Ta’lim eksperti | Zafarshoh Amirqulov

Ta’lim eksperti | Zafarshoh Amirqulov

Public

Просмотреть канал

Не можете присоединиться? @z_amirqulov

0

672 Участники

Обновлено: May 3, 2026 at 9:15 PM

Ta’lim eksperti | Zafarshoh Amirqulov

Oliy ta’lim, texnikum va akademik litseylar bo‘yicha ekspert Zafarshoh Amirqulov kanaliga xush kelibsiz! • instagram.com/z_amirqulov • facebook.com/z.amirqulov • youtube.com/@z_amirqulov

Join @z_amirqulov for exclusive talim and litseylar content and discussions in 12

Рейтинг

Глобальный рейтинг

#456

+2

Рейтинг по языку

#45

+1

Рейтинг по категории

#23

-1

Рост участников (Последние 2 дней)

Всего: 672

Рост за 24ч: +34 5%

Loading...

Рейтинг

Требуется вход

Loading...

Loading recommended channels...

Последние посты

Ta’lim eksperti | Zafarshoh Amirqulov

28 апр. 2026 г., 23:27

📎 File

❗️Endi har yili malaka oshirishda eng yaxshi natija ko‘rsatgan 50 nafar pedagog xorijga yuboriladi!

Oliy ta’lim, fan va innovatsiyalar vazirining 134-son buyrug‘i bilan Malaka oshirishda eng yaxshi natija koʻrsatgan ishlab chiqarish taʼlimi ustalari, umumtaʼlim fanlari va maxsus fan oʻqituvchilarini aniqlash tartibi tasdiqlandi.

❓Kimlar yuboriladi?

Har yili malaka oshirish kurslarini muvaffaqiyatli tamomlagan 50 nafar ishlab chiqarish ta’limi ustalari, umumta’lim va maxsus fan o‘qituvchilari chet elda tajriba orttiradi.

📊 Saralash mezonlari:

Nomzodlar http://my.moqt.uz/ platformasidagi portfolio ko‘rsatkichlari hamda yakuniy attestatsiya (test va bitiruv ishi) ballari yig‘indisiga ko‘ra aniqlanadi.

Ballar teng kelib qolgan holatlarda xalqaro yoki milliy sertifikatga ega pedagoglarga quyidagicha qo‘shimcha ballar beriladi:

🟡 B1 daraja — 1 ball;
🟠 B2 daraja — 2 ball;
🟢 C1 va undan yuqori — 3 ball (C2 uchun alohida mezonlar mavjud).

📅 Muhim muddatlar:

🔹 15-yanvarga qadar — yakuniy ro‘yxat shakllantiriladi;
🔹 20-yanvarga qadar — Maxsus komissiya ro‘yxatni tasdiqlaydi;
🔹 Mart oyidan boshlab — xorijga yuborish jarayonlari boshlanadi.

✅ Xorijda malaka oshirib qaytgan pedagoglar o‘z texnikumidagi hamkasblari uchun seminar-treninglar o‘tkazishi shart. Ushbu imkoniyatdan foydalangan pedagoglar oradan 3 yil o‘tib qayta saralashda qatnashishlari mumkin.

👉

478

1

0

Ta’lim eksperti | Zafarshoh Amirqulov

28 апр. 2026 г., 23:27

❗️“Rektorlar maktabi” dasturi yo‘lga qo‘yiladi

Bu to‘g‘risida Vazirlar Mahkamasining qarori qabul qilindi.

✅ Unga ko‘ra, 2026-yil 1-iyuldan “Yangi O‘zbekiston” universitetida davlat oliy ta’lim tashkilotlari rektori (direktori) lavozimiga nomzodlarni tayyorlash bo‘yicha “Rektorlar maktabi” dasturi yo‘lga qo‘yiladi.

Dastur davlat oliy ta’lim tashkilotlari rektori (direktori) lavozimiga nomzodlar zaxirasini shakllantirish maqsadida tashkil etiladi.

📋 Dastur doirasida quyidagi mezonlarga mos keluvchi shaxslar ochiq tanlov asosida o‘qishga qabul qilinadi:

🔹 30 yoshga to‘lgan;
🔹 kamida magistr akademik darajasiga ega;
🔹 oliy ta’lim sohasida kamida 5 yillik ish tajribasiga ega, shu jumladan, 2 yil rahbarlik lavozimlarida ishlagan .

📙 Dastur tinglovchilarida quyidagi yo‘nalishlarda bilim va ko‘nikmalar rivojlantiriladi:

▪️ akademik, moliyaviy, ilmiy va innovatsion boshqaruv;
▪️ sun’iy intellekt va raqamlashtirish;
▪️ strategik boshqaruv va transformatsiya .

⌛️ Dasturning o‘quv jarayonlari masofaviy (onlayn) va ishlab chiqarishdan ajralgan holda (offlayn) 6 oygacha bo‘lgan muddatda tashkil etiladi.

Dasturga har yili 80 nafar tinglovchi qabul qilinadi.

Dastur yakunlari bo‘yicha eng yaxshi natija ko‘rsatgan 40 nafargacha tinglovchi Garvard universiteti va (yoki) boshqa xorijiy nufuzli oliy ta’lim tashkilotlariga malaka oshirishga yuboriladi.

👉

255

Ta’lim eksperti | Zafarshoh Amirqulov

28 апр. 2026 г., 23:27

❗️HEMIS axborot tizimida “Ijtimoiy faollik indeksi” moduli ishga tushirildi!

Endi talabalarning nafaqat darsdagi o‘zlashtirishi, balki universitet hayotidagi ijtimoiy faolligi ham raqamli tizim orqali baholanadi.

Tizimdan foydalanish tartibi juda oddiy:

1️⃣ http://my.hemis.uz/ platformasi yoki HEMIS mobil ilovasiga kiring;
2️⃣ Menyudan “Ijtimoiy faollik” bo‘limini tanlang;
3️⃣ Ariza yaratish tugmasini bosing va faoliyatingizni tasdiqlovchi hujjatlarni yuklang.

‼️ Ijtimoiy faollik indeksi uchun maksimal 20 ball beriladi. Talabaning faoliyati quyidagi 9 ta yo‘nalish bo‘yicha 100 ballik mezon asosida baholanadi:

Kitobxonlik madaniyati, “5 muhim tashabbus” doirasidagi ishtirok, volontyorlik ishlari, fan olimpiadalari va tanlovlar, teatr va muzeylarga tashriflar, sport va sog‘lom turmush tarzi, o‘quv darslariga to‘liq qatnashish, akademik tartib-intizomga rioya qilish, “Ma’rifat darslari” va boshqa tadbirlar.

Siz kiritgan ma’lumotlar universitet tyutori tomonidan ko‘rib chiqiladi va tasdiqlanadi. Davomat va o‘zlashtirish natijalari esa HEMIS tizimi orqali avtomatik tarzda shakllanadi.

👉

331

1

Ta’lim eksperti | Zafarshoh Amirqulov

28 апр. 2026 г., 23:27

❗️HEMIS tizimining yangi versiyasi e’lon qilindi! #hemis

Tizimda bir qator muhim o‘zgarishlar va yangi qulayliklar amalga oshirildi:

1️⃣ OTMlarning o‘quv jarayonida qatnashmaydigan xodimlari uchun tizimda alohida Yordamchi-texnik roli qo‘shildi;

2️⃣ Tizim “Yagona milliy mehnat tizimi” bilan bog‘landi. Endi yangi xodim qo‘shishda uning ma’lumotlari ushbu bazadan avtomatik tekshiriladi;

3️⃣ Bitiruv malakaviy ishlari va magistrlik dissertatsiyalari mavzularini tasdiqlash buyrug‘i funksiyasi ishlab chiqildi;

4️⃣ Talabalar va mas’ullar endi shartnomalar, to‘lovlar va qarzdorlik haqidagi ma’lumotlarni billing tizimi orqali real vaqt rejimida ko‘rishlari mumkin;

5️⃣ Tizim Sog‘liqni saqlash vazirligining DMED tizimi bilan integratsiya qilindi. Endi talabalarning kasallik sababli dars qoldirgani haqidagi ma’lumotlar avtomatik tarzda tekshiriladi;

6️⃣ Talaba profilida hujjatlarni plagiatga tekshirish uchun yuklash hamda mas’ullar tomonidan ushbu jarayonni boshqarish imkoniyati yaratildi;

7️⃣ Tizimga dars qoldirish sabablarini tizimlashtiruvchi yangi bo‘lim qo‘shildi.

Asosiy yangilik: Endi kasallik varaqalari uchun qo‘shimcha ovvoragarchiliklar kamayadi, chunki tizimlar bir-biri bilan bog‘landi.

👉

230

0

Ta’lim eksperti | Zafarshoh Amirqulov

28 апр. 2026 г., 23:27

❓“A level” va “International Baccalaureate” (IB) sertifikatlaridan foydalangan holda o‘qishga kirish tartibi qanday? #abituriyent

✅ JAVOB: Xuddi SAT sertifikati singari xalqaro tan olingan yuqori akademik ko‘rsatkichlarga ega abituriyentlarga oliy ta’lim muassasalariga kirishda alohida imtiyozlar beriladi:

1️⃣ “A level” sertifikati (“B” va undan yuqori daraja) — abituriyentlar oliy ta’lim muassasalariga bazaviy to‘lov-kontrakt asosida qo‘shimcha qabul kvotasi doirasida o‘qishga qabul qilinadi;

2️⃣ “International Baccalaureate” (IB) sertifikati (32 va undan yuqori ball) — abituriyentlar oliy ta’lim muassasalariga bazaviy to‘lov-kontrakt asosida qo‘shimcha qabul kvotasi doirasida o‘qishga qabul qilinadi.

Ushbu imtiyozdan foydalanish uchun sertifikatdagi fanlar abituriyent tanlagan bakalavriat ta’lim yo‘nalishidagi kirish imtihoni fanlari majmuasiga (bloklariga) mos kelishi shart.

❗️Eslatma, mazkur sertifikat egalari kirish imtihonlarida (test sinovlarida) ishtirok etmasdan, imtihonsiz shartnoma asosida talabalikka tavsiya etiladilar.

👉

359

0

Ta’lim eksperti | Zafarshoh Amirqulov

28 апр. 2026 г., 23:27

❗️Maktab bitiruvchilari uchun yagona davlat imtihonlari tizimi joriy etiladi

O‘quvchilarni qobiliyati va tanloviga qarab kasbiy yoki oliy ta’limga yo‘naltirish bo‘yicha O‘zbekiston Respublikasi Prezidenti Farmoni loyihasi https://regulation.adliya.uz/project/9359/27637?contentLang=oz

Unga ko‘ra, respublikada maktab bitiruv imtihonlari va oliy ta’limga kirish sinovlarini birlashtiruvchi Yagona davlat imtihonlari tizimi yo‘lga qo‘yiladi.

✅ 9-sinf bitiruvchilari uchun bitiruv hamda professional ta’limga qabul imtihonlarini o‘z ichiga olgan asosiy davlat imtihonlari joriy etilib, uning tarkibi 2 ta majburiy fan (ona tili va matematika) hamda 2 ta tanlov fanidan iborat bo‘ladi.

✅ 11-sinf bitiruvchilari uchun esa bitiruv hamda OTM yoki professional ta’limga qabul imtihonlarini o‘z ichiga oluvchi yagona davlat imtihonlari yo‘lga qo‘yiladi va unda o‘quvchilar 2 ta majburiy fan (ona tili va matematika) hamda bakalavriat yo‘nalishiga mos 2 ta tanlov fanidan sinov topshiradilar.

Tizimning asosiy muddatlari va tartibiga ko‘ra, imtihonlar uchun ro‘yxatdan o‘tish har yili 1-yanvardan 31-martga qadar davom etadi. Mazkur jarayonlar 2026-2027-o‘quv yilida Navoiy, Farg‘ona, Toshkent viloyatlari va Qoraqalpog‘istonda tajriba-sinovdan o‘tkazilib, 2027-2028-o‘quv yili yakunidan boshlab butun respublika bo‘ylab to‘liq amaliyotga kiritilishi belgilanmoqda.

Milliy yoki xalqaro sertifikatga ega shaxslar tegishli fandan imtihondan ozod etiladi va maksimal ball beriladi. Nogironligi bo‘lgan shaxslarga imtihon topshirish uchun 50 foiz qo‘shimcha vaqt va alohida sharoitlar (surdotarjimon, Brayl alifbosi va hk.) taqdim etiladi. Kam ta’minlangan oila farzandlari uchun bepul onlayn diagnostik testlar tashkil etiladi.

📝 Muhokamalarda faol ishtirok etib, takliflaringizni http://regulation.gov.uz/ sayti orqali qoldiring

👉

Ta’lim eksperti | Zafarshoh Amirqulov

28 апр. 2026 г., 23:27

🏠 Oliy toifali o‘qituvchilar uchun uy-joy subsidiyasiga ariza berish boshlanmoqda!

Iqtisodiyot va moliya vazirligi tomonidan pedagoglar uchun ipoteka krediti bo‘yicha boshlang‘ich badalning 25 foiz qismini qoplab berish uchun arizalar qabul qilinishi https://t.me/minecofinuz

⏰ Vaqti: 2026-yil 20-aprel, soat 14:00 dan boshlab.

❓Kimlar ariza topshirishi mumkin?

🔹 Oliy malaka toifasiga (bosh o‘qituvchi lavozimiga) ega bo‘lgan;
🔹 Kamida 15 yil pedagogik ish stajiga ega bo‘lgan;
🔹 O‘zida yoki turmush o‘rtog‘ida 2 va undan ortiq uy-joyi bo‘lmagan pedagoglar.

📝 Qanday topshiriladi?

▪️ Davlat xizmatlari markazlari orqali;
▪️ MyGov mobil ilovasi orqali;
▪️ http://my.gov.uz/ portali orqali.

❗️Ariza topshirishdan oldin OneID https://t.me/MyGovUz banklarga kredit tarixingizni ko‘rish uchun ruxsat bergan bo‘lishingiz lozim. Aks holda, kredit tarixingizni o‘rganish imkoni bo‘lmaydi va arizangiz rad etiladi.

🏦 Dasturda ishtirok etuvchi banklar: Agrobank, Xalq banki, Milliy bank, Ipotekabank, Asakabank va boshqa yirik tijorat banklari (jami 15 ta).

👉

366

Ta’lim eksperti | Zafarshoh Amirqulov

28 апр. 2026 г., 23:27

❗️Texnikumlar va akademik litseylar uchun milliy reytinglar joriy etildi hamda milliy reytingdagi Top 50 texnikumlar 1.2 mlrd so‘mgacha rag‘batlantirilishi mumkin

Adliya vazirligi O‘rta maxsus va kasbiy ta’lim tashkilotlarining milliy reytingini yuritish va kasbiy ta’lim tashkilotlarini rag‘batlantirish tartibi to‘g‘risidagi idoraviy hujjatni davlat ro‘yxatidan o‘tkazdi (ro‘yxat raqami 3816, 15.04.2026-y.).

🏛 Texnikumlar va akademik litseylarning milliy reytinglari Ta’lim sifatini ta’minlash agentligi tomonidan alohida yuritiladi.

✅ Milliy reyting ma’lumotlari quyidagi manbalardan shakllantiriladi:

➖ vazirlik va idoralarning axborot tizimlaridagi ma’lumotlar;
➖ ta’lim tashkilotlari tomonidan kiritiladigan hujjatlar;
➖ umummilliy so‘rovnoma natijalari.

💰 Har yili 10-oktabrga qadar o‘tgan yil uchun milliy reyting natijalari e’lon qilinadi.

📝 Bunda, har yili 30-mayga qadar o‘quvchilar, pedagoglar va ish beruvchilar o‘rtasida umummilliy so‘rovnoma o‘tkaziladi.

💸 Milliy reytingda eng yuqori o‘rinlarni egallagan 50 ta texnikum BHMning 3000 baravari miqdorida rag‘batlantiriladi hamda rag‘batlantirish to‘lovi sifatida ajratilgan mablag‘larni quyidagi maqsadlar uchun yo‘naltirishga ruxsat beriladi:

▪️ 80 foiz – moddiy-texnika bazasini mustahkamlash;
▪️ 20 foiz – rahbar va xodimlarni moddiy rag‘batlantirish.

👉

352

Ta’lim eksperti | Zafarshoh Amirqulov

28 апр. 2026 г., 23:27

📷 Photo

❗️Agrar OTMlarda yangi o‘quv yilidan 7 ta 3 yillik bakalavr yo‘nalishlariga qabul bo‘ladi

2026/2027-o‘quv yilidan boshlab agrar oliy ta’lim muassasalarida kadrlar tayyorlash tizimi https://lex.uz/uz/docs/-8130293. Endilikda quyidagi 7 ta bakalavriat yo‘nalishi bo‘yicha ta’lim muddati 3 yilni tashkil etadi:

Tuproq bonitirovkasi va yer degradatsiyasi (60810300);
Agrokimyo va tuproqshunoslik (60810200);
Meva-sabzavotchilik va uzumchilik (60811000);
Ipakchilik va tutchilik (60810900);
O‘rmonchilik va aholi yashash joylarini ko‘kalamzorlashtirish (60820100);
Suv bioresurslari va akvakultura (60830100);
Dorivor o‘simliklarni yetishtirish va qayta ishlash texnologiyasi (60811100).

https://x.com/kasb_edu

198

Ta’lim eksperti | Zafarshoh Amirqulov

28 апр. 2026 г., 23:27

❓Talaba qanday hollarda oraliq va yakuniy imtihonlarga kiritilmasligi mumkin?

✅ JAVOB: Oliy ta’lim muassasalarida talabalar bilimini nazorat qilish va baholash tizimi to‘g‘risidagi Nizomga ko‘ra, talabaning imtihonlarda ishtirok etishini cheklovchi aniq holatlar belgilab qo‘yilgan.

Bu borada har bir talaba bilishi shart bo‘lgan eng muhim tartiblar bilan tanishing:

1️⃣ Eng asosiy sabab — dars qoldirish. Agar talaba muayyan fan bo‘yicha o‘quv mashg‘ulotlarining 25 foizi va undan ortig‘ini sababsiz qoldirgan bo‘lsa, u ushbu fan bo‘yicha imtihonga qo‘yilmaydi.

❗️Eslatma: Sababli (kasallik yoki rasmiy ruxsatnoma) qoldirilgan darslar bu hisobga kirmaydi.

2️⃣ Nizomga ko‘ra, talaba yakuniy nazoratga kirishi uchun oraliq nazorat(lar)ni topshirgan bo‘lishi shart. Oraliq nazoratni topshirmagan yoki ushbu nazorat turi bo‘yicha “2” (qoniqarsiz) baho olgan talaba yakuniy nazoratga kiritilmaydi.

3️⃣ Imtihon jarayonida quyidagi holatlar aniqlansa, talaba jarayondan chetlashtiriladi:

🔹 ID-karta yoki talaba guvohnomasi mavjud bo‘lmasa;
🔹 Imtihonga telefon, shpagalka yoki boshqa taqiqlangan vositalarni olib kirishga urinsa;
🔹 Akademik etika qoidalarini buzsa (boshqasining o‘rniga kirish yoki yordam so‘rash).

4️⃣ Akademik qarzdorlik va kursdan qolish:

🔹 3 tagacha fandan qarzi bor talabaga qayta topshirish uchun 1 oy muddat beriladi.
🔹 Fanlardan akademik qarzdorligi 4 ta va undan ko‘p bo‘lgan talabalarga qayta topshirishga ruxsat berilmaydi va ular kursdan qoldiriladi.

❓Kontrakt qarzdorligi bo‘lsa-chi?

Ko‘pchilik dekanatlar tomonidan qo‘llaniladigan “kontraktni to‘lamasang imtihonga kirmaysan” degan talab mutlaqo g‘ayriqonuniy.

Talabaning kontrakt to‘lovidan qarzdorligi uning bilimini nazorat qilish jarayonlaridan (na oraliq, na yakuniy imtihonlardan) chetlatishga asos bo‘la olmaydi.

Biroq, muhim bir jihatni unutmang:

Kontraktni o‘z vaqtida to‘lamaslik imtihonga kirmaslikka sabab bo‘lmasa-da, OTMda sizni shartnoma shartlarini bajarmaganingiz uchun talabalar safidan chiqarish huquqi mavjud. Shu bois, bu borada juda ehtiyot bo‘lishingizni va to‘lovlarni kechiktirmaslikni tavsiya qilaman.

Barcha jarayonlar HEMIS tizimi orqali nazorat qilinishini inobatga olib, dars qoldirish foizini va oraliq ballaringizni doimiy kuzatib borishingizni tavsiya qilaman.

👉

Ta’lim eksperti | Zafarshoh Amirqulov

15 апр. 2026 г., 04:56

❗️Oliy taʼlim, fan va innovatsiyalar vazirligiga qoʻshimcha vakolatlar berilmoqda

Taʼlim tashkilotlariga qabul qilish boʻyicha davlat komissiyasining quyidagi vakolatlari oʻtkaziladi:

🔹 bakalavriat va magistraturaga qabul natijalarini tasdiqlash;

🔹 oʻqishga tavsiya etilgan abituriyentlar uchun kontrakt toʻlovlarini amalga oshirish va ularni talabalikka qabul qilish boʻyicha hujjatlarni rasmiylashtirishning soʻnggi muddatini belgilash;

🔹 bir davlat oliygohidan boshqasiga talabalarning oʻqishini koʻchirish toʻgʻrisidagi arizalarni koʻrib chiqish va oʻqishini koʻchirish maqsadga muvofiqligi toʻgʻrisida tavsiya berish;

🔹 imtiyozga ega abituriyentlarni talabalikka tavsiya qilish;

🔹 xorijiy davlatlar fuqarolari, jumladan, xorijdagi vatandoshlar uchun ajratilgan grant oʻrinlariga talabalikka tavsiya etish.

✅ Bundan faqat Prezident hujjatlari bilan oliy ta’lim tashkilotlariga mustaqil qaror qabul qilish vakolati berilgan hollar mustasno.

Shuningdek, 2026-yil 1-sentyabrdan boshlab:

🔹 davlat oliygohlarining rektori (xorijiy oliygoh filialining mahalliy rektori yoki direktori, ijrochi direktori)ni boʻysunuvi boʻyicha tegishli vazirlik va idora rahbari tavsiyasiga koʻra Prezident Administratsiyasi va Vazirlar Mahkamasi bilan kelishilgan holda lavozimga tayinlash va lavozimidan ozod etish;

🔹 davlat oliygohining filiali direktorini oliy taʼlim tashkiloti rektorining tavsiyasiga asosan lavozimga tayinlash va lavozimidan ozod etish;

🔹 davlat oliygohlari rektorlari (direktorlari)ga intizomiy choralar koʻrish hamda prorektorlarni (direktor oʻrinbosarlarni) lavozimdan ozod etish boʻyicha bajarilishi majburiy boʻlgan taqdimnomalar kiritish;

🔹 xorijiy va nodavlat oliygohlar tomonidan beriladigan oʻz namunasidagi diplom va uning ilovasida aks ettirilishi shart boʻlgan maʼlumotlarning minimal talabini belgilash;

🔹 magistratura mutaxassisliklari va oliy taʼlimdan keyingi taʼlim ixtisosliklariga qabul qilishda talab etiladigan xorijiy til sertifikati darajalarini https://t.me/eduuz

👉

Ta’lim eksperti | Zafarshoh Amirqulov

15 апр. 2026 г., 04:56

❗️Tanlovlarga kelib tushgan arizalarni koʻrib chiqish jarayonlarida bosqichma-bosqich sunʼiy intellekt texnologiyalari joriy etiladi

✅ Farmonga ko‘ra:

➖ Innovatsion rivojlanish agentligi tomonidan tashkil etiladigan tanlovlarga kelib tushgan arizalarni koʻrib chiqish jarayonlarida
bosqichma-bosqich sunʼiy intellekt texnologiyalari joriy etiladi.

➖ Innovatsion rivojlanish agentligi huzuridagi Yoshlar innovatsiya markazi negizida Startaplarni qoʻllab-quvvatlash markazi tashkil etiladi;

➖ Raqamli taʼlim va sunʼiy intellektni rivojlantirish markazi oliy, kasbiy va oʻrta maxsus taʼlim sohasida axborot tizimlarini yaratish, sunʼiy intellektni joriy etish va qoʻllab-quvvatlash boʻyicha yagona integrator hisoblanadi. Bunda:

🔹 mavjud axborot tizimlari va maʼlumotlar bazalarini oʻzaro integratsiya qilish orqali xavfsiz, barqaror va markazlashgan maʼlumot almashinuvini taʼminlaydigan yagona integratsiyalashgan raqamli ekotizim yaratiladi;

🔹 “Oliy taʼlim jarayonlarini boshqarish — HEMIS”, “Akademik litseylarda taʼlim jarayonlarini boshqarish – EMIS” va “Kasbiy taʼlim jarayonlarini boshqarish – EMIS KT” axborot tizimlari yagona integratsiyalashgan raqamli ekotizimning bosh axborot tizimlari hisoblanadi;

🔹 Vazirlik va uning tizimidagi tashkilotlar hamda taʼlim tashkilotlariga Raqamli taʼlim va sunʼiy intellektni rivojlantirish markazi bilan toʻgʻridan toʻgʻri shartnomalar tuzish huquqi beriladi;

🔹 Vazirlik huzuridagi Yoshlarning innovatsion tashabbuslarini qoʻllab-quvvatlash ofisi faoliyati “jalb etish – saralash – takomillashtirish – moliyalashtirishga tavsiya etish – joriy etish” tamoyillari asosida tashkil https://t.me/eduuz

👉

Ta’lim eksperti | Zafarshoh Amirqulov

15 апр. 2026 г., 04:56

❗️Oliy taʼlim, fan va innovatsiyalar vaziri oʻrinbosari Innovatsion rivojlantirish agentligiga ham rahbarlik qiladi

✅ Farmonga ko‘ra:

➖ Innovatsion rivojlanish agentligining mavjud shtat birliklari doirasida oliy taʼlim, fan va innovatsiyalar vaziri oʻrinbosari – Innovatsion rivojlanish agentligi direktori hamda 2 ta direktor oʻrinbosari lavozimlari joriy etiladi.

➖ tegishli fan yoʻnalishlari boʻyicha ilmiy-texnik kengashlar Oliy taʼlim, fan va innovatsiyalar vazirligi tizimidan Innovatsion rivojlanish agentligiga oʻtkaziladi.

➖ Raqamli taʼlim texnologiyalarini rivojlantirish markazi negizida Raqamli taʼlim va sunʼiy intellektni rivojlantirish markazi tashkil etiladi.

➖ Innovatsiyalarni joriy qilish va texnologiyalar transferi milliy ofisi hamda Yoshlar akademiyasi negizida Yoshlarning innovatsion tashabbuslarini qoʻllab-quvvatlash ofisi faoliyati yo‘lga qo‘yiladi.

➖ Shuningdek, oliy taʼlim tizimini doimiy rivojlantirib borish maqsadida Oliy taʼlim muassasalarini rivojlantirish jamgʻarmasiga byudjetdan 2026-yilda qoʻshimcha 20 mlrd soʻm ajratiladi, 2027-yildan boshlab har yili 70 mlrd soʻm nazarda tutiladi.

👉

116

0

Ta’lim eksperti | Zafarshoh Amirqulov

15 апр. 2026 г., 04:56

#Qonunchilik_yangiliklari Oliy taʼlim, fan va innovatsiyalar tizimi “5 T” – taʼlim, tarbiya, tadqiqot, tijoratlashtirish va tizimli takomillashtirish tamoyili asosida rivojlantiriladi ☑️Oʻzbekiston Respublikasi Prezidentining “Oliy taʼlim, fan va innovatsiyalar…

174

0

0

Ta’lim eksperti | Zafarshoh Amirqulov

15 апр. 2026 г., 04:56

#Qonunchilik_yangiliklari Oliy taʼlim, fan va innovatsiyalar tizimi “5 T” – taʼlim, tarbiya, tadqiqot, tijoratlashtirish va tizimli takomillashtirish tamoyili asosida rivojlantiriladi ☑️Oʻzbekiston Respublikasi Prezidentining “Oliy taʼlim, fan va innovatsiyalar…

175

0

0

Ta’lim eksperti | Zafarshoh Amirqulov

15 апр. 2026 г., 04:56

#Qonunchilik_yangiliklari

Oliy taʼlim, fan va innovatsiyalar tizimi “5 T” – taʼlim, tarbiya, tadqiqot, tijoratlashtirish va tizimli takomillashtirish tamoyili asosida rivojlantiriladi

☑️Oʻzbekiston Respublikasi Prezidentining “Oliy taʼlim, fan va innovatsiyalar tizimini takomillashtirishning qoʻshimcha chora-tadbirlari toʻgʻrisida” 2026-yil 10-apreldagi PF–58-son Farmoni qabul qilindi.

⭐️Unga koʻra, sohani rivojlantirishda yangi – “5 T” (taʼlim, tarbiya, tadqiqot, tijoratlashtirish va tizimli takomillashtirish) tamoyili joriy etiladi.

📱Farmon bilan “U 10 – Oʻzbekistonning global darajadagi ilgʻor universitetlari” dasturi yoʻlga qoʻyiladi.

➡️Innovatsion rivojlanish agentligi tomonidan ilmiy klaster tashkil etish loyihasi boʻyicha oʻtkaziladigan tanlovda gʻolib boʻlgan 10 ta oliygohga milliy tadqiqot universiteti maqomi beriladi.

➡️Ilmiy klaster loyihasi – milliy tadqiqot universiteti – mahalliy oliy taʼlim tashkilotlari – nufuzli xorijiy oliy taʼlim tashkiloti – ilmiy tashkilot – soha tashkilotlari ishtirokidagi yaxlit tizim hisoblanadi.

💰Eng muhimi, ilmiy klaster loyihasi 150 milliard soʻmgacha boʻlgan miqdorda moliyalashtiriladi.

❔Ilmiy klaster loyihasi boʻyicha tanlovda gʻoliblar qanday aniqlanadi?

➡️Tanlov xalqaro miqyosda tan olingan Top-300 reytingga kirgan xorijiy oliy taʼlim tashkilotlari bilan birgalikda oʻtkaziladi. Ishtirokchilar quyidagi mezonlar boʻyicha baholanadi:

🟢 loyihaga jalb etilgan professor-oʻqituvchilar va olimlarning salohiyati,
🟢 ishtirokchi oliygohlarning milliy hamda xalqaro reytinglardagi oʻrni;
🟢 oliy taʼlim (ilmiy) tashkilotlarning ilmiy va moddiy-texnik bazasi hamda loyihani birgalikda moliyalashtirishdagi qoʻshadigan ulushi gʻolibni aniqlashda asosiy vazifani bajaradi.

👉

Ta’lim eksperti | Zafarshoh Amirqulov

15 апр. 2026 г., 04:56

❗️Maksimal ball beruvchi chet tili sertifikatlari #abituriyent

Bakalavriat ta’lim yo‘nalishlariga hujjat topshirgan va belgilangan darajadagi milliy yoki xalqaro sertifikatga ega abituriyentlarga chet tili fanidan imtihonlarsiz maksimal ball beriladi.

⬇️ Tillar va talab etiladigan darajalar bo‘yicha batafsil:

🇬🇧 Ingliz tili:

• Milliy sertifikat — B2 va undan yuqori;
• International English Language Testing System — Academic IELTS 5.5;
• Test of English as a Foreign Language — TOEFL iBT 72;
• Cambridge English Qualifications — B2 First, C1 Advanced, C2 Proficiency.

🇯🇵 Yapon tili:

• Milliy sertifikat bo‘yicha — B2 va undan yuqori.

🇩🇪 Nemis tili:

• Milliy sertifikat yoki Goethe-Zertifikat, Deutsches Sprachdiplom (DSD), Test Deutsch als Fremdsprache (TestDaF) tizimlari bo‘yicha — B2 va undan yuqori.

🇫🇷 Fransuz tili:

• Milliy sertifikat bo‘yicha — B2 va undan yuqori.

🌍 Boshqa tillar:

• Milliy sertifikat yoki xalqaro imtihon tizimlari bo‘yicha — B2 va undan yuqori.

Eslatma: Ushbu imtiyoz test sinovlari (yoki kasbiy/ijodiy imtihon) majmuasiga chet tili fani kiritilgan barcha yo‘nalishlar uchun amal qiladi.

👉

159

0

Ta’lim eksperti | Zafarshoh Amirqulov

15 апр. 2026 г., 04:56

❗️“Eng yaxshi oliy ta’lim ixtirochisi” respublika tanloviga arizalar qabuli boshlandi!

Innovatsion rivojlanish agentligi oliy ta’lim tashkilotlari professor-o‘qituvchilari va talabalari o‘rtasida ixtirochilik faoliyatini qo‘llab-quvvatlash maqsadida mazkur tanlovni https://t.me/innovatsion_rivojlanish

Tanlovning asosiy shartlari va talablari:

🔹 Davlat oliy ta’lim tashkilotlarida faoliyat yuritayotgan professor-o‘qituvchilar va tahsil olayotgan talabalar;
🔹 Talabgor aniq bir ixtiroga yoki foydali modelga ega bo‘lishi lozim. Ilgari ushbu tanlovda qatnashgan loyihalar qayta qabul qilinmaydi;
🔹 Sun’iy intellekt, IT, muhandislik, qayta ishlash, tabiiy fanlar, ekologiya, qishloq xo‘jaligi, sog‘liqni saqlash, arxitektura va transport logistikasi;
🔹 Tanlov uch bosqichda (OTT ichki saralashi — Hududiy bosqich — Respublika bosqichi) bo‘lib o‘tadi;
🔹 Energotejamkorlik, ekologik tozalik, ijtimoiy ahamiyat, tayyorlik darajasi (maket/prototip), eksportboplik va patent mavjudligi.

Arizalar 2026-yil 11-mayga qadar qabul qilinadi. Saralash bosqichi natijalari eʼlon qilingan kundan boshlab bir kun muddatda g‘olib bo‘lgan talabgorlar arizalarni onlayn http://ixtiro.ilmiy.uz/ platformasi orqali hududiy bosqichga yuboradilar.

Muhim: Platformaning majburiy (*) kataklari to‘ldirilmagan yoki muallif bo‘lmagan shaxslar tomonidan yuborilgan arizalar ko‘rib chiqilmaydi. Ma’lumotlarning haqqoniyligi uchun loyiha rahbari shaxsan javobgar.

📞 Ma’lumot uchun: +998-71-203-32-23 (ichki raqam: 244).

👉

Ta’lim eksperti | Zafarshoh Amirqulov

15 апр. 2026 г., 04:56

❗️Talabalarga shaxsiy qaydnoma ochish funksionali takomillashtirildi #hemis

HEMIS tizimida talabalarga shaxsiy qaydnoma yaratish jarayoni yanada tartibga solindi. Endilikda shaxsiy qaydnomalar faqat “Ta’lim buyruqlari” orqali rasman ruxsat berilgan talabalar uchungina shakllantiriladi.

Shaxsiy qaydnoma bilan ishlashning yangi tartibi:

1️⃣ Buyruqni rasmiylashtirish

Dastlab Ta’lim buyruqlari bo‘limi orqali shaxsiy qaydnoma berish to‘g‘risida buyruq loyihasi tayyorlanadi, unga tegishli talabalar biriktiriladi va buyruq mas’ullar tomonidan imzolanadi.

2️⃣ Talabani tanlash

O‘zlashtirish/shaxsiy qaydnoma bo‘limiga kiriladi. Yangi qaydnoma qo‘shish sahifasida faqatgina yuqoridagi bosqichda buyrug‘i imzolangan va tasdiqlangan talabalar ro‘yxati ko‘rinadi.

3️⃣ Qaydnoma yaratish

Ro‘yxatdan kerakli talaba tanlanadi va shaxsiy qaydnoma bilan ishlash jarayoni avvalgi tartibda davom ettiriladi.

‼️ Muhim eslatma!

🔹 Agar bir talaba uchun bir nechta alohida buyruq rasmiylashtirilgan bo‘lsa, talaba ismi ro‘yxatda bir necha bor chiqadi va har bir buyruq uchun alohida shaxsiy qaydnoma yaratish imkoni bo‘ladi.
🔹 Agar biror buyruq asosida talabaga allaqachon shaxsiy qaydnoma ochilgan bo‘lsa, tizim aynan shu buyruq bo‘yicha ikkinchi marta qaydnoma yaratishga ruxsat bermaydi.

👉

171

Ta’lim eksperti | Zafarshoh Amirqulov

15 апр. 2026 г., 04:56

❗️Xorijiy davlatlarda ilmiy daraja olganlik toʻgʻrisidagi hujjatlarni tan olish tartibi belgilandi

Hukumat qarori (161-son, 09.04.2026 y.) “Xorijiy davlatlarda ilmiy daraja olganlik toʻgʻrisidagi hujjatlarni tan olish boʻyicha davlat xizmatini koʻrsatish”ning maʼmuriy reglamenti tasdiqlandi.

Xorijiy davlatlar attestatsiya organlari yoki xorijiy davlatlar qonunchiligiga muvofiq tegishli oliy taʼlim tashkilotlari tomonidan talabgorlarga berilgan ilmiy darajalar haqidagi hujjatlar vakolatli organ tomonidan ekspertizadan oʻtkazilgan holda yoki ilmiy ekspertizasiz toʻgʻridan-toʻgʻri tan olinadi va nostrifikatsiya qilinadi.

📝 Talabgor davlat xizmatidan foydalanish uchun davlat xizmatlari markazlariga murojaat qiladi hamda YAIDXP ( http://my.gov.uz/)da roʻyxatdan oʻtadi.

📋 Soʻrovnomaga quyidagi hujjatlar ilova qilinadi:

▪️ ilmiy daraja olganlik toʻgʻrisidagi hujjat (notarial tasdiqlangan);
▪️ dissertatsiyaning nusxasi.

💰 Hujjatni tan olish boʻyicha davlat xizmatini koʻrsatganlik uchun talabgordan BHMning 1 baravari miqdorida yigʻim undiriladi.

⏳ Ilmiy daraja olganlik toʻgʻrisidagi hujjatning haqiqiyligi tasdiqlangandan soʻng 20 kun ichida ilmiy ekspertizadan oʻtkaziladi.

Bunda ijobiy xulosa berilganda, nostrifikatsiya qilingani toʻgʻrisidagi guvohnoma beriladi yoki salbiy xulosa beriladi.

✅ Davlat xizmatini koʻrsatish natijasida shakllantirilgan guvohnomalar elektron hujjatlar repozitoriysida saqlanadi.

👉

177

Showing 20 of 20 posts

No more posts