Vardan Voskanyan's Channel

Public

Не можете присоединиться? @vardan_voskanyan

7k Участники

Обновлено: May 27, 2026 at 5:04 AM

Vardan Voskanyan's Channel

Opinion and analysis Կարծիք և վերլուծություն Мнение и анализ

Join @vardan_voskanyan for exclusive opinion and analysis content and discussions in 12

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 14 дней)

Всего: 7.0K

Рост за 24ч: +0 0%

Последние посты

Vardan Voskanyan's Channel

15 мая 2026 г., 08:25

🎥 Video

Իրանի նախկին ԱԳ նախարար, այժմ Թեհրանից այդ երկրի խորհրդարանի պատգամավոր Մանուչեհր Մոթթաքին իրանական պետական հեռուստատեսության եթերում փաստացի մեղադրանքներ է հնչեցրել Բաքվի բարբարոսական վարչախմբի հասցեին։

Նա հայտարարել է, որ մասնագետների կարծքով՝ Իսրայելի կողմից Իրանի հյուսիսում իրականացված հարձակումների ընթացքում օգտագործվել է արհեստածին Ադրբեջանի օդային տարածքը։ Կան տեղեկություններ, որ օգտագործվել են նաև այդ երկրի օդանավակայանները և իրականացվել է իսրայելական ինքնաթիռների վառելիքի լիցքավորում։

Իրանական լրատվական տիրությում տարբեր մակարդակներով չի դադարում Բաքվի բարբարոսական վարչախմբի հասցեին նման մեղադրանքների հոսքը, ինչը հանգեցնում է նաև հանրային տրամադրությունների այնպիսի մթնոլորտի ձևավորմանը, որը հետպատերազմական շրջանում, անշուշտ, ազդելու է Իրանի հանդեպ թշնամանքը պաշտոնական մակարդակում հնարավորին թաքցնել փորձող Բաքվի բարբարոսական վարչախմբի նկատմամբ իրանական պետական դիրքորոշման վրա։

#հարափոփոխ_տարածաշրջանը

🆔 https://t.me/vardan_voskania

3,430

Vardan Voskanyan's Channel

15 мая 2026 г., 08:25

📷 Photo

Ինչպես մինչ այս էլ գրել էի, Իրանի այժմյան իշխանությունը չի հնչեցնում որևէ սպառնալիք, որը չի իրականացնելու։

Իրանական «Թուսքա» բեռնատար նավի վրա ամերիկյան ռազմանավի հարձակմանն ի պատասխան, այսօր Իրանի ԻՀՊԿ-ի ռազմածովային ուժերը խոստացված պատասխան հարձակումն են գործել, առանց իրանական թույլտվության, Հորմուզի նեղուցով անցնելու փորձ կատարած երեք բեռնատար նավի վրա, որոնցից երկուսը կալանվել և ուղղորդվել են իրանական նավահանգիստներ։

Իրանական կողմի պնդմամբ՝ դրանցից մեկը կապ է ունեցել Իսրայելի հետ։

Ցանցում հայտնվել է Հորմուզի նեղուցում իրանական հրթիռակիր մոտորանավակների շարժի արբանյակային լուսանկար, որից կարելի է մոտավոր պատկերացում կազմել, թե ինչպես են ԻՀՊԿ-ի ռազմածովային ուժերը կիրառում «մեղվի պարսի» ասիմետրիկ մարտավարությունը, երբ մի քանի տասնյակ հրթիռներով և ԱԹՍ-ներով զինված փոքր մոտորանավակներ միաժամանակ կարող են հարձակում գործել թշնամական խոշոր ռազմանավի վրա՝ կաթվածահար անելով դրա տեխնոլոգիապես ավելի առաջադեմ և թանկարժեք պաշտպանական համակարգերը։

#հարափոփոխ_տարածաշրջանը

🆔 https://t.me/vardan_voskania

Vardan Voskanyan's Channel

15 мая 2026 г., 08:25

Միանգամայն ընկալելի է այն զայրույթը, որը, բնականաբար, պետք է առաջ գա, երբ Բաքվի բարբարոսական վարչախումբը քանդում է Արցախի որևէ եկեղեցի կամ հուշարձան։

Բայց այլ կերպ, ցավոք, լինել չի կարող, քանզի այդ վարչախումբի բնույթը և դրա դավանած «արժեքներն» ու «գաղափարախոսությունը» հենց բարբարոսական են։

Նույնքան զարմանալի է, սակայն, որ մեզանում դեռևս կենսունակ են մանկամիտ և վտանգավոր պատրանքները այդ վարչախմբի բազմիցս ապացուցված իրական էության մասին։

Մենք՝ որպես ազգ և պետություն, ցավալիորեն, չենք ցանկանում առերեսվել պարզագույն այն իրականությանը, որ բարբարոսները հասկանում են միայն մեկ լեզու, և այդ լեզուն ուժի լեզուն է։

Իսկ քանի դեռ կենսունակ է լիովին անհիմն այն պատրանքը, թե դրանց բոլոր անպատվաբեր պահանջները բավարարելով, ամեն ինչ լավ կլինի, ոչ միայն քանդվելու են մեր եկեղեցիները, այլ նաև աստիճանաբար ավերվելու է մեր՝ որպես ազգի և պետության, դիմակայունությունը։

#չՀայաստանը

🆔 https://t.me/vardan_voskania

3,770

101

Vardan Voskanyan's Channel

15 мая 2026 г., 08:25

Օմանի ծոցում ամերիկյան ռազմանավի հարձակումը իրանական բեռնատար «Թուսքա» նավի վրա, Իրանի ԱԳՆ-ի կողմից գնահատվել է՝ որպես հրադադարի բացահայտ խախտում, իսկ իրանական ԶՈւ-երը սպառնացել են իրականացնել պատասխան վրեժխնդրության գործողություն։

Իրավիճակի նման սրումը տեղի է ունենում Իսլամաբադում Իրանի և ԱՄՆ-ի միջև նախատեսվող բանակցությունների երկրորդ փուլին ընդառաջ, երբ ամերիկյան պատվիրակության ինքնաթիռն արդեն վայրէջք է կատարել Պակիստանի մայրաքաղաքում։

Այսօր առավոտյան Իրանի ԱԳՆ խոսնակ Բաղային հայտարարել էր, որ իր ասուլիսի պահին իրանական կողմը բանակցություններին մասնակցության որոշում դեռևս կայացրել։

Պակիստանյան աղբյուրների պնդմամբ՝ Իսլամաբադի միջնորդական առաքելության հիմնական գործող անձ ֆելդմարշալ Ասիմ Մունիրը իրանական նավի վրա հարձակման դեպքի վերաբերյալ իր երկրի անհանգստությունն է հայտնել ԱՄՆ-ի նախագահ Թրամփն՝ փորձելով առաջ մղել բանակցությունների չտապալման օրակարգը և զուգահեռաբար կրկին խոսել է իրանական կողմի հետ։

Չնայած դրան, իրանական կողմից բանակցություններին մասնակցելու վերաբերյալ որևէ հաստատում առայժմ չկա, թեև Պակիստանում հավանական են համարում վաղվա ընթացքում իրանական պատվիրակության ժամանումը։

Աշխարհում տիրող այսօրվա անկայուն իրավիճակի առանձնահատկությունն այն է, որ այն կարող է փոխվել նույնիսկ րոպեների ընթացքում, և այս օրինաչափությունից զերծ չեն նաև Իրան - ԱՄՆ բարդագույն հարաբերությունները։

#հարափոփոխ_տարածաշրջանը

🆔 https://t.me/vardan_voskania

3,130

Vardan Voskanyan's Channel

15 мая 2026 г., 08:25

Իրանագիտության դասական դպրոցի ներկայացուցիչների համար Իրան - ԱՄՆ պատերազմը նաև «խոսում է» իրանական տարբեր լեզուներով և բարբառներով՝ խոսում են իրանական տեղանունները, հրթիռների, ԱԹՍ-ների, զորամիավորումների և նույնիսկ նավերի անունները։

Դիցուք՝ այսօր ամերիկյան ռազմանավի կողմից հարձակման ենթարկված իրանական «Թուսքա» բեռնատար նավի անունը գիլաներենով և մազանդարաներենով «լաստենի» ծառի անվանումն է։

Կեչազգիների ընտանիքի այս ծառը, մասնավորապես, բնորոշ է Իրանի հենց մերձկասպյան շրջանների՝ Գիլանի և Մազանդարանի բնաշխարհին։

#դարձիր_իրանագետ

🆔 https://t.me/vardan_voskania

3,180

Vardan Voskanyan's Channel

15 мая 2026 г., 08:25

Իրանական պատվիրակությունը չի մեկնելու Պակիստանի մայրաքաղաք՝ բանակցելու ԱՄՆ-ի ներկայացուցիչների հետ։

Պաշտոնական Թեհրանը ուղիղ հայտարարում է, որ չի բանակցելու այնքան ժամանակ, քանի դեռ ամերիկյան ուժերը իրականացնում են Իրանի ծովային շրջափակում, ինչի ընթացքում խախտում են նաև հրադադարի պայմանավորվածությունը։

Ըստ ոչ պաշտոնական աղբյուրների՝ Սպիտակ տանը սկսվել է խորհրդակցություն, և առաջիկա 24 ժամերը լինելու են վճռորոշ, քանի որ ավարտվելու է կողմերի միջև երկշաբթյա հրադադարի ժամկետը։

Մինչդեռ առայժմ պարզ չէ՝ ընդհանրապես բանակցություններ կլինե՞ն, թե՝ ոչ, իսկ բանակցությունների այլընտրանքը կարող է լինել պատերազմի վերսկսումը։

Առաջիկայում ԱՄՆ-ի նախագահ Թրամփը կրկին հայտնվելու է բարդագույն որոշում կայացնելու շեմին՝ շարունակե՞լ անարդյունավետ և ռիսկային պատերազմը, թե երկարաձգել հրադադարի ժամկետը։

#հարափոփոխ_տարածաշրջանը

🆔 https://t.me/vardan_voskania

3,430

Vardan Voskanyan's Channel

15 мая 2026 г., 08:25

📷 Photo

Այսօր Հուշարձանների պաշտպանության օրն է, և մենք՝ որպես ազգ և պետություն, չկարողացանք պաշտպանել մեր սրբի մասունքների վրա մեր իշխանուհու ջանքով կառուցված և մեր հերոսի խիզախումով ազատագրված մեր այս հոյակերտ սրբատեղի-հուշարձանը՝ այն հանձնելով թշնամուն, և որ ավելի սարսափելի է՝ «արդարացնելով» այդ նողկալի արարքը։

#չՀայաստանը

🆔 https://t.me/vardan_voskania

2,920

Vardan Voskanyan's Channel

15 мая 2026 г., 08:25

Քիչ առաջ Իրանի Իսլամական հեղափոխության պահապանների կորպուսի ռազմածովային ուժերի հասարակայնության հետ կապերի բաժինը տարածել է հայտարարություն, որ Հորմուզի նեղուցն այսօր երեկոյան կրկին փակվել է։

Ըստ այդ հայտարարության՝ ԱՄՆ-ը չի կատարել իր պարտավորությունները, և շարունակել է Իրանի ծովային շրջափակումը, ուստի յուրաքանչյուր նավ, որը Պարսից և Օմանի ծոցերի ջրերում կփորձի մոտենալ նեղուցին կամ անցում կատարել դրանով, կդիտարկվի՝ որպես «թշնամու հետ համագործակցող» և կդառնա իրանական հարվածի թիրախ։

Շաբաթներ առաջ գրել էի, որ Իրանի դեմ այս պատերազմի հիմնական խնդիր է դառնում Հորմուզի նեղուցը, բայց իրանական կողմն ունի լարվածության աստիճանը բարձրացնելու ևս մեկ հնարավորություն՝ Եմենում իր դաշնակից «Անսարալլահի» (հութիներ) միջոցով սահմանափակելու Բաբ էլ-Մանդեբի նեղուցով նավարկությունը։

#հարափոփոխ_տարածաշրջանը

🆔 https://t.me/vardan_voskania

3,360

Vardan Voskanyan's Channel

15 мая 2026 г., 08:25

📷 Photo

Իրանի ԱԳ նախարար Արաղչին «X» սոցիալական ցանցում գրառմամբ հայտարարել է, որ Հորմուզի նեղուցը բացվում է բոլոր առևտրական նավերի համար, սակայն դրանք պետք է նավարկեն բացառապես իրանական Նավահանգիստների և Նավագնացության կազմակերպության նախանշած ուղով։

Իրանն այս քայլին է գնացել միայն այն բանից հետո, երբ հրադադար է հաստատվել Լիբանանում, և նեղուցով նավարկության շարունակականությունը ուղղակիորեն կապել է այդ հրադադարի հետ։

Իրականում այս քայլով պաշտոնական Թեհրանը հստակորեն ցույց է տալիս, որ նախ՝ ամբողջությամբ կառավարում է Հորմուզի նեղուցը, երկրորդը՝ իր դաշնակից լիբանանյան «Հիզբալլահի» շահերի պաշտպանությունը համարում է «կարմիր գիծ», և չի պատրաստվում նրան թողնել միայնակ, և ի վերջո՝ հստակորեն կատարում է իր պարտավորությունները ԱՄՆ-ի հետ հրադադարի համատեքստում, և նեղուցը բացում է, ըստ նախօրոք պայմանավորվածության՝ միայն բոլոր ճակատներում հրադադարի հաստատման դեպքում։

Միևնույն ժամանակ Հորմուզի նեղուցը փակ է մնում բոլոր ոչ իրանական ռազմանավերի համար։

#հարափոփոխ_տարածաշրջանը

🆔 https://t.me/vardan_voskania

Vardan Voskanyan's Channel

15 мая 2026 г., 08:25

Իրանի և ԱՄՆ-ի միջև շարունակվում է հռետորաբանական պատերազմը, և այս համատեքստում Իրանի խորհրդարանի նախագահ Ղալիբաֆը շատ կոշտ հայտարարություններով է հանդես եկել՝ ԱՄՆ-ի նախագահին մեղադրելով սոցիալական ցանցում կեղծ պնդումներ անելու մեջ։

Ղալիբաֆը նշել է, որ «Հորմուզի նեղուցի բաց կամ փակ լինելը և դրա վրա տարածվող կարգավորումները որոշում է մարտադաշտը, այլ ոչ թե՝ սոցիալական ցանցերը»։

Իրանն ի մոտո ճանաչող ցանկացած անձ գիտե, որ իրանցիների հետ սպառնալիքի, պահանջների և պարտադրանքի լեզվով խոսելն անարդյունավետ է, քանի որ նրանց հնարավոր է համոզել, նրանց հետ կարելի է պայմանավորվել, բայց նրանց պարտադրելն, ըստ էության, անհնարին է։

Եվ երբ ԱՄՆ-ի հերթական պաշտոնյան նույնիսկ բանակցություններից հետո զարմանում է, թե ինչո՞ւ իրանցիները չեն վախենում և տուրք չեն տալիս սպառնալիքներին , պահանջներին, վերջնագրերին և պարտադրանքի փորձերին, ապա դա նշանակում է, որ նրա՝ ներկայիս Իրանի մասին պատկերացումները, մեղմ ասած, հիմնսզուրկ են։

#հարափոփոխ_տարածաշրջանը

🆔 https://t.me/vardan_voskania

2,870

Vardan Voskanyan's Channel

5 апр. 2026 г., 09:33

Երեկ Իսրայելի վարչապետ Նեթանյահուն նախօրոք ձայնագրված ելույթում նշում էր, որ Հորմուզի նեղուցի իրանական արգելափակումը պայմաններ է ստեղծել, որպեսզի ապագայում իր երկիրը Պարսից ծոցի արաբական միապետությունների հետ համաձայնության գա կառուցելու նավթամուղեր և այդ երկրների նավթն արտահանելու Իսրայելի տարածքով։

Սա ակնհայտ անիրատեսական հեռանկար է, քանի որ Պարսից ծոցի արաբական միապետություններում, եթե իշխանությունը գնա նման գործարքի, ապա կարող է հարուցել «արաբական փողոցի» չափազանց վտանգավոր հուզումներ։

Միևնույն ժամանակ, այսօր «Ալ-Ջազիրայի» արաբական ծառայությանը հարցազրույցում Իրանի ԱԳ նախարար Արաղչին խոսում էր հետպատերազմական Պարսից ծոցի տարածաշրջանի ճակատագրի մասին՝ նշելով, որ ամերիկյան ռազմակայանները ոչ թե պաշտպանում, այլ վտանգում են արաբական երկրների անվտանգությունը, ուստի կարիք է լինելու նոր՝ Իրան - արաբական երկրներ, տարածաշրջանային անվտանգության համակարգ ստեղծելու։

Կասկած չկա, որ այս պատերազմը ցանկացած ելքի դեպքում էլ անճանաչելիորեն փոխելու է ոչ միայն Պարսից ծոցի տարածաշրջանի, այլ նաև ողջ Մերձավոր Արևելքի պատկերը՝ ազդելով նաև հարակից և ավելի հեռու տարածաշրջանների վրա։

#հարափոփոխ_տարածաշրջանը

🆔 https://t.me/vardan_voskanian

2,190

Vardan Voskanyan's Channel

5 апр. 2026 г., 09:33

📷 Photo

Երեկ երեկոյան Իրանը Դուբայի նավահանգստում ԱԹՍ-ով հարված է հասցրել Քուվեյթին պատկանող՝ աշխարհի ամենամեծ «Ալ Սալմի» նավթատար նավին, որը ամբողջությամբ բեռնավորված էր։

Իրանական հարվածը տեղի է ունեցել այն բանից հետո, երբ ԱՄՆ-ի նախագահը գրառմամբ սպառնալիք էր հնչեցրել, որ եթե Իրանը չբացի Հորմուզի նեղուցը և չընդունի ԱՄՆ-ի բանակցային նախապայմանները, ապա կթիրախավորվեն իրանական էներգետիկ ենթակառուցվածքները, նավթահորերը և նույնիսկ ջրի աղազրկման գործարանները։

Նավթատար նավին այս հարվածն, ըստ ամենայնի, նախազգուշացում էր՝ ցույց տալու, որ Իրանի պատասխանը ԱՄՆ-ի նման հնարավոր գործողությանը լինելու է շատ խիստ։

Իսկ, եթե իրանցիները, դիցուք, որոշեն հարվածել Իսրայելի և Պարսից ծոցի արաբական երկրների ջրի աղազերծման գործարաններին, ապա տարածաշրջանի բոլոր երկրները կբախվեն լրջագույն մարդասիրական աղետի, և շատ բնակավայրեր ուղղակի կվերածվեն անապատի։

#հարափոփոխ_տարածաշրջանը

🆔 https://t.me/vardan_voskanian

Vardan Voskanyan's Channel

5 апр. 2026 г., 09:33

📷 Photo

ԱՄՆ-ի նախագահ Թրամփի վերջին գրառումը գրեթե ուղղակիորեն նշանակում էր, որ ԱՄՆ-ին Հորմուզի նեղուցը պետք չէ, և նեղուցը պիտի բացեն այն երկրները, որոնք օգտվում են դրանից։

Սա ամենևին չի նշանակում, որ, դիցուք, մեկ ժամ հետո ԱՄՆ-ի նախագահն իր նախորդ գրառմանը հակասող այլ հայտարարություն չի անի, բայց փաստ է, որ Հորմուզի նեղուցի խնդրի ռազմական լուծման հեշտ ճանապարհ գոյություն չունի։

Ըստ «Economist»-ի՝ պատերազմի սկզբի՝ փետրվարի 28-ի, համեմատությամբ, Իրանն այժմ օրական երկու անգամ ավելի շատ եկամուտ է ստանում իր նավթի վաճառքից, քանի որ միայն իրանական նավթն է, առանց լրացուցիչ ընթացակարգերի և խոչընդոտների, անցնում Հորմուզի նեղուցով։

Այս անզուգաչափ պատերազմի առանձնահատկություններից մեկն էլ այն է, որ ԱՄՆ-ի նախագահը կարող է ամեն օր հայտարարել, որ արդեն հաղթել է Իրանին, բայց նավթային շոշափելի գումարները հոսում են հենց Թեհրան։

#հարափոփոխ_տարածաշրջանը

🆔 https://t.me/vardan_voskanian

Vardan Voskanyan's Channel

5 апр. 2026 г., 09:33

🎥 Video

Այսօր առավոտյան Իրանը ակտիվորեն հրթիռակոծում է Իսրայելի տարածքը։

Ուշագրավ է, որ չնայած ակնհայտ քարոզչական այն պնդումներին, թե, իբր, խաթարվել է կապը ԻՀՊԿ-ի տարբեր ստորաբաժանումների միջև, Իրանը նույնիսկ կարողանում է ներդաշնակել իր հարվածները լիբանանյան «Հիզբալլահի» և Եմենի հութիների հետ, որոնք իրականացնում են համաժամանակյա գործողություններ։

Նեթանյահուի կառավարությունում այլևս չեն խոսում Իրանում իշխանափոխության մասին, իսկ իսրայելցի փորձագետները պնդում են, որ Իրանն ի վիճակի է մինչև պատերազմի վերջին րոպեն հարվածներ հասցնել այդ երկրին։

#հարափոփոխ_տարածաշրջանը

🆔 https://t.me/vardan_voskanian

2,600

Vardan Voskanyan's Channel

5 апр. 2026 г., 09:33

📷 Photo

Իրանի ԱԳՆ նախարար Արաղչին «X» սոցիալական ցանցի իր էջում Հայաստանի մասին շնորհակալական գրառում է կատարել հենց հայերենով։

Հայաստանը Իրանի միակ քրիստոնյա հարևանն է, իսկ հայ-իրանական սահմանը, պատմական տարբեր ժամանակահատվածներում փոփոխություններով հանդերձ, աշխարհում երբևէ գոյություն ունեցած ամենահին սահմաններից մեկը երկու պետությունների միջև։

Հայերս և իրանցիները միմյանց ճանաչում ենք հազարամյակներ շարունակ։

#հարափոփոխ_տարածաշրջանը

🆔 https://t.me/vardan_voskanian

3,320

Vardan Voskanyan's Channel

5 апр. 2026 г., 09:33

📷 Photo

ԱՄՆ-ի նախագահ Թրսմփի հերթական գրառման սպառնալիքը Պարսից ծոցում գտնվող իրանական Խարգ կղզին գրավելու մասին, եթե նույնիսկ տեղի ունենա, ապա, ըստ էության, ոչինչ չի փոխի Հորմուզի նեղուցի ճակատագրում։

Մոտ 25 քառակուսի կիլոմետր տարածքով այս կղզու միջոցով է արտահանվում Իրանի նավթի առյուծի բաժինը, սակայն այդ նավթը, միևնույն է՝ պետք է անցնի Հորմուզի նեղուցով, որպեսզի մտնի միջազգային շուկա, իսկ նեղուցը կառավարվում է Իրանի կողմից։

Այնպես որ, բացի նման գործողության՝ ԱՄՆ-ի համար ռազմական ռիսկերից, կղզու գրավումը ու միայն չի իջեցնի նավթի համաշխարհային գները, այլ ընդհակառակը՝ նկատելիորեն կարող է բարձրացնել դրանք։

Հետևաբար այսպիսի ճանապարհով գնալն այս պահին խոշոր հաշվով ստեղծելու է միայն էլ ավելի փակուղային իրավիճակ։

#հարափոփոխ_տարածաշրջանը

🆔 https://t.me/vardan_voskanian

2,580

Vardan Voskanyan's Channel

5 апр. 2026 г., 09:33

📷 Photo

Օրեր առաջ Իսրայելի վարչապետ Նեթանյահուն քամահրանքով էր խոսել Հիսուս Քրիստոսի մասին՝ նշելով, որ «Հիսուսը ոչնչով ավելի լավ չէր, քան Չինգիզ խանը»։

Դեպի Իսրայել արձակված հրթիռներից մեկի վրա իրանցիները փակցրել են գրառում՝ «Ի վրեժ Քրիստոսի բոլոր տառապանքների համար»:

#հարափոփոխ_տարածաշրջանը

🆔 https://t.me/vardan_voskanian

2,730

169

Vardan Voskanyan's Channel

5 апр. 2026 г., 09:33

📷 Photo

Երկու օր առաջ, երբ իսրայելական կողմը սկսեց հարվածներ հասցնել իրանական քաղաքացիական արդյունաբերությանը, Իրանը սպառնաց, որ զուգաչափ պատասխան հարված կհասցնի Իսրայելին և տարածաշրջանում ամերիկյան ներգրավվածությամբ ցանկացած արդյունաբերական ենթակառուցվածքի։

Երեկ իրանցիները բավական հուժկու հարված էին հասցրել ԱՄԷ-ի Աբու Դաբիի արդյունաբերական հատվածին, իսկ այսօր խոցել են Իսրայելի հարավի արդյունաբերական գոտիներից մեկը։

Ըստ իսրայելական ԶԼՄ-ների, հարվածը մեծ վնաս էր պատճառվել, և փակվել է դեպի այդ գոտի տանող ճանապարհը, քանի որ մտավախություն կա վտանգավոր նյութերի արտահոսքի։

Բազմիցս եմ գրել, որ այս պատերազմում արդեն իսկ փաստվել է, որ իրանական կողմը ջանք է դնում իրականացնելու իր բոլոր սպառնալիքները, և զուտ խորհրդանշական հարվածներ այլևս չեն իրականացվում։

#հարափոփոխ_տարածաշրջանը

🆔 https://t.me/vardan_voskanian

2,510

Vardan Voskanyan's Channel

5 апр. 2026 г., 09:33

🎥 Video

Իսրայելի ռազմական գրաքննությունը թուլացրել է այդ երկրի ՀՕՊ համակարգերի աշխատանքի մասին տեղեկատվության տրամադրման արգելքը, քանի որ իրանական հրթիռների հաջող հարվածները հարցեր են առաջացրել տեղի լրագրողների շրջանում։

Այժմ արդեն նույնիսկ հեռուստաեթերում Իսրայելում հայտարարում են, որ իսրայելական բանակը ստիպված է վտանգել այդ երկրի քաղաքացիների կյանքը, որովհետև հակահրթիռային թանկարժեք համակարգերի զինամթերքի պակաս է զգացվում։

Ընդ որում, այդ հանգամանքը թաքցվել էր նաև 12-օրյա պատերազմի ընթացքում, երբ Իսրայելը իրանական հրթիռները որսալու համար օգտագործել էր ամերիկյան «THAAD» ՀՕՊ համակարգերի ամբողջ զինամթերքի մեկ երրորդը։

Ի դեպ, ըստ ԱԲ-ի՝ այդ համակարգի մեկ հրթիռն արժե մոտ 12-15 միլիոն դոլար։

#հարափոփոխ_տարածաշրջանը

🆔 https://t.me/vardan_voskanian

2,480

Vardan Voskanyan's Channel

5 апр. 2026 г., 09:33

📷 Photo

Իրանական ոչ զուգաչափ (ասիմետրիկ) պատերազմի փորձը շատ ավելի հզոր և թանկարժեք բանակների դեմ պայքարելու լավագույն օրինակներից է։

Որքան էլ պարադոքսալ թվա, հենց Իրանի նկատմամբ տասնամյակներ շարունակ կիրառված խիստ պատժամիջոցներն են պատճառ դարձել, որպեսզի այս երկիրը, զրկված լինելով արտասահմանյան զենք և զինամթերք կամ տեխնոլոգիաներ գնելու հնարավորությունից, կարողանա զարգացնել զինատեսակների սեփական էժան արտադրությունը, և ինչը ոչ պակաս կարևոր է՝ հնարավորին արդյունավետ կերպով կիրառել դրանք։

Սեփական արտադրության տեխնոլոգիապես ոչ ամենաարդիական և էժան, սակայն ոչ պակաս արդյունավետ զինատեսակներով աշխարհաքաղաքական հսկայական կարևորության տարածքի վրա վերահսկողության սահմանման իրանական ռազմաքաղաքական արվեստի դասական ապացույցը Հորմուզի նեղուցն է հենց այսօր։

Լուսանկարում աշխարհի ամենաթանկ և ամենատեխնոլոգիկան ամերիկյան հետախուզական ինքնաթիռն է, որը խոցվել է մոտ 30 հզ. դոլար արժողությամբ իրանական ԱԹՍ-ով Սաուդյան Արաբիայում։

#հարափոփոխ_տարածաշրջանը

🆔 https://t.me/vardan_voskanian

Vardan Voskanyan's Channel

1 апр. 2026 г., 09:21

📷 Photo

Շատերն են գրում Հորմուզի նեղուցի կարևորության տարբեր բաղադրիչների մասին, բայց դրանցից մեկը կարծես թե դուրս է մնացել ուշադրությունից։

Նեղուցի նկատմամբ իրանական ամբողջական վերահսկողությունը և կառավարումը նշանակում է Իրանի վերահսկողություն ծրագրվող մի քանի միջազգային տրանսպորտային միջանցքների վրա։

Դրանցից մեկը, մասնավորապես, Հնդկաստանը ԱՄԷ-ին, Սաուդյան Արաբիային և Իսրայելին կապող, իսկ այնուհետ դեպի Հունաստան շարունակվող միջազգային տրանսպորտային հանգույցն է, որի ճակատագիրը կախված է Հորմուզի նեղուցում իրավիճակից։

Նեղուցը սեփական վերահսկողության տակ վերցնելով Իրանը նաև փակում է այս ճանապարհով Իսրայելի տարանցիկ երկիր դառնալու հնարավորությունը։

Իրակսնում Հորմուզի նեղուցի վերհսկողությամբ Իրանը ստացել է խիստ կարևոր խաղաքարտ՝ ազդելու, առանց չափազանցության, ողջ Մերձավոր Արևելքի ապագայի վրա։

#հարափոփոխ_տարածաշրջանը

🆔 https://t.me/vardan_voskanian

Vardan Voskanyan's Channel

1 апр. 2026 г., 09:21

Չնայած երեկ ԱՄՆ-ի պետքարտուղար Ռուբիոն պնդում էր, որ իր երկիրը չի պատրաստվում Իրանի դեմ ցամաքային գործողության, ամերիկյան լրացուցիչ զինվորական մարդուժի տեղափոխումը Մերձավոր Արևելք փաստ է։

Զորակազմի նման ավելացումն ինքնին խոսում է այն մասին, որ պատերազմը չի ընթանում այն հունով, որը ծրագրել էին ԱՄՆ-ը և Իսրայելը։

Իրանական կողմում առայժմ փորձագիտական մակարդակով քննարկվում են ցամաքային ներխուժման դեպքում անզուգաչափ պատասխանների հնարավորությունները, որոնցից մեկը ենթադրում է Իրանի հարավ-արևմուտքից Իրաքի իրանամետ ուժերի օժանդակությամբ Քուվեյթի ամերիկյան ռազմակայանների ուղղությամբ ցամաքային միջանցքի բացումը և դրանց գրավումը։

Իրանական հնարավոր ցամաքային հարձակման երկրորդ ուղղություն է դիտարկվում Իրաքի քրդական ինքնավարության տարածքում հակաիրանական ուժերի ռազմական ճամբարների գրավումը։

#հարափոփոխ_տարածաշրջանը

🆔 https://t.me/vardan_voskanian

2,640

Vardan Voskanyan's Channel

1 апр. 2026 г., 09:21

Այսօր լրացավ ուղիղ մեկ ամիս Իրանի դեմ սանձազերծված պատերազմից։

Եթե փորձենք ամփոփել կողմերի աշխարհաքաղաքական ձեռքբերումները, ապա, որքան էլ պարադոքսալ թվա, հենց այս պահին միակ ձեռքբերումն ունի Իրանը։

Դա Հորմուզի նեղուցի իրանական լիակատար վերահսկողությունն ու կառավարումն է, որն էլ առաջիկայում լինելու է այս պատերազմի հանգուցային խնդիրը։

#հարափոփոխ_տարածաշրջանը

🆔 https://t.me/vardan_voskanian

2,020

Vardan Voskanyan's Channel

1 апр. 2026 г., 09:21

🎥 Video

Իրանի դեմ պատերազմից ի վեր, Բաքվի բարբարոսական վարչախմբի գրեթե ողջ քարոզչամեքենան տարբեր մակարդակներով լծված է հակաիրանականության քարոզին։

Նույնիսկ այն դեպքում, երբ Իրանի տարածքում թիրախավորվում են թյուրքախոս իրանցիներով (որոնց արհեստածին Ադրբեջանում պաշտոնապես դիտարկում են, իբր, «ադրբեջանական սփյուռք) բնակեցված ատրպատականյան բնակավայրերն, այդ քարոզչությունը չի դադարում աջակցել Իսրայելին։

«Ադրբեջանը միավորվի՛, Թավրիզը մայրաքաղաք լինի՛» պանթյուրքական կարգախոսը գոռալուց կոկորդները գրեթե պատռող Բաքվի իրանատյաց և հայատյաց քարոզիչներն այժմ ոչ միայն չնկատելու են տալիս Թավրիզի, Ուրմիայի և Ատրպատականի այլ բնակավայրերի նաև քաղաքացիական ենթակառուցվածքներին հասցվող իսրայելական հարվածները, այլ նաև դրանց շարքում ամենատխրահռչակներից մեկն Իսրայելի ռուսալեզու հեռուստաալիքի սպասված հյուրն է։

#հարափոփոխ_տարածաշրջանը

🆔 https://t.me/vardan_voskanian

3,240

Vardan Voskanyan's Channel

1 апр. 2026 г., 09:21

🎥 Video

Այս հուզիչ կադրերում՝ Իրանի հարավային Հորմոզգան նահանգի ծովափնյա մի վայրում իրանցի աղջնակն անխռով ճոճվում է ճոճանակի վրա, այն դեպքում, երբ քիչ հեռու՝ թշնամական օդային հարվածների հետևանքով բարձրացող թանձր ծուխն է։

Հազարամյակների պատմության ընթացքում եղել են դեպքեր, երբ Իրանը հնարավոր է եղել նույնիսկ գրավել, բայց հաղթել այս հինավուրց ազգին՝ անհնարին։

#մեր_բարեկամ_Իրանը

🆔 https://t.me/vardan_voskanian

2,500

100

Vardan Voskanyan's Channel

1 апр. 2026 г., 09:21

📷 Photo

ԱՄՆ-ի նախագահ Թրամփը «Truth» սոցիալական ցանցում արած գրառմամբ արդեն երկրորդ անգամ հետաձգեց Իրանի էներգետիկ ենթակառուցվածքներին հարված հասցնելու սպառնալիքը։

Հիշեցնեմ, որ նա Իրանին Հորմուզի նեղուցը բացելու համար սկզբնապես տվել էր 48 ժամ, այնուհետ՝ 5 օր, իսկ այժմ ևս 10 օրով հետաձգել է սպառնալիքի ժամկետը։

Իրականում Հորմուզի նեղուցը ռազմական ճանապարհով բացելու համար հեշտ լուծումներ չկան, իսկ նավթի գինը չափազանց կարևոր է ԱՄՆ-ում ներքաղաքական պայքարում։

#հարափոփոխ_տարածաշրջանը

🆔 https://t.me/vardan_voskanian

2,260

Vardan Voskanyan's Channel

1 апр. 2026 г., 09:21

🎥 Video

Իսրայելի բանակի ԳՇ պետ Զամիրն արդեն հանրայնորեն հայտարարել է, որ իր «բանակը քանդվում է» մարդկային ռեսուրսի բացակայության պատճառով։

Բանն այն է, որ «Հիզբալլահի» դեմ Լիբանանում նոր ճակատի բացումը պահանջում է զգալի մարդկային ռեսուրսի ներգրավում, և այս հարցում կարծես թե տարաձայնություն կա Իսրայելի քաղաքական և զինվորական ղեկավարության միջև։

Հենց նման խորապատկերին երեկ Իրանը հայտարարեց մեկ միլիոն պահեստազորայինների զորակոչի մասին, որը նաև ակնհայտ հոգեբանական ճնշման քայլ է։

Այս պատերազմում իրանական կողմն արդեն իսկ շատ հմտորեն օգտագործում է իր աշխարհագրության առավելությունը, իսկ հիմա թեկուզ նաև միայն քարոզչական դաշտում սկսել է օգտագործել մոտ 95 միլիոն բնակչություն ունենալու ընձեռած հնարավորությունը։

#հարափոփոխ_տարածաշրջանը

🆔 https://t.me/vardan_voskanian

2,170

Vardan Voskanyan's Channel

1 апр. 2026 г., 09:21

📷 Photo

Որքան էլ պարադոքսալ թվա, Իրանը պատերազմի սկզբից ի վեր սկսել է ստանալ շատ ավելի մեծ եկամուտներ իր նավթագազային ոլորտի արտադրանքի վաճառքից, քան մինչև պատերազմն էր։

Հորմուզի նեղուցի ամբողջական կառավարումն այս երկրին հնարավորություն է տվել գրեթե անսահմանափակ կերպով արտահանել սեփական նավթագազային ռեսուրսները՝ հատկապես համաշխարհային շուկայում դրանց գնաճի պայմաններում, և նեղուցով տարանցման դիմաց գումարներ գանձել այլ երկրների նավթատար նավերից։

Ամերիկյան պատժամիջոցների պարտադրված մեղմացումն իրանական նավթի նկատմամբ, նույնպես նոր հնարավորություն է ստեղծել։

Պարսից ծոցի անխտիր բոլոր երկրներից նավթի և հեղուկ գազի արտահանման ծավալների աղետալի նվազման պայմաններում, ըստ իրանական կողմի՝ մոտ 4 տոկոսով աճել է Իրանի նավթի արտահանումը, իսկ 2019թ. ի վեր առաջին անգամ Հնդկաստանը սկսել է գնել իրանական հեղուկ գազ։

#հարափոփոխ_տարածաշրջանը

🆔 https://t.me/vardan_voskanian

Vardan Voskanyan's Channel

1 апр. 2026 г., 09:21

🎥 Video

Մի քանի օր առաջ Հորմուզի նեղուցի հարավային ափին՝ Օմանի Մուսանդամ թերակղզու ծովափնյա Կումզար ավանում, խոսվող իրանական լեզուներից մեկի՝ կումզարիի մասին։

Պատկերավոր ասած, կարելի է պնդել, որ Հորմուզի նեղուցն իրանալեզու է, քանի որ դրա թե՛ հյուսիսային ափն ու իրանական կղզիները և թե՛ հարավային ափը խոսում են հարավ-արևմտյան իրանական նույն բարբառախմբի խոսվածքներով, որոնք փոխադարձաբար հասկանալի են դրանցով խոսողներին և բավականին մոտ՝ գրական պարսկերենին, չնայած ունեն նաև զգալի հնչյունական և ձևաբանական առանձնահատկություններ։

Կից ներկայացված տեսանյութում Օմանի Կումզար ավանի երեխաները նշում են, որ արաբերեն սովորում են միայն դպրոցում, և այն հարցին, թե ինչպե՞ս են կումզարի լեզվի թվականները, հանգիստ սկսում հաշվել մեկից մինչև քսան։

Պարսկերեն կամ արևմտաիրանական այլ լեզուներ՝ քրդերեն, թալիշերեն և այլն, իմացողներն, առանց որևէ դժվարության կհասկանան այդ լեզուներից իրենց արդեն ծանոթ թվականները, իսկ նարդու բոլոր սիրահարները կճանաչեն 1-6 թվականները։

#դարձիր_իրանագետ

🆔

2,350

Vardan Voskanyan's Channel

1 апр. 2026 г., 09:21

🎥 Video

Ըստ իսրայելական բանակի մամուլի քարտուղար Դեֆրինի՝ քիչ առաջ հեռարձակված հատուկ հայտարարության՝ այսօր ամբողջ օրը չեն դադարել լիբանանյան «Հիզբալլահի» և իրանական հրթիռային հարվածներն Իսրայելի ուղղությամբ։

Ըստ իսրայելական կողմի՝ գրանցվել են «լուրջ զոհեր», և կան վիրավորներ։

Դատելով այն բանից, որ Իսրայելում անհրաժեշտություն է զգացվել բանակի խոսնակի հատուկ հայտարարության, կարծես թե իրավիճակը բավականին դժվար է, հատկապես, եթե հաշվի առնենք, որ Իսրայելի ԶՈւ-երի շտաբի պետն այսօր ավելի վաղ նշել էր, որ բանակում զգացվում է զինվորականների պակաս։

Ուշագրավ է, որ հենց խոսնակի ելույթի ժամանակ գրանցվել է Իսրայելի հյուսիսի վրա հրթիռային հերթական հարձակումը Լիբանանից։

#հարափոփոխ_տարածաշրջանը

🆔 https://t.me/vardan_voskanian

2,260

Showing 30 of 43 posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

Vardan Voskanyan's Channel

Vardan Voskanyan's Channel

Рейтинг

Рост участников (Последние 14 дней)

Последние посты

Рейтинг

Отзывы пользователей (0)

Похожие каналы Telegram

СаМИ

ДВ Главное

Котики Нейросеть

Абхазия будущего

саня ты в порядке

Благотворительный фонд Закят

Жуковец

ВД «АКТИВ»

Похожие каналы Telegram

СаМИ

ДВ Главное

Котики Нейросеть

Абхазия будущего

саня ты в порядке

Благотворительный фонд Закят

Жуковец

ВД «АКТИВ»

Отзывы пользователей (0)

Последние посты