாகப் பெய்து கொண்டிருந்தது. ஒரு கடைக்கு முன்புறம் உள்ள இடத்தில் ஒரு சிலர் ஒதுங்கி நின்றனர். தாயும் சிறுமியும் அவர்களோடு ஒதுங்கி நின்றனர்

சிலர் பொறுமையுடனும், மற்றும் சிலர் கோபத்துடனும் இயற்கையை சபித்துக் கொண்டிருந்தனர். அந்த சிறுமிக்கு மழை என்றால் மிகவும் பிடிக்கும். மெய்மறந்து மழையின் சத்தத்தை அனுபவித்துக் கொண்டு, இயற்கையின் அழகை பார்த்துக் கொண்டிருந்தாள்.

சிறுமி அவள் அம்மாவிடம் “நாம் மழையில் ஓடிப் போகலாமா?” எனக் கேட்டுக் கொண்டிருந்தாள். அதற்கு “வேண்டாம், மழை சற்றுக் குறைந்த பிறகு போகலாம்” என்று அம்மா கூறினாள். ஒரு வினாடி ஆலோசித்த பிறகு மறுபடியும் சிறுமி தன் விருப்பத்தை அம்மாவிடம் கூறினாள். அதற்கு அம்மா “நனைந்து விடுவோம்” என்று பதிலளித்தார்.

சில நிமிடங்களுக்குப் பிறகு சிறுமி அம்மாவை அணைத்துக் கொண்டு “காலையில் வேறு மாதிரியாகச் சொல்லிவிட்டு, தற்பொழுது வேறு மாதிரியாக நடந்து கொள்கிறீர்களே” எனக் கூறினாள். அம்மாவுக்கு அவள் சொல்வது புரியவில்லை. அவளிடம் என்னவென்று கேட்ட போது, அவள் சொன்ன வார்த்தைகள் உணர்ச்சிப் பூர்வமாக இருந்தன. அன்று காலை அவள் அப்பாவிற்கு இருக்கும் கேன்சர் நோயைப் பற்றிப் பேசிக் கொண்டிருந்த போது, கடவுள் நினைத்தால் எதையும் கடக்க உதவி செய்வார் என்று சொல்லிக் கொண்டு இருந்ததை ஞாபகப் படுத்தினாள்.

கூட்டத்தில் இருந்தவர்கள் எல்லோரும் மெளனமாக இருந்தார்கள். மழைச்சத்தம் தவிர வேறு ஒன்றும் கேட்கவில்லை. சிறுமியின் வார்த்தைகள் எல்லோரையும் யோசிக்கத் தூண்டியது. அம்மா யோசனை செய்தாள். சிறுமியின் வார்த்தைகள், வாழ்கையின் உறுதி மொழியாகத் தென்பட்டன. அவளுக்கு நம்பிக்கை வந்து விட்டது. அவள் உடனடியாகச் சிறுமியிடம், “மழையில் ஓடி விளையாடலாம், கடவுள் எல்லாவற்றையும் பார்த்துக் கொள்வார்” எனக் கூறினாள். இருவரும் மழையில் ஓடினார்கள்.

7,690

Tamil Stories தமிழ் கதைகள்

8 ஏப்., 2026, 12:40 PM

கதை #980
நோக்கமற்ற ஓட்டம்

ஒரு சிறிய கிராமத்தில், ஒரு விவசாயி வசித்து வந்தார். அவருக்கு ஒரு நாய் இருந்தது. அந்த நாய் சாலையோரம் வாகனம் வந்ததும், நாய் சாலையில் ஓடி, குரைக்கும், அதை முந்திச் செல்ல முயற்சிக்கும். இதையே ஒவ்வொரு நாளும் வழக்கமாக கொண்ட அந்த நாய் எதையாவது துரத்திக் கொண்டோ அல்லது ஏதாவது ஒரு காரணத்திற்காக குறைத்துக் கொண்டே இருக்கும்.

ஒரு நாள், பக்கத்து வீட்டுக்காரர் விவசாயியிடம், " உங்கள் நாய் எதையாவது பிடிக்க முடியும் என நினைக்கிறீர்களா?" என்று கேட்டார்.

"எனக்கு அதைப் பற்றி ஒரு கவலையும் இல்லை," விவசாயி பதிலளித்தார். "ஆனால், அது ஒருவரைப் பிடித்தால் என்ன செய்யும் என்று நினைத்தால் பயமாக இருக்கிறது."

கடின உழைப்பு முக்கியம்தான். ஆனால், ஒரு தெளிவான இலக்கு இல்லாமல், நாம் அந்த நாயைப் போல அர்த்தமற்ற செயல்களைச் செய்யாமல். ஒவ்வொரு நாளும் நாம் என்ன சாதிக்க விரும்புகிறோம் என்பதை அறிந்து கொள்வது அவசியம்.

3,650

Tamil Stories தமிழ் கதைகள்

8 ஏப்., 2026, 12:40 PM

கதை #981
எப்போது தேவையோ

துறவி ஒருவர் ஆற்றில் மூழ்கி தவம் செய்து கொண்டிருந்தார். ஒரு இளைஞன் குறுக்கிட்டு” ஐயா நான் தங்களின் சிஷ்யனாக சேர விரும்புகிறேன்” என்றான். ஆற்றிலிருந்து எழுந்தவர், ”ஏன்?” என்றார் துறவி.

அதற்கு அந்த இளைஞன் ”நான் கடவுளை அறிய விரும்புகிறேன்” என்றான்.

சட்டென்று துறவி அவன் கழுத்தின் பின்புறத்தைப் பிடித்து இழுத்து, அவன் தலையை ஆற்றினுள் முக்கினார். சிறிது நேரத்தில் மூச்சிறைத்த இளைஞன், திமுறிக் கொண்டு வெளியே வரத் துடித்தான். கடைசியாக துறவி அவனைப் பிடித்து வெளியே இழுத்தார். வெளியில் வந்த இளைஞன் இருமிக் கொண்டு பெரு மூச்செறிந்தான்.

‘ஏன் ஐயா! இப்படி செய்தீர்கள் என கேட்டான் இளைஞன்.

துறவி கேட்டார், ”நீ நீரினுள் மூழ்கி இருக்கும் போது உனக்கு என்ன தேவைப் பட்டது?” என்றார்.

”காற்று” என்றான் இளைஞன்.

”நல்லது, வீட்டுக்குச் செல். காற்று போல கடவுள் உனக்கு எப்போது தேவையோ அப்போது திரும்பி வா” என்று சொல்லி விட்டார்.

முதலில் தகுதியாக்கிக் கொள். பின்னர் ஆசைப்படு.

4,480

Showing 10 of 10 posts

No more posts